MW21521_F20F62མན་ངག་ཨ་ཏི་ཡོ་གའི་ཆོས་སྐོར།All versions of this work

rdzogs pa chen po byang chub kyi sems kun la 'jug pa rnam dag ston pa'i rgyud

Text

ff. 36a–50b · 30 folio sides

  1. 36a

    zhi ba'i dbyings// bde gshegs yon tan bsgrags pa'i mchog/ don rab 'byed pa'i gsal ba yis// rang bzhin dkyil 'khor spyon par byed/ tshogs bral rdo rje gsang ba'i sngags// nam mkha'i mtha' bzhin brjod pa'i tshul// mtshan rab dpag par dka' ba'i mchog/ rdzogs pa chen po chos nyi byang chub kyi sems bkra shis mi 'gyur ba gsal bar gnas pa'i rgyud las/ bstan pa gtad cing rjes su bstod pa'i le'u ste bcu pa'o// / rdzogs pa chen po chos nyid byang chub kyi sems bkra shis mi 'gyur ba gsal bar gnas pa'i rgyud ces bya ba rdzogs so// // rgya gar gyi mkhan pa bi ma la mi tra dang / sgyu bsgyur gyi lo tsa ba chen po g.yu sgra snying pos bsgyur ba'i 'grel pa dang bcas par bshad pa'o// // !/ rgya gar skad dum hA i ti d+harma ba d+d+honat+taM sarba ad ba d+hA rA swa b+ha b+hA she tAn+d+ha nA ma bod skad du/ rdzogs pa chen po byang chub kyi sems kun+da la 'jug pa rnam dag ston pa'i rgyud ces bya ba dpal kun tu bzang po la phyag 'tshal lo// 'di skad bdag gis thos pa'i dus gcig na// thams cad snang zhing de dag de nyid dbyings// rang bzhin mi gnyis chos kun

  2. 36b

    'gag pa med// ye nas lhan gra ba ye shes sna tshogs gzhi// byang chub sems dbyings dkyil 'khor rgyas pa'i tshogs// kun tu bzang po sgrub med thams rud mkhyen// ston pa bde chen sku gsum gzhan rgyud sel// rung 'jug dbyer med yon tan 'phrul pa'i dngos// sku gsung thugs mchog khyad par lta yi lce// sangs rgyas gnyis med dngos kun dus gsum nyid// 'og min lhun grub chos kyi longs spyod gzhi/ zhing khams rnams bkod yon tan kun sna tshogs// 'jig rten grangs med gcig tshul btsal med pa'o// dus gsum 'pho 'gyur med pa'i gdan sa mchog/ ye shes ma 'gags rin chen sna tshogs madrangs// dkyil 'khor kun tu rgya yongs ma chad pa'i// rgyun tshogs 'dod pa'i longs spyod sna tshogs par// nyid kyi snang ba'i gdan kun rnam par brtsegs// de bzhin gshegs pa gzugs sogs rnam dag pa'i// nyon mongs rkyen bcas dug lnga la sogs 'bras// bdag po ye shes mthu lnga'i ngo bo nyid// sku gsung thugs mchog yon tan 'phrin las brgyan// dri med rdo rje snying po 'dus ma byas/ bde gshegs 'khor los theg chen mtshon par byed// don kun rin chen sna tshog sa 'byung ba'i gzhi// chos rnams rang bzhin pad+mo chags pa nyid//

  3. 37a

    'phrin las thams cad rtsol bral mthar phyin pa// rig mchog rgyal ba lnga dang bcas pa'i yum// dkyil 'khor dbyings dang mnyam par sbyor ba'i mchog/ rigs kyi dkyil 'khor grangs med rnams ston cing // thams cad rang bzhin sprul pa'i khyad par las// mthu dbang byin rlabs yongs su rdzogs pa'i chos// byang chub sems dpa' sems dpa' chen po'i gtso// dpal ldan 'jam dbyangs byams pa dri ma medado// kun tu bzang po spyan ras gzigs dbang phyug/ sa snying nam mkha'i snying po nyi zla'i 'ong // rin chen dra ba brtson pa'i dbang phyug dang // phyag na rdo rje dga' dbyangs spyan gsal stobs// sgrib pa rnam sel shes rab dran pa'i mchog/ thugs rje shes rab 'brel tshogs yum dang bcas// grangs med rigs kyi gtso bor gyur pa dag/ rgyu 'bras chos kun rnam par sbyong byed cing // rang gi mtshan brjod ston pa'i don ji ltar// sangs rgyas mthu yis phyogs rnams 'khod par 'gyur// ye nas rang bzhin ma bcos dkyil 'khor che// de nyid gtso bo de nyid 'khor gyi tshul// 'byung chen sa chu me rlung nam mkha' las// rang byung rigs tshogs dkyil 'khor rten dang gnas// 'gro ba'i lam kun 'phrul pa'i mthu mtshungs pas// brtan g.yo'i de bzhin bya ba mthar phyin cing //

