'phags pa dkon mchog sprin zhes bya ba theg pa chen po'i mdo
Āryaratnameghanāmamahāyānasūtra
Text
ff. 197b–366a · 338 folio sides
- 197b
khams gsum gnas pa'i sems can rnams// srog byin pas ni 'di don che// dge 'dun bsam gtan dkrugs skur na// khams gsum gang ba'i mi rnams dang // sems can thams cad bsad dang mtshungs/ / bsam gtan dge 'dun dkrugs skur na// de yi sdig kyang de bzhin no// la las dge ba spyod mthong ni// dpyas shing skur te ma mos na// dkon mchog gsum gyi rigs kyang gcod/ / bcom ldan bka' drin bsgrubs pa min// de nas rgyal bu dge mthong dang // mi sum stong bcom ldan 'das kyis gnang ste/ chos bstan zin nas/ dga' mgu yi rangs te/ bcom ldan 'das kyi zhabs spyi bo la blangs so// 'phags pa rtogs pa chen pos yongs su rgyas pa'i mdo las/ phyag 'tshal ba'i cho ga dang / 'gyod nangs kyil tshardzogs so/ khrigs pa ma meng po la gzugs te mtshan rnams kyi nus bsapas so// @ gar skad du/ Ar+ya rat+na me g+ha nA ma ma hA mA na sU hA/ bod skad du/ 'phags pa dkon mchog sprin ces bya ba theg pa chen po'i mdo// bam po dang pe sangs rgyas dang / byang chub sems dpa' thams cad dang / 'phags pa nyan thos dang / rang sangs rgyas thams cad la phyag 'tshal lo// 'di skad bdag gis thos
- 198a
pa dus gcig na/ bcom ldan 'das yul ga ya na/ g.ya mgo'i ri la dge slong bdun khri nyis stong gi dge 'dun chen po dag dang thab gcig tu bzhugs te/ thams cad kyang dgra bcom pa/ zag pa zad pa/ nyon mongs pa med pa/ dbang dang ldan par gyur pa/ sems shin tu rnam par grol ba/ shes rab shin tu rnam par grol ba/ cang shes pa/ glang po chen po/ bya ba byas pa/ byed pa byas pa/ khur bor ba/ bdag gi don rjes su thob pa/ srid par kun tu sbyor ba yongs su zad pa/ yang dag pa'i shes pas sems shin tu rnam par grol ba la/ sems kyi dbang thams cad kyi dam pa'i pha rol tu son pa/ chos kyi dbyings las mkhas pa/ chos kyi rgyal po'i sras/ sems rnyed pa dang bkur sti thams cad dang bral ba legs par rab tu byung ba/ legs par bsnyen par rdzogs pa/ brnag pa yongs su rdzogs pa/ mya ngan las 'da' ba'i lam la gnas pa sha stag ste/ gang zag gcig ma gtogs pa ni 'di lta ste/ tshe dang ldan pa kun dga' bo'o// byang chub sems dpa' brgyad khri bzhi stong gi byang chub sems dpa'i tshogs chen po dang yang thabs gcig ste/ thams cad kyang skye ba gcig gis thogs pa/ thams cad mkhyen pa nyid la mngon du phyogs pa/ thams cad mkhyen pa nyid la gzhol ba/ thams cad mkhyen pa nyid la 'bab pa/ thams cad mkhyen pa
- 198b
nyid la bab pa/ chags pa med pa'i gzungs dang ting nge 'dzin thob pa/ dpa' bar 'gro ba'i ting nge 'dzin la shin tu gnas pa/ mngon par shes pa chen pos rnam par rol pa/ lam gyi rgyun ma bcad pa sgrib pa dang / chod pa dang / kun nas ldang ba thams cad dang bral ba/ byams pa chen po dang / snying rje chen pos phyogs bcu'i 'jig rten gyi khams thams cad khyab par byed pa/ sangs rgyas kyi zhing mtha' yas par 'gro la mkhas pa/ stong pa nyid spyod yul ba/ mtshan ma med pa la gnas pa/ smon lam la gnas pa thams cad bral ba/ sems can thams cad la phan par brtson pa/ sangs rgyas kyi yul thams cad la mkhas pa/ ye shes mtha' yas pa/ sems nam mkha' dang mtshungs pa/ sems rgya mtsho ltar zab pa sems ri'i rgyal po ri rab ltar mi bskul ba/ sems pad+ma ltar ma gos pa/ sems rin po che ltar shin tu yongs su dag pa/ sems gser ltar shin tu yongs su byang ba rnams la 'di lta ste/ byang chub sems dpa' sems dpa' chen po rin po che tog dang / lag na rin po che dang / lag na phyag rgya rin po che dang / rin po che'i cod pan dang / gtsug na rin po che dang / rin po che brtsegs pa dang / rin po che 'byung gnas dang / rin po che'i rtse mo dang / rin po che'i rgyal mtshan dang / rdo rje'i snying po dang / gser gyi snying po dang / rin po che'i snying po dang / dpal gyi snying po
- 199a
dang / dge ba'i snying po dang / dge ba dri ma med pa'i snying po dang / de bzhin gshegs pa'i snying po dang / ye shes kyi snying po dang / nyi ma'i snying po dang / ting nge 'dzin gyi snying po dang / pad ma'i snying po dang / rnam par grol ba'i snying po dang / kun tu zla ba dang / spyan ras gzigs dbang phyug dang / mthu chen thob dang / kun tu bzang po dang / kun nas mig dang / pad+ma'i mig dang / dri ma med pa'i mig dang / yangs pa'i mig dang / kun tu spyod lam dang / kun tu mdzes dang / kun tu spyod pa'i blo gros dang / ye shes kyi blo gros dang / chos kyi blo gros dang / rgyal ba'i blo gros dang / bla ma'i blo gros dang / rdo rje'i blo gros dang / khyad par blo gros dang / seng ge rnam par rol dang / sgra chen po'i dbyangs kyi rgyal po dang / seng ge'i sgra sgrogs dang / sgra dbyangs brjod pa zab mo sgra sgrog dang / gos pa med dang / dri ma kun bral dang / zla ba'i 'od dang / nyi ma'i 'od dang / ye shes kyi 'od dang / ye shes kyi dpal dang / bzang po'i dpal dang / zla ba'i dpal dang / pad+ma'i dpal dang / rin po che'i dpal dang / 'jam dpal gzhon nur gyur pa dang / bzang skyong la sogs pa skyes bu dam pa bcu drug dang / byams pa la sogs pa bskal pa bzang po'i byang chub sems dpa' sems dpa' chen po thams cad dang / rgyal po chen po bzhi la sogs pa rgyal chen bzhi'i ris kyi
- 199b
lha'i bu rnams dang / lha'i dbang po brgya byin la sogs pa sum cu rtsa gsum ris kyi lha'i bu rnams dang / lha'i bu rab 'thab bral la sogs pa 'thab bral gyi lha'i bu rnams dang / lha'i bu yongs su dga' ldan la sogs pa dga' ldan gyi ris kyi lha'i bu rnams dang / lha'i bu rab 'phrul dga' la sogs pa 'phrul dga'i ris kyi lha'i bu rnams dang / lha'i bu gzhan 'phrul dbang byed la sogs pa gzhan phrul dbang byed kyi lha'i bu rnams dang / ded dpon dam pa la sogs pa dkar po'i phyogs kyi bdud kyi bu rnams dang / tshangs pa chen po la sogs pa tshangs pa'i ris kyi lha'i bu thams cad dang / lha'i bu dbang phyug chen po la sogs pa gnas gtsang ma'i ris kyi lha'i bu thams cad dang / lha ma yin gyi dbang po thag bzangs ris dang / stobs can dang / sgra gcan dang / de dag la sogs pa lha ma yin brgya stong phrag du ma dang / klu'i rgyal po ma dros pa dang / gzi can dang / rgya mtsho dang / mtha' yas dang / nor rgyas kyi bu dang / de dag la sogs pa klu'i rgyal po brgya stong du ma dang / dpal gyi gzi brjid la sogs pa klu'i rgyal po'i khye'u brgya skyong du ma dang / klu'i bu mo mang po rnams dang / de ma yin pa gzhan lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po brgya stong dag dang thabs gcig go// yang de'i tshe ga ya na/ ga ya'i mgo'i ri'i dpag tshad bzhi kho ra khor yug tu/
- 200a
skra'i rtse mo'i cha shas kyi rdul phra rab tsam yang / gang lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa dag gis ma gang bar gyur pa'i sa phyogs sam/ bar snang gi phyog de med do// 'khor de lta bu 'dus shing 'khod pa'i dbus na/ bcom ldan 'das kyi seng ge'i khri 'phang du dpag tshad gcig kho ra khor yug tu dpag tshad phyed pa la/ lha'i ras bcos bu brgya stong du ma ni bting / rin po che'i dril bu g.yer ka'i dra bas ni bla re bres/ dar gyi lnga lnga brgya stong du ma ni spangs/ me tog sil mas ni gtor ba zhig bshams te/ seng ge'i khri de'i kho ra khor yug gi sa'i phyogs de ngos rdo rje la yid du 'ong zhing lag mthil ltar mnyam pa dang / chatshig chag legs par btab pa dang / phyag bdar legs par byas pa dang / dri rab tu zhim zhing lha'i me tog brgya stong du mas gtor bar gyur to// bcom ldan 'das kyis yongs su longs spyod pa'i phyir phyogs de na gser gyi pad+ma shing rta'i 'phang lo tsam 'dab ma brgya stong du ma yod pa/ chu ba ni bai DUR+YA/ snying po ni an+da rI la/ ze ba ni rdo'i snying po ste/ dri rab tu zhim zhing yid du 'ong lo/ reg na dga' bar 'gyur ba dag skyes par gyur to// seng ge'i khri de'i grwa bzhir ha cang yang mi nye ba nas rin po che'i shing srid du dpag tshad phyed dang gnyis/ sboms su rgyang grags gsum gyis
- 200b
'khor ba bzhi skyes so/ / seng ge'i khri legs par bshams pa de la/ bcom ldan 'das blo ni rab tu rnam par dag/ chos kyi 'khor lo na rab tu bskor/ bdud dang phyir rgol ba ni bcom/ 'jig rten gyi chos rnams kyis ni ma gos lam pasnyengs shing mi 'dzem ste/ seng ge ltar bag tsha ba med pa/ mtsho dang 'dra bar dang ste/ rnyog pa med cing shin tu rnam par dang ba/ rgya mtsho chen po ltar zab cing gting dpag dka' la/ rin po che'i 'byung gnas su gyur pa/ ri rab ltar mngon par 'phags pa/ nyi ma ltar rab tu lhan pa/ zla ba ltar rab tu sim pa/ klu chen po ltar chos kyi char pa mngon par 'bebs pa/ tshangs pa chen po ltar 'jig rten kun las mngon par 'phags pa/ slob ma shin tu dul ba mtha' yas pa'i tshogs kyi 'khor mnga' ba/ brgya byin dang / tshangs pa dang / 'jig rten skyong bye ba khrag khrig brgya stong du mas zhal du bltas shing / ma khengs mdud par bzhugs te/ 'khor tshogs pa de ni lham me/ lhan ne/ lhang nge'o// bcom ldan 'das de ltar lham me lhan ne lhang nge ba'i dbu'i gtsug gi gtsug tor gyi gseb nas 'od zer kun tu snang ba zhes bya ba 'od zer gyi 'khor brgya stong phrag du ma yod pa byung ste/ de byung nas phyogs bcu thams cad du 'jig rten gyi khams rabs byams thams cad snang bar byas te/ phyir 'ong nas/ bcom ldan 'das la lan gsum bskor te/ bcom ldan 'das kyi zhal gyi sgo nas zhugs nas/ bcom ldan 'das kyi zhal gyi sgo phye ba 'am
- 201a
btsums par yang mi mngon no/ / 'di lta ste/ dper na nyi ma dang zla ba'i 'od nam mkha'i khams thams cad kyi gseb tu zhugs kyang / nam mkha'i khams kyi gseb phye ba 'am btsums par mi mngon pa de bzhin du/ de'i tshe na 'od zer de dag zhugs kyang bcom ldan 'das kyi zhal gyi sgo phye ba'am/ btsums par mi mngon no// 'di lta ste/ dper na bye ma'i phung po la mar ram/ 'bru mar ram/ chu zhugs na mi mngon pa de bzhin du/ de'i tshe 'od zer de dag zhugs kyang phye ba 'am btsums par mi mngon no// de nas shar phyogs su sangs rgyas kyi zhing 'di nas 'jig rten gyi khams gang+gA'i klung gi bye ma snyed 'das pa/ pad+ma can zhes bya ba'i 'jig rten gyi khams de na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das pad+ma'i spyan zhes bya ba de/ byang chub sems dpa' sems dpa' chen po rnams la 'di lta ste/ theg pa gcig la brtsams nas chos ston te/ sang+yas kyi zhing de na nyan thos dang / rang sangs rgyas dag dang / nyan thos kyi theg pa 'am/ rang sangs rgyas kyi theg pa'i ming yang med/ sangs rgyas kyi zhing de na rdzus te skye ba ma gtogs par bud med dang mngal na gnas te 'byung zhing skye ba'i sgra yang mi grag go// 'jig rten gyi khams
- 201b
de'i sems can de dag thams cad kyang / bla na med pa yang dag par rdzogs pa'i byang chub las phyir mi ldog pa'i byang chub sems dpa' sha stag go// 'jig rten gyi khams de na bza' ba dang / btung ba dang / zas kyi bya ba yang mi shes so// byang chub sems dpa' de dag thams cad kyang bsam gtan gyi dga' ba'i zas can dang / ting nge 'dzin gyi dga' ba'i zas can dang / chos kyi dga' ba'i zas can no/ / de bzhin gshegs pa de nyid kyi 'od kyis 'jig rten gyi khams de khyab cing dri ma med par gyur pa ma gtogs par 'jig rten gyi khams de na zla ba dang / nyi ma dang skar ma dang / gza' rnams kyi 'od kyang mi shes so// 'jig rten gyi khams de lag mthil bzhin du mnyam par gyur pa las 'jig rten gyi khams de na rtswa dang / shing dang / bong ba dang rtsig pa dang / ri la sogs pa yang mi snang ngo // 'jig rten gyi khams de 'dra ba de na byang chub sems dpa' sems dpa' chen po sgrib pa thams cad rnam par sel ba zhes bya ba de'i ming thos pa tsam gyis sems can gyi sgrib pa thams cad zad par 'gyur ba zhig gnas ste/ de 'od des reg ste bskul nas rang gi gnas nas byung ste/ bcom ldan 'das de bzhin gshegs pa pad+ma'i spyan de sa la ba der song ste/ phyin nas bcom ldan 'das de'i zhabs la mgo bos phyag 'tshal te/ pad+ma'i snying po la phyogs gcig tu 'dug go// de ma yin pa'i byang chub sems dpa' gzhon dag
- 202a
kyang 'od des reg ste bskul ba dang / rang rang gi gnas nas byung ste/ bcom ldan 'das de bzhin gshegs pa pad+ma'i spyan de ga la ba der song ste phyin nas/ bcom ldan 'das de'i zhabs la mgo bos phyag 'tshal te/ pad+ma'i snying po la so so ci rigs par 'khod do// de nas byang chub sems dpa' sems dpa' chen po sgrib pa thams cad rnam par sel ba stan las langs nas/ bla gos phrag pa gcig tu gzar te/ pus mo g.yas pa'i lha nga pad+ma'i snying po la btsugs nas/ bcom ldan 'das de bzhin gshegs pa pad+ma'i spyan ga la ba de logs su thal mo sbyar ba btud nas/ bcom ldan 'das de la 'di skad ces gsol to// bcom ldan 'das 'di lta bu'i 'od bzang po dri ma ma mnI pa rnam par dag pa yid du mchi ba lus dang / sems shin tu dga' bar bgyid pa byang ba 'di su'i lags/ de skad ces gsol pa dang / bcom ldan 'das de bzhin gshegs pa pad+ma'i spyan des/ byang chub sems dpa' sgrib pa thams cad rnam par sel ba la 'di skad ces bka' stsal to/ / rigs kyi bu nub phyogs na sangs rgyas kyi zhing 'di nas 'jig rten gyi khams gang+gA'i klung gi bye ma snyed 'das pa na/ mi mjed ces bya ba'i 'jig rten gyi khams yod do/ / de na de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/
- 202b
skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das shAkya thub pa zhes bya ba de'i mtshan thos pa tsam gyis sems can rnams bla na med pa yang dag par rdzogs pa'i byang chub las phyir mi ldog par 'gyur ba zhig bzhugs te/ des 'od bzang po dri ma med pa rnam par dag pa yin du 'ong ba lus dang sems shin tu dga' bar byed pa 'di phyag ngo / / de skad ces bka' stsal pa dang / bcom ldan 'das de bzhin gshegs pa pad+ma'i spyan de la/ byang chub sems dpa' sems dpa' chen po sgrib pa thams cad rnam par sel bas 'di skad ces gsol to/ / bcom ldan 'das de ltar de bzhin gshegs pa de'i mtshan thos pa tsam gyis sems can rnams bla na med pa yang dag par rdzogs pa'i byang chub las phyir mi ldog par 'gyur/ ba'i rgyu gang lags/ rkyen gang lags/ de skad ces gsol pa dang / bcom ldan 'das de bzhin gshegs pa pad+ma'i spyan des/ byang chub sems dpa' sems dpa' chen po sgrib pa thams cad rnam par sel ba la 'di skad ces bka' stsal to/ / rigs kyi bu de bzhin gshegs pa des sngon byang chub sems dpa'i spyad pa spyod pa na/ 'di ltar sems can su gang dag gis bdag mngon par rdzogs par sangs rgyas pa'i ming thos pa de dag thams cad bla na med pa yang dag par rdzogs pa'i byang chub las phyir mi ldog por shog cig ces smon lam btab bo/ / byang
- 203a
chub sems dpa' sgrib pa thams cad rnam par sel bas gsol pa/ bcom ldan 'das ci lags/ 'jig rten gyi khams de'i sems can de dag thams cad phyir mi ldog pa lags sam bcom ldan 'das des bka' stsal pa/ rigs kyi bu de ma yin no// byang chub sems dpa' sgrib pa thams cad rnam par sel bas gsol pa/ bcom ldan bdas ci lags/ sems can de dag gis de bzhin gshegs pa de'i mtshan mi thos sam/ bcom ldan 'das des bka' stsal pa/ rigs kyi bu thos so// gsol pa/ bcom ldan 'das de ci'i slad du phyir mi ldog pa ma lags/ bcom ldan 'das des bka' stsal pa/ rigs kyi bu de dag thams cad ni phyir mi ldog pa'ang yin la/ phyir mi ldog pa'ang ma yin no// gsol pa/ bcom ldan 'das ji ltar gang de lta bu de dag thams cad phyir mi ldog pa yang lags la/ phyir mi ldog pa yang ma lags/ bcom ldan 'das des bka' stsal pa/ rigs kyi bu de bzhin gshegs pa de'i mtshan thos pas sems can de dag gis phyir mi ldog pa'i sa bon skyes pa mthong nas sems can de dag phyir mi ldog par lung ston to/ / mtshan thos pa kho nas de ma thag tu de dag phyir mi ldog par 'gyur ba yang ma yin te/ de bas na rigs kyi bu don de nyid rab tu grub par bya ba'i phyir khyod la dpe bshad do// rigs kyi bu 'di lta ste/ dper na shing la la'i sa bon gyi rnam pa zhig
- 203b
yod de/ sa bon de la sa bon gyi nyes pa thams cad med pa/ myu gu skye ba nas/ rdzogs pa'i bar du rkyen rnams yod na/ rigs kyi bu sa bon de la ji skad ces bya/ gsol pa/ bcom ldan/ 'das nyes pa thams cad dang bral bas na/ de ni yongs su rdzogs pa zhes bgyi'o// bka' stsal pa/ rigs kyi bu de bzhin du de bzhin gshegs pa de'i mtshan thos pa dang ldan pa'i phyir/ mi ldog pa'i sa bon yod pa'i sems can rnams ni bla na med pa yang dag par rdzogs pa'i byang chub las phyir mi ldog pa yin no// de skad ces bka' stsal pa dang / bcom ldan 'das de bzhin gshegs pa pad+ma'i spyan de la/ byang chub sems dpa' sems dpa' chen po sgrib pa thams cad rnam par sel bas 'di skad ces gsol to// bcom ldan 'das bdag mi mjed kyi 'jig rten gyi khams de blta ba dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la yang phyag 'tshal ba dang / bsnyen bkur bgyi ba dang / btsun par bgyi ba dang / ri mor bgyi ba dang / bkur sti bgyi ba dang / mchod par bgyi ba'i slad du mchi'o// de skad ces gsol pa dang / bcom ldan 'das de bzhin gshegs pa pad+ma'i spyan des/ byang chub sems dpa' sems dpa' chen po sgrib pa thams cad rnam par sel ba la 'di skad ces bka' stsal to// rigs kyi bu de'i dus la dbab par shes na khyod song zhig/
- 204a
bcom ldan 'das de bzhin gshegs pa pad+ma'i spyan de la/ byang chub sems dpa' de dag thams cad kyis kyang 'di skad ces gsol to// bcom ldan 'das bdag cag kyang mi mjed kyi 'jig rten gyi khams de blta ba dang / bcom ldan 'ongs de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la yang phyag 'tshal ba dang / bsnyen bkur bgyi ba dang / btsun par bgyi ba dang / ri mor bgyi ba dang / bkur sti bgyi ba dang / mchod par bgyi ba'i slad du mchi'o// de skad ces gsol pa dang bcom ldan 'das de bzhin gshegs pa pad+ma'i spyan des/ byang chub sems dpa' de dag la 'di skad ces bka' stsal to// rigs kyi bu dag de'i dus la dbab par shes na khyed deng shig/ 'jig rten gyi khams der bag yod par gnas pas gnas par gyis shig/ de ci'i phyir zhe na/ 'di ltar 'jig rten gyi khams de'i sems can de dag ni rab tu 'dod chags mang ba/ zhe sdang mang ba/ gti mug mang ba/ dge sbyong du mi 'dzin pa/ bram zer mi 'dzin pa/ phar mi 'dzin pa/ mar mi 'dzin pa/ chos ma yin pa/ 'dod pa mang ba/ brlang ba/ gtum pa zhe gcod pa/ mu cor smra ba/ pho theg can/ g.yengs pa/ brkam pa/ le lo can/ tshul khrims 'chal pa/ sdig pa'i chos can/ phrag dog dang ser snas yongs su dkris pa/ nyon
- 204b
mongs pa du mas nye bar nyon mongs par gyur pa rnams te/ sems can de 'dra ba de dag gi nang na de bzhin gshegs pa de chos ston to// byang chub sems dpa' de dag gis gsol pa/ bcom ldan 'das gang 'di 'dra ba'i sems can rnams kyi nang na chos ston pa ni/ de bzhin gshegs pa de dka' ba mdzad pa lags so// bcom ldan 'das des bka' stsal pa/ de de bzhin no// rigs kyi bu dag de bzhin te/ gang 'di 'dra ba'i sems can rnams kyi nang na chos ston pa ni/ de bzhin gshegs pa de dka' ba mdzad pa yin no// rigs kyi bu dag gang de lta bur kun nas nyon mongs par gyur pa'i 'jig rten gyi khams na/ dge ba'i sems gcig tsam bskyed pa'i sems can de dag kyang dka' ba byed pa yin no// de ci'i phyir zhe na/ gang yongs su dag pa'i 'jig rten gyi khams na/ sems can yongs su dag pa yod pa lta ci 'tshal gyi/ gang dag de ltar kun nas nyon mongs par gyur pa'i 'jig rten gyi khams de nas gol gtog pa srid du yang dad pa rnyed pa dang / se gol gtogs pa srid du yang sangs rgyas la skyabs su 'gro ba dang / chos la skyabs su 'gro ba dang / dge 'dun la skyabs su 'gro ba dang / se gol gtogs pa srid du yang tshul khrims yang dag par gzung ste/ spong ba 'di ni ches ngo mtshar to// de bas kyang gang dgo se gol gtogs pa srid du yang 'dod chags dang bral ba la gnas pa'i sems yang dag par ga
- 205a
ste gnas pa 'di ni ches ngo mtshar to/ / de bas kyang gang dag se gol gtogs pa srid du yang snying rje ba'i sems nye bar bzhag ste/ bla na med pa yang dag par rdzogs pa'i byang chub tu sems bskyed pa 'di ni ches ngo mtshar to/ / byang chub sems dpa' de dag gis gsol pa/ bcom ldan 'das ngo mtshar to// bde bar gshegs pa ngo mtshar to// de nas sgrib pa thams cad rnam par sel ba la sogs pa byang chub sems dpa' de dag thams cad kyis/ bcom ldan 'das la legs so zhes gsol nas/ bcom ldan 'das de las 'di lta bu 'thun pa'i rjes su bstan pa de mnyan nas/ bcom ldan 'das de'i zhabs la mgo bos phyag 'tshal te/ rang rang gi gnas nas dong ngo // dong nas bcom ldan 'das shAkya thub pa la mchod pa'i phyir/ la las ni rin po che'i shing me tog dang bcas pa/ 'bras bu dang bcas pa/ chu zheng du ldan pa rnams mngon par sprul/ la las ni bai DUR+Ya'i shing rnams/ la las ni shel gyi shing rnams/ la las ni dpag bsam shing rnams/ la las ni gser gyi shing rnams/ laM las ni me tog gi shing rnams/ la las ni 'bras bu'i shing rnams/ la las ni gos kyi sprin rnams/ la las ni rgyan gyi sprin rnams/ la las ni spos kyi sprin rnams/ la las ni 'phreng ba'i sprin rnams/ la las ni phye ma'i sprin rnams/ la las ni
- 205b
gdugs kyi sprin rnams/ la las ni rgyal mtshan gyi sprin rnams/ la las ni sil snyan gyi sprin rnams mngon par sprul to// mngon par sprul nas gcig tu 'dus te/ byang chub sems dpa' sems dpa' chen po sgrib pa thams cad rnam par sel ba dang lhan cig tu mi mjed kyi 'jig rten gyi khams ga la ba der dong ngo / / de nas byang chub sems dpa' sgrib pa thams cad rnam par sel bas/ byang chub sems dpa' de dag la 'di skad ces smras so// kye ma'o grogs po dag mi mjed kyi 'jig rten gyi khams kyi sems can rnams sdug bsngal lo// de bas na gang gis sems can de dag thams cad bde ba mchog gis bstabs par 'gyur ba de lta bu'i rdzu 'phrul mngon par bya ba leg par mngon par bya'o/ / byang chub sems dpa' de kun gyis legs so zhes smras nas/ byang chub sems dpa' sgrib pa thams cad rnam par sel ba'i ltar mnyan to// de nas byang chub sems dpa' sgrib pa thams cad rnam par sel bas/ ji lta bu'i rje 'phrul mngon par byas pas/ byang chub sems dpa' sgrib pa thams cad rnam par sel ba'i lus las 'od dang ba dri ma med pa rnam par dag pa yid du 'ong ba lus dang sems shin tu dga' bar byed pa byang ste/ 'od des stong gsum gyi stong chen po'i 'jig rten gyi khams 'di khyab cing snang bar gyur pa dang / gang stong gsum gyi stong chen po'i 'jig rten gyi khams 'di'i
- 206a
sems can dmyal ba pa'i lus su gnas pa dang / dud 'gro'i skye gnas pa'i lus su gnas pa dang / gshin rje'i 'jig rten pa'i lus su gnas pa de dag 'od des reg nas sdug bsngal gyi tshor ba dang bral te/ bde zhing khro ba dang / gnod sems dang yang bral te/ phan tshun du pha mar 'du shes par gyur pa dang / yang stong gsum gyi stong chen po'i 'jig rten gyi khams 'di na/ 'jig rten gyi bar mun pa mun nag gang du nyi ma dang zla ba 'di ltar rdzu 'phrul che ba/ 'di ltar mthu che ba/ 'di ltar dbang che bar grags pa/ 'di dag gis kyang lham me lhan ne lhang nger ma gyur pa/ de dag kyang 'od des khyab nas snang bar gyur te/ gang der skyes pa'i sems can de dag kyang gcig gis gcig mthong / stong gsum gyi stong chen po'i 'jig rten gyi khams 'di'i gang khor yug gi ri rnams dang / khor yug gi ri chen po rnams dang / ri btang bzung dang / ri btang bzung chen po rnams dang / de yin pa'i ri nag po gzhan de dag kyang 'od des kyang khyab ste snang bar gyur pa dang / smrar ni tshangs pa'i 'jig rten man chad/ 'og tu ni mnar med pa'i sems can dmyal ba chen po yan chad de'i bar du gang 'od des snang bar ma byas pa'i sa phyogs de gang yang med pa de lta bu'i rdzu 'phrul mngon par bya ba mngon par byas so/ / de ma yin pa'i byang chub sems dpa' gzhan dag
- 206b
gis kyang ji lta bu'i rdzu 'phrul mngon par bya ba mngon par byas pas/ zas 'dod pa'i sems can rnams ni zas thob/ btung ba 'dod pa rnams ni btung ba/ gos 'dod pa rnams ni gos/ bzhon pa 'dod rnams ni bzhon pa/ nor 'dod pa rnams ni nor thob/ long ba rnams ni mig thob/ 'on pa rnams ni sgra thos/ sgren mo rnams ni gos can du gyur// myos pa rnams ni dran pa lo ba/ sdug bsngal ba rnams ni bde bar gyur/ sbrum pa rnams ni bde bar btsas pa/ de lta bu'i rdzu 'phrul mngon par bya ba mngon par byas so// de nas sgrib pa thams cad rnam par sel ba la sogs pa byang chub sems dpa' de dag thams cad yul ga ya dang / ga ya mgo'i re ga la ba der nye ba dang / skyes bu dam pa de dag nye bar gyur ma thag tu stong gsum gyi stong chen po'i 'jig rten gyi khams 'di rin po che'i dra bas khebs par kun tu snang ngo / / steng gi bar snang las kyang lha'i pad+ma'i char mngon par rab tu phab bo/ / lha'i me tog gi sprin rnams dang / lha'i shing thog gi sprin rnams dang / lha'i 'phreng ba'i sprin rnams dang / lha'i spos kyi sprin rnams dang / lha'i gos kyi sprin rnams dang / lha'i phye ma'i sprin rnams dang / lha'i chos gos dang / gdugs dang / rgyal mtshan dang / ba dan gyi sprin gyi char mngon par rab tu bab bo// de dag mngon par rab tu bab
- 207a
pas sems can gang la reg pa de thams cad rab tu bde bar gyur/ yul ga ya dang / ga ya mgo'i ri la shing thu mal ba dang / sa phyogs tha mal pa gang yod pa de dag thams cad kyang med par snang ngo / / sa phyogs de dag na rin po che'i shing rnams dang / dpag bsam gyi shing rnams dang / me tog gi shing rnams dang / 'bras bu'i shing rnams dang / tsan dan gyi shing rnams dang / a ka ru'i shing rnams kun tu snang ste/ de dag kun tu bzang por 'dug par gyur to// bar snang na lha'i sil snyan dag sgra 'byin cing sel snyan de dag las 'di lta bu'i tshigasu bcad pa 'di dag kyang byung ngo / / lum pa'i tshal rab mchog tu gang skyes pa// mnyam med gzhar yang nyon mongs dbang mi 'gyur// nam mkha mtshungs mnyam de la phyag 'tshal du/ / ri bo mchog rab 'di la bdag cag lhags// byang chub mchog sus byang chub shing rab drung // bdud kyi sde stobs bcom nas sangs rgyas pa/ dra med gzi ldan de la phyag 'tshal du// ri bo mchog rab 'di la bdag cag lhags// chos tshul 'di dag sgyu ma smig rgyu dang // chu zla 'dra bar gang gis rtogs gyur pa// bsod nams zhing rab de la phyag 'tshal du/ / ri bo mchog rab 'di la bdag cag lhags// chos rnams sna tshogs 'ja' dang 'dra ba dang // gar la lta 'drar gang gis rab rtogs pa// mi g.yo bsod nam/
- 207b
gter la phyag 'tshal du// ri bo mchog rab 'di la bdag cag lhags// gang gis bskal pa brgya phrag mang por ni// thugs rje'i thugs kyis tshogs kun rdzogs mdzad pa// dri med zla zhal de la phyag 'tshal du/ / ri bo mchog rab 'di la bdag cag lhags// byang chub sems dpa' bye ba brgya mang dang // lha yi tshogs kyis de bzhin gang mchod pa// gti mug mun bral del phyag 'tshal du/ / ri bo mchog rab 'di la bdag cag lhags// gang gis mchog gis chos kyi gter brnyes shing // thugs rje nyid kyis 'jig rten dag la btang // mnyam med pan mdzad de la phyag 'tshal du/ / ri bo mchog rab 'di la bdag cag lhags// gang zhig thugs zhi rtag par byams pa'i yid// pad+ma nus ltar nyon mongs ma gos pa// yon tan mchog rab mnga' la phyag 'tshal du/ / ri bo mchog rab 'di la bdag cag lhags// mtshan gyi me tog rgyas pa yongs su dag pa'i sku// dpe byad bzang po'i 'bru chags 'gro ba'i 'tsho ba gang la ga mtha' yas rin chen shing la phyag 'tshal du/ / bdag cag thams cad lhan cig mchod pa thogs te lhags// tshigs su bcad pa 'di dag byung ma thag tu/ de nas tshe dang ldan pa mo'u 'gal gyi bu chen po stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba der logs su thal mo sbyar ba
- 208a
btud nas/ bcom ldan 'das la 'di skad ces gsol to// bcom ldan 'das sngon ma thos sngon ma mthong ba'i snga ltas gda' ba 'di dag su'i lags/ de skad ces gsol pa dang / bcom ldan 'das kyis/ tshe dang ldan pa mo'u 'gal gyi bu chen po la 'di skad ces bka' stsal to// mo'u 'gal gyi bu shar phyogs na sangs rgyas kyi zhing 'di nas 'jig rten gyi khams gang+gA'i klung gi bye ma snyed 'das pas/ 'jig rten gyi khams pad+ma can zhes bya ba zhig yod de/ de na de bzhin gshegs pa dgra bcom pa yang dag par rdzogs pa'i sangs rgyas pad+ma'i spyan zhes bya ba da ltar bzhugs so/ / 'tsho'o// gzhes so// chos kyang ston to// de bzhin gshegs pa de'i sangs rgyas kyi zhing nas byang chub sems dpa' sems dpa' chen po sgrub pa thams cad rnam par sel ba zhes bya ba 'jig rten gyi khams mi mjed 'dir 'ongs pa dang / de ma yin pa'i byang chub sems dpa' gzhan bye ba khrag khrig brgya stong gang skyes bu dam pa de nyid dang lhan cig tu/ mi mjed kyi 'jig rten gyi khams 'dir 'ongs pa de dag gi snga ltas 'di yin no// bcom ldan 'das kyis de skad ces bka' stsal ma thag tu/ de nas byang chub sems dpa' sgrib pa thams cad rnam par sel ba byang chub sems dpa' bye ba khrag khrig brgya stong phrag du mas bskor cing mdun du 'dar te/ rdzu 'phrul gyi mthu chen po dang / byang chub sems
- 208b
dpa'i mthu chen pos/ bcom ldan 'das ga la ba der 'ongs te phyin nas/ bcom ldan 'das kyi zhabs la mgo bos phyag 'tshal te/ byang chub sems dpa' de dag dang lhan cig tu bcom ldan 'das kyi spyan sngar 'khod nas/ bcom ldan 'das la tshul dang 'dra ba'i tshigs su bcad pa 'di dag gis mngon par bstod do// grags chen shes rab chen po pa// thub chen dpa' bo chen po pa/ srid pa'i mya ngan rgal ba po// nyon mongs rgal la phyag 'tshal lo// thams cad du yang thal le ste// kun nas rab tu lhan ner bzhugs// kun nas rnam par grol ba po// phyag 'tshal mi mtshungs mtshungs med la/ / rab tu mi bskul ri bo bzhin// gting tshod yangs pa rgya mtsho 'dra// mu stegs kun nas mi bskyod pa// chos rgyal khyod la phyag 'tshal lo// chos kyi 'khor lo bskor ba na/ / gzod nas zhi zhing ma skyes pa// rang bzhin mya ngan 'das pa yin// chos rnams mgon po khyod kyis bstan// la la la ni lam yang bstan// la la yang dag nyid la bkod// la la yang dag mya ngan zlas// la la byang chub lung yang bstan// bag la nyal dang bsam pa mkhyen// khyod kyis mi mkhyen ci yang med// de phyir 'dul ba'i bya ba rnams// gzigs pas khyod kyi bka' 'grub bo/ / byang chub snying por bzhugs pa na// 'dod chags zhe sdang gti mug dang // dri ma sna tshogs gzhan rnams kyang // khyod kyi ye shes me yis bsregs/
- 209a
brgal nas sems can rnams sgrol zhing // grol nas skye dgu grol mdzad de// srid pa'i mya ngan 'khyams pa yi// 'jig rten tshol ba khyod lags so// srid pa'i btson ra sems can dag/ yun ring mi shes gnyid log rnams// sad par mdzad pa mgon po khyod// gnyen gyur khyod la phyag 'tshal lo// khyod kyi sras mchog 'di dag kyang // thams cad byang chub slad du zhugs/ / dam pa'i chos ni nyan 'tshal na// 'dren pas de dag bstan du gsol// de nas bcom ldan 'das la byang chub sems dpa' sgrib pa thams cad rnam par sel bas// tshul dang 'dra ba'i tshigs su bcad pa de dag gis mngon par bstod nas/ bcom ldan 'das kyis gnang ste/ pad+ma'i snying po la phyogs gcig tu 'dug go// byang chub sems dpa' de dag thams cad kyang bcom ldan 'das kyis gnang nas pad+ma'i snying po la so so ci rigs par 'khod do/ / de nas byang chub sems dpa' sgrib pa thams cad rnam par sel ba stan las langs te/ bla gos phrag pa gcig tu gzar nas/ pus mo g.yas pa'i lha nga pad+ma'i snying po la btsugs te/ bcom ldan 'das ga lwa ba der logs su thal mo sbyar ba btud de/ bcom ldan 'das la 'di skad ces gsol to/ / gal te zhus nas zhu ba lung bstan pa'i slad du/ bcom ldan 'das kyis bdag la skabs phye na/ bdag bcom ldan 'odas de bzhin gshegs pa dgra bcom pa yang
- 209b
dag par rdzogs pa'i sangs rgyas la phyogs 'ga' zhig zhu'o/ / de skad ces gsol pa dang / bcom ldan 'das kyis/ byang chub sems dpa' sgrib pa thams cad rnam par sel ba la 'di skad ces bka' stsal to/ / skyes bu dam pa khyod la de bzhin gshegs pa thams cad kyis rtag tu skabs phyes/ de bzhin gshegs pa la khyod ci dang ci 'dod pa dris shig dang / dris pa de dang de nyid du lung bstan pas ngas khyod kyi sems rangs par bya'o// de nas bcom ldan 'das kyis skabs phye ba dang / bcom ldan 'das la/ byang chub sems dpa' sgrib pa thams cad rnam par sel bas 'di skad ces gsol to/ / bcom ldan 'das ji ltar na byang chub sems dpa' sems dpa' chen po sbyin pa phun sum tshogs pa rnams lags/ ji ltar na tshul khrims phun sum tshogs pa rnams lags/ ji ltar na bzod pa phun sum tshogs pa rnams lags/ ji ltar na brtson 'grus phun sum tshogs pa rnams lags/ ji ltar na bsam gtan phun sum tshogs pa rnams lags/ ji ltar na shes rab phun sum tshogs pa rnams lags/ ji ltar na thabs mkhas pa rnams lags/ ji ltar na smon lam phun sum tshogs pa rnams lags/ ji ltar na stobs phun sum tshogs pa rnams lags/ ji ltar na ye shes phun sum tshogs pa rnams lags/ bcom ldan 'das ji ltar na byang chub sems
- 210a
dpa' sa dang mtshungs pa rnams lags/ ji ltar na chu dang mtshud pa rnams lags/ ji ltar na me dang mtshungs pa rnams lags/ ji ltar na rlung dmar dang mtshung pab rnams lags/ ji ltar na nam mkha' dang mtshungs pa rnams lags/ ji ltar na zla ba lta bu rnams lags/ ji ltar na nyi ma dang mtshungs pa lta bu rnams lags/ ji ltar na seng ge lta'u rnams lags/ ji ltar na dul ba rnams lags/ ji ltar na cang shes pa rnams lags/ ji ltar na pad+ma lta bu rnams lags/ bcom ldan 'das ji ltar na byang chub sems dpa' sems rgya che ba rnams lags/ ji ltar na sems rnam par dag pa rnams lags/ ji ltar na sems nem nur ma mchis pa rnams lags/ bcom ldan 'das ji ltar na byang chub sems dpa' blo rgya mtsho lta bu rnams lags/ ji ltar na blo zhib pa rnams lags/ bcom ldan 'das ji ltar na byang chub sems dpa' rig pa'i spobs pa can rnams lags/ ji ltar na grol ba'i spobs pa can rnams lags/ ji ltar na rnam par dag pa'i spobs pa can rnams lags/ ji ltar na sems can thams cad mgu bar byed pa'i spobs pa can rnams lags/ bcom ldan 'das ji ltar na byang chub sems dpa' tshig gzung ba rnams lags/ bcom ldan 'das ji ltar na byang chub sems dpa' chos brjod pa rnams lags/ ji ltar na chos kyi rjes su 'brang ba rnams lags/ ji ltar na chos kyi dbyings la
- 210b
mkhas pa rnams lags/ bcom ldan 'das ji ltar na byang chub sems dpa' stong pa nyid spyod yul ba rnams lags/ ji ltar na mtshan ma med pa la gnas pa rnams lags/ ji ltar na smon lam la gnas pa thams cad dang bral ba rnams lags/ ji ltar na byams pa'i bdag nyid can rnams lags/ ji ltar na snying rje'i bdag nyid can rnams lags/ ji ltar na dga' ba la gnas pa rnams lags/ ji ltar na btang snyoms la gnas pa rnams lags/ bcom ldan 'das ji ltar na byang chub sems dpa' mngon par shes pa rnam par rol pa rnams lags/ ji ltar na/ mi khom pa brgyad rnam par spangs pa rnams lags/ ji ltar na byang chub kyi sems mi stor ba rnams lags/ ji ltar na tshe rabs dran pa rnams lags/ ji ltar na dge ba'i bshes gnyen dang ma bral ba rnams lags/ ji ltar na sdig pa'i grogs po yongs su spangs pa rnams lags/ bcom ldan 'das ji ltar na byang chub sems dpa' de bzhin gshegs pa'i sku'i chos nyid thob par 'gyur/ ji ltar na lus rdo rje ltar sra ba rnams lags/ bcom ldan 'das ji ltar na byang chub sems dpa' ded dpon rnams lags/ ji ltar na lam la mkhas pa rnams lags/ ji ltar na lam ma log par ston pa rnams lags/ bcom ldan 'das ji ltar na byang chub sems dpa' rtag tu rgyun mi 'chad par sems mnyam par gzhag pa rnams lags/ bcom ldan
- 211a
'das ji ltar na byang chub sems dpa' phyag dar khrod pa rnams lags/ ji ltar na chos gos gsum pa rnams lags/ ji ltar na phying pa can rnams lags/ bcom ldan 'das ji ltar na byang chub sems dpa' bsod snyoms pa rnams lags/ ji ltar na stan gcig pa rnams lags/ ji ltar na zas phyis mi len pa rnams lags/ bcom ldan 'das ji ltar na byang chub sems dpa' dgon pa pa rnams lags/ ji ltar na shing drung pa rnams lags/ ji ltar na bla gab med pa rnams lags/ ji ltar na dur khrod pa rnams lags// ji ltar na cog pu pa rnams lags/ ji ltar na gzhi ji bzhin pa rnams lags/ bcom ldan 'das ji ltar na byang chub sems dpa' rnal 'byor spyod pa rnams lags/ ji ltar na mdo sde 'dzin pa rnams lags/ ji ltar na 'dul ba 'dzin pa rnams lags/ ji ltar na cho ga dang / spyod yul dang / spyod lam phun sum tshogs pa rnams lags/ ji ltar na ser sna dang phra dog dang bral ba rnams lags/ ji ltar na sems can thams cad la sems snyoms pa rnams lags/ ji ltar na de bzhin gshegs pa la mchod pa dang rim gro bgyid mkhas pa rnams lags ji ltar na nga rgyal bcom pa rnams lags/ ji ltar na dad pa mang ba rnams lags/ ji ltar na kun rdzob la mkhas pa rnams lags/ ji ltar na don dam pa la mkhas pa rnams lags//
- 211b
ji ltar na rten cing 'brel par 'byung ba la mkhas pa rnams lags/ ji ltar na bdag shes pa rnams lags/ ji ltar na 'jig rten shes pa rnams lags/ bcom ldan 'das ji ltar na/ byang chub sems dpa' sangs rgyas kyi zhing yongs su dag par skye/ ji ltar na mngal gyi dri mas ma gos par skye/ ji ltar na khyim gyi gnas nas mngon par byung ba rnams lags/ ji ltar na 'tsho ba yongs su dag pa rnams lags/ ji ltar na yid yongs su mi skyo ba rnams lags/ ji ltar na de de bzhin gshegs pa rnams kyi bka' bzhin bgyid pa rnams lags/ ji ltar na bzhin 'dzum zhing khro gnyer ma mchis pa rnams lags/ ji ltar na mang du thos pa rnams lags/ ji ltar na dam pa'i chos yongs su 'dzin pa rnams lags/ ji ltar na chos kyi rgyal po'i sras rnams lags/ ji ltar na brgya byin dang / tshangs pa dang / 'jig rten skyong bas bsu ba rnams lags/ ji ltar na bsam pa dang bag la nyal ba 'tshal ba rnams lags/ ji ltar na semA can yongasu smin par bgyi ba'i cho ga 'tshal ba rnam lags/ ji ltar na nges pa rnams lag/ ji ltar na 'grogs pa bde ba rnams lags/ ji ltar na bsdu ba'i dngos po la mkhas pa rnams lags// ji ltar na tshul du shis pa rnams lags/ ji ltar na gnas bca' ba rnams lags/ ji ltar na rtsi'i rgyal po'i shing chen po lta bu rnam lags/ ji ltar na bsod nams bgyi ba la brtson pa rnams lags/
- 212a
ji ltar na sprul pa la mkhas pa rnams lags/ bcom ldan 'das ji ltar na byang chub sems dpa' dag myur du bla na med pa yang dag par rdzogs pa'i byang chub tu mngon par rdzogs par 'tshang rgya/ de skad ces gsol pa dang / bcom ldan 'das kyis/ byang chub sems dpa' sems dpa' chen po sgrib pa thams cad rnam par sel ba la 'di skad ces bka' stsal to/ / rigs kyi bu legs so legs so// yang rigs kyi bu khyod skye bo mang po la phan pa dang / skye bo mang po la bde ba dang / 'jig rten la snying brtse ba dang / skye bo phal po che dang / lha dang mi rnams kyi don dang / phan pa dang bde ba'i phyir zhugs shing / de ltar de bzhin gshegs pa la khyod 'di lta bu'i don 'di 'dri bar sems pa legs so// rigs kyi bu de'i phyir legs par rab tu nyon la yid la zung zhig dang ngas khyod la bshad do/ / bcom ldan 'das legs so zhes byang chub sems dpa' sgrib pa thams cad rnam par sel bas/ bcom ldan 'das kyi ltar mnyan pa dang / bcom ldan 'das kyis 'di skad ces bka' stsal to// rigs kyi bu chos bcu dang ldan na/ byang chub sems dpa' sbyin pa phun sum tshogs pa rnams yin no// bcu gang zhe na/ 'di lta ste/ chos kyi sbyin pa phun sum tshogs pa rnams yin/ mi 'jigs pa'i sbyin pa phun sum tshogs pa rnams yin/ zang zing gi sbyin pa phun sum tshogs pa rnams
- 212b
yin/ lan du phan 'dogs pa la mi re ba'i sbyin pa phun sum tshogs pa rnams yin/ snying rje ba'i sbyin pa phun sum tshogs pa rnams yin/ mi brnyas pa'i sbyin pa phun sum tshogs pa rnams yin// bsti stang gi sbyin pa phun sum tshogs pa rnams yin/ mchod pa dang rim gro'i sbyin pa phun sum tshogs pa rnams yin/ mi gnas pa'i sbyin pa phun sum tshogos pa rnams yin/ yongs su dag pa'i sbyin pa phun sum tshogs pa rnams yin no/ / rigs kyi bu de la ji ltar na byang chub sems dpa' chos kyi sbyin pa phun sum tshogs pa yin zhe na/ rigs kyi bu 'di la byang chub sems dpa' zang zing med pa'i sems kyis chos rnams 'dzin cing / kun chub par byed de/ rnyed pa dang bkur sti'i phyir ma yin/ shes kyi khe 'dod pa'i phyir ma yin/ grags pa 'dod pa'i phyir ma yin te/ gzhan du na de 'di ltar sems can 'di dag gi sdug bsngal thams cad ji ltar zad par bya snyam ste/ chos de dag kyang zang zing med pa'i sems kyis gnyis su med pa gzhan dag la'ang yang dag par ston to/ / ji ltar rgyal po 'am/ blon po chen po la yang dag par ston pa de ltar gdol pa 'am/ gdol bu la'ang yang dag par ston na/ de ma yin pa grong rdal gyi mi dang / yul gyi mi gzhan dag la lta ci smos/ chos kyi sbyin pa des khengs par yang mi 'gyur te/ rigs kyi bu de ltar na byang chub sems dpa' chos kyi sbyin pa phun sum tshogs pa yin no//
- 213a
ji ltar na byang chub sems dpa' mi 'jigs pa'i sbyin pa phun sum tshogs pa yin zhe na/ rigs kyi bu 'di la byang chub sems dpa' bdag gis dbyig pa bor ba dang / mtshon mabor ba yin te/ gzhan dag kyang bslab pa de nyid la gzhog go// de sems can thams cad la bar 'du shes pa yin/ mar 'du shes pa yin/ khur 'du shes pa yin/ rtsa lag tu bdu shes pa 'in nye du'am/ sdug gi gnyen mtshams dag kyang rung bar 'du shes pa yin no// de ci'i phyir zhe na/ de 'di snyam du sems te/ de bzhin gshegs pas kyang skye ba 'pho ba de dang de dag tu/ sems can gyiris su gang khyed kyi pha'am/ ma 'am/ bu 'am/ rtsa lag gam/ nye du 'am/ snag gi gnyen mtshams gang yang rung ba'i gnas su ma gyur pa'i sems can de lta bu med do zhes gsungs so/ snyam nas/ de srog chags su gyur pa phra mo'i phyir yang bdag gis sha dag gis kyang phan 'dogs pa na/ srog chags chen po che ba gzhan dag la lta ci smos te/ de ltar na byang chub sems dpa' mi 'jigs pa'i sbyin pa phun sum tshogs pa yin no/ / ji ltar na byang chub sems dpa' zang zing gi sbyin pa phun sum tshogs pa yin zhe na/ rigs kyi bu 'di la byang chub sems dpa' sems can gang dag mi dge ba'i las rab tu byed pa mthong na/ de dag zang zing gis bsdus shing / zang zing gis bsdus nas/ mi dge ba'i gnas de nas bslangs te dge ba'i gnas su 'go/
- 213b
do// de yang 'di snyam du sems te/ bcom ldan 'das kyis kyang sbyin pa ni byang chub sems dpa'i byang chub bo// byang chub sems dpa' sbyin pa sbyin pa na/ mi dge ba'i chos phrag/ dog dang / ser sna dang / ngan sems gsum spangs pa yin no zhes gsungs te/ de bas na bdag gis de bzhin gshegs pa'i rjes su bslab cing sbyin pa sbyin par bya'o snyam ste/ de sbyin pa yang sbyin zhing sbyin pa des khengs par yang mi 'gyur te/ de ltar na byang chub sems dpa' zang zing gi sbyin pa phun sum tshogs pa yin no// ji ltar na byang chub sems dpa' la lan du phan 'dogs pa la mi re ba'i sbyin pa phun sum tshogs pa yin zhe na/ byang chub sems dpa' sbyin pa sbyin pa yang / 'dod pa'i phyir sbyin pa mi sbyin/ phan 'dogs su re ba'i phyir ma yin// don gyi phyir ma yin/ g.yog gi phyir ma yin/ 'jig rten gyi tshul gyi phyir ma yin gyi/ gzhan du na 'di snyam du sems te/ gang byang chub sems dpa' sbyin pa'i ngang tshul can du 'gyur ba 'di ni chos nyid yin no snyam ste/ de rgyu de dang / rkyen de dang / gzhi des phan btags pa'i lan du phan 'dogs pa thams cad la mi re bar sbyin pa sbyin par byed de/ de ltar na byang chub sems dpa' lan du phan 'dogs pa la mi re ba'i sbyin pa phun sum tshogs pa yin no/ / ji ltar na byang chub sems dpa' snying rje ba'i sbyin pa phun sum tshogs pa yin zhe na/ 'di la byang chub
- 214a
sems dpa' sems can sdug bsngal ba dang / bkres pa dang / skom pa dang / gcer bu dang / gos ngan pa dang / bgo ba ngan pa dang / mgon med pa dang dpung gnyen med pa dang / skyabs med pa dang / gnas med pa dang / rten med pa lta bu bsod nams med pa dag mthong na/ de dag la snying rje ba'i sems rab tu skyed cing de 'di snyam du sems te/ sems can gang dag gi phyir bdag gis bla na med pa yang dag par rdzogs pa'i byang chub tu sems bskyed pa'i sems can de dag ni sdug bsngal ba mgon med pa/ dpung gnyen med pa/ skyabs med pa/ gnas med pa/ rten med pa 'di dag yin te/ kun tu 'khyam na nam zhig bdag sems can de dag gi mgon dang / dpung gnyen dang / skyabs dang / gnas dang / rten du 'gyur snyam nas/ de snying rjes rab tu mi zad de/ bdog cing yod pa'i dngos pos sems can de dag la phan 'dogs so// phan btags pa'i mod la skyes pa'i dge ba'i rtsa ba des kyang khengs par mi 'gyur te/ de ltar na byang chub sems dpa' snying rje ba'i sbyin pa phun sum tshogs pa yin no// ji ltar na byang chub sems dpa' mi brnyas pa'i sbyin pa phun sum tshogs pa yin zhe na/ byang chub sems dpa' sbyin pa na/ bor ba'i sbyin pa mi sbyin/ brnyas shing sbyin pa mi sbyin/ gshe zhing sbyin pa mi sbyin/ nyon
- 214b
mongs shing sbyin pa mi sbyin/ phyug pas rgyags shing dregs te sbyin pa mi sbyin/ grags pa 'dod cing sbyin pa mi sbyin/ mang du thos pas rgyugs shing dregs pas sbyin pa mi sbyin gyi/ ci sbyin pabade yang bsti stang du byas shing sbyin pa sbyin par byed do/ / btsun par byas shing sbyin pa sbyin par byed do// ri mor byas mchod cing rang gi lag nas sbyin pa sbyin por byed do// de ltar na byang chub sems dpa'i mi brnyas po'i sbyin pa phun sum tshogs pa yin no/ / ji ltar na byang chub sems dpa' bsti stang gi sbyin pa phun sum tshogs pa yin zhe na/ byang chub sems dpa' slob dpon dang / mkhan po dang / bla ma lta bu dang / tshangs pa mtshungs par spyod pa gang dag mthong na/ lus kyis gus pa dang bcas pa yin/ sems kyis ri mo dang bcas pa yin te/ des gus pa bskyed/ ri mo bskyed nas gus par smra ba dang / phyag 'tshal ba dang / bsu ba dang / thal mo sbyar ba dang / 'dud pa'i las dag byed do// de dag gis dge ba dang ldan pa'i bya bde dang de dag la'ang grogs su 'gyur te/ de ltar na byang chub sems dpa' bsti stang gi sbyin pa phun sum tshogs pa yin no// ji ltar na byang chub sems dpa' mchod pa dang rim gro'i sbyin pa phun sum tshogs pa yin zhe na/ byang chub sems dpa' sangs rgyas dang / chos dang / dge 'dun la bya ba de dag byed de/ ji ltar na sangs rgyas la bya ba dag byed ce na/ 'di lta ste/ de bzhin
- 215a
/ gshegs pa'i mchod rten dag dang / de bzhin gshegs pa'i sku gzugs la spos sam/ me tog gam/ bdug pa 'am/ 'phyag pa 'am/ skyang nul lam/ de bzhin gshegs pa'i mchod rten zhig pa bcos pa dag gis te/ de ltar na sangs rgyas la bya ba dag byed do// ji ltar na chos la bya ba dag byed ce na/ de chos nyan to// 'chang ngo // klog go yi ger 'dri'o/ / kha ton byed do// kun chub par byed do// sems so// ma log par bsgom pa'i sbyor bar gom par byed de/ de ltar na chos la bya ba dag byed do// ji ltar na dge 'dun la bya ba byed ce na/ chos gos dang / bsod snyoms dang / mal cha dang / na ba'i gsos sman dang / yo byad rnams dang / tha na chu grang mo phor gang tsam yang dge 'dun la 'bul te/ de ltar na dge 'dun la bya ba dag byed de/ de ltar na byang chub sems dpa' mchod pa dang rim gro'i sbyin pa phun sum tshogs pa yin no// ji ltar na byang chub sems dpa' mi gnas pa'i sbyin pa phun sum tshog pa yin zhe na/ 'di la byang chub sems dpa' sbyin pa byin pa na/ sbyin pa 'dis bdag lha 'am/ b+ha la la zhig tu shog cig ce'am/ rgyal po 'am/ rgyal po la la zhig tu shog cig ces de ltar sem+ba mi bskyed de/ de ltar byang chub sem dpa' mi gnas pa'i sbyin pa phun sum tshogs pa yin no/ / rigs kyi bu ji ltar na byang chub sems dpa' yongs su dag pa'i sbyin pa phun sum tshogs pa yin zhe na/ rigs kyi bu
- 215b
'di la byang chub sems dpa' sbyin pa 'di dag ji skad du bshad pa la so sor rtog pa'i rang bzhin can yin te/ de sbyin pa ci dang ci sbyin yang / sbyin pa de dang de la so sor rtog pa'i rang bzhin can yin no/ / de de ltar so sor rtog pa la gang 'di sbyin pa'i nyes pa dang / sbyin pa'i dri ma dang / sbyin pa'i bar du gcod pa de dag mi 'byung ste/ de ltar na rigs kyi bu byang chub sems dpa' yongasu dag pa'i sbyin pa phun sum tshogs pa yin no/ / rigs kyi bu chos bcu po de dag dang ldan na/ byang chub sems dpa' sbyin pa phun tshigs pa rnams yin no// rigs kyi bu chos bcu dang ldan na/ byang chub sems dpa' tshul khrims phun sum tshogs pa rnams yin no// bcu gang zhe na/ 'di lta ste/ so sor thar pa'i sdom pas bsdams pa rnams yin/ byang chub sems dpa'i bslab pa'i sdom pas bsdams pa rnams yin/ nyon mongs pa thams cad kyi yongs su gdung ba dang bral ba rnams yin/ tshul bzhin ma yin pa yid la byed pa dang bral ba rnams yin/ las kyi 'jigs pa rnams yin/ kha na ma tho bas 'jigs pa rnams yin/ 'jigs par lta ba rnams yin/ yang dag par blangs pa la brtan pa rnams yin/ mi gnas pa'i tshul khrims pa rnams yin/ 'khor gsum yongs su dag pa'i tshul khrims pa rnams yin no// rigs kyi bu de la ji ltar na byang chub sems dpa' so sor thar pa'i sdom pas
- 216a
bsdams pa rnams yin zhe na/ rigs kyi bu 'di la byang chub sems dpa' de bzhin gshegs pas mdo sde 'am/ 'dul ba 'am/ gnas gang yang rung ba la dag tu bslab/ pa'i gzhi 'di dag gang bcas pa de dag ston pas bstan pa'o snyam du bsams te/ gnas de dang de dag la shin tu legs par slob kyi/ rigs la 'dod chags pas ma yin/ lta ba la 'dod chags pas ma yin/ 'khor ba la 'dod chags pas ma yin/ gang zag gi skyon gyi phyir bslab pa'i gzhi de dang de dag la ri mo byed pa ma yin te/ de ltar na byang chub sems dpa' so sor thar pa'i sdom pas bsdams pa yin no/ / ji ltar na byang chub sems dpa' byang chub sems dpa'i bslab pa'i sdom pas bsdams pa yin zhe na/ 'di la byang chub sems dpa' 'di snyam du so sor thar pa'i sdom pa tsam gyis ni/ bdag gis bla na med pa yang dag par rdzogs pa'i byang chub mngon par rdzogs par 'tshang rgya bar mi nus kyis/ de bzhin gshegs pas mdo sde de dang de dag las byang chub sems dpa'i yang dag par spyad pa dang / byang chub sems dpa'i bslab pa'i gnas rnams kyang gang / 'di dag gang bcas pa de dag la bdag gis bslab par bya'o zhes rnam par dpyod do/ / byang chub sems dpa'i yang dag par spyad pa de dag ni gang / byang chub sems dpa'i bslab pa'i gnas de rnams kyang gang zhe na/ 'di la byang chub sems dpa' gang gi phyir de la
- 216b
sems can rnams dad par 'gyur ba'i gnas ma yin par mi spyod/ dus ma yin par mi spyod/ yul ma yin par mi spyod/ dus ma yin par mi smra ba yin/ dus mi shes pa ma yin/ yul mi shes pa ma yin/ tshod mi shes pa ma yin te/ de sems can rjes su srung ba dang / bdag gi byang chub kyi tshogs yongs su rdzogs par bya ba'i phyir/ spyod lam phun sum tshogs shing 'jam par smra ba dang / dal bus smra ba dang / 'du 'dzi mi mang ba dang / rab tu dben pa la mngon par phyogs pa dang / bzhin gyi mdangs rab tu dang ba yin te/ de ltar na byang chub sems dpa' cho ga phun sum tshogs pa yin no/ / ji ltar na byang chub sems dpa' byang chub sems dpa'i bslab pa'i sdom pas bsdams pa yin zhe na/ de bzhin gshegs pas mdo sde de dang de dag la byang chub sems dpa' rnams kyi bslab pa'i gzhi 'di dag gang bcas pa'i bslab pa'i gzhi de dag la gus par byed pa yin/ brtson byed pa yin te/ de ltar na byang chub sems dpa' byang chub sems dpa'i bslab pa'i sdom pas bsdams pa yin no/ / ji ltar na byang chub sems dpa' nyon mongs pa thams cad kyis yongs su gdung ba dang bral ba yin zhe na/ 'di la byang chub sems dpa' 'dod chags kyis yongs su gdung ba 'am/ zhe sdang gis yongs su gdung ba 'am/ gti mug gis yongs su gdung ba 'am/ nyon mongs pas yongs su gdung ba gang yang rung ba la la
- 217a
'am/ yo byad kyis 'phongs pa'i yongs su gdung ba gang yang rung ba la las yongs su gdung bar mi 'gyur te/ 'dod chags kyi gnyen po la rten cing / 'dod chag skye ba'i rkyen rnam yongasu spyod do// 'dod chags kyi gnyen po de dag ni gang / 'dod chags skye ba'i rkyen de dag ni gang zhe na/ mi sdug pa bsgom pa ni 'dod chags kyi gnyen po'o// yul gyi bzang mo ni 'dod chags skye ba'i rkyen to/ / mi sdug pa bsgom pa de gang zhe na/ 'di lta ste/ lus 'di la sgra dang / spu dang / sen mo dang / so dang / rdul dang / dri ma dang / pags pa dang / sha dang / rus pa dang / rgyus pa dang / rtsa dang / mkhal ma dang / snying dang / mchin pa dang / glo ba dang / rgyu ma dang / gnyem dang / pho ba dang / sul mangs dang / long ka dang / lgang pa dang / mcher pa dang / phyi sa dang / mchil ma dang / rdul dang / snabs dang / ngar snabs dang / zhag dang / chu ser dang / rkang dang / tshil dang / mkhris pa dang / bad kan/ dang / rnag dang / khrag dang / klad pa dang / klad rgyas dang / gcin dag yod de/ dngos po de dag la byang chub sems dpa' yongs su rtog pa'i rang bzhin can yin te/ yongs su rtog pa'i rang bzhin can de 'di snyam du/ byis pa blun po mi gsal ba mi mkhas pa de yang dngos po 'di dag shes nas/ 'dod chags kyi sems mi bskyed na/ shes rab ldan pa'i rang
- 217b
bzhin can lta smos kyang ci dgos snyam ste/ de ltar na byang chub sems dpa' mi sdug pa bsgom pa yang mang ba yin no// yul gyi bzang me de gang zhe na/ 'di la byang chub sems dpas chags par 'gyur ba'i bud med kyi gzugs bzang ba/ yid du 'ong ba/ mdzes pa/ mig tu sdug pa/ sems 'phrog pa mthong yang des de lta bu dag mthong na/ 'di ltar yongs su rtog ste/ bcom ldan 'das kyis kyang yul ni rmi lam dang 'dra ba dag ste/ byung nas med par 'gyur ba yin na/ mkhas pa'i rang bzhin su zhig rmi lam lta bu'i yul dag la 'dod chags skyed par byed ces gsungs so snya ma ste/ de ltar na byang chub sems dpa' 'dod chags kyi gnyen po la rten cing / 'dod chags skye ba'i rkyen rnams yongs su spong ngo // ji ltar na byang chub sems dpa' zhe sdang gi gnyen po la rten cing / zhe sdang skye ba'i rkyen rnams yongs su spong zhe na/ 'di la byang chub sems dpa' sems can rnams la byams pa mang ba yin/ de gzhi gang dang // rgyu gang dang / rkyen gang gis khro zhing gnod sems su 'gyur pa dang / khon du 'dzin par 'gyur ba'i rgyud dag rkyen de dag yongs su spong ste/ de ltar na byang chub sems dpa' zhe sdang gi gnyen po la rten cing / zhe sdang skye ba'i rkyen rnams yongs su spong ba yin no// ji ltar na byang chub sems dpa' gti mugi gnyen po la rten cing / gti mug skye ba'i rkyen rnams yongs
- 218a
su spong zhe na/ de de ltar yongs su rtog pas gti mug dang bral bar 'gyur ro// gti mug dang bral bas 'dod pa ma 'byor tam yo byad ma 'byor kyang song su yi 'chad pa med de/ de ltar na byang chub sems dpa' nyon mongs pa thams cad kyi yongs su gdung ba dang bral ba yin no// ji ltar na byang chub sems dpa' tshul bzhin ma yin pa'i yid la byed pa dang bral ba yin no/ nu/ 'di la byang chub sems dpa' gcig po lkog tu song ste rab tu dben pa na gnas shing / 'di ltar bdag ni ma 'dres par gnas pa ste/ bdag ni rab tu dben pa na 'dug pa'o// bdag ni de bzhin gshegs pa'i chos 'dul ba la zhugs pa'o/ / dge sbyong ngam bram ze gzhan dag ni kun kyang 'dres par gnas pa/ 'du 'dzi mang ba/ de bzhin gshegs pa'i chos 'dul ba las nyams pa'o snyam du sems mi skyed de/ de ltar na byang chub sems ngopa' tshul bzhin ma yin pa'i yid la byed pa dang bral ba yin no// ji ltar na byang chub sems dpa' las kyis 'jig pa yin zhin+ta/ 'di la byang chub sems dpa' 'di sbyar bcom ldan 'das kyis kyang / dge slong rnams bsod nams dag gus par bya'o// tshul khrims gus par bsrung ngo // shes rab gus par bsgom mo/ / ni bu'i phyir zhe na/ bsod nams bus par byas pa rnams kyi rnam par smin pa ni/ 'dod pa dang / 'thad pa dang / dga' ba dang / yid du 'ong bar nyams su
- 218b
'gyur ro zhes gsungs so snyam du dpyod do/ / de de ltar mngon par yid ches pas mi dge ba'i chos thams cad dang bral bar 'gyur te/ de ltar na las kyis 'jigs pa yin no// ji ltar na byang chub sems dpa' kha na ma tho bas 'jigs pa yin zhe na/ 'di la byang chub sems dpa' kha na ma tho ba phra mo tsam dag la'ang 'jigs par lta zhing / sdig pa chung ngu yang khyad du mi gsod pa yin te/ 'di snyam du bcom ldan 'das kyis kyang / dge slong rnams dug chung ngus kyang skyes bu 'chi bar 'gyur ro// dge slong rnams drug chen pos kyang skyes bu 'chi bar 'gyur ro// de bzhin du sdig pa chung ngus kyang ngan song rnams su phyin par byed do// sdig pa chen pos kyang ngan song rnams su phyin par byed do zhes gsungs so snyam du sems so// de de ltar yongs su rtog pa'i kha na ma tho bas 'jigs pa yin te/ de ltar na byang chub sems dpa' kha na ma tho bas 'jigs pa yin no// ji ltar na byang chub sems dpa' 'jigs par lta ba yin zhe na/ 'di la byang chub sems dpa' bram ze dang / rgyal rigs dang / grong rdal gyi mi dang / yul gyi mi rnams kyis yid la rtan du rung ba yin te/ bram ze dang / rgyal rigs dang / grong rdal gyi mi dang / yul mi rnams byang chub sems dpa' de gcig pu gnyis su med pa la 'gron bu dang / gser dang / nor bu dang / mu tig dang / bai DUR+Ya dang / dung dang /
- 219a
