'jig rten gzhag pa
Lokaprajñābati
Text
ff. 1b–107a · 212 folio sides
- 1b
rgya gar skad du/ lo ka pradz+nyA ba ti/ bod skad du/ 'jig rten bzhag pa/ bam po dang po/ bcom ldan 'das shAkya thub pa la phyag 'tshal lo/ /de nas stong rnams dang ni rol mtsho dang/ /ngan song gsum dang gling dang shing/ /dge 'tshal dang ni mkha' lding dang/ /rgyal chen grong dang 'dun sa rnams/ /'di skad bdag gis thos pa dus gcig na/ bcom ldan 'das mnyan yod na/ rgyal bu rgyal byed kyi tshal mgon med zas sbyin gyi kun dga' ra
- 2a
ba na bzhugs te/ de nas bcom ldan 'das kyis dge slong rnams la bka' stsal ba/ dge slong dag 'jig rten gyi khams ni gsum po 'di dag yin te/ gang dag yin zhe na/ 'di lta ste/ stong chung ngu'i 'jig rten gyi khams dang/ stong gnyis pa bar ma'i 'jig rten gyi khams dang/ stong gsum gyi stong chen po'i 'jig rten gyi khams so/ /stong chung ngu'i 'jig rten gyi khams gang zhe na/ stong gsum gyi 'jig rten gyi khams na nyi ma rnam par snang ba
- 2b
rnams kun tu 'khor zhing phyogs snang bar byed pa yod pa de nyid kyi yin te/ zla ba stong dang/ nyi ma stong dang/ ri'i rgyal po ri rab stong dang/ shar gyi lus 'phags pa stong dang/ lho'i 'dzam bu'i gling stong dang/ nub kyi ba lang spyod stong dang/ byang gi sgra mi snyan stong dang/ rgyal chen bzhi pa'i lha ris stong dang/ sum cu rtsa gsum pa stong dang/ 'thab bral ba stong dang/ dga' ldan pa stong dang/ 'phrul dga' ba stong dang/ gzhan 'phrul dbang byed pa stong dang/ tshangs pa'i 'jig rten stong ste/ dge slong dag 'di ni stong spyi phud kyi 'jig rten gyi khams zhes bya'o/ /stong gnyis pa bar ma'i 'jig rten gyi khams gang zhe na/ stong chung ngu'i 'jig rten gyi khams stong gang yin pa don stong gnyis pa bar ma'i 'jig rten gyi khams zhes bya'o/ /stong gsum gyi stong chen po'i khams gang
- 3a
zhe na/ dge slong dag stong gnyis pa bar ma'i 'jig rten gyi khams stong gang yin pa de ni stong gsum gyi stong chen po'i 'jig rten gyi khams zhes bya'o/ /dge slong dag de lta bu'i stong gsum gyi stong chen po'i 'jig rten gyi khams rnams shar phyogs su mdza' med cing mu med la/ 'jig pa'am/ zhig par gnas shing/ chags pa 'am 'chags rab gnas te/ gzhan 'jig cing gzhan zhig par gnas/ gzhan chags shing gzhan 'chags par gnas so/ /dge slong dag 'di lta bur stong gsum gyi stong chen po'i 'jig rten gyi khams lho dang/ nub dang/ byang gi phyogs su mdza' med cing mu med la/ 'jig pa 'am/ zhig par gnas shing/ chags pa'am 'chags par gnas te/ gzhan 'jig cing gzhan zhig par gnas la/ gzhan chags shing gzhan 'chags par gnas so/ /dge slong dag
- 3b
nam mkha' las char pa'i 'bru'i shing rta'i srog shing tsam 'bab ste/ chu'i rgyun rnams rab tu 'bab pa na bar chad med pa de bzhin du/ dge slong dag ngas lha'i mig rnam par dag pa mi las 'das pas shar phyogs su de lta bu stong gsum gyi stong chen po'i 'jig rten gyi khams mdza' med cing mu med pa/ gzhan 'jig pa 'am zhig par gnas shing/ chags pa'am/ 'chags par gnas la/ gzhan 'jig cing gzhan zhig par gnas la/ gzhan 'chags shing gzhan chags par gnas pa dang/ de bzhin du lho dang/ nub dang/ byang phyogs su de snyed kyi stong gsum gyi stong chen po'i 'jig rten gyi khams rnams mdza' med cing mu med la/ 'jig pa'am/ zhig par gnas shing/ chags pa'am 'chags par gnas te/ gzhan 'jig cing gzhan zhig par gnas la/ gzhan 'chags shing gzhan chags par gnas pa dag kyang mthong ngo zhes bka' stsal nas/ bcom ldan 'das nang du yang dag 'jog pa'i phyir gnas khang nang du gshegs/ /de'i tshe na/ tshe dang ldan pa maung+gal ya na chen po 'khor de nyid kyi nang du 'dus par gyur te 'dug go /de nas tshe dang ldan pa maung+gal yan chen pos dge slong rnams la smras pa/ tshe dang ldan pa dag ji tsam du bcom ldan 'das kyis legs par bstan pa dang/ 'di
- 4a
ltar shing rta'i srog shing gi dpes bstan pa la ni legs te ngo mtshar to/ /de la stong spyi phud kyi 'jig rten gyi khams na ri chen po nyis stong yod de/ ri'i rgyal po ri rab stong dang/ khor yug gi ri stong rnams so/ /stong spyi phud kyi 'jig rten gyi khams na/ rgya mtsho chen po nyis stong yod de/ nang gi rgya mtsho chen po stong dang/ phyi rol gyi rgya mtsho chen po stong rnams so/ /stong spyi phud kyi 'jig rten gyi khams na ngan song gsum stong yod de/ sems can dmyal ba stong dang/ dud 'gro stong dang/ yi dwags stong rnams so/ /stong spyi phud kyi 'jig rten gyi khams na gling chen po bzhi stong yod de/ shar gyi lus 'phags po stong dang/ lho'i 'dzam+bu'i gling stong dang/ nub kyi ba lang spyod stong dang/ byang gi sgra mi snyan stong rnams so/ /stong spyi phud kyi 'jig rten gyi khams na shing chen po bzhi stong yod de/ 'dzam+bu'i gling ba'i shing rgya mtsho'i 'gram gyi shal ma li chen po stong dang/ lha ma yin gyi ris kyi tsita pa ta li stong dang/ sum cu rtsa gsum pa'i sa rtol stong rnams so/ /stong spyi phud kyi 'jig rten gyi khams na klu'i rigs bzhi stong yod de/ klu'i rig sgo nga las skye ba stong dang/ mngal nas skye ba stong dang/ drod gsher las skye ba stong dang/ rdzus te skye ba stong rnams so/ /stong spyi phud kyi 'jig rten gyi khams na nam mkha' lding gi rigs bzhi stong yod de/ nam mkha' i lding gi rigs sgo nga las skye ba stong dang/ mnga' nas skye ba stong dang/ drod gsher las skye ba stong dang/ rdzus ste skye
- 4b
bstod rnams so/ /stong spyi phud kyi 'jig rten gyi khams na rgyal po chen po bzhi stong yod de/ yul 'khor srung stong dang/ 'phags skyes po stong dang/ mig mi bzang stong dang/ rnam thos kyi bu stong rnams so/ /stong spyi phud kyi 'jig rten gyi khams na 'gro ba lnga stong yod de/ sems can dmyal ba'i 'gro ba stong dang/ dud 'gro dang/ yi dags dang/ lha dang/ mi'i 'gro ba stong rnams so/ /stong spyi phud kyi 'jig rten gyi khams na 'dun sa chen po nyis stong yod de/ lha'i 'dun sa chos bzangs stong dang/ lha ma yin gyi 'dun sa nor bzangs zhes bya ba stong rnams so/ /'jig rten bzhag pa las tshigs dang po'o/ /mdo la/ skye gnas ri dang rol mtsho dang/ /de bzhin sems can dmyal brgyad gzhan/ /sems can gnas dgu rab bshad de/ /las lam bcu po de bzhin no/ /stong spyi phud kyi 'jig rten gyi khams na 'dod pa'i skyes gnas gsum yod de/ gsum gang zhe na/ sems can 'dod pa nye bar gnas pa dag yod de/ gang dag 'dod pa nye bar gnas pa rnams la dbang phyug gis dbang byed pa ste/ 'di lta ste/ mi kha cig dang/ lha rnams so/ /'di ni 'dod pa'i skye gnas dang po'o/ /sems 'dod pas sprul ba dag yod de/ gang dag 'dod pas sprul pa rnams la dbang phyug gis dbang byed pa dag ste/ 'di lta ste/ 'phrul dga' i lha rnams so// 'di ni 'dod pa'i skye gnas gnyis pa'o/ /sems can 'dod pa'i sprul ba gzhan dag yod de/ gang dag 'dod pa gzhan gyis sprul pa rnams la dbang phyug gis dbang byed pa dag ste/ 'di lta ste/ gzhan 'phrul dbang byed kyi lha rnams so/ /'di ni 'dod pa'i skye gnas gsum pa'o/ /stong spyi phud kyi 'jig rten gyi khams na bde ba'i skye gnas gsum yod de/ sems can gang dag lus 'di nyid la dben pa las skyes pa'i dga' ba dang/ bde ba las brlan par byed cing yongs su brlan par byed
- 5a
de/ yongs su tshim par byed cing yongs su khyab par byed pa dag yod do/ /de dag lus 'di nyid la dpen pa las skyes pa'i dga' ba dang/ bde bas brlan par byas shing yongs su brlan par byas te/ yongs su tshim par byas shing yongs su khyab par byas nas bde bar reg pa la gnas so/ /de dag bde ba de dang/ bde ba la gnas pa des tshe ring zhing yun ring por gnas te/ 'di lta ste/ tshangs ris kyi lha rnams so/ /'di ni bde ba'i skye gnas dang po'o/ /sems can gang dag lus 'di nyid la ting nge 'dzin las skyes pa'i dga' ba dang/ bde bas brlan par byed cing yongs su brlan par byed de yongs su tshim par byed cing yongs su khyab par byed pa dag yod do/ /de dag lus 'di nyid la ting nge 'dzin las skyes pa'i dga' ba dang/ bde bas brlan par byas shing yongs su brlan par byas te/ yongs su tshim par byas shing yongs su khyab par byas nas bde bar reg pa la gnas so/ /de dag bde ba dang bde ba la gnas pa des tshe ring zhing yun ring por gnas te/ 'di lta ste/ 'od gsal gyi lha rnams so/ /'di ni bde ba'i skye gnas gnyis pa'o/ /sems can gang dag lus 'di nyid la dga' ba med pa'i bde bas brlan par byed pa dang/ yongs su brlan par byed de/ yongs su tshim par byed cing yongs su khyab par byed pa dag yod do/ /de dag lus 'di nyid la dga' ba med pa'i bde bar brlan par byas shing yongs su brlan par byas te/ yongs su tshim par byas shing yongs su khyab par byas nas bde bar reg pa la gnas so/ /de dag bde ba de dang bde ba la gnas pa de'i tshe ring zhing yun ring du gnas te/ 'di lta ste/ dge rgyas kyi lha rnams so/ /'di ni bde ba'i skye gnas gsum pa'o/ /stong spyi phud kyi 'jig rten gyi khams na gser gyi ri chen po
- 5b
bdun stong yod de/ ri'i rgyal po gnya' shing 'dzin stong dang/ gshol mda''dzin stong dang/ seng ldeng can stong dang/ blta na sdug stong dang/ rta rna ri stong dang/ mu khyud 'dzin stong dang/ ri'i rgyal po rnam par 'dud stong rnams so/ /stong spyi phung kyi 'jig rten gyi khams na rol mtsho chen po bdun stong yod de/ gnya' shing 'dzin gyi rol mtsho stong dang/ gshol mda''dzin gyi stong dang/ seng ldeng can gyi stong dang/ blta na sdug gi stong dang/ rta rna ri'i stong dang/ mu khyud 'dzin gyi stong dang/ rnam par 'dud kyi rol mtsho stong rnams so/ /stong spyi phud kyi 'jig rten gyi khams na sems can dmyal ba chen po rgyad stong yod de/ sems can dmyal ba chen po yang sos stong dang/ thig nag stong dang/ bsdus gzhom stong dang/ ngu 'bod stong dang/ ngu 'bod chen po stong dang/ tsha ba stong dang/ rab tu tsha ba stong dang/ sems can dmyal ba mnar med pa stong rnams so/ /stong spyi phung kyi 'jig rten gyi khams na sems can gyi gnas dgu stong yod de/ sems can gzugs yod pa lus tha dad cing 'du shes tha dad pa dag yod de/ 'di lta ste/ mi rnams dang/ lha kha cig go /'di ni sems can gyi gnas dang po'o/ /sems can gzugs yod pa lus tha dad la 'du shes gcig pa dag yod de/ 'di lta ste/ tshangs ris kyi lha dang po byung ba gang yin pa de dag go /'di ni sems can gyi gnas gnyis pa'o/ /sems can gzugs yod pa lus gcig la 'du shes tha dad pa dag yod de/ 'di lta ste/ 'od gsal gyi lha rnams so/ /'di ni sems can gyi gnas gsum pa'o/ /sems can gzugs yod pa lus gcig cing 'du shes gcig pa dag yod de/ 'di lta ste/ dge rgyas kyi lha rnams so/ /'di ni sems can gyi gnas bzhi pa'o/ /sems can gzugs yod pa 'du shes med cing 'du shes dang bral ba dag yod de/ 'di lta ste/ 'du shes med pa'i lha rnams
- 6a
so/ /'di ni sems can gyi gnas lnga pa'o/ /sems can gzugs med pa rnam pa thams cad du gzugs kyi 'du shes rnams las yang dag par 'das te/ thogs pa'i 'du shes rnams nub par gyur cing sna tshogs kyi 'du shes rnams yid la mi byed pas nam mkha' mdza' yas so snyam nas nam mkha' mdza' yas skye mched rdzogs par byas te gnas pa dag yod do/ /'di lta ste/ nam mkha' mdza' yas skye mched du skyes pa'i lha rnams so/ /'di ni sems can gyi gnas drug pa'o/ /sems can gzugs med pa rnam pa thams cad du nam mkha' mdza' yas skye mched las yang dag par 'das te/ rnam par shes pa mdza' yas so snyam nas rnam shes mdza' yas skye mched rdzogs par byas te gnas pa dag yod de/ 'di lta ste/ rnam shes mdza' yas skye mched du skyes pa'i lha rnams so/ /'di ni sems can gyi gnas bdun pa'o/ /sems can gzugs med pa gang dag rnam pa thams cad du rnam shes mdza' yas skye mched las yang dag par 'das te/ ci yang med do snyam nas ci yang med pa'i skye mched rdzogs par byas te/ gnas pa dag yod de/ 'di lta ste/ ci yang med pa'i skye mched du skyes pa'i lha rnams so/ /'di ni sems can gyi gnas brgyad pa'o/ /sems can gzugs med pa rnam pa thams cad du ci yang med pa'i skye mched las yang dag par 'das nas 'du shes med 'du shes med min skye mched rdzogs par byas te/ gnas pa dag yod de/ 'di lta ste/ 'du shes med 'du shes med min skye mched du skyes pa'i lha rnams so/ / 'di ni sems can gyi gnas dgu pa'o/ /stong spyi phud kyi 'jig rten khams na/ mi dge ba bcu'i las kyi lam dag yod de/ srog gcod pa dang/ ma byin par len pa dang/ 'dod pa la log par g.yem pa dang/ brdzun du smra ba dang/ phra
- 6b
ma dang/ tshig tsub po dang/ tshig 'khyal pa dang/ brnab sems dang/ gnod sems dang/ log par lta ba rnams so/ /srog gcod pa shas chen kun tu bsten cing bsgoms te/ lan mang du byas pas ni sems can dmyal ba chen po mnar ? skye bar 'gyur ro/ /de bas ches shas chung ba dang/ de bas ches yang bas ni rab tu tsha bar ro/ /de bas ches shas chung ba dang/ de bas ches yang bas ni tsha par ro/ /de bas ches shas chung ba dang/ de bas ches yang bas ni ngu 'bod chen por ro/ de bas ches shas chung ba dang/ de bas ches yang bas ni ngu 'bod du'o/ /de bas ches shas chung ba dang/ de bas ches yang bas ni bsdus gzhom du'o/ /de bas ches shas chung ba dang/ de bas ches yang bas ni thig nag du'o/ /de bas ches shas chung ba dang/ de bas ches yang bas ni sems can dmyal ba chen po yang sos su skye bar 'gyur ro/ /ma byin par len pa shas ches kun tu brten cing bsgoms te/ lan mang du byas pa dang/ 'dod pa la log par g.yem pa dang/ brdzun du smra ba dang/ phra ma dang/ tshig rtsub po dang/ tshig 'khyal pa dang/ brnab sems dang/ gnod sems dang/ log par lta ba shas cher kun du bstan cing bsgoms te/ lan mang du byas pas ni sems can dmyal ba chen po mnar med par skye bar 'gyur ro// de bas ches shas chung ba dang/ de bas ches yang bas ni rab tu che bar ro/ /de bas shas chung ba dang/ de bas ches yang bas ni cha bar ro/ /de bas ches shas chung ba dang/ de bas ches yang bas ni ngu 'bod chen por ro/ /de bas ches shas chung ba dang/ de bas ches yang bas ni ngu 'bod du'o/ /de bas ches shas chung ba dang/ de bas ches yang bas ni bsdus gzhom du'o/ /de bas ches shas chung ba dang/ de bas ches yang bas ni thig nag du'o/ /de bas ches shas chung ba dang/ de bas ches yang bas ni
- 7a
sems can dmyal ba chen po yang sos su skye bar 'gyur ro/ /'jig rten bzhag pa las tshigs gnyis pa'o/ /mdo la/ mkha' lding las lam bcu po dang/ myong ba dang ni bkres dang zas/ /bdud rtsi phyis char ba dang/ /mu ge bde dang bcu tshon no/ /stong spyi phud kyi 'jig rten gyi khams na klu'i rigs bzhi stong rgya mtsho chen po na gnas so/ /nam mkha' lding gi rigs bzhi stong shing shal ma li mthon po la gnas te/ /sgo nga las skye ba stong dang/ mngal nas skye ba stong dang/ drod gsher las skye ba stong dang/ rdzus te skye ba stong rnams so/ /nam mkha' lding sgo nga las skye ba'i bza' ba'i phyir klu sgo nga las skye ba 'byin par byed de/ mngal nas skye ba ma yin/ drod gsher las skye ba ma yin/ rdzus te skye ba ma yin no/ /de ci'i phyir zhe na/ ci te de len na/ de nyid thal ba bzhin du byed par 'gyur ba'i phyir ro/ /nam mkha' lding mngal nas skyes pa ni bza' ba'i phyir klu sgo nga las skye ba dang/ mngal nas skye ba 'byin par byed de/ drod gsher las skye ba ma yin no/ /rdzus te skye ba ma yin no/ /de ci'i phyir zhe na/ ci ste de len na/ de nyid thal ba bzhin du byed par 'gyur ba'i phyir ro/ /nam mkha' lding drod gsher las skye ba ni bza' ba'i phyir klu sgo nga las skye ba dang/ mngal nas skye ba dang/ drod gsher las skye ba 'byin par byed de/ rdzus te skye ba ma yin no/ /de ci'i phyir zhe na/ ci ste de len na de nyid thal ba bzhin du byad par 'gyur ba'i phyir ro/ /nam mkha' lding rdzus te skye ba ni bza' ba'i phyir klu sgo nga las skye ba dang/ mngal nas skye ba dang/ drod gsher las skye ba dang/ rdzus te skye ba 'byin par byed do/ /klu la klu chen po bskal par gnas shings 'dzin pa dag yod do/ /de dag kyang gang zhe na/ 'di lta ste/ klu'i rgyal po dga' bo dang/ nye dga' gnyis dang/ klu'i rgyal po rtas rgyal dang/ klu'i rgyal
- 7b
po btang bzung dang/ klu'i rgyal po gzi can dang/ klu'i rgyal po yul 'khor srung dang/ klu'i rgyal po nag po chen po dang/ klu'i rgyal po e la'i 'dab ma rnams te/ 'di dag gzhan yang klu chen po bskal par gnas shings 'dzin pa nam mkha' lding dag gis dbyung bar mi nus pa gang yin pa 'di dag ni lha dang lha ma yin gyi g.yul myong bar byed cing so sor myong bar byed de/ shes shing rab tu shes la/ kun tu rab tu shes so/ /ji skad du/ shin tu mthu che ba'i klu dag yod do/ ma mdza' srung zhing chu na gnas pa ste/ /de dag lha min dag dang g.yul 'gyed pas/ 'di dag brgya byin gyis ni dpung yang yin/ /stobs kyang che zhing dug che klu yin te/ /shin tu drag po dgra thabs sna tshogs can/ lha min rnams dang lhan cig g.yul 'gyed pas/ de dag brgya byin gyis ni dpung yang yin zhes kyang bya'o/ /bar gyi mdo la/ dga' bo nyer dga' rtas rgyal dang/ btang zung dang ni gzi can dang/ /yul 'khor srung dang nag po che/ e la'i 'dab ma phyi ma yin/ stong spyi phud kyi 'jig rten gyi khams na dge ba bcu'i las kyi lam dag yod de/ srog gcod pa spong ba dang/ ma byin par len pa dang/ 'dod pa la log par g.yem pa dang/ brdzun du smra ba dang/ phra ma dang/ tshig rtsub po dang/ tshig 'khyal ba spong ba dang/ brnab sems med pa dang/ gnod sems med pa dang/ yang dag par lta ba rnams so/ /srog gcod pa spong ba shas cher kun tu bsten cing bsgoms te lan mang du byas pas ni gzhan 'phrul dbang byed kyi lha rnams dang skal pa mnyam par skye bar 'gyur ro/ /de bas ches shas chung ba dang de bas ches yang bas ni 'phrul dga' ba rnams su'o/ /de bas ches shas chung ba dang/ de bas ches yang bas ni dga' ldan pa rnams su'o/ /de bas ches shas chung ba dang/ de bas ches yang bas ni 'thab bral ba rnams su'o/ /de bas ches shas chung ba dang/
- 8a
de bas ches yang bas ni sum cu rtsa gsum pa rnams su'o/ /de bas ches shas chung ba dang/ de bas ches yang bas ni rgyal chen bzhi pa rnams su'o/ /de bas ches shas chung ba dang/ de bas ches yang bas na mi rnams dang skal ba mnyam par skye bar 'gyur ro/ /ma byin par len pa dang/ 'dod pa log par g.yem pa dang/ brdzun du smra ba dang/ phra ma dang/ tshig rtsub po dang/ tshig 'khyal pa spong ba dang/ chags sems med pa dang/ gnod sems med pa dang/ yang dag par lta ba shas cher kun tu bsten cing bsgoms te lan mang du byas pas ni gzhan 'phrul dbang byed kyi lha rnams dang skal ba mnyam par skye bar 'gyur ro/ /de bas ches shas chung ba dang/ de bas ches yang bas ni 'phrul dga' rnams su'o/ /de bas ches shas chung ba dang/ de bas ches yang bas dga' ldan rnams su'o/ /de bas ches shas chung ba dang/ de bas ches yang bas ni 'thab bral ba rnams su'o/ /de bas ches shas chung ba dang/ de bas ches yang bas ni sum cu rtsa gsum pa rnams su'o/ /de bas ches shas chung ba dang/ de bas ches yang bas ni rgyal chen bzhi pa rnams su'o/ /de bas ches shas chung ba dang/ de bas ches yang bas ni mi rnams dang skal pa mnyam par skye bar 'gyur ro/ /ji ste mi rnams dang skal pa mnyam par skye na yang sreg gcod pa spong bas ni tshe ring por 'gyur ro/ /ma byin par len pa spong bas ni longs spyod chen por 'gyur ro/ /'dod pa la log par g.yem pa spong bas ni chung ma 'gran zla med par 'gyur ro/ /brdzun du smra ba spong bas ni skur ba mang bar mi 'gyur ro/ /phra ma spong bas ni mdza' ba dang 'bye bar mi 'gyur ro/ /tshig rtsub po spong bas ni yid du mi 'ong ba'i sgra thos par mi 'gyur ro/ /tshig 'khyal pa spong bas ni tshig mnyam par 'gyur ro/ /chags sems med pas ni 'dod chags che bar mi 'gyur ro/ /gnod sems med pas ni zhe sdang che bar mi 'gyur
- 8b
ro/ /yang dag pa'i lta bas ni gti mug che bar mi 'gyur ro/ /sems can dmyal bar myong bar 'gyur ba'i las rnams kyi nang na ni las gang gi rnam par smin pas mnar med pa'i sems can dmyal ba chen po'i che'i tshad bskal par len pa 'di mchog yin no/ /dud 'gro myong bar 'gyur ba'i las rnams kyi nang na ni las gang gi rnam par smin pas sa srung gi bus sa srung gi bu nyid dang/ rab tu brtan pas rab tu brtan pa nyid thob pa 'di mchog yin no/ /yi dags kyi skye gnas su skye bar 'gyur ba'i las rnams kyi nang na ni las gang gi rnam par smin pas rgyal po gshin rje'i gshin rje'i 'jig rten gyi sems can rnams kyi rgyal srid kyi dbang phyug la dbang byed pa 'di ni mchog yin no/ /mi'i skye gnas myong bar 'gyur ba'i las rnams kyi nang na ni las gang gi rnam par smin pas nga las nus nga las nus nyid du thob pa 'di mchog yin na/ /rgyal chen bzhi'i ris myong bar 'gyur ba'i las rnams kyi nang na ni las gang gi rnam par smin pas rgyal po chen po bzhi rnams rgyal srid kyi dbang phyug la dbang byed pa 'di mchog yin no/ /sum cu rtsa gsum myong par 'gyur ba'i las rnams kyi nang na ni las gang gi rnam par smin pa brgya byin gyis brgya byin nyid thob pa mchog yin no/ /'thab bral myong bar 'gyur ba'i las rnams kyi nang na ni las gang gi rnam par smin pas rab 'thab bral gyis rab 'thab bral nyid thob pa 'di mchog yin no/ /dga' ldan myong bar 'gyur ba'i las rnams kyi nang na ni las gang gi rnam par smin pas yongs su dga' ldan gyis yongs su dga' ldan nyid thob pa 'di mchog yin no/ /'phrul dga' myong bar 'gyur ba'i las rnams kyi nang na ni las gang gis rnam par smin pas rab sprul gyis rab sprul nyid thob pa 'di mchog yin no/ /gzhan 'phrul dbang byed kyi myong bar 'gyur ba'i las rnams kyi nang na ni las gang gi rnam par smin pas dbang byed kyis dbang byed nyid thob pa 'di mchog yin no/ /ji ltar 'dzam
- 9a
bu'i gling gi mi rnams bkres pa dang/ skom pa yod pa bzhin du shar gyi lus 'phags po rnams dang/ nub kyi ba lang spyod pa rnams dang/ byang gi sgra mi snyan pa rnams dang/ rgyal chen bzhi'i lha rnams dang/ sum cu rtsa gsum pa rnams dang/ 'thab bral pa rnams dang/ dga' ldan pa rnams dang/ 'phrul dga' ba rnams dang/ gzhan 'phrul dbang byed pa rnams la yang yod do/ /de yan chad la ni bkres pa dang/ skom pa med do/ /ji ltar 'dzam bu'i gling gi mi rnams la kha zas 'di lta ste/ 'bras chan dang/ zan dang/ phye dang/ sha dang/ rus pa rnams yod pa bzhin du shar gyi lus 'phags po dang/ nub kyi ba lang spyod la yang yod do/ /byang gi sgra mi snyan gyi mi rnams ni ma rmos ma btab pa'i 'bras sA lu'i 'bru za'o/ /rgyal chen bzhi'i ris kyi lha rnams ni dri za'i zas dang bdud rtsi'i zas za'o/ /rgyal chen bzhi'i lha rnams ji lta ba bzhin du sum cu rtsa gsum pa rnams dang/ 'thab bral ba rnams dang/ dga' ldan pa rnams dang/ 'phrul dga' ba rnams dang/ gzhan 'phrul dbang byed kyi lha rnams kyang de bzhin no/ /de yan chad la ni kham gyi zas med de/ /rgyal chen bzhi'i lha rnams kyi bdud rtsi ni rnam pa bzhi ste/ sngon po dang/ ser po dang/ dmar po dang/ dkar po rnams so/ /rgyal chen bzhi'i lha rnams ji lta ba bzhin du sum cu rtsa gsum pa rnams dang/ 'thab bral ba rnams dang/ dga' ldan pa rnams dang/ 'phrul dga' ba rnams dang/ gzhan 'phrul dbang byed pa rnams dang de bzhin no/ /tshangs ris pa rnams la ni med do/ /de yan chad la yang med do/ /ji ltar 'dzam bu'i gling gi mi rnams la bshang ba dang gci ba yod pa bzhin du shar gyi lus 'phags po rnams dang/ nub gyi ba lang spyod pa rnams dang/ byang gi sgra mi snyan pa rnams la yang yod de/ /rgyal chen bzhi'i lha rnams
- 9b
la ni med do/ /de yan chad la yang med do/ /ji ltar 'dzam bu'i gling gi mi rnams la char 'bab mkhas pa dang/ char 'bab mi mkhas pa yod pa bzhin du shar gyi lus 'phags po rnams dang/ nub kyi ba lang spyod pa rnams la yang yod do/ /byang gi sgra mi snyan pa rnams dang/ rgyal chen bzhi'i lha rnams la ni med do/ /de yan chad la yang med do/ /ji ltar 'dzam bu'i gling gi mi rnams la lo legs pa dang/ mu ge yod pa bzhin du shar gyi lus 'phags po dang/ nub gyi ba lang spyod pa rnams la yang yod do/ /byang gi sgra mi snyan pa rnams dang/ rgyal chen bzhi'i lha rnams la ni med do/ /de yan chad la yang med do/ /ji ltar 'dzam bu'i gling gi mi rnams la 'jigs pa dang/ bde ba yod pa bzhin du shar gyi lus 'phags pa rnams dang/ nub gyi ba lang spyod pa rnams la yod do/ /byang gi sgra mi snyan gyi mi rnams la ni med do/ /rgyal chen bzhi'i lha rnams dang/ sum cu rtsa gsum pa rnams dang/ 'thab bral ba rnams dang/ dga' ldan pa rnams dang/ 'phrul dga' ba rnams dang/ gzhan 'phrul dbang byed pa rnams la yod do/ /tshangs ris pa rnams la ni med do/ /de yan chad la yang med do/ /'jig rten bzhag pa las tshigs gsum pa'o// //mdo la/ nyo tshong mdog dang khang pa dang/ /gding ba dang ni bzhag gos dang/ /yang ba rdul rab sgre ba dang/ /tha dad bag sma len dang bcu/ /ji ltar 'dzam bu'i gling gi mi rnams la nor ram/ 'bru 'am/ gser ram dngul nyo tshong bya ba yod pa bzhin du shar gyi lus 'phags pa rnams dang/ nub kyi ba lang spyod pa rnams la yang yod do/ /byang gi sgra mi snyan gyi mi rnams dang/ rgyal chen bzhi'i lha rnams la ni med do/ /de yan chad la yang med do/ /'di snyam du/ 'dzam bu'i gling gi mi rnams ni nor dang 'bru rnams kyis nyo tshong byed do/ /shar gyi lus 'phags po rnams ni ras dang be'u ras rnams
- 10a
kyis so/ /nub kyi ba lang spyod pa rnams ni ba lang dang nor bu rnams kyis so zhes zer ba yod do/ /ji ltar 'dzam bu'i gling gi mi rnams kyi mdog nag po dang/ /dkar po dang/ sngo bsangs dang/ mdog skya snar rnam pa bzhi yod pa bzhin du shar gyi lus 'phags pa rnams dang/ nub kyi ba lang spyod pa rnams kyang de bzhin no/ /byang gi sgra mi snyan gyi mi rnams ni mdog gcig pa ste dkar po'o/ /rgyal chen bzhi'i lha rnams kyi mdog ni rnam pa bzhi'o// sngon po dang/ ser po dang/ dkar po dang/ dmar po rnams so/ /rgyal chen bzhi po rnams kyi ji lta ba bzhin du sum cu rtsa gsum pa rnams dang/ 'thab bral ba rnams dang/ dga' ldan pa rnams dang/ 'phrul dga' ba rnams dang/ gzhan 'phrul dbang byed pa rnams kyang de bzhin no/ /tshangs ris kyi lha rnams dang mdog gcig pa ste dkar po'o/ /tshangs ris kyi lha rnams ji lta bzhin du tshangs pa'i mdun na 'don pa rnams dang/ tshangs pa chen po ba rnams dang/ 'od chung ba rnams dang/ tshad med 'od pa rnams dang/ 'od gsal ba rnams dang/ dge chung ba rnams dang/ tshad med dge ba rnams dang/ dge rgyas pa rnams dang/ sprin med pa rnams dang/ bsod nams skyes pa rnams dang/ 'bras bu che ba rnams dang/ mi che ba rnams dang/ mi gdung ba rnams dang/ gya nom snang ba rnams dang/ shin tu mthong ba rnams dang/ 'og min gyi lha rnams kyang de bzhin no/ /nam mkha' mdza' yas skye mched dang/ rnam shes mdza' yas skye mched dang/ ci yang med pa'i phyir skye mched dang/ 'du shes med 'du shes med min skye mched la ni kha dog med do/ /ji ltar 'dzam bu'i gling gi mi rnams kyi khang pa ched du byas pa dang/ tshad du byas pa ma yin pa dang/ khang bzangs dang/ sa khang rnams yod pa bzhin
- 10b
du shar gyi lus 'phags pa rnams dang/ nub kyi ba lang spyod pa rnams la yang yod do/ /byang gi sgra mi snyan gyi mi rnams kyi khang pa ni ched du byas pa ma yin pa'i sa khang ngo/ /rgyal chen bzhi pa rnams kyi gzhal med khang ni ched du byas pa dang ched du byas pa ma yin pa'o// rgyal chen bzhi pa'i lha rnams kyi 'jig rten pa bzhin du sum cu rtsa gsum pa rnams dang/ 'thab bral ba rnams dang/ dga' ldan pa rnams dang/ 'phrul dga' ba rnams dang/ gzhan 'phrul dbang byed pa rnams kyi yang de bzhin no/ /tshangs ris pa rnams kyis gzhal med khang rnams ni ched du byas pa ma yin pa'o/ /tshangs ris pa rnams kyi ji lta ba bzhin du tshangs pa'i mdun na 'don pa dang/ tshangs pa chen po pa rnams dang/ 'od chung ba rnams dang/ tshad med 'od pa rnams dang/ 'od gsal ba rnams dang/ dge chung rnams dang/ tshad med dge ba rnams dang/ dge rgyas pa rnams dang/ sprin med pa rnams dang/ bsod nams skyes pa rnams dang/ 'bras bu che ba rnams dang/ mi che ba rnams dang/ mi gdung ba rnams dang/ gya nom snang ba rnams dang/ shin tu mthong ba rnams dang/ 'og min pa rnams kyi gzhal med khang yang ched du byas pa ma yin no/ /gzugs med pa rnams la ni khang pa med pa'o/ /ji ltar 'dzam bu'i gling gi mi rnams la gding ba dang bgo ba 'di lta ste/ bal gos dang/ sha na'i ras dang/ gso ma'i ras dang/ zar ma'i ras dang/ ras gos dang/ zab dar dang/ go tam pa'i ras dang/ rtswa du go la'i gos dang/ a pa ran+ti ka'i gos dang/ ras dang/ be'u ras yod pa bzhin du shar gyi lus 'phags pa rnams dang/ nub kyi ba lang spyod pa rnams la yang yod do/ /byang gi sgra mi snyan gyi mi rnams ni dpag bsam shing las byung pa'i gos gyon no/ /ji ltar byang gi sgra mi snyan gyi mi rnams dpag bsam shing las byung ba'i gos gyon pa bzhin du rgyal chen bzhi'i lha rnams dang/ sum
- 11a
cu rtsa gsum pa rnams dang/ 'thab bral ba rnams dang/ dga' ldan pa rnams dang/ 'phrul dga' ba rnams dang/ gzhan 'phrul dbang byed kyi lha rnams kyang de bzhin no/ /tshangs ris kyi lha rnams ni gos gyon bzhin du skye'o/ / tshangs ris kyi lha rnams ji lta ba bzhin du tshangs pa'i mdun na 'don pa rnams dang/ tshangs pa chen po ba rnams dang/ 'od chung ba rnams dang/ tshad med 'od ba rnams dang/ 'od gsal ba rnams dang/ dge chung ba rnams dang/ tshad med dge rnams dang/ dge rgyas pa rnams dang/ sprin med pa rnams dang/ bsod nams skyes pa rnams dang/ 'bras bu che ba rnams dang/ mi che ba rnams dang/ mi gdung ba rnams dang/ gya nom snang ba rnams dang/ shin tu mthong ba rnams dang/ 'og min gyi lha rnams kyang de gos gyon bzhin du skye'o/ /byang gi sgra mi snyan gyi mi rnams kyi dpag bsam shing las byung ba'i gos kyi shing ni rnam pa bzhi ste/ sngon po dang/ ser po dang/ dmar po dang/ dkar po rnams so/ /bzhag gos rnam pa bzhi ste/ sngon po dang/ ser po dang/ dmar po dang/ dkar po rnams so/ /dpag bsam shing las byung ba'i gos kyang rnam pa bzhi ste/ sngon po dang/ ser po dang/ dmar po dang/ dkar po rnams so/ /dpag bsam shing las byung ba'i gos ji lta bu 'dod pa de lta bu skyes pa 'am/ bud med dag gi sems bskyed ma thag tu de la yal ga 'dud par byed do/ /rgyal chen bzhi'i lha rnams kyi dpag bsam shing las byung ba'i gos kyi shing rnams kyang rnam pa bzhi ste/ sngon po dang/ ser po dang/ dmar po dang/ dkar po rnams so// bzhag gos kyang rnam pa bzhi ste/ sngon po dang/ ser po dang/ dmar po dang/ dkar po rnams so/ /dpag bsam shing las byung ba'i gos kyang rnam pa bzhi ste/ sngon po dang/ ser po dang/ dmar po dang/ dkar po rnams te/ dpag bsam shing las
- 11b
byung ba'i gos ji lta bu 'dod pa de lta bu lha'i bu 'am/ lha'i bu mo dag gi sems bskyed ma thag tu yal ga gdung par byed de/ de'i lag tu 'ong bar 'gyur ro/ /rgyal chen bzhi pa rnams kyi ji lta ba bzhin du sum cu rtsa gsum pa dang/ 'thab bral ba rnams dang/ dga' ldan pa rnams dang/ 'phrul dga' ba rnams dang/ gzhan 'phrul dbang byed pa rnams kyi yang de bzhin no/ /tshangs ris kyi lha rnams la ni dpag bsam shing las byung ba'i gos med do/ /de yan chad la yang med do/ /ji ltar 'dzam bu'i gling gi mi rnams la gding ba dang/ bgo ba lca ba dang/ yang ba yod pa bzhin du shar gyi lus 'phags pa rnams dang/ nub kyi ba lang spyod pa rnams la yang yod do/ /byang gi sgra mi snyan pa rnams kyi dpag bsam shing las byung ba'i gos la srang gcig yod do// rgyal chen bzhi'i lha rnams kyi ni srang phyed do/ /sum cu rtsa gsum pa'i lha rnams kyi ni srang gi bzhi cha gcig go /'thab bral ba rnams kyi ni srang gang gi brgyad cha gcig go /dga' ldan pa rnams kyi ni srang gi bcu drug cha gcig go /'phrul dga' ba rnams kyi sum cu rtsa gnyis kyi srang gi cha gcig go /gzhan 'phrul dbang byed pa rnams kyi dpag bsam gyi shing las byung ba'i gos ni srang gi drug cu rtsa bzhi'i cha gcig las med do/ /tshangs ris kyi lha rnams kyi ni gzhal du med pa'i gos yin no/ /tshangs ris pa rnams kyi ji lta ba bzhin du tshangs pa'i 'dun na 'don pa rnams dang/ tshangs pa chen po pa rnams dang/ 'od chung ba rnams dang/ tshad med 'od pa rnams dang/ 'od gsal ba rnams dang/ dge chung ba rnams dang/ tshad med dge ba rnams dang/ dge rgyas pa rnams dang/ sprin med pa rnams dang/ bsod nams skyes pa rnams dang/ 'bras bu che ba rnams dang/ mi che ba rnams dang/ mi gdung ba rnams dang/ gya nom snang ba rnams dang/ shin tu mthong ba rnams dang/ 'og min lha rnams kyi yang
- 12a
gzhal du med pa'i gos yin no/ /nyi zer gyi rdul bzhi bcu rtsa dgu'i cha gcig ni rdul phra rab yin no/ /rdul phra rab bdun ni rdul phra mo gcig go /rdul phra mo bdun la ni nyi zer gyi rdul gcig go /nyi zer gyi rdul bdun la ni ri bong gi rdul gcig go /ri bong gi rdul bdun la ni lug rdul gcig go /lug rdul bdun la ni glang rdul gcig go /glang rdul bdun la ni sro ma gcig go /sro ma bdun la ni a ba ga na gcig go /a ba ga na gcig la ni ba ti ka gcig go / ba ti ka bdun la ni nas 'bru gcig go /nas 'bru bdun la ni sor gcig go /sor nyi shu rtsa bzhi la ni khru gang ngo/ /'dzam bu'i gling gi mi rnams kha cig ni khru tshad de ltar brtsis pa'i khru phyed dang bzhi pa'o/ /kha cig ni khru bzhi pa'o/ /shar gyi lus 'phags pa rnams ni khru brgyad pa'o/ /nub kyi ba lang spyod pa rnams ni khru bcu drug pa'o/ /byang gi sgra mi snyan gyi mi rnams ni khru sum cu rtsa gnyis pa'o/ /rgyal chen bzhi'i lha rnams kyi lus thob pa ni rgyang grags kyi bzhi cha gcig go /sum cu rtsa gsum pa rnams kyi ni rgyang grags kyi phyed do/ /'thab bral ba rnams kyi ni rgyang grags kyi bzhi cha gsum mo/ /dga' ldan pa rnams kyi ni rgyang grags gcig go /'phrul dga' ba rnams rgyang grags gcig dang/ rgyang grags kyi bzhi cha gcig go /gzhan 'phrul dbang byed rnams kyi ni rgyang grags phyed dang gnyis so/ /tshangs ris pa rnams kyi ni dpag tshad phyed do/ /tshangs pa mdun na 'don pa rnams kyi ni dpag tshad gcig go /tshangs pa chen po pa rnams kyi ni dpag tshad phyed dang gnyis so/ /'od chung ba rnams kyi ni dpag tshad gnyis so/ /tshad med nyon pa rnams kyi ni dpag tshad bzhi po/ /'od gsal ba rnams kyi ni dpag tshad brgyad do/ /dge chung ba rnams kyi ni dpag tshad bcu drug go /tshad
- 12b
med dge ba rnams kyi ni dpag tshad sum cu rtsa gnyis so/ /dge rgyas pa rnams kyi ni dpag tshad drug cu rtsa bzhi'o/ /sprin med pa rnams kyi ni dpag tshad brgya nyi shu rtsa lnga'o/ /bsod nams skyes pa rnams kyi ni dpag tshad nyis brgya lnga bcu'o/ /'bras bu che ba'i lha rnams kyi ni dpag tshad lnga brgya'o/ /'du shes med pa'i sems can rnams kyi yang de dang 'dra'o/ mi che ba'i lus thob pa ni dpag tshad stong ngo/ /mi gdung ba rnams kyi dpag tshad nyis stong ngo/ /gya nom snang ba rnams kyi ni dpag tshad bzhi stong ngo/ /shin tu mthong ba pa rnams kyi ni dpag tshad brgyad stong ngo/ /'og min gyi lha rnams kyi lus thob pa rnams kyi ni dpag tshad khri drug stong ngo/ /gzugs med pa rnams la ni bsags pa'i lus med do/ /nyi zer gyi rdul bzhi bcu rtsa dgu'i cha gcig gi ni rdul phra rab yin no/ /rdul phra rab bdun la ni rdul phra mo gcig go /rdul phra mo bdun la ni nyi zer gyi rdul gcig go /nye zer gyi rdul bdun la ni ri bong gi rdul gcig go /ri bong gi rdul bdun la ni lug rdul gcig go /lug rdul bdun la ni glang rdul gcig go /glang rdul bdun la ni sro ma gcig go /sro ma bdun la ni a ba gan gcig go /a ba ga na bdun la ni ba ti ka gcig go /ba ti ka bdun la ni nas 'bru gcig go /nas 'bru bdun la ni sor gcig go / sor nyi shu rtsa bzhi la khru gang ngo/ /'dzam bu'i gling gi mi rnams kha cig gos khru tshad 'di lta bur brtsis pa'i khru brgyad pa gyon no/ /kha cig ni khru bcu pa'o/ /shar gyi lus 'phags pa rnams kyi khru nyi shu pa'o/ /nub kyi ba lang spyod pa rnams kyi ni khru bzhi bcu pa'o/ /byang gi sgra mi snyan pa rnams kyi ni dpag bsam shing las byung ba'i gos khru brgyad cu pa gyon gyon no/ /rgyal chen bzhi pa'i lha rnams kyang lus la ci ran pa'i gos gyon no/ /rgyal chen bzhi'i lha rnams kyi ji lta ba
- 13a
bzhin du sum cu rtsa gsum pa rnams dang/ 'thab bral ba rnams dang/ dga' ldan pa rnams dang/ 'phrul dgal pa rnams dang/ gzhan 'phrul dbang byed pa rnams dang/ tshangs ris pa rnams dang/ tshangs pa'i mdun na 'don pa rnams dang/ tshangs pa chen po pa rnams dang/ 'od chung ba rnams dang/ tshad med 'od pa rnams dang/ 'od gsal ba rnams dang/ dge chung ba rnams dang/ tshad med dge ba rnams dang/ dge rgyas pa rnams dang/ sprin med pa rnams dang/ bsod nams skyes pa rnams dang/ 'bras bu che ba rnams dang/ mi che ba rnams dang/ mi gdung ba rnams dang/ gya nom snang ba rnams dang/ shin tu mthong ba rnams dang/ 'og min pa rnams kyi yang de bzhin no/ /ji ltar 'dzam bu'i gling gi mi rnams dbang po tha dad do/ /kha cig la ni mo'i dbang po dang/ kha cig la ni pho'i dbang po yod pa bzhin du shar gyi lus 'phags pa rnams dang/ nub kyi ba lang spyod pa rnams dang/ byang gi sgra mi snyan pa rnams dang/ rgyal chen bzhi pa'i lha rnams dang/ sum cu rtsa gsum pa'i lha rnams dang/ 'thab bral ba rnams dang/ dga' ldan pa rnams dang/ 'phrul dga' ba rnams dang/ gzhan 'phrul dbang byed pa rnams la yang yod do/ /tshangs ris kyi lha rnams la ni mo'i dbang po yang med/ pho'i dbang po yang med do/ /tshangs ris pa rnams ji lta ba bzhin du/ tshangs pa'i mdun na 'don pa rnams dang/ tshangs pa chen po rnams dang/ 'od chung ba rnams dang/ tshad med 'od pa rnams dang/ 'od gsal ba rnams dang/ dge chung ba rnams dang/ tshad med dge ba rnams dang/ dge rgyas pa rnams dang/ sprin med pa rnams dang/ bsod nams skyes pa rnams dang/ 'bras bu che ba rnams dang/ mi che ba rnams dang/ mi gdud pa rnams dang/ gya nom snang ba rnams
- 13b
dang/ shin tu mthong ba rnams dang/ 'og min gyi lha rnams kyang de bzhin no/ /ji ltar 'dzam bu'i gling gi mi rnams la bag ma gtong ba dang/ bag ma len pa yod pa bzhin du/ shar gyi lus 'phags pa rnams dang/ nub kyi ba lang spyod pa rnams la yang yod do/ /byang gi sgra mi snyan gyi mi rnams la ni med do/ /rgyal chen bzhi pa'i lha rnams dang/ sum cu rtsa gsum pa rnams dang/ 'thab bral ba rnams dang/ dga' ldan pa rnams dang/ 'phrul dga' ba rnams dang/ /gzhan 'phrul dbang byed pa rnams la yang yod do/ /tshangs ris kyi lha rnams la ni bag ma gtong ba yang med len pa yang med do/ /tshangs ris kyi lha rnams la ji lta ba bzhin du tshangs pa'i mdun na 'don pa rnams dang/ tshangs pa chen po pa rnams dang/ 'od chung ba rnams dang/ tshad med 'od pa rnams dang/ 'od gsal ba rnams dang/ dge chung ba rnams dang/ tshad med dge ba rnams dang/ dge rgyas pa rnams dang/ sprin med pa rnams dang/ bsod nams skyes pa rnams dang/ 'bras bu che ba rnams dang/ mi che ba rnams dang/ mi gdung ba rnams dang/ gya nom snang ba rnams dang/ shin tu mthong ba rnams dang/ 'og min gyi lha rnams la yang de bzhin no/ / 'jig rten bzhag pa las tshigs bzhi pa'o/ /'jig rten bzhag pa// //bam po gnyis pa/ mdo la/ grang dang tsha dang dus tshigs mtshan mo dang/ pha ma dang ni rje khol dang/ /nor dang 'bru dang mngon par zhe na/ /bcu tshan yongs su brjod pa yin/ /ji ltar 'dzam bu'i gling gi mi rnams la shin tu grang ba dang/ shin tu tsha ba yod pa bzhin du shar gyi lus 'phags pa rnams dang/ nub kyi ba lang spyod pa rnams la yang yod do/ /byang gi sgra mi
- 14a
snyan pa rnams la ni med do/ /rgyal chen bzhi'i lha rnams la yang med do/ /de yan chad la yang med do/ /ji ltar 'dzam bu'i gling gi mi rnams la dus tshigs 'di lta ste/ dgun dang/ dpyid dang/ dbyar yod pa bzhin du shar gyi lus 'phags pa rnams dang/ nub kyi ba lang spyod pa rnams dang/ byang gi sgra mi snyan pa rnams dang/ rgyal chen bzhi'i lha rnams dang/ sum cu rtsa gsum pa rnams dang/ 'thab bral ba rnams dang/ dga' ldan pa rnams dang/ 'phrul dga' ba rnams dang/ gzhan 'phrul dbang byed kyi lha rnams la yang yod do/ /tshangs ris kyi lha rnams la ni dus tshigs med do/ /tshangs ris kyi lha rnams la ji lta ba bzhin du tshangs pa'i mdun na 'don pa rnams dang/ tshangs pa chen po rnams dang/ 'od chung ba rnams dang/ tshad med 'od pa rnams dang/ 'od gsal ba rnams dang/ dge chung ba rnams dang/ tshad med dge ba rnams dang/ dge rgyas pa rnams dang/ sprin med pa rnams dang/ bsod nams skyes pa rnams dang/ 'bras bu che ba rnams dang/ mi che ba rnams dang/ mi gdung ba rnams dang/ gya nom snang ba rnams dang/ shin tu mthong ba rnams dang/ 'og min gyi lha rnams la yang de bzhin no/ /ji ltar 'dzam bu'i gling gi mi rnams la mtshan mo dang/ nyin mo yod pa bzhin du shar gyi lus 'phags pa rnams dang/ nub kyi ba lang spyod pa rnams dang/ byang gi sgra mi snyan pa rnams dang/ rgyal chen bzhi'i lha dang/ sum cu rtsa gsum pa rnams dang/ 'thab bral ba rnams dang/ dga' ldan pa rnams dang/ 'phrul dga' ba rnams dang/ gzhan 'phrul dbang byed kyi lha rnams yang yod do/ /tshangs ris kyi lha rnams la ni mtshan mo yang med/ nyin mo yang med do/ /
- 14b
tshangs ris pa rnams ji lta ba bzhin du tshangs pa'i mdun na 'don pa rnams dang/ tshangs pa chen po pa rnams dang/ 'od chung ba rnams dang/ tshad med 'od pa rnams dang/ 'od gsal ba rnams dang/ dge chung ba rnams dang/ tshad med dge pa rnams dang/ dge rgyas pa rnams dang/ sprin med pa rnams dang/ bsod nams skyes pa rnams dang/ 'bras bu che ba rnams dang/ mi che ba rnams dang/ mi gdung ba rnams dang/ gya nom snang ba rnams dang/ shin tu mthong ba rnams dang/ 'og min gyi lha rnams la yang de bzhin no/ /ji ltar 'dzam bu'i gling gi mi rnams la pha dang ma yod pa bzhin du shar gyi lus 'phags pa rnams dang/ nub kyi ba lang spyod pa rnams dang/ byang gi sgra mi snyan pa rnams dang/ rgyal chen bzhi'i lha rnams dang/ sum cu rtsa gsum pa rnams dang/ 'thab bral ba rnams dang/ dga' ldan pa rnams dang/ 'phrul dga' ba rnams dang/ gzhan 'phrul dbang byed kyi lha rnams la yang yod do/ /tshangs ris kyi lha rnams la ni ma yang med pha yang med do/ /tshangs ris kyi lha rnams ji lta ba bzhin du tshangs pa'i mdun na 'don pa rnams dang/ tshangs pa chen po pa rnams dang/ 'od chung ba rnams dang/ tshad med 'od pa rnams dang/ 'od gsal ba rnams dang/ dge chung ba rnams dang/ tshad med dge ba rnams dang/ dge rgyas pa rnams dang/ sprin med pa rnams dang/ bsod nams skyes pa rnams dang/ 'bras bu che ba rnams dang/ mi che ba rnams dang/ mi gdung ba rnams dang/ gya nom snang ba rnams dang/ shin tu mthong ba rnams dang/ 'og min gyi lha rnams la yang de bzhin no/ /ji ltar 'dzam bu'i gling gi mi rnams la rje bo dang bran yod pa bzhin du shar gyi lus 'phags pa rnams dang/ nub kyi ba lang spyod pa rnams la yang yod do/ /byang gi sgra
- 15a
mi snyan pa rnams la ni rje bo dang bran kyang yod do/ /rgyal chen bzhi'i lha rnams la ni rje bo dang bran kyang yod do/ /rgyal chen bzhi'i lha rnams ji lta ba bzhin du sum cu rtsa gsum pa rnams dang/ 'thab bral ba rnams dang/ dga' ldan pa rnams dang/ 'phrul dga' ba rnams dang/ gzhan 'phrul dbang byed pa rnams la yang de bzhin no/ /tshangs ris kyi lha rnams la ni rje bo yang med bran yang med do/ /tshangs ris pa rnams la ji lta ba bzhin du tshangs pa'i mdun na 'don pa rnams dang/ tshangs pa chen po pa rnams dang/ 'od chung ba rnams dang/ tshad med 'od pa rnams dang/ 'od gsal ba rnams dang/ dge chung ba rnams dang/ tshad med dge ba rnams dang/ dge rgyas pa rnams dang/ sprin med pa rnams dang/ bsod nams skyes pa rnams dang/ 'bras bu che ba rnams dang/ mi che ba rnams dang/ mi gdung ba rnams dang/ gya nom snang ba rnams dang/ shin tu mthong ba rnams dang/ 'og min gyi lha rnams la yang de bzhin no/ /ji ltar 'dzam bu'i gling gi mi rnams la nor dang/ 'bru yod pa bzhin du shar gyi lus 'phags pa rnams dang/ nub kyi ba lang spyod pa rnams la yang yod do/ /byang gi sgra mi snyan gyi mi rnams la ni 'bru ni yod nor ni med do/ /rgyal chen bzhi'i lha rnams la ni nor ni yod la 'bru ni med do/ /rgyal chen bzhi'i lha rnams ji lta ba bzhin du sum cu rtsa gsum pa rnams dang/ 'thab bral ba rnams dang/ dga' ldan pa rnams dang/ 'phrul dga' ba rnams dang/ gzhan 'phrul dbang byed pa rnams la yang de bzhin no/ /tshangs ris kyi lha rnams la ni nor yang med 'bru yang med do/ /tshangs ris kyi lha ji lta ba bzhin du tshangs pa mdun na 'don pa rnams dang/ tshangs pa chen po pa rnams dang/ 'od chung ba rnams dang/ tshad
- 15b
med 'od pa rnams dang/ 'od gsal ba rnams dang/ dge chung ba rnams dang/ tshad med dge ba rnams dang/ dge rgyas pa rnams dang/ sprin med pa rnams dang/ bsod nams skyes pa rnams dang/ 'bras bu che ba rnams dang/ mi che ba rnams dang/ mi gdung ba rnams dang/ gya nom snang ba rnams dang/ shin tu mthong ba rnams dang/ 'og min gyi lha rnams la yang de bzhin no/ /ji ltar 'dzam bu'i gling gi mi rnams la pha 'am ma 'am/ bu pho 'am bu mo 'am/ rje bo 'am/ bran nam/ nor ram/ 'bru la mngon par zhen pa yod pa bzhin du shar gyi lus 'phags pa rnams dang/ nub kyi ba lang spyod pa rnams la yang yod do/ /byang gi sgra mi snyan gyi mi rnams la ni ci la'ang mngon par zhen pa med do/ /rgyal chen bzhi'i lha rnams la ni 'bru ma gtogs pa rnams la mngon par zhen pa yod do/ /rgyal chen bzhi'i lha rnams ji lta ba bzhin du sum cu rtsa gsum pa rnams dang/ 'thab bral ba rnams dang/ dga' ldan pa rnams dang/ 'phrul dga' ba rnams dang/ gzhan 'phrul dbang byed pa rnams kyi yang de bzhin no/ /tshangs ris kyi lha rnams la yang mngon par zhen pa med do/ /tshangs ris pa rnams ji lta ba bzhin du tshangs pa'i mdun na 'don pa rnams dang/ tshangs pa chen po pa rnams dang/ 'od chung ba rnams dang/ tshad med 'od pa rnams dang/ 'od gsal ba rnams dang/ dge chung ba rnams dang/ tshad med dge ba rnams dang/ dge rgyas pa rnams dang/ sprin med pa rnams dang/ bsod nams skyes pa rnams dang/ 'bras bu che ba rnams dang/ mi che ba rnams dang/ mi gdung ba rnams dang/ gya nom snang ba rnams dang/ shin tu mthong ba rnams dang/ 'og min gyi lha rnams kyang de bzhin no/ /'jig rten bzhag pa las tshigs lnga pa'o// //
- 16a
mdo la/ zla mtshan 'khrig dang khu chu dang/ /tshe bsgyur dang ni chu klung brag /sa la rdzing bu glang po dang/ /srungs ma 'khor los sgyur ba'i lam/ /ji ltar 'dzam bu'i gling gi mi rnams la bud med zla mtshan can dang/ sbrum ma dang/ bu btsa' ba yod pa bzhin du shar gyi lus 'phags pa rnams dang/ nub kyi ba lang spyod pa rnams dang/ byang gi sgra mi snyan pa rnams la yang yod do/ /rgyal chen bzhi'i lha rnams kyi ni 'dzam bu'i gling gi mi rnams kyi khye'u 'am/ bu mo lo lnga lon pa ji tsam pa de bzhin no/ /lha 'am lha'i bu mo'i phrag pa 'am phang bar sems can brdzus te skye bar 'gyur te/ de la lha 'am lha'i bu mo dag 'di snyam du 'di ni bdag gi bu 'am bu mo snyam du sems so/ /khye'u dang bu mo de dag kyang 'di snyam du 'di ni bdag cag gi ma 'am pha'o snyam du sems so/ /sum cu rtsa gsum pa rnams kyi ni lo drug lon pa ji tsam pa bzhin no/ /'thab bral ba rnams kyi ni lo bdun lon pa ji tsam pa bzhin no/ /dga' ldan pa rnams kyi ni lo brgyad lon pa ji tsam pa bzhin no/ /'phrul dga' ba rnams kyi ni lo dgu lon pa ji tsam pa bzhin no/ /gzhan 'phrul dbang byed pa rnams kyi ni 'dzam bu'i gling gi mi rnams kyi khye'u dang bu mo lo bcu lon pa ji tsam pa de bzhin du lha 'am lha'i bu mo'i phrag pa 'am phang par brdzus te skye ba'i sems can 'byung bar 'gyur te/ de na lha 'am lha'i bu mo dag 'di snyam du 'di ni bdag gi bu 'am bu mo snyam du sems so/ khye'u dang bu mo de dag kyang 'di snyam du 'di ni bdag cag gi ma 'am pha'o snyam du sems so/ /tshangs ris kyi lha rnams ni thog ma nas lus kyi yan lag dang nying lag thams cad rdzogs par skye zhing 'chi ba na yang de kho na nyid do/ /
- 16b
tshangs ris kyi lha rnams ji lta ba bzhin du tshangs pa'i mdun na 'don pa rnams dang/ tshangs pa chen po pa rnams dang/ 'od chung ba rnams dang/ tshad med 'od pa rnams dang/ 'od gsal ba rnams dang/ dge chung ba rnams dang/ tshad med dge ba rnams dang/ dge rgyas pa rnams dang/ sprin med pa rnams dang/ bsod nams skyes pa rnams dang/ 'bras bu che ba rnams dang/ mi che ba rnams dang/ mi gdung ba rnams dang/ gya nom snang ba rnams dang/ shin tu mthong ba rnams dang/ 'og min pa rnams kyang de bzhin no/ /gzugs med pa rnams la ni lus kyi gzugs med de/ de bas na de dag gi skye ba yang mi mngon/ 'chi 'pho ba yang mi mngon no/ /ji ltar 'dzam bu'i gling gi mi rnams mi tshangs par spyod pa 'khrig pa'i chos bsten pa na gnyis kyis gnyis sbyor ba bzhin du shar gyi lus 'phags pa rnams dang/ nub kyi ba lang spyod pa rnams dang/ byang gi sgra mi snyan pa rnams dang/ rgyal chen bzhi'i lha rnams dang/ sum cu rtsa gsum pa rnams kyang de bzhin no/ /'thab bral ba rnams ni 'khyud pa tsam gyis gdung ba zhi bar 'gyur ro/ /dga' ldan pa rnams kyis ni lag pa nas bzung ba tsam gyis so/ 'phrul dga' ba rnams kyis brgad pa tsam gyis so/ /gzhan 'phrul dbang byed pa rnams kyi ni bltas pa tsam gyis gdung ba zhi bar 'gyur ro/ /tshangs ris pa rnams la ni 'dod chags med do/ /tshangs ris pa rnams ji lta ba bzhin du tshangs pa'i mdun na 'don pa rnams dang/ tshangs pa chen po pa rnams dang/ 'od chung ba rnams dang/ tshad med 'od pa rnams dang/ 'od gsal ba rnams dang/ dge chung ba rnams dang/ tshad med dge ba rnams dang/ dge rgyas pa rnams dang/ sprin med pa rnams dang/ bsod nams skyes pa rnams dang/
