Q5462MW1KG13126_5462mdo 'grelAll versions of this work

yon tan bdun bstan pa'i gtam

Saptaguṇabarananākāthā

Text

ff. 208b–209b · 3 folio sides

  1. 208b

    yon yin pas de'i phyir bsgrims shig ces ston to// de ltar bsgom pa la mngon par brtson pa'i blo gros dang ldan pa ni sa bcur rim gyis rnam par 'jig pas mi rtog pa'i ngo bo nyid mthong ste/ gzung ba dang 'dzin pa'i bdag nyid gnyis po gang yin pa de yang gnyis med kyi ngo bo nyid du rtog cing / 'di na rtag par bya ba yang med la rtog pa yang med de/ 'di thams cad med pa las sgro btags pa yin pas 'di kun// rmi lam dang 'dra'o zhes nges par byed de/ de'i phyir rnam rtog bdag nyid yin// gnyis dang gnyis med bdag nyid de// 'di dag thams cad rmi lam bzhin// 'di la brtag bya med rtog med/ ces bya ba smos te// de ni 'di skad du phyin ci log tu gyur pa ma rtogs par chos phra rab tsam yang med de/ de bas na phyin ci log spang ba na/ tsam zhig bya bar zad do zhes bstan par 'gyur ro// dngos po gang yang bsngan med cing // bsal ba med de de yi phyir// zhes bya bas ni de nyid sgrub par bya// 'di la bsal ba ci yang med// gzhag par bya ba ci yang med// yang dag nyid la yang dag blta// yang dag mthong nas rnam par grol// zhes bya ba ste de'i phyir// chos kyi rang gi ngo bo nyid// de bzhin nyid tsam mthong bas grol/ zhes bya ba smos so// rnal 'byor spyod pa'i sgom pa'i don mdor bsdus te bstan pa/ slob dpon ye shes zla bas mdzad pa rdzogs so// // rtsa ba slob dpon klu'i bshes gnyen gyis mdzad pa lags so// rgya gar gyi mkhan po pradz+nyA warma dang / zhus chen gyi lo tsA ba ban+de ye shes sdes bsgyur cing zhus te gtan la phab pa'o// bde bar gshegs pa'i gzhung rnam par 'byed pa'i tshi ga le 'ur byas pa bzhugs so// @#// rgya gar skad du/ su ga ta ma ho bi b+haM ga k+Sha ri kA/ bod skad du/ bde bar gshegs pa'i gzhung rnam par 'byed pa'i tshig le'ur byas

  2. 209a

    pa/ 'jam dpal gzhon nur gyur pa la phyag 'tshal lo// 'dus ma byas gsum rtag pa ste// nam mkha' dang ni 'gog pa gnyis// 'dus byas thams cad skad cig ma// bdag med byed pa po yod min// rnam par shes pa dbang skyes blos// mngon sum du ni phra ba sags rig/ kha bye bye brag smra ba yi// gzhung 'di yin par mkhas rnams bzhed// rang gi rnam par shes pa rig dbang po'i yul du snang ba yin// nam mkha' me bsham bu dang mtshungs// 'gog pa gnyis kyang nam mkha' bzhin// sems dang mi ldan 'du byed med// dus gsum du ni rjes 'jug med// thogs/ bcas gzugs min yod ma yin// mdo sde pa yin mkhas zhes bya// cha shas zhes byar yod min phyir// phra rab rdul yang yod ma yin// snang ba dmigs su yod min te// rmi lam nyams su myong ba bzhin// gzung dang 'dzin pa las grol ba'i// shes pa dam pa'i don du yod// rnal 'byor spyod gzhung rgya mtsho yi// pha rol gyin rnams de skad smra// rnam shes don dam yin pa ru// de yang mkhas rnams mi bzhed de// gcig dang du ma'i rang bzhin bral// dngos med nam mkha'i pad+ma bzhin// yod min med min yod med min// gnyis kyi bdag nyid du yang med// mtha' bzhi dag las nges grol ba// dbu ma de nyid mkhas pa 'dod// bde bar gshegs pa'i gzhung rnam par 'byed pa'i tshig le'ur byas pa// b+haM ga lang 'khrungs pa'i mkhas pa chen po dze tA ris mdzad pa rdzogs so// paN+Di ta shAn+ti b+had+ha dang / dge slong shAkya 'od kyis bskur cing zhus te gtan la phab pa'o// 6/ kho ga ma ma thagasas// / rgyag skad du/ sap+ta pra Na ba ran nA k+Sha thA/ bod ma du/ yon tan bdun

  3. 209b

    bstan pa'i gtam/ dkon mchog gsum la phyag 'tshal lo// gsod sar khrid pa legs btang dang // de bzhin srog gis phan btags shing // srog chags 'tshe ba las ldog pas// tshe ring ba ni thob par 'gyur// nad g.yog byed cing sman pa dang // san rnams sbyin par byas pa dang // srog chags rnams la rdo dbug sogs// 'tshe ba spangs pas nad med 'gyur// khro ba med dang rgyan rnams ni// sbyin par btang bas gzugs bzang nyid// phrag dog med pa'i 'bras bu 'dir// bskal pa bzang por yongs su bsgrags// nga rgyal spangs dang dam pa rnams// bsnyen kur byas pas rigs 'thor 'gyur// sbyin byed chub las ldog na// longs spyod phran sum tshogs par 'gyur// gang zhig sdig yin dge ba yin// yang dag dril brtson pa dang // chos kyi bstan bcos byin pas ni// blo gros rgya chen thob par 'gyur// yon tan bdun bstan pa'i gtam slob dpon dbyig gnyen gyis mdzad pa rdzogs so// // rgya gar gyi mkhan po ka ma la gup+ta dang / zhus chen gyi lo tsA ba dge slong rin chen bzang pos bsgyur cing zhus te gtan la phab pa'o// // rgya gar skad du/ shIkya sa muts+tsha ya kA ri k+Sha/ bod skad du/ bslab pa kun las btus pa'i tshig le'ur byas pa/ sangs rgyas dang byang chub sems dpa' thams cad la phyag 'tshal lo// 'di ltar bdag dang gzhan dag kyang // 'jigs dang sdug bsngal mi 'dod na// bdag dang bye brag ci yod na// gang de bsrung na gzhan mi bsrung // sdug bsngal mthar 'byin 'dod pa dang // bde ba'i mthar yang 'gro 'dod pas// dad pa'i rtsa ba bstan bya ste// byang chub la yang blo brtan bya// byang chub sems dpa'i sdom pa ni// rgyas par theg pa che las 'byung //

Colophon

yon tan bdun bstan pa'i gtam slob dpon dbyig gnyen gyis mdzad pa rdzogs so/_/rgya gar gyi mkhan po ka ma la gup+ta dang /_zhu chen gyi lo tsA ba dge slong rin chen bzang pos bsgyur cing zhus te gtan la phab pa'o