Q881MW1PD96684_0881mdo sna tshogsAll versions of this work

rgyal po la gdams pa zhes bya ba theg pa chen po'i mdo

Text

ff. 218b–220a · 4 folio sides

  1. 218b

    ces bka' stsal nas/ / rgyal po gzugs can snying po la sogs pa thams cad yi rang ste// bcom ldan 'das kyis gsungs pa la mngon par bstod do// rgyal po gzugs can snying po la gdams pa zhes bya ba theg pa chen po'i mdo rdzogs s+ho/ / / rgya gar gyi mkhan po dA na shI la dang // / ban de ye shes sdes bsgyur cing zhus te gtan la phab pa/ rgya gar skad du/ rA dzA di sha nA ma ma hA yA na sUtra/ bod skad du/ rgyal po la gdams pa zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig nin/ bcom ldan 'das grong khyer chen po ba ra na sen 'khor rnams la chos ston pa na/ bang sa la'i rgyal po 'char byed 'dul ba'i dus la bab par gzigs nas 'khor dang bcas pa bang sa la'i yul du bshegs pa dang / bdas la'i rgyal po 'char byed grong khyer chen po gser can zhes bya ba gzhom pa'i phyir dmag bzhi dang chas pa dang phrad pas rgyal po 'char byed khros te/ 'di 'dra ba'i bkra mi shis pa dang phrad pas gsad par rigs so zhes nas mda' ste'u kha nya rngam blangs te/ bcom ldan 'das la 'phangs so// de nas mda' de nam mkha' la 'khor zhing 'di skad ces grag go/ zhe sdang gis ni sdug bsngal skyed/ / 'dir yang sha thang 'thab dang rtsod// phyi mar dmyal ba'i sprul bsngal 'byung // des na zhe sdang 'thab rtsod snang / zhes bya ba'i tshig de rgyal po 'char byed kyis thos par gyur pad bcom ldan 'das la mos par gyur te phyag 'tshal nas phyogs gcig tu 'khod do/ / bcom ldan 'das kyis bka' stsal pa/ rgyal po chen po 'thab rtsod ni 'dir sha thad la phyi mar ngan song du skyen ci'i phyir

  2. 219a

    rtag tu 'thab rtsod 'ba' zhig byed/ / rgyal pos gsol pa/ ga tam bdag gis gang dang 'thabs kyang pham ma myong ste rgyal bas bdag na dmag dang lab pa la mos pa lags so// bcom ldan 'das kyis bka' stsal pa/ rgyal po chen po dgra 'di ni dgra tshung ngu yin te/ rgyal po chen po 'di ma yin pa'i dgra chen po shar gnyer bzhig yod do// rgyal pos gsol pa dgra de gang lags/ bcom ldan 'das kyis bka' stsal ba/ / dgra chen po nyon mongs pa bdag du 'dzin pa zhes bya ba zhig yod do// rgyal pos gsol pa/ dgra de ji lta bu lags bshad du gsol// bcom ldan 'das kyis bka' stsal pa/ rnam rtog bdag 'dzin pa'i dgra chen po/ / 'di ni chu bzhin dngos po med bzhin du// thog ma med nas bdag la gnas nas ni// bdag gi chos su yid bzhin rin chen de// gzod mi'i mu nas dgra yis brkus nas su// mtshan ma'i chad tshing gseb tu sbas nas bdag/ da rung 'ching zhing 'khor bar 'khyam du 'jug/ 'jig rten dgras ni bsad nas nor 'phrog tsam// de la bzod byas bsod nams tshogs kyang rdzogs// dgra 'di zhi ba de thar pa'i srog kyang gcod// / de bsten bsod nams 'khor bar 'dam du 'ching // rgyal pos gsol pa/ dgra chen po de dang ji ltar 'thab par bgyi/ bcom ldan 'das kyis bka' stsal pa rnam tog dgra la rgol ba'i shom ra yang / / dad pas sbyin dang tshul khrims mkhar brtsigs te// dge ba'i dpung byas bzod pa'i gos song la// brtson 'grus lhag thogs bsam gtan ba'u brdungs te// bdag med stong pa'i mda' yis bdag 'dzin bsad// rgyal pos gsol pa/ bdag med pa zhes pa de bshad du gsol/ bcom ldan 'das kyis bka' stsal pa/ gang zag bdag med rgyal po mnyan par gyis