  4. 37b

    rang byung sangs rgyas pad+ma'i snying po can// gnyis snang gnyis med bde chen khyab pa'i dbyings// ston pa gnas 'khor bstan pa gnyis med pa'i// dus gsum nyid na rab tu mthar phyin pa'i// thams cad gnyis med byin gyis brlabs las snang // de dag bde ba chen po chos nyid do// de nas ston pa'i cho 'phrul thabs sna tshogs// gnyis med gnyis kyi tshul du snang ba las// thams cad ngo mtshar skyes pas dam par 'gyur// bstod tshig gsang ba'i rgyud kyis gsol ba gdab// chos kun rab tu mig nas gnas/ med pa'i// dngos tshogs de bzhin rang byung ma btsal dbyings// thabs dang shes rab zung du 'jug pa'i sku// kun tu bzang po sangs rgyas kun gyi dngos// khyed kyi chos nyid byin brlabs brtag dka' bas// bdag cag ngo mtshar sgo 'dir the tshom skyes// don kun gsang ba'i chos chen 'brel pa'i tshul// sku gsung thugs kyi byin rlabs bsam 'das pa// dus kun thugs rje dri ma med pa'i spyan// mtha' bral bstan pa'i snying po theg pa che// dag pa blo gros shin tu sbyangs pa la// thugs kyi ye shes rgyud chen gsang ba'i mthus// de ltar bde gshegs rigs lnga'i sangs rgyas tshogs// gcig gis gcig la dga' ba'i gsol 'debs shing // rang gi mtshan nyid gsang don bstan

  5. 38a

    mdzad nas// kun gyis thathun par kun tu bzang la 'du da// de dag byin rlabs ngo mtshar tshogs rgya chen// chos nyid mthu las zhing khams kun tu g.yos// snod bcud rab tu 'khrugs shing rnam par grol// sangs rgyas grangs med rigs kyi dkyil 'khor 'byung // de las snang ba'i stong khams rdul snyed kyis// rang gi mthu stobs dpe bral kun tu ston// sna tshogs gnas rnams bkod pa chen po'i dbyings// mi 'gyur mnyam pa'i 'phrin las kun spyod pa'o// zhes kun tu rgya cher ston to// rdzogs pa chen po chos nyid byang chub kyi sems kun la 'jug pa rnam dag ston pa'i rgyud las/ bstan pa'i gzugs brnyan ji ltar byung zhing snang ba'i le'u ste dang po'o// / / de nas thams cad rig pa'i mchog gyur pa// 'di nyid dkyil 'khor chen po'i tshogs zin nas// kun tu chos rnams mi 'gyur sna tshogs pa'i// phyag rgya chen por zung 'jug sna tshogs gsal// rigs mchog rgyal ba kun gyis gsol 'debs shing // rang byung mchod pa'i tshogs rnams kun tu 'bul// rgyud mchog rol pa'i ye shes 'byung ba'i gnas/ byang chub sems bde kun tu khyab pa las// rang snang dkyil 'khor zab mo'i zung 'brel ba// byin rlabs yul tshogs gnyis med gsang bas 'jug/ de yi rang

  6. 38b

    bzhin ngo mtshar chos 'byung ba'i// dngos tshogs lam 'bras gnyis su med pa gang // gza' ba'i yul med spyod pa kun bral bas// lta ba'i don kun grub mtha' sna tshogs shing ta mi rtog ting 'dzin gsal ba'i gnas 'jug pa// don kun phyag rgya sgom pa sna tshogs tshul// zin chags gnyis med blang dor rgya mtsho'i gzhi// 'ching grol chos kun mtha' yas spyod pa'i sgo// gol sgrib mthar bcas kun tu 'ching byed pa'i// so sor 'dzin med byang chub chen po'i mchog/ spang thob bye brag dbye zhing dbye ba med// 'bras bu'i tshul tshon lhun gyis grub gnas shing // 'di ltar de las de bzhin de 'byung ba'i// 'brel med 'brel bcas gzhan du gzhag pa med// thams cad dbyer med bya ba med pa'i chos// khyad par mtshan nyid gdags pa skabs kyi don// chos kun mthong chos yul med lta ba gang // dbu ma la sogs phyogs chos gol sgrib dag/ log par 'khrul pa'i nyes tshogs rnam mang ba// sgro 'dogs skur 'debs yang dag don las nyams// mnyam pa chen po'i dbyings sul bzla zhing // blo dman theg pa'i gol sgrib rnam par dag/ rgyu 'bras rigs 'dzin slar yang 'khrul pa'i tshogs// lam kun bgrod pa'i mthas 'ching phyin pa med// gnyis kyis gnyis bskyed gnyis su grub pa'i chos// rtsol bcos mtha'

