MW21521_03DD59མན་ངག་ཨ་ཏི་ཡོ་གའི་ཆོས་སྐོར།All versions of this work

'phags pa spyan ras gzigs ting nge 'dzin rtse gcig gi rgyud

Text

ff. 448b–454b · 13 folio sides

  1. 448b

    mas bskor ba du ma byas nas/ bcom ldan kun tu bzang pos/ 'jam dpal dri ma med pa lta ba thod rgal bstan pas/ bdag cag rjes su yi rang ngo // sdud pa po 'jam/ dpal dri ma med pa/ zhu ba po mkha' 'gro ma nyi ma'i 'phreng bas zhus pa/ lta ba thod rgal gyi rgyud ces bya ba rdzogs so// // rgya rgya rgya/ gsang ngo // rgya gar skad du/ Ar+ya pa lo kir ti shwa ra sa ma ti e ka tan tra nA ma/ bod skad du/ 'phags pa spyan ras gzigs ting nge 'dzin rtse gcig gi rgyud ces bya ba/ dpal kun tu bzang po la phyag 'tshal lo// 'di skad bdag gis thos pa dus gcig na/ bcom ldan 'das dpal kun tu bzang po la spyan ras gzigs seng gi rnam par rtse ba dang mkha' 'gro rnams kyis rab tu bskor/ rang byung byin rlabs ston pa'i dus// byin gyis brlabs kyi ye shes shar ba'i tshebastan pa rang snang shugs tshod la// ting 'dzin rtse gcig brgyud pa'o// de nas mkha' 'gro nyi ma'i 'phreng ba yis// chos nyid brdal ba'i pho brang du// bcom ldan kun tu bzang po la// lta ba rkyen thub ji ltar lags// bsam gtan rkyen thub ji ltar lags// spyod pa rkyen thub ji ltar lags// gnyid log rkyen thub ji ltar

  2. 449a

    lags// rmi lam rkyen thub ji ltar lags// bar do rkyen thub ji ltar lags// ye shes rkyen thub ji ltar lags// nges shes rkyen thub ji ltar mag/ lags/ byug+sa gas sbyin thugs gas/ 'dzum n+dan shAg+sa/ rnaMs rnam pa/ na pa mkha' 'gro nyi ma'i 'phreng // nga yis khyod la bstan par bya// zhes gsungs so// ting nge 'dzin rtse gcig gi rgyud las/ zhus pa dang lan gnang ba'i le'u ste dang po'o// kun tu bzang pos bka' stsal po// nyon cig rdo rje mkha' 'gro ma// b+ha ba rkyen thub mi thub gnyis// rkyen thub 'di ltar shes par gyis// rang snang thig le'i glong chen la// rgyu med pa la rkyen med pas// phyi nang med par lta ba'i gdengs// zang thal shar bas gnyen po med// skye med rdo rje rang snang ba// gnyen bopos choms pa'i skabs med pas// lta ba klong chen rtsol sgrub grol// ye grol thig le rang la shar// ma byas rang sgro lta ba'i mchog/ skye med rnam dga'ub chub klong // phyi nang med pas man shel 'dra// dpe zla med pas nam mkha' 'dra// rgyu rkyen med pas nyi ma 'dra// thams cad rdzogs pas nor bu 'dra// lta ba lkog gyur stong nyid

