rdo rje sems dpa' nam mkha' che rgyas pa zhes bya ba rnal 'byor pa'i rgyud
Text
ff. 279b–299a · 40 folio sides
- 279b
bsam pa gang du'ang ma zhugs gzhag/ shes pa bsam spyod med par gzhag/ ces gsungs so// rdo rje sems dpa' nam mkha' che bram ze rgyas pa'i rgyud las/ mi rtog mnyam gzhag gi le'u ste bco lnga pa'o// // de nas kun tu bzang pos rdo rje sems dpa' la sogs pa'i 'khor rnams bsdu ba mdzad nas rgyud kyi don bshad pa'o// phyogs bcu dus gsum gyi de bzhin gshegs pa thams cad dang / khams gsum gyi sems can thams cad kyi rtsa ba ni kun tu bzang po'i thugs rang byung gi ye shes so// thugs rang byung gi ye shes ni bram ze rgyas pa nyid do// rgyud 'di ni kun tu bzang po nyid do// rang gi byang chub kyi sems so// sangs rgyas thams cad kyi sku gsung thugs so// rgyud 'di 'dzin pa ni sangs rgyas nyid do// thams cad sangs rgyas pa'i phyir 'khor ba ka dag go// 'di 'dzin pa ni kun tu bzang po'o// thams cang rang byung ye shes yin pa'i phyir ro// rin po che gser gling na rdo dang sa mi snang ba ltar 'khor ba ka dag ste rang byung ye shes nyid do// bram ze rgyas pa'i rgyud las/ rgyud yongs su gtad pa'i le'u ste bcu drug pa'o// // bram ze rgyas pa rdzogs so// // rdo rje sems dpa' nam
- 280a
mkha' che rgyus pa zhes bya ba rnal 'byor pa'i rgyud/ bcom ldan 'das dpal rdo rje 'dzin pa la phyag 'tshal lo// 'di skad bshad pa'i dus gcig na/ bcom ldan 'das de bzhin gshegs pa thams cad kyi bdag nyid dang / sku gsung thugs kyi rang bzhin bde ba'i mchog/ btsun mo dam pa bde ba'i mchog gi pad+ma la rnal par bzhugs so// de'i byin gyi rlabs las byung ba// longs spyod par mdzad pa'i longs spyod chen po/ btsun mo dam pa'i pad+ma/ gzhal yas khang brtsegs pa/ dbyibs dang tshad dpag tu med pa na/ rdo rje rnam par snang mdzad dang / rdo rje mi bskyod pa dang / rdo rje dkon mchog dpal dang / rdo rje tshe mtha' yas pa dang / rdo rje grub pa gdon mi za ba dang / btsun mo dam pa yangs pa'i spyan dang / mi bskyod pa dang / rin chen dpal ba dang / tshe mtha' med ma dang / grub ma gdon mi za ma dang gzhan yang byang chub sems dpa' sa'i snying po dang / phyag na rdo rje dang / nam mkha'i snying po dang / 'jig rten dbang phyug dang / byams pa dang / 'jam pa'i dbyangs dang / sgrib pa rnam par sel ba dang / kun tu bzang po dang / btsun mo dam pa sgeg mo dang / 'phreng ba dang / dbyangs ma dang / gar
- 280b
byed ma dang / bdug spos ma dang / me tog ma dang / mar me ma dang / dri chab ma dang / dam pa'i sgo srungs gshin rje gshed po dang / rnam par rgyal ba dang / pad+ma mthar byed dang / bdud rtsi thab sbyor dang / btsun mo dam pa gshin rje gshed mo dang / rnam par rgyal ma dang / pad+ma gar byed ma dang / bdud rtsi thal sbyor ma dang de dag la sogs pa 'khor rnams dang gnyis su med par bzhugs so// de yang dper na/ til 'bru bzhin du gang nas khyab par bzhugs pa da/ de dag gi 'od kyis 'jig rten gyi khams snang bar byas/ gang bar byas/ khyab par byas nas/ lgang de/ lhan ne ba ji lta ba bzhin du gnas par gyur to// de nas longs spyod par mdzad pa'i longs spyod chen po'i byin gyi rlabs las/ thub pa chen po rnams stong gsum gyi stong chen po rnams su byung bar gyur te/ de dag gi mthus 'jig rten gyi khams thams cad g.yos/ rab tu g.yos/ kun tu g.yos/ shig shig/ rab tu shig shig/ kun tu shig shig go/ chem chem/ rab tu chem chem mo// 'ur 'ur/ rab tu 'ur 'ur/ kun tu rab tu 'ur 'ur ro// de nas mtha' dang dbus kyang mnyam par gyur nas/ sems can rnams 'dul bar mdzad do// de yang
- 281a
smon lam gyi dbang gis/ sku sna tshogs pa dang / gsung sna tshogs pa dang / thugs sna tshogs pas 'dul bar mdzad de/ skus 'dul ba rnams la ni mi'i cha byad du byung nas bltam pa dang / rab tu byung ba dang / dka' brub mdzad pa dang / chos kyi 'khor lo bskor ba la sogs pa dang / gzhan yang seng ge'i cha byad dang glang po che'i cha byad la sogs pas 'dul bar mdzad do// gsung gis 'dul ba rnams la ni/ lha la lha'i skad dang / klu la klu'i skad du 'dul bar mdzad do// thugs kyis 'dul ba la ni/ ting nge 'dzin gyi 'od dang / rdzu 'phrul gyi tsho gas 'dul bar mdzad do// de bzhin gshegs pa thams cad kyi rang bzhin nam mkha' che rgyas pa'i rgyud las/ gleng gzhi'i le'u ste dang po'o// // de nas bcom ldan 'das longs spyod par mdzad pa'i longs spyod chen po de/ rgyal po sbyin pa'i ting nge 'dzin la snyoms par zhugs nas/ 'khor gyi nang du zhal 'dzum pa mdzad de/ mi snang bar mdzad de/ de nas bcom ldan 'das de bzhin gshegs pa thams cad kyis/ bcom ldan 'das de bzhin gshegs pa thams cad kyi bdag po la mgrin gcig tu 'di skad ces gsol to// e ma ho sems can thams cad kyi// sku gsung thugs kyi bdag po
- 281b
mchog/ thabs mkhas thugs rjes gzung slad du// sku yi dbyig tu bdag sbyor cig/ de nas bcom ldan 'das de bzhin gshegs pa thams cad kyi bdag po de kun tu bzang po'i gzugs su byung nas/ zhal gsum phyag drug par de bzhin gshegs pa thams cad kyis gzigs par gyur to// de nas bcom ldan 'das de bzhin gshegs pa thams cad kyi bdag po kun tu bzang po la/ de bzhin gshegs pa rnam par snang mdzad la sogs pas phyi nang gsang ba'i mchod pas yang dag par mchod de/ phyag 'tshal nas 'di skad ces gsol to// bcom ldan 'das de bzhin gshegs pa thams cad kyi bdag pos/ bdag cag rnams gsang ba'i dkyil 'khor du dbang bskur bar mdzad de/ mtshan ma med pa'i chos kyi 'khor lo bskor du gsol/ zhes brjod pas/ bcom ldan 'das de bzhin gshegs pa thams cad kyis bdag/ yongs su mnyes pas khyad par gyur te/ de bzhin gshegs pa thams cad la 'di skad ces bka' stsal to// e ma ho rgyud 'di rtog dka' bas// de dag thams cad zhu 'dod pas// legs so legs so byang chub che// legs so legs so gus pas nyon// de nas de bzhin gshegs pa thams cad kyis rab tu dga' sman rgyas pas yang nas yang du phyag btsal nas 'di skad