  7. 39a

    bskyod don kun phyag rgya 'jig/ gdams ngag dam pa ston pa'i mdzod nas byung // kun gyi mtshan nyid dmigs par dka' ba'i chos// yon tan rin chen tshogs rnams thams cad 'byung // de yi gnas 'gyur sangs rgyas kun gyi yab// dmigs med thugs rje rang las kun snang gsal// ma lus mtha' rnams ye nas lhun grub cing // ji bzhin chos kun ma bcos lhun gzhag cing // phyogs cha lhun grub rang byung ye shes dngos// gzung 'dzin rnam dag sgom pa'i gol ba yang // dmigs bral ting 'dzin nyams su myong ba gang // lta ba med pa'i spyod pas mi grol tshul// gzhan nas 'dod pa'i 'khrul pa'i 'dod pas sgeg/ gzhan nas thob par 'dod pas gol ba'i lam// theg gzhan dang brtson spyod pas don mi rnyed// thabs kyi mtshan nyid che ba'i chos spyod pas// gsang sngags phyi nang spyod pas gol bar 'jug/ spang blung dbyer med 'thun 'jug dpe dang bcas// dpe yi 'thad pas yang dag don gsal byed// 'bras bu rang chas gnas pa'i tshul 'dzin cing // ngo bo rang byung byang chub sems kyis brgyan// snang srid rtog tshogs byang chub gzhan na med// 'di don dus kun 'gyur med shes pa'i go/ thugs rje mdzad pa gang yang mi 'gog pa// rang bzhin bde ba'i yul rnams 'thus pas sgrub//

  8. 39b

    lhun gyis grub cing bskyod cing bzlas pa'i don// ye nas gnas sogs gzhan du rtsom pa'i chos// bden pa zung du 'jug pa'i ngang tshul bzang // gang las gang ltar de dag de yi gzhi// 'di nas mos pa tsam gyis 'dzin byed dag/ don kun gsang ba'i theg chen 'brel ba'i rgyud// thabs mchog rgyal ba kun gyi byin rlabs kyis// phra ba'i gnas don dgongs pa'i byi ni rlabs shugs// zhes yang dag par rgya cher gsungs so// rdzogs pa chen po chos nyid byang chub kyi sems kun la 'jug pa rnam dag ston pa'i rgyud las/ ta bstan pa'i don zhus pa'i le'u ste gnyis pa'o// // de nas thams cad mkhyen pa'i mchog kun ston byed gtso// chos kun sna tshogs don 'byung brjod pa'i tshig gsang bas// rang byung bde ba'i gnas che kun tu khyab mdzad cing // mdzes pa'i rigs mchog dkyil 'khor rgya cher bshad cing gzung // mi gnas dmigs pa'i yul med mi rtog chos kyi lam// bsngo ba'i cha shas phra ba'i yul las byung ba de// rtog sgom chos kyi sku ni khyad par don med pas// rang byung ye shes mi rtog kun tu ji bzhin gnas// thabs la mkhas pas thabs kyi bye brag sna tshogs kun// thams cad gcig tu 'jug pa'i rgyun ldan don kun gsang // ma'adres

  9. 40a

    phyag rgya bskyod pa'i tha snyad thabs kyi chos// ye shes rang gnas shes rab che gzhan kun tu btsal// ngo mtshar mthong ba'i yul med de la mthong ba'i mig/ gang la thos par mi rigs bsnyad pa kun dang bral// chos dang chos nyid rtag tu 'dres shing dbyer med la// don dam chos zhes lhag par bstan cing gzung ba med// 'khrul dang byang chub lam de rtogs pas thob pa med// rang byung ye shes nyid kyang tshig gi mtha' dang bral// ye nas sangs rgyas bdag nyid mngon sum gnas pa la// grib ma gzugs kyi dpe bzhin de la rtog pa 'byung // med de med pa ma yin med pa'i snying po 'byung // stong ste stong pa ma yin stong pa'i yul la gnas// nam mkha'i rang bzhin de las 'byung ba'i dran pa bskyed// bya bral 'dzin pa'i bde ba 'dod pa med pas len// chos nyid chos tshogs gang dag rgyud 'dzin pa'i// kun tu ma g.yos phyogs rnams sgrub byed chos snang ba/ don kun phyag rgya rgya mtsho'i gzhir gyur gsang ba'i yul// thams cad rnam par mi skyod dpe yi cho gas rnams brjod// rang byung ngo mtshar gtan tshigs yul bral med pa'i mig te snang med rtog pa'i rgyud kun don spyod gsang sngags che// gang gi gang la dngos kun mthar 'dzin de yi chos// tha snyad rgyud las thams cad 'das pa'i don gsal ba/