- 17a
'bras bu che ba rnams dang/ mi che ba rnams dang/ mi gdung ba rnams dang/ gya nom snang ba rnams dang/ shin tu mthong ba rnams dang/ 'og min gyi lha rnams kyang de bzhin no/ /ji ltar 'dzam bu'i gling gi mi rnams la khu chu mi gtsang ba 'byung ba yod pa bzhin du shar gyi lus 'phags pa rnams dang/ nub kyi ba lang spyod pa rnams dang/ byang gi sgra mi snyan gyi mi rnams la yang de bzhin no/ /rgyal chen bzhi'i lha rnams kyi rlung 'byung ngo/ /rgyal chan bzhi'i lha rnams ji lta ba bzhin du sum cu rtsa gsum pa rnams dang/ 'thab bral ba rnams dang/ dga' ldan pa rnams dang/ 'phrul dga' ba rnams dang/ gzhan 'phrul dbang byed pa rnams kyi yang de bzhin no/ /tshangs ris kyi lha rnams la ni 'dod chags med do/ /tshangs ris pa rnams ji lta ba bzhin du tshangs pa'i mdun na 'don pa rnams dang/ tshangs pa chen po pa rnams dang/ 'od chung ba rnams dang/ tshad med 'od pa rnams dang/ 'od gsal ba rnams dang/ dge chung ba rnams dang/ tshad med dge ba rnams dang/ dge rgyas pa rnams dang/ sprin med pa rnams dang/ bsod nams skyes pa rnams dang/ 'bras bu che ba rnams dang/ mi che ba rnams dang/ mi gdung ba rnams dang/ gya nom snang ba rnams dang/ shin tu mthong ba rnams dang/ 'og min gyi lha rnams kyang de bzhin no/ /sems can dmyal ba'i sems can gyi tshe'i tshang kyi mdza' ni bskal pa gcig ste/ bar ma dor 'chi ba ni yod do/ /dud 'gro'i skye gnas su skyes pa'i sems can rnams kyi tshe'i tshad kyi mdza' i skal pa gcig te/ bar ma dor 'chi ba ni yod de/ /mi rnams kyi nyin zhag sum cu gang yin pa de ni yi dags rnams kyi nyin gcig ste/ nyin zhag de sum cu la zla ba gcig /zla ba bcu gnyis
- 17b
la lo gcig ste/ yi dags rnams kyi tshe'i tshad kyi mdza' ni lo de lta bur brtsis pa'i lo lnga brgya ste/ bar ma dor 'chi ba ni yod do/ /de mi'i steng brtsis na lo khri lnga stong yod do/ /shar gyi lus 'phags kyi mi rnams kyi tshe'i tshad kyi mdza' ni lo nyis brgya lnga bcu ste/ bar ma dor 'chi ba ni yod do/ /nub kyi ba lang spyad kyi mi rnams kyi tshe'i tshad kyi mdza' ni lo lnga brgya ste/ bar ma dor 'chi ba ni yod do/ /byang gi sgra mi snyan gyi mi rnams kyi tshe'i chad kyi mdza' ni lo stong ste/ bar ma der 'chi ba med do/ /ci'i phyir byang gi sgra mi snyan gyi mi rnams ni bar ma dor 'chi ba ni med ce na/ de dag la bdag gi ba med cing yongs su 'dzin pa med de/ tshe nges shing khyad par 'gro ba yin pas/ de'i phyir byang gi sgra mi snyan rnams la bar ma dor 'chi ba med do/ /'dzam bu'i gling gi mi rnams la yang skye ba dang/ mar 'grib pa yod de/ 'dzam bu'i gling gi mi rnams re 'ga' ni tshe dpag tu med par 'gyur la/ re 'ga' ni tshe lo bcu bar 'gyur ro/ /mi rnams kyi tshe lo lnga bcu gang yin pa de ni/ rgyal chen bzhi'i lha rnams kyi nyin zhag gcig go/ nyin zhag de sum cu la zla ba gcig /zla ba bcu gnyis la lo gcig ste/ rgyal chen bzhi'i lha rnams kyi tshe'i tshad kyi mdza' ni lo de lta bur brtsis pa'i lha'i lo lnga brgya ste/ bar ma dor 'chi ba ni yod do/ /de mi'i ltar brtsin? lo sa ya phrag dgu yod do/ /de ni sems can dmyal ba chen po yang sos kyi nyin zhag gcig go/ nyin zhag de sum cu la zla ba gcig/ zla ba bcu gnyis la lo gcig ste/ sems can dmyal? ba yang sos kyi sems can rnams kyi tshe'i tshad kyi mdza' ni de lo lta bu rab rtsis pa'i sems can dmyal ba pa'i lo lnga brgya ste/ bar ma dor 'chi ba ni yod do/ /de mi'i ltar brtsis na lo bye ba phrag 'bum drug khri nyis stong yod
- 18a
do/ /mi rnams kyi lo brgya gang yin pa de ni sum cu rtsa gsum gyi nyin zhag gcig go/ nyin zhag de sum nu la zla ba gcig/ zla ba bcu gnyis la lo gcig ste/ sum cu rtsa gsum gyi lha rnams kyi tshe'i tshad kyi mdza' ni de lta bur brtsis pa'i lha'i lo stong ste/ bar ma dor 'chi ba ni yod do/ /de mi'i ltar brtsis na lo bye ba phrag gsum dang/ sa ya phrag drug yod do/ /de ni sems can dmyal ba chen po thig nag gi nyin zhag gcig go/ nyin zhag de sum cu la zla ba gcig/ zla ba bcu gnyis la lo gcig ste/ sems can dmyal ba chen po thig nag gi tshe'i tshad kyi mdza' ni lo de lta bur brtsis pa'i sems can dmyal ba'i lo stong ste/ bar ma dor 'chi ba ni yod do/ / de mi'i ltar brtsis na lo bye ba phrag 'bum phrag bcu gnyis dang/ bye ba phrag dgu khri drug stong yod do/ /mi rnams kyi lo nyis brgya gang yin pa de ni 'thab bral gyi lha rnams kyi nyin zhag gcig go/ nyin zhag de sum cu la zla ba gcig/ zla ba bcu gnyis la lo gcig ste 'thab bral ba'i lha rnams kyi tshe'i tshad kyi mdza' ni lo de lta bur brtsis pa'i lha'i lo nyis stong ste/ bar ma dor 'chi ba ni yod do/ /de mi'i ltar brtsis na lo bye ba phrag bcu bzhi dang sa ya phrag bzhi yod do/ / de ni sems can dmyal ba chen po bsdus gzhom gyi nyin zhag gcig go/ nyin zhag de sum cu la zla ba gcig/ zla ba bcu gnyis la lo gcig ste/ sems can dmyal ba chen po bsdus gzhom gyi sems can rnams kyi tshe'i tshad kyi mdza' ni lo de lta bur brtsis pa'i sems can dmyal ba'i lo nyis stong ste/ bar ma dor 'chi ba ni yod do/ /de mi'i ltar brtsis nas lo bye ba phrag gcig dang/ bya ba phrag gsum 'bum drug khri brgyad stong yod do/ /mi rnams kyi lo bzhi
- 18b
brgya gang yin pa de ni dga' ldan gyi lha rnams kyi nyin zhag gcig go/ nyin zhag sum cu la zla ba gcig /zla ba bcu gnyis la lo gcig ste/ dga' ldan gyi lha rnams kyi tshe'i tshad ni lo de lta bur brtsis pa'i la bzhi stong yod do/ /bar ma dor 'chi ba ni yod do/ /de mi ltar brtsis na lo bye ba phrag lnga bcu rtsa bdun dang/ lo sa ya phrag drug yod do/ /de ni sems can dmyal ba chen po du 'bod kyi nyin zhag gcig go /nyin zhag de sum cu la zla ba gcig /zla ba bcu gnyis la lo gcig ste/ sems can dmyal ba chen po ngu 'bod kyi sems can dmyal ba pa'i sems can rnams kyi tshe'i tshad kyi mdza' ni lo de lta bur brtsis pa'i la bzhi stong ste/ bar ma dor 'chi ba ni yod do/ /de mi'i ltar brtsis na lo bye ba phrag bye ba brgyad dang/ byo? ba phrag sa ya gnyis dang/ bye ba phrag dgu 'bum bzhi khri bzhi stong yod do/ /mi rnams kyi lo brgyad brgya gang yin pa de ni 'phrul dga' i lha rnams kyi nyin zhag gcig go /nyin zhag sum cu la zla ba gcig go /zla ba bcu gnyis la lo gcig ste/ 'phrul dga' i lha rnams kyi tshe'i tshad kyi mdza' ni lo de lta bur brtsis pa'i lha'i lo brgyad stong ste/ bar mdo'i 'chi ba ni yod do/ /de mi'i ltar brtsis na lo bye ba phrag gnyis brgya sum cu dang/ lo sa ya phrag bzhi yod do/ /de ni sems can dmyal ba chen po ngu 'bod chen po'i nyin zhag gcig go/ nyin zhag de sum cu la zla ba gcig /zla ba bcu gnyis la lo gcig ste/ sems can dmyal ba chen po ngu 'bod chen po'i tshe'i tshad kyi mdza' ni lo de lta bur brtsis pa'i sems can dmyal ba'i lo brgyad stong yod de/ bar ma dor 'chi ba ni yod do/ de mi'i ltar brtsis na lo bye ba phrag drug cu rtsa drug dang/ bye ba phrag so ya gsum dang/ bye ba phrag lnga 'bum lnga khri nyis stong yod do/ /
- 19a
mi rnams kyi lo stong drug brgya gang yin pa de ni gzhan 'phrul dbang byed kyi lha rnams kyi nyin zhag gcig go /nyin zhag de sum cu la zla ba gcig/ zla ba bcu gnyis la lo gcig ste/ gzhan 'phrul dbang byed kyi lha rnams kyi tshe'i tshad kyi mdza' ni lo de lta bur brtsis pa'i lha'i lo khri drug stong ste/ bar ma dor 'chi ba ni yod do/ /de mi'i ltar brtsis na lo bye ba phrag dgu brgya nyi shu rtsa gcig dang/ lo sa ya phrag drug yod do/ /de ni sems can dmyal ba chen po che ba'i nyin zhag gcig go/ nyin zhag de sum cu la zla ba gcig/ zla ba bcu gnyis la lo gcig ste/ sems can dmyal ba chen po tsha ba'i sems can dmyal ba ba'i sems can rnams kyi tshe'i tshad ni lo de lta bur brtsis pa'i sems can dmyal ba pa'i lo khri drug stong ste/ bar ma dor 'chi ba ni yod do/ /de mi'i ltar brtsis nas na lo bye ba phrag lnga brgya dang/ lo bye ba phrag bye ba sum cu dang/ lo bye ba phrag sa ya brgyad dang/ bzhi 'bum dang/ lo bye ba phrag khri drug stong yod do// bar gyi mdo la/ dgu dang gsum dang bcu bzhi dang ni lnga bcu rtsa bdun dang/ nyis brgya dgu brgya rnams ni mi'i grangs kyis lha tsher bshad/ de bzhin gcig bcu gnyis gcig dang brgyad dang drug cu dang/ lnga brgya dag ni sems can dmyal ba'i tsher bshad do/ /tshangs ris kyi lha rnams kyi tshe'i tshad kyi mdza' ni bskal ba phyed de/ bar ma dor 'chi ba ni yod do/ /sems can dmyal ba chen po rab tu tsha ba'i tshe'i tshad kyi mdza' ni bskal ba phyed de/ bar ma dor 'chi ba ni yod do/ /tshangs pa'i mdun 'don pa'i lha rnams kyi tshe 'tshed? kyi mdza' ni bskal pa gcig ste/ bar ma dor 'chi ba ni yod do/ /sems can dmyal ba chen po mnar med pa'i tshe'i tshad kyi mdza' ni bskal pa gcig ste/ bar ma dor 'chi ba ni yod
- 19b
do/ /tshangs pa chen po pa'i lha rnams kyi tshe'i tshad kyi mdza' ni bskal pa byed dang nyis te/ bar ma dor 'chi ba ni yod do/ /'od chung gi lha rnams kyi tshe'i tshad kyi mdza' ni bskal pa gnyis te/ bar ma dor 'chi ba ni yod do/ /tshad med 'od kyi lha rnams kyi tshe'i tshad kyi mdza' ni bskal pa bzhi ste/ bar ma der 'chi ba ni yod do/ /'od gsal gyi lha rnams kyi tshe'i tshad kyi mdza' ni bskal pa brgyad de/ bar ma dor 'chi ba ni yod do/ /dge chung gi lha rnams kyi tshe'i tshad kyi mdza' ni bskal pa bcu drug ste/ bar ma dor 'chi ba ni yod do/ /tshad med dge ba'i lha rnam kyi che'i tshad kyi mdza' ni bskal pa sum cu rtsa gnyis te/ bar ma dor 'chi ba ni yod do/ /dge rgyas kyi lha rnams kyi tshe'i tshad kyi mdza' ni bskal pa drug cu rtsa bzhi ste/ bar ma dor 'chi ba ni yod do/ /sprin med kyi lha rnam kyi tshe'i tshad kyi mdza' ni bskal pa brgya? nyi shu rtsa lnga ste/ bar ma dor 'chi ba ni yod do/ /bsod nams skyes kyi lha rnams kyi tshe'i tshad kyi mdza' ni bskal pa nyis brgya lnga bcu ste/ bar ma dor 'chi ba ni yod do/ /'bras bu che ba'i lha rnams kyi tshe'i tshad kyi mdza' ni bskal pa lnga brgya ste/ bar ma dor 'chi ba ni yod do/ /'du shes med pa'i sems can rnams de 'dra'o/ /mi che ba'i lha rnams kyi tshe'i tshad kyi mdza' ni bskal pa stong ste/ bar ma der 'chi ba ni yod do/ mi gdung ba'i lha rnams kyi tshe'i tshad kyi mdza' ni bskal pa nyis stong ste/ bar ma dor 'chi ba ni yod do/ /gya nom snang ba'i lha rnams kyi tshe'i tshad kyi mdza' ni bskal pa bzhi stong ste/ bar ma dor 'chi ba ni yod do/ shin tu mthong ba'i lha rnams kyi tshe'i tshad kyi mdza' ni bskal pa brgyad stong ste/ bar ma dor 'chi ba ni yod do/ /'og min gyi lha rnams kyi tshe'i tshad kyi mdza' ni bskal pa khri drug stong ste/ bar ma dor 'chi ba ni yod do/ /nam mkha' mdza' yas
- 20a
skye mched pa'i tshe'i tshad kyi mdza' ni bskal pa nyi khri ste/ bar ma dor 'chi ba ni yod do/ /rnam shes mdza' yas skye mched pa'i lha rnams kyi tshe'i tshang? kyi mdza' ni bskal pa bzhi khri ste/ bar ma dor 'chi ba ni yod do/ /ci yang med pa'i skye mched kyi lha rnams kyi tshe'i tshad kyi mdza' ni bskal pa drug khri ste/ bar ma dor 'chi ba ni yod do/ /'du shes med 'du shes med min skye mched pa'i lha rnams kyi tshe'i tshad kyi mdza' ni bskal pa brgyad khri ste/ bar ma dor 'chi ba ni yod do/ /'di nas byang phyogs na ri nag po gsum yod do/ /ri nag po gsum po de dag gi byang phyogs na ri nag po gzhan gsum yod do/ /ri nag po gzhan gsum po de dag gi byang phyogs na ri'i rgyal po gangs zhes bya ba yod do/ /ri'i rgyal po gangs kyi byang phyogs na/ ri'i rgyal po spos kyi dang ldan zhes bya ba yod do/ /ri'i rgyal po spos kyi dad ldang nas dpag tshad bcu'i tshul? rol na mtsho chen po chu zhes bya ba zhig yod de/ ma dros pa zhes kyang bya'o/ /mtsho chen po chu zhes bya ba de la tshur dpag tshad lnga bcu yod do/ /zhing du dpag tshad lnga bcu yod do/ /mdza' skor du ni dpag tshad nyis brgya yod do/ /dbyibs legs shing lta na sdug la mdzes pa chu bsil zhing chu sprang rtsi lta bus gang la/ me tog utpal dang/ pad+ma dang/ ku mu da dang/ pad+ma dkar pos kun tu phebs par 'dug go/ de'i nang nas chu klung chen po bzhi 'di lta ste/ gang+gA dang/ sindu dang/ pak+Shu dang/ si ta dang 'di rnams 'bab ste/ gang+ga ni shar phyogs nas glang po che'i kha nas 'bab ste/ mtsho chen po chu zhes bya ba'i g.yas phyogs su bskor nas/ klung lnga brgya dang lhan cig tu shar phyogs kyi rgya mtsho chen por 'gro'o/ /sindu ni lho phyogs nas khyu mchog gi kha nas 'bab ste/ de ni mtsho chen po chu zhes bya ba'i g.yas phyogs su bskor
- 20b
nas klung lnga brgya dang lhan cig tu lho phyogs kyi rgya mtsho chen por 'gro'o/ /pak+Shu ni nub phyogs nas rta'i kha nas 'bab ste/ de ni mtsho chen po chu zhes bya ba'i g.yas phyogs su bskor nas klung lnga brgya dang lhan cig tu nub phyogs kyi rgya mtsho chen por 'gro'o/ /si ta ni byang phyogs nas seng ge'i kha nas 'bab ste/ de ni mtsho chen po chu zhes bya ba'i g.yas phyogs su bskor nas/ klung lnga brgya dang lhan cig tu byang phyogs kyi rgya mtsho chen por 'gro'o/ /'di skad du/ byang phyogs kha dgur 'gyur ba yi/ /chu mtsho yod de gzhan dag kyang/ /de na mtsho chen chu zhes bya/ /tha dad rgyu rnams 'byung gnas yod/ /chu klung gang+ga sindu pak+Shu dang/ si ta dpa' rlabs dbu ba'i phreng ba can/ /'bab cing thams cad bsil ba'i chu yin te/ / phyogs bzhi kho ra khor yug dag nas 'byung/ /gang+gA shar phyogs rgya mtshor 'gro ba ste/ sindu lho phyogs rgya mtshor 'gro ba yin/ /pak+Shu yang ni nub phyogs rgya mtshor 'gro/ de'i byang phyogs rgya mtshor si ta 'gro/ chu klung rab mchog bzhi po 'di dag ni/ /mchog tu bzang zhing so sor 'bab pa ste/ /re re zhing yang lnga brgya khyer nas ni/ /chu'i rgyun rnams rgya mtsho chen por 'gro zhes kyang bya'o/ /ri sbos kyi ngad ldang de'i byang phyogs dpag tshad nyi shu na gser gyi brag bya skyibs lha ma yin gyi ngos zhes bya ba yod de/ chur dpag tshad lnga bcu zheng du yang dpag tshad lnga bcu/ /mdza' skor du nyis brgya 'phang du dpag tshad phyed dang bzhi yod pa/ dbyibs legs shing lta na sdug la mdzes pa zhig yod de/ de'i nang gis sa gzhi yang dbyibs legs shing lta na sdug la/ mdzes pa gser gyi phye ma brdal cing tsan dan gyi chus chag chag btab pa ste/ der yid du mi 'ong ba'i shing ngam/ gseg ma 'am/ gang ci yang rung ba dag ltung
- 21a
na de mi ma yin pa rnams kyis rlung gi mthus phyi rol tu gtor ro/ /de'i khor khor yug na gser gyi brag bya skyibs can brgya stong yod do/ /de dag thams cad kyang legs shing lta na sdug la mdzes pa ste/ de dag gi nang sa gzhi rnams kyang dbyibs legs shing lta na sdug la/ mdzes pa gser gyi phye ma brdal cing tsan dan gyi chu sa chag chag btab pa ste/ de dag tu 'ang yid du mi 'ong ba shing ngam/ gseg ma 'am/ gang ci yang rung ba dag ltung na/ de mi ma yin pa rnams kyi rlung gi mthus phyi rol tu 'dor ro/ /de'i lam srid du dpag tshad nyi shu/ zheng du dpag tshad phyed dang gnyis yod pa dbyibs legs lta na sdug la mdzes pa gser gyi phye ma brdal cing tsan dan gyi chus chag chag btab pa zhig yod de/ de yang yid du mi 'ong ba shing ngam gseg ma 'am/ gang ci yang rung ba dag lhung na nga mi ma yin pa rnams kyis rlung gi mthus phyi rol du 'dor ro/ /brag bya skyibs lha ma yin gyi ngos de'i byang phyogs dpag tshad nyi shu na shing sA la'i rgyal po chen po rab tu brtan pa zhes bya ba sA la'i phreng ba rim pa bdun gyis bskor ba zhig yod do/ /sA la'i rgyal po rab tu brtan pa da rtsa ba ni 'dom bcu bzhi thur du zug go /sA la'i phreng ba dang po'i rtsa ba ni 'dom bcu gsum thur du zug go /gnyis pa'i ni bcu gnyis so/ /gsum pa'i bcu gcig go /bzhi pa'i ni bcu'o// lnga pa'i ni dgu'o/ /drug pa ni brgyad do/ /sA la'i phreng ba bdun pa'i rtsa ba ni 'dom bdun thur du zug go /sA la'i rgyal po rab tu brtan pa de'i yal ga dang/ lo ma dang/ yan lag rnams gang yin pa de ni sA
- 21b
la'i phreng ba dang po la thug go /sA la'i phreng ba dang po ni yal ga dang lo ma dang yan lag gang yin pa de ni gnyis pa la'o/ /gnyis pa'i gang yin pa ni gsum pa la'o/ /gsum pa'i gang yin pa de ni bzhi pa la'o// bzhi pa'i gang yin pa de ni lnga pa la'o/ /lnga pa'i gang yin pa de ni drug pa la'o/ /drug pa'i gang yin pa de ni bdun pa la'o/ /sA la'i phreng ba bdun pa'i yal ga dang/ lo ma dang yal ga gang yin pa de ni nam mkha' khyab par 'dug go /de'i nang gi sa gzhi yang dbyibs legs shing lta na sdug la/ mdzes pa gser gyi phye ma brdal cing tsan dan gyi chus chag chag btab pa ste/ de yang yid du mi 'ong ba shing ngam gseg ma 'am/ gang ci yang rung ba dag lhung na ni de mi ma yin pa rnams kyis rlung gi mthus phyi rol du 'dor ro/ /de'i lam srid du dpag tshad nyi shu/ zheng du dpag tshad phyed dang gnyis yod pa/ dbyibs legs shing blta na sdug la mdzes pa zhig yod do/ /der yang yid du mi 'ong ba shing ngam gseg ma 'am gang ci yang rung ba dag ltung na de mi ma yin pa rnams kyis rlung gi mthus phyi rol du 'dor ro/ /sA la'i rgyal po rab tu brtan ba'i shar phyogs dpag tshad nyi shu na/ rdzing bu dal gyis 'bab ces bya ba chur dpag tshad lnga bcu/ zheng du yang dpag tshad lnga bcu ste/ mdza' skor du dpag tshad nyis brgya yod pa/ dbyibs legs shing blta na sdug la mdzes pa chu bsil zhing chu sbrang rtsi lta bus gang ba/ me tog utpa la dang/ pad+ma dang ku mu da dang/ pad+ma dkar pos khebs pa zhig yod de/ rdzing bu dal gyis 'bab/ de'i nang gi pad+ma'i lo ma rnams che zhing
- 22a
mchog tu che ste/ /'di lta ste/ ba lang gi ko ba tsam mo/ /pad+ma'i sdong bu rnams che zhing mchog tu che ste/ 'di lta ste/ gshol mnga' tsam mo/ /pad+ma'i me tog rnams che zhing mchog tu che ba ste/ 'di lta ste/ shing rta'i 'phang lo tsam mo/ /pad+ma'i rtsa ba rnams che zhing mchog tu che ste/ 'di lta ste/ skyes bu chen po'i brla tsam mo/ /ro mngar zhing mchog tu mngar ste/ 'di lta ste/ sbrang bu'i sbrang rtsi ma bskol ba bzhin no/ / bcad na yang 'o ma 'dzag go /rdzing bu dal gyi 'bab gyi khor khor yug na rdzing bu brgyad stong yod de/ de dag thams cad kyang dbyibs legs shing blta na sdug la mdzes pa chu bsil zhing sbrang rtsi lta bus gang ngo/ /de dag gi nang gi pad+ma'i lo ma rnams kyang che zhing mchog tu che ste/ 'di lta ste/ ba lang gi ko ba tsam mo/ /pad+ma'i sdong bu rnams che zhing mchog tu che ste/ 'di lta ste/ gshol mnga' tsam mo/ /pad+ma'i me tog rnams che zhing mchog tu che ste/ 'di lta ste/ shing rta'i 'phang lo tsam mo/ /pad+ma'i rtsa ba rnams che zhing mchog tu che ste/ 'di lta ste/ skyes bu chen po'i brla tsam mo/ /ro mngar zhing mchog tu mngar te/ 'di lta ste/ sbrang bu'i sbrang rtsi ma bskol ba bzhin no/ /bcad na yang 'o ma 'dzag go /de'i lam srid du dpag tshad nyi shu dang/ zheng du dpag tshad phyed dang gnyis yod pa/ dbyibs legs shing lta na sdug la/ mdzes pa gser gyi phye ma brdal cing tsan dan gyis chus chag chag btab pa zhig yod de/ der yang yid du mi 'ong ba/ shing ngam/ gseg ma 'am/ gang ci yang rung ba dag ltung na de mi yin pa rnams kyi rlung gi mthus phyi rol tu 'dor
- 22b
ro/ /sum cu rtsa gsum pa'i lha rnams kyi glang po che g.yul ngor chas pa rab tu brtan pa zhes bya ba gzugs bzang zhing lta na sdug la mdzes pa zhig yod de/ me tog ku mu da'i mdog ltar thal dkar du 'dug la/ yan lag bdun shin tu legs par gnas pa ste/ de'i mgo bo yang dbyibs legs shing blta na sdug la mdzes pa ste/ sngo zhing srog chags lham bu chu gsher gyi mdog ltar dbus dmar la mche ba drug yod de/ glang po che rab tu brtan pa'i srid du dpag tshad phyed dang gsum/ zheng du dpag tshad gcig /'phang du dpag tshad phyed dang gnyis/ mdza' bskor du dpag tshad bdun yod do/ /de'i 'khor glang po che brgyad stong yod do/ /de thams cad kyang gzugs bzang zhing lta na sdug la mdzes pa/ me tog ku mu da'i mdog ltar thal dkar du 'dug cing yan lag bdun shin tu legs par gnas pa ste/ de dag gi mgo bo yang dbyibs legs shing lta na sdug la mdzes pa ste/ sdo zhing srog chags lham bu chu gsher gyi mdog ltar dbus dmar la mche ba drug yod pa sha stag ste/ glang po che'i rgyal po rab tu brtan pa de 'khor dang bcas pa dgun zla ba bzhi ni brag bya skyibs lha ma yin gyi ngos gyi nang na gnas shing 'khod do/ /dpyid zla ba bzhi ni shing sA la'i rgyal po rab tu brtan pa'i nang na gnas shing 'khod do/ /dpyar zla ba bzhi ni rdzing bu dal gyi 'bab kyi nang na gnas shing 'khod do/ /gang gi tshe glang po che'i rgyal po rab tu brtan pa brag bya skyibs lha ma yin gyi ngos kyi nang na gnas shing 'dug pa de'i tshe ni glang po che brgyad stong po rnams 'di lta ste/ glang po che'i rgyal po rab tu brtan pa srung ba dang sba ba dang mdzes par bya ba'i phyir brag bya skyibs brgyad stong dag gi nang na nye bar gnas shing 'khod do/ /gang gi tshe glang po che'i rgyal po rab tu brtan pa brag bya
- 23a
skyibs lha ma yin gyi ngos kyi nang na gnas shing sA la'i rgyal po rab tu brtan pa'i nang du 'gro ba na/ res 'ga' ni tha mal pa'i tshul gyis 'gro'o/ /res 'ga' ni 'di lta ste/ lha dang lha'i bu rdzu 'phrul che zhing gang yang rung ba dang 'dra bar bdag nyid mngon par sprul nas glang po che thams cad kyis nang na dbang che bar grags pa gang yin pa de nyid kyi mgo bo 'am/ rgyab tu zhon te sil snyan dang pheg rdob pa dag rgya cher byed cing 'gro'o/ /gang gi tshe glang po che'i rgyal po rab tu brtan pa shing sA la'i rgyal po rab tu brtan pa'i nang na gnas shing 'dug pa de'i tshe ni glang po che brgyad stong po 'di dag kyang 'di lta ste/ glang po che'i rgyal po rab tu brtan pa bsrung ba dang/ sba ba dang/ mdzes par bya ba'i phyir shing sA la'i phreng ba rim pa bdun po dag gi nang na kha nang du bltas shing 'khod do/ /shing sA la'i phreng ba dang po'i nang na 'dug pa gang yin pa de dag kyang kha nang du bltas te 'khod do/ /gnyis pa'i nang na 'dug pa gang yin pa de dag kyang kha nang du lta'o/ /gsum pa'i nang du 'dug pa gang yin pa de dag kyang kha nang du lta'o/ /bzhi pa'i nang du 'dug pa de dag kyang kha nang du lta'o/ /lnga pa'i nang na 'dug pa gang yin pa de dag kyang kha nang du lta'o/ /drug pa'i nang na 'dug pa gang yin pa de dag kyang kha nang du lta'o/ /bdun pa'i nang na 'dug pa gang yin pa de dag kyang kha nang du bltas te 'khod do/ /gang gi tshe glang po che'i rgyal po rab tu brtan pa shing sA la'i rgyal po rab tu brtan pa nas rdzing bu dal gyis 'bab par 'gro ba na/ /res 'ga' ni tha mal pa'i tshul gyis 'gro'o/ /res 'ga' ni 'di lta ste/ lha 'am lha'i bu rdzu 'phrul che zhing mthu che ba gang yang rung ba dang 'dra bar bdag nyid mngon par sprul nas glang po che de dag thams cad kyi nang na dbang che
- 23b
bar grags pa gang yin pa de nyid kyi mgo 'am/ rgyab tu zhon te bsil snyan dang pheg rdob pa dag rgya cher byed cing 'gro'o/ /gang gi tshe glang po che'i rgyal po rab tu brtan pa rdzing bu dal gyis 'bab kyis nang du zhugs nas rtse zhing dga' la dga' dgur spyod pa de'i tshe glang po che brgyad stong po de dag 'di lta ste/ glang po che'i rgyal po rab tu brtan pa de bsrung ba dang/ sba ba dang/ mdzes par bya ba'i phyir rdzing bu dal gyi 'bab kyis/ mdza' khor khor yug nas bskor te kha nang du bltas shing 'khod do/ /gang gi tshe glang po che'i rgyal po rab tu brtan pa rdzing bu ngal gyis 'bab kyi nang nas rtse zhing dga' la dga' dgur spyad nas phyir byung ba de'i tshe de'i nang na glang po che dbang che bar grags pa gang yin pa de rdzing bu ngal gyis 'bab kyi nang du zhugs nas pad+ma'i rtsa ba rnams blangs te/ shin tu bkrus shing rab tu gshal nas glang po che'i rgyal po rab tu brtan pa la 'bul lo/ /gang gi tshe glang po che'i rgyal po rab tu brtan pas zos shing 'thungs te 'drangs par gyur pa de'i tshe glang po che gzhan brgyad stong po de dag kyang rdzing bu brgyad stong dag gi nang na rdzing bu re re zhugs nas rtse zhing dga' la dga' dgur spyod do/ /pad+ma'i rtsa ba dag blangs nas shin tu bkrus shing rab tu bshal te za'o/ /sum cu rtsa gsum pa'i lha rnams kyi glang po che'i rgyal po g.yul ngor spyad pa rab tu brtan pa'i mthu ni de tsam mo/ /sems can thams cad ni srungs ma dang bcas shing bsrung ba dang/ skyob pa dang sped pa dang mi 'bral te/ sems can gang dbang chung bar grags shing bsod nams chung la/ gzi brjid chung ba de dag ni rgya phrag mang po dang/ stong phrag mang po la gcig bsrung ste/ dper na ba lang ngam lug brgya phrag mang po dang stong phrag mang po la gcig srung ba de bzhin du/ sems can gang dbang
- 24a
chung bar grags shing bsod nams chung la/ gzi brjid chung ba de dag ni brgya phrag mang po dang/ stong phrag mang po la gcig srung ngo/ /sems can gang dbang che bar grags shing bsod nams che la gzi brjid che ba de dag gi ni brgya phrag mang po dang/ stong phrag mang po dag gis gcig pu bsrung ste/ dper na 'khor los sgyur ba'i rgyal po 'am/ de bzhin gshegs pa dgra bcom pa yang dag par rdzogs pa'i sangs rgyas la brgya phrag mang po dang/ stong phrag mang po dag gis gcig pu bsrung ba de bzhin du sems can gang dbang che bar grags shing bsod nams che la gzi brjid che ba de dag la brgya phrag mang po dang/ stong phrag mang po dag gis gcig tu bsrung ngo/ /'dir smras pa/ ji ste sems can thams cad srung ma dang bcas shing bsrung ba dang/ skyob pa dang/ sped pa dang mi 'bral na ci'i phyir 'tshe ba yod par 'gyur/ smras pa/ srung ma mthu chung zhig yin na de la zil gyis gnon pa las 'tshe ba yod do/ /srung ma bag med cing bag med par gnas pa zhig yin na ni bag med pa'i rgyu las kyang 'tshe ba rnams yod do/ /srung ma gnyis lhan cig mthun par gyur pas zil gyis mnan nas 'tshe bar byed do/ /mi rnams chos ma yin pa spyod cing mi rigs pa spyod pa zhig yin na de dag gi chos ma yin pa spyod pa dang/ mi rigs pa spyod pa las kyang 'tshe ba yod do/ /'jig rten bzhag pa/ /bam po gsum pa'o// //sum cu rtsa gsum pa'i lha rnams kyi mi rnams kyi srungs ma 'di lta ste/ lam po che dang/ srad? dang/ bzhi mdo dang/ sum mdo dang/ dri 'tshong ba'i gnas rnams dang/ me tog phreng ba 'tshong ba'i gnas rnams dang/ zong dgram
- 24b
pa'i gnas rnams dang/ btung ba 'tshong ba'i gnas rnams dang/ rtag tu myos pa'i gnas rnams dang/ gsod byed kyi gnas rnams su bkod pa dag yod de/ zla ba phyed kyi tshes brgyad la rgyal po chen po bzhi po dag gi g.yog zho shas 'tsho ba rnams kyi lam po che dang/ srang dang/ bzhi mdo dang/ sum mdo dang/ dri 'tshong ba'i gnas rnams dang/ me tog gi phreng ba 'tshong ba'i gnas rnams dang/ zod dgram pa'i gnas rnams dang/ btung ba 'tshong ba'i gnas rnams dang/ rtag tu myos pa'i gnas rnams dang/ gsong? byed kyi gnas rnams na su zhig 'dug ces 'jig rten 'di thams cad myul te/ ci ste dag gis skyen par tshor na ni de dag gnas mthon po la 'god do/ /ji ste de dag gis skyen par ma tshor na ni de dag gnas dma' ba la 'god do/ /zla ba phyed kyi tshes bcu bzhi la ni rgyal po chen po bzhi po de dag gi bu rnams kyis lam po che dang/ srang dang/ bzhi mdo dang/ sum mdo dang/ dri 'tshong ba'i gnas rnams dang/ me tog gi phreng ba 'tshong ba'i gnas rnams dang/ zong? dgram pa'i gnas rnams dang/ gtung ba 'tshong ba'i gnas rnams dang/ rtag tu myos pa'i gnas rnams dang/ gsod byed kyi gnas rnams na su zhig 'dug ces 'jig rten 'di thams cad myul te/ ci ste de dag gis skyen par tshor na ni de dag gnas mthon po la 'god do/ /ci ste de dag gis skyen par ma tshor na ni de dag gnas dma' ba la 'god do/ /zla ba phyed kyi tshes bco lnga la ni rgyal po chen po bzhi po de dag nyid kyi lam po che dang/ srang dang/ bzhi mdo dang/ sum mdo dang/ dri 'tshong ba'i gnas rnams dang/ me tog gi phreng ba 'tshong ba'i gnas rnams dang/ zod dgram pa'i gnas rnams dang/ gtung ba
- 25a
'tshong ba'i gnas rnams dang/ rtag tu myos pa'i gnas rnams dang/ gsod byed kyi gnas rnams na su zhig 'dug ces 'jig rten 'di thams cad myul te/ ci ste de dag gis skyen par tshor na ni/ de dag gnas mthon po la 'god do/ /ci ste de dag gis skyen par mtshor na ni de dag dma' ba la 'god do/ /bcom ldan 'das kyis kyang 'di skad du dge slong dag zla ba phyed kyi tshes brgyad la ni rgyal po chen po bzhi po dag gi g.yog zho shas 'tsho ba rnams ni ci mi dang mi ma yin pa'i 'jig rten na mar 'dzin pa dang/ phar 'dzin pa dang/ dge sbyong du 'dzin pa dang/ bram zer 'dzin pa dang/ rigs kyi nang na rgan rabs la rim gro byed pa dang/ don byed pa dang/ bya ba'i rigs pa byed pa dang/ bsod nams byed pa dang/ tshe 'di dang/ phyi ma la kha na ma tho ba rnams kyis 'jigs par lta ba dang/ sbyin bdag sbyin zhing bsod nams dag byed pa dang/ gso sbyong la nye bar gnas pa dang/ tshul khrims yang dag par blangs nas 'dug pa dag mang ngam zhes 'jig rten 'di thams cad du myul lo/ /zla ba phyed kyi tshes bcu bzhi la ni rgyal po chen po bzhi po dag gi bu rnams ci mi dang mi ma yin pa'i 'jig rten na myur 'dzin pa dang/ phar 'dzin pa dang/ dge sbyong du 'dzin pa dang/ bram zer 'dzin pa dang/ rigs kyi nang na rgan rabs la rim gro byed pa dang/ don byed pa dang/ bya ba'i rigs pa byed pa dang/ bsod nams byed pa dang/ tshe 'di dang tshe phyi ma la kha na ma tho ba rnams kyis 'jigs par lta ba dang/ sbyin pa dag sbyin zhing/ bsod nams dag byed pa dang/ gso sbyong la nye bar gnas pa dang/ tshul khrims yang dag par blangs nas 'dug pa dag mang ngam zhes 'jig rten 'di dag
- 25b
thams cad myul lo/ /zla ba phyed kyi tshes bco lnga la ni rgyal po chen po bzhi po de dag nyid ci mi dang/ mi ma yin pa'i 'jig rten na mar 'dzin pa dang/ phar 'dzin pa dang/ dge sbyong du 'dzin pa dang/ bram zer 'dzin pa dang/ rigs kyi nang na rgan rabs la rim gro byed pa dang/ don byed pa dang/ bya ba'i rigs pa byed pa dang/ bsod nams byed pa dang/ che 'di dang tshe phyi ma la kha na ma tho ba rnams kyis 'jigs par lta ba dang/ sbyin pa dag sbyin zhing bsod nams dag byed pa dang/ gso sbyong la nye bar gnas pa dang/ tshul khrims yang dag par blangs nas 'dug pa dag mang ngam zhes 'jig rten 'di thams cad myul lo/ /ci ste mi dang mi ma yin pa'i 'jig rten na mar mi 'dzin pa dang/ phar mi 'dzin pa dang/ dge sbyong du mi 'dzin pa dang/ bram zer mi 'dzin pa dang/ rigs kyi nang na rgan rabs la rim gro mi byed pa dang/ don mi byed pa dang/ bya ba'i rigs pa dag mi byed pa dang/ bsod nams mi byed pa dang/ tshe 'di dang tshe phyi ma la kha na ma tho ba rnams kyis 'jigs par mi lta ba dang/ sbyin pa dag mi sbyin zhing bsod nams dag mi byed pa dang/ gso sbyong la nye bar mi gnas pa dang/ tshul khrims yang dag par blangs te/ mi 'dug pa dag mang na ni rgyal po chen po bzhi po rnams sum cu rtsa gsum pa'i lha rnams lha'i 'dun sa chos bzangs su 'dus shing 'khod pa'i nang du song nas 'di skad du grogs po dag 'di shes par gyis shig /mi dang mi ma yin pa'i 'jig rten na mar mi 'dzin pa dang/ phar mi 'dzin pa dang/ dge sbyong du mi 'dzin pa dang/ bram zer mi 'dzin pa dang/ rigs kyi nang na rgan rabs la rim gro mi byed pa dang/ don mi byed pa dang/ bya ba'i rigs pa mi byed pa dang/ bsod nams mi byed pa dang/ tshe 'di
- 26a
dang tshe phyi ma la kha na ma tho ba rnams kyis 'jigs par mi lta ba dang/ sbyin pa dag sbyin zhing bsod nams dag mi byed pa dang/ gso sbyong la nye bar mi gnas pa dang/ tshul khrims yang dag par blangs te mi 'dug pa dag mang ngo zhes brnyad do/ /de dag las thos nas sum cu rtsa gsum pa'i lha rnams yid ma rangs shing mi mgu bar gyur nas yid ma rangs pa nyid kyang phyir zlos par byed de/ kye ma grogs po dag mi dang mi ma yin pa'i 'jig rten na mar mi 'dzin pa dang/ phar mi 'dzin pa dang/ dge sbyong du mi 'dzin pa dang/ bram zer mi 'dzin pa dang/ rigs kyi nang na rgan rabs la rim gror mi byed pa dang/ don mi byed pa dang/ bya ba'i rigs pa mi byed pa dang/ bsod nams mi byed pa dang/ tshe 'di dang tshe phyi ma la kha na ma tho ba rnams kyis 'jigs par mi lta ba dang/ sbyin pa dag mi sbyin zhing bsod nams dag mi byed pa dang/ gso sbyong la nye bar mi gnas pa dang/ tshul khrims yang dag par blangs te/ mi 'dug pa mang ba ni mi rnams kyi chos mdzes pa ma yin no/ /rkyen du bab pa ma yin no/ /legs pa ma yin no/ /dge ba ma yin no/ /de ltar na lha rnams kyi tshogs ni yongs su 'grib par 'gyur la/ lha ma yin rnams kyi tshogs ni mngon par 'phel bar 'gyur ro zhes zlos so/ /ji ste mi dang mi ma yin pa'i 'jig rten na mar 'dzin pa dang/ phar 'dzin pa dang/ dge sbyong du 'dzin pa dang/ bram zer 'dzin pa dang/ rigs kyi nang na rgan rabs la rim gro byed pa dang/ don byed pa dang/ bya ba'i rigs pa byed pa dang/ bsod nams byed pa dang/ tshe 'di dang tshe phyi ma dang kha na ma tho ba rnams kyis 'jigs par lta ba dang/ sbyin pa dag sbyin zhing bsod nams dag byed pa dang/
- 26b
gso sbyong la nye bar gnas pa dang/ tshul khrims yang dag par blangs nas 'dug pa mngan ni rgyal po chen po bzhi po rnams sum cu rtsa gsum pa'i lha rnams lha'i 'dun sa chos bzang du 'dus shing 'khod pa'i nang du song nas 'di skad du grogs po dag 'di shes par gyis shig /mi dang mi ma yin pa'i 'jig rten na mar 'dzin pa dang/ phar 'dzin pa dang/ dge sbyong du 'dzin pa dang/ bram zer 'dzin pa dang/ rigs kyi nang na rgan rabs la rim gro byed pa dang/ don byed pa dang/ bya ba'i rigs pa byed pa dang/ bsod nams byed pa dang/ tshe 'di dang tshe phyi ma la kha na ma tho ba rnams kyis 'jigs par lta ba dang/ sbyin pa dag sbyin zhing bsod nams dag byed pa dang/ gso sbyong la nye bar gnas pa dang/ tshul khrims yang dag par blangs nas 'dug pa dag mang ngo zhes bsnyad na ni de dag las thos nas sum cu rtsa gsum pa'i lha rnams yid rangs shing mgu bar gyur nas yid rangs pa nyid kyang zlos par byed de/ kye ma'o grogs po dag 'di ltar mi dang mi ma yin pa'i 'jig rten na mar 'dzin pa dang/ phar 'dzin pa dang/ dge sbyong du 'dzin pa dang/ bram zer 'dzin pa dang/ rigs kyi nang nas rgan rabs la rim gro byed pa dang/ don byed pa dang/ bya ba'i rigs pa byed pa dang/ bsod nams byed pa dang/ tshe 'di dang tshe phyi ma la kha na ma tho rab rnams kyis 'jigs par lta ba dang/ sbyin pa dag sbyin zhing bsod nams dag byed pa dang/ gso sbyong la nye bar gnas pa dang/ tshul khrims yang dag par blangs nas 'dug pa dag mang ba ni mi rnams kyi chos mdzes so/ /rkyen du bab po/ /legs so/ /dge'o/ /de ltar na lha rnams kyi tshogs ni mngon par 'phel bar 'gyur la/ lha ma yin gyi tshogs ni yongs su 'grib par 'gyur ro zhes
- 27a
zlos so/ /de nas lha rnams kyi dbang po brgya byin gyis lha'i 'khor rab tu dga' la bde zhing yid bde ba skyes par rigs nas/ de'i tshe tshigs su bcad de smras pa/ 'di ni zla phyed tshes brgyad dang/ /de bzhin bcu bzhi bco lnga dang/ cho 'phrul gyi ni zla phyed la'ang/ /gso sbyong yan lag brgyad pa la/ /shin tu mnyam bzhag gnas byed 'dir/ /nga ci 'dra bar de bzhin 'gyur/ /dge slong dag lha rnams kyi dbang po brgya byin gang 'di skad du/ 'di ni zla phyed tshes brgyad dang/? de bzhin bcu bzhi bco lnga dang/ /cho 'phrul gyi ni zla phyed la'ang/ /gso sbyong yan lag brgyad pa la/ /shin tu mnyam gzhag gnas byed 'dir/ /nga ci 'dra bar de bzhin 'gyur/ /zhes tshigs su bcad pa smras pa de ni nyes par smras pa yin gyi legs par gnas pa ma yin no/ /nyes par bstod pa yin gyi/ /legs par bstod pa ma yin no/ /nyes par brjod pa yin gyi legs par brjod pa ma yin no/ /dge slong dag de ci'i phyir zhe na/ lha'i dbang po brgya byin de ni 'dod chags dang bcas pa/ zhe sdang dang bcas pa/ gti mug dang bcas pa ste/ skye ba dang/ rga ba dang/ na ba dang/ 'chi ba dang/ mya ngan dang/ smre sngags 'don pa dang/ sdug bsngal ba dang/ yid mi bde ba dang/ 'khug pa rnams las yongs su ma grol zhing sdug bsngal las yongs su ma grol lo zhes nga smra'o/ /de bas na des gang 'di skad du/ 'dir ni zla phyed tshes brgyad dang/ de bzhin bcu bzhi bco lnga dang/ cho 'phrul gyi ni zla phyed la'ang/ /gso sbyong yan lag brgyad pa dang/ /shin tu mnyam gzhag gnas byed 'dir/ /nga ci 'dra ba de bzhin 'gyur zhes tshigs su bcad pas smras pa 'di nyes par smras pa yin gyis legs par smras pa ma yin no/ /nyes
- 27b
par stod pa yin gyi legs par bstod pa ma yin no/ /nyes par brjod pa yin gyis legs par brjod pa ma yin no/ /dge slong dag dge slong gang dgra bcom pa yin zhing zag pa zad pa/ bya ba byas pa/ byed pa byas pa/ khur bor ba/ bdag gis don rjes su thob pa/ srid pa kun tu sbyor ba/ yongs su zad pa/ yang dag pa'i shes pas sems shin tu rnam par grol ba des ni gang 'di skad du/ 'dir ni zla phyed tshes brgyad dang/ /de bzhin bcu bzhi bco lnga dang/ /cho 'phrul gyi ni zla phyed la'ang/ /gso sbyong yan lag brgyad pa la/ /shin tu mnyam gzhag gnas byed 'dir/ /nga ci 'dra bar de bzhin 'gyur zhes tshigs su bcad pa 'di smras na legs par smras pa yin te nyes par smras pa ma yin no/ /legs par bstod pa yin te/ nyes par bstod pa ma yin no/ /legs par brjod pa yin te nyes par brjod pa ma yin no/ /dge slong dag de ci'i phyir zhe na/ dge slong de ni 'dod chags dang bral ba/ zhe sdang dang bral ba/ gti mug dang bral ba ste/ skye ba dang/ rga ba dang/ na ba dang/ 'chi ba dang/ mya ngan dang/ smre sngags 'don pa dang/ sdug bsngal ba dang/ yid mi bde ba rnams las yongs su grol zhing sdug bsngal las yongs su grol pa'o zhes smra ste/ de bas na des ni gang 'di skad du/ 'dir ni zla phyed tshes brgyad dang/ /de bzhin bcu bzhi bco lnga dang/ /cho 'phrul gyi ni zla phyed la'ang/ /gso sbyong yan lag brgyad pa la/ /shin tu mnyam gzhag gnas byed 'dir/ /nga ci 'dra bar de bzhin 'gyur zhes tshigs su bcad pa 'di smras na legs par smras pa yin te/ nyes par smras pa ma yin no/ /legs par bstod pa yin te nyes par bstod pa ma yin no/ /legs par
- 28a
brjod pa yin te nyes par brjod pa ma yin no zhes gsungs so/ /'dzam bu'i gling gi khor khor yug na/ 'khor los sgyur ba'i rgyal po'i lam dpag tshad gcig tu gser gyi bye ma bdal te/ rgya mtsho chen po'i chus pus mo nub pa tsam du yongs su khyab po/ /gang gi tshe 'khor los sgyur ba'i rgyal po 'jig rten du 'byung ba'i tshe rgya mtsho chen po dpag tshad gnyis kyi bar du chu skam zhing med par 'gyur te/ 'khor los sgyur pa'i rgyal po gang nas gling du 'gro ba de ni 'khor los sgyur ba'i lam yin no/ /bcom ldan 'das kyis kyang 'di skad du/ dge slong dag sngon byung ba 'khor los sgyur ba'i rgyal po glang po rin po che brtags par 'dod pas nyi ma shar ba'i dus kyi tshe glang po rin po che la zhon nas sa chen po rgya mtsho la thug pa 'di nyid bskor te/ rgyal po'i pho brang 'khor de nyid du song na/ khye'u sus kyi bya ba byed do/ /dge slong dag gzhan yang 'khor los sgyur ba'i rgyal po'i rta rin po che brtag par 'dod pas nyi ma shar pa'i dus kyi tshe rta rin po che la zhon nas sa chen po rgya mtsho la thug pa 'di nyid bskor te/ rgyal po'i pho brang 'khor de nyid du song nas khye'u sus kyi bya ba byed do zhes gsungs so/ /bsdus pa'i mdo la/ ri dang skye gnas dag dang ni/ /nam mkha' lding dang nyo tshong dang/ /grang ba dag ni lnga par byas/ /dus tshigs kyang ni tha ma yin/ /'jig rten bzhag pa las tshigs drug pa'o// //mdo la/ srung ma lha'i grong khyer srang rnams rgyal byed pa/ /chos bzang rgyu ba'i lam dang 'o bas dang skyed mos tshal/ /sa gzhi dang ni yongs 'du rdo dang glang chen rnams/ /lha ma yin rnams kyi yang de dang 'dra ba yin/ /lha'i grong khyer dang lha ma yin gyi grong khyer gyi bar du sum cu rtsa gsum pa'i
- 28b
lha rnams kyi srungs ma rnams lnga bkod pa la 'di lta ste/ chu na gnas pa'i klu rnams dang/ lag na gzhong thogs kyi lha rnams dang/ phreng thogs kyi lha rnams dang/ rtag tu myos kyi lha rnams dang/ rgyal po chen po bzhi rnams so/ / gang gi tshe lha ma yin rnams sum cu rtsa gsum pa'i lha rnams dang/ lhan cig tu g.yul 'gyed par 'dod par gyur pa de'i tshe/ dpung gi tshogs yan lag bzhi pa/ 'di lta ste/ glang po che'i tshogs dang/ rta'i tshogs dang/ shing rta'i tshogs dang/ dpung bu chung gi tshogs rnams go cha gyon no/ /go cha rnam pa bzhi gyon pa la 'di lta ste/ gser las byas pa dang/ dngul las byas pa dang/ bai DUrya las byas pa dang/ shel las byas pa rnams so/ / go cha rnam pa bzhi gser las byas pa dang/ dngul las byas pa dang/ bai DUrya las byas pa dang/ shel las byas pa rnams bgos nas/ mtshon cha bzhi la 'di lta ste/ ral gri dang/ mdung dang/ 'phang mdung dang/ gzhu rnams so/ /mtshon cha rnam pa bzhi ral gri dang/ mdung dang/ 'phang mdung dang/ gzhu rnams blangs nas sum cu rtsa gsum pa'i lha rnams dang 'gyed pa'i phyir lha ma yin gyi grong khyer nas byung ngo/ /lha ma yin de dag gi dpung gi tshogs yan lag bzhi pa glang po che'i tshogs dang/ rta'i tshogs dang/ shing rta'i tshogs dang/ dpung bu chung gi tshogs rnams kyis go cha bgos te/ go cha rnam pa bzhi gser las byas pa dang/ dngul las byas pa dang/ bai DUrya las byas pa dang/ shel las byas pa rnams bgos nas/ mtshon cha rnam pa bzhi ral gri dang/ mdung dang/ 'phang mdung dang/ gzhu rnams blangs te/ sum cu rtsa gsum pa'i lha rnams dang
- 29a
'gyed pa'i phyir lha ma yin gyi grong khyer nas byung ba de dag chu na gnas pa'i klu rnams kyis mthong ngo/ /mthong nas chu na gnas pa'i klu rnams kyang dbung gi tshogs yan lag bzhi pa 'di lta ste/ glang po che'i tshogs dang/ rta'i tshogs dang/ shing rta'i tshogs dang/ dpung bu chung gi tshogs rnams kyang go cha bgos go cha rnam pa bzhi gser las byas pa dang/ dngul las byas pa dang/ bai DUrya las byas pa dang/ shel las byas pa rnams bgos nas/ mtshon cha rnam pa bzhi ral gri dang/ mdung dang/ 'phang mdung/ gzhu rnams blangs te/ lha ma yin rnams dang/ lhan cig tu g.yul 'gyed do/ /der ji ste klu rnams rgyal te/ lha ma yin rnams pham par gyur na ni klu rnams kyis lha ma yin thub cing rdugs par byas te pham par byas shing rgyab kyis phyogs par byas nas lha ma yin gyi grong khyer du 'gro bar 'gyur ro/ /ji ste lha ma yin rnams rgyal te/ klu rnams pham na ni lha ma yin rnams kyis sum cu rtsa gsum pa'i lha rnams kyi srung ma dang po klu rnams thub cing rdugs par byas te/ pham par byas shing rgyab kyis phyogs par byas nas/ rgya mtsho chen po nas ri'i rgyal po ri rab kyi bar rim dang po gang na lag na gzhong thogs kyi lha rnams 'khod par rjes shing 'gro'o/ /de nas lag na gzhong thogs kyi lha rnams dang/ chu na gnas pa'i klu rnams dang/ srung ma gnyis gcig tu 'dus par gyur nas/ lha ma yin dang/ lhan cig tu g.yul 'gyed do/ /der ji ste srung ma gnyis rgyal te/ lha ma yin rnams pham na ni srung ma gnyis kyis lha ma yin rnams thub cing rdugs par byas te/ pham par byas shing rgyab kyis phyogs
- 29b
par byas nas lha ma yin gyi grong khyer du 'gro bar 'gyur ro/ /ji ste lha ma yin rnams rgyal te/ srung ma gnyis pham na ni sum cu rtsa gsum pa'i lha rnams kyi srung ma gnyis lha ma yin rnams kyis thub cing rdugs par byas te/ pham par byas shing rgyab kyis phyogs par byas nas/ ri'i rgyal po ri rab kyi bang rim dang po nas bang rim gnyis pa lag na phreng thogs kyi lha rnams 'khod par rje zhing 'gro'o/ /de nas phreng thogs kyi lha rnams dang/ lag na gzhong thogs kyi lha rnams dang/ chu na gnas pa'i klu rnams dang/ srung ma gsum po rnams gcig tu 'dus par gyur nas/ lha ma yin rnams dang lhan cig tu g.yul 'gyed do/ /der ji ste srung ma gsum po rnams rgyal te/ lha ma yin rnams pham na ni srung ma gsums po dag gis lha ma yin rnams thub cing rdugs par byas te/ pham par byas shing rgyab kyis phyogs par byas nas lha ma yin gyi grong khyer du 'gro bar 'gyur ro/ /ji ste lha ma yin rnams rgyal te/ srung ma gsum po rnams pham na ni sum cu rtsa gsum pa'i lha rnams kyi srung ma gsum po rnams lha ma yin rnams kyis thub cing rdugs par byas te/ pham par byas shing rgyab kyis phyogs par byas nas/ ri'i rgyal po ri rab kyi bang rim gnyis pa nas bang rim gsum pa gang na rtag tu myos pa'i lha rnams 'khod par rjes shing 'gro'o/ /de nas rtag tu myos pa'i lha rnams dang/ phreng thogs kyi lha rnams dang/ lag na gzhong thogs kyi lha rnams dang/ chu na gnas pa'i klu rnams dang/ srung ma rnams pa bzhi po rnams gcig tu 'dus par gyur nas/ lha ma yin rnams dang lhan cig tu g.yul 'gyed do/ /der ji ste srung ma bzhi po rnams rgyal te/ lha ma yin rnams pham na ni
- 30a
srung ma bzhi po rnams kyis lha ma yin rnams thub cing rdugs par byas te/ pham par byas shing rgyab kyi phyogs par byas nas lha ma yin gyi grong khyer du 'gro bar 'gyur ro/ /ji ste lha ma yin rnams rgyal te/ srung ma bzhi po rnams pham na ni sum cu rtsa gsum pa'i lha rnams kyis srung ma bzhi po dag lha ma yin rnams kyis thub cing rdugs par byas te/ pham par byas shing rgyab kyis phyogs par byas nas/ ri'i rgyal po ri rab kyi bang rim gsum pa nas bang rim bzhi pa gang na rgyal po chen po bzhi rnams 'khod par rjes shing 'gro'o/ /de nas rgyal po chen po bzhi po rnams dang/ rtag tu myos pa'i lha rnams dang/ phreng thogs kyi lha rnams dang/ lag na gzhong thogs kyi lha rnams dang/ chu na gnas pa'i klu rnams dang/ srung ma lnga po rnams gcig tu 'dus par gyur nas lha ma yin rnams dang lhan cig tu g.yul 'gyed do/ /der ji ste srung ma lnga po rnams rgyal te/ lha ma yin rnams pham na ni srung ma lnga po rnams kyis lha ma yin rnams thub cing rdugs par byas te/ pham par byas shing rgyab kyis phyogs par byas nas lha ma yin gyi grong khyer du 'gro bar 'gyur ro/ /ji ste lha ma yin rnams rgyal te/ srung ma lnga po rnams pham na ni sum cu rtsa gsum pa'i lha rnams kyi srung ma lnga po rnams lha ma yin rnams kyis thub cing rdugs par byas te/ pham par byas shing rgyab kyis phyogs par byas nas/ ri'i rgyal po ri rab kyi bang rim bzhi pa nas steng gi gzhi gang na sum cu rtsa gsum pa'i lha rnams 'khod par rjes shing 'gro'o/ /de nas rgyal po chen po bzhi rnams kyi dbang po brgya byin gang na ba der song ste phyin nas lha
- 30b
rnams kyi dbang po brgya byin la 'di skad ces smras so/ /kau shi ka gang bdag cag srung ma lnga po rnams lha ma yin rnams kyis thub cing rdugs par byas te/ pham par byas shing rgyab kyis phyogs par byas nas ri'i rgyal po ri rab bang rim gyi steng gi gzhir rjes te mchis par mkhyen par mdzod cig /kau shi ka de ltar gang gi dus la bab par dgongs shig /de nas lha'i dbang po brgya byin gyis rgyal po chen po bzhi rnams kyi ltar mnyan nas sum cu rtsa gsum pa'i lha rnams la smras pa/ grogs po dag gang srung ma lnga po rnams lha ma yin rnams kyis thub cing rdugs par byas te/ pham par byas shing rgyab kyis phyogs par byas nas ri'i rgyal po ri rab kyi steng gi bzhir rjes te/ yongs pa shes par gyis shig/ grogs po dag da ltar gang gi dus la bab pa soms shig/ de nas lha rnams kyi dbang po brgya byin gyis glang po che'i rgyal po rab tu brtan pa la bsams so/ /de nas glang po che'i rgyal po rab tu brtan pas lha'i dbang po brgya byin gyis mtshan ma rtogs nas/ dper na skyes bu stobs dang ldan pa lag pa bskums pa las brkyang ba 'am/ brkyang ba las bskums pa bzhin du glang po che'i rgyal po rab tu brtan pa 'dzam bu'i gling nas mi snang bar gyur te/ sum cu rtsa gsum pa'i lha rnams kyis nang du song ngo/ /song nas mgo sum cu rtsa gnyis mngon par sprul te/ mgo re re la mche ba drug drug/ mche ba re re la rdzing bu bdun bdun/ /rdzing bu re re la pad+ma bdun bdun/ pad+ma re re la sdong bu bdun bdun/ sdong bu re re la lha'i bu mo bdun bdun/ /lha'i bu mo re re la g.yog mo bdun bdun/ /g.yog mo re re la bsil snyan bdun bdun bdun mngon par sprul te/ mgo bo de dag thams cad kyi nang na khyad par du 'phags pa gang yin
- 31a
pa de la lha'i dbang po brgya byin zhon no/ /de las gzhan pa'i mgo lhag ma rnams la ni nye ba'i dbang po sum cu rtsa gnyis po rnams zhon no/ /de las gzhan pa'i glang po che rnams la ni de la gzhan pa'i sum cu rtsa gsum pa'i lha rnams zhon no/ /de shin tu mgyogs te/ dper na 'jig pa'i rlung ngam/ 'chags pa'i rlung bzhin te/ de ltar na lha'i bu mo su yang 'di skad du/ 'di ni bdag gis mdun du 'gro'o zhe 'am phyi nas 'ong ngo snyam du sems pa med de/ de nas glang po che'i rgyal po rab tu brtan pa sum cu rtsa gsum pa'i lha rnams kyi grong khyer lho phyogs kyi sgo nas byung ste/ skyed mos tshal rtsub 'gyur tshal du phyin nas/ rdzu 'phrul mngon par 'du byed pa de btang ste/ 'di lta ste lha 'am/ lha'i bu rdzu 'phrul che zhing mthu che ba gang yang rung ba dang 'dra bar bdag nyid mngon par sbrul te/ sum cu rtsa gsum pa'i lha rnams dang lhan cig tu lha'i 'dod pa'i yon tan lnga la 'byor cing ldan par 'gyur te/ rtse zhing dga' la dga' dgur spyod do/ /rang gi las kyi 'bras bu nyams su myong ngo/ /ji tsam du sum cu rtsa gsum pa'i lha rnams skyed mos tshal rtsub 'gyur tshal du rtse zhing dga' la dga' dgur spyod pa de tsam du lus kyang rtsub par 'gyur la/ sems kyang rtsub par 'gyur te/ de dag lus rtsub pa dang/ sems rtsub pa dang/ g.yul 'gyed pa la mngon par mos par gyur nas dpung gi tshogs yan lag bzhi pa 'di lta ste/ glang po che'i tshogs dang/ rta'i tshogs dang/ shing rta'i tshogs dang/ dpung bu chung gi tshogs rnams go cha gyon te/ dpung gi tshogs yan lag bzhi pa glang po che'i tshogs dang/ rta'i tshogs dang/ shing rta'i tshogs dang/ dpung bu chung gi tshogs rnams kyi go cha rnam pa bzhi 'di lta ste/ gser