  3. 219b

    gang zag lnga phung rgyun yin ci byir na/ / thun las dang nyan mangs pas gang nas// 'bras bu brang par zag sad la bdag/ bdag na sems canas so gros 'di la// da dang bdag tu bzung nas chags pa / bdag nin dang shi bkres grang gi dogs// bstod na dga' zhing smad na mi dga' ste// de la dmigs nas mu stegs lha rnams 'jug/ nga'am bdag te yod pa ma yin te// phung po 'di la btags nas 'khrul pa yin ming ni bdag ma yin te btags pa tsam/ / lus ni bdag ma yin te sha rus rnams// 'byung chen 'dus pa phyi rol rtsig pa 'dra// sems kyang bdag ma yin te dngos po med// chos la bdag sad rgyal po mnyan par gyis/ / chos ni gzugs sogs dngos po thams cad yin// byed pa med la mtshan nyid 'dzin phyir ro// de dag log rtog mtshan mar bcas pa dang / lha mi mthun pa yin te de med do// ci phyir zhe na phyi nang chos 'di la// dngos 'di spangs nas stong nyid mi btsal gyi// snang ba nyid na stong pa nyid yin phyir// gzhig bcom mi rtag tsam la snod ming gdags// sdang la rang bzhin med par cis mngon na// yod med dbus dang gsum du mi gnas te/ / yod par grags par 'khor ba mya ngan 'das// 'khor ba'i rang bzhin yul sems rnam gnyis te/ yul 'di dngos po med par 'di ltar brtag/ rang snang rdul bshig rdul yang chas gzigs med/ / dngos snang thams cad sems yin rmi lam bzhin// mas kyang kha dog gnyis sogs rnams dang bral// des nas 'khor bstong zhing bdag med do// 'khor ba med pas mya ngan 'das pa'ang med/ / yod pa ma grub pas na med pa'ang med// mtha' gnyis med phyir dbus kyang med pa yin// de ltar rgyal pos bdag med sgom byas na// bdag 'dzin 'khor brtsad nas chod par 'gyur// rgyal pos

  4. 220a

    gsol pa/ / snga gong yan chad dgra ma yin pa la dgrar bzung ste bdag zhe sdang gis mnar bar gyur to// da ni bdag gis yang dag pa'i dgra do shes pas dgra de dang 'thab pa'i phyir bdag med pa la mos par gyur lags so/ / bcom ldan 'das kyis bka' stsal pa/ rgyal po chen po legs so// bdag tu 'dzin pa'i dag phram par byas so// bcom ldan 'das kyis de skad ces bka' stsal pa dang / bdas la'i rgyal po 'char byed la sogs pa yi rang ste/ bcom ldan 'das kyis gsungs pa la mngon par bstod do// bad sa la'i rgyal po 'char byed la gdams pa zhes bya ba theg pa chen po'i mdo// rdzogs s+ho// rgya gar gyi mkhan po dA na shi la dang / ban de ye shes sdes bsgyur cing zhus te gtan la phab pa// rgya gar skad du/ Ar+ya a dzA ta sha tu ko krid t+ya bi nod nA nA ma ma hA yA na sAH/ bod skad du/ 'phags pa ma skyes dgra'i 'gyod pa bsal ba zhes bya ba theg pa chen po'i mdo// bam po dang po// sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das rgyal po'i khab kyi ri bya rgod kyi phung po la// dge slong brgya phrag byed dang bcu gsum gyi dge slong gi dge 'dun chen po dang / byang chub sems dpa' sangs rgyas kyi zhing sna tshogs nas lhags pa brgyad khri bzhi stong dang / byang chub sems dpa' sems dpa' chen po mngon par shes pa mngon/ par shes pa/ gzungs thob pa/ spobs pa thogs pa med pa/ mi skye ba'i chos la bzod pa thob pa/ ting nge 'dzin dang / gzungs sgrub pa shes shing mkhas pa/ sems can thams cad kyi sems kyi bsam

Colophon

bad sa la'i rgyal po 'char byed la gdams pa zhes bya ba theg pa chen po'i mdo| |rdzogs s.ho|| ||rgya gar gyi mkhan po dā na shi la dang| ban de ye shes sdes bsgyur cing zhus te gtan la phab pa||