  3. 449b

    mkhan// da lta sbyangs na phyi dus 'debs// sangs rgyas phyi dus mkhan po de// lta ba rkyen khar shor ba yin// rkyen thub rkyen nyid las grol ba// gnyis med lta ba rang la snang / tade ni lta ba rkyen thub yin// zhes gsungs so// ting nge 'dzin rtse gcig gi rgyud las/ lta ba rkyen med ngo sprod kyi le'u ste gnyis pa'o// / / bcom ldan kun tu bzang po yis// rdo rje mkha' 'gro'i tshogs rnams la// bsam gtan rkyen thub bstan pa ni// bsam gtan chen po thun gcig po// bsam gtan rang sgo bying rmugs sel// rang byung nyams las grol ba yi// rtse gcig ye shes nyams las grol// nyams myong bag chags phrag dog chung // phra mo'i rtog pa rang sar/ dag/ yengs sa med pa rig pa khri gnad// yengs su me pa rtse gcig 'ching // bying rmugs rgod dang khro ba kun// kun kyang grogs su shes gyur na// sgom pa rkyen thub rtse gcig yin// bying rmugs rgod dang 'phro ba rnams// dgug pa gsang ba bya mi dgoso// ye shes rang shar bying rgod kyang // rang grol 'ub chub rtse mor phyin// thun tshad gzung du gcig por 'dus// nyag gcig rtog sgom nyams las 'das// ye shes sgom pa ma yin te// ye shes sgom du blo snang med// blo snang sgoms pas rkyen mi thug/

  4. 450a

    ngo bo blo snang rang sgo de// ye shes rang shar ting 'dzin rkyen thub yin// zhes gsungs so// rtse gcig rang sgo'i le'u las/ mtha' grol rkyen thub kyi le'u ste gsum pa'o// / bcom ldan kun tu bzang po yis// rdo rje mkha' 'gro 'khor bcas la// spyod pa rkyen thub bstan pa ni// rang byung shugs byung spyod pa ni// snang srid thug phrad shes pa ni// shes rab thabs kyi spyod pa ste// byas spyod ma yin rang shar la// bzang rtog ngan rtog tshogs su spyod// sgyispyod med ring shir 'ung chub dang // mnyam par shes pas yul med de// spyod po slong ldan rkye na mi b+hU // dug sngar 'bar bde bar spyod// rang byung grogs su shar ba rkyen rnams thub// snang ba 'od gsal phyi yi rkyen thub yin// tshogs drug rang dag nang gi rkyen thub yin// 'gyu ba dang sa sangs gsang ba'i rkyen thub yin// rol pa rang grol ngo bo'i rkyen thub yin// zhes gsungs so// ting nge 'dzin rtse gcig gi rgyud las/ spyod pa rkyen thub kyi le'u ste bzhi pa'o// // bcom ldan kun tu bzang po yis// gnyid log rkyen thub bstan pa ni// nyon cig rdo rje mkha' 'gro ma// lung ma bstan gyi gnyid dang ni// de nyid gnyid kyi rtsa ba'o// rtsa ba'i gnyid

  5. 450b

    ni 'di lta ste// thog mar rang lus grub tsam na// mdzod spu'i sgo ru bag chags gnyid// pha ma'i shes rab de yi rtsa// 'gyu ba'i shes pa bying bar byed// gnyid kyi gang pa de ltar shes// gnyid log rtog pa med pa yin// lhun gyis grub pa'i spyan yin pas// gnyid de thig le'i klong du grol// thig le stong pa ngo sprod na// gnyid log rkyen thub ces bya'o// lung ma bstan gyi gnyid dag ni// gti mug ma rtogs shes pa bag la zha// ye shes ma shar 'khrul par mi snang bas// lung du ma bstan rang grol ma shA pas/ rtag nyid log lam byung rmis pa gsum// rmi ba 'khrul pa bag chags yin// 'khrul pa'i ngo bo 'gyu ba rang shar yin// gnyid kyi gzhi ma mdzod spur log/ rtsa yi/ rgyal po shel gyi sdug pa can// khrag gi drod dang thig le'i rlung // de gsum 'dus pa gnyid kyi rgyu// rtsa dro snying la zug pas na// ngo bo rang bzhin thugs rje yis// 'khrul pa'i ngo bo 'gyur ba rang shar yin// 'gyu ba'i gsang lam 'gyus nas ni// mdzod spur gnyid ni phebs pa ni// snying smad khrag gi rtsa dang ni// snying stod thig le'i rtsa dang ni/ dbus na rlung gi rtsa gsum gnas// khrag gi rtsa yis rlung rtsa mnan// thig le'i steng du 'gyu ba log/ bsam gtan rang sa rtsa rlung mnan// shes rab ye shre