- 31b
las byas pa dang/ dngul las byas pa dang/ bai DUrya las byas pa dang/ shel las byas pa rnams bgos so/ /go cha rnam pa bzhi gser las byas pa dang/ dngul las byas pa dang/ bai DUrya las byas pa dang/ shel las byas pa rnams bgos nas/ mtshon cha rnam pa bzhi 'di lta ste/ ral gri dang/ mdung dang/ 'phang mdung dang/ gzhu rnams so/ /mtshon cha rnam pa bzhi la ral gri dang/ mdung dang/ 'phang mdung dang/ gzhu rnams blangs nas lha ma yin rnams dang lhan cig tu g.yul 'gyed de/ ji ste lha ma yin rnams rgyal te/ lha rnams pham na ni lha ma yin rnams kyis lha rnams thub cing rdugs par byas te/ pham par byas shing rgyab kyi phyogs par byas nas shing rta byang phyogs su lha'i grong khyer gang na pa der phyir ldog go /'on kyang lha ma yin rnams lha rnams kyi phyi bzhin du snyegs par byed na ni der lha rnams 'di snyam du sems te/ 'di ltar lha ma yin 'di dag bdag cag gi phyi bzhin du snyegs pa las na yang lan gnyis su g.yul 'gyed par 'dod do snyam du shes nas lha rnams phyir log te/ lha ma yin rnams dang lhan cig tu g.yul 'gyed do/ /ji ste lan gnyis su yang lha ma yin rnams rgyal te/ lha rnams pham na ni lha ma yin rnams kyis lha rnams thub cing rdugs par byas te/ pham par byas shing rgyab kyis phyogs par byas nas shing rta byang phyogs su lha'i grong khyer gang na bar phyir ldog go /'on kyang lha ma yin rnams lha rnams kyi phyi bzhin du snyegs par byed na ni der lha rnams 'di snyam du sems te/ 'di ltar lha ma yin 'di dag bdag cig gi phyi bzhin du snyogs pa las na yang lan gsum du g.yul 'gyed par 'dod do snyam du shes nas lha rnams phyir log te/ lha ma yin rnams
- 32a
dang lhan cig tu g.yul 'gyed do/ /ji ste lha ma yin rnams 'ba' zhig rgyal te/ lha rnams pham na ni lha ma yin rnams kyis lha rnams thub cing rdugs par byas te/ pham par byas shing rgyab kyis phyogs par byas nas lha'i grong khyer du 'jug go/ lha'i grong khyer du zhugs nas sgo rnams bcad de/ lha rnams la lha ma yin rnams kyis mi tshugs kyang 'jigs shing skrags pa dang ldan pa'i sems kyis shas cher gnas so/ /'on kyang lha ma yin rnams kyis der mi rdzi bzhin du lha ma yin rnams kyang 'di ltar lha rnams ni lha'i grong khyer na 'dug kyang 'jigs shing skrag pa dang ldan pa'i sems kyis shas cher gnas mod kyi/ bdag cag gi der mi rdzi'o snyam du shes pa'i mthong ba 'jug go/ ji ste lha rnams rgyal te/ lha ma yin rnams pham na ni lha rnams kyis lha ma yin rnams thub cing rdugs par byas te/ pham par byas shing rgyab kyis phyogs par byas nas shing rta lho phyogs su lha ma yin gyi grong khyer gang na bar phyir ldog go /'on kyang lha rnams lha ma yin rnams kyi phyi bzhin du snyegs par byed na ni/ de ltar lha ma yin rnams 'di snyam du sems te/ 'di ltar lha 'di dag bdag cag gi phyi bzhin du snyegs pa las na yang lan gnyis su g.yul 'gyed par 'dod do snyam du shes nas lha ma yin rnams phyir log ste/ lha rnams dang lhan cig g.yul 'gyed do/ /ji ste lan gnyis su yang lha rnams rgyal ste/ lha ma yin rnams pham na ni lha rnams kyis lha ma yin rnams thub cing sdugs par byas te/ pham par byas shing rgyab kyis phyogs par byas nas/ shing rta lho phyogs su lho ma yin gyi grong khyer gang na bar phyir ldog go /'on kyang lha rnams lha ma yin rnams kyi phyi bzhin
- 32b
du snyegs par byed na ni/ der lha ma yin rnams 'di snyam du sems te/ 'di ltar lha 'di dag bdag cag gi phyi bzhin du snyegs pa las na lan gsum du g.yul 'gyed par 'dod do snyam du shes nas lha ma yin rnams phyir log ste/ lha rnams dang lhan cig tu g.yul 'gyed do/ /ji ste lan gsum du lha rnams 'ba' zhig rgyal te/ lha ma yin rnams pham na ni lha rnams kyis lha ma yin rnams thub cing rdugs par byas te/ pham par byas shing rgyab kyis phyogs par byas nas/ lha ma yin gyi grong khyer du 'jug go/ lha ma yin gyi grong du zhugs nas sgo rnams bcad de/ lha ma yin rnams la lha rnams kyis mi tshugs kyang 'jigs shing skrag pa dang ldan pa'i sems kyis shas cher gnas so// 'on kyang lha rnams kyis der mi rdzi bzhin du lha rnams kyang 'di ltar lha ma yin rnams ni lha ma yin gyi grong khyer na 'dug kyang/ 'jigs shing skrag pa dang ldan pa'i sems kyis shas cher gnas mod kyi/ bdag cag gis ni der mi rdzi'o snyam du shes pa'i mthong ba 'jug go /bcom ldan 'das kyis kyang 'di skad du/ dge slong dag sngon byung ba lha dang lha ma yin dag g.yul du zhugs pa lha ma yin rnams rgyal te/ lha rnams pham na ni lha ma yin rnams kyis lha rnams thub cing rdugs par byas te/ pham par byas shing rgyab kyis phyogs par byas nas/ shing rta byang phyogs su lha'i grong khyer gang na bar phyir ldog go /'on kyang lha ma yin rnams lha rnams kyi phyi bzhin du snyegs par byed na ni/ der lha rnams 'dir ma du sems te/ 'di ltar lha ma yin 'di dag bdag cag gi phyi bzhin du snyegs pa las na yang lan gnyis su g.yul 'gyed par 'dod do snyam du shes nas lha rnams phyir log ste/ lha ma yin rnams dang lhan cig tu
- 33a
g.yul 'gyed do/ /ji ste lan gnyis su yang lha ma yin rnams rgyal te/ lha rnams pa man ni lha ma yin rnams kyis lha rnams thub cing rdugs par byas te/ phas par byas shing rgyab kyis phyogs par byas nas/ shing rta byang phyogs su lha'i grong khyer gang na bar phyir ldog go /'on kyang lha ma yin rnams lha rnams kyi phyi bzhin du snyegs par byed na ni der lha rnams 'di snyam du sems te/ 'di ltar lha ma yin 'di dag bdag cag gi phyi bzhin du snyegs pa las na yang lan gsum du g.yul 'gyod par 'dod do snyam du shes nas lha rnams phyir ldog ste/ lha ma yin rnams dang lhan cig tu g.yul 'gyed do/ /dge slong dag ji ste lha ma yin rnams 'ba' zhig rgyal te/ lha rnams pham na ni lha ma yin rnams kyis lha rnams thub cing rdugs par byas te/ pham par byas shing rgya gyis phyogs par byas nas/ lha'i grong khyer mchog tu 'jug go /lha'i grong khyer du zhugs nas sgo rnams bcad de/ lha rnams la lha ma yin rnams kyis mi tshungs kyang 'jigs shing skrag pa dang ldan pa'i sems kyis shas cher gnas so/ /'on kyang lha ma yin rnams kyis der mi rdzi bzhin du lha ma yin rnams kyang 'di ltar lha rnams ni lha'i grong khyer na 'dug kyang 'jigs shing skrag pa dang ldan pa'i sems kyis shas cher gnas mod kyi bdag cag gis ni der mi rdzi'o snyam du shes pa'i mthong ba 'jug go /dge slong dag 'di ltar snga ma 'das pa'i dus na/ lha dang lha ma yin g.yul du zhugs pa na lha rnams rgyal te/ lha ma yin rnams pham na ni lha rnams kyis lha ma yin rnams thub cing rdugs par byas te/ pham par byas shing rgyab kyis phyogs par byas nas/ shing rta lho phyogs su
- 33b
lha ma yin grong khyer gang na bar phyir ldog go /'on kyang lha rnams lha ma yin rnams kyis phyi bzhin du snyegs par byed na ni der lha ma yin rnams 'di snyam du sems te/ 'di ltar lha 'di dag bdag cag gi phyi bzhin du snyegs pa las na yang lan gnyis su g.yul 'gyed par 'dod do snyam du shes nas lha ma yin rnams phyir ldog ste/ lha rnams dang lhan cig tu g.yul 'gyed do/ /ji ste lan gnyis su yang lha rnams rgyal te lha ma yin rnams pham na ni lha rnams kyis thub cing rdugs par byas te pham par byas shing rgyab kyis phyogs par byas nas shing rta lho phyogs su lha ma yin gyi grong khyer gang na bar ldog go /'on kyang lha rnams lha ma yin rnams kyi phyi bzhin du snyegs par byed na ni der lha ma yin rnams 'di snyam du sems te/ 'di ltar lha 'di dag bdag cag gi phyi bzhin du snyegs pa las na yang lan gsum du g.yul 'gyed par 'dod do snyam du shes nas lha ma yin rnams phyir log ste lha rnams dang lhan cig du g.yul 'gyed do/ /ji ste lan gsum du lha rnams 'ba' zhig rgyal te/ lha ma yin rnams pham na ni lha rnams kyis lha ma yin rnams thub cing rdugs par byas te/ pham par byas shing rgyab kyis phyogs par byas nas lha ma yin gyi gong khyer du 'jug go /lha ma yin gyi grong khyer du zhugs nas sgo rnams bcad de/ lha ma yin rnams la lha rnams kyis mi tshugs kyang 'jigs shing skrag pa dang ldan pa'i sems kyis shas cher gnas so/ /'on kyang lha rnams kyis der mi rdzi bzhin du lha rnams kyang 'di lhar lha ma yin rnams ni lha ma yin gyi grong khyer na 'dug kyang 'jigs shing skrag pa dang ldan pa'i sems kyis shes cher gnas mod kyi/ bdag cag gis ni mi rje'o
- 34a
snyam du shes pa'i mthong ba 'jug go /dge slong dag sngon byung ba 'das pa'i dus na de lta bur gyur to/ /'di skad du/ gang tshe lha dang lha min lhan cig tu/ /gnyi ga 'dus shing g.yul ni 'gyed pa na/ / shing rta pa ni nyi zla mtshungs med de/ /lha'i shing rta pa'i mchog yin no/ /zhes kyang bya'o/ /ri'i rgyal po ri rab kyi steng gi gzhi na sum cu rtsa gsum pa'i lha rnams kyi grong khyer lta na sdug ces bya ba chur dpag tshad nyis stong lnga brgya/ /zheng du yang nyis stong lnga brgya/ mdza' skor du dpag tshad khri yod pa/ dbyibs legs shing lta na sdug la mdzes pa zhig yod do/ /gser gyi ra bas skor te ra ba'i 'phang du ni dpag ched phyed dang gsum yod do/ /ra ba de la rtsig skyabs rnam pa bzhi las byas pa yod de/ gser la byas pa dang/ dngul las byas pa dang/ bai DUrya las byas pa dang/ shel las sa byas pa dang/ shes las byas pa rnams so/ /gyen du 'phang ba'i mnga' yab dang/ thur du 'phang ba'i mnga' yab dang/ zam pa brgyud ma rnam pa bzhi yod de/ gser las byas pa dang/ dngul las byas pa dang/ bai DUrya las byas pa dang/ shes las byas pa rnams so/ /de'i nang gi sa gzhi dbyibs legs shing lnga la sdug la mdzes te/ bris shing legs par bris pa tshon sna brgya rtsa gcig gis bris pa ste/ 'jam zhing shin tu 'jam pa ni dper na shing bal gyi 'dab ma ras bal gyi 'dab ma bzhin te/ rkang pa bzhag na ni nems zhes byed de/ rkang pa btegs na ni sbar zhes byed de/ me tog man dar ba mang pos pus mo nub pa tsam yongs su khebs te/ rlung gi mthus me tog rnying pa rnams ni 'thor/ /me tog gsar ba rnams ni legs par
- 34b
'grems te/ 'di skad du/ lha rnams bsod nams dbang gis mthu stobs kyis/ /lha'i grong khyer dag na rlung chen ldang/ /me tog rnying pa rnams ni mthor bar byed/ /me tog gser pa rnams ni legs par 'grems/ /zhes kyang bya'o/ /lha'i grong khyer de na sgo stong du gcig gis ma tshang pa yod do/ /sgo gcig gi yang 'phang du ni dpag tshad phyed dang gsum zhen du ni dpag tshad phyed dang gnyis yod do/ /sgo re re la yang skar ma'i gzugs su byas pa bzhi bzhi yod de/ gser las byas pa dang/ dngul las byas pa dang/ baiDUrya las byas pa dang/ shel las byas pa dang rnams so/ /zla ba phyed pa lta bur yongs su grub pa dang/ ba lang gi mgo lta bu dang/ me long rnams kyang gser las byas pa dang/ dngul las byas pa dang/ baiDUr las byas pa dang/ shel las byas pa rnam pa bzhi yod de/ dbyibs legs shing lta na sdug la mdzes pa yin no/ /sgo re re la yang sum cu rtsa gsum pa'i lha rnams srung ba'i phyir dang/ bsgrub pa'i phyir dang/ mdzes par bya ba'i phyir srung ma go cha bgos shing mtshon cha thogs pa lnga brgya bkod do/ /sum cu rtsa gsum pa'i lha rnams kyis lam srang srid du dpag tshad nyis stong lnga brgya yod la zhing du dpag tshad bcu gnyis yod do/ /dbyibs legs shing lta na sdug pa mdzes pa gser gyi bye ma bdal zhing tsan dan gyis chus chag chag btab pa zhig yod/ /srang de'i glo g.yas g.yon na rdzing bu byas pa'i rdzing bu de dag gser las byas pa dang/ dngul las byas pa dang/ bai DUrya las byas pa dang/ shel las byas pa'i pha gu rnam ba bzhis brtsigs so/ /rdzing bu de dag gi phyogs bzhin them skas byas pa yod de/ them skas de dag 'di lta ste/ gser las byas pa dang/ dngul las byas pa dang/
- 35a
baiDUrya las byas pa dang/ shel las byas pa'i pha gu rnam pa bzhis brtsigs so/ /rdzing bu de dag gi lan kan gser las byas pa dang/ dngul las byas pa dang/ bai DUrya las byas pa dang/ shel las byas pa bzhis kun nas bskor te/ gser gyi lan kan gyi rten ma dang/ rdzing bu dang gzung gzer ni dngul las byas so/ /dngul gyi ni gser las byas so/ /bai DUrya'i shel las byas so/ /shel gyi ni lan kan gyi rten dang/ rdzing bu dang/ gzungs gzer ni bai DUrya las byas te/ dbyibs legs shing blta na sdug la mdzes so/ /rdzing bu de dag kyang chu bsil zhing chu sbrang rtsi lta bus gang te/ me tog utpa la dang/ pad+ma dang/ ku mu da dang/ pad+ma dkar pos yongs su khebs te/ de dag la ni chu nas skyes pa'i bya rnams tshogs skad snyan cing 'jebs pa dang/ skad yid du 'ong ba dang/ skad mnyen pa dang/ 'dod dgur bsgyur ba'i gzugs can rnams skad snyan pa 'byin to/ /rdzing bu de dag gi nye 'khor na me tog gi shing dang/ 'bras bu'i shing sna tshogs pa rnams legs par skyes zhing dbyibs legs la yongs su grub pa ste/ me tog phreng bar bkod pa bzhin du gyur pa ni dper na me tog phreng rgyud dang/ /me tog phreng rgyud kyi slob ma mkhas pas me tog gi phreng ba tha gu la brgyus pa dang/ me tog gi rna rgyan legs par byas pa bzhin te/ thang las skyes pa'i bya sna tshogs skad snyan cing 'jebs pa dang/ skad yid du 'ong ba dang/ skad gnyen pa dang/ 'dod dgur bsgyur ba'i gzugs can rnams skad mnyan pa 'byin to/ /de dag gi nye 'khor na dpag bsam gyi shing sngon po dang/ ser po dang/ dmar po dang/ dkar po rnam
- 35b
pa bzhi yod do/ /bzhag gis sngon po dang/ ser po dang/ dmar po dang/ dkar po rnam pa bzhi yod do/ /dpag bsam shing las byung ba'i gos sngon po dang/ ser po dang/ dmar po dang/ dkar po rnam pa bzhi yod do/ /rgyan sna tshogs lag rgyan dang/ rkang rgyan dang/ rgyan snar ba dang/ mi snang ba rnams 'byung ba'i shing dag yod de/ lha 'am lha'i bu mo dag gis ji lta bur 'dod par sems bskyed ma thag tu de lta bur de dag gi lag du 'ong bar 'gyur ro/ /ril mo'i cha byad sna tshogs pi wang dang/ gling bu dang/ pi wang rgyud gsum dang/ 'khar rnga dang/ ham shang rnams 'byung ba'i shing dag yod de/ lha 'am lha'i bu mo rnams kyis ji lta bur 'dod par sems bskyed ma thag tu de lta bur do dag gi lag tu 'ong bar 'gyur ro/ /bdud rtsi rnam pa bzhi dang/ sbrang rtsi dang/ sbrang chang gi btung ba dag kyang yod do/ /yang thog rnams dang/ khang ba brtsegs pa rnams dang/ khyim rnams dang/ khang bzangs rnams dang/ bsil khang rnams dang/ ltad mo lta ba'i sa rnams dang/ zam pa rnams bud med kyi tshogs kyis mdzes par byas shing lha'i bu mo mang pos rten pa dang/ sil snyan dang/ pheg rdob pa dag gi sgra snyan pa sgrogs pa dang/ dri sna tshogs kyis legs par bsgos pa dang/ kha zas dang btung ba dang ldan pa dag kyang yod do/ /de na sum cu rtsa gsum pa'i lha rnams 'khor dang bcas pa rtse zhing dga' la dga' dgur spyod do/ /rang gi las kyi 'bras bu nyams su myong ngo/ /'jig rten bzhag pa// //bam po bzhi pa/ /lha'i grong khyer gyi nang na lha rnams kyi dbang po brgya byin gyi khang bzangs rnam par rgyal ba zhes bya ba chur dpag tshad nyis brgya lnga bcu/ zheng du yang dpag tshad nyis brgya lnga bcu/ mdza'
- 36a
bskor du dpag tshad stong yod pa/ dbyibs lags shing lta na sdug la mdzes ba zhig yod de/ lha'i grong khyer las dpag tshad phyed dang lngas gyen du 'phags so/ /khang bzangs rnam par rgyal ba de'i rmang rten rnam pa bzhi las byas pa la 'di lta ste/ gser las byas pa dang/ dngul las byas pa dang/ baiDUrya las byas pa dang/ shel las byas pa rnams so/ /khang bzangs rnam par rgyal ba'i them pa rnam pa bzhi bkod ba la 'di lta ste gser lam byas pa dang/ dngul las byas pa dang/ bai DUrya las byas pa dang/ shel las byas pa rnams so/ /khang bzang rnam par rgyal ba'i ka ba rnam pa bzhi gtsugs pa 'di lta ste/ gser las byas pa dang/ dngul las byas pa dang/ bai DUrya las byas pa dang/ shel las byas pa rnams te/ gser gyi ka pa'i ka rten dang/ ka zhu dang/ bre phul dang/ gdung rnams dngul las byas so/ /dngul gyi ni gser las byas so/ /bai DUrya'i ni shel las byas so/ /shel ? gyi ka rten dang/ ka zhu dang/ bre phul dang/ gdung rnams baiDUrya las so/ /khang bzangs rnam par rgyal ba de'i phyam rten rnam pa bzhi las byas pa dag yod de/ 'di lta ste/ gser las byas pa dang/ dngul las byas pa dang/ bai DUrya las byas pa dang/ shel las byas pa rnams so/ /khang bzangs rnam par rgyal ba las phya ma stobs dang ldan pa rnam pa bzhi las byas pa yod do/ /di lta ste/ gser las byas pa dang/ dngul las byas pa dang/ bai DUrya las byas pa dang/ shel las byas pa rnams so/ /khang bzangs rnam par rgyal ba la them skas rnam pa bzhi las byas pa dag yod de/ /them skas de dag kyang 'di lta ste/ gser las byas pa dang/ dngul las
- 36b
byas pa dang/ bai DUrya las byas pa dang/ shel las byas pa'i pha gu rnam pa bzhis brtsigs so/ /khang bzangs rnam par rgyal ba la lan kan gser las byas pa dang/ dngul las byas pa dang/ bai DUrya las byas pa/ shel las byas pa rnam pa bzhis kun nas bskor te/ gser gyi lan kan gyi rten ma dang/ rdzing bu dang/ gzungs gzer ni dngul las byas so/ /dngul bu dang/ gzungs gzer ni dngul las byas so/ /dngul gyi ni gser las byas pa dang/ bai DUrya'i ni shel las byas so/ /shel gyi rten ma dang/ rdzing bu dang/ gzungs gzer ni bai DUrya las byas so/ /bar gyi mdo la/ rmangs rten them pa ka ba dang/ /phyam rten dang ni stobs ldan phyam/ /'khor sa dang ni spang leb khang/ /ya phubs dag ni tha ma yin/ /khang bzangs rnam par rgyal ba la ba gam brgyad yod de/ ba gam re re la yang khang pa brtsegs pa bdun bdun yod do/ /khang ba brtsegs pa re re la yang gnas khang bdun bdun/ gnas khang re re la yang lha'i bu mo bdun bdun/ lha'i bu mo re re la yang g.yog mo bdun bdun/ g.yog mo re re la sil snyan bdun bdun yod do/ /khang bzangs rnam par rgyal ba'i nang na rdzing bu byas pa yod de/ rdzing bu de la chur dpag tshad lnga bcu/ zheng du yang dpag tshad lnga bcu/ mdza' skor du dpag tshad nyis brgya yod do/ /rdzing bu de'i phyogs bzhin them skas byas pa dag yod do/ /them skas de dag kyang/ 'di lta ste/ gser las byas pa dang/ dngul las byas pa dang/ bai DUrya las byas pa dang/ shel las byas pa'i pha gu rnam pa bzhis brtsigs so/ /rdzing bu de'i phyogs bzhi yang lan kan gyis kun nas bskor te/ lan kan rnam pa bzhi dag gis snga ma bzhin te/ dbyibs legs shing lta na sdug la mdzes pa/ bsil shing chu sbrang rtsi lta bus gang ste me tog utpa la dang/ pad+ma dang/ ku mu da dang/ pad+ma dkar
- 37a
pos yongs su khebs la/ chu nas skyes pa'i bya sna tshogs skad snyan cing 'jebs pa dang/ skad yid du 'ong ba dang/ skad gnyen pa dang/ 'dod dgur bsgyur ba'i gzugs can rnams skad snyan pa 'byin to/ /rdzing bu di'i nye 'khor na me tog gi shing dang/ 'bras bu'i shing rnam pa sna tshogs yid pa rnams legs par skyes shing dbyibs legs la yongs su grub pa ste/ me tog phreng bar bkod pa bzhin du gyur pa ni dper na me tog phreng rgyud dam/ me tog phreng rgyud kyi slob ma mkhas pas me tog phreng ba tha gul brgyus pa dang/ me tog gi sna rgyan legs par byas pa bzhin te/ thang las skyes pa'i bya sna tshogs skad snyan cing 'jebs pa dang/ skad yid du 'ong ba dang/ skad mnyen pa dang/ 'dod dgur bsgyur ba'i gzugs can rnams skad snyan pa 'byin to/ /dpag bsam gyi shing sngon po dang/ ser po dang/ dmar po dang/ dkar po rnam pa bzhi yod do/ /bzhag gos sngon po dang/ ser po dang/ dmar po dang/ dkar po rnam pa bzhi yod do/ /dpag bsam shing las byung ba'i gos sngon po dang/ ser po dang/ dmar po dang/ dkar po rnam pa bzhi yod do/ /rgyan sna tshogs lag rgyan dang/ rkang rgyan dang/ rgyan snang ba dang/ mi snang ba dag 'byung ba'i shing rnams yod do/ /rol mo'i cha byad sna tshogs 'di lta ste/ pi bang dang/ gling bu dang/ pi bang rgyud gsum pa dang/ mkhar rnga dang/ ham shang rnams 'byung ba'i shing dag yod de/ lha dang lha'i bu mo rnams kyis ji lta bur 'dod par sems bskyed me thag tu de lta bur de dag gi lag tu 'ong bar 'gyur ro/ /bdud rtsi rnam pa bzhi dang/ sbrang rtsi dang sbrang chang gis btung
- 37b
ba dag kyang yod do/ /yang thog rnams dang/ khang pa brtsegs pa rnams dang/ khyim rnams dang/ khang bzangs rnams dang/ bsil khang rnams dang/ ltad mo lta ba'i sa rnams dang/ zam pa rnams bud med kyi tshogs kyis mdzes par byas shing lha'i bu mo mang po bsten pa dang/ bsil snyan dang/ pheg rdobs pa dag gis sgra snyan pa sgrogs pa dang/ dri sna tshogs kyis legs par bsgos pa dang/ kha thas dang btung ba dang ldan pa dag kyang yod do/ /de nas lha'i dbang po brgya byin 'khor dang bcas pa rtse zhing dga' la dga' dgur spyod de/ rang gi las kyi 'bras bu nyams su myong ngo/ /lha'i grong khyer gyi shar lho'i mtshams na sum cu rtsa gsum pa'i lha rnams kyi lha'i bdun sa chos bzangs zhes bya ba yod de/ chur dpag tshad sum brgya/ zheng du dpag tshad sum brgya mdza' skor du dpag tshad dgu brgya yod de/ lha'i grong khyer las dpag tshad phyed dang bzhis 'phags so/ /lha'i 'dun sa chos bzangs kyis gzhi dang/ yang thogs dang/ ka ba dang/ spyi 'dus kyi gdung dang/ yang thog gi rtse bzhi dang/ phyam gzung dang/ phyam dgu po thams cad shel las byas pa dbyibs legs shing lta na sdug la mdzes pa ste/ lan kan gser las byas pa dang/ dngul las byas pa dang/ baiDUrya las byas pa dang/ shel las byas pa rnam pa bzhis kun nas bskor to/ /de la sgo dang/ yang phubs dang/ g+ha na dang/ yang thog gi rtse bzhi dang/ lun dang phyam dgu po yod/ phyam dgu po re rel yang ka ba bcu drug bcu drug gis kun nas brten to/ /rgyu ba'i lam ni rim pa bdun yod de/ de'i dbus na baiDUrya las byas pa'i ka ba zur brgyad pa/ bsal zhing 'phan med la rigs dang ldan pa zhig yod de/ skra'i rtse mo tsam
- 38a
gyis khang pa brtsegs pa'i spyi 'dus kyi rten la mi rig go /de'i 'og na lha'i dbang po brgya byin gyis gser gyi khri bzang po dang/ sum cu rtsa gsum pa'i lha lhag ma rnams kyis khri bshams pa yod do/ /der sum cu rtsa gsum pa'i lha rnams 'dus shing 'khor nas lha rnams dang/ mi rnams kyi don dang/ chos sems shing spyod de/ yongs su rtogs par byed do/ /lha'i grong khyer nas rgyu ba'i lam srid du dpag tshad bcu gnyis zheng du yang dpag tshad bcu gnyis pa dbyibs legs shing lta na sdug la mdzes pa/ gser gyi bye ma brdal cing tsan dan gyi chus chag chag btab pa zhig yod de/ /de'i glo g.yas g.yon na me tog gi shing dang/ 'bras bu'i shing sna tshogs yod pa rnams legs par skyes te/ dbyibs legs la yongs su grub pa ste/ me tog phreng bar bkod pa bzhin du gyur pa ni dper na me tog phreng rgyud dam/ me tog phreng rgyud kyi slob ma mkhas pas me tog gi phreng ba tha gu la brgyus pa dang/ me tog gi rna rgyan legs par byas pa bzhin te/ thang las skyes pa'i bya sna tshogs skad snyan cing 'jebs pa dang/ skad yid du 'ong ba dang/ skad snyan pa dang/ 'dod dgur bsgyur ba'i gzugs can rnams sgang snyan pa 'byin to/ /lha'i grong khyer 'obs bdun rim gyis kun nas bskor te/ 'obs de dag kyang zabs dang/ /rgyur dpag tshad gcig tsam yod de/ /pha gu gser las byas pa dang// dngul las byas pa dang/ baiDUrya las byas pa dang/ shel las byas pa rnam pa bzhis brtsigs pa/ /chu bsil zhing chu sbrang rtsi lta bus gang ste/ me tog utpal/ pad+ma dang/ ku mu da dang/ pad+ma dkar pos yongs su khebs
- 38b
la/ chu las skyes pa'i bya sna tshogs skad snyan cing 'jebs pa dang/ skad yid du 'ong ba dang/ skad snyan pa dang/ 'dod dgur bsgyur ba'i gzugs can rnams skad snyan pa 'byin to/ /'obs de dag na chu ka dang/ rgyu mo gung dang/ 'bru sna tshogs rnams byas pa dag yod de/ sum cu rtsa gsum pa'i lha rnams chu'i rtsed mo la rtse zhing dga' la dga' dgur spyod do/ /'obs de dag gi nye 'khor na me tog gi shing dang/ 'bras bu'i shing sna tshogs yod pa rnams legs par yongs su grub pa ste/ me tog phreng bar bkod pa bzhin du gyur pa ni dper na me tog phreng rgyud dam/ me tog phreng rgyud kyi slob ma mkhas pas me tog phreng ba tha gu la brgyus pa dang/ me tog gi rna rgyan legs par byas pa bzhin te/ thang la skyes pa'i bya sna tshogs skad snyan cing 'jebs pa dang/ skad yid du 'ong ba dang/ skad mnyen pa dang/ 'dod dgur bsgyur ba'i gzugs can rnams skad snyan pa 'byin to/ /de na sum cu rtsa gsum pa'i lha rnams 'khor dang bcas pa rtse zhing dga' la dga' dgur spyod de/ rang gi las kyi 'bras bu nyams su myong ngo/ /lha'i grong khyer gyi shar phyogs dpag tshad nyi shu na sum cu rtsa gsum pa'i lha rnams kyi skyed mos tshal shing rta sna tshogs can zhes bya ba zhig yod de/ chur dpag tshad nyis brgya lnga bcu/ zheng du yang dpag tshad nyis brgya lnga bcu/ /mdza' skor du dpag tshad stong yod pa/ dbyibs lags shing lta na sdug la mdzas pa gser gyi ra bas kun nas bskor te/ ra ba de'i 'phang du dpag tshad gcig yod la/ ra ba de la rtsig skyabs gser las byas pa dang/ dngul las byas pa dang/ baiDUrya las byas pa dang/ shel las byas pa rnam pa bzhi yod do/ /gyen du 'phang ba dang/
- 39a
mthur du 'phang ba'i mnga' yab dang/ zam pa rgyu ba rnam pa bzhi yod de/ gser las byas pa dang/ dngul las byas pa dang/ baiDUrya las byas pa dang/ shel las byas pa rnams so/ /de'i nang gi sa bzhi ni dbyibs legs shing lha rnams la mdzes par bris shing legs par bris pa/ tshon sna brgya rtsa gcig gis bris te/ 'jam zhing shin tu 'jam pa ni dper na shing bal gyi 'da' ba 'am/ ras bal gyi 'da' bzhin te/ rkang pa bzhag na ni nams zhes byed la/ rkang pa brteg na ni spyar zhes byed la/ me tog man dA ra ba mang pos pus mo nub pa tsam du yongs su khebs te/ rlung gi mthus me tog rnying pa rnams ni mthor/ me tog gsar ba rnams ni legs par 'grams te/ 'di skad du/ lha rnams bsod nams dbang gi rkyen gyis na/ /shing rta sna tshogs can na rlung chen ldang/ /me tog rnying pa rnams ni 'thor bar byed/ me tog sar ba rnams ni legs par 'grems zhes kyang bya'o/ /skyed mos tshal shing rta sna tshogs can gyi nad na rdzing bu zhig yod de/ chur dpag tshad lnga bcu/ zheng du yang dpag tshad lnga bcu/ mdza' skor du dpag tshad nyis brgya yod de/ rdzing bu de yang gser las byas pa dang/ dngul las byas pa dang/ bai DUrya las byas ba dang/ shel las byas pa'i pha gu rnam pa bzhis brtsigs so/ /rdzing bu de'i phyogs bzhin them skas byas pa yod de/ them skad de dag kyang gsar las byas pa dang/ dngul las byas pa dang/ baiDUrya las byas pa dang/ shel las byas pa'i pha gu rnam pa bzhis brtsigs so/ /rdzing bu de'i lan kan gser las byas pa dang/ dngul las byas pa dang/ baiDUrya las byas pa
- 39b
dang/ shel las byas ba rnam pa bzhis kun nas skor te/ chu bsil ba dang/ chu sbrang rtsi lta bur gang zhing/ me tog utpa la dang/ pad+ma dang/ ku mu da dang/ pad+ma dkar pos yongs su khebs la/ chu nas skyes pa'i bya chogs skad snyan cing 'jebs pa dang/ skad yid du 'ong ba dang/ skad mnyen pa dang/ 'dod dgur bsgyur ba'i gzugs can rnams skad snyan pa 'byin to/ /rdzing bu de'i nye 'khor na me tog gi shing dang/ 'bras bu'i shing yod pa rnams legs par skyes te shing dbyibs legs la yongs su grub pa ste/ me tog phreng bar bkod pa bzhin du gyur pa ni dper na me tog phreng rgyud dam/ me tog phreng rgyud kyi slob ma mkhas pas me tog gi phreng ba tha gu la brgyud pa dang me tog gi rna rgyan lags par byas pa bzhin te/ thang las skyes pa'i bya sna tshogs skad snyan cing 'jebs pa dang/ skad yid du 'ong ba dang/ skad snyan pa dang/ 'dod dgur bsgyur ba'i gzugs can rnams skad snyan pa 'byin to/ /dpag bsam gyi shing sngon po dang/ ser po dang/ dmar po dang/ dkar po rnam pa bzhi yod do/ /bzhag gos sngon po dang/ ser po dang/ dmar po dang dkar po rnam pa bzhi yod do/ /dpag bsam shing las byung ba'i gos sngon po dang/ ser po dang/ dmar po dang/ dkar po rnam pa bzhi yod do/ /rgyan sna tshogs lag rgyan dang/ rkang rgyan dang/ rgyan snang ba dang/ mi snang ba dag 'byung ba'i shing dag yod do/ /rol mo'i cha byad sna tshogs 'di lta ste/ pi bang dang/ gling bu dang/ pi bang rgyud gsum pa dang/ 'khar rnga dang/ ham shang rnams 'byung ba'i shing dag yod do/ /lha 'am lha'i bu mo rnams kyis ji lta bur 'dod par sems bskyed ma thag tu de lta bur de dag gi
- 40a
lag tu 'ong bar 'gyur ro/ /bdud rtsi rnam pa bzhi dang/ sbrang rtsi dang/ sbrang chang gi btung ba dag kyang yod do/ /yang thog rnams dang khang pa brtsigs pa rnams dang/ khyim rnams dang/ khang bzangs rnams dang/ bsil khang rnams dang/ ltad mo lta ba'i sa rnams dang/ zam pa rnams bud med kyi tshogs kyis mdzes par byas shing/ lha'i bu mo mang pos brten pa dang/ sil snyan dang/ pheg rdob pa dag gi sgra snyan pa sgrogs pa dang/ di sna tshogs kyis legs par bsgos pa dang/ kha zas dang btung ba dang ldan pa dag yod de/ de na sum cu rtsa gsum pa'i lha rnams 'khor dang bcas pa rtse zhing dga' la dga' dgur spyod de/ rang gi las kyi 'bras bu nyams su myong ngo/ /de'i lam chur dpag tshad nyi shu/ zheng du dpag tshad phyed dang gnyis pa dbyibs legs shing lta na sdug la mdzes pa gser gyi phye ma bdal cing tsan dan gyi chus chag chag btab pa yod de/ de'i glo g.yas g.yon na me tog gi shing dang/ 'bras bu'i shing sna tshogs yod pa rnams legs par skyes shing dbyibs legs la yongs su grub pa ste/ me tog phreng bar bkod pa bzhin du gyur pa ni dper na/ me tog phreng rgyud dam/ me tog phreng rgyud kyi slob ma mkhas pas me tog gi phreng ba tha gul brgyus pa dang/ me tog rna rgyan legs par byas pa bzhin te/ thang las skyes pa'i bya sna tshogs skad snyan cing 'jebs pa dang/ skad yid du 'ong ba dang/ skad snyan pa dang/ 'dod dgur bsgyur ba'i gzugs can rnams skad snyan pa 'byin to/ /dpag bsam gyi shing sngon po dang/ ser po dang/ dmar po dang/ dkar po rnam pa bzhi yod do/ /bzhag gos sngon po dang/ ser po dang/ dmar po
- 40b
dang/ dkar po rnam pa bzhi yod do/ /dpag bsam shing las byung ba'i gos sngon po dang/ ser po dang/ dmar po dang/ dkar po rnam pa bzhi yod do/ /rol mo'i cha byang sna tshogs pi wang dang/ gling bu dang/ pi wang rgyud gsum pa dang/ 'khar rnga dang/ ham shang rnams 'byung ba'i shing dag yod de/ /rgyan sna tshogs lag rgyan dang/ rkang rgyan dang/ rgyan snang ba dang/ mi snang ba rnams 'byung ba'i shing dag yod do/ /lha 'am lha'i bu mo rnams kyis ji lta bur 'dod par sems bskyed ma thag tu de lta bur de dag lag tu 'ong bar 'gyur ro/ /lam de na gzhon pa sna tshogs bkod pa 'di lta ste/ glang po che'i bzhon pa dang/ rta'i bzhon pa dang/ shing rta'i bzhon pa dang/ khyogs kyi bzhon pa dag yod de/ lha 'am lha'i bu mo rnams kyis bzhon pa ji lta bur 'dod par sems bskyed ma thag tu de lta bu'i bzhon pa la zhon par gyur te/ skyed mos tshal shing rta sna tshogs can du dong nas rtse zhing dga' la dga' dgur spyod de/ rang gi las kyi 'bras bu nyams su myong ngo/ /ci'i phyir skyed mos tshal gyi ming shing rta sna tshogs can zhes bya zhe na/ smras pa/ skyed mos tshal shing rta sna tshogs can na rdzing bu sna tshogs zhes bya ba dang/ shing sna tshogs dang/ le ma dang me tog dang/ 'bras bu sna tshogs dang/ gos dang rgyan sna tshogs dang/ lnga'i bu mo sna tshogs yod la/ gang gi tshe sum cu rtsa gsum pa'i lha rnams skyed mos tshal shing rta sna tshogs can na rtse zhing dga' la dga' dgur spyod da/ de'i tshe yang rnam pa sna tshogs kyi shin tu rtse zhing dga' la dga' dgur spyod do/ /rang gi las kyi 'bras bu nyams su myong bas na de'i skyed mod chal gyi ming shing rta sna tshogs can zhes bya'o/ /skyed mos tshal shing rta sna tshogs can gyi shar
- 41a
phyogs dpag tshad nyi shu na/ sa gzhi bzang po sna tshogs zhes bya ba zhig yod de/ /chur dpag tshad nyis brgya lnga bcu/ zheng du yang dpag tshad nyis brgya lnga bcu/ mdza' skor du dpag tshad stong yod pa dbyibs legs shing lta na sdug la mdzes pa/ lan kan gser las byas pa dang/ dngul las byas pa dang/ bai DUrya las byas pa dang/ shel las byas pa rnam pa bzhis kun nas bskor te/ gser gyi lan kan gyi rten ma dang/ gdang bu gzung gzer ni dngul las byas so/ /dngul gyi ni gser las byas so/ /bai DUrya'i ni shel las so/ /shel gyi rten ma dang/ gdang bu dang/ gzungs gzer ni bai DUrya las byas so/ /de'i nang gi sa bzhi dbyibs legs shing lta na sdug la mdzes par bris shing legs par bris pa tshon sna brgya rtsa gcig gis bris pa ste/ 'jam zhing shin tu 'jam pa ni dper na shing bal gyi 'da' ba 'am/ ras bal gyi 'da' ba bzhin te/ rkang pa bzhag na ni nems zhes byed/ rkang pa bteg na ni sbar zhes byed la/ me tog man dA ra ba mang pos pus mo nub pa tsam du yongs su khebs te/ de na mi ma yin pa rnams rlung? gi mthus me tog rnying pa rnams ni 'dor/ me tog gsar pa rnams ni legs par 'grems te/ 'di skad du lha rnams las kyi dbang gi rkyen gyis na/ sa gzhi sna tshogs can rlung chen ldang/ me tog rnying pa rnams ni 'thor bar byed/ /me tog gsar pa rnams ni legs par 'grems/ zhes kyang bya'o/ /de'i lam srid du dpag tshad nyi shu/ zheng du dpag tshad phyed dang gnyis yod de/ /dbyibs legs shing blta na sdug la mdzes
- 41b
ba/ gser gyi bye ma bdal cing tsan dan gyi chus chag chag btab pa zhig yod de/ de'i glo g.yas g.yon na me tog gi shing dang/ 'bras bu'i shing sna tshogs yod pa rnams legs par skyes shing dbyibs legs la yongs su grub ba ste/ me tog phreng bar bkod pa bzhin du gyur pa ni dper na/ me tog phreng rgyud dam/ me tog phreng rgyud kyi slob ma mkhas pas me tog gyi phreng ba tha gu la brgyus pa dang/ me tog gi rna rgyan legs par byas pa bzhin te/ thang? las skyas pa'i bya sna tshogs skad snyan cing 'jebs pa dang/ skad snyan yid du 'ong ba dang/ skad mnyen pa dang/ 'dod dgur bsgyur ba'i gzugs can rnams skad snyan par 'byin te/ /dpag bsam gyi shing sngon po dang/ ser po dang/ dmar po dang/ dkar po rnam pa bzhi yod do/ /bzhag gos sngon po dang/ ser po dang/ dmar po dang/ dkar po rnam pa bzhi yod do/ /dpag bsam gyi shing las byung ba'i gos sngon po dang/ ser po dang/ dmar po dang/ dkar po rnam pa bzhi yod do/ /rol mo'i cha byad sna tshogs pi bang dang/ gling bu dang/ pi bang rgyud gsum pa dang/ 'khar rnga dang/ ham shang rnams 'byung ba'i shing dag yod do/ /rgyan sna tshogs lag rgyan dang/ rkang rgyan dang/ rgyan snang ba dang/ mi snang ba rnams 'byung ba'i shing dag yod do/ /lha 'am lha'i bu mo rnams kyis ji lta bur 'dod par sems bskyed ma thag tu de lta bur de dag gi lag tu 'ong bar 'gyur ro/ /lam de na bzhon pa sna tshogs bkod pa 'di lta ste/ glang po'i gzhon ba dang/ rta'i gzhon pa dang/ shing rta'i gzhon pa dang/ khyogs kyi gzhon pa dag yod de/ lha 'am lha'i bu rnams kyis gzhon pa ji lta bur 'dod par sems bskyed ma thag tu de lta bu'i gzhon pa 'ong bar
- 42a
'gyur te/ de la zhon nas sa gzhi sna tshogs can du dor? zhing ci bder gnas par mngon par dga' bar byed do/ /de na lha'i drang srong rnams rang dgar tshangs par spyad pa spyod do/ /de bzhin du lha'i grong khyer gyi lho phyogs dpag tshad nyi shu na/ skyed mos tshal rtsub 'gyur tshal zhes bya ba zhig yod de/ chur dpag tshad nyis brgya lnga bcu/ zheng du yang dpag tshad nyis brgya lnga bcu/ mdza' skor du dpag tshad stong yod la dbyibs legs shing blta na sdug la mdzes pa/ gser gyi ra bas kun nas skor te/ ra ba'i 'phang du dpag tshad gcig yod de/ shing rta sna tshogs can ji lta ba bzhin du rgyas par brjod par bya'o/ /khyad par ni 'di yod de/ ci'i phyir skyed mos tshal gyi ming rtsub 'gyur tshal zhes bya zhe na/ smras pa/ skyed mos tshal rtsub 'gyur tshal na rdzing bu rtsub 'gyur tshal zhes bya ba dang/ shing rnams dang/ lo ma rnams dang/ me tog rnams dang/ 'bras bu rnams dang/ rgyan rnams rtsub par 'gyur pa dang/ lha'i bu mo rtsub par 'gyur ba rnams yod la/ gang gi tshe sum cu rtsa gsum pa'i lha rnams skyed mos tshal rtsub 'gyur tshal du rtse zhing dga' la dga' dgur spyod pa de'i tshe lus kyang rtsub par 'gyur zhing/ sems kyang rtsub par 'gyur te/ g.yul la mos par 'gyur bas na de'i phyir skyed mos tshal gyi ming rtsub 'gyur tshal zhes bya'o/ /skyed mos tshal rtsub 'gyur tshal gyi dpag tshad nyi shu na/ sa gzhi bzang po rtsub 'gyur zhes bya ba yod de/ chur dpag tshad nyis brgya lnga bcu/ zheng du yang dpag tshad nyis brgya lnga bcu/ mdza' bskor du dpag tshad stong yod de/ sa gzhi bzang po sna tshogs can na ji lta ba bzhin du rgyas par brjod par bya'o/ /lha'i grong khyer gyi nub phyogs
- 42b
dpag tshad nyi shu na skyed mos tshal 'dres pa'i tshal zhes bya ba zhig yod de/ chur dpag tshad nyis brgya lnga bcu/ zheng du yang dpag tshad nyis brgya lnga bcu/ mdza' bskor du dpag tshad stong yod? la/ gser gyi rabs kun nas bskor te/ ra ba'i 'phang du yang dpag tshad gcig yod de/ snga? ma rnams na ji skad bshad pa de bzhin du rgyas par brjod par bya'o/ /khyad par ni 'di yod de/ ci'i phyir skyed mos tshal gyi ming 'dres pa'i tshal zhes bya zhe na/ smras pa/ skyed? mos tshal 'dres pa'i tshal na rdzing bu 'dres pa zhes bya ba dang/ shing rnams dang/ lo ma rnams dang/ me tog rnams dang/ 'bras bu rnams dang/ gos rnams dang/ rgyan rnams 'dres pa dang/ lha'i bu mo rnams 'dres pa yod la/ gang gi tshe sum cu rtsa gsum pa'i lha rnams skyed mos tshal 'dres pa'i tshal na rtse zhing dga' la dga' dgur spyod pa de'i tshe yang tshol par 'dres te/ shin tu rtse zhing dga' la dga' dgur spyod de/ rang gi las kyi 'bras bu nyams su myong bas na de'i phyir skyed mos tshal gyi ming 'dres pa'i tshal zhes bya'o/ /skyed mos tshal 'dres pa'i tshal gyi nub phyogs dpag tshad nyi shu na sa gzhi bzang po 'dres pa zhes bya ba de/ chur dpag tshad nyis brgya lnga bcu/ zheng du yang dpag tshad nyis brgya lnga bcu/ mdza' bskor du dpag tshad stong yod de/ sa gzhi bzang po snga ma rnams na ji lta na de bzhin du rgyas par brjod par bya'o/ /lha'i grong khyer gyi byang phyogs dpag tshad nyi shu na/ skyed mos tshal dga' ba'i tshal zhes bya ba zhig yod de/ chur dpag tshad nyis brgya lnga bcu/ zheng du yang dpag tshad nyis brgya lnga bcu/ mdza' bskor du dpag tshad stong yod la/ gser gyi ra bas kun nas bskor te/ ra ba'i 'phang du dpag tshad gcig
- 43a
yod de/ snga ma rnams na ji skad bshad pa de bzhin du brjod par bya'o/ /khyad par ni 'di yod de/ ci'i phyir/ skyed mos tshal gyi ming dga' ba'i tshal zhes bya zhe na/ smras pa/ skyed mos tshal dga' ba'i tshal na rdzing bu dga' ba zhes bya ba dang/ shing rnams dang/ lo ma rnams dang/ me tog rnams dang/ 'bras bu rnams dang/ gos rnams dang/ rgyan rnams dga' ba dang/ lha'i bu mo dga' ba rnams yod la/ gang gi tshe sum cu rtsa gsum ba'i lha rnams skyed mos tshal dga' ba'i tshal du rtse zhing dga' la dga' dgur spyod pa de'i tshe yang kun du dga' zhing rab tu dga' la/ dga' zhing yid bde bar gyur nas rtse zhing dga' la dga' dgur spyod de/ rang gi las kyi 'bras bu nyams su myong bas na de'i phyir skyed mos tshal gyi ming dga' ba'i tshal zhes bya'o/ /skyed mos tshal dga' ba'i tshal gyi byang phyogs dpag tshad nyi shu na sa gzhi bzang po dga' ba zhes bya ba zhig yod de/ chur dpag tshad nyis brgya lnga bcu/ zheng du yang dpag tshad nyis brgya lnga bcu/ mdza' bskor du dpag tshad stong yod la/ dbyibs legs shing lta na sdug la mdzes pa te/ sa gzhi bzang po snga ma rnams na ji lta bzhin du rgyas par brjod par bya'o/ /lha'i grong khyer gyi byang shar gyi mtshams na sum cu rtsa gsum pa'i lha rnams kyi shing yongs 'dus brtol zhes bya ba zhig yod de/ yongs 'dus brtol gyi rtsa ba ni dpag tshad lnga bcu thur du zug go /'phang du ni dpag tshad brgya yod do/ /yal ga phyir gyes pa ni dpag tshad lnga bcu yod do/ /yongs 'dus brtol gyi yal ga lnga yod de/ yal ga gcig ni shar phyogs dpag tshad lnga bcur 'dud do/ /yal ga gnyis pa ni lho phyogs su
- 43b
dpag tshad lnga bcur 'dud do/ /yal ga gsum pa ni nub phyogs su dpag tshad lnga bcur 'dud do/ /yal ga bzhi pa ni byang phyogs su dpag tshad lnga bcur 'dud do/ /yal ga steng na ni dpag tshad lnga bcur steng gi nam mkha' khyab par 'dug go / yongs 'du sa brtol gyi chur dpag tshad brgya lnga bcu yod do/ /zheng du yang dpag tshad brgya lnga bcu yod do/ /mdza' skor du yang dpag tshad sum brgya lnga bcu yod do/ /yongs 'du sa brtol gyi dri rdzi phyogs su ni dpag tshad brgyar dang ldang ngo/ /rdzi phyogs ma yin par dpag tshad lnga bcur dang ldang ngo/ dpag tshad brgyad cur ni 'od dang kha dog gis lham me lhan ne lhang nger 'dug go /sum cu rtsa gsum pa'i lha rnams kyi shing yongs 'du sa brtol gyi lo ma ser ba na de'i tshe sum cu rtsa gsum pa'i lha rnams kye ma/ yongs 'du sa brtol 'di lo ma ser ba las nad ni ring bo mi thogs par 'dab ma lhags par 'gyur ro zhes nas kun tu dga' zhing rab tu dga' bas gnas pa gang yin pa de'i dus kyang yod la/ de'i skabs kyang yod do/ /sum cu rtsa gsum pa'i lha rnams kyi shing yongs 'du sa brtol gyi 'dab ma lhags pa na de'i tshe sum cu rtsa gsum pa'i lha rnams kye ma/ yongs 'du sa brtol 'di 'dab ma lhags pa las na ring po mi thogs par spal mig 'thon par 'gyur ro zhes nas kun tu dga' zhing rab tu dga' bas gnas pa gang yin pa de'i dus kyang yod la de'i skabs kyang yod do/ /sum cu rtsa gsum ba'i lha rnams kyi shing yongs 'du sa brtol sbal mig 'thon pa na de'i tshe sum cu rtsa gsum pa'i lha rnams kye ma yongs 'du sa brtol 'di sbal mig 'thon pa las nad ni ring po mi thogs par sbal mig bye bar 'gyur ro//
- 44a
zhes kun tu dga' zhing rab tu dga' bas gnas pa gang yin pa de'i dus kyang yod la de'i skabs kyang yod do/ /sum cu rtsa gsum pa'i lha rnams kyi shing yongs 'du sa brtol sbal mig byed pa na de'i tshe sum cu rtsa gsum pa'i lha rnams kye ma yongs 'du sa brtol 'di sbal mig bye ba las nad ring po mi thogs par me tog kha 'bu bar 'gyur ro zhes na kun tu dga' zhing rab tu dga' bas gnas pa gang yin pa de'i dus kyang yod la de'i skabs kyang yod do/ /sum cu rtsa gsum pa'i lha rnams kyi shing yongs 'du sa brtol gyi me tog kha 'bus na de'i tshe sum cu rtsa gsum pa'i lha rnams kye ma yongs 'du sa brtol 'di me tog kha 'bus pa las nad ni ring po mi thogs par me tog kha 'bye bar 'gyur ro zhes nas kun tu dga' zhing rab tu dga' bas gnas pa gang yin pa de'i dus kyang yod la de'i skabs kyang yod de/ /sum cu rtsa gsum pa'i lha rnams kyi shing yongs 'du sa brtol gyi me tog 'bye ba na de'i tshe sum cu rtsa gsum pa'i lha rnams kye ma yongs 'du sa brtol 'di me tog kha 'bye ba las nad ni ring po mi thogs par me tog gi 'dab ma thams cad yongs su rgyas par 'gyur ro zhes nas kun tu dga' zhing rab tu dga' bas gnas pa gang yin pa de'i dus kyang yod la de'i skabs kyang yod do/ /sum cu rtsa gsum pa'i lha rnams kyi shing yongs 'du sa brtol gyi me tog 'dab ma thams cad yongs su rgyas pa na yongs 'du sa brtol gyi ma tog 'dab ma thams cad yongs su rgyas pa'i dri rdzi phyogs su ni dpag tshad brgyar dang ldang ngo/ /rdzi phyogs ma yin par ni dpag tshad lnga bcur dang ldang ngo/ /dpag tshad brgyad bcur ni 'od dang kha dog gis lham me lhan ne lhang nger 'dug go /
- 44b
bcom ldan 'das kyis kyang 'di skad du/ dge slong dag sum cu rtsa gsum pa'i lha rnams kyi shing yongs 'du sa brtol gyi rtsa ba ni dpag tshad lnga bcur thur du zug go /'bad du ni dpag tshad brgya yod do/ /yal ga dang/ lo ma dang/ yan lag rnams ni dpag tshad lnga bcur gyes so/ /dge slong dag sum cu rtsa gsum pa'i lha rnams kyi shing yongs 'du sa brtol gyi lo ma ser ba na de'i tshe sum cu rtsa gsum pa'i lha rnams kye ma yongs 'du sa brtol 'di lo ma ser ba las nad ni ring po mi thogs par 'dab ma lhags par 'gyur ro/ /zhes nas kun tu dga' zhing rab tu dga' bas gnas pa gang yin pa de'i dus kyang yod do/ /dge slong dag sum cu rtsa gsum pa'i lha rnams kyi shing yongs 'du sa brtol gyi 'dab ma lhags pa na de'i tshe sum cu rtsa gsum pa'i lha rnams/ kye ma yongs 'du sa brtol 'di 'dab ma lhags pa las nad ni ring po mi thogs par sbal mig 'thon par 'gyur ro zhes nas kun nas ba? dga' ? zhing rab tu dga' bas gnas pa gang yin pas de'i dus kyang yod do/ /dge slong dag sum cu rtsa gsum pa'i lha rnams kyi shing yongs 'du sa brtol spal mig 'thon ba de'i che sum cu rtsa gsum pa'i lha rnams kye ma yongs 'dus brtol 'di sbal mig 'thon pa las nad ni ring po mi thogs par sbal mig 'bye bar 'gyur ro zhes nas kun tu dga' zhing rab tu dga' bas gnas pa gang yin pa de'i dus kyang yod do/ /dge slong dag sum cu rtsa gsum pa'i lha rnams kyi shing yongs 'du sa brtol spal mig bye ba na de'i tshe sum cu rtsa gsum pa'i lha rnams kye ma yongs 'du sa brtol 'di sbal mig bye ba las na da ni ring po mi thogs par me tog kha 'bu bar 'gyur ro zhes nas kun tu dga' zhing rab tu dga' bas gnas pa gang yin pa de'i dus kyang yod do/
- 45a
dge slong dag sum cu rtsa gsum pa'i lha rnams kyi shing yongs 'du sa brtal gyi me tog kha 'bus pa na de'i tshe sum cu rtsa gsum pa'i lha rnams kye ma yongs 'du sa brtol 'di me tog kha 'bus pa las na da ni ring po mi thogs par me tog kha 'bye par 'gyur ro/ /zhes nas kun tu dga' zhing rab tu dga' pas gnas pa gang yin pa de'i dus kyang yod do/ /dge slong dag sum cu rtsa gsum pa'i lha rnams kyi shing yongs 'du sa brtol gyi me tog kha bye ba na de'i tshe sum cu rtsa gsum pa'i lha rnams kye ma yongs 'du sa brtol 'di me tog kha bye ba las na da ni ring po mi thogs par me tog gi 'dab ma thams cad yongs su rgyas par 'gyur ro zhes nas kun tu dga' zhing rab tu dga' bas gnas pa gang yin pa de'i dus kyang yod do/ /dge slong dag sum cu rtsa gsum pa'i lha rnams kyi shing yongs 'du sa brtol gyi me tog 'dab ma thams cad yongs su rgyas pa na yongs 'du sa brtol gyi me tog thams cad yongs su rgyas pa'i dri rdzi phyogs su dpag tshad brgyar dang ldang ngo/ /rdzi phyogs ma yin par ni dpag tshad lnga bcur dang ldang ngo/ /dpag tshad brgyad cur ni 'od dang kha dog gis lham me lhan ne lhang nger 'dug go/ /shing yongs 'du sa brtol thams cad yongs su rgyas pa'i 'og na sum cu rtsa gsum pa'i lha rnams dbyar zla ba bzhi lha'i 'dod pa'i yon tan lnga la 'byor cing ldan par 'gyur te/ rtse zhing dga' la dga' dgur spyod de/ /rang gi las kyi 'bras bu nyams su myong ngo/ /dge slong dag sum cu rtsa gsum pa'i lha rnams kyi shing yongs 'du sa brtol gyi mthu ni de tsam mo zhes gsungs so/ /bar gyi mdo la/ ring por lo ma ser ba dang/ /de nas 'dab lhags spal mig 'thon/ /spal mig byo dang me tog 'bus/ /me
- 45b
tog kha 'bye thams cad rgyas/ /shing yongs 'du sa brtol gyi drung na sum cu rtsa gsum pa'i lha rnams kyi ar mo nig ga lta bu'i rdo leb yod de/ chur dpag tshad lnga bcu/ zheng du yang dpag tshad lnga bcu/ mdza' skor du dpag tshad nyis brgya 'gad du dpag tshad phyed dang drug dang dpag tshad kyi bco brgyad kyi cha gcig yod de/ dbyibs shing blta na sdug la mdzes par bris shing legs par bris pa tshon sna brgya rtsa gcig gis bris te/ 'jam zhing shin tu 'jam pa ni dper na shing bal gyi 'dab ma 'am/ ras bal gyi 'dab ma bzhin te/ rkang pa bzhag na ni nem zhes byed/ rkang pa bteg na ni spar zhes byed la/ me tog man dA ra ba mang pos pus mo nub pa tsam du yongs su khebs te/ de'i dbus na lha'i dbang po brgya byin gyi seng ge'i khri bzang po dang/ sum cu rtsa rtsa gsum pa'i lha lhag ma rnams kyi khri bshams pa yod do/ /de na sum cu rtsa gsum pa'i lha rnams dbyar zla ba bzhi lha'i 'dod pa'i yon tan lnga dag la 'byor cing ldan par gyur te/ rtse zhing dga' ba la dga' dgur spyod de/ rang gi las kyi 'bras bu nyams su myong ngo/ /ar mo nig ga lta bu'i rdo leb kyi kho ra khor yug na me tog gi shing dang 'bras bu'i shing sna tshogs yod pa dag legs par skyes shing dbyibs legs la yongs su grub pa ste/ me tog phreng bar bkod pa bzhin du gyur pa ni dper na me tog phreng rgyud dam/ me tog phreng rgyud kyi slob ma mkhas pas me tog gi phreng ba tha gu la brgyus pa dang/ me tog gi rna rgyan legs par byas pa bzhin te/ thad las skyes pa'i bya sna tshogs skad snyan cing 'jebs pa dang/ skad yid du 'ong ba dang/ skad mnyan pa dang/ 'dod dgur bsgyur ba'i gzugs can rnams skad snyan pa 'byin to/ /de'i nye 'khor na dpag
- 46a