man shel dang / bya ru la sogs pa nor dang / yo byad kyi rnam pa dag 'a dems kyang / de la byang chub sems dpa' brnab sems kyang mi skyed do// gal te byang chub sems dpa' mchod rten gyi 'am/ dge 'dun gyi dngos po'i phyir las su bskos na yang / dngos po des kyang nye bar mo 'tsho ste/ de 'di snyam du sems shing bcom ldan 'das kyis kyang byang chub sems dpa' ni bdag gi lus las sha zos kyang bla'i/ gzhan gyi zas sam/ skom mam/ yo byad kyi rnam pa gang ci yang rung ba dag ma byin la ma gnang bar spyad pa ni mi rung ngo zhes gsungs so snyam ste/ de ltar na byang chub sems dpa' 'jig par lta ba yin no// ji ltar na byang chub sems dpa' gang yang dag par blangs pa la brtan pa yin zhe na/ 'di la byang chub sems dpa' bdud dam bdud kyi ris kyi lho rnams kyis gtses sam/ nor dang 'khrig pa'i yan lag gis brjod kyang mi g.yo mi 'gyur zhing nyams par mi 'gyur te/ de ltar na byang chub sems dpa' yang dag par blangs pa la brtan pa yin no/ / ji ltar na byang chub sems dpa' mi gnas pa'i tshul khrims yin zhe na/ 'di la byang chub sems dpa' tshul khrims srung na tshul khrims 'dis bdag lhar shog cig ce 'am/ lha la lar shog cig ce 'am/ rgyal por shog cig ce 'am/ rgyal po la lar shog cig ces sems mi skyed do// de ltar na byang chub sems dpa' mi gnas pa'i tshul khrims
- 219b
pa yin no/ / rigs kyi bu ji ltar na byang chub sems dpa' 'khor gsum yongs su dag pa'i tshul khrims pa zhe na/ 'di la byang chub sems dpa' lus kyis yongs su dag pa yin no// ngag dang / yid kyis yongs su dag pa yin te/ ji ltar na lus kyis yongs su dag pa yin zhe na/ de gang lus kyis ngan du spyod pa 'di dag thams cad du thams cad yongs su spong ste/ lus kyis ngan du spyod pa de dag kyang gang zhe na/ 'di lta ste/ srog gcod pa dang / ma byin par len pa dang / 'dod pa la log par g.yem pa ste/ de ltar na lus kyis yongs su dag pa yin no// ji ltar na ngag gis yongs su dag pa yin zhe na/ de gang 'di dag gis ngan du spyod pa de dag thams cad du tham cad yongasu spang ste/ ngag gis ngan du spyod pa de dag kyang grang zhe na/ 'di lta ste/ rdzun du smra ba dang / phra ma dang / tshig rtsub po dang / tshig bkyal pa ste/ de ltar ni ngag gis yongs su dag pa yin no// ji ltar na yid kyis yongs su dag pa yin zhe na/ de gang 'di dag yid kyis ngan du spyod pa de dag thams cad du thams cad yongs su spong ste/ yid kyis ngan du spyod pa de dag kyang gang zhe na/ 'di lta ste/ brlab sems dang / gnod sems dang / log par lta ba'o// de ltar na yid kyis yongs su dag pa yin te/ rigs kyi bu de ltar na byang chub sems dpa' 'khor gsum yongs su dag pa'i tshul khrims can yin no// rigs kyi bu chos bcu po de dag dang ldan na/
- 220a
byang chub sems dpa' tshul khrims phun sum tshogs pa rnams yin no// rigs kyi bu chos bcu dang ldan na/ byang chub sems dpa' bzod pa phun sum tshogs pa rnams yin no/ / bcu gang zhe na/ 'di lta ste/ nang gi bzod pa phun sum tshogs pa rnams yin/ phyi'i bzod pa phun sum tshogs pa rnams yin/ chos kyi bzod pa phun sum tshogs pa rnams yin/ sangs rgyas kyis gnang ba'i bzod pa phun sum tshogs pa rnams yin/ nyi tshe ba ma yin pa'i bzod pa phun sum tshogs pa rnams yin/ tha dad pa med pa'i bzod pa phun sum tshogs pa rnams yin/ dgos pa la mi lta ba'i bzod pa phun sum tshogs pa rnams yin/ rnam par mi 'khrug pa'i bzod pa phun sum tshogs pa rnams yin/ snying rje'i bzod pa phun sum tshogs pa rnams yin/ dam bcas pa nyams su lon par byed pa'i bzod pa phun sum tshogs pa rnams yin no// rigs kyi bu de la ji ltar na byang chub sems dpa' nang gi bzod pa phun tshogs pa yin zhe na/ rigs kyi bu 'di la byang chub sems dpa' gang 'di dag nang gi mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa de dag bzod cing dang du yin la yongs su yi mi chad de/ de ltar na byang chub sems dpa' nang gi bzod pa phun sum tshogs pa yin no// ji ltar na byang chub sems dpa' phyi'i bzod pa phun sum tshogs pa
- 220b
yin zhe na/ 'di la byang chub sems dpa' ma las smos pa 'am/ pha las smos pa 'am/ nye du las smos pa 'am/ mkhan po las smos pa 'am/ slob dpon las smos pa'i tshig gi lam ngan du brjod pa dang / dran du smra ba pha rol las thos sam/ sangs rgyas sam/ chos sam/ dge 'dun la mi snyan par brjod pa thos na/ mi khro zhing gnod par mi sems la/ khon du mi 'dzin te/ de bzod cing dang du len la gnod sems mi mang ba yin te/ de ltar na byang chub sems dpa' phyi'i bzod pa phun sum tshogs pa yin no// ji ltar na byang chub sems dpa' chos kyi bzod pa phun sum tshog pa yin zhe na/ 'di la byang chub sems dpa' gang 'di dag mdo sde zab mo zab mo dag las de bzhin gshegs pas chos bstan pa rgyun chad pa/ mtshams sbyor ba las rnam par grol ba bsngar med pa 'di lta ste/ chos thams cad thog ma nas zhi ba'o// chos thams cad rang bzhin gyis mya ngan las 'das pa'o zhes bstan pa de dag thos kyang mi 'jigs mi sdang skrag par mi 'gyur te/ de 'di ltar chos 'di dag ma shes sam ma thos par ni/ bla na med pa yang dag par rdzogs pa'i byang chub mngon par rdzogs par 'tshang rgya bar mi nus so snyam du sems te/ de'i phyir gang chos de dag 'dzin pa dang / sems pa dang / sgom pa dang / yongs su rtogs dang / mos pa 'di ni chos kyi bzod pa zhes bya ste/ de ltar na byang chub sems dpa' chos kyi bzod pa phun
- 221a
sum tshogs pa yin no/ / ji ltar na byang chub sems dpa' sangs rgyas kyis gnang ba'i bzod pa phun sum tshogs pa yin zhe na/ 'di la byang chub sems dpa' khro ba'i bsam pa skyes sam/ gnod sems kyi bsam pa skyes na/ 'di ltar khro ba 'di gang nas 'byung / gang du 'gag/ gang la 'byung zhing ji ltar 'byung / ci'i don du 'byung zhes yongs su rtog ste/ des de ltar yongs su brtags na/ khro ba'i skyo ba'ang yang dag par rjes su mi mthong / 'gag pa'ang yang dag par rjes su mi mthong / gang la skye ba de'ang yang dag par rjes su mi mthong/ ji ltar skye ba de'ang yang dag par rjes su mi mthong / rkyen gang gis skye ba'ang yang dag par rjes su mi mthong ste/ de de'i phyir bzod cing dang du len la/ kun nas ldang ba mi mang ba yin te/ de ltar na byang chub sems dpa' sangs rgyas kyis gnang ba'i bzod pa phun sum tshogs pa yin no// ji ltar na byang chub sems dpa' nyi tshe ba ma yin pa'i bzod pa phun sum tshogs pa yin zhe na/ byang chub sems dpa' ni nyin par bzod la/ mtshan mo mi bzod pa 'am/ mtshan mo bzod la nyin par mi bzod pa 'am/ bdag gi yul na bzod la gzhan gyi yul na mi bzod pa 'am/ gzhan gyi yul na bzod la bdag gi yul na mi bzod pa'am/ bshes pa la bzod la mi bshes pa la mi bzod pa 'am/ mi bshes pa la bzod la bshes pa la mi bzod pa ma yin gyi/ byang chub sem dpa' ni dus thams cad du'ang
- 221b
bzod/ / yul tham cad du'ang bzod/ tham cad la'ang bzod pa yin te/ de ltar na byang chub sems dpa' nyi tshe ba ma yin pa'i bzod pa phun sum tshogs pa yin no// ji ltar na byang chub sems dpa' tha dad pa med pa'i bzod pa phun sum tsheg pa yin zhe na/ 'di la byang chub sems dpa' pha dang / ma dang / bla ma dang / bu dang / bu mo dang / chung ma dang / nye du'am/ snag gi gnyen mtshams la bzod la/ gzhan la mi bzod pa ma yin gyi/ byang chub sems dpa' ni tha na gdol pa gzhon nu yan chad la'ang bzod de/ de ltar na byang chub sems dpa' tha dad pa med pa'i bzod pa phun sum tshogs pa yin no/ / ji ltar na byang chub sems dpa' dgos pa la mi lta ba'i bzod pa phun sum tshogs pa yin zhe na/ 'di la byang chub sems dpa' don gyi phyir bzod pa ma yin/ 'jig pa'i phyir ma yin/ phan thogs su re ba'i phyir ma yin/ 'jig rten gyi tshul gyis ma yin/ ngo tsha bas bzod pa ma yin gyi/ byang chub sems dpa' ni rtag par yang bzod pa mang ba yin te/ de ltar na byang chub sems dpa' dgos pa la mi lta ba'i bzod pa phun sum tshogs pa yin no// ji ltar na byang chub sems dpa' rnam par mi 'khrugs pa'i bzod pa phun sum tshogs pa yin zhe na/ 'di la byang chub sems dpa' nam de la khro ba skye ba'i rkyen gang gis zil gyis non na khu tshur gyis 'tshog par 'gyur ba 'am/ thal mos 'tshog par 'gyur
- 222a
pa'am/ dbyig pas rdeg par 'gyur ba dang / mtshon gyis 'debs par 'gyur ba 'am/ mi gtsigs pa'i tshig gis ngan du brjod pa de lta bu'i rkyen ma byung gi bar du bzod pa ma yin gyi/ byang chub sems dpa' ni gal te la la zhig brdegs sam/ bsdigs sam/ spyos sam/ brgyad na/ de byang chub sems dpa' 'di snyam du bdag nyid kyis las 'di dag byas te/ bdag nyid la rnam par smin par 'gyur ro// mas ma byas/ phas ma byas/ nye du dang snag gi gnyen mtshams gang yang rung ba dag gis ma byas te/ las 'di dag bdag nyid kyis byas pas/ de'i phyir bdag nyid la rnam par smin par 'gyur gyi/ phyi rol gyi sa'i khams la rnam par smin par mi 'gyur/ de bzhin du chu'i khams dang / me'i khams dang / rlung gi khams la rnam par smin par mi 'gyur ro// de bzhin du nang gi sa'i khams la rnam par smin par mi 'gyur/ de bzhin du nu'i khams dang / me'i khams dang / rlung gi khams la rnam par smin par mi 'gyur ro snyam du sems gzhag par bya'o/ / de de ltar ma log par rtogs pas de'i rgyu/ de'i rkyen/ de'i gzhis rnam par dkrugs kyang bzod/ rnam par ma dkrugs kyang bzod de/ de ltar na byang chub sems dpa' rnam par mi 'khrugs pa'i bzod pa phun sum tshogs pa yin no// ji ltar na byang chub sems dpa' snying rje'i bzod pa/
- 222b
phun sum tshogs pa yin zhe na/ 'di la byang chub sems dpa' rgyal po 'am/ blon po chen po phyug cing nor mang ba/ longs spyod che ba/ sems can sdug bsngal ba rnams kyi bdag por gyur la/ de la sems can de dag gis mi snyan par brjod kyang rung / bkyil kyang rung / gau tses kyang rung ste/ mi khro zhing gnod sems su mi byed la/ bdag por gyur pa lta bur mi ston gyi/ gzhan du na de'i 'di snyam du sems can 'di dag ni bdag nyid kyis bzung ba ste/ sems can 'di dag ni bdag nyid kyis yongs su bskyang bar byas pa yin la/ de ltar na yongs su srung ba na brlag par bya ba ni bdag gi mi na'o zhes de de'i phyir snying rje'i sems nye bar bzhag ste/ bzod cing dang du len la gnod sems mi mang ba yin te/ de ltar na byang chub sems dpa' snying rje'i bzod pa phun sum tshogs pa yin no/ / rigs kyi bu ji ltar na byang chub sems dpa' dam bcas pa nyams su lon par byed pa'i bzod pa phun sum tshogs pa yin zhe na/ 'di la byang chub sems dpa' ' di snyam du bdag gis de bzhin gshegs pa dgra bcom pa yang dag par rdzogs pa'i sangs rgyas de dag gi spyan sngar bdag gis bla na med pa yang dag par rdzogs pa'i byang chub mngon par rdzogs par sangs rgyas te/ 'khor ba'i rgya mtsho'i 'dam du bying ba'i sems can rnams bsgral bar bgyi'o zhes seng ge'i sgra bsgrags kyis/ de ltar sems can thams cad bsgral ba dang /
- 223a
sems can thams cad dkrol ba dang / sems can thams cad dul ba dang / zhi ba la rab tu dgod par brtson pa la bdag nyid khro ba mang ba dang / gnod sems mang ba dang / mi bzod pa mang ba dang / phog sA med pa ni bdag gi mi cha'o snyam du sems so// rigs kyi bu 'di lta ste/ dper na sman pa thur ma can zhig yod la/ sems can rnams kyang rab rib kyis mdongs par gyur nas/ sman pa des 'di snyam du bdag gis sems can 'di dag gi rab rib kyi skyon bsal bar bya'o zhes bsams la/ de nas sman pa de bdag nyid kyang mdongs par gyur na/ rigs kyi bu de ji snyam du sems/ jig sman pa des sems can de dag gi rab rib kyi skyon thams cad bsal bar nus sam/ gsol pa/ bcom ldan 'das de ni ma lags so/ / bcom ldan 'das kyis bka' stsal pa/ rigs kyi bu de bzhin du byang chub sems dpa' yang 'di ltar 'jig rten mi shes pa'i rab rib kyis mdongs pa'i gti mug gi dri ma shes rab kyi mig gis bsal bar 'dod la/ bdag nyid kyang mi shes pa'i rab rib kyis mdongs na/ bdag gi mi cha'o snyam du sems te/ de de'i phyir bzod cing dang du len la gnod sems mi mang ba yin te/ de ltar na byang chub sems dpa' dam bcas pa nyams su lon par byed pa'i bzod pa phun sum tshogs pa yin no// rigs kyi bu chos bcu po de dag dang ldanan/
- 223b
byang chub sems dpa' bzod pa phun sum tshogangasang yin no// 'phags pa dkon mchog sprin bam po gnyis pa/ rigs kyi bu chos bcu dang ldan na/ byang chub sems dpa' brtson 'grus phun sum tshogs pa rnams yin no// bcu gang zhe na/ 'di lta ste/ rdo rje lta bu'i brtson 'grus can rnams yin/ mi 'phrogs pa'i brtson 'grus can rnams yin/ mtha' gnyis dang bral ba'i brtson 'grus can rnams yin/ rlabs po che'i brtson 'grus can rnams yin/ 'bar ba'i brtson 'grus can rnams yin/ rgyun du chud pa'i brtson 'grus can rnams yin/ rnam par dag pa'i brtson 'grus can rnams yin/ thun mong ma yin pa'i brtson 'grus can rnams yin/ mi brnyas pa'i brtson 'grus can rnams yin/ snyems pa med pa'i brtson 'grus can rnams yin no// rigs kyi bu de la ji ltar na rdo rje lta bu'i brtson 'grus can rnams yin zhe na/ rigs kyi bu 'di la byang chub sems dpa' sems can gyi khams yongs su mya ngan las ma 'das pa yongasu mya ngan las bzla ba dang / ma sgral ba bsgral ba dang / ma grol ba dgrol ba dang / dbug ma phyin pa dbug dbyung ba dang / mngon par rdzogs par sangs ma rgyas pa mngon par rdzogs par 'tshang rgya ba'i phyir brtson 'grus brtsams pa yin te/ de de ltar na brtson 'grus brtsams shing gnas pa'i drung du bdud sdig to can 'ongs nas/ byang chub sems
- 224a
dpa' de la rigs kyi bu 'di lta bu'i brtson 'grus thong zhig/ de ci'i phyir zhe na/ rigs kyi bungs kyang sems can gyi khams yongs su mya ngan las ma 'das pa/ yongs su mya ngan las bzla ba dang / ma rgal pa bsgral ba dang / ma grol ba dkrol ba dang / dbugs ma phyin pa dbugs dbyung ba dang / mngon par rdzogs par sangs ma rgyas pa mngon par rdzogs par 'tshang rgya bar bya ba'i phyir brtson 'grus 'di lta bu brtsams te/ de ni brdzun dang / 'drid pa'i chos can byis pa'i skye bo slu ba'o// rigs kyi bu ngas ni sems can brtson 'grus brtsams pa gcig 'gag kyang / bla na med pa yang dag par rdzogs pa'i byang chub mngon par rdzogs par sangs rgyas por ma shes so// rigs kyi bu ngas ni sems can bye ba du mnyan thos kyi theg pa dang / rang sangs rgyas kyi theg pas yongs su mya ngan las 'das par shes kyis/ rigs kyi bu khyod kyis de'i phyir brtson 'grus zlos shig/ don med par zhen mongs pa la sten pa por gyur tA re zhes dad pa dang bral bar byed cing / kyal ka byed kyang de la byang chub sems dpa' 'di snyam du sems te/ kye ma 'di ni bdud sdig can bdag la kyal ka byed par 'dod do snyam ste/ des de ltar shes na/ bdud sdig can de la 'di skad du sdig can khyod bya ba nyung ngu gyis shig/ 'jig rten gyi sgo sham gyis khyed la ci zhig bya/ sdig can
- 224b
bcom ldan 'das kyis kyang las bdag gir bya ba ni 'jig rten pa yin te/ las kyi bgo skal spyod pa'o// las kyi skye gnas pa'o// las la rton pa'o zhes gsungs te/ sdig can khyod kyang las bdag gir bya ba yin te/ las kyi bgo skal la spyod pa/ las kyi skye gnas po/ las la rton pa yin gyis/ sdig can khyod gang nas 'ongs pa'i lam nas skyong zhig ngal kyal ka byas pas khyod yun ring por don med pa dang / gnod pa dang / sdug bsngal du gyur ta re zhes bsgo'o// bdud sdig can de yang bdag gi sems ni sems kyis tshor bar rig nas/ yi ba yi ba ste/ de nyid du mi snang bar 'gyur ro// de ltar na byang chub sems dpa' bdud thams cad du/ bdud kyi ris kyi lha thams cad kyis kyal ka byas te/ 'dun pa bzlog kyang mi 'gyur/ mi 'dzum/ zhum par mi 'gyur te/ de ltar na byang chub sems dpa' rdo rje lta bu'i brtson 'grus can yin no// ji ltar na byang chub sems dpa' mi 'phrogs pa'i brtson 'grus can yin zhe na/ 'di la byang chub sems dpa' brtson 'grus brtsams pa'i rnam pa ji lta bus yun ring po nas theg pa la yang dag par zhugs pa'i byang chub sems dpa' gzhan dag kyang / byang chub sems dpa' de la grangs su yang nye bar mi 'gro/ cha dang / bgrang ba dang / dpe nas/ rgyu'i bar du yang nye bar mi 'gro na/ nyan thos dang rang sangs rgyas thams
- 225a
cad lta ci smos te/ de'i sems 'byung ba re re la brtson 'grus kyi stobs bskyed pas/ sangs rgyas kyi chos thams cad yongs su 'dzin cing sdig pa mi dge ba'i chos thams cad rab tu spyong ba de lta bu'i brtson 'grus rtsom ste/ de ltar na byang chub sems dpa' mi 'phrogs pa'i brtson 'grus can yin no// ji ltar na byang chub sems dpa' mtha' gnyis dang bral ba'i brtson 'grus can yin zhe na/ 'di la byang chub sems dpa' ha cang brdzun ngas pa 'am/ ha cang zhan pa'i brtson 'grus mi rtsom ste/ de ci'i phyir zhe na/ ha cang brdzun ngas pa'i brtson 'grus ni yab yab por 'gyur/ ha cang zhan pa ni le lor 'gyur te/ de ltar na byang chub sems dpa' mtha' gnyis dang bral ba'i brtson 'grus can yin no// ji ltar na byang chub sems dpa' rlabs po che'i brtson 'grus can yin zhe na/ 'di la byang chub sems dpa' 'di ltar brtson 'grus rtsom ste/ de bzhin gshegs pa'i sku ci 'dra bar bdag gi lus kyang de dang 'dra bar 'gyur/ gang de bzhin gshegs pa'i spyi gtsug bltar mi mthong ba dang / 'od 'dom grang ba dang / mtshan dang dpe byad bzang po phun sum tshogs pa dang / ye shes thogs pa med cing mtha' yas pa dang / sangs rgyas kyi che ba nyid dang / sangs rgyas kyi khyu mchog nyid de yang bdag la yod par 'gyur zhes brtson 'grus rtsom ste/ de ltar na
- 225b
byang chub sems dpa' rlabs po che'i brtson 'grus can yin no/ / ji ltar na byang chub sems dpa' 'bar ba'i brtson 'grus can yin zhe na/ rigs kyi bu 'di lta ste/ dper na gser ram nor bu rin po che dri ma dang skyon thams cad dang bral ba ni/ lham me/ lhan ne/ lhang nge ste/ de ni A la la 'bar ba'i gser ro// a la la 'bar ba'i nor bu rin po che zhes bya'o// de bzhin du byang chub sems dpa'i brtson 'grus kyang brtson 'grus kyi dri ma dang skyon thams cad dang bral ba yin no// brtson 'grus kyi dri ma dang skyon de dag gang zhe na/ le lo ni brtson 'grus kyi dri ma dang skyon no/ / snyoms las ni brtson 'grus kyi dri ma dang skyon no// zas la tshod mi shes pa ni brtson 'grus kyi dri ma dang skyon no// bdag mi shes pa ni brtson 'grus kyi dri ma dang skyon no/ / tshul ma yin pa ni brtson 'grus kyi dri ma dang skyon no// tshul bzhin ma yin pa ni brtson 'grus kyi dri ma dang skyon no// 'du 'dzi ni brtson 'grus kyi dri ma dang skyon te/ de dag ni brtson 'grus kyi dri ma dang brtson 'grus kyi skyon zhes bya'o/ / de dag ni byang chub sems dpa' la med pa yin te/ de'i phyir de'i brtson 'grus de 'bar zhing dri ma med pa dang / 'od gsal zhing yongs su dag pa dang / yongs su byang po yin no// de ltar na byang chub sems dpa' 'bar ba'i brtson 'grus can yin no// ji ltar na byang chub sems dpa' rgyun du chung pa'i brjod/
- 226a
'grus can yin zhe na/ 'di la byang chub sems dpa' spyod lam thams cad du brtson 'grus rtsom ste/ ci nas kyang lus skyo bar mi 'gyur ba dang / sems skyo bar mi 'gyur ba de ltar brtson pa 'di ni byang chub sems dpa'i brtson 'grus rgyun du chud pa zhes bya ste/ de ltar na byang chub sems dpa' rgyun du chud pa'i brtson 'grus can yin no// ji ltar na byang chub sems dpa' rnam par dag pa'i brtson 'grus can yin zhe na/ de ltar rgyun du chud pa'i brtson 'grus can de'i gang sdig pa mi dge ba'i chos byang chub kyi lam gyi bar du/ gnod pa dang ldan pa de dag spaspangs pa yin/ gang yang 'di dag dge ba'i chos mya ngan las 'das pa dang 'thun pa/ byang chub kyi lam gyi tshogs pa dang 'thun pa byang chub kyi phyogs byang chub tu 'brang ba de dag 'phel ba dang / rgyas pa dang / yangs par 'gyur te/ de la mi dge ba'i sems skye ba phra zhing rung ba 'ga' yang mi skye na/ che ba lta ci smos te/ de ni rnam par dag pa'i brtson 'grus zhes bya ste/ de ltar na byang chub sems dpa' rnam par dag pa'i brtson 'grus can yin no// ji ltar na byang chub sems dpa'o thun mong ma yin pa'i brtson 'grus can yin zhe na/ 'di la byang chub sems dpa' 'di snyam du sems te/ gal te phyogs bcu kun tu 'jig rten gyi khams gang+gA'i klung gi bye ma snyed cig mnar med pa'i me'i phung po chen pos byur bur gang bar gyur la/ 'jig rten gyi
- 226b
khams de dag 'das pa na/ sems can cig gcig sdug bsngal zhing skyabs med mgon med de/ gnas dang rten med pa zhig yod na'ang / sems can gcig po de'i don gyi phyir/ me'i phung po de la rkang gis 'bogs te/ 'jig rten gyi khams de dag 'das nas/ sems can gcig po de thar par bya bar bdag spron/ sdug bsngal phal la lta ci zhig smos snyam ste/ de ni byang chub sems dpa'i brtson 'grus nyan thos dang / rang sangs rgyas thams cad dang / mu stegs can thams cad dang thun mong ma yin pa zhes bya ste/ de ltar na byang chub sems dpa' thun mong ma yin pa'i brtson 'grus can yin no/ / ji ltar na byang chub sems dpa' mi brnyas pa'i brtson 'grus can yin zhe na/ 'di la byang chub sems dpa' 'di snyam du mi 'gyur ba ni/ byang chub thob par dka' ste/ bdag gi brtson 'grus 'di ni chung shig zhan la bdag kyang le lo can de/ byang chub ni mgo thod la me 'bar ba bzhin du bskal pa mang po/ bskal pa brgya phrag mang po/ bskal pa stong phrag mang po/ bskal pa brgya stong phrag mang por bsgrub dgos pas/ bdag ni de lta bu'i khur bkur bar mi spro'o snyam du sems mi skyed de/ byang chub sems dpa' ni 'di ltar de bzhin gshegs pa dgra bcom pa yang dag par rdzogs pa'i sangs rgyas gang mngon par rdzogs par sangs rgyas pa de dag dang / gang mngon par rdzogs par 'tshang rgya ba
- 227a
de dag dang / gang mngon par rdzogs par 'tshang rgya bar 'gyur ba de dag kyang tshul 'di dang 'dra ba dang / lam 'di dang 'dra ba dang / brtson 'grus 'di 'dra bas/ mngon par rdzogs par sangs rgyas/ mngon par rdzogs par 'tshang rgya/ mngon par rdzogs par 'tshang rgya bar 'gyur te/ de bzhin gshegs pa de dag kyang de bzhin gshegs par gyur pa sha stag las mngon par rdzogs par sangs rgyas pa ma yin gyis/ bdag kyang ci nas kyang bla na med pa yang dag par rdzogs pa'i byang chub mngon par rdzogs par 'tshang rgya bar 'gyur bar sems can thams cad dang thun mong gi brtson 'grus dang / sems can thams cad la dmigs pa'i brtson 'grus kyis bdag gis kyang de lta de ltar brtsal lo// 'bad do// bdag sems can thams cad la phan par brtson pa la ni/ sems can dmyal ba na gnas kyang bla'i/ bdag la phan par brtson na mya ngan las 'das pa ni ma yin no snyam du sems bskyed par bya ste/ de ltar na byang chub sems dpa' mi brnyas pa'i brtson 'grus can yin no/ / rigs kyi bu ji ltar na byang chub sems dpa' snyems pa med pa'i brtson 'grus can yin zhe na/ 'di la byang chub sems dpa' brtson 'grus rtsom na/ brtson 'grus de'i ro myang bar mi byed de/ brtson 'grus des gzhan la mi smod/ bdag la mi bstod de/ de 'di snyam du shes dang ldan pa'i rang bzhin can su
- 227b
zhig bdag gi las la brtson pas gzhan la smod snyam du sems te/ rigs kyi bu de ltar na byang chub sems dpa' snyems pa med pa'i brtson 'grus can yin no// rigs kyi bu chos bcu po de dag dang ldan na/ byang chub sems dpa' brtson 'grus phun sum tshogs pa rnams yin no// rigs kyi bu chos bcu dang ldan na/ byang chub sems dpa' bsam gtan phun sum tshogs pa rnams yin no/ / bcu gang zhe na/ 'di lta ste/ bsod nams kyis brtan pa rnams yin/ skyo ba mang ba rnams yin/ brtson 'grus brtsams pa rnams yin/ mang du thos pa rnams yin/ ma log par gdams ngag bsgom pa la brtson pa rnams yin/ chos kyi rjes su 'thun pa'i chos la zhugs pa rnams yin/ dbang po rno ba rnams yin/ sems la mkhas pa rnams yin/ zhi gnas dang lhag mthong la mkhas pa rnams yin/ de la ma zhen pa rnams yin no// rigs kyi bu de la ji ltar na byang chub sems dpa' bsod nams kyis brtan pa yin zhe na/ 'di la byang chub sems dpa' theg pa chen po la dge ba'i rtsa ba shin tu bsags shing / tshe rabs tha da pa de dang de dag tu spyad pa legs par spyad pa dang / dge ba'i bshes gnyen gyis yongs su bzung ba yin te/ de bram ze'i rigs shing sA la chen po lta bu 'am/ rgyal rigs shing sA la chen po lta bu 'am/ khyim bdag gi rigs shing sA la chen po lta bu gang dang gang du skyes kyang /
- 228a
khyim de'i mi dad pa yin te/ de skyes kyang rgyu de dag dang rkyen de dag de bas kyang 'phel zhing rgyas pa dang yangs par 'gyur/ dge ba'i bshes gnyen rnams dang mi 'bral ba yin te/ dge ba'i bshes gnyen de dag kyang gang zhe na/ 'di lta ste/ sangs rgyas bcom ldan 'das dag gam/ byang chub sems dpa' dag go// de skyes na sngon dge ba'i rtsa ba la goms pas 'di ltar dpyod do/ / kye ma'o skye dgu 'di ni sdug bsngal ba'o// kye ma'o skye dgu 'di ni nyam thag pa'o// kye ma'o skye dgu 'di ni na ba'o// kye ma'o skye dgu 'di ni gnas pa'o// kye ma'o skye dgu 'di ni yun ring po nas nad par gyur pa'o/ / kye ma'o skye dgu 'di ni gti mug gis ldongs pa'o// de yang 'dod pa'i rgyu dang 'dod pa'i phyir te/ de bas na 'jig rten gnas pa de lta bu la/ bdag gis 'dod pa rnams la bsten pa ni bdag gi mi cha'o// 'dod pa zhes bya ba 'di ni yang dag pa ma yin pa yongs su brtags pa ste/ bcom ldan 'das kyis kyang rnam grangs du mar 'dod pa rnams kyi nyes pa 'di lta ste/ 'dod pa rnams ni gsal shing lta bu'o// 'dod pa rnams ni mtshon mdung thung lta bu'o// 'dod pa rnams ni ral gri'i so lta bu'o// 'dod pa rnams ni sbrul gyi mgo lta bu'o/ / 'dod pa rnams ni spu gri'i so lta bu'o// 'dod pa rnams ni dbu ba rdos pa lta bu'o// 'dod pa rnams ni rul ba'o// 'dod pa rnams ni dri nga ba'o zhes
- 228b
gsungs so snyam te/ de de ltar skyo nas skra dang kha spu bregs te/ gos ngur smrig dag bgos nas dad pas khyim nas khyim med par yang dag par rab tu 'byung ngo // de rab tu byung nas ma thob pa thob par bya ba dang / khong du ma chud pa khong du chud par bya ba dang / mngon du ma byas pa mngon du bya ba'i phyir brtson 'grus brtsam pa yin no// de rgyu de dang / rkyen de dang / gzhi des kun rdzob kyi bden pa'i tshul du bshad pa dang / doni dam pa'i bden pa'i tshul du bshad pa'i thos pa 'dzin to// de gnyis ka la yang mkhas pas gdam sa ngag yang dag par sgom mo// gdams ngag ma log par bsgom pa la brtson pas chos kyi rjes su 'thun pa'i chos la 'jug ste/ chos kyi rjes su 'thun pa'i chos de'ang gang zhe na/ 'di lta ste/ yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin to// de lam khong du chud pas dbang po rno ba dang / dbang po gsal ba dang / de shes pa'i dbang po can yin no// de dbang po rno zhing dbang po gsal la de shes pa'i dbang po can yin pas dben pa mang ba yin te/ de 'du ba thams cad kyi thams cad du yongs su spong ngo // 'du 'dzi thams cad kyi thams cad du songasu spong ngo // smrab
- 229a
la dga' ba dang / 'dod pa'i rnam par rtog pa dang / gnod sems kyi rnam par rtog pa dang / rtse ba'i rnam par rtog pa dang / lha la rnam par rtog pa thams cad kyi thams cad du yongs su spong ngo / / shes kyi khe 'dod pa dang / grags pa 'dod pa dang / rnyed pa 'dod pa thams cad kyi thams cad du yongs su spong ste/ des lus dang sems rab tu dben pas sems la mkhas pa yin te/ de sems la 'di snyam du bdag gi sems 'di ci dge ba la spyod dam/ de ste mi dge ba'am/ 'on te lung du ma bstan pa 'am/ chos gang la spyod ces rnam par dpyod de gal te dge ba la spyod na/ de la sems dga' ba dang / rangs pa dang / mgu ba skyed do// dge ba'i chos de dag kyang gang zhe na/ 'di lta ste/ byang chub kyi phyogs kyi chos sum cu ru bdun no// 'on te mi dge ba la spyod na/ de la spyod pa mang ba dang / rtog pa mang ba yin te/ mi dge ba'i chos de dag spang ba la brtson pa yin no// mi dge ba'i ros de dag kyang gang zhe na/ 'di lta ste/ 'dod chags dang / zhe sdang dang / gti mug go/ de la 'dod chags rnam pa gsum du rnam par rig par bya ste/ chen po dang / 'bring po dang / rlung ngu'o// de la 'dod chags chen po gang zhe na/ gang lus thams cad du khyab ste/ sems kun nas gzung zhing gnas pa dang / gang gis de la gzhol zhing 'dod chags dang bral ba'i sems mi thob pa ste/ de la gzhol ba de la ngo tsha ba dang //
- 229b
'dzem pa thams cad kyi thams cad du med par 'gyur te/ ji ltar na ngo tsha ba dang 'dzem pa tham cad kyi thas cad du med pa yin zhe na/ de gcig pu lkog tu song ste/ de nyid rjes su rnam par sems/ de nyid rjes su rnam par rtog cing / de nyid la legs par shin tu smon pa dang / de nyid la yang yon tan du lta ba yin te/ de ltar na de la ngo tsha med pa yin no// ji ltar na 'dzem pa med pa yin zhe na/ de rgyu de dang / rkyen de dang / gzhi des pha ma 'am bla ma lta bu gzhan dag dang rtsod cing phyir bzlog pa dang / rgol bar byed cing des ngo mi tshal de la yon tan du lta ba yin te/ de ltar na/ de la ngo tsha ba med pa yin te/ de rgyu de dang / rkyen de dang / gzhi des ngan song rnams su skye bar 'gyur te/ de ni 'dod chags chen po zhes bya'o// de la 'dod chags 'bring po gang zhe na/ gang gis 'dod pa rnams la bsnyen par gyur na/ bya ba grub kyi bar du rten gyi/ bya ba grub nas 'dod chags dang bral ba'i sems thob pa dang / 'gyod pa thob pa dang / sems la mi cha ba thob pa ste/ de ni 'dod chags 'bring po zhes bya'o// de la 'dod chags chung ngu gang zhe na/ gang gis 'dod pa rnams bsnyen par gyur kyang / mnabs pa dang / phyugs pa dang / lus kyis reg pa tsam mam/ tshig tu smra ba tsam mam/ mthong ba tsam gyis tshim par 'gyur ba de ni/ 'dod chags chung ngu zhes bya'o// mdor na 'tsho ba'i yo byad thams cad la chags pa'i sems su gyur
- 230a
pa ste/ de ni 'dod chags zhes bya'o// de la zhe sdang gang zhe na/ zhe sdang yang rnam pa gsum du rig par bya ste/ chen po dang / 'bring po dang / chung ngu'o// de la zhe sdang chen po gang zhe na/ zhe sdang gi rnam pa gang gis zhe sdang zhing rngam/ 'khrugs gtum par gyur nas/ mtshams med pa lnga las gang yang rung ba la la byed pa 'am/ dam pa'i chos spong pa gang byas pa la mtshams med pa lnga bsdoms pas kyang / grangs su yang nye bar mi 'gro// cha dang / bgrang ba dang / dpe dang / rgyur yang nye bar mi 'gro ba de lta bu byed de/ de rgyu de dang / rkyen de dang / gzhi des lus zhig nas sems can dmyal ba chen po dag tu skye zhing / gal te brgya la mir skyes na yang / gnag cing mig dmar la gtum zhing gnod sems mang bar 'gyur te// de rgyu de dang / rkyen de dang / gzhi des yang sems can dmyal ba dag tu skye bar 'gyur ba de ni zhe sdang chen po zhes bya'o// de la zhe sdang 'bring po gang zhe na/ gang gis zhe sdang bar gyur te sdig pa mi dge ba'i las byas na myur ba myur ba skyen pa skyen pa la gor la gong du 'gyod cing de'i gnyen po la yang sten pa ste/ de ni zhe sdang 'bring po zhes bya'o// de la zhe sdang chung ngu gang zhe na/ gang gis zhe sdang bar gyur nas/ tshigs tsam dang / mi snyan pa tsam dang / ngan du brjod pa tsam gyis mi dge ba la sogs pa ste/ de'ang de la brgyal bar 'ga' 'byung ste/ 'byung na yang skad cig de nyid dang //
- 230b
yud tsam de nyid dang / thang cig de nyid la gnyen po la sten te/ de ni zhe sdang chung ngu zhes bya'o// de la gti mug gang zhe na/ gti mug kyang rnam pa gsum du rig par bya ste/ chen po dang / 'bring po dang / rlung ngu'o// de la gti mug chen po gang zhe na/ gang ji skad du smos pa'i gnas pa de dag la nyes kyang dga' zhing mya ngan du mi byed/ smre sngags mi 'don/ 'gyod med pa yin te/ de ni gti mug chen po zhes bya'o/ / de la gti mug 'bring po gang zhe na/ gang gis mi dge ba'i las la byas kyang la gor la gor du 'gyod cing tshangs pa mtshungs par spyod pa rnams kyi drung du 'chags shing mi 'chab la/ de la yon tan du yang mi lta ba bzhin te/ 'di ni gti mug 'bring po zhes bya'o// de la gti mug rlung ngu gang zhe na/ gang gis rang bzhin gyi kha na mtho ba ma yin pa bcas pa'i kha na ma tho ba bslab pa kun tu spyad pa'i lam gnyis gsum las 'da' ba ste/ de ni gti mug chung ngu zhes bya'o// de la yang byang chub sems dpa' sems phyir bzlog pa la mkhas pa yin te/ de de ltar sem la mkhas pa la/ gang 'dod pa rnams la dga' ba dang / 'dod pa rnams la bdun pa dang / 'dod pa rnams la lhag par chags de lta bu med pa yin te/ de ci'i phyir zhe na/ de ltar sems la ma khas pa'i phyir ro/ / 'on te lung ma bstan pa la spyod na/ de la dran pa dang ldan zhing nan tan du byed la de brtag pa la yang brtson pa yin te/ de la ji ltar na lung du ma bstan pa la spyod payin zhe na/ gang gi
- 231a
tshe sems phyi rol du yang mi rgyu/ nang du yang mi rgyu/ dge ba la yang mi spyad/ mi dge ba la yang mi spyod/ lhag mthong la yang mi spyod/ zhi gnas kyang mi 'dzin cing zhum la gnyid kyis non par gnas pa ste/ 'di lta ste/ dper na skyes bu nyal nyal ba las sad pa mig gnyid kyis sgribs pa'i sems mi gsal ba de bzhin du/ de'i tshe sems de mi gsal bar 'gyur ba ste/ de la byang chub sems dpa' sems yang dag par gzings bstod pa dang / yang dag par rab tu dga' bar bya ba dang / yang dag par gzhag pa la mkhas pa yin te/ de ltar na byang chub sems dpa' sems la mkhas pa yin no/ / de de ltar sems la mkhas pas chos 'di dag ni sgyu ma lta bu'o// chos 'di dag ni rmi lam lta bu'o// chos 'di dag ni dge ba'o// chos 'di dag ni mi dge ba'o/ / chos 'di dag ni 'byung ba'o// chos 'di dag ni mi 'byung ba'o zhes chos rnams la yongs su rtog ste/ de 'di snyam du chos de dag thams cad ni sems la gnas pa// sems las byung ba/ sems sngon du 'gro ba ste/ sems shin tu bcil/ shin tu btul/ shin tu khong du chud par byas na/ chos de dag thams cad kyang shin tu bcil ba dang / shin tu btul ba dang / shin tu khong du chud par 'gyur te/ des chos rnams de ltar mthong bas de rgyu de dang / rkyen de dang / gzhi des sems zhi bar bya ba'i phyir nan tan du byed de/ de sems nyid
- 231b
la sems 'dogs so/ / sems nyid kyis sems zhi bar byed do// sems nyid la sems rab tu gzhog go// de de ltar zhi ba la brtson pas sems rtse gcig tu rnyed par 'gyur te/ rtse gcig tu rnyed nas mnyam par gzhog go// sems mnyam par bzhag pa la dben pa las skyes pa'i dga' ba mngon du 'gyur te/ de yid dga' bar gyur nas 'dod pa dag las dben pa// sdig pa mi dge ba'i chos rnams la dben pa/ rtog pa dang bcas pa/ spyod pa dang bcas pa/ dben pa las skyes pa'i dga' ba dang bde ba can bsam gtan dang po rdzogs par byas te gnas so/ / de rtog pa dang dpyod pa mi snang bar bya ba'i phyir nan tan byed cing dga' ba dang bde ba'i ro de yang myang bar mi byed de/ mi rtog go snyam nas bsam gtan dang po las sems bskyed do/ / de rtog pa dang dpyod pa dang bral zhing chags pa med pa'i yid du gyur pas nang yongs su dang ste/ sems kyi rgyud gcig tu 'gyur bas/ rtog pa med pa dpyod pa med pa'i ting nge 'dzin los skyes pa'i dga' ba dang bde ba can bsam gtan gnyis pa rdzogs par byas te gnas so/ / de dga' ba sdug bsngal yin par khong du chud par byed de/ sdug bsngal lo snyam nas btang snyoms la gnas pa yin/ btang snyoms la gnas pas dran pa dang ldan zhing shes bzhin can yin te/ bde ba lus kyis myong la/ 'phags pa rnams kyis gang de dran pa dang ldan pa/ bde ba la gnas pa/
- 232a
btang snyoms pa'o zhes rjod pa ste dga' ba med pa'i bsam gtan gsum pa rdzogs par byas te gnas so// de bsam gtan gsum pa stong ngo snyam nas/ bsam/ gtan bzhi pa la sems gtong ste/ des bsam btan bzhi pa thob pas bdag tu 'dzin pa'i phyir ldog go// bdag tu 'dzin pa'i phyir log pas bde ba yang spong / sdug bsngal yang spong ngo // / de bde ba yang spaspangs ste snga nas sdug bsngal yang spangs shing / yid bde ba dang yid mi bde ba yang nub pas bde ba yang ma yin/ sdug bsngal yang ma yin/ btang snyoms dang dran pa yongs su dag pa bsam gtan bzhi po rdzogs par byas te gnas so/ / de dag gi lus dang nam mkha'i lus su gcig tu mos par byed de/ de de ltar mos pas gzugs kyi 'du shes las thams cad du thams cad yang dag par 'das pa yin/ thogs pa'i 'du shes kyang nub pa yin te/ de rnam pa thams cad du gzugs kyi 'du shes rnams las yang dag par 'das te/ thogs pa'i 'du shes rnams nub par gyur cing sna tshogs kyi 'du shes rnams yid la mi byed pas/ nam mkha' mtha' yas so snyam nas nam mkha' mtha' yas skye mched rdzogs par byas te gnas so// de'i tshe de'i rnam par shes pa nam mkha' mtha' yas skye mched dang ldan pa yin te/ de rnam par shes pa mtha' yas so snyam nas/ rnam shes mtha' yas skye mched rdzogs par byas te
- 232b
gnas so/ / de rnam shes mtha' yas skye mched las yang dag par 'das nas/ ci yang med do snyam nas ci yang med pa'i skye mched rdzogs par byas te gnas so// de ci yang med pa'i skye/ mched las yang dag par 'das nas/ 'du shes med 'du shes med min skye mched rdzogs par byas te gnas so// de'i gong na gang sems kyi mtshan ma med pa'i rgyu ba thams cad 'gags/ pa sgrib pa thams cad dang bral ba 'di ni 'gog pa zhes bya ste/ de ni shes par bya'o snyam nas/ byang chub sems dpa' snyoms par 'jug gi/ de la mngon par dga' ba'i rten gyi gnas mi bskyed do/ / de byams pa dang ldan pa'i sems kho na med pa la 'gran zla med pa/ gnod pa med pa/ yangs pa rgya chen por gyur pa/ tshad med pa/ mi gnyis pa shin tu bsgoms pas phyogaso gcig tu mos te/ khyab par byas nas rdzogs par byas te gnas so// gcig tu ji lta ba de bzhin du gnyis pa dang / de bzhin du gsum pa dang / de bzhin du bzhi pa dang / bla dang / 'og dang / thad kar rnam pa thams cad du thams cad dang ldan pa'i 'jig rten 'di la byams pa dang ldan pa'i sems kho na med pa/ 'gran zla med pa/ gnod pa med pa/ yangs pa rgya chen por gyur pa/ mi gnyis pa shin tu bsgoms pas mos te khyab par byas nas rdzogs par byas te gnas so// de bzhin du snying rje dang ldan pa dang / dga' ba dang btang
- 233a
snyoms dang ldan pa'i sems khon med pa/ 'gran zla med pa/ gnod pa med pa/ yangs pa rgya chen por gyur pa/ tshad med pa/ mi gnyis pa shin tu bsgoms pas phyog gcig tu mos te khyab par byas nas rdzogs par byas te gnas so/ / gcig tu ji lta ba bzhin du gnyis pa dang / de bzhin du gsum pa dang / de bzhin du bzhi pa dang / bla dang / 'og dang / thad kar 'jig rten 'di thams cad kyi rnam pa thams cad du thams cad dang ldan pa'i 'jig rten 'di la btang snyoms dang ldan pa'i sems kho na med pa/ 'gran zla med pa/ gnod pa med pa/ yangs pa rgya chen por gyur pa/ tshad med pa/ mi gnyis pa shin tu bsgoms pas mos te khyab par byas nas rdzogs par byas te gnas so// de mngon par shes pa lnga skyed do// de la yang ma zhen pa yin te/ gong du yang byang chub kyi tshogs yongs su rdzogs par byed pa'i tshogs rnams yongasu tshol lo// rigs kyi bu chos bcu po de dag dang ldan na/ byang chub sems dpa' bsam gtan phun sum tsheg pa rnam yin no/ / rigs kyi bu chos bcu dang ldan na/ byang chub sems dpa' shes rab phun sum tshogs pa rnams yin no// bcu gang zhe na/ 'di lta ste/ bdag med pa la mkhas pa rnams yin/ las kyi rnam par smin pa la mkhas pa rnams yin/ 'dus byas la mkhas pa rnams yin/ 'khor ba'i rgyun la mkhas pa rnams yin/ 'khor ba
- 233b
ldog pa la mkhas pa rnams yin/ nyan thos dang rang sangs rgyas kyi theg pa la mkhas pa rnams yin/ theg pa chen po la mkhas pa rnams yin/ bdud kyi las yongs su spong ba la mkhas pa rnams yin/ ma log pa'i shes rab can rnams yin/ mnyam pa med pa'i shes rab can rnams yin no// rigs kyi bu de la ji ltar na byang chub sems dpa' bdag med pa la mkhas pa yin zhe na/ rigs kyi bu 'di la byang chub sems dpa' yang dag pa'i shes rab kyis gzugs la rtog/ tshor ba dang / 'du shes dang / 'du byed rnams dang / rnam par shes pa la rtog ste/ de gzugs la rtog pa na/ gzugs kyi skye ba mi dmigs/ kun 'byung ba mi dmigs/ 'gog pa mi dmigs so// de bzhin du tshor ba dang / 'du shes dang / 'du byed rnams dang / rnam par shes pa'i skye ba mi dmigs/ kun 'byung ba mi dmigs/ 'geg pa mi dmigs so// de'ang don dam par yin gyi/ tha snyad kyi rang bzhin du ma yin te/ des don dam pa'i rang bzhin gang yin pa dang / tho snyad kyi rang bzhin gang yin pa'i rang bzhin de gnyis ka yang brjod pa'i rang bzhin du mi dmigs te/ de'i phyir brtson 'grus kyang nyams par mi byed de/ mgo 'am gos la me 'bar ba bzhin du sems can rnams kyi don du rtsol zhing 'bad la brtson 'grus rtsom ste/ rigs kyi bu de ltar na byang chub sems dpa' bdag med pa la mkhas pa yin no// ji ltar na byang chub sems
- 234a
dpa' las kyi rnam par smin pa la mkhas pa yin zhe na/ 'di la byang chub sems dpa' 'di ltar dpyod de/ 'jig rten gnas pa 'di ni gar gyi ltad mo dang 'dra bya/ za'i grong khyer lta bu rang bzhin gyis stong la/ sems can 'di dag kyang sems can ma yin na/ 'on kyang bdag tu 'dzin pa la mngon zhen pas de dag de'i phyir lam khong du chud pa mi thob bo// de dag ni 'di snyam du gal te bdag gam/ sems can nam/ srog gam/ skye ba po 'am/ gso ba 'am/ skyes bu 'am/ gang zag gam/ shed las skyes sam/ shed bu med na dge ba dang mi dge ba'i las kyi rnam par smin pa yang med par 'gyur ro snyam du sems mod kyi/ sems can med du zin kyang las kyi rnam par smin pa'ang mngon no snyam ste/ de la byang chub sems dpa' de ji ltar sems can de'ang med la/ ji ltar dge ba dang mi dge ba'i las rnams kyi rnam par smin pa la yang mngon pa de yang dag pa'i shes rab kyis yang dag pa ji lta ba bzhin du rab tu shes te/ de ltar na byang chub sems dpa' las kyi rnam par smin pa la mkhas pa yin no/ / ji ltar na byang chub sems dpa' 'dus byas la mkhas pa yin zhe na/ 'di la byang chub sems dpa' 'dus sa kyi chos rnams la yang dag pa'i shes rab kyis rtog par byed cing 'di snyam du sems te/ 'dus byas kyi chos 'di dag ni mi gnas pa/ mi g.yo ba/ zil pa'i thigs pa lta bu/ ri rje
- 234b
'bab chu lta bu yin na/ de la mkhas pa su zhig 'di lta bu'i chos rnams la zhen pa dang chags pa byed pa 'am/ de dag med par gyur pas mya ngan du byed snyam nas/ rgyu de dang / rkyen de dang / gzhi des skyo ba dang / 'dod chags dang bral ba dang / 'gog pa la sems gtong ste/ de ltar na byang chub sems dpa' 'dus byas la mkhas pa yin no// ji ltar na byang chub sems dpa' 'khor ba'i rgyun la mkhas pa yin zhe na/ 'di la byang chub sems dpa' 'di ltar dpyod do// kye mi'o 'jig rten na gnas pa 'di ni ma rig pas mdongs pa/ 'khor ba la phyogs pa/ sred pa'i zhags pas bcings pa ste/ len pa nye bar len to// de len pa'i rgyus dge ba dang / mi dge ba'i las mngon par 'du byed de/ de dge ba dang mi dge ba'i las mngon par 'du byed pa dang ldan pas/ srid pa'i nying mtshams sbyor bar 'gyur te/ de'i rgyu las skye bar 'gyur ro// skye ba yod pas rga bar 'gyur ro// rga ba'i chos can ni 'chi bar 'gyur ro// 'chi ba las mya ngan dang / sme/ sngags 'don pa dang / sdug bsngal ba dang / yid mi bde ba dang / 'khrug pa rgyun chags pa nyid du 'gyur te/ de ltar na sdug bsngal gyi phung po chen po 'ba' zhig po de zo chun rgyud me'i 'khor lo ltar 'khor ba'i 'khor lo'i rgyun du 'gyur ro snyam ste/ de'ang byang chub sems dpas yang dag pa'i shes rab kyis yang dag pa ji lta ba bzhin du rab tu shes te/ de ltar na byang chub sems
- 235a
dpa' 'khor ba'i rgyun la mkhas pa yin no/ / ji ltar na byang chub sems dpa' 'khor ba ldog pa la mkhas pa yin zhe na/ 'di la byang chub sems dpa' 'di ltar dpyod de/ ma rig pa med par gyur pas 'du byed la zhen par mi 'gyur/ 'du byed la zhen pa med par gyur pas rnam par shes par mi 'gyur/ rnam par shes pa med par gyur pas/ ming dang / gzugs dang / skye mched drug dang / re ga pa dang / tshor ba dang / sred pa med par 'gyur ro// sred pa med par gyur pas len pa mi 'byung ste/ len pa med pas srid pa'i nying mtshams sbyor bar mi 'gyur ro/ / srid pa'i nying mtshams sbyor ba med par gyur pas skye ba mi 'gyur/ skye ba med par gyur pas rga shi dang / mya ngan dang / smre sngags 'don pa dang / sdug bsngal ba dang // yid mi bde ba dang / 'khrug pa rnams rgyun chad par 'gyur te/ de'ang byang chub sems dpas yang dag pa'i shes rab kyis yang dag pa ji lta ba bzhin du shes te/ de ltar na byang chub sems dpa' 'khor ba ldog pa la mkhas pa yin no/ / ji ltar na byang chub sems dpa' nyan thos dang / rang sangs rgyas kyi theg pa la mkhas pa yin zhe na/ 'di la byang chub sems dpa' 'di ltar dpyod de/ chos 'dis ni rgyun du zhugs par 'gyur ro// 'dis ni lan cig phyir 'ong bar 'gyur/ 'di ni phyir mi 'ong bar 'gyur/ 'dis ni dgra bcom pa zag pa zad pa/ srid pa'i
- 235b
kun tu sbyor bar chad pa nying mtshams sbyor ba med pa/ mya ngan las 'das pa la yang dag par gzhol bar 'gyur ro// chos 'dis ni rang sangs rgyas bse ru lta bur gcig pu spyod par 'gyur ro snyam ste/ de thams cad kyang byang chub sems dpa' yang dag pa'i shes rab kyis rab tu rtog par byed de/ chos de dag mngon du yang mi byed do// de ci'i phyir zhe na/ de 'di snyam du sems te/ sems can gyi khams bdag gis bzung / bdag gis seng ge'i sgra bsgrags te/ sems can 'khor ba'i 'brog dgon pa na gnas pa thams cad bsgral lo zhes dam bcas la/ gcig pu 'khor ba'i 'brog dgon pa nas 'byung ba ni bdag gi mi cha'o snyam ste/ de ltar ra byang chub sems dpa' nyan thos dang / rang sangs rgyas kyi theg pa la mkhas pa yin no/ / ji ltar na byang chub sems dpa' theg pa chen po la mkhas pa yin zhe na/ 'di la byang chub sems dpa' bslab pa thams cad la yang slob la/ slob pa yang mi dmigs/ bslab pa yang mi dmigs/ gang slob pa de yang mi dmigs so// rgyu de dang / rkyen de dang / gzhi des chud par lta bar yang mi lhung ste/ de ltar na byang chub sems dpa' theg pa chen po la mkhas pa yin no// ji ltar na byang chub sems dpa' bdud kyi las spang ba la mkhas pa yin zhe na
- 236a
'di la byang chub sems dpa' mi dge ba'i grogs po thams cad du thams cad yongs su spong ste/ mi che ba'i yul lnga gnas pa dang / 'jig rten rgyu 'phen pa'i gsang tshig la sbyin cing sgom pa dang / rnyed pa dang / bkur sti dang / mchod pa dang / rim grol che tsher 'dzin pa thams cad kyi thams cad du yongs su spong ngo / / nye ba'i nyon mongs pa gzhan gang byang chub kyi lam gyi bar chad du 'gyur ba de dag kyang / thams cad kyi thams cad du yongs su spong zhing de dag gi gnyen po la yang ste/ de ltar na byang chub sems dpa' bdud kyi las yongs su spang ba la mkhas pa yin no// ji ltar na byang chub sems dpa' ma log pa'i shes rab can yin zhe na/ 'di la byang chub sems dpa' 'jig rten pa'i bstan bcos dang / gsang tshig dang / las dang / bzo'i gnas thams cad la shes rab stong ste/ de yang sems can thams cad yongs su smin par bya ba'i phyir te/ shes kyi khe 'dod pa dang / grags pa 'dod pa dang / rnyed pa dang bkur sti 'dod pa'i phyir ma yin gyis/ de bzhin gshegs pa'i bstan pa'i che ba nyid brjod pa'i phyir te/ de la yon tan du lta ba'i phyir ni ma yin no// gzhan du na
- 236b
de 'di snyam du sems te/ gsung rab 'di dam pa ste/ 'di ltar de bzhin gshegs pa'i chos 'dul ba'o snyam nas/ de de la yon tan du lta bas/ mu stegs can gzhan gyi lta ba can du mi 'gyur te/ de ltar na byang chub sems dpa' mu log pa'i shes rab can yin no// rigs kyi bu ji ltar na byang chub sems dpa' mnyam pa med pa'i shes rab can yin zhe na/ rigs kyi bu 'di la byang chub sems dpa' lha dang bcas pa'i 'jig rten bdud dang bcas pa/ tshangs pa dang bcas pa/ skye dgu dge sbyong bram zer bcas pa'i lha dang / mi dang / lha ma yin du bcas pa'i nang na/ de bzhin gshegs pa dgra bcom pa yang dag par rdzogs pa'i sangs rgyas ma gtogs par gang dang shes rab mnyam pa de lta bu'i sems can sems can gyi ris na med de/ de ni 'jig rten lha dang bcas pa/ bdud dang bcas pa/ tshangs pa dang bcas pa skye dgu dge sbyong dang bram zer bcas pa lha dang / mi dang / lha ma yin du bcas pa'i nang na/ shes rab kyi bye brag gis zil gyis ma non pa yin to/ de ltar na byang chub sems dpa' mnyam pa med pa'i shes rab can yin no//
- 237a
rigs kyi bu chos bcu po de dag dang ldan na/ byang chub sems dpa' shes rab phun sum tshogs pa rnams yin no// / rigs kyi bu chos bcu dang ldan na/ byang chub sems dpa' thabs mkhas pa rnams yin no/ / bcu gang zhe na/ 'di lta ste/ yongs su sngo ba'i thabs mkhas pa rnams yin/ mu stegs can rnam par zlog pa'i thabs mkhas pa rnams yin/ yul las rnam par zlog pa'i thabs mkhas pa rnams yin/ 'gyod pa'i yid la gcags pa sel ba'i thabs la mkhas pa rnams yin/ sems can la dpung gnyen byed pa'i thabs la mkhas pa rnams yin/ sems can 'tsho ba'i thabs nye bar spyod pa la mkhas pa rnams yin/ len pa'i thabs mkhas pa rnams yin/ gnas nas gnas su slong ba'i thabs mkhas pa yin/ yang dag par 'dzin du 'jug pa dang / yang dag par gzengs pa stod pa dang / yang dag par shin tu dga' bar byed pa'i thabs mkhas pa rnams yin/ de bzhin gshegs pa la mchod par dang / rim gro bya ba'i thabs mkhas pa rnams yin no/ / rigs kyi bu de la ji ltar na byang chub sems dpa' yongs su sngo ba'i thabs mkhas pa yin zhe na/ rigs kyi bu 'di la byang chub sems dpa' gang 'di dag me tog gi rnam pa 'am/ 'bras bu'i rnam pa nga yir bya ba med pa yongs su bzung ba med pa de rnams nyin lan gsum mtshan lan gsum sangs rgyas dang byang chub sems dpa' rnams la dbul lo// dge ba'i rtsa ba de yang bla na med
- 237b
pa yang dag par rdzogs pa'i byang chub tu yongs su bsngo'o/ / de gang 'di dag bdug pa'i shing ngam/ spos kyi shing ngam/ rin po che'i shing ngam/ dpag bsam gyi shing ngam/ me tog gi shing ngam/ 'bras bu'i shing nga yir bya ba med pa yongs su gang ba med pa de dag kyang nyin lan gsum mtshan lan gsum sangs rgyas dang byang chub sems dpa' rnams la dbul lo// dge ba'i rtsa ba de yang bla na med pa yang dag par rdzogs pa'i byang chub tu yongs su bsngo'o/ / de mdo sde rnams las mchod pa dang / rim gro bya ba gang 'di dag rgya chen po rgya che ba dag nyan cing de dag snying thag pa nas lhag pa'i bsam pa mchog gis sangs rgyas dang byang chub sems dpa' rnams la yongs su bsngo'o/ / gang phyogs bcu na byang chub sems dpa' rnams dang / de ma yin pa'i sems can dag dge ba'i las rnams byed cing / byang chub kyi tshogs rnams yongs su rdzogs par byed pa de dag la snying thag pa nas rjes su yi rang ste/ dge ba'i rtsa ba de yang bla na med pa yang dag par rdzogs pa'i byang chub tu yongs su bsngo'o// de de bzhin gshegs pa'i mchod rten nam/ de bzhin gshegs pa'i gzugs la me tog gam/ bdug pa'am/ spos gsol na/ sems can thams cad kyi 'chal pa'i tshul khrims kyi dri nga bsal ba dang / de bzhin gshegs pa'i tshul khrims kyi dri thob par yongs su bsngo'o/ / de phyag bdar dang zhal zhal byed na sems can thams cad kyi spyod lam mi sdug pa med par 'gyur ba dang / spyod lam mdzes pa phun sum tshogs par
- 238a
yongs su bsngo'o/ / de me tog gi gdugs gsol na/ sems can thams cad kyi nyon mongs pa dang / nye ba'i nyon mongs pa'i gdung ba med par bya ba'i phyir yongs su bsngo'o// de gtsug lag khang gi nang du 'gro na/ 'di ltar sems can thams cad mya ngan las 'das pa'i grong khyer du gzud do snyam du sems bskyed do// de phyir 'byung na 'di ltar sems can thams cad 'khor ba'i// btson ra nas 'don to snyam du sems bskyed do// de gnas khang gi sgo 'byed na 'di ltar 'jig rten las 'das pa'i ye shes kyis bde 'gro thams cad kyi sgo dbye'o snyam du sems bskyed do// de sgo gcod na 'di ltar ngan 'gro thams cad kyi sgo rnams gcad do snyam du sems bskyed do/ / de 'dug na 'di ltar sems can thams cad byang chub kyi snying po la dgod do snyam du sems bskyod do// de glo g.yas pa nyal na 'di ltar sems can thams cad sangs rgyas kyi mya ngan las 'da' bas yongs su mya ngan las bzla'o snyam du sems bskyed do/ / de de nas ldang na 'di ltar sems can thams cad nyon mongs pa kun nas ldang ba rnams las bslang ngo snyam du sems bskyed do/ / de lus kyi ched la 'gro na 'di ltar sems can thams cad skyes bu chen po'i 'gros su 'gro bar gyur cig snyam du sems bskyed do// de der 'dug na 'di ltar sems can thams cad kyi 'dod chags dang / / zhe sdang dang / gti mug gi lug rngu dbyung ngo snyam du sems bskyed do// de bkrub shal byed na 'di ltar sems can thams cad kyi nyon mongs
- 238b
pa'i dri ma'i skyon rnams bkru'o snyam du sems bskyed do/ / de lag pa bskal na 'di ltar sems can thams cad kyi nyon mongs pa'i dri ba rnams bsal lo snyam du sems bskyed do// de rkang pa 'khrun 'di ltar sems can thams cad kyi nyon mongs pa'i rdul rnam pa sna tshogs bsal lo snyam du sems bskyed do/ / de so shing zan 'di ltar sem can thaman kyi dri ma rnam pa sna tshogs bsal lo snyam du sems bskyed do/ / de la lus kyi g.yo ba thams cad sems can thams cad la phan pa dang / bde bar yongs su bsngo'o// de de bzhin gshegs pa'i mchod rten la phyag 'tshal na/ 'di ltar sems can thams cad lha dang bcas pa'i 'jig rten gyis phyag bya bar shog cig snyam sems bskyed de/ rigs kyi bu de ltar na byang chub sems dpa' yongs su sngo ba'i thabs mkhas pa yin no/ / ji ltar na byang chub sems dpa' mu stegs can rnam par zlog pa'i thabs mkhas pa yin zhe na/ 'di la byang chub sems dpa' 'di lta ste/ mu stegs can dpyod pa dang / kun tu rgyu dang / gcer bu pa la sogs pa'i mu stegs can gyis gnas de dang de dag tu 'phrul pa dag mngon par sprul te/ de sems can yongs su smin par bya ba'i phyir thabs byed cing nge 'di snyam du sems te/ kye ma'o sems can 'di rnams nga rgyal gyi zil gyis non nas/ bdag gis sngar slob dpon gyi tshul gyis gdul bar ni mi nus kyi slob mar khas blang ngo snyam ste/ de dag gi khrod du rab tu 'byung ngo //
- 239a
de rab tu byung nas ji ltar spyod pa dang / spyod yul dang / mang du thos pa dang / spyod pa dman tshegs kyis kyang mu stegs can gzhan de dag zil gyis non pade lta de lta bur rtsol lo// 'bad do// brtson 'grus rtsom mo// de dag gi nang na slob dpon ngang bla ma lta bur bkur bar 'gyur// tshag zung zhing ngag mi gcog par 'gyur te/ kye sems can de dag nye bar gyur pa'o snyam du shes nas grogs po dag 'di ni skyo ba dang / 'dod chags dang bral ba dang / 'gog par 'gyur ba'i lam ma yin no zhes mu stegs can de dag gis bsngags pa ma yin pa rjod par 'gyur te/ des mu stegs can gzhan de dag gnas de rnams las bslang nas de bzhin gshegs pa'i chos 'dul ba la 'god do/ / de phyir rol gyi mngon par shes pa lnga dang ldan pa dag gi gan du tshangs par spyad pa spyod do// de tshangs par spyad pa spyod cing chos de thob par bya ba'i phyir spyod cing rtsol lo/ / 'bad do// de rtsol zhi'i 'bad pas bsam gtan dang / ting nge 'dzin dang / snyoms par 'jug pa rnams sgrub ste/ ci nas kyang mngon par shes pa lnga dang ldan pa gzhan de dag pas ches mchog tu 'gyur ba dang / ches 'bar bar 'gyur ba dang / slob dpon gyi mchog tu 'gyur ba dang / mkhas par bkur bar 'gyur ba de ltar bsgrub bo// des sems can de rnams yongs su smin pa'i dus dang tshod shes nas/ grogs po dag lam 'di ni skyo ba dang / 'dod chags dang bral ba dang / 'gog par 'gyur ba'i lam ma yin no zhes bsam gtan dang /
- 239b
ting nge 'dzin dang / snyoms par 'jug pa de dag gi bsngags pa brjod pa ma yin te/ des sems can de dag gnas de las bslangs nas/ de bzhin gshegs pa'i chos 'dul ba la rab tu 'god do// de ltar na byang chub sems dpa' mu stegs can rnam par zlog pa'i thabs la mkhas pa yin no/ / ji ltar na byang chub sems dpa' yul las rnam par zlog pa'i thabs mkhas pa yin zhe na/ 'di la byang chub sems dpa' sems can gang rab tu 'dod chags can rab tu 'dod chags mang ba'i sems can mthong na/ des de dag 'dul ba'i thabs gzhan med do snyam nas// des de dag gi drung du bud med sprul pa bzang mo blta na sdug pa bud med thams cad kyi mchog dag sprul te/ sems can de rnams de dag la rab tu chags par rig nas sprul pa'i bud med de/ mal de nyid du 'chi ba'i dus byed du 'jug go/ de yang skad cig de nyid dang / yud tsam de nyid dang / thang cig de nyid la rul cing dri nga ba dang 'jig par 'gyur te/ de dag gis kyang de mthong nas/ sngangs skrag skyo bar red de/ bdag cag 'di 'dra ba'i dri nga ba'i nang nas gang thar par byed pa su zhig yod ces nyam thag par 'gyur ro/ / de'i tshe na byang chub sems dpa' sems can de dag gi mdun du 'dug ste/ byang chub gsum las gang yang rung ba'i byang chub tu nges par 'gyur ba'i de ltar sems can de dag la chos ston te/ de ltar na byang chub sems dpa' yul las rnam par zlog pa'i thabs mkhas pa yin no// ji ltar na byang chub
- 240a
sems dpa' 'gyod pa'i yid la gcugs pa sel ba'i thabs mkhas pa yin zhe na/ 'di la byang chub sems dpa' sems can su mtshams med pa'i las byed pa 'am/ mi dge ba'i las byed pa mthong na de'i gan du song ste/ de skyes bu ci'i phyir yid mi bde zhing mi dga' bar gnas zhes de skad zer ro// des kyang smras pa/ rigs kyi bu bdag gis mtshams med pa'i las byas pas de'i phyir bdag la yun ring po re gnod pa dang / phan pa med pa dang / sdug bsngal bar mi 'gyur grang zhes yid mi bde zhing mi dga' bar gnas so// de'i phyir de la byang chub sems dpa'i sdom pa 'dzin du 'jug go/ / nyes pa'ang 'chags su 'jug go// de la chos bstan pa zab mo zab mo yang byed do// de ste 'gyod pa mi gtong na de'i phyir de la byang chub sems dpa' thog mar 'di lta ste/ rdzu 'phrul lam/ sems kun rjod pas/ yang dag par yid ches pa skyed do// de nas sems can de yang dag par yid ches pa bskyed nas/ byang chub sems dpa' de la dga' ba dang / mgu ba dang / rangs pa rnyed par 'gyur ro// de dga' ba dang / mgu ba dang / rangs pa rnyed pas/ de chos bstan du rung bar 'gyur/ byang chub sems dpa' de dang 'thun par 'dzin par 'gyur ro/ / de nas byang chub sems dpa' des de'i mdun du 'di lta ste/ pha mar sprul pa mngon par sprul te 'di skad zer ro// kye skyes bu khyod ltos la 'gyod par ma byed cig/ nga yang khyod kyi grogs te las