- 282a
ces gsol to// e ma sangs rgyas kyi sangs rgyas// e ma sangs rgyas gsungs pa legs// e ma byang chub chen po'i mchog/ bcom ldan 'das kyis bshad du gsol// e ma sems can thams cad ni// byang chub tu ni sgrub pa'i thabs// shin tu sbyor ba'i ting 'dzin mchog/ gzu bo chen pos bshad du gsol// de nas bcom ldan 'das thabs kyi bdag pos/ de bzhin gshegs pa thams cad la 'di skad ces bka' stsal to// sems can byang chub sgrub pa'i thabs// yang dag shin tu rnal 'byor 'di// myur du bla mad 'dod pa'i phyir// nyon cig nga yis bshad par bya// de nas bcom ldan 'das de bzhin gshegs pa thams / cad kyi bdag pos zil gyis gnon pa rdo rje'i ting nge 'dzin la snyom par zhugs ste/ 'khor rnams gsang ba'i dkyil 'khor du bcug nas dbang bskur bar mdzad do// de nas da gzod chos 'chad do// kun gyi rang bzhin nyid// kun gyi bsgrub par bya ba de// thabs kyi ye shes bskyed pa la// phyogs su bltas pas mthong ba med// de bzhin nyid kyi rang bzhin ni// sus kyang mthong bar mi nus te// sangs rgyas kyis kyang mi gzigs pas// rang bzhin ye shes gnas med snang // de nyid phyir na rang bzhin snang //
- 282b
med las med pa'i 'bras bu byung // yod dang med pa gnyis med pas// rtog med dbu ma zhes bya'o// rang bzhin de nyid kho na la// brjod pa'i rang bzhin ci yang med// / dbang po yul du gang gyur pa// de dag tshad ma ma yin no// chos rnams kun gyi chos nyid ni// skye ba med cing 'gag pa med// rtag dang chad pa'ang yod med de// tha dang ma yin don gcig min// 'ong ba med cing 'gro med pa// spros pa nye bar zhi ba'o// dam pa'i don la dngos med de// mig dang rna ba sna dang lce// lus dang yid la sogs pa'o// dbang po rnams kyis mthong min te// mthong ba'i blo yis bslad pa med// yang dag ma rtogs 'khor ba dang // mya ngan 'das la rlom sems med// yang dag rtogs na 'khor ba dang // mya ngan 'das la rlom sems med// de bzhin nyid la gnas bcas na// g.yo dang mi g.yo rnam par dag/ gzung dang 'dzin pa rnam dag nas// phra rgyas dgag cing skye ba med// brjod med rnam pa mi rtog pa// yi ge med pa'i gsung mchog ste// sgra yig rnam par spangs nas ni/ sems kyi rgyu ba'ang 'gag pa'o// de bzhin gshegs pa thams cad kyi rang bzhin nam mkha' che rgyas pa'i rgyud las/ rang bzhin gnas pa'i le'u ste gnyis
- 283a
pa'o// / de nas bcom ldan 'das de bzhin gshegs pa thams cad kyi bdag pos 'khor rnams kyis kang du gsol ba btab pa mkhyen nas/ yang ched du brjod pa 'di ched du brjod do// rang bzhin gnas pa'i chos nyid ni// zhi ba blang dor med pa ste// rtag par dka' la rten par dka'// brjod pa'i tha snyad rnams dang bral// rdo rje sku de 'dus ma byas// skye shi med pa'i g.yung drung sku// dus gsum 'dus ma byas pa ste/ rtag pa chen po kun tu 'od// 'di zhes brten cing mtshon du med// ngas kyang mthong bar mi nus so// mngon sum mi gnas kun tu khyab// zad mi shes pa'i gter du gyur// chos rnams kun gyi rang bzhin ni// stong pa nyid las gzhan min pas// 'khor ba dang ni mya ngan 'das// bye brag dbye ba ci yang med// de dag gnyis kyi khyad par ni// cha shas tsam yang yod med de// phung po khams dang skye mched de// rten cing 'brel 'byung la sogs pa// stong pa nyid las gzhan ma yin// chos rnams rang bzhin stong pa ste// skye bo rnams kyis mthong ba min// de phyir chos rnams rang bzhin ni// de bzhin
- 283b
gshegs pa zhes bya bas// chos rnams bde bar gshegs dang 'dra// gzhan nas btsal bas rnyed pa min// yang dag nyid du gang blta bar// yang dag mthong bar mi nus te// 'ga' yang mthong ba med pa ni// nyid ni mthong ba chen po'o// mya ngan 'das dang sangs rgyas sa// gang gis ma thong bar mi 'gyu na te/ pad+ma spyan gyi ye shes kyis// skad cig gcig la mngon byang chub// rang bzhin gcig gi bdag nyid la// rnam pa tha dad du ma snang // log par brtags pa'i bdag nyid pas// 'gro ba 'khrul pa rgyar chud 'dra// rnam rtog med pa'i sems la ni// 'byung ba la sogs bcom ldan 'das// chu ba par gnas pas bcom ldan 'das// 'gro ba kun la rang bzhin gnas// sangs rgyas kun gyi rgyu nyid pas// 'gro ba rang 'byung gzhan las min// de bas sems can thams cad ni// sangs rgyas snying po can rnams la// ma rig rtog pa'i phra rgyas kyis// sdug bsngal sna tshogs myong ba las// sems can kun gyi rang bzhin ni// chos kyi dbyings kyi b+ha ga ste// kun la khyab pa'i nam ka'o// de ma mthong bar de mi mthong // de ni sdig sgrib skyon chen yin//
- 284a
yangs pa rgya che ga ting zab pa// shes rab can gyis rtogs pa ste// gang nas ma 'ongs gar mi 'gro// 'ong dang 'gro bar bya ba min// ji snyed theg pa rnam mang yang // yang dag don gyi snying po ni// gang nas btsal kyang mi rnyed de// rang rig pasgrib med dag pa yin// dngos po 'di dag skyes med de// yang dag ma yin grub rtags yin// chos kyi dbyings kyi rang bzhin yang // de nyid log pa'i rang bzhin las// khyad par 'ga' yang yod mo yin// de bzhin nyid ni chags med de// ma skyes mi gnas mi dmigs shing // mi rtog pade dang ldan pa'o// de bzhin gshegs pa thams cad kyi rang bzhin nam mkha' che rgyas pa'i rgyu las/ chos nyid mi 'gyur ba bstan pa'i le'u ste gsum pa'o// // de nas bcom ldan 'das de bzhin gshegs pa thams cad kyi bdag po dgyes pa chen po nyid kyi che ba 'byung bar bzhed nas/ sku dang ye shes kyi bdag nyid 'di lta bu gsungs so// kun la khyab pa'i rang bzhin ni// sangs rgyas kyis kyang ma gzigs te// mngon sum mi gnas kun tu khyab// kun tu 'od de 'dus ma byas// rtag pa nyid de rdo rje'i sku//