bsam gyi shing sngon po dang/ ser po dang/ dmar po dang/ dkar po rnam pa bzhi yod de/ bzhag gos sngon po dang/ ser po dang/ dmar po dang/ dkar po rnam pa bzhi yod do/ /dpag bsam gyi shing las byung ba'i gos sngon po dang/ ser po dang/ dmar po dang/ dkar po rnam pa bzhi yod do/ /rol mo'i cha byad sna tshogs 'di lta ste/ pi bang dang/ gling bu dang/ pi bang rgyud gsum pa dang/ 'khar rnga dang/ ham shang rnams 'byung ba'i shing dag yod do/ /rgyan sna tshogs lag rgyan dang/ rkang rgyan dang/ rgyan sna ba dang/ mi snang ba rnams 'byung ba'i shing dag yod do/ /lha 'am lha'i bu mo rnams kyis ji lta bur 'dod par sems bskyed ma thag tu de lta bur de dag gi lag tu 'ong bar 'gyur ro/ /bdud rtsi rnam pa bzhi dang/ sbrang rtsi dang sbrang chang gi btung ba dag kyang yod do/ /yang thog rnams dang/ khang ba brtsegs pa rnams dang/ khyim rnams dang/ khang bzang rnams dang/ bsil khang rnams dang/ ltad mo lta ba'i sa rnams dang/ zam pa rnams dang/ pra skan da na ka rnams dang/ pra tsa ra ka rnams dang/ g+harg+ha ra ka rnams dang/ bud med kyi tshogs kyis mdzes par byas shing? lha'i bu mo mang pos brten pa dang/ sil snyan dang/ pheg rdob pa dag gi sgra snyan ba sgrogs pa dang/ dri sna tshogs kyi legs par bsgos pa dang/ kha zas dang/ btung ba dang ldan te/ de na sum cu rtsa gsum pa'i lha rnams 'khor dang bcas pa rtse zhing dga' la dga' dgur spyod de/ rang gi las kyi 'bras bu nyams su myong ngo/ /sum cu rtsa gsum pa'i lha rnams kyi glang po che'i rgyal po skyed mos tshal du spyad pas srung gi bu zhes bya ba gzugs bzang zhing lta na sdug la mdzes pa zhig yod de/ me tog ku mu da'i mdog
- 46b
lta bur thal dkar du 'dug la/ yan lag bdun legs par gnas te/ de'i mgo bo dbyibs legs shing blta na sdug la mdzes te/ sngo zhing srog chags lham bu chu gsher gyi mdog ltar dbus dmar la mche ba drug yod de/ glang po che'i rgyal po sa srung gi bu'i srid du dpag tshad phyed dang gsum/ zheng du dpag tshad gcig/ 'phang du dpag tshad phyed dang gnyis/ mdza' skor du dpag tshad bdun yod do/ /glang po che'i rgyal po sa srung gi bu'i 'khor glang po che brgyad stong yod do/ /de dag thams cad kyang gzugs bzang zhing lta na sdug la/ mdzes pa me tog ku mu da'i mdog ltar thal dkar du 'dug cing yan lag bdun shin tu legs par gnas te/ de dag gi mgo bo yang dbyibs legs shing lta na sdug la mdzes te/ sngo zhing srog chags lham bu chu gsher gyi mdog ltar dbus dmar la mche ba drug yod pa sha stag ste/ gang gi tshe sum cu rtsa gsum pa'i lha rnams skyed mos tshal gyi sar 'gro bar 'dod pa de'i tshe glang po che'i rgyal po sa srung gi bus mgo sum cu rtsa gnyis mngon par sprul te/ mgo re re la mche ba drug drug /mche ba re re la rdzing bu bdun bdun/ /rdzing bu re re la pad+ma bdun bdun/ pad+ma re re la sdong bu bdun bdun/ sdong bu re re la lha'i bu mo bdun bdun/ lha'i bu mo re re la g.yog mo bdun bdun/ g.yog mo re re la bsil snyan bdun bdun mngon par sprul te/ mgo bo de dag thams cad kyi nang na khyad par du 'phags pa gang yin pa de la lha rnams kyi dbang po brgya byin zhon no/ /mgo bo lhag ma rnams la ni nye ba'i dbang po sum cu rtsa gnyis po rnams zhon no/ /glang po che lhag ma rnams la ni sum cu rtsa gsum pa'i lha rnams zhon no/ /de shin tu mgyogs te dper na 'jig pa'i rlung ngam 'chags pa'i rlung bzhin
- 47a
te/ de na lha 'am lha'i bu mo su yang 'di ni bdag gi mdun du 'gro'o zhe 'am/ phyi nas 'ong ngo snyam du sems pa med do/ /de nas glang po che'i rgyal po sa srung gi bus sum cu rtsa gsum pa'i lha rnams so sor grong khyer gyi sgo nas bston no/ /bton nas so sor skyed mos tshal du phyin par byas te/ rdzu 'phrul mngon par 'du byed pa de btang nas 'di lta ste/ lha 'am lha'i bu rdzu 'phrul che zhing mthu che ba gang yang rung ba dang 'dra bar bdag nyid mngon par sprul nas/ lha'i 'dod pa lnga dag la 'byor cing ldan par gyur te/ /rtse zhing dga' la dga' dgur spyod do/ /ji ltar brgya byin lha'i dbang po sum cu rtsa gsum pa'i lha rnams kyi rgyal srid kyi dbang phyug la dbang byed pa de bzhin du/ lha ma yin gyi dbang po thags bzangs ris lha ma yin rnams kyi rgyal srid kyi dbang phyug la dbang byed do/ /sum cu rtsa gsum pa'i lha rnams kyi rgyal po'i pho brang 'khor grong khyer lta na sdug ji lta ba de bzhin du/ lha ma yin rnams kyi rgyal po'i pho brang 'khor yang grong khyer gser ldan zhes bya'o/ /lha'i dbang po brgya byin gyi khang bzangs rnam par rgyal ba ji lta ba de bzhin du/ lha ma yin gyi dbang po thags bzangs ris kyi khang bzangs kyang btams pa can zhes bya'o/ /sum cu rtsa gsum pa'i lha rnams kyi lha'i bdun sa chos bzangs zhes bya ba ji lta ba de bzhin du/ lha ma yin rnams kyi lha ma yin gyi mdun sa nor bzangs zhes bya'o/ /sum cu rtsa gsum pa'i lha rnams kyi skyed mos tshal bzhi 'di lta ste/ /shing rta sna tshogs tshal dang/ rtsub 'gyur tshal dang/ 'dres pa'i tshal dang/ dga' ba'i tshal ji lta ba de bzhin du lha ma yin rnams kyi skyed mos tshal bzhi yang 'di lta ste/ kun dga' ba dang/ rab tu dga' ba dang/ dga' ba dang/ dga' ba'i
- 47b
kun dga' ra ba rnams yin no/ /sum cu rtsa gsum pa'i lha rnams kyi sa bzhi bzang po 'di lta ste/ sna tshogs dang/ rtsub 'gyur dang/ 'dres pa dang/ dga' ba ji lta ba de bzhin du/ lha ma yin rnams kyi sa gzhi bzang po bzhi yang kun tu dga' ba ma dang/ rab tu dga' ba ma dang/ dga' ba ma dang/ dga' ba'i kun dga' ra ba ma rnams so/ /sum cu rtsa gsum pa'i lha rnams kyi shing yongs 'du sa brtol ji lta bu de bzhin du/ lha ma yin rnams kyi shing yang tsit+ta pa ta pa la zhes bya'o/ / sum cu rtsa gsum pa'i lha rnams kyi ar mo nig ga lta bu'i rdo leb ji lta ba de bzhin du lha ma yin rnams kyi yang lha ma yin gyi rdob leb ces bya'o/ /sum cu rtsa gsum pa'i lha rnams kyi glang po che'i rgyal po skyed mos tshal du spyad pa sa srung gi bu ji lta ba de bzhin du lha ma yin rnams kyi glang po che'i rgyal po skyed mos tshal du spyad pa yang te se'i gang brtsegs zhes bya'o/ /sum cu rtsa gsum pa'i lha rnams kyi glang po che'i rgyal po g.yul ngor spyad pa rab tu brtan pa ji lta ba de bzhin du lham yin rnams kyi glang po che'i rgyal po g.yul ngor spyad pa yang bzod par dka' ba zhes bya'o/ /sum cu rtsa gsum pa'i lha rnams kyi rta'i rgyal po sprin gyi shugs can zhes bya ba ji lta ba de bzhin du/ lha ma yin rnams kyi rta'i rgyal po yang brag 'jing zhes bya'o/ /sum cu rtsa gsum pa'i lha rnams kyi lha'i grong khyer ji ltar 'khor dang ldan pa de bzhin du lha ma yin rnams kyi grong khyer yang 'khor dang ldan pa yin no/ /lha ma yin rnams kyi lha ma yin gyi rgyal srid kyang sum cu rtsa gsum pa'i lha rnams kyi ji lta ba bzhin du rgyas par brjod par bya'o/ /'jig rten bzhag pa las tshigs bdun pa'o// //'jig rten bzhag pa// //bam po lnga pa/ /mdo la/ phyed dang drug dang thang gcig mdza' / /thung dang
- 48a
grang dang 'grib pa dang/ rnyog pa dang ni bsdu ba dang/ /phyogs dang shar phyogs 'du shes pa/ /zla ba drug du nyi ma lho phyogs su 'gro ste/ lho phyogs su 'gro ba na dpag tshad phyed dang drug dang dpag tshad kyi bco brgyad cha gcig tu 'dzam bu'i gling las yol te/ rgya mtsho chen po dpag tshad phyed dang drug dang dpag tshad kyi bco brgyad cha gcig khyab par byed do/ /zla ba drug tu nyi ma byang phyogs su 'gro ste/ byang phyogs su 'gro ba na dpag tshad phyed dang drug dang dpag tshad kyi bco brgyad cha gcig tu rgya mtsho chen po las yol te/ 'dzam bu'i gling du dpag tshad phyed dang drug dang dpag tshad kyi bco brgyad kyi cha gcig khyab par byed do/ /zla ba drug tu nyi ma lho phyogs su 'gro ste/ lho phyogs su 'gro ba na nyin mo las thang gcig re re 'grib cing mtshan mo las thang gcig re re skye'o/ /zla ba drug tu nyi ma byang phyogs su 'gro ste/ byang phyogs su 'gro ba na mtshan mo las thang gcig re re 'grib cing nyin mo las thang gcig re re skye'o/ /zla ba drug tu nyi ma lho phyogs su 'gro ste/ lho phyogs su 'gro ba na 'dzam bu'i gling gi mdza' myur du yod do/ /zla ba drug tu nyi ma byang phyogs su 'gro ste/ byang phyogs su 'gro ba na 'dzam bu'i gling gi dbus yun ring mo zhig gis spong ngo/ /ci'i phyir dgun mtshan mo ring la nyin mo thung zhe na/ smras pa/ zla ba drug tu nyi ma lho phyogs su 'gro ste/ lho phyogs su 'gro ba na 'dzam bu'i gling gi mdza' myur du spong ba de'i phyir na dgun mtshan mo ring la nyin mo thung ngo/ /ci'i phyir na dpyid dang dbyar nyin mo ring la mtshan mo thung zhe na/ smras pa/ zla ba drug tu nyi ma byang phyogs su 'gro ste/ byang phyogs su 'gro ba na 'dzam bu'i gling gi dbus yun ring du spong bas de'i phyir na dpyid dang dbyar nyin mo ring la mtshan mo thung ngo/ /ci'i phyir dgun grang bar 'gyur zhe na smras pa/ zla ba
- 48b
drug tu nyi ma lho phyogs su 'gro ste/ lho phyogs su 'gro ba na dpag tshad bzhi khri nas nyi ma'i 'od zer 'byung ba rnams rgya mtsho chen por 'bab pas gling rnams grang bar 'gyur te/ de'i phyir na dgun grang ngo/ /ci'i phyir dpyid dang dbyar dro bar 'gyur zhe na smras pa/ zla ba drug tu nyi ma byang phyogs su 'gro ste/ byang phyogs su 'gro ba na dpag tshad bzhi khri nas 'od zer byung ba rnams gling rnams su 'bab pas gling rnams dro bar 'gyur te/ de'i phyir na dpyid dang dbyar dro bar 'gyur ro/ /ci'i phyir zla ba'i dkyil 'khor mar gyi ngo tshes bcu drug phan chad 'od 'grib cing kha dog dang dkyil 'khor dang chu zheng du 'grib ce na/ smras pa/ nyi ma dang nyi mar 'gro zhing phrad par gyur to/ /'gro ba de rang gi dkyil 'khor las de'i grib ma byung ste/ des de'i dkyil 'khor khebs shing de'i dkyil 'khor g.yog par gyur te/ mi snang bas de'i phyir na/ zla ba'i dkyil 'khor mar gyi ngo tshes bcu drug phan chad 'od 'grib cing mdog dang dkyil 'khor dang chu zheng du 'grib po/ /ci'i phyir zla ba'i dkyil 'khor mar gyi ngo gnam stong la rnam pa thams cad du mi snang zhe na/ smras pa/ nyi ma dang rnam pa thams cad du phrang cing 'grogs te/ de'i rang gi dkyil 'khor las grib ma 'byung bas de'i dkyil 'khor khebs shing des de'i dkyil 'khor g.yogs par gyur te mi snang bas de'i phyir na zla ba'i dkyil 'khor mar gyi ngo gnam stong la rnam pa thams cad du mi snang ngo/ /ci'i phyir zla ba'i dkyil 'khor yar gyi ngo tshes gcig phan chad 'od skye zhing kha dog dang dkyil 'khor dang chu zheng du skye zhe na/ smras pa/ nyi ma dang 'bral zhing 'gro ste/ nyi ma dang bral zhing 'gro ba de rang gi dkyil 'khor las grib ma chu ngur gyur te/ grib ma chu ngur gyur pas de'i dkyil 'khor gyi
- 49a
phyogs snang bar gyur te/ de'i phyir na zla ba'i dkyil 'khor yar gyi tshes gcig phan chad 'od skye zhing kha dog dang dkyil 'khor dang chu zheng du skye'o/ /ci'i phyir zla ba'i dkyil 'khor yar gyi ngo tshes bco lnga la rnam pa thams cad du yongs su rdzogs par 'gyur zhe na/ smras pa/ nyi ma dang rnam pa thams cad du bral te 'gro bas bral ba'i dkyil 'khor de las nyi ma'i 'od zer las gyur pa'i grib ma gang de'i dkyil 'khor la sgrib pa de med par 'gyur te/ des de'i dkyil 'khor snang bar 'gyur bas de'i phyir na zla ba'i dkyil 'khor yar gyi ngo tshes bco lnga la rnam pa thams cad du yongs su rdzogs par 'gyur ro/ /ci'i phyir zla ba'i dkyil 'khor gyi dbus rnyog la mdza' rnam par dang zhing rnyog pa med ce na/ smras pa/ gling gi rnyen gyis de'i dbus rnyog la/ chu'i rnyen gyis de'i mdza' rnam par dang zhing rnyog pa med de/ gling rnams kyi gzugs brnyan gang yin pa des ni dbus rnyog la/ chu'i gzugs brnyan gang yin pa des ni mdza' rnam par dang zhing rnyog pa med do/ /gzhan yang zla ba'i dkyil 'khor gyi steng na kun dga' ra ba dang/ skyed mos tshal dang/ khyim rnams dang/ khang pa brtsegs pa rnams yod pas de'i phyir yang zla ba'i dkyil 'khor gyi dbus rnyog la mdza' rnam par dang zhing rnyog pa med do/ /gang gi tshe 'dzam bu'i gling du nyi ma shar ba de'i tshe shar gyi lus 'phags su nyi ma phyed do/ /byang gi sgra mi snyan na ni nyi ma nub bo/ /nub kyi ba lang spyod na ni nam phyed do/ /gang gi tshe 'dzam bu'i gling du nyi ma phyed du gyur pa de'i tshe shar gyi lus 'phags su ni nyi ma nub po/ /byang gi sgra mi snyan na ni nam phyed do/ /nub kyi ba lang spyod kyi gling na ni nyi ma 'char ro/ /gang gi tshe 'dzam bu'i gling na nyi ma nub pa de'i tshe/ shar gyi lus
- 49b
'phags gling na ni nam phyed do/ /byang gi sgra mi snyan na ni nyi ma 'char ro/ /nub kyi ba lang spyod kyi gling na ni nyi ma phyed do/ /gang gi tshe 'dzam bu'i gling na nam phyed du gyur pa de'i tshe shar gyi lus 'phags kyi gling na ni nyi ma 'char ro/ /byang gi sgra mi snyan na ni nyi ma phyed do/ /nub kyi ba lang spyod kyi gling na ni nyi ma nub po/ /ji ltar 'dzam bu'i gling thog mar byas te bshad pa de bzhin du shar gyi lus 'phags dang/ byang gi sgra mi snyan dang/ nub kyi ba lang spyod kyang thog mar byas te thams cad brjod par bya'o/ /'dzam bu'i gling gi shar phyogs gang yin pa de shar gyi lus 'phags kyi ni lho phyogs so/ /byang gi sgra mi snyan gyi ni nub phyogs so/ /nub kyi ba lang spyod kyi ni byang phyogs so/ /'dzam bu'i gling gi lho phyogs gang yin pa de shar gyi lus 'phags kyi ni nub phyogs so/ /byang gi sgra mi snyan gyi ni byang phyogs so/ /nub kyi ba lang spyod kyi ni shar phyogs so/ /'dzam bu'i gling gi nub phyogs gang yin pa de shar gyi lus 'phags kyi ni byang phyogs so/ /byang gi sgra mi snyan gyi ni shar phyogs so/ /nub kyi ba lang spyod kyi ni lho phyogs so/ /'dzam bu'i gling gi ni byang phyogs gang yin pa de shar gyi lus 'phags kyi ni shar phyogs so/ /byang gi sgra mi snyan gyi ni lho phyogs so/ /nub kyi ba lang spyod kyi nub phyogs te/ ji ltar 'dzam bu'i gling thog mar byas te/ bshad pa de bzhin du byang gi sgra mi snyan dang/ nub kyi ba lang spyod dang/ shar gyi lus 'phags kyang thog mar byas te thams cad brjod par bya'o/ /phyogs ni bzhi yod do/ /shar phyogs dang/ lho phyogs dang/ nub phyogs dang/ byang phyogs so/ /shar phyogs la sems can shar phyogs su 'du shes pa dag kyang yod/ sems can lho phyogs su 'du shes pa dag kyang yod do/ /sems can nub phyogs su 'du shes pa dag
- 50a
kyang yod/ sems can byang phyogs su 'du shes pa dag kyang yod/ lho phyogs la sems can lho phyogs su 'du shes pa dag kyang yod/ /sems can shar phyogs su 'du shes pa dag kyang yod/ sems can nub phyogs su 'du shes pa dag kyang yod do/ /sems can byang phyogs su 'du shes pa dag kyang yod/ nub phyogs la sems can shar phyogs su 'du shes pa dag kyang yod/ sems can lho phyogs su 'du shes pa dag kyang yod/ sems can nub phyogs su 'du shes pa dag kyang yod/ sems can byang phyogs su 'du shes pa dag kyang yod do/ /byang phyogs la sems can shar phyogs su 'du shes pa dag kyang yod/ sems can lho phyogs su 'du shes pa dag kyang yod/ sems can nub phyogs su 'du shes pa dag kyang yod/ sems can byang phyogs su 'du shes pa dag kyang yod de/ phyogs de dang de dag la de ltar tha snyad 'dogs so/ /'jig rten bzhag pa las tshigs brgyad pa'o// //mdo la zla ba nyi ma gnyis kyi tshad/ /skar ma rnams kyang de bzhin te/ /zla drug nyi ma 'gro ba dang/ /gnod par byed pa tha ma yin/ /zla ba'i dkyil 'khor gyi tshad ji tsam zhe na/ smras pa/ zla ba'i dkyil 'khor ni chur dpag tshad lnga bcu/ zheng du yang dpag tshad lnga bcu/ mdza' skor du dpag tshad brgya lnga bcu/ rngams su dpag tshad phyed dang drug dang dpag tshad kyi bco brgyad cha gcig yod de/ dbyibs legs shing lta na sdug la mdzes pa shel las grub pa ste/ gser gyi rabs kun nas skang ngo/ /ra ba de'i 'phang du yang dpag tshad phyed do/ /rab de la rtsig skyabs 'di lta ste/ gser las byas pa dang/ dngul las byas pa dang/ bai DUrya las byas pa dang/ shel las byas pa rnam pa bzhi dang/ gyen du 'phang ba'i
- 50b
mnga' yab dang/ thur du 'phang ba'i mnga' yab dang/ zam pa rgyud ma rnam pa bzhi dag yod do/ /de'i nang gi sa bzhi dbyibs legs shing lta na sdug la mdzes pa ste/ bris shing legs par bris pa tshon sna brgya gcig gis bris te/ 'jam zhing shin tu 'jam pa ni dper na shing bal gyi 'da' ba 'am/ ras bal gyi 'dab ma bzhin te/ rkang pa bzhag na nems zhes byed/ rkeng pa bteg na par zhes byed la me tog man dA ra ba dag gis pus mo nub pa tsam du khebs te/ de ni mi ma yin pa rnams kyi rlung gi mthus me tog rnying ba rnams ni 'thor gsar ba rnams ni legs par 'grems te 'di skad du/ zla ba'i bsod nams dbang gi rkyen gyis na/ /zla ba'i grong khyer dag na rlung chen ldang/ /me tog rnying ba rnams ni 'thor bar byed/ /me tog gsar pa rnams ni legs par 'grems zhes kyang bya'o/ /zla ba'i dkyil 'khor gyi nang na lam srang chur dpag tshad lnga bcu/ zheng du dpag tshad phyed dang gnyis pa gcig yod de/ dbyibs legs shing lta na sdug la mdzes pa/ gser gyi bye ma brdal cing tsan dan gyi chus chag chag btab pa/ de'i glo g.yas g.yon na/ rdzing bu byas pa dag yod de/ rdzing bu de dag kyang gser las byas pa dang/ dngul las byas pa dang/ baiDUrya las byas pa dang/ shel las byas pa'i pha gu rnam pa bzhis brtsigs so/ /rdzing bu de dag gi phyogs bzhin yang them skas byas pa dag yod de/ them skas de dag kyang gser las byas pa dang/ dngul las byas pa dang/ bai DUrya las byas pa dang/ shel las byas pa'i pha gu rnam pa bzhi brtsigs so/ /rdzing bu de dag kyang gser las byas pa dang/ dngul las byas pa dang/ bai DUrya las byas pa dang/ shel las byas pa'i lan kan rnam pa bzhis kun nas bskor te/ gser gyi lan? kan gyi rten ma dang/ gdang bu dang/
- 51a
gzungs gzer ni dngul las byas pa dang/ dngul gyi ni gser las byas so/ /bai DUrya'i ni shel las byas so/ /shel gyi rten ma dang/ gdang bu dang/ gzugs gzer ni bai DUrya las byas te/ dbyibs shel legs shing blta na sdug la mdzes pa/ chu bsil ba dang/ chu sbrang rtsi lta bus gang ba ste/ me tog utpa la dang/ pad+ma dang/ ku mu da dang/ pad+ma dkar pos yongs su khebs shing/ chu nas skyes pa'i bya sna tshogs skad snyan cing 'jebs pa dang/ skad yid du 'ong ba dang/ skad snyan pa dang/ 'dod dgur bsgyur ba'i gzugs can rnams skad snyan pa 'byin to/ /de dag gi nye 'khor na me tog gi shing dang/ 'bras bu'i shing sna tshogs yod pa rnams legs par skyes shing dbyibs legs la yongs su grub pa ste/ me tog phreng bar bkod pa bzhin du gyur pa ni dper na me tog phreng rgyud dam/ me tog phreng rgyud kyi slob ma mkhas pas me tog gi phreng ba tha gu la brgyus pa dang/ me tog gi rna rgyan legs par byas pa bzhin te/ thang las skyes pa'i bya sna tshogs skad snyan cing 'jebs pa dang/ skad yid du 'ong ba dang/ skad snyan pa dang/ 'dod dgur bsgyur ba'i gzugs can rnams skad snyan pa 'byin to/ /dpag bsam gyi shing sngon po dang/ ser po dang/ dmar po dang/ dkar po rnam pa bzhi yod do/ /bzhag gos sngon po dang/ ser po dang/ dmar po dang/ dkar po rnam pa bzhi yod do// dpag bsam gyi shing las byung ba'i gos sngon po dang/ ser po dang/ dmar po dang/ dkar po rnam pa bzhi yod do/ /rol mo'i cha byad sna tshogs pi wang dang/ gling bu dang/ pi wang rgyud gsum pa dang/ 'khar rnga dang/ ham
- 51b
shang rnams 'byung ba'i shing dag yod do/ /rgyan sna tshogs lag rgyan dang/ rkang rgyan dang/ rgyan snang ba dang/ mi snang ba rnams 'byung ba'i shing ngag yod de/ lha dang lha'i bu mo rnams kyis ji lta bur 'dod par sems skyed ma thag tu de lta bur de dag gi lag tu 'ong bar 'gyur ro/ /bdud rtsi rnam pa bzhi dang/ sbrang rtsi dang sbrang chang dag gi btung ba dag kyang yod do/ /yang nges rnams dang/ khang pa brtsegs pa rnams dang/ khyim rnams dang/ khang bzangs rnams dang/ bsil khang rnams dang/ ltad mo lta ba'i sa rnams dang/ zam pa rnams bud med kyi tshogs kyis mdzes par byas shing lha'i bu mo mang pos brten pa dang/ sil snyan dang/ pheg rdob pa rnams kyi sgra snyan par sgrogs pa dang/ dri sna tshogs kyis legs par bsgos pa dang/ kha bas dang/ btung ba dang/ ldan pa dag yod de/ de na lha'i bu zla ba 'khor dang bcas pa rtse zhing dga' la dga' dgur spyod de/ rang gi las kyi 'bras bu nyams su myong ngo/ /nyi ma'i dkyil 'khor gyi tshang ni ji tsam zhe na smras pa/ nyi ma'i dkyil 'khor ni chung dpag tshad lnga bcu rtsa gcig /zheng du yang dpag tshad lnga bcu rtsa gcig /mdza' skor du dpag tshad lnga bcu rtsa gsum/ rngams su dpag tshad phyed dang drug dang dpag tshad kyi bco brgyad cha gcig yod de/ dbyibs legs shing blta na sdug la mdzes pa shel las grub pa ste/ gser gyi rabs kun nas bskor to/ /ra ba de'i 'phang du yang dpag tshad phyed yod la ra ba de'i rtsig skyab 'di lta ste/ gser las byas pa dang/ dngul las byas pa dang/ bai DUrya las byas pa dang/ shel las byas pa rnam pa bzhi dang/ gyen du 'phang pa'i 'da' yab dang/ thur du 'phang pa'i mnga' yab dang/ zam pa rgyus ma rnam pa bzhi dag yod do/ /de'i nang gi sa gzhi dbyibs legs shing lta na sdug la mdzes pa ste/ bris shing legs par bris pa tshon sna brgya rtsa gcig gis
- 52a
bris te/ 'jam zhing shin tu 'jam pa ni dper na shing bal gyi 'dab ma'am/ ras bal gyi 'dab ma bzhin te/ rkang pa bzhag na ni nems zhes byed/ rkang pa brteg na ni par zhes byed la/ me tog man dA ra ba dag gis pus ma nub pa tsam du khebs te de na mi ma yin pa rnams kyi rlung gi mthus me tog snying pa rnams ni 'thor?/ me tog gsar pa rnams ni legs par 'grems te/ 'di skad du/ nyi ma'i bsod nams dbang gis rkyen gyis na/ /nyi ma'i grong khyer dag na rlung chen ldang/ /me tog rnying pa rnams ni 'thor bar byed/ /me tog gsar pa rnams ni legs par 'grems zhes kyang bya'o/ /nyi ma'i dkyil 'khor gyi nang na lam srang chur dpag tshad lnga bcu rtsa gcig /zheng du dpag tshad phyed dang gnyis pa zhig yod de/ dbyibs legs shing lta na sdug la mdzes pa/ gser gyi bye ma bdal zhing tsan dan gyi chus chag chag btab pa/ de'i glo g.yas g.yon na rdzing bu byas pa dag yod de/ rdzing bu de dag kyang gser las byas pa dang/ dngul las byas pa dang/ baiDUrya las byas pa dang/ shel las byas pa'i pha gu rnam pa bzhis brtsigs so/ /rdzing bu de dag gi phyogs bzhin yang them skas byas pa dag yod de/ them skas de dag kyang gser las byas pa dang/ dngul las byas pa dang/ bai DUrya las byas pa dang/ shel las byas pa'i pha gu rnam pa bzhis brtsigs so/ /rdzing bu de dag kyang gser las byas pa dang/ dngul las byas pa dang/ baiDUrya las byas pa dang/ shel las byas pa'i lan kan rnam pa bzhis kun nas bskor te/ gser gyi lan kan gyi rten ma dang/ gdang bu dang/ gzungs gzer ni dngul las byas so/ /dngul gyi ni gser las byas so/ /bai DUrya'i ni shel las byas so/ /shel gyi rten ma dang/ gdang bu dang/ gzungs gzer ni baiDUrya las byas te/ dbyibs legs shing blta na sdug la mdzes pa/ chu bsil
- 52b
ba dang chu sbrang rtsi lta bus gang ba ste/ me tog utpa? la dang/ pad+ma dang/ ku mu da dang/ pad+ma dkar pos yongs su khebs te/ chu las skyes pa'i bya sna tshogs skad snyan cing 'jebs pa dang/ skad yid du 'ong ba dang/ skad snyan pa dang/ 'dod dgur bsgyur ba'i gzugs can rnams skad snyan pa 'byin to/ /de dag gi nye 'khor na me tog gi shing dang 'bras bu'i shing sna tshogs yod pa rnams legs par skyes shing dbyibs legs la yongs su sgrub pa ste/ me tog phreng bar bkod pa bzhin du gyur pa ni dper na me tog phreng rgyud dam/ me tog phreng rgyud kyi slob ma mkhas pas me tog gi phreng ba tha gu la brgyus pa dang/ me tog gi sna rgyan legs par byas pa bzhin te/ thar las skyes pa'i bya sna tshogs skad snyan cing 'jebs pa dang/ skad yid du 'ong ba dang/ skad snyan pa dang/ 'dod dgud? bsgyur ba'i gzugs can rnams skad snyan pa 'byin to/ /dpag bsam gyi shing sngon po dang/ ser po dang/ dmar po dang/ dkar po rnam sa bzhi yod do/ /bzhag gos sngon po dang/ ser po dang/ dmar po dang/ dkar po rnam pa bzhi yod do?/ /dpag bsam gyi shing las byung ba'i gos sngon po dang/ ser po dang/ dmar po dang/ dkar po rnam pa bzhi yod do/ /rol mo'i cha byad rnam pa sna tshogs pi wang dang/ gling bu dang/ pi wang rgyad gsum pa dang/ 'khar rnga dang/ ham shang rnams 'byung ba'i shing dag yod do/ /rgyan sna tshogs lag rgyan dang/ rkang rgyan dang/ rgyan snang ba dang/ mi snang ba rnams 'byung ba'i shing dag yod de/ lha 'am lha'i bu mo rnams kyi ji lta bur 'dod par sems bskyed ma thog tu/ de lta bur de dag gi lag tu 'ong bar 'gyur ro/ /bdud rtsi rnam pa bzhi dang/ sbrang rtsi dang sbrang tshang gi btung ba dag kyang yod do/ /yid thog rnams dang/ khang pa brtsegs pa rnams dang/ khyim rnams dang/ khang bzangs rnams dang/ bsil khang rnams dang/ ltad mo lta ba'i sa dang/ zam pa rnams bud med kyi tshogs kyis mdzes par byas shing lta'i bu mo mang pos brten pa dang/ sil snyan
- 53a
dang/ pheg rdob pa dag gi sgra snyan pa sgrogs pa dang/ dri sna tshogs kyis legs par bsgos pa dang/ kha zas dang btung ba dang ldan pa dag yod de/ de na lha'i bu nyi ma 'khor dang bcas pa rtse zhing dga' la dga' dgur spyod de/ rang gi las kyi 'bras bu nyams su myong ngo/ /skar ma'i gzugs rnams kyi tshad ni ji tsam zhe na/ smras pa/ skar ma'i gzugs rnams la thams cad kyi nad na che ba gang yin pa de dag ni rgyang grags bco brgyad pa'o/ /thams cad kyi nang na chung ba gang yin pa de dag ni rgyang grags gsum mo/ /phal cher ni rgyang grangs bcu dang bcu gnyis pa yin te/ dbyibs legs shing blta na sdug la mdzes pa shel las grub pa ste/ gser gyi ra bas kun nas bskor to/ /ra ba de la rtsig skyabs gser las byas pa dang/ dngul las byas pa dang/ bai DUrya las byas pa dang/ shel las byas pa bzhi dang/ mnga' yab dang/ ltad mo lta ba'i sa rnam pa bzhi yod do/ /de'i nang gi sa gzhi yang dbyibs legs shing blta na sdug la mdzes par bris shing legs par bris pa tshon sna brgya rtsa gcig gis bris te/ 'jam zhing shin tu 'jam pa ni dper na shing bal gyi 'dab ma 'am/ ras bal gyi 'dab ma bzhin te/ rkang pa bzhag na ni nems zhes byed/ rkang pa bteg na ni sbar zhes byed la/ me tog man dA ra ba dag gis pus mo nub tsam du khebs te/ rlung gi mthus me tog rnying pa rnams ni 'thor/ me tog gsar pa rnams ni legs par 'groms te 'di skad du/ lha rnams bsod nams dbang gi rkyen gyis na/ /gzhal med khang mchog dag na rlung chen ldang/ /me tog rnying pa rnams ni 'thor bar byed// me tog gsar pa rnams ni legs par 'grems zhes kyang bya'o/ /de dag gis nang na rdzing bu byas pa dag yod de/ rdzing bu de dag kyang gser las byas pa dang/ dngul las byas pa dang/ bai DUrya las byas pa dang/ shel las byas pa'i pha gu rnam
- 53b
pa bzhis brtsigs so/ /rdzing bu de dag gi phyogs bzhin yang them skas byas pa dag yod de/ them skas de dag kyang gser las byas pa dang/ dngul las byas pa dang/ baiDUrya las byas pa dang/ shel las byas pa'i pha gu rnam ba bzhis brtsigs so/ /rdzing bu de dag kyang gser las byas pa dang/ dngul las byas pa dang/ baiDUrya las byas pa dang/ shel las byas pa'i lan kan rnam pa bzhis kun nas bskor te/ gser gyi lan kan gyi rten ma dang/ gdang bu dang/ gzungs gzer ni dngul las byas so/ /dngul gyi ni gser las byas so/ /bai DUrya'i ni shel pas byas so/ /shel gyi rten ma dang/ gdang bu dang/ gzungs gzer ni baiDUrya las byas te/ dbyibs legs shing lta na sdug la mdzes pa/ chu bsil ba dang/ chu sbrang rtsi lta bus gang ba ste/ me tog utpa la dang/ pad+ma dang/ ku mu da dang/ pad+ma dkar pos yongs su khebs shing/ chu nas skyes pa'i bya sna tshogs skad snyan cing 'jebs pa dang/ skad yid du 'ong ba dang/ skad snyan pa dang/ 'dod dgur bsgyur ba'i gzugs can rnams skad snyan pa 'byin to/ /de dag gi nye 'khor na me tog gi shing dang 'bras bu'i shing sna tshogs yod pa rnams legs par skyes shing dbyibs legs pa yongs su grub pa ste/ me tog phreng bar bkod pa bzhin du gyur pa ni dper na me tog phreng rgyud dam/ me tog phreng rgyud kyi slob ma mkhas pas me tog gi phreng ba tha gu la rgyus pa dang/ me tog gi sna rgyan legs par byas pa bzhin te/ thang las skyes pa'i bya sna tshogs skad snyan cing 'jam pa dang/ skad yid du 'ong ba dang/ skad snyan pa dang/ 'dod dgur bsgyur ba'i gzugs can rnams skad snyan pa 'byin to/ /dpag bsam gyi shing sngon po dang/ ser po dang/ dmar po dang/ dkar po rnams yod de/ /rgyas par snga ma bzhin no/ /de dag na gzhal med khang na gnas pa'i lha'i bu rnams rtse zhing dga' la dga' dgur spyod de/ rang gi las kyi 'bras bu nyams su myong ngo/ /nyi mas zla ba drug tu bgrod pa gang yin pa de ni
- 54a
zla bas zla ba gcig tu 'gro ba dang 'ong bar byed do/ /ci'i phyir nyi ma'i dkyil 'khor la bltas na mig la gnod par 'gyur la/ zla ba'i dkyil 'khor la bltas na ni mig la gnod par mi 'gyur zhe na smras pa/ zla ba'i dkyil 'khor ni chu shel yang yin zhing/ shel dad pa yang yin la/ nyi ma'i dkyil 'khor ni me shel yin pas de'i phyir na nyi ma'i dkyil 'khor la bltas na ni mig la gnod par 'gyur la/ zla ba'i dkyil 'khor la bltas na ni gnod par mi 'gyur ro/ /'jig rten bzhag pa las tshigs dgu pa'o// // mdo la/ 'byung ba chen por 'du shes dang/ /bdag tu yang ni 'du shes pa/ /nam mkha' la ni sar 'du shes/ /dus ni gnyis su byas pa dang/ /skad cig pa ni tha ma yin/ /'byung ba chen po bzhi ni sa'i khams dang/ chu'i khams dang/ me'i khams dang/ rlung gi khams dang/ sems can sa la sar 'du shes pa dag kyang yod/ chur 'du shes pa dag kyang yod/ mer 'du shes pa dag kyang yod/ rlung du 'du shes pa dag kyang yod do/ /sems can chu la sar 'du shes pa dag kyang yod/ chur 'du shes pa dag kyang yod/ mer 'du shes pa dag kyang yod/ rlung du 'du shes pa dag kyang yod do/ /sems can me la sar 'du shes pa dag kyang yod/ chur 'du shes pa dag kyang yod/ mer 'du shes pa dag kyang yod/ rlung du 'du shes pa dag kyang yod do/ /sems can rlung la sar? 'du shes pa dag yod/ chur 'du shes pa dag kyang yod/ mer 'du shes pa dag kyang yod/ rlung du 'du shes pa dag kyang yod do/ /sems can sa la bdag du 'du shes pa dag kyang yod/ sa'i khams gang yin pa de ni bdag yin la/ bdag gang yin pa de ni sa yin te/ de ltar sa dang bdag gnyis su dbyer med cing tha dad pa ma yin te/ bdag gi bdag ni rdzogs pa yin no/ /zhes nas de dag sa la bkur stir byed/ btsun par byed/ ri mor byed/ mchod par byed do/ /de dag gis bkur stir byas/ btsun par byas/ ri mor byas so/ /mchod par byas nas/ dga' zhing
- 54b
mgu la yid rangs te/ bkur stir byed cing nye bar bsten te gnas la sems kyis lung bstan pa yin no/ /sems can chu dang me dang rlung la bdag du 'du shes pa dag kyang yed de/ rlung gang yin pa de ni bdag yin la/ bdag gang yin pa de ni rlung yin te/ de ltar rlung dang bdag gnyis su dbyer med cing tha dad pa ma yin te/ bdag gis bdag ni rdzogs pa yin no zhes nas de dag rlung la bkur stir byed/ btsun par byed/ ri mor byed/ mchod par byed do/ /de dag gis bkur stir byas/ btsun par byas/ ri mor byed/ mchod par byas nas dga' zhing mgu la yid rangs te/ bkur stir byed cing nye bar bsten te gnas la sems kyis lung bstan pa yin no/ /sems can sa la nam mkhar 'du shes pa dag kyang yod do/ /nam mkha' la sar 'du shes pa dag kyang yod de/ /sa la nam mkhar 'du shes pa ji lta bu zhe na/ til med pa'i mi la la zhig gis khron pa brko ba'i mi 'ga' zhig la 'di skad du/ kye sdong po me reg ma dang 'dra ba'i mi/ glang mthong dam zhes smras so/ /des smras pa ma mthong ngo/ /til za 'am mi za smras pa mi za'o zhes so/ /de ltar na sa la nam mkhar 'du shes pa yin no/ ji ltar na nam mkha' la ser 'du shes zhe na/ smras pa/ ji ltar bram ze la la zhig bong bu'i shing rtas song nas bong bu'i shing rta las babs te/ bong bu'i shing rta phur bu la btags nas phur bu nam mkha' la btab ste/ btsugs nas mog la dkris te/ sal gan rgyal du nyal ba de bzhin du nam mkha' la sar 'du shes pa yin no/ /lo gcig la dus gcig tu mtshan mo ni yud tsam bco brgyad/ nyin ma ni yud tsam bcu gnyis yod do/ /lo gcig la dus gcig tu mtshan mo ni yud tsam bco brgyad/ nyin mo ni yud tsam bcu gnyis pa de gang zhe na/ dgung zla tha chungs yar gyi do tshes brgyad la mtshan mo ni yud tsam bco brgyad/ nyin mo ni yud tsam bcu gnyis yod do/ /tshes dgu phan chad ni mtshan mo ni 'bri/ nyin mo ni skye ste/ mtshan mo ni thang cig re ris 'bri'o
- 55a
nyin mo ni thad cig re res skye'o/ /lo gcig la dus gcig tu nyin mo ni yud tsam bco brgyad/ mtshan mo ni yud tsam bcu gnyis pa yod de/ lo gcig la dus gcig tu nyin mo ni yud tsam bco brgyad/ mtshan mo ni yud tsam bcu gnyis pa de gang zhe na/ smras pa/ ston zla ra ba yar gyi ngo tshes brgyad la nyin mo ni yud tsam bco brgyad/ mtshan mo ni yud tsam bcu gnyis yod do/ /tshes dgu phan chad ni nyin mo 'bri/ mtshan mo ni skye ste/ nyin mo ni thang cig re res 'bri'o/ /mtshan mo ni thang cig re res skye'o/ lo gcig la dus gnyis su mtshan mo yang yud tsam bco lnga/ nyin mo la yang yud tsam bco lnga pa yod de/ lo gcig la dus gnyis su mtshan mo yang yud tsam bco lnga/ nyin mo yang yud tsam pa bco lnga gang zhe na/ smras pa/ dpyid zla tha chungs yar gyi de tshes brgyad dang ston zla tha chung yar gyi ngo tshes brgyad la mtshan mo yang yud tsam bco lnga/ nyin mo yang yud tsam bco lnga yod do/ /tshes bzhi yod de/ bzhi gang zhe na/ skad cig dang/ de'i skad cig dang/ thang gcig dang/ yud tsam rnams so/ /skad cig pa brgya nyi shul ni de'i skad cig go /de'i skad cig drug cu la ni thang gcig go /thang gcig sum cu la ni yud tsam cig go /yud tsam sum cu la ni nyin zhag cig go /nyin zhag sum cu'i cha gcig ni yud tsam cig go /yud tsam gyi sum cu cha gcig ni skad gcig go/ thang gcig gi drug cu cha gcig ni de'i skad cig go /de'i skad cig gis brgya nyi shu'i cha gcig gi skad cig go/ skad cig gi tshad ji tsam zhe na/ 'di lta ste/ bud med bal 'khal ba 'brid gis ha cang mi ring ha cang mi thung bar bal bsnyad pa de tsam gyi yun ni skad cig gyi tshad yin no/ /de lta bu'i skad cig brgya nyi shu la de'i skad cig go /de'i skad cig de lta bu drug cu la thang gcig go /thang gcig de lta bu sum cu la yud tsam gcig go /yud tsam de lta bu sum cu la nyin zhag gcig go /nyin zhag de sum cu la zla ba
- 55b
gcig go /zla ba bcu gnyis la lo gcig go /'jig rten bzhag pa las tshigs su bcu pa'o// //gleng bzhi ni yul mnyan du yod pa ste/ bcom ldan 'das kyis 'di skad du/ bskal pa ni grangs med pa bzhi ste/ grangs med pa dag gi bskal pa 'jig go/ grangs med pa dag gis bskal pa zhig bar gnas so/ /grangs med pa dag gis bskal pa chags so/ /grangs med pa dag gis bskal pa chags par gnas so zhes gsungs so/ /bar gyi bskal pa brgyad cu la ni bskal pa chen po gcig ste/ bar gyi bskal pa nyi shus ni 'jig rten 'jig go /bar gyi bskal pa nyi shus ni 'jig rten zhig par gnas so/ /bar gyi bskal pa nyi shus ni 'jig rten 'chags so/ /bar gyi bskal pa nyi shus ni 'jig rten 'chags par gnas so/ /'jig pa ni rnam pa gsum ste/ mes 'jig pa dang/ chus 'jig pa dang/ rlung gis 'jig pa'o/ /'jig pa gsum gyis rtse mo ni 'od gsal dang/ dge rgyas dang/ 'bras bu che ba rnams te/ gang gis tshe mes 'jig pa 'byung ba de'i tshe 'od gsal gyi lha rnams la 'jig pa'i rtse mo thug go / gang gi tshe chus 'byung ba de'i tshe/ dge rgyas kyi lha rnams la 'jig pa'i rtse mo thug go /gang gi tshe rlung gis 'jig pa 'byung ba de'i tshe 'bras bu che ba'i lha rnams 'jig pa'i rtse mo thug go /mes 'jig pa lan bdun zhing chus 'jig pa lan cig /chus 'jig pa lan bdun zhing rlung gis 'jig pa lan cig 'byung ngo/ /bar gyi bskal pa ni gsum ste/ mtshon gyi bar gyi bskal pa dang/ nad kyi bar gyi bskal pa dang/ mu ge'i bar gyi bskal pa ste/ bskal pa ni mtshon dang nang dang mu ge gsum gyis mthar thug par 'gyur ro/ /gang gi tshe mtshon gyi bar gyi bskal pa 'od du cha zhing 'byung du nye bar 'gyur ba de'i tshe mi rnams kyi tshe lo bcu thub par gyur te/ tshe lo bcu pa'i mi rnams kyi nang na gang yun ring du 'tsho ba des lo bcu thub ste dper na da ltar gyi mi rnams kyi nang na gang
- 56a
yun ring du 'tsho zhing ci legs ci bder rim gro byed pa des lo brgya'am/ cung zad lhag par thub pa de bzhin du/ tshe lo bcu pa'i mi rnams kyi nang na gang yun ring du 'tsho ba des lo bcu thub po/ /tshe lo bcu pa'i mi rnams kyi bu gcig pa sdug cing yid du 'ong ba la mas legs su smon pa na bdag gi bu lo bcu pa'i bar du yun ring du 'tshe bar gyur cig ces legs par smon lam byed de/ dper na da ltar gyi mi rnams kyi bu gcig pa sdug cing yid du 'ong ba la mas legs su smon pa na 'di skad du bdag gi bu lo brgya'i bar du yun ring du 'tsho bar gyur cig ces legs su smon par byed pa de bzhin du/ tshe lo bcu pa'i mi rnams kyi bu gcig pa sdug cing yid du 'ong ba la mas legs su smon pa na 'di skad du/ bdag gi bu lo bcu pa'i bar du yun ring du 'tsho bar gyur cig ces legs su smon par byed do/ /tshe lo bcu pa'i mi rnams kyi bu mo bcas nas zla ba lnga lon pa na khyim thab la gtong bar 'gyur te/ dper na da ltar gyi mi rnams kyi bu mo lo bco lnga'am/ bcu drug lon pa na khyim thab la gtong ba de bzhin du/ tshe lo bcu pa'i mi rnams kyi bu mo btsas nas zla ba lnga lon pa la khyim thab la gtong par 'gyur ro/ /tshe lo bcu pa'i mi rnams kyi gos kyi nang na skra'i la ba mchog tu gyur te/ dper na da ltar gyi mi rnams kyi gos ka shi ka'i ras phra mo 'am/ zar ma'i ras phra mo 'am/ du gu la'i ras phra mo 'am/ ko tam pa'i ras phra mo mchog yin pa de bzhin du/ tshe lo bcu pa'i mi rnams kyi gos kyi nang na skra'i la ba mchog tu 'gyur ro/ /tshe lo bcu pa'i mi rnams kyi kha zas kyi nad na ko Ta ba mchog tu 'gyur te/ dper na da ltar gyi mi rnam zas kyi nang na 'bras swa lu'i chan nag po'i bag bsal ba tshod ma dang/ /gu ba dang/ bya sna tshogs dang ldan pa/ mchog yin pa de bzhin du/ tshe lo bcu pa'i mi rnams kyi nang na ko Ta pa mchog tu 'gyur ro/ /tshe lo bcu pa'i mi rnams kyi ro rnam pa lnga nub par
- 56b
'gyur te/ lnga gang zhe na/ 'o ma yang yod zho yang yod mod kyi mar mi 'byung ngo/ /til yang yod til gyi phye ma yang yod mod kyi til mar mi 'byung ngo/ /sbrang bu yang yod sbrang rtsi yang yod mod kyi sbrang rtsi'i 'byung ngo/ /bu ram shing yang yod khu ba yang yod mod kyi bu ram du mi 'gyur ro/ /lan tsha ni gtan med par 'gyur ro/ /tshe lo bcu pa'i mi rnams mtshon chas brgyan par 'gyur zhing mtshon chas bzhag par 'gyur te/ dper na da ltar gyi mi rnams kyi rgyan mgul gdub pa ma/ gdu bu rgyan can nam rna cha gdub 'khor rnams sam dpung rgyan rnams sam/ lag pa'i rgyan rnams sam/ rkang pa'i rgyan rnams sam/ sor gang? bu gyi rgyan rnams sam/ gser dngul gyi phreng ba thogs pa de bzhin du che lo bcu pa'i mi rnams mtshon chas brgyan cing mtshon chas bzhag par 'gyur ro/ /tshe lo bcu ba'i mi rnams kyi nang na gang mar mi 'dzin pa dang/ phar mi 'dzin pa dang/ dge spyod du mi 'dzin pa dang/ bram zer mi 'dzin pa de dag bkur ba dang/ gces su byas pa dang/ rab tu bsngags par 'gyur te/ dper na da ltar gyi mi rnams kyi nang na gang mar 'dzin pa dang/ phar 'dzin pa dang/ dge spyod du 'dzin pa dang/ bram zer 'dzin pa de dag bkur zhing gces par bya ba dang/ rab tu bsngags pa de bzhin du/ tshe lo bcu pa'i mi rnams kyi nang na gang mar mi 'dzin pa dang/ phar mi 'dzin pa dang/ dge spyod du mi 'dzin pa dang/ bram zer mi 'dzin pa de dag bkur zhing gces su byas pa dang/ rab tu bsngags par 'gyur ro/ /tshe lo bcu pa'i mi rnams sems can gcig gis gcig mthong na zhe sdang ba'i sems dang/ bsad pa'i sems nye bar gnas par 'gyur te/ dper na da ltar gyi mi rnams la ri dags kyi rngon pas dgon pa'i ri dags mthong na shas cher zhe sdang ba'i sems dang/ bsad pa'i sems nye bar gnas pa de bzhin du/ tshe lo bcu pa'i mi rnams gcig gis gcig mthong na/ shes cher zhe sdang ba'i sems dang/ bsad pa'i
- 57a
sems nye bar gnas par 'gyur ro/ /tshe lo bcu pa'i mi rnams kyi gnas rnams su zhag bdun du mtshon 'byung bar 'gyur te/ de dag gis shing ngam/ gseg ma 'am/ gyo mo 'ang rung ste/ gang dang gang la nom pa de dag thams cad mtshon cha bzhin du rno zhing 'jebs par 'gyur te/ shin tu rno zhing 'jebs pa de dang/ de dag gis gcig la gcig srog dang bral bar byed de/ gnyen 'dun zad pa dang/ longs spyod zad pa dang/ nor zad par 'gyur ro/ /mtshon gyi bar gyi bskal pa de yang zhag bdun kho nar zad do/ zhag bdun 'das nas mthar thug par brjod par bya'o/ /de'i tshe gang su yang rung ste/ shi ba de dag thams cad lus dang bral nas sems can dmyal ba rnams su skye bar 'gyur ro/ /de na mi gang dag mtshon gyi bskal pa des 'dog cing 'jem par 'gyur la/ smod cing rnam par smod pa de dag las kha cig ni chu'i rdzong dang/ ri'i rdzong dang/ rdza stug po dang/ nags tshal stug po dag tu zhugs te/ der zhag bdun gyi bar du rtsa ba dang/ chus 'tsho zhing 'dug nas grong dang/ grong rdal dang/ yul 'khor dang rgyal po'i pho brang 'khor tu phyir log ste/ sems can de dag gcig gis gcig mthong na shas ches byams pa dang/ sdug pa dang/ gus pa dang/ snying brtse ba'i sems nye bar gnas par 'gyur te/ 'di skad du/ kye kye ma sems can gson po mthong ngo/ /kye kye ma sems can gson po mthong ngo zhes kyang 'dzer to/ /dper na da ltar gyi mi rnams kyi ma la bu gcig pa sdug pa yid du 'ong ba zhig yod la/ zla ba brgyad dam zla ba dgu lon te phrad na shas ches byams pa dang/ sdug pa dang/ gus pa dang/ snying brtse ba'i sems nye bar gnas pa 'di skad du/ kye ma bu gson po mthong ngo/ /kye ma bu gson po mthong ngo zhes zer? ba de bzhin du/ sems can de dag gcig gis gcig mthong na shas cher byams pa dang/ sdug pa dang/
- 57b
gus pa dang/ snying brtse ba'i sems nye bar gnas par 'gyur te/ 'di skad du/ kye kye ma sems can gson po mthong ngo/ /kye kye ma sems can gson po mthong ngo zhes kyang 'dzer to/ /bar gyi mdo la/ ring du gang 'tsho ma dang bu mo dang/ /gos dang zas dang nub ?bar 'gyur pa dang/ /rgyan rnams dang ni bkur dang sdang ba dang/ zhag bdun gnas rnams su ni mtshon cha 'byung/ /sems can de dag 'di skad du/ bdag cag mtshon chas srog gcod pa 'dis gcig la gcig rnam par brlag pa la zhugs pas mnyen 'dun zad par gyur cing longs spyod zad pa dang nor zad par gyur gyis bdag cag gi dge ba'i chos 'ga' zhig yang dag par blangs te 'khod par bya na/ bdag cag gi dge ba'i chos gang zhig yang dag par blangs te 'khod par bya snyam du sems so/ /de dag 'di snyam du kye ma bdag cag ni srog gcod pa yin gyi bdag cag gi mtshon chas srog gcod pa spang bar bya'o zhes nas de dag mtshon chas srog gcod pa spong ngo/ /tshe lo bcu pa'i mi mtshon chas srog gcod pa spong ba de dag gi bu dang bu mo btsas pa rnams tshe lo nyi shu thub par gyur to/ /tshe lo nyi shu pa'i mi rnams 'di snyam du/ kye ma dge ba'i chos rnams yang dag par blangs pa'i phyir tshe yang nur la kha dog dang stobs dang bde ba dang longs spyod dag kyang 'phel bar snang gis/ bdag cag gis yang lhag par dge ba'i chos 'ga' zhig yang dag par blangs te/ 'khod par bya na bdag cag gis dge ba'i chos gang zhig yang dag par blangs te 'khod par bya snyam du sems so/ de dag 'di snyam du kye ma bdag cag ni ma byin par len pa yin gyi bdag cag gis ma byin par len pa spang bar bya'o zhes nas de dag ma byin par len pa spong ngo/ /tshe lo nyi shu pa'i mi ma byin par len pa spong ba de dag gi bu dang bu mo btsas pa rnams tshe lo bzhi bcu thub par gyur te/ de dag las kha cig ni tshe lo lnga bcu thub
- 58a
bar 'gyur to/ /tshe lo lnga bcu pa'i mi rnams 'di snyam du kye ma dge ba'i chos rnams yang dag par blangs pa'i phyir tshe yang nur la kha dog dang stobs dang bde ba dang/ longs spyod dag kyang 'phel bar snang gis/ bdag cag gis yang lhag bar dge ba'i chos 'ga' zhig yang dag par blangs te 'khod par bya na/ bdag cag gis dge ba'i chos gang zhing yang dag par blangs te 'khod par bya snyam du sems so/ /de dag 'di snyam du kye bdag cag ni 'dod pa log par g.yem pa yin gyi/ bdag cag gis 'dod pa la log par g.yem pa spang bar bya'o zhes nas de dag 'dod pa la log par g.yem pa spong ngo/ /tshe lo lnga bcu pa'i mi 'dod pa la log par g.yem pa spong ba de dag gi bu dang bu mo btsas pa rnams tshe lo brgya thub par gyur to/ /tshe lo brgya pa'i mi rnams 'di snyam du dge ba'i chos rnams yang dag par blangs pa'i phyir tshe yang nur la/ kha dog dang stobs dang bde ba dang/ longs spyod dag kyang 'phel bar snang gis/ bdag cag gis yang lhag par dge ba'i chos 'ga' zhig yang dag par blangs te 'khod par bya na/ bdag cag gis dge ba'i chos gang zhig yang dag par blangs te/ 'khod par bya snyam du sems so/ /de dag 'di snyam du kye ma bdag cag ni brdzun du smra ba yin gyis bdag cag gis brdzun du smra ba spang bar bya'o zhes nas de dag brdzun du smra ba spong ngo/ /tshe lo brgya pa'i mi brdzun du smra ba spong ba de dag gi bu dang bu mo btsas pa rnams tshe lo nyis brgya thub par 'gyur te/ de dag las kha cig ni tshe lo nyis brgya lnga bcu thub par gyur to/ /tshe lo nyis brgya lnga bcu pa'i mi rnams 'di snyam du kye dge ba'i chos rnams yang dag par blangs pa'i phyir tshe yang nur la/ kha dog dang stobs dang bde ba dang/ longs spyod kyang 'phel bar snang gis bdag cag gis yang lhag par dge ba'i chos 'ga' zhig yang dag par blangs
- 58b
te 'khod par bya na/ bdag cag gi dge ba'i chos 'ga' zhig yang dag par blangs te 'khod par bya snyam du sems so/ /de dag 'di snyam du kye bdag cag ni phra ma can yin gyis bdag cag gis phra ma spang bar bya'o zhes nas de dag phra ma spong ngo/ /tshe lo nyis brgya lnga bcu pa'i mi phra ma spong ba de dag gi bu dang bu mo btsas pa rnams tshe lo lnga brgya thub par gyur te/ tshe lo lnga brgya pa'i mi rnams 'di snyam du kye dge ba'i chos rnams yang dag par blangs pa'i phyir tshe yang nur la/ kha dog dang stobs dang bde ba dang longs spyod kyang 'phel bar snang gi bdag cag gis yang lhag par dge ba'i chos 'ga' zhig yang dag par blangs te 'khod par bya na/ bdag cag gi dge ba'i chos gang zhig yang dag par blangs te 'khod par bya snyam du sems so/ /de dag 'di snyam du kye bdag cag ni tshig rtsub po smra ba yin gyis bdag cag gis tshig rtsub po spang bar bya'o zhes nas de dag tshig rtsub po spong ngo/ /tshe lo lnga brgya pa'i mi tshig rtsub po spong ba de dag gi bu dang bu mo btsas pa rnams tshe lo stong thub par gyur to/ /tshe lo stong thub pa'i mi rnams 'di snyam du kye dge ba'i chos rnams yang dag par blangs pa'i phyir tshe yang nur la/ kha dog dang stobs dang bde ba dang/ longs spyod dag kyang 'phel bar snang gis/ bdag cag gis yang lhag par dge ba'i chos 'ga' zhig yang dag par blangs te 'khod par bya na/ bdag cag gis dge ba'i chos gang zhig yang dag par blangs te/ 'khod par bya snyam du sems so/ /de dag 'di snyam du kye bdag cag ni tshig 'khyal pa can yin gyis bdag cag gis tshig 'khyal pa spang bar bya'o zhes nas de dag tshig 'khyal pa spong ngo/ /tshe lo stong pa'i mi tshig 'khyal pa spong ba de dag gi bu dang bu mo btsas pa rnams tshe lo nyis stong thub par 'gyur te/ de dag las kha cig ni tshe lo nyis stong lnga brgya thub par gyur to/ /tshe lo nyis stong lnga brgya pa'i mi rnams 'di snyam du kye dge ba'i chos rnams yang dag par blangs pa'i phyir tshe yang nur la/ kha
- 59a
dog dang stobs dang bde ba dang longs spyod dag kyang 'phel bar snang gis/ bdag cag gis kyang lhag par dge ba'i chos 'ga' zhig yang dag par blangs te 'khod par bya snyam du sems so/ /de dag 'di snyam du kye bdag cag ni brnab sems can yin gyis bdag cag gis brnab sems spang bar bya'o zhes nas de dag brnab sems spong ngo/ /tshe lo nyis stong lnga brgya pa'i mi brnab sems spong ba de dag gi bu dang bu mo btsas pa rnams tshe lo lnga stong thub par gyur te/ tshe lo lnga stong pa'i mi rnams 'di snyam du kye dge ba'i chos rnams yang dag par blangs pa'i phyir tshe yang nur la/ kha dog dang stobs dang bde ba dang/ longs spyod dag kyang 'phel bar snang gis/ bdag cag gi yang lhag par dge ba'i chos 'ga' zhig yang dag par blangs te 'khod par bya na/ bdag cag gis dge ba'i chos gang zhig yang dag par blangs te 'khod par bya snyam du sems so/ /de dag 'di snyam du kye bdag cag ni gnod sems can gyis/ bdag cag gis gnod sems spang bar bya'o zhes nas de dag gnod sems spong ngo/ /tshe lo lnga stong pa'i mi gnod sems spong ba de dag gi bu dang bu mo btsas pa rnams tshe lo khri thub par gyur to// //'jig rten bzhag pa// //bam po drug pa'o/ /tshe lo khri pa'i mi rnams 'di snyam du kye dge ba'i chos rnams yang dag par blangs pa'i phyir tshe yang nur la/ kha dog dang stobs dang bde ba dang/ longs spyod dag kyang 'phel bar snang gis/ bdag cag gis yang lhag par dge ba'i chos 'ga' zhig yang dag par blangs te 'khod par bya na/ bdag cag gis dge ba'i chos 'ga' zhig yang dag par blangs te 'khod par bya snyam du sems so/ /de dag 'di snyam du bdag cag ni log par lta ba can yin gyi bdag cag gis log par lta ba spang bar bya'o zhes nas de dag log par lta ba spong ngo/ /tshe lo khri pa'i mi log par lta ba
- 59b