- 240b
'di lta bus su yang shin tu sems can dmyal bar 'gro ba 'am/ don thams cad la nyams par 'gyur ba med do// las de ye shes kyis bsal du mi nus pa yang ma yin no zhes de skad smras nas/ pa ma srog dang bral lo// srog dang phral nas kyang rdzu 'phrul de ston to// de nas sems can de 'di snyam du sems te/ rdzu 'phrul dang ldan pas kyang pha ma srog dang bral na/ bdag 'dra ba lta zhig/ ci smos snyam mo// byang chub sems dpa' de yang de'i tshe/ sems can de la ci nas kyang de'i las de sbrang ma'i 'dab ma 'dra bar 'gyur ba de lta de lta bu'i chos ston par byed de/ de ltar na byang chub sems dpa' 'gyod pa'i yid la gcags pa sel ba'i thabs mkhas pa yin no/ / ji ltar na byang chub sems dpa' sems can la dpung gnyen byed pa'i thabs mkhas pa yin zhe na/ 'di la byang chub sems dpa' sems can gang chos bstan par rung zhing nus pa dag mthong la/ de dag kyang shin tu mi dge ba'i las byed par 'gyur na/ de dag gdul ba'i thabs su byang chub sems dpas 'phrul ba ngag mngon par sprul te/ de la sems can gang rnams rgyal pos 'dul bar 'gyur ba de dag la rgyal por sprul pa mngon par sprul par byed do// sems can gang rnams blon po chen pos 'dul bar 'gyur ba de dag la blon po chen por sprul pa mngon par sprul par byed do/ / sems can gang rnams bram ze dang / rgyal rigs dang / grong rdal gyi mi dang / yul gyi mis 'dul bar 'gyur
- 241a
bde dag la/ bram ze dang / rgyal rigs dang / grong rdal gyi mi dang / yul gyi mir sprul pa dang / sems can gang rnams lhas 'dul ba de dag la lhar sprul pa dang / gang lag na rdo rjes 'dul ba de dag la/ lag na rdo rjer sprul pa mngon par sprul par byed do// sems can gang rnams 'jigs pas 'dul bar 'gyur ba de dag la 'jigs pa ston/ sems can gang rnams brdeg pa dang / bsdigs pa dang / gsad pa dang / bcings pas 'dul ba de dag la de 'dra bar ston/ sems can gang rnams nges pas 'dul ba de dag la nges pas 'dul sems can gang rnams mtshams med pa byed pa 'dod pa dang / byang chub sems dpa' dag la brgyad par 'dod pa de dag thabs sna tshogs kyis 'dog cing zil gyis gnon par byed/ phyogs gzhan du bkar bar byed do/ / mtshams med par 'gyur ba'i dngos po sbas te/ de 'dra bar de'i mdun du sprul pa ston to// yang na sems can dmyal ba ston to// mngon par shes pa ma skye ngapa'i byang chub sems dpa' tshe'i mtshan ma shes pa ni byed 'dod pa dang / gsod 'dod pa'i sems can de dag mthong nas/ snying rje chen po'i sems skyes te/ de yang 'di snyam du kye ma sems can 'di rnams ni bung bar 'dod pa'o/ / kye ma sems can 'di rnams ni brlag par 'dod pa'o snyam du sems shing / de dag des lag mthil du sU ru ra'i 'bru bzhag pa ltar mthong nas mi dga' ba'i
- 241b
sems chen po bskyed de/ de yang 'di snyam du sems so// bdag sems can gcig gi phyir yang sems can de phung po'i lhag ma med pa'i mya ngan las 'da' ba'i dbyings su rab tu ma bzhag gi bar du mnar med pa'i sdug bsngal bzar bar bzod na sems can 'di rnams kyang mi dge ba'i las byas te/ mnar med pa'i sems can dmyal ba chen por skye bar 'dod pa thabs gzhan gyis ni bzlog par mi nus te/ sems can de rnams tshe yang thung / dad pa yang med bdag cig la/ yul gzhan du bkar ba 'am/ zil gyis mnan par bya ba de lta bu'i dbang ni bdag la med na/ sems can 'di rnams mi dge ba'i las 'dis lus zhig nas/ mnar med pa'i sems can dmyal ba chen por skye bar mi 'gyur grang zhes de'i phyir snying rje ba'i sems nye bar bzhag nas/ las bdag gir bya ba dang 'thun par byas nas sems can de rnams la byams pas khyab par byas te/ thabs gzhan gyis ni mi nus nas chang pa rab kyis 'chos te/ de ltar na byang chub sems dpa' sems can la dpung gnyen byed pa'i thabs mkhas pa yin no// ji ltar na byang chub sems dpa' sems can 'tsho ba'i thabs nye bar sbyor ba la mkhas pa yin zhe na/ 'di la byang chub sems dpa' sems can gang rnams 'phags pa'i chos 'dul ba shes par mi lcogs mi nus te/ zas dang gos lhur 'dzin cing de kho nas chog shes par rtsi ba mthong na/ de rnams la sems dpa'i yi ge dang / bstan bcos dang / lag rtsis dang / grangs dang / shod thabs la sogs pa'i
- 242a
las dge ba dang ldan pa mi ston to/ / mi dge ba dang ldan pa mi ston to// de ltar na byang chub sems dpa' sems can 'tsho ba'i thabs nye bar sbyor ba la mkhas pa yin no// ji ltar na bung chub sems dpa' len pa'i thabs mkhas pa yin zhe na/ 'di la byang chub sems dpa' rin po che'i phung po ri rab tsam thob na yang len te/ dngos po ngan pa zhig thob na yang len to// de ci'i phyir zhe na/ de 'di ltar sems te/ sems can 'di dag ni ser sna can/ brkam pa/ chags pas zil gyis non pa/ 'dzums pa yin te/ rgyu de dang / rkyen de dang / gzhi des chu'i phung po chen pos non pa bzhin du 'khor ba'i rgya mtshor nub cing 'bying bar byed pa de dag la/ de ni yun ring por don dang / phan pa dang / bde bar 'gyur ro snyam ste/ de blangs nas bdag gir mi byed/ chags pa'i sems mi skyed de/ gzhan du na sems can thams cad dang thun mong du/ sangs rgyas dang / chos dang / dge 'dun dag la bya ba byed do// sems can sdug bsngal ba'i rnams la phan par byed do// sbyin pa'i bdag po de yang yang dag par gzengs bstod pa dang / yang dag par shin tu dga' bar byed de/ de ltar na byang chub sems dpa' len pa'i thabs mkhas pa yin no// ji ltar na byang chub sems dpa' gnas nas gnas su slospong ba'i thabs mkhas pa yin zhe na/ 'di la byang chub sems dpa' sems can gang bla na med pa yang dag par rdzogs pa'i byang chub mngon par rdzogs par 'tshang rgya bar lcogs shing nus pa zhig la/ de
- 242b
yang nyan thos dang / rang sangs rgyas kyi theg pa thob par rtsol zhing 'bad de/ brtson 'grus rtsom pa mthong na/ de gnas de nas bslang ste tha na 'khor 'byed pa yang byas nas/ theg pa chen po la 'jog ste/ de ltar na byang chub sems dpa' gnas nas gnas su slong ba'i thabs mkhas pa yin no/ / ji ltar na byang chub sems dpa' yang dag par 'dzin du 'jug pa dang / yang dag par gzengs stod pa dang / yang dag par shin tu dga' bar byed pa'i thabs mkhas pa yin zhe na/ 'di la byang chub sems dpa' byang chub kyi sems bskyed pa'i sems can rnams byang chub kyi sems skyed du 'jug/ byang chub kyi sems bskyed pa'i sems can le lo can brtson 'grus chung ba/ tshul khrims tsam gyis chog par 'dzin pa dag ni brtson 'grus la 'jog/ sems can gang rnams bslab pa kun spyod pa phra mo las 'gal ba dag rgyu de dang / rkyen de dang / gzhi des sems kun khengs shing 'khod de dga' mgu rangs par yang mi rnyed pa de dag la/ de ci nas kyang gnas de nas ldang ba de lta de lta bur chos ston par byed de/ de ltar na byang chub sems dpa' yang dag par 'dzin du 'jug pa dang / yang dag par gzengs stong pa dang / yang dag par shin tu dga' bar byed pa'i thabs mkhas pa yin no// rigs kyi bu ji ltar na byang chub sems dpa' de bzhin gshegs pa la mchod pa dang / rim gro bya ba'i thabs mkhas pa yin zhe na/ rigs kyi bu 'di la byang chub sems dpa' rab tu 'byung bar 'gyur te/ rnyed pa chung ngu yang
- 243a
chos kyi rnyed pas chog par 'dzin pa yin/ de gcig pu lkog tu song ste rab tu dben par gnas nas/ de 'di ltar sems te/ ma la bdag gis de bzhin gshegs pa la mchod/ pa dang rim gro bya ba bas ma mo snyam nas/ de de bzhin gshegs pa la mchod pa dang rim gro bya ba rnam pa sna tshogs sems te/ de ltar sems pa de'i pha rol tu phyin pa drug sgom pa yongs su rdzogs par 'gyur ro/ / ji ltar na pha rol tu phyin pa drug sgom par yongs su rdzogs par 'gyur zhe na/ de la gang mchod pa dang / rim gro bya ba mngon par byed pa 'di ni de'i sbyin pa'i pha rol tu phyin pa'o// mchod pa dang rim gro bya ba de la gang sems can thams cad la dmigs pa'i sems skye ba 'di ni de'i tshul khrims kyi pha rol tu phyin pa'o/ / mchod pa dang rim gro bya ba de dag la gang sems mngon par mos shing dga' ba 'di ni de'i bzod pa'i pha rol tu phyin pa'o/ / mchod pa dang rim gro bya ba de dag nyid la gang sems mi skyo ba 'di ni de'i brtson 'grus kyi pha rol tu phyin pa'o// mchod pa dang rim gro bya ba de dag nyid la gang nye bar rtog pa 'di ni de'i bsam gtan gyi pha rol tu phyin pa'o/ / mchod pa dang rim gro bya ba de dag nyid la gang sna tshogs pa 'di ni de'i shes rab kyi pha rol tu phyin pa ste/ rigs kyi bu de ltar na byang chub/ sems dpa' de bzhin gshegs pa la mchod pa dang rim gro bya ba'i thabs mkhas pa yin no// rigs kyi bu chos bcu po de dag dang ldan na/ byang chub sems dpa' thabs mkhas pa rnams yin no//
- 243b
/ rigs kyi bu chos bcu dang ldan na/ byang chub sems dpa' smon lam phun sum tshogs pa rnams yin no// bcu gang zhe na/ 'di lta ste/ mi dman pa'i smon lam pa rnams yin ma zhum pa'i smon lam pa rnams yin/ sems can thams cad kyi don la brtson pa'i smon lam pa rnams yin/ sangs rgyas kyis yang dag par bsngags pa'i smon lam pa rnams yin/ bdud thams cad shin tu tshar gcod pa'i smon lam pa rnams yin/ gzhan gyi dring la mi 'jog pa'i smon lam pa rnams yin/ mtha' yas pa'i smon lam pa rnams yin/ mi skrag pa'i smon lam pa rnams yin yongs su mi skyo ba'i smon lam pa rnams yin/ legs par yongs su rdzogs pa'i smon lam pa rnams yin no// rigs kyi bu de la ji ltar na byang chub sems dpa' mi dman pa'i smon lam pa yin zhe na/ rigs kyi bu byang chub sems dpa' srid pa'i bde ba 'dod cing / smon lam mi 'debs te/ rigs kyi bu de ltar na byang chub sems dpa' mi dman pa'i smon lam pa yin no// ji ltar na byang chub sems dpa' ma zhum pa'i smon lam pa yin zhe na/ byang chub sems dpa'i ni khams gsum las skyo ba dang / 'dod chags dang bral ba dang / 'gog par smon lam mi 'debs te/ de ltar na byang chub sems dpa' ma zhum pa'i smon lam pa yin no/ / ji ltar na byang chub sems dpa' sems can thams cad kyi don la brtson pa'i smon lam pa yin zhe na/ 'di la byang chub sems dpa' 'di ltar sems can
- 244a
gyi khams ji snyed pa ma lus par de thams cad yongs su mya ngan las bzlas nas/ bdag phyis sangs rgyas kyi yongs su mya ngan las 'da' bas yongs su mya ngan las 'da'a'o// zhes smon lam 'debs te/ de ltar na byang chub sems dpa' sems can thams cad kyi don la brtson pa'i smon lam pa yin no// ji ltar na byang chub sems dpa' sangs rgyas thams cad kyis yang dag par bsngags pa'i smon lam pa yin zhe na/ 'di la byang chub sems dpa' 'di ltar byang chub kyi sems ma skyes pa'i sems can gyi khams ji snyed pa de thams cad byang chub kyi sems bskyed/ du bcug ste/ mthar gyis byang chub kyi spyad pa spyod du btsud nas/ byang chub kyi snying po la 'dug pa rnams la mchod pa dang bkur sti bya'o// chos kyi 'khor lo rab tu bskor bar gsol ba gdab bo// yongs su mya ngan las 'da' ba rnams kyang sems can thams cad la phan pa'i phyir bzhugs su gsol lo zhes smon lam 'debs te/ de ltar na byang chub sems dpa' sangs rgyas thams cad kyis yang dag par bsngags pa'i smon lam pa yin no/ / ji ltar na byang chub sems dpa' bdud thams cad shin tu tshar gcod pa'i smon lam pa yin zhe na/ 'di la byang chub sems dpa' ni 'di ltar bdag mngon par rdzogs par sangs rgyas pa'i sangs rgyas kyi zhing na ci nas kyang bdud kyi sgra 'am/ bdud kyi rigs kyi lha rnams 'byung bar yang mi 'gyur ba de ltar bdag gis bya'o zhes smon lam
- 244b
'debs te/ de ltar na byang chub sems dpa' bdud thams cad shin tu tshar gcod pa'i smon lam pa yin no// ji ltar na byang chub sems dpa' gzhan gyi dring mi 'jog pa'i smon lam pa yin zhe na/ byang chub sems dpa' ni gzhan gyi dring la bla na med pa yang dag par rdzogs pa'i byang chub tu smon lam mi 'debs kyi/ byang chub sems dpa' ni bdag nyid kyis shes rab kyis dpyad de/ sems can gyi khams sdug bsngal ba la bltas nas/ bla na med pa yang dag par rdzogs pa'i byang chub tu smon lam 'debs te/ de ltar na byang chub sems dpa' gzhan gyi dring mi 'jog pa'i smon lam pa yin no// ji ltar na byang chub sems dpa' mtha' yas pa'i smon lam pa yin zhe na/ byang chub sems dpa' ni 'di lta ste/ byang chub kyi tshogs rnams kyi phyogs 'ga' zhig bzung nas/ nyi tsho ba'i smon lam mi 'debs te/ byang chub sems dpa' ni bla gos phrag pa gcig tu gzar nas/ pus mo g.yas pa'i lha nga sa la btsugs te/ sems bskyed par byas nas/ phyogs bcu'i 'jig rten gyi khams su bltas te/ byang chub sems dpa' gang dag phyogs bcu na gnas pa dang / gang dag dka' ba spyod pa la gnas pa dang / gang dag byang chub kyi snying po la gnas pa dang / sangs rgyas gang dag mngon par rdzogs par sangs rgyas pa dang / gang dag chos kyi 'khor lo bskor ba de rnams la snying thag pa nas bsams te/ de dag gis chos bstan pa ji snyed pa de dag la mos par byed do// mos par gyur nas rjes
- 245a
su yi rang ngo / / rjes su yi rang nas bla na med pa yang dag par rdzogs pa'i byang chub tu yongs su sngo ste/ de ltar na byang chub sems dpa' mtha' yas pa'i smon lam pa yin no// ji/ ltar na byang chub sems dpa' mi skrag pa'i smon lam pa yin zhe na/ 'di la byang chub sems dpa' las dang po pa yin yang chos zab mo zab mo rnams thos pa dang / sangs rgyas kyi che ba zab mo thos pa dang / byang chub sem sa dpa'i rnam par rol pa zab mo thos pa dang / thabs la mkhas pa'i tshul zab mo thos kyang mi skrag/ mi dang nga / dngang bar mi 'gyur ro// de 'di snyam du sangs rgyas kyi zhing byang chub kyang mtha' yas/ sangs rgyas kyi yul yang mtha' yas/ sangs rgyas bcom ldan 'das rnams kyis sems can yongs su smin par mdzad pa yang mtha' yas te/ de ni bdag 'dra bas shes par mi nus kyi/ sangs rgyas dag nyid kyis mkhyen gyi/ bdag gis mi shes so snyam du sems te/ de ltar na byang chub sems dpa' mi skrag pa'i smon lam pa yin no// ji ltar na byang chub sems dpa' yongs mi skyo ba'i smon lam pa yin zhe na/ 'di la byang chub sems dpa' sems can dmu rgod sems can gdul dka' ba rigs te/ de rnams kyis yi chad nas 'di lta bu'i dmu rgod 'di 'di lta bu'i gdul dka' ba'i sems can 'di dag gis chog go zhes te/ de'i phyir yongs su skyo zhing rgyab kyis phyogs par gyur te/ gang na sems can 'di lta bu dag gi ming yang mi thos pa'i 'jig rten gyi khams yongs
- 245b
su dag par smon lam mi 'debs so/ / sems can gyi don lam phyogs pa'i byang chub sems dpa' ni/ yongs su dag pa'i 'jig rten gyi khams su skye bar mi 'gyur te/ de la byang chub sems dpa' shes rab can ni/ 'di ltar sems can gyi khams thams cad na/ sems can gang rnams ngan pa brtson 'grus chung ba blun po glen pa lug ltar lkugs pa'i rang bzhin can yongs su mya ngan las mi 'da' ba'i chos can sems can gyi khams ma lus pa 'di las bsnyigs pa sangs rgyas thams cad dang / byang chub sems dpa' thams cad kyis spangs par gyur pa yod pa de dag bdag gis sangs rgyas kyi zhing du 'dus par gyur la/ bdag gis de dag byang chub kyi snying por 'dug tu bcug ste/ bla na med pa yang dag par rdzogs pa'i byang chub mngon par rdzogs pa'i 'tshang rgya bar bya'o snyam du sems bskyed de/ byang chub sems dpa' de ltar sems bskyed pa re re la yang bdud kyi gnas thams cad kyang rab tu g.yo'o// sangs rgyas thams cad kyang de'i bsngags pa gsung bar 'gyur ro/ / de'i sangs rgyas kyi zhing yang yongs su dag par 'gyur ro// bla na med pa yang dag par rdzogs pa'i byang chub kyang myur du mngon par rdzogs par 'tshang rgya ste/ de ltar na/ byang chub sems dpa' yongs su mi skyo ba'i smon lam pa yin no// rigs kyi bu ji ltar na byang chub sems dpa' legs par yongs su rdzogs pa'i smon lam pa yin zhes/ rigs kyi bu 'di
- 246a
la byang chub sems dpa' gang byang chub kyi snying po la 'dug ste/ bdud kyi dpung gzhom pa dang / bla na med pa yang dag par rdzogs pa'i byang chub mngon par rdzogs par 'tshang rgya ba dang / yang de las 'das par smon lam mi 'debs pa 'di ni legs par yongs su rdzogs pa'i smon lam pa zhes bya'o// 'di lta ste/ dper na mar ram 'bru mar gyi snod khang chad du gang ste/ lhag par rdul phra rab tsam gyi thigs pa yang mi shong na/ de'i phyir e ma 'o snod gang ba/ e ma 'o snod shin tu gang ba zhes bya'o// de bzhin du byang chub sems dpa' byang chub mngon par rdzogs par sangs rgyas pa la smon lam legs par yongs su rdzogs pa'i phyir/ smon lam ma rdzogs pa rdul phra rab tsam yang med do// de bas na legs par yongs su rdzogs pa'i smon lam zhes bya ste/ rigs kyi bu chos bcu po de dag dang ldan na/ byang chub sems dpa' smon lam phun sum tshogs pa rnams yin no// // rigs kyi bu chos bcu dang ldan na/ byang chub sems dpa' stobs phun sum tshogs pa rnams yin no/ / bcu gang zhe na/ 'di lta ste/ zil gyis mi non pa'i stobs phun sum tshogs pa rnams yin/ mi tshugs pa'i stobs phun sum tshogs pa rnams yin/ bsod nams kyi stobs phun sum tshogs pa rnams yin/ shes rab kyi stobs phun sum tshogs pa rnams yin/ 'khor gyi stobs phun sum tshogs pa rnams yin/ rdzu 'phrul gyi stobs phun sum tshogs pa rnams yin
- 246b
dbang gi stobs phun sum tshogs pa rnams yin/ gzungs kyi stobs phun sum tshogs pa rnams yin/ rnam par mi 'khrugs pa'i byin gyi rlabs kyi stobs phun sum tshogs pa rnams yin// bka' mi gcog pa'i stobs phun sum tshogs pa rnams yin no// rigs kyi bu de la ji ltar na byang chub sems dpa' zil gyis mi non pa'i stobs phun sum tshogs pa yin zhe na/ rigs kyi bu 'di byang chub sems dpa' pha rol rgol ba kun gyis mi non pa yin te/ de ltar na zil gyis mi non pa'i stobs phun sum tshogs pa yin no// ji ltar na byang chub sems dpa' mi tshugs pa'i stobs phun sum tshogs pa yin zhe na/ 'di la byang chub sems dpa' de'i stobs la gang stobs kyis thub pa'i sems can de lta bu sems can gyi ris na med de/ de ltar na byang chub sems dpa' mi tshugs pa'i stobs phun sum tshogs pa yin no/ / ji ltar na byang chub sems dpa' bsod nams kyi stobs phun sum tshogs pa yin zhe na/ 'di la byang chub sems dpa' ma bsgrubs pa'i bsod nams kyi tshogs 'jig rten pa 'am/ 'jig rten las 'das pa de gang yang med de/ de ltar na byang chub sems dpa' bsod nams kyi stobs phun sum tshogs pa yin no// ji ltar na byang chub sems dpa' shes rab kyi stobs phun sum tshogs pa yin zhe na/ 'di la byang chub sems dpa' de bzhin gshegs pa'i ye shes ma gtogs par sangs rgyas kyi chos gang yang yang dag pa'i shes rab kyis mthong ba dang / mngon du
- 247a
ma byas pa dang / khong du ma chud pa de dag med de/ de ltar na byang chub sems dpa' shes rab kyi stobs phun sum tshogs pa yin no// ji ltar na byang chub sems dpa' 'khor gyi stobs phun sum tshogs pa yin zhe na/ 'di la byang chub sems dpa'i 'khor tshul khrims nyams pa ma yin/ lta ba nyams pa ma yin/ cho ga nyams pa ma yin/ 'tsho ba nyams pa ma yin gyi/ byang chub semasad pa'i 'khor ni/ byang chub sems dpa' mtshungs par spyod pa rnams nyid yin te/ de ltar na byang chub sems dpa' 'khor gyi stobs phun sum tshogs pa yin no// ji ltar na byang chub sems dpa' rdzu 'phrul gyi stobs phun sum tshogs pa yin zhe na/ 'di la byang chub sems dpa' 'jig rten gyi rdzu 'phrul gyi yul thams cad dang / nyan thos dang / rang sangs rgyas kyis rdzu 'phrul gyi yul thams cad zil gyis non te/ de yang rdzu 'phrul gyi stobs bskyed pa mchog gi zil gyis gnon to// de 'dod na 'dzam bu'i gling gi skra nyag ma gcig gi rtse mo la 'jog go// de bzhin du srid bzhi pa dang / stong gi 'jig rten gyi khams dang / stong gnyis dang / stong gsum gyi stong chen po'i 'jig rten gyi khams kyang de bzhin no// 'dod na gang+gA'i klung gi bye ma snyed kyi 'jig rten gyi 'am rdul phra rab gcig la 'jog go/ / de bzhin du gang+gA'i klung gnyis kyi bye ma snyed khams dang / gsum dang / bzhi dang / lnga dang / bcu dang / nyi shu dang / sum cu dang / bzhi bcu dang / lnga bcu nas/
- 247b
brjod du med pa'i yang gang+gA'i klung gi bye ma snyed kyi 'jig rten gyi khams rdul phra rab gcig la 'jog kyang / rdul phra rab de la gang ba dang / bri bar yang mi mngon te/ 'jig rten gyi khams de rnams kyang phan tshun du 'dres par mi 'gyur/ sems can de rnams la gnod par yang mi 'gyur te/ de ltar na byang chub sems dpa' rdzu 'phrul gyi stobs phun sum tshogs pa yin no// ji ltar na byang chub sems dpa' dbang gi stobs phun sum tshogs pa yin zhe na/ 'di la byang chub sems dpa' 'dod na/ stong gsum gyi stong chen po'i 'jig rten gyi khams rin po che sna bdun gyis gang bar byin gyis rlob bo// de 'dod na brjod du med pa'i yang brjod du med pa'i 'jig rten gyi khams kyi bar du rin po che rnam pa sna tshogs kyis yongs su gang bar byin gyis rlob ste/ de ltar na byang chub sems dpa' dbang gi stobs phun sum tshogs pa yin no// ji ltar na byang chub sems dpa' gzungs kyi stobs phun sum tshogs pa yin zhe na/ 'di la byang chub sems dpa' brjod du med pa'i yang brjod du med pa'i sangs rgyas kyi zhing ngag na/ sangs rgyas bcom ldan 'das ji snyed cig don tha dad pa dang / tshig dang yi ge tha dad pa dang / brjod pa tha dad pa dang / tshul tha dad pa'i chos bshad pa de dag byang chub sems dpa' skad cig yud tsam thang cig gcig la thams cad 'dzin par byed/ khong du chud par byed/ sgom par byed de/ de ltar na byang chub sems dpa' gzungs kyi stobs phun sum tshogs pa yin no// ji ltar na byang chub sems dpa' rnam par mi 'khrugs pa'i byin gyis
- 248a
rlabs kyi stobs phun sum tshogs pa yin zhe na/ de bzhin gshegs pa dgra bcom pa yang dag par rdzogs pa'i sangs rgyas rnams ma gtogs par byang chub sems dpas byin gyi/ rlabs byin du brlabs pa la gang rnam par 'khrugs par byed pa'i sems can de lta bu sems can gyi ris na med de/ de ltar na byang chub sems dpa' rnam par mi 'khrug pa'i byin gyi rlabs kyi stobs phun sum tshogs pa yin no/ / rigs kyi bu ji ltar na byang chub sems dpa' bka' mi gcog pa'i stobs phun sum tshogs pa yin zhe na/ thabs mkhas pa ma gtogs par gang byang chub sems dpa'i bka' gcog pa'i sems can de lta bu sems can gyi ris na ma mthong ste/ rigs kyi bu de ltar na byang chub sems dpa' bka' mi gcog pa'i stobs phun sum tshogs pa yin no// rigs kyi bu chos bcu po de dag dang ldan na/ byang chub sems dpa' stobs phun sum tshogs pa rnams yin no// // rigs kyi bu chos bcu dang ldan na/ byang chub sems dpa' ye shes phun sum tshogs pa yin no// bcu gang zhe na/ 'di lta ste/ gang zag la bdag med pa'i ye shes phun sum tshogs pa rnams yin/ chos la bdag med pa'i ye shes phun sum tshogs pa rnams yin/ nyi tshe ba ma yin pa'i ye shes phun sum tshogs pa rnams yin/ ting nge 'dzin gyi spyod yul gyi ye shes phun sum tshogs pa rnams yin/ byin gyi rlabs kyi ye shes phun sum tshogs pa rnams yin/ mi 'phrogs pa'i ye shes phun sum tshogs pa rnams yin/
- 248b
sems can thams cad kyi spyod pa la rnam par lta ba'i ye shes phun sum tshogs pa rnams yin/ lhun gyis grub pa'i ye shes phun sum tshogs pa rnams yin/ chos thams cad kyi mtshan nyid kyi ye shes/ phun sum tshogs pa rnams yin/ 'jig rten las 'das pa'i ye shes phun sum tshogs pa rnams yin no// rigs kyi bu de la ji ltar na byang chub sems dpa' gang zag la bdag med pa'i ye shes phun sum tshogs pa rnams yin zhe na/ rigs kyi bu 'di la byang chub sems dpas phung po rnams skye ba yang yang dag par mthong / 'jig pa dang 'gog pa yang yang dag par mthong ngo // des phung po skye ba rnams snying po med pa dang / byed pa med pa dang / gsog tu yang dag par mthong / phung po 'gag pa rnams 'jig par yang dag par mthong ste/ de 'di snyam du sems/ phung po 'di dag ni bdag med pa/ sems can med pa/ srog med pa/ gso ba med pa dang / gang zag med pa yin mod kyi/ 'on kyang byis pa so so'i skye bo bdag tu 'dzin pa la mngon par zhen pa 'di dag ni/ 'di ltar bdag cag gi phung po rnams bdag go/ / bdag cag gi phung po rnams la bdag yod do// bdag cag gi bdag la phung po rnams yod do// bdag cag gi bdag ni phung po can no snyam ste/ de dag bdag tu 'dzin pa la mngon par zhen pas/ de kho na nyid khong du mi chud do// de kho na nyid khong du ma chud pas mga' me'i 'khor lo ltar 'khor ba na 'khyam mo snyam du sems shing / de thams cad kyang byang chub sems
- 249a
dpas yang dag pa ji lta ba bzhin du rab tu shes te/ de ltar na byang chub sems dpa' gang zag la bdag med pa'i ye shes phun sum tshogs pa yin no// ji ltar na byang chub sems dpa' chos la bdag med pa'i ye shes phun sum tshogs pa yin zhe na/ 'di la byang chub sems dpa' chos su sgro 'dogs pa dang / chos la skur pa yang yang dag pa ji lta ba bzhin du rab tu shes te/ de 'di/ snyam du glo bur du byung ba'i chos la kun brtags pa'i ming gdags te/ chos la yang de'i ngo bo nyid ma yin/ yi ge de dag kyang de'i ngo bo nyid ma yin mod kyi/ 'di ni ming tsam dang / tha snyad tsam du bya'i 'di la mngon par zhen par mi bya'o/ / glo bur du byung ba'i chos de yang thams cad kyi thams cad du med pa ma yin te/ gzhan gyi rkyen dang / gzhan gyi rkyen la sdod pa dang / gzhan gyi rkyen rnams kyis 'byung zhing rkyen dang bral na 'gag pa'i chos 'di ni yod do zhes de thams cad byang chub sems dpas yang dag pa ji lta ba bzhin du rab tu shes te/ de ltar na byang chub sems dpa' chos la bdag med pa'i ye shA phun sum tshogs pa yin no/ / ji ltar na byang chub sems dpa' nyi tshe ba ma yin pa'i ye shes phun sum tshogs pa yin zhe na/ byang chub sems dpa' nyi tshe ba'i ye shes skad cig gcig la 'jug cing skad cig gnyis pa la mi 'jug pa ma yin gyi/ byang chub sems dpa'i ye shes mthong ba ni/ skad cig thams cad la thogs pa med par 'jug ste/ de ltar na byang chub sems dpa' nyi tshe ba ma yin pa'i ye
- 249b
shes phun sum tshogs pa yin no/ / ji ltar na byang chub sems dpa' ting nge 'dzin gyi spyod yul gyi ye shes phun sum tshogs pa yin zhe na/ 'di la byang chub sems dpa' nyan thos kyi ting nge 'dzin rnam kyang rab tu shes/ rang sangs rgyas kyi ting nge 'dzin rnams kyang rab tu shes/ byang chub sems dpa'i ting nge 'dzin rnams kyang rab tu shes/ de bzhin gshegs pa'i ting nge 'dzin rnams kyang rab tu shes so/ / des ting nge 'dzin gang dang ting nge 'dzin gyi spyod yul gang la nyan thos spyod pa de dag yang rab tu shes/ ting nge 'dzin gang dang ting nge 'dzin gyi spyod yul gang la rang sangs rgyas spyod pa de yang rab tu shes/ ting nge 'dzin gang dang ting nge 'dzin gyi spyod yul gang la byang chub sems dpa' spyod pa de yang rab tu shes/ ting nge 'dzin gang dang ting nge 'dzin gyi spyod yul gang la de bzhin gshegs paspyod pa de yang rab tu shes te/ de bzhin gshegs pas skabs phye na/ de bzhin gshegs pa'i ting nge 'dzin rab tu shes kyi/ rnam par smin pas grub pas rang gi ye shes kyis ni ma yin no// ting nge 'dzin gzhan rnams ni rnam par smin pas grub pa'i rang gi ye shes kyis rab tu shes te/ de ltar na byang chub sems dpa' ting nge 'dzi gyi spyod yul gyi ye shes phun sum tshogs pa yin no// ji ltar na byang chub sems dpa' byin gyi rlabs kyi ye shes phun sum tshogs pa yin zhe na/ 'di la byang chub sems dpas nyan thos kyi byin gyi rlabs kyang ji lta ba bzhin du rab tu shes/ rang sangs rgyas kyi byin gyi rlabs kyang ji lta
- 250a
ba bzhin du rab tu shes/ byang chub sems dpa'i byin gyi rlabs kyang ji lta ba bzhin du rab tu shes na/ sems can de ma yin pa gzhan dag gi lta ci smos te/ de ltar na byang chub sems dpa' byin gyi rlabs kyi ye shes phun sum tshogs pa yin no/ / ji ltar na byang chub sems dpa' mi 'phrogs pa'i ye shes phun sum tshogs pa yin zhe na/ 'di la byang chub sems dpa'i ye shes ni mu stegs can thams cad dang / bdud thams cad dang / nyan thos dang / rang sangs rgyas thams cad kyis mi 'phrogs pa yin te/ de ltar na byang chub sems dpa' mi 'phrogs pa'i ye shes phun sum tshogs pa yin no// ji ltar na byang chub sems dpa' sems can gyi spyod pa la rnam par lta ba'i ye shes phun sum tshogs pa yin zhe na/ 'di la byang chub sems dpa' ye shes yongs su dag pa/ dang zhing rnyog pa med pas/ sems can gyi khams la rnam par lta ste/ des de na sems can la la byang chub tu sems bskyed pa dag dang / la la byang chub tu sems ma bskyed pa dag dang / la la byang chub kyi sems bsgrubs pa dag dang / la la byang chub kyi sems ma bsgrubs pa dag dang / la la sa dang po la gnas pa dag dang / la la sa bcu pa'i bar la gnas pa ngag dang / la la mngon par rdzogs par sangs rgyas pa dag dang / la la mngon par rdzogs par sangs rgyas te/ chos kyi 'khor lo rab tu bskor ba dag dang / la la bya ba kun byas te yongs su mya ngan las 'da' ba dag dang / la la nyan thos kyi theg pas yongs su mya
- 250b
ngan las 'da' ba dag dang / la la rang sangs rgyas kyi theg pas yongs su mya ngan las 'da' ba dag dang / la la bde 'gror skye ba dag dang / la la ngan 'gror skye ba dag mthong ngo // de ltar sems can thams cad kyi spyod pa la rnam par lta ste/ de ltar na byang chub sems dpa' sems can thams cad kyi spyod pa la rnam par lta ba'i ye shes phun sum tshogs pa yin no// ji ltar na byang chub sems dpa' lhun gyis grub pa'i ye shes phun sum tshogs pa yin zhe na/ 'di la byang chub sems dpa' spyod pa 'am/ 'greng ba 'am/ 'dug pa'am/ 'gro ba 'am/ 'ong ba na lhun gyis grub cing ye shes 'byung ste/ 'di lta ste/ dper na miganyid kyis log pa'i dbugs 'byung ba dang / rngub pa dag lhun gyis grub cing 'byung ngo // byang chub sems dpa'i ye shes de yang de bzhin du blta'o// ye shes de yang thams cad du mi chags par 'jug ste/ ji ltar na byang chub sems dpa' lhun gyis grub pa'i ye shes phun sum tshogs pa yin no// ji ltar na byang chub sems dpa' chos thams cad kyi mtshan nyid kyi ye shes phun sum tshogs pa yin zhe na/ 'di la byang chub sems dpas chos thams cad mtshan nyid mtshungs par yang rab tu shes/ mtshan nyid gcig par yang rab tu shes mtshan nyid du mar yang rab tu shes/ rgyu ma'i mtshan nyid du yang rab tu shes/ yang dag pa ma yin pa kun brtags pa'i mtshan nyid du yang rab tu shes te/ de ltar na byang chub sems dpa' chos
- 251a
thams cad kyi mtshan nyid kyi ye shes phun sum tshogs pa yin no/ / rigs kyi bu ji ltar na byang chub sems dpa' 'jig rten las 'das pa'i ye shes phun sum tshogs pa yin zhe na/ rigs kyi bu 'di la byang chub sems dpa' gang zag pa med pa'i ye shes 'jig rten thams cad las 'das pa dang ldan pa yin te/ rigs kyi bu de ltar na byang chub sems dpa' 'jig rten las 'das pa'i ye shes phun sum tshogs pa yin no/ / rigs kyi bu chos bcu po de dag dang ldan na/ byang chub sems dpa' ye shes phun sum tshogs pa yin no// dkon mchog sprin bam po gsum pa// / rigs kyi bu chos bcu dang ldan na/ byang chub sems dpa' sa dang mtshungs pa rnams yin no// bcu gang zhe na/ 'di lta ste/ yangs shing tshad med pa rnams yin/ sems can thams can gyi 'tsho bar gyur pa rnams yin/ gnod pa dang lan du phan 'dogs pa dang bral ba rnams yin/ chos kyi sprin chen po kun bzed pa rnams yin/ sems can thams cad kyi gnas su gyur pa rnams yin/ dge ba'i chos kyi sa bon gyi gzhir gyur pa rnams yin/ rin po che'i snod du gyur pa rnams yin/ rtsi chen po'i snod du gyur pa rnams yin/ mi bskul ba rnams yin/ mi spangs pa rnams yin no// rigs kyi bu de la ji ltar na byang chub sems dpa' yangs shing tshad med pa yin zhe na/ rigs kyi bu 'di lta ste
- 251b
dper na sa chen po ni thams cad du yangs shing tshad med pa yin no/ / de bzhin du byang chub sems dpa' yang 'di lta ste/ bsod nams dang ye shes kyi tshogs kyis kun tu yangs shing tshad med pa yin te/ de ltar na byang chub sems dpa' yangs shing tshad med pa yin no// ji ltar na byang chub sems dpa' sems can thams cad kyi 'tsho bar gyur pa yin zhe na/ rigs kyi bu 'di lta ste/ dper na sa chen po'i 'di ltar yo byad rnam pa de dang de dag gis sems can thams cad kyi 'tsho bar gyur pa yin no/ / de bzhin du byang chub sems dpa' yang sbyin pa dang / tshul khrims dang / bzod pa dang / brtson 'grus dang / bsam gtan dang / shes rab la sogs pa byang chub kyi tshogs rnams dang / phan par 'gyur ba'i yo byad rnam pa du ma de dang de dag gis sems can thams cad kyi 'tsho bar gyur pa yin te// de ltar na byang chub sems dpa' sems can thams cad kyi 'tsho bar gyur pa yin no// ji ltar na byang chub sems dpa' gnod pa dang / lan du phan 'dogs pa dang bral ba yin zhe na/ 'di lnga ste/ rigs kyi bu dper nas chen po ni gnod pas kyang zhe 'gras par mi 'gyur/ phan pas kyang rjes su chags par mi 'gyur te/ de la gnyis su 'du shes pa mi 'byung ngo // de bzhin du byang chub sems dpa' yang gnod pa dag gis kyang zhe 'gras par mi 'gyur/ phan 'dogs pa dag gis kyang rjes su chags par mi 'gyur te/ de ni sems can de dag la chags pa dang / khong khro ba yang mi skye ste/ de ltar na byang chub sems dpa' gnod
- 252a
pa dang / lan du phan 'dogs pa dang bral ba yin no// ji ltar na byang chub sems dpa' chos kyi sprin chen po kun bzed pa yin zhe na/ rigs kyi bu 'di lta ste/ dper na sa chen po ni sprin chen po las bab pa'i chu'i klung chen po kun bzed de/ bzod cing kun 'dzin to// de bzhin du byang chub sems dpa' yang de bzhin gshegs pa chos kyi sprin chen po las chos kyi char pa chen po rab tu bab pa kun bzed cing bzod la 'dzin te/ de ltar na byang chub sems dpa' chos kyi sprin chen po kun bzed pa yin no// ji ltar na byang chub sems dpa' sems can thams cad kyi gnas su gyur pa yin zhe na/ rigs kyi bu 'di lta ste/ dper na sa chen po ni sems can thams cad 'gro ba dang 'ong ba'i gnas su gyur pa yin no// de bzhin du byang chub sems dpa' sems can thams cad kyi bde 'gro dang mya ngan las 'das par 'gro ba'i gnas su gyur pa yin te/ de ltar na byang chub sems dpa' sems can thams cad kyi gnas su gyur pa yin no// ji ltar na byang chub sems dpa' dge ba'i chos kyi sa bon gyi gzhir gyur pa yin zhe na/ rigs kyi bu 'di lta ste/ dper na sa bon thams cad ni sa chen po'i gzhir gyur pa las skye'o// de bzhin du sems can thams cad kyi dge ba'i chos kyi sa bon thams cad kyang byang chub sems dpa'i gzhir gyur pa las skye ste/ de ltar na byang chub sems dpa' dge ba'i chos kyi sa bon gyi gzhir gyur pa yin no// ji ltar na byang chub sems dpa' rin po che'i snod du gyur pa yin zhe na/ rigs kyi
- 252b
bu 'di lta ste/ dper na sa chen po ni rin po che rnam pa sna tshogs kyi snod yin te/ sa chen po la rin po che sna tshogs kun snang ngo // de bzhin du byang chub sems dpa' yang yon tan rin po che rnam pa sna tshogs kyi snod du gyur pa yin te/ byang chub sems dpa' la yon tan rin po che sna tshogs kun snang ste/ de ltar na byang chub sems dpa' rin po che'i snod du gyur pa yin to// ji ltar na byang chub sems dpa' rtsi chen po'i snod du gyur pa yin zhe na/ rigs kyi bu 'di lta ste/ dper na rtsi chen po gang dag nad rnam pa sna tshogs zhi bar 'gyur ba dag kyang sa chen po la gnas te 'jig rten na snang ngo // de bzhin du gang dag gis nyon mongs pa'i nad rnam pa sna tshogs pa rnams zhi bar 'gyur ba'i chos kyi rtsi chen po rnams kyang byang chub sems dpa' la gnas shing 'jig rten du 'byung bar 'gyur te/ de ltar na byang chub sems dpa' rtsi chen po'i snod du gyur pa yin no/ / ji ltar na byang chub sems dpa' mi bsgul ba yin zhe na/ rigs kyi bu 'di lta ste/ dper na sa chen po ni 'di ltar sha sbrang dang / sbrang bu dang / rlung dang / nyi ma dang / sbrul gyis reg pa'i sdug bsngal thams cad kyis mi bskul ba yin no/ / de bzhin du byang chub sems dpa' yang 'di lta ste/ sems can thams cad las byung ba'i phyir nang gi sdug bsngal thams cad kyis mi bskul ba yin te/ de ltar na byang chub sems dpa' mi bskul ba yin no/ / rigs kyi bu ji ltar na byang chub sems dpa' mi spangs pa yin zhe na/ rigs kyi bu 'di lta ste/ dper na sa chen po ni glang po che'i rgyal po'am/ ri dgas kyi
- 253a
rgyal po rnam pa sna tshogs kyi sgra thos kyang mi skrag/ mi dngang / dngang bar mi 'gyur ro// de bzhin du byang chub sems dpa' yang bdud dang mu stegs thams cad kyi sgra thos na mi skrag/ mi dang / dngang bar mi 'gyur te/ rigs kyi bu de ltar na byang chub sems dpa' mi spangs pa yin no// rigs kyi bu chos bcu po de dag dang ldan na/ byang chub sems dpa' sa chen po dang mtshungs pa rnams/ yin no// rigs kyi bu chos bcu dang ldan na/ byang chub sems dpa' chu dang mtshungs pa rnams yin no// bcu gang zhe na/ 'di lta ste/ dge ba'i chos la gzhol ba rnams yin/ dkar po'i chos thams cad skyed pa rnams yin/ dga' ba dang / dad pa dang / rangs pa'i gsher ba can rnams yin// nyon mongs pa'i rtsa ba'i rgyun thams cad srul ba rnams yin/ drang zhing rnyog pa med de gsal ba rnams yin/ nyon mongs pa'i yongs su gdung ba thams cad rab tu zhi bar byed pa rnams yin/ 'dod pa la sred pa zlog pa rnams yin/ zab cing gting dpag dka' ba rnams yin/ mtho dman 'gengs pa rnams yin/ nyon mongs pa'i rdul thams cad rab tu zhi bar byed pa rnams yin no// rigs kyi bu de la ji ltar na byang chub sems dpa' dge ba'i chos la gzhol ba yin zhe na/ rigs kyi bu 'di lta ste/ dper na chu ni gzhol bar 'gro ba dang / gzhol bar rgyu ba yin no// de bzhin du byang chub sems dpa' yang chos dge ba'i chos la gzhol zhing / dge ba'i chos kyi phyir rgyu ba yin te/ de ltar na byang chub sems dpa'
- 253b
dge ba'i chos la gzhol ba yin no/ / ji ltar na byang chub sems dpa' dkar po'i chos thams cad skyed pa yin zhe na/ rigs kyi bu 'di lta ste/ dper na chu ni rtswa dang / shing gel ba dang / rtsi dang / nags tshal thams cad skyed de/ skyes pa rnams kyang phyir zhing rgyas par byed do// de bzhin du byang chub sems dpa' yang ting nge 'dzin gyi chus byang chub kyi phyogs kyi chos thams cad rnam par bskyed do// skyes pa rnams kyang thams cad mkhyen pa nyid kyi shing du gyur kyi bar du phyir zhing rgyas par byed do/ / thams cad mkhyen pa nyid kyi shing du gyur pa dag gis sangs rgyas kyi chos kyi 'bras bu rnam pa sna tshogs dag gis sems can rnams 'tsho bar 'gyur te/ de ltar na byang chub sems dpa' dkar po'i chos thams cad bskyed pa yin no// ji ltar na byang chub sems dpa' dga' ba dang / dad pa dang / rangs pa'i gsher can yin zhe na/ rigs kyi bu 'di lta ste/ dper na chu ni ngo bo nyid kyis gsher ba can yin te/ gzhan yang gsher bar byed do// de bzhin du byang chub sems dpa' yang ngo bo nyid kyis dga' ba dang / dad pa dang / rangs pa'i gsher ba can yin te/ sems can gzhan yang dga' ba dang / dad pa dang / rangs pa'i gshe sa can du byed do// de la dga' ba ni 'jig rten las 'das pa'i chos tshol ba'o/ / dad pa ni sangs rgyas dang / chos dang / dge 'dun la rten pa'o// rangs pa ni gang sems dag pa ste/ de ltar na byang chub sems dpa' dka' ba dang / dad pa dang
- 254a
rangs pa'i gsher ba can yin no/ / ji ltar na byang chub sems dpa' nyon mongs pa'i rtsa ba'i rgyun thams cad sprul ba yin zhe na/ rigs kyi bu 'di lta ste/ dper na chu ni shing gi rnam pa dang / rtswa'i rnam pa'i rtsa ba dag gi rgyun rnams srul lo// de bzhin du byang chub sems dpa' yang sgom pa la gnas pa'i ting nge 'dzin gyi chus nyon mongs pa'i rtsa ba'i rgyun thams cad srul te/ ji ltar na nyon mongs pa'i rtsa ba'i rgyun 'di dag gi ming yang mi shes pa dang / nyon mongs pa'i dring ba'i bag chags kyang med par 'gyur ba de lta bur srul te/ de ltar na byang chub sems dpa' nyon mongs pa'i rtsa ba'i rgyun thams cad srul ba yin no/ / ji ltar na byang chub sems dpa' dang zhing rnyog pa med de gsal ba yin zhe na/ rigs kyi bu 'di lta ste/ dper na chu ni rang bzhin gyis dang zhing rnyog pa med de gsal lo/ / de bzhin du byang chub sems dpa' yang rang bzhin gyis dang zhing rnyog pa med de gsal ba yin no// de la bag la nyal dang kun nas ldang ba dang bral bas na dang ba'o// 'dod chags dang / zhe sdang dang / gti mug dang bral bas na rnyog pa med pa'o// dbang po rab tu dang bas na gsal ba ste/ ji ltar na byang chub sems dpa' dang zhing rnyog pa med de gsal ba yin no// ji ltar na byang chub sems dpa' nyon mongs pa'i yongs su gdung ba rab tu zhi bar byed ce na/ rigs kyi bu 'di lta ste/ dper na chu ni sa chen po dpyid kyi tsha bas gdungs pa dang / de las gzhan yang sems can
- 254b
rnams dpyid kyi tsha bas gdungs pa rnams rab tu zhi bar byed do/ / de bzhin du byang chub sems dpa' yang nyon mongs pas gdungs pa'i sems can gyi khams thams cad chos kyi chus rab tu zhi bar byed de/ de ltar na byang chub sems dpa' nyon mongs pa'i yongs su gdung ba rab tu zhi bar byed pa'o/ / ji ltar na byang chub sems dpa' 'dod pa la sred pa zlog pa yin zhe na/ rigs kyi bu 'di lta ste/ dper na chu ni skom pas nyen pa'i sems can rnams kyi skom pa rnam par zlog go/ / de bzhin du byang chub sems dpa' yang yul la sred pas nyen par gyur pa dag la gang gi sems can de dag gi yul la sred pa ldog par 'gyur ba de lta bu chos kyi chos mngon par 'bebs te/ de ltar na byang chub sems dpa' 'dod pa la sred pa zlog par byed do// ji ltar na byang chub sems dpa' rab cing gting dpag dka' ba yin zhe na/ rigs kyi bu 'di lta ste/ dper na chu'i 'jing ni zab cing gting dpag dka' ba yin no// de bzhin du byang chub sems dpa' ye shes yang dag par grub pa yang 'di lta ste/ bdud thams cad dang / mu stegs thams cad kyis gting dpag dka' zhing zab pa yin te/ de ltar na byang chub sems dpa' zab cing gting dpag dka' ba yin no// ji ltar na byang chub sems dpa' mthong man 'gengs pa yin zhe na/ rigs kyi bu 'di lta ste/ dper na chu'i klung ni sa phyogs mtho dman 'gengs so// de bzhin du byang chub sems dpa' yang chos kyi chu klung gis sems can gyi
- 255a
khams mtho dman 'gengs te/ ji ltar na chus 'gengs pa ltar sems can la gnod par byed pa de lta bu byang chub sems dpa' ma yin gyi/ sems can de rnams la snying brtse ba'i phyir chos kyi chu klung 'bebs shing de dag la gnod par mi byed de/ de ltar na byang chub sems dpa' mtho dman 'gengs pa yin no// ji ltar na byang chub sems dpa' nyon mongs pa'i rdul thams cad rab tu zhi bar byed pa yin zhe na/ rigs kyi bu 'di lta ste/ dper na chus ni sa'i phyogs skam zhing / rdul 'thul ba thams cad snum par byed cing rdul de dag zhi bar byed do// de bzhin du byang chub sems dpa' yang sems can sems rtsub pa rnams 'di lta ste/ shes rab la gnas pa'i ting nge 'dzin gyi chus sems snum par byed cing / sems can de dag gi nyon mongs pa'i rdul thams cad rab tu zhi bar byed de/ de ltar na byang chub sems dpa' nyon mongs pa'i rdul thams cad rab tu zhi bar byed pa yin no// rigs kyi bu chos bcu po de dag dang ldan na byang chub sems dpa' chu dang mtshungs pa rnams yin no/ / rigs kyi bu chos bcu dang ldan na/ byang chub sems dpa' me dang mtshungs pa rnams yin no// bcu gang zhe na/ 'di lta ste/ nyon mongs pa'i phyag dar khung thams cad kyang sreg par byed/ sangs rgyas kyi chos rnams kyang yongs su smin par byed/ nyon mongs pa'i 'dam thams cad kyang skam par byed/ me'i phung po dang 'dra ba rnams yin/ snang bar
- 255b
gyur pa rnams yin/ skrag par byed pa rnams yin/ dbugs 'byin pa rnams yin/ sems can thams cad kyi thun mong du gyur pa rnams yin/ mchod pa byed pa rnams yin/ mi brnyas pa rnams yin no// / rigs kyi bu de la ji ltar na byang chub sems dpa' nyon mongs pa'i phyag dar khung thams cad sreg ce na/ rigs kyi bu 'di lta ste/ dper na me ni phyag dar khung dang / rtswa dang / shing dang / gel ba dang rtsi dang / sdong po thams cad sreg go// de bzhin du byang chub sems dpa' yang shes rab kyis bag la nyal dang / kun nas ldang ba dang / 'dod chags dang / zhe sdang dang / gti mug gi nyon mongs pa'i phyag dar khung thams cad sreg ste/ de ltar na byang chub sems dpa' nyon mongs pa'i phyag dar khung thams cad sreg pa yin no// ji ltar na byang chub sems dpa' sangs rgyas kyi chos rnams yongs su smin par byed ce na/ rigs kyi bu 'di lta ste/ dper na me ni lo tog dang / rtsi dang / sdong po'i rnam pa thams cad yongs su smin par byed do// de bzhin du byang chub sems dpa' yang shes rab kyis nang gi sangs rgyas kyi chos rnams yongs su smin par byed pa yang ji ltar 'jig par mi 'gyur ba de ltar yongs su smin par byed do/ / de ltar na byang chub sems dpa' sangs rgyas kyi chos rnams yongs su smin par byed pa'o/ / ji ltar na byang chub sems dpa' nyon mongs pa'i 'dam thams cad skam par byed de/ rigs kyi bu 'di lta ste/ dper na me ni chu bran gyi 'dam thams cad skam
- 256a
par byed do/ / de bzhin du byang chub sems dpa' yang shes rab kyis zag pa nyon mongs pa'i 'dam thams cad skam par byed de/ de ltar na byang chub sems dpa' nyon mongs pa'i 'dam thams cad skam par byed do/ / ji ltar na byang chub sems dpa' me'i phung po dang 'dra ba yin zhe na/ rigs kyi bu 'di lta ste/ dper na sems can grang ba'i nad kyis nyen pa rnams kyi grang ba med par bya ba'i phyir/ me'i phung po byed do// de bzhin du byang chub sems dpa' yang nyon mongs pa'i grang ba'i nad kyis btab pa'i sems can rnams kyi nyon mongs pa'i grang ba'i nad med par bya ba'i phyir/ shes rab kyis rab tu dro bar byed de/ de ltar na byang chub sems dpa' me'i phung po dang 'dra ba yin no// ji ltar na byang chub sems dpa' snang bar gyur pa yin zhe na/ rigs kyi bu 'di lta ste/ dper na gangs kyi rtse mo 'am/ ri bini da'i rtse mo na me'i phung po chen po 'bar ba des dpag tshad gcig kho ra khor yug tu snang bar byed/ dpag tshad gnyis kho ra khor yug dang / dpag tshad gsum khor khor yug tu yang snang bar byed do/ / de bzhin du byang chub sems dpa' 'ang ye shes kyi snang bas dpag tshad brgyar yang khyab par byed/ dpag tshad stong du yang khyab par byed/ dpag tshad stong phrag brgyar yang khyad par byed pa nas/ 'jig rten gyi khams dpag tu med pa grangs med pa'i bar du yang khyab par byas nas/ sems can thams cad la ye shes kyis snang bar byed do// ye shes
- 256b
kyi snang ba des mi shes pa'i mun pa mun gnag thams cad rnam par sel to/ / de ltar na byang chub sems dpa' snang bar gyur pa yin no// ji ltar na byang chub sems dpa' skrag par byed pa yin zhe na/ rigs kyi bu 'di lta ste/ dper na ri dgas khro bo 'am/ ri dgas kyi rgyal po khro bos me'i phung po chen po mthong na skrag/ rab tu skrag/ shin tu rab tu skrag par gyur cing / 'di lta ste/ me'i 'jigs bas skrag pas gnas te/ de ring ba bas kyang shin tu ring bar spong ngo // de bzhin du bdud rnams sam/ bdud kyi ris kyi lha rnams kyis byang chub sems dpa' mthong nas skrag/ rab tu skrag/ shin tu skrag par gyur cing / 'di lta ste/ gzi brjid chung ba'i phyir gang du byang chub sems dpa' rnams kyi ming yang mi thos na/ mthong ba lta smos kyang mi smos par/ ring ba bas kyang shin tu ring bar sa'i phyogs de yongs su spong ngo / / de ltar na byang chub sems dpa' skrag par byed pa yin no// ji ltar na byang chub sems dpa' dbugs 'byin pa yin zhe na/ rigs kyi bu/ 'di lta ste/ dper na mi la la zhig 'brog dgon par 'khyams pa las me'i phung po chen po mthong ste/ de de logs su song ba dang / des ni grong ngam/ rdzi'u brang mthong nas de shugs phyin te/ rab tu dbugs phyin nas/ 'jigs pa thams cad dang bral bar 'gyur ro// de bzhin du byang chub sems dpa' yang 'khor ba'i 'brog dgon par 'khyam pa'i
- 257a
sems can rnams kyis byang chub sems dpa' mthong na/ shugs phyin par 'gyur/ rab tu dbugs phyin par 'gyur/ nyon mongs pa'i 'jigs pa thams cad dang bral bar 'gyur te/ de ltar na byang chub sems dpa' dbugs 'byin pa yin no// ji ltar na byang chub sems dpa' sems can thams cad kyi thun mong du gyur pa yin zhe na/ rigs kyi bu 'di lta ste/ dper na/ me ni sems can thams cad kyi thun mong du gyur pa ste/ ji ltar na rgyal po la phan par nye bar gnas pa ltar gdol bu la yang de bzhin no// de bzhin du byang chub sems dpa' yang sems can thams cad kyi thun mong du gyur pa yin te/ ji ltar na rgyal po la phan par nye bar gnas pa ltar gdol bu la yang de bzhin te/ de ltar na byang chub sems dpa' sems can thams cad kyi thun mong du gyur pa yin/ no// ji ltar na byang chub sems dpa' mchod par bya ba yin zhe na/ rigs kyi bu 'di lta ste/ dper na me la ni bram ze dang / rgyal rigs dang / grong pa dang / yul 'khor gyi mi rnams kyis mchod do// de bzhin du byang chub sems dpa' yang 'di lta ste/ lha dang / mi dang / lha ma yin dang / dri zar bcas pa'i 'jig rten gyis ston par 'du shes pas mchod de/ de ltar na byang chub sems dpa' mchod par bya ba yin no/ / ji ltar na mi brnyas pa yin zhe na/ rigs kyi bu 'di lta ste/ dper na me stag chung ngu yang 'tshig pa'i bdag nyid yin pas na mi brnyas pa yin no// de bzhin du mos pas spyod pa
- 257b
la gnas pa'i byang chub sems dpa' mthu stobs ma rnyed pa theg pa chen po la las dang po pa yang / lU dang / mi dang / lha ma yin du bcas pa'i 'jig rten gyi bla rnyas pa yin no// de ci'i phyir zhe na/ lha dang / klu dang / gnod sbyin dang / dri ba dang / lha ma yin rnams kyis byang chub sems dpa' 'di ring por mi thogs par byang chub la 'dug ste/ bla na med pa yang dag par rdzogs pa'i byang chub mngon par rdzogs par 'tshang rgya bar khong du chud de/ de ltar na byang chub sems dpa' mi brnyas pa yin no// rigs kyi bu chos bcu po de dag dang ldan na/ byang chub sems dpa' me dang mchung pa rnams yin no/ / rigs kyi bu chos bcu dang ldan na/ byang chub sems dpa' rlung mar lta bu rnams yin no// bcu gang zhe na/ 'di lta ste/ gnas med par spyad pa dang / spyod yul kun tu mu med pa dang / sems can nga rgyal gyis snyems pa'i rtse mo 'thor zhing 'jig la rab tu snyil bar byed pa dang / chos kyi char sprin chen po kun skyed pa dang / 'gro ba thams cad kyang nyon mongs pa'i gdung ba rab tu zhi bar byed pa dang / sems can thams cad la chos dkar po lus 'thun par 'byung ba'i dbugs 'byung ba dang rngub pa'i srog nye bar sbyor ba dang / chos kyi char sprin dpag tu med pa kun 'dzin pa dang / chos rnam pa tha dad pa'i gzhal med khang chen po'i bkod pa rnam par dbye ba thams cad rnam par 'byed cing yongs su 'god pa dang / 'khor gyi dkyis
- 258a
'khor dpag bsam gyi shing las shin tu byung ba'i chos kyi gtam yang dag rnam par gdon mi za ba'i me tog yid du 'ong ba'i char rtag tu mngon par 'bebs pa dang / bskal pa/ grangs med par dkar po'i dkyil 'khor yongs su bsags pa ting nge 'dzin dang / rnam par thar pa dang / gzungs kyi sgo rgya mtsho dang / ri rab dang / 'od dang / zla ba dang / nyi ma dang chos kyi tshul dang / nags tshal dang / khang pa dang / dge ba'i khor yug ri la sogs pas yongs su bskor ba'i sems can gyi khams kyi dkyil 'khor na gdul ba yongs su smin pa mang ngo / yang dag par gnas pa/ bla na med cing lus med par gnas 'pho bar 'jig pa'i ye shes kyi rlung gi dkyil 'khor rab tu gtong ba'i phyir ro// rigs kyi bu de la ji ltar na byang chub sems dpa' gan med par spyod pa yin zhe na/ rigs kyi bu 'di lta ste/ dper na rlung mar ni thams cad du thogs pa med cing gnas med rten med de/ gzugs med kyang nags tshal dang / khang pa dang / gzhal med khang dang / ri rab dang / rgya mtsho la sogs pa thams cad la rang gi dgos pa byed par snang ngo // de bzhin du byang chub sems dpa'i rlung mar yang chos thams cad la kun tu mi gnas pa yin te/ phung po dang / khams dang / skye mched rnams dang / gzugs dang / tshor ba dang / 'du shes dang / 'du byed dang / rnam par shes pa dang / mig gi khams dang / gzugs kyi khams
- 258b
dang / mig gi rnam par shes pa'i khams dang / rna ba'i khams dang / sgra'i khams dang / rna ba'i rnam par shes pa'i khams dang / sna'i khams dang / dri'i khams dang / sna'i rnam par shes pa'i khams dang / lce'i khams dang / ro'i khams dang / lce'i rnam par shes pa'i khams dang / lus kyi khams dang / reg bya'i khams dang / lus kyi rnam par shes pa'i kham dang / yid kyi khams dang / chos kyi khams dang / yid kyi rnam par shes pa'i khams dang / mig gi skye mched dang / gzugs kyi skye mched dang / rna ba'i skye mched dang / sgra'i skye mched dang / sna'i skye mched dang / dri'i skye mched dang / lce'i skye mched dang / ro'i skye mched dang / lus kyi skye mched dang / reg bya'i skye mched dang / yid kyi skye mched dang / chos kyi skye mched la mi gnas pa yin/ 'jig rten pa'i chos rnams dang / 'jig rten las 'das pa'i chos rnams dang / lha dang mi'i phun sum tshogs pa thams cad dang / 'khor los sgyur ba dang / brgya byin dang / tshangs pa dang / 'jig rten skyong ba dag tu 'gyur ba dang / dbang phyug chen po dag tu 'gyur ba dang / nyan thos dang / rang sangs rgyas dag tu 'ang ba dang / byang chub sems dpa'i sa rnams dang / thams cad mkhyen pa nyid dag la yang gnas par mi byed de/ de thams cad la mi gnas pas dngos po dang / dngos po med pa dang
- 259a
gcig pa dang / tha dad pa dang / de bzhin nyid la sogs par rlom sems kyi rnam pa du mas ma gyur cing / dmigs pa med pa rnam par thar pa'i sgrib pa med pa'i spyod yul dang ldan pas brgya byin dang / tshangs pa dang / 'jig rten skyong ba la sogs pa yang byed la/ phyogs bcu mtha' yas mu med pa'i 'jig rten gyi khams kun tu sems can thams cad kyi don thams cad thob par bya ba'i phyir/ phyi ma'i mtha'i mur thug pa'i bskal par thams cad du yang tshul chos kyi lus kyis mi snang ba yang yin zhing / mi rtog rnam par mi rtog ste de ltar na byang chub sems dpa' gnas med par spyod pa yin no/ / rigs kyi bu ji ltar na byang chub sems dpa' spyod yul kun tu mu med pa yin zhe na/ rigs kyi bu 'di lta ste dper na rlung mar ni phyogs bcu'i 'jig rten gyi khams dpag tu med pa dag tu reg par byed de/ g.yob cang rgyu'o// rigs kyi bu de bzhin du byang chub sems dpa'i rlung mar yang / chos mu med pa dag kun rdzob dang / don dam par kun nas mthong zhing rgyas par byed/ reg par byed/ rnam par 'god cing ston te/ de bzhin gshegs pa'i 'khor gyi dkyil 'khor dag dang / byang chub sems dpa'i 'khor gyi dkyil 'khor dag dang / 'khor ba thams cad kyi gnas dag tu yid kyi mgyogs pa dang ldan zhing phyogs bcu thams cad kyi mthar thug pa'i spyod yul
- 259b
bar gyur nas rgyu zhing 'gro ste/ rigs kyi bu de ltar na byang chub sems dpa' spyod yul kun tu mu med pa yin no// rigs kyi bu ji ltar na byang chub sems dpa' sems can nga rgyal gyis snyems pa'i rtse mo 'thor zhing 'jig la rab tu stsal bar byed pa yin zhe na/ rigs kyi bu 'di lta ste/ dper na rlung mar ni ri dang / khyim dang / nags tshal gyi rtse mo dag 'dud par byed rab tu snyil bar byed/ rnam par 'jig par byed/ 'thor bar byed/ mi sdang bar byed do// de bzhin du byang chub sems dpa'i rlung mar yang sems can nga rgyal dang / rlom sems dang / dregs pa dang / 'jig tshogs la lta ba'i rtse mos snyems pa rnams/ gzugs dang dar la bab pa dang / longs spyod dang / dbang dang / stobs dang / tshe dang nad med pa dang / 'tsho ba dang / bzo dang / thos pa dang / yid gzhungs pa dang / g.yog dang / smra mkhas pa dang / dpal che ba'i dregs pas myos pa dag dang / yang dag pa'i nan tan gyis bdag stod pa rnams la de dang khyad zhugs pa'i phun sum tshogs pa bstan pa dang / chos bstan pas nga rgyal choms par byed cing dge ba dri ma med pa la sbyor bar byed de/ de ltar na byang chub sems dpa' sems can nga rgyal gyis snyems pa'i rtse mo 'thor zhing 'jig la rab tu snyil bar byed pa yin no// rigs kyi bu ji ltar na byang chub sems dpa' chos
- 260a
kyi char sprin chen po kun nas skyed pa yin zhe na/ rigs kyi bu 'di lta ste/ dper na rlung mar ni phyogs bzhi nas sprin gyi dkyil 'khor kha dog sna tshogs can dang / zab cing gsal la mnyen zhing 'jam pa'i 'brug sgra rgya mtsho'i dbyangs can krung ro sna tshogs kyi sgra 'byin cing yid du 'ong ba'i dbyangs rjes su grag pa glog gi 'phreng ba'i rgyan gyis rnam par brgyan pa gang dag gis 'jig rten gyi khams bye ba khrag khrig stong phrag brgya dag kun nas yongs su khebs par byas te/ 'gro ba thams cad dga' ba dang / lo tog dang / sdong po yongs su bskyed pa'i phyir/ char gyi rgyun rin po che rtag tu rgyun mi 'chad par mngon par 'bebs pa'i sprin chen po kun nas slong ngo // de bzhin du byang chub sems dpa'i rlung mar yang / lus sna tshogs kyi sprin sems can thams cad dga' bar byed pa/ phyogs bcu'i 'jig rten gyi khams mtha' yas mu med pa snang bar byed pa/ 'od zer kha dog mtha' yas pa'i glog gi 'phreng ba'i rgyun 'byung ba yang dag pa de kho na nyid kyi chos kyi 'brug sgra yan lag stong phrag drug cu pas sgrog pa/ snying rje chen po'i rlung mar gyi yang dag par 'thor ba/ chos kyi dbyings kyis klas pa'i 'gro ba thams cad kyi nam mkha' khyab par byed pa dag gis 'jig rten gyi khams thams cad kun nas khebs par byas shing / ngan song dang / mi khom pa la sogs pa nas/ sems can rnam par bslang ste/ rnam pa thams cad du mtshan dang / dpe byad/