- 284b
ka nAs dag pa'i sku mchog ste// chos nyid sku zhes bshad pa yin// de rtogs gsal bar byed pa ni// rang byung ye shes chen po ni// kun gzhi la sogs gyur pa ni// thabs kyi rim par byung bas na// pad+ma spyan de 'dus byas so// mi rtog mngon byang chub pa'i sku// ka tra bsags sku mchog ste// stong pa nyid kyi ye shes las// skad cig gcig mngon rdzogs byang chub// gnyis su med pa chos kyi sku// byin gyis brlabs las byung ba yi// rang bzhin dkyil 'khor chen po nyid// kun rdzo ba don du sems bskyed nas// snang ba mi 'gog pa yi brebs// sngags dang phyag rgya rab brtags pa'i// rdo rje byings kyi da kyi la 'khor sha rba// longs spyod sku ste rten 'brel mchog/ yi ge 'khor lo'i tshogs chen te// mtshan dang dpe byad ldan par gnas// rgyun gyi dag pa bsod nams sku// ye shes rnams dang yang dag ldan// mgon po bdag nyid chen pos ni// rdo rje 'khor lo bskor bas na// ljags kyi dbang po bkram nas ni// chos kyi 'khor lo skor bar byed/ rig pa'i skyes bu chen po las// smon lam las ni rten 'brel bas// 'jig rten khams ni thams cad du// sprul pa'i sku ni snang bar byed// ye
- 285a
shes rnams dang yang dag ldan// mi rtag nyid de 'dus byas pas// bltam gnas mya ngan 'das par ston// log par rtog pa thams cad la// thugs rje zhing du 'brel pas na// sku gsung thugs kyi rim pa yis// 'gro ba'i rgyud rnams smin par mdzad// de bzhin gshegs pa thams cad kyi rang bzhin nam mkha' ni rgyas pa'i rgyud las/ 'bras bu bdag nyid sku dang ye shes bstan pa'i yo'u ste bzhi pa'o// // de nas bcom ldan 'das de bzhin gshegs pa tha mos cad kyi bu dag pos bsgrub par bya ba'i don+da gyi thabs sku dang / gsung dang / thugs kyi dkyil 'khor 'di rnams gsungs so// chos rnams kun gyi de bzhin nyid// pho mo ma yin ma ning min// mtshan med ma yin rigs brgyud min// kha dog ma yin dbyibs ma yin// sku gsung thugs kyi rgyu yin te// med pa ma yin med med pa'i// 'bras bu 'byung ba'i snying po yod// kun tu khyab pa'i dbyings nyid las// dkyil 'khor sna tshogs brjod mi lang // chos dang longs spyod rdzogs sku dang / bsam yas spru la pa sna tshogs pa// rnam par spros pa 'phros pa med// rnam dag sku ston ma yin te// srid gsum 'gro ba thams cad
- 285b
la/ ji ltar 'dul ba'i skur yang ston// stong nyid dbyings las g.yos pa med// ces brjod pas/ sku'i dkyil 'khor thams cad mi snang bar gyur to// de nas gsung gi dkyil 'khor thams cad 'di dag gsungs so// brjod du med pa'i bdag nyid las// 'dul ba'i dbang gis ji snyed pa// rtog 'du la dbang gis ji snyed spros// gle ga gcig theg ga nyis theg dang ga su ma// theg pa lnga la ba sa ma mi khya ba// theg pa mtha' dag ngas bstan te// dbus mtha' rngam par bkag pa'o// gsung gcig dkyil 'khor yang dag ni// bsam gyis mi khyab kun tu 'phro// thams cad gsung gi dkyil 'khor mchog/ brgyad khri bzhi stong mtha' yas pa/ gsang ba'i dbyings su thi ma mdzad do// zhes brjod pas/ gsung gi dkyil 'khor de dag thams cad chos kyi dbyings su thim pas/ mi gsal bar gyur to// de nas thugs kyi dkyi la 'khor chen po 'di gsungs so// de bzhin nyid kyi phyag rgya las// phyag rgya chen po rnam 'phros te// de bzhin rigs dang rdo rje rigs// rin chen rigs la sogs pa yi// phyag rgya chen po 'od du 'phro// u du ma 'bar ba'i me tog bzhin// brgya lam na ni res 'ga' 'o// sgyu yi dkyil 'khor thams cad kyang
- 286a
rang snang ba yi reg pa ste// gzhan na yod pa ma yin no// de bzhin gshegs pa thams cad kyi rang bzhin nam mkha' che rgyas pa'i rgyud las// sku dang gsung thugs kyi dkyil 'khor mi rtog par bstan pa'i le'u ste lnga pa'o// // de nas de bzhin gshegs pa thams cad btsu no mo'i tshogs dang bcas pas/ bcom ldan 'das de bzhin gshegs pa thams cad kyi bdag po la lan gsum du bskor ba byas te phyagabatsal nas// 'dun pa'i mgrin gcig tu 'di skad ces gsol to// sku gsung thugs kyi bdag po mchog/ ma 'ongs rnams kyi don slad du// thabs kyi mchog tu gyur pa la// gzu bo chen pos mdzad du gsol// de nas bcom ldan 'das dgyes pa chen pos zhal 'dzum pa mdzad do// shin tu sbyor ba'i ting nge 'dzin la snyoms par zhugs te/ de bzhin gshegs pa thams cad la gsang ba 'di gsungs so// gang zhig bsgrub par 'dod pa ni// thos pasam sgomo la rab sbyangs pa// shes rab can du gang gyur pa// snying rje mthu las byung ba la// byang chub sems dang yang dag ldan// gtong dang tshul khrims la sogs pa// spyod pa rgya mtsho'i gzhir gyur te// dbang bskur cho ga pun sum ldan/
- 286b
rnal 'khor rgyud ni thams cad las// thabs kyi rim par gang gyur pa// rin chen rigs su gang ldan pas// bla ma'i kha nas rtogs par bya// gang dag bsgrub par bya bar 'dod pa la// ji skad gsungs pa'i yon tan ldan// mang du thos shing shes rab ldan// dkyil 'khor 'jig bral skyo ba med// seng ge thugs rjes rab ldan pas// dam pa'i don de ma nor slab// de bzhin gshegs pa thams cad kyi// theg pa'i mchog ste bla na med// yang dag mthong bas rtogs gyur na// rang bzhin med las ji ltar snang // rang bzhin med pa'i don de ni// blun po rtog ge'i spyod yul min// rang bzhin rang bzhin med mthong na// sgrib pa kun las des grol te// ting nge 'dzin gyi bde ba las// rang 'byung kun nam lhun gyis grub// dngos po'i dbang gis 'di zhes te// rdo rje sems dpas ma gsungs te// sems can bsam pa'i dbang gis na// gsang ba rnam pa du ma gsung // gsung ba'i dbyings kyi dbus dag tu// nyi zla pad+ma ra bcas pa'i gdan// bskyed dang rdzogs par gang ldan pas// dkyil 'khor thams cad bsgom par bya// mtshon cha rnams kyis drangs nas ni// ba hUM 'khril ba'i bde bar gnas// rim pa'i rim pa ma yin
- 287a