spong ba de dag gi bu dang bu mo btsas pa rnams tshe lo nyi khri thub par gyur to/ /tshe lo nyi khri pa'i mi rnams 'di snyam du kye dge ba'i chos rnams yang dag par blangs pa'i phyir tshe yang nur la/ kha dog dang stobs dang bde ba dang/ longs spyod dag kyang 'phel bar snang gis bdag cag gis yang lhag par dge ba'i chos 'ga' zhig yang dag par blangs te 'khod par bya na/ bdag cag gis dge ba'i chos gang zhig yang dag par blangs te 'khod par bya snyam du sems so/ /de dag 'di snyam du kye bdag cag ni chos ma yin pa'i chags pas chags pa dang/ mi rigs pa'i 'dod pas zil gyis non pa dang/ log pa'i chos dang ldan pa yin gyis/ bdag cag gis chos 'di gsum spang bar bya'o zhes nas de dag chos de gsum spong ngo/ /tshe lo nyi khri pa'i mi rnams chos gsum po de dag spong ba de dag gi bu dang bu mo btsas pa rnams tshe lo bzhi khri thub par gyur to/ /tshe lo bzhi khri pa'i mi rnams 'di snyam du kye dge ba'i chos rnams yang dag par blangs pa'i phyir tshe yang nur la/ kha dog dang stobs dang bde ba dang/ longs spyod dag kyang 'phel bar snang gis bdag cag gis kyang lhag pa'i dge ba'i chos 'ga' zhig yang dag par blangs te 'khod par bya na/ bdag cag gis dge ba'i chos gang zhig yang dag par blangs te 'khod par bya snyam du sems so/ /de dag 'di snyam du kye bdag cag ni mar mi 'dzin pa dang/ phar mi 'dzin pa dang/ dge sbyong du mi 'dzin pa/ bram zer mi 'dzin pa/ rigs kyi nang na rgan rabs la rim gro mi byed pa yin gyis/ bdag cag gis mar 'dzin pa dang/ phar 'dzin pa dang/ dge sbyong du 'dzin pa dang/ bram zer 'dzin pa dang/ rigs kyi nang na rgan rabs la rim gro bya 'o zhes nas de dag mar 'dzin pa dang/ phar 'dzin pa dang/ dge sbyong du 'dzin pa dang/ bram zer 'dzin pa dang/ rigs kyi nang na rgan rabs la rim gro byed do/ /tshe lo bzhi khri pa'i mi mar 'dzin
- 60a
pa/ phar 'dzin pa dang/ dge sbyong du 'dzin pa dang/ bram zer 'dzin pa dang/ rigs kyi nang na rgan rabs la rim gro byed pa de dag gi bu dang bu mo btsas pa rnams tshe lo brgyad khri thub par gyur to/ /tshe lo brgyad khri pa'i mi rnams 'dzam bu'i gling 'di nyid na 'byor ba dang rgyas pa dang bde ba dang lo legs par 'gyur zhing skye bo dang mi mang pos gang ngo/ /tshe lo brgyad khri pa'i mi rnams kyi grong dang grong rdal dang yul 'khor dang rgyal po'i pho brang 'khor rnams kyi bar bya gag 'phur bas slebs pa tsam du 'gyur ro/ /tshe lo brgyad khri pa'i mi rnams kyi bu mo btsas nas lo lnga brgya lon na khyim thab la gtong ste/ dper na da ltar gyi mi rnams kyi bu mo btsas nas lo bco lnga 'am bcu drug lon na khyim thab la gtod pa de bzhin du/ tshe lo brgyad khri pa'i mi rnams kyi bu mo btsas nas lo lnga brgya lon na khyim thab la gtong ngo/ /tshe lo brgyad khri pa'i mi rnams kyi nang ni rnam pa gsum yod de/ 'dod pa dang/ zas mi za ba dang/ rga ba rnams yin no/ /tshe lo brgyad khri pa'i mi rnams kyi 'bru rnams ni tshe zhing mchog tu che ste/ dper na in+d+ra be nu'i 'bras bu bzhin te/ rgyal zhing mchog tu rgyal te snye ma gcig pu las kyang bre bo bzhi 'byung ngo/ /bcom ldan 'das kyis kyang mu khyud brtan lung brtan pa las 'di skad du/ dge slong dag mi rnams ni sdig pa mi dge ba'i chos 'di dag nyid yang dag par 'dzin pa'i phyir tshe lo bcu par 'gyur ro/ /tshe lo bcu pa'i mi rnams kyi nang na gang yun ring du 'tsho ba des lo bcu thub ste snga ma bzhin du/ tshe lo brgyad khri thub pa'i mi rnams ni 'dzam bu'i gling 'di nyid na 'byor ba dang rgyas pa dang bde ba dang lo legs par 'gyur zhing skye bo dang mi mang pos gang ngo/ /tshe lo brgyad khri pa'i mi rnams kyi grong dang grong rdal dang/ yul 'khor dang/ rgyal po'i pho brang 'khor rnams kyi bar bya gag 'phur bas slebs pa tsam du 'gyur ro/ /tshe lo brgyad khri pa'i mi rnams kyi bu mo btsas nas lo lnga brgya lon
- 60b
pa yang snga ma bzhin no/ /tshe lo brgyad khri pa'i mi rnams kyi nang rnam pa gsum yod de/ 'dod pa dang/ zas mi za ba dang/ rga ba rnams yin no zhes gsungs so/ /gang gi tshe nad kyi bar gyi bskal pa 'ong du cha zhing 'gyur du nye bar gyur pa de'i tshe mi rnams kyi tshe lo bcu thub par 'gyur te/ tshe lo bcu pa'i mi rnams kyi nang na gang yun ring du 'tsho ba des lo bcu thub ste/ rgyas par ring du gang 'tsho ba ma dang/ bu mo dang/ gos dang zas dang nub par 'gyur ba dang/ rgyan rnams dang ni bkur dang sdang ba dang/ zhes mdo'i tshigs su bcad pa smos par bya'o/ /tshe lo bcu pa'i mi rnams chos ma yin pa spyod cing mi rigs par byed de/ de dag chos ma yin pa spyod cing mi rigs pa byed pa mi ma yin pa rnams dus 'khrugs nas nad dang yams kyi nad dang/ gnod pa dang/ nad 'go ba rnams gtong ste/ der 'di lta ste/ mi mang po nad kyis 'chi bar 'gyur ro/ /de'i tshe gang su yang rung ste shi ba de dag thams cad lus dang bral nas sems can dmyal bar skye bar 'gyur ro/ /nad kyi bar gyi bskal pa de yang zla ba bdun dang nyin zhag bdun kho nar zad de/ zla ba bdun dang nyin zhag bdun gyis mthar thug par brjod par bya'o/ /de nas mi de dag 'di snyam du bdag cag chos ma yin par spyod cing mi rigs par byed pa 'di dang/ sdug bsngal la zhugs pa 'di gnyen 'dun zad cing nor zad la longs spyod kyang zad par gyur gyis/ bdag cag gi dge ba'i chos 'ga' zhig yang dag par blangs te 'khod par bya na/ dge ba'i chos gang zhig yang dag par blangs te 'khod par bya snyam du sems so/ /de dag 'di snyam? du kye bdag cag ni srog gcod pa yin gyis/ bdag cag gis srog gcod pa spong bar bya'o zhes nas de dag srog gcod pa spong ngo/ /tshe lo bcu pa'i mi srog gcod pa spong ba de dag gi bu dang bu mo btsas pa rnams tshe lo nyi shu thub par gyur pa nas rgyas par tshe lo brgyad khri pa'i mi rnams dzam+bu'i gling 'di nyid na 'byor ba dang/ rgyas pa dang/ bde ba dang lo legs par 'gyur zhing kye bo dang mi mang pos gang
- 61a
ba dang/ bu mo lo lnga brgya lon pa'i bar du snga ma bzhin no/ /nad rnam pa gsum yod pa nas 'bru rnams che zhing mchog tu che ste/ dper na in+d+ra be nu'i 'bras bu bzhin te/ rgyal zhing mchog tu rgyal la snye ma gcig pu las kyang bre bo bzhi 'byung ba'i bar du rgyas par bya'o/ /gang gi tshe mu ge'i bar gyi bskal pa 'ong du cha zhing 'byung du nye bar gyur pa de'i tshe mi rnams kyi tshe lo bcu thub par 'gyur te/ tshe lo bcu pa'i mi rnams kyi nang na gang yun ring du 'tsho ba des lo bcu thub pa nas/ tshe lo bcu pa'i mi rnams chos ma yin pa spyod cing mi rigs pa byed pa'i bar du rgyas par bya'o/ /de dag chos ma yin pa spyod cing mi rigs par byed pas lhas dus dus su char gyi rgyun legs par mi 'bebs te/ mu ge dang/ tshegs chen po dang/ dgon pa dang/ thur mas 'tsho ba dang/ rjud? pa dang/ rus pa dkar po 'byung bar 'gyur te/ mu ge zhes bya ba ni de'i tshe slong ba rnams kyis slongs mo rnyed par dka' ste/ de bas na mu ge zhes bya'o/ /tshegs chen po zhes bya ba ni de'i tshe mi rnams rtsol ba chen po dang/ 'bad pa chen po dang/ bsham pa chen po dang/ lus gzir ba chen pos zas dang gos sgrub par byed de/ de bas na tshegs chen po zhes bya'o/ /dgon pa zhes bya ba ni ji ltar de ltar 'brog chen po'i dgon pa dang/ chu'i dgon pa dang/ chom rkun gyi dgon pa yod pa de bzhin du/ de'i tshe bza' ba dang/ btung pa dang/ bgo ba'i dgon pa chen po yod de/ de bas na dgon pa zhes bya'o/ /rjud? pa zhes bya ba ni da ltar gyi 'gyel ba zhes bya ba yin pa de de'i tshe de'i dus na rjud pa zhes bya ste/ de'i tshe mi de dag bkres pa dang/ nyam chung ba dang ldan pas sa la 'gyel lo/ /'gyel nas kyang ldang mi nus so/ /gzhan yang su yang slong nus pa med de de dag de nyid du 'chi bar 'gyur ro/ /rjud pa des mi de shi bas na ming rjud pa rjud pa zhes bya bar gyur to/ /gzhan yang rjud pa'i ming
- 61b
ni gab rtse ba la yang bya ste/ de'i tshe mi de dag gis 'bru sna tshogs dang/ 'bras rnams gang tshe'i nang du bcug ste/ 'di skye ba phyi ma rnams kyi 'bru'i sa bon du bya'o zhes nas 'chi bar 'gyur te/ de bas na rjud pa zhes bya'o/ /thur mas 'tsho ba zhes bya ba de'i tshe na mi rnams kyi sa la sa bon gang skyed pa de dag 'bru chung ba 'am/ 'bras bu gcig pa 'byung bar 'gyur ba dang/ gzhan yang tshe thung ba'i mi rnams gza' mi rim gyis thur ma 'dri ma ste de ring ni jo bos gsol gyis sang ni jo mos gsol lo/ /de ring ni jo cos gsol gyis sang ni jo co lcam gsol lo zhes bya ba dang/ gzhan yang de'i tshe mi rnams 'bras kyi bang ba dang/ 'bru'i bang ba dag nas 'bru sna tshogs kyi 'bru thur mas brus te/ chu mang po dang rdza ma'i nang du blugs nas bskol de/ 'thung bas de'i phyir thur mas 'tsho ba zhes bya'o/ /rus pa dkar po zhes bya ba ni de'i tshe mi rnams bkres shing nyam chung ba dang ldan bzhin du 'chi ba de dag gi rus pa de dag rtsub cing snum bag med pa dang/ gzhan yang de'i tshe mi rnams kyis rus pa de dag bsdus te/ chu mang po dang rdza ma'i nang du blugs nas rus pa'i khu ba bskol te 'thung bas de'i phyir rus pa dkar po zhes bya'o/ /de dag la sogs rnam grangs mang po rnams brjod par bya'o/ /de'i tshe mu ge chen po'i bar gyi bskal pa de na de lta bur 'gyur te/ de'i tshe gang su yang rung ste/ shi ba de dag thams cad yi dags su skye bar 'gyur ro/ /mu ge'i bar gyi bskal pa de yang lo bdun dang/ zla ba bdun dang nyin zhag bdun kho nar zad de/ lo bdun dang zla ba bdun dang/ nyin zhag bdun 'das nas mthar thug par brjod par bya'o/ /der mi gang mu ge'i bar gyi bskal pas 'dog cing 'dzam par gyur la smod cing rnam par smod pa de dag las kha cig chu klung chen po dag dang/ mtsho chen po dag dang/ rdzing chen po dag dang/ lu ma chen po dag dang/ lteng ka dag tu song nas khre rgod dang/ utpa la'i rtsa ba dag gis 'tsho zhing
- 62a
'dug ste/ lo bdun dang/ zla ba bdun dang/ nyin zhag bdun lon nas grong dang/ grong rdal dang/ yul 'khor dang/ rgyal po'i pho brang 'khor dag tu phyir ldog ste/ sems can de dag gcig gi gcig mthong na shas cher byams pa dang/ sdug pa dang/ gus pa dang/ snying brtse ba'i sems nye bar gnas par 'gyur te/ 'di skad du kye kye ma sems can gson po mthong ngo/ /kye kye ma sems can gson po mthong ngo zhes kyang 'dzer te/ dper na da ltar gyi mi rnams kyi ma la zhes bya ba nas de bzhin du tshe lo bcu pa'i mi rnams kye kye ma sems can gson po mthong ngo zhes bya ba'i bar du snga ma bzhin no/ /de dag ni 'di snyam du bdag cag chos ma yin pa spyod pa 'di dang/ mi rigs pa byed pa dang/ sdug bsngal la zhugs pa 'di zhes bya ba snga ma bzhin no/ /bdag cag gi dge ba'i chos 'ga' zhig yang dag par blangs te/ 'khod par bya na dge ba'i chos gang zhig yang dag par blangs te 'khod par bya/ snyam nas de dag 'di snyam du kye bdag cag ni srog gcod pa yin gyis/ bdag cag gis srog gcod pa spang ngo zhes nas de dag srog gcod pa spong ngo/ /tshe lo bcu pa'i mi srog gcod pa spong ba de dag gi bu dang bu mo btsas pa rnams tshe lo nyi shu thub par gyur to zhes bya ba nas/ snga ma bzhin du tshe lo brgyad khri pa'i mi rnams kyis 'bru rnams che zhing mchog tu che ba ni dper na in+d+ra be nu'i 'bras bu bzhin te/ rgyal zhing mchog tu rgyal ba snye ma gcig pu las kyang bre bo bzhi 'byung ba'i bar du rgyas par bya'o/ /gang gi tshe mes 'jig pa 'od du cha zhing 'byung du nye bar gyur pa de'i tshe mi rnams tshe lo brgyad khri thub par 'gyur ro/ /tshe lo brgyad khri pa'i mi rnams 'dzam bu'i gling 'di nyid na 'byor pa dang rgyas pa dang/ lo legs par 'gyur zhing skye bo dang mi mang pos gang ngo/ /tshe lo brgyad khri pa'i mi rnams zhes bya ba nas snga ma bzhin du snye ma gcig pu las kyang bre bo bzhi 'byung ngo zhes pa'i bar du rgyas par bya'o/ /sems can dmyal ba dag nas sems
- 62b
can rnams 'chi 'pho la skye ba ni med pa de'i dus kyang yod la de'i skabs kyang yod de/ gang gi tshe sems can dmyal ba dag nas sems can rnams 'chi 'pho la skye ba med na ji tsam gyis na 'jig rten 'di bar gyi bskal pa nyi shur chags par gnas pa de mthar thug par brjod par bya'o/ /sems can dmyal bar sems can 'ga' yang ma lus par 'gyur ba de'i dus kyang yod la de'i skabs kyang yod de/ gang gi tshe sems can dmyal bar sems can 'ga' yang ma lus par gyur na/ de tsam gyis na 'jig rten 'di 'di lta ste/ sems can dmyal ba 'jig par 'gyur pa zhig par brjod par bya'o/ /sems can dmyal ba ji ltar de bzhin du dud 'gro dang/ yi dags su sems can 'ga' yang ma lus par 'gyur ba de'i dus kyang yod la de'i skabs kyang yod do/ /zhes bya ba'i bar du snga ma bzhin te/ des na 'jig rten 'di bar gyi bskal pa nyi shur 'jig pa de byung bar brjod par bya'o/ /'dzam bu'i gling na sems can gang yang rung ba zhig lung med par chos nyid kyis 'thob pa'i bsam gtan dang po la mnyam par 'jog ste/ de ting nge 'dzin de las langs nas kye ma dben pa las skyes pa'i dga' ba dang bde ba ni bde'o/ /kye ma dben pa las skyes pa'i dga' ba dang bde ba ni bde'o zhes sgra brjod cing dbyangs sgrogs par byed de/ sgra de tshegs chung ngus 'dzam bu'i gling thams cad du khyab par 'gro la/ de nas de las gzhan pa'i sems can dag gis kyang sgra de thos nas chos nyid kyis 'thob pa'i bsam gtan dang po la mnyam par 'jog pa de'i dus kyang yod la de'i skabs kyang yod do/ /'dzam bu'i gling na sems can gang dag 'chi 'pho la skye ba ni med pa de'i dus kyang yod la de'i skabs kyang yod do/ /'dzam bu'i gling du sems can 'ga' yang ma lus par 'gyur ba de'i dus kyang yod la de'i skabs kyang yod de/ gang gi tshe 'dzam bu'i gling na sems can 'ga' yang ma lus par gyur na de tsam gyis na 'jig rten 'di
- 63a
'di lta ste/ sems can dmyal ba 'jig par 'gyur ba dang/ dud 'gro 'jig par 'gyur ba dang/ yi dags 'jig par 'gyur pa dang/ 'dzam bu'i gling 'jig par 'gyur ba zhig par brjod par bya'o/ /'dzam bu'i gling ji lta ba bzhin du shar gyi lus 'phags dang/ nub kyi ba lang spyod kyang de dang 'dra'o/ /byang gi sgra mi snyan na sems can gang dag 'chi 'pho la skye ba ni med pa de'i dus kyang yod la de'i skabs kyang yod do/ /byang gi sgra mi snyan gyi sems can 'ga' yang ma lus par 'gyur ba de'i dus kyang yod la de'i skabs kyang yod do/ /gang gi tshe byang gi sgra mi snyan du sems can gcig kyang ma lus par gyur na/ de'i tsam gyis na 'jig rten 'di 'di lta ste/ sems can dmyal ba 'jig par 'gyur ba dang/ dud 'gro 'jig par 'gyur ba dang/ yi dags 'jig par 'gyur ba dang/ mi 'jig par 'gyur pa zhig par rjod par bya'o/ /rgyal chen bzhi pa'i lha rnams kyi nang na sems can yang rung ba zhig lung med par chos nyid kyis 'thob pa'i bsam gtan dang po la mnyam par 'jog ste/ de ting nge 'dzin de las langs nas kye ma dben pa las skyes pa'i dga' ba dang bde ba ni bde'o/ /zhes sgra brjod cing dbyangs sgrogs par byed de/ sgra de tshegs chung ngus rgyal chen bzhi pa'i lha rnams kyi nang du khyab par 'gro la de nas de las gzhan pa'i sems can dag gis kyang sgra de thos nas chos nyid kyis 'thob pa'i bsam gtan dang po la mnyam par 'jog pa de'i dus kyang yod la de'i skabs kyang yod do/ /rgyal chen bzhi pa'i lha rnams 'chi 'pho la skye ba ni med pa de'i dus kyang yod la de'i skabs kyang yod do/ /rgyal chen bzhi pa'i lha rnams la sems can 'ga' yang ma lus par 'gyur ba de'i dus kyang yod la de'i skabs kyang yod do/ /gang gi tshe rgyal chen bzhi pa'i lha rnams la sems can 'ga' yang ma lus par gyur na de tsam gyis na 'jig rten 'di 'di lta ste/ sems can dmyal ba 'jig par 'gyur ba dang/ dud 'gro 'jig par 'gyur ba dang/ yi
- 63b
dags 'jig par 'gyur pa dang/ mi 'jig par 'gyur ba dang/ rgyal chen bzhi pa'i lha rnams 'jig par 'gyur ba zhig par brjod par bya'o/ /rgyal chen bzhi pa'i lha rnams ji lta ba bzhin du sum cu rtsa gsum pa dang/ 'thab bral ba dang/ dga' ldan pa dang/ 'phrul dga' ba dang/ gzhan 'phrul dbang byed pa rnams kyang de dang 'dra'o/ /gang gi tshe gzhan 'phrul dbang byed du sems can 'ga' yang ma lus par gyur na/ de tsam gyis na 'jig rten 'di 'di lta ste/ 'dod pa'i khams 'jig par 'gyur ba zhig par brjod par bya'o/ /tshangs pa'i 'jig rten du sems can gang yang rung ba zhig lung med par chos nyis kyis 'thob pa'i bsam gtan gnyis pa la mnyam par 'jog ste/ de ting nge 'dzin de las langs nas kye ma ting nge 'dzin las skyes pa'i dga' ba dang bde ba dang zhi ba ni bde'o/ /kye ma ting nge 'dzin las skyes pa'i dga' ba dang bde ba dang zhi ba ni bde'o zhes sgra brjod cing dbyangs sgrogs par byed de/ sgra de tshegs chung ngus tshangs pa'i 'jig rten thams cad khyab par 'gro la/ de nas de las gzhan pa'i sems can rnams kyang chos nyid kyi thob pa'i sgra de thos nas bsam gtan gnyis pa la mnyam par 'jog pa de'i dus kyang yod la de'i skabs kyang yod do/ /tshangs pa'i 'jig rten nas sems can rnams 'chi 'pho la skye ba ni med pa de'i dus kyang yod la de'i skabs kyang yod do/ /tshangs pa'i 'jig rten du sems can 'ga' yang ma lus par 'gyur pa de'i dus kyang yod la de'i skabs kyang yod do/ /gang gi tshe tshangs pa'i 'jig rten du sems can 'ga' yang ma lus par gyur na de tsam gyis na 'jig rten 'di 'di lta ste/ tshangs pa'i 'jig rten 'jig par 'gyur ba zhig par brjod par bya'o/ /'jig rten 'di stongs par 'gyur ro/ /lha yang dus dus su char gyi rgyun legs par mi 'bebs te/ lha rnams dus dus su char gyi rgyun legs par mi 'bebs pas sa chen po 'di la sa bon gyi tshogs dang/ shing gi tshogs dang/ sman dang/ rtswa dang/ 'bras bu'i shing gang yin
- 64a
pa de dag thams cad skams par 'gyur zhing ma rung bar 'gyur te med par 'gyur ro/ /yun ring mo zhig 'das nas nyi ma gnyis pa 'jig rten du 'byung ba de'i dus kyang yod la de'i skabs kyang yod do/ /nyi ma gnyis pa 'jig rten du byung bas sa chen po 'di na lteng ka chung ngu dang/ lteng ka chen po yod pa de dag thams cad skam par 'gyur zhing ma rung par 'gyur te med par 'gyur ro/ /yun ring mo zhig 'das nas nyi ma gsum pa 'jig rten du 'byung ba de'i dus kyang yod la de'i skabs kyang yod do/ /nyi ma gsum pa 'jig rten du byung pas sa chen po 'di na chu klung chung ngu dang/ chu klung chen po yod pa gang yin pa de dag thams cad skams par 'gyur zhing ma rung par 'gyur te med par 'gyur ro/ /yun ring po zhig 'das nas nyi ma bzhi pa 'jig rten du 'byung ba de'i dus kyang yod la de'i skabs kyang yod do/ /nyi ma bzhi pa 'jig rten du byung bas mtsho ma dros pa zhes bya ba'i mtsho chen po gang nas klung chen po bzhi 'di lta ste/ gang+gA dang/ sindu dang/ si ta dang/ pak+Shu rnams 'byung ba'i mtsho chen po de yang de'i tshe skam pa 'gyur zhing ma rung bar 'gyur te med par 'gyur ro/ /yun ring mo zhig 'ongs nas nyi ma lnga pa 'jig rten du 'byung bar 'gyur ba de'i dus kyang yod la de'i skabs kyang yod do/ /nyi ma lnga pa 'jig rten du byung bas rgya mtsho chen po'i chu dpag tshad brgya skam par 'gyur zhing ma rung bar 'gyur te med par 'gyur ro/ /chu dpag tshad gnyis dang/ gsum dang/ bzhi dang/ lnga dang/ drug dang/ bdun dag kyang skams par 'gyur zhing ma rung bar 'gyur te med par 'gyur ro/ /nyi ma lnga pa 'jig rten du 'byung bas rgya mtsho chen po'i chu dpag tshad bdun stong lus par 'gyur zhing/ dpag tshad drug stong dang/ lnga stong dang/ bzhi stong dang/ sum stong dang/ nyis stong dang/ tshig stong lus par 'gyur ro/ /nyi ma lnga pa 'jig rten du byung bas rgya mtsho chen po'i chu dpag tshad bdun brgya
- 64b
lus par 'gyur zhing/ dpag tshad drug brgya dang/ lnga brgya dang/ bzhi brgya dang/ sum brgya dang/ nyis brgya dang/ tshig brgya lus par 'gyur ro/ /nyi ma lnga pa 'jig rten du byung bas rgya mtsho chen po'i chu dpag tshad bdun lus par 'gyur zhing/ dpag tshad drug dang/ lnga dang/ bzhi dang/ gsum dang/ gnyis dang/ gcig lus par 'gyur ro/ /nyi ma lnga pa 'jig rten du byung bas rgya mtsho chen po'i chu'i rgyang grags bdun tsam lus par 'gyur zhing rgyang grags drug dang/ lnga dang/ bzhi dang/ gsum dang/ gnyis dang/ gcig lus par 'gyur ro/ /nyi ma lnga pa 'jig rten du byung bas rgya mtsho chen po'i chu tA la bdun tsam lus par 'gyur zhing tA la drug dang/ lnga dang/ bzhi dang/ gsum dang/ gnyis dang/ gcig tsam lus par 'gyur ro/ /nyi ma lnga pa 'jig rten du byung bas rgya mtsho chen po'i chu mi 'greng bdun tsam lus par 'gyur zhing mi 'greng drug dang/ lnga dang/ bzhi dang/ gsum dang/ gnyis dang/ gcig tsam lus par 'gyur ro/ /nyi ma lnga pa 'jig rten du byung bas chu lkog mar phyin pa tsam lus par 'gyur zhing mtshan lung tsam dang/ lte ba tsam dang/ sta zur tsam dang/ brla tsam dang/ rje dang tsam dang/ long bu tsam nub pa'i chu lus par 'gyur ro/ /nyi ma lnga pa 'jig rten du byung bas chu gtan nas skam par 'gyur zhing ma lus par 'gyur la med par 'gyur te mthar mdzub mo gsher? bar bya ba tsam yang med do/ yun ring mo zhig 'das nas nyi ma drug pa 'jig rten du 'byung bar 'gyur ba de'i dus kyang yod la de'i skabs kyang yod do/ /nyi ma drug pa 'jig rten du byung bas sa chen po 'di dang/ ri'i rgyal po re re ba la du ba 'thul cing rab tu 'thul la/ kun tu rab tu 'thul te/ dper na rdza mkhan so gtong ba des thog ma ma btang ba na ru ba 'thul zhing rab tu 'thul la kun tu rab tu 'thul ba de bzhin du nyi ma drug pa 'jig rten du byung bas sa chen po 'di dang ri'i rgyal po ri rab la du ba 'thul zhing rab tu 'thul la/ du ba kun tu rab tu 'thul lo/ /yun ring mo zhig
- 65a
'das nas/ nyi ma bdun pa 'jig rten du byung ba de'i dus kyang yod la de'i skabs kyang yod do/ /nyi ma bdun pa 'jig rten du byung bas sa chen po 'di dang ri'i rgyal po ri rab 'bar rab tu 'bar nas me lce gcig tu gyur cing sreg ste/ dper na shing khur bcu la brten nas/ nyi shu 'am/ sum cu 'am/ bzhi bcu 'am/ lnga bcu 'am/ shing khur brgya 'am/ shing khur stong ngam/ shing khur brgya stong la brten te/ me'i phung po chen po 'bar ba de bzhin du nyi ma bdun pa 'jig rten du byung bas sa chen po 'di dang ri'i rgyal po ri rab 'bar zhing rab tu 'bar la/ kun tu rab tu 'bar nas me lce gcig tu gyur cing sreg go /sa chen po dang ri'i rgyal po ri rab de 'bar zhing rab tu 'bar la/ kun tu rab tu 'bar te me lce gcig tu gyur cing sreg pa'i me lce rlung gis gyen du khyer nas tshangs pa'i gzhal med khang stong pa rnams kyi bar du sreg cing 'gro ste/ 'od gsal gyi lha'i ris na sems can gang skyes nas ring por ma lon la/ 'jig rten 'di 'jig pa'i rgyus la mi mkhas shing 'chags pa'i rgyus la mi mkhas pa de dag gis me lce de mthong nas me lce 'di tshangs pa'i gzhal med khang stong pa'i bar du bsregs nas 'di nyid du mi 'ong grang zhes mi dga' zhing skyong bar 'gyur ro/ /de la 'od gsal gyi lha'i ris na sems can gang sngon skyes pa 'jig rten 'di 'jig pa'i rgyus la mkhas shing 'chags pa'i rgyus la mkhas pa de dag ni sems can 'jigs pa de dag la grogs po dag ma 'jigs shig /ma 'jigs shig /me lce 'di ni sngon yang tshangs pa'i gzhal med khang stong pa'i bar du bsregs nas phyir de nyid du mi snang bar gyur to/ /da ltar yang me lce 'di ni tshangs pa'i gzhal med khang stong pa'i bar du bsregs nas de nyid du mi snang bar 'gyur ro zhes dbugs 'byin par byed do/ /nyi ma bdun pa 'jig rten du byung bas ri'i rgyal po ri rab kyi rtse mo dpag tshad brgya 'jig cing rab tu 'jig la/ ma rung bar
- 65b
'gyur te med par 'gyur ro/ /rtse mo dpag tshad nyis brgya dang/ sum brgya dang/ bzhi brgya dang/ lnga brgya dang/ drug brgya dang/ bdun brgya yang 'jig cing rab tu 'jig la ma rung bar 'gyur te/ sa chen po 'di dang/ ri'i rgyal po ri rab sregs shing tshig pa'i du ba yang med la thal ba'i lhag ma yang med de/ dper na mar ram 'bru mar yang rung ste/ nam mkha' la sregs shing tshig pa'i du ba yang med/ thal ba'i lhag ma yang med pa de bzhin du/ sa chen po 'di dang/ ri'i rgyal po ri rab bsregs shing tshig pa'i du ba yang med/ thal ba'i lhag ma yang med do/ /'di skad du/ dus mdza' i tshe na 'tsho ba'i 'jig rten 'dir/ /sprin rnams chu ni cung zad gtong mi byed/ /nyi ma gcig pus rtsa dang gel ba dang/ /sman dang sa bon shing mang zad par byed/ /nyi ma gnyis pa ltar ro/ chung ngu'i tshogs/ /de bzhin chu klung chung ngu skam par 'gyur/ lter ka chen po'i tshogs dang klung chen gyi/ /chu rnams nyi ma gsum pas med par byed/ /mi ma yin gnas mtsho ni rgya che ba/ /ma dros zhes bya shin tu yid 'ong zhing/ /gtsang ma'i chu yis shin tu gang pa'i/ /nyi ma bzhi pa yis ni skam par 'gyur/ /rin chen mang pos gang zhing rab 'jigs la/ /sems can tshogs chen dag gi gnas gyur pa/ /rgya mtsho dag ni nyi ma lnga rnams kyis/ /yongs su gdungs pas ma lus skams par 'gyur/ /sa dang gangs dang de bzhin ri rab dang/ /gser gyi ri dbang rgya chen bdun po dang/ /nyi ma drug po dag gis rab gdungs pas/ /kun nas dud pa shin tu mthon par byed/ /gang tshe nyi ma bdun pa shar gyur cing/ /'dir ni 'od zer dra ba rab gtong ba/ /de'i tshe na sa dang ri rnams kun/ /shin tu rab tu 'bar bar 'gyur zhe'o/ /'od zer dra ba rab 'jebs ldan pa yi/ /nyi ma de bdun rnam par rgyu zhe'o/ /sa 'di dang ni de bzhin gser gyi gzhi/ /sems can dmyal brgyad ri rnams thams cad dang/ /'od ldan lha rnams kyi ni khang pa dang/ /'dod pa kun gyi gnas su song nas kyang/ /'dod
- 66a
pa'i lha mang shin tu yid 'ong bral/ /tshangs pa'i gnas rnams shin tu sreg par byed/ /ji skad smras bzhin ma lus kun sregs nas/ /dus mdza' i nyi ma gzi brjid che ldan pa/ /de dag nyid kyang dbang ni med 'gyur zhing/ /mi rtag pas ni bcom nas zhig par 'gyur/ /de ltar lhun po rgya mtsho che dang sa/ /de bzhin mtho ris zad 'gyur shes nas ni/ /skye bo dam pa dag gis brten pa'i phyir/ /'phags pa'i gnas la rtag tu blo zhog cig ces kyang bya'o/ /bcom ldan 'das kyis kyang nyi ma bdun lung bstan pa las 'di skad du/ dge slong dag 'du byed thams cad ni mi rtag pa/ mi brtan pa/ dbugs 'byin pa ma yin pa ste/ 'gyur ba'i chos can no/ /dge slong dag 'du byed thams cad kyis ni ye chog go /skyo bar byas na legs so/ /ma chags par byas na legs so/ /rnam par thar par byas na legs so/ /dge slong dag gang yun ring mo zhig 'das nas char mi 'bab pa de'i dus kyang yod la de'i skabs kyang yod do/ /char mi 'bab pas sa chen po 'di la sa bon gyi tshogs dang/ shing gi tshogs dang/ sman dang rtsa dang 'bras bu'i shing gang yin pa de dag thams cad skam par 'gyur zhing ma rung bar 'gyur te/ dge slong dag de ltar na 'du byed thams cad ni mi rtag pa'o/ /de ltar na dbugs 'byin pa ma yin no/ /de ltar na 'gyur ba'i chos can no/ /dge slong dag 'du byed thams cad kyis ni ye chog go /skyo bar byas na legs so/ /ma chags par byas na legs so/ /rnam par thar par byas na legs so/ /dge slong dag gang yun ring mo zhig 'das nas zhes bya ba nas de'i dus kyang yod la de'i skabs kyang yod do/ /zhes bya ba'i bar du gsungs te/ snga ma bzhin du mdo thams cad brjod par bya'o/ /'jig rten 'di yang tshig la nam mkha' la yang rlung ldang bar 'gyur ro/ /de tsam gyis na 'jig rten 'di bar gyi bskal pa nyi shur 'jig pa de mthar thug par brjod par bya'o/ /gang gi tshe 'jig rten 'di bar gyi
- 66b
bskal pa nyi shur zhig par gnas par 'gyur ba de yang byung bar brjod par bya'o/ /yun ring mo zhig 'das nas nam mnga' las rlung 'jam po ldang ba de'i dus kyang yod la de'i skabs kyang yod do/ /de tsam gyis na 'jig rten gyi khams 'di bar gyi bskal pa nyi shur zhig nas gnas pa de/ mthar thug par brjod par bya'o/ /gang gi tshe 'jig rten 'di bar gyi bskal pa nyi shur 'chags pa yang byung bar brjod par bya'o/ /rlung de dag kyang rgyas par gyur cing sdug por gyur pa de ni rlung gi dkyil 'khor yin te/ rngams su dpag tshad sa ya gcig dang drug 'bum yod do/ /rgyar ni grangs med tshad med de/ shin tu brtan zhing srab de la tshan po che chen po dang/ rab gnon dang/ sred med kyi bu'i stobs kyang bdal bar 'gyur la rdo rjes kyang mi phed do/ /yun ring mo zhig 'das nas rlung gi dkyil 'khor de'i steng du chu'i rgyun shing rta'i srog shing tsam gyi char 'bab pa de'i dus kyang yod la de'i skabs kyang yod do/ /rlung gi dkyil 'khor gang yin pa de dag gis chu de dag yongs su 'dzin cing kun nas bsten la med par yang mi byed pa de ni chu 'di dkyil 'khor zhes bya ste/ rngams su dpag tshad sa ya gcig dang 'bum nyi khri yod do/ /rgyar ni dpag tshad sa ya gcig dang/ nyi 'bum dang/ dpag tshad bzhi brgya lnga bcu yod do/ /mdza' skor du ni dpag tshad sa ya phrag gsum dang/ drug 'bum dang/ dpag tshad sum brgya lnga bcu yod do/ /yun rings mo zhig 'das nas chu'i dkyil 'khor de'i steng du rlung ldang ba de'i dus kyang yod la de'i skabs kyang yod do/ /de dag gis chu de dag kun tu sdud cing kun tu 'thas par byas nas gcig tu bsdus te/ thur du zug par byed cing steng ni chu dang mnyam par 'jog ste/ de ni gser gyi sa gzhi chen po yin te/ rngams su dpag tshad sum 'bum nyi khri yod do/ /rgyar dpag tshad sa ya gcig dang/ nyi 'bum dang/ dpag tshad bzhi brgya lnga bcu yod do/ /mdza' skor du ni dpag tshad
- 67a
sa ya phrag gsum dang/ drug 'bum sum brgya lnga bcu yod do/ /yun ring mo zhig 'das nas gser gyi sa gzhi chen po de'i steng du chu'i rgyun shing rta'i srog shing tsam gyi char 'bab pa de'i dus kyang yod la de'i skabs kyang yod do/ /gser gyi sa gzhi chen po des chu de dag yongs su 'dzin cing kun nas bsten la/ med par yang mi byed pa de ni chu'i rgya mtsho chen po yin no/ /chu'i rgya mtsho chen po de'i steng du nang du bltas pa dang phyi rol tu bltas pa'i rlung kho ra khor yug nas gru bzhir ldang ba de'i dus kyang yod la de'i skabs kyang yod do/ /de dag gis chu de dag kun tu sdud cing kun tu 'thas par byed do/ /kun tu bsdus shing kun tu 'thas par byas nas gcig tu 'dus par byas te/ thur du yang zug par byed de gyen du yang 'byung bar byed do/ /de ni ri'i rgyal po ri rab ces bya ba yin te/ dpag tshad brgyad khri ni chu'i 'og gser gyi sa gzhi chen po la brten to/ /dpag tshad brgyad khri ni chu las gyen du 'phags te/ de'i 'phang du dpag tshad 'bum drug khri yod do chur yang dpag tshad brgyad khri yod la/ zheng du yang dpag tshad brgyad khri yod do/ /mdza' skor du dpag tshad sum 'bum nyi khri yod la/ dbyibs legs shing lta na sdug la mdzes pa ste/ rin po che sna bzhi las grub pa yin no/ /chu'i rgya mtsho chen po gang yin pa de'i steng du nang bltas pa dang/ phyi rol tu bltas pa'i rlung kho ra khor yug nas gru bzhir ldang ba de'i dus kyang yod la de'i skabs kyang yod de/ /de dag gis chu de dag kun tu sdud cing kun tu 'thas par byed do/ /kun tu bsdus shing kun tu 'thas par byas nas thur du yang zug par byed cing/ gyen du yang 'byung bar byed do/ /de ni ri'i rgyal po gnya' shing 'dzin ces bya ba yin te/ dpag tshad brgyad khri ni chu'i 'og gser gyi sa gzhi chen po la brten to/ /dpag tshad bzhi khri ni chu las gyen du 'phags so/ /zheng du yang de dang 'dra ste/ dbyibs legs shing lta na sdug la mdzes pa gser las
- 67b
grub pa yin no/ /yun ring mo zhig 'das nas chu'i rgya mtsho chen po de'i steng du nang du bltas pa dang/ phyi rol tu bltas pa'i rlung kho ra khor yug nas gru bzhir ldang ba de'i dus kyang yod la de'i skabs kyang yod de/ de dag gis chu de dag kun tu sdud cing kun tu 'thas par byed do// kun tu bsdus shing kun tu 'thas par byas nas thur du yang zug par byed cing gyen du yang 'byung bar byed do/ /de ni ri'i rgyal po gshol mnga' 'dzin ces bya ba yin te/ dpag tshad brgyad khri ni chu'i 'og gser gyi sa gzhi chen po la brten to/ /dpag tshad nyi khri ni chu las gyen du 'phags so/ /zheng du yang de dang 'dra ste/ dbyibs legs shing lta na sdug la mdzes pa gser las grub pa yin no/ /yun ring mo zhig 'das nas/ chu'i rgya mtsho chen po de'i steng du nang du bltas pa dang/ phyi rol du bltas pa'i rlung kho ra khor yug na gru bzhir ldang ba de'i dus kyang yod la de'i skabs kyang yod do/ /de dag gis chu de dag kun tu sdud par byed cing kun tu 'thas par byed te/ kun tu bsdus shing kun du 'thas par byas nas/ thur du yang zug par byed cing gyen du yang 'byung bar byed do/ /de ni ri'i rgyal po seng ldeng can zhes bya ba yin te/ dpag tshad brgyad khri ni chu'i 'og gser gyi sa gzhi chen po la brten to/ /dpag tshad khri ni chu las gyen du 'phags so/ /zheng du yang de dang 'dra ste/ dbyibs legs shing blta na sdug la mdzes pa gser las grub pa yin no/ /yun ring mo zhig 'das nas chu'i rgya mtsho chen po de'i steng du nang du bltas pa dang/ phyi rol du bltas pa'i rlung kho ra khor yug nas gru bzhir ldang ba de'i dus kyang yod la de'i skabs kyang yod de de dag gis chu de dag kun tu sdud cing kun tu 'thas par byed do/ /kun tu bsdus shing kun tu 'thas par byas nas thur du yang zug par byed cing gyen du yang 'byung bar byed do/ /de ni ri'i rgyal po lta na sdug ces bya ba yin te/ dpag tshad brgyad khri ni chu'i 'og gser gyi sa gzhi chen po la brten to/ /dpag tshad lnga stong ni chu las gyen
- 68a
du 'phags so/ /zheng du yang de dang 'dra ste/ dbyibs legs shing lta na sdug la mdzes pa gser las grub pa yin no/ /yun ring mo zhig 'das nas/ chu'i rgya mtsho chen po'i steng du nang du bltas pa dang/ phyi rol tu bltas pa'i rlung kho ra khor yug nas gru bzhir ldang ba de'i dus kyang yod la de'i skabs kyang yod do/ /de dag gis chu de dag kun tu sdud cing kun tu 'thas par byed do/ /kun tu sdud shing kun tu 'thas par byas nas thur du yang zug par byed cing gyen du yang 'byung bar byed do/ /de ni ri'i rgyal po rta na ri zhes bya ba yin te/ dpag tshad brgyad khri ni chu'i 'og gser gyi sa bzhi chen po la brten to/ /dpag tshad nyis stong lnga brgya ni chu las gyen du 'phags so/ /zheng du yang de dang 'dra ste/ dbyibs legs shing blta na sdug la mdzes pa gser las grub pa yin no/ /yun ring mo zhig 'das nas chu'i rgya mtsho chen po de'i steng du nang du bltas pa dang/ phyi rol tu bltas pa'i rlung kho ra khor yug nas gru bzhir ldang ba de'i dus kyang yod pa de'i skabs kyang yod do/ /de dag gis chu de dag kun du sdud cing kun tu 'thas par byed do/ /kun tu bsdus shing kun tu 'thas par byas nas thur du yang zug par byed cing gyen du yang 'byung bar byed do/ /de ni ri'i rgyal po mu khyud 'dzin ces bya ba yin te/ dpag tshad brgyad khri ni chu'i 'og gser gyi sa gzhi chen po la brten to/ /dpag tshad stong nyis brgya lnga bcu ni chu las gyen du 'phags so/ /zheng du yang de dang 'dra ste/ dbyibs legs shing blta na sdug la mdzes pa gser las grub pa yin no/ /yun ring mo zhig 'das nas chu'i rgya mtsho chen po de'i steng du nang du bltas pa dang/ phyi rol tu bltas pa'i rlung kho ra khor yug nas gru bzhir ldang ba de'i dus kyang yod la de'i skabs kyang yod de/ de dag gis chu de dag kun tu sdud cing kun tu 'thas par byed do/ /kun tu bsdus shing kun tu 'thas par byas nas/ thur du yang zug par byed cing gyen du 'byung bar byed do/ /
- 68b
de ni ri'i rgyal po rnam par 'dud ces bya ba yin te/ dpag tshad brgyad khri ni chu'i 'og gser gyi sa gzhi chen po la brten to/ /dpag tshad drug brgya nyi shu rtsa lnga ni chu las gyen du 'phags so/ /zheng du yang de dang 'dra ste dbyibs legs shing lta na sdug la mdzes pa gser las byas pa yin no/ /yun ring mo zhig 'das nas chu'i rgya mtsho chen po de'i steng du nang du bltas pa dang/ phyi rol tu bltas pa'i rlung kho ra khor yug nas zlum por ldang ba de'i dus kyang yod la de'i skabs kyang yod do/ /de dag gis chu de dag kun tu sdud cing kun tu 'thas par byed do/ /kun tu sdus shing kun tu 'thas par byas nas thur du yang zug par byed cing/ gyen du yang 'byung bar byed do/ /de ni ri'i rgyal po kho ra khor yug gi ri zhes bya ba yin te/ dpag tshad brgyad khri ni chu'i 'og gser gyi sa gzhi chen po la brten to/ /dpag tshad sum brgya rtsa phyed dang bcu gsum ni chu las gyen du 'phags so/ /zheng du yang de dang 'dra ste dbyibs legs shing lta na sdug la mdzes pa lcags las grub pa yin no/ /yun ring mo zhig 'das nas chu'i rgya mtsho chen po de'i steng du ri'i rgyal po ri rab kyi lho phyogs kyi phyi rol gyi rgya mtsho chen por nang du bltas pa dang/ nang rgya che ba dang/ phyi rol tu bltas pa dang/ /shing rta'i dbyibs lta bu'i rlung kho ra khor yug nas ldang ba de'i dus kyang yod la de'i skabs kyang yod do/ /de dag gi chu de dag kun tu sdus shing kun tu 'thas par byed do/ /kun tu sdus shing kun tu 'thas par byas nas gcig tu 'dus par byas te/ thur du yang zugs par byed cing steng ni chu dang mnyam par 'jog ste/ de ni lho 'dzam bu'i gling zhes bya ba yin te/ dpag tshad brgyad khri ni chu'i 'og gser gyi sa g gzhi chen po la brten to/ /steng ni chu dang mnyam par 'dug ste/ de'i ngos nang gi ring po gang yin pa de la ni dpag tshad nyis stong yod do/ /nges nang gi thung ngu gang yin pa de la ni dpag tshad phyed dang bzhi yod la/ mdza' skor du dpag tshad drug stong dang dpag
- 69a
tshad phyed dang bzhi yod de/ dbyibs legs shing lta na sdug la mdzes pa sa las grub pa yin no/ /yun ring mo zhig 'das nas chu'i rgya mtsho chen po de'i steng ri'i rgyal po ri rab gyi shar phyogs kyi phyi rol gyi rgya mtsho chen por nang du bltas shing/ phyi rol rgya che ba'i rlung kho ra khor yug na zla gam lta bur grub cing ldang ba de'i dus kyang yang la de'i skabs kyang yod do/ /de dag gis chu de dag kun tu bsdus shing kun tu 'thas par byed do/ /kun tu bsdus shing kun tu 'thas par byas nas gcig tu 'dus par byas te/ thur du yang zug par byed cing steng ni chu dang mnyam par 'jog ste/ de ni shar gyi lus 'phags kyi gling zhes bya ba yin te/ dpag tshad brgyad khri ni chu'i 'og gser gyi sa gzhi chen po la brten to/ /steng ni chu dang mnyam par 'dug ste/ de'i ngos nang gi ring po gang yin pa de la ni dpag tshad nyis stong yod do/ /ngos nang gi thung ngu de la ni dpag tshad sum brgya lnga bcu yod la/ mdza' skor du dpag tshad drug stong dang dpag tshad sum brgya lnga bcu yod do/ /dbyibs legs shing blta na sdug la mdzes pa sa las grub pa yin no/ /yun ring mo zhig 'das nas chu'i rgya mtsho chen po de'i steng ri'i rgyal po ri rab kyi nub phyogs kyi phyi rol rgya mtsho chen por nang du bltas pa dang/ phyi rol tu bltas pa'i rlung kho ra khor yug nas zlum por ldang ba de'i dus kyang yod la de'i skabs kyang yod de/ de dag gis chu de dag kun tu sdud cing kun tu 'thas par byed do/ /kun tu sdus shing kun tu 'thas par byas nas gcig tu 'dus par byas te/ thur du yang zug par byed cing steng ni chu dang mnyam par 'jog go /de ni nub kyi ba lang spyod ces bya ba'i gling yin te/ dpag tshad brgyad khri ni chu'i 'og gser gyis gzhi chen po la brten to/ /steng ni chu dang mnyam par 'dug ste/ chur dpag tshad nyis stong lnga brgya/ zheng du yang dpag tshad nyis stong lnga brgya yod la/ mdza' skor du dpag tshad bdun stong lnga brgya yod de/ dbyibs legs
- 69b
shing lta na sdug la mdzes pa sa las grub pa yin no/ /yun ring mo zhig 'das nas chu'i rgya mtsho chen po de'i steng ri'i rgyal po ri rab kyi byang phyogs kyi phyi rol gyi rgya mtsho chen por nang du bltas pa dang/ phyi rol tu bltas pa'i rlung khor khor yug nas gru bzhir ldang ba de'i dus kyang yod la de'i skabs kyang yod do/ /de dag gis chu de dag kun tu sdud cing 'thas par byed do/ /kun tu bsdus shing kun tu 'thas par byas nas gcig tu 'dus par byas te/ thur du yang zug par byed cing steng ni chu dang mnyam par bzhog go /de ni byang gi sgra mi snyan zhes bya ba'i gling yin te/ dpag tshad brgyad khri ni chu'i? 'og gser gyi sa gzhi chen po la brten to/ /steng ni chu dang mnyam par 'dug ste/ chur dpag tshad nyis stong/ zheng du yang dpag tshad nyis stong yod la/ mdza' skor du dpag tshad brgyad stong yod de/ dbyibs lags shing blta na sdug la mdzes pa sa las grub pa yin no/ /yun ring mo zhig 'das nas nam mkha' la tshangs pa'i gzhal med khang stong par legs par gnas par 'gyur ba de'i dus kyang yod la de'i skabs kyang yod do/ /de nas sems can gzhan tshe zad cing las zad la bsod nams zad nas 'od gsal gyi lha'i ris nas tshe 'phos te/ tshangs pa'i gzhal med khang stong pa'i nang du skye bar 'gyur ro/ /de nas sems can gzhan yang tshe zad cing las zad la bsod nams zad nas 'od gsal gyi lha'i ris nas shi 'phos te/ tshangs pa'i mdun na 'don pa'i lhar skye bar 'gyur ro/ /de nas tshangs pa'i ris su skye'o/ /de nas rgyal chen bzhi'i ris kyi lha rnams kyi bar du skye bar 'gyur te/ de tsam gyis na 'jig rten ni bar gyi bskal pa nyi shur 'chags pa de mthar thug par brjod par bya'o/ /de nas 'jig rten 'di bar gyi bskal pa nyi shur chags nas gnas pa de yang 'byung bar brjod par bya'o/ /yun ring mo zhig 'das nas chu'i rgya mtsho chen po de'i steng du chu'i rgyun shing rta'i srog shing tsam gyi char 'bab pa de'i dus kyang
- 70a
yod la de'i skabs kyang yod do/ /des rol mtsho rnams kyang gang bar byed la gling rnams kyang chu dang mnyam par gzhog ste/ sa chen po 'di chu gcig cing rgya mtsho gcig tu 'gyur bar byed do/ /sa chen po chu gcig cing rgya mtsho gcig tu gyur pa'i steng du rlung gis spris ma kun tu sdud cing kun tu 'thas par byed do/ /legs par gnas par byed cing kun tu bdal te/ dper na 'o ma bskol te bsgrangs pa'i steng du rlung gis spris ma kun tu bsdus cing kun tu 'thas par byed de/ legs par gnas par byed cing kun tu bdal ba de bzhin du sa chen po chu gcig cing rgya mtsho gcig tu gyur pa'i steng du rlung gis spris ma kun tu sdud cing kun tu 'thas par byed de/ legs par gnas par byed cing kun tu 'dal te/ de ni sa'i bcud kha dog phun sum tshogs pa dang/ dri phun sum tshogs pa dang/ ro phun sum tshogs pa yin te/ kha dog ni dper na mar sar bzhin no/ /ri ni dper na sbrang bu'i sbrang rtsi ma bskol ba bzhin no/ /de nas sems can gzhan tshe zad cing las zad la bsod nams zad nas 'od gsal gyi lha'i ris nas shi 'phos te 'jig rten 'dir skye bar 'gyur ro/ /de dag 'dir gzugs bzang ba dang/ yid las skyes pa dang/ ma nyams pa dang/ dbang po tshang ba dang/ yan lag dang nying lag thams cad dang ldan pa dang/ bzang ba dang/ mdog sdug pa dang/ dga' ba'i bza' ba dang dga' ba'i zas dang/ rang las 'od 'byung ba dang/ nam mkha' la 'gro ba dang/ tshe ring zhing yun ring por gnas so/ /de'i tshe na nyi ma dang/ zla ba 'di gnyis 'jig rten du mi 'byung ngo/ /rgyu skar rnams kyang mi 'byung ngo/ /dus tshigs dang/ lo rnams kyang mi 'byung ngo/ /zla ba dang zla ba phyed rnams mi 'byung ngo/ /mtshan mo dang nyin mo rnams mi 'byung ngo/ /skad cig dang thang cig dang yud tsam rnams mi 'byung/ skyes pa dang/ bud med kyang med de/ gzhan du na sems can
- 70b
sems can zhes bya ba'i ming 'ba' zhig 'byung ngo/ /'jig rten gzhag pa// //bam po bdun pa/ /de nas sems can bskal pa'i rang bzhin can gzhan zhig gis sa'i bcud mdzub mo'i thor tos blangs te myangs so/ /ji tsam du myang bar byed pa de tsam du sred par gyur to/ /ji tsam du sred par gyur pa de tsam du kham gyis za bar byed do/ /sems can gzhan dag gis kyang sems can de dag sa'i bcud mdzub mo'i thor tos blangs te myang bar byed pa mthong ngo/ /mthong nas sems can de dag gis kyang sa'i bcud 'dzub mos thor tos blangs te myang bar byed do/ /ji tsam du myang bar byed pa de tsam du sred par gyur to/ /ji tsam du sred par gyur pa de tsam du kham gyis za bar byed do/ /sems can de dag gis sa'i bcud kham gyi zos pa de dag gis lus la mkhrang ba dang/ lcib zhugs par gyur to/ /'od dang kha dog gi mdog gang yin pa de ni med par gyur te/ 'jig rten du mun pa byung bar gyur to/ /chos nyid kyis na 'jig rten du mun pa byung na nyi ma dang zla ba 'di gnyis 'jig rten du 'byung bar 'gyur ro/ /rgyu skar rnams dang/ mtshan mo dang nyin mo rnams dang/ dud tshigs dang lo rnams dang/ skad cig dang thang cig dang yud tsam rnams 'jig rten du 'byung bar 'gyur ro/ /de nas sems can de dag gi shar phyogs nas nyi ma'i dkyil 'khor 'char ba na de dag 'di skad du lha'i 'od de nyid 'di re/ lha'i 'od de nyid 'di re zhes nas ming nyin par nyin par zhes bya bar gyur to/ /de nas sems can de dag gi nub phyogs su nyi ma'i dkyil 'khor nub pa na de dag 'di skad du lha'i 'od de nyid dmar por gyur pa 'di re/ lha'i 'od de nyid dmar por gyur pa 'di re zhes nas mtshan mo mtshan mo zhes bya ba'i grangs su bgrang ngo/ /de nas sems can de dag gi shar phyogs nas zla ba'i dkyil 'khor shar ba dang sems can 'di skad du mun pa bkra bar byed do/ /mun pa dkra bar byed do zhes nas zla ba zla ba
- 71a
zhes bya ba'i grangs su bgrang ngo/ /de nas sems can de dag gi shar phyogs nas yang nyi ma'i dkyil 'khor 'char ba na/ de dag 'di skad du lha'i 'od nyid 'khor ba 'di re/ lha'i 'od de nyid 'khor ba 'di re zhes nas nyi ma nyi ma zhes bya ba'i ming byung ngo/ /de dag bza' ba de dang kha zas de za la/ tshe ring zhing yun ring du gnas so/ /de dag gi nang na kha zas ches mang du za ba de ni kha dog ngan par 'gyur ro/ /gang kha zas ches nyung ngu za ba de ni kha dog bzang bar 'gyur ro/ /de ltar kha zas sna tshogs kyi rkyen gyis kha dog sna tshogs yod par gyur to/ /kha dog sna tshogs yod par gyur pas/ kye sems can nga ni kha dog bzang ba yin no/ /khyod ni kha dog ngan pa yin no zhes sems can gyis sems can la brnyas par gyur to/ /kha dog gi mngon pa'i nga rgyal can de dag gis sdig pa mi dge ba'i chos de dag nyid yang dag par blangs pa'i phyir sa'i bcud nub par gyur to/ /de nas sems can de dag 'dus shing tshogs nas mya ngan byed cing yi chad la smre sngags 'don te/ 'di skad du/ kye hud sa'i bcud kyi hud sa'i bcud ces kyang 'dzer te/ dper na da ltar gyi mi rnams kyi kha zas bzang po dngar ba 'ga' zhig rnyed na sngon gyi yi ge dang/ tshig dang/ ming de dag rjes su slob par byed de/ 'di skad du kyi hud bro ba kyi hud bro ba zhes zer ba de bzhin du/ sems can de dag 'du shing 'tshogs nas mya ngan byed cing yi chad la smre sngags 'don te/ 'di skad du kyi hud sa'i bcud kyi hud sa'i bcud ces 'dzer te/ 'on kyang smras pa 'di'i don ni 'di yin no/ /smras pa 'di'i don ni 'di yin no zhes smras pa de'i don yang mi shes so/ /sa'i bcud nub par gyur pa na sems can de dag gis sa'i zhag kha dog phun sum tshogs pa dang/ dri phun sum tshogs pa dang/ ro phun sum tshogs pa byung bar gyur te/ kha dog ni dper na dong ka'i me tog bzhin no/ /ro ni dper na sbrang
- 71b
ma'i sbrang rtsi ma bskol ba bzhin te/ de dag bza' ba de dang/ kha zas de zal tshe ring zhing yun ring du gnas so/ /de dag gi nang na gang kha zas ches mang du za ba de ni kha dog ngan par 'gyur ro/ /gang kha zas ches nyung ngu za ba de ni kha dog bzang par 'gyur ro/ /de ltar kha zas sna tshogs kyi rkyen gyis kha dog sna tshogs yod par 'gyur ro/ /kha dog sna tshogs yod par gyur pas/ kye sems can nga ni kha dog bzang ba yin no/ /khyod ni kha dog ngan pa yin no sems can gyis sems can la brnyas par gyur to/ /kha dog gi mngon pa'i nga rgyal can de dag gis yang sdig pa mi dge ba'i chos de dag nyid yang dag par blangs pa'i phyir ma'i zhag kyang nub par gyur to/ /de nas sems can de dag 'dus shing tshogs nas mya ngan byed cing yi chad la smre sngags 'don te/ 'di skad du kye ma kyi hud kye ma kyi hud ces 'dzer te/ dper na da ltar gyi mi rnams las la la zhig nad yun ring po'i rim gyis btab pa na sngon gyi yi ge dang/ tshig dang ming de dag rjes su slob ste/ 'di skad du kye ma kyi hud kyi ma kye hud zer ba de bzhin du/ sems can de dag 'dus shing tshogs zhes bya ba nas/ smre sngags 'don pa'i bar du ste/ 'on kyang smras pa 'di'i don ni 'di yin no/ /smras pa 'di'i don ni 'di yin no zhes smras pa de'i don yang mi shes so/ /sa zhag nub par gyur pa na sems can de dag gi ldum bu'i tshal kha dog phun sum tshogs pa dang/ dri phun sum tshogs pa dang/ ro phun sum tshogs pa ste/ kha dog ni dper na ka dma'? bu ka'i me tog bzhin no/ /ro ni dper na sbrang ma'i sbrang rtsi ma skol ba bzhin te/ de dag bza' ba de dang kha zas de za la tshe ring zhing yun ring du gnas so/ /de dag gi nang na kha zas ches mang du za ba de ni kha dog ngan par 'gyur ro/ /gang kha zas ches nyung du za ba de ni kha dog bzang bar 'gyur ro/ /de ltar kha zas sna tshogs kyi rkyen gyis kha dog sna tshogs yod par gyur to/ /kha dog
- 72a
sna tshogs yod par gyur pas/ kye sems can nga ni kha dog bzang ba yin no/ /khyod ni kha dog ngan pa yin no/ /zhes sems can gyis sems can la brnyas par gyur to/ /kha dog gi mngon pa'i nga rgyal can de dag gis yang sdig pa mi dge ba'i chos de dag nyid yang dag par blangs pa'i phyir/ ldum bu'i tshal yang nub par gyur te/ ldum bu'i tshal nub par gyur nas de nas sems can de dag 'dus shing tshogs te/ mya ngan byed cing yid chad la smre sngags 'don te/ 'di skad du phar song phar song zhes 'dzer te/ dper na da ltar gyi mi rnams la la la zhig tshig rtsub po'i brgyad bkag gis spyo bar 'dod pa na sngon gyi yi ge dang/ tshig dang ming de dag rjes su slob ste/ 'di skad du phar song phar song zhes zer ba de bzhin du/ sems can de dag 'dus shing tshogs nas mya ngan byed cing yid chad la smre sngags 'don te/ phar song phar song zhes 'dzer to/ /'on kyang smras pa 'di'i don ni 'di yin no/ /smras pa 'di'i don ni 'di yin no zhes smras pa de'i don yang mi shes so/ /ldum bu'i tshal nub par gyur pa na sems can de dag gis ma btab pa'i 'bras sA lu'i 'bru kha dog phun sum tshogs pa dang/ dri phun sum tshogs pa dang/ ro phun sum tshogs pa byung bar gyur te/ gzegs ma med cing phub ma med pa dag cing gtsang ste/ sor bzhi tsam la yongs su g.yogs ma med pa de nang brdas na nub skye nub brdas na nang skye'o/ /de ltar brdas shing brdas shing skye la brdas par yang mi mngon te/ de dag bza' ba de dang/ kha zas de za la tshe ring zhing yun ring du gnas so/ /gang gi phyir sems can de dag gis ma rmos ma btab pa'i 'bras sA lu'i 'bru de lta bu rim gyis yongs su longs spyod pas de'i phyir de dag gi dbang po tha dad par byung bar gyur to/ /kha cig ni mo'i dbang po kha cig ni pho'i dbang po byung ste/ de mo'i dbang po can