- 260b
bzang po dang / 'od kyi dkyil 'khor gyi snang ba rnam par dag pa yang byin gyis brlabs te/ bkod pa thams cad kyi rgyan gyis brgyan pa'i 'jig rten gyi khams dag kyang byin gyis brlabs nas/ lha dang mi dga' ba dang / mgu ba dang / rangs pa mchog tu gyur pa dga' ba dang / bde ba mchog thob pa dang ldan pa rnams kyi 'jig rten pa dang / 'jig rten las 'das pa'i chos dkar po'i lo tog dang / rtsi chen po dang / sdong po thams cad rnam par bskyed pa dang / thams cad du skyid par chos kyi dbang bskur ba'i phyir/ sems can thams cad kyi phun sum tshogs pa dang / dga' bar byed pa dang / rgud pa rab tu zhi bar byed pa'i chos kyi char chen po mngon par 'bebs te/ rigs kyi bu de ltar na byang chub sems dpa' chos kyi char sprin chen po kun nas skyed pa yin no// rigs kyi bu ji ltar na byang chub sems dpa' 'gro ba thams cad kyi nyon mongs pa'i gdung ba rab tu zhi bar byed pa yin zhe na/ rigs kyi bu 'di lta ste/ dper na rlung mar dri zhim po'i char gyi rgyun gyi snying po can ldang na/ sems can thams cad kyi gdung ba yongs su zhi bar byas shing lus shin tu sim pa dang / bsil bar byed do// de bzhin du byang chub sems dpa'i rlung mar yang sems can rnams kyi 'dod chags dang / zhe sdang dang / gti mug dang ngan 'gro dang / ngan par lta ba dang / nyes byas dang / the tshom dang / 'phongs pa mi bzad pa dang / yul la sred pa dang / sdug pa dang / mi sdug pa dang bral zhing phrad pa dang / nad rnams
- 261a
bcil nas dam pa ma yin pa'i chos la sred pa la sogs pa'i gdung ba dag dam pa'i chos kyi char dang 'dres pa'i bla na med pa'i tshul khrims rnam par dag pa dang / smon lam dang / mthong ba dang / thos pa dang / reg pa dang / 'grogs pa dang / bstan pa don yod pa la sogs pas rab tu zhi bar byed do// rigs kyi bu de ltar na byang chub sems dpa' 'gro ba thams cad kyi nyon mongs pa'i gdung ba rab tu zhi bar byed cing nyon mongs pa med pa'i sa la 'god pa yin no/ / rigs kyi bu ji ltar na byang chub sems dpa' sems can thams cad la chos dkar po las 'thun par byung ba'i/ dbugs 'byung ba dang / rngub pa'i srog nye bar sbyor ba yin zhe na/ rigs kyi bu 'di lta ste/ dper na dbugs 'byung ba dang / rngub pa'i rlung gi mthus sems can thams cad 'tsho'o// de bzhin du byang chub sems dpas mngon par bsgrags pa dang / byang chub sems dpas bstabs pa'i chos dkar po'i rlung mar nye bar spyod pa phun sum tshogs pa thams cad skyed pas kyang sems can thams cad dga' bar 'gyur ro/ / rigs kyi bu gzhan yang 'di lta ste/ dper na rlung mar ni 'jig rten gyi khams thams cad du 'di lta ste/ rdo rje'i dkyil 'khor rnams dang / khor yug ri dag dang / khor yug ri chen po rnams dang / gling chen po bzhi yongs su 'dzin pa'i gser gyi dkyil 'khor rnams dang / rgya mtsho rin po che'i 'byung gnas dang bcas pa rnams dang / ri rab dang / ri rab chen po dang / de ma yin pa rin po
- 261b
che'i ri dang / gangs dang / ri spos kyi ngad ldang ba dang / grong rdal dang / nags tshal dang / gzhal med khang dag dang / 'dzam bu'i gling dag dang / gling chen po bzhi dag dang / stong dag dang / stong gnyis pa dag dang / stong gsum gyi stong chen po dag 'god pa rnam par phye ba sna tshogs pa mngon par sgrub bo// de bzhin du byang chub sems dpa'i rlung mar yang phyogs bcu kun tu sems can thams cad kyi bsod nams kyi phung po phun sum tshogs pa nye bar bsgrub bo/ / skyed do// yongs su gzhog go// de la ji ltar gangs kyi ri phun sum tshogs pa de ltar 'jig rten pa'i bsod nams phun sum tshogs pa rnams blta'o/ / ji ltar na gling chen po bzhi pa dang / ri rab phun sum tshogs pa de ltar ni nyan thos kyi phun sum tshogs pa rnams blta'o// ji ltar stong gi 'jig rten gyi khams phun sum tshogs pa de ltar ni rang sangs rgyas kyi phun sum tshogs pa rnams blta'o/ / ji ltar stong gnyis kyi 'jig rten gyi khams phun sum tshogs pa de ltar ni byang chub sems dpa'i phun sum tshogs pa rnams blta'o/ / ji ltar na stong gsum gyi stong chen po'i 'jig rten gyi khams phun sum tshogs pa de ltar ni/ 'jig rten thams cad las mngon par 'phags pa'i 'jig rten gyi khams thams cad kyi nam mkha'i khams kyi mthas gtugs pa shin tu rnam par dag par grags pa/ mchod pa la dmigs pa thams cad yang dag par gnas pa rnams kyi thams cad mngon du byas
- 262a
te/ de bzhin gshegs pa'i sku bsod nams brgya pa'i mtshan dang ldan pa rtag tu mnyam par gzhag pa phun sum tshogs pa rnams lta'o// de la rgya mtsho ltar ni ting nge 'dzin gyi rgya mtsho rnams blta'o/ / gling dang / bar gyi gling dang / ri gzhan dang / gling chen po bzhi la sogs pa ltar ni sbyor ba dang / gzungs dang / sems can yongs su smin par bya ba dang / slob pa'i dge 'dun la sogs pa blta'o// / grong rdal dang / nags tshal dang / gzhal med khang ltar ni/ sangs rgyas kyi zhing yongs su dag pa'i yon tan bkod pa rnams blta'o// dpag bsam gyi shing gi nags tshal rnams ltar ni/ sa dang / pha rol tu phyin pa dang / ting nge 'dzin dang / gzungs dang / mngon par shes pa dang / rig pa dang / ye shes snang ba dang / dbang dang / byang chub sems dpa' dang / yang dag par rdzogs pa'i sangs rgyas kyi stobs dang / mi 'jigs pa dang / ma 'dres pa dang / thugs rje chen po la sogs pa dbang sgyur ba dam pa phun sum tshogs pa'i chos rnams blta'o// rigs kyi bu de la sangs rgyas bcom ldan 'das rnams kyi bsod nams brgya pa'i mtshan gang zhe na/ rigs kyi bu 'di lta ste/ dper na yongs su brtag pa gzung ste/ phyogs bcu'i phyogs re re'i 'jig rten gyi khams gang+gA'i klung grangs med pa'i bye ma snyed dag na sems can gang ji snyed yod pa de dag thams cad stong gsum phrag bcu'i 'khor lo sgyur ba'i bsod nams kyi phung po dang ldan par 'gyur la/ de lta bu'i 'khor lo sgyur ba'i dngos po nyid dang ldan pa'i sems can de dag gi bsod nams kyi
- 262b
phung po ji tsam pa nyid bsdoms pa dang / 'khor los sgyur ba chen po cig gcig ldan par gyur te/ rnam grangs nges shar phyogs su 'jig rten gyi khams thams cad 'das te/ de snyed kyi 'jig rten gyi khams su gtogs pa'i sems can de snyed cig 'khor los sgyur ba'i dngos po de 'dra ba nyid dang so sor ldan par gyur la/ snga ma bzhin du phyogs bcu'i 'jig rten gyi khams thams cad nam mkha'i khams kyi mthas gtugs pa dag na/ sems can yod do cog ji snyed pa de dag thams cad 'khor los sgyur ba'i dngos po de lta bu sha stag dang so sor ldan par gyur te/ de bzhin du bgrang ba de nyid kyis/ 'jig rten gyi khams ji snyed pa de snyed du gtogs pa'i sems can rnams brgya byin gyi bsod nams kyi phung po dang ldan pa'i brgya byin sha stag tu gyur la/ phyogs bcu'i phyogs re re'i 'jig rten gyi khams gang+gA'i klung grangs med pa'i bye ma snyed du gtogs pa'i brgya byin rnams kyi bsod nams kyi phung po ji tsam pa de dang / brgya byin cig gcig dang ldan par gyur te/ de bzhin du 'jig rten gyi khams chos kyi dbyings kyis klas pa nam mkha' mthas gtugs pa thams cad/ sems can gang ji snyed 'khod pa de dag thams cad brgya byin de dang 'dra ba sha stag tu gyur la/ bgrang ba de nyid kyis phyogs bcu'i phyogs re re'i 'jig rten gyi khams gang+gA'i klung grangs med pa'i bye ma snyed du gtogs pa'i sems can thams cad tshangs pa chen por gyur la/ bsod nams de thams cad gcig tu bsdoms pa dang / tshangs pa chen
- 263a
po cig gcig ldan par gyur la/ tshangs pa chen po ji lta bar sems can thams cad kyang de bzhin du gyur te snga ma bzhin du bgrang ba de nyid kyis nyan thos dag dang / rang sangs rgyas dag dang / byang chub sems dpa' sa chen po thob pa 'od zer gyi sprin chen po'i dbang bskur bas dbang bskur ba dbang bcu thob pa sha stag tu gyur te/ de ltar rigs kyi bu de lta bu'i sems can thams cad phyogs bcu mu med pa'i 'jig rten gyi khams dang / nam mkha'i khams su gtogs pa dus gsum pa thams cad kyi bsod nams kyi phung po ji tsam pa des dus gsum gyi nam mkha'i khams su gtogs pa dang / 'jig rten gyi khams su gtogs pa'i 'jig rten gyi khams thams cad kyi rdul phra rab bcur bsgyur bas/ de bzhin gshegs pa'i ba spu'i khung bu gcig mngon par 'grub bo// ba spu'i khung bu thams cad du gtogs pa'i bsod nams kyi phung po brgya stong grangs med pa bcur bsgyur bas/ dpe byad bzang po brgyad cu las/ dpe byad bzang po re re mngon par 'grub bo// dpe byad bzang por gtogs pa'i bsod// nams kyi phung po de thams cad brjod du med pa bcur bsgyur bas/ de bzhin gshegs pa'i mtshan nyi shu rtsa dgu las mtshan re re mngon par 'grub bo// de yang brjod du med pa bcur bsgyur bas/ de bzhin gshegs pa'i smin mtshams kyi mdzod spu zla ba nya ste/ dri ma med pa'i dkyil 'khor stong pas kyang lhag par mdzes pa'i 'od dang ldan pa mngon par 'grub bo// de yang brjod du med pa bye ba stong phrag
- 263b
bcur bsgyur bas/ de bzhin gshegs pa'i spyi gtsug 'gro ba thams cad las mngon par 'phags shing / bltar mi snang ba gtsug tor gyis yongs su brgyan pa mngon par 'grub bo// de yang brjod du med pa'i yang brjod du med pa bye ba khrag khrig brgya stong phrag bcur bsgyur bas/ de bzhin gshegs pa'i sangs rgyas kyi gsung yan lag stong phrag drug cu pa/ dmigs pa thams cad las gsung gi sgra mtha' yas pa 'byung ba lhun gyis grub pas sems can thams cad bsam pa yongs su tshim par 'gyur ba/ 'jig rten gyi khams thams cad du go bar byed pa mngon par 'grub ste/ rigs kyi bu de ni sangs rgyas bcom ldan 'das rnams kyi bsod nams brgya pa'i mtshan ces bya'o/ / rigs kyi bu de ltar na de bzhin gshegs pa bsod nams dang / ye shes kyi tshogs mi zad pa dang ldan zhing kun tu rgyas par byed pa bkod pa dang ldan pas sems can thams cad nye bar 'tsho ba yin te/ rigs kyi bu yongs su brtag pa bzung na/ gal te phyogs bcu'i 'jig rten gyi khams chos kyi dbyings kyi klas pa/ nam mkha'i khams kyi mthas gtugs pa thams cad du gtogs pa'i sems can rnams bcu pa chos kyi sprin la gnas pa rnam pa thams cad kyi mchog dang ldan pa'i lus dang / ngag dang yid kyi rgyan 'chang ba dbang bcu la dbang sgyur ba sha stag tu gyur te/ de bzhin gshegs pa'i ba spu'i khung bu gcig tu gtogs pa'i bsod nams kyi phung po la/ 'dzam bu chu bo'i gser las byas pa'i snod rin
- 264a
po che sna tshogs rnam pa sna tshogs kyis spras pas/ nam mkha'i tshad tsam gang+gA'i klung gi bye ma snyed so so nas thogs te/ phyi ma'i mthar thug pa'i bskal par yongs su bkang zhing skad cig skad cig tu blangs shing khyer yang spu'i khung bu gcig tu gtogs pa'i bsod nams kyi phung po de gang ba 'am bri bar mi mngon te/ rigs kyi bu de ltar de bzhin gshegs pa'i bsod nams brgya pa'i mtshan ni bsam gyis mi khyab bo/ / de la sa bcu gnyis gang zhe na/ 'di lta ste/ byang chub kyi sems bskyed pa'i sa dang / rab tu dga' dang / dri ma med pa dang / 'od byed pa dang / 'od 'phro can dang / shin tu sbrang dka' dang / mngon du gyur dang / rang du song dang / mi g.yo ba dang / legs pa'i blo gros dang / chos kyi sprin dang / sangs rgyas kyis kun tu 'od de/ sa bcu gnyis po de dag go/ de la byang chub kyi sems bskyed pa'i sa gang zhe na/ 'di la byang chub sems dpa'i byis pa'i spyod pa dang / log pa'i nan tan thams cad las yang dag par 'das te/ 'jig rten gsum po thams cad kyi brgya byin dang / tshangs pa dang / 'jig rten skyong ba dang / nyan thos dang / rang sangs rgyas dang khyad zhugs shing 'gro ba thams cad las mngon par 'phags pa rnam pa thams cad du dpal dang ldan pa'i lus dang / ngag dang / yid kyi rgyan gyis brgyan pa/ phyogs bcu'i 'jig rten gyi khams mu med pa snang bar byed pa'i 'od kyi dkyil 'khor dang ldan pa/ sgrib pa med pa'i stobs kyi shugs 'chang ba
- 264b
'jig rten gyi khams grangs med par skad cig re re la 'gro zhing 'ong na/ dri zhim po dang / 'od zer gyi dra ba'i tshogs chen po gling chen po bzhi pa'i 'jig rten gyi khams kun tu 'byung ba/ pad+mas rkang pa yongs su brtan pa/ stong gi 'jig rten gyi khams kyi mtha' dang mnyam pa'i stan gyi rgyan dang ldan pa/ chos thams cad shin tu rnam par gnon pa'i lhag mthong rnam par bsgoms pas// thogs pa med cing yid du 'ong ba'i dmigs pa'i mtshan ma chen po bcu la sogs pa grangs med pa'i lngas bzang po mthong ba/ phyir mi ldog pa phyogs kyi nags tshal thibs po mtha' yas pa thams cad du 'od kyi dra nga bsam gyis mi khyab par rab tu 'gyed pas zhing dpag tu med pa'i rgyan byed pa/ 'jig rten gyi khams brjod du med pa'i 'jig rten gyi mnga' bdag dpag tu med pa snyed kyi bdag gi gzugs brnyan gyis dbang bskur ba yang dag par gnod pa'i dbang dang byin gyi rlabs la mkhas pa 'jig rten pa dang / 'jig rten las 'das pa'i chos rin po che char gyi snang ba'i sgo dpag tu med pa thams cad gtan pa med pa kun tu rgyas par 'gengs pa'i chos sbyin chen po'i sprin gtong ba lhur byed pa/ blta na bzang zhing yid du 'ong la mdzes shing dge la 'gro ba thams cad dang mi mthun pa med cing / don yod par bsam pa thams cad yongs su rdzogs par byed pa/ 'jig rten gyi khams grangs med par rab tu g.yo bar byed cing 'gro ba ngan 'gro la sogs pa la sems can mtha' yas pa yongs su skyob pa
- 265a
mtha' yas pa'i sangs rgyas mchod pa dang chos kyi sgo 'dzin nus pa/ ting nge 'dzin gyi gzungs dang / rnam par thar pa dang / mngon par shes pa dang / rig pa grangs med pas rnam par rol pa chos mtha' yas pa la dga' zhing mos pas zang zing med par phyi ma'i mtha' bskal pa'i mthar thug par rnam par mi rtog cing lhun gyis grub pa'i dga' ba'i shugs kyi snang ba thob pa/ bskar pa bye ba khrag khrig brgya stong ther 'bum dpag tu med par theg pa chen po la zhugs pa'i sgom pa sna tshogs yongs su rdzogs la/ gzhan gyi don gyi nan tan tshar phyin pa'i bsod nams dang / ye shes kyi t shogs mngon par bsgrub pa grub pa'i sngon gyi sbyor ba brgya stong phun sum tshogs pa'i mos pa chen po'i yang chen pos spyod pa'i chos nyid kyis sa dang po de ma thag tu thob par gang gnas pa 'di ni byang chub sems dpa'i byang chub kyi sems bskyed pa'i sa'o/ / rigs kyi bu 'di lta ste/ dper na 'khor los sgyur ba'i rgyal po ni mi'i kha dog las ni 'das la/ lha'i kha dog ni ma thob pa yin te/ de bzhin du byang chub sems dpa' yang 'jig rten pa dang / nyan thos dang / rang sangs rgyas kyi sa thams cad las ni 'das pa yin/ don dam pa'i byang chub sems dpa'i sa ni ma thob pa yin no// sangs rgyas kyis kun tu 'od ni mtha' dang dpung med pa ma lus pa dri ma med pa'i chos thams cad la dbang sgyur ba ste/ kun tu shin tu lta ba sems can thams cad kyi don thams cad thob par byed pa'i mtshan nyid do//
- 265b
de la ting nge 'dzin rnams gang zhe na/ bcu po 'di dag ni byang chub sems dpa' rnams kyi ting nge 'dzin rnams te/ bcu gang zhe na/ 'di lta ste/ rin po che chen po kun tu 'phags pa dang / shin tu gnas pa dang / mi bsgul ba dang / phyir mi ldog pa dang / dkon mchog 'byung gnas dang / nyi ma'i 'od kyi gzi brjid dang / don thams cad grub dang / ye shes sgron ma dang / da ltar gyi sangs rgya mngon du bzhugs pa dang / dpa' bar 'gro ba'i ting nge 'dzin te/ de dag la sogs pa byang chub sems dpa' rnams kyi ting nge 'dzin ni mtha' yas so// gzungs ni bcu gnyis te/ bcu gnyis gang zhe na/ 'di lta ste/ dbang bskur ldan dang / ye shes ldan dang / sgra dbyangs rnam par dag pa dang / mi zad pa'i za ma tog dang / 'khyil ba mtha' yas pa dang / rgya mtsho'i phyag rgya dang / pad+ma bkod pa dang / chags pa med pa'i sgor 'jug pa dang / so so yang dag par rig pa rnam par nges pa la 'jug pa dang / sangs rgyas rgyan gyis byin gyis brlabs pa dang / kha dog mtha' yas pa dang / sangs rgyas kyi sku'i kha dog rdzogs pa mngon par bsgrub pa'i gzungs te/ de dag la sogs pa snga ma bzhin du sbyar ro// mngon par shes pa ni drug ste/ drug gang zhe na/ 'di lta ste/ lha'i mig dang / lha'i rna ba dang / pha rol gyi sems shes pa dang / sngon gyi gnas rjes su dran pa'i shes pa dang / rdzu 'phrul mngon par shes pa dang / zag pa zad par shes pa'i mngon par shes pa
- 266a
ste/ drug po de dag go// dbang ni bcu ste/ bcu gang zhe na/ 'di lta ste/ tshe'i tshad bskal pa grangs med dpag tu med par byin gyis rlob pas tshel dbang ba dang / ting nge 'dzin brjod du med pa'i yang brjod du med pa'i nges par rtog cing 'jug pa'i tshul gyis sems la dbang ba dang / 'jig rten gyi khams thams cad du bkod pa'i rgyan du mas brgyan par byin gyis rlob pa ston pa'i tshul gyis yo byad la dbang ba dang / dus ji lta ba bzhin du las kyi rnam par smin pa byin gyis rlob pa ston pas las la dbang ba dang / 'jig rten gyi khams thams cad du skye ba ston pas skye ba la dbang ba dang / 'jig rten gyi khams thams cad sangs rgyas kyis yongs su gang bar ston pas mos pa la dbang ba dang / / dus dang zhing gang du 'dod par mngon par rdzogs par byang chub pa ston pas smon lam la dbang ba dang / 'jig rten gyi khams thams cad du rdzu 'phrul gyis rnam par 'phrul pa mtha' yas pa ston pas rdzu 'phrul la dbang ba dang / chos kyi sgo snang ba mtha' dang dpung med pa yongs su ston pas chos la dbang ba dang // de bzhin gshegs pa'i stobs bcu dang / mi 'jigs pa dang / so so yang dag par rig pa dang / ma 'dres pa dang / mtshan dang dpe byad bzang po dang / mngon par rdzogs pa'i byang chub dam pa dang / dus thams cad du gtogs pa'i sangs rgyas kyi zhing thams cad kyi rdul phra rab kyi grangs la sogs pa skad cig gcig la yongs su shes pa rnam pa thams cad kyi mchog dang ldan pa'i thams
- 266b
cad mkhyen pa'i ye shes mngon par rdzogs par byang chub pa ston pas ye shes la dbang ba ste/ bcu po de dag ni byang chub sems dpa' rnams kyi dbang rnams so// de la byang chub sems dpa'i stobs bcu gang zhe na/ 'di lta ste/ bsam pa'i stobs dang / lhag pa'i bsam pa'i stobs dang / sbyor ba'i stobs dang / shes rab kyi stobs dang / smon lam gyi stobs dang / spyod pa'i stobs dang / theg pa'i stobs dang / rnam par 'phrul pa'i stobs dang / byang chub kyi stobs dang / chos kyi 'khor lo rab tu bskor ba'i stobs te/ bcu po de dag ni byang chub sems dpa'i stobs rnams so// de la byang chub sems dpa'i mi 'jigs pa bzhi gang zhe na/ 'di lta ste/ gzungs kyis thos pa 'dzin cing don bstan pa la mi 'jigs pa dang / bdag med pa khong du chud pas gzhan gyis gtse ba'i mtshan ma mi 'byung zhing rang bzhin gyis spyod lam smad du med pa'i las gsum yongs su dag pa'i bsung ba chen po phun sum tshogs pa'i mi 'jigs pa dang / chos bzung ba yun ring du mi brjed pa dang / thabs dang shes rab mthar phyin pas sems can sgrol zhing dad pa ston pa dang / dge ba'i bar chad du mi 'gyur ba'i mi 'jigs pa dang / thams cad mkhyen pa nyid kyi sems ma nyams shing theg pa gzhan gyi mi 'byung bar dbang yongs su rdzogs pa dang / sems can gyi don rnam pa thams cad du yang dag par thob par bya ba la mi 'jigs pa ste/ bzhi po de dag ni byang chub sems dpa'i mi 'jigs pa rnams so//
- 267a
de la byang chub sems dpa'i chos ma 'dres pa bco brgyad gang zhe na/ 'di lta ste/ byang chub sems dpa' rnams ni ma bstan pa'i sbyin pa can rnams yin/ ma bstan pa'i tshul khrims can rnams dang / ma bstan pa'i bzod pa can rnams dang / ma bstan pa'i brtson 'grus can rnams dang / ma bstan pa'i bsam gtan can rnams dang / ma bstan pa'i shes rab can rnams dang / bsdu ba'i dngos pos sems can thams cad sdud pa rnams dang / yongs su sngo ba'i cho ga shis pa rnams dang / thabs mkhas pas sems can thams cad kyi spyod pa'i dbang gis theg pa'i mchog gis 'byung ba ston pa rnams dang / theg pa chen po las ma nyams pa rnams dang / 'khor ba dang mya ngan las 'das pa'i sgo ston pa rnams dang / zung dang spel zhi'i rgyud la mkhas pa rnams yin/ ye shes sngon du 'gro bas mngon par 'du mi byed cing kha na ma tho ba med par tshe rabs thams cad du mngon par zhugs pa rnams dang / lus dang ngag yid kyi las kyi mtha' dge ba bcu dang ldan pa rnams dang / sdug bsngal gyi phung po thams cad bzod pa'i lus len pas sems can gyi khams thams cad yongs su mi gtong ba rnams dang / 'gro ba thams cad mngon par ston pa rnams dang / byis pa so so dang nyan thos mi bzad pa ji snyed cig gi nang na yang dge ba mang po'i rin po che'i shing dpag bsam ltar brtan pa'i thams cad mkhyen pa nyid kyi sems yongs su ma nyams pa
- 267b
rnams dang / chos thams cad kyi thabs sbyin pas dbang bskur ba thob par bya ba'i phyir/ sangs rgyas kyi chos btsal ba bstan pa las mi ldog pa rnams te/ bco brgyad po de dag ni byang chub sems dpa'i chos ma 'dres pa rnams so/ / de la de bzhin gshegs pa'i stobs bcu gang zhe na/ 'di lta ste/ gnas dang gnas ma yin pa mkhyen pa'i stobs dang / 'das pa dang / ma 'ongs pa dang / da ltar gyi las kyi rgyu'i rnam par smin pa len pa mkhyen pa'i stobs dang / mos pa sna tshogs mkhyen pa'i stobs dang / khams sna tshogs mkhyen pa'i stobs dang / dbang po mchog dang / mchog ma yin pa mkhyen pa'i stobs dang thams cad du 'gro ba'i lam mkhyen pa'i stobs dang / bsam gtan dang / rnam par thar pa dang / ting nge 'dzin dang / snyoms par 'jug pa'i kun nas nyon mongs pa dang / rnam par byang ba dang // ldang ba thams cad mkhyen pa'i stobs dang / sngon gyi gnas rjes su dran pa mkhyen pa'i stobs dang / shi 'pho dang skye ba mkhyen pa'i stobs dang / zag pa zad par mkhyen pa'i stobs te/ bcu po de dag ni de bzhin gshegs pa'i stobs rnams so/ / de la de bzhin gshegs pa'i mi 'jigs pa bzhi gang zhe na/ 'di lta ste/ chos thams cad mngon par rdzogs par byang chub pa la mi 'jigs pa dang / zag pa thams cad zad par shes pa la mi 'jigs pa dang / bar du gcod pa'i chos rnams gzhan du mi 'gyur bar nges pa'i lung bstan pa la mi 'jigs pa dang / phun sum tshogs pa thams cad
- 268a
thob par 'gyur ba 'byung ba'i lam de bzhin du 'gyur ba la mi 'jigs pa ste/ bzhi po de dag ni de bzhin gshegs pa'i mi 'jigs pa rnams so// de la sangs rgyas kyi chos ma 'dres pa bco brgyad gang zhe na/ 'di lta ste/ de bzhin gshegs pa la 'khrul pa med pa dang / ca co med pa dang / bsnyel ba med pa dang / sems mnyam par ma gzhag pa med pa dang / tha dad pa'i 'du shes med pa dang / so sor ma brtags pa'i btang snyoms med pa dang / mos pa nyams pa med pa dang / brtson 'grus nyams pa med pa dang / dran pa nyams pa med pa dang / ting nge 'dzin nyams pa med pa dang / shes rab nyams pa med pa dang / rnam par grol ba nyams pa med pa dang / 'das pa'i dus la ma chags ma thogs pa'i ye shes mthong ba 'jug pa dang / ma 'ongs pa'i dus la ma chags ma thogs pa'i ye shes mthong ba 'jug pa dang / da ltar gyi dus la ma chags ma thogs pa'i ye shes mthong ba dang / lus kyi las thams cad ye shes sngon du 'gro zhing ye shes kyi rjes su 'brang ba dang / ngag gi las thams cad ye shes sngon du 'gro zhing ye shes kyi rjes su 'brang ba da / yid kyi las thams cad ye shes sngon du 'gro zhing ye shes kyi rjes su 'brang ba ste/ bco brgyad po de dag ni sangs rgyas kyi chos ma 'dres pa rnams so// de bzhin gshegs pa'i snying rje chen po gang zhe na/ rigs kyi bu de bzhin gshegs pa'i thugs rje chen po'i rnam pa sum cu
- 268b
rtsa gnyis dang ldan par phyogs bcu'i 'jig rten gyi khams mtha' yas mu med pa dag tu bsam gyis mi khyab pa'i rang bzhin du 'byung ste/ sum cu rtsa gnyis gang zhe na/ 'di lta ste/ chos thams cad ni bdag med pa yin na/ sems can rnams ni bdag med par ma mos pas de'i phyir sems can rnams la de bzhin gshegs pa'i thugs rje chen po skye'o// chos thams cad ni sems can med pa yin na/ sems can rnams ni sems can du smra ba'o zhes sems can rnams la de bzhin gshegs pa'i thugs rje chen po skye'o// chos thams cad ni srog med pa yin na/ sems can rnams ni srog tu smra'o zhes de'i phyir sems can rnams la de bzhin gshegs pa'i thugs rje chen po skye'o/ / chos thams cad ni gang zag med pa yin na/ sems can rnams ni gang zag la gnas so zhes sems can rnams la de bzhin gshegs pa'i thugs rje chen po skye'o/ / chos thams cad ni med pa yin na/ sems can rnams ni yod par lta'o zhes sems can rnams la de bzhin gshegs pa'i thugs rje chen po skye'o/ / chos thams cad ni gnas med pa yin na/ sems can rnams ni gnas la rten to zhes sems can rnams la de bzhin gshegs pa'i thugs rje chen po skye'o// chos thams cad ni gzhi med pa yin na/ sems can rnams ni gzhi la dga' 'o zhes sems can rnams la de bzhin gshegs pa'i thugs rje chen po skye'o// chos thams cad ni nga yir bya
- 269a
ba med pa yin na/ sems can rnams ni nga yir bya ba la rten to zhes sems can rnams la de bzhin gshegs pa'i thugs rje chen po skye'o// chos thams cad ni bdag po med pa yin na sems can rnams ni yongs su gzung ba la brtson no zhes sems can rnams la de bzhin gshegs pa'i thugs rje chen po skye'o/ / chos thams cad ni dngos po med pa yin na// sems can rnams ni dngos po la rten to zhes sems can rnams la de bzhin gshegs pa'i thugs rje chen po skye'o// chos thams cad ni ma skyes pa yin na/ sems can rnams ni skye ba la rten to zhes sems can rnams la de bzhin gshegs pa'i thugs rje chen po skye'o/ / chos thams cad ni 'chi 'pho dang ma skyes pa yin na/ sems can rnams ni 'chi 'pho dang skye ba la rten to zhes sems can rnams la de bzhin gshegs pa'i thugs rje chen po skye'o/ / chos thams cad ni kun nas nyon ma mongs pa yin na/ sems can rnams ni kun nas nyon mongs so zhes sems can rnams la de bzhin gshegs pa'i thugs rje chen po skye'o/ / chos thams cad ni 'dod chags dang bral ba yin na/ sems can rnams ni 'dod chags par byed do zhes de'i phyir sems can rnams la de bzhin gshegs pa'i thugs rje chen po skye'o/ / chos thams cad ni zhe sdang dang bral ba yin na/ sems can rnams ni zhe sdang bar byed do zhes
- 269b
de'i phyir sems can rnams la de bzhin gshegs pa'i thugs rje chen po skye'o/ / chos thams cad ni gti mug dang bral ba yin na/ sems can rnams ni gti mug par gyur to zhes de'i phyir sems can rnams la de bzhin gshegs pa'i thugs rje chen po skye'o/ / chos thams cad ni 'ong ba med pa yin na/ sems can rnams ni 'ong ba la gnas pa'o zhes de'i phyir sems can rnams la de bzhin gshegs pa'i thugs rje chen po skye'o/ / chos thams cad ni 'gro ba med pa yin na/ sems can rnams ni 'gro ba la gnas so zhes de'i phyir sems can rnams la de bzhin gshegs pa'i thugs rje chen po skya'o/ / chos thams cad ni mngon par 'du byed med pa yin na/ sems can rnams ni mngon par 'du byed pa la spyod do zhes de'i phyir sems can rnams la de bzhin gshegs pa'i thugs rje chen po skye'o/ / chos thams cad ni spros pa med pa yin na/ sems can rnams ni spros pa la dga' 'o zhes de'i phyir sems can rnams la de bzhin gshegs pa'i thugs rje chen po skye'o/ / chos thams cad ni stong pa yin na/ sems can rnams ni lta ba la zhen to zhes de'i phyir sems can rnams la de bzhin gshegs pa'i thugs rje chen po skye'o/ / chos thams cad ni mtshan ma med pa yin na/ sems can rnams ni mtshan ma spyod yul can no zhes de'i phyir sems can rnams la de bzhin gshegs pa'i thugs
- 270a
rje chen po skye'o/ / chos thams cad ni smon pa med pa yin na// sems can rnams ni smon pa la spyod do zhes de'i phyir sems can rnams la de bzhin gshegs pa'i thugs rje chen po skye'o/ / kye ma 'jig rten gnas pa 'di ni phan tshun rtsod pas yongs su zin cing gnod sems kyi tha ba dang / zhe sdang la zhugs par gzigs nas de dag la gnod sems kyi tha ba dang / zhe sdang spang ba'i phyir chos bstan par bya'o zhes sems can rnams la de bzhini gshegs pa'i thugs rje chen po skye'o// kye ma 'jig rten gnas pa 'di ni phyin ci log dang ldan zhing nyam nga bar zhugs pa la ma gol ba la gnas pa yin gyis/ de dag yang dag pa'i lam du gzud par bya'o zhes sems can rnams la de bzhin gshegs pa'i thugs rje chen po skye'o// kye ma 'jig rten gnas pa 'di ni brkam zhing 'dod pa'i zal gyis non pa ste/ cho ga ma shes shing gzhan gyi nor la 'phrog pa yin gyis/ de dag 'phags pa'i nor dad pa dang / tshul khrims dang / thos pa dang / gtong ba dang / shes rab dang / ngo tsha shes pa dang / khrel yod pa'i nor la dgod do zhes sems can rnams la de bzhin gshegs pa'i thugs rje chen po skye'o// kye ma sems can de dag ni bu smad dang / khyim dang / nor dang / 'phrul sred pas/ 'khor bste/ snying po med pa la snying por 'du shes pa yin gyis/ de dag la shin tu mi rtag par bya'o zhes
- 270b
de'i phyir sems can rnams la de bzhin gshegs pa'i thugs rje chen po skye'o/ / kye ma sems can 'di dag ni mi rigs pas 'tsho ba ste/ gcig la gcig 'drid par gnas pa yin gyis/ de dag la 'tsho ba yongs su dag par bya ba'i phyir chos ston to zhes sems can rnams la de bzhin gshegs pa'i thugs rje chen po skye'o/ / kye ma sems can 'di dag ni chog mi shes pa ste/ rnyed pa dang / bkur sti dang / tshigs su bcad pa la spyod kyang bdag cag ni chog shes pa snyam du 'dzin gyis/ de dag la gang 'di sdug bsngal shin tu zhi zhing bde ba'i mya ngan las 'das pas shin tu chog/ par bya'o zhes sems can rnams la de bzhin gshegs pa'i thugs rje chen po skye'o// kye ma sems can 'di dag ni khyim gyi gnas sdug bsngal gyi snod shin tu nyon mongs pa la rtag tu dga' ba yin/ gyis de dag las byung zhing khams gsum pa las yang dag par 'das par bya ba'i phyir chos bstan to zhes sems can rnams la de bzhin gshegs pa'i thugs rje chen po skye'o// chos thams cad ni rgyus nye bar 'gro ba bsgrubs pas nye bar gnas pa'i mtshan nyid yin na/ de la sems can rnams ni 'phags pa'i rnam par grol ba la le lo byed kyis/ de dag la rnam par grol ba lhur blang ba'i phyir brtson 'grus brtsams par chos bstan to zhes sems can rnams la de bzhin gshegs pa'i thugs rje chen po skye'o/ / sems can rnams ni chags pa med pa'i ye shes dam pa khyad
- 271a
bar du 'phags pa'i yongs su mya ngan las 'das pa 'di btang zhing gang 'di nyan thos kyi theg pa pa dang / rang sangs rgyas kyi theg pa dman pa tshol ba yin gyis/ de dag la gang 'dis sangs rgyas kyi ye shes la dmigs par bya ba'i phyir/ rgya chen po la blo mos par bya'o zhes sems can rnams la de bzhin gshegs pa'i thugs rje chen po skye ste/ rigs kyi bu rnam pa sum cu rtsa gnyis po de dag dang ldan na/ sems can rnams la de bzhin gshegs pa'i thugs rje chen po skye'o// de bas na de bzhin gshegs pa thugs rje chen po la gnas pa zhes bya ste/ rigs kyi bu byang chub sems dpa' gang 'a la zhig sems can dag la rnam pa sum cu rtsa gnyis po de dag dang ldan pa'i snying rje chen po skye na/ byang chub sems dpa' sems dpa' chen po de ni bsod nams kyi zhing gzi brjid chen pos rgyas pa phyir mi ldog pa sems can gyi don la brtson par rig par bya'o/ / snying rje chen po'i chos kyi sgo'i le'u 'di bcom ldan 'das kyis bshad pa na/ srog chag stong phrag sum cu rtsa gnyis ni bla na med pa yang dag par rdzogs pa'i byang chub tu sems skyes so/ / srog chags brgyang stong ni mi skye ba'i chos la bzod pa thob bo// lha'i bu stong phrag bdun cu rtsa gnyis ni chos rnams la chos kyi mig rdul med cing dri ma dang bral ba rnam par dag go/ / rigs kyi bu de ltar de dag la sogs pa de bzhin gshegs pa rnams dang / byang chub sems dpa' rnams kyi dang ba
- 271b
skyur gyi chos rnam par dgod pa ni dpag tu med grangs med de/ de dag phyi ma'i mtha'i mur thug pa'i bskal par de bzhin gshegs pas bstan kyang mtha' meng na/ sems can rnams kyi dga' ba dang / dad pa dang / rangs pa bskyed pa'i phyir phyogs tsam zhig bstan te/ de ltar na byang chub sems dpa' sems can thams cad la chos dkar po las 'thun par 'byung ba'i dbugs 'byung ba dang / rngub pa'i srog nye bar sbyor ba la mkhas pa yin no// ji ltar na byang chub sems dpa' chos kyi char sprin dpag tu med pa kun 'dzin nus pa yin zhe na/ rigs kyi bu 'di lta ste/ dper na rlung mar ni rlung gi dkyil 'khor mu med cing rgya che la brtan zhing sra bas 'jig rten gyi khams 'jig pa dang 'byung ba char sprin dang bcas pa/ rgya mtsho dang gling chen po bzhi par bcas pa/ ri rab dang / ri btang bzung dang / ri btang bzung chen po dang / gangs dang / khor yug ri dang / khor yug ri chen po dang / ri spos kyi ngad ldang dang / grong rdal dang / 'bab chu dang / nags tshal dang / gzhal med khang gi rnam par bcas pa dag yongs su 'dzin to// de bzhin du byang chub sems dpa' sems dpa' chen po yang g zungs kyi rlung mar gyi dkyil 'khor mu med pas yang dag par rdzogs pa'i sangs rgyas kyi sprin gyis phab pa'i gtan pa med pa'i chos kyi char kyi rgyan chen po thams cad yongs su 'dzin
- 272a
to/ / 'jig rten gyi khams thams cad chags pa'i tshe/ ji skad du brjod pa'i ri rab dang / rgya mtsho dang / gling chen po bzhi pa dang / ri btang bzung dang / ri btang bzug chen po dang / gangs dang / khor yug ri dang / khor yug ri chen po dang / ri spos kyi ngad ldang dang / grong rdal dang / 'bab chu dang / nags tshal dang / gzhal med khang gi rnam pa lta bu bsod nams brgya pa'i mtshan dang / sa dang pha rol tu phyin pa dang / ting nge 'dzin dang / gzungs dang / mngon par shes pa dang / dbang dang / stobs dang / mi 'jigs pa dang / so so yang dag par rig pa dang / ma 'dres pa dang / snying rje chen po la sogs pa sangs rgyas dang byang chub sems dpa'i phun sum tshogs pa thams cad yongs su 'dzin to// 'jig rten pa dang / 'jig rten las 'dra pa'i chos kyi phung po brgya stong mu med pa phun sum tshogs pa thams cad kyang rtag tu rgyun mi 'chad par yongs su 'dzin te/ de ltar na byang chub sems dpa'i chos kyi char sprin dpag tu med pa kun 'dzin nus pa yin no/ / ji ltar na byang chub sems dpa' chos rnam pa tha dad pa'i gzhal med khang chen po'i bkod pa rnam par dbye ba thams cad rnam par 'byed cing yongs su 'god pa yin zhe na/ rigs kyi bu 'di lta ste/ dper na rlung mar ni gzhal med khang dgod pa'i rnam par dbye ba sna tshogs thams cad kun nas gzhog par byed/ rnam par 'byed par byed de/
- 272b
nags tshal dang / shing dang / yal ga dang / 'dab ma dang / ldum bu dang / myu gu dang / me tog dang / 'bras bu dang / lo ma dang / sdong po la sogs pa dang / sems can thams cad kyi yan lag dang nying lag rnam par dbye ba sna tshogs su rtag tu rgyun mi 'chad par yongs su gzhog cing rnam par 'byed de/ gsal bar byed do// de bzhin du byang chub sems dpa'i rlung mar yang so so yang dag par rig pa dang / spobs pa'i ye shes ma thogs ma chags shing mtha' yas pas 'jig rten pa dang / 'jig rten las 'das pa'i phun sum tshogs pa thams cad sgo sna tshogs nas yongs su gzhog par byed/ rnam par 'byed par byed/ snang bar byed/ yongs su ston par byed/ thob par byed cing rnam pa 'di dag 'di lta ste chos 'di ni ngan song sgrub pa'o/ / 'di dag ni bde 'gro sgrub pa'o// 'di dag ni bdag por sgrub pa'o// 'di dag ni sems can dmyal ba sgrub pa'o// 'di dag ni byol song gi skye gnas sgrub pa'o// 'di dag ni gshin rje'i 'jig rten sgrub pa'o// 'di dag ni mir sgrub pa'o// 'di dag ni lhar sgrub pa'o// 'di dag ni 'khor los sgyur bar sgrub pa'o// de bzhin du mdor bsdus te/ 'di dag ni brgya byin dang / tshangs pa dang / 'jig rten skyong ba sgrub pa'o// 'di dag ni gzugs dang / g.yog dang / yid gzhungs pa dang / dpa' chen por sgrub pa'o// 'di dag ni rig pa'o// 'di dag ni sgyu rtsal la/
- 273a
'di dag ni bzo'i gnas so// 'di dag ni bstan bcos sna tshogs la rnam pa thams cad du mkhas pa'o// 'di ni nyan thos kyi theg pa ste/ nyan thos su 'gyur ba'o// 'di ni rang sangs rgyas kyi theg pa ste/ rang sangs rgyas su 'gyur ba'o// 'di ni theg pa chen po ste/ rnam pa thams cad kyi mchog dang ldan pa bdag dang gzhan gyi don yang dag par thob par byed pa kun tu bzang po thams cad mkhyen nyid du 'gyur ba'o/ / de bzhin du mdor bsdus te/ 'di dag ni sa rnams dang / pha rol tu phyin pa rnams dang / ting nge 'dzin rnams dang / rig pa rnams dang / dbang rnams dang / gzungs rnams dang / mngon par shes pa rnams dang / rnam par thar pa rnams dang / stobs rnams dang / mi 'jigs pa rnams dang / so so yang dag par rig pa rnams dang / ma 'dres pa rnams so zhes rigs kyi bu de ltar byang chub sems dpa' ni de dag la sogs pa rnam pa tshad med pas/ gzungs pad+ma bkod pa la sogs pa la mkhas pas chos bkod pa rnam par bkod pa dag byed de/ de ltar na byang chub sems dpa' chos rnam pa tha dad pa'i gzhal med khang chen po'i bkod pa rnam par dbye ba thams cad rnam par 'byed cing yongs su 'god pa yin no// ji ltar na byang chub sems dpa' 'khor gyi dkyil 'khor dpag bsam gyi shing las shin tu byung ba'i chos kyi gtam yang dag par gdon mi za ba'i me tog yid du 'ong ba'i char rtag tu mngon par 'bebs pa yin zhe na/ rigs kyibu 'di lta ste/
- 273b
dper na rlung mar ni dpag bsam shing gi nags tshal dag las gang gis lha dang mi rnams shin tu dga' ba dang yid bde ba skyes nas/ mya ngan med par rnam par rtse zhing dga' la dga' dgur spyod de/ rtag tu rgyun mi 'chad par kha dog dang / stobs dang / mthu dang / yid bde ba las yongs su mi nyams pa de lta bu'i spos dang / me tog dang / rgyan dang / gos dang / sil snyan dang / rol mo'i sgra la sogs pa phun sum tshogs pa'i mngon char 'bebs/ yongs su skyod cing 'byin par byed do// de bzhin du byang chub sems dpa'i rlung mar yang yongs su dag pa'i 'jig rten gyi khams kyi de bzhin gshegs pa dang / byang chub sems dpa'i 'khor gyi dkyil 'khor nas/ sems can dag la gang nas sems can de dag tu rgyun mi 'chad par chos kyi dga' ba la mos shing 'dun pa dang / lus dang / ngag dang / yid kyi las kha na ma tho ba med pa dang / gzi brjid dang ldan pa dang / yongs su skyo bar mi 'gyur ba dang / lha dang mi'i phun sum tshogs pa thams cad nyams su myong bar byed pa dang / mi nyams pa'i chos can du 'gyur ba dang / shes rab kyis snang bar gyur pas rtag tu khyad par gyi rnam par 'dod par 'gyur ba'i mdo sde dang / dbyangs kyis bsnyad pa'i sde dang / lung du bstan pa'i sde dang / tshigs su bcad pa'i sde dang / ched du brjod pa'i snga dang / gleng gzhi'i sde dang /
- 274a
rtogs pa brjod pa'i sde dang / 'di lta bu byung ba'i sde dang / skyes pa rabs kyi sde dang / shin tu rgyas pa'i sde dang / rmad du byung ba'i chos kyi sde dang / gtan la bab par/ bstan pa'i sde dag dang ldan pa'i dam pa'i chos rin po che'i me tog la sogs pa'i char mngon par 'bebs so// rjes su 'thun pa dang / rjes su mi mthun pa dang / snrel zhi dang / spyi'u tshug/ kyi rgyud la sogs pa'i gtam rnam par gdon mi za ba nye bar sgrub bo// tha snyad kyi dmigs pa thams cad la bdag med pa zhi zhing rnam par dag pa'i chos nyid rjod cing ston la rnam par byang bar byed do/ / chos thams cad sgo kun tu yang dag par gzhol ba yongs su ston to// sgyu ma'i rnam pa bsam gyis mi khyab pa la 'jug pa nye bar sbyor ro// ye shes sgyu ma rnam par rgyas par byed do/ / chos thams cad la dga' bar rtse ba'i rnam par 'phrul pa rnams kyis sems can rnams yongs su rgyas par byed do// 'dri ba thams cad kyi lung bstan pas tshim par byed do// mtha' dang dpung med pa'i rdzu 'phrul la mkhas paskyed do// de ltar na byang chub sems dpa' 'khor gyi dkyil 'khor dpag bsam gyi shing las shin tu byung ba'i chos kyi gtam yang dag par rnam pa gdon mi za pa'i mchog yid du 'ong ba'i char rtag tu mngon par 'bebs pa yin no/ / ji ltar na byang chub sems dpa' bskal pa grangs med par dkar po'i dkyil 'khor yongs su
- 274b
bsags pa ting nge 'dzin dang / rnam par thar pa dang / gzungs kyi sgo rgya mtsho dang / ri rab dang / 'od dang / zla ba dang / nyi ma dang / chos kyi tshul dang / nags tshal dang / khang pa dang / dge ba'i khor yug gi ri la sogs pas yongs su bskor ba'i sems can gyi 'khor gyi dkyil 'khor na/ gdul ba yongs su smin pa yang dag par gnas pa bla na med cing lus med pa'i gnas su 'gyur bar 'jig pa'i ye shes kyi rlung gi dkyil 'khor rab tu gtong ba yin zhe na/ rigs kyi bu 'di lta ste/ dper na rlung mar ni bskal pa'i mthar thug ste/ 'jig rten gyi khams 'jig par 'gyur ba'i dus na gang gis stong gsum gyi stong chen po'i 'jig rten gyi khams bye ba khrag khrig brgya stong dang / ri rab dang / khor yug ri dang / rgya mtsho la sogs par bcas pa kun nas 'jig cing rnam par 'thor ba dang / rmeg med par byed cing nam mkha'i rang bzhin du byed pa de lta bur stobs kyi shugs thogs pa med par ldang ngo // rigs kyi bu de bzhin du byang chub sems d pa'i rlung mar yang bskal pa mang por tshogs bsags pa'i sems can bsod nams dang ye shes sna tshogs rnam par bkod pa'i ri mthon po dang ldan pa rnams la byang chub sems dpa'i stob kyi shugs dang / rdzu 'phrul dang / rnam par 'phrul pa chen po yongs su bstan pa dang / chos kyi 'khor lo thogs pa med par rab tu bskor ba'i sgra skad kyi dbyangs rab tu bsgrags pas
- 275a
/ chos kyi phung po'i rlung mar gyi dkyil 'khor gang gis 'dul ba chos snang ba'i lhag mthong dam pa dang ldan pa bzod par mi nus pa'i 'du byed kyi stobs thams cad mnyam par gzhog pa tshul bzhin yid la byas nas yang dag par sems nang du gnas pa'i ting nge 'dzin phun sum tshogs pa la brten te srid pa dang / phung po dang / khams dang / skye mched kyi 'du byed kyi lus thams cad bshig cing rnam par btogs te lus med par byas nas/ yang dag pa ma yin pa kun brtags pa rnam par bshig ste/ 'jig rten thams cad las yongs su 'das pa/ bsam gyis mi khyab cing gzugs med pa'i bsod nams phun sum tshogs pa dang / gzugs thams cad yongs su bstan pa rnam par bshig pas gnas gyur pa rnam par dag pa/ phyi ma'i mtha' mur thug par gnas ba rnam pa thams cad du mtha' dang bral ba rnams thob par byed pa de lta bu kun nas rab tu gtong ste/ rigs kyi bu de ltar na byang chub sems dpa' bskal pa grangs med par dkar po'i dkyil 'khor yongs su bsags pa ting nge 'dzin dang / rnam par thar pa dang / gzungs kyi sgo rgya mtsho dang / ri rab dang / 'od dang / zla ba dang / nyi ma dang / chos kyi tshul dang nags tshal dang / khang pa dang / dge ba'i khor yug ri la sogs pas yongs su bskor ba'i sems can gyi 'khor gyi dkyil 'khor 'dul ba dang yongs su smin pa mang po yang dag par gnas pa
- 275b
bla na med cing lus med pa'i gnas 'gyur bar ye shes kyi rlung gi dkyil 'khor rab tu gtong ba yin te/ rigs kyi bu chos bcu po de dag dang ldan na/ byang chub sems dpa' rlung mar lta bu yin no/ / de nas bcom ldan 'das la/ byang chub sems dpa' sgrib pa thams cad rnam par sel bas 'di skad ces gsol to// a la la de ltar bcom ldan 'das kyis rnam pa thams cad kyi mchog dang ldan zhing / sems can rlabs po che rnams yongs su tshim par 'gyur ba'i chos bcu po 'di bstan pa bcom ldan 'das ngo mtshar to// bde bar gshegs pa ngo mtshar to// bcom ldan 'das lha dang mi gang la la chos 'di dag la mos shing nan tan bgyid na/ de dag thams cad ji snyed du gsungs pa'i phun sum tshogs pa/ bde ba dang bcas pa/ yid bde ba dang bcas par thob par 'gyur te/ brgya ba ni dang / tshangs pa dang / 'jig rten skyong ba la sogs pa zhig bgyid na yang / gzhan gyi don la gzhol zhing tshe 'di dang / tshe rabs gzhan gyi phun sum tshogs pa thams cad kyang thob par 'gyur ro/ / bcom ldan 'das kyis bka' stsal pa/ rigs kyi bu de de bzhin no// de de bzhin te/ sems can gang de lta bu'i chos rnams la nan tan du byed pa de dag ni/ 'jig rten thams cad las mngon par 'phags pa dang / kun tu rnam par bltas pa dang / mi dge ba'i chos thams cad rab tu spangs pa dang / dge ba'i chos thams cad dang ldan pa dang //
- 276a
'jig rten thams cad kyi rten du 'gyur ro// gang spong ba'i skyes bu glen pa de dag ni mun par gzhol ba ste/ sdug bsngal thams cad la sten pa'o// lha dang / mi dang / lha ma yin du bcas pa'i 'jig rten gyis mya ngan du bya ba'o// // dkon mchog sprin bam po bzhi pa// rigs kyi bu chos bcu dang ldan na/ byang chub sems dpa' nam mkha' dang mtshungs pa rnams yin no// bcu gang zhe na/ 'di lta ste/ dri ma med pa rnams yin/ ma chags pa rnams yin/ zhi ba rnams yin// shes rab mtha' yas pa rnams yin/ so so mi ye shes mtha' yas pa rnams yin/ chos kyi dbyings mnyam pa nyid rjes su song ba rnams yin/ chos thams cad nam mkha'i dbyings kyi ngo bo nyid du mos pa rnams yin/ so so mi rten pa rnams yin/ mtshan ma'i spyod yul las 'das pa rnams yin/ rtog ge'i spyod yul las 'das pa rnams yin te/ rigs kyi bu chos bcu po de dag dang ldan na/ byang chub sems dpa' nam mkha' dang mtshungs po rnams yin no// rigs kyi bu gzhan yang chos bcu dang ldan na/ byang chub sems dpa' nam mkha'ang mtshungs pa rnams yin no/ / bcu gang zhe na/ 'di lta ste/ yid du 'ang ba dang / yid du mi 'ong ba'i gzugs rnams la chags par yang mi 'gyur/ khong khrobar mi 'gyur ba
- 276b
yid du 'ong ba dang / yid du mi 'ong ba'i sgra rnams dang / dri rnams dang / ro rnams dang / reg rnams dang / yid du 'ong ba dang / yid du mi 'ong ba'i chos rnams la chags par yang // mi 'gyur/ khong khro bar yang mi 'gyur ba dang / rnyed pa dang / ma rnyed pa dang / bde ba dang / sdug bsngal ba dang / grags pa dang / ma grags pa dang / bstod pa dang / smad pas chags par yang mi 'gyur/ khong khro bar yang mi 'gyur ba ste/ rigs kyi bu chos bcu po de dag dang ldan na/ byang chub sems dpa' nam mkha' dang mtshungs pa rnams yin no// rigs kyi bu chos bcu dang ldan na/ byang chub sems dpa' zla ba lta bu rnams yin no// bcu gang zhe na/ 'di lta ste/ sems can thams cad kyi lus rab tu sim par byed pa dang / mthong na dga' ba rnams dang / chos dkar po rnams skye bar byed pa dang / chos nag po rnams 'bri bar byed par dang / rab tu bsngags pa rnams yin/ lus yongs su dag pa rnams yin/ bzhon pa mchog la zhon pa rnams yin/ rtag tu brgyan pa rnams yin/ chos kyi dga' ba la mos shing 'dun pa rnams yin/ 'phrul che zhing mthu che ba rnams yin no// rig kyi bu de la ji ltar na byang chub sems dpa' sems can thams cad kyi lus rab tu sim par byed pa nas/ ji ltar na 'phrul che zhing mthu che ba'i bar du yin zhe na/ rigs kyi bu 'di lta ste/
- 277a
dper na zla ba shar na 'di ltar sems can thams cad kyi lus bsil ba dang / yid du 'ong bar rab tu sim par byed do// de bzhin du byang chub sems dpa' zla ba shar na'ang 'di lta ste/ nyon mongs pa'i gdung ba thams cad dang bral ba dang / dga' ba dang / dad pa dang / rangs pa dang / yid du 'ong bas sems can thams cad kyi lus rab tu sim par byed do/ / rigs kyi bu 'di lta ste/ dper na zla ba shar na 'di lta ste/ zhi ba dang / dang ba dang / sems shin tu dga' bar byed pas sems can thams cad mthong na dga' ba yin no// de bzhin du byang chub sems dpa'i zla ba shar na'ang 'di lta ste/ dbang po rnam par gsal ba dang / sems kyi rgyud dang ba dang / spyod pa dang / spyod lam dang / yon tan phun sum tshogs pas sems can thams cad mthong na dga' zhing yid du 'ong ba yin no/ / rigs kyi bu 'di lta ste/ dper na zla ba yar gyi ngo la zla ba nya ste/ rnam pa thams cad du rgyas par gyur kyi bar du nyi ma re re zhing 'phel lo// yongs su rdzogs par 'gyur ro// de bzhin du byang chub sems dpa' zla ba yang thog ma sems bskyed pa nas bzung ste/ byang chub kyi snying po la 'dug gi bar du nyi ma re re zhing chos dkar po rnams 'phel zhing yongs su rdzogs par 'gyur te/ nam byang chub kyi snying po la 'dug gi bar de rnam pa thams cad yongs su rdzogs pa yin no// rigs kyi bu 'di lta ste/ dper na zla ba mar gyi ngo la bab pa dang /
- 277b
zla ba'i dkyil 'khor kha dog dang / snang ba dang / chu zheng yang yongs su 'bri ste/ bco lnga la ji ltar rnam pa thams cad kyi thams cad du mi mngon pa de ltar 'bri'o// de bzhin du byang chub sems dpa' zla ba yang nam 'jig rten las 'das pa'i ye shes thob par gyur pa de ni/ de'i mi dge ba'i chos rnams thams cad kyi thams cad du rab tu 'bri ste/ ji ltar na byang chub kyi snying po la thams cad kyi thams cad du med par 'gyur ba de ltar rab tu 'bri'o/ / rigs kyi bu 'di lta ste/ dper na zla ba shar na bram ze dang / rgyal rigs dang / grong pa dang / yul gyi mi skyes pa dang / bud med dang / khye'u dang / bu mo rnams kyis rab tu bsngags par byed pa yin no// de bzhin du byang chub sems dpa' zla ba shar na yang lha dang / mi dang / lha ma yin dang / dri zar bcas pa'i 'jig rten gyi khams rab tu bsngags par bya ba yin no/ / rigs kyi bu 'di lta ste/ dper na lha'i bu zla ba'i lus 'di ltar rang gi bsod nams kyi las rnam par smin pas grub pa ni yongs su dag pa ste/ rnyog pa med cing dang ba dang gsal ba yin no/ / de bzhin du byang chub sems dpa' zla ba'i lus kyang 'di lta ste/ chos nyid kyis mngon par grub pa rdzus te skyes pa/ pha ma'i btsog pa dang mer mer po las byung ba ma yin te/ yongs su dag la rnyog pa med cing dang ba dang gsal ba yin no// rigs kyi bu 'di lta ste/ dper na lha'i bu zla ba ni bzhon pa mchog la zhon te gling bzhir snang bar byed de/
- 278a
de bzhin du byang chub sems dpa' zla ba yang byang chub sems dpa'i theg pa mchog la zhon te/ 'jig rten gyi khams mtha' yas mu med par snang bar byed do// rigs kyi bu 'di lta ste/ dper na lha'i bu zla ba ni rtag tu brgyan cing rgyan ma brnyings pa yin no// de bzhin du byang chub sems dpa' zla ba yang 'di ltar yon tan gyi rgyan rnams kyis rtag tu brgyan pa yin no// rigs kyi bu 'di lta ste/ dper na lha'i bu zla ba ni rtag tu rgyun mi 'chad par lha'i 'dod pa'i dga' ba la mos pa yin no// de bzhin du byang chub sems dpa' zla ba yang rtag tu rgyun mi 'chad par chos kyi dag ba la mos shing 'dun pa yin gyi/ 'dod pas dga' ba la dga' ba ma yin no// rigs kyi bu 'di lta ste/ dper na lha'i bu zla ba ni 'phrul che zhing mthu che ba yin no// de bzhin du byang chub sems dpa' zla ba yang 'di lta ste/ bsod nams chen po dang / ye shes chen pos 'phrul che zhing mthu che ba yin te/ rigs kyi bu de ltar byang chub sems dpa' sems can thams cad kyi lus rab tu sim par byed nas/ 'phrul che zhing mthu che ba'i bar du yin no// rigs kyi bu chos bcu po de dag dang ldan na/ byang chub sems dpa' zla ba dang 'dra ba rnams yin no// rigs kyi bu chos bcu dang ldan na/ / byang chub sems dpa' nyi ma lta bu rnams yin no// bcu gang zhe na/ 'di lta ste/ ma rig pa'i mun pa sel ba rnams yin/ 'dul ba'i sems can rnam par 'byed par
- 278b
byed pa rnams yin/ phyogs bcu thams cad du lhan ner byed pa rnams yin/ dge ba'i chos mngon par shar ba rnams yin/ de dag gi zag pa nub par gyur pa rnams yin/ snang bar byed pa rnams yin/ mu stegs can ngan pa'i lus rnams zil gyis mnan te 'dug pa rnams yin/ mnyam pa dang mi mnyam pa kun ston pa rnams yin/ chos dkar po'i las kyi mtha' thams cad 'byung bar byed pa rnams yin/ skye bo dge ba la dga' ba rnams yin no// rigs kyi bu de la ji ltar na byang chub sems dpa' ma rig pa'i mun pa sel ba nas/ ji ltar skye bo dge ba la dga' ba'i bar du yin zhe na/ rigs kyi bu 'di lta ste/ dper na nyi ma shar na mun pa mun nag thams cad rnam par sel to// de bzhin du byang chub sems dpa' nyi ma shar na'ang ma rig pa'i mun pa thams cad rnam par sel to/ / rigs kyi bu 'di lta ste/ dper na nyi ma shar na pad+ma rnam par 'byed par byed do// de bzhin du byang chub sems dpa' nyi ma shar ba na yang 'dul ba'i sems can gyi pad+ma rnam par 'byed par byed do/ / rigs kyi bu 'di lta ste/ dper na nyi mi shar na phyogs bcu thams cad du lhan ner byed do// de bzhin du byang chub sems dpa' nyi ma sha na yang phyogs bcu thams cad du shes rab kyi gzi brjid dang / ye shes kyi 'od zer gyis rab tu lhan ner byed kyang sems can rnams la gnod par mi 'gyur ro// rigs kyi bu 'di lta ste/
- 279a
dper na 'dzam bu'i gling du nyi ma'i 'od zer dag nam snang ba de'i tshe na shar ces bya'o// de bzhin du byang chub sems dpa' nyi ma'i ye shes kyi 'od zer rnams nam snang ba/ de'i tshe na/ dge ba'i chos rnams shar ces bya'o// rigs kyi bu 'di lta ste/ dper na 'dzam bu'i gling du nyi ma'i snang ba nam med par gyur pa de'i tshe na nub ces bya'o// de bzhin du byang chub sems dpa'i nyi ma'i nyon mongs pa rnams thams cad du nam med par gyur pa de'i tshe na/ zag pa zad ces bya'o// rigs kyi bu 'di lta ste/ dper na nyi ma shar na 'dzam bu'i gling gi sems can rnams la snang bar byed do/ / de bzhin du byang chub sems dpa' nyi ma shar na yang sems can thams cad la ye shes kyi snang ba byed cing / gti mug gi mun pa'i rab rib kyis khebs pa rnams sel to/ / rigs kyi bu 'di lta ste/ dper na nyi ma shar na 'od thams cad kyi 'od med par byed kyang / nyi ma ni ngas 'od thams cad kyi 'od mi snang bar bya'o snyam du mi sems mod kyi/ 'on kyang chos nyid thob pas 'od med par 'gyur ro// de bzhin du byang chub sems dpa' nyi ma shar na yang mu stegs can ngan pa'i 'od dang / mu stegs can ngan pa'i lus thams cad 'ong med par 'gyur mod kyi/ byang chub sems dpa' nyi ma ni ngas 'di dag 'od med par bya'o snyam du mi sems te/ 'on kyang chos nyid thob pas 'od med par 'gyur ro// rigs kyi
- 279b
bu 'di lta ste/ dper na nyi ma shar na 'dzam bu'i gling gi mi rnams la mnyam pa dang mi mnyam pa legs par ston to// de bzhin du byang chub sems dpa' nyi ma shar na yang sems can thams cad la ye shes kyi snang bas mnyam pa dang mi mnyam pa legs par ston to/ / rigs kyi bu mnyam pa zhes bya ba 'di ni 'phags pa'i lam gyi tshig bla dgas so// rigs kyi bu mi mnyam pa zhes bya/ ba 'di ni lam ngan pa'i tshig bla dgas so// rigs kyi bu 'di lta ste/ dper na nyi ma shar na rmo brko'i las kyi mtha' thams cad 'byung ngo // de bzhin du byang chub sems dpa' nyi ma shar na yang dge ba'i chos kyi las kyi mtha' thams cad 'byung ngo / / rigs kyi bu 'di lta ste/ dper na nyi ma shar na skye bo dge ba ni dga' bar 'gyur la/ mi srun pa'i rang bzhin can dag mi dga' bar 'gyur ro// de bzhin du byang chub sems dpa' nyi ma shar na yang skye bo dge ba rnams dang / mkhas pa rnams dang / shes rab kyi rang bzhin can rnams ni dga' bar 'gyur ro// lam ngan par zhugs pa rnams dang / mi srun pa'i rang bzhin can rnams dang / byis pa'i rang bzhin dran rnams dang / shes rab 'chal pa'i rang bzhin can rnams dang / 'khor ba la mngon par dga' ba dang / mya ngan las 'das pa las phyir phyogs pa'i rnams ni mi dga' bar 'gyur te/ rigs kyi bu de ltar na byang chub sems dpa' rnams ma rig pa'i mun pa sel ba nas/ skye bo
- 280a
dge ba dga' ba'i bar du yin no/ / rigs kyi bu chos bcu po de dag dang ldan na/ byang chub sems dpa' nyi ma lta bu rnams yin no// rigs kyi bu chos bcu/ dang ldan na/ byang chub sems dpa' seng ge lta bu rnams yin no// bcu gang zhe na/ 'di lta ste/ bag mi tsha ba rnams yin/ mi rtab pa rnams yin/ mi zlogs pa rnams yin/ seng ge'i sgra// bsgrags pa rnams yin/ mi 'jigs pa rnams yin/ nags tshal dang nags kyi mdab na rgyu ba rnams yin/ ri'i lug na gnas pa rnams yin/ len pa med pa rnams yin/ bdag gis brtson / 'grus dang / stobs dang / mthu thob pas bdud kyi sde rab tu 'jom pa rnams yin/ dge ba'i chos kyi lo tog srung ba rnams yin no// rigs kyi bu de la ji ltar na byang chub sems dpa' bag mi tshang nas/ dge ba'i chos kyi lo tog srung ba'i bar du yin zhe na/ rigs kyi bu 'di lta ste/ dper na seng ge ni gar 'gro yang bdag dang 'dra ba med par mthong bas bag mi tsha zhing mi skrag par 'gro'o// de bzhin du byang chub sems dpa' seng ge yang bdag dang 'dra ba med par mthong bas gar 'gro yang bag mi tsha zhing mi skrag par 'gro'o/ / rigs kyi bu 'di lta ste/ dper na seng ge ni wa thams cad kyi sgras mi rtab pa yin no/ / de bzhin du byang chub sems dpa'i seng ge yang bas kyi rgol ba thams cad kyis brtsad pas brgal kyang mi rtab cing rgod pa dang zhum par mi 'gyur ro// rigs kyi bu 'di lta ste/ dper
- 280b