  10. 40b

    thos shing spyod pas rnam mkhyen phyag rgya sngags kyi rgyud// mdud pa'i rtsa bas de dag sgyu bzhin 'khrul pa'i rdzas// tshogs med mtha' 'das bsod nams las rgya chen po mchog yod snang med pa'i khams kun bde bar rang byung zhing // btsal sems so so'i dpe 'das dbye gsal de nyid med// 'das dang da ltar ma 'ongs de nyid der snang ba// de yi chos kun thams cad mkhyen pas don 'dir ston// bden zhing ming dang tha snyad rtog pa'i mtha' 'gags pa'o// 'di dag rang bzhin dbyer med chos sku'i snang ba nyid// sems kyi tha snyad don kun dkyil 'khor cha shas dag/ dmigs pa'i yul rnams zab mo'i dgongs 'jug rtogs dka'i chos// shes pa tsam du smra zhing nang la dngos 'dzin nyes rtog rgyun// de med mi 'byung de las mtha' yi rgyud sel ba// thams cad rtag dang chad pa'i lta ba phyogs su 'khor// yul sems so so'i rten 'brel gcig las gnyis tshogs gnang // rang bzhin ma g.yos de las rtag tu 'byung // gzhan dag 'brel ba'i don gyis gcig las gcig snang zhing // snang dang mi snang tha smad sems kyi chos kun dag/ chos dang chos nyid dbyer med gcig las thams cad 'byung // don dam kun rdzob ming tshig dag gis dngos kun stong // mdzes pa ris can so so kun las phyogs rgyas 'gyur//

  11. 41a

    rang byung bde ba'i rtog pas mdongs kyi yul spyod mtha'// bzang ba'i yul med de las ye shes 'byung bar brtsam// sngon med drang srong bzhin du bsgom pa'i yid kyang 'jog/ lha med rnams rtsol 'bad pa'i gdung bas zin pa ni// rang bzhin lam de 'khrul pas thams cad mkhyen pa med// ji bzhin pa zhes rnam rtog de phyir rtog sgom pa/ bde ba chen po 'dod pas chags pa'i nad yin te// mi g.yo rang bzhin gnas pas sman chen ma byas na// mtho ris bgrod pa'i rgyu des nyon mongs zin par 'gyur// las kyi mtha' yis kun tu 'jig cing nye bar spyod// 'gyur ba de dag bdag po'i mthu las gzhan du snang // tha dad smin la tha dad rtog tshogs bsam spyod pas// mu stegs/ rigs can rang gi phyogs kun 'ching bar byed// lta ba bsnyems pas grub mtha' bden grub dngos kun gnas// yang dag srid mtha'i kun tu rtogs pa'i chu rgyun gsal// nam mkha'i rang bzhin don kun gzhan du 'bras bsgrubs pas// ming dang brda las byung ba'i cha shas dngos su rnam par dag/ lam med lam du 'jug pa rnams kyi nad che ba// phyin par 'dod pas ri dgas smig rgyu snyeg pa 'dra// rnyed pa'i yul med 'jig rten gsum las myong mi 'byung // sa bcur ltos pa'i gnas kyang byang chub sgrib pa yin// shin

  12. 41b

    tu myur ba'i ye shes bsam pa kun dang bral// bshes gnyen kun las byung ba'i nor bu rin chen mdzod// dmigs pa med cing 'gyur ba'i gnas la mi ltos par// nang gi/ rang bzhin legs pas re ba thams cad skong // brtags na med la sna tshogs 'byung ba'i legs pa che// dngos su mi snang chags pa'i cha shas kun la ston// bdag dang gzhan du bral ba'i ston mkhan rin chen mdzod// thams cad grub pa'i yul zhes bdag med snying rjes bstan// nang nas ma g.yos nang du btsal ba'i gnas med de// yul phyir chags shing yul la bsngo ba'i dmigs pa med// mi 'byung mi 'jug bdag med snying rje de yin na// gzhan gyis nor min ma byung ye nas gnas pa yin// bdag gzhan gang gi phyogs 'dzin mthar phyin sku gsum nyid// ma nges snying po byang chub rtsol med tha dad lam// bdag nyid chos dbyings don chogs gnas ma nges pa yi// rtswa la dang sgyu ma'i rgyun bral thabs kun dkyil 'khor che// ming bsam yul med bdud tshogs gzhom med dngos grub tshogs// dkyil 'khor chu zla theg cho gas kun 'byung rgyu rkyen bral/ rab tu sbyor bas don 'dir bde ba'i ye shes gzhi// thams cad ma nges phyag rgya mthar phyin 'jigs pa sel// bya bral yul la mi gnas gnyen pos bcos su