- 72b
gang yin pa dag ?/ pho'i dbang po can gang yin pa de dag gcig la gcig mig gis mig tshugs su lta'o/ /ji tsam du mig gis mig tshugs su lta ba de tsam du kun tu chags so/ /ji tsam du kun tu chags pa de tsam du ngo tsha mi shes so/ /ji tsam du ngo tsha mi shes pa de tsam du log pa la zhugs so/ /sems can gzhan dag gis kyang sems can log pa la zhugs pa de mthong ngo/ /mthong nas kyang rdul gyis 'thor zhing bong ma dang gseg ma dang gyo mo dag kyang 'phen te/ 'di skad du ngan cing blun pa'i sems can mi bya ba byed pa/ de sems can gyi sems can gyi sun 'byung ba ga la srid ces 'dzer te/ dper na da ltar gyi mi rnams bag ma len pa dang gnyen 'dun rnams kyis me tog gam/ 'bras yos sam/ tsan dan gyi phye ma dag gis gtor te/ 'di skad du/ sru skyid par gyur cig/ sru skyid par gyur cig kyang 'dzer te/ de bzhin du sems can de dag gcig la gcig sems can log pa la zhugs pa mthong nas sems can snga ma bzhin du sems can gyis sems can sun 'byung ba ga la srid ces 'dzer to/ /de ltar na sngon chos ma yin par grags pa gang yin pa de ni da ltar gyi mi rnams kyi chos su grags so/ /sngon smad pa de ni da ltar gyi bsngags par gyur to/ /gang gi phyir sems can de dag sdig pa dang/ dam pa'i chos ma yin pa de la zhon cing 'dzud par byed de/ nges par zhugs pa des na phyogs gcig tu song ste khyim bya ba la zhugs shing rtsom par gyur te/ 'dir bdag cag gnyis kyis mi bya ba bya'o zhes zer ba las khyim khyim zhes bya ba'i ming byung ngo/ /de dag phye ma res za bar 'dod pa'i phyir ni phye ma red sA lu len to/ /nad par 'dod pa'i phyir ni nad par len to/ /de dag sems can le lo can gzhan zhig nad par gyi sA lu phye ma red blangs so/ /de nas sems can gzhan zhig gis sems can de la 'di skad du/ kye sems can tshur shog /bdag cag gnyis sA lu len du 'dod do zhes
- 73a
smras so/ /des 'di skad du/ kye sems can khyod bdag cag sA lu blang ba'i phyir nan tan byos shig/ ngas ni nang bar gyi sA lu nub mo blangs zin to zhes smras so/ /de nas sems can de 'di snyam du nang par gyi sA lu phye ma red min? pa 'di ni legs pa yin no/ /'di ni shin tu legs pa yin gyis bdag cag gis yang zhag gnyis dang zhag gsum dang bdun gyi bar gyi sA lu blang bar bya'o snyam nas zhag gi sA lu blangs so/ /gang gi phyir de dag gis ma rmos ma btab pa'i 'bras sA lu'i 'bru kun tu bsags pa'i tshul gyis longs spyad pas/ longs spyad pa des na sA lu de las gzegs ma dang phub ma yang byung bar gyur/ brdas so cog kyang mi skye la brdas par yang mngon par gyur te/ sA lu rnams phung po phung por bzhag go/ de nas sems can de dag 'dus shing tshogs nas mya ngan byed cing mi chad la smre sngags 'don te/ kye bdag cag sngon gyi gzugs bzang zhing yid la skyes pa dang/ ma nyams shing dbang po tshang la yan lag dang nying lag thams cad dang ldan te/ rang las 'od 'byung dang/ nam mkha' la 'gro ba dang/ bzang zhing mdog sdug pa dang/ dga' ba'i bza' ba rnams dang dga' ba'i zas rnams za la tshe ring zhing yun ring du gnas te/ bdag cag las gang kha zas ches mang du zab de ni kha dog ngan par 'gyur la/ gang kha zas ches nyung du za ba de ni kha dog bzang bar 'gyur zhing/ de ltar kha zas sna tshogs kyi rkyen gyis kha dog kyang sna tshogs yod par 'gyur te/ kha dog sna tshogs yod par gyur pas/ kye sems can nga? ni kha dog bzang ba yin no/ /khyod ni kha dog ngan pa yin no zhes sems can gyis sems can la brnyas par gyur la bdag cag kha dog gi mngon pa'i nga rgyal can rnams kyi sdig pa mi dge ba'i chos de dag nyid yang dag par blangs pa'i phyir sa'i bcud nub par gyur nas/ sa zhags kha
- 73b
dog phun sum tshogs pa dang dri phun sum tshogs pa dang/ ro phun sum tshogs pa byung bar gyur te/ 'dog ni dper na dong ka'i me tog bzhin no/ /ro ni dper na sbrang ma'i sprang rtsi ma bskol ba bzhin no/ /bdag cag bza' ba de dang kha zas de za la tshe ring zhing yun ring du gnas te bdag cag las gang kha zas ches mang 'du za ba de ni kha dog ngan par 'gyur la/ /gang kha zas ches nyung du za ba de ni kha dog bzang bar 'gyur te/ de ltar kha zas sna tshogs kyi rkyen gyis kha dog sna tshogs yod par gyur to/ /kha dog sna tshogs yod par gyur pas/ kye ma sems can nga ni kha dog bzang ba yin no/ /khyod ni kha dog ngan pa yin no zhes sems can gyis sems can la brnyas par gyur te/ bdag cag kha dog gi mngon pa'i nga rgyal can rnams kyis kyang sdig pa mi dge ba'i chos de dag nyid yang dag par blangs pa'i phyis zhag nub par gyur nas/ ldum bu'i tshal kha dog phun sum tshogs pa dang/ dri phun sum tshogs pa dang/ ro phun sum tshogs pa byung bar gyur to/ /kha dog ni dper na gdam? 'bu ka'i me tog bzhin la/ ro ni dper na sbrang bu'i sbrang rtsi ma bskol bzhin te/ bdag cag bza' ba de dang kha zas de dag za la tshe ring zhing yun ring du gnas te/ bdag cag las gang kha zas ches mang du zab de ni kha dog ngan par gyur la gang kha zas ches nyung du za ba de ni kha dog bzang bar gyur te/ de ltar kha zas sna tshogs kyi rkyen gyis kha dog sna tshogs yod par 'gyur la/ kha dog sna tshogs yod par gyur pas kye sems can nga ni kha dog bzang ba yin no/ /khyod ni kha dog ngan pa yin no zhes sems can gyis sems can la brnyas par gyur te/ bdag cag kha dog gi mngon ba'i nga rgyal can rnams kyis sdig pa mi dge ba'i chos de dag nyid yang dag par blangs pa'i phyir ldum bu'i tshal nub par gyur te/ ma mos pa btab pa'i 'bras sA lu'i 'bru kha dog phun sum tshogs pa dang/ dri phun sum tshogs pa dang/ ro phun sum tshogs pa byung bar gyur te/ /gzegs pa med cing phub ma med la dag cing gtsang ste/ sor bzhi tsam la
- 74a
yongs su g.yogs pa med pa de nang brdas na nub skye/ nub brdzas na nang skye ba dang/ de ltar brdas shing skye la brdas par yang mi mngon te/ bdag cag bza' bde dang kha zas de la za la tshe ring zhing yun ring du gnas te/ gang gis phyir bdag cag gis ma rmos ma btab pa'i 'bras sA lu'i 'bru kun tu bsags pa'i tshul gyis longs spyod pas longs spyod pa des? na sA lu de las gzegs ma dang phub ma yang byung bar gyur/ brdas so cog kyang mi skye la brdas pa yang mngon par gyur te/ sA lu rnams phung po phung por bzhag go /da ni bdag cag gis 'di ni khyod kyi'o/ /'di ni nga'i 'o zhes zhing rnams gzhal zhing bgos la/ mu thugs bri'o zhes nas de dag 'di ni khyod kyi'o/ /'di ni nga'i 'o zhes zhing rnams 'jal zhing 'gyod de mu thug 'dri'o/ /de nas sems can gzhan zhig gis bdag gi sA lu yod bzhin du gzhan gyi sA lu ma byin par blangs so/ /sems can gzhan zhig gis sems rten de bdag gi sA lu yod bzhin du gzhan gyi sA lu ma byin par len pa mthong ngo/ /mthong nas kyang 'di skad du/ ngan zhing blun pa'i sems can khyod ni mi bya ba byed pa'o/ /kye sems can bdag gi sA lu yod bzhin du gzhan gyi sA lu ma byin par len pa dag ga la srid/ kye sems can khyod song la phyin chad de ltar ma byed cig ces smras so/ /de nas sems can des bdag gi sA lu yod bzhin du lan gnyis lan gsum du gzhan gyi sA lu ma byin par blangs so/ /sems can de bdag gi sA lu yod bzhin du lan gnyis lan gsum du ma byin par len pa sems can des mthong ngo/ /mthong nas kyang 'di skad du/ ngan zhing blang pa'i sems can khyod ni mi bya ba byed pa'o/ /kye sems can khyod bdag gi sA lu yod bzhin du gzhan gyi sA lu ma byin par len pa dag ga la srid ces smras te/ de'i lag pa gnyis nas kyang bzung nas de tshur 'dren par 'dren
- 74b
la de'i tshe 'khor gyi nang du yang bkug ste/ sems can dag gang sems can 'dis bdag gi sA lu yod bzhin du bzhag gyi sA lu ma byin par blangs pa shes par gyis shig ces smras so/ /de nas sems can de dag gis sems can de la 'di skad du ngan zhing blun pa'i sems can khyod ni mi bya ba byed do/ /khyod bdag gi sA lu yod bzhin du gzhan gyi sA lu ma byin par len pa dag ga la srid/ kye sems can khyod song la phyin chad de ltar ma byed ces smras so/ /de nas sems can de dag la sems can nges 'di skad du sems can dag gang sems can 'di sA lu'i phyir dag tshur drangs par drangs te/ 'khor gyi nang du yang bkur pa shes par gyis shig/ de nas sems can de dag gis sems can de dag 'di skad du/ kye sems can khyod kyis sA lu'i phyir sems can tshur drangs phar drangs la 'khor gyi nang du yang bkug ste ci bya/ kye sems can khyod song la byin chad de ltar ma byed cig ces smras so/ /de nas sems can de dag 'di snyam du sA lu'i phyir 'dren pa dang 'khor gyi nang du yang 'gugs pa dag snang gis/ bdag cag 'dus la bdag cag gi nang na sems can gang ches gzugs bzang ba dang/ ches lta na sdug pa dang/ tshes mdzes pa dang/ ches dbang che bar grags pa bdag cag gis zhing gi dpon por bskos na/ bdag cag la dus dus su chad pas gcad pa'i rigs pa gang yin pa rnams la ni chad pas gcod par 'gyur/ phan gdags pa'i rigs pa rnams la ni phan 'dogs par 'gyur te/ gang bdag cag gi zhing rnams las skyes pa de las bdag cag gi dus dus chos bzhin du thob shas sbyin par bya'o snyam du bsams so/ /de nas sems can de dag 'dus nas de dag gi nang na sems can gang ches gzugs bzang ba dang/ ches lta na sdug pa dang/ ches mdzes pa dang/ ches dbang tshe bar grags pa gang yin pa'i sems can la 'di skad du/ kye sems can khyod tshur shog/
- 75a
bdag cag gi zhing gi bdag po legs pa kho nar byos la/ sems can bdag cag las chad pas bcad pa'i rigs pa rnams ni chas pas chod cig/ phan dags pa'i rigs pa rnams la ni phan thogs shig/ bdag cag gi zhing rnams las skyes pa gang yin pa de las kyang bdag cag gi dus su chos bzhin du thob shes sbyin no zhes smras so/ /de nas skye bo mang pos bkur to skye po mang pos bkur to/ /zhes nas mang pos bkur pa bkur ba mang pos bkur pa zhes ming chags so/ /zhing rnams kyi bdag por gyur pa dang/ phod pa las skyob pa'i phyir rgyal rigs rgyal rigs zhes bya bar ming du chags so/ /chos dang tshul khrims kyi tshul kun tu spyod pa dang/ shes rab kyi tshul kyang kun tu spyod pas 'khor mgu bar byed pa'i phyir rgyal po rgyal po zhes bya bar ming du chags so/ /bcom ldan 'das kyis kyang gnas 'jog dang ba ra dwa dza lung bstan pa las 'di skad du/ gnas 'jog ci'i rgyu dang ci'i rkyen gyis rgyal rigs kyi tshe rigs 'jig rten du byung zhe na/ 'jig rten 'di 'jig cing 'jig pa'i tshe 'jig rten na sems can phal chen 'od gsal gyi lha'i rigs su kye ba de'i dus kyang yod la de'i skabs kyang yod de/ de dag der gzugs bzang zhing yid las skyes pa dang/ mnyams shing dbang po tshang ba dang/ yan lag dang nying? lag thams cad dang ldan pa dang/ bzang zhing mdog sdug pa dang/ rang las 'od 'byung ba dang/ nam mkha' la 'gro ba dang/ dga' ba'i bza' ba dang/ dga' ba'i zas za ba dang/ tshe ring zhing yun ring du gnas par 'gyur ba de'i dus kyang yod la de'i skabs kyang yod do/ /'jig rten 'di chags shing 'chags par na 'jig rten du sa chen po 'di chu gcig cing rgya mtsho gcig tu 'gyur ba de'i dus kyang yod la de'i skabs kyang yod de/ chu gcig cing rgya mtsho gcig tu gyur pa'i sa chen po'i steng du rlung gis spris
- 75b
ma kun tu bsdus shing kun tu 'thas par byas pa nas snga ma bzhin du rgyas par skye'o mang pos bkur ba'i phyir mang pos bkur ba zhes ming du chags pa dang/ zhing rnams kyi bdag por gyur pa dang/ phongs pa las skyob pa'i phyir rgyal rigs rgyal rigs zhes bya bar ming du chags pa dang/ chos dang tshul khrims kyi tshul tu spyod pa dang/ shes rab kyi tshul kun tu spyod pas 'khor mgu bar byed pa'i phyir rgyal po zhes bya bar ming du chags pa'i bar du thams cad brjod par bya ste/ gnas 'jog 'di ni rgyal rigs kyi cho rigs 'jig rten du byung ba'i gtan tshigs kyi mchog yin te/ de yang chos bzhin du byed pa yin gyi chos ma yin pas ni ma yin no/ /de la 'di ni rgyal ba'i dbang po rnams kyi chos so/ /gang gi tshe mang pos bkur ba rgyal po chen por gyur pa de'i tshe ni mi rnams kyi ming sems can sems can zhes bya bar gyur to/ /mang pos bkur ba'i bu ni 'od mdzes zhes bya bar gyur te/ gang gi tshe 'od mdzes rgyal po chen por gyur ba de'i tshe ni mi rnams kyi ming ni chu stod chu stod zhes bya bar gyur to/ /'od mdzes kyi bu dge ba zhes bya bar to/ /gang gi tshe dge ba rgyal por gyur pa de'i tshe ni mi rnams kyi ming til las skyes til las skyes zhes bya bar 'gyur te/ /dge ba'i bu ni dge mchog ces bya bar gyur to/ /gang gi tshe dge mchog rgyal por gyur pa de'i tshe ni mi rnam kyi ming sprin mgrin sprin mgrin zhes bya bar gyur to/ /dge mchog gi bu ni gso sbyong 'phags zhes bya bar gyur te/ gang gi tshe gso sbyong 'phags rgyal por gyur pa de'i tshe ni mi rnams kyi ming tA la'i rje dar tA la'i rje ngar zhes bya bar gyur to/ /rgyal po gso sbyong 'phags kyi spyi bor phol mig gcig byung ste/ 'jam zhing shin tu 'jam pa ni dper na shing bal gyi 'dab ma 'am/ ras bal gyi 'da' ba bzhin te/ de la cung zad kyang gnod pa med de/ de smin te rdol ba las khye'u gzugs bzang zhing lta na stag la mdzes pa skyes bu chen po'i mtshan sum cu rtsa gnyis
- 76a
dang ldan pa cig byung ste/ ming spyi bo skyes spyi bo skyes zhes bya ba dang/ nga las nu nga las nu zhes bya bar gyur te/ gzhon nu de rdzu 'phrul che zhing mthu che bar gyur te/ des gling bzhi char du yang rgyal srid kyi dbang phyug la dbang byed de/ gang gi tshe rgyal po nga las nu byung ba de'i tshe gzhung lugs chen po rgya che'o cog dpyad cing bsams te/ blo bcing nye bar brtags nas byas pas na de phyin chad nas da ltar gyi bar du mi rnams ming dpyod pa can dang/ sems ba can dang/ nye bar rtogs ba can dang/ shed las skyes ba shes las skyes pa zhes bya bar gyur to/ /rgyal po nga las nu'i brla g.yas pa nas phol mig cig byung ste/ 'jam zhing shin tu 'jam pa ni dper na shing bal gyi 'dab ma 'am/ ras bal gyi 'dab ma bzhin te/ de la cung zad kyang gnod pa med do/ /de smin te rdol pa las khye'u gzugs bzang zhing lta na sdug la mdzes pa skyes bu chen po'i mtshan sum cu rtsa gnyis dang ldan pa zhig byung ste/ rkang pa g.yas pa nas byung ba'i phyir de'i ming mdzes pa mdzes pa zhes bya bar gyur to/ /gzhon nu de rdzu 'phrul che zhing mthu che ste/ des kyang gling gsum du rgyal srid kyi dbang phyug la dbang byas so/ /rgyal po mdzes pa'i brla g.yon pa nas phol mig cig byung ste/ 'jam zhing shin tu 'jam ba ni dpe na shing bal gyi 'dab ma 'am/ ras bal gyi 'dab ma bzhin te/ de la cung zad kyi gnod pa med do/ /de smin te rdol ba las khye'u gzugs bzang zhing lta na sdug la mdzes pa skyes bu chen po'i mtshan sum cu rtsa gnyis dang ldan pa zhig byung ste/ rkang pa g.yon pa nas skyes so// rkang pa g.yon pa nas skyes so zhes nas ming nye mdzes nye mdzes zhes bya bar gyur to/ /gzhon nu de rdzu 'phrul che zhing mthu che ste/ /des kyang gling gnyis su rgyal srid kyi dbang phyug la dbang byas so/ /rgyal po nye mdzes kyi rkang pa'i bol las phol mig
- 76b
byung ste/ 'jam zhing shin tu 'jam pa ni dper na shing bal gyi 'dab ma 'am/ ras bal gyi 'dab ma bzhin te/ de la cung zad kyang gnod pa med do/ /de smin te rdol ba las khye'u gzugs bzang zhing blta na sdug la mdzes pa skyes bu chen po'i mtshan sum cu rtsa gnyis dang ldan pa zhig byung ste/ de rkang pa'i bol gyi steng nas byung ba'i phyir ming mdzes can ming mdzes can zhes bya bar gyur to/ /gzhon nu de rdzu 'phrul che zhing mthu che ste/ des kyang gling gcig tu rgyal srid kyi dbang phyug la dbang byas so/ /rgyal po mdzes can gyi rkang ba'i mthil gyi 'og nas phol mig cig byung ste/ 'jam zhing shin tu 'jam pa ni dper na shing bal gyi 'da' ba 'am/ ras bal gyi 'da' ba bzhin te/ de la cung zad kyang gnod pa med do/ /de smin te rdol ba las khye'u gzugs bzang zhing bltan sdug la mdzes pa skyes bu chen po'i mtshan sum cu rtsa gnyis dang ldan pa zhig byung ste/ rkang ba'i mthil gyi 'og nas skyes so/ /rkang pa'i mthil gyi 'og nas skyes so zhes nas ming mdzes ldan mdzes ldan zhes bya bar gyur ro/ /gzhon nu de rdzu 'phrul che zhing mthu che ste/ des kyang gling gcig tu rgyal srid kyi dbang phyug la dbang byas so/ /de phyin chad kyi 'khor los sgyur ba'i rgyal po rnams ni gling gcig la dbang ba sha stag yin par rig par bya'o/ /mdzes ldan gyi bu ni btang ba'o/ /btang ba'i bu ni btang bzung ngo/ /btang bzung gi bu sha ku ni'o/ /sha ku ni'i bu ni shi ku chen po'o/ /sha ku ni chen po'i bu ni ku shi'o/ /ku shi'i bu ni nye ba'i ku shi'o/ /nye ba'i ku shi'i bu ni ku shi chen po'o/ /ku shi chen po'i bu ni legs mthong ngo/ /legs mthong gi bu ni legs mthong chen po'o/ /legs mthong chen po'i bu ni gnod sel lo/ /gnod sel gyi bu ni shes ldan no/ /shes ldan gyi bu ni skal ldan no/ /skal ldan gyi bu ni ngan spong ngo/ /ngan spong gi bu ni lhun po'o/ /lhun po'i bu ni nges 'gro'o/ /nges 'gro'i bu ni rab tu sgra grags so/ /rab tu sgra grags/
- 77a
kyi bu ni rab tu sgra sgrags chen po'o/ /rab tu sgra sgrags chen po'i bu ni bde byed do/ /bde byed kyi bu ni phyogs bdag go /phyogs bdag gi bu ni 'dul bzang ngo/ /'dul bzang gi bu ni rgyas byed do/ /rgyas byed kyi bu ni lha chen po'o/ /lha chen po'i bu tsha brgyud dang tsha bo dang yang tsha'i brgyud kyi rgyal po brgyad khri bzhi stong gis 'dres pa'i grong khyer du rgyal srid kyi dbang phyug la dbang byas so/ /de dag gi 'og tu rgyal po mu khyud ces bya ba byung ste/ mu khyud kyi bu ni rgyal pa pho'o/ /rgyal ba po'i bu lhun po'o/ /lhun po'i bu ni 'jigs byed kyi shing rta'o/ /'jig byed kyi shing rta'i bu ni shing rta brgya ba'o/ /shing rta brgya pa'i bu ni shing rta bcu pa'o/ /shing rta bcu pa'i 'og tu lnga len gyi rgyal po lnga stong gis rgyal srid kyi dbang phyug la dbang byas so/ /lnga len gyi rgyal po lnga stong gi 'og tu ka ling ka'i rgyal po lnga stong gis rgyal srid kyi dbang phyug la dbang byas so/ /ka lingka'i rgyal po lnga stong gi 'og tu a smra ka'i rgyal po bdun stong byung ngo/ /a smra ka'i rgyal po bdun stong gi 'og tu sgra mi snyan gyi rgyal po brgyad stong byung ngo/ /sgra mi snyan gyi rgyal po brgyad stong gi 'og tu thod pa can gyi rgyal po dgu stong byung ngo/ /thod pa can gyi rgyal po dgu stong gi 'og tu yan lag can gyi rgyal po khri byung ngo/ /yan lag can gyi rgyal po khri'i 'og tu ma ga d+ha'i rgyal po khri chig stong byung ngo/ /ma ga d+ha'i rgyal po khri chig stong gi 'og tu ta ma lib ta'i rgyal po khri lnga stong byung ngo/ /ta ma lib ta'i rgyal po khri lnga stong gi 'og tu rgyal po bu ram shing pa zhes bya ba byung ngo/ /bu ram shing ba'i bu tsha brgyud dang/ tsha bo dang/ yang tsha'i brgyud bu ram shing ba'i rgyal po stong chig brgyas rgyal srid kyi dbang phyug la dbang byas so/ /de dag gi 'og tu rgyal po 'phags skyes po zhes bya ba byung ste/ 'phags skyes po'i bu bzhi byung ba la 'di lta ste/ bzhin 'bar dang/ lag rna dang/ glang chen 'dul
- 77b
ba dang/ rkang gdub can no/ /de nas rkang gdub can gyi bu rgyal po rkang gdub can gyi zhabs zhes bya ba byung ngo/ /rkang gdub can gyi zhabs kyi bu ni gnas 'jog go /gnas 'jog gi bu ni ba lang gnas so/ /ba lang gnas kyi bu ni seng ge 'bram ste/ seng ge 'gram gyi bu bzhi yod pa la 'di lta ste/ zas gtsang dang/ zas dkar dang/ bre bo zas dang/ bdud rtsi zas so/ /zas gtsang gi sras ni bcom ldan 'das so/ /bcom ldan 'das kyis sras ni sgra can zin no/ /'di ni re zhig chos mngon pa las 'byung ba'i rgyal po'i rim pa yin te/ bdag nyid chen po de dag gis yi ge rgyas pa dag las mdor bsdus so/ /'dul ba las ji skad du 'byung ba de bzhin du yang bri bar bya ste/ mang pos bkur ba dang/ 'od mdzes dang/ dge ba dang/ dge mchog dang/ gso sbyong 'phags dang nga las nu dang/ mdzes pa dang/ nye mdzes dang/ mdzes can dang/ mdzes ldan dang/ rgyas byed dang/ srad pa dang/ nye sred dang/ btang pa dang/ btang gzung dang/ lus thul dang/ shes ldan dang/ ngan spong dang/ shing rta rdu gu can dang/ dug can dang/ dug can chen po dang/ sha ku ni dang/ sha ku ni chen po dang/ ku shi dang/ nye ba'i ku shi dang/ ku shi chen po dang/ rgyas byed dang/ rgyas byed chen po dang/ legs mthong dang/ legs mthong chen po dang/ gnod sel dang/ nye ba'i gnod sel dang/ rma bya dang/ des 'gro dang/ bde byed dang/ rab 'dul dang/ rab tu sgra grags dang/ rab tu dang ldan dang/ 'od byed dang/ lhun po dang/ ri rab dang/ lhun po ldan dang/ me lce dang/ me lce phreng dang/ me lce ldan dang/ me lce ldan gyi bu tsha brgyud dang tsha bo dang yang tsha'i rgyud kyi rgyal po 'bum gyis grong khyer gru 'dzin du rgyal srid kyi dbang phyug la dbang byas so/ /de dag gi 'og tu rgyal po dgra 'dul zhes bya ba byung ste/ dgra 'dul ba'i phyir na ming dgra 'dul zhes bya'o/ /rgyal po dgra 'dul gyi bu tsha brgyud dang tsha'o dang yang tsha'i
- 78a
brgyud kyi rgyal po lnga khri bzhi stong gis grong khyer 'thab med du rgyal srid kyi dbang phyug la dbang byas so/ /de dag gi 'og tu rgyal po ma phebs 'bebs zhes bya ba byung ste/ rgyal po ma 'phebs 'bebs kyis bu tsha brgyud dang tsha bo dang yang tsha'i rgyud kyi rgyal po drug khri sum stong gis ba ra NA si'i grong khyer du rgyal srid kyi dbang phyug la dbang byas so/ /de dag gi 'og tu rgyal po bzod par dka' ba zhes bya ba byung ste/ rgyal po bzod par dka' ba'i bu tsha brgyud dang tsha bo dang yang tsha'i brgyud gyi rgyal po brgyad khri bzhi stong gis grong khyer mda''dzin du rgyal srid kyi dbang phyug la dbang byas so/ /de dag gi 'og tu rgyal po tshangs pas byin zhes bya ba byung ste/ rgyal po tshangs pas byin gyi bu tsha brgyud dang tsha bo dang yang tsha'i brgyud kyi rgyal po sum khri nyis stong gis grong khyer glang chen gnas su rgyal srid kyi dbang phyug la dbang byas so/ /de dag gi 'og tu rgyal po glang pos byin zhes bya ba byung ste/ rgyal po glang pos byin gyi bu tsha brgyud dang tsha bo dang yang tsha'i rgyud kyi rgyal po lnga stong gis grong khyer rdo 'jog du rgyal srid kyi dbang phyug la dbang byas so/ /de dag gi 'og du rgyal po bal bu zhes bya ba byung ste/ rgyal po bal bu'i bu tsha brgyud dang tsha bo dang yang tsha'i brgyud kyi rgyal po sum khri nyis stong gis grong khyer u ra shar rgyal srid kyi dbang phyug la dbang byas so/ /de dag gi 'og du rgyal po tshan chen thub ces bya ba ste/ rgyal po tshan chen thub kyi bu tsha brgyud dang tsha bo dang yang tsha'i brgyud kyi rgyal po sum khri nyis stong gis grong khyer ma phebs su rgyal srid kyi dbang phyug la dbang byas so/ /de dag gi 'og tu rgyal po rgyal po zhes bya ba byung ste/ rgyal po rgyal po'i bu tsha brgyud dang tsha bo dang yang tsha'i rgyud kyi rgyal po khri nyis stong gis kan n+ya kub dza'i grong khyer du rgyal srid kyi dbang phyug la dbang byas so/ /de dag gi 'og tu
- 78b
rgyal po rgyal ba'i sde zhes bya ba byung ste/ rgyal po rgyal ba'i sde'i bu tsha brgyud dang tsha bo dang yang tsha'i brgyud kyi rgyal po khri brgyad stong gis grong khyer tsam par rgyal srid kyi dbang phyug la dbang byas so/ /de dag gi 'og tu rgyal po klu lha zhes bya ba byung ste/ rgyal po klu lha'i bu tsha brgyud dang tsha bo dang yang tsha'i brgyud kyi rgyal po nyi khri lnga stong gis ta ma lib ta'i grong khyer du rgyal srid kyi dbang phyug la dbang byas so/ /de dag gi 'og tu rgyal po mi'i lha zhes bya ba byung ste/ rgyal po mi'i lha'i bu tsha brgyud dang tsha bo dang yang tsha'i brgyud kyi rgyal po khri nyis stong gis ta ma lib ta'i grong khyer du rgyal srid kyi dbang phyug la dbang byas so/ /de dag gi 'og tu rgyal po dug can pa'i lha zhes bya ba zhig byung ste/ rgyal po dug can pa'i lha'i bu tsha brgyud dang tsha bo dang yang tsha'i brgyud kyi rgyal po khri brgyad stong gis grong khyer so ldan du rgyal srid kyi dbang phyug la dbang byas so/ /de dag gi 'og tu rgyal po blo bzang zhes bya ba byung ste/ rgyal po blo bzang gi bu tsha brgyud dang tsha bo dang yang tsha'i brgyud kyi rgyal po nyi khri chig stong gis grong khyer rgyal po'i khab tu rgyal srid kyi dbang phyug la dbang byas so/ /de dag gi 'og tu rgyal po mun sel zhes bya ba byung ste/ rgyal po mun sel gyi bu tsha brgyud dang tsha bo dang yang tsha'i brgyud kyi rgyal po brgyas grong khyer ba ra NA sir rgyal srid kyi dbang phyug la? dbang byas so/ /de dag gi 'og tu rgyal po dbang chen sde zhes bya ba byung ste/ rgyal po dbang chen sde'i bu tsha brgyud dang tsha bo dang yang tsha'i brgyud kyi rgyal po brgyad khri bzhi stong gis grong khyer ku shi ldan du rgyal srid kyi dbang phyug la dbang byas so// de dag gi 'og tu rgyal po rgya mtsho lha zhes bya ba byung ste/ rgyal po rgya mtsho lha'i bu tsha brgyud dang tsha bo dang yang tsha'i brgyud kyi rgyal po stong gis yang grong khyer gru 'dzin du rgyal srid kyi dbang phyug la dbang byas so/ /de dag gi 'og tu rgyal po dka' thub spyod ces bya
- 79a
ba byung ste/ rgyal po dka' thub spyod kyi bu tsha brgyud dang tsha bo dang yang tsha'i brgyud kyi rgyal po brgyad khri bzhi stong gi yang grong khyer ku shi ldan du rgyal srid kyi dbang phyug la dbang byas so/ /de dag gi 'og tu rgyal po sa gtso zhes bya ba byung ste/ rgyal pos gtso'i bu tsha brgyud dang tsha bo dang yang tsha'i brgyud kyi rgyal po stong gis yang grong khyer ba ra NA sir rgyal srid kyi dbang phyug la dbang byas so/ /de dag gi 'og tu rgyal po sa bdag ces bya ba byung ste/ rgyal po sa bdag gi bu tsha brgyud dang tsha bo dang yang tsha'i brgyud kyi rgyal po stong gis yang grong khyer 'thab med du rgyal srid kyi dbang phyug la dbang byas so/ /de dag gi 'og tu rgyal po sa 'dzin ces bya ba byung ste/ rgyal po sa 'dzin gyi bu tsha brgyud dang tsha bo dang yang tsha'i brgyud kyi rgyal po brgyad khri bzhi stong gi yang 'dres pa'i grong khyer du rgyal srid kyi dbang phyug la dbang byas so/ /de dag gi 'og tu rgyal po lha chen po zhes bya ba byung ste/ rgyal po lha chen po'i bu tsha brgyud dang tsha bo dang yang tsha'i brgyud kyi rgyal po brgyad khri bzhi stong gis yang grong khyer 'dres par rgyal srid kyi dbang phyug la dbang byas nas thams cad dang 'dres pa de nyid dang/ lha chen po'i a mra'i tshal de nyid du rgyal po drang srong du gyur te/ drang srong gis tshangs pa spyod pa spyad do/ /de dag gi 'og tu rgyal po nges 'phen zhes bya ba byung ngo/ /des 'phen gyi bu ni mu khyud do/ /mu khyud kyi bu ni mu khyud brtan no// mu khyud brtan gyi bu ni tshan po che'o/ /tshan po che'i bu ni za ba'o/ /za ba'i bu ni nye za'o/ /nye za'i bu ni za ba can no/ /za ba can gyi bu ni za ldan no/ /za ldan gyi bu ni gya nom snang ba'o/ /gya nom snang gi bu ni mnyam lta'o/ /mnyam lta'i bu ni thos pa'i sde'o/ /thos pa'i sde'i bu ni chos kyi sde'o/ /chos kyi sde'i bu ni rtogs pa'o/ /rtogs pa'i bu ni rtogs chen no/ /rtogs chen gyi bu ni rtogs sde'o/ /rtogs sde'i bu ni mya ngan med do/ /mya ngan med pa'i bu ni mya ngan bral lo/ /mya ngan bral gyi bu ni mtshams brtan no/ /mtshams
- 79b
brtan gyi bu ni rgan mtshams so/ /rgan mtsham kyi bu ni dun du ma ra'o/ /dun du ma ra'i bu ni skya rengs so/ /skya rengs kyi bu ni phyogs bdag go /phyogs bdag gi bu ni rdul bzang ngo/ /rdul bzang gi bu ni bde byed do/ /bde byed kyi bu ni kun dga' o/ /kun dga' i bu ni me long zhal lo/ /me long zhal gyi bu ni skyed pa pa'o/ /skyed pa po'i bu ni rgyal ba khyu mchog go /rgyal ba khyu mchog gi bu ni bza' btung ldan no/ /bza' btung ldan gyi bu ni bza' btung mod do/ /bza' btung mod kyi bu ni thub med do/ /thub med kyi bu ni gzhan gyis mi thub pa'o/ / gzhan gyis mi thub pa'i bu ni brtan pa'o/ /brtan po'i bu ni rab tu brtan no/ /rab tu brtan gyi bu ni stobs po che'o/ /stobs po che'i bu ni bzhon pa mang ngo/ /gzhon pa mang gi bu ni blo bzang ngo/ /blo bzang gi bu ni brtan gzhon no/ /brtan gzhon gyi bu ni gzhu bcu pa'o// gzhu bcu pa'i bu ni gzhu brgyad pa'o/ /gzhu brgyad pa'i bu ni gzhu dgu bcu pa'o/ /gzhu dgu bcu pa'i bu ni rnam par rgyal pa'i gzhu'o/ /rnam par rgyal ba'i gzhu'i bu ni gzhu bkra'o/ /gzhu bkra'i bu ni gzhu sra'o/ /gzhu sra'i bu ni gzhu brtan no/ /gzhu bstan pa'i bu'i ni shing rta bcu pa'o/ /shing rta bcu pa'i bu ni shing rta brgya pa'o/ /shing rta brgya ba'i bu ni shing rta dgu bcu pa'o/ /shing rta dgu bcu pa'i bu ni shing rta sna tshogs pa'o/ /shing rta sna tshogs pa'i bu ni shing rta rnam pa sna tshogs pa'o/ /shing rta rnam pa sna tshogs pa'i bu ni shing rta brling pa'o/ /shing rta brling pa'i bu ni shing rta brtan no/ /rgyal po shing rta brtan gyi bu tsha brgyud dang tsha bo dang yang tsha'i brgyud kyi rgyal po bdun khri bdun stong gis grong khyer legs par snang du rgyal srid kyi dbang phyug la dbang byas so/ /de dag gi 'og tu rgyal po nam mkha' i bdag po zhes bya ba byung ngo/ /rgyal po nam mkha' i bdag po'i bu ni klus bsrungs so/ /rgyal po klus bsrungs kyi bu tsha brgyud dang tsha bo dang yang tsha'i rgyud kyi rgyal po brgyas yang grong khyer ba ra NA sir rgyal srid kyi dbang phyug la dbang byas
- 80a
so/ /de dag gi 'og tu rgyal po kri ki zhes bya ba byung ste/ /de'i tshe bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa 'jig rten mkhyen pa/ skyes bu 'dul ba kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das 'od srungs 'jig rten du byung ste/ der byang chub sems dpa' bcom ldan 'das yang dag par rdzogs pa'i sangs rgyas 'od srungs las ma 'ongs pa'i dus su byang chub pa'i phyir smon lam btab cing tshangs par spyod pa spyad nas dga' ldan gyi lha'i ris su skyes te/ de de na tshe'i tshad ji srid pa de srid du gnas so/ /rgyal po kri ki si bu ni legs par skyes shes bya bar gyur te/ rgyal po legs par skyes kyi bu che brgyud dang tsha bo dang yang tsha'i brgyud kyi rgyal po brgyas yang grong khyer gru 'dzin du rgyal srid kyi dbang phyug la dbang byas so/ /de dag gi 'og tu rgyal po rna ba zhes bya ba byung ste/ rgyal po rna ba'i bu ni gau ta ma dang ba ra da dza gnyis so/ /de gnyis las gau ta ma'i bu ni bu ram shing pa zhes byas so/ / rgyal po bu ram shing pa'i bu tsha brgyud dang tsha bo dang yang tsha ni brgyud bu ram shing pa'i rgyal po brgyas yang grong khyer gru 'dzin rgyal srid kyi dbang phyug la dbang byas so/ /de dag gi 'og tu rgyal po 'phags skyes po zhes bya ba byung ste/ rgyal po 'phags skyes po'i bu bzhi la 'di lta ste/ bzhin 'bar dang/ lag rna dang/ glang chen 'dul dang/ rkang gdub can rnams te/ rkang gdub can gyi bu ni gnas 'jog go /gnas 'jog gi bu ni ba lang gnas so/ /ba lang gnas kyi bu ni seng ge 'gram dang/ seng ge sgra gnyis so// seng ge 'gram gyi bu bzhi la 'di lta ste/ zas gtsang dang/ zas dkar dang/ bre po zas dang/ bdud rtsi zas so/ /bu mo ni gtsang ma dang/ dkar mo dang/ bre mo dang/ bdud rtsi ma rnams so/ /zas gtsang gi bu gnyis pa la bcom ldan 'das dang tshe dang ldan pa dga'
- 80b
bo'o/ /zas dkar gyi bu gnyis la/ tshe dang ldan pa rgyal ba dang/ bzang ldan no/ /bre bo zas kyi bu gnyis la ming chen dang/ ma 'gags pa'o/ /bdud rtsi zas kyi bu gnyis la/ tshe dang ldan pa kun dga' bo dang/ lhas byin dang/ bdud rtsi ma'i bu ni zhi len no/ / bcom ldan 'das kyi sras ni sgra gcan zin no/ /de ltar na mang pos bkur ba'i rgyud ni sgra gcan zin la thug cing sgra gcan zin du zad de/ sgra gcan zin gyis mjug bcad nas srid pa'i lugs chad cing skye ba'i brgyud zad do/ de srid pa skye ba med do/ /'jig rten bzhag pa las tshigs bcu gcig pa'o// //mod la/ rlung dang chu dang sa bzhi dang/ nang dang phyi'i rgya mtsho dang/ /ri rab kyi ni ngos rnams dang/ /rtse mo bang rim ri rnams dang/ /sa ni ji ltar byung ba dang/ /rlung dang chu ni rab gnas pa/ /de dag thams cad rim bzhin du/ /rab tu bshad kyis rtogs par gyis/ /gang la chu ni rab gnas pa'i/ /rdzing rlung chad pa'i rlung dmar ni/ /nam mkha' las ni ldang bar gyur/ /chu dang sa dang chu rnams dang/ /ri dang gling dang bzhi po rnams/ /chu mig mtsho dang 'bab pa dang/ /nya ming 'dzin khris gang ba yin/ /rgya mtsho chen po yangs pa dang/ /'byor cing rgyas pa'i ljongs rnams dang/ /grong dag dang ni grong khyer rnams/ /de dag thams cad sa chen la/ /rim gyis su ni rab tu gnas/ /nam mkha' gang la rlung gi dkyil 'khor gnas pa'i rlung gi dkyil 'khor de'i rngams su dpag tshad sa ya gcig dang drug 'bum yod/ rgyar ni grangs med tshad med do/ /rlung gi dkyil 'khor gang la chu'i dkyi 'khor gnas pa'i chu'i dkyi 'khor de'i rngams su ni dpag tshad brgyad 'bum yod do/ /rgyar ni dpag tshad sa ya gcig dang nyis 'bum bzhi brgya lnga bcu yod do/ /mdza' skor du ni dpag tshad sa ya phrag gsum dang drug 'bum sum brgya lnga bcu yod do/ /chu'i dkyil 'khor gang la gser gyi sa gzhi chen po gnas pa'i gser gyi sa gzhi chen
- 81a
po de'i rngams su ni dpag tshad sum 'bum nyi khri yod do/ /rgyar ni dpag tshad sa ya gcig dang nyis 'bum bzhi brgya lnga bcu yod do/ /mdza' skor du ni dpag tshad sa ya phrag gsum dang drug 'bum sum brgya lnga bcu yod do/ /nang gi rgya mtsho chen po ni chur dpag tshad nyis 'bum bzhi khri zheng du yang dpag tshad nyis 'bum bzhi khri yod do/ /mdza' skor du ni dpag tshad dgu 'bum drug khri yod do/ /rngams su ni dpag tshad brgyad khri yod de/ gser gyi sa gzhi chen po la brten to/ /phyi rol gyi rgya mtsho chen po ni zheng du gling ma gtogs par dpag tshad sum 'bum nyi khri yod do/ /gling gtogs par ni zheng du ni dpag tshad sum nyi khri nyis stong yod do chur yang de dang 'dra'o/ /mdza' skor du ni tshad med do/ /rngams su ni dpag tshad brgyad khri yod de/ gser gyi sa bzhi chen po la brten te/ ri'i rgyal po ri rab ni dpag tshad brgyad khri ni thur du gser gyi sa gzhi chen po la brten to/ /dpag tshad brgyad khri ni chu las gyen du 'phags te/ 'phang du dpag tshad 'bum drug khri yod do/ /chur ni dpag tshad brgyad khri zheng du yang dpag tshad brgyad khri yod do/ /mdza' skor du ni dpag tshad sum 'bum nyi khri yod do/ /dbyibs legs shing lta na sdug la mdzes pa rin po che sna bzhi las grub pa yin te/ de la sum cu rtsa gsum pa'i lha rnams gnas so/ /ri'i rgyal po ri rab kyi ngos ni bzhi yod de/ shar phyogs kyi ngos dang/ lho phyogs dang/ nub phyogs dang/ byang phyogs kyi ngos so/ /shar phyogs kyi ngos ni shel las grub pa'o/ /lho phyogs gyi ngos ni bai DUrya las grub pa'o/ /nub phyogs kyi ngos ni dngul las grub pa'o/ /byang phyogs kyi ngos ni gser las grub pa'o/ /ri'i rgyal po ri rab kyi rtse mo ni bzhi yod de/ shar phyogs kyi rtse mo dang/ lho phyogs dang/ nub phyogs dang/ byang phyogs kyis rtse mo'o/ /shar phyogs kyi rtse mo ni chur dpag tshad brgya nyi shu rtsa lnga/ zheng du yang dpag tshad brgya nyi shu rtsa
- 81b
lnga/ mdza' skor du dpag tshad lnga brgya yod do/ /dpag tshad phyed dang lnga ni ri'i rgyal po ri rab las gyen du 'phags te/ dbyibs legs shing lta na sdug la mdzes pa shel las grub pa ste/ de na gnod sbyin lag na rdo rje rnams gnas so/ /lho phyogs kyi rtse mo ni chur dpag tshad brgya nyi shu rtsa lnga/ zheng du yang dpag brgya nyi shu rtsa lnga'o/ /mdza' skor du dpag tshad lnga brgya yod do/ /dpag tshad byed dang lnga ni ri'i rgyal po ri rab las gyen du 'phags te/ dbyibs legs shing lta na sdug la mdzes pa bai DUrya las grub pa ste/ de na gnod sbyin lag na rdo rje rnams gnas so/ /nub phyogs kyi rtse mo ni chur dpag tshad brgya nyi shu rtsa lnga/ zheng du yang dpag tshad brgya nyi shu rtsa lnga/ mdza' skor du dpag tshad lnga brgya yod do/ /dpag tshad phyed dang lnga ni ri'i rgyal po ri rab las gyen du 'phags te/ dbyibs legs shing blta na sdug la mdzes pa dngul las grub pa ste/ de na gnod sbyin lag na rdo rje rnams gnas so/ /byang phyogs kyi rtse mo ni chur dpag tshad brgya nyi shu rtsa lnga/ zheng du yang dpag tshad brgya nyi shu rtsa lnga/ mdza' skor du dpag tshad lnga brgya yod do/ /dpag tshad phyed dang lnga ni ri'i rgyal po ri rab las gyen du 'phags te/ dbyibs legs shing lta na sdug la mdzes pa gser las grub pa ste/ de la gnod sbyin lag na rdo rje rnams gnas so/ /ri'i rgyal po ri rab kyi bang rim ni bzhi yod de/ bang rim dang po dang/ gnyis pa dang/ gsum pa dang/ bzhi pa'o/ /bang rim dang po ni chu las dpag tshad khris gyen du 'phags la/ ri'i rgyal po ri rab las dpag tshad khri drug stong phyir 'phags te/ dbyibs legs shing blta na sdug la mdzes pa rin po che sna bzhi las grub ste/ de na lag na gzhong thogs kyi lha rnams gnas so/ /bang rim gnyis pa ni bang rim dang po las dpag tshad khris gyen du 'phags la/ ri'i rgyal po ri rab las dpag tshad stong phyir 'phags te/ dbyibs legs shing blta na sdug la mdzes pa rin po che sna bzhi las grub pa ste/ de na phreng thogs kyi lha rnams gnas
- 82a
so/ /bang rim gsum pa ni bang rim gnyis pa las dpag tshad khris gyen du 'phags la/ ri'i rgyal po ri rab las dpag tshad bzhi stong phyir 'phags te/ dbyibs legs shing lta na sdug la mdzes pa rin po che sna bzhi las grub pa ste/ de na rtag tu myos pa'i lha rnams gnas so/ /bang rim bzhi pa bang rim gsum pa las dpag tshad khris gyen du 'phags la ri'i rgyal po ri rab las dpag tshad nyis stong phyir 'phags te/ dbyibs legs shing blta na sdug la mdzes pa rin po che sna bzhi las grub pa ste/ de na rgyal po chen po bzhi po rnams gnas so/ /ri'i rgyal po gnya' shing 'dzin ces bya ba ni ri'i rgyal po ri rab nas dpag tshad brgyad khri bor te/ dpag tshad brgyad khri ni chu'i 'og tu gser gyi sa gzhi chen po la brten to/ /dpag tshad bzhi khri ni chu las gyen du 'phags so/ /zheng du yang de dang 'dra ste/ dbyibs legs shing blta na sdug la mdzes pa gser las grub pa ste/ de na rgyal chen bzhi pa'i lha rnams kyi grong dang grong khyer dang/ ljongs gnas so/ /ci'i phyir ri'i rgyal po gnya' shing 'dzin ces bya zhe na/ smras pa/ ri'i rgyal po gnya' shing 'dzin gyi rtse mo dbyibs legs shing blta na sdug la mdzes pa ni dper na shing rta'i gnya' shing bzhin te/ de bas na ri'i rgyal po gnya' shing 'dzin ces bya'o/ /ri'i rgyal po gshol mda''dzin ces bya ba ni ri'i rgyal po gnya' shing 'dzin nas dpag tshad bzhi khri bor te/ dpag tshad brgyad khri ni chu'i 'og gser gyi sa gzhi chen po la brten no/ /dpag tshad nyi khri ni chu las gyen du 'phags so/ /zheng du yang de dang 'dra ste/ dbyibs legs shing blta na sdug la mdzes pa gser las grub pa ste/ de na rgyal chen bzhi pa'i lha rnams kyi grong dang/ grong khyer dang/ ljongs gnas so/ /ci'i phyir ri'i rgyal po gshol mda''dzin ces bya zhe na/ smras pa/ ri'i rgyal po gshol mda''dzin gyi rtse mo dbyibs legs shing blta
- 82b
na sdug la mdzes pa ni dper na gshol mda' bzhin te/ de bas na ri'i rgyal po gshol mda''dzin ces bya'o/ /ri'i rgyal po seng ldeng can zhes bya ba ni ri'i rgyal po gshol mda''dzin nas dpag tshad nyi khri bor te/ dpag tshad brgyad khri ni chu'i 'og gser gyi sa gzhi chen po la brten to/ /dpag tshad khri ni chu las gyen du 'phags so/ /zheng du yang de dang 'dra ste/ dbyibs legs shing blta na sdug la mdzes pa gser las grub pa ste/ de na rgyal chen bzhi pa'i lha rnams kyi grong dang/ grong khyer dang/ ljongs gnas so/ /ci'i phyir ri'i rgyal po seng ldeng can zhes bya zhe na/ smras pa/ ri'i rgyal po seng ldeng can gyi phyogs de dang de dag na ji ltar gser gyi seng ldeng yod pa de bzhin du ri gzhan dag la med de/ de bas na ri'i rgyal po seng ldeng can zhes bya'o/ /ri'i rgyal po blta na sdug ces bya ba ni ri'i rgyal po seng ldeng can nas dpag tshad khri bor te/ dpag tshad brgyad khri ni chu'i 'og gser gyi sa gzhi chen po la brten to/ /dpag tshad lnga stong ni chu las gyen du 'phags so/ /zheng du yang de dang 'dra ste/ dbyibs legs shing blta na sdug la mdzes pa gser las grub pa ste/ de na rgyal chen bzhi pa'i lha rnams kyi grong dang/ grong khyer dang/ ljongs gnas so/ /ci'i phyir ri'i rgyal po blta na sdug ces bya zhe na/ smras pa/ ri'i rgyal po lta na sdug gi rtse mo ji ltar dbyibs legs shing blta na sdug la mdzes pa bzhin du ri gzhan dag la med do/ /de bas na ri'i rgyal po blta na sdug ces bya'o/ /ri'i rgyal po rta rna ri zhes bya ba ni ri'i rgyal po blta na sdug nas dpag tshad lnga stong por te/ dpag tshad brgyad khri ni chu'i 'og gser gyi sa gzhi chen po la brten to/ /dpag tshad nyis stong lnga brgya ni chu las gyen du 'phags so/ /zheng du yang de dang 'dra ste/ dbyibs legs shing blta na sdug la mdzes pa gser las grub pa ste/ de na rgyal chen bzhi pa'i lha rnams kyi grong dang/ grong khyer dang/ ljongs gnas so/ /ci'i phyir ri'i rgyal po rta rna ri zhes
- 83a
bya zhe na/ smras pa/ ri'i rgyal po rta rna ri'i rtse mo dbyibs legs shing blta na sdug la mdzes pa ni dper na rta'i rna ba bzhin te/ de bas na ri'i rgyal po rta rna ri zhes bya'o/ /ri'i rgyal po rnam par 'dud ces bya ba ni ri'i rgyal po rta rna ri nas dpag tshad nyis stong lnga brgya bor te/ dpag tshad brgyad khri ni chu'i 'og gser gyi sa gzhi chen po la brten to/ /dpag tshad stong nyis brgya lnga bcu ni chu las gyen du 'phags so/ /zheng du yang de dang 'dra ste/ dbyibs legs shing blta na sdug la mdzes pa gser las grub pa ste/ de na rgyal chen bzhi pa'i lha rnams kyi grong dang/ grong khyer dang/ ljongs gnas so/ /ci'i phyir ri'i rgyal po rnam par 'dud ces bya zhe na/ smras pa/ ri'i rgyal po rnam par 'dud kyi rtse mo dma' zhing 'dud pa ni dper na rnyan ru bzhin te/ de bas na ri'i rgyal po rnam par 'dud ces bya'o/ /ri'i rgyal po mu khyud 'dzin ces bya ba ni ri'i rgyal po rnam par 'dud nas dpag tshad stong nyis brgya lnga bcu bor te/ dpag tshad brgyad khri ni chu'i 'og gser gyi sa gzhi chen po la brten to/ /dpag tshad drug brgya nyi shu rtsa lnga ni chu las gyen du 'phags so/ /zheng du yang de dang 'dra ste/ dbyibs legs shing blta na sdug la mdzes pa gser las grub pa ste/ de na rgyal chen bzhi pa'i lha rnams kyi grong dang/ grong khyer dang/ ljongs gnas so/ /ci'i phyir ri'i rgyal po mu khyud 'dzin ces bya zhe na/ smras pa/ ri'i rgyal po mu khyud 'dzin gyi rtse mo dbyibs legs shing blta na sdug la mdzes pa ni dper na shing rta'i mu khyud bzhin te/ de bas na ri'i rgyal po mu khyud 'dzin ces bya'o/ /ri'i rgyal po khor yug ri zhes bya ba ni phyi rol gyi rgya mtsho chen po bor te/ dpag tshad brgyad khri ni chu'i 'og gser gyi sa gzhi chen po la brten to/ /dpag tshad sum brgya rtsa phyed dang gsum ni chu las gyen du 'phags so/ /zheng du yang de dang 'dra'o/ /dbyibs legs shing blta na sdug la mdzes pa lcags las grub pa ste/ de na gnod sbyin gos sngon can rnams gnas so/ /ci'i phyir ri'i rgyal po khor yug ri zhes bya zhe na/
- 83b
smras pa/ ri'i rgyal po khor yug ri'i phyogs de dang de dag na ji ltar gser gyi 'khor lo yod pa bzhin du gzhan dag la med pa dang/ gzhan yang ri'i rgyal po khor yug ris gling bzhi pa 'khor lo'i tshul du bskor te/ de bas na ri'i rgyal po khor yug ri zhes bya'o/ /gnya' shing 'dzin gyi 'phang du ni/ /dpag tshad bzhi khri yod par bstan/ /gshol mda''dzin ni nyi khri ste/ /khri ni seng ldeng can gyi ri/ /blta na sdug gi 'phang du ni/ /dpag tshad lnga stong yod par bstan/ /dpag tshad nyis stong lnga brgyar ni/ /rta rna ri ni mngon par 'phags// stong dang nyis brgya lnga bcu yi/ /grangs snyed rnam par 'dud las 'phags/ /mu khyud 'dzin gyi 'phang du ni/ /drug brgya nyi shu rtsa lngar bstan/ /rgya mtsho 'di yi pha rol na/ /rgya mtsho gang gis bskor ba yi/ /khor yug dpag tshad sum brgya dang/ /dpag tshad phyed dang bcu gsum yod/ /de ni khor yug rir bshad do/ /'jig rten par mtshams phan cad du/ /nyi zla de bzhin skar ma dang/ /rgyu skar tshogs ni rgya chen kun/ /khor yug mi 'da' 'jig rten gyi/ /bar mtshams phan can mun par 'dug /mu khyud 'dzin dang rnam par 'dud/ /de bzhin rta rna ri dang ni/ /blta na sdug dang seng ldeng can/ /gshol mda''dzin dang gnya' shing 'dzin/ /ri bo de dag bdun po rnams/ /ri'i mchog ste gser las grub/ /ri rab la sogs ri bo rnams/ /de dag gser gyi gzhi la brten/ / 'jig rten bzhag pa las tshigs bcu gnyis pa'o/ //'jig rten bzhag pa/ /bam po brgyad pa/ /mdo la/ rol mtsho rgyal po'i pho brang 'khor/ /gling dag dang ni gling phran rnams/ /steng dang 'og ni sdig bral gyi/ /shes pas nyams su myong ba yod/ /ri'i rgyal po gnya' shing 'dzin dang/ /ri'i rgyal po gshol mda''dzin gyi bar de'i skabs na gnya' shing 'dzin gyi rol mtsho zhes bya ba yod de/ zabs su ni dpag tshad brgyad khri yod la/ gser gyi sa gzhi chen po la brten to/ /zheng du ni
- 84a
dpag tshad bzhi khri yod do/ /dbyibs legs shing lta na sdug la mdzes pa/ chu bsil zhing chu sbrang rtsi lta bus gang ste/ klu'i rgyal po dag gis rgyas par 'dug go /ri'i rgyal po gshol mda''dzin dang/ ri'i rgyal po seng ldeng can gyi bar de'i skabs na gshol mda''dzin gyi rol mtsho zhes bya ba yod de/ zabs su ni dpag tshad brgyad khri yod la/ gser gyi sa gzhi chen po la brten to/ /zheng du ni dpag tshad nyi khri yod de/ dbyibs legs shing blta na sdug la mdzes pa/ chu bsil zhing chu sbrang rtsi lta bus gang ste/ klu'i rgyal po dag gis rgyas par 'dug go /ri'i rgyal po seng ldeng can dang/ ri'i rgyal po blta na sdug gi bar skabs na seng ldeng can gyi rol mtsho zhes bya ba yod de/ zabs su dpag tshad brgyad khri yod la/ gser gyi sa gzhi chen po la brten to/ /zheng du ni dpag tshad khri yod de/ dbyibs legs shing blta na sdug la mdzes pa/ chu bsil zhing chu sbrang rtsi lta bus gang ste/ klu'i rgyal po dag gis rgyas par 'dug go /ri'i rgyal po blta na sdug dang/ ri'i rgyal po rta rna ri'i bar de'i skabs na blta na sdug gi rol mtsho zhes bya ba yod do/ /zabs su ni dpag tshad brgyad khri yod la/ gser gyi sa gzhi chen po la brtan to/ /zheng du ni dpag tshad lnga stong yod la/ dbyibs legs shing blta na sdug la mdzes pa/ chu bsil zhing chu sbrang rtsi lta bus gang ste/ klu'i rgyal po dag gis rgyas par 'dug go /ri'i rgyal po rta rna ri'i dang/ ri'i rgyal po rnam par 'dud kyi bar de'i skabs na rta rna ri'i rol mtsho zhes bya ba yod de/ zabs su ni dpag tshad brgyad khri yod la/ gser gyi sa gzhi chen po la brten to/ /zheng du ni dpag tshad nyis stong lnga brgya yod do/ /dbyibs legs shing blta na sdug la mdzes pa/ chu bsil zhing chu sbrang rtsi lta bus gang ste/ klu'i rgyal po dag gis rgyas par 'dug go /ri'i rgyal po rnam par 'dud dang/ ri'i rgyal po mu khyud 'dzin gyi bar de'i skabs na
- 84b
ri'i rgyal po rnam par 'dud kyi rol mtsho zhes bya ba yod de/ zabs su ni dpag tshad brgyad khri yod la/ gser gyi sa gzhi chen po la brten to/ /zheng du ni dpag tshad stong nyis brgya lnga bcu yod de/ dbyibs legs shing blta na sdug la mdzes pa/ chu bsil zhing chu sbrang rtsi lta bus gang ste/ klu'i rgyal po dag gis rgyas par 'dug go /gnya' shing 'dzin gyi rol mtsho yi/ /mtshams na gnya' shing 'dzin gyi ri/ /gshol mda''dzin gyi rol mtsho yi/ /mtshams na gshol mda''dzin gyi ri/ /seng ldeng can gyi rol mtsho yi/ /pha rol seng ldeng can gyi ri/ /blta na sdug gi rol mtsho yi/ /bar mtshams na ni blta na sdug /rta rna ri'i rol mtsho yi/ /bar mtshams na ni rta rna ri/ /rnam par 'dud kyi rol mtsho yi/ /pha rol ri bo rnam par 'dud/ /mu khyud 'dzin gyi rol mtsho yi/ /bar mtshams na ni mu khyud 'dzin/ /chu 'dzin rol mtsho bdun po rnams/ /dang po'i bai DUrya mdog bzhin/ /rab tu bsil ba'i chu dag dang/ /sbrang rtsi lta bu'i chus kyang gang/ /me tog dus kyi rjes 'brang pas/ /rol mtsho mdzes byas rgya spos 'khrungs/ /de bzhin pa la bu spang spos dang/ /sman ni sna tshogs dag gis gang/ /de bzhin 'jigs shing lus che la/ /drag cing mi bzad gdug pa yi/ /klu'i rgyal po rnams kyis rgyas/ /rol mtsho bdun po yid 'ong ba/ /ri bo dag gis 'ong rnams dang/ /nyi ma'i 'od zer rnams kyis kyang/ /nyi ma 'char kar thar gcig tsam/ /phyogs bcu dag tu lam mer snang/ /gser gyi ri bo bdun po yis/ /rol mtsho bdun po kun nas bskor/ /ri rnams gtso bo ri rab ni/ /rtse mo bris pa bzhin du 'phags/ /ri'i rgyal po ri rab kyi shar phyogs/ /ri'i rgyal po gnya' shing 'dzin gyi steng na rgyal po yul 'khor srung gi pho brang yul 'khor srung zhes bya ba zhig yod de/ /chur dpag tshad nyis brgya lnga bcu/ zheng du yang dpag tshad nyis brgya lnga bcu/ mdza' skor du dpag tshad stong yod la/ /dbyibs legs shing blta na sdug la mdzes pa gser gyi ra bas bskor te/ ra ba'i 'phang?