pa'i// ri chen steng dang 'og gi sgo// rab bstan pa yi a dkar de// til 'bru tsam du bsgom par bya// yang na yungs kar tsam du ste/ mkhas pas cho ga bzhin du bsgom// yang dag nyid de yang dag lta// yang dag mthong na rnam par grol// yang dag ma mthong 'jig rten sems// mi shes blun pas byis pa 'dra// byis pa rnams la brjod pa bshad// rnal 'byor pa la gdam ngag go/ shes rab thabs la brten nas ni// dkyil 'khor thams cad 'grub pa yin// gsang ba dag la 'jug pa ni// 'dod pa'i dga' bas ma yin te// ting nge 'dzin las skyes pa yis// dga' ba dag ni bslang bar bya'o// da ni dga' ba chen po ste// yang dag bde ba chen po yin// che ba'i ye shes rnyed dka' ba// shes rab thabs la brtan pas 'grub// shes rab thabs kyi phyag rgya las// bde ba'i rol mo rnam 'phros pas// 'od zer lcags kyus drangs pa yin// rim pa rim par ma yin par// snying gi pad+mar yang dag gzhug/ yang dag mun ni dri med dkar// tsa na ka yi 'bru tsam la// 'od zer spro bsdu'i sbyor ba yis// dbang po la sogs g.yo ba kun// dri med nang du nges sbyar nas// thugs kyi ye shes lngas blta zhing //
- 287b
yang dag dri ma med mthong nas// de bzhin nyid pas de bzhin gshegs// de bzhin gshegs pa thams cad la// dri med 'di las gzhan mi mnga'// 'das dang da ltar byung ba kun// 'di yis lhun gyis grub par 'gyur// de bzhin gshegs pa thams cad kyi// sngags kyi snying po kun bsdus pa// oM hUM swa oM dang ha ste// gnas lnga dag tu rnam bkod nas// 'od gzer lcags kyus drangs nas su// ye shes rnams kyis gzugs su bsgyur// dkyil 'khor la ni dkyil 'khor thi ma// thams cad rdzogs pa'i dkyil 'khor la// ting nge 'dzin gyi mchod pa 'bul// mnyes nas grub pa'i tshul 'chang ba// yon tan mi zad gter gyur te// tshe ring bde ba phun sum tshogs// longs spyod 'byung zhing ngan song skyong // de bzhin gshegs pa thams cad kyi// sku dang ye shes thob par 'gyur// shes rab gsum la sbyangs pa yis// ye shes myu gu skyed par byed// sa thob 'jigs pa lnga dang bral// 'khor ba las ni mya ngan 'das// sgrib pa mtha' dag gcod byed pa'i// dri ma med pa'i ye shes kyis// da ltar nyid du sangs rgyas 'gyur// de nas gnas pa de bzhin ni// rgyal bas mdzad pa ma yin la// 'gro bas byas
- 288a
pa ma yin te// ye nas sangs rgyas chen po'o// de bzhin nyid de 'dus ma byas// rang bzhin nyid de 'dus ma byas// med pa ma yin med// pa yod// yod pa min te dngos yod min// bya med bya dang rnam par bral// lhun grub bde ba'i ngang du gnas// de bzhin pa zhes mi rtog kyang // de yang gzhag tu med pa'i nga la gzhag/ de yang rnal 'byor rgyud rnams dang // bla ma'i kho las shes par bya// bla ma sangs rgyas kun dang mnyam// dam pa 'di ni gang bsgrubs pas// bla ma mnyes na 'grub pa'i mchog/ tho ras bla ma mnyes byas te// sku gsung thugs kyi gsang ba rnams// ldan par bya ste sngags sgrub pa'o// shin tu dben pa'i ri dgon dang // rnam pa'i mchog rnams ldan pa dang // rnam pa sna tshogs chu klung dang // dgra yi tsher ma med pa yi// nyams dag gnas su bsam gtan bya// shin tu sbyangs shing goms gyur pas// de tshe nyin mtshan dgu yis ni// byang chub thob pa gdon mi za// kun gyi 'od kyi sa la gnas// de bzhin gshegs pa thams cad kyi rang bzhin nam mkha' che rgyas pa chen po'i rgyud las/ de bzhin gshegs pa thams cad kyi rang bzhin phra mo'i rnal
- 288b
'byor bstan pa'i le'u ste drug pa'o// // de nas bcom ldan 'das de bzhin gshegs pa thams cad kyi bdag po de yang shin tu sbyor ba'i ting nge 'dzin la snyoms par zhugs nas/ bsgrub pa'i thabs thig le'i rnal 'byor du bya ba 'di gsungs so// ri rtse nyams ni dga' ba dang // shin tu gsang ba'i brag phug tu// badre ba'i stan la 'dug nas ni// gsang ba'i dam pa 'di bsgom mo// gsang ba'i dbyibs kyi dbus dag tu// gzhal yas khang brtsegs bsgoms nas ni// rang gi dkyil 'khor bsgom par bya// yan lag bzhi dang rab ldan zhing // dkyil 'khor bzhi ni bskyed bya ste// tsakra bzhi dang gang sbyor bas// phyag / rgya bzhi po rnam par bsgom// de nyid gsum dang rab ldan te// shes rab ma yi rjes 'brangs nas// sbyor ba'i cho ga mkhas par bslab// sbyor ba'i cho ga las byung ba'i// yang dag 'di med dbus su lta// shin tu phra ba'i dam tshig ste// mi gsal gsal ba'i bdag nyid yin// dkyil 'khor gyi ni bdag nyid yin// yon tan kun gyi gter gyur te// mchog tu gyur pa 'grub par byed// gsang ba'i dbus kyi dbyings dag tu// bskyed pa'am rdzogs par gang 'dod pas//
- 289a
rang gi dkyil 'khor rnam bsgoms te// thugs ka gsung gi phyag rgya las// rdo rje gyo ma ma 'phros te// ye shes 'khor lo rab skul nas// mchod rten rtse mor gsung du gyur// rdo rje lam byung yum gyi mkha'// chos sku byang chub sems su gnas// de nyid gzung bas gzung ba ni// rin chen 'dzin pa zhes bya'o// gzung ba rdo rje 'dzin pa ste// de la rtog dang dpyod pa dang // dgo'i dang de bzhin bde ba dang // rtse gcig pa ni rnam ldan pa'o// rin chen rgyun gyi shes pa ni// mi rtog pa yi shes rab ste// mos byung ba yi mi dmigs pa'o// shes rab dbang dang rnam ldan pas// shes pa gyur pa ye shes so// don dam mthong bar 'dod pa ni// 'di ma mthong bar de mi mthong // 'di yis ye shes bskyed pa dang // 'di yis don dam rnam par grol// de nas de bzhin gshes pa thams cad kyi bdag pos/ de bzhin gshegs pa thabs la yang zab mo 'di lta bu gsungs so// nam mkha'i dbyings nus 'byung ba yi// rin chen kha dog snaH la// yungs kar phra mo'i 'bru tsam ste// phyi nang gsum gyi sna rtser ni// rnal 'byor can gyis rtag tu bsgom// rang bzhin snang ba'i ting nge 'dzin// gzugs
- 289b