  6. 451a

    rlung du ngo sprad pas// gnyis med thig le rang grol bas// gnyid log rkyen thub ces bya'o// zhes gsungs so// bsam gtan rtse gcig gi rgyud las gnyid thig le rang snang gi le'u ste lnga pa'o// // bcom ldan kun tu bzang po yis// rmi lam rmis pa rkyen thub bstan pa ni// nyon cig rdo rje mkha' 'gro ma// lam ni mdzod spu gsang sgo yin// shes rab ye shes rlung gi lam mi snang // rmis pa rnam pa bzhi yin te// bag chags gnyid ni 'thun pa'i rmi lam yin// 'khrul pa'i gnyid ni dang po'i dus nas ldang // mtshams sbyor tshe lnga'i gnyid rmi'o// ye shes gnyid kyi ngo sprad rkyen thub pa// 'khrul pa'i gnyid ni ye shes rlung gis grol// mtshams sbyor tshe lnga'i rmi bas grol// bag chags rmis pa rang byung ye shes kyi// chags pa rang byung chen por spyod// ye shes rmis pa rang chen rlung dang sprod// shes rab rlung ste yeng shes zang thal rlung // bag ni thig la dkar dmar ro// chags pa 'gyu ba'i thig le la// de nas rang byung rkyen las grol// zhes gsut+pa so// bsam gtan rtse gcig gi rgyud las/ rmi lam rmis pa rkyen thub pa'i le'u ste drug pa'o// // bcom ldan kun tu bzang po yis// bar ngo

  7. 451b

    rkyen thub bstan pa ni// nyon cig rdo rje mkha' 'gro ma// dran pa bzhi po rkyen thub pa// mngon shes drug dran rjes dran drug/ bar ma do yi 'od snang de// rang 'od rang snang rkyen thub yin// 'gyu ba ye shes rlung yin pas// ye shes rkyen thub ces kyang bya// yid 'jug shes rab ngo sprad pas// ngo spong rkyen thub ces kyang bya// bar do yin pa dran pa dang / tshe 'phos pa ni dran pa dang // 'gro drug rang snang dran pa dang // kun bzang rang sa dran pa'o// mngon shes drug ni 'di lta ste// 'gyu ba'i spyan gyis snga skye mthong / bar do 'od kyi snang ba mthong // dge sdig las kyi 'bras bu mthong // nga sprod sangs rgyas sa yang mthong // rigs mthun dag pa'i lha mig mthong // 'byung po mi min 'jig rten mthong // spyir ni 'gro drug longs skur mthong // rjes dran drug ni 'di lta ste// rnam par shes pa 'gag par dran// 'byung ba lnga po nub par dran// rang gi srog dbugs sngun chad dran// bar do lus po med pa dran// 'gyu ba srog rten med pa dran// bla ma'i ngo sprod gdams pa dran// dran pa drug po rang snang bas// sangs rgyas sa las mi 'da' bas// bar do rkyen thub ces bstan to// zhes gsungs so// rtse gcig zang thal gyi rgyud las/ rmi lam rmis pa rkyen thub dang bar do sbyang ba

  8. 452a

    rkyen thub kyi le'u ste bdun pa'o// // bcom ldan kun tu bzang po yis// rdo rje mkha' 'gro 'khor bcas la// ye shes rkyen thub bstan pa ni// ye shes ye shes khyad par che// ye shes zang thal rkyen med de// 'byung ba lnga po ye shes lnga// chags sdang med pas ye shes 'jig/ gnas dang stong pa'i rkyen thub yin// phung po sgo lnga ye shes lnga// rang byung ye shes kho na la// skye rgas na 'chi bzhi po las// rkyen thub par dor gdod nas dag/ dug lnga ye shes lnga ru snang // rang snang ye shes 'phel 'grib med// chags sdang rkyen thub rang snang gsol// rang byung rtsa lnga ye shes lnga// kha dog lnga las grub pa'i rtsa// dbus mthing g.yas dkar g.yon dmar ba// mdun dang rgyab ni ser dang ljang // skud pa lnga yang ye shes lnga// gsal byed spyan lngas rab tu mdzes// shel gyi sbu gu zhes kyang bya/ longs sku 'od gsal zhes kyang bya// tshangs pa'i skud pa zhes kyang bya// ye shes rgyun srang zhes kyang bya// gsong ba'i lam chen de yin no// de ni nang na 'das pa lnga/ mu tig dkar po dri ma med// ra gan dmar po shin tu gdangs// gser 'dra ser po yon tan rgyas// bai DUr mthing kha 'gyur med ston// ni la ljang khu rab tu