- 85a
du dpag tshad phyed yod do/ /ra ba de la rtsig skyabs gser las byas pa dang/ dngul las byas pa dang/ bai DUrya las byas pa dang/ shel las byas pa rnam pa bzhi yod do/ /mnga' yab dang zam pa rnam pa rgyud ma bzhi yod de/ de'i nang gi sa gzhi dbyibs legs shing blta na sdug la mdzes pa ste/ bris shing logs par bris pa tshon sna brgya rtsa gcig gis bris pa ste/ 'jam zhing shin tu 'jam pa ni dper na shing bal gyi 'dab ma 'am/ ras bal gyi 'da' ba bzhin te/ rkang pa bzhag na ni nems zhes byed/ rkang pa brteg na ni bar zhes byed la/ me tog man dA ra ba dag gis pus mo nub pa tsam du yongs su khebs te/ mi ma yin pa rnams kyis rlung gis mthus me tog rnying pa rnams ni 'dor me tog gsar ba rnams ni legs par 'grems te/ 'di skad du/ yul 'khor srung gi bsod nams dbang gi mthus/ /yul 'khor srung gi grong khyer rlung chen ldang/ me tog rnying pa rnams ni 'dor bar byed/ me tog gsar ba rnams ni legs par 'grems zhes kyang bya'o/ /de'i nang na lam srang chur dpag tshad nyis brgya lnga bcu/ zheng du yang dpag tshad phyed dang gnyis pa zhig yod de/ dbyibs legs shing blta na sdug la mdzes pa gser gyi phye ma brdal cing tsan dan phyi chus chag chag btab pa/ de'i glo g.yas g.yon na rdzing bu byas pa dag yod de/ rdzing bu de dag 'di lta ste/ gser las byas pa dang/ dngul las byas pa dang/ bai DUrya las byas pa dang/ shel las byas pa'i pha gu rnam pa bzhis brtsigs so/ /rdzing bu de dag gi phyogs bzhi na them skas byas pa dag yod de/ them skas de dag kyang 'di lta ste/ gser las byas pa dang/ dngul las byas pa dang/ bai DUrya las byas pa dang/ shel las byas pa'i pha gu rnam pa bzhis brtsigs so/ /rdzing bu de dag lan kan rnam pa bzhis bskor te/ dbyibs legs shing blta na sdug la mdzes pa/ chu bsil zhing chu sbrang rtsi lta
- 85b
bus gang ste/ me tog ud pa la dang/ pad+ma dang/ ku mu da dang/ pad+ma dkar pos yongs su khebs la/ chu nas skyes pa'i bya sna tshogs skad snyan cing 'jebs pa dang/ skad yid du 'ong ba dang/ skad mnyen pa dang/ 'dod dgur bsgyur ba'i gzugs can dag skad snyan pa 'byin to/ /rdzing bu de dag gi nye 'khor na me tog gi shing dang/ 'bras bu'i shing yod pa rnams legs par skyes shing dbyibs legs la yongs su grub pa ste/ me tog phreng bar bkod pa bzhin du gyur pa ni/ dper na me tog phreng rgyud dam/ me tog phreng rgyud kyi slob ma mkhas pas me tog phreng ba tha gu la brgyud pa dang/ me tog gi rna rgyan legs par byas pa bzhin te/ thang las skyes pa'i bya sna tshogs skad snyan cing 'jebs pa dang/ skad yid du 'ong ba dang/ skad mnyan pa dang/ 'dod dgur bsgyur ba'i gzugs can dag skad snyan pa 'byin to/ /de dag gi nye 'khor na dpag bsam gyi shing sngon po dang/ ser po dang/ dmar po dang/ dkar po rnam pa bzhi yod do/ /bzhag gos sngon po dang/ ser po dang/ dmar po dang/ dkar po bzhi yod do/ /dpag bsam shing las byung ba'i gos sngon po dang/ ser po dang/ dmar po dang/ dkar po rnam pa bzhi yod do/ /lag rgyan dang/ rkyang rgyan dang/ rgyan snang ba dang ma snang ba rnams 'byung ba'i shing rnam pa bzhi yod de/ lha 'am lha'i bu mo dag gis ji lta bur 'dod par sems bskyed ma thag tu de lta bur de dag gis lag tu 'ong bar 'gyur ro/ /rol mo'i cha spyad sna tshogs pi bang dang/ gling bu dang/ pi bang rgyud gsum pa dang/ 'khar rnga dang/ ham shang rnams 'byung ba'i shing dag yod de/ lha 'am lha'i bu mo rnams kyis ji lta bur 'dod par sems bskyed ma thag tu de lta bur de dag gi lag tu 'ong bar 'gyur ro/ /bdud rtsi rnam pa bzhi dang/ sbrang rtsi dang sbrang chang gi btung ba dag kyang yod do/ /yang rtog pa rnams dang/ khang pa brtsegs pa rnams dang/ khyim rnams dang/ khang bzangs rnams dang/ bsil khang rnams dang/
- 86a
ltad mo lta ba'i sa rnams dang/ zam pa rnams bud med kyi tshogs kyis mdzes par byas shing lha'i bu mo mang pos brten pa dang/ sil snyan dang/ pheg rdob pa dag gi sgra snyan pa sgrogs pa dang/ dri sna tshogs kyis legs par bsgos pa dang/ kha zas dang btung ba dang ldan pa yod do/ /de na rgyal po chen po yul 'khor srung 'khor dang bcas pa rtse zhing dga' la dga' dgur spyod de/ rang gi las kyi 'bras bu nyams su myong ngo/ /ri'i rgyal po ri rab kyi lho phyogs ri'i rgyal po gnya' shing 'dzin gyi steng na rgyal po chen po 'phags skyes po'i pho brang 'khor 'phags par skyes zhes bya ba zhig yod de/ chur dpag tshad nyis brgya lnga bcu/ zheng du yang dpag tshad nyis brgya lnga bcu/ mdza' skor du dpag tshad stong yod la/ dbyibs legs shing blta na sdug la mdzes pa ste/ gser gyi ra bas bskor la/ ra ba'i 'phang du dpag tshad phyed yod de/ snga ma bzhin du rgyas par brjod par bya'o/ /ri'i rgyal po ri rab kyi nub phyogs ri'i rgyal po gnya' shing 'dzin gyi steng na rgyal po chen po mig mi bzang gi pho brang 'khor sna tshogs gzugs zhes bya ba yod de/ chur dpag tshad nyis brgya lnga bcu/ zheng du yang dpag tshad nyis brgya lnga bcu/ mdza' skor du dpag tshad stong yod la/ dbyibs legs shing blta na sdug la mdzes pa ste/ snga ma bzhin du thams cad brjod par bya'o/ /ri'i rgyal po ri rab kyi byang phyogs ri'i rgyal po gnya' shing 'dzin gyi steng na rgyal po chen po rnam thos kyi bu'i pho brang lcang lo can zhes bya ba zhig yod de/ chur dpag tshad nyis brgya lnga bcu/ zheng du yang dpag tshad nyis brgya lnga bcu/ mdza' skor du dpag tshad stong yod la/ dbyibs legs shing blta na sdug la mdzes pa ste/ snga ma bzhin du thams cad brjod par bya'o/ /dri za dag gi bdag po'i rgyal/ /shar phyogs rnams ni skyong byed pa/ /rgyal po chen po yul 'khor srung/ /grong khyer yul 'khor srung na gnas/ /grul bum dag gi
- 86b
bdag po'i rgyal/ /lho phyogs pa rnams skyong bar byed/ /rgyal po chen po 'phags skyes po/ /grong khyer 'phags par skyes na gnas/ /klu rnams kyi ni bdag po'i rgyal/ /nub kyi phyogs rnams skyong bar byed/ /rgyal po chen po mig mi bzang/ /grong khyer sna tshogs gzugs na gnas/ /gnod sbyin rnams kyi bdag po'i rgyal/ /byang gi phyogs rnams skyong byed pa/ /rgyal po chen po rnam thos bu/ /grong khyer lcang lo can na gnas/ /shar phyogs na ni yul 'khor srung/ /lho phyogs na ni 'phags skyes po/ /nub phyogs na ni mig mi bzang/ /byang gi phyogs na rnam thos bu/ /rgyal po chen po 'di bzhi dag /'jig rten skyong ba gzi brjid ldan/ /phyogs bzhi dag ni skyong ba ste/ /rdzu 'phrul che la stobs kyang che/ /de dag tshogs ni gsum po rnams/ /bsrung ba'i phyir ni spro ba ste/ /sum cu rtsa gsum lha rnams dang/ /sangs rgyas bde ba gzigs rnams dang/ /'khor lo chos bzhin bskor ba yi/ /ljongs kyi bdag po gang yin pa/ /'khor los bsgyur ba de la yang/ /bsrung ba'i phyir ni spro ba yin/ /ri'i rgyal po ri rab kyi shar phyogs kyi phyi rol gyi rgya mtsho chen po na shar gyi lus 'phags zhes bya ba'i gling na rgya che la phyi rol zla gam ltar grub pa yod do/ /dpag tshad brgyad khri ni thur du gser gyi sa gzhi chen po la brten to/ /steng ni chu dang mnyam par 'dug ste/ shar gyi lus 'phags po'i gling gi ngos nang gi ring po gang yin pa de la dpag tshad nyis stong yod do/ /nang gi thung ngu gang yin pa de la ni dpag tshad sum brgya lnga bcu yod do/ /mdza' skor du dpag tshad drug stong sum brgya lnga bcu yod do/ /dbyings legs shing blta na sdug la mdzes pa sa las grub pa ste/ de na shar gyi lus 'phags po'i mi rnams kyi grong dang/ grong rdal dang/ grong khyer dang/ yul 'khor dang/ pho brang 'khor rnams gnas so/ /ri'i rgyal po ri rab kyi lho phyogs kyi phyi rol gyi rgya mtsho chen po na 'dzam bu'i gling zhes bya ba'i gling nang rgya cher la phyi rol shing rta'i dbyibs
- 87a
legs par grub pa yod de/ dpag tshad brgyad khri ni thur du gser gyi sa gzhi chen po la brten to/ /steng ni chu dang mnyam par 'dug ste/ 'dzam bu gling gi ngos nang gi ring po gang yin pa de la ni dpag tshad nyis stong yod do/ /nang gi thung ngu gang yin pa de la ni dpag tshad phyed dang bzhi yod do/ /mdza' skor du dpag tshad drug stong dang phyed dang bzhi yod de/ dbyibs legs shing blta na sdug la mdzes pas las grub pa ste/ de na 'dzam bu'i gling gi mi rnams kyi grong dang/ grong rdal dang/ grong khyer dang/ yul 'khor dang/ pho brang 'khor rnams gnas so/ /ri'i rgyal po ri rab kyi nub phyogs kyi phyi rol gyi rgya mtsho chen po na nub ba lang spyod ces bya ba'i gling nang rgya che la phyi rol kun nas zlum por grub pa yod do/ /dpag tshad brgyad khri ni thur du gser gyi sa gzhi chen po la brten to/ /steng ni chu dang mnyam par 'dug ste/ nub kyi ba lang spyod kyi gling gi rgyar ni dpag tshad nyis stong lnga brgya/ mdza' skor du ni dpag tshad bdun stong lnga brgya yod de/ dbyibs legs shing blta na sdug la mdzes pa sa las grub pa ste/ de na nub kyi ba lang spyod pa'i mi rnams kyi grong dang/ grong rdal dang/ grong khyer dang/ yul 'khor dang/ rgyal po'i pho brang 'khor rnams gnas so/ /ri'i rgyal po ri rab kyi byang phyogs kyi phyi rol gyi rgya mtsho chen po na byang gi sgra mi snyan ces bya ba'i gling nang rgya che la phyi rol gru bzhi lham par grub pa yod de/ dpag tshad brgyad khri ni thur du gser gyi sa gzhi chen po la brten to/ /steng ni chu dang mnyam par 'dug ste/ byang gi sgra mi snyan gyi gling gi chur dpag tshad nyis stong/ zheng du yang dpag tshad nyis stong/ mdza' skor du dpag tshad brgyad stong yod do/ /dbyibs legs shing blta na sdug la mdzes pa sa las grub pa ste/ de na byang gi sgra mi snyan pa'i mi rnams so/ /gling phran brgyad yod pa la 'di lta ste/ lus dang lus 'phags dang/ rnga yab dang rnga yab gzhan/ g.yo ldan dang nye ba'i g.yo ldan dang/
- 87b
sgra mi snyan dang sgra mi snyan gyi zla rnams so/ /gling phran brgyad po 'di dag gi nang na bdun la ni mi rnams gnas so/ /gcig la ni mi ma yin pa rnams gnas so/ /rgyal chen bzhi pa'i lha rnams ni 'og ma la shes pa'i mthong ba 'jug gi /gong ma la ma yin te/ rdzu 'phrul lam gzhan gyi mthu ni ma gtogs so/ /de bzhin du sum cu rtsa gsum pa rnams dang/ 'thab bral ba rnams dang/ dga' ldan pa rnams dang/ 'phrul dga' ba rnams dang/ gzhan 'phrul dbang byed pa rnams dang/ tshangs ris pa rnams dang/ tshangs pa'i 'dun na 'don pa rnams dang/ tshangs pa chen po rnams dang/ 'od chung ba rnams dang/ tshad med 'od pa rnams dang/ 'od gsal ba rnams dang/ dge chung ba rnams dang/ tshad med dge ba rnams dang/ dge rgyas pa rnams dang/ sprin med pa rnams dang/ bsod nams skyes pa rnams dang/ 'bras bu che ba rnams dang/ mi che ba rnams dang/ mi gdung ba rnams dang/ gya nom snang ba rnams dang/ shin tu mthong ba pa rnams kyang 'og ma la shes pa'i mthong ba 'jug gi /gong ma la ma yin te/ rdzu 'phrul lam gzhan gyi mthu ni ma gtogs so// 'og min gyi lha rnams ni thams cad du shes pa'i mthong ba 'jug go /mnar med pa'i sems can dmyal ba chen po'i 'og gi gzhi ni 'di nas thur du dpag tshad bzhi khri la 'jug go /mnar med pa'i sems can dmyal ba chen po'i steng gi ngos ni 'di nas thur du dpag tshad nyi khri la thug go /de'i steng na sems can dmyal ba chen po rab tu tsha ba 'dug go /de'i steng na sems can dmyal ba chen po tsha ba 'dug go /de'i steng na sems can dmyal ba chen po ngu 'bod chen po 'dug go /de'i steng na sems can dmyal ba chen po ngu 'bod 'dug go /de'i steng na sems can dmyal ba chen po bsdus gzhom 'dug go /de'i steng na sems can dmyal ba chen po thig nag 'dug go /de'i steng na sems can dmyal ba chen po yang sos 'dug ste/ sems can dmyal ba chen po brgyad po 'di dag ni mthong
- 88a
dman du rim par gnas la/ lhag pa'i 'khor bcu drug bcu drug yod do/ /'di nas dpag tshad bzhi khri'i steng na ni rgyal chen bzhi pa'i lha rnams 'dug go /rgyal chen bzhi pa'i lha rnams yan chad nas/ dang po yan chad kyi tshad ji tsam pa de srid na sum cu rtsa gsum pa'i lha rnams 'dug go /de bzhin du rgyas par bya ste/ dang po yan chad kyi tshad ji tsam pa de srid na gya nom snang gi lha rnams 'dug go /gya nom snang ba'i lha yan chad nas dang po yan chad kyi ji tsam pa de srid na shin tu mthong ba'i lha rnams 'dug go /shin tu mthong ba'i lha rnams yan chad nas dang po yan chad kyi tshad ji tsam pa de srid na 'og min gyi lha rnams 'dug go /sprin ni brgyad yod te/ sprin nang kyi mthon po gang yin pa de'i 'phang du ni dpag tshad phyed dang gnyis yod do/ /gnyis pa ni dpag tshad gcig dang dpag tshad bzhi cha gcig go /gsum pa ni dpag tshad gcig go /bzhi pa ni dpag tshad gcig las bzhi cha gcig med pa'o/ /lnga pa ni dpag tshad phyed do/ /drug pa ni rgyang grags gcig go /bdun pa ni rgyang grags phyed do/ /brgyad pa ni rgyang grags kyi bzhi cha gcig go /'jig rten bzhag pa las tshigs bcu gsum pa'o// //gleng gzhi ni mnyan du yod pa na ste/ de nas bcom ldan 'das kyis dge slong rnams la bka' stsal pa/ dge slong dag gnod par 'gyur pa dang/ gnod par 'gyur ba ma yin pa'i chos rnams bshad kyis de nyon la legs par shin tu yid la byos shig dang ngas bshad do/ /gnod par 'gyur ba'i chos rnams gang zhe na/ skyes pa 'am bud med gang yang rung ste/ 'chal ba'i tshul khrims dang/ sdig pa'i chos can lus kyi nyes par spyod pa dang ldan pa dang/ ngag gi nyes par spyod pa dang ldan pa dang/ yid kyi nyes par spyod pa dang ldan pa de ni gang gi tshe nang kyi thebs shing sdug bsngal bar gyur la nang tshabs chen pos btab nas khri'u la 'dug gam/ khri la 'dug
- 88b
gam/ sa la 'dug gam/ nyal yang rung ste/ lus kyi tshor ba sdug bsngal zhing mi bzang la rtsub cing tsha ba dang yid du mi 'ong ba srog gcod par byed pa rnams kyi thebs na/ de la sngon gyi lus kyi nyes par spyod pa 'am/ ngag gi nyes par spyod pa 'am/ yid kyi nyes par spyod pa yang rung ste/ gang byung ba de'i tshe de la dmigs par 'gyur zhing cher dmigs la mngon par dmigs par 'gyur te/ dper na phye ma red kyi dus su ri chen po rnams sam/ ri'i rtse mo rnams kyi grib ma shor du 'bab cing cher 'bab ste/ mngon par 'bab par 'gyur ba de bzhin du de la sngon gyi lus kyi nyes par spyod pa 'am/ ngag gi nyes par spyod pa 'am/ yid kyi nyes par spyod pa yang rung ste/ gang byung ba de'i tshe la dmigs par 'gyur zhing cher dmigs la mngon par dmigs par 'gyur te/ de 'di snyam du/ kye hud bdag gis sdig pa 'di lta ste/ lus dang ngag dang yid kyis byas so/ /kyi hud bdag gi bsod nams 'di lta ste/ lus dang ngag dang yid kyis ma byas so/ /sdig pa rnams byas pa dang/ brlang po rnams byas pa dang/ gdug pa rnams byas pa dang/ bsod nams dag ma byas pa dang/ dge ba dag ma byas pa dang/ 'jigs pa dang skrag pa rnams kyis skyabs ma byas pa rnams kyi 'gro ba gang yin pa'i 'gro ba de dag tu tshe phyi ma la 'gro bar 'gyur ro snyam du sems te de 'gyod par 'gyur ro/ /dge slong dag 'gyod bzhin du 'chi ba ni/ legs pa ma yin no/ /dus byed pa ni legs pa ma yin no/ /tshe phyi ma ni legs pa ma yin te/ de lus kyi nyes par spyod pa spyad cing ngag dang yid kyi nyes par spyod pa spyad nas de'i rgyu dang de'i rkyen gyis lus dang bral te shi ba'i 'og tu ngan song ngan 'gro log par ltung ba sems can dmyal ba rnams su skye bar 'gyur te/ 'di ni gnod par 'gyur ba'i chos rnams zhes bya'o/ /gnod par 'gyur ba ma yin pa'i chos rnams gang zhe na skyes pa 'am bud med gang yang rung ste/ tshul khrims can dang/
- 89a
dge ba'i chos can lus kyi legs par spyod pa dang ldan pa dang/ ngag gi legs par spyod pa dang ldan pa dang/ yid kyi legs par spyod pa dang ldan pa de ni gang gi tshe nad kyis thebs shing sdug bsngal bar gyur la/ nad tshabs chen pos btab nas khri'u la 'dug gam/ khri la 'dug gam/ sa la 'dug gam/ nyal yang rung ste/ lus kyi tshor ba sdug bsngal zhing mi bzad la rdzub cing tsha ba dang yid du mi 'ong zhing srog gcod pa byed pa rnams kyis thebs na/ de la sngon lus kyi legs par spyod pa 'am/ dag gi legs par spyod pa'am/ yid kyi legs par spyod pa yang rung ste/ gang byung ba de'i tshe de la dmigs par 'gyur zhing cher dmigs la mngon par dmigs par 'gyur te/ dper na phye ma red kyi dus su ri chen po rnams sam / ri'i rtse mo rnams kyi grib ma shod du 'bab cing ser 'bab pa ste/ mngon par 'bab par 'gyur ba de bzhin du de la sngon gyi lus gyi legs par spyod pa 'am/ ngag gi legs par spyod pa 'am/ yid kyi legs pa spyod pa yang rung ste/ gang byung ba de'i tshe de la dmigs shing cher dmigs la mngon par dmigs par 'gyur ste/ de 'di snyam du kye ma bdag gis bsod nams 'di lta ste/ lus dang ngag dang yid kyis byas so/ /kye ma bdag gi sdig pa 'di lta ste/ lus dang ngag dang yid kyis ma byas so// bsod nams dag byas pa dang/ dge ba dag byas pa dang/ 'jig dang skrag pa rnams kyi skyabs byas shing sdig pa rnams ma byas pa dang/ brlang bo rnams ma byas pa dang/ bdug pa rnams ma byas pa'i 'gro ba'i gang yin pa'i 'gro ba de dag bu tshe phyi ma la 'gro par 'gyur ro snyam du sems te 'gyod pa med par 'gyur ro/ /dge slong dag 'gyod pa med par 'chi ba ni legs so/ /dus byed pa ni legs so/ /tshe phyi ma ni legs te/ de lus kyi legs par spyod pa spyad cing dag dang yid kyi legs par spyod pa spyad
- 89b
nas/ de'i rgyu dang de'i rkyen gyis lus dang bral te shi ba'i 'og tu bde 'gro mtho ris kyi 'jig rten lha rnams kyi nang du skye bar 'gyur te/ 'di ni gnod par 'gyur ba ma yin pa'i chos rnams zhes bya'o/ /dge slong dag gnod par 'gyur ba dang/ gnod par gyur ba ma yin pa'i chos rnams bshad par bya'o zhes pas smras pa gang yin pa de ni bshad pa 'di yin no/ /bcom ldan 'das kyis de skad ces bka' stsal te/ bde bar gshegs pas de skad ces gsungs nas/ gzhan yang ston pas 'di skad du/ mi rigs 'tsho ba'i mi rnams kyis/ 'di ni gnod 'gyur rnams byas pa'i/ /'gro ba phyi ma gang yin pa'i/ /dmyal 'gro de dag nga las nyon/ /yang sos dang ni thig nag dang/ /bsdus gzhom dang ni ngu 'bod gnyis/ /gzhan yang mnar med chen po dang/ /tsha ba dang nI rab tu tsha/ /dmyal ba brgyad po 'di dag ni/ thar bar dka' bar bstan pa ste/ /brlang ba'i las byas rnams kyis gang/ /re re'i 'khor ni bcu drug yod/ /cha bzhi dang ni bgo bzhi ldan/ /cha'i tshad ni rnam par byed/ /lcags kyi ra bas kun nas bskor/ /lcags kyis su ni shin tu khebs/ /lcags kyis gzhi rab che ba/ /'bar zhing gzi brjid ldan pa ste/ /dpag tshad brgya phrag du mar yang/ /me lce dag ni mched par gnas/ /'jigs par 'dul ba drag po ste/ /me lce ldan zhing bsnyen par dka' / /de dag ba spu slong ba'i gzugs/ /'jigs shing 'jigs byed sdug bsngal ba/ drang srong dag dang sdom can dang/ /dka' thub can dang kha zer ba/ /rkang pa mtho zhing spyi'u tshugs su/ /dmyal ba der ni ltung bar 'gyur/ /dbang po nyams pa de dag 'tshed/ /nyin skam la bab pa bzhin/ /de ltar nyes byas las byed pa/ /nyin mtshan du ni cho des 'debs/ /de ni sgra chen rab tu sgrogs/ /'phang mdung gis phog glang chen bzhin/ /lus kyi nyes par spyad byas shing/ /dag gi nyes pa spyod rnams dang/ /yid kyi nyes pa spyad byas nas/ /sems can dmyal ba rnams su skye zhes gsungs so/ /sems can dmyal ba chen po yang sos zhes
- 90a
bya ba la ci'i phyir sems can dmyal ba chen po yang sos zhes bya zhe na/ smras pa/ sems can dmyal ba chen po yang sos su sems can gang skyes pa dang/ kun tu skyes pa dang/ byung ba dang/ kun tu byung ba dang/ phyin pa dang/ mngon par grub pa dang/ 'thon par gyur pa'i sems can de dag gi sdig pa mi dge ba'i las de'i rnam par smin pas lcags kyi ral gri rno zhig shin tu rno la spu gyan kar chod pa dag lag tu 'od bar 'gyur ro/ /sems can de dag kyang sems can gcig gis gcig mthong na shas cher sdang ba'i sems dang bsad pa'i sems nye bar gnas par 'gyur te/ dper na rngon pas dgon pa'i ri dags mthong na shas cher sdang ba'i sems dang bsad pa'i sems nye bar gnas par 'gyur ba de bzhin du/ sems can de dag sems can gcig gis gcig mthong na shes ches sdang ba'i sems dang/ bsang ba'i sems nye bar gnas par 'gyur te/ de dag ral gri de dag gis gtsigs gcig kun tu gcod cing kun tu 'bigs te/ kun tu gtub cing kun tu gshags par byed do/ /kun tu bcang cing kun tu phug ste/ kun tu gtubs shing kun tu gshegs nas gang gi tshe gcig gis gcig bsad de/ shi bar gyur pa de'i tshe phyogs gcig tu 'du'o/ /dus gzhan zhig na sems can dmyal ba chen po yang sos su rlung bsil ba ldang ba de'i lus kyang yod la de'i skabs kyang yod de/ /'di skad du sems can khyed rnams yang sos bar gyur cig/ sems can khyed rnams yang sos par gyur cig ces sgra yang grags par 'gyur te/ de nas sems can de dag yang 'tsho bar 'gyur ro/ /de nas yang sems can de dag gi sdig pa mi dge ba'i las de'i rnam par smin pas lcags kyi ral gri dag lag tu 'ong bar 'gyur ro/ /de nas yang sems can de dag kyang sems can gcig gis gcig mthong na shas cher sdang ba'i sems dang bsad pa'i sems nye bar
- 90b
gnas par 'gyur te/ dper na rngon pas dgon pa'i ri dags mthong na shas cher sdang ba'i sems dang bsang ba'i sems nye bar gnas par 'gyur ba de bzhin du/ sems can de dag sems can gcig gis gcig mthong na shas cher sdang ba'i sems dang ? ba'i sems nye bar gnas par 'gyur te/ de dag ral gri de dag gis gcig gis gcig la kun tu gcod cing 'bigs te/ kun tu gtub cing kun du gshegs par byed do/ /kun tu bcang cing kun tu phug ste/ kun tu gtub cing kun tu gshags nas gang gi tshe gcig gis gcig bsang de shi bar gyur pa de'i phyogs gcig tu 'du'o/ /gzhan yang sems can dmyal ba chen po yang sos su sems can gang skyes pa dang/ kun tu skyes pa dang/ byung ba dang/ kun tu byung ba dang/ phyin pa dang/ mngon par grub pa dang/ 'thon par gyur pa'i sems can de dag gi sdig pa mi dge ba'i las de'i rnam par smin pas lcags kyi shang lang rno zhing shin tu rnol spu gyen kyang chod pa dag lag tu 'ong bar 'gyur ro/ /sems can de dag kyang sems can gcig gis gcig mthong na shas cher sdang ba'i sems dang bsang ba'i sems nye bar gnas par 'gyur te snga ma bzhin no/ /de dag shang lang de dag gis gcig gis gcig la kun tu gcod cing kun tu 'bigs te/ kun tu gtub cing kun tu gshags par byed do/ /kun tu bcad cing kun tu phub ste/ kun tu gtubs shing kun tu gshags nas snga ma bzhin te/ gang gi tshe shi bar gyur pa de'i tshe phyogs gcig tu 'du'o/ /dge slong dag sems can dmyal ba chen po yang sos su rlung bsil ba ldang ba de'i dus kyang yod la de'i skabs kyang yod de/ 'di skad du sems can khyed rnams yang sos par gyur cig /sems can khyed rnams yang sos par gyur cig ces sgra yang grags par 'gyur te/ de nas sems can de dag yang 'tsho bar 'gyur ro/ /de nas yang sems can de dag gi sdig pa mi dge ba'i las de'i
- 91a
rnam par smin pas lcags kyi shing lang rno zhing shin tu rno la/ spu gyen kar chod pa dag lag tu 'ong bar 'gyur ro/ /sems can de dag kyang sems can gcig gis gcig mthong na snga ma bzhin du bsad ba'i sems nye bar gnas par 'gyur te/ de dag shang la de dag gis gcig la gcig kun tu gcod cing kun tu 'bigs la/ kun tu gtub cing kun tu gshegs par byed de/ snga ma bzhin du shi bar gyur nas phyogs gcig tu 'du'o/ /gzhan yang sems can dmyal ba chen po yongs su sems can gang skyes pa dang kun tu skyes pa dang/ byung ba dang/ kun tu byung ba dang/ phyin pa dang/ mngon par grub pa dang/ mthon por gyur pa'i sems can de dag gi sdig pa mi dge ba'i las de'i rnam par smin pas lcags kyi chu gri lag tu 'ong bar 'gyur ro/ /sems can de dag kyang sems can gcig gis gcig mthong na shas cher ldang ba'i sems dang bsad pa'i sems nye bar gnas par 'gyur te/ snga ma bzhin no/ /de dag chu gri de dag gis gtub cing rab tu gtub la kun tu rab tu gtub par byed do/ /gtubs shing rab tu gtubs la kun tu rab tu gtubs nas gang gi tshe gcig gis gcig bsad de shi bar gyur pa de'i tshe phyogs gcig tu 'du'o/ /dus gzhan zhig na sems can dmyal ba chen po yang sos su rlung bsil ba ldang ba de'i dus kyang yod la de'i skabs kyang yod do/ /'di skad du sems can khyed rnams yang sos par gyur cig /sems can khyed rnams yang sos par gyur cig ces sgra yang grags par gyur te/ de nas sems can de dag yang 'tsho bar 'gyur ro/ /de nas yang sems can de dag gi sdig pa mi dge ba'i las de'i rnam par smin pas lcags kyi chu gri dag lag tu 'ong bar 'gyur pa nas gcig gis gcig bsad de shi bar gyur pa de'i tshe phyogs gcig tu 'du ba'i bar du rgyas par bya'o/ /gzhan yang sems
- 91b
can dmyal ba chen po yang sos su sems can gang skyes pa nas sdig pa mi dge ba'i las de'i rnam par smin pas lcags kyis ?sen mo rnam zhing shin tu rno la ral gri'i so lta bu dag lag tu 'ong par 'gyur ba'i bar du snga ma bzhin du rgyas par bya'o/ /sems can de dag gcig gis gcig mthong na shas cher sdang ba'i sems dang/ bsad pa'i sems nye bar gnas par 'gyur te/ snga ma bzhin no/ /de dag sen mo de dag gis gshog cing rab tu gsal te/ gcig gis gcig gshags shing rab tu gsal nas/ gang gi tshe gcig gis gcig bsad de shi bar gyur pa de'i tshe phyogs gcig tu 'du'o/ /dus gzhan zhig na sems can dmyal ba chen po yang sos su rlung bsil ba ldang ba de'i dus kyang yol la de'i skabs kyang yod de/ de nas yang sems can de dag yang 'tsho bar 'gyur pa'i bar du rgyas par bya'o/ /de nas yang sems can de dag gi sdug pa mi dge ba'i las de'i rnam par smin pas lcags kyi sen mo rno zhing shin tu rno la ral gri'i so lta bu dag lag tu 'ong bar 'gyur ro/ /sems can de dag kyang sems can gcig gis gcig mthong nas snga ma bzhin du shi bar gyur nas phyogs gcig tu 'du'o/ /gzhan yang sems can dmyal ba chen po yang sos su sems can gang skyes pa nas 'thon par 'gyur ba'i bar du ste/ sems can de dag gi sdig pa mi dge ba'i las de'i rnam par smin pas lcags kyi mdud thung rno zhing shin tu rno la ral gri'i so lta bu dag lag tu 'ong bar 'gyur ro/ /sems can de dag kyang sems can gcig gis gcig mthong na shas cher dag pa'i sems dang/ bsad pa'i sems nye bar gnas par 'gyur te snga ma bzhin no/ /de dag mdung thung de dag gis gcig gis gcig kun tu 'bigs shing nges par 'bigs te/ gang gi tshe gcig gis gcig bsad de shi bar gyur pa de'i tshe phyogs gcig tu 'du'o/ /dus gzhan zhig na sems can dmyal ba chen po yang sos su rlung
- 92a
bsil ba ldang ba de'i dus kyang yod la de'i skabs kyang yod do/ /de nas sems can de dag yang 'tsho bar 'gyur ba'i bar du rgyas par bya'o/ /de nas yang sems can de dag gi sdig pa mi dge ba'i las de'i rnam par smin pas lcags kyi mdung thung lag du 'ong bar 'gyur ba nas/ shi bar gyur nas phyogs gcig du 'du ba'i bar du rgyas par bya'o/ /gzhan yang sems can dmyal ba chen po yang sos su sems can gang skyes pa nas 'thon par 'gyur ba'i bar du snga ma bzhin te/ sems can de dag gi sdig pa mi dge ba'i las de'i rnam par smin pas lcags kyis tho ba lag tu 'ong bar 'gyur ro/ /sems can de dag kyang sems can gcig gis gcig mthong na shas cher sdang ba'i sems dang/ bsad pa'i sems nye bar gnas par 'gyur dper na rngon pa bzhin te snga ma bzhin no/ /de dag thob de dag gis gcig gis gcig 'joms shing rab tu 'joms la kun tu rab tu 'joms te/ bcom zhing rab tu bcom la kun tu rab tu bcom nas gang gi tshe gcig gis gcig bsad de shi bar gyur ba'i tshe phyogs gcig du 'du'o/ /dus gzhan zhig na sems can dmyal ba chen po yang sos su rlung bsil ba ldang ba de'i dus kyang yod la de'i skabs kyang yod de/ 'di skad du sems can khyed rnams sos par gyur cig /sems can khyed rnams yang sos par gyur cig ces sgra yang grags par gyur te/ de nas sems can de dag yang 'tsho bar 'gyur ro/ /de nas yang sems can de dag gi sdig pa mi dge ba'i las de'i rnam par smin pas lcags kyi tho ba dag lag tu 'ong bar 'gyur ro/ /sems can de dag kyang sems can gcig gis gcig mthong ba dang/ shi bar gyur pa nas phyogs gcig tu 'du ba'i bar du snga ma bzhin no/ /'khor lo dang/ rdo rje rtse gcig pa dang/ 'phang mdud dang/ gzhu la sogs pa'i mtshon rnams kyang de bzhin du brjod par
- 92b
bya ste/ mi bzang pa de dag dang/ me tog de dag dang/ 'bras bu de dag dang/ rnam par spros pa de dag gis na sems can dmyal ba chen po yang sos zhes bya ste/ de na sdug bsngal zhing mi bzad pa/ rtsub cing tsha ba dang yid du mi 'ong zhing srog gcod par byed pa las kyi gnod pa gzhan dang gzhan mang po dag yod de/ 'di skad du/ phan tshun 'khon zhing zhe gnon la/ /mi rnams mi la gbod? pa dag/ lo ni bye brag stong du/ bsad cing bsang cing phyir yang 'tsho zhes kyang bya'o/ /gang dag pham sangs rgyas dang/ /nyan thos rnams la sdang ba ni// dmyal ba chen po thig nag tu/ /sdug bsngal tshor ba myong bar 'gyur/ /sems can dmyal ba chen po thig nag ces bya ba la ci'i phyir sems can dmyal ba chen po thig nag ces bya zhe na/ /smras pa/ sems can dmyal ba chen po thig nag tu sems can gang skyes pa pa dang/ kun tu skyes pa dang/ byung ba dang/ kun tu byung ba nas 'thon par gyur pa'i bar dag gi sdig pa mi dge ba'i las de'i rnam par smin pas sems can dmyal ba'i srung ma dag gis sems can dag lcags kyi sa gzhi 'bar zhing rab tu 'bar la kun tu rab tu 'bar te/ 'bar ba gcig tu gyur pa la gan rkyal du bzhag nas lcags kyi thig gis btab te/ lcags kyi ste'u 'bar zhing rab tu 'bar la kun tu 'bar te 'bar ba gcig tu gyur pa ngag gis 'jog cing rab tu 'jog la kun tu rab tu 'jog ste/ dper na shing mkhan gyis shing sa la bzhag nas/ thig gis btab ste ste 'u yis 'jog cing/ rab tu 'jog la/ kun tu rab tu 'jog pa de bzhin du/ sems can dmyal ba'i srung ma dag gis sems can de dag lcags kyi sa gzhi 'bar zhing/ rab tu 'bar la kun tu 'bar te 'bar ba gcig tu gyur pa la/ gan rkyal du bzhag nas lcags kyi thig gi btab ste/ lcags kyi te'u yis 'jog cing rab tu 'jog la kun tu rab tu 'jog go /gzhan yang sems can dmyal ba chen po thig nag tu sems can gang skyes pa nas
- 93a
'thon par gyur ba'i bar dag gi sdig pa mi dge ba'i las de'i rnam par smin pas sems can dmyal ba'i srung ma dag gis sems can de dag lcags kyi sa gzhi 'bar zhing rab tu 'bar la kun tu rab tu 'bar te/ 'bar ba gcig tu gyur pa la gan rgyal du bzhag nas lcags kyi thig gis btab ste/ lcags kyi sta re 'bar zhing rab tu 'bar la kun tu 'bar ste/ 'bar ba cig tu gyur bas gsal te/ dper na shing mkhan gyis shing sa la bzhag nas thig gis btab ste/ sta res gsal ba de bzhin du sems can dmyal ba'i srung ma dag gis/ sems can de dag lcags kyi sa gzhi 'bar zhing rab tu 'bar la kun tu rab tu 'bar te/ 'bar ba gcig tu gyur pa la sta res gsal ba'i bar du snga ma bzhin no/ /gzhan yang sems can dmyal ba chen po thig nag tu sems can gang skyes pa nas 'thon par gyur pa'i bar du snga ma bzhin te/ sdig pa mi dge ba'i las de'i rnam par smin pas sems can dmyal ba'i srung ma dag gis sems can de dag lcags kyi sa gzhi 'bar zhing rab tu 'bar la kun tu rab tu 'bar te/ 'bar ba gcig tu gyur pa la mgo thur du bstan te bzhag nas sog les kha gnyis sam/ kha gsum sam/ kha mang du gshags par byed de/ dper na shing mkhan gyis shing sa la mgo thur du bstan te bzhag nas kha gnyis sam/ kha gsum sam/ kha mang du gshags par byed pa de bzhin du sems can dmyal ba'i srung ma de dag gis sems can de dag lcags kyi sa gzhi 'bar ba la mgo thur du bstan de bzhag nas kha gnyis sam/ gsum sam/ kha mang du gshags pa'i bar du snga ma bzhin du rgyas par bya'o/ /gzhan yang sems can dmyal ba chen po thig nag du sems can gang skyes pa dang/ kun tu skyes pa dang/ 'thon par gyur pa'i bar dag gi sdig pa mi dge ba'i las de'i rnam par smin pas
- 93b
sems can dmyal ba'i srungs ma dag gis sems can de dag lcags kyi rgyud 'bar zhing rab tu 'bar la kun tu rab tu 'bar te 'bar ba gcig tu gyur pas mgo bo dkri bar byed do/ /mgo bo dkris nas mgul las dkri bar byed do/ /mgul ba dkris nas phrag pa gnyis dkri bar byed do/ /phrag pa gnyis dkris nas lag pa gnyis dkri bar byed do/ /lag pa gnyis dkris nas mtshan gnyis dkri bar byed do/ /mtshan gnyis dkris nas sta zur dkri bar byed do/ /sta zur dkris nas brla gnyis dkri bar byed do/ /brla gnyis dkris nas rje ngar gnyis dkri bar byed do/ /rje der gnyis dkris nas long bu gnyis dkri bar byed do/ /long zu gnyis dkris nas rkang pa'i bol? gnyis dkri bar byed do/ /rkang pa'i bol? gnyis dkris nas rgyud de'i thor tso? nas gzung ste sen mo yan chad kyang dkri bar byed do/ /sems can de dag gi pags pa dang sha dang khrag yan ched thams cad phyir byung ngo/ /de la sogs pa de las gzhan pa'i gnod pa rnams kyang bshad par bya ste/ mi bzad pa de dag dang/ me tog de dag dang/ 'bras bu de dag dang/ rnam bar spros pa de dag gis na sems can dmyal ba chen po thig nag ces bya ba ste/ de na sdug bsngal zhing mi bzad la rtsub cing tsha ba dang/ yid du mi 'ong zhing srog gcod par byed pa las kyi gnod pa gzhan dang/ gzhan mang po dag kyang yod de/ 'di skad du/ bya min byed du 'jug pa dang/ /mi rnams mdza' po 'byed pa dang/ /phram brdzun smra sgyu byed pa/ /thig nag tu ni skye bar 'gyur zhes kyang bya'o/ /bar gyi mdo la/ ral gri shang lang chu gri dang/ /sen mo mdung thung thob rnams/ /ste'u dang sta re sog le dang/ /rgyud bzhi dag ni thig nag go /sdig pa rnam gsum byas pa dang/ /dge ba rnam gsum ma byas pa'i/ /klo dan bsdus gzhom song nas ni/ /sdug bsngal tshor ba myong bar 'gyur/ /sems can dmyal ba chen po bsdus gzhom zhes bya ba la ci'i phyir sems can dmyal
- 94a
ba chen po bsdus gzhom zhes bya zhe na/ smras pa/ sems can dmyal ba chen po bsdus gzhom du sems can gang skyes pa dang kun tu skyes pa dang/ byung ba dang/ kun tu byung ba dang/ phyin pa dang/ mngon par grub pa dang/ 'thon par gyur ba'i sems can de dag gi sdig pa mi dge ba'i las de'i rnam par smin pas lcags kyi sa gzhi dpag tshad mang po dang/ dpag tshad brgya phrag mang po dang/ dpag tshad stong phrag mang po dang/ dpag tshad brgya stong phrag mang po yod pa byung ngo/ /de nas sems can de dag gnas tshol zhing skyabs tshol ba dang 'byung ba'i thabs tshol te/ der rgyug cing der rab tu rgyug der kun tu rab tu rgyug la/ der kun tu rab tu rgyug ste/ de dag der phyogs gcig du 'du'o/ /gang gi tshe brgya phrag mang po dang/ stong phrag mang po dang/ brgya stong phrag mang po 'dus par gyur pa de'i tshe/ de dag 'khod pa'i steng du lcags kyi dra ba 'byung bar 'gyur te/ sems can de dag 'gebs shing rab tu 'gebs la/ kun tu rab tu 'gebs so/ /bkab cing rab tu bkab la kun tu rab tu bkab nas/ de dag 'khod pa'i steng du lcags kyi tho ba dag 'byung bar 'gyur te/ sems can de dag 'jom zhing rab tu 'jom la kun tu rab tu 'jom mo/ /bcom zhing rab tu bcom la kun tu rab tu bcom nas/ gang gi tshe bsad de shi bar gyur pa de'i tshe steng du mi snang bar 'gyur ro/ /de dag de lta bu'i tshul gyis lo mang po dang/ lo brgya phrag mang po dang/ lo stong phrag mang po dang/ lo brgya stong phrag mang por sdug bsngal zhing mi bzad la/ rtsub cing tsha ba dang/ yid du mi 'ong zhing srog gcod par byed pa'i tshor ba dag nyams su myong bar 'gyur te/ de dag nam sems can dmyal ba nyams su myong bar 'gyur ba'i sdig pa mi dge ba'i las de'i gtan nas ma byang ma zad kyi bar du re shig dus byed par mi 'gyur ro/ /gzhan yang sems can dmyal ba chen po bsdus
- 94b
gzhom du sems can gang skyes pa nas 'thon par gyur pa'i bar du sde ma bzhin te/ sems can de dag gi sdig pa mi dge ba'i las de'i rnam par smin pas lcags kyi sa gzhi dpag tshad mang po dang/ dpag tshad brgya phrag mang po dang/ dpag tshad stong phrag mang po dang/ dpag tshad brgya stong phrag mang po yod par 'gyur ro/ /de nas sems can de dag gnas tshol zhing skyabs 'tshol la 'byung ba'i thabs tshol te/ der rgyug cing der rab tu rgyug la der kun tu rab tu rgyug ste/ de dag der phyogs gcig du 'du ba nas brgya phrag mang po'i bar du snga ma bzhin te/ de'i tshe de dag 'khod pa'i steng du lcags kyi dra ba 'byung bar 'gyur te/ sems can de dag 'gebs shing rab tu 'gebs la kun tu rab tu 'gebs so/ /de'i tshe de dag 'khod pa'i steng du glang po che dag 'byung bar 'gyur te/ sems can de dag 'chag cing rab tu 'chag la kun tu rab tu 'chag go /bcags shing rab tu bcags la kun tu rab tu bcags nas/ gang gi tshe bsad de shi bar gyur pa de'i tshe steng du mi snang bar 'gyur ro/ /de dag de lta bu'i tshul gyis lo mang po nas ma byad ma zad kyi bar du snga ma bzhin no/ /gzhan yang sems can dmyal ba chen po bsdus gzhom du sems can gang skyes pa nas 'thon par gyur pa'i bar du ste/ sems can de dag sdig pa mi dge ba'i las de'i rnam par smin pas sems can dmyal ba'i srung ma dag gis bzung nas lcags kyi gtun gyi nang du bcug ste/ lcags kyi gtun bu dag gis myur ba myung bar brdung zhing rab tu brdung la kun tu rab tu brdung ste/ dper na mi rnams kyis btun gyi nang du 'bras blug nas gtun bus myur ba myur bar brdung zhing rab tu brdung la kun tu rab tu brdung ba de bzhin du sems can dmyal ba'i srung ma de dag gis/ sems can de dag lcags kyi gtun gyi nang du bcug ste/ lcags kyi gtun bu zhes bya ba nas kun du rab tu brdung ste/ de dag de lta bu'i tshul gyis mang po zhes
- 95a
bya ba'i bar du rgyas par bya'o/ /gzhan yang sems can dmyal ba chen po bsdus gzhom du/ sems can gang skyes pa nas 'thon par gyur pa'i bar du rgyas par bya ste/ sems can dmyal ba'i srung ma de dag gis/ sems can de dag gzugs lcags kyi sgrom gyi nang du bcug ste lcags kyi gtun bu dag gis brdung zhing rab tu brdung la kun tu rab tu brdung ste/ dper na mi rnams kyis sa gar sgrom gyi nang du blugs nas brdung zhing rab tu brdung la kun tu rab tu brdung ba de bzhin du/ sems can dmyal ba'i srung ma de dag gis/ sems can de dag lcags kyi sgrom gyi nang du bcug nas lcags kyi gtun bu dag gi zhes bya ba nas/ ma byang ma zad kyi bar du snga ma bzhin no/ /gzhan yang sems can dmyal ba chen po sdus gzhom du sems can gang skyes pa nas 'thon par gyur pa'i bar du snga ma bzhin du rgyas par byas te/ sems can dmyal ba'i srung ma dag gis bzung nas lcags kyi 'khrul 'khor gyi nang du bcug ste 'tshir? zhing rab tu 'tshir la kun tu rab tu 'tshir te/ dper na mi rnams kyis bu ram gyi shing dag 'khrul 'khor gyi nang du bcug ste/ 'tshir zhing rab tu 'tshir la kun tu rab tu 'tshir ba de bzhin du/ sems can dmyal ba'i srung ma dag gis sems can de dag bzung nas lcags kyi 'khrul 'khor gyi nang du bcug pa nas kun tu rab tu 'tshir pa'i bar du de dag de lta bu'i tshul gyis lo mang po dang/ lo brgya phrag mang po dang/ lo stong phrag mang po dang/ lo brgya stong phrag mang por sdug bsngal zhing mi bzad la/ rtsub cing tsha ba dang/ yid du mi 'ong ba'i tshor ba dag myong bar 'gyur te/ de dag nam sems can dmyal ba nyams su myong bar 'gyur ba'i sdig pa mi dge ba'i las de gtan nas ma byad ma zad kyi bar du re zhig dus byed par mi 'gyur ro/ /gzhan yang sems can dmyal ba chen po bsdus gzhom du sems can gang skyes pa dang/ kun tu
- 95b
skyes pa dang/ byung ba dang/ kun tu byung pa nas 'thon par gyur pa'i bar du ste/ sems can de dag gis sdig pa mi dge ba'i las de'i rnam par smin pas ri chen po rgya che ba dpag tshad mang po dang/ dpag tshad brgya phrag mang po dang/ dpag tshad stong phrag mang po dang/ dpag tshad brgya stong phrag mang po dag yod do/ /steng gi ngos ni mnyam zhing sdug la 'og na ni khrag 'byin par byed pa'i lcags yod do/ /de nas sems can de dag der rgyug cing rab tu rgyug la der kun tu rab tu rgyug ste/ gnas 'tshol zhing skyobs 'tshol la/ 'byung ba'i thabs tshol zhing de dag de'i phyogs gcig tu 'du ste/ gang gi tshe brgya phrag mang po zhes bya ba nas rgyas par bya ste/ de'i tshe ri de sems can de dag gi steng du ltung ste/ sems can de dag glem? zhing rab tu glom la kun tu rab tu glem mo/ /glem zhing rab tu glem la kun tu rab tu glems nas/ gang gi tshe bsad de shi bar gyur pa de'i tshe steng du mi snang par 'gyur ro/ /de dag de lta bu'i tshul gyis lo mang po dang/ lo brgya phrag mang po dang zhes bya ba nas rgyas par bya'o/ /gzhan yang sems can dmyal ba chen po bsdus gzhom du sems can gang skyes pa dang/ kun tu skyes pa'i bar du snga ma bzhin te/ sems can de dag gi sdig pa mi dge ba'i las de'i rnam par smin pas ri sul mdas chen po dpag tshad mang po dang/ dpag tshad brgya phrag mang po'i bar du snga ma bzhin no/ /de nas sems can de dag dar rgyug cing der rab tu rgyug pa nas 'byung ba'i thabs 'tshol ba'i bar du snga ma bzhin te/ de dag der zhugs ba nas brgya phrag mang po nang du zhugs pa'i bar du ste/ de'i tshe ri'i sul de dag phyir gyed de sems can de dag 'jigs pa dang/ dngang ba dang spu ldang bar byed do/ /de nas sems can de dag 'jigs shing skrag la yi chad de ba spu langs nas phyogs gcig tu 'du'o/ /gang gi tshe brgya phrag mang po dang/ stong phrag mang po dang/ brgya stong phrag mang po dag 'dus par gyur pa de'i tshe ri de
- 96a