  13. 42a

    med/ yan lag chos kyi dbang gis spang ba'i yul tshal zhing // rnam pa cir yang mi rtog thabs kyis de la rol// rnying pa rang bzhin 'byung ba gzhan na med// rdul phran gcig las bsres shing phyogs bcu kun dang bral// mi gnas don nyid legs pa'i ye shes rang byung ste// mngon sum kun tu mi rtog sangs pa'i snying lol rnam dag lam 'dir zhugs pas mnyam pa'i rgyal po 'thob// mi 'gyur 'gyur ba med pa'i chags pa'i gnas med do// de bzhin gzung ba'i yul med 'dzin pa'i gnas kyang med/ yang dag ye shes kun 'byung sa bon tshogs pas bsgrub// nam mkha'i ri mo dmigs pa'i bka' la tha snyad gzhi// mi mkhas 'khor lo'i rgyud thas mang pos 'khrul zhing rmongs// yongs su spang blang bzhag pa'i theg pa thams cad bstan// mngon sum thob par 'dod pas rgyu la rtag tu bsgom// sgom chags bde ba de las mnyam pa'i don mi 'byung // sku gcig kun tu khyab pas mngon pa'i chos med de// mtha' la thug pa med las dbyings la bad pa med// chos kyi rol pas nyams 'phags lhag pa'i gnas med de// rang byung ye shes che ba'i yul kun ji bzhin gnas// gsang ba'i yul kun de las de rgyud 'brel ba'i don// lhag pa'i don 'di thabs

  14. 42b

    dang shes rab gnyis med pa'o// gang las de bzhin gshegs pa'i phyag rgya gzung byed pa'o// mdzad pa dran pa'i rtags kun zhi ba nyid du sbyor// 'dir 'jug gsal ba'i yul nyid mtha' bral rtag tu bde// sems dpa' tshe mchog dpal mdzod don ldan pas// theg pa 'bras bu gsang sngags rgyud 'dir 'gags pa'i chos// de dag ma/ skyes ye nas bya dang byed pa'i rtse// 'di zhes gsung rdzogs brjod pas dge ba'i tshogs 'phel zhing // mi mthun gnas kun 'grib pa'i bag chags dngos med pa'o// don 'thun snang zhing gsang sngags bde gshegs kun gyi tshul// nges pa'i blo gros dus kun gnas par thams cad 'jug/ ces gsungs so// rdzogs pa chen po chos nyid byang chub kyi sems kun la 'jug pa rnam dag ston pa'i rgyud las/ nges par bstan pa'i tshul gyis bsdus pa'i le'u ste gsum pa'o// / / de nas thams cad mkhyen pa'i mchog/ ngo mtshar 'jig rten rmad byung ba'i// don kun gsang ba'i rgyud chen po// thabs kyi rnam par spyod pa'i gzhi// gang la yul 'di mthar phyin pa'i// phyag rgya rig pa'i bdag nyid sngags// dngos grub yul med mthar phyin pa'o// mtshan bcas 'jug pa'i chos kun las// 'di dag

  15. 43a

    gsang ba'i ye shes sku// rigs rnams tha dad sna tshogs pas// dkyil 'khor byang chub sems kyi gzhi// tha snyad gang gis rgyun sgrub cing // don kun gsang ba'i chos 'jug pa// res bzhini 'byung ba'i mdangs gsal bzhin// med pa'i bsam brjod yun gyis rdzogs// ji ltar zab mo'i tha snyad kun// don 'di rnam par grol byed pa'o// sems rgyud tha dad ngo bos 'jog/ dang po'i rtog pas yul kun nyid// shes pa gang gi gang la 'jug/ chos nyid bde ba don kun gnas// phyogs kyi snang ba ma 'gags chos// bas ma 'das spyod par dka' ba'i tshogs// thams cad kun gyi cha lugs gsal// de las phyogs kyi cha bzung ste// phyi nang kun tu 'byung ba'i chogs// chos dang chos dbyings dbyer med la// mi mthun gnyen po'i rtog 'dzin cing // don dam kun rdzob lhag pa'i gnas// gdags pa'i yul mthar skye ba'i rgyun// ming tsho gas byed dngos stong pa'i chos// de dag las kyi mtha' 'gog pa'o// 'khrul pas sna tshogs btags pa'i cha// ji ltar mi sgrib 'khor lo bzhin// nga med phyag rgya'i mtha' gsang bas// byang chub sems kyi lam rgyud gsal// rtog pa'i yul tshogs chos 'dzin pa'i// theg pa gzhan rgyud rnam par bsdus// rang

  16. 43b

    byung ye shes ji lta bar// dngos kun gsal ba'i don ston pa'o// 'das pa'i mtha' rnams spyod pa'i yul// de dag dngos kun ma 'ongs dus// da lta'i tshig tshogs mtha' las 'das// rang gi ngo bos kun 'jog byed// 'di dag ye nas ma bcos pa'i// 'bras bu'i dngos kun gzhan du 'gyur// de dag blo yi snang bas te// rigs kun ngo bo ma 'gags pa// don kun phyag rgya'i cha lugs sku// mi shig sa rdo rje lta bu'i dngos// thabs dang shes rab rol pa'i gnas// spyod bcas rnam pa sna tsho gas gzhi// byang chub 'khor ba mya ngan 'das// thabs kyi gar chogs yul kun nyid// bde ba'i cha lugs ma rmongs pa// rigs tshogs gsang ba'i lha nyid do// khams gsum dngos grub lhag pa'i gnas// rang byung sa yi rtags las skyes// don kun phyag rgya'i dkyil 'khor tshogs// sems dpa' rang rig kun nas 'jug/ ji ltar don kun rang bzhin bcas// phyi nang chos kun rnam par dag/ med pas phyogs su dmigs pa'i yul// thams cad stong pa'i mtha' rnams skyes// med pa'i snying po gsang ba'i gzhi// tha dad don min der 'jug pa'i// dpe 'dis zab mo sder bcas pas// dpe yi tha snyad gang du 'jug/ de dag rtag chad stong pa'i yul// sgo skur ming