  9. 452b

    'gro/ tshangs pa'i skud pa'i nang na gsal// rin chen sna lnga las grub pa'i// ye shes khong na chos min te// gsang ba'i ye shes rkyen thub yin// bar chad med pas rgyun mi 'chad// byed pas ma byas 'dus byas min// ye shes rgyun chad med pas rkyen thub bo// rkyen med ye shes rang snang gces// zhes gsungs so// ting nge 'dzin rtse gcig gi rgyud las/ ye shes rkyen thub kyi le'u ste brgyad pa'o// // bcom ldan kun tu bzang po yis// mkha' 'gro ma yi tshogs rnams la// nges shes rkyen thub bstan pa ni// gzhi nges sangs rgyas gzhi ru shes// lam nges gzhi shes chos kyi mchog/ 'bras bu gzhi 'das ngo shes phyir mi ldog/ rgyu med rang shar nges shes rang byung ba// lta ba rang lta snang srid nges shes ltas// sgom pa nges shes phyogs ris med// spyod pa nges shes rang byung rgyu rkyen med/ ta'abras bu nges shes mi ldog rang sa non// skye med nges shes snang srid rang byung bas// rang byung ye shes rang byung rang la shar// ma rig rang byung gzung 'dzin kho nar 'bar// gzhi ru nges shes gnyis med zang thal yin// lam du nges shes gzung 'dzin lam du slongs// 'bras bu nges shes gzung 'dzin ye shes

  10. 453a

    grol/ ye shes rkyen thub gzung 'dzin dkar nag dag/ ces gsungs so// ting nge 'dzin rtse gcig gi rgyud las/ ye shes rkyen thub kyi le'u ste dgu pa'o// // bcom ldan kun tu bzang po yis// rdo rje mkha' 'gro 'khor bcas la// 'bras bu rkyen thub bstan pa ni// phyi dang nang dang gsang ba gsum// de la phyi yi rkyen thub bstan pa ni// phyi yi 'bras bu 'byung bam+ba// rang snang longs sku rgyun chad med// lha mo lnga la skye shi med// phyi yi 'bras bu rkyen thub yin// nang gi 'bras bu phung po lnga// dbyer med chos sku rgyun chad med// ye shes lngal skye 'chi med// nang gi 'bras bu rkyen thub yin// gsang ba'i 'bras bu chags sdang lnga// rang byung ye shes rang rig dang // lhag mthong nyid dang thams cad mkhyen// ye shes lnga la rgyun chad med// de ni gsang ba'i 'bras bu yin// yang gsang 'bras bu rtsa lnga la// rlung dang thig le rtsa dang ni// lhan cig skyes pa'i ye shes dang // thig le chos min 'du 'bral med// 'du 'bral 'bras bu'i rkyen thub yin// 'du 'bral med pa 'bras bu'i mchog/ rgyun chad med pas rkyen thub yin// bar chad med na 'bras bu rgyal po yin// phyir mi ldog na 'bras bu'i nges shes yin// zhes