dag phyogs gnyis ka nas 'du ste/ sems can de dag bcom zhing rab tu bcom la kun tu rab tu bcom mo/ /bcom zhing rab tu bcom la kun tu rab tu bcom nas/ gang gi tshe bsad de shi bar gyur pa'i tshe phyir 'gyed do/ /de dag de lta bu'i tshul gyis lo mang po'i bar tu rgyas par bya'o/ /gzhan yang sems can dmyal ba chen po bsdus gzhom du sems can gang skyes pa nas 'thon par gyur pa'i bar du ste/ sems can de dag gi sdig pa mi dge ba'i las de'i rnam par smin pas lcags kyis gzhi de'i nang na nags tshal dpag tshad mang po nas snga ma bzhin no/ /de nas sems can de dag der rgyug cing der rab tu rgyug la/ der kun rab tu rgyug pa'i bar tu rgyas par bya ste/ de dag de'i nang du 'gro'o/ /gang gi tshe brgya phrag mang po dang/ brgya stong phrag mang po nang du zhugs par gyur pa de'i tshe de dag 'khod pa'i 'og dang steng dang phyogs bzhi nas me byung ste/ sems can de dag 'jigs pa dang dngang pa dang ba spu ldang bar byed do/ /de nas sems can de dag 'jigs shing skrag la yi chad de ba spu langs nas phyogs gcig tu 'du'o/ /gang gi tshe brgya phrag mang po 'dus par gyur pa'i bar du rgyas par bya ste/ de'i tshe me de dag gis sa gzhi rab tu 'bar bar byed do/ /sa gzhi rab tu 'bar bar byas nas nags tshal rab tu 'bar bar byed do/ /nags tshal rab tu 'bar bar byas na sems can de dag rab tu 'bar bar byed do/ /de nas sems can de dag 'bar zhing rab tu 'bar la kun tu rab tu 'bar te 'bar ba gcig tu gyur nas ji ste shar phyogs su 'gron yang me 'ba' zhig mthong ngo/ /ji ste lho phyogs dang nub phyogs dang byang du brgyugs na yang me 'ba' zhig mthong zhing tshig ste/ de lta bu'i tshul gyis lo mang po nas sems can dmyal ba myong bar 'gyur ba'i las de gtan nas/ ma byang ma
- 96b
zad kyi bar du snga ma bzhin te/ 'di skad du/ ba lang ra lug ma he dang/ /ri dags phag dang bya gag dang/ /de bzhin gzhan gyi srog bcad pas/ /bsdus gzhom du ni bcom par 'gyur zhes kyang bya'o/ /mdo la/ sa gzhi dang ni thob sgrom/ /'khrul 'khor dang ni 'jogs dang ri/ /de nas ri sul nags tshal rnams/ /bsdus gzhom na ni gnod pa rgyad/ /de la sogs pa'i gnod pa mang po brjod par bya ste/ mi bzad pa de dag dang/ me tog de dag dang/ 'bras bu de dag dang/ rnam par spros pa de dag gis na/ sems can dmyal ba chen po bsdus gzhom zhes bya ste/ de na sdug bsngal zhing mi bzad la/ rtsub cing tsha ba dang/ yid du mi 'ong zhing srog gcod par byed pa las kyi gnod pa gzhan dang gzhan mang po dag kyang yod do/ /'jig rten bzhag pa// //bam po dgu pa ste tha ma/ srog gcod pa'i sems can rnams/ brlang zhing khrag ni 'thung ba dang/ /ngan pa'i las ni kun spyod pa/ /ngu 'bod chung ngur 'gro bar 'gyur/ /sems can dmyal ba chen po ngu 'bod chung ngu zhes bya ba la ci'i phyir sems can dmyal ba chen po ngu 'bod chung ngu zhes bya zhe na/ smras pa/ sems can dmyal ba chen po ngu 'bod chung ngur sems can gang dag skyes pa nas 'thon par gyur pa'i bar du ste/ sems can de dag gi sdig pa mi dge ba'i las de'i rnam par smin pas lcags kyi sa gzhi dpag tshad mang po'i bar du rgyas par bya'o/ /de'i nang na nags thibs po yod de/ de nas sems can de dag der rgyug la/ der kun tu rab tu rgyug ste/ gnas 'tshol zhing skyabs 'tshol la 'byung ba'i tham 'tshol te/ de dag der phyogs gcig du 'du'o/ /gang gi tshe brgya phrag mang po nas 'dus par gyur pa'i bar du snga ma bzhin de/ de dag gi 'og dang steng dang phyogs bzhi nas me 'byung ste/ sems can de dag 'jigs pa dang skrag pa dang spu ldang bar byed do/ /de nas sems can de dag 'jigs
- 97a
shing skrag la yi chad de/ ba spu langs par gyur nas/ nags thibs po'i nang du 'gro'o/ /gang gi tshe brgya phrag mang po nas de dag 'dus par gyur pa'i bar du ste/ de'i tshe me nges? sa gzhi rab tu 'bar bar byed do/ /sa gzhi rab tu 'bar bar byas nas/ nags thibs po rab tu 'bar bar byed do/ /nags thibs po rab tu 'bar bar byas nas/ sems can de dag rab tu 'bar bar byed do/ /sems can de dag der 'bar zhing rab tu 'bar la kun tu rab tu 'bar te/ 'bar ba gcig tu gyur nas ji ste shar phyogs su rgyugs na yang me 'ba' zhig mthong ba nas/ de dag de lta bu'i tshul gyis ma byang ma zad kyi bar du snga ma bzhin te/ mi bzad pa de dag dang/ me tog de dag dang/ 'bras bu de dag dang/ rnam par spros pa de dag gis na/ sems can dmyal ba chen po du 'bod chung ngu zhes bya ste/ de na sdug bsngal zhing mi bzad la/ rtsub cing tsha ba dang/ yid du mi 'ong zhing srog gcod par byed pa/ las kyi gnod pa gzhan dang gzhan mang po dag yod de/ 'di skad du/ mi rnams brlang 'debs rgyu byed pa'i/ /skye bo dag ni bsdus nas kyang/ /ngu 'bod du ni rab sreg cing/ /'jigs pa'i nga ros cho nges 'debs zhes kyang bya'o/ /lta ba'i thibs pos khebs pa dang/ /sreg pa'i 'ching bas bcings pa dang/ dma' ba' i las ni kun spyod pa/ /ngu 'bod chen por skye bar 'gyur/ /sems can dmyal ba chen po ngu 'bod chen po zhes bya ba la ci'i phyir sems can dmyal ba chen po ngu 'bod chen po zhes bya zhe na/ smras pa/ sems can dmyal ba chen po ngu 'bod chen por sems can gang dag skyes pa nas 'thon par gyur pa'i bar du ste/ sems can de dag gi sdig pa mi dge ba'i las de'i rnam par smin pas/ lcags kyi sa gzhi dpag tshad mang po'i bar du rgyas par bya'o/ /nags thibs po'i nang na khyim
- 97b
yod de/ de nas sems can de dag der rgyug pa'i bar du rgyas par bya'o/ /de'i tshe de dag gi 'og dang steng dang phyogs bzhi nas me byung ste/ sems can de dag 'jigs pa dang skrag pa dang spu ldang par bya'o/ /de nas sems can de dag 'jigs shing skrag la yi chad de spu langs nas nags thibs po'i nang du 'gro'o/ /nags thibs po'i nang du zhugs nas/ gang gi tshe brgya stong mang por zhugs par gyur pa'i tshe me ngas sa gzhi rab tu 'bar bar byed do/ /sa bzhi rab tu 'bar bar byas nas nags thibs po rab tu 'bar bar byed do/ /nags thibs po rab tu 'bar bar byas nas khyim rab tu 'bar bar byed do/ /khyim rab tu 'bar bar byas nas sems can de dag rab tu 'bar bar byed do/ /de nas sems can de dag 'bar zhing rab tu 'bar la kun tu rab tu? 'bar? te/ 'bar ba gcig tu gyur pa nas/ nam sems can dmyal ba nyams su myong bar 'gyur ba'i sdig pa mi dge ba'i las de gtan nas ma byang ma zad kyi bar du snga ma bzhin no/ /de la sogs pa'i gnod pa rnams brjod par bya ste/ mi bzad pa de dag dang/ me tog de dag dang/ 'bras bu de dag dang/ rnam par spros pa de dag gis na/ sems can dmyal ba chen po du 'bod chen po zhes bya ste/ de na sdug bsngal ba nas/ srog gcod par byed pa/ las kyi gnod pa gzhan dang gzhan mang po dag kyang yod pa'i bar rgyas par bya ste/ 'di skad du/ dor sgyu byed pa'i mi rnams ni/ ngu 'bod chen po song gyur nas/ /tshig cing spu yang ldang gyur zhing/ /khyim gyi nang du sung zhing sreg ces kyang bya'o/ /skye bo mang la gnod byas shing/ /tsha bar gyur pa'i las byas pas/ /blo ngan tsha bar song nas ni/ /sdug bsngal tshor ba nyams su myong/ /sems can dmyal ba chen po tsha ba zhes bya ba la ci'i phyir sems can dmyal ba chen po tsha ba zhes bya ba zhe na/ smras pa/ sems can dmyal ba chen po tsha bar sems can
- 98a
gang skyes ba dang/ kun tu skyes pa nas 'thon par gyur pa'i bar du ste/ sems can de dag gi sdig pa mi dge ba'i las de'i rnam par smin pas/ sems can dmyal ba'i srung ma dag gis sems can de dag bzung nas/ lcags kyi sa gzhi la dong 'bar zhing rab tu 'bar la kun tu rab tu 'bar te 'bar ba gcig tu gyur pa'i nang du rab tu bsregs nas lcags kyi skam pas phyir phyung ste/ lcags kyi ti tsa la bzhag nas tho bas brdung zhing rab tu brdung la kun tu rab tu brdung ste/ dper na lcags mgar? gyis lcags dang/ tshon mo steng gyi mgar bas tshon mo steng dang/ lugs mgar gyis lugs bya ba dang/ zha nye'i mgar bas zha nye dang/ gser mgar gyis gser dang/ dngul mgar gyis dngul mdag ma'i dong du bsregs nas/ lcags kyi skam pas phyung ste/ lcags kyi ti tsa la bzhag nas lcags kyi tho bas brdung zhing rab tu brdung la kun tu rab tu brdung pa de bzhin du/ sems can dmyal ba'i srung ma dag gi sems can de dag lcags kyi dong 'bar zhing rab tu 'bar la kun tu rab tu 'bar te/ 'bar ba gcig tu gyur pa'i nang du rab tu bsregs nas lcags kyi skam pas phyir phyung ste/ lcags kyi ti tsa la bzhag nas/ lcags kyi tho bas brdung zhing rab tu brdung la kun tu rab tu brdung ste/ de dag de lta bu'i tshul gyis zhes bya ba nas rgyas par bya'o/ /gzhan yang sems can dmyal ba chen po tsha bar sems can gang skyes pa dang/ kun tu skyes par nas 'thon par gyur pa'i bar du snga ma bzhin te/ de dag sems can dmyal ba'i srung ma rnams kyis bzung nas lcags kyi mdud rtse gsum ba'i stan 'bar zhing rab tu 'bar la kun tu rab tu 'bar te/ 'bar ba gcig tu gyur pa la 'dug du bcug ste/ rtse mo gcig gis ni dku g.yas logs su brtol te phrag pa g.yas par 'byung ngo/ /rtse mo gnyis pas ni dku
- 98b
g.yon logs su brtol te phrag pa g.yon par 'byung ngo/ /rtse mo gsum pas ni lto'i nang nas brtol te/ spyi bor 'byung ngo/ /de'i mig gi bu khung gnyis nas kyang me 'byung la/ rna ba dang sna dang kha'i nang dang ba spu'i khung bu thams cad nas kyang 'byung ste/ de dag de lta bu'i tshul gyis lo mang po zhes bya ba'i bar du rgyas par bya'o/ /gzhan yang sems can dmyal ba chen po tsha bar sems can gang skyes pa dang/ kun tu skyes pa nas 'thun par gyur pa'i bar du snga ma bzhin te/ sems can de dag sems can dmyal ba'i srung ma rnams kyis bzung nas dbug pa'i gnod pa chen po byed de/ de'i mig gi bu khung gnyis nas kyang me 'byung la/ rna ba gnyis dang sna dang kha'i nang dang ba spu'i khung bu thams cad nas kyang me 'byung ste/ de dag de lta bu'i chul gyis lo mang po zhes bya ba nas nam sems can dmyal ba nyams su myong par 'gyur ba'i sdig pa mi dge ba'i las de gtan nas ma byad? ma zad kyi bar du snga ma bzhin te/ de la sogs pa'i gnod pa mang po dag brjod par bya ste/ mi bzad pa de dag dang/ me tog de dag dang/ 'bras bu de dag dang/ rnam par spros pa de dag gis na sems can dmyal ba chen po che ba zhes bya ste/ de na sdug bsngal zhing mi bzad la/ rtsub cing che ba dang/ yid du mi 'ong zhing srog gcod par byed pa las kyi gnod pa gzhan dang gzhan mang po dag yod de/ 'di skad du/ dge sbyong bram ze dge ba dang/ de bzhin gang zhig pham la/ /'dod pa min pas gnod byed pa/ /de ni tsha bar rab tu bsreg ces kyang bya'o/ /bde 'gror 'gro ba'i las dang ni/ /'dod pa'i 'bras bur 'gyur ba spong/ /blo ngan 'dod min las byed pa/ /de ni rab tu tsha bar bsreg/ sems can dmyal ba chen po rab tu tsha ba zhes bya ba la ci'i phyir sems can dmyal ba chen po rab tu tsha ba zhes bya zhe na/ smras pa/ sems can dmyal ba chen po rab tu cha bar sems can gang skyes pa dang 'thon par gyur pa'i bar du ste/ sems can de dag gi sdig pa
- 99a
mi dge ba'i las de'i rnam par smin pas sems can dmyal ba'i srung ma rnams kyis bzung ste/ lcags kyi mtshon gyis dum bu dum bur bcad nas/ lcags kyi gsal shing la gtsugs te/ lcags kyi dong 'bar zhing rab tu 'bar la kun tu rab tu 'bar te 'bar ba gcig tu gyur ba'i nang du srog cing srog cing zlog par byed de/ dper na g.yos mkhan gyis sha mtshon gyis dum bu dum bur bcad nas thur ma la btsugs te/ mdag ma'i dong du sreg cing zlog par byed pa de bzhin du/ sems can dmyal ba'i srung ma nas/ de lta bu'i tshul gyis zhes bya ba'i bar du thams cad rgyas par brjod par bya'o/ /gzhan yang sems can dmyal ba chen po rab tu tsha bar sems can gang skyes pa nas 'thon par gyur pa'i bar du snga ma bzhin te/ sems can de dag gi sdig pa mi dge ba'i las de'i rnam par smin pas sems can dmyal ba'i srung ma rnams kyis sems can de dag bzung nas lcags kyi mtshon gyis dum bu dum bur bcad de/ lcags kyi sa gzhi 'bar zhing rab tu 'bar la kun tu rab tu 'bar? te/ 'bar ba gcig tu gyur pa la rab tu sgre zhing shin tu rngo bar byed de/ dper na g.yos mkhan gyis sha lcags gyi mtshon gyis dum bu dum bur bcad nas snod du bcug ste/ rab tu sgre zhing shin tu rngo bar byed de/ khu ba yang bskams par byed pa de bzhin du sems can dmyal ba'i srung ma nas/ de dag de lta bu'i tshul gyis zhes bya ba'i bar du rgyas par bya'o/ /gzhan yang sems can dmyal ba chen po rab tu tsha bar sems can gang skyes ba nas snga ma bzhin te/ sems can de dag sems can dmyal ba'i srung ma dag gis bzung nas/ lcags kyis mtshon gyis kha gnyis sam/ gsum mam/ kha mang du gshags te/ lcags kyi sla nga'i nang du bcug nas rdo bar byed de/ dper na nya dum bu gnyis sam/ gsum mam/ dum bu mang por
- 99b
gtubs nas sla nga'i nang du bcug ste/ rngo? ba de bzhin du sems can dmyal ba'i srung ma rnams kyis zhes bya ba nas/ de lta bu'i tshul gyis zhes bya ba'i bar du/ snga ma bzhin du rgyas par bya'o/ /gzhan yang sems can dmyal ba chen po rab tu tsha bar sems can gang dag skyes pa nas snga ma bzhin te/ lcags kyi rdza bum dga' ba zhes bya ba dang/ nye dga' zhes bya ba gnyis yod pa la/ rdza bum dga' ba zhes bya ba la ni chur dpag tshad lnga bcu/ zheng du yang dpag tshad lnga bcu/ 'phang du dpag tshad drug cu/ sboms? su dpag tshad lnga bcu yod do/ /rdza bum nye dga' la ni chur dpag tshad lnga bcu rtsa gcig /zheng du yang dpag tshad lnga bcu rtsa gcig /'phang du dpag tshad drug cu/ spoms? su ni dpag tshad brgya lnga bcu rtsa gsum yod la/ ba che'i chu khol bas gang ste/ sems can de dag sems can dmyal ba'i srung ma de dag gis bzung nas/ rdza bum dga' ba dang/ nye dga' gnyis kyi nang du spyi'i tshugs su bor te/ de dag de na zhobs su 'ang 'gro ste bskol zhing 'tshad la stong du 'gro ste bskol zhing 'tshed do/ /phyogs dang phyogs mtshams su 'ang 'gro ste bskol zhing 'tshed do/ /dbus ni dbu ba 'dus shing 'dug ste/ dper na til lam/ 'bras sam/ mon sran gre'u 'am/ rgya shug gi 'bras bu 'am/ rgya sran chu mang po 'am/ snod kyi nang du blugs te/ 'og nas ma drag tu sbar na 'og tu 'gro ste bskol zhing 'tshed la steng du 'gro lte bskol zhing 'tshod do/ /dbus na ni dbu ba 'dus shing 'dug pa de bzhin du/ sems can dmyal ba'i srung ma nas nam sems can dmyal ba nyams su myong bar 'gyur? ba'i sdig pa mi dge ba'i las de gtan nas ma byad ma zad kyi bar du rgyas par bya'o/ /de dag la sogs pa gnod pa mang po dag kyang brjod par bya ste/ mi bzad pa de dag dang/ me tog de dag dang/ 'bras bu de dag dang/ rnam par spros pa de dag gis na/ sems can dmyal ba chen po
- 100a
rab tu tsha ba zhes bya ste/ de na sdug bsngal gzhan dang gzhan mang po dag kyang yod de snga ma bzhin no/ /'di skad du/ dge sbyong bram ze dge ba dang/ de bzhin gang zhig pha ma dang/ /gang zhig bla ma gzhan gsod pa/ /de ni rab tu tsha bar sreg/ ces kyang bya'o/ /mdo la/ dong dang lcags kyi dbug pa dang/ /tsha ba na ni gnod pa gsum/ /gsal shing gnod dang slong dang/ /rdza bum bzhi ni rab tu tsha/ /ngan 'gror 'gro ba'i las rnams las/ /shas cher byas par gyur na ni/ /blo dan? mnar med song nas kyang/ /sdug bsngal tshor ba myong bar 'gyur/ /sems can dmyal ba chen po mnar med ba zhes bya ba la/ ci'i phyir sems can dmyal ba chen po mnar med ba zhes bya zhe na/ smras pa/ sems can dmyal ba chen po mnar med pa/ sems can skyes pa nas 'thon par 'gyur ba'i bar du ste/ sems can de dag gi sdig pa mi dge ba'i las de rnam par smin pas/ sems can dmyal ba'i srung ma dag gis bzung nas/ lcags kyi sa gzhi 'bar zhing rab tu 'bar la kun tu 'bar te/ 'bar ba gcig tu gyur pa la gan rkyal du bzhag nas mi bzad pa'i bcing ba rnam pa lnga'i gnod pa byed de/ lag pa gnyis kyang lcags kyi phur pas 'debs la/ rkang pa gnyis dang dbus su snying kar yang lcags kyi phur bas 'dabs te/ de dag de lta bu'i tshul gyis zhes bya ba nas rgyas par bya'o/ /gzhan yang sems can dmyal ba chen po mnar med par sems can gang zhes bya ba nas snga ma bzhin te/ de dag sems can dmyal ba'i srung ma dag gis bzung nas lcags kyi sa gzhi 'bar ba rab tu 'bar la kun tu rab tu 'bar te/ 'bar ba gcig tu gyur pa la gan rgyal du bzhag nas kha nas lce phyung ste/ lcags kyi phur ba brgyas brgyangs nas sems can de dag gi lce dag lcags kyi phur pa brgyas ba rgyangs pas gnyer ma rangs
- 100b
bar 'gyur zhing thad chad bar 'gyur te/ dper na ba lang gi ko ba lcags kyi phung po brgyas brgyangs na gnyer ma rangs? par 'gyur zhing thang? chad bar 'gyur ba de bzhin du/ sems can dmyal ba'i srung ma zhes bya ba nas rgyas par de dag de lta bu'i tshul gyis zhes bya ba'i bar du snga ma bzhin no/ /gzhan yang sems can dmyal ba chen po mnar med par sems can gang skyes pa dang/ kun tu skyes pa de dag sems can dmyal ba'i srung ma dag gis bzung nas lcags kyi sa gzhi 'bar zhing rab tu 'bar la kun tu rab tu 'bar te 'bar ba gcig tu gyur pa la spyi'i tshugs su bzhag nas glo gnyis nas lpags bab shus te/ ltag pa thug bar bshus nas lcags kyi shing rta 'dren du bcug ste/ lam gyi brgyad mdor gang du 'dod pa dang/ ci dga' ba dang/ ji srid du 'dod bar 'gror bcug cing phyir yang zlog par byed de/ dper na rta g.yung? po bzhi dang sbyar ba'i shing rta srab mda' ring po dang rtod pa dang lcags dang sbyar te lam gyi bzhi mdo chen por bzhag pa de la gnya' shing gis 'dul ba'i kha lo sgyur mkhas pas myur zhing myur bar zhon te/ lag pa g.yon pas ni srab mda' zung lag pa g.yas pas ni gzhu ba'i lcag thegs te/ lam gyi brgyad mdor gang du 'dod pa dang/ ci dga' ba dang/ ji srid du 'dod par 'gror bcug cing phyir yang zlog par byed pa de bzhin du/ sems can dmyal ba'i srung ma dag gis zhes bya ba nas rgyas par de dag de lta bu'i tshul gyis zhes bya ba'i bar du ma snga ma bzhin no/ /gzhan yang sems can dmyal ba chen po mnar med par sems can gang dag skyes pa nas 'thon par gyur pa'i bar de dag sems can dmyal ba'i srung ma dag gis bzung nas ldugs kyi sa gzhi 'bar zhing rab tu 'bar la kun tu rab tu 'bar te 'bar ba gcig tu gyur pa la bzhag nas/ lcags kyi zhib mas lcags kyi mdag ma 'bar zhing rab tu 'bar la kun tu rab tu 'bar te 'bar ba gcig tu gyur pa 'khrab du 'jug
- 101a
cing gsig tu 'jug ste/ de dag de lta bu'i tshul gyis lo mang po zhes bya ba'i bar du rgyas par bya'o/ /gzhan yang sems can dmyal ba chen po mnar med par sems can gang skyed pa nas 'thon par gyur pa'i bar du ste/ de dag sems can dmyal ba'i srung ma dag gis bzung nas lcags kyi ri 'bar zhing rab tu 'bar la kun tu rab tu 'bar te 'bar ba gcig tu gyur pa la 'dzeg du 'jug cing phyir yang 'bab du 'jug ste/ de dag de lta bu'i tshul gyis lo mang po zhes bya ba nas rgyas par bya ste/ de la sogs pa de las gzhan pa rab tu mang po dag kyang brjod par bya ste/ mi bzad pa de dag dang/ me tog de dag dang/ 'bras bu de dag dang/ rnam par spros pa de dag gis na sems can dmyal ba chen po mnar med pa zhes bya ste/ de na sdug bsngal zhing mi bzad la/ rtsub cing tsha ba dang/ yid du mi 'ong zhing srog gcod par byed pa/ las kyi gnod pa gzhan dang gzhan mang po dag kyang yod de/ 'di skad du/ gang zhig chos la chos min dang/ /chos ma yin la tshes su smras/ /skye bo dam pa dag la ldan// med par lta ba mnar med ltung/ /mdo la/ mi zad 'ching ba'i gnod pa dang/ /de na lce ni phur brgyas brgyangs/ /shing rta khri dang khrab dang ri/ /gnod pa lnga tshan sbyar ba yin/ /sems can dmyal ba chen po mnar med pa'i shar phyogs kyi sgo 'byed pa de'i dus kyang yod la de'i skabs kyang yod de/ de nas sems can de rgyug cing rab tu rgyug la kun tu rab tu rgyug ste/ gnas 'tshol zhing skyabs 'tshol 'byung ba'i thabs 'tshol te/ 'di nas nges par 'bros pas bya'o snyam mo/ /de dag phal cher dang phyin na shar phyogs kyi sgo bcad par gyur te/ de dag der snang cing smas te 'gyel nas gcig gi steng du gcig 'phungs par gyur te/ dper na rtsa 'am shing bzhin la nyams thag pa'i skad kyis cho des 'debs te/ sdug bsngal zhing mi bzad la tsha zhing rtsub pa dang
- 101b
yid du mi 'ong ba'i tsher ba nyams su myong ste/ nam sems can dmyal ba nyams su myong bar 'gyur ba'i sdig pa mi dge ba'i las de gtan nas ma byang ma zad kyi bar du re zhig dus byed par mi 'gyur ro/ /lho dang nub dang byang phyogs su yang de bzhin du brjod par bya'o/ /yun ring mo zhig 'das nas yang sems can dmyal ba chen po mnar med pa'i shar phyogs kyi sgo 'byed pa de'i dus kyang yod la de'i skabs kyang yod de/ sems can de dag de rgyug cing rab tu rgyug la kun tu rab tu rgyug ste/ gnas 'tshol zhing skyabs 'tshol la 'byung ba'i thabs 'tshol te/ 'di nas 'bros par bya'o snyam mo/ /de dag de nas byung nas 'bros te/ byis pa de dag ni thar pa ma yin pa la thar bar 'du shes pa ste mi shes pa'o/ /de nas lhag pa'i 'khor myong bar bya ba yang nyams su myong bar 'gyur te sems can dmyal ba chen po mnar med med pa'i 'dab du da nyid ni me mar mur bus mo nub pa tsam la dpag tshad mang po dang/ dpag tshad brgya phrag mang po'i bar du rgyas par bya ste/ de dag der rgyug cing rab tu rgyug la kun tu rab tu rgyug te/ gnas 'tshol zhing skyabs 'tshol la 'byung ba'i thabs 'tshol te/ de dag der rkang pa bzhag na ni lpags pa dang sha dang khrag kun shig par 'gyur la/ rkang pa bteg na ni lpags pa dang sha dang khrag kun phyir yang skye bar 'gyur te/ de dag de lta bu'i tshul gyis lo mang por zhes bya ba nas snga ma bzhin no/ /me mar mur bus mor phyin pa tsam gyi 'dab drung nyid ba ro myags pa dang/ phyi sa'i 'dam dpag tshad mang po'i bar du rgyas par bya ste/ 'phang du ni mi yas la brtsog cing dri nga ba dang/ bshul zhing yid dang mthun pa ma yin pa yod do/ /de nas sems can de dag gnas 'tshol zhing skyabs 'tshol la 'byung ba'i thabs 'tshol te/ rgyug cing rab tu rgyug la kun tu rab tu rgyug ste/ 'bog par byed do/ /ro myags pa dang/ phyi sa'i 'dam de na 'bu mchu rnon zhes bya ba thal dkar du 'dug cing mgo gnag la mchu khab 'dra ba dag gnas te/ sems can de dag gis
- 102a
pags pa 'bigs so/ /pags pa phug nas sha 'bigs so/ /sha phug nas rgyus pa 'bigs so/ /rgyus pa phug nas rus pa 'bigs so/ /rus pa phug nas rkang 'bru ste/ de dag de lta bu'i tshul gyis zhes bya ba nas rgyas par bya'o// ro myags pa dang/ phyi sa'i 'dam de'i 'dam drung nyid na lam po che spu gri'i so gtams pa zhes bya ba yod de/ dpag tshad mang po zhes bya ba nas rgyas par bya'o/ /de nas sems can de dag gnas 'tshol zhing skyabs 'tshol la 'byung ba'i thabs 'tshol te/ rgyug cing rab tu rgyug la kun tu rab tu rgyug go /de dag der rkang pa bzhag na ni pags pa dang sha gcod cing khrag 'byin to/ /rkang pa bteg na ni pags pa dang sha dang khrag kun phyir yang skye ste/ de dag de lta bu'i tshul gyis lo mang po zhes bya ba nas rgyas par bya'o/ /lam po spu gri'i so gtams pa zhes bya ba'i 'dam drung nyid na lo ma ral gri'i so lta bu'i tshal zhes bya ba shing a mra'i tshal sngon po ltar snang ba yod do/ /dpag tshad mang po zhes bya ba rnams rgyas par bya ste/ sems can de dag gnas 'tshol zhing skyabs 'tshol la 'byung ba'i thabs te la te nang du 'jug go /de dag der zhugs pa na de dag gi sngon gyi las gyi rnam par smin pa las byung ba'i rlung tsha ba ldang ste/ ral gri de dag rtsa ba nas bog cing sems can de dag gi steng du ltung nas lag pa dag kyang gcod cing/ rkang pa dag dang/ rna ba dag dang/ sna dag dang/ yan lag dang/ nying lag gzhan dang gzhan dag kyang gcod de/ de dag de lta bu'i tshul gyis shes bya ba nas snga ma bzhin no/ /lo ma ral gri'i so lta bu'i tshal de na khyi nag khra zhes bya ba gnas te/ sems can de dag la spyi'u tshugs su brdabs nas mtshan g.yas g.yon gyi pags pa dang/ sgal tshigs phyung zhing za'o/ /lo ma ral gri'i so lta bu'i tshal de'i 'dab drung de na lcags kyi shing shal ma li'i tshal dpag tshad mang po zhes bya ba nas snga ma bzhin te/ mi 'greng brgya phrag
- 102b
du ma'i srid tsam yod la/ tsher ma rno zhing sor bcu drug pa la tshal sngon po'i phreng ba ltar snang ba yod de/ sems can de dag de'i nang du 'gro zhing gnas 'tshol ba nas snga ma bzhin te/ de dag de la 'dzeg go /de dag de la 'dzeg na tsher ma rnams kha thur du blta la/ phyi rol? pa? na tsher ma rnams kha gyen du lta'o/ /lcags kyi shal ma li'i tshal de na khra lcags kyi mchu can zhes bya ba dag gnas te/ sems can de dag gi phrag pa 'am/ mgo bor 'dug nas mig 'dru zhing mig 'dru zhing za la mgo bo brdol zhing glang pa 'dru'o/ /lcags? kyi shing shal ma li'i tshal de na lcags kyi rdza bum dang/ khang bzangs dang/ ba tsha'i chu khol bas gang zhig 'dug pa dag yod de/ gang gi tshe sems can de dag lcags kyi shing shal ma li'i tshal las snang cing snang te 'bab par gyur pa de'i sems can dmyal ba'i srung ma de dag gis sems can de dag bzung nas lcags kyi rdza bum mam/ khang bzangs kyi nang du spyi'u tshugs su 'dor ro/ /de dag de'i nang du 'ang 'gro ste bskol zhing 'tshed do/ /de bzhin du steng dang thad dang phyogs mtshams su 'ang 'gro ste/ ?? zhing 'tshed pa ni dper na til lam/ mon sran gre'u zhes bya ba nas de lta bu'i tshul gyis zhes bya ba'i bar du rgyas par bya'o/ /lcags kyi shing shal ma li'i tshal de'i 'dab drung nyid na chu klung rnam par rgal zhes bya ba zhig yod/ ba tsha'i chu khol bas gang ba dpag tshad mang po zhes bya ba nas rgyas par bya ste/ sems can de dag gi rgyang ring po nas mthong na chu drang mo 'dra bar snang ngo/ /de nas sems can de dag gnas 'tshol zhing skyabs 'tshol la 'byung ba'i thabs 'tshol te/ rgyug cing rab tu rgyug la kun tu rab tu rgyug ste 'bog par byed do/ /chu klung de'i 'gram g.yas g.yon na gshin rje'i mi lag na ral gri thogs pa dang/ lag na mdung thung thogs pa dang/ lag na 'phang mdung thogs pa dag 'dug ste/ sems can de dag rgal du yang mi ster/ phyir byung du yang
- 103a
mi ster ro/ /de dag de'i nang du 'ong ste bskol zhing 'ched pa ni dper na til 'bras sam rgya shug gi 'bras bu nas rgyas par bya ste/ de dag chu klung rnam par rgal zhes bya ba de na chu'i 'bab phyogs su sbra thams cad 'byi zhing ba spu thams cad dang/ pags pa dang/ sha dang/ khrag thams cad 'jig pa ste/ keng rus 'ba' zhig lus par 'gyur/ de dag thams cad dmyal ba'i srung ma de dag gis lcags kyi rgyas nya bcu ba bzhin du bcus nas lcags kyis gzhi 'bar ba nas rgyas par bya ste/ gan rkyal du gnan nas kye sems can dag ci 'dod ces 'dri'o/ /de dag gis smras pa/ kye bdag cag nyid kyang mi shes la/ bdag cag nyid kyang mi mthong ngo/ /'on kyang bdag cag ni bkres so zhes nas de dag sems can dmyal ba'i srung ma? dag gis lcags kyi dpyad kyis kha phye nas/ lcags kyi skam bas lcags kyi thu lum 'bar zhing rab tu 'bar la kun tu rab tu 'bar te 'bar ba gcig tu gyur pa dag khar 'dzud de/ sems can de dag gi mchu dag kyang tshig cing lce dang/ rkan dang/ lkog ma dang/ mid pa'i spubs dang/ snying dang/ snying gi nye 'khor dang/ rgyu ma dang/ gnye ma rnams kyang tshig nas thur du 'byung ngo/ /gzhan yang sems can dmyal ba chen po'i srung ma de dag gi sems can de dag gi mchil bas nya 'byung ba bzhin du phyung nas lcags kyi sa gzhi 'bar zhing rab tu 'bar la kun tu rab tu 'bar te 'bar ba gcig tu gyur pa la gan rkyal du bzhag nas/ kye sems can dag ci 'dod ces 'dri'o/ /de dag gis smras pa/ kye bdag nyid kyang mi shes la/ bdag nyid kyang mi mthong ngo/ /'on kyang bdag cag skom mo zhes nas de dag sems can dmyal ba'i srung ma dag gis lcags kyi dpyad kyis kha phye nas zangs bskol ba 'bar zhing rab tu 'bar la kun tu rab tu 'bar te 'bar ba gcig tu gyur pa khar ldugs te/ sems can de dag gi mchu dag kyang tshig pa
- 103b
nas thur du 'byung ba'i bar du ste/ de dag de lta bu'i tshul gyi zhes bya ba nas rgyas par bya'o/ /de dag mthu nyams shing gzi byin nyams la brtson 'grus nyams te/ rnam par rgyal gyi 'gram na 'khod do/ /rnam par rgal de'i 'gram na kha lcags kyi mchu can zhes bya ba dag gnas te/ sems can de dag gi zhes bya ba nas snga ma bzhin no/ /de la sogs pa gnod pa mang po dag byed de/ der nam sems can de dag gis sems can dmyal ba nyams su myong bar 'gyur ba'i sdig pa mi dge ba'i las de gtan nas yongs su ma byang ma zad kyi bar du de dag yang chu klung rnam par rgal la 'bog go /lcags kyi shing shal ma li'i tshal la 'dzeg go /lo ma ral gri lta bu'i tshul du 'jug go /lam lo tsha spu gri'i so gtams pa lta bur 'gro'o/ /ro myags pa dang/ phyi sa'i 'dam bu 'bog go /me mar mu bus mor phyin pa tsam du 'gro'o/ /de nas sems can dmyal ba chen po mnar med pa'i shar phyogs kyi sgor 'jug go /ji ste sems can dmyal ba chen po mnar med pa'i shar phyogs kyi sgo'i skabs su bshad pa de bzhin du lho dang nub dang byang phyogs su 'ang brjod par bya'o/ /ji ltar sems can dmyal ba chen po mnar med pa 'khor dang bcad par bstan pa de bzhin du sems can dmyal ba chen po rab tu cha? ba dang/ cha ba dang/ ngu 'bod chen po dang/ ngu 'bod dang/ bsdus gshom? dang/ thib nag dang/ yang sos rnams kyang 'khor dang bcas par brjod par bya'o/ /de dag nam sems can de dag gis sems can dmyal ba nyams su myong bar 'gyur ba'i sdig pa mi dge ba'i las de gtan nas byang zhing zad par gyur pa na/ de dag gnas de dag nas shi 'phos nas kha cig ni dud 'gro rnams dang skal pa mnyam par skye bar 'gyur ro/ /kha cig ni yi dags rnams kyi nang du/ kha cig ni mi rnams kyi nang du/ kha cig ni rgyal chen bzhi pa'i lha rnams kyi nang du/ kha cig ni sum cu rtsa gsum pa rnams dang/
- 104a
'thab bral ba rnams dang/ dga' ldan pa rnams dang/ 'phrul dga' ba rnams dang/ gzhan 'phrul dbang byed pa'i lha rnams dang skal pa mnyam par skye bar 'gyur ro/ /de la sems can sngon mir gyur pa'i tshe chos ma yin pa spyod cing mi rigs pa byed de/ gcig tu gnag pa'i las byed byed pa las sems can dmyal ba dag tu skyed pa gang yin pa de dag ni/ sems can dmyal ba nas shi 'phos nas sdug bsngal ba dang yid mi bde ba dang/ 'khrug pa mang po dag gi skal pa can du 'gyur ro/ /de la sems can sngon mi gyur pa'i tshe/ chos spyod cing rigs pa byed la gcig tu dkar ba'i las byed byed pa las nye bar spyod pa 'ga' zhig sems can dmyal ba dag tu skye ba gang yin pa de dag ni sems can dmyal ba nas shi 'phos nas bde ba dang yid bde ba mang ba'i skal pa can du 'gyur ro/ /bcom ldan 'das kyis kyang lha'i pho nya lnga lung bstan pa'i mdo las 'di skad du/ dge slong dag sems can dmyal ba chen po mnar med pa'i shar phyogs kyi sgo 'byed pa de'i dus kyang yod la/ skabs kyang yod de zhes bya ba nas gzhan 'phrul dbang byed pa'i lha rnams dang/ skal pa mnyam par skye bar 'gyur ro zhes bya ba'i bar du rgyas par bya'o/ /dge slong dag de la sems can gang dag mar mi 'dzin pa dang/ phar mi 'dzin pa dang/ dge sbyong du mi 'dzin pa dang/ bram zer mi 'dzin pa dang/ rigs kyi nang na rgan rabs la ri mo mi byed pa dang/ bya ba'i rigs mi byed pa dang/ bsod nams mi byed pa dang/ 'jig rten pha rol la kha na ma tho ba rnams kyis 'jigs par mi lta ba dang/ sbyin pa dag mi sbyin zhing bsod nams dag mi byed la/ za gcig pa la mi gnas te/ tshul khrims yang dag par blangs nas mi 'dug pa de dag ni/ tshul 'di lta bur sdug bsngal ba dang/ yid mi bde ba'i skal ba can du 'gyur te/ dper na
- 104b
sems can dmyal ba na 'dug pa'i sems can rnams bzhin no/ /de la sems can gang dag mar 'dzin pa dang/ phar 'dzin pa nas snga ma bzhin no/ /de dag ni tshul 'di lta bur bde ba dang yid bde ba'i skal pa can du 'gyur te/ dper na gzhal med khang na gnas pa'i lha rnams bzhin no zhes gsungs so/ /de la gnod par 'gyur ba zhes bya ba ni mi dge ba bcu'i las kyi lam rnams te/ srog gcod pa nas log par lta ba'i bar dag go /byas nas zhes bya ba ni yang dag par blangs te 'dug ces bya ba yin no/ /mi rigs pas 'tsho ba'i mi rnams kyis shes bya ba la mi rigs pas 'tsho ba zhes pa na shin pa dang/ bya gag 'tshong ba dang/ phag 'tshong ba dang/ bya ba dang/ ri bong rgyas shor ba dang/ nya ba dang/ ri dags kyi sngon pa dang/ chom rkun dang/ gshed ma dang/ ba lang gsod pa dang/ sbrul tshogs can dang/ btson srungs dang/ phra ma can dang/ gnod byed dang/ de la sogs pa gzhan yang gang zag gang yin pa de dag ces bya ba'i bar du rgyas par bya'o/ /gro ba phyi ma gang yin pa zhes bya ba ni mi rigs pa byed pa dang/ mi rigs pas 'tsho ba gang yin pa de dag yang dag par blangs pa de lta bu dang/ yang dag par spyad pa de lta bu'i las des na sems can dmyal ba chen po brgyad po dag tu skye bar 'gyur pa'o/ /dmyal ba brgyad po 'di dag ni yang sos nas bzung ste mnar med pa'i bar ram/ yang na mnar med pa nas bzung ste yang sos kyi bar? dag go /de bas na dmyal ba brgyad po 'di dag ni zhes bya'o/ /bstan ces bya ba ni sangs rgyas rnams dang/ sangs rgyas kyi nyan thos rnams dang dam pa rnams dang/ yang dag par zhugs pa rnams dang/ skyes bu dam pa rnams kyis yang dag par bstan pas de bas na? bstan? ces bya'o/ /thar par dka' zhes bya ba ni sems can dmyal ba chen po brgyad po 'di dag thar par dka' zhing 'da' bar dka' ba ste/ de bas na thar par dka' ba zhes bya'o/ /brlang ba'i las byas rnams kyis gang zhes bya ba ni shen pa nas gnod byed kyi
- 105a
bar de dag na brlang ba'i las zhes bya ste/ de bas na dmyal ba brgyad po 'di dag ni thar par dka' bar bstan pa ste/ brlang ba'i las byas rnams kyis gang zhes bya'o/ /re re'i 'khor ni bcu drug yod ces bya ba ni sems can dmyal ba chen po mnar med pa'i shar phyogs na lhag pa'i 'khor bzhi yod de/ ro myangs pa dang/ phyi sa'i 'dam dang/ lo ma ral gri lta bu'i tshal dang/ lcags kyi shal ma li'i tshal dang/ chu klung rnam par rgal zhes bya ba rnams so/ /shar phyogs ji lta ba bzhin du lho dang nub dang byang phyogs kyang de bzhin no/ /sems can dmyal ba chen po mnar med pa na ji lta ba bzhin du sems can dmyal ba chen po yang sos kyi bar du yang de bzhin te/ de bas na/ re re'i 'khor ni bcu drug yod ces bya'o/ /cha bzhi zhes bya ba ni sems can dmyal ba chen ba mnar med pa la cha bzhi yod do/ /shar dang/ lho dang/ nub dang/ byang phyogs kyi cha'o/ /mnar med pa ji lta ba bzhin yang sos kyi bar yang de bzhin no/ /de bas na cha bzhi zhes bya'o/ /bsgo bzhi zhes bya ba ni sems can dmyal ba chen po mnar med pa la sems can dmyal ba'i sgo bzhi yod de/ shar dang/ lho dang/ nub dang/ byang phyogs kyi sgo rnams so/ /mnar med pa la ji lta ba bzhin du yang sos kyi bar du de bzhin de/ de bas na sgo bzhi zhes bya'o/ /tsha ba'i tshad ni rnam par phye zhes bya ba ni sems can dmyal ba chen po mnar med pa chur ji lta ba de bzhin du zheng du yang de tsam ste/ de bas na/ cha'i tshad ni rnam par phye zhes bya'o/ /lcags kyi rabs kun nas bskor zhes bya ba ni sems can dmyal ba chen po mnar med pa lcags kyi rabs kun nas bskor te/ mnar med pa ji lta ba bzhin du yang sos kyi bar du yang de bzhin te/ de bas na/ lcags kyi rabs kun nas bskor zhes bya'o/ /lcags kyis su ni shin tu khebs zhes bya ba ni sems
- 105b
can dmyal ba chen po mnar med pa lcags kyi dra bas yongs su khebs te/ mnar med pa ji lta ba de bzhin du yang sos kyi bar du yang de bzhin te/ de bas na/ lcags kyis su ni kun tu khebs zhes bya'o/ /lcags kyi sa bzhi rab tsha ba/ /'bar zhing gzi brjid ldan pa ste/ /dpag tshad brgya phrag du mar yang/ /me lce rnams ni mched par gnas zhes bya ba ni sems can dmyal ba chen po mnar med pa dpag tshad mang po dang/ dpag tshad brgya phrag mang po dang/ dpag tshad stong phrag mang po dang/ dpag tshad brgya stong phrag mang por lcags 'bar zhing rab tu 'bar la kun tu rab tu 'bar ba te 'bar ba gcig tu gyur cing sreg pa'o/ /sems can dmyal ba chen po mnar med pa ji lta ba de bzhin du yang sos kyi bar du yang de bzhin no/ /de bas na/ lcags kyi sa gzhi ra ba tsha ba/ /'bar zhing gzi brjid ldan pa ste/ /dpag tshad brgya phrag du mar yang/ /me lce rnams ni mched par gnas zhes bya'o/ /'jungs pa 'dug pa drag po ste/ /me lce ldan zhing bsnyen par dka' / /de dag ba sdu slong ba'i gzugs/ /'jigs shing sdug bsngal 'jigs par byed ces bya ba la/ 'jungs pa zhes bya ba gang zag ser sna can 'chums shing yo byas rnams kun tu 'dzin la sbyin pa dag ba kun 'gyed par mi byed pa gang gang yin pa de dag go /gzhan yang gang zag dag nyes par spyod pa'i las rnam pa sna tshogs byed pa de rnams yin te/ de bas na 'jungs pa zhes bya'o/ /'jungs pa de dag ni sems can dmyal ba chen po brgyad po de dag tu shin tu tsha zhing kun tu tsha la yongs su tsha bar 'gyur te/ de bas na/ 'jungs ba'i 'dul ba drag po ste zhes bya'o/ /me lce ldan zhing bsnyen par dka' zhes bya ba ni sems can dmyal ba chen po brgyad po 'di dag me 'bar ba'i phreng bas bskor te/ 'jungs pa de dag gi mi bzod cing mnag par dka' ste/ de bas na/ me lcer ldan zhing mnyen
- 106a
par dka' zhes bya'o/ /de dag ba spu slong ba'i gzugs/ /'jigs shing 'jigs byed sdug bsngal ba zhes bya ba ni sems can dmyal ba brgyad po 'di dag 'jungs pa de dag 'jigs pa dang/ skrag pa dang/ yid chad pa de ba spu slong bar byed la sdug bsngal bskyed par byed de/ de bas na/ de dag ba spu slong ba'i gzugs/ 'jigs shing 'jigs byed sdug bsngal ba zhes bya'o/ /drang srong dag dang sdom can dang/ /dka' thub can la kha zer ba zhes bya ba la/ drang srong zhes bya ba ni sangs rgyas rnams dang/ sangs rgyas kyi nyan thos rnams te/ de rnams dang mi mthun pa'i lus kyi las kun du spyod pa dang/ mi mthun pa'i ngag gi las dang/ yid kyi las kun du spyod pa ste/ de bas na drang srong dag ces bya'o/ /sdom can zhes pa ni lus sdom pa dang/ ngag sdom pa dang/ yid sdom pa rnams te/ de bas na sdom can zhes bya'o/ /dka' thub can zhes bya ba ni sbyangs pa'i yon tan sna tshogs yang dag par blangs pa'i phyir dka' thub can zhes bya ba ste/ de bas na dka' thub can ces bya'o// rkang pa mtho zhing spyi'u tshugs su/ dmyal ba der ni ltung bar 'gyur zhes bya ba ni 'jungs pa de dag gis nyes par spyod pa de dag de lta bur yang dag par blangs pa dang kun du spyad pas sems can dmyal ba chen po de brgyad po de dag du 'dor te/ de bas na rkang pa mtho zhing spyi'u tshugs su/ dmyal ba der ni ltung bar 'gyur zhes bya'o/ /dbang po nyams pa de dag 'tshed ces bya ba ni de dag dbang po mi thul ba'i phyir sems can dmyal ba chen po brgyad po de dag tu skye zhing nyin mtshan du 'tshed de de bas na/ dbang po nyams pa de dag 'tshed ces bya'o/ /nya ni skam la bor ba bzhin/ /zhes bya ba ni ji ltar nya chu las bton te skam sar bor ba rnams sdug bsngal zhing nyam thag nas 'dar ba de bzhin du/ de dag 'jig rten 'di nas shi 'phos nas sems can dmyal ba
- 106b
chen po brgyad po dag tu bor te/ sdug bsngal zhing nyam thag nas 'dar te/ de bas na dbang po nyams pa de dag 'tshed/ nyin skam la bor ba bzhin zhes bya'o/ /de ltar nyes byas las byed pa/ nyin mtshan du ni tshe nges 'debs zhes bya ba ni las dkar po spang zhing mi dge ba'i chos la zhugs pa de dag sems can dmyal ba chen po brgyad po dag tu skyes nas rtag par rgyun ma chad par yun du nyam thag pa'i nga ros tshe nges 'debs te/ sdug bsngal zhing mi bzad la rtsub zhing tsha ba dang/ yid du mi 'ong ba'i tshor ba nyin mtshan du nyams su myong ste/ de bas na de ltar nyes byas las byed pa/ nyin mtshan du ni tshe nges 'debs zhes bya'o/ /de ni sgra chen rab tu sgrogs/ 'phang mdung gis phog glang chen bzhin/ /zhes bya ba ni de dag sdug bsngal mi bzad pas zil gyis gnon te/ glang po che de dag 'phang mdung gis phog pa dang lcags kyus drangs pa bzhin du skad shin tu che bas sgra sgrogs te/ de bas na/ de ni sgra chen rab tu sgrogs/ /'phang mdung gis phog glang chen bzhin/ /zhes bya'o/ /mi rnams kyi lo sum khri gang yin pa de ni sems can dmyal ba kha cig na ni nam gyi cha stong da/ /kha cig na ni nam gyi gung thun gyi bar ro/ /kha cig na ni nam gyi cha smang? gyi bar ro/ /lo dgu khri la ni mtshan gcig go /lo dgu khri la ni nyin gcig go /lo 'bum brgyad khri la ni nyin zhag gcig go /mi rnams la ni 'di dag na/ /dgu khri snyed ni gang yin te/ /dmyal ba dag na mtshan gcig ste/ /nyin gcig tshad kyang de tsam mo/ /byis pa mi khom song ba rnams/ /brlang ba'i ri rab rab 'jigs pas/ /'di lta bu yi lo grangs bar/ /yun rings dag tu gtses bar gyur/ /'di dag dang ni gzhan yang rab mang mdza' yas pa'i/ /sdug bsngal dmyal ba rnams su byis pa dag gis myong/ /de dag mdza' yas pas na brjod par sla ba min/ /bdag gis su ni phyogs cha tsam zhig brjod par zad/ /'jig rten bzhag pa las
- 107a
tshigs bcu bzhi pa ste/ 'jig rten gzhag pa rdzogs so// //'di la 'gyur byang? las bam po bdun 'byung yang dngos su dgu snang ngo// // !/ /rgyu gdags pa bzhugs so// //*/ /rgya gar skad du/ kA ra Na pradz+nyA sti/ bod skad du/ rgyu gdags pa/ bam po dang po/ /dkon mchog gsum la phyag 'tshal lo/ /'di skad bdag gis thos pa dus gcig na/ bcom ldan 'das bA ra Na se'i drang srong smra ba'i ri dags kyi nags kyi nang na bzhugs te/ de'i tshe dge slong mang po rim 'gro'i khang par 'dug ste/ 'khod pa rnams kyis skabs su gtam 'di lta bu zhig glengs te/ tshe dang ldan pa dag skyes bu chen po'i mtshan sum cu rtsa gnyis dang ldan pa'i skyes bu chen po ni rnam pa gnyis su 'gyur gyi/ gzhan du mi 'gyur te/ gal te khyim par 'dug cing khyim na gnas na ni 'khor los sgyur ba'i rgyal po mdza' bzhir rgyal ba chos kyi rgyal po dang ldan pa rin po che sna bdun dang ldan par 'gyur ro/ /de'i rin po che sna bdun ni 'di lta bu yin te/ 'di lta ste/ 'khor lo rin po che dang/ glang po rin po che dang/ rta rin po che dang/ nor bu rin po che dang/ bud med rin po che dang/ khyim bdag rin po che dang/ bdun pa ste/ blon po rin po che'o/ /de'i bu ni stong tham pa yod de/ dpa' ba brtul phod pa dang/ yan lag mchog gi gzugs dang ldan pa pha rol gyi sde rab tu 'joms pa sha dag go /de ni rgya mtsho chen po la thug pa'i sa chen po ma lus pa gnod par sngo ba med cing 'tshe ba med pa 'di nyid/ tshad pa med cing mtshon gyis 'da' ba med la chos dang mthun zhing snyoms pas legs par phab ste gnas so/ /gal te skra dang kha spu rnams bregs te/ gos ngur smig dag bgos nas dad pas khyim nas khyim med par legs pa kho nar rab tu byung na ni/ 'jig rten 'dir de bzhin gshegs pa dgra bcom pa
Colophon
'phags pa maung+gal gyis bus mdzad pa'i 'jig rten bzhag pa rdzogs so/_/'di la 'gyur byang las bam po bdun 'byung yang dongs su dgu snang ngo /