brnyan rgyu ma sgra brnyan dang // smig rgyu la sogs rnam pa can// snang dang mi snang dbyer med de// yod dang med pa'ang dbyer med pa'o// snang du 'dra'ang thu dad de// don dang rtags la sogs pa rnams// rnam pa tha dad gnyis su snang // yang dag yid dag ma yin pas// bsam pa'i dbang gis der 'gyur ro// de ni de bzhin gshegs ba yi/ brda zhes rnam par bstan pa yin// gang zhig rtse gcig mar gyur pas// mtha' ru ma skyes ting 'dzin bsgom// dngos po 'di rnams ma skyes pas// chos dang chos nyid med pa ste// nam mkha'i lta bur bdag med pas// ye nas stong pa'i rang bzhin no// stong pa'i rang bzhin mtshan ma med// de bas smon pa de bral lo// rnam par thar pa gsum dang ldan// chags med bzhi yi lam nas 'jug/ stong pa nyid du rnam rig nas// rang byung ye shes dang gis 'charo// 'bras bu kun tu 'od sa thob// yon tan nam mkha'i mtha' dang mnyam// che bas che ba zab mo nyid// yon tan cir yang bsngags pa med// yon tan chen po bsam gtan ni// bsam gtan nyid pas bsam du med// ma bsams ma sbyangs chos nyid las// rang don chen po nam mkha' 'byung // kun tu 'od
- 290a
kyis thob nas// zhing khams rgya dang bral ba yi// dkyil 'khor thams cad 'bar bar snang // dkyil 'khor de dag thams cad kyang // reg cing gzung du med pa las// 'ja' tshon lta bur kun tu snang // sna tshogs yon tan brjod mi lang // mi zad rgyan gyi 'khor lo yi// de bzhin gshegs pa thams cad kyi rang bzhin nam mkha' che rgyas pa'i rgyud las/ thig le'i rnal 'byor bstan pa'i le'u ste bdun pa'o// // de nas bcom ldan 'das de bzhin gshegs pa thams cad kyi bdag pos/ shin tu rnal 'byor gyi don 'di lta bu gsungs so// ye nas rnam par grol ba'i lam// lhun gyis gnas pa'i bde chen te// dge dang sdig las rnam par grol// sangs rgyas byang chub snying po 'di// lhag ma med pas yongs su rdzogs// 'gyur ba ma yin drang por gnas// dpag cing mtshon du med pa'i phyir// byang chub nyid la byang chub med// gang la bsod nams sdigs med na// de la byang chub rab tu gsungs// e ma ho ngo mtshar che// gzugs med gzugs sku 'byung ba rmad// 'di mi mthong bar 'di mi mthong // snying po 'di la ma lus rdzogs// de phyir rdzogs chen zhes
- 290b
bya ste/ rang 'byung ye shes btsal med pas// grol nas grol ba'i lam yang ston// nyon mongs pa nyid byang chub lam// ci yang mi dmigs byang chub ste// ma rig pa nyid byang chub gsal// rig pa'i ye shes gang ldan pas// yi ge med pa'i don la blta// snang medo don la dmag mi rig/ snang med snying po mchog gi sku// 'bras bu kun gyi lam gyur pa// ston pa rdo rje kun gyi thugs// mtshon du med pa'i rgyal ba'i lam// byar med sgo yang sa thig le la// mi rtog btang snyoms mnyam par gzhag/ snang ba med pa'i chos nyid la// ma btsal bzhag na bsgom pa yin// gzhan la bstan du med pa'i phyir// rang rig rang byung rang bzhin bzhag mi chags mi rtog mi gnas pas// ting 'dzin ro la chags mi bya// dngos med ming yang med pas na// yi ges mtshon cing bstan du med// stong nyid sgro med zhi gnas la// 'du shes med par mnyam gzhag pa// zhi gnas lhag mthong 'brel ba'o// mos pas spyod pa'i sa la gnas// mi rtog pa yi shes rab ste// bslab pa gsum dang rnam ldan pa'o// zag pa med pa'i phung por ldan// chos kyi dbyings kyi rang bzhin ni// mtshon cing dpag tu dka' ba ste// gsang ba dam pa 'di lta bus
- 291a
mnyam par gzhag ste bsgrub par bya// rang bzhin nyid kyi nam mkha' ste// kun gyi rjes su song ba'o// de ni rdo rje sku mchog ste// sems dpa' nyid kyang nam mkha' 'o// nam mkha' nam mkha' las byung ba// nam mkha'i rtog pa skye med cing // nam mkha' la ni nam mkha' bsgom// spyod dang 'jig rten nam mkha' dang // nang dang phyi yi nam mkha' la// lus dang shes pa'i nam mkha' 'o// nam mkha' nyid ni nam mkhas sgom// 'bras bu nam mkha' chen pos 'byung rdo rje sems dpa' nam mkha' tsho// kun tu bzang po chos kyi dbyings// rnam dag lam chen kun sgrol phyir// mi skye mi 'gag cir mi dgongs// de bzhin gshegs pa thams cad la// dam pa 'di las gzhan mi mnga'// 'das dang da ltar byung ba kun// 'di nyid rnyed nas lhun gyis grub// thabs dang rnam par bral ba ni// nan gyis mkha' lamadud pa 'dor// zhes brjod do// de nas yang bcom ldan 'das dgyes pa chen po mi rtog pa'i ting nge 'dzin la snyoms par zhugs te// yang thabs zab mo 'di gsungs so// dngos po med par bsgom par bya// de bzhin gshegs pa kun gyi thugs// ngo bo sems kyi rang bzhin te// dngos po gang
- 291b
yang yod ma yin// sems dang sems las byung ba min// nam mkha' nyid de rang bzhin med// kun la khyab pas kun tu 'od// sems la sems kyis yongs su bsgoms// bltas pas mthong ba med pa ni// de nyid mthong ba chen po ste// shes byed dam par gyur pa'o// sems nyid rdzogs pas sangs rgyas te// sangs rgyas gzhan nas tshol ba min// mar 'dod chu ni srub pa 'dra// de bzhin gshegs pa thams cad la// gsang ba dam pa 'di med par// gang zhig lam gzhan 'jug pa de// bskal pa dag ni stong du yang // sngags kyi 'bras bu mi thob bo// dbang dang dam tshig ldan pa la// thabs mkha sa snying rjer rab ldan pas// yid gnyis the tsom med pas ni// nges par legs pa'i dgongs pa 'grub// 'di la mi bya ci yang med// mi bza' ba ni yod med de// smra bar mi bya chung yang med// / bdud rtsi lnga dang sha lnga dang // bza' btung thams cad rigs med bya// dbang po g.yo ba nang du sbyar// ma nyam par gzhag pas btud nas su// lu mi sems long grod byinar gzhan/ lus sems tshad mar gang 'jog pa// de la 'dzin pa'i phur pa dam// dngos grub mchog tu gyur pa'o// de nas bcom ldan 'das dgyes pa chen po de/ nyid la
- 292a