  11. 453b

    gsungs so// ting nge 'dzin rtse gcig gi rgyud las/ 'bras bu rkyen thub kyi le'u ste bcu pa'o// // de nas kun tu bzang po yis// bag chags rkyen thub bstan pa ni// bag chags rnam pa gsum yin te// thog ma'i 'od kyi bag chags dang // bar du lus kyi bag chags dang // tha ma 'khrul pa gnas skabs bag chags gsum// thog ma 'od kyi bag chags de la ni// rang byung rang la shar bas rkyen thub bo// 'gyu ba ye shes gsal ba bag rkyen thub// bar du lus kyi bag dang chags// rang lus chos sku bag rkyen thub// chags pa rang byung shes pas bag chags thub// tha ma 'khrul pa gnas skabs chos// chos nyid ye shes 'bar nas gnas rkyen thub// rang rkyen rang la shar bas chags pa med// gnyis med rang la shar bas bag rkyen thub// bag chags rkyen khar mi snang rang byung ye shes gsal/ bag chags rkyen thub srid pa rang byung sel// zhes gsungs so// ting nge 'dzin rtse gcig gi rgyud las/ bag chags rkyen thub kyi le'u ste bcu gcig pa'o// bcom ldan kun tu bzang po yis// 'khrul pa rkyen thub bstan pa ni// thog ma 'khrul pa rlung gis 'khrul// bar du 'khrul pa

  12. 454a

    chags sdang 'khrul// tha ma rang snang 'od la 'khrul// lhun grub ma ning 'khrul pa'i dbang // rlung gis thams cad grub pa yin// 'bras bu 'khrul pa sna tshogs smin// rlung de yi ye shes pa de// mi 'gag pa la rlung zhes bya// rang lus rlung gi dkyil 'khor na// rtsa lnga tshangs pa'i skud pa la// rlung rgyu rlung la drod yod pas// tshangs pa'i skar khung rlangs pa de// nyin zhag gcig lo brgyad khri bzhi stong rgyu// chos nyid me long gsal ba na// rlung ni 'gag med gisal bar rgyu// spyod na mya ngan 'das pa'i rlung // shes rab dag la rgyu ba'o// spyad na 'khor ba dag gi rlung // thig le dkar dmar gnyis la rgyu// lte ba rlung gi 'khor lo na// ngan 'gro gsum gyi sgo yang yod// snying kha chos kyi 'khor lo na// mthong ris gsum gyi sgo yang yod// theg dgu sgo dgu stod na gsum// theg gsum spyan gsum dag la snang // theg gcig mig gcig dri ma med// mdzod spu rang gsal sgron ma yang // de la ngo spyod 'khrul pa rkyen thub yin// ngan 'gro'i sgo gsum dkar dmar dang // dri chen sgo ru byung ba yin// dkar po dmyal ba dmar po yi dgas sgo// bshang kha byol song sgo yin no// pho dang mo la gsum

  13. 454b

    ka tshang // dus tshod 'byung bas rang byung yin// zhes gsungs so// spyan ras gzigs ting nge 'dzin rtse gcig gi rgyud las/ 'khrul pa rkyen thub kyi le'u ste/ bcu gnyis pa'o// // ston pa chos sku kun tu bzang po'o// sdud pa po spyan ras gzigs seng ge rnam par rtse ba/ zhu ba po mkha' 'gro ma nyis 'phreng ba/ spyan ras gzigs ting nge 'dzin rtse gcig gi rgyud chen po zhes bya ba/ 'khor mkha' 'gro ma la rab tu gtad pa'i le'u ste bcu gsum pa'o// / / rtse gcig gi rgyud chen po zhes bya ba rdzogs so// rgya gar skad du/ badz+ra pA Ni tra tha thi la du ta tan tra nA ma/ bod skad du/ phyag na rdo rje drag po lta stangs ye shes thog 'bebs kyi rgyud ces bya ba/ dpal kun tu bzang po la phyag 'tshal lo// rang bzhin gyi ni byin gyis brlabs// ston pa kun tu bzang po'i sku// bde gshegs kun gyi ngo bo'i sku// rang bzhin dag pa'i nam mkha' la// phyogs lhung med pa'i dgongs pa shar/ rang gi dgongs pa ma bcos dang // bya btsal med pa'i klong du khyab// khyab par dbyung sprul pa'i sku// rdo rje sems dpa' rang byung sku// bde