  17. 44a

    las mtha' rnams gnas// ma 'dres gsang ba'i thig le che// sgrub med mi mthun gnas las skyes// mi bskyod phyi nang med par 'phel// ma bgrod lam kun sa yi dbyings// nam mkha'i dkyil 'khor ji lta bar// 'byung tshogs ma 'dres bkod pa'i sgo// theg pa thams cad gsal byed pa// thugs rje chen pos 'jig/ rten 'das// dran pa'i gnas kun bskyed pa'i phyir// dngos 'di dngos po gsal byed pa'o// bya bral yul kun rnam par gnas// thabs kyi rdzas kun snang ba'i cho gas// gang dag zin pa sa de yi mtha'i// mya ngan 'das pa'i lam kun spyod// bde ba chen po'i 'jug pa ni// 'bras bu 'dod pa med pa'i dbyings// de yi mthu rgyun yul spyod pas// yang dag dkyil 'khor gsal mi 'gyur// phyi rol yul tshogs 'dus pa'i bdag/ rdul phran gong bu'i mtshan nyid can// ma byas mtshan ma med chos rtags// nam mkha'i dbyings bzhin phyogs bcur brdal// gza' ba'i yul med bsam bral rgyud// rang gi ye shes gsal ba'i gnas// thams cad dngos kun spangs pa'i blos// phyag rgya'i dkyil 'khor gsang dang bral// 'byung 'jug res kyis 'khyil ba las// ye shes yul bcas 'byung bar rtsol// sngon gyi drang song chen po yi// don 'di rtse gcig sgom byed cing // nang gi chos kun

  18. 44b

    'gag pa'i don// de las de byung mthar byed cing // rnam rtsol zhi bas phyogs gcig gnas// rang bzhin ye shes che las nyams// blo rgyud rnam par nyams pas 'khrul// phyi rol las nang nang las phyi// theg pa'i mchog gis grol 'dod pas// de gnas nyes pas kun tu 'ching // 'di dag stong dang mi stong zhes// rtag chad bde sdug mtshan mas chags// mi mthun rnam par rtog pa'i yul// ji bzhin chos kun ngo bor 'dzin// de la de yi yul bcas rtog/ thabs rnams 'khrul pa'i mthar 'dzin pas// yul med dngos kun sna tshogs 'jug/ bya ba dag las tshul 'di skyes// mtho ris byams pa'i gnas bgrod cing // de rgyu thar pa'i chos 'jug pas// ma rig gnas su 'di rgyud chos// bdag dang bcas pa'i gnas kun 'jig/ 'jig rten las 'das ming mthun stobs// 'khrul tshogs sdug bsngal skye ba'i rgyun// rgyu 'bras gnyis tshogs mthar 'dzin dmigs// lam med phyogs kyi gnas bgrod pas// lam pa'i nyes tshogs nad chen rnams// dus gsum sgrib pa'i 'khrul rtog rkyen// 'jig rten mtshan nyid shes dka' bas// dgos don gsal ba kun gyi yul// rang gi mthar 'dzin sman pa'i shugs// dam bcas 'jig rten sgrol ba stobs// de med de yi rgyu 'bras

  19. 45a

    thob/ ta mtha' bzhir spyod pa'i tshul 'bras zhing // ma gos byung tshor bstan pa'i sgo// mtha' dbus phyogs su ltos pa'i yul// rab tu dga' ba la sogs 'bras// sbyin sogs stobs kyis 'grod pa'i mthus// rang gi ye shes gnas kun dag/ pha rol phyin sogs sa brnyes pa'o// thabs mkhas shes rab rnam par sbyangs// rgya chen zab mo sngags kyi lam// byang chub sems dpa'i dkyil 'khor tshogs// sangs rgyas 'khor bcas kun gyi mdzod// rtog pa'i chos rnams snang byed pa'o// mya ngan 'das par kun rdzogs chos// thabs 'dir rang byung gnas ston cing // mi shes the tshom kun tu spyod// bshes gnyen chen po'i gdams ngag las/ don kun 'bras bu skye bar 'gyur// gang las ma bstan chos rnams 'bras// ye shes dbyings kyi sangs rgyas tshogs// 'di dag yon tan kun 'byung gnas// thams cad grub pa'i gsang ba nyid// rgyud chen snying po'i don gsal byed// thabs 'di rdzogs pa'i sangs rgyas kyis// thams cad yul phyir ma 'dres bstan// gang 'di/ sangs rgyas gang las byung // snang ba phyogs kun gang gis don// cha med yul tshogs cha bral bas// phyi nang dkyil 'khor bkod pa bzhin// 'di ltar phung po 'byung