ni seng ge ni bskugs na phyir mi ldog pa yin no/ / de bzhin du byang chub sems dpa' seng ge yang phas kyi rgol ba thams cad kyis bsgrags na mi zlog cing mi zhum par 'gyur ro// rigs kyi bu 'di ste/ dper na seng ge ni sgra gang gis ri dgas phra mo thams cad dang / wa thams cad phyogs bcur 'byer bar 'gyur ba de lta bu sgrog go// de bzhin du byang chub sems dpa' seng ge yang bdag med pa'i seng ge'i sgra gang gis bdag tu 'dzin pa la mngon par zhen pa gzhan mu stegs can gyi ri dgas rnams dang / gzhan mu stegs can gyi wa thams cad phyogs bcur 'byer bar 'gyur ba de lta bu sgrog ste/ byang chub sems dpa' seng ge ni bdag tu 'dzin pa las bzlog par bya ba dang / sems can gzhan dag 'dul ba'i dbang du bya ba ma gtogs par de dag la gnod par bya ba'i phyir bdag med pa'i seng ge'i sgra mi sgrog go/ / rigs kyi bu 'di lta ste/ dper na seng ge ni kun tu lha yang mi 'jigs pa yin no// de bzhin du byang chub sems dpa' seng ge yang spyod pa yongs su dag pa'i nan tan la lta yang mi 'dzegs pa yin no/ / rigs kyi bu 'di lta ste/ dper na seng ge ni rang bzhin gyis nags tshal dang nags kyi mdab na rgyu ba yin no// de bzhin du byang chub sems dpa' seng ge yang rang bzhin gyis dben pa la mngon du phyogs shing / nags tshal dang / nags kyi mdapa na spyod pa yin no// rigs kyi bu 'di lta ste/ dper na seng ge ni ri phug na gnas pa yin no//
- 281a
de bzhin du byang chub sems dpa' seng ge yang ye shes kyi brag gi ri phrag na gnas pa yin no// rigs kyi bu 'di lta ste/ dper na seng ge ni mi len par 'gro ba yin no// de bzhin du byang chub sems dpa' seng ge yang nyon mongs pa'i khur thams cad bor zhing len pa med par 'gro ba yin no// rigs kyi bu 'di lta ste/ dper na seng ge ni gcig pu gnyis su med pa bdag gi brtson 'grus dang / stobs dang / mthu thob pas pha rol gyi sde 'jom mo// de bzhin du byang chub sems dpa' seng ge yang gcig pu gnyis su med par byang chub kyi snying po la 'dug nas bdag gi brtson 'grus dang / stobs dang / mthu thob pas bdud kyi sde 'jom mo// rigs kyi bu 'di lta ste/ dper na grong gi mngab na seng ge rgyu ba der ri dgas phra mo dag gis lo tog rnams chud mi gson to/ / de bzhin du byang chub sems dpa' seng ge yang yul dang yul gyi phyogs gang na 'dug pa der mu stegs can gyi ri dgas phra mo dag gis dge ba'i chos kyi lo tog chud mi gzon to/ rigs kyi bu de ltar na byang chub sems dpa' bgra mi tsha ba nas/ dge ba'i chos kyi lo tog srung ba'i bar du yin no// rigs kyi bu chos bcu po de dag dang ldan na/ byang chub sems dpa' seng ge lta bu rnams yin no/ / rigs kyi bu chos bcu dang ldan na/ byang chub sems dpa' dul ba rnams yin no// bcu gang zhe na/ 'di lta ste/ byang chub kyi sems
- 281b
brtan pa rnams yin/ byang chub kyi sems kyi byi dor shin tu byas pa rnams yin/ dbang po bsdams pa rnams yin no// lam du zhugs pa rnams yin/ khur chen po khyer ba rnams yin sems can gyi don rnams la yongs su mi skyo ba rnams yin/ yang dag pas 'tsho ba rnams yin/ tshul bcos pa dang / kha gsag gi rnyed pa thams cad dang bral ba rnams yin/ g.yo sgyu dang bral ba rnams yin/ drang ba'i rang bzhin can pas drang ba rnams yin te/ rigs kyi bu chos bcu po de dag dang ldan na/ byang chub sems dpa' dul ba rnams yin no// rigs kyi bu chos bcu dang ldan na/ byang chub sems dpa' cang shes pa rnams yin no// bcu gang zhe na/ 'di lta ste/ stong pa nyid la sgom pa mang bas rnal 'byor spyod pa rnams yin sgrib pa med cing kun nas ldang ba thams cad dang bral bas lam gyi rgyun ma chad pa rnams yin/ de bzhin gshegs pa'i bka' mi gcog pas bka' bzhin byed pa rnams yin/ chos kyi dbyings kyi tshul rtogs pas chos thams cad kyi tshul mnyam pa nyid khong du chud pa rnams yin/ dma' ba dma' ba'i yid kyis gdol bu lta bur 'jig rten na spyod pa rnams yin// rtag tu rkun mi 'chad par bsod snyoms blang bar 'du shes nye bar gzhag pas/ nga rgyal ba dang / rgyags pa dang / dregs pa dang bral ba rnams yin/ 'di ltar de mngon sum du shes
- 282a
pa'i phyir/ sangs rgyas kyi chos thams cad la nem nur med pa rnams yin/ chos rang gis rig pa'i phyir the tsom med pa rnams yin/ rang gi lam mthong bas gzhan gyi/ mi bkri zhing pha rol gyi dring mi 'jog pa rnams yin/ rab tu zhugs pas 'jig rten na sbyin pa'i gnas su gyur pa rnams yin te/ rigs kyi bu chos bcu po de dag dang ldan na/ byang chub sems dpa' cang shes pa rnams yin no/ / rigs kyi bu chos bcu dang ldan na/ byang chub sems dpa' pad+ma lta bu rnams yin no// bcu gang zhe na/ 'di lta ste/ ma gos pa rnams yin/ sdig pa chung ngu dang yang lhan cig mi gnas pa rnams yin/ tshul khrims kyi dri zhim pa rnams yin/ gtsang ba rnams yin/ bzhin 'dzum pa rnams yin/ mi rtsub pa/ rnams yin/ mthong na bkra shis pa rnams yin/ blo rnam par bye ba rnams yin/ blo yongs su smin pa rnams yin/ shin tu yongs su bzung ba rnams yin no// rigs kyi bu de la ji ltar na byang chub sems dpa' mgos pa yin pa nas/ ji ltar na shin tu yongs su bzung ba'i bar du yin zhe na/ rigs kyi bu 'di lta ste/ dper na pad+ma ni chu'i nang nas 'byung yang mi chags par skye'o/ / de ci'i phyir zhe na/ 'di ltar de'i chos nyid thob pa'i phyir ro// de bzhin du byang chub sems dpa' 'khor ba'i chu las 'byung yang mi chags par skye'o// de ci'i phyir zhe na/ 'di
- 282b
ltar de'i thabs dang shes rab kyi chos nyid thob pa'i phyir ro/ / byang chub sems dpa' thabs mkhas pa ni 'khor ba ni spyod kyang 'khor ba'i nyes pa dag gis mi gos te/ de'i thabs de ni shes/ rab kyis yang dag par zin pa yin no// rigs kyi bu 'di lta ste/ dper na pad+ma la chu'i theg pa chung ngu yang mi chags so// de bzhin du byang chub sems dpa' la sdig pa chung ngu yang mi chags so/ / rigs kyi bu 'di lta ste/ dper na sa'i phyogs gang du pad+ma skyes par gyur pa'i sa phyogs de dris khyab par 'dug go// de bzhin du yul dang yul gyi phyogs gang na byang chub sems dpa' gnas pa de thams cad tshul khrims kyi dris khyab par 'dug go/ / rigs kyi bu 'di lta ste/ dper na pad+ma ni sa'i phyogs gar skyes pa'i sa phyogs de gtsang zhing bram ze dang rnga rgyal rigs dang / grong pa dang / yul gyi mi thams cad kyang 'du ba yin no// de bzhin du byang chub sems dpa' gar skyes kyang rung / 'di lta ste/ tshul khrims dang / gtsang sbra kun spyod pas gtsang ba yin te/ lha dang / klu dang / gnod sbyin dang / dri za dang / lA ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa rnams 'du ba yin/ sangs rgyas bcom ldan 'das rnams kyis dgongs pa yin/ byang chub sems dpa' rnams kyis rab tu bsngags pa yin no//
- 283a
rigs kyi bu 'di lta ste/ dper na pad+ma ni 'byen 'di lta ste/ sems can rnams kyi yid du 'ong bas 'dzum pa lta bar snang ngo // de bzhin du byang chub sems dpa' yang khro gnyer med cing dbang po shin tu dang bas bzhin rtag tu 'dzum pa yin no/ / rigs kyi bu 'di lta ste/ dper na pad+ma ni rang bzhin gyis 'jam zhing mi rtsub pa yin no// de bzhin du byang chub sems dpa' yang rang bzhin gyis 'jam zhing dal gyis smra ba yin/ mi brlang zhing mu cor mi slu ba'i rang bzhin can yin no// rigs kyi bu 'di lta ste/ dper na pad+ma ni rmi lam dang / lhas dang / yud tsam dga' mthong na yang 'di lta ste/ don 'grub pa'i phyir bkra shis shing rab tu bsngags pa yin no// de bzhin du byang chub sems dpa' mthong ba yang 'di lta ste/ thams cad mkhyen pa nyid thob par bya/ ba la dus thams cad du yang bkra shis shing rab tu bsngags pa yin no// rigs kyi bu 'di lta ste/ dper na pad+ma ni nam rgyas pa de ni rnam par bye ba zhes bya'o// de bzhin du byang chub sems dpa' nam shes rab dang / byang chub kyi yan lag gi me tog rgyas pa de ni blo rnam par bye ba zhes bya'o// rigs kyi bu 'di lta ste/ dper na pad+ma ni nam yongs su smin par gyur pa de ni/ bltas na mig gi dbang po tshim par byed/ mnyan na rna ba'i dbang po tshim par byed/ bsnams na sna'i dbang po tshim par byed/ myangs na lce'i dbang po tshim par byed/ reg na lus kyi dbang po tshim par byed/ sems
- 283b
rab tu dga' bas yid kyi dbang po tshim par byed do/ / de bzhin du byang chub sems dpa' yang nam shes rab kyi snang ba yongs su smin par gyur pa de'i tshe/ bltas na mig gi dbang po rnam par dag par byed/ mnyan na rna ba'i dbang po rnam par dag par byed/ tshul khrims dang yon tan gyi dri bsnams na sna 'i dbang po rnam par dag par byed/ myangs pa na lce'i dbang po rnam par dag par byed/ reg pa dang bsnyen bkur byed na lus kyi dbang po rnam par dag par byed/ yon tan rjod pa rnam par bsams pas yid kyi dbang po rnam par dag par byed do// rigs kyi bu 'di lta ste/ dper na pad+ma ni skye ba'i tshe 'di lta ste/ mi dang mi ma yin pa dag gis shin tu yongs su bzung ba yin te/ de bzhin du byang chub sems dpa' skye ba'i tshe/ sangs rgyas dang byang chub sems dpa' rnams dang / de ma yin pa gzhan brgya byin dang / tshangs pa dang / 'jig rten skyong ba dag gis shin tu yongs su bzung ba yin no// rigs kyi bu de ltar na byang chub sems dpa' ma gos pa nas/ shin tu yongs su bzung ba'i bar du yin te/ rigs kyi bu chos bcu po de dag dang ldan na/ byang chub sems dpa' pad+ma lta bu rnams yin no// rigs kyi bu chos bcu dang ldan na byang chub sems da' sems rgya che ba rnams yin no/ / bcu gang zhe na/ 'di lta ste/ pha rol tu phyin pa thams cad yang dag par bsgrub bo zhes sems rgya cher skyed do// sangs rgyas kyi chos
- 284a
thams cad yongs su rdzogs par bya'o zhes sems rgya cher skyed do/ / sems can thams cad gdul lo zhes sems rgya cher skyed do// sangs rgyas kyi chos thams cad byang chub kyi snying por 'dug ste/ bla na med pa yang dag par rdzogs pa'i byang chub tu mngon par rdzogs par 'tshang rgya bar bya'o zhes sems rgya cher skyed do// mngon par rdzogs par sangs rgyas nas 'jig rten du dge sbyong ngam/ bram ze 'am/ lha 'am/ bdud dam/ tshangs pa 'am/ sus kyang chos dang ldan par sngon ma bskor ba'i chos kyi 'khor lo bskor ro zhes sems rgya cher spyad do// 'jig rten gyi khams mtha' yas mu med par song ste/ sems can gyi don bya ba'i dngos po de dang de dag gis sems can rnams kyi don bya'o zhes sems rgya cher skyed do// shes rab kyi gru sbyar te/ sems can rnams 'khor ba'i rgya mtsho las pha rol tu bsgral lo zhes sems rgya cher skyed do// mgon med pa dang / skyabs med pa dang / gnas med pa dang / rten med pa dang dpung gnyen med pa dang / rtsa lag med pa'i sems can rnams kyi rtsa lag bya'o zhes sems rgya cher skyed do// lha dang bcas/ bdud dang bcas/ tshangs par bcas pa'i 'jig rten dang // dge sbyong dang / bram ze dang / lha dang / mi dang / lha ma yin du bcas pa'i skye dgu'i nang du sangs rgyas kyi khyu mchog nyid bstan to// sangs rgyas kyi seng ge'i sgra sgrog go// sangs rgyas
- 284b
kyi rnam par rol pas rnam par rtse'o/ / glang po che'i lta stangs kyis blta bar bya'o zhes sems rgya che bar skyed do// sangs rgyas kyi che bas sems can rnams gdul bar bya'i/ spyod pa ngan pas ma yin/ dka' ba spyod pas ma yin/ zhan pa'i spyod pas ma yin/ zhum pa'i spyod pas ma yin no zhes sems rgya cher skyed do// rigs kyi bu chos bcu po de dag dang ldan na// byang chub sems dpa' sems rgya che ba rnams yin no// rigs kyi bu chos bcu dang ldan na/ byang chub sems dpa' sems rnam par dag pa rnams yin no// bcu gang zhe na/ 'di lta ste/ bsam pa mi g.yo bas bsam pa phun sum tshogs pa rnams yin/ 'di lta ste/ bsam pa la sgyu med pas bsam pas shin tu gnas pa rnams yin/ 'di lta ste/ nyan thos kyi byang chub yid la byed pa mi byed pa dang / rang sangs rgyas kyi byang chub yid la byed pa mi skyed pa dang / brtson 'grus chung ba'i yid la byed pa mi skyed pas tshul bzhin ma yin pa'i yid la byed pa dang bral ba rnams yin/ 'di lta ste/ nyon mongs pa'i dri ma dang bral bas dri ma thams cad dang bral ba rnams yin/ 'di lta ste/ sku'i spyod lam dang bral bas lus kyi tshul 'chos dang bral ba rnams yin/ 'di lta ste/ yang dag pa'i don kun ston pas ngag gi tshul 'chos dang bral ba rnams yin/ 'di lta s+t+wa~M/ lus kyis 'du 'dzi med par
- 285a
nyid thob bo/ / chos nyid thob pas bla na med pa yang dag par rdzogs pa'i byang chub tu nges par 'gyur te/ de ltar na de bzhin gshegs pa'i bstan pa la skur pa ma bta/ pa yin no// rigs kyi bu chos bcu po de dag dang ldan na/ byang chub sems dpa' sems rnam par dag pa rnams yin no// rigs kyi bu chos bcu dang ldan na/ byang chub sems dpa' sems nem nur med pa rnams yin no/ / bcu gang zhe na/ 'di lta ste/ de bzhin gshegs pa'i sku'i gsang ba la mngon par dang / de bzhin gshegs pa'i gsung gi gsang ba dang / de bzhin gshegs pa'i yid kyi gsang ba dang / byang chub sems dpa' yang dag par bsgrub pa dang / byang chub dang / de bzhin gshegs pa 'byung ba dang / theg pa gcig gi tshul bstan pa dang / tshul sna tshogs bstan pa dang / de bzhin gshegs pa'i gsung sgra'i dbyangs zab mo dang / sems can gyi bsam pa ji lta ba bzhin du 'dul ba la mngon par dad do// rigs kyi bu de lta ji ltar na de bzhin gshegs pa'i sku'i gsang ba la mngon par dad pa nas/ ji ltar sems can gyi bsam pa ji lta ba bzhin du 'dul ba la mngon par dad pa'i bar du yin zhe na/ rigs kyi bu 'di la byang chub sems dpa' 'di snyam du sems so/ / gang 'di de bzhin gshegs pa'i chos kyi sku dang / zhi ba'i sku dang / mi mnyam pa'i sku dang / mi mnyam pa dang mnyam
- 285b
pa'i sku dang / tshad med pa'i sku dang / phal la med pa'i sku dang / rdo rje sku zhes thos pa 'di ni yang dag pa'o// 'di ni de kho na'o// 'di ni mi slu ba'o snyam ste/ gnas 'di la de nem/ nur med/ the tsom med de/ de ltar na byang chub sems dpa' de bzhin gshegs pa'i sku'i gsang ba la mngon par dad do// ji ltar na byang chub sems dpa' de bzhin gshegs pa'i gsung gi gsang ba la mngon par dad ce na/ de 'di snyam du sems so// gang 'di de bzhin gshegs pa'i gsung gi gsang ba de bzhin gshegs pa mngon du lung ston pa dang / gsang ste lung ston/ pa dang / ldem po ngag gis kyang sems can rnams la lung ston mod kyi/ de bzhin gshegs pa la 'khrul pa 'am/ ca co med de/ de'i phyir de la brdzun du smra ba'i nyes par mi 'byung ngo / / de ci'i phyir zhe na/ de bzhin gshegs pa ni skyon thams cad spangs pa/ dri ma thams cad spangs pa/ rdul thabs cad spangs pa/ yongs su gdung ba thams cad dang bral ba/ nyon mongs pa med pa/ dbang du gyur pa/ zhi ba/ dang ba/ yongs su dag pa/ rnyog pa med pa rnam par gsal ba ste/ gang de bzhin gshegs pa rnams la 'khrul pa 'am/ ca co 'byung ba de ni gnas ma yin zhing skabs med do zhes thos pa 'di ni yang dag pa'o// 'di ni de kho na'o// 'di ni mi slu ba'o snyam ste/ gnas 'di de nem nu
- 286a
ngag gis 'dod pa chung ba dang / sems kyis smon pa med pa'i phyir/ sems kyi tshul 'chos pa dang bral ba rnams yin/ cung zad byas pa yang chung mi gson na mang// po lta ci smos te/ byas pa gzo ba rnams yin/ byas pa tshor ba rnams yin te/ dgos pa byas pa la mi smod/ mi smyung/ yon tan ma yin par mi lta ste/ gzhan du na cung zad byas pa yang tshor zhing de la ston par byed/ gzengs stod par byed/ yang dag par dga' bar byed/ rab tu bsngags par byed/ de la yon tan du lta ba yin no// ji ltar lta ba de ltar byed pa rnams yin te/ byang chub sems dpa' rnams ngag gis snyan par ston cing sems kyis mi mthun par sems pa ma yin/ byang chub sems dpa' rnams ngag gis ston cing sems kyis ngan du bya ba'i sbyor ba mi byed/ byang chub sems dpa' rnams ngag gis 'jam par smra zhing sems kyis zhe la non te shar gnyer ba ma yin/ byang chub sems dpa' rnams lus kyis nges pa ston cing sems kyis 'khon gyi mdud par 'dzin pa ma yin/ byang chub sems dpa' rnams lus kyis ri mor bya ba ston cing sems kyis brnyas par byed pa ma yin/ byang chub sems dpa' rnams tshul mi 'chos/ kha gsag mi byed/ ser sna dang phrag dog gis kun tu grags pa ma yin/ sgyu dang g.yos mi spyod/ byang chub sems dpa' rnams 'thab sman mi byed/ phan tshun
- 286b
du dpa' ba 'jug pa ma yin gyis/ byang chub sems dpa' rnams ni lus kyis kyang ri mo skyed pa yin/ ngag gis kyang yang dag pa'i don smra/ las su yang sgrub bo// byang chub sems dpa' rnams de bzhin gshegs pa'i bstan pa la skur ba'i phyir zhugs pa ma yin pas/ de bzhin gshegs pa'i bstan pa la skur pa ma btab pa yin no// ji ltar na de bzhin gshegs pa'i bsta/ pa la skur ba ma btab pa yin zhe na/ 'di la byang chub sems dpa' bla na med pa yang dag par rdzogs pa'i byang chub tu sems bskyed do// skra dang kha spu bregs te gos ngur smrig dag gon nas/ yang dag par dad pas de bzhin gshegs pa'i bstan pa la rab tu 'byung ngo // de rab tu byung ba na rgyal pos mnar ba med par rab tu 'byung / rkun pos 'tshe ba med pa dang / bu lon gyis 'tshe ba med pa dang / 'dzags pas 'tshe ba med pa dang / 'tshe ba med pa'i 'jigs pas skrag pa med par rab tu 'byung ngo // de dang de rab tu byung nas dge ba ci yin zhes tshol ba yin te/ de dge ba ci yin zhes tshol bas dge ba'i bshes gnyen rnams la snyen par byed/ sten par byed/ bsnyen bkur byed do// de dag las chos kyang nyan to// thos nas kyang nan tan du byed/ nga rgyal gyi zil gyis mnon pa yin te/ de nga rgyal dang bral bas ma log par 'dzin pa yin/ ma log par 'dzin pas lam shin tu rtogs pa thob bo// de lam shin tu rtogs pas chos
- 287a
med/ the tsom med de/ de ltar na de bzhin gshegs pa'i gsung gi gsang ba la mngon par dad do// ji ltar na byang chub sems dpa' de bzhin gshegs pa'i yid kyi gas// ba la mngon par dad ce na/ de 'di snyam du sems so// gang 'di de bzhin gshegs pa'i yid kyi gsang ba de bzhin gshegs pas ci dgongs pa'i don gang sems dang 'grogs pa sems la gnas pa de ni de bzhin gshegs pa'i byin gyi rlabs kyis gyur pa ma gtogs par/ nyan thos dang / rang sangs rgyas thams cad dang / byang chub sems dpa' thams cad dang / sems cad thams cad kyis shes par mi nus so// de ci'i phyir zhe na/ rigs kyi bu de bzhin gshegs pa ni zab cing gting dpag bka' ba/ brtag par bya ba ma yin pa/ rtog ge'i spyod yul las shin tu 'das pa/ dpag tu med pa/ rgya che ba/ yangs pa/ nam mkha'i dbyings dang mtshungs pa/ rtog ge thams cad kyi yul las 'das par thob pa 'di/ ni yang dag pa'o// 'di ni de kho na'o// 'di ni mi slu ba'o snyam ste/ gnas 'di la de nem nur med/ the tsom med pa yin te/ da ltar na de bzhin gshegs pa'i yid kyi gsang ba la mngon par dad do/ / ji ltar na byang chub sems dpa' byang chub sems dpa'i yang dag par bsgrub pa la mngon par dad ce na/ de 'di snyam du sems so// gang 'di byang chub kyi rgyu/
- 287b
byang chub kyi gzhi/ byang chub kyi phyir/ byang chub sems dpa' de dag sems can gyi don la mngon du phyogs dang / sems can gyi bya ba dang / sems can gyi byed pa dang / yongs su mi skyo ba dang / mi skrag pa dang / khur chen po khyer ba dang / mthu bstan pa dang / brtul ba brtan pa dang / pha rol tu phyin pa yang dag par sgrub pa dang / sangs rgyas kyi chos rnams mthar gyis yang dag par sgrub pa dang / thogs pa med pa'i blo dang / mtha' yas pa'i blo dang / mi mnyam pa'i blo dang / phal la med pa'i blo dang / brtson 'grus brtan pa dang / cho ga brtan pa dang / dam bcos pa las mi g.yo ba dang / dam bcas pa phal la med pa de dag thams cad rim gyis 'phel zhing rgyas pa dang / yangs par yongs su rdzogs par 'gyur ro zhes thos pa 'di ni yang dag pa'o/ / 'di ni de kho na'o// 'di ni mi slu ba'o snyam ste/ gnas 'di la de nem nur med/ the tsom med de/ de ltar na byang chub sems dpa' yang dag par sgrub pa la mngon par dad do/ / ji ltar na byang chub sems dpa' byang chub dang / de bzhin gshegs pa 'byung ba la mngon par dad ce na/ de 'di snyam du sems so// gang byang chub sems dpa' byang chub kyi snying por 'dug nas/ lha'i mig chags pa med cing thogs pa med pa sgrib pa med pa thob bo// lha'i rna ba dang / gzhan gyi sems shes pa dang //
- 288a
sngon gyi gnas rjes su dran pa'i shes pa dang / rdzu 'phrul gyi rnam par shes pa dang / zag pa zad pa shes pa dang / dus gsum pa skad cig gcig pa dang ldan pas shes pa/ chags pa med pa/ thogs pa med pa/ sgrib pa med pa thob bo// de'i phyir sems can gyi khams la yang dag pa ji lta ba bzhin du lta ste/ sems can 'di rnams ni lus kyi ngan du spyod pa dang ldan pa/ ngag gi ngan du spyod pa dang ldan pa yid kyi ngan du spyod pa dang ldan pa/ 'phags pa la skur ba 'debs pa/ log par lta ba rnams te/ log par lta ba'i las dang chos yang dag par blangs pa'i phyir/ rgyu de dang / rkyen de dang / gzhi nges lus zhig nas shi ba'i 'og tu ngan 'gro log par ltung ba sems can dmyal ba dag tu skye'o/ / sems can 'di rnams ni lus kyis legs par spyod pa dang ldan pa/ ngag gis legs par spyod pa dang ldan pa/ yid kyis legs par spyod pa dang ldan pa/ 'phags pa la skur pa mi 'debs pa/ yang dag par lta ba rnams te/ yang dag par lta ba'i las dang chos yang dag par blangs pa'i phyir/ rgyu de dang / rkyen de dang / gzhi des lus zhig nas bde 'gro mtho ris kyi 'jig rten gyi lha'i nang du skye'o snyam nas de ltar yang dag pa ji lta ba bzhin du sems can gyi khams la bltas te/ sems can gyi khams de nyid dge ba dang mi dge ba'i
- 288b
las rnams la rnam par lta'o/ / de yang 'di snyam du sems te/ sngon bdag byang chub sems dpa'i spyad pa spyod pas gang 'di ltar bdag nyid rnam par sangs rgyas nas/ gzhan yang rnam par sangs rgyas par bya'o zhes dam bcas pa'i bdag gi smon lam de yongs su rdzogs so/ / bdag gi brnag pa de yongs su rdzogs so zhes thos pa 'di ni yang dag pa'o// 'di ni de kho na'o/ / 'di ni mi slu ba'o snyam ste/ gnas 'di la de nem nur med/ the tsom med de/ gang la byang chub sems dpa' de rnam par sangs rgyas pa de ni byang chub ces bya'o// bdag nyid rnam par sangs rgyas pas des na rdzogs par sangs rgyas zhes bya ste/ de ltar na byang chub sems dpa' byang chub dang / de bzhin gshegs pa 'byung ba la mngon par dad do// ji ltar na byang chub sems dpa' theg pa gcig gi tshul bstan pa la mngon par dad ce na/ de 'di snyam du sems so// gang 'di theg pa ni gcig kho na 'di lta ste/ de bzhin gshegs pa'i theg pa'o zhes thos pa 'di ni ya dag pa'o/ / 'di ni de kho na'o// 'di ni mi slu ba'o// 'di ni de bzhin no// ma nor ba'o// gzhan ma yin pa'o// de ci'i phyir zhe na/ theg pa gzhan rnams kyang 'di las 'byung ngo // rigs kyi bu 'di lta ste/ dper na 'dzam bu'i gling na gang gling yod pa rnams ming gis tha dad par shes mod kyi/ 'on kyang de dag ni 'dzam bu'i gling du 'du'o// 'dzam bu'i gling la rton po//
- 289a
'dzam bu'i gling gi grangs su 'gro'o// de'i phyir na gling gcig kho na ste/ 'di ni 'dzam bu'i gling ngo // de bzhin du theg pa thams cad ni de bzhin gshegs pa'i theg par 'du'o/ / de bzhin gshegs pa'i theg pa la gnas so// de bzhin gshegs pa'i theg pa las byung ngo // de'i phyir theg pa ni gcig pa kho na ste/ 'di ltar de bzhin gshegs pa'i theg pa'o snyam ste/ gnas 'di la de nem nur med/ the tsom med de/ de ltar na byang chub sems dpa' theg pa gcig gi tshul ba kun pa la mngon par dad do// ji ltar na tshul sna tshogs bshad pa thos pa 'di ni yang dag pa'o/ / 'di na de kho na'o// 'di ni mi slu ba'o// de ci'i phyir zhe na/ 'dul ba'i dbang gi phyir/ de bzhin gshegs pa'i dad pa ji lta ba bzhin du sems can rnams la chos ston to snyam ste/ gnas 'di la de nem nur med/ the tsom med de/ de ltar na byang chub sems dpa' tshul sna tshogs bstan pa la mngon par dad do// ji ltar na byang chub sems dpa' de bzhin gshegs pa'i gsung sgra'i dbyangs zab mo la mngon par dad ce na/ de 'di snyam du sems so// gang 'di de bzhin gshegs pa'i gsung sgra'i dbyangs zab mo thos pa 'di ni yang dag pa'o/ / 'di ni de kho na'o// 'di ni mi slu ba'o// de ci'i phyir zhe na/ dge ba'i rtsa ba chung ba'i lha'i bu rnams kyi dbyangs kyang zab cing snyan pa yin na/ bskal pa brgya stong du mar dge ba'i rtsa
- 289b
ba bsgrubs pa'i de bzhin gshegs pa rnams kyis lta ci smos snyam ste/ gnas 'di la de nem nur med/ the tsom med de/ de ltar na byang chub sems dpa' de bzhin gshegs pa'i gsung sgra'i dbyangs zab mo la mngon par dad do/ / rigs kyi bu ji ltar na byang chub sems dpa' sems can gyi bsam pa ji lta ba bzhin du 'dul ba la mngon par dad ce na/ de 'di snyam du sems so// gang 'di de bzhin gshegs pa bsam pa dang bag la nyal mkhyen te/ sems can mos pa tha dad pa dang / 'dul ba tha dad pa rnams la gsung sgra'i dbyangs gcig brjod pas/ the tsom gcod cing yongs su smin pa ji lta ba bzhin du sems can rnams 'dul lo/ / sems can rnams kyang so so nas de bzhin gshegs pa bdag la chos ston to// de bzhin gshegs pa bdag la chos ston to snyam byed kyang de bzhin gshegs pa ni mi rtog/ rnam par mi rtog go zhes thos pa 'di ni yang dag pa'o// 'di ni de kho na'o// 'di ni mi slu ba'o snyam ste/ gnas 'di la de nem nur med/ the tsom med de/ rigs kyi bu de ltar na byang chub sems dpa' sems can gyi bsam pa ji lta ba bzhin du 'dul ba la mngon par dad do// rigs kyi bu chos bcu po de dag dang ldan na/ byang chub sems dpa' sems nem nur med pa rnams yin no// rigs kyi bu chos bcu da ldan na/ byang chub sems dpa' blo rgya mtsho dang 'dra ba rnams
- 290a
yin no/ / bcu gang zhe na/ 'di lta ste/ rin po che'i 'byung gnas su gyur pa rnams yin/ zab cing gting dpag dka' ba rnams yin/ rgya che zhing tshad med/ pa rnams yin/ bags kyis gzhol ba rnams yin// nyon mongs pa'i ro dang lhan cig mi 'dug pa rnams yin/ ro gcig pa rnams yin/ chu bo kun bzed pa rnams yin/ dus las mi g.yo ba rnams yin/ 'byung po mang po'i gnas su gyur pa rnams yin/ mi zad pa rnams yin no// rigs kyi bu de la ji ltar na byang chub sems dpa' rin po che'i 'byung gnas su gyur pa yin pa nas/ ji ltar na mi zad pa'i bar du yin zhe na/ rigs kyi bu 'di lta ste/ dper na rgya mtsho chen po ni rin po che thams cad kyi 'byung gnas yin te/ 'dzam bu gling gi mi thams cad kyis rin po che blang bas mi zad do// de bzhin du byang chub sems dpa' yang yon tan rin po che thams cad kyi 'byung gnas yin te/ sems can thams cad kyis yon tan rin po che blang bas mi zad do/ / rigs kyi bu 'di lta ste/ dper na rgya mtsho chen po ni zab cing gting dpag dka' ba yin no// de bzhin du byang chub sems dpa' ye shes yang dag par grub pa yang zab cing sems can thams cad kyis gting dpag dka' ba yin no/ / rigs kyi bu 'di lta ste/ dper na rgya mtsho chen po ni 'di lta ste/ chu tshad
- 290b
med pas na yangs shing rgya che ba yin no/ / de bzhin du byang chub sems dpa' yang 'di lta ste/ blo tshad med pas na yangs shing rgya che ba yin no// rigs kyi bu 'di lta ste/ dper/ na rgya mtsho chen po ni bags kyis gzhol/ bags kyis 'bab/ bags kyis bab bo// de bzhin du byang chub sems dpa' yang thams cad mkhyen pa nyid la gzhol/ thams cad mkhyen pa nyid la 'bab/ thams cad mkhyen pa nyid la bab bo// rigs kyi bu 'di lta ste/ dper na rgya mtsho chen po ni shi ba'i ro dang lhan cig tu mi 'dug go// de ci'i phyir zhe na/ de ni rgya mtsho chen po'i chos nyid do/ / de bzhin du byang chub sems dpa' yang nyon mongs pa'i ro dang mi dge ba'i grogs po rnams dang lhan cig mi gnas so// de ci'i phyir zhe na/ de ni byang chub sems dpa'i chos nyid do/ / rigs kyi bu 'di lta ste/ dper na rgya mtsho chen por chu bo ji snyed 'bab pa de thams cad kyang ro gcig pa yin te/ 'di lta ste/ lan tshwa'i ro'o// de bzhin du byang chub sems dpa'i yang chos dkar po rnams ji snyed sdud pa de thams cad ro gcig pa yin te/ 'di lta ste/ thams cad mkhyen pa'i ro'o// rigs kyi bu 'di lta ste/ dper na rgya/ mtsho chen po ni chu bo tshad med pa kun bzed kyang de la bri ba 'am/ gang bar yang mi mngon no// de bzhin du byang chub sems dpa' yang chos kyi chu bo tshad med pa kun bzed kyang de la bri ba
- 291a
'am/ gang bar mi mngon no// rigs kyi bu 'di lta ste/ dper na rgya mtsho chen po ni dus lus mi yol lo// de bzhin du byang chub sems dpa' yang 'dul bar bya ba'i sems can yongs su smin par bya ba'i dus las mi yol lo/ / rigs kyi bu 'di lta ste/ dper na rgya mtsho chen po ni 'byung po mang po'i gnas so// de bzhin du byang chub sems dpa' yang sems can thams cad dang / chos dkar po thams cad kyi gnas so// rigs kyi bu 'di lta ste/ dper na rgya mtsho chen po ni sems can thams cad kyis chu bcus kyang mi zad pa yin no/ / de bzhin du byang chub sems dpa' sems can thams cad la chos ston pa mi zad pa yin te/ rigs kyi bu de ltar na byang chub sems dpa' rin po che'i 'byung gnas su gyur pa nas/ mi zad pa'i bar du yin no// rigs kyi bu chos bcu po de dag dang ldan na/ byang chub sems dpa' blo rgya mtsho dang mtshungs pa rnams yin no// rigs kyi bu chos bcu dang ldan na/ byang chub sems dpa' blo zhib pa rnams yin no// bcu gang zhe na/ 'di lta ste/ 'byung ba tshol ba la mkhas pa rnams yin/ chos thams cad brtag pa la mkhas pa rnams yin/ chos thams cad kyi mnyam pa nyid khong du chud pa rnams yin/ chos thams cad sgyu ma'i mtshan nyid du khong du chud pa rnams yin/ chos thams cad yongs su
- 291b
shes pa la mkhas pa rnams yin/ rten cing 'brel par 'byung ba zab cing gting dpag dka' ba la mkhas pa rnams yin/ las bsam gyis mi khyab pa la mkhas pa rnams yin// / smras pa'i don shes pa rnams yin/ don yang dag pa ji lta ba bzhin du rtogs pa rnams yin/ de kho na la mkhas pa rnams yin no// rigs kyi bu de la ji ltar na byang chub sems dpa' 'byung ba tshol ba la mkhas pa yin pa nas/ ji ltar na de kho na la mkhas pa'i bar du yin zhe na/ 'di la byang chub sems dpa' 'di ltar spyod de/ kye ma'o 'jig rten gnas pa 'di ni 'di lta ste/ 'dod chags kyi mes kun tu 'bar ro// rab tu 'bar ro// kun tu rab tu 'bar ro// kye ma'o 'jig rten gnas pa 'di ni 'di lta ste/ zhe sdang gi du ba 'khrigs pa'i du ba 'tshubs pas rnam par rmongs so/ / kye ma'o 'jig rten gnas pa ni 'di lta ste/ gti mug gi mun pas mun nag tu gyur to snyam mo// de na 'di lta ste/ sems can 'di dag ni ji ltar 'byung bar 'gyur snyam sems te/ de dag gi 'byung ba yongs su tshol zhing chos thams cad la rtog go// chos thams cad la rtog pas chos thams cad kyi mnyam pa nyid khong du chud par 'gyur ro/ / chos thams cad kyi mnyam pa nyid khong du chud pas chos thams cad sgyu ma'i mtshan nyid du yang dag pa ji lta ba bzhin du rab tu shes so// chos rnam
- 292a
sgyu ma'i mtshan nyid du yang dag pa ji lta ba bzhin du rab tu shes pas chos thams cad yang dag pa ji lta ba bzhin du rab tu shes so/ / chos thams cad yang dag pa'i/ lta ba bzhin du yongs su shes pas rten cing 'brel par 'byung ba zab mo la rnam par sems so// de rten cing 'brel par 'byung ba zab mo la rnam par sems pas/ las bsam gyis mi khya pa la rnam par rtog ste/ de 'di snyam du dngos po med pa'i chos rnams la/ las sna tshogs snang ba ni ngo mtshar to snyam du sems so// de ltar de blo zhib mo dang ldan pas sangs rgyas rnams sam/ byang chub sems dpa' rnams kyis gsungs pa tsam gyis don shes so// des don shes pas don yang dag pa ji lta ba bzhin du rtogs so// don yang dag pa ji lta ba bzhin du rtogs pas de kho na mthong ngo / / des de kho na mthong bas sems can rnams 'khor ba'i btson ra nas thar par byed de/ rigs kyi bu de ltar na byang chub sems dpa' 'byung ba tshol bA la mkhas pa nas/ de kho na la mkhas pa'i bar du yin no// rigs kyi bu chos bcu po de dag dang ldan na/ byang chub sems dpa' blo zhib pa rnams yin no// rigs kyi bu chos bcu dang ldan na/ byang chub sems dpa' rigs pa'i spobs pa can rnams yin no// bcu gang zhe na/ 'di lta ste/ chos thams cad bdag
- 292b
med par 'jog go/ / chos thams cad sems can med pa dang / srog med pa dang / gso ba med pa dang / gang zag med pa dang / byed pa po dang / tshor ba po med pa dang // shes pa po med pa dang / mthong ba po med pa dang / gsog gso ba ste dbang phyug med pa dang / stong pa yang dag pa ma yin pa kun brtags pa dang rkyen las byung bar 'jog ste/ rigs kyi bu de la chos thams cad bdag med pa zhes bya ba 'di ni rig pa'o// 'di ni chos nyid dang 'thun pa'o// chos thams cad sems can med pa/ srog med pa zhes bya ba ni/ rigs pa'o// 'di ni chos nyid dang 'thun pa'o// de bzhin du chos thams cad gso ba med pa dang / gang zag med pa dang / byed pa po dang / tshor ba po med pa dang / shes pa po med pa dang / mthong ba po med pa dang / gsog gsob ste dbang phyug med pa dang / stong pa yang dag pa ma yin pa kun brtags pa dang / rkyen las byung ba'o zhes bya ba 'di ni rigs pa'o/ / 'di ni chos nyid dang 'thun pa'o// rigs kyi bu gang chos nyid dang 'thun pa de ni rigs pa'o// gang chos nyid dang mi 'gal ba de ni rigs pa'o// gang chos nyid las mi 'khrul pa de ni rigs pa'o/ / gang chos nyid la 'bab pa de ni rigs pa'o// gang chos nyid ston pa de ni rigs pa'o// de yang de dag la spobs pas na de'i phyir rigs pas spobs
- 293a
rnams zhes bya'o/ / rigs kyi bu chos bcu po de dag dang ldan na/ byang chub sems dpa' rigs pa'i stobs pa can rnams yin no// rigs kyi/ bu chos bcu dang ldan na/ byang chub sems dpa' grol ba'i spobs pa can rnams yin no// bcu gang zhe na/ 'di lta ste/ spobs pa thogs pa med pa rnams yin/ spobs pa mi zad pa rnams yin/ spobs pa rgyun chags pa rnams yin/ spobs pa mi btabs rnams yin/ spobs pa ma zhum pa rnams yin/ spobs pa mi skrag pa rnams yin/ spobs pa phal la med pa rnams yin/ spobs pa zil gyi ma non pa rnams yin/ spobs pa mtha' yas pa rnams yin/ so so yang dag par rig pa thob pa'i spobs pa can rnams yin te/ rigs kyi bu chos bcu po de dag dang ldan na/ byang chub sems dpa'i grol ba'i spobs pa can rnams yin no// rigs kyi bu chos bcu dang ldan na byang chub sems dpa' rnam par dag pa'i spobs pa can rnams yin no/ / bcu gang zhe na/ 'di lta ste/ 'dar 'dar po med pa'i spobs pa can rnams yin/ mi 'khrul pa'i spob pa can rnams yin/ mi gzhan pa'i spobs pa can rnams yin/ yang yeng po med pa'i spobs pa can rnams yin/ de dag gi spobs pa don dang bral ba ma yin/ tshig 'bru dang bral
- 293b
ba ma yin/ sbyor ba dang bral ba ma yin/ dus dang bral ba ma yin/ rtsub pa ma yin/ mi gsal ba'i spobs pa ma yin no// rigs kyi bu byang chub sems dpa' rnams kyi spobs pa'angar 'dar po ma yin no/ / de ci'i phyir zhe na/ 'khor gyi 'jigs pa'i bag tsha ba'i phyir ro// byang chub sems dpa' rnams kyi spobs pa ni 'khrul pa ma yin no// de ci'i phyir zhe na/ blo brtan zhing mi 'gyur ba'i phyir ro// byang chub sems dpa' rnams kyi spobs pa ni mi zhan pa rnams yin no// de ci'i phyir zhe na/ 'jigs pa med pa'i phyir te/ rigs kyi bu byang chub sems dpa' ni 'khor gyi nang du phyin na mi 'jigs mi skrag ste/ seng ge ltar 'jigs pa med cing mi skrag mi dngang ba yin no// byang chub sems dpa' rnams/ kyi spobs pa yang yang po med pa yin no// de ci'i phyir zhe na/ nyon mongs pa dang bral ba'i phyir ro// rigs kyi bu nyon mongs pa dang bcas pa'i spobs pa ni yang yeng por 'gyur ba yin te/ nyon mongs pa med pa'i ni ma yin no// byang chub sems dpa' rnams kyi spobs pa ni don dang bral ba ma yin no// de ci'i phyir zhe na/ chos nyid thob pa'i phyir te// rigs kyi bu chos nyid ma thob pa rnams kyi don dang bral bar 'gyur gyi/ chos nyid thob pa rnams kyi ni ma yin no// byang chub sems dpa' rnams kyi spobs pa ni tshig 'bru dang bral ba ma
- 294a
yin no/ / de ci'i phyir zhen/ bstan bcos thams cad la 'jigs pa med pa'i phyir te/ rigs kyi bu bsnyun bcos kyi phyogs 'ga' shes pa rnams kyi na nI/ 'bru dang bral bar 'gyur gyi/ bstan bcos thams cad la mkhas pa rnams kyi ni ma yin no// byang chub sems dpa' rnams kyi spobs pa ni sbyor ba dang bral ba ma yin no// de ci'i phyir zhe na/ sbyor ba thams cad yang dag par bsgrubs pa'i phyir te/ rigs kyi bu sbyor ba la mi mkhas pa rnams kyi ni sbyor ba dang bral bar 'gyur gyi/ sbyor ba mtha' yas pa dang ldan pa rnams kyi ni ma yin no/ / byang chub sems dpa' rnams kyi spobs pa ni gang phyis smra bar bya ba de ni sngar smra ba 'am/ gang sngar smra bar bya ba de phyis smra ba lta bur dus dang bral ba ma yin no// de ci'i phyir zhe na/ byang chub sems dpa' rnams ni dus shes pa yin/ tshod shes pa yin/ dus shes pa yin no// byang chub sems dpa' rnams kyi spobs pa ni rtsub pa yid du mi 'ong/ ba mi snyan pa ma yin no// de ci'i phyir zhe na/ ngag gi gnas ngan len dang bral ba'i phyir te/ rigs kyi bu gnas ngan len dang bcas pa rnams kyi spongs pa ni rtsub pa yin gyi/ gnas ngan len dang bral ba rnams kyi ni ma yin no/ / byang chub sems dpa' rnams kyi spobs pa ni mi gsal ba ma yin te/ de ci'i phyir zhe na/ dbang po rno ba'i phyir ro// rigs kyi bu
- 294b
dbang po rtul ba rnams kyi spobs pa ni mi gsal ba yin gyi/ dbang po rnon po rnams kyi ni ma yin te/ rigs kyi bu chos bcu po de dag dang ldan na/ byang chub sems dpa' rnam par dag pa'i spobs pa can rnams yin no/ / rigs kyi bu chos bcu dang ldan na/ byang chub sems dpa' sems can thams cad mgu bar byed pa'i spobs pa can rnams yin no// bcu// gang zhe na/ 'di lta ste/ 'jam par smra ba rnams yin/ bzhin 'dzum zhing khro gnyer med pa rnams yin/ don du smra ba rnams yin/ chos su smra ba rnams yin/ mtshungs par smra ba rnams yin/ mi ngom pa rnams yin/ brnyas pa dang bral ba rnams yin/ nyon mongs par 'gyur ba med pa rnams yin/ 'khrugs pa med pa rnams yin/ spobs pa sna tshogs pa rnams yin/ rigs kyi bu byang chub sems dpa' 'jam par smra ba ni 'jam par smra ba sems can rnams mgu bar byed do// byang chub sems dpa' ni bzhin 'dzum zhing khro gnyer med pa yin te/ mdangs bzang pos sems can rnams mgu bar byed do// byang chub sems dpa' don du smra ba ni tshig ran pas sems can rnams mgu bar byed do// byang chub sems dpa' chos su smra ba ni phan par smra bas sems can rnams mgu bar byed do// byang chub sems dpa' mtshungs par smra ba ni sems can thams cad la mtshungs par
- 295a
chos ston pas sems can rnams mgu bar byed do/ / byang chub sems dpa' mi ngom pa ni nga rgyal dang / dregs pa dang / rgyags pa dang bral zhing spyod pa mtshungs pas sems can rnams mgu bar byed do/ / byang chub sems dpa' brnyas pa dang bral ba ni ri mor byas shing chos bstan pas sems can rnams mgu bar byed do// byang chub sems dpa' nyon mongs par 'gyur ba med pa ni/ ngang tshul nges pas sems can rnams mgu bar byed do// byang chub sems dpa' 'khrug pa med pa ni bzod pa mang bas sems can rnams mgu bar byed do/ / rigs kyi bu byang chub sems dpa' spobs pa sna tshogs can ni dga' ba'i tshig sems can rnams mgu bar byed do// rigs kyi bu chos bcu po de dag dang ldan na/ byang chub sems dpa' sems can thams cad mgu bar byed pa'i spobs pa can rnams yin no// rigs kyi bu chos bcu dang ldan na/ byang chub sems dpa' tshig bzung ba rnams yin no/ / bcu gang zhe na/ 'di lta ste/ byang chub sems dpa' rnams snod du ma gyur pa'i sems can rnams la chos mi ston te/ zhe 'gras pa rnams la ma yin/ klan ka tshol ba rnams la ma yin/ mu stegs can rnams la ma yin/ ri mo med pa rnams la ma yin/ ma dad pa mang ba rnams la ma yin/ g.yo dang sgyus glags pa rnams la yin/
- 295b
'tsho ba'i bsam pa can rnams la ma yin/ rnyed pa dang / bkur sti dang / phrag dog dang / ser snas glags pa rnams la ma yin/ sems can glen pa rmongs pa lug ltar lkug pa'i rang bzhin can rnams la chos mi ston to/ / rigs kyi bu de ci'i phyir zhe na/ byang chub sems dpa' rnams la chos kyi ser sna yang med/ chos la slob dpon 'chab pa yang medado/ sems can rnams la ri mor mi byed pa yang med/ sems can gyi don la rgyab kyis phyogs pa yang med mod kyi/ sems can 'di dag ni de bzhin gshegs pa'i chos 'dul ba'i snod du ma gyur pa'o zhes btang snyoms su gnas pa rnams yin no/ / byang chub sems dpa' sgrib pa thams cad rnam par sel bas gsol pa/ bcom ldan 'das 'o na sems can ci 'dra ba rnams la sangs rgyas rnams dang / byang chub sems dpa' rnams chos ston/ bcom ldan 'das kyis bka' stsal pa/ rigs kyi bu sems can dad pa rnams la/ sangs rgyas rnams dang / byang chub sems dpa' rnams chos ston to// sems can dge ba'i rtsa ba smin pa rnams dang / snod du gyur pa rnams dang / sngon gyi rgyal ba la bya ba byas pa rnams dang / g.yo med pa rnams dang / sgyu med pa rnams dang / spyod lam mi 'chos pa rnams dang / rnyed pa dang / bikur ste la chags pa dang bral ba rnams dang / bsam pa phun sum
- 296a
tshogs pa rnams dang / dge ba'i bshes gnyen gyis yongs su zin pa rnams dang / tshul bzang po dang ldan pa rnams dang / legs par ston nus pa rnams dang / dbang po rno ba gang bshad pa'i don rig par 'gyur ba de thob par bya ba'i phyir/ brtson 'grub brtsam pa de bzhin gshegs pas ji skad gsungs pa bzhin byed par 'gyur ba'i sems can de lta bu dag la/ rigs kyi bu sangs rgyas rnams dang / byang chub sems dpa' rnams chos ston to// rigs kyi bu chos bcu po de dag dang ldan na/ byang chub sems dpa' tshig gzung ba rnams yin no/ / rigs kyi bu chos bcu dang ldan na/ byang chub sems dpa' chos brjod pa rnams yin no// bcu gang zhe na/ 'di lta ste sangs rgyas kyi chos yang dag par bsgrub pa'i phyir chos ston kyang / sangs rgyas kyi chos rnams dang yang dag par bsgrub pa yang mi dmigs so// pha rol tu phyin pa yang dag par bsgrub pa'i phyir chos ston kyang pha rol tu phyin pa yang dag par bsgrub pa yang mi dmigs so/ / byang chub yang dag par bsgrub pa'i phyir chos ston kyang byang chub yang dag par bsgrub pa yang mi dmigs so// mongs pa spang ba'i phyir chos ston kyang nyon mongs pa spang ba yang mi dmigs so// skyo ba dang 'dod chags dang bral ba dang 'gog pa'i phyir chos ston kyang skyo ba dang 'dod chags dang bral ba/
- 296b
dang 'gog pa yang mi dmigs so// rgyun du zhugs pa dang / lan cig phyir 'ong ba dang / phyir mi 'ong ba'i 'bras bu thob par bya ba'i phyir chos ston kyang rgyun du zhugs pa yang mi dmigs so/ / lan cig phyir 'ong ba dang / phyir mi 'ong ba yang mi dmigs/ phyir mi 'ong ba'i 'bras bu yang mi dmigs so// dgra bcom pa'i 'bras bu thob par bya ba'i phyir chos ston kyang dgra bcom pa dang dgra bcom pa'i 'bras bu yang mi dmigs so/ / rang sangs rgyas kyi 'bras bu thob par bya ba'i phyir chos ston kyang rang sangs rgyas dang rang sangs rgyas kyi 'bras bu yang mi dmigs so/ / bdag tu 'dzin pa la mngon par zhen pa spang ba'i phyir chos ston kyang bdag tu 'dzin pa yang mi dmigs/ las kyi rnam par smin pa yang 'jog mod kyi/ las dang las kyi rnam par smin pa yang mi dmigs so/ / de ci'i phyir zhe na/ de dag 'di snyam du sems te/ chos gang ming gang gis brjod pa de ming des yod pa ma yin no// de ci'i phyir zhe na/ chos nyid ni yi ge'i rang bzhin ma yin/ yi ge rnams ni chos nyid kyi rang bzhin ma yin mod kyi/ kun rdzob kyi bden pa la brten/ tha snyad la brten/ brtags pa de la brten te/ ming med pa'i chos rnams la ming du 'jog ste/ ming de yang gsob bo// gsog go// gang gsob dang gsog de la don dam pa med do// gang la don dam pa med pade brdzun te/ slu ba'i chos so//
- 297a
gang brdzun zhing smra ba'i chos de ni byis pa'i skye bo slu ba'o// rigs kyi bu chos bcu po de dag dang ldan na/ byang chub sems dpa' chos brjod pa rnams yin no// / dkon mchog sbyin bam po lnga pa// rigs kyi bu chos bcu dang ldan na/ byang chub sems dpa' chos kyi rjes su 'brang ba rnams yin no// bcu gang zhe na/ 'di lta ste/ rigs kyi bu 'di la byang chub sems dpa' rnams chos kyi rjes su'ang 'brang la/ gzugs las kyang mi 'byung / chos kyi rjes su yang 'brang la/ tshor ba dang / 'du shes dang / 'du byed rnams dang / rnam par shes pa las kyang mi 'byung / chos kyi rjes su yang 'brang la/ 'dod pa'i khams las kyang mi 'byung / chos kyi rjes su yang 'brang la gzugs kyi khams las kyang mi 'byung / chos kyi rjes su yang 'brang la/ gzugs med pa'i khams las kyang mi 'byung / chos kyi rjes su yang 'brang la/ chos las kyang mi 'byung / chos kyi rjes su yang 'brang la/ chos las 'das par yang mi 'gyur/ chos kyi rjes su yang 'brang la/ sems can gyi phyir yang mi 'brang / chos kyi rjes su yang 'brang la/ chang par lta ba'i phyir yang mi 'brang / chos kyi rjes su yang 'brang la/ lam las kyang mi 'byung ste/ de ni thabs mkhas pa dang ldan pa'i shes rab kyi phyir ro// rigs kyi bu chos bcu po de dag dang ldanan/
- 297b
byang chub sems dpa' chos kyi rjes su 'brang ba rnams yin no// rigs kyi bu chos bcu dang ldan na/ byang chub sems dpa' chos kyi dbyings la mkhas pa rnams yin no// bcu gang zhe na/ 'di lta ste/ shes rab can rnams yin/ dge ba'i bshes gnyen gyi yongs su bzung ba rnams yin/ brtson 'grus brtsams pa rnams yin/ sgrib pa thams cad dang bral ba rnams yin/ shin tu yongs su dag pa rnams yin/ gdams ngag la ri mo dang bcas pa rnams yin/ stong pa nyid la sgom pa mang ba rnams yin/ dmigs par lta ba dang bral ba rnams yin/ lam du zhugs pa rnams yin/ de kho na mthong ba rnams yin no// rigs kyi bu byang chub sems dpa' shes rab dang ldan pa ni dge ba'i bshes gnyen tshol te/ des dge ba'i bshes gnyen mthong nas dka' zhing rangs te/ de la ston par 'du shes skyed cing de la brten te gnas so// de dge ba'i bshes gnyen la bsten pas nu// mi dge ba'i chos thams cad spang ba dang / dge ba'i chos thams cad yongs su rdzogs par bya ba'i phyir brtson 'grus brtsam pa yin no// brtson 'grus brtsams pas na sgrib pa thams cad nub par 'gyur ro/ / sgrib pa med cing lam gyi rgyun ma chad pas shin tu yongs su dag cing lus dang / ngag dang / yid kyi gnas ngan len dang bral bar 'gyur ro//
- 298a
de shin tu yongs su dag pas gdam ga la ri mo dang bcas pa yin no// de gdams ngag la ri mo dang bcas pas stong pa nyid la sgom pa mang ba yin no// stong pa nyid la sgom pa mang bas dmigs pa'i lta bar mi 'gyur ro/ / de dmigs pa'i lta ba dang bral bas lam du 'jug go// de lam du zhugs pas de kho na mthong ngo // byang chub sems dpa' sgrib pa thams cad rnam par sel bas gsol pa/ bcom ldan 'das de kho na zhes bgyi ba de ci lags/ bcom ldan 'das kyis bka' stsal pa/ rigs kyi bu 'di lta ste/ de kho na zhes bya ba 'di ni yang dag pa'i don gyi tshig bla dgas so// gsol pa/ bcom ldan 'das yang dag pa zhes bgyi ba 'di ci lags/ bcom ldan 'das kyis bka' stsal pa/ rigs kyi bu gang mi slu ba de ni yang dag pa'o// gsol pa/ bcom ldan 'das mi slu ba zhes bgyi ba 'di ci lags/ bcom ldan 'das kyis bka' stsal pa/ de ni de bzhin nyid dang / ma nor pa de bzhin nyid dang / gzhan ma yin pa de bzhin nyid do// gsol pa/ bcom ldan 'das de bzhin nyid ces bgyi ba 'di ci lags/ bcom ldan 'das kyis bka' stsal pa/ rigs kyi bu chos 'di ni so so rang gis rig pa yin/ 'di ni yi ge dag gis gdams par mi nus so// de ci'i phyir zhe na/ chos 'di ni yi ge thams cad las yang dag par 'das pa/ smra ba
- 298b
thams cad las yang dag par 'das pa/ tshig gi spyod yul thams cad las yang dag par 'das pa/ ngag gi lam thams cad las dag par 'dus pa/ spros pa thams cad dang bral ba/ blang bdang / dor ba thams cad dang bral ba/ phye ba dang btsum pa thams cad dang bral ba/ rtog ge thams cad dang bral ba/ brtag par bya ba ma yin pa/ rtog ge'i spyod pa ma yin pa/ rtog ge'i spyod yul las yang dag par 'das pa/ mtshan ma med pa mtshan ma dang bral ba/ mtshan ma'i spyod yul las yang dag par 'das pa/ byis pa'i yul las 'das pa/ byis pa'i spyod yul las yang dag par 'das pa/ bdud thams cad kyi yul las yang drag par 'das pa/ nyon mongs pa thams cad kyi spyod yul las yang dag par 'das pa/ rnam par shes pa'i spyod yul las yang dag par 'das pa/ gnas pa ma yin pa/ mi gnas pa/ zhi ba/ 'phags pa'i ye shes kyi spyod yul te/ de dag nyid kyi so so rang gis rig pa/ dri ma med pa mgos pa dang / rnam par dag pa/ gya nom pa/ mchog dam pa/ phul rtag pa dang brtan pa/ ther zug mi 'jig pa'i chos can yin te/ de bzhin gshegs pa rnams byung yang rung / ma byung yang rung / chos kyi dbyings 'di ni 'dug pa kho na'o// rigs kyi bu 'di ltar byang chub sems dpa' chos nyid thos nas/ sems can dag
- 299a
kyang chos nyid 'di kho na la rab tu dgod do snyam ste/ don gang gi phyir 'bad cing rtsol ba dang / brtson 'grus rtsom pa dang / dka' ba brgya dag byed pa/ rigs kyi bu/ de ni de bzhin nyid ces bya'o// yang dag pa'i mtha' zhes bya'o// thams cad mkhyen pa nyid ces bya'o// rnam pa thams cad mkhyen pa nyid ces bya'o// bsam gyis mi khyab pa'i dbyings zhes bya'o/ / gnyis su med pa'i dbyings zhes bya'o// byang chub sems dpa' sgrib pa thams cad rnam par sel bas gsol pa/ bcom ldan 'das chos 'di ji ltar mngon du bgyi/ ji ltar khong du chud par bgyi/ bcom ldan 'das kyis bka' stsal pa/ rigs kyi bu 'jig rten las 'das pa'i shes rab kyis mngon du bya'o// rang gis rig par khong du chud par bya'o/ / byang chub sems dpa' sgrib pa thams cad rnam par sel bas gsol pa/ bcom ldan 'das gang shes rab kyis mngon du bgyi ba de/ rang gis rig pa khong du chud pa nyid ma lags sam/ bcom ldan 'das kyis bka' stsal pa/ rigs kyi bu ma yin no// de ci'i phyir zhe na/ shes rab kyis ni chos rnams yang dag pa ji lta ba bzhin du mthong ngo / / lus kyis ni mngon du byed do// byang chub sems dpa' sgrib pa thams cad rnam par sel bas gsol pa/ bcom ldan 'das rigs kyi bu gang dag
- 299b
gis thos pa las byung ba 'am/ bsam pa las byung ba'i shes pas khong du chud bar gyur pa de rang gis rig pa ma lags sam/ bcom ldan 'das kyis bka' stsal ba/ rigs kyis ma yin te/ thos pa tsam mam/ bsam pa tsam gyis ni rang gis rig pa'i chos khong du chud par mi nus so// rigs kyi bu de lta bas na dpe nyon cig/ rigs kyi bu 'di lta ste/ dper na 'brog chen por sos ka'i zla ba tha la mi la la zhig shar phyogs nas nub phyogs su 'gro la/ de nas mi gzhan zhig nub phyogs nas shar phyogs su 'ong ste/ de yang sos ka'i tsha bas yongs su gdungs par gyur nas skom gyis nyen pa de/ shar phyogs nas 'ong ba'i mi de la 'di skad ces smras pa/ kye skyes bu kho bo sos ka'i tsha bas yongs su gdungs te skom gyis nyen na/ gang na mtsho'am/ lteng ka 'am/ rdzing gang chub sil ba dang rnyog pa med pa gsal bas gang ba yod de/ gang du bdag tsha ba dang skom pa rab tu zhi bar 'gyur ba'i lam bdag la ston cig ces zer la/ shar phyogs nas 'ongs pa'i mi de yang lam shes pa/ lam la mkhas pa/ lam mthong ba/ lam gyi mtshan ma mthong ba zhig yin te/ des na chu'i zhes pa dang bral ba'i chu sngan chad mthong la/ sngon myangs shing sngon yang zhugs pa yin te/ des mi de la 'di skad du kye grogs po lam 'di nas la ma kha brag
- 300a
mthong gi bar du song la kye skye bu khyod kyis g.yon gyi lam bor te/ g.yas kyi lam nas nags tshal sngon po dang nags tshal de'i dbus na/ mtsho 'am/ lteng ka 'a rdzing chu bsil zhing dang brnyog pa med pa gsal bas gang ba mthong gi bar du song la/ der skyes bu khyod sgom pa dang / tsha ba med par byos shig ces zer na/ rigs kyi bu khyod ji snyam du sems/ sos ka'i tsha bas yongs su gdungs te/ skom gyis nyen pa'i mi nges/ chu thos ma thag dang / bsams pa tsam gyis tsha ba med par 'gyur ram/ skom pa dang bral bar 'gyur ram/ chu de'i bsil ba yang rang gis rig par 'gyur ram/ gsol pa/ bcom ldan 'das ma lags so// bcom ldan 'das mi de nam der phyin nas/ nges chu der zhugs te 'tshal bar gyur pa de'i tshe/ mi de tsha ba ma mchis par 'gyur ro// skom pa dang yang bral bar 'gyur ro// des bsil ba yang rang gis rig par 'gyur ro// bcom ldan 'das kyis bka' stsal pa/ de bzhin du rigs kyi bu thos pa tsam dang / bsams pa tsam gyis rang gis rig pa'i chos khong du chud par mi nus so// de la rigs kyi bu 'brog ces bya ba de ni 'khor ba'i 'brog gi tshig bla dgas so// mi sos ka'i tshabs yongs su gdungs shing skom gyis nyen pa zhes bya ba de ni nyon mongs pa'i gdung bas yongs su gdungs shing / yul gyi sred pas nyen pa'i sems can rnams kyi tshig bla
- 300b
dgas so/ / lam shes pa'i mi zhes bya ba 'di ni byang chub sems dpa' thams cad mkhyen pa nyid kyi lam lam bas pa chos myong ba chos rang gis rig pa rnams kyi tshig bla dgas so// chubs zhing dang la rnyog pa med pa/ gsal ba zhes bya ba 'di ni don dam pa'i chos nyid kyi tshig bla dgas so// yang rigs kyi bu dpe nyon cig/ rigs kyi bu de ji snyam du sems/ gal te de bzhin gshegs pa tshe'i tshad bskal par bzhugs te/ 'dzam bu'i gling gi mi rnams kyi mdun du 'di lta ste/ lha'i bdud rtsi dri zhim pa dang / gtsang ba dang / gya nom pa dang / shin tu zhim pa ba reg na bde ba las brtsams te bsngags par brjod na rigs kyi bu de ji snyam du sems/ TI sems can de dag gis lha'i bdud rtsi de'i bsngags par rang gis rig par 'gyur ram/ gsol pa/ bcom ldan 'das ma lags so/ / bcom ldan 'das kyis bka' sngal pa/ rigs kyi bu de bas na khyod kyis rnam grangs 'dis ji ltar thos pa tsam mam/ bsams pa tsam gyis rang gis rig pa'i chos khong du chud par mi nus par rig par bya'o/ / rigs kyi bu yang dpe nyon cig/ rigs kyi bu 'di lta ste/ dper na mi zhig shing thog gi rnam par sngon sems can sus kyang ma myangs pa zhig myang par gyur la/ des mi gzhan zhig gi mdun du shing thog gi rnam pa de'i bsngags pa 'di lta ste/ kha dog phun sum tshogs pa dang / ro phun sum tshogs pa dang / dri zhim pa las brtsam
- 301a
te brjod na rigs kyi bu de ji snyam du sems/ ci mi nges shing thog gi ro de rang gis rig par 'gyur ram/ gsol pa/ bcom ldan 'das ma lags so// bcom ldan 'das kyis bka' stsal pa/ rigs kyi bu de lta bas na khyod kyis rnam grangs 'dis ji ltar thos pa tsam mam/ bsams pa tsam gyis so so rang gis rig pa'i chos khong du chud par mi nus par rig par bya'o/ / de nas byang chub sems dpa' sgrib pa thams cad rnam par sel bas gsol pa/ bcom ldan 'das legs par gsungs so// bde bar gshegs pa shin tu leg par gsungs so/ / bcom ldan 'das chos kyi tshul 'di su dag gi rnar thos par 'gyur ba'i rigs kyi bu de dag gi chos 'di khong du chud pa nyid du rig par bgyi'o// de ci'i slad du zhe na/ bcom ldan 'das rigs kyi bu de dag gi chos 'di thob par bgyi ba la 'di nyid ma log pa'i rgyur 'gyur ro// bcom ldan 'das kyis bka' stsal pa/ rigs kyi bu de de bzhin no// de de bzhin te/ rigs kyi bu de dag gis chos 'di thob par bya ba la 'di nyid ma log pa'i rgyur 'gyur ro// rigs kyi bu chos bcu po de dag dang ldan na/ byang chub sems dpa' chos kyi dbyings la mkhas pa rnams yin no/ / rigs kyi bu chos bcu dang ldan na/ byang chub sems dpa' stong pa nyid spyod yul ba rnams yin no// bcu gang zhe na/ 'di lta ste/ stobs
- 301b
kyi stong pa nyid kyang rab tu shes/ mi 'jigs pa'i stong pa nyid kyang rab tu shes/ sangs rgyas kyi chos ma 'dres pa'i stong pa nyid kyang rab tu shes/ tshul khrims kyi phung po'i stong pa nyid kyang rab tu shes/ ting nge 'dzin gyi phung po'i stong pa nyid kyang rab tu shes/ shes rab kyi phung po'i stong pa nyid kyang rab tu shes/ rnam par grol ba'i phung po'i stong pa nyid kyang rab tu shes/ rnam par grol ba'i ye shes mthong ba'i phung po'i stong pa nyid kyang rab tu shes/ stong pa'i stong pa nyid kyang rab tu shes/ don dam pa'i stong pa nyid kyang rab tu shes te/ de'i rgyu dang / de'i rkyen de dang / gzhi des stong pa nyid du dmigs pa dang / stong pa nyid du 'dzin pa dang / stong pa nyid du lta ba dang / stong pa nyidi la gnas pa'ang mi dmigs/ rgyu de dang / rkyen de dang / gzhi nges med par yang mi lhung ngo / / rigs kyi bu chos bcu po de dag dang ldan na/ byang chub sems dpa' stong pa nyid spyod yul ba rnams yin no// rigs kyi bu chos bcu dang ldan na byang chub sems dpa' mtshan ma med pa la gnas pa rnams yin no/ / bcu gang zhe na/ 'di lta ste/ phyi rol gyi mtshan ma dang bral ba rnams yin/ nang gi mtshan ma dang bral ba rnams yin/ / spros pa thams cad dang bral ba rnams yin/ rnam par rtog pa thams cad dang bral ba rnams yin/ dmigs pa thams cad dang bral ba rnams yin/ g.yo ba thams cad dang
- 302a
bral ba rnams yin/ smra ba thams cad dang bral ba rnams yin/ dmigs par bya ba thams cad dang bral ba rnams yin/ rnam par shes pa mi dmigs pa rnams yin/ rnam par byang bar bya ba'i dngos po mi dmigs pa rnams yin no// rigs kyi bu chos bcu po de dag dang ldan na/ byang chub sems dpa' mtshan ma med pa la gnas pa rnams yin no// de nas bcom ldan 'das la/ byang chub sems dpa' sgrib pa thams cad rnam par sel bas 'di skad ces gsol to// bcom ldan 'das byang chub sems dpa' rnams kyi mtshan ma ma mchis pa la gnas pa yang de 'dra na/ de bzhin gshegs pa rnams kyi ci 'dra bar blta bar bgyi/ bcom ldan 'das kyis bka' stsal pa/ rigs kyi bu gnas 'di ni bsam gyi mi khyab bo// / de ci'i phyir zhe na/ bsam pa'i yul dang bral ba'i phyir te/ rigs kyi bu de bzhin gshegs pa'i chos nyid rjes su bsam pa na/ sems can thams cad mos par 'gyur gyi/ de bzhin gshegs pa'i chos nyid kyi pha rol lam tshu rol mthong bar mi 'gyur/ mi dmigs te/ tha mar na dub pa'i skal ba can du 'gyur ro// de ci'i phyir zhe na/ rigs kyi bu de bzhin gshegs pa ni zab cing gting dpag dka' la bsam gyis mi khyab pa/ dpag tu med pa/ rgya che ba/ nam mkha' dang 'dra ba/ rtog ge ba thams cad kyi yul las 'das pa/ dmigs pa can
- 302b
