Q207MW1PD96684_0207rgyudAll versions of this work

'phags pa nad thams cad rab tu zhi bar byed pa'i gzungs

Text

ff. 275b–276a · 2 folio sides

  1. 275b

    'das la lan gsum skor ba byas te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das gzungs sngags mthu chen po 'di ni yid bzhin gyi nor bu rin po che lta bur mthong ba dang / thos par dka' ba lags te/ bcom ldan 'das bdag cag lhan cig tshogs nas slad ma'i dus na yid bzhin gyi nor bu rin po che 'di gzung bar bgyi'o// rgyas par bgyi'o// sems can thams cad la bsgrag par bgyi'o/ / 'di 'dzin pa'i sems can chen po de'i skad bzhin 'brang zhing rtag tu rgyun mi 'chad par bsrung ba dang / bsgrub pa dang sba bar bgyi'o// bu bzhin du yongs su bsrung bar bgyi'o// bcom ldan 'das kyis bka' stsal pa/ grogs po dag legs so legs so// khyed kyis de ltar gyis shig/ rig sngags kyi rgyal mo yid bzhin gyi nor bu rin po che 'di ngas khyed la gtang ngo // 'phags pa kun nas sgor 'jug pa'i 'od zer gtsug tor dri ma med par snang ba de bzhin gshegs pa thams cad kyi snying po dang dam tshig la rnam par lta ba zhes bya ba'i gzungs rdzogs s+ho/ / rgya gar gyi mkhan po dzi na mi tra dang / shI len dra bo d+hi dang / zhu chen gyi lo ts+tsha ba ban d+he ye shes sdes sgyur cing zhus te gtan la/ bab pa// rgya gar skad du/ Ar+ya sa rbor ga pra sha ma ni nA ma d+hA ra NI// bod skad du/ 'phags pa nad thams cad rab tu zhi bar byed pa'i gzungs// sangs rgyas dang byang chub sems dpa' thams cad la phyag 'tshal lo// 'di skad bdag gri thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs te/ de nas bcom ldan 'das kyis dge slong rnams la bka' stsal pa/ dge slong dag chos kyi rnam grangs 'di zung shig/ chongs shig/ lhogs shig/ kun chub par gyis shig/ gzhan dag la yang rgya cher yang dag par ston cig/ tad+ya thA/ tsi li mi tsi le mi/ ba na na ko ki li/ shri ma ti/ kuN Da le/ dun du b+hi/ in dra ni mu le sAtra/

  2. 276a

    'di dag ni zas ma zhu ba dang spos pa dang / khrag dang mkhris pa 'dres pa dang / gzhang 'brum gyis btab pa dang / gzhang nad can dang / za khu dang lud pa can dang rims nad can dang glad pa na ba dang gzhogs phyed na ba dang yi dgas kyis zin pa'i gsang sngags gzhi yin te/ kun dga' bo gang gsang sngags gzhi 'di dag las 'gal bar byed pa de ni ngas lha dang bcas pa'i 'jig rten nam mthong ngo // cha zad pa ni ma gtogs so// gsang sngags gzhi 'di dag ni de bzhin gshegs pa dgra bcom pa yang dag par rdzogs pa'i sangs rgyas kyis gsungs pa ste/ 'di la sangs rgyas ni sems can thams cad kyi mchog go/ 'dod chags dang bral ba ni chos thams cad kyi mchog go/ / / dge 'dun ni tshogs thams cad kyi mchog go// bden pa'i tshig dang bden pa'i ngag 'dis bdag gis zos pa dang / 'thungs pa dang 'chos pa dang / myangs pa rnams legs par bde bar zhu bar gyur cig swA hA/ / bcom ldan 'das kyis de skad ces bka' stsal nas/ dge slong de dag yid rangs te/ bcom ldan 'das kyis gsungs pa la mngon par bstod do// 'phags pa nad thams cad rab tu zhi bar byed pa'i gzungs/ rdzogs s+ho// dkon mchog gsum la phyag 'tshal lo// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rdo rje bla ma'i rgyal po la phyag 'tshalo/ / tad ya thA/ badz+ra badz+ra/ ma hA badz+ra/ sarba b+hu d+hi ha na ha na badz+ra na swA hA/ lan las nan rab tu zhi bar byed pa'i gzungs rdzogs s+ho// rgya gar skad du/ Ar+ya dz+wa ra pra sha ma ni nA ma d+hA raNI/ bod skad du/ 'phags pa rims nad rab tu zhi bar byed pa'i gzungs/ sangs rgyas dang / byang chub sems dpa' thams cad la phyag 'tshal lo// 'di skad bdag gis thos pa'i dus cig na/ bcom ldan 'das rgyal po'i khab na dur khrod chen po bsil ba'i

Colophon

'phags pa nad thams cad rab tu zhi bar byed pa'i gzungs /rdzogs s+ho / (pha, 276a5-6)