Maha'yoga - 'Jam dpal gshin rje'i gshed po'i rgyud skorAll versions of this work

Untitled work

Text

ff. 140a–141b · 4 folio sides

  1. 140a

    @thod pa rabs chad nag po 'am// mtshan ngan thod pas thun snod bya// khrag sna brgya 'am yang na khri// thong bar dug dang bsres la blug/ rgyus chen gzung thag btags la bzung // rab tu gsang ba'i thun sngags bzlas// tri ling shang ka ru/ snying khrag la rbad/ dri za yagrwa rbang bu/ snying khrag rtsa la breng breng / dgra ze'i srog rtsa dun rbad// sngags de yungs kar tshe la// sngags la thod pa'i khrag la stim// khol la rlangs pa byung ba na/ 'tsheg cing 'gul nas 'bang bar bya'o// bdag nyid ma ru tse ru bsgom// dbyug zo phyar te stag lpags bgo/ 'jig rten lha 'dre thams cad la// bden padar zor la gsal bar bya// gshin rje bskul te khrag thun 'phang // zod pa bu ba na gdon mi za// g.yas g.yon bltas na pho mo la// tshur la bltas na rang la gnod// dngas kyi song la bsgyur la bya// lo zla gza' skar gdug pa'i dus// nam phyed dag la brdeg par bya// ces bka' stsal bas/ lha srin sde brgyad rjesu yi rangs te// de nyid du mi snang bar gyur to// 'jam dpal ma ru tse'i sngags rgyud byi ma las/ smon lam dang thun dang rjesu yi rang ba'i le'u ste bdun pa'o// 'jam dpal ma ru sngags rgyud phyi ma rdzog so// byang gyis / de nas yang de'i tshe de'i dus na dbang phyug chen pos bcom ldan 'das ya man ta ka la 'di skad ces gsol to// rang rig ye shes blo dang ma ldan pas/ bsnyen pa ma rdzogs las la bskul sngags pas// rdzas dang lag cha gzhung bzhin mtshogs pa// rtag dang mtshan ma ma phyin pas// sgrol bdag chen po'i sku la bzod par gsol// zhes bag chags sbyangs nas yang 'di skad ces

  2. 140b

    zhus so// rgyud 'di bzhi rnams dpa' bo yi// 'gro ba'i don du bdag la shod ces pas// de nas dpa' bos yang dag bshad// ma skyes pa yi chos nyid las// dus gsum srid pas bsdus pa'i chos// skye ba'i cho 'phrul 'byung ba yi gzung 'dzin 'khrul pa'i rgyud las 'byung // dang por zhe na rtog bzlog pa'i phyir// ji ltar mos pa dam pas 'dul// de bas 'di yi gdong dmar don// sku mdog phyag mtshan phyag rgya ni// ji ltar 'dul ba bzhin du bstan// gzhi nyid snang med gcig gi dang // dper na spyir 'dod sgor 'dod pas// las kyi brtson 'grus rim pa bzhin// gshin rje cig la las bcol myur// de bzhin so so las nyid la// bsnyen zhing bsgrub pa la sogs pa'o// drag po las nyid bshad bya ba// ku ma rA dza'i bco lnga'i phreng ba dang // 'khor lo sgrub pa'i bsnyen pa ste// sgrub pa'i sngags tshad bzhi po rnams// nam gyi gung dang tho rangs rtse// nyi ma phyed dang dgongs kyi bar// sngags bzlos rdzas kyis brab bar bya// srog las drang ba'i bsnyen pa ni// shrI many+dzu shri gsang sngags la// rtag tu drang ba'i bsnyen pa yin// de la bsgrub pa'i gsang sngags ni// rna la ma tri ling sngags gnyis po// gong ma de la btags te bzlas// dgra bo phur bu'i sgrub sngag so// rdzas la bgrang ba'i bsnyen pa'o// rat+na tra ya'i bsnyen pa yin// klu ling b+ha sa la sogs pa'i// sgrub cing lha dang dbye ba yin// thod pa'i bsnyen par bgrang ba ni// shrI many+dzu'i gsang sngags dang / mdus mi gsa'i sngags ni// yi ge bcu gnyis yang snying 'grag// bsgru cing gnan la por zin/ shrI man+da'i dbu gnan te// raTha A la sogs pa yi// mched pa'i rtsa ba'i dreg sngags la// bse yi lha ma'i dag sngags