thams cad kyi yul las 'das pa ste/ de ni brtag pa'am/ bsam pa 'am/ gzhal ba 'am/ tshad gzung bar mi nus so// byang chub sems dpa' sgrib pa thams cad rnam par sel bas gsol pa/ gal te zhus nas zhu ba lung bstan pa'i slad du/ bcom ldan 'das kyis bdag la skabs phye na/ bdag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la phyogs 'ga' zhig zhu'o/ / bcom ldan 'das kyis bka' stsal pa/ rigs kyi bu khyod la de bzhin gshegs pas rtag tu skabs phyes khyod kyis dris shig/ byang chub sems dpa' sgrib pa thams cad rnam par sel bas gsol pa/ bdag stod na ni bcom ldan 'das skyes bu dam pa ma lags pa'i chos su gsungs na de ji ltar chos kyi rje bcom ldan 'das nyid bdag la bstod pa mdzad/ bcom ldan 'das kyis bka' stsal pa/ rigs kyi bu legs so legs so// khyod kyis dri ba tshul bzhin du dris so// rigs kyi bu de'i phyir legs par rab tu nyon la yid la zung zhig dang ngas khyod la bshad do/ / bcom ldan 'das legs so zhes byang chub sems dpa' sgrib pa thams cad rnam par sel ba bcom ldan 'das kyi ltar nyan pa dang / bcom ldan 'das kyis 'di skad ces bka' stsal to/ / rigs kyi bu de bzhin gshegs pa ni sems can 'di dag la ci nas kyang phan pa dang / bde ba dang / chos nyid thob par bya ba'i phyir bdag spong
- 303a
pa ma gtogs par/ nga rgyal gyi zil gyis non pa dang / rnyed pa'i zil gyis non pa dang / bkur sti'i zil gyis non pa dang / grags pa 'dod pa dang / shes kyi khe 'dod pa'i phyir tshul 'chos pa'am/ kha gsag med cing yang dag pa ma yin par bdag stod pa ma yin no// de ci'i phyir zhe na/ sems can 'di dag ni de bzhin gshegs pa la dga' ba dang / dad pa dang / rangs pa nye bar bzhag pas chos bstan pa skal ba yod par 'gyur/ dge ba'i chos rnams kyi snod du 'gyur te/ de yang de dag la yun ring por don dang / phan pa dang / bde bar 'gyur ro// byang chub sems dpa' sgrib pa thams cad rnam par sel bas gsol pa/ bcom ldan 'das ci lags/ sems can 'di dag de bzhin gshegs pa'i mthu ma 'tshal tam/ bcom ldan 'das kyis bka' stsal pa/ rigs kyi bu mi shes so// de ci'i phyir zhe na/ rigs kyi bu sangs rgyas kyi zhing 'di'i sems can rnams ni rgya chung ngu la mos pa/ dman tshegs la mos pa/ shes rab chung ba/ dad pa chung ba/ dge ba'i rtsa ba chung ngus brtan pa dag ste/ de dag gis de bzhin gshegs pa'i yon tan gyi che ba mi shes pas/ de bzhin gshegs pa bdag gi yon tan gyi bsngags pa brjod pa mdzad de/ de'ang nan gyis sgrub bo// rigs kyi bu 'di lta ste/ dper na sman pa mkhas pa zhig yod la/ sems can rnams kyang nad kyis nyen par gyur/ sa'i
- 303b
phyogs de na'ang sman pa de gcig pur zad de/ gnyis su med la/ de'i yon tan gyi che ba sus kyang mi shes pa dang / de nas sman pa de 'di snyam du sems te/ kye ma'o sems can 'di dag/ ni sdug bsngal ba/ nad kyi nyen pa/ sman la mi mkhas pa gnod pa la sten pa yin gyis/ bdag gis de dag gso bar bya'o snyam nas/ sman pa des sems can de dag gi mdun du/ kye sems can dag bdag ni sman pa ste nad la mkhas pa'o/ / nad kyi gzhi la mkhas pa'o// sman la mkhas pa'o zhes bdag gi yon tan gyi bsngags pa bdag nyid kyis brjod pa dang / sems can de dag 'di ni sman pa'o zhes bya bar shes shing / yid ches par gyur nas sman pa de la rten to// de nas sman pa de sems can de dag gso zhing nad de zhi bar byed na/ rigs kyi bu de ji snyam du sems/ sman pa de bdag la stod par 'gyur ram/ gsol pa/ bcom ldan 'das ma lags so// bcom ldan 'das kyis bka' stsal pa/ rigs kyi bu de bzhin gshegs pa yang sman pa'i rgyal po chen po bla na med pa ste/ nyon mongs pa'i nad la mkhas pa/ nyon mongs pa'i nad kyi gzhi la mkhas pa/ nyon mongs pa'i nad gso' la mkhas pachos kyi sman pa chen po stobs pa yin kyang / nyon mongs pa'i nad kyis na bar gyur pa'i sems can rnams kyis mi shes te/ nyon mongs pa'i nad kyis nad par gyur pa'i sems
- 304a
can rnams gzigs nas/ de dag gi mdun du bdag gi yon tan dang bsngags pa bdag nyid brjod de/ de nas nyon mongs pa'i nad kyis nad par 'gyur ba'i sems can de dag gis de bzhin gshegs pa'i yon tan gyi bsngags pa'i che ba thos nas yid ches par gyur pa dang / de bzhin gshegs pa la rten to// de nas de dag la de bzhin gshegs pa sman gyi rgyal po chen pos chos kyi sman de dag gis nyon mongs pa'i nad rab tu zhi bar mdzad de/ chos kyi sman chen po de dag kyang gang zhe na/ 'di lta ste/ mi sdug pa dang / byams pa dang / rten cing 'brel par 'byung la sogs pa ste/ rigs kyi bu de bzhin gshegs pa ni don gyi dbang 'di gzigs nas/ bdag la bdag nyid stong pa mdzad do// rigs kyi bu chos bcu dang ldan na/ byang chub sems dpa' rnams smon lam thams cad la gnas pa dang bral ba yin no// bcu gang zhe na/ 'di lta ste/ sbyin pa la smon kyang sbyin pa la gnas pa rnams yin/ de bzhin du tshul khrims dang / bzod pa dang / brtson 'grus dang / bsam gtan dang / shes rab dang / khams gsum pa dang / byang chub dang / lam dang / mya ngan las 'das pa la smon kyang mya ngan las 'das pa la mi gnas pa rnams yin te/ rigs kyi bu de ci'i phyir zhe na/ byang chub sems dpa' ni gnas thams cad dang bral ba ste/ mi gnas par
- 304b
'jig rten thams cad du rnam par spyod do/ / rigs kyi bu chos bcu po de dag dang ldan na/ byang chub sems dpa' smon lam thams cad la gnas pa dang bral ba rnams yin no// rigs kyi bu chos bcu dang ldan na/ byang chub sems dpa' byams pa'i bdag nyid can yin no// bcu gang zhe na/ 'di lta ste/ nyi tshe ba med pa'i byams pa dang ldan pa rnams yin/ tha dad pa med pa'i byams pa dang ldan pa rnams yin/ chos kyi byams pa dang ldan pa rnams yin/ nges par rtog pa'i byams pa dang ldan pa rnams yin/ gnod pa med pa'i byams pa dang ldan pa rnams yin/ phan pa'i byams pa dang ldan pa rnams yin/ sems can thams cad la snyoms pa'i byams pa dang ldan pa rnams yin/ gnod sems med pa'i byams pa dang / ldan pa rnams yin/ phyogs bcu kun tu khyab pa'i byams pa dang ldan pa rnams yin/ 'jig rten las 'das pa'i byams pa dang ldan pa rnams yin te/ rigs kyi bu chos bcu po de dag dang ldan na/ byang chub sems dpa' byams pa'i bdag nyid can rnams yin no// rigs kyi bu chos bcu dang ldan na/ byang chub sems dpa' snying rje'i bdag nyid can rnams yin no/ / bcu gang zhe na/ 'di lta ste/ sems can sdug bsngal ba dang / skyabs med pa dang / mgon med pa dang / rten meng pa dang / dpung gnyen med pa dag mthong na//
- 305a
byang chub tu sems bskyed do// byang chub tu sems bskyed/ chos nyid thob par bya ba'i phyir 'bad rtsol/ brtson 'grus rtsom ste/ dka' bar spyod pa brgya dag kyang byed do/ / de dag chos thob nas sems can rnams la phan par byed do// 'di lta ste/ sems can ser sna can rnams sbyin pa la gzhog par byed/ tshul khrims ngan pa can rnams tshul khrims la/ gnod sems can rnams bzod pa la/ le lo can rnams brtson 'grus la/ sems 'khrug pa rnams bsam gtan la/ sems can shes rab 'chal pa rnams mthong nas/ shes rab la gzhol bar byed kyang / sems can gyi sdug bsngal mi bzad pa/ rtsub pa/ tsha ba dag gis nyen cing / byang chub las phyir ldog par mi 'gyur ro// rigs kyi bu chos bcu po de dag dang / ldan na/ byang chub sems dpa' snying rje'i bdag nyid can rnams yin no// rigs kyi bu chos bcu dang ldan na/ byang chub sems dpa' dga' ba la gnas pa rnams yin no// bcu gang zhe na/ 'di lta ste/ bdag ni 'khor ba'i btson ra rab tu 'bar ba nas byung ba'o zhes rab tu dga' ba skyed do// bdag gis 'khor ba'i dpyang thag yun ring po nas thogs pa chod do zhes dga' ba skyed do/ / bdag ni rnam par rtog pa sna tshogs mang po'i chu srin gyis dkrug pa'i 'khor ba'i rgya mtsho las brgal to zhes rab tu dga' ba skyed do// bdag gis yun ring po nas bsgreng ba'i nga
- 305b
rgyal gyi rgyal mtshan bskal lo zhes rab tu dga' bskyed do/ / bdag gis nyon mongs pa'i ri rnams ye shes kyi rdo rjes bcom ste/ ji ltar rdul kyang mi snang ba de ltar bcom mo zhes rab tu dga' ba skyed do/ / bdag nyid ni dbugs phyin pa yin gyis/ da ni gzhan yang dbugs dbyung bar bya'o zhes rab tu dga' ba skyed do// bdag nyid ni 'jig rten gnas pa yun ring po nas gnyi la sred pa'i snyom pas yongs su zin pa gti mug gis yongs su bsgribs pa'i nang nas sad pa yin gyi/ da ni gzhan yang rnam par sad par bya'o zhes rab tu dga' ba skyed do// bdag nyid ni ngan 'gro dang / dran song dang / log par ltung ba thams cad las rnam par grol ba yin gyis/ da ni gzhan yang ngan song dang / ngan 'gro dang / log par lhung ba thams cad las rnam par grol bar bya'o zhes rab tu dga' ba skyed do/ / bdag 'khor ba'i 'brog dgon par yun ring po nas 'khyam ste/ grogs med cing gnyis su med par yang yang 'khyam zhing / lam la mkhas pa/ lam mi shes shing yul mi shes pas lam stor ba rnyed do zhes rab tu dga' ba skyed do// bdag ni thams cad mkhyen pa'i grong khyer dang nye bar gyur to zhes rab tu dga' ba skyed do/ / rigs kyi bu chos bcu po de dag dang ldan na/ byang chub sems dpa' dga' ba la gnas pa rnams yin no// rigs kyi bu chos bcu dang
- 306a
ldan na/ byang chub sems dpa' btang snyoms la gnas pa rnams yin no// bcu gang zhe na/ 'di lta ste/ mig gis rnam par shes par bya ba'i gzugs rnams la btang snyoms su gnas pa rnams yin te/ mig gis rnam par shes par bya ba'i gzugs rnams kyis smras par mi 'gyur/ gnod par mi 'gyur/ rma byung bar mi 'gyur ba rnams dang / de bzhin du rna bas rnam par shes par bya ba'i sgra rnams dang / snas rnam par shes par bya ba'i dri rnams dang / lces rnam par shes par bya ba'i ro rnams dang / lus kyis rnam par shes par bya ba'i reg bya rnams dang / yid kyis rnam par shes par bya ba'i chos rnams la btang snyoms su gnas pa rnams yin te/ yid kyis rnam par shes par bya ba'i chos rnams kyis smas par mi 'gyur/ gnod par mi 'gyur/ rma byung bar mi 'gyur ro// 'du byed kyi sdug bsngal dang / sdug bsngal gyi sdug bsngal dang / 'gyur ba'i sdug bsngal la btang snyoms su gnas pa rnams yin te/ 'du byed kyi sdug bsngal dang / sdug bsngal gyi sdug bsngal dang / 'gyur ba'i sdug bsngal gyis smras par mi 'gyur/ gnod par mi 'gyur/ rma byung bar mi 'gyur ro// bya ba byas pa'i sems can rnams la btang snyoms su gnas pa rnams yin te/ de dag la dga' ba dang / dad pa dang / rangs pa skyed cing de dag 'di
- 306b
snyam du sems te/ gang bdag gis bsgral bar bya ba de dag nyid brgal bar gyur te zhes btang snyoms su gnas pa rnams yin no// rigs kyi bu chos bcu po de dag dang ldan na/ byang chub sems dpa' btang snyoms la gnas pa rnams yin no// rigs kyi bu chos bcu dang ldan na/ byang chub sems dpa' mngon par shes pas rnam par rol bcu gang zhe na/ 'di lta ste/ shi 'pho 'ang ston/ skye ba'ang ston/ btsas pa dang / byis pa'i spyod pa dang / slas kyi nang na rtse ba'i ston/ mngon par byung ba yang ston/ dka' ba spyod pa'ang ston/ byang chub kyi snying por 'gro ba'ang ston/ bdud 'dul ba'ang ston/ mngon par rdzogs par 'tshang rgya ba'ang ston/ chos kyi 'khor lo skor ba'ang ston/ yongs su mya ngan las 'das pa chen po'ang ston to/ / de nas bcom ldan 'das la/ byang chub sems dpa' sgrib pa thams cad rnam par sel bas 'di skad ces gsol to// bcom ldan 'das rgyu gang dang rkyen gang gis byang chub sems dpa' dga' ldan gyi pho brang dam pa nas/ shi 'pho ston pa nas/ yongs su mya ngan las 'das pa chen po'i bar du ston pa 'gas/ bcom ldan 'das kyis bka' stsal pa/ rigs kyi bu dga' ldan gyi pho brang dam pa nas/ sems can gang dag rtag par 'du shes pa yod pa de dag gis/ byang chub sems dpa' 'jig rten thams cad las khyang zhugs pa/
- 307a
'jig rten thams cad las mngon par 'phags pa/ 'jig rten kun gyi phul du byung ba mi nyams pa/ 'dod pa'i yon tan rnams kyis ma gos ma chags pa/ shi 'pho bar mthong na rtag pa'i 'du shes ldog cing mi rtag pa'i 'du shes 'byung ste/ mi rtag pa'i 'du shes la gnas pas bag yod pa la gnas par 'gyur ro// rigs kyi bu dga' ldan gyi pho brang dam pan sems can gang dag bag med par spyod pa yod pa de dag byang chub sems dpa' la dga' ba yod/ dad pa yod/ rang ba yod kyang yul la mngon par zhen pas/ byang chub sems dpa'i drung du mi 'dod/ mi sten/ bsnyen bkur mi byed cing / de dag 'di snyam du sems te/ byang chub sems dpa' yang bzhugs la/ bdag cag kyang 'khod de dus kyang ring du yod kyis 'dong bar bya'o snyam du sems pa/ de dag gi bag med pa zlog pa'i phyir/ byang chub sems dpa' 'chi 'pho ston te/ de dag gis byang chub sems dpa' shi 'pho mthong nas/ skyo ba la gnas par 'gyur zhing / de dag skyo bar gyur nas bag med pa mi byed de/ bag yod pas bla na med pa yang dag par rdzogs pa'i byang chub nges par 'gyur ro// rigs kyi bu sems can gang dag skye bas 'dul ba yod pa de dag gis byang chub sems dpa' ma'i mngal na 'dug pa'i mthu mthong na/ ngo mtshar rmad du byung bar 'gyur ste/ de dag ci nas kyang bla na med pa yang dag par rdzogs pa'i byang chub tu nges par 'gyur/
- 307b
ba de lta de ltar byang chub sems dpa' ma'i mngal na 'dug bzhin du chos ston to// rigs kyi bu sems can gang dag byang chub sems dpa' btsas pa dang / byis pa'i spyod pa dang / slas kyi nang na 'dug pas yongs su smin par bya ba yod pa de dag yongs su smin par bya ba dang / dman pa la mos pa'i sems can rnams bsrung ba'i phyir/ byang chub sems dpa' btsas pa dang / byis pa'i spyod pa dang / slas kyi nang na 'dug pa ston to// rigs kyi bu sems can gang dag byang chub sems dpa' mngon par 'byung ba dang / rab tu 'byung bas yongs su smin par bya ba yod pa de dag yongs su smin par bya ba'i phyir/ byang chub sems dpa' mngon par 'byung ba ston cing rab tu 'byung ngo // rigs kyi bu sems can gang dag lha dang / klu dang / gnod sbyin dang / dri za dang / lha ma yin la sogs pa spyod pa dman pa la mos pa/ byang chub sems dpa' dka' ba'i spyod pas yongs su smin par bya ba yod pa de dag yod pa de dag yongs su smin par bya ba dang / mu stegs can gzhin tshar gcad pa'i phyir/ byang chub sems dpa' dka' ba spyod pa ston to// rigs kyi bu sems can gang dag gis yun ring po nas bdag cag gis byang chub sems dpa' byang chub kyi snying por 'gro ba'i tshe/ mchod pa'i las la brtson par bya'o zhes smon lam btab pa yod pa de dag la/ byang chub sems dpa' byang chub kyi snying por 'gro ba ston la/ de dag kyang byang chub sems dpa'
- 308a
'gro ba la so so'i tshul bzhin du mchod pa byed do/ / de dag gis byang chub sems dpa' la mchod pa byas pas/ bla na med pa yang dag par rdzogs pa'i byang chub tu nges par 'gyur ro/ / rigs kyi bu sems can gang dag nga rgyal dang / rgyags pa dang / dregs pas rlom pa yod de/ de dag de las bzlog pa'i phyir byang chub sems dpa' byang chub kyi snying po la 'dug cing / bdud btul ba ston to// sems can gang zhi ba la gnas pa de dag las gong du khyad par thob par bya ba'i phyir byang chub sems dpa' mngon par rdzogs par 'tshang rgya ba ston to/ / gang gi tshe byang chub sems dpa' mngon par rdzogs par 'tshang rgya ba de'i tshe/ stong gsum gyi stong chen po'i 'jig rten gyi khams na sgra sna tshogs dang / ca co sna tshogs gang yod pa de dag thams cad med cing stong gsum gyi stong chen po'i 'jig rten gyi khams kyang zhi bar 'gyur te/ de dag gis mthu de mthong nas bdag cag kyang de ltar byang chub kyi snying po la 'khod do// bla na med pa yang dag par rdzogs pa'i byang chub mngon par rdzogs par 'tshang rgya bar bya'o zhes smon lam 'debs so/ / rigs kyi bu sems can gang ston par bkur ba dang / ston par khas 'che la/ de dag gis 'byung ba dang / phyi ma'i chos mngon par rdzogs par sangs ma rgyas pa yod pa de dag tshar gcod pa dang / sems can dge ba'i rtsa ba yongs su smin cing snod du gyur pa rnams
- 308b
la lam bstan pa'i phyir byang chub sems dpa' byang chub tu mngon par rdzogs par sangs rgyas pa/ ka shi ka'i grong rdal du song nas lan gsum du bzlas te rnam pa bcu gnyis pa'i chos kyi 'khor le skor ro/ / rigs kyi bu sems can gang dag yongs su mya ngan las 'das pas 'dul ba yod de/ de dag 'dul ba'i phyir byang chub sems dpa' yongs su mya ngan las 'das pa ston te/ rigs kyi bu 'di ni rgyu/ 'di ni rkyen te/ des byang chub sems dpa' dga' ldan gyi pho brang dam pa nas/ shi 'pho ston cing yongs su mya ngan las 'das pa chen po'i bar du ston to// rigs kyi bu chos bcu po de dag dang ldan na/ byang chub sems dpa' mngon par shes pas rnam pa rol pa rnams yin no// rigs kyi bu chos bcu dang ldan na/ byang chub sems dpa' mi khom pa brgyad rnam par spangs pa rnams yin no/ / bcu gang zhe na/ 'di lta ste/ mi dge ba'i chos las phyir ldog pa rnams yin/ de bzhin gshegs pas bslab pa bcas pa las mi 'da' ba rnams yin/ ser sna dang bral ba rnams yin/ sngon gyi rgyal ba la bya ba byas pa rnams yin/ bsod nams bya ba la brtson pa rnams yin/ shes rab phun sum tshogs pa rnams yin/ thabs la mkhas pa rnams yin/ smon lam phun sum tshogs pa rnams yin/ skyo ba mang ba rnams yin/ brtson 'grus brtsams pa rnams yin no// rigs kyi bu byang chub
- 309a
sems dpa' ni mi dge ba'i las mngon par 'du bya ba gang gis sems can dmyal ba dag tu skye zhing / de dag tu skyes nas kyang / tshor ba mi bzad pa/ rtsub pa/ tsha ba/ yid du mi 'ong ba myong bar 'gyur ba'am/ yun ring por gnas par 'gyur ba 'am/ sems can dmyal ba'i sems can de dag la gnos pa'i sems skyed par 'gyur ba de lta bur mi 'gyur/ gyi/ byang chub sems dpa' ni rang bzhin gyis dge ba bcu'i las kyi lam dang ldan pa yin te/ de ltar na de na sems can dmyal bar skye bar mi 'gyur ro// rigs kyi bu byang chub sems dpa' ni de bzhin gshegs pas bslab pa bcas pa las mi 'da' ba gang gis dud 'gro'i nang du skye bar 'gyur ba'am/ de dag tu skyes nas kyang dud 'gro'i sdug bsngal mi bzad pa myong bar 'gyur ba med do/ / rigs kyi bu byang chub sems dpa' ni gang ser sna 'gyur ba rgyu de dang / rkyen de dang / gzhi des yi dgas kyi nang du skye zhing / de dag tu skyes nas kyang yi dgas kyi sdug bsngal mi bzad pa rtsub pa myong bar 'gyur ba med/ byang chub sems dpa' ni gang du skyes pas dge ba'i bshes gnyen dang 'grogs pa thob pa'i rkyen dang bral bar 'gyur ba'i log par lta ba'i rigs su mi skye'o/ / de ci'i phyir zhe na/ byang chub sems dpa' rnams ni sngon spyad pa ste/ sngon gyi rgyal ba la bya ba byas pa yin pas de dag yang dag par lta ba'i rig su skye ba
- 309b
yin te/ de dag tu skyes nas kyang rkyen phun sum tshogs par 'gyur zhing / rkyen de dag de bas kyang 'phel ba dang / rgyas pa dang / rangs par 'gyur ro// byang chub sems dpa' ni dbang po ma tshang ba'i rnam pa gang gis sangs rgyas kyi chos rnams kyi snod du mi rung bar 'gyur bar dbang po dang mi ldan par 'gyur ba ma yin gyi/ byang chub sems dpa' ni bsod nams bya ba la brtson zhing bsod nams kyis brtan pa yin te/ de bzhin gshegs pa'i mchod rten nam/ chos sam/ dge 'dun la bya ba gang byas shing bsnyen pa dang / bsten pa dang / bsgoms pa dang / mang du byas pas/ dbang po phun sum tshogs par 'gyur ba'i bya ba de dang de dag byed cing / dbang po phun sum tshogs pas sangs rgyas kyi chos rnams kyi snod du 'gyur ba yin no/ / byang chub sems dpa' rnams mtha' 'khob kyi yul gang na sems can blun po rmongs pa lug ltar lkugs pa'i ngang tshul can/ skal ba med pa/ legs par bshad pa dang nyes par bshad pa'i don shes par bya ba'i mthu med pa/ sangs rgyas kyi chos rnams kyi snod du ma gyur pa/ mar mi 'dzin pa/ phar mi 'dzin pa/ dge sbyong du mi 'dzin pa/ bram zer mi 'dzin padag gi nang du mi skye'o/ / byang chub sems dpa' ni dbus kyi yul gang na sems can dbang po rno ba/ dbang po gsal ba/ mkhas pa mkhas par bkur ba/ skal ba yod pa/ leg
- 310a
par bshad pa dang nyes par bshad pa'i don yongs su shes par bya ba'i mthu yod cing / sangs rgyas kyi chos rnams kyi snod du gyur pa/ mar 'dzin pa/ phar 'an pa dge sbyong du 'dzin pa/ bram zer 'dzin pa dag gi nang du skye'o// de ci'i phyir zhe na/ sngon gyi shes rab dang ye shes kyi stobs kyi mthu dang ldan pa'i phyir ro// byang chub sems dpa' rnams ni gang na gnas pas sangs rgyas skyes pa du ma 'bras bu med par 'gyur ba dang / sems can gyi don 'grib par 'gyur ba lha tshe ring po'i nang du mi skye'o// byang chub sems dpa' rnams ni 'dod pa'i khams nyid du gang na sems can gdul bar bya ba dang / sangs rgyas skyes pa mnyes par byar yod pa skye'o// de ci'i phyir zhe na/ de ni thabs la mkhas pa'i phyir ro// byang chub sems dpa' rnams ni gang na sangs rgyas mi bzhugs pa dang / chos mi thos pa dang / dge 'dun la bsnyen bkur byar med pa'i sangs rgyas kyi zhing stong pa dag tu mi skye'o// byang chub sems dpa' rnams ni// dkon mchog gsum phun sum tshogs pa'i sangs rgyas kyi zhing dag tu skye'o// de ci'i phyir zhe na/ 'di ni sngon gyi smon lam phun sum tshogs pa'i phyir ro// byang chub sems dpa' rnams kyi gan de lta bu dag thos kyang skyo ba mi mang ba dang / dmu rgod kyi ngang tshul can ma yin gyi/ byang chub sems dpa' rnams ni gnas 'di lta bu dag thos ma thag tu skyo bar gyur nas mi dge ba'i chos 'di
- 310b
dag spang ba'i phyir dge ba'i chos rnams la brtson 'grus brtsams pa yin no/ / rigs kyi bu chos bcu po de dag dang ldan na/ byang chub sems dpa' mi khom pa brgyad rnam par spangs pa rnams/ yin no// rigs kyi bu chos bcu dang ldan na/ byang chub sems dpa' byang chub kyi sems ma stor ba rnams yin no// bcu gang zhe na/ 'di lta ste/ g.yo dang sgyu med de drang zhing gya gyu med la sems dang ba rnams yin/ sangs rgyas kyi chos rnams dang / de 'dzin pa'i gang zag rnams la yid gnyis dang / nem nur dang / the tsom med pa rnams yin/ chos la slob dpon gyi dpe mkhyud dang bral ba rnams yin/ chos kyi ser sna dang bral ba rnams yin/ chos kyis 'phongs par 'gyur ba'i las kyi mtha' dang bral ba rnams yin/ ji skad du smras pa de lta bur byed de mi slu ba rnams yin/ theg pa chen po yongs su 'dzin pa rnams yin/ de yongs su 'dzin pa'i gang zag rnams la chos dang mtshungs pa'i 'du shes kyis zhes dang ri mo dang bcas pa rnams yin/ theg pa chen po la gzhol/ theg pa chen po la 'bab/ theg pa chen po la bab pa rnams yin/ chos smra ba'i gang zag rnams la ston par 'du shes pa dang / dge ba'i bshes gnyen du 'du shes skyed pa rnams yin te/ rigs kyi bu chos bcu po de dag dang ldan na/ byang chub sems dpa' byang chub kyi sems ma stor ba rnams yin no//
- 311a
rigs kyi bu chos bcu dang ldan na/ byang chub sems dpa' tshe rabs dran pa rnams yin no// bcu gang zhe na/ 'di lta ste/ sangs rgyas mang po la bsnyen bkur byas pa/ rnams yin/ dam pa'i chos yongs su 'dzin pa rnams yin/ tshul khrims yongs su dag pa rnams yin/ 'gyod pa med pa rnams yin/ sgrib pa med pa rnams yin/ dga' ba mang ba rnams yin/ sgom pa mang ba rnams yin/ sems mnyam par gzhag pa rnams yin/ rdzus te skye ba rnams yin/ rnam par shes pa ma rmongs pa rnams yin te/ rigs kyi bu sangs rgya/ mang po la bsnyen bkur byas pa'i byang chub sems dpa' ni dam pa'i chos la rim gro yod cing bkur sti yod pa yin/ dam pa'i chos yongs su 'dzin pa'i gang zag rnams la rim gro yod cing bkur sti yod pa yin te/ rgyu de dang / rkyen de dang / gzhi des lus dang srog la mi lta bar dam pa'i chos yongs su 'dzin cing 'chang ngo // klog go/ kun chub par byed do// gzhan la yang rgya cher ston to/ / de dam pa'i chos yongs su 'dzin pa la brtson pas/ 'di lta ste/ lus dang / ngag dang / sems kyi tshul khrims rnam par dag pa yin/ tshul khrims yongs su dag pas 'gyod pa med pa yin te/ de yang rim gro med pa ma yin gyi/ tshul khrims yongs su dag pa'i phyir ro// 'gyod pa med pas sgrib pa med pa yin/ sgra bi pa med pas
- 311b
dga' ba mang ba yin/ dga' ba mang bas sgom pa mang ba yin/ sgom pa mang bas sems mnyam par gzhag par 'gyur ro// sems mnyam par bzhag pas 'gro ba yongs su dag/ par 'gyur/ 'gro ba yongs su dag pas rdzus te skye bar 'gyur/ rdzus te skyes pas rnam par shes pa rmongs pa yin no// rnam par shes pa ma rmongs pa'i phyir tshe rabs dran pa yin te/ tshe rabs gcig kyang rjes su dran no// gnyis dang / gsum dang / bzhi dang / lnga dang / bcu dang / nyi shu dang / sum cu dang / bzhi bcu dang / lnga bcu nas/ tshe rabs brgya stong du ma'i bar du rjes su dran no/ / rigs kyi bu chos bcu po de dag dang ldan na/ byang chub sems dpa' tshe rabs dran pa rnams yin no// rigs kyi bu chos bcu dang ldan na/ byang chub sems dpa' dge ba'i bshes gnyen dang ma bral ba rnams yin no// bcu gang zhe na/ 'di lta ste/ sangs rgyas mthong ba dang / thos pa dang / dran pa dang ma bral ba rnams yin chos mnyan pa dang ma bral ba rnams yin/ dge 'dun mchod cing bsnyen bkur dang ma bral ba rnams yin/ sangs rgyas dang byang chub sems dpa' rnams la gus par smra ba dang / phyag bya ba dang / ldang ba dang / thal mo sbyar ba dang / 'dud pa'i las dang ma bral ba rnams yin/ mang du thos pa'i gang zag chos smra ba rnams dang ma bral ba rnams yin/ pha rol tu phyin pa
- 312a
mnyan pa dang ma bral ba rnams yin/ / byang chub kyi phyogs chos mnyan pa dang ma bral ba rnams yin/ rnam par thar pa'i sgo gsum mnyan pa dang ma bral ba rnams yin tshangs pa'i gnas bzhi mnyan pa dang ma bral ba rnams yin/ thams cad mkhyen pa nyid mnyan pa dang ma bral ba rnams yin te/ rigs kyi bu chos bcu po de dag dang ldan na/ byang chub sems dpa' dge ba'i bshes gnyen dang ma bral ba rnams yin no/ / rigs kyi bu chos bcu dang ldan na/ byang chub sems dpa' sdig pa'i grogs po yongs su spangs pa rnams yin ni// bcu gang zhe na/ 'di lta ste/ tshul khrims nyams pa'i gang zag rnam par spangs pas sdig pa'i grogs po yongs su spangs par rig par bya'o// lta ba nyams pa'i gang zag rnam par spangs pa dang / cho ga nyams pa'i gang zag rnam par spangs pa dang / 'tsho ba nyams pa'i gang zag rnam par spangs pa dang / 'du 'dzi la dga' ba'i gang zag rnam par spangs pa dang / le lo can gyi gang zag rnam par spangs pa dang / 'khor ba la dga' ba'i gang zag rnam par spangs pa dang / byang chub la rgyab kyis phyogs pa'i gang zag rnam par spangs pa dang / khyim pa dang sten pa rnam par spangs pa dang / nyon mongs pa thams cad rnam par spangs pas sdig pa'i grogs po rnam par spangs par rig par bya'o// rigs kyi bu byang chub sems dpa' des gnas
- 312b
'di dag rnam par spangs pa'i tshe/ gang zag de dag la zhe sdang gi sems bskyed par mi bya'o// khong khro ba'i sems dang / brnyas pa'i sems bskyed par mi bya'i/ des 'di ltar bcom ldan 'das kyis kyang sems can rnams ni khams so sor ston te/ sten par gyur nas chud za bar 'gyur ro zhes bka' stsal gyis/ de bas na bdag gis ston pa yongs su spangs par sems nye bar gzhag par bya'o/ / rigs kyi bu chos bcu po de dag dang ldan na/ byang chub sems dpa' sdig pa'i grogs po yongs su spangs pa rnams yin no// rigs kyi bu chos bcu dang ldan na/ byang chub sems dpa' de bzhin gshegs pa'i sku'i chos nyid thob par 'gyur ro// bcu gang zhe na/ 'di lta ste/ lus mnyam pa rnams yin/ lus yongs su dag pa rnams yin/ lus rma med pa rnams yin/ lus legs par sgrub pa rnams yin/ chos kyi lus rnams yin/ lus brtag par bya ba ma yin zhing gting dpag dka' ba rnams yin/ lus bsam gyis mi khyab pa rnams yin/ lus zhi ba rnams yin/ lus nam mkha' dang mtshungs pa rnams yin/ ye shes kyi lus dang ldan pa rnams yin no// rigs kyi bu chos bcu po de dag dang ldan na/ byang chub sems dpa' de bzhin gshegs pa'i sku'i chos nyid 'thob par 'gyur ro// byang chub sems dpa' sgrib pa thams cad rnam par sel bas
- 313a
gsol pa/ bcom ldan 'das gang dang gang gi tshe/ byang chub sems dpa' rnams kyi de bzhin gshegs pa'i sku'i chos nyid 'thob par 'gyur/ bcom ldan 'das/ kyis bka' stsal pa/ rigs kyi bu sa dang po la gnas pa'i byang chub sems dpa' lus mnyam pa nyid 'thob bo// de ci'i phyir zhe na/ lus kyi mi mnyam pa thams cad dang bral ba dang / byang chub sems dpa' thams cad ngab mnyam pa nyid du gyur pa'i phyir ro// sa gnyis pa la byang chub sems dpa' tshul khrims yongs su dag pa'i phyir lus yongs su dag pa 'thob bo// sa gsum pa la byang chub sems dpa' khro ba dang gnod sems thams cad dang bral ba'i phyir lus rma med pa thob bo// sa bzhi pa la byang chub sems dpa' sangs rgyas kyi chos yongs su grub pa'i phyir lus legs par grub pa thob bo/ / sa lnga pa la byang chub sems dpa'i chos thams cad rab tu rtogs pa'i phyir chos kyi lus 'thob bo// sa drug pa la brtag par bya ba ma yin zhing gting dpag dka' ba'i chos yongs su grub pa'i phyir lus brtag par bya ba ma yin zhing gting dpag dka' ba 'thob bo/ / sa bdun pa la sangs rgyas kyi chos yongs su grub pa dang / thabs mkhas pa yang dag par grub pa'i phyir lus bsam gyis mi khyab pa thob bo/ / sa brgyad pa la spros pa thams cad dang bral ba dang nyon mongs pa med pa'i phyir lus zhi ba 'thob bo//
- 313b
sa dgu pa la lus tshad med pas khyab pa'i phyir lus nam mkha' dang mtshungs pa 'thob bo// sa bcu pa la byang chub sems dpa' ye shes kyi lus 'thob bo// de ci'i phyir zhe na/ shes par bya/ ba thams cad yang dag par grub pa'i phyir ro// byang chub sems dpa' sgrib pa thams cad rnam par sel bas gsol pa/ bcom ldan 'das ci lags/ de bzhin gshegs pa'i sku'i chos nyid dang byang chub sems dpa'i lus kyi chos nyid la tha dad du bgyi ba mchis sam/ bcom ldan 'das kyis bka' stsal pa/ rigs kyi bu lus tha dad pas tha dad du bya ba med de/ yon tan gyi mthus ni tha dad du bya ba yod do/ / byang chub sems dpa' sgrib pa thams cad rnam par sel bas gsol pa/ bcom ldan 'das ji ltar lus tha dad pas tha dad du bgyi ba ma mchis la/ yon tan gyi mthus tha dad du bgyi ba mchis pa lags/ bcom ldan 'das kyis bka' stsal pa/ rigs kyi bu lus lus zhes bya ba 'di ni tha dad pa med pa ste/ de ci'i phyir zhe na/ lus lus su brjod pa'i mtshan nyid gcig pa'i phyir ro/ / yon tan dang mthu'i mtshan nyid tha dad par blta'o// byang chub sems dpa' sgrib pa thams cad rnam par sel bas gsol pa/ bcom ldan 'das ji ltar gang lha bur yon tan gyi mthu'i mtshan nyid tha dad du blta bar bgyi/ bcom ldan 'das kyis bka' stsal pa/ rigs kyi bu de bas ni don 'di nyid khong du chud par bya ba'i phyir khyod la dpe bya'o// rigs kyi bu 'di
- 314a
lta ste/ dper na byi dor ma byas pa'i nor bu rin po che dang / byi dor byas pa'i nor bu rin po che ni 'di lta ste/ nor bu rin po che nor bu rin po che zhes bya ba nor bu rin po che'i grangs su 'gro mod kyi/ ji ltar byi dor byas pa'i nor bu rin po che mthu dang yid du 'ong bas khyab par byed pa ltar ni/ byi dor ma byas pa ma yin no// de bzhin du byang chub sems dpa'i lus nor bu rin po che yang de bzhin gshegs pa'i sku nor bu rin po che dang bcas su de bzhin gshegs pa'i sku'i chos nyid kyi grangs su 'gro mod kyi/ byang chub sems dpa'i lus nor bu rin po che ni/ de bzhin gshegs pa'i sku nor bu rin po che'i drung du yongs su dag pa zhes mi brjod do/ / de ci'i phyir zhe na/ de bzhin gshegs pa'i sku nor bu rin po che ni sems can gyi khams tshad med ba dang nam mkha'i khams tshad med pa'i 'od kyis khyab par byas te gnas so/ / de ci'i phyir zhe na/ de ni shin du yongs su dag pa dang dri ma thams cad dang bral ba'i phyir te/ byang chub sems dpa'i lus nor bu rin po che ni/ de tsam du khyab par byed pa ma yin no/ / de ci'i phyir zhe na/ de ni de ltar dri ma'i lhag ma las pa'i phyir ro// rigs kyi bu 'di lta ste/ dper na tshes gnyis kyi zla ba ni zla ba zhes bya ba'i grangs su 'gro ba nas/ zla ba nya'i bar gyi zla ba yang zla ba zhes bya ba'i grangs su 'gro mod kyi/ tshes gnyis kyis zla ba ci 'dra ba de lta bur zla ba nye ba ma yin no// de ci'i phyir zhe na/ 'di ni de ltar chos nyid
- 314b
thob pa'i phyir te/ rigs kyi bu de bzhin du byang chub sems dpa'i lus dang / de bzhin gshegs pa'i skur bcas te/ lus kyi grangs su 'gro mod kyi/ byang chub sems dpa'i lus ni de bzhin gshegs pa'i sku'i drung na lham mer mi 'gyur/ lhan ner mi 'gyur/ lhang nger mi 'gyur ro// rigs kyi bu 'di lta ste/ dper na zla ba nya da'i drung na tshes gnyis kyi zla ba ji lta ba de bzhin du de bzhin gshegs pa'i sku dang byang chub sems dpa'i lus kyang lus su brjod pa'i mtshan nyid kyis mtshan nyid gcig mod kyi/ yon tan gyi mthu'i mtshan nyid kyis ni ma yin no// rigs kyi/ bu chos bcu dang ldan na/ byang chub sems dpa' lus rdo rje lta bur sra ba rnams yin no// bcu gang zhe na/ 'di lta ste/ 'dod chags dang / zhe sdang dang / gti mug dag gis mi tshugs pa rnams yin/ khro ba dang / gnod sems kyi tha ba dang / dri ma dang / nga rgyal dang / rgyags pa dang / dregs pa dang lta ba phyin ci log dag gis mi tshugs pa rnams yin/ 'jig rten gyi chos brgyad po dag gis mi tshugs pa rnams yin/ ngan song gi sdug bsngal thams cad kyis mi tshugs pa rnams yin/ sems can gyi sdug bsngal mi tshugs pa rnams yin/ skye ba dang / rga ba dang / na ba dang / 'chi ba'i sdug bsngal dag gis mi tshugs pa rnams yin/ mu stegs can dang phas kyi rgol ba thams cad kyis mi tshugs pa rnams yin/ bdud thams cad dang / bdud kyi ris su gtogs pa'i lha thams
- 315a
cad kyis mi tshugs pa rnams yin/ nyan thos dang rang sangs rgyas thams cad kyis mi tshugs pa rnams yin/ 'dod pa la spyod pa thams cad kyis mi tshugs pa rnam yin te/ rigs kyi bu chos bcu po de dag dang ldan na/ byang chub sems dpa' lus rdo rje ltar sra ba rnams yin no// rigs kyi bu chos bcu dang ldan na/ byang chub sems ded dpon chen po rnams yin no/ / bcu gang zhe na/ 'di lta ste/ bkur ba rnams yin/ mchod par 'os pa rnams yin/ phyin par byed pa rnams yin/ brten par bya ba rnams yin/ 1 bar 'tsho bar bya ba rnams yin/ brgyags shin tu phun sum tshogs pa rnams yin/ tshogs shin tu bsags pa rnams yin/ mi ngoms pa rnams yin/ thog mar 'gro ba rnams yin/ thams cad mkhyen pa nyid kyi grong khyer chen por phyin par bya ba la mkhas par bya ba rnams yin no/ / rigs kyi bu de la ji ltar na byang chub sems dpa' bkur ba yin pa nas/ ji ltar na thams cad mkhyen pa nyid kyi grong khyer chen por phyin par bya ba la mkhas pa'i bar du yin zhe na/ rigs kyi bu 'di lta ste/ dper na ded dpon chen po ni rgyal po dang rgyal po'i blon po chen po dag gis bkur ba yin no/ / de bzhin du byang chub sems dpa' ded dpon chen po yang sangs rgyas rnams dang / sangs rgyas kyi nyan thos rnams kyis bkur ba yin no// rigs kyi bu 'di lta ste/ dper na ded dpon
- 315b
chen po ni bram ze dang / rgyal rigs dang / grong pa dang / yul gyi mi rnams kyis mchod par 'os pa rnams yin no// de bzhin du byang chub sems dpa' ded dpon chen po yang slob pa dang / mi slob pa dang / gzhan yang lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dag gis mchod par 'os pa yin/ no// rigs kyi bu 'di lta ste/ dper na ded dpon chen po ni 'brog dgon par 'gron po mang po 'phyan pas gtses pa dag legs par bde zhing yongs su mi skyo bar phyin par byed pa yin no// de bzhin du byang chub sems dpa' ded dpon chen po yang 'khor ba'i 'brog dgon pa chen po'i nang na/ sems can 'gron po mang po nyon mongs pa'i 'phyan pas gtses pa legs par bde zhing yongs su mi skyo bar phyin par byed pa yin no/ / rigs kyi bu 'di lta ste/ dper na ded dpon chen po la brten na/ sdug bsngal ba dang / 'phongs pa dag 'brog dgon pa nas 'byung bar 'gyur ro/ / de bzhin du byang chub sems dpa' ded dpon chen po la brten na/ mu stegs can gzhan spyod pa can dang / kun tu rgyu dang / gcer bu pa rnams 'brog dgon pa chen bo nas 'byung bar 'gyur ro/ / rigs kyi bu 'di lta ste/ dper na ded dpon chen po ni rgyal po dang / las byed pa'i mi dang / zho shas 'tsho ba dang / de ma yin pa'i sems can gzhan
- 316a
rnams nye bar 'tsho ba yin no/ / de bzhin du byang chub sems dpa'aded dpon chen po yang 'khor ba la mngon par dka' ba'i sems can rnams nye bar 'tsho ba yin no// rigs kyi bu 'di lta ste/ dper na ded dpon chen po ni nam phyogs su 'gro bar chas te/ 'gron po mang po dang lhan cig tu grong khyer chen por phyin par bya ba'i phyir 'brog dgon par zhugs pa de'i tshe/ grong khyer chen por phyin gyi bar du brgyags phun sum tshogs pas 'brog dgon pa de nas legs par bde zhing yongs su skyo ba med par 'byung bar byed do// de bzhin du byang chub sems dpa' ded dpon chen po yang nam sangs rgyas kyis rten pa'i phyogs su 'gro bar 'dod cing / sems can 'gron po mang po ded de/ 'khor ba'i 'brog dgon pa chen por 'jug par 'dod la thams cad mkhyen pa nyid kyi grong khyer chen por phyin par bya bar 'dod pa de'i tshe/ bsod nams kyi brgyags kyi tshogs shin tu phun sum tshogs par 'gro'o// rigs kyi bu 'di lta ste/ dper na/ ded dpon chen po ni 'tsho ba'i yo byad 'di lta ste/ gser dang / nor bu dang / mu tig dang / bai DUR+Ya dang / dung dang / man shel dang / byu ru la sogs pa mang po bsags shing phyogs su 'gro'o/ / de bzhin du byang chub sems dpa' ded dpon chen po yang nam thams cad mkhyen pa nyid kyi grong khyer chen por mngon par zhugs pa de'i tshe sangs rgyas kyi chos kyi tshogs shin tu
- 316b
bsags shing 'gro'o/ / rigs kyi bu 'di lta ste/ dper na ded dpon chen po ni nor bsags pas chog mi shes pa yin no// de bzhin du byang chub sems dpa' ded dpon chen po yang chos kyi nor bsags pas chog mi shes pa yin no/ / rigs kyi bu 'di lta ste/ dper na ded dpon chen po ni 'di lta ste/ nor phun sum tshogs pa dang / gtso bo dang / dbang yod pa dang / ngag mnyan pas 'gron po mang po thams cad kyi thog mar 'gro ba yin no/ / de bzhin du byang chub sems dpa' ded dpon chen po yang 'di lta ste/ yon tan phun sum tshogs pa dang / yongs kyi gtso bo dang / chos la dbang ba dang / ma log par smra bas sems can 'gron pa mang po thams cad kyi thog mar 'gro ba yin no// rigs kyi bu 'di lta ste/ dper na ded dpon chen po ni grong khyer chen por phyin par bya ba la mkhas pa yin no/ / de bzhin du byang chub sems dpa' ded dpon chen po yang thams cad mkhyen pa nyid kyi grong khyer chen por phyin par bya ba la mkhas pa yin te/ rigs kyi bu de ltar na byang chub sems dpa' bkur ba yin pa nas/ thams cad mkhyen pa nyid kyi grong khyer chen por phyin par bya ba la mkhas pa'i bar du yin no// rigs kyi bu chos bcu po de dag dang ldan na/ byang chub sems dpa' ded dpon chen po rnams yin no/ / rigs kyi bu chos bcu dang ldan na/ byang chub sems dpa' lam la mkhas pa rnams yin no// bcu gang zhe na/ 'di lta ste/
- 317a
lam mnyam pa yang rab tu shes/ lam nyam nga ba rab tu shes/ lam bde ba yang rab tu shes/ 'jam pa'i lam yang rab tu shes/ lam chu che ba dang chu med pa yang rab tu/ shes/ lam gyi dgongs mal dag kyang rab tu shes/ lam gyi tshugs dag kyang rab tu shes/ lam 'khyog pa dag kyang rab tu shes// lam drang po dag kyang rab tu shes/ lam 'byung ba yang rab tu shes so/ / rigs kyi bu chos bcu po de dag dang ldan na/ byang chub sems dpa' lam la mkhas pa rnams yin no// rigs kyi bu chos bcu dang ldan na/ byang chub sems dpa' lam ma log par ston pa rnams yin no/ / bcu gang zhe na/ 'di lta ste/ theg pa chen pos 'dul ba'i sems can rnams la byang chub sems dpa' lam ston gyi/ nyan thos kyi lam mi ston to// nyan thos kyis 'dul ba'i sems can rnams la nyan thos kyi lam ston gyi/ byang chub sems dpa'i lam mi ston to// thams cad mkhyen pas 'dul ba'i sems can rnams la thams cad mkhyen pa nyid kyi lam ston gyi/ rang sangs rgyas kyi lam mi ston to// rang sangs rgyas kyis 'dul ba'i sems can rnams la rang sangs rgyas kyi lam ston gyi/ thams cad mkhyen pa nyid kyi lam mi ston to// bdag tu 'dzin pa la mngon par zhen pa'i sems can rnams dang / chos su 'dzin pa la mngon par zhen pa rnams la bdag med pa'i lam dang stong pa nyid kyi lam ston gyi/ bdag nga da/ sems can
- 317b
dang / srog dang / gso ba dang / skyes bu dang / gang zag gi lam mi ston to// mtha' gnyis la gnas pa'i sems can rnams la mtha' gnyis dang bral ba'i lam ston gyi/ mtha' gnyis la gnas pa mi ston to/ / sems g.yengs pa'i sems can rnams la zhi gnas dang lhag mthong gi lam ston gyi/ g.yeng ba'i lam mi ston to// spros pa la mngon par dga' ba'i sems can rnams la de bzhin nyid kyi lam ston gyi/ byis pa spros pa la dga' ba'i lam mi ston to// 'khor ba la mngon par dga' ba'i sems can rnams la mya ngan las 'das pa'i lam ston gyi/ 'khor ba'i lam mi ston to/ / lam gol bar zhugs pa'i sems can rnams la lam srol ma dod pa ma yin pa dang / tsher ma med pa'i lam ston gyi/ nyon mongs pa'i tsher mas gang ba'i lam mi ston to// rigs kyi bu chos bcu po de dag dang ldan na/ byang chub sems dpa' lam ma log par ston pa rnams yin no// rigs kyi bu chos bcu dang ldan na/ byang chub sems dpa' rtag tu rgyun mi 'chad pabar sems mnyam par gzhag pa rnams yin no/ / bcu gang zhe na/ 'di lta ste/ lus la dran pa shin tu nye bar gzhag cing gnas so// tshor ba rnams dang / sems rnams dang / chos rnams dang / yul rnams dang / dgon pa rnams dang / grong dang / grong rdal dang / ljongs dang / yul 'khor dang / rgyal po'i pho brang 'khor rnams dang / rnyed pa dang / bkur sti dang / grags pa dang / sgra dang
- 318a
tshigs su bcad pa rnams dang / de bzhin gshegs pas bslab pa bcas pa rnams dang / nye ba'i nyon mongs pa dang / yongs su nyon mongs pa dang / kun nas nyon mongs pa thams cad la dran pa shin tu nye bar gzhag cing gnas so/ / rigs kyi bu de la ji ltar na byang chub sems dpa' lus la dran pa shin tu nye bar gzhag cing gnas she na/ rigs kyi bu 'di la byang chub sems dpa' gang lus dang ldan pa'i sdig pa mi dge ba'i chos de dag yang dag pa'i shes rab kyis rab tu brtags shing yongs su spong ngo / / de'i 'og gi rkang pa'i mthil nas brtsams te yar na klad pa'i bar du lus kyi nyes pa la rtog go/ lus la bdag med par yang rtog go// lus mi brtan pa dang / 'jig pa dang / chu rgyus kyis grags pa dang / dri mi zhim pa dang / dri nga ba dang / kha dog mi sdug par rtog ste/ de de ltar rtog pa'i tshe/ gang lus la lus su 'dod pa dang / lus la 'dod chags pa dang / lus la dga' ba dang / lus la bdag gir 'dzin pa dang / lus la zhen pa dag mi 'byung ste/ rgyu de dang / rkyen de dang / gzhi des lus dang ldan pa'i chos rnams kyi dbang du 'gro bar mi 'gyur gyi/ gzhan du na lus dang ldan pa'i chos rnams de nyid kyi dbang du 'gyur te/ de ltar na lus la dran pa shin tu nye bar gzhag cing gnas pa'o/ / ji ltar na byang chub sems dpa' tshor ba rnams la dran pa shin tu nye bar gzhag cing gnas she na/ 'di la byang chub sems dpa' 'di snyam du sems te/ tshor ba gang rje
- 318b
snyed pa de thams cad sdug bsngal na/ byis pa phyin ci log gis phyin ci log tu 'gyur ba rnams ni bde bar 'dzin te/ byis pa rmongs pa rnams sdug bsngal la bde ba zhes bya ba 'dzin gyi/ 'phags/ pa rnams kyis ni thams cad sdug bsngal bar thugs su chud snyam nas de spang ba'i phyir nan tan du mdzad la/ sems can gzhan dag kyang bslab pa de nyid la 'god kyis/ bdag gis kyang de dag gi/ rjes su bslab par bya'o snyam ste/ de de ltar rtog pas tshor ba rnams la dran pa shin tu nye bar gzhag cing gnas so// de tshor ba dag la chags pa yang med/ khong khro ba yang med cing de dag spang ba'i phyir rab tu zhugs pa yin no/ / gzhan dag kyang bslab pa de nyid la 'god de/ de ltar na tshor ba rnams la dran pa shin tu nye bar gzhag cing gnas so// ji ltar na byang chub sems dpa' sems la dran pa shin tu nye bar gzhag cing gnas she na/ de 'di snyam du sems te/ sems 'di ni mi rtag pa la rtag par mngon par dga' ba'o// sdug bsngal la bde bar mngon par dga' ba'o// bdag med pa la bdag tu mngon par dga' ba'o/ / mi gtsang ba la gtsang bar mngon par dga' ba'o// g.yo zhing mi brtan la myur du 'gyur ba'o// nyon mongs pa rnams kyi rtsa ba'o// ngan song rnams kyi sgo'o// nye ba'i nyon mongs pa rnams kyi gzhi'o// bde 'gro rnams chud gson pa'o// 'dod chags dang / zhe sdang dang / gti mug rnams kyi rkyen du 'gyur ba'o// chos thams cad kyi bdag
- 319a
por 'gyur ba'o/ / chos thams cad ni sems thog mar 'gro ste/ sems yongs su shes na/ chos thams cad kyang yongs su shes par 'gyur ro// gzhan yang 'jig rten sems kyis bris pa ste/ mi ltar sems ni sems kyis mi mthong ngo // dge ba 'am yang na mi dge ba'i las ni sems kyis bsags pa'o// sems ni mgal me bskor ba ltar 'khor/ sems ni rta ltar rnam par 'khyam/ sems ni nags kyi me ltar rnam par 'tshig/ sems ni chu chen po bzhin du skyed/ de de ltar rtog pas sems la dran pa shin tu nye bar gzhag cing gnas te sems kyi dbang du mi 'gro'i/ sems nyid de'i dbang du 'gro ste/ sems de'i dbang du gyur pas/ chos thams cad dbang du gyur pa yin te/ de ltar na byang chub sems dpa' sems la dran pa shin tu nye bar gzhag cing gnas so/ / ji ltar na byang chub sems dpa' chos rnams la dran pa shin tu nye bar gzhag cing gnas she na/ 'di la byang chub sems dpa' 'di lta ste/ 'dod chags dang / zhe sdang dang gti mug la sogs pa dang / de dag la gnas pa gzhan dag la 'di dag ni mi dge ba'i chos rnams so zhes yang dag pa ji lta ba bzhin du rab tu shes te/ de 'dod chags kyi gnyen po la sten/ zhe sdang dang gti mug gi gnyen po la sten cing de dag spang ba'i phyir brtson pa yin no/ / chos 'di dag ni dge ba'o zhes bya bar shes na/ chos de dag la sems gtong zhing dran pa nye bar gzhog ste/ chos de dag kyang
- 319b
yang dag par blangs shing gnas so/ / gzhan yang bslab pa de nyid la 'god de/ de ltar na byang chub sems dpa' chos rnams la dran pa shin tu nye bar gzhag cing gnas so// ji ltar na byas chub sems dpa' yul rnams la dran pa shin tu nye bar gzhag cing gnas she na/ 'di la byang chub sems dpa' yid du 'ong ba dang / yid du mi 'ong ba'i gzugs dang / sgra dang / dri dang / ro dang / reg bya la chags par 'dzin par yang mi 'gyur/ khong khro ba'i sems kyang mi skyed de/ de 'di snyam du sems te/ de ltar bdag dngos po med pa'i chos rnams la chags pa skyed pa ni bdag gi mi cha ste/ de ni bdag byis pa dang / rmongs pa dang / mi gsal ba dang / mi mkhas par 'gyur ro// bcom ldan 'das kyis kyang chags par gyur nas zhen par 'gyur ro// zhen nas rmongs par 'gyur ro// rmongs nas dge ba 'am/ mi dge ba'i chos rnam par sgom par mi 'gyur te/ de'i rgyus ngan song du 'gro bar gsungs so zhes de 'di snyam du de ltar bdag chos gsog rnams khong khro ba'i sems bskyed pa ni bdag gi mi cha ste/ / de ni bdag gi mi bzod pa dang / dang du mi len pa dang / khong khro ba kun nas ldang bar 'gyur te/ 'phags pa rnams kyis ni smad par 'gyur/ tshangs pa mtshungs par spyod pa rnams kyis ni dbye bar 'gyur ro zhes de de ltar rtog pas/ yul rnams la dran pa shin tu nye bar gzhag cing gnas te/ yul rnams kyis ni mi smras shing
- 320a
mabyung bar mi 'gyur la/ gzhan yang bslab pa bcas pa de nyid yang kod/ de ltar byang chub sems dpa' yul rnams la dran pa shin tu nye bar bzhag cing gnas so// ji lta na byang chub sems dpa' dgon pa rnams la dran pa shin tu nye bar gzhag cing gnas she na/ de 'di snyam du dgon pa zhes bya ba 'di ni nyon mongs pa med par rnam par dpyod pa rnams kyi gnas so// zhi bar rnam par spyod pa rnams kyi gnas so/ / dgon pa la ni lha dang / klu dang / gnod sbyin dang / dri za gzhan gyi sems mngon par shes pa dag kyang yod de/ de dag bdag gi sems dang sems las byung ba'i chos rnams rab tu shes na/ bdag tshul bzhin ma yin pa'i yid la byed cing sems pa de ni bdag gi mi cha'o snyam ste/ de tshul bzhin ma yin pa'i yid la bya ba thams cad dang bral nas/ tshul bzhin du chos rnams la sems gtong zhing chos de dag la bsgom pa mang ba yin te/ de ltar na byang chub sems dpa' dgon pa rnams la dran pa shin tu nye bar bzhag cing gnas so// ji ltar na byang chub sems dpa' grong dang / grong khyer dang / grong rdal dang / ljongs dang / yul 'khor dang / rgyal po'i pho brang 'khor nams la dran pa shin tu nye bar gzhag cing gnas she na/ 'di la byang chub sem dpa' grong dang / grong khyer dang / grong rdal dang / ljongs dang / yul 'khor dang / rgyal po'i pho brang 'khor dag na/ byang chub sems dpa' spyad pa spyod na gnas gang tshul dang mi 'dra zhing yongs
- 320b
su spang bar bya ba rab tu byung ba'i tshul dang mi mthun pa de dag yongs su spong ngo / / de dag kyang gang zhe na/ 'di lta ste/ chang ma'i khyim mam/ smad 'tshong gi khyim mam/ rgyal po'i pho brang ngam/ rgyan po'i gnas sam/ ra ro ba'i 'khor gyi tshogs sam/ gar mkhan dang glu gar gyi gnas dang / de ma yin pa gzhan yang rung ste/ rab tu byung ba'i tshul dang mi 'dra ba de dag yongs su spong zhing de dag la dra pa shin tu nye bar gzhag cing gnas te/ de ltar na byang chub sems dpa' grong dang / grong khyer dang / grong rdal dang / ljongs dang / yul 'khor dang / rgyal po'i pho brang 'khor dag la dran pa shin tu nye bar gzhag cing gnas so/ / ji ltar na byang chub sems dpa' rnyed pa dang / bkur sti dang / grags pa dang / sgra dang / tshigs su bcad pa dag la dran pa shin tu nye bar gzhag cing gnas she na/ 'di la byang chub sems dpa' sbyin pa byed pa rnams kyi bsod nams kyi dngos po nye bar gzung zhing rnyed pa dang bkur sti la sems gtong ste/ ci nas kyi zhen par mi 'gyur/ sred pa mi skyed/ chags pa mi skyed/ bdag gir mi byed/ nor du mi 'dzin/ bdag gir mi 'dzin pa dang / ci nas kyang sems can thams cad dang thun mong du byas shing / sdug bsngal ba'i sems can rnams la phan par 'gyur bde ltar stong ste/ gal te yang rgyu de dang / rkyen de dang / gzhi des grags pa dang / sgra dang / tshigs su bcad pa zhig byung yang / des khengs par mi 'gyur/ nga rgyal mi skye/ rgyags pa mi skye/
- 321a
'di snyam du sems so// ring por mi thogs par grags pa dang / sgra dang / tshigs su bcad pa 'di gang las byung ba dang / gang gis phyung ba dang / grags pa dang / sgra dang / tshigs su bcad pa gang yin pa de dag thams cad du thams cad med par 'gyur na/ de la mkhas pa'i rang bzhin can su zhig mi rtag cing mi gnas pa'i chos mi brtan pa/ yid brtan du mi rung bdag la dga' ba'i sems skyed pa 'am/ khengs par 'gyur ba 'am/ nga rgyal dang rgyags pas dregs par 'gyur snyam ste/ de ltar na byang chub sems dpa' rnyed pa dang / bkur sti dang / grags pa dang / sgra dang / tshigs su bcad pa rnams la dran pa shin tu nye bar gzhag cing gnas so// ji ltar na byang chub sems dpa' de bzhin gshegs pas bslab pa bcas pa la dran pa shin tu nye bar gzhag cing gnas she na/ 'di la byang chub sems dpa' 'di snyam du sems te/ gang 'das pa'i de bzhin gshegs pa de dag kyang bslab pa 'di nyid la bslabs te// mngon par rdzogs par sangs rgyas so// yongs su mya ngan las 'das so// gang ma byon pa 'byung bar 'gyur ba de dag kyang / bslab pa 'di nyid la bslabs shing mngon par rdzogs par 'tshang rgya bar 'gyur ro/ / yongs su mya ngan las 'da' bar 'gyur ro// gang da ltar gyi de bzhin gshegs pa dag kyang bslab pa 'di nyid la bslabs te mngon par rdzogs par sangs rgyas so// /
- 321b
yongs su mya ngan las 'da' 'o zhes de de ltar yid ches pas bslab pa rnams la nan tan du byed pa yin te/ brtson par byed pa dang / legs par bya ba byed cing shin tu rdzogs par byed pa yin te/ de ltar na byang chub sems dpa' de bzhin gshegs pas bslab pa bcas pa la dran pa shin tu nye bar gzhag cing gnas so// rigs kyi bu ji ltar na byang chub sems dpa' nye ba'i nyon mongs pa dang / yongs su nyon mongs pa dang / kun nas nyon mongs pa thams cad la dran pa shin tu nye bar gzhag cing gnas she na/ 'di la byang chub sems dpa' nye ba'i nyon mongs pa rnams la dran pa dang ldan pa yin/ yongs su nyon mongs pa rnams la dran pa dang ldan pa yin te/ de dag gang las byung ba dang / rkyen gang gis byung ba'i gzhi yang rab tu shes te/ des de ltar shes nas byung ba de dang / rkyen de dag yongs su spong ste/ rigs kyi bu de ltar na byang chub sems dpa' nye ba'i nyon mongs pa dang / yongs su nyon mongs pa dang / kun nas nyon mongs pa thams cad la dran pa shin tu nye bar gzhag cing gnas pa yin no/ / rigs kyi bu chos bcu po de dag dang ldan na/ byang chub sems dpa' rtag tu rgyun mi 'chad par sems mnyam par gzhag pa rnams yin no// / 'phags pa dkon mchog sprin bam po drug pa// rigs kyi bu chos bcu dang ldan na/ byang chub sems dpa' phyag dar khrod pa rnams yin no//
- 322a
bcu gang zhe na/ 'di lta ste/ yang dag par blangs pa la brtan pa rnams yin/ sems dma' ba rnams yin/ yongs su mi skyo ba rnams yin/ de la ma zhen pa rnams yin// nyes par lta ba dang bral ba rnams ya ni/ yon tan du lta ba rnams yin/ bdag la mi stod pa rnams yin/ gzhan la mi smod pa rnams yin/ tshul khrims phun sum tshogs pa rnams yin/ lha 'du ba rnams yin no// rigs kyi bu de la ji ltar na byang chub sems dpa' yang dag par blangs pa la brtan pa yin pa nas/ ji ltar na lha 'du ba'i bar du yin zhe na/ rigs kyi bu 'di la byang chub sems dpa' dad cing bsam pa phun sum tshogs pa yin/ de bzhin gshegs pa rnams la dad cing yid ches pa yin/ de srog gi phyir yang yang dag par blangs pa mi 'jig cing yang dag par blangs pa las mi 'gyur te/ de yang dag par blangs pa la brtan pas/ bsam pa phun sum tshogs pa dang / sems dma' zhing nga rgyal med pa yin// de nga rgyal med cing sems dma' bas phyag dar khrod pa ngan ngon yongs su bor te/ skye bo thams cad dang mi mthun pa dag sdud do// de dag bsdus nas 'khru bar byed/ de 'khru ba dang / glan pa dang / bcom pa dang / btso bar byed pa na/ kun nas nyon mongs pa med cing yongs su mi skyo ste/ yongs su mi skyo ba rkyen du byas nas/ ji tsam gyis don grub par
- 322b
'gyur ba ma gtogs par de la zhen par yang mi 'gyur ro/ / kye ma'o phyag dar khrod pa 'di dag ni zhi gnas pa'o// kye ma'o phyag dar khrod pa 'di dag ni sdom pa'o// kye ma'o phyag dar khrod pa 'di dag ni shig mang ba ste/ lus la mi bde zhing rdul 'byin to zhes nyes par lta ba ma yin gyi/ phyag dar khrod pa 'di dag ni drang srong gis bgos pa'o// 'dod chags dang bral ba dang 'thun pa'o/ / 'phags pa'i rigs dang 'thun pa'o// de bzhin gshegs pas bstod pa'o// de bzhin gshegs pas bsngags pa'o zhes phyag dar khrod pa de dag la yon tan du lta ba yin te/ rgyu de dang / rkyen de dang / gzhi des bdag la mi stod/ gzhan la mi smod do// de bdag la stod cing gzhan la smod pa dang bral bas tshul khrims phun sum tshogs pa yin te/ tshul khrims phun sum tshogs pas lha rnams 'du ba yin/ de bzhin gshegs pa rnams kyis bsngags pa yin/ byang chub sems dpa' rnams kyis yongs su btsal ba yin/ mi ngang mi ma yin pa rnams kyis yongs su bsrung ba yin/ bram ze dang / rgyal rigs dang / grong rdal gyi mi rnams dang / yul gyi mi rnams kyis phyag bya ba yin/ tshangs pa mtshungs par spyad pa rnams kyis gzengs bstod par bya ba yin te/ rigs kyi bu chos bcu po de dag dang ldan na/ byang chub sems dpa' phyag dar khrod pa rnams yin no// byang chub sems dpa' sgrib pa thams cad rnam par sel bas gsol
- 323a
par bcom ldan 'das byang chub sems dpa' sems rgya chen po rnams la spyod pa dman tshegs kyis ci zhig bgyi/ bcom ldan 'das kyis bka' stsal pa/ rigs kyi bu byang chub sems// dpa' rnams ni 'jig rten gyi yid dang sbyor ba yin te/ stobs kyi mthu thob pa rnams 'jig rten dang 'thun par spyod kyi/ stobs kyi mthu ma thob pa rnams ma yin te/ rigs kyi bu byang chub sems dpa' stobs kyi mthu ma thob pas ni/ nyon mongs pa ma lags pa'i gnyen po bstan par bya'o// gzhan yang rigs kyi bu ji snyam du sems/ de bzhin gshegs pa rgya chen po la mos sam// 'on te dman pa la mos pa yin/ byang chub sems dpa' sgrib pa thams cad rnam par sel bas gsol pa/ bcom ldan 'das kyis bka' stsal pa de'i lan gsol du bdag gis tshigs mi phyin te/ de ci'i slad du zhe na/ bcom ldan 'das de bzhin gshegs pa ni mos pa las smos pa lags kyi/ bcom ldan 'das ni chos gzigs pa/ bde bar gshegs pa ni chos gzigs pa ste/ de bzhin gshegs pas chos gang la yang mos par bgyi ba ma mchis so/ / bcom ldan 'das kyis bka' stsal pa/ rigs kyi bu de ji snyam du sems/ de bzhin gshegs pa gling bzhi'i mi rnams dang / lha dang / klu dang / gnod sbyin dang / dri zal mos pa dman pa gzhan dag la spyod pa dman tshegs ston cing de dag mdun du sbyangs pa'i yon tan rnams kyi bsngags pa brjod pa de ci'i phyir/ byang chub sems dpa' sgrib pa thams cad
- 323b