nyid ched du brjod pa 'di ched du brjod do// dngos po'i rang bzhin skye med cing // stong pa nyid kyi rang bzhin las// gzhi rtsa med dbyings skad cig ma/ 'khor ba la sogs 'bras bu rnams// skad cig mas ni byed 'gyur te// rten cing 'brel par 'byung ba'o// skad cig rgyu 'bras med par dbyings// der mos rgyun de chad mi bya// babs nas de bzhin nyid min gzhag/ gol te de bzhin de la sgrib// de ni snying po de bas ni// de las de byung ngo mtshar che// 'khor ba dang ni mya ngan 'das// skad cig ma la brten gyur te// nus pa skyed par gdon mi za// rtog pa'i rgyun ni ji snyed pa// skad cig mas ni byed 'gyur te// rgyu 'bras rnam par zhi ba ni// nges pa yin te mchog gis// snga ma'i rgyun ni 'gag pa la// phyi ma'i stobs ni chung byed pa// skad cig ma la brtag par bya// 'di ni rgyal ba thams cad kyis// thabs kyi mchog tu gsungs pa ste// sgom las byung ba'i shes rab ldan// rnal 'byor can gyis rtag tu bsgoms// de dang de yi khyad par las// nam mkha'i dngos grub chen po 'thob// sku dang gsung dang thugs kyi mchog/ yon tan mi zad thob par byed// de nyid sangs rgyas kun dang mnyam// sangs rgyas byang chub sems dpa' yis//
- 292b
sras dang spun du dgongs par 'gyur// zhing khams dkyil 'khor thams cad kyi// zad mi shes pa'i gter du 'gyur// de bzhin gshegs pa thams cad kyi rang bzhin nam mkha' che rgyas pa'i rgyud las/ shin tu rnal 'byor gyi le'u ste brgyad pa'o// / de nas bcom ldan 'das de bzhin gshegs pa thams cad kyi bdag po dgyes pa chen po seng ge rnam par bsgyings pa zhes bya ba'i ting nge 'dzin la snyoms par zhugs te/ shin tu rnal 'byor gyi thabs 'di gsungs so// dngos po med pa'i dngos por grags// dngos rnams nyid ni dngos med pa'o// e ma'o kun tu bzang po nyid// rdo rje sku dang gsung dang thugs// skye ba med pa'i tshul gyis su// skye ba 'di/ ni ra ba tu bsgrags// oM ma hA shA n+ya ta dz+nyA na badz+ra sa b+hA ba at+sA ko&haM/ phung po khams dang skye mched dang // gang zhig g.yo dang mi g.yo ba// da kyi la 'khor kun tu bzang po'i zhing // mi zad rgyan gyi 'khor lor ldan// zad par bya ba'i don du ni// gsang sngags 'di ni brjod par bya// oM d+ha ra ma dz+nyA du swa b+hA ba At+ma ko&haM/ gru bzhi pa la sgo bzhi pa// lte brtsibs su bcas pa la// dkyil 'khor 'bar ba bsgom par bya// rgyun du dkyil 'khor mi lus bsgom// sku gsung thugs ldan gzugs kyang
- 293a
dgod// yan lag bzhi dang rab ldan pas// gsang ba bad+mar me tog ldan// byang chub sems ni 'byung ba'i tshe// mkhas pas sngags ni phaT ces brjod// oM a kA ro mu khaM sarba d+harmA NA/ A d+ya nudAn+na twA tAM/ oM AHhUM phaT swA hA// sngags de rnams ni gsungs ma thag/ snang ba'i dngos po kun 'gags nas/ tha ma nyams su myong bar byed// chos rnams gang yang mthong ba med// bcal pa med par byang chub che// de nyid dngos grub mtshig gis// thams cad lta bas rgyas btab pas// spyod pa ci la'ang chags med pa'o// lta ba dang ni spyod pa dang // gnyis su med par bya ste bsgrub// thams cad zil gyis gnon pa'o// ngo bo nyid kyi rang bzhin gyis// thams cad ma lus byug rgyas btab// ngo bo nyid kyi rang bzhin la// dmigs su rdul phran med pas na// de dmigs shes pa'ang bsgrub mi rung // rang bzhin rang bzhin med pa la// rang bzhin med pa yongs su bsgom// rang bzhin med pa'i rgyu nyid las// 'bras bu rang bzhin med pa la// spros pa nye bar nizhi bde gsang ba dam pa 'di yis bsgrub// de ma thag tu ye shes 'gyur// dmigs dang ye shes gnyis med na// chos sku bad pa chen por 'gyur/ de nas
- 293b
bcom ldan 'das de bzhin gshegs pa dgyes pa chen po des/ dam pa'i don sgrub pa'i thabs gsang ba chen po 'di gsungs so// kun la khyab pa'i rang bzhin ni/ tha dad du ma med pa ste// cir yang dmigs su med pa'o// shes rab thabs kyi phyag rgyar ldan// bdag nyid de yi rims kyis ni// rlung gi rim par yang dag 'jug sbyor ba'i yan lag bzhi dang ldan// mtshams kyi 'od zer lcags kyu yis// rgyal ba'i tshogs drangs klu du gyur// chos kyi dbyings su zhu mdzad do// zhu bas myos nas mi rtog pa de// 'khor ba mya ngan 'das pa yi// mkha' ni gang la yang mi gnas pa'o// shes rab ye shes dbang chen te// shes rab ces pas mya ngan 'das// ye shes zhes pa 'khor bar gsungs// dga' dang gzhan dga' dpa' bo'i dga'// dga' ba 'das pa'i bdag nyid can// dga' ba yang dag las byung ba'i// mi rtog bde dang ldan pa'o// stong pa shin tu stong pa ste// dngos med stong pa chen po la// dngos dang dngos med gnyis ka med// thams cad stong pa zhes bya'o// stong pa'i rang bzhin mtshan ma med// de yi phyir na stong pa min// mi stong pa yang ma yin te// mtha' dbus gang yang ma yin pa'o// mtshan nyid med pa'i phyag rgya dang // ldan pas yon
- 294a
tan skyed par byed// gsang ba'i pad+ma las byung ba// me tog nyi zlar bcas pa las// dbyibs dang kha dog ldan pa yi// phyag rgya chen po rdzogs pa'o// lhun grub bde ba'i ngang gnas nas// nI la'ang thogs pa med par spyad// rang bzhin grub pa med pas na// chos rnams gang yang grub po med// kun tu bzang mo'i b+ha ga la// kun tu bzang po'i rol pa yis// sgyu ma lhun grub yul la rol// blun po rtog ge'i shes pa ni// yod dang med pa'i chos la spyod// de yis rnam par mi grol te// dngos su 'dod pa spyod pa yin// de bzhin gshegs pa thams cad kyi rang bzhin nam mkha' che rgyas pa'i rgyud las/ de bzhin nyid dang shin tu rnal 'byor dam par bstan pa'i le'u ste dgu pa'o// // de nas bcom ldan 'das de bzhin gshegs pa thams cad kyi bdag po des rdo rje lta bu'i ting nge 'dzin la snyoms par zhugs te/ gsang ba'i don 'di lta bu rdo rje'i tshig tu gsungs so// brjod du med pa bdag nyid chos// yi ge tha snyad rnam par dag/ ming dang tha snyad tshig las 'das// de kho na nyid shes par bya'o// de kho na nyid sgrub pa'i thabs// thos bsam bsgom las rab sbyangs pa'i//
- 294b