  3. 141a

    @##/ sbrel// bar bar ming dang rus bcug la// ma ra ya yi sgra dang bcas// dze ta ba kri la sogs pa// bdud dang bse mo'i drag sngags dang // srid pa'i ma mo'i drag sngags dang // zor 'thun dbab pa'i dreg sngags dang // gshin rje'i khams sngags bzlas pa dang // bur bus gdab dang bsreg granan sngags// drag po'i las sngags zhe su bshad// rang sems bskyed pa ltar sgom pas// rtog pa dor ba'i dgongs pa ni// shi nas las kyi srin por skyes// de phyir snang la rang bzhin med// ye shes gsal ba'i thugs rje yis// nyon mongs sgrol ba ma gtogs par// zhe sdang bdug pas dmigs la sgrol// dmyal bar skye ba mnar med len// de phyir thugs rje'i gzung thag ceso// sgrol ba'i 'phrin las gsungs pa ni// rgyal ba'i lung las gsungs pa ni// sbyor ba'i mchod pas bkang ba ni// bu mo shin tu mtshan ldan la// chags pa'i bu mo ming bzhi ma// bkug ste bstim la sbyor dag bskul// ba ga gsang ba'i mdangs 'bul bsam// tha tshig shin du bsres pa dang // mkha' gsang byin gyis brlab pa tsam// byang sems mkha' la phebs pa dang // 'phags pa yi dam lha yang mchod// bdag nyid dngos grub blang byas nas// srid pa'i dbang chen po mo rnams// spyan drangs mchod la de dbang skur// mngag pa'i las la bskul bar bya// lus la bstim pa'i lha mo rnams// dga' ba'i yid kyi gshegasu gsol// 'bras bu byin par byed pa ni// lta ba dam tshig yin// 'di yi dam tshig bstan pa ni// ba dmar glang dmar sha yang bsrung // khyi dang skyes pa mtshan mi bsten// mthun pa'i rdzas rnams tshogs par bya// bdag cag mdun chas 'jug pa ni/

  4. 141b

    / lhag par sku yi dam tshig yin// ma nor sngags bzlas chu bo'i gzhung // skad mi gcig dang skyes pa dang // smra ba spangs te bzlas pa ni// tshang du 'byung zhing mchod bstod bya// dkon mchog spyi dang bla ma la// ngag gi nyes bsrung // bar bya// lhag pa gsung gi dam tshig yin// ting 'dzin me 'dra rgyun du bya// lta ba dang ni spyod pa yoM// mthun pa'i phyogs nas spyad par bya// bshad cing bstan par mi bya ste// sbrul ltar gdug pa'i zhe sdang gnag/ gnag pa thogs kyi dam tshig yin// bsnyen bsgrub las la sbyar dus bsrung // rgyun du spyi yi dam tshig bsrung // dam tshig srog ltar bsrung ba bcas// dam tshig gzhung ltar bsrung ba dang // bka' dbang gzhung du skye ba dang // phyi nang gsang ba/ dbang bskur zhing // lung dang man ngag de la bstan// de ma yin la bstan gyur na// bdag kyang phung la gzhan kyang brlag/ rgyud dang yi ger bris pa 'di// skal ldan rnams la snang bar gyis// ces bka' stsal ba dang // dbang // phyug chen po shin du yi rangs te bstod do// 'jam dpal ma ru tse'i sngags rgyud las/ phyi ma'i phyi ma rdzogs so// gshin rje gshed dag kyi sayang brgyang chu ba'i rgyung bzhugs/ @#// rgya gar skad du/ Ar+ya many+dzu shri ya ma da ka ka la 'gu ha/ tsha ba d+has tan tra/ ra tsa ma ha na ma/ bod skad du/ 'phags pa 'jam dpal gshin rje'i gshed nag po// gsang ba drug cu pa'i rgyud kyi rgyal zhes bya ba dpal gshin rje gshed po la phyag 'tsha lo// 'di skad bdag gis thos pa'i dus cig na/ bcom ldan 'das gshin rje gshed po thams cad 'jam dpal nyid kyi ngang / de las gzhan pa'i chos rnams ni/ bder gshegs kun gyis ma gsungaso//