rnam par sel bas gsol pa/ bcom ldan 'das sems can de dag de lta bu 'dul ba'i slad du ste/ gzhan yang byang chub sems dpa' theg pa lag sar du zhugs pa rnams kyi nyon mongs pa skyes pa'i gnyen por de bzhin gshegs pa ston pa mdzad do/ / bcom ldan 'das kyis bka' stsal pa/ rigs kyi bu de bzhin du byang chub sems dpa' stobs kyi mthu thob pa rnams kyang 'dul ba'i dbang gi phyir phyag/ dar khrod par 'gyur gyi/ dman pa la mos pa'i phyir ma yin te/ rigs kyi bu de'i phyir byang chub sems dpa' phyag dar khrod pa rnams yin no// rigs kyi bu chos bcu dang ldan na/ byang chub sems dpa' chos gos gsum pa rnams yin no// bcu gang zhe na/ 'di lta ste/ chog shes pa rnams yin/ 'dod pa chung ba rnams yin/ kun tu btsal ba dang bral ba rnams yin/ sogs/ pa dang bral ba rnams yin/ bsags pa chung zos pa dang bral ba rnams yin/ bsags pa chud zos pa'i sdug bsngal dang bral ba rnams yin/ yid mi bde ba dang bral ba rnams yin/ 'khrug pa dang bral ba rnams yin/ len pa med pa rnams yin/ zag pa zad par bya ba'i phyir zhugs pa rnams yin te/ rigs kyi bu byang chub sems dpa' chos gos ngan ngon gyis chog shes shing 'dod pa chung ba yin/ de 'dod pa chung bas na kun tu tshol ba med pa yin/ kun tu tshol ba med pas na/ sogs pa med pa yin/ sogs pa med pas na/ bsags pa chung za ba med pa yin/ bsags
- 324a
pa chung za ba med pas na/ bsags pa chud zos pa las byung ba'i sdug bsngal med pa yin/ sdug bsngal ba med pas na/ yid mi bde ba med pa yin/ yid mi bde ba med pas na 'khrug pa med pa yin/ 'khrug pa med pa yin pas na/ len pa med pa yin/ len pa med pas na/ zag pa zad par bya ba'i phyir zhugs pa yin te/ rigs kyi bu chos bcu po de dag dang ldan na/ byang chub sems dpa' chos gos gsum pa rnams yin no// rigs kyi bu chos bcu dang ldan na/ byang chub sems dpa' bying pa can rnams yin no// bcu gang zhe na/ 'di lta ste 'dod chags kyi bsam pas mi 'gro ste/ de'i phyir phying ba can zhes bya'o// de bzhin du zhe sdang gi bsam pas mi 'gro/ gti mug gi bsam pas mi 'gro// khro ba dang gnod sems kyi bsam pas mi 'gro/ phrag dog dang ser sna'i bsam pas mi 'gro/ nga rgyal gyi bsam pas mi 'gro/ grags pa 'dod pa'i bsam pas mi 'gro/ shes kyi khe bdog pa'i bsam pas mi 'gro rnyed pa dang bkur ste 'dod pa'i bsam pas mi 'gro zhing bdud la mi 'dud/ dga' bar bya bas snyems pa ma yin te/ de'i phyir phying pa can zhes bya'o// rigs kyi bu chos bcu po de dag dang ldan na/ byang chub sems dpa' phyir pa can rnams yin no// rigs kyi bu chos bcu dang ldan na/ byang chub sems dpa' bsod snyoms pa rnams yin no// bcu gang zhe na/
- 324b
'di lta ste/ sems can rnams la phan par zhugs pa rnams yin/ mthar gyis bsod snyoms len pa rnams yin/ yongs su yi chad pa med pa'i rang bzhin can rnams yin/ chog shes pa rnams yin/ bgo bsha' byed pa'i ngang tshul can rnams yin/ ma chags pa rnams yin/ bsod snyoms bza' ba la tshod shes pa rnams yin/ dge ba'i phyogs la mngon du phyogs pa rnams yin/ dge ba'i rtsa ba yongs su bsdus pa rnams yin/ ril po'i 'du shes med pa rnams yin no// rigs kyi bu de la ji ltar na byang chub sems dpa' sems can rnams la phan par zhugs pa yin pa nas/ ji ltar na ril po'i 'du shes med pa'i bar du yin zhe na/ rigs kyi bu 'di la byang chub sems dpa' sems can dge ba'i rtsa ba chung ba dang / dge ba'i rtsa ba chung ngu dang ldan la sdug bsngal bdag mthong na/ sems can de dag la phan par bya ba'i phyir bsod snyoms pa'i yid ma 'dzin te/ de nam grong ngam/ grong khyer ram/ grong rdal du bsod snyoms kyi phyir 'gro ba de'i tshe dran pa shin tu nye bar gzhag pa dang / spyod lam mdzes pas dbang po mi g.yo ba dang / dbang po mi rgod pa dang / dbang po dul ba dang / gnya' shing gang tsam du lta ba dang / dge ba'i chos rnams la dran pa shin tu nye bar bzhag nas bsod snyoms kyi phyir 'gro'o/ / de bsod snyoms kyi phyir 'gro na/ bsod snyoms mthar gyis len pa yin te/ mgo 'phang bstod cing bram ze shing sA la chen po lta
- 325a
bu'i grong ngam/ rgyal rigs shing sA la chen po lta bu'i grong ngam/ khyim bdag shing sA la chen po lta bu'i grong 'byor pa dag tu mi 'jug gi/ mtha' gcig nas bzung ste nam de'i don grub par gyur kyi bar du bsod snyoms spyod de gzhan du gnas gang na khyi za ba 'am/ badrus ma 'am/ dud 'gro'i skye gnas su gtogs pa/ rang bzhin gyis ngang tshul dran pa'i srog chags sam/ bud med dang / skyes pa dang / khye'u dang / bu mo kyal ka bya ba'i bsam pa can dag yod pa 'am/ smad pa'i gnas thams cad du thams cad yongs su spong ste/ de mthar gyis bsod snyoms la 'gro na/ yongs su yi mi chad cing kun nas nyon mongs pa med la/ sems can de dag la chags pa yang mi skyed/ khong khro ba yang mi skyed de/ yongs su yi chad pa med pas/ so so ci rigs pa'i bsod snyoms ngan ngon gyis chog shes pa yin te/ des bsod snyoms de blangs nas/ bdag gi gnas su 'ongs te/ lhung bzed dang chos gos bzhag/ rkang lag bkrus te/ de bzhin gshegs pa'i gzugs sam/ de bzhin gshegs pa'i mchod rten rnams la bkur sti dang rim gro byas te/ gnas su song nas bsod snyoms de las cha gcig ni tshangs pa mtshungs par spyod pa rnams kyi phyir bzhag go/ / gnyis pa ni sdug bsngal ba rnams kyi phyir bzhag go// gsum pa ni sems can log par lhung ba rnams kyi phyir bzhag go// cha bzhi pa ni
- 325b
bdag za ste/ de za ba na 'dod chags med par za ste/ chags par ma yin/ brkam par ma yin/ zhen par ma yin gyi/ gzhan du na ji tsam du lus gnas par 'gyur ba dang / 'tsho bar bya ba'i phyir za ste/ ji ltar ha cang yang nyam dma' ba dang / ha cang yang lus lci bar yang mi 'gyur ba de ltar za ste/ de ci'i phyir zhe na/ ha cang yang nyam dmas na ni dge ba'i phyogs la rgyab kyis ltas par 'gyur ro/ / lus ha cang lcin ni gnyid kyis non par 'gyur ro// des bsod snyoms de zos nas dge ba'i phyogs la mngon du phyogs pa dang / brtson 'grus brtsams pa dang / le lo med pa dang / snyoms pa med pa dang / byang chub kyi phyogs kyi chos yongs su rdzogs par 'gyur bar bya'o// de byang chub kyi chos phyogs kyi chos yongs su 'dus pas bdag tu 'dzi/ pa med pa yin/ bdag tu 'dzin pa med pas/ bdag gi shas kyang sems can rnams la phan 'dogs pa yin no// rigs kyi bu chos bcu po de dag dang ldan na/ byang chub sems dpa' bsod snyoms pa rnams yin no/ / rigs kyi bu chos bcu dang ldan na/ byang chub sems dpa' stan gcig pa rnams yin no// bcu gang zhe na/ 'di lta ste/ bdud/ thams cad kyis sdigs kyang byang chub kyi snying po'i stan gcig la mi g.yo ba rnams yin/ 'jig rten las 'das pa'i bsam gtan las mi g.yo ba rnams yin/ 'jig rten las 'das
- 326a
pa'i shes rab las mi g.yo ba rnams yin/ 'jig rten las 'das pa'i ye shes las mi g.yo ba rnams yin/ stong pa nyid las mi g.yo ba rnams yin/ sangs rgyas kyi chos thams cad yang dag pa ji lta ba bzhin du rtogs pa las mi g.yo ba rnams yin/ lam las mi g.yo ba rnams yin/ yang dag pa'i mtha' las mi g.yo ba rnams yin/ de bzhin nyid las mi g.yo ba rnams yin// thams cad mkhyen pa nyid kyi stan las mi g.yo ba rnams yin no// rigs kyi bu stan gcig po ni 'di yin te/ de ni thams cad mkhyen pa nyid kyi stan no// rigs kyi bu stan gcig po ni 'di yin te/ de ni chos kyi stan no// stan de las byang chub sems dpa' de dag mi g.yo ste/ de bas na stan gcig pa zhes bya'o// rigs kyi du chos bcu po de dag dang ldan na/ byang chub sems dpa' snyan gcig pa rnams yin no/ / rigs kyi bu chos bcu dang ldan na/ byang chub sems dpa' zas phyis mi len pa rnams yin no// bcu gang zhe na/ 'di lta ste/ mi brkam pa'i rang bzhin can rnams yin/ mi chags pa'i rang bzhin can rnams yin/ de dag gis nam tshod bzung bar gyur pa de'i tshe/ nye tshod yod dam med kyang rung ste/ de dag gis lus rten pa'i yo byad 'di lta ste/ mar ram// 'bru mar ram/ sbrang rtsi 'am/ bu ram mam/ rtsa ba'i khu ba 'am/ sdong po'i khu ba 'am/ 'bras bu'i khu ba de lta bu dag bzar mi rung ngo // gzhan za ba mthong na yang khong khro ba'i sems dang /
- 326b
'jungs pa'i sems kyang mi skyed do// yang gal te zas phyis mi len pa'i byang chub sems dpa' de ji lta bu'i nad kyis srog gi bar chad du 'gyur ba 'am/ dge ba'i phyogs sde bar chad du 'gyur/ nad tshabs chen/ des 'gyod pa med cing the tsom med par byas la/ sman yin par sems nye bar bzhag la spyod par bya ste/ rigs kyi bu de ltar na byang chub sems dpa' zas phyis mi len pa yin no// rigs kyi bu chos bcu po de dag dang ldan na/ byang chub sems dpa' zas phyis mi len pa rnams yin no// rigs kyi bu chos bcu dang ldan na/ byang chub sems dpa' dgon pa pa rnams yin no/ / bcu gang zhe na/ 'di lta ste/ yun ring po nas tshangs par spyod pa la gnas pa rnams yin/ 'dul ba la mkhas pa rnams yin/ dbang po ma nyams pa rnams yin/ mang du thos pa rnams yin/ nus pa rnams yin/ bdag tu 'dzin pa'i 'jigs pa dang bral ba rnams yin/ rigs dang 'dra ba rnams yin/ lus kyis thag bsrings pa rnams yin/ dben pa la mngon du phyogs pa rnams yin/ mi dga' ba dang ma 'dres pa rnams yin no// rigs kyi bu de la ji ltar na byang chub sems dpa' yun ring po nas tshangs par spyod pa la gnas pa yin pa nas/ ji ltar na mi dga' ba dang ma 'dres pa'i bar du yin zhe na/ rigs kyi bu 'di la byang chub sems dpa' legs par bshad pa'i chos 'dul ba la rab tu byung ba yin/ 'khor gsum yongs su dag pa'i tshul khrims dang /
- 327a
ldan pa yin/ chos nyid la mkhas shing cho ga dang / spyod yul dang / 'gro ba dang / phyir 'ong ba la mkhas pas/ gang 'di de bzhin gshegs pas rgan rabs dang / bar ma dang gsar bu rnams kyi bslab pa la ma bstan pa de la 'di lta ste/ don dang / tshig dang / 'byung ba la mkhas pa dang / gzhan gyi dring mi 'jog cing / gzhan gyis mi bkri ba yin/ de ltung ba byung na lus byung bar rab tu shes shing gnas de dag kyang yongs su spong ngo / / gnas de dag la gus par byed cing chags pa mang ba yin no// sdig pa de la smod cing 'gyod de/ 'thol bar byed do/ / gnas gang dag tu ltung bar 'gyur ba de dag kyang rab tu shes/ gang dag tu mi 'gyur ba de dag kyang rab tu shes/ gang dag tu chen por 'gyur ba dang / gang dag tu 'bring dang / gang dag tu chung ngur 'gyur ba de dag kyang rab tu shes/ las gang gi rnam par smin pa'i yun ji srid pa de yang rab tu shes te/ de yang nan tan gyis sgrub bo// de mig gi dbang po ma nyams pa dang / rna ba'i dbang po ma nyams shing yan lag dang nying lag thams cad ma nyams par dgon pa na gnas te/ gnas gang na ba 'tshe ba med pa'i gnas de dag tu gnas so// gnas gang dag na bsod snyoms blang ba'i spyod yul dang ha cang mi ring ba dang / ha cang yang mi nye ba dang / gnas gang dag na chu dang zhing rnyog pa med pa/ gtsang zhing dri ma med pa tshegs chung ba yod pa dang / gnas gang dag na shing
- 327b
phun sum tshogs pa/ 'bras bu phun sum tshogs pa/ lo ma phun sum tshogs pa/ gcan gzan khro bo med pa/ phug dang ldan pa/ smon gshong dang ldan pa/ thag thug med pa/ 'gro na bde ba/ zhib/ gnyis su med pa'i gnas de 'dra ba dag na gnas so// de gnas de dag na gnas shing gang des sngon bklags pa dang / sngon thos pa de nyin lan gsum mtshan lan gsum du sgra ha cang yang mi che/ ha cang yang mi chung ba/ dbang po mi rgod cing phyi rol tu ma song ba'i sems kyi dad pas nye bar 'tsho zhing / tshig nye bar bzung ste mtshan ma 'dzin cing gnyid kyis ma log par kha ton byed do// gal te dge slong dgon pa pa'i drung du rgyal po 'am/ blon po chen po 'am/ de ma yin pa gzhan bram ze 'am/ rgyal rigs sam/ grong rdal gyi mi 'am/ yul gyi mi dag 'ongs na/ des de dag la gus par legs par 'ongs so zhes brjod par bya ste/ des rgyal po chen po ji ltar gdan bting ba la bzhugs shig ces de skad byas nas/ gal te 'dug na ni gnyis ka yang 'dug par bya'o// de ste mi 'dug na gnyis ka yang mi 'jug par bya'o/ / gal te dbang po rgod par 'gyur na/ rgyal po chen po gang dag khyod kyi phyogs na/ dge sbyong dang bram ze rnams tshul khrims dang ldan na/ yon tan dang ldan pa mang du thos pa dag mi rgod dang spre'u rnams kyis ma gtses par gnas pa de ni/ rnyed pa legs par rnyed do zhes bstod par bya'o// de ste bstan zhing dul la dbang po rab tu zhi ba zhig yin te/ chos
- 328a
bstan par rung na/ de la chos sna tshog pa bstan par bya'o// de ste chos sna tshogs bstan pa la mi dga' na/ de la skyo ba dang 'thun pa'i chos bskrun par bya'o// de ste spyong dang 'thun pa'i chos bstan pa la mi dga' na/ de la de bzhin gshegs pa'i che ba dag bstan par bya'o// bram ze dang / rgyal rigs dang / grong pa dang / yul gyi mi dag 'ongs na yang ci rigs par bya ba dag bya'o/ / de de ltar mang du thos pas chos nyan pa rnams kyi sems mgu bar byed nus pa yin te/ sems can de dag kyang de la dga' ba dang / dad pa dang / rangs pa thob par 'gyur/ ro// nyon mongs pa kun nas langs pa rnams kyi gnyen por yang nus pa yin no// mang du thos pa'i stobs bskyed pas bdag tu 'dzin pa'i 'jigs pa dang bral ba yin no// de bdag tu 'dzin pa'i 'jigs pa dang bral bas dgon pa na mi 'jigs/ mi skrag/ mi sdang / bag tsha ba med cing rab tu dben pa la mngon du phyogs par 'gyur te gnas so// de dgon pa de na dben pa la mngon du phyogs shing 'du 'dzi med par gnas pas/ ri dgas dang 'dra ba yin no// rigs kyi bu byang chub sems dpa' dgon pa pa ni ri dwags ltar rtag tu 'jigs pa ma yin te/ de la ri dgas kyi nyes pa yang med mod kyi/ ji ltar ri dgas dag bdag 'di'i lan bon gyis srog gi bar chad du 'gyur du 'ong ngo zhes yul dang yul gyi phyogs ring po bas kyang ring por spong ba de bzhin du
- 328b
byang chub sems dpa' yang bdag 'di'i lan bon gyis/ yi dam gyi bar chad dam/ sems g.yeng bar 'gyur na mi rung ngo zhes bud med dang / skyes pa dang / khye'u dang / bu mo rnams dang 'dra 'ji mi byed cing / 'du 'dzi dag thag ring po bas kyang ring por yongs su spong ngo // de de ltar thag bsrings te gnas par rab tu dben pa mngon du phyogs pa yin/ de rab tu dben pa la mngon du phyogs pas/ dgon pa de la yon tan du lta ba dang / zhi bar lta ba yin/ de yon tan du lta zhing zhi bar lta bas na/ mi dga' ba dang mi 'dra'o// mi dga' ba dang ma 'dres pas na// dgon pa pa'i chos rnams yang dag par blangs nas spyod de/ de ltar na rigs kyi bu byang chub sems dpa' yun ring po nas tshangs par spyod pa la gnas pa nas/ mi dga' ba dag dang ma 'dres pa'i bar du yin no/ / rigs kyi bu chos bcu po de dag dang ldan na/ byang chub sems dpa' dgon pa pa rnams yin no// rigs kyi bu chos bcu dang ldan na/ byang chub sems dpa' shing drung pa rnams yin no/ / bcu gang zhe na/ 'di lta ste/ grong dang ha cang yang nye ba'i shing drung du mi rten/ grong dang ha cang yang ring ba'i shing drung du mi rten/ sngam sdum tsher ma can gyis gang ba'i shing drung du mi rten/ shing ma lu ta dang ka'i ba'i ka'i tsu'i khri shing gis gang ba'i shing drung du mi rten/ shing lo ma bskams pa'i shing drung du mi rten/ spre'u gan+da/
- 329a
pa'i shing drung du mi rten/ bya gnas pa'i shing drung du mi rten/ gcan gzan khro bo gnas pa'i shing drung du mi rten/ 'dren po gnas pa'i shing drung du mi rten/ mi g.yon na dgan pa'i shing drung du mi rten gyi/ gang na lus bag yangs shing sems dga' bar 'gyur ba'i shing drung du de lta bur rten to// rigs kyi bu chos bcu po de dag dang ldan na/ byang chub sems dpa' shing drung pa rnams yin no/ / rigs kyi bu chos bcu dang ldan na/ byang chub sems dpa' bla gab med pa rnams yin no// bcu gang zhe na/ 'di lta ste/ dgun nam dpyid dam/ dbyar ram/ ston kyang rung ste/ rtsig drung du mi gnas/ shing drung na ma yin/ sog ma spungs pa ma yin/ ri'i sman gshong du ma yin/ chu lkog tu ma yin/ grang ba skyob par yang mi byed/ rlung skyob pa ma yin/ char skyob pa yang ma yin/ nyi ma skyob pa ma yin/ ba mo'i skyabs kyang mi byed kyi/ gzhan du na gal te byang chub sems dpa' bla gab med pa nam lus kyis ma nus par gyur na/ des gtsug lag khang du gnas te/ nyon mongs pa'i gnyen po'i phyir de bzhin gshegs pas sbyangs pa'i yon tan bcas te/ ci nas kyang bdag gtsug lag khang na gan pa gzhan du nyon mongs pa rnams spong bar 'bad pa de ltar sems bskyed par bya'o/ / gtsug lag khang de la yang chags pa mi bskyed de/ zhen pa yang ma yin no// de yang 'di ltar sems te/ sbyin pa'i
- 329b
bdag po rnams la phan gdags par bya'i/ bdag cag gis bdag nyid gso bar mi bya'o snyam ste/ de rtag tu rgyun mi 'chad par bla gab med pa'i 'du shes nye bar 'jog pa yin no// rigs kyi/ bu chos bcu po de dag dang ldan na/ byang chub sems dpa' bla gab med pa rnams yin no// rigs kyi bu chos bcu dang ldan na/ byang chub sems dpa' dur khrod pa rnams yin no// bcu gang zhe na/ 'di lta ste/ gnas gang na gnas kyang rung / skyob mang po rnams yin/ de dag shi ba'i 'du shes rtag tu rgyun mi 'chad par nye bar gzhog pa yin/ de dag rnam par zos par 'du shes pa dang / rnam par dmar bar 'du shes pa dang / rnam par bsngos par 'du shes pa dang / rnam par rul bar 'du shes pa dang / rnam par bam par 'du shes pa dang / rnam par tshig par 'du shes pa dang / rnam par 'thor bar 'du shes pa dang / keng rus su 'du shes pa rtag tu rgyun mi 'chad par nye bar gzhog pa yin no// rigs kyi bu byang chub sems dpa' dur khrod pas ni byams pa'i sems su bya'o/ / phan pa'i sems dang / sems can la snying brtse ba dang / tshul khrims dang / gtsang sbra'i cho ga dang ldan zhing sha dang 'bags pa med par bya'o// rigs kyi bu de ci'i phyir zhe na/ dur khrod kyi yo na ni/ gang byang chub sems dpa' sha za ba mthong na/ ma dad pa skyed cing gtse bar sems pa'i mi ma yin pa dag gnas pa yod do// rigs kyi bu byang chub sems dpa' dur khrod pas gtsug lag
- 330a
khang du zhugs te/ de bzhin gshegs pa'i mchod rten la phyag byas/ dge slong rgan rabs rnams la phyag byas te/ gsar bu rnams kyang dga' bar byas la 'greng ste 'dug par bya'o/ / dge 'dun gyi mal stan la 'dug par mi bya'o// rigs kyi bu de ci'i phyir zhe na/ byang chub sems dpa' 'jig rten gyi yid dang sbyar bar bya ste/ byang chub sems dpa' dur khrod pa ni 'phags pa ma yin pa'i 'jig rten dang mi mthun gyi/ 'phags pa dang ni mi mthun pa med do// gal te byang chub sems dpa' dur khrod pa gang zag gi ma la stan la bdar na/ des ci nas kyang de 'gyod par mi 'gyur la/ gzhan gyis kyang dpya bar mi 'gyur bar shin tu rtogs par byas la/ dge slong de'i bsam pa yang shes nas/ gdod stan de la gdol bu dang 'dra bar dma' ba'i sems kyis stan de la 'dug par bya'o/ / rigs kyi bu chos bcu po de dag dang ldan na/ byang chub sems dpa' dur khrod pa rnams yin no// rigs kyi bu chos bcu dang ldan na/ byang chub sems dpa'i cog pu pa rnams yin no// bcu gang zhe na/ 'di lta ste/ lus yongs su gdung bar bya ba'i phyir 'dug pa ma yin/ sems yongs su gdung bar bya ba'i phyir 'dug pa ma yin/ gnyid kyis non te 'dug pa ma yin/ lus dub pas 'dug pa ma yin gyi/ byang chub sems dpa' cog pu pa 'dug pa ni/ byang chub kyi tshogs yongs su bskang ba'i phyir 'dug go/
- 330b
sems rtse gcig tu bya ba'i phyir 'dug go/ lam mngon du bya ba'i phyir 'dug go// byang chub kyi snying por 'gro ba'i phyir 'dug go/ sems can la phan pa'i phyir 'dug go// nyon mongs pa thams cad spang ba'i phyir 'dug go/ rigs kyi bu chos bcu po de dag dang ldan na/ byang chub sems dpa' cog pu pa rnams yin no// rigs kyi bu chos bcu dang ldan na/ byang chub sems dpa' gzhi ji bzhin pa rnams yin no// bcu gang zhe na/ 'di lta ste/ mal spyan ma chags pa rnams yin/ bdag nyid kyang mal stan mi 'dir // gzhan dag kyang 'ding du mi 'jug gding ba'i phyir brda mi byed cing gzhan du na lo mas gang ba'am/ rtswas gang ba'i gnas kyang rung ste/ gnas de dag tu nyal bar byed cing / sa gang gi phyogs na sbrul gyis gang ba 'am/ sbrang ma dang sha sbrang gis gang ba 'am/ khung mang ba de dag ring po bas kyang ring por yongs su spong ngo // de dag nyal ba na glo g.yas pas nyal bar byed de/ rkang pa'i steng du rkang pa bzhag nas lus chos gos dag gis shin tu g.yogs shing dran pa dang shes bzhin du snang ba'i 'du shes dang ldan pa'i 'du shes su nyal bar byed de/ gnyid kyi bde ba la chags par mi byed/ skyes pa'i bde ba la yang ma yin te/ gzhan du na de dag ji tsam du 'byung ba chen po rnams gnas shing 'tsho ba'i phyir nyal bar byed la/ rtag tu rgyun mi 'chad par yang dge ba'i phyogs la mngon du phyog
- 331a
pa rnams yin no/ / rigs kyi bu chos bcu po de dag dang ldan na/ byang chub sems dpa' gzhi ji bzhin pa rnams yin no// rigs kyi bu chos bcu dang ldan na/ byang chub sems dpa' rnal 'byor spyod pa rnams yin no// bcu gang zhe na/ 'di lta ste/ mi sdug pa bsgom pa mang ba rnams yin/ byams pa sgom pa mang ba rnams yin/ rten cing 'brel bar 'byung ba sgom pa mang ba rnams yin/ skyon la mkhas pa rnams yin/ stong pa nyid bsgom pa mang ba rnams yin/ mtshan ma med pa sgom pa mang ba rnams yin/ rnal 'byor sgom pa mang ba rnams yin/ rgyun du sgom pa mang ba rnams rin/ 'gyod pa med pa rnams yin/ tshul khrims phun sum tshogs pa rnams yin no// rigs kyi bu de la ji ltar na byang chub sems dpa' mi sdug pa bsgom pa mang ba yin zhe na/ rigs kyi bu 'di la byang chub sems dpa' gcig pu lkog tu song ste/ nang du yang dag bzhag nas rab tu dben pa la mngon du phyogs shing shin tu skyo ba'i sems kyis lus drang po drang po dang lus pags kyis glod pas skyil mo krung bcas nas dran pa mngon du bzhag ste/ phyi rol tu ma byung ba'i sems kyis de 'di snyam du sems so/ / ji snyed du mi'i nang du kha zas dang zas skom gtsang yang rung / bzang po yang rung / ngan pa yang rung / ro phun sum tshogs pa yang rung / ro chung ba yang rung ste
- 331b
de thams cad lus kyi mes reg pa dang btsog par 'gyur te/ rul cing dri nga ba dang 'jig rten thams cad dang mi 'phrod pa yin nu/ de la byas pa 'di dag ni shin tu zhen cing rab tu chags so// bdag cag ni 'phags pa'i chos 'dul ba la gnas te/ yang dag pa'i shes rab kyis yang dag pa ji lta ba bzhin du brtags te/ 'di 'dra ba'i lus la ma zhen ma chags par bya'o// de'i phyir/ skyo ba'i sems kyang mi bskyed do snyam ste/ de ltar na byang chub sems dpa' mi sdug pa bsgom pa mang ba yin no// ji ltar na byang chub sems dpa' byams pa bsgom pa mang ba yin zhe na/ rigs kyi bu 'di la byang chub sems dpa'i gcig pu dben par 'dug ste/ nang du yang dag par bzhag nas rab tu dben pa la mngon du phyogs shing shin tu skyo ba'i sems kyis lus drang po drang po dang lus bags kyis glod pas skyil mo krung bcas nas dran pa mngon du bzhag ste/ phyi rol tu ma byung ba'i sems kyis 'di snyam du sems so// sems can gang ngag khro ba gnod sems mang ba mi dge ba'i las byed pa rnams dang / gang rnams bdag la rgol ba dang / dgra bo gtsugs med par shar gnyer ba rnams byung ba 'am/ 'byung bar 'gyur ba yang rung ste/ bdag gis de dag thams cad kyi khro ba dang gnod sems rab tu zhi bar byas te byang chub kyi snying po la dgod par bya'o// de yang ngag tsam gyis ma yin gyi/ bsam pa thag pas sems te/ de ltar
- 332a
na byang chub sems dpa' byams pa bsgom pa mang ba yin no/ / ji ltar na byang chub sems dpa' rten cing 'brel par 'byung ba bsgom pa mang ba yin zhe na/ 'di la byang chub sems dpa' 'dod chags skyes pa dang / khro ba skyed pa dang / gnod sems kyi sems skyed na/ 'di snyam du sems so// chos 'di su la skye ba de yang rten cing 'brel par 'byung ba'o/ / chos 'di gang skye ba de yang rten cing 'brel par 'byung ba'o// rkyen gang dag gis skye ba de dag kyang rten cing 'brel par 'byung ba'o// rten cing 'brel par 'byung ba'i chos gsog de dag la mkhas pa'i rang bzhin can su zhig bdag la rma 'byin snyam ste/ de ltar na byang chub sems dpa' rten cing 'brel par 'byung ba sgom pa mang ba yin no// ji ltar na byang chub sems dpa' skyon la mkhas pa yin zhe na/ 'di la byang chub sems dpa' gang bdag gi rgyud la skyon yod pa de dag spang ba'i phyir nan tan du byed// gang gzhan gyi rgyud la yod pa mi nus pa'i rang bzhin de dga' yang btang snyoms su gnas so/ / skyon de dag gang zhe na/ 'di lta ste/ sangs rgyas la rim gro mi byed pa dang / chos dang / dge 'dun dang / bslab pa dang / 'phags pa rnams dang / tshangs pa mchus par spyod pa rgan rabs dang / bar ma dang / gsar bu rnams la ri mor mi byed pa ni skyon no// bdag la ri mor byed pa dang / gzhan la brnyas pa dang / yul la mngon du phyogs pa dang / mya ngan
- 332b
las 'das pa la rgyab kyis phyogs pa dang / bdag tu lta ba dang / sems can du lta ba dang / srog tu lta ba dang / gang zag tu lta ba dang / chad par lta ba dang / rtag par lta ba dang / stong pa nyid du 'dzin pa dang / rtag par 'dzin pa dang / mi rtag par 'dzin pa dang / 'phags pa rnams la mnyes par mi byed pa dang / byis pa'i skye bo dang sten pa dang / tshul khrims dang ldan pa yod su spong ba dang / sems can tshul khrims 'chal pa la bsnyen bkur byed pa dang / sdig pa'i grogs po la sten pa dang / dge ba'i bshes gnyen yongs su spong ba dang / mdo sde zab mo spong ba dang / mdo sde zab mo la skrag pa dang / snyom las dang / le lo dang / bdag la brnyas pa dang / gzi brjid chung ba dang / spobs pa med pa dang / gnas ma yin pa la 'gyod pa dang mi 'gyod pa la 'gyod pa dang / 'gyod pa la mi 'gyod pa dang / sgrib pa kun nas ldang bas glags pa dang / g.yo sgyus bcings pa dang / rmugs shing gnyid kyis gnon pa dang / rnyed pa dang / bkur sti 'dod pa dang / rus la 'dod chags pa dang / rigs la 'dod chags pa dang / lta ba la 'dod chags pa dang / yul la 'dod chags pa dang / 'khor la 'dod chags pa dang / 'jig rten rgyang 'phen gyi gsang tshig la bsten pa dang / dam pa'i chos la 'byol ba dang / yid ma 'dor ba dang / mi dge ba dang ldan pa dag la rtsol ba dang / dge ba dang
- 333a
ldan pa dag la mi rtsol ba dang / rab tu byung ba dang sdeb pa dang / skyes pa dang sdeb pa dang / bud med dang sgrub pa dang / khre'u dang sdeb dang / bu mo dang sbre pa dang // stegs can dang sdeb pa dang / dkon pa la mngon par mi dga' ba dang / zas kyi tshod mi shes pa dang / bla ma'i drung du mi 'gro ba dang / kha ton gyi dus mi shes pa dang / spyod yul gyi gan mi shes pa dang / bslab pa phra mo dag la gus par mi byed pa dang / sdig pa chung ngu rnams la 'jigs par mi lta ba dang / dbang po gti mug gis bsgribs pa dang ldan pa dang / g.yeng ba la dbang po grims pa dang / rgod par spyod pa dang / bac+doMs dka' ba dang / bka' blo mi bde ba dang / yid du 'ong ba dang / yid du mi 'ong ba'i gzugs dag la mtshan ma dang / mngon rtags su 'dzin pa dang / khro ba rnams la sems ma byams pa dang / sdug bsngal pa rnams la snying mi brtse ba dang / na bas skyo bar mi byed pa dang / shi bas mi skrag pa dang / kun tu 'bar ba las mi 'byung ba dang / lus la so sor mi rtog pa dang / tshul khrims la so sor mi rtog pa dang / ci byas ci byed ci bya zhes so sor mi rtog pa dang / mi bsam pa la sems pa dang / mi brtags pa la rtog pa dang / mi smon pa la smon pa dang / mi 'byung ba la 'byung bar 'du shes pa dang / mi dga' ba la dga' bar 'du shes pa dang / lam
- 333b
ma yin pa la lam du 'du shes pa dang / ma thob pa la thob par 'du shes pa dang / ba phral gyi bya ba la chags pa dang / byed pa ngan pas g.yengs pa dang / dge ba'i phyogs rgya chen po rnam par spong ba dang / theg pa chen po la mi bsngag pa brjod pa dang / nyan thos kyi theg pa la bsngags pa rjod pa dang / theg pa chen po la mngon par dad pa'i gang zag rnams la mi bsngags brjod pa dang / nyan thos kyi theg pa la mngon par dad pa'i gang zag rnams la bsngags pa rjod pa dang / rtsod pa lhur len pa dang / 'thab pa'i ngang tshul can dang / brlang ba dang / rtsub pa dang pho theg can dang / spyi brtol chen po dang / gtum pa dang / gdug pa dang / gang mi snyan pa dang / mu cor smra ba dang / mi gtsigs par smra bas smra ba dang / ngan du smra bas smra ba dang // brdzun zer ba dang / spros pa la mngon par dga' ba dang / spros pa la gzhol ba ni skyon no// de de ltar skyon la mkhas pas spros pa thams cad dang bral bar bya ba'i phyir/ stong pa nyid la sgom pa la rnal 'byor du byed de/ de stong pa nyid la sgom pa mang bas/ gnas gang dang gang dag la sems 'jug cing / sems mngon par dad pa'i gnas de dang de dag la ngo bo nyid yongs su btsal na stong par rtogs so/ / sems de gang yin pa de yang yongs su brtags na stong pa'o// gang gisi brtags pa de yang stong par rtogs so// de de ltar
- 334a
rtogs pas mtshan ma med pa la rnal 'byor du byed do/ / de la nang gi mtshan ma gang dang gang snang bar 'gyur ba de dang de dag mtshan ma med par byed de/ ci nas kyang lus mi dmigs pa dang / lus la dran pa nye bar mi 'jog pa dang / lus la sems mi gtong ba dang / phyi rol gyi mtshan ma rnams mi dmigs pa dang / phyi rol gyi mtshan ma rnams la dran pa nye bar mi 'jog pa dang / sems mi gtong ba de ltar mtshan ma med par byed do// de phyi rol gyi mtshan ma rnams dang bral ba dang / lus kyi mtshan ma rnams dang bral bas na nang gi mtshan ma rnams spang ba'i phyir zhugs te sgom pa mngon par dga' ba skyed do/ / de sgom pa mang bas rtag tu sgom pa la brtson pa yin/ rgyun mi 'chad par zhi gnas dang lhag mthong la gnas pas gnas pa yin/ de la zhi gnas ni sems rtse gcig pa'o// lhag mthong ni yang dag pa ji lta ba bzhin du chos la so sor rtog pa'o// de sems mnyam par bzhag pas 'gyod pa med cing rab tu dga' ba yin no/ / de ci'i phyir zhe na/ de ltar tshul khrims yongs su dag pa'i phyir ro// tshul khrims yongs su dag pa'i byang chub sems dpa' rnams ni rnal 'byor spyod pa yin te/ tshul khrims phun sum tshogs pa rnams la ni/ rnal 'byor yang dag par 'grub bo// tshul khrims phun sum tshogs pa rnams ni rnal 'byor la spyod de/ de bas na rnal 'byor du spyod pa
- 334b
rnams zhes bya'o/ / rigs kyi bu chos bcu po de dag dang ldan na/ byang chub sems dpa' rnal 'byor spyod pa rnams yin no// rigs kyi bu chos bcu dang ldan na/ byang chub sems dpa' mdo ste 'dzin pa rnams yin no/ / bcu gang zhe na/ 'di lta ste/ dam pa'i chos kun bsrung ba'i phyir thos pa 'dzin gyi/ zang zing gi phyir ma yin no// bstan pa kun bsrung ba'i phyir thos pa 'dzin gyi/ rnyed pa'i phyir ma yin no// dkon mchog gsum gyi rigs mi 'chang bar bya ba'i phyir thos pa 'dzin gyi/ bkur sti'i phyir ma yin no// theg pa chen po la yang dag par zhugs pa'i sems can rnams rjes su gzung ba'i phyir thos pa 'dzin gyi/ grags pa dang / sgra dang / tshigs su bcad pa'i phyir ma yin no// mgon med pa'i sems can rnams la phan par bya ba'i phyir thos pa 'dzin to/ / sdug bsngal ba'i sems can rnams la bde bar bya ba'i phyir thos pa 'dzin to// shes rab kyi mig dang bral ba'i sems can rnams shes rab kyi mig thob par bya ba'i phyir thos pa 'dzin to/ / nyan thos kyi theg pa la yang dag par zhugs pa'i sems can rnams la nyan thos kyi theg pa'i lam bstan pa'i phyir thos pa 'dzin to/ / theg pa chen po la yang dag par zhugs pa'i sems can rnams la theg pa chen po'i lam bstan pa'i phyir thos pa 'dzin to// bdag nyid kyang bran med pa'i ye shes
- 335a
khong du chud par bya ba'i phyir thos pa 'dzin gyi/ theg pa chung ngu la ni mi smon to// rigs kyi bu chos bcu po de dag dang ldan na/ byang chub sems dpa' mdo sde 'dzin pa rnams yin no/ / rigs kyi bu chos bcu dang ldan na/ byang chub sems dpa' 'dul ba 'dzin pa rnams yin no// bcu gang zhe na/ 'di lta ste/ 'dul ba yang rab tu shes/ 'dul ba'i tshul yang rab tu shes/ 'dul ba zab yang rab tu shes/ 'dul ba zhib pa yang rab tu shes/ rung ba dang mi rung ba yang rab tu shes/ rang bzhin gyi kha na ma tho ba yang rab tu shes/ bcas pa'i kha na ma thob yang rab tu shes/ so sor thar pa'i bslab pa'i gleng gzhi dang 'byung ba yang rab tu shes/ nyan thos kyi 'dul ba yang rab tu shes/ byang chub sems dpa'i 'dul ba yang rab tu shes so// rigs kyi bu chos bcu po de dag dang ldan na/ byang chub sems dpa' 'dul ba 'dzin pa rnams yin no// rigs kyi bu chos bcu dang ldan na/ byang chub sems dpa' cho ga dang / spyod yug dang / spyod pa dang / spyod lam phun sum tshogs pa rnams yin no// bcu gang zhe na/ 'di lta ste/ nyan thos kyi bslab pa dag la shin tu bslabs pa rnams yin/ rang sangs rgyas kyi bslab pa dag la shin tu bslabs pa rnams yin/ byang chub sems dpa'i bslab pa dag la shin tu bslabs pa rnams yin/ de dag shin tu bslabs pas na/ cho ga dang spyod yul phun sum tshogs pa rnams yin/
- 335b
cho ga dang spyod yul phun sum tshogs pas dge sbyong gi tshul dang 'thun pa ma yin pa'i spyod yul rnams yongs su spong ngo // de dag de'i phyir gnas ma yin par mi spyod yul ma yin pa dang / dus ma yin par mi spyod/ de dag dge sbyong gi spyod yul la spyod pas/ spyod pa phun sum tshogs pa rnams yin te/ dge sbyong ngam/ bram zes 'di lta ste/ don dang mi ldan pa de dang / des mtshang 'drur meng la/ gzhan dag kyang bslab pa de nyid la 'jog par byed do// de dag spyod yul phun sum tshogs pas/ spyod lam mdzes pa phun sum tshogs pa yin/ spyod lam rab tu zhi bas spyod lam bcos pa med pa dang ldan pa yin no/ / rigs kyi bu chos bcu po de dag dang ldan na/ byang chub sems dpa' cho ga dang / spyod yul dang / spyod pa dang / spyod lam phun sum tshogs pa rnams yin no// rigs kyi bu chos bcu dang ldan na/ byang chub sems dpa' ser sna dang phrag dog dang bral ba rnams yin no// bcu gang zhe na/ 'di lta ste/ bdag nyid kyang sbyin pa'i bdag bo yin/ gzhan yang sbyin pa la yang dag par 'dzud/ sbyin pa'i bsngags pa smra ba rnams yin/ gzhan dag gis byin pa la rjes su yi rang bar byed/ sbyin pa'i bdag po gzhan dag la yang gzengs bstod cing rab tu dga' bar byed/ gzhan dag la byin na yang 'di snyam du bdag cag la byin cig/ gzhan la ni ma yin no// bdag cag gir gyur la/ gzhan dag gir ma gyur
- 336a
cig ces sems mi skyed/ 'di snyam du 'di lta ste/ sems can thams cad 'tsho ba'i yo byad de dang de dag thob par gyur cig ces 'jig rten dang 'jig rten las 'das pa'i bde ba dang ldan te bde bar gyur cig/ bdag gis kyang de nyid kyi don du 'bad par bya'o// brtsal bar bya'o// bdag cag gis ser sna dang phrag dog gi sems bskyed par mi bya'o zhes sems bskyed do/ / rigs kyi bu chos bcu po de dag dang ldan na/ byang chub sems dpa' ser sna dang phrag dog dang bral ba rnams yin no// rigs kyi bu chos bcu dang ldan na// byang chub sems dpa' sems can thams cad la sems snyoms pa rnams yin no// bcu gang zhe na/ 'di lta ste/ sems can thams cad la snyoms par sbyor ba rnams yin/ sems can thams cad la khong khro ba'i sems med pa rnams yin/ sems can thams cad la gnod sems med pa rnams yin/ sems can thams cad kyi don kho nar sbyin pa dag sbyin/ tshul khrims srung bzod pa sgom/ brtson 'grus rtsom/ bsam gtan la bsam gtan du byed/ shes rab sgom/ thams cad mkhyen pa nyid kyang yang dag par sgrub mod kyi/ gnyis la gnas pa'i sems kyis sgrub pa ma yin gyi/ sems can thams cad la thun mong gi sems dang / sems can thams cad la dmigs pas sgrub ste/ ci nas kyang chos nyid myur du thob par 'gyur ba de ltar sgrub bo//
- 336b
de dag 'khor ba rab tu 'bar ba nas/ bdag nyid byung nas gzhan dag kyang 'byin te/ de yang mnyam pa nyid kyi sems nye bar gzhag cing 'byin gyi/ sdug pa'i sems ma yin/ khong khro bas ma yin no/ / rigs kyi bu 'di lta ste/ dper na tshong dpon nam khyim bdag la bu sdug pa/ 'phangs pa/ byams pa/ yid du 'ong ba drug cig yod la/ bu de dag la tshong dpon nam khyim bdag mtshungs par byams shing mtshungs par sbyor bar gyur pa las de'i bu de dag byis pa yin te/ gog pa/ mi shes pa/ mi mkhas pa dag cig la/ de nas tshong dpon nam khyim bdag de'i khyim ma thar te/ de'i bu dag kyang so so na 'khod par gyur na/ rigs kyi bu de ji snyam du sems/ tshong dpon nam khyim bdag de 'di ni sngar je dbyung ngo // de nas phyis 'di dbyung ngo/ snyam de ltar sems sam/ byang chub sems dpa' sgrib pa thams cad rnam par sel bas gsol pa/ bcom ldan 'das ma lags so// de ci'i slad du zhe na/ bcom ldan 'das tshong dpon nam/ khyim bdag de bu rnams la sems snyoms pas de gang dang gang dag ji ltar 'jal ba de dang de nyid de bzhin du 'byin to// bcom ldan 'das kyis bka' stsal pa/ rigs kyi bu de bzhin du byis pa lta bu'i sems can thams cad ni byang chub sems dpa'i bu dang 'dra'i/ 'phags pa rnams ni ma yin te/ byang chub sems dpa'i de byis pa/ mi gsal ba/ mi mkhas pa/ 'gro ba drug
- 337a
po so so na gnas pa de dag 'khor ba'i khyim me thar pa nas gang dang gang ji ltar yongs su smin par 'gyur ba de dang de nyid de ltar 'byin to/ / byung nas kyang mya ngan las 'das pa'i dbyings zhi bar rab tu gzhog go/ / rigs kyi bu chos bcu po de dag dang ldan na/ byang chub sems dpa' sems can thams cad la sems snyoms pa rnams yin no// rigs kyi bu chos bcu dang ldan na/ byang chub sems dpa' de bzhin gshegs pa la mchod pa dang / rim gro bya ba la mkhas pa rnams yin no// bcu gang zhe na/ rigs kyi bu 'di lta ste/ chos la mchod pas de bzhin gshegs pa la mchod pa dang bsnyen bkur byas pa yin gyi/ zang zing gi mchod pas ni ma yin no// nan tan gyi mchod pa dang / sems can rnams la phan zhing bde bar bya ba dang / sems can rnams la phan 'dogs par byed pa dang / sems can gyi don la zhugs pa dang / yi dam mi gtong ba dang / byang chub sems dpa'i lam mi gtong ba dang / ji ltar smras pa bzhin du byed pa dang / yid yongs su mi skyo ba dang / byang chub kyi sems mi gtong bas/ rigs kyi bu de bzhin gshegs pa rnams la mchod ba dang bsnyen bkur byas pa yin gyi/ zang zing gi mchod pas ni ma yin no// rigs kyi bu de ci'i phyir zhe na/ de bzhin gshegs pa rnams ni chos kyi sku ste/ chos la mchod na/ de bzhin gshegs pa rnams mchod par
- 337b
'gyur ro/ / rigs kyi bu de bzhin gshegs pa rnams ni nan tan gyi yang dag par grub pa yin te/ sems can thams cad la phan zhing bde ba dang / sems can thams cad la phan 'dogs pa dang / sems can gyi don bya ba'i phyir skye'o// rigs kyi bu sems can gyi don de yang yi dam btang ba dang / byang chub sems dpa'i lam la rgyab kyis phyogs pa dang // brdzun du smra ba dang / smras pa las nyams pa dang / dam bcas pa las nyams pa dang / yid yongs su skyo ba dang / byang chub kyi sems dang bral bas yang dag par thob par mi nus so/ / rigs kyi bu de ci'i phyir zhe na/ byang chub sems dpa' rnams kyi bla na med pa yang dag par rdzogs pa'i byang chub ni sems can gyi don la rag las pa ste/ gal te sems can rnam med na/ byang chub sems dpa' rnams mngon par rdzogs par 'tshang rgya bar mi 'gyur ro// de bas na rigs kyi bu chos la mchod pas/ de bzhin gshegs pa rnams la mchod cing rim gror byas pa yin gyi/ zang zing gi mchod pas ma yin pa de ltar blta'o// rigs kyi bu chos bcu po de dag dang ldan na/ byang chub sems dpa' de bzhin gshegs pa la mchod pa dang rim gro ba mkhas pa rnams yin no/ / rigs kyi bu chos bcu dang ldan na/ byang chub sems dpa' nga rgyal bcom pa rnams yin no// bcu gang zhe na/ rigs kyi bu 'di lta ste/ byang chub
- 338a
sems dpa' khyim gyi gnas nas mngon par byung nas rab tu byung ste/ bdag gi grogs po dang / blon po dang / gnyen bshes dang / snag gi gnyen mtshangs la shi ba dang 'dra'o zhes nga rgyal bcom pa yin/ bdag gi gzugs mi sdug par khas blangs shing / bdag gis gos kha dog mi sdug pa bgos te/ tshul bzhin du 'gyur ro zhes nga rgyal bcom pa yin/ sdang ba'i rgyu spang ba'i/ phyir mgo bregs shing / lag na lhung bzed thogs te grong nas glong du 'gro'o zhes nga rgyal bcom pa yin/ gdol bu dang 'dra bar dma' ba dma' ba'i sems kyis bsod snyoms kyi phyir 'gro'o/ zhes nga rgyal bcom pa yin/ khadang ni bsod snyoms pa ste/ bdag gi 'tsho ba gzhan la rag lus so zhes nga rgyal bcom pa yin/ brnyas pa'i bsod snyoms ngan ngon len to zhes nga rgyal bcom pa yin/ bdag gis slob dpon dang / bla ma dang / sbyin pa'i gnas rnams mnyes par bya dgos so zhes nga rgyal bcom pa yin/ bdag gis tshangs pa mtshungs par spyod pa rnams la 'di lta ste/ cho ga dang spyod yul dang / kun spyod pa de dang des mgu bar bya'o zhes nga rgyal bcom pa yin/ sangs rgyas kyi chos ma thob pa rnams thob par bya'o zhes nga rgyal bcom pa yin/ sems can khros pa dang / gnod sems can rnams kyi nang na bzod pa mang bar bya'o zhes nga rgyal bcom pa yin no/ / rigs kyi bu chos bcu po de dag dang ldan na// byang chub sems dpa' nga rgyal bcom pa rnams yin no//
- 338b
rigs kyi bu chos bcu dang ldan na/ byang chub sems dpa' dad pa mang ba rnams yin no// bcu gang zhe na/ 'di lta ste/ sngon dge ba'i rtsa bas brtan pa'i rgyu phun sum tshogs pas/ bsod rnam kyis bstan pa rnams yin/ gzhan gyi dring mi 'jog/ gzhan gyis mi dkri/ ston pa gzhan med pas yang dag par lta ba rnams yin/ g.yo dang rgyus spyod pa dang bral bas bsam pa phun sum chog pa rnams yin/ gya gyu med pa'i rang bzhin can pas drang ba rnams yin/ dbang po rno bas shes rab phun sum tshogs pa rnams yin// rgyud dang bas sgrib pa dang kun nas ldang ba dang bral ba rnams yin/ sdig pa'i grogs po dang bral bas dge ba'i bshes gnyen la bstan pa rnams yin/ legs par bshad pa tshol bas mngon pa'i nga rgyal med pa rnams yin/ chos bstan pa la/ ma log par 'dzin pa rnams yin/ rgya chen po la mos pas de bzhin gshegs pa'i che ba rab tu shes pa yin no// rigs kyi bu chos bcu po de dag dang ldan na/ byang chub sems dpa' dad pa mang ba rnams yin no/ / byang chub sems dpa' sgrib pa thams cad rnam par sel bas gsol pa/ bcom ldan 'das bdag ni de bzhin gshegs pa'i che ba'i phyogs 'ga' tsam zhig nyan par gsol lo/ / bcom ldan 'das kyis bka' stsal pa/ rigs kyi bu de'i phyir de bzhin gshegs pa'i che ba'i phyogs 'ga' zhig ngas bstan gyis/ legs par rab tu nyon la yid la
- 339a
zung zhig/ bcom ldan 'das legs so zhes byang chub sems dpa' sgrib pa thams cad rnam par sel ba bcom ldan 'das kyi ltar nyan pa dang / bcom ldan 'das kyis 'di skad ces bka' stsal to/ / rigs kyi bu de bzhin gshegs pa ni sems can thams cad la thun mong ba'i byams pa chen po dang ldan te/ des de bzhin gshegs pa ji ltar sems can gcig la khyab pa de bzhin du sems can gyi khams ma lus pa thams cad la yang khyab ste/ sems can gyi khams thams cad la khyab nas/ nam mkha'i khams la khyab kyang / de bzhin gshegs pa'i byams pa chen po mtha' dang mu shes pa yang med do/ / rigs kyi bu de bzhin gshegs pa ni nyan thos dang / rang sangs rgyas dang / byang chub sems dpa' thams cad dang thun mong ma yin pa'i snying rje chen po dang ldan te/ des de bzhin gshegs pa ji ltar sems can gcig la snying rje ba bzhin du sems can gyi khams ma lus pa thams cad la snying rje zhing de la phan pa mdzad do/ / rigs kyi bu de bzhin gshegs pa ni chos ston pa mi zad pa dang ldan te/ de bzhin gshegs pa bskal pa du ma nas/ bskal pa brgya stong tshad mer grangs med pa du ma'i bar du rnam grangs gzhan dang gzhan dag dang / tshul gzhan dang gzhan dag gis sems can tham cad la dus gcig tu chos ston kyang / de bzhin gshegs pa'i chos bstan
- 339b
pa rad par mi 'gyur ro/ / rigs kyi bu de bzhin gshegs pa ni/ dri ba la lung bstan pa shin tu ston pa tshad med pa dang ldan te/ rigs kyi bu gal te sems can ji snyed sems can gyi za / su gtogs pa de dag thams cad kyis/ de bzhin gshegs pa la dus gcig tu tshig dang yi ge gzhan dag gis dri ba tha dad du dris kyang de dag la de bzhin gshegs pas skad cig thang cig yud tsam gcig la dris pa lung bstan pa'i ston pa bstan kyang / de bzhin gshegs pa'i dri ba la lung bstan pa'i ston pa zad par mi 'gyur ro// rigs kyi bu de bzhin gshegs pa ni chags pa med pa'i bsam gtan gyi spyod yul ba yin te/ rigs kyi bu gal te sems can thams cad byang chub sems dpa' sa bcu pa la gnas par gyur la/ de dag thams cad dus gcig tu ting nge 'dzin brgya stong du ma snyoms par zhugs te/ de bzhin du snyoms par zhugs pa nas/ bskal pa brgya stong du mar ting nge 'dzin gzhan dang gzhan dag la snyoms par zhugs kyang / de bzhin gshegs pa'i ting nge 'dzin tam/ de bzhin gshegs pa'i ting nge 'dzin gyi spyod yul gyi mtha' 'am mu mi rnyed do// rigs kyi bu de bzhin gshegs pa ni tshad med pa'i gzugs kyi sku mngon par grub pa dang ldan te/ rigs kyi bu gal te sems can thams cad de bzhin gshegs pa'i gzugs kyis 'dul bar gyur na/ de dag la de bzhin gshegs pa skad cig thang cig yud tsam gcig la/ sems
- 340a
can re re'i mdun du de bzhin gshegs pa'i gzugs nye bar ston to/ / gal te gzugs gzhan dang gzhan dag la mos par gyur na/ de la yang de bzhin gshegs pa skad cig thang cig yud tsam gcig gis sems can re re'i mdun du gzugs gzhan dang gzhan du nye bar ston to/ / rigs kyi bu de bzhin gshegs pa'i lha'i spyan gyi yul tshad med de/ rigs kyi bu lha'i spyan gyis gzigs kyi/ mi'i mig ma yin pa'i sems can yod pa/ gal te rigs kyi bu grangs dang bsam pa las 'das pa'i 'jig rten gyi khams kyi sems can ma lus pa kun de 'dra bar gyur kyang / de bzhin gshegs pas phyag gi mthil na skyu ru ra'i 'bras bu ltar yang dag pa ji lta ba bzhin du gzigs so// rigs kyi bu de bzhin gshegs pa'i lha'i snyan gyi yul tshad med de/ rigs kyi bu gal te de lta bu nyid kyi sems can gyis mtha' yas mu med pa'i 'jig rten gyi khams yongs su gang bar gyur la/ de dag thams cad kyis skad cig thang cig/ yud tsam gcig la sgra dang dbyangs brjod pa'i sgra lhan cig tu phyung ste/ brjod kyang de bzhin gshegs pas de dag bdag bdag gi sgra rnams kyang so sor gsan to// so sor rab tu mkhyen to// rigs kyi bu de bzhin gshegs pa'i ye shes tshad med pa/ mi zad pa/ nam mkha' dang 'dra ba dang ldan te/ rigs kyi bu gal te sems can gyi khams ma lus pa so sor rnam par rtog par
- 340b
rjes su rnam par rtog cing bsam pa rnam pa sna tshogs rjes su sems la so so na las sna tshogs byed na/ de dag kyang de bzhin gshegs pas skad cig thang cig yud tsam gcig la sems can 'di ni 'di la rnam par rtog go/ sems can 'di ni 'di la sems so// sems can 'di ni las 'di byed do// de'i 'bras bu ni 'dir 'gyur ro zhes rab tu mkhyen te/ de'ang de bzhin gshegs pas dus gsum char la yang thogs pa med pa'i ye shes kyis skad cig thang cig yud tsam gcig la rab tu mkhyen to/ / rigs kyi bu de bzhin gshegs pa ni rtag tu mnyam par bzhag pa rgyun mi 'chad par mnyam par bzhag pa'o/ / rigs kyi bu de ci'i phyir zhe na/ de bzhin gshegs pa la baspe la ngas pa med/ dbang po bslang ba med/ sems 'khrugs pa med do// rigs kyi bu de ci'i phyir zhe na/ de bzhin gshegs pa ni nyon mongs pa'i bag chags dang bcas pa thams cad spangs pa ste/ zhi ba/ rab tu zhi ba/ nye bar zhi ba'o// rigs kyi bu gang la nyon mongs pa yod/ pa de'i sems ni bslad par 'gyur te/ sems bslad pas mnyam par 'jog par mi 'gyur ro// de bzhin gshegs pa ni nyon mongs pa med pa/ rdul med pa/ zag pa med pa/ nyon mongs pa'i bag chags thams cad spangs pa/ chos thams cad la dbang ba mnyam pa nyid thob pa ting nge 'dzin dang snyoms par 'jug pa'i spyod yul thams cad las byung ba yin te/ gal te rigs kyi
- 341a
bu de bzhin gshegs pa spyod lam re re la yang ting nge 'dzin re res spyod pa nas/ de bzhin gshegs pa de zhin du spyod cing / mya ngan las 'das pa'i lus kyi tshe'i bar du spyod na// gang de bzhin gshegs pa rtag tu mnyam par bzhag pa lta ci smos/ rigs kyi bu de bzhin gshegs pa ni bskal pa grangs med pa du ma yang dag par grub pa ma yin te/ rigs kyi bu de bzhin gshegs pa la ni dpag pa dang / bsam pa dang / rtag par mi nus so// byang chub sems dpa' sgrib pa thams cad rnam par sel bas gsol pa/ bcom ldan 'das bskal pa grangs ma mchis pa gsum gyis de bzhin gshegs pa rnams yang dag par 'grub pa ma lags sam/ bcom ldan 'das kyis bka' stsal pa/ rigs kyi bu ma yin no// rigs kyi bu de ci'i phyir zhe na/ byang chub sems dpa' de bzhin gshegs pa'i spyod yul bsgrub par bya ba ni bsam gyis mi khyab ste/ de ni bskal pa grangs med pa gsum gyis yang dag par bsgrub par mi nus kyi/ nam byang chub sems dpa' chos mnyam pa nyid du zhugs par gyur pa de'i tshe nas brtsams te bskal pa bgrang bar bya'i/ thog ma'i sems nas brtsams te ni ma yin no// byang chub sems dpa' sgrib pa thams cad rnam par sel bas gsol pa/ bcom ldan 'das sus de bzhin gshegs pa'i che ba 'di thos nas/ dga' ba dang / dad pa dang / rangs pa rnyed pa'i sems can de dag ni
- 341b
sgyid bde ba la legs par bgyid pa'i las kyi sgrib pa spangs pa/ dad pa dang mos pa mang zhing byang chub tu nye ba lags na/ su dag thos nas 'dzin pa dang / 'chang ba dang / klog pa dang / kun chub par bgyid pa dang / gzhan la yang rgya cher ston pa lta ci smos te/ bcom ldan 'das sems can de dag ring po mi thogs par de bzhin gshegs pa'i che ba 'di 'dra ba dag nyid kyi snod du gyur par mchi'o/ / bcom ldan 'das kyis bka' stsal pa/ rigs kyi bu de de bzhin no// de de bzhin te/ rigs kyi bu su de bzhin gshegs pa'i che ba 'di thos par 'gyur ba'i sems can de dag sangs rgyas kyis yongs su bzung ba yin no/ / dge ba'i rtsa ba skyed pa dang / sangs rgyas mang po la bsnyen bkur byas par 'gyur te/ rigs kyi bu dang / rigs kyi bu mo de ngag gis the tsom dang / yid gnyis dang / nem nur mi bskyed par bya'o// rigs kyi bu 'am/ rigs kyi bu mo gang gis nub bdun du yid la bya ba gzhan med cing / sems ma 'khrugs par bsam pa drag po dang dad pa drag pos zhugs te/ de bzhin gshegs pa'i che ba 'di rjes su sems la/ zhag bdun 'das pa dang / des mchod pa'i cho ga nye bar bzhag nas/ gtsang bas gos gtsang ma bgos te/ dad pa mngon du byas la 'dug par byas te/ des de'i nub mo de de bzhin gshegs pa mthong bar 'gyur ro// de ste mi byed dam/ cho ga gtsang bar byed na/
- 342a
de sems rtse gcig par 'gyur zhing / 'chi ba'i tshe yang de bzhin gshegs pa de'i mdun na zhugs par 'gyur ro// byang chub sems dpa' sgrib pa thams cad rnam par sel bas gsol pa/ bcom ldan 'das de bzhin gshegs pa'i che ba 'di bshad na/ sems can gang la la mi dad par 'gyur ba ma mchis sam/ bcom ldan 'das kyis bka' stsal pa/ rigs kyi bu de bzhin gshegs pa'i che ba 'di bshad na/ sems can gang mi bzad pa/ rtsub pa/ tsha ba'i bsam pas gnod sems kyi sems skyed par 'gyur ba dang / chos smra ba de yang dgra 'du shes par 'gyur ba dag yod de/ de dag de'i phyir lus zhig nas sems can dmyal ba rnams su skye bar 'gyur ro// yang rigs kyi bu sems can gang rnams de bzhin gshegs pa'i che ba bshad pa 'di la dad pa rnyed par 'gyur ba dang / chos slu ba de la yang dge ba'i bshes gnyen du 'du shes pa dang / ston par 'du shes skyed pa/ rigs kyi bu sngon yang de bzhin gshegs pa'i che ba 'di/ tshe rabs de dang de dag gzhan la yang rigs kyi bu de dag gis thos par nges par rig par bya'o// de nas 'khor der 'dus pa'i sems can kha cig 'di snyam du sems te/ kye ma'o bcom ldan 'das kyis ji skad du bshad pa'i chos kyi rnam grangs 'di sngon bdag cag gis kyang thos pa lta zhig snyam mo// de nas bcom ldan 'das kyis de'i tshe ljags
- 342b
kyi dbang po phyung ste/ ljags kyi dbang pos zhal gyi dkyil 'khor mngon par bkab bo// zhal gyi dkyil 'khor mngon par bkab nas/ dbu mngon par bkang bo// dbu mngon par bkab nas/ sku mngon par bkab bo// sku mngon par bkab nas/ seng ge'i khri mngon par bkab bo// seng ge'i khri mngon par bkab nas/ byang chub sems dpa'i 'khor mngon par bkab bo/ / de nas nyan thos kyi 'khor/ de nas brgya byin dang / tshangs pa dang / 'jig rten skyong ba'i 'khor/ de nas thams cad dang ldan pa'i 'khor mngon par bka bo/ / de nas stong gsum gyi stong chen po'i 'jig rten gyi khams mngon par bkab bo// de nas bcom ldan 'das kyis ljags kyi dbang po phyir bsdus te/ thams cad dang ldan pa'i 'khor la bka' stsal pa/ rigs kyi bu 'di 'dra ba'i ljags kyis de bzhin gshegs pa rnams rdzun gsung bar mi 'gyur gyis/ rigs kyi bu khyed rnams dad par gyis shig/ rigs kyi bu khyed rnams mngon par dad par gyis shig/ de ni khyed kyi yun ring po'i don dang / phan pa dang / bde bar 'gyur ro// de nas bcom ldan 'das kyis bstan pa 'di bstan pa'i tshe/ byang chub sems dpa' brgyad khri bzhi stong gis mi skye ba'i chos rnams la bzod pa thob bo// srog chags brgya stong du ma ni chos rnams la chos kyi mig rdul dang
- 343a
bral zhing dri ma med pa rnam par dag go/ sngon sems ma skyed pa'i sems can du mas ni byang chub tu sems bskyed do// // 'phags pa dkon mchog sprin bam po bdun pa ste tha ma'o/ / de nas bcom ldan 'das kyis/ yang byang chub sems dpa' sgrib pa thams cad rnam par sel ba la bka' stsal rigs kyi bu chos bcu dang ldan na/ byang chub sems dpa' kun rdzob la mkhas pa rnams yin no// bcu gang zhe na/ 'di lta ste/ gzugs su yang 'dogs la/ don dam par na gzugs su yang mi dmigs shing mngon par mi chags so/ / de bzhin du tshor ba dang / 'du shes dang / 'du byed rnams dang / rnam par shes pa yang 'dogs la/ don dam par na rnam par shes par yang mi dmigs shing mngon par mi chags so/ / sa'i khams su yang 'dogs la/ don dam par na sa'i khams su yang mi dmigs shing mngon par mi chags so// de bzhin du chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams su yang 'dogs la/ don dam par na rnam par shes pa'i khams/ su yang mi dmigs shing mngon par mi chags so// mig gi skye mched du yang 'dogs la/ don dam par na mig gi skye mched du yang mi dmigs shing mngon par mi chags so// de
- 343b
bzhin du rna ba'i skye mched dang / sna'i skye mched dang / lce'i skye mched dang / lus kyi skye mched dang / yid kyi skye mched du yang 'dogs la/ don dam par na yid kyi skye mched du yang mi dmigs shi mngon par mi chags so/ / bdag tu yang 'dogs la/ don dam par na bdag tu yang mi dmigs shing mngon par mi chags so// sems can du yang 'dogs la/ don dam par na sems can du yang mi dmigs shing mngon par mi chags so/ / gsog dang / gso ba dang / skyes bu dang / gang zag dang / shed las skyes dang / sheng bur yang 'dogs la/ don dam par na srog dang / gso ba dang / skyes bu dang / gang zag dang / shed las skyes dang / shed bur yang mi dmigs shing mngon par mi chags so// 'jig rten du yang 'dogs la/ don dam par ni 'jig rten du mi dmigs shing mngon par mi chags so/ / 'jig rten gyi chos rnams su yang 'dogs la/ don dam par na 'jig rten gyi chos rnams su yang mi dmigs shing mngon par mi chags so/ / sangs rgyas kyi chos rnams su yang 'dogs la/ don dam par na sangs rgyas kyi chos rnams su yang mi dmigs shing mngon par mi chags so// byang chub tu yang 'dogs la/ don dam par na byang chub dang byang chub byed par yang mi dmigs shing // de la yang mngon par mi migs shing mngon par mi chags so// rigs kyi bu de
- 344a
lta bas na/ gang ming dang 'dogs pa dang tha snyad de ni kun rdzob ces bya ste/ kun rdzob kyi chos rnams la ni don dam pa med mod kyi/ kun rdzob kyi chos rnams med par/ yang don dam pa bstan par mi nus so// rigs kyi bu byang chub sems dpa' gang gnas 'di dag la kun rdzob tu mkhas shing don dam pa yang ma yin pa de ni kun rdzob la mkhas pa zhes bya'o/ / rigs kyi bu chos bcu po de dag dang ldan na/ byang chub sems dpa' kun rdzob la mkhas pa rnams yin no// rigs kyi bu chos bcu dang ldan na/ byang chub sems dpa' don dam pa la mkhas pa rnams yin no/ / bcu gang zhe na/ 'di lta ste/ mi skye ba'i chos nyid dang ldan pa rnams yin/ mi 'gag pa'i chos nyid dang / mi 'jig pa'i chos nyid dang / mi len mi 'dor ba'i chos nyid dang / tshig gi spyod yul las yang dag par 'das pa'i chos nyid dang / smrar med pa'i chos nyid dang / spros pa med pa'i chos nyid dang / brjod du med pa'i chos nyid dang / zhi ba'i chos nyid dang / 'phrigs pa'i chos nyid dang ldan pa rnams yin no// rigs kyi bu de ci'i phyir zhe na/ domadam par ni mi s+ye/ mi 'gag/ mi 'jig go/ mi len to// mi 'dor ro// yi ge dag gis smra bar bya ba ma yin no// yi ge rnams kyis mi brjod do// spobs pas mi rtogs so// rigs kyi bu don dam pa ni/
- 344b
brjod du med pa ste zhi ba'o// 'phags pa rnams kyi so so rang gis rig pa'o// rigs kyi bu don dam pa ni de bzhin gshegs pa rnams skyes kyang rung / ma skyes kyang rung / mi 'jig ba ste/ rigs kyi bu de'i phyir byang chub sems dpa' rnams sgra dang kha spu bregs te/ gos ngur smrig gyon la yang dag par dad pas khyim nas khyim med par rab tu byung ngo // rab tu byung nas kyang / chos 'di kho na thob par bya ba'i phyir mgo 'am gos la me 'bar ba bzhin du brtson 'grus brtsams shing gnas so// rigs kyi bu gal te don dam pa meng du zan na// tshangs par spyod pa don med par 'gyur ro/ / de bzhin gshegs pa rnams 'byung ba yang don med par 'gyur ro// gang gi phyir don dam pa yod pas na/ de'i phyir byang chub sems dpa' rnams don dam pa la mkhas pa zhes bya'o/ / rigs kyi bu chos bcu po de dag dang ldan na/ byang chub sems dpa' don dam pa la mkhas pa rnams yin no// rigs kyi bu/ chos bcu dang ldan na/ byang chub sems dpa' rten cing 'brel par 'byung ba la mkhas pa rnams yin no// bcu gang zhe na/ 'di lta ste/ chos rnams gsog nyid du rab tu shes/ gsod nyid dang / snying po med pa nyid dang / mig yor lta bu nyid dang / gzugs brnyan lta bu nyid dang / brag cha lta bu nyid dang / sgyu ma lta bu nyid dang / mi gnas pa nyid dang / g.yo ba nyid