  20. 45b

    bcas pa'i// de las de snang rgyun 'brel ba// thabs kyi rtse mo kun dpags pas// mtha' dag zag pa med pa'i yul// 'gyur ba med pas phyogs chos kun// rang snang dpe rnams sna tshogs byos// nang gi yul can phyi rol rgyun// de mtha' gang du ma 'gags pa'o// legs par bstan pa'i gnas rdzogs byed// theg pa thams cad rtsol pa'i gzhi// don gsum the tshom kun bral bas// grangs can yul las grol bar 'gyur// dngos su rtsod pa'i mtha' spangs pas// phyag rgya chen po gnyis med pa'o// mi rtag gang dag tha snyad rgyun// de yi dkyil 'khor ji bzhin gsal// ston pa 'jig rten sgron ma'i gtso// sangs rgyas theg pa kun 'dus pa'i// mya ngan 'das lam 'jigs byed bdag/ de dag phyag rgya'i tshogs kyis 'joms// gzung badzin rtog pa'i yul med par// sa bon kun 'jug chu bo'i rgyun// ma g.yos dngos kun mtha' 'das pas// phyin ci log rnams kun tu snang // bdag gzhan ris su ma grub na// de dag tha snyad ga la 'dzin// yang dag byang chub sems kyi dngos// phyogs bcu dus rnams rdzogs pa nyid/ thams cad grub pa'i yul dag ni// dben pa'i rtsal sems rdzogs pa nyid// phyed bcas phyed la rab tu sgrol// de las nyi ma'i mdangs rdzogs pa'o//

  21. 46a

    dmigs pa med pa'i thugs rje che// nam mkha'i gza' skar sna tshogs pas// nang nas ma g.yos nad kun zhi// de dag gang gi rdzas su spyod// don 'byung gsang chen gsang ba'i rgyud// sangs rgyas thams cad gnyis med sbyor// rtag tu lha yi spyan tshogs kyis// chos kun yul tshogs gsal bar gzigs// stong pa'i chos nyid gnyis med pas// chos rnams snang ba 'ang gnyis med snang // de ltar snang dang stong pa dag/ dbyer med bco brgyad la sogs par// tha dad mi rtogs pa spros pas// rang bzhin kun tu ma nges pa'o// mkhas rnams rab tu zhi ba yi// reg pa sna tshogs dbang po kun// mi gnyis tha dad dper bcas pa// rab tu rtogs pa'i mthar phyin pa'o// mi 'gyur mi 'jugs le ba// thams cad skyes pa nyid na 'gag/ de las skyes dang 'gag pa'i rgyun// don 'di rab tu snang bar 'gyur// bdag med/ snying rje chen po yis// pha rol phyin rnams rdzogs byas te// rang byung zag pa med pa'i nor// 'phags pa'i rdzas bdun kun spyod pa'o// der 'jug dmigs pa'i ting nge 'dzin/ don kun phyogs bcu sna tshogs pa// de yi cha shas dmigs dang bral// dus gsum ma byung skye ba med// thams cad mkhyen pa'i dbang don shes// mi

  22. 46b

    gnas gnyen pos bcos su med// las kun rnam par 'byed pa'i tshogs// 'phags pa'i sems las bsrung ba che// yan lag chos rnams byang chub sems// tha snyad brda yi dbang gis 'jug/ snying po ma g.yos rtog pa'i rtsa la// don rdzogs theg pa chen po'i gnas// dang po'i rtsa la shugs rim gyis sa// tha dad min la der gnas snang // yul kun tshol byed tha dad chos// der min snang phyir de 'dzin 'khrul// rnam pa kun tu gsal ba'i don// cir yang mi rtog theg pa'i gzhi// thabs dang shes rab phyag rgya'i tshogs// kun tu bzang po rol pa'i thabs// mi mnyam rgya mtsho'i snying po gzhi// don 'thun theg pa'i khyad par gyis// chos kun mnyam pa'i dkyil 'khor rdzogs// de las thams cad rab tu sprul// rdul phran khyad par las grub pas// sa rnams mnyam pa'i gzhi yangs par// 'byung tshogs rol bas las byed pa// de dag cha shas rdzas la grub// dus dang phyogs cha'i khyad par gyis// nang dang phyi rol bar snang stong // 'di ltar kha dog la sogs rdzas// nam mkha'i rang bzhin rnams kyis 'dod// gang byung rdzas kyi khyad par gyis// khams gsum rab tu 'jig par 'gyur// de nas grub pa'i mtha' spyod pa// blo ma