mnyam pa'i don la dmigs par bya// yang dag mthong nas rnam par grol// kun rdzob sems bskyed tshad med bzhin// rnal 'byor pa yis bsgom par bya// nyan thos byang chub sems dpa' dang // bla na med pa'i theg pa yi// tshad med bzhi po tha dad 'gyur// bla med bzhi po tha dad 'gyur// bla med theg pa'i tshad med/ dag don la dmigs pa zhes pa ste// btang snyoms chen por bsgom par bya// yod dang med pa dbyer med cing // chags sdang gnyis dang bral ba yi// dbu ma chen por bsgom par bya// bla med don la gnas bcas na// nyon mongs las rnams kun spyad kyang // byas las ma sogs tshogs 'gyur te// phyi nang sno// bcud rnam par dag/ gang la'ang chags dang ma chags med// btang snyoms chen po'i ngang gnas na// yul gyi mos skrag mi 'byung zhing // mnyam nyid mi 'phrogs bya dang bral// bsgoms pas ma rnyed 'grub mi 'gyur// de phyir gsang ba 'di sgom mo// rnam thar gsum yang bdud kyi las// 'khor ba nyid kyi rang bzhin laso// don dam bsam pa rnyed mi 'gyur// drug gi yang dag don mi mthong // shes rab thabs su gang 'brel pas// yod med dbu ma mi dmigs
- 295a
shing // mnyam gzhag btang snyoms chen por bsgom// zhes brjod nas/ dngos po thams cad sgyu ma dang 'dra bar gzigs te/ gzugs stong pa'o// stong pa nyid kyang gzugs so// gzugs las stong pa nyid gzhan ma yin no// stong pa nyid las kyang gzugs gzhan ma yin no// de bzhin du phung po dang / khams dang / skye mched la sogs pa rnams kyang rang bzhin gyis stong pa'o// tha mi dad pa'i dbyer med pa'o// dben pa'o// zhi ba'o// spros pa dang bral ba'o// de lta bas na chos thams cad ni sems la gnas so// sems ni nam mkha' la gnas so// nam mkha' ni ci la yang mi gnas so/ zhes gsungs so// spros pa nye bar zhi ba yi// chos kyi dbyings kyis kun tu khyab// tha dad du ma med pas na// kun tu khyab pa'i spyi nyid// do// sems nyid ye shes gzugs bsgyur ba// thabs kyi rim pas byung ba ste// tha bas las thabs byung thabs bsam yas// 'brel ba bdun gyi rim pa yis// sku dang ye shes rdzogs par 'gyur// thabs la brten pa'i ting nge 'dzin// de lta bu yi dang du byung // don dam bla med sgrub pa'i tha bas// srog dang rtsol ba zhes
- 295b
bya ste// dbugs dgag stong pa zhes su bshad// dag pa dang ni stong pa dang // gnyis ka gnyis ka ma yin pa/ brtag pa rnam pa gsum zhes bya// phyi ro la rtsol ba'i dus su ni// phyi yi nam mkhar gA ti ma pa ste// srog gi nang gi dus su ni// gzhi rlung nyid la thim par bya// gzhi rlung de nyid nam mkha'i yi// dbyings kyi dbang phyug ces bya'o// rnam pa bcu pa'i rgyu yin te// de ni dbang phyug lnga nyid de// phyi rol g.yo ba'i rnam pa kun// dbugs nyid la ni ngas sbyor te/ rten dang brten pa'i bdag nyid las// rta dang rgyal po'i tshul du btub// thabs g.yo ba ni rlung du sbyar// rlung nyid phyi nang nam mkha' sbyar// de nyid rdo rje sems dpa' ste// nam mkha' la ni nam mkha' bsgom// nam mkha' nyid la nyid spyod de// gzhan du bya ba ci yang med// mkha' las rlung byung na bun tshul// byung yang nam mkha' las byung ste// mthar yang nam mkha' nyid la sa thim// gnyis dang drug la sogs pa yi// rnam pa tha dad du ma yang // srog dang rtsol pa nyid du 'du/ rlung gi rgyu 'dul gzhi la thim// langs nas mkha' rlung nyid la rtog/ brtags pas dngos po med mthong la// de nyid yang dag mthong ba yin// de nas
- 296a
/ ston pa kun mkhyen gyis// rdo rje gsung du bka' stsal pa// don gyi rang gi ngo bo bzhin// dngos po dbang gis chos nyid de// sems can bsam pa'i dbang gis ni// chos kyi dbyings dang zhi gnas dang // ye shes shes rab rnam bzhir snang // dngos po dbang gis kun tu 'od// bsam pas tha dad/ du mar snang // rnam grangs du ma zhes bya ste// rim pa rim pas 'jug pa'o// shin tu rnal 'byor 'di nyid ni// gzhan la brten pa ma yin te// lam gyis nang na nye lam ste/ thabs kyi mchog tu gyur pas na// cig char 'jug pa zhes bya'o// ye nas gnas pa'i de bzhin nyid// yaM sangs rgyas pa zhes bya ste// chos rnams ma lus dbyings su rdzogs// thams cad kun 'dus rnam par dag/ yod med da bu ma mi dmigs shing // mi 'gyur mi shigs rdo rje ste// yangs la rgya che kun tu// bzang / ta'agyur ba ma yin drang po gnas// rnal 'byor lta ba de zhes bya// bar du bsgom pa'i thabs gsungs pa// ting nge 'dzin dang spyod pa'o// ting nge 'dzin ces bya ba ni// gsang ba'i don la 'jug pa ste// spyod pa dngos su gsungs pa ni// ma dang bu mo sring mo'i tshogs// rtag tu sems na spyod par bya// glang chen
- 296b
sha dang sha chen dang // rta sha mi sha ba na glang dasha// byang chub sems la sogs pa rnams// bza' zhing spyad par bya ba ste// 'di la mi bya ci yang med// mi bza' ba yang ci yang med// thams cad lta ba gnyis med cing // ting nge 'dzin la gnas 'gyur na// mi spyad pa ni gang yang med// tha bas la brten par gyur pa dang // tha mar sems ni bcos dgos so// de bzhin gshegs pa thams cad kyi rang bzhin nam mkha' che rgyas pa'i rgyud las/ zab mo'i thabs bstan pa'i le'u ste bcu pa'o// / / de nas bcom ldan 'das de bzhin gshegs pa thams cad kyi bdag nyid dgyes pa chen po de sa/ ma 'ongs pa'i rnal 'byor pa shes rab kyis rgyags pa rnams dang / tshul bzhin du dbang bskur ba'i sgrub pa po rnams kyi don du/ gsang ba dang / gsang ba chen po dang / ye shes snying po gsum rdzogs par byas te/ zab mo'i thabs 'di gsungs so// rang bzhin gnas pa'i de bzhin nyid// ya nas gnas pa'i chos nyid de// sa la mi bgrod sbyang du med// lhun rdzogs rang 'byung gcig pur gnas// dpa' bo dngos po thams cad bza'// stong pa nyid kyi rang bzhin las// ting nge 'dzin du mnyam par gzhag/ lus kyi chos kyi rang bzhin las//
- 297a