- 345a
dang / rten cing 'brel par 'byung ba nyid du yang rab tu shes so// de dag 'di snyam du sems te/ chos 'di dag ni 'di ltar gsog/ 'di ltar gsob/ 'di lta snying po med pa/ 'di ltar mig yor lta bu/ 'di ltar gzugs brnyan lta bu/ 'di ltar brag cha lta bu/ 'di ltar sgyu ma lta bu/ 'di ltar mi gnas pa/ 'di ltar g.yo ba/ 'di rten cing 'brel bar 'byung ba yin yang 'di dag skye bar yang snang ngo / / gnas pa dang 'jig par yang snang ngo snyam mo// de dag 'di snyam du sems te/ yang chos 'di rnams skye ba'i rkyen ni gang rnams yin/ chos 'di rnams 'gag pa'i rkyen ni gang rnams yin snyam mo// de dag 'di snyam du sems te/ ma rig pa'i rkyen gyis chos 'di dag skye ste/ ma rig pa las byung ba'o/ / ma rig pa sngon du 'gro ba'o// ma rig pa la brten pa'o// ma rig pa la brten nas/ 'du byed rnams 'byung ba yin/ 'du byed la brten nas rnam par shes pa snang bar 'gyur ro/ / rnam par shes pa yod na/ ming dang gzugs su 'dogs par 'gyur ro// ming dang gzugs su brtags na/ skye mched drug rnams su 'dogs par 'gyur ro// skye mched drug rnams yod na reg par 'gyur ro/ / reg pa yod na tshor ba snang bar 'gyur to// tshor ba'i rgyus byis pa rnams sred pas len par 'gyur ro// sred pas len na len pa 'dzin to//
- 345b
len pa gzung na srid pa'i mtshams sbyor bar 'gyur ro// srid pa yod na skye bar 'gyur ro// skye ba yod na rga bar 'gyur ro// skyes bu gang zag rga ba'i chos can ni 'chi bar 'gyur ro// shi ba la gnas pa'i mya ngan dang / smre sngags 'don pa dang / yi mug pa dang / 'khrug pa rnams 'byung ste/ 'di ltar sdug bsngal gyi phung po chen po 'di 'ba' zhig 'byung bar 'gyur ro// de lta bas na mkhas pa'i rang bzhin can gyis ma rig pa spang bar nan tan bya'o// ma rig pa gzhig pa dang / ma rig pa rtsa ba nas dbyung ba dang / ma rig pa 'gag pa'i phyir nan tan bya'o// ma rig pa 'gags pas/ ma rig pa'i rkyen las skyes dang / ma rig pa las byung ba/ ma rig pa sngon du 'gro ba/ ma rig pa'i rten pa'i chos 'di dag 'gag par 'gyur ro// rigs kyi bu 'di lta ste/ srog gi dbang po 'gags na/ dbang po lhag ma rnams kyang 'gag par 'gyur ro// de bzhin du ma rig pa 'gags na/ mi shes pa la brten pa'i chos 'di dag kyang 'gag par 'gyur ro// mi shes pa spangs pas nyon mongs pa rnams kyang mi 'byung ngo // 'gro ba rnams kyang mi 'byung ngo // 'khor ba'i rgyun rnams kyang 'gag par 'gyur ro// mya ngan las 'das pa dang yang nye bar 'gyur ro/ / rigs kyi bu chos bcu po de dag dang ldan na/ byang chub sems dpa' rten cing 'brel par 'byung ba la mkhas pa rnams yin no// rigs kyi bu chos bcu dang ldan na//
- 346a
byang chub sems dpa' bdag shes pa rnams yin no// bcu gang zhe na/ 'di lta ste/ 'di la byang chub sems dpa' 'di ltar ci bdag bram ze'i rigs sam/ 'on te/ rgyal rigs sam/ 'on te khyim bdag gi rigs sam/ ci mtho zhing phyug po 'am/ 'on te dma' zhing dbul ba'i rigs su skyes sam/ gang du skyes snyam yongs su rtog ste/ de gal te rigs mtho zhing phyug par skyes na yang / de rigs kyis dregs par mi byed do// 'on te dma' zhing dbul ba'i rigs su skyes par gyur na yang / bdag 'di lta bu'i rigs su skyes pa las bdag gis sngon las 'dren mar byas so zhes de snyam du sems skyed cing / de de'i rgyus skyo ba mang ba yin te/ skyo ba mang bar gyur nas rab tu 'byung ngo // rab tu byung nas kyang / bdag ci'i phyir rab tu 'byung zhes yongs su rtog ste/ bdag ni rang brgal nas/ gzhan dag kyang bsgral bar bya/ rang grol nas gzhan dag kyang dgrol bar bya'o zhes rab tu byung ngo snyam nas/ de de'i phyir le lo la mi rten cing snyoms las mi byed do/ / de bdag rab tu byung nas/ sdig pa mi dge ba'i chos gang dang gang nub cing yongs su zad de/ kun byang bar gyur ces yongs su rtog ste/ de sdig pa mi dge ba'i chos shig spangs par gyur na/ de la dga' ba dang / dad pa dang / rangs pa bskyed do// gang ma spangs pa de dag ni sdang ba'i phyir rtsol zhing 'bad do// de bdag rab tu byung nas dge ba'i/
- 346b
chos gang dang gang 'phel ba dang / rgyas pa dang / rgya cher gyur ces snyam du yongs su rtog ste/ de'i dge ba'i chos gang dag 'phel ba dang / rgyas pa dang / rgya cher gyur pa de la dga' ba dang / dad pa dang / rangs pa bskyed do// gang de ltar ma gyur ces snyam pa de dag 'phel ba dang / rgyas pa dang / rgya cher bya ba'i phyir rtsol zhing 'bad do// de bla ma la brten na dge ba'i chos rnams 'phel bar 'gyur/ sdig pa rnams ni 'grib par 'gyur ro snyam yongs su rtog ste/ de rgyu de dang / rkyen de dang / gzhi des mkhan po nyung ngu thos pa 'am/ mang du thos pa 'am/ shes pa'am/ mi shes pa 'am/ tshul khrims dang ldan pa 'am/ tshul khrims 'chal pa yang rung ste/ de la ston pa'i 'du shes bskyed do// de ji ltar na sten pa la dga' zhing dad pa nye bar gnas pa de bzhin du mkhan po la yang byed do/ / de la slob dpon rnams la rim gro yod cing rjes yod pa yin te/ de 'di ltar slob dpon rnams la brten na/ bdag gi byang chub kyi phyogs yongs su ma rdzogs pa rnams ni yongs su rdzogs par 'gyur ro/ / nyon mongs pa ma spangs pa rnams ni spang bar 'gyur ro snyam du yongs su rtog ste/ de dag la mkhan por 'du shes bskyed cing / dga' ba dang / dad pa dang / rangs pa thob pa dang / dge ba'i chos rnams la de dag dang 'thun par spyod pa yin/ mi dge ba'i chos rnams la
- 347a
mi 'thun par spyod pa yin te/ de de'i snyam du bdag gi ston pa gang zhes yongs su rtog cing / de 'di snyam du sems te/ bdag gi ston pa ni thams cad mkhyen pa/ thams cad thugs su chud pa/ 'jig rten thams cad la thugs brtse ba/ thugs rje chen po dang ldan pa/ sbyin pa'i gnas chen po ste/ lha dang / mi dang / lha ma yin du bcas pa'i 'jig rten gyi ston pa'o snyam ste/ de rgyu de dang / rkyen de dang / gzhi des dga' ba dang / dad pa dang / rangs pa bskyed do// de 'di snyam du sems te/ bdag gi ston pa bcom ldan 'das de yin pa ni bdag gis rnyed pa legs par rnyed do/ / bcom ldan 'das des bslab pa'i lam gang bcas pa de las kyang bdag gis srog gi phyir yang 'da' bar mi bya ste/ de ltar na bdag gis bcom ldan 'das de la rim gro dang rjes su 'brang bar byas par 'gyur ro/ / de 'di snyam du bdag su'i bsod snyoms la yongs su spyod ces sems shing de 'di snyam du sems te/ bdag ni bram ze dang / rgyal rigs dang / grong pa dang / yul gyi mi rnams kyi bsod snyoms la yongs su spyod kyis/ bdag gis ci nas kyang de dag gi bsod snyoms 'bras bu yod pa dang / don che ba dang / mthu che ba dang / bdag gis kyang yul 'khor gyi bsod snyoms 'bras bu yod par yongs su spyod pa de ltar bya'o snyam mo// de 'di snyam
- 347b
du bram ze dang / rgyal rigs dang / grong pa dang / yul gyi mi 'di dag 'du shes ci dang ldan zhing bdag la bsod snyoms ster snyam zhing / 'di ltar rjes su sems te/ bram ze dang / rgyal rigs dang / grong rdal gyi mi dang / yul gyi mi 'di dag ni bdag la dge sbyong gi 'du shes dang ldan/ dge slong gi 'du shes dang ldan/ sbun pa'i gnas kyi 'du shes dang ldan zhing bdag la bsod snyoms sbyin par byed kyis/ ci nas kyang bdag gis ni dge sbyong gi yon tan yang dag par blangs te gnas par bya ba dang / dge slong gi yon tan dang sbyin pa'i gnas kyi yon tan rnams yang dag par blangs te gnas par bya ba de ltar spyad do snyam mo/ / de 'di snyam du bdag gis thog ma dang tha ma med pa'i skye ba 'khor ba las brgal bar gyur tam zhes sems shing de 'di snyam du bdag gis dge slong gis tshul thob pa 'di ni rgal ba dang po'o/ / bdag dge slong gi yon tan dang ldan pa 'di ni rgal ba gnyis pa'o// bdag le lo med cing chos nyid thob pa'i phyir/ ci nas kyang thog ma dang tha ma med pa'i skye ba'i 'khor ba las rgyal bar 'gyur ba de ltar brtson 'grus brtsams te gnas par bya'o snyam du sems te/ rigs kyi bu de ltar yongs su rtog pa'i byang chub sems dpa' ni bdag shes pa yin no/ / rigs kyi bu chos bcu po de dag dang ldan na/ byang chub sems dpa' bdag shes pa rnams yin no//
- 348a
/ rigs kyi bu chos bcu dang ldan na/ byang chub sems dpa' 'jig rten shes pa rnams yin no// bcu gang zhe na/ 'di lta ste/ khengs pa dag la dma' ba rnams yin/ nga rgyal can dag la nga rgyal med pa rnams yin/ gya gyu can rnams la drang po rnams yin/ brdzun du smra ba dag bden par smra ba rnams yin// kha mi mkhas pa dag la snyan par smra ba rnams yin/ rtsub pa dag la 'jam pa rnams yin/ khro ba dag la bzod pa mang ba rnams yin/ gtum pa dag la byams pa'i bdag nyid can rnams yin/ sdug bsngal bdag la snying rje ba'i bdag nyid can rnams yin ser sna can dag la bgo bsha' byed pa'i ngang tshul can rnams yin te/ rigs kyi bu chos bcu po de dag dang ldan na/ byang chub sems dpa' 'jig rten shes pa rnams yin no// rigs kyi bu chos bcu dang ldan na/ byang chub sems dpa' rnams sangs rgyas kyi zhing yongs su dag pa dag tu skye'o// bcu gang zhe na/ 'di lta ste/ skyon med pa dang / sra sre med pa'i tshul khrims dang ldan pas tshul khrims yongs su dag pa dang ldan pa rnams yin/ sems can thams cad la sbyor ba mnyam pas/ sems snyoms pa rnams yin/ dge ba'i rtsa ba mi chung bas dge ba'i rtsa ba rgya chen po/ dang ldan pa rnams yin/ gos pa med pas rnyed pa dang / bkur sti dang / grags pa dang / sgra dang / tshigs su bcad pa'i sems yongs su spangs pa rnams yin/ nem nur med pa'i sems
- 348b
dang ldan pas dad pa rnams yin/ sems le lo med pa dang ldan pas brtson 'grus brtsams pa rnams yin/ sems mi g.yeng ba dang ldan pas bsam gtan phun sum tshogs pa rnams yin/ shes rab 'chal pa'i rang bzhin can ma yin pas mang du thos pa rnams yin/ shes rab rno bas dbang po mi rtul ba rnams yin/ gnod sems dang ldan pas byams pa'i bdag nyid can rnams yin no/ / byang chub sems dpa' sgrib pa thams cad rnam par sel bas gsol pa/ bcom ldan 'das ci chos de dag tshogs pas skye bar 'gyur ram/ 'on te la la ma tshang yang skye bar 'gyur/ bcom ldan 'das kyis bka' stsal pa/ rigs kyi bu chos tshogs pa de dag las gang gi chos cig gcig skyon med cing ma 'dres la/ sra sre med de/ yongs su dag cing yongs su byang / yongs su rdzogs par 'gyur ba de la/ rigs kyi bu mos de dag thams cad yongs su rdzogs par 'gyur bas/ rigs kyi bu de'i phyir chos de dag tshogs pas skye'i ma tshogs pas ni ma yin te/ rigs kyi bu chos bcu po de dag dang ldan na/ byang chub sems dpa' rnams sangs rgyas kyi zhing yongs su dag pa dag tu skye'o// rigs kyi bu chos bcu dang ldan na/ byang chub sems dpa' rnams mngal gyi dri mas ma gos par skye'o/ / bcu gang zhe na/ 'di lta ste/ de bzhin gshegs pa'i gzugs byed pa dang / mchod rten zhig pa bcos pa dang / de bzhin gshegs pa'i mchod rten dag la
- 349a
spos kyi byug pa 'bul ba dang / de bzhin gshegs pa'i sku gzugs dag la khrus kyi spos chu 'bul ba dang / de bzhin gshegs pa'i mchod rten dag la phyag bdar dang skyang nul bya ba 'bul ba dang / pha ma dag la lus kyi rim gro byed pa dang / mkhan po dang slob dpon dag la lus kyi rim gro byed pa dang / tshangs pa mtshungs par spyod pa rnams la lus kyi rim gro byed cing / de yang zang zing med pa'i sems kyis te/ zang zing dang bcas pas ma yin la/ dge ba'i rtsa ba de yang 'di ltar/ dge ba'i rtsa ba 'dis sems can thams cad mngal gyi dri mas gos par skye bar gyur cig ces yongs su sngo zhing / de yang bsam pa thag pa nas sems pa ste/ rigs kyi bu chos bcu po de dag dang ldan na/ byang chub sems dpa' mngal gyi dri mas ma gos par skye'o/ / rigs kyi bu chos bcu dang ldan na/ byang chub sems dpa' khyim gyi gnas nas mngon par byung ba rnams yin no// bcu gang zhe na/ 'di lta ste/ nye bar len pa med pa rnams yin/ 'du 'dzi med par spyod pa rnams yin/ yul la rgyab kyis phyogs pa rnams yin/ yul la sred pa dang bral ba rnams yin/ yul gyi nyes pas mi gos pa rnams yin/ de bzhin gshegs pas tshul khrims bcas pa la rim gro byed cing brtson pa dang / shin tu bslabs pa rnams yin/ gos dang / bsod snyoms dang / mal
- 349b
cha ngan ngon dang / na ba'i gsos sman dang / yo byad ngan ngon dag gis chog shes pa rnams yin/ lhung bzed dang / chos gos dang / yo byad la sogs pa dang bral ba rnams yin// rtag par 'jigs pa'i yid dang ldan zhing yul rnams las skyo ba rnams yin/ dben pa la dga' zhing rtag tu bsgom pa la brtson pa rnams yin no// rigs kyi bu chos bcu po de dag dang ldan na/ byang chub sems dpa' khyim gyi gnas nas byung ba rnams yin no// rigs kyi bu chos bcu dang ldan na/ byang chub sems dpa' 'tsho ba yongs su dag pa rnams yin no/ / bcu gang zhe na/ 'di lta ste/ tshul 'chos pa dang kha gsag gi rnyed pa dang bral ba rnams yin/ gzhogs slongs kyi rnyed pa dang bral ba rnams yin// thob kyis 'jal ba'i rnyed pa dang bral ba rnams yin/ mi rigs pa 'tshal ba'i rnyed pa dang bral ba rnams yin/ chos ma yin pa'i rnyed pa dang bral ba rnams yin/ yongs su ma dag pa'i rnyed pa dang bral ba rnams yin/ rnyed pa la zhen pa med pa rnams yin/ rnyed pa la chags pa med pa rnams yin/ yongs su yi chad pa'i rang bzhin meng pa rnams yin chos kyi rnyed pas chog shes pa rnams yin te/ rigs kyi bu ji ltar na byang chub sems dpa' tshul 'chos pa dang kha gsag gi rnyed pa dang bral ba yin zhe na/ rigs kyi bu 'di la
- 350a
byang chub sems dpa' rnyed pa'i rgyu rnyed pa'i phyir/ lus kyi tshul 'chos pa mi byed/ ngag gi tshul 'chos pa mi byed/ sems kyi tshul 'chos pa mi byed do// ji ltar na lus kyi tshul 'chos mi byed pa yin zhe na/ byang chub sems dpa' ni sbyin pa byed pa dang / sbyin pa'i bdag po mthong na/ spyod lam mi 'chos so// ji ltar na spyod lam mi 'chos she na/ gnya' shing gang tsam du lta ba dang / skyo bar lta ba dang / sgrib pa med par lta bas/ gom pa bags kyis dal nas 'dor zhing 'deg pa ma yin te/ de ltar na lus kyi tshul 'chos par mi byed do/ / ji ltar na ngag gi tshul 'chos pa mi byed ce na/ byang chub sems dpa' ni rnyed pa'i rgyu rnyed pa'i phyir gcom bskyungs shing smra ba ma yin 'jam por smra ba yin/ dga' bar smra ba ma yin/ rjes su 'brang ba'i tshig brjod pa ma yin no// de ltar na ngag gi tshul 'chos pa mi byed do// ji ltar na sems kyi tshul 'chos pa mi byed ce na/ byang chub sems dpa' ni sbyin pa byed pa'am/ sbyin pa'i bdag pos rnyed pas bstabs na tshig 'dod pa chung bar ston cing sems kyi 'dod pa skyed pa ma yin no// rigs kyi bu 'di lta ste/ tshig gis 'dod pa chung la/ sems kyis rnyed pa 'di ni nang gi gdung ba yin te/ de ltar na sems kyis tshul 'chos pa mi byed de/ de ltar na byang chub sems dpa'
- 350b
tshul 'chos pa dang kha gsag gi rnyed pa dang bral ba yin no/ / ji ltar na gzhogs slongs kyi rnyed pa dang bral ba yin zhe na/ byang chub sems dpa' ni sbyin pa byed pa'am/ sbyin bdag/ mthong na/ bdag gos kyis 'phongs so// bdag lhung bzed kyis 'phongs so// bdag na ba'i gsos sman gyis 'phongs so zhes gzhogs slongs mi byed cing / sbyin pa byed pa'am sbyin pa'i bdag po la mi slong zhing tshig tu mi brjod de/ de de ltar na byang chub sems dpa' gzhogs slong gi rnyed pa dang bral ba yin no// ji ltar na thob kyis 'jal ba'i rnyed pa dang bral ba yin zhe na/ byang chub sems dpa' ni sbyin pa byed pa dang sbyin bdag mthong na/ bdag sbyin pa'i bdag po che ge mo zhig gis dngos po che ge mo zhig byin te/ de la bdag gis kyang phan pa che ge mo zhig byas so zhes des kyang bdag la tshul khrims dang ldan par rig ste/ mang du thos pa'o// 'dod pa chung ba zhes 'di dang 'di byin no// bdag gis kyang de la 'di snying rje ba'i sems nye bar bzhag ste blangs so zhes de skad kyi tshig mi brjod de/ de ltar na byang chub sems dpa' thob kyis 'jal ba'i rnyed pa dang ldan pa yin no// ji ltar na byang chub sems dpa' mi rigs par 'tshal ba'i rnyed pa dang bral ba yin zhe na/ rigs kyi bu byang chub sems dpa' ni lus la rma byung ba dang / sems la rma byung bar rnyed pa tshol ba ma yin no// de la lus kyi rma ni 'di lta ste/ rnyed pa'i
- 351a
rgyu rnyed pa'i phyir rgyug pa dang / kun tu rgyug pa dang / 'chal pa'i tshul khrims la spyod pa'o// sems kyi rnga ni 'di lta ste/ rnyed pa la smon pa dang / tshangs pa mtshungs par/ spyod pa gzhan gyis rnyed pa dag la gnod sems mang ba ste/ de ltar na byang chub sems dpa' mi rig par 'chal ba'i rnyed pa dang bral ba yin no// ji ltar na byang chub sems dpa' chos ma yin pa'i rnyeng ba dang bral ba yin zhe na/ rigs kyi bu 'di la byang chub sems dpa' srang la sgyu med pa dang / bcal ba la sgyu med pa dang / yid brtan pa la gnod par byed pa med pa dang / g.yos rnyed pa mi sgrub pa ste/ de ltar na byang chub sems dpa' chos ma yin pa'i rnyed pa dang bral ba yin no// ji ltar na byang chub sems dpa' yongs su ma dag pa'i rnyed pa dang bral ba yin zhe na/ 'di la byang chub sems dpa' gang mchod rten gyi dang 'dres pa 'am/ chos kyi dang 'dres pa 'am/ dge 'dun gyi dang 'dres pa 'am/ ma byin par ma gnang ba de dag mi len cing bdag gir mi byed/ chags pa'i sems mi skyed de/ de ltar na byang chub sems dpa' yongs su ma dag pa'i rnyed pa dang bral ba yin no// ji ltar na byang chub sems dpa' rnyed pa la zhen pa med pa yin zhe na/ rigs kyi bu 'di la byang chub// sems dpa' rnyed pa rnyed kyang / bdag gir mi byed/ nor du mi brtsi/ tshogs su mi byed cing / dus dus su dge sbyong dang / bram ze dang / pha ma dang / mdza' bo dang / blon po dang / gnyen
- 351b
bshes dang / snag gi gnyen mtshams dag la gtong zhing dus dus su bdag kyang yongs su spyod la/ yongs su spyod pa'i tshe chags pa med pa dang / zhen par med par yongs su spyod do// rnyed pa ma rnyed na yang skyo ba'i sems mi skyed cing yongs su yi mi 'chad de/ sbyin pa byed pa dang / sbyin bdag rnams la ma dad par mi 'dzin pa yin te/ de chos dang 'thun par rnyed pa/ dge 'dun gyir gtogs pa/ de bzhin gshegs pas bsngags pa/ byang chub sems dpa' ma smad pa/ lhas bstod pa/ tshangs pa mtshungs par spyod pas mi dpya bas chog shes pa yin no/ / rigs kyi bu chos bcu po de dag dang ldan na/ byang chub sems dpa' 'tsho ba yongs su dag pa rnams yin no// rigs kyi bu chos bcu dang ldan na/ byang chub sems dpa' yid yongs su mi skyo ba rnams yin no/ / bcu gang zhe na/ 'di lta ste/ sems can gyi rgyu sems can gyi phyir 'khor ba na gnas pas yongs su mi skyo'o// sems can gyi rgyu sems can gyi phyir 'khor ba'i sdug bsngal gyis yongs su mi skyo'o/ / sems can gyi don rnams la yongs su mi skyo'o// sems can gyi dgos pa rnams la yongs su mi skyo'o// sems can gyi bya ba rnams la yongs su mi skyo'o/ / gang zag nyan thos kyi theg pa pa rnams la lam ston pas yongs su mo skyo'o// de dag la dad pa mi byed do// byang chub kyi phyogs kyi chos
- 352a
yongs su bsdugs kyang yongs su mi skyo'o/ / byang chub kyi phyogs tshogs yongs su rdzogs par bya bas kyang yongs su mi skyo'o// bsam pa mya ngan las 'das par gyur kyang / mya ngan las 'das pa la mngon du mi ston du mi lta'i/ byang chub la gzhol/ byang chub la 'bab/ byang chub la bab pa rnams yin no// rigs kyi bu chos bcu po de dag dang ldan na/ byang chub sems dpa' yid yongs su mi skyo ba rnams yin no// rigs kyi bu chos bcu dang ldan na/ byang chub sems dpa' de bzhin gshegs pa/ rnams kyi bka' bzhin du byed pa rnams yin no// bcu gang zhe na/ 'di lta ste/ bag med pa thams cad dang bral zhing bag yod par spyod pa rnams yin/ lus kyi shin tu bsdams shing lus kyi ngan du spyad pa mi spyod pa rnams yin/ ngag gi shin tu bsdams shing / ngag gi ngan du spyad pa mi spyod pa rnams yin/ yid kyi shin tu bsdams shing / yid kyi ngan du spyad pa mi spyod pa rnams yin no/ / 'jig rten pha rol gyi 'jigs shing mi dge ba'i chos thams cad rnam par spangs pa rnams yin/ rigs par smra zhing mi rigs pa thams cad dang bral ba rnams yin/ chos su smra zhing chos ma yin pa la smod pa rnams yin/ smad pa'i las rnam par spangs shing dge ba'i las kyi rjes su 'brang ba rnams yin/ de bzhin gshegs pa'i
- 352b
bstan pa la sun mi 'byin cing nyon mongs pa dri nga ba'i yul thams cad dang bral ba rnams yin/ de bzhin gshegs pa'i chos nyid yongs su mi spong zhing sdig pa mi dge ba'i chos rnams la srung ba/ rnams yin no// rigs kyi bu chos bcu po de dag dang ldan na/ byang chub sems dpa' de bzhin gshegs pa rnams kyi bka' bzhin du byed pa rnams yin no// rigs kyi bu chos bcu dang ldan na/ byang chub sems dpa' bzhin 'dzum zhing khro gnyer med pa rnams yin no// bcu gang zhe na/ 'di lta ste/ dbang po shin tu ngang ba rnams yin no// dbang po yongs su dag pa rnams yin/ dbang po gsal ba rnams yin/ dbang po dri ma med pa rnams yin/ dbang po yongs su byang ba rnams yin/ gnod sems dang bral ba rnams yin// bag la nyal ba dang bral ba rnams yin/ kun nas ldang ba dang bral ba rnams yin/ tha ba dang mdud par 'dzin pa dang bral ba rnams yin// khong khro ba dang bral ba rnams yin no// rigs kyi bu chos bcu po de dag dang ldan na/ byang chub sems dpa' bzhin 'dzum zhing khro gnyer med pa rnams yin no// byang chub sems dpa' sgrib pa thams cad rnam par sel bas gsol pa/ bcom ldan 'das kyis gsungs pa'i don ji lta bu lags pa bdag gis 'tshal te/ byang chub sems dpa' rnams dbang po yongs su dag pas na/ bzhin 'dzum pa lags/ nyon mongs pa rnams dang bral bas na
- 353a
khro gnyer ma mchis pa lags so/ / bcom ldan 'das kyis bka' stsal pa/ rigs kyi bu de de bzhin no// de de bzhin te/ byang chub sems dpa' rnams dbang po yongs su dag pas na/ bzhin 'dzum pa yin/ nyon mongs pa rnams dang bral bas na/ khro gnyer med pa yin no// rigs kyi bu chos bcu dang ldan na/ byang chub sems dang mang du thos pa rnams yin no/ / bcu gang zhe na/ 'di lta ste/ 'khor ba ni 'dod chags kyi mes rab tu 'bar ba'o zhes yang dag pa ji lta ba bzhin du rab tu shes so// zhe sdang gi mes rab tu 'bar ba'o zhes yang dag pa ji lta ba bzhin du rab tu shes so/ / gti mug gi me sa rab tu dkrugs pa'o zhes yang dag pa ji lta ba bzhin du rab tu shes so// 'dus byas ni mi rtag pa'o zhes yang dag pa ji lta ba bzhin du rab tu shes so/ / 'du byed rnams ni sdug bsngal ba'o zhes yang dag pa ji lta ba bzhin du rab tu shes so// 'jig rten ni stong pa'o zhes yang dag pa ji lta ba bzhin du rab tu shes so/ / chos thams cad ni bdag med pa'o zhes yang dge ba ji lta ba bzhin du rab tu shes so// 'jig rten ni spros pa la mngon par dga' ba'o zhes yang dag pa ji lta ba bzhin du rab tu shes so/ / chos thams cad ni rkyen las byung ba'o zhes yang dag pa ji lta ba bzhin du rab tu shes so// mya ngan las 'das pa ni zhi ba'o zhes yang dag pa ji lta ba bzhin du rab tu shes so// /
- 353b
de yang thos pa dang / bsam pa dang / bsgom pas shes kyi/ sgrar brjod pa can gyis ni ma yin te/ de ltar shes nas kyang / snying rje ba'i sems brtan pa nye bar bzhag ste/ sems can rnam kyi don du rtsol zhing 'bad la brtson 'grus rtsom mo/ / rigs kyi bu chos bcu po de dag dang ldan na/ byang chub sems dpa' mang du thos pa rnams yin no// rigs kyi bu chos bcu dang ldan na/ byang chub sems dpa' dam pa'i chos yongs su 'dzin pa rnams yin no// bcu gang zhe na/ 'di lta ste/ phyi ma'i dus phyi ma'i tshe/ lnga brgya tha ma la dam pa'i chos rnam par 'jig cing bstan pa 'khrug par gyur pa dang / sems can rnams la ma ngan par zhugs pa dang / ye shes kyi sgron ma mya ngan las 'ongs te/ ston pa med pa'i tshe/ mdo sde rgya chen po rgya chen po don che zhing mthu che ba/ dam pa'i chos thams cad kyi ma mo dang 'dra ba dag 'dzin cing klog la/ kha ton byed cing kun chub par byed pa dang / gzhan dag la yang rgya cher brjod cing ston pa yang dag par ston gyi gsal bar byed pa dang / de la zhugs pa'i gang zag rnams la dga' ba dang / dad pa dang / rangs par byed cing / de dag la phan 'dogs pa dang / zang zing med pa'i sems kyis dam pa'i chos nyan pa dang / chos smra ba'i gang zag rnams la ston par 'du shes skyed pa dang / dam pa'i chos la bdud rtsir 'du shes skyed pa dang / bcud kyis len du 'du shes skyed pa dang / rtsi'i 'dra
- 354a
shes skyed pa dang / lus dang srog la mi lta bar dam pa'i chos yongs su tshol ba dang / brtsal nas kyang nan tan gyis sgrub pa'o// rigs kyi bu chos bcu po de dag dang ldan na/ byang chub sems dpa' dam pa'i chos yongs su 'dzin pa rnams yin no// rigs kyi bu chos bcu dang ldan na/ byang chub sems dpa' chos kyi rgyal po'i sras rnams yin no/ / bcu gang zhe na/ 'di lta ste/ lus mtshan gyi rgyan gyis brgyan pa rnams yin/ lus dpe byad bzang po'o me tog rgyas pa rnams yin/ dbang po rnam pa thams cad kyi mchog dang ldan zhing shin tu yongs su rdzogs pa rnams yin/ / de bzhin gshegs pas bstan pa'i gnas la rjes su rten pa rnams yin/ de bzhin gshegs pa rnams bzhud pa'i lam rjes su thob par byed pa rnams yin/ de bzhin gshegs pas thugs su chud pa'i chos rnams khong du chud par byed pa rnams yin/ 'jig rten sdug bsngal ba yongs su skyo ba rnams yin/ 'phags pa'i tshul la shin tu bslabs pa rnams yin/ tshangs pa'i gnas rnams la shin tu mthar phyin pa rnams yin/ de bzhin gshegs pa bzhugs pa'i tham cad mkhyen pa nyid kyi pho brang na gnas pa rnams yin te/ rigs kyi bu chos bcu po de dag dang ldan na/ byang chub sems dpa' chos kyi rgyal po'i sras rnams yin no//
- 354b
rigs kyi bu chos bcu dang ldan na/ byang chub sems dpa' brgya byin dang / tshangs pa dang / 'jig rten skyong bas bsu ba rnams yin no// bcu gang zhe na/ 'di lta ste/ byang chub las phyir mi ldog pa rnams yin/ bdud thams cad kyis mi bskul ba rnams yin/ sangs rgyas kyi chos thams cad las mi g.yo ba rnams yin/ chos thams cad kyi tshul la zhugs pa rnams yin/ chos thams cad kyi mnyam pa nyid khong du chud pa rnams yin/ sangs rgyas kyi chos la gzhan gyi dring mi 'jog pa rnams yin/ shin tu rtog pa'i ye shes dang ldan pa rnam yin/ nyan thos dang / rang sangs rgyas thams cad dang thun mong ma yin pa rnams yin/ 'jig rten thams cad las mngon par 'phags pa rnams yin/ mi skye ba'i chos kyi bzod pa thob pa rnams yin te/ rigs kyi bu chos bcu po de dag dang ldan na/ byang chub sems dpa' brgya byin dang / tshangs pa dang / 'jig rten skyong bas bsu pa rnams yin no// rigs kyi bu chos bcu dang ldan na/ byang chub sems dpa' bsam pa dang bag la nyal ba shes pa rnams yin no// bcu gang zhe na/ 'di lta ste/ sems can 'dod chags kyi bsam pa can yang dag pa ji lta ba bzhin du rab tu shes so/ / zhe sdang gi bsam pa can dang / gti mug gi bsam pa can dang / dam pa'i bsam pa can dang / bar ma'i
- 355a
bsam pa can dang / zhan pa'i bsam pa can dang / dge ba'i bsam pa can dang / brtan pa'i bsam pa can dang / yun ring po'i bsam pa can dang / sems na/ gtum pa'i bsam pa can yang dag pa ji lta ba bzhin du rab tu shes shing / de yang sems can gcig la ji ltar shes pa bzhin du sems can gyi khams kun la yang yang dag pa ji lta ba bzhin du rab tu shes so/ / rigs kyi bu chos bcu po de dag dang ldan na// byang chub sems dpa' bsam pa dang bkal zhal ba shes pa rnams yin no// rigs kyi bu chos bcu dang ldan na/ byang chub sems dpa' sems can yongs su smin par bya ba'i cho ga shes pa rnams yin no// bcu gang zhe na/ 'di lta ste/ sangs rgyas kyi gzugs kyis 'dul ba'i sems can rnams la/ sangs rgyas kyi gzugs nye bar ston to// byang chub sems dpa'i gzugs kyis 'dul ba'i sems can rnams la/ byang chub sems dpa'// gzugs/ rang sangs rgyas kyis 'dul ba'i sems can rnams la/ rang sangs rgyas kyi gzugs/ nyan thos kyis 'dul ba'i sems can rnams la/ nyan thos kyi gzugs brgya byin gyi gzugs kyis 'dul ba'i sems can rnams la/ brgya byin gyi gzugs/ bdud kyi gzugs kyis 'dul ba'i sems can rnams la/ bdud kyi gzugs/
- 355b
rlangs pa'i gzugs kyis 'dral ba'i sems can rnams la/ tshangs pa'i gzugs/ bram ze'i gzugs kyis 'dul ba'i sems can rnams lA/ bram ze'i gzugs/ rgyal rigs kyi gzugs kyis 'dul ba'i sems can rnams la/ rgyal rigs kyi gzugs/ khyim bdag gi gzugs kyis 'dul ba'i sems can rnams la/ khyim bdag gi gzugs nye bar ston to// rigs kyi bu de ltar rnam pa gang gis sems can rnams 'dul bar 'gyur ba'i rnam pa de dang de byang chub sems dpa' rnams nye bar ston to// rigs kyi bu chos bcu po de dag dang ldan na/ byang chub sems dpa' sems can yongs su smin par bya ba'i chog shes pa rnams yin no/ / rigs kyi bu chos bcu dang ldan na// byang chub sems dpa' nges pa rnams yin no// bcu gang zhe na/ 'di lta ste/ drang ba rnams yi ni/ 'jam pa rnams yin/ gya gyu med pa'i sems dang ldan pa rnams yini/ gnod sems med pa'i sems dang ldan pa rnams yin/ dri ma med pa'i sems dang ldan pa rnams yin/ rnam par dag pa'i sems dang ldan pa rnams yin/ mi brlang ba'i sems dang ldan pa rnams yin/ rtsub pa spangs pa rnams yin/ bzod pa mang ba rnams yin/ nges pa phun sum tshogs pa rnams yin te/ rigs kyi bu chos bcu po de dag dang ldan na/ byang chub sems dpa'anges pa rnams yin no// rigs kyi bu chos
- 356a
bcu dang ldan na/ byang chub sems dpa' 'grogs na bde ba rnams yin no// bcu gang zhe na/ 'di lta ste/ lta ba yongs su dag pas lta ba phun sum tshogs pa rnams yin/ tshul khrims phun sum tshogs pa rnams yin/ chos yongs su dag pa rnams yin/ tshul dang cha 'thun pa'i spyod yul du spyod pa rnams yin/ kun nas nyon mongs pa med par spyod pa rnams yin/ khong yangs pa rnams yin/ tshangs pa mtshungs par spyod pa la rjed pa rnams yin/ skal ba mnyam pa rnams yin/ lam gcig tu zhugs pa rnams yin/ ston pa gzhan med pa rnams yin te rigs kyi bu chos bcu po de dag dang ldan na/ byang chub sems dpa' 'grogs na bde ba rnams yin no// rigs kyi bu chos bcu dang ldan na/ byang chub sems dpa' bsdu ba'i dngos po la mkhas pa rnams yin no/ / bcu gang zhe na/ 'di lta ste/ phan pa'i sbyin pas sems can rnams sdud do// bde ba'i sbyin pa dang / mi zad pa'i sbyin pa dang / phan par smra ba dang / don du smra ba dang / chos su smra ba dang / rigs par smra ba dang / don du bya ba dang / zang zing gis don 'thun pa dang / 'tsho ba'i yo byad kyis don 'thun pas sems can rnams sdud do// rigs kyi bu phan pa'i sbyin pa ni gang chos kyi sbyin pa'o/ / bde ba'i sbyin pa ni gang zang zing gi sbyin pa'o// mi zad pa'i sbyin pa ni gang lam gyi lung sbyin pa'o// phan par smra ba ni gang dge ba'i rtsa ba bstabs pa'o//
- 356b
don du smra ba ni gang yang dag pa'i bstan pa'o// chos su smra ba ni gang de bzhin gshegs pa'i bstan pa dang 'thun par bstan pa'o// rigs par smra ba ni gang don yang dag par chud mi gson pa'o// don bya ba ni gang mi dge ba'i gnas nas bslang ste/ dge ba'i gnas su 'jog pa'o// zang zing gi don 'thun pa ni gang bza' ba dang / bca' ba dang / bldag pa dang / ltung ba dang / gzhib pa dang / gos la sogs pa thun mong du yongs su spyod pa'o// rigs kyi bu 'tsho ba'i yo byad kyi don 'thun pa ni gang gser dang / nor bu dang / mu tig dang / bai DUR+Ya dang / dung dang / man shel dang / byu ru dang sa le sbra ma dang / dngul dang / rta dang / glang po che dang / shing rta dang / gzhon pa thun mong du spyod pa yin no// rigs kyi bu chos bcu po de dag dang ldan na/ byang chub sems dpa' bsdu ba'i dngong po la mkhas pa rnams yin no/ / rigs kyi bu chos bcu dang ldan na/ byang chub sems dpa' tshul shes pa rnams yin no// bcu gang zhe na/ 'di lta ste/ spyod lam rab tu zhi ba rnams yin/ spyod lam sgyu med pa rnams yin/ spyod lam yongs su dag pa rnams yin/ blta na dga' ba rnams yin/ blta na 'jam pa rnams yin/ blta bas chog mi shes pa rnams yin/ blta na yid du 'ong ba rnams yin/ blta na sems can thams cad khong khro ba med par 'gyur ba rnams yin/ blta na sems can thams
- 357a
cad sems tshim par 'gyur ba rnams yin/ blta na sems can thams cad kyi sems dang bar 'gyur ba rnams yin te/ rigs kyi bu chos bcu po de dag dang ldan na byang chub sems dpa' tshul shes pa rnams yin no/ / rigs kyi bu chos bcu dang ldan na/ byang chub sems dpa' gnas bca' ba rnams yin no// bcu gang zhe na/ 'di lta ste/ sems can thams cad nyon mongs pa'i 'jigs pa dag las yongs su srung ba yin/ 'khor ba'i 'brog dgon pa nas 'don pa rnams yin/ 'khor ba'i rgya mtsho/ las sgrol ba rnams yin/ mgon med pa rnams la gnyen du gyur pa rnams yin/ nyon mongs pa'i nad kyis nad par gyur pa rnams la sman par gyur pa rnams yin// rten med pa dag la rten rnams yin/ gnas med pa dag la gnas rnams yin/ skya ba med pa dag la skyabs rnams yin/ gling med pa dag la gling rnams yin/ dpung gnyen med pa dag la dpung gnyen rnams yin te/ rigs kyi bu chos bcu po de dag dang ldan na/ byang chub sems dpa' gnas bca' ba rnams yin no// rigs kyi bu chos bcu dang ldan na/ byang chub sems dpa' rtsi'i rgyal po'i shing chen po lta bu rnams yin no// bcu gang zhe na/ rigs kyi bu 'di lta ste/ dper na rtsi'i rgyal po'i shing chen po blta na bzang zhes bya ba de
- 357b
ni rtsa bas kyang sems can nad pa rnams nye bar 'tshe'o/ / sdong po dang / yal ga rnams dang / lo ma rnams dang / me tog rnams dang / 'bras bu rnams dang / mthong ba dang / bsnams/ pa dang / reg pas myangs pa dang / reg pas kyang nye bar 'tsho ba yin te/ rigs kyi bu de bzhin du byang chub sems dpa' yang sems dang po bskyed pa nas bzung ste/ nyon mongs pa sna tshogs kyi nad kyi nad par gyur pa'i sems can rnams sbyin pas kyang nye bar 'tsho ba yin/ tshul khrims dang / bzod pa dang / brtson 'grus dang / bsam gtan dang / shes rab dang / mthong ba dang / thos pa dang / yon tan gyi ro myangs pa dang / bsnyen bkur bya bras kyang nye bar 'tsho ba yin no// rigs kyi bu chos bcu po de dag dang ldan na/ byang chub sems dpa' rtsi'i rgyal po'i shing chen po lta bu rnams yin no// rigs kyi bu chos bcu dang ldan na/ byang chub sems dpa' bsod nams bya ba la brtson pa rnams yin no/ / bcu gang zhe na/ 'di lta ste/ dkon mchog gsum la ci nus su bya ba byed pa dang / sems can nad pa rnams la rtsi sbyor ba dang / sems can bkres pa dang skom pas nyen pa rnams la zas dang / skom gyi sbyin pa dang / rlung dang / lhags pa dang / nyi mas nyen pa'i sems can rnams la dgab pa sbyin pa dang /
- 358a
mkhan po dang slob dpon rnams la gus par rim gro byed pa dang / tshangs pa mtshungs par spyod pa rnams la gus par smra/ phyag 'tshal/ ldang / thal mo sbyor/ zhing 'dud par byed pa dang / kun dga' ra ba dang / gtsug lag khang dang / skyed mos tshal bya ba dang / dus dus su nor dang / 'bru dang / mdzod dang / bang ba gtong ba dang / bran pho dang / bran mo dang / las mi dang / zho shas 'tsho ba la bgo bshas yongs su skyong ba dang / dus dus su tshul khrims dang ldan pa'i dge sbyong dang bram ze la bsnyen bkur byed pa'o/ / rigs kyi bu chos bcu po de dag dang ldan na/ byang chub sems dpa' bsod nams bya ba la brtson pa rnams yin no// rigs kyi bu chos bcu dang ldan na/ byang chub sems dpa' sprul pa la mkhas pa rnams yin no// bcu gang zhe na/ 'di lta ste/ sangs rgyas kyi zhing gcig nas kyang mi g.yo la/ sangs rgyas kyi zhing du mar yang de bzhin gshegs pa rnams la yongs su 'dri'o/ / sangs rgyas kyi zhing gcig nas kyang mi g.yo la/ sangs rgyas kyi zhing du mar yang de bzhin gshegs pa rnams la chos nyan to/ / sangs rgyas kyi zhing gcig nas kyang mi g.yo la/ sangs rgyas kyi zhing du mar yang de bzhin gshegs pa rnams la mchod cing bsnyen bkur byed do// sangs rgyas kyi
- 358b
zhing gcig nas kyang mi g.yo la/ sangs rgyas kyi zhing du mar yang byang chub kyi tshogs yongs su rdzogs par byed do// sangs rgyas kyi zhing gcig nas kyang mi g.yo la/ sangs rgyas kyi zhing du mar yang byang chub sems dpa' mngon par rdzogs par 'tshang rgya ba rnams la rim gro byed/ bkur sti byed/ bsti stang byed/ mchod pa byed pa yin no// sangs rgyas kyi zhing gcig nas kyang mi g.yo la/ sangs rgyas kyi zhing du mar yang byang chub kyi snying por 'gro ba ston to// sangs rgyas kyi zhing gcig nas kyang mi g.yo la/ sangs rgyas kyi zhing du mar yang bdag mngon par rdzogs par 'tshang rgya bar snang ngo / / sangs rgyas kyi zhing gcig nas kyang mi g.yo la/ sangs rgyas kyi zhing du mar yang chos kyi 'khor lo rab tu skor ro// sangs rgyas kyi zhing gcig nas kyang mi g.yo la/ sangs rgyas kyi zhing du mar yang yongs su mya ngan las 'da' bar snang ngo // sangs rgyas kyi zhing gcig nas kyang mi g.yo la/ sangs rgyas kyi zhing du mar yang sems can 'dul ba ji snyed kyi sprul pa 'gyed kyang / de dag sprul pa 'gyed pa'i tshe/ rtog pa med cing rnam par rtog pa med pa yin no// byang chub sems dpa' sgrib pa thams cad rnam par sel bas gsol pa/ bcom ldan 'das ji ltar gang lta bu byang chub sems dpa' sprul pa 'gyid na/ mi rtog rnam par mi rtog pa lags/ bcom ldan 'das kyis bka' stsal pa/ rigs kyi bu
- 359a
de'i phyir dpe nyon cig/ rigs kyi bu 'di lta ste/ dper na nyi ma dang zla ba ni gling bzhi snang bar byed cing / sems can rnams la phan 'dogs pa yin kyang nyi ma dang zla ba ni bdag cag gi snang bar byed do/ / bdag ni sems can la phan 'dogs pa'o zhes mi rtog rnam par mi rtog mod kyi/ 'on kyang sngon gyi las rnam par smin pa'i mngon par 'du shes pas zla ba dang nyi ma gnyis kyi bya ba de lta bu 'byung ngo / / rigs kyi bu de bzhin du byang chub sems dpa' yang sprul pa 'gyed na mi rtog rnam par mi rtog ste/ bsgrim pa dang mngon par 'du bya ba mi byed do/ / de ci'i phyir zhe na/ de ni sngon gyi las rnam par smin pas mngon par 'du bya ba rnams mngon par 'grub pa'i phyir te/ sngon byang chub sems dpa' byang chub sems dpa'i spyad pa spyod pa'i tshe/ de ci nas kyang rnam par rtog pa med par yang sprul pa rnams 'byung bar 'gyur ba de lta de ltar smon lam btab/ de lta de ltar mngon par 'du byas pa'i phyir ro// rigs kyi bu chos bcu po de dag dang ldan na/ byang chub sems dpa' sprul pa la mkhas pa rnams yin no// rigs kyi bu chos bcu dang ldan na/ byang chub sems dpa' myur du bla na med pa yang dag par rdzogs pa'i byang chub mngon par rdzogs par 'tshang rgya ba rnams yin no/ / bcu gang zhe na/ 'di lta ste/ sbyin pa shin tu grub pas sbyin pa shin tu phun sum
- 359b
tshogs pa rnams yin/ tshul khrim shin tu grub cing tshul khrims kyi phung po skyon med pa dang / ma 'dres pa dang / sra sre med pa dang / nyan thos dang rang sangs rgyas thams cad/ las 'das pa dang / yongs su dag pa/ yongs su byang ba dang ldan pas tshul khrims shin tu phun sum tshogs pa rnams yin/ bzod pa shin tu phun sum tshogs pa rnams dang / brtson 'grus shin tu phun sum tshogs pa rnams dang / bsam gtan shin tu phun sum tshogs pa rnams dang / shes rab shin tu phun sum tshogs pa rnamaswa dang / thabs shin tu phun sum tshogs pa rnams dang / smon lam shin tu phun sum tshogs pa rnams dang / stobs shin tu phun sum tshogs pa rnams dang / ye shes shin tu grub cing thun mong ma yin pa'i ye shes nyan thos dang rang sangs rgyas thams cad las 'das pa/ sa dang po la gnas pa'i byang chub sems dpa' yan chad/ sa dgu pa la gnas pa'i byang chub sems/ dpa'i bar gyi ye shes las 'das pa dang ldan pas/ ye shes shin tu rdzogs pa rnams yin te/ rigs kyi bu chos bcu po de dag dang ldan na/ byang chub sems dpa' myur du bla na med pa yang dag par rdzogs pa'i byang chub mngon par rdzogs par batshang rgya'o/ / bcom ldan 'das kyis chos kyi rnam grangs 'di bshad pa'i tshe/ stong gsum gyi
- 360a
stong chen po'i 'jig rten gyi khams 'di rnam pa drug tu rab tu 'gul te/ rab tu g.yos par gyur to// stong gsum gyi stong chen po'i 'jig rten gyi khams 'di ni/ ri'i rgyal po chen po ri rab dag gam/ ri btang bzung ngam/ ri btang bzung chen po dag gam/ khor yug gi ri 'am/ khor yug gi ri chen po dag gram/ de ma yin pa rin po che'i ri dang / ri nag po de dag thams cad kyang / yul ga ya ga la ba dang / ga ya mgo'i ri ga la ba de logs su bcom ldan 'das la chos kyi dgab pa bya ba'i phyir 'dud par gyur to// gang stong gsum gyi stong chen po'i 'jig rten gyi khams 'di na me tog gi shing ngam/ 'bras bu'i shing ngam/ spos kyi shing ci yod pa de dag thams cad kyang bcom ldan 'das la chos kyi dgab pa bya ba'i phyir ga ya mgo'i ri ga la de logs su 'dud par gyur to/ / byang chub sems dpa' bcom ldan 'das la chos kyi dgab pa 'bul ba bye ba khrag khrig brgya stong phrag du mas kyang na bza' dang rgyan gyi bye brag sna tshogs kyi phung po ri rab tsam byas par gyur to/ / brgya byin dang / tshangs pa dang / 'jig rten skyong ba brgya stong du ma'ang mgo bos phyag 'tshal zhing thal mo sbyar ba byas te/ 'dud cing bcom ldan 'das la me tog man+da ra ba dang / man+da ra ba chen po dag 'thor bar gyur to// lha'i bu brgya stong du ma'ang nam mkha'i dkyil na gnas te/ gos g.yob cing ca co dang gzha brgya stong
- 360b
byed par gyur to/ / lha'i me tog gis bcom ldan 'das la mngon par 'thor bar gyur cing / kye ma'o dang ni 'jig rten du sangs rgyas gnyis skyes par gyur to// kye ma'o chos kyi 'khor lo gnyis pa bskor to/ / sems can gang dag gi rna lam du chos kyi rnam grangs 'di grags par 'gyur ba de dag kyang bsod nams dang ldan zhing / dge ba'i las byed pa ste/ sngon gyi de bzhin gshegs pa rnams la dge ba'i rtsa ba shin tu bsags pa yin no/ / gang 'di la dad pa rnyed pa de dag lta smos kyang ci dgos zhes de skad du ched du brjod pa ched du brjod do// lto 'phye chen po brgya stong du ma'ang chos kyi rnam grangs 'di nyid la chos kyi dgab pa bya ba'i phyir/ 'brug ltar sgra 'ur 'ur 'byin/ sgrog par byed/ shin tu sgrog par byed cing / spos kyi sprin sna tshogs mngon par sprul te stong gsum gyi stong chen po'i 'jig rten gyi khams dang / ga ya mgo'i ri la spos chu'i char mngon par 'bebs kyang / sems can rnams la gnod par mi snang ngo // lha'i bu mo brgya stong du ma 'ang bcom ldan 'das kyi spyan sngar gru'i nga ro'i sgra 'byin par gyur to/ / dri za 'am mi 'am ci brgya stong du ma'ang snyan pa'i dbyangs kyis glu len cing / ga ya mgo'i ri dang / stong gsum gyi stong chen po'i 'jig rten gyi khams la skor bar byed par gyur to/ / gnod sbyin bye ba brgya stong du ma'ang pad+ma'i char mngon par 'bebs par gyur to// bram ze dang / rgyal rigs dang
- 361a
grong rdal gyi mi dang / yul gyi mi brgya stong du ma'ang me tog dang / bdug spos dang / spos dang / 'phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan dag gis bcom ldan 'das la mchod pa byed par gyur to// sangs rgyas kyi zhing du ma dag nas kyang sangs rgyas bcom ldan 'das rnams kyis chos kyi dgab par bya ba'i phyir/ so so'i smin mtshams kyi mdzod spu dag nas 'od zer mang po bkye bar gyur to// 'od zer de dag kyang kha dog sna tshogs/ gzugs sna tshogs snang ba sna tshogs can sha stag ste/ de 'di lta ste/ sngon po dang / ser po dang / dmar po dang / dkar po dang / le brgan dang / shel dang / dngul gyi kha dog ste/ de dag stong gsum gyi stong chen po'i 'jig rten gyi khams 'di la skor bar byed cing / mun pa thams cad rnam par sel bar gyur te// 'khor nas ga ya mgo'i ri la bskor ba byas/ de bzhin gshegs pa la'ang bskor ba byas nas/ bcom ldan 'das kyi dbu'i gtsug tu nub par gyur to// rlung yang bde bar langs par gyur to// chos kyi rnam grangs 'di bshad pa dang / mchod pa mngon par 'du bya ba 'byung ba'i tshe/ byang chub sems dpa' khrag khrig phrag bdun cu rtsa gnyis kyis mi skye ba'i chos la bzod pa thob po// srog chags bye ba khrag khrig brgya stong du ma'ang chos rnams la rdul med cing
- 361b
dri ma dang bral ba chos kyi mig rnam par dag go/ / srog chags bye ba khrag khrig brgya stong du mas kyang sngan chad ma skyed pa las byang chub tu sems bskyed par gyur to// de nas yang ga ya mgo'i ri la gnas pa'i lha mo mi 'chi ba zhes bya ba dpung dang bcas/ 'khor dang bcas te/ 'khor 'dus pa de nyid du 'dus shing 'dug 'dug pa las/ de stan las langs nas/ bdag gi gnas su song ste/ bcom ldan 'das kyi mchod pa blangs nas/ phyir bcom ldan 'das kyi spyan sngar phyin te/ bcom ldan 'das la bkur stir byas/ btsun par byas ri mor byas/ mchod par byas/ bsti stang byas/ rim gror byas so// bkur sti dang / btsun pa dang / ri mo dang / mchod pa dang / bsti stang dang / rim gror byas nas/ bcom ldan 'das la 'di skad ces gsol to/ / bcom ldan 'das tshe rabs gzhan de dang de dag la ga ya mgo'i ri 'di nyid du chos kyi rnam grangs 'di sangs rgyas stong phrag bdun cu rtsa gnyis kyis don 'di nyid dag dang / tshul 'di nyid dag dang / tshig dang yi ge 'di nyid dag gis bstan pa bdag gis mngon par dran no// bcom ldan 'das kyis bka' stsal pa/ mi 'chi ba de ltar khyod kyis dkon mchog 'byung ba de lta bu thos par gyur pa ni khyod kyis thob par bya ba legs par thob bo/ / de nas 'khor der tshogs pa'i nang nas lha'i bu kha cig 'di snyam du
- 362a
sems par gyur to/ / lha mo 'dis de srid cig nas chos kyi rnam grangs 'di thos la/ de snyed kyi de bzhin gshegs pa mang po la bsnyen bkur byas kyang 'dis bud med kyi lus las ma bsgyur snyam pa dang / de nas byang chub sems dpa' sems dpa' chen po sgrib pa thams cad rnam par sel bas/ lha'i bu de dag gi sems kyi yongs su rtog pa sems kyis yongs su shes nas/ bcom ldan 'das la 'di skad ces gsol to// bcom ldan 'das de ltar lha mo mi 'chi ba 'dis chos kyi rnam grangs 'di ltar rdzu 'phrul che ba thob la/ de bzhin gshegs pa de snyed du mang ba zhig bsnyen bkur bgyis na/ bud med kyi lus ma bsgyur ba'i rgyu gang lags/ rkyen gang lags/ bcom ldan 'das kyis bka' stsal pa/ rigs kyi bu 'di la sems can gyi don ni rgyu'o// sems can gyi don ni rkyen no// de ci'i phyir zhe na/ rigs kyi bu lha mo mi 'chi ba ni/ rnam par thar pa bsam gyis mi khyab pa la gnas pa/ rdzu 'phrul che ba/ mthu che ba ste/ rigs kyi bu lha mo mi 'chi bas gang yang dag par len du btsud pa dang / gzengs bstod pa dang / byang chub kyi sems bskyed pa las yongs su mya ngan las 'das pa'i sangs rgyas ni bgreng ba las 'das pa zhig ngas mngon par 'du shes te/ rigs kyi bu de ltar na lha mo mi 'chi ba ni rdzu 'phrul che ba/ mthu che ba
- 362b
ste/ rigs kyi bu lha mo mi 'chi ba 'di ni bskal pa bzang po'i sangs rgyas rnams la bsnyen bkur byas nas/ sangs rgyas kyi zhing nying du mngon par rdzogs par 'tshang rgya bar 'gyur te/ mngon par rdzogs par sangs rgyas nas kyang / mi 'chi ba zhes bya ba'i de bzhin gshegs pa dgra bcom pa yang dag par rdzogs pa'i sangs rgyas su 'gyur ro// de nas bcom ldan 'das kyis/ lha mo mi 'chi ba la bka' stsal pa/ mi 'chi ba khyod kyis rang gi sangs rgyas kyi zhing ston cig/ de nas lha mo mi 'chi ba gzugs thams cad yongs su ston pa zhes bya ba'i ting nge 'dzin la snyoms par zhugs par gyur te/ lha mo mi 'chi ba gzugs thams cad yongs su ston pa'i ting nge 'dzin la snyoms par zhugs ma thag tu de'i tshe stong gsum gyi stong chen po'i 'jig rten gyi khams 'di lag mthil lta bur mnyam zhing / bai DUR+Ya'i gzhir snar bar gyur te/ ri nag po med cing shing tha mal pa med la/ gnas gnas dag na'ang dpag bsam gyi shing sha stag snang bar gyur to/ / gnas gnas dag na chu mig dang / mi tshe'u dang / lteng ka dang / rdzing yan lag brgyad dang ldan pa'i chus yongs su gang ba dag snang bar gyur to/ / me phal pa med par snang bar gyur to// de na bud med kyi sgra yang mi grag par gyur to// gnas dang gnas dag na pad+ma shing rta'i 'khor
- 363a
lo tsam dag snang bar gyur to/ / pad+ma de dag la'ang byang chub sems dpa' gzugs skyil mo krung ngu 'khod pa sha stag snang bar gyur to// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi 'chi ba de'ang byang chub sems dpa' de dag la chos ston par snang ste/ brgya byin dang / tshangs pa dang / 'jig rten skyong ba bye ba khrag khrig brgya stong du mas bskor cing / byang chub sems dpa' bye ba khrag khrig brgya stong du mas mdun du bdar te/ 'di ltar chos nyid 'di kho na las brtsams na sa chos ston par snang bar gyur to/ / de nas lha mo mi 'chi ba'ang ting nge 'dzin de las langs te/ bcom ldan 'das la lan gsum du g.yas phyogs su bskor ba byas nas/ de nyid du mi snang bar gyur to/ / de nas bcom ldan 'das la/ byang chub sems dpa' sgrib pa thams cad rnam par sel bas 'di skad ces gsol to// bcom ldan 'das rigs kyi bu dang / rigs kyi bu mo gang chos kyi rnam grangs 'di nyan tam/ 'dzin tam/ 'chang ngam/ klog gam/ kun chub par bgyid dam/ kha ton bgyid dam/ gzhan dag la'ang rgya cher yang dag par ston par bgyid na/ de bsod nams ji tsam zhig skye bar 'gyur/ bcom ldan 'das kyis bka' stsal pa/ rigs kyi bu 'am/ rigs kyi bu mo gang la la zhig gis stong
- 363b
gsum gyi stong chen po'i 'jig rten gyi khams su gtogs pa'i sems can rnams la sbyin pa lkug par byin te/ de ltar sbyin pas bskal pa brgya stong mang por byin pa bas/ rigs kyi bu/ 'am/ rigs kyi bu mo gang gis chos kyi rnam grangs 'di legs par bris/ legs par zhug te/ sems dad pas sems dad pa la byin na/ de bas kyang 'di bsod nams mang du skyed do/ / rigs kyi bu de ci'i phyir zhe na/ zang ring gi sbyin pa ni phran tshegs te/ chos kyi sbyin pa ni rdzu 'phrul che ba'o// de ci'i phyir zhe na/ rigs kyi bu 'khor ba na 'khor ba'i sems can rnams kyis zang zing ni rnam pa du mar myong gi/ 'jig rten las 'das pa'i chos kyi ro ni nam yang ma myong ste/ 'jig rten pa ni ma yin no// rigs kyi bu gang la las stong gsum gyi stong chen po'i 'jig rten gyi khams su gtogs pa'i sems can rnams dge ba bcu'i las kyi lAm rnams la bkod pa bas/ gang gis chos kyi rnam grangs 'di nyan tam/ 'dzin tam/ 'chang ngam/ klog gam/ kun chub par byed dam/ gzhan la'ang rgya cher ston na/ de bas 'di bsod nams ches mang du skyed do// de ci'i phyir zhe na/ rigs kyi bu dge ba bcu'i las kyi lam rnams ni 'di las byung ngo / / rigs kyi bu gang la la zhig gis stong gsum gyi stong chen po'i 'jig rten gyi khams su gtogs pa'i sems can rnams rgyun du zhugs pa dang
- 364a
lan cig phyir 'ong ba dang / phyir mi 'ong ba dang / dgra bcom pa nyid kyi 'bras bu la bkod pa bas/ gang chos kyi rnam grangs 'di nyan tam/ 'dzin tam/ 'chang ngam/ klog gam/ kun chub par byed dam/ gzhan la'ang rgya cher ston na/ de bas kyang 'di bsod nams mang du skyed do// de ci'i phyir zhe na/ rigs kyi bu chos nyid 'di la rten na/ nyan thos dang rang sangs rgyas rnams snang bar 'gyur ro/ / chos nyid 'di la rten na/ byang chub sems dpa' rnams snang bar 'gyur ro// chos nyid 'di la rten na/ de bzhin gshegs pa rnams 'jig rten du 'byung bar 'gyur te/ rigs kyi bu chos kyi rnam grangs 'di bzung ba dang / bklags pa dang / spel ba dang / kha ton byas pas/ mdo sde thams cad bzung ba dang / spel ba dang / kha ton byas par 'gyur ro// de ci'i phyir zhe na/ rigs kyi bu 'di ni chos thams cad kyi ma mo ste/ rigs kyi bu chos nyid 'di ma thob par chos nyid rgya chen po thob par mi 'gyur te/ rigs kyi bu 'di ni byang chub sems dpa' rnams kyi 'dul ba'o// de nas sangs rgyas kyi mthus byang chub sems dpa' chen po de dag thams cad stan las langs te/ bla gos phrag pa gcig tu gzar te/ pus mo g.yas pa'i lga nga sa la btsugs nas/ bcom ldan 'das ga la ba de logs su thal mo sbyar ba btud de/ bcom ldan 'das la
- 364b
'di skad ces gsol to/ / bcom ldan 'das bdag cag gis kyang chos nyid 'di thos pa skye ba'i 'khor ba chen po bas par bgyis so// bcom ldan 'das kyis bka' stsal pa/ dge slong dag de de bzhin no/ / de de bzhin te/ ji skad du smras pa bzhin no// de nas yang bcom ldan 'das kyis/ 'khor mang po de dag la bka' stsal pa/ rigs kyi bu dag sa phyogs gang du chos kyi rnam grangs 'di 'chad pa dang ston pa'i sa phyogs de byang chub kyi snying por gzung bar bya'o/ / chos kyi 'khor lo rab tu bskor bar gzung bar bya'o// mchod rten chen por gzung bar bya'o/ / bdag cag gi ston pa gnas 'di na bzhugs so gzung bar bya'o// rigs kyi bu dag de ci'i phyir zhe na/ chos nyid ni byang chub bo// chos nyid 'di ni chos kyi 'khor lo rab tu bskor ba'o/ / rigs kyi bu dag de bzhin gshegs pa ni chos kyi sku ste/ rigs kyi bu dag chos mchod pas de bzhin gshegs pa rnams mchod par 'gyur ro// sa phyogs gang na chos smra ba de gnas pa de la'ang mchod rten du 'du shes bskyed par bya ste/ chos smra ba de la'ang bla mar 'du shes bskyed par bya'o// dge ba'i bshes gnyen du 'du shes bskyed par bya'o// lam ston par 'du shes bskyed par bya'o// chos smra ba de mthong na dga' ba dang / dad pa dang / rangs pa bskyed par bya'o// rim gro byas te stan la bdar bar bya'o// chos smra ba
- 365a
de'i bsngags pa bskyed par bya'o/ / legs so zhes brjod pa mang bar bya'o// rigs kyi bu dag ngas bskal pa 'am/ bskal pa las lhag par chos smra ba de'i bsngag ba brjod kyang / chos smra ba de la cung zad kyang phan par byas pa med do// de ci'i phyir zhe na/ rigs kyi bu dag 'di lta ste/ bkur stir bya ba dang / btsun par bya ba dang bsngags pa brjod pa ni gyi na cung zad zad do/ / rigs kyi bu dag gal te chos 'dod pa'i rigs kyi bu 'am/ rigs kyi bu mo dag gis chos smra ba de 'ong ba'i lam rang gi khrag gis chag chag byas kyang chos smra ba de la phan pa cung zad kyang byas pa med do/ / de ci'i phyir zhe na/ rigs kyi bu dag 'di lnga ste/ de bzhin gshegs pa'i chos kyi tshul bzung ba 'di ni dka' 'o// rigs kyi bu dag chos smra ba des kyang / chos kyi rnam grangs 'di bshad pa dang / bstan pa dang / yang dag par ston pa'i tshe/ 'jigs pa med par bya'o// ma zhum pa dang / snga ma gong ba dang / zhe ma 'grus pa'i sems dang / gos gtsang ma bgos te dad pa bskyed par bya'o// bdag gis bsngags pa brjod kyang mi snyems pa dang / nga rgyal du mi gzung bar bya ste/ bdag mi stong/ gzhan mi smod cing / des pang zing med pa'i sems kyis ri mor byas te chos ston par bya'o// de nas bcom ldan 'das la/ lha'i dbang po brgya byin gyis 'di skad ces gsol to// /
- 365b
bcom ldan 'das dog sa'i phyogs gang du chos kyi rnam grangs 'di bshad pa 'am/ bstan par 'gyur ba'i sa phyogs der chos kyi rnam grangs 'di mnyan pa dang / chos smra ba de la sman par bgyi ba'i slad du/ bdag cag dpung dang bcas/ 'khor dang bcas te mchi'o// bcom ldan 'das kyis bka' stsal pa/ ko'u shi ka legs so legs so// khyod kyis de ltar gyis shig/ ko'u shi ka khyod kyis de bzhin gshegs pa'i chos nyid yongs su bsrung bar bya'o/ / de nas bcom ldan 'das la/ byang chub sems dpa' sgrib pa thams cad rnam par sel bas gsol pa/ bcom ldan 'das chos kyi rnam grangs 'di'i ming ci zhes bgyi/ 'di ji ltar gzung bar bgyi/ bcom ldan 'das kyis bka' stsal pa/ rigs kyi bu de'i phyir khyod kyis chos kyi rnam grangs 'di dkon mchog sprin ces bya bar zung zhig/ yon tan rin po che'i 'byung gnas kyi le'u zhes bya bar yang zung zhig/ ye shes sgron ma zhes bya bar yang zung zhig/ sgrib pa thams cad rnam par sel bas zhus pa zhes bya bar yang zung zhig/ bcom ldan 'das kyis de skad ces bka' stsal pa dang / byang chub sems dpa' sgrib pa thams cad rnam par sel ba dang / byang chub sems dpa' de dag dang / nyan thos chen po de dag dang / brgya byin dang / tshangs pa dang / 'jig rten skyong ba dang / dbang phyug chen po dang / gnas gtsang ma'i lha'i bu la sogs
- 366a
pa lha'i bu brgya stong du ma dag dang / de ma yin pa gzhan lha dang / klu dang / gnod sbyin dang / dri za dang / l+h+wa mra yin dang / nam mnga' lding dang / mi 'am ci dang lto 'phye chen po brgyad stong dag yi rangs te/ bcom ldan 'das kyis gsungs pa la mngon par bstod do// 'phags pa dkon mchog sbyin ces bya ba theg pa chen po'i mdo rdzogs so// / zhu chen gyi lo tsa ba ban+d+he bai ro tsa na rak+Shi ta dang / d+harma tA shi las zhus te gtan la phab pa/ skad gsar bcad kyis kyang bcos lags so// / / rgya gar skad du/ Ar+ya dz+nyA na ka sU tA bud+d+ha a ba dA na/ bod skad du/ 'phags pa sangs rgyas kyi rtogs pa brjod pa shes ldan gyi mdo// sangs rgyas dang byang chub sems dpa' thams cad la phyag 'tshal lo/ / 'di skad bdag gi b+ho pa dus gcig na/ bcom ldan 'das yum gyi don du lha rnams kyi gnas sum cu rtsa gsum na/ shing yongs 'dus brtol gyi drung na la ba dkar po lta bu'i rdo leb la bzhugs so/ / der lha'i bu zhig la snga ltas ngan pa lnga byung ste/ 'phreng rgyan brnyings pa dang / gos brnyings pa dang / lus dring bar gyur pa dang / mchan khung nas rdul 'dzag pa dang / rang gi stan la dga' ba med par gyur to// skye ba'ang mthong ste/ yangs pa'i phag gi mngal du skye ba mthong ngo // des de mthong nas mya ngan gyis thebs/ smre sngags
Colophon
'phags pa dkon mchog sprin ces bya ba theg pa chen po'i mdo rdzogs so/ /zhu chen gyi lo tsa ba ban+d+he bai ro tsa na rak+Shi ta dang / d+harma tA shi las zhus te gtan la phab pa/ skad gsar bcad kyis kyang bcos lags so/