  23. 47a

    chos rnams 'jig par byed// mi gnas don kun ston byed pas// shes rab chen po yul mthar phyir// dka' ba'i gnas kun bde rdzogs pa'i/ don kun phyag rgya legs pa'i gzhi// ye shes chen po'i dkyil 'khor gyis// rang byung ngo mtshar rnam spyod pa'o// de dag thabs kyi bdag nyid las// rgya mtsho'i brlabs bzhin kun tu g.yos// chos nyid mngon rtogs las byung ba'i// sangs rgyas kun gyi ye shes mchog/ mngon sum tshul gyi mngon sum mchog/ theg pa'i 'bras bu che ba nyid// mi rtog de bzhin nyid kyi bdag/ nam mkha'i mtha' zhing zab mo'i dbyings// yangs par sbyangs pas che ba'i mchog/ rtog pa'i ting 'dzin mnyam dang bral// yangs pa'i snying po kun gyi gzhi// snying po nyid las snying po'i cho gas// rnam dag thams cad kun tu dag/ mi dag lus tshogs mtshon pa'i tshig/ phyogs bcu sangs rgyas kun gyi dngos// rang gi chos kun nges par sbyor// mnyam pa'i lam 'di mthar phyin pas// phyag rgya chen po'i dkyil 'khor rdzogs// bdag las gzhan las gnyis ka las// bde ba'i ye shes skye bar 'gyur// gdod nas rab tu rdzogs pa'i chos// rgyu rkyen 'bras bu'i rgyu smin pa'i// thams

  24. 47b

    cad ye shes rnam spyod pas// mtha' rnams phyogs kyi gzung bral zhing // phyi nang dbye bas kun spyod dag/ mi 'gyur 'gyur ba med pa'i khams// de dag rang gi las kyis 'jug ta dag pa'i rdzas tshogs nyi shu'i grangs// phyogs 'thun gcig pas kun tu bskyed// chags pa'i tshul gyis chags bral spyod// ma chags dngos kun 'jug pa'i rgyun// bsam gtan chen po 'di 'dzin pa'i// skyes bu rtog pa'i dra bas bsgribs// mi 'gyur chags pa'i gnas med par// su dag gang gi chos don nyer/ thams cad byang chub sems las skyes// gzung dang 'dzin pa kun spangs pa'o// rang bzhin bde bas kun bskyod de// dmigs pa'i ting 'dzin sgro rnal 'byor// tshe 'dis mngon du sbyor 'dod pas// 'bras bu mi mthun la spyod byed// rgyu la 'jug pa 'di dag gang // sems kyi gnas kun mi sgrib pa'o// mngon sum thob par 'dod pa rnamaso// de rgyu sngon du gnyer bar byed// sgo tshogs rang gi yul zhen pas// thabs bcas rtsol ba'i rtsol bas 'jug/ bde bas nyams pa'i chos sgrub kyang // bde ba che las rnam par nyams// bde ba kun gyi nyer gnas pa'i// A li kA li 'brel pa'i gzungs// gnyis

  25. 48a

    med ye shes thugs gsang ba// mgos spyod pa'i yul gyis min// rdzogs pa'i chos nyid gshegs pa'i chos// sna tshogs ngo bo mthar phyin pas// bya btsal bsngo ba'i rgyu rnams kyang // kun tu khyab pa'i chos sku nyid// de yi mdzad tshogs sku rnams las// so so'i rnam bcas tha dad pas// bya ba thams cad rab tu rdzogs// 'di la bsnan par bya ba dang // gzhag cing dbri ba'i chos med de// phyi nang yul kun bltas byas na// sems nyid zag med ye shes che// de bzhin mtha' las de dag 'jug sems dpa' chen po'i 'bras bu'i gzhi// thabs kyi nyams su myong ba'i dus// nang gi bde ba phyi yi chos// de bzhin de yi gnas su gzhi// de las phyag rgya'i bde bas 'byung / ha chos kyi rol pas yul tshogs kun// nyams kyis de yi stobs mtshungs te// nor bas 'khrul pa'i blo bskyed kyang // rang bzhin ye shes nyams pa med// dngos 'di byang chub sems rgya chen// rang byang che ba'i snying po las// dus gsum kun tu ji bzhin gnas// rab tu rtogs pa'i dkyil 'khor rgyas// rnal 'byor de yi chos 'dod pas// de bcas tshul ni nyams par byed// dga' ba'i rnam grangs so so'i dpe// dgongs pa bcas pa gtan la 'bebs// 'di nyid theg mchog gsang ba'i rgyud//

  26. 48b

    dus gsum sangs rgyas kun gyi bka'// ngo mtshar phyag rgya 'da' dka' bas// nges don gsang mchog gzung bar gyis// zhes rgya cher bstan to// rdzogs pa chen po