klad pa dang ni klad rgyas dang // skra dang spu dang sen mo dang // sha dang pags pa tshol bu dang // rgyu ma gnye ma la sogs pa// mi gtsang ba yi rang bzhin can// bltas pas dngos po mi mthong ste// sgyu ma mig yor tshul shes shing // bde ba gnyis su mi mthong ste// de nyid yang dag mthong ba min// mi rtog shes rab gang skye ba// gsang ba'i don la zhugs pa yino// ngag gi chos su snang ba kun// ji snyed sgra dang tha snyad dang // yi ge skad dang sgra la sogs// gdags bya dang ni 'dogs byed dang // gdags pa'i tshig la sogs pa yi// dngos po gang yang ma rnyed de// 'ga' yang mthong ba med pa ni// de nyid mthong ba chen po yin// tshig la mi rtog shes rab skyed pa'o// dngos po med par grags pa yin// sems kyi chos su gang gsungs pa// sems dang sems las byung ba yi// dran dang rtog pa la sogs pa// brtags pas dngos po med mthong ba// zag pa med pa'i shes rab ste// ye shes myu gu skye ba'o// lnga lnga rdzogs pa'i rim pa la// stong nyid ye shes chen po ste// pad+ma'i spyan du rnam par grags// shin tu sbyor ba des mthong bas// chos sku bde ba chen po thob// de nas bcom ldan 'das de bzhin
- 297b
gshegs pa thams cad kyi bdag pos 'di skad kyang gsungs so// phyogs bcu na bzhugs pa'i/ dus gsum du gshegs pa'i/ rgyal ba rnams kyang thugs rje/ ro gcig pa/ zab mo thabs 'di blta bar 'tshal lo// 'das pa'i sangs rgyas dang / da ltar dang / ma 'ongs pa'i sangs rgyas rnams kyang thabs zab mo 'dis mngon par rdzogs par sangs rgya'o// rigs kyi bu rnams kyis kyang tshul bzhin du yid la bya'o// lta ba ngan pa rnams kyang dman pa'i 'du shes ma skyed cig/ shes rab 'chal ba la sogs par 'gyur ra re/ de ci'i phyir zhe na/ de bzhin gshegs pa'i dgongs pa ni nam mkha' dang mnyam pa la zla med pa'o// gzhan gyis mi dpogs pa'o// mi mnyam pa dang mnyam pa'o// chos nyid dang 'dra ba'o// de bas nam mkha' ni thams cad kyi rjes su song ba'o// de bzhin du chos rnams kyi chos nyid kyang / thams cad rjes su song ba ste kun la khyab pa'o// sangs rgyas kyi bdag nyid do// de bzhin nyid de mtho ba ni sangs rgyas so// nga'o// nga dang 'dra ba nyid do// gya nom pa'o// bla na med pa'o// de na sangs rgyas pa'i bdag chen po bsgrub par gsungs so// rigs kyi bu 'am/ rigs kyi bu mo gang la la rdzogs pa chen de
- 298a
slob par 'dod pas/ shin tu rnal 'byor gyi don 'di bsgom par bya'o// de bas na chos thams cad ni rang mi shes te/ gzugs kyis gzugs mi shes so// sgra yis sgra mi shes so// de bzhin du phung po dang / khams dang / skye mched dang / las la sogs pa thams cad rang rang gi ngo bo blta bar bya'o// de nyid mthong ba ni ma rig pa'i sgrib pa bral ba ste/ btags pa'i tshig mi skye ba'o// bde ba mthong ba'o// byang chub sems dpa'i sa la gnas pa'o// de nyid mi mthong ba'i tshul gyis mthong ba ni// sangs rgyas kyi sa la gnas pa'o// bde bar gshegs pa'o// mi gnas po'i mya ngan las 'das pa'o// de nas bcom ldan 'das de bzhin gshegs pa thams cad kyang rab tu dga' ba'i spyan rgyas pas gzigs mos mnyes par gyur to// de nas bcom ldan 'das de bzhin gshegs pa thams cad kyi bdag pos/ de bzhin gshegs pa thams cad de dag dang / byang chub sems dpa' rnams la 'di skad ces bka' stsal to// g.yo dang mi g.yo dngos po kun/ chos kyi dbyings kyi rang bzhin gyi// srid dang zhi ba dbyer med de dag dang // thams cad nam mkha'i rang bzhin no// dang po gnas khang nyams dga' ba/
- 298b
yo byad lnga ni rdzogs par ldan// 'du 'dzi thams cad spangs nas su// lus kyi bya ba rnam ldan bya// lus ngag lteng ka bzhin gnas na// sems kyang lteng chu bzhin du gonas// gzugs la sogs pa'i dngos po rnams// rang bzhin gyis ni stong pa ste// dngos po'i mtha' ni med ces bya// gang yang rang bzhin med brtags nas/ thams cad chos nyid phyag rgya yis// lta ba'i rgya ni btab byas la// de nas gzhi yi snying po bsgom// spyod pas gong yang thog med cing // ting nge 'dzin du mnyam ga zhag na// mchog gi dngos grub thob par 'gyur// sems la dmigs pa bdag med par// sa le sa le bsam bya ba// rang bzhin gyis ni 'o da gsal te/ stong pa nyid kyi bdag nyid do// 'jig rten pa yi lam du ni// rjes su dpog pa'i shes pa ste// shes pas gsum po gyur pa ni// bsam med dran med sgyu ma 'ang med// ting 'dzin tshul khrims shes rab pa// de nyid mos pas spyod pa'i sa// sa yi rim pa tha dad de// sa rnams yongs su bkod pa yang // stong nyid yo shes bskyed pa ste// ting nge 'dzin gyi rim pa yin// ting nge 'dzin gyi khyad par las// sa nas sar 'phar mngon byang chub// de dang de yi rim pa yis// kun tu gartags
- 299a
pa'i ma rig dang // lhan cig skyes pa'i ma rig dang // bsgrib pa gnyis ni zhes bya ste// byang nas tshogs gnyis rdzogs pa'i ngang // sku lnga ye shes rnam ldan pa// da lta nyid du 'thob par 'gyur// yon tan rnam pa 'phel ba yin// de bzhin gshegs pa thams cad kyi rang bzhin nam mkha' che rgyas pa'i rgyud las/ zab mo man ngag bstan pa'i le'u ste bcu gcig pa rdzogs so// // rgya gar skad du/ badz+ra satwa ma hA A ka sha puSh+Ti na ma yo ge nI tan+na khod skad du/ rdo rje sems dpa' nam mkha' che rgyas pa zhes bya ba rnal 'byor ma'i rgyud/ bcom ldan 'das dpal rdo rje 'dzin pa la phyag 'tshal lo// 'di skad bdag gis bshad pa'i dus gcig na// bcom ldan 'das de bzhin gau shegs po thams cad kyi bdag nyid/ sku gsung thugs kyi rang bzhin/ bde ba'i mchog/ btsun mo dam pa bde ba'i mchog gi pad+ma lnga rnal bar bzhugs so// de'i byin rlabs las byung ba/ longs spyod par mdzad pa'i longs spyod chen po btsun mo dam pa'i pad+ma gzhal yas khang brtsegs pa/ dbyibs dang tshad dpag tu med pa na/ rdo rje rnam par snang mdzad dong / rdo rje mi bskyod pa dang / rdo rje dkon mchog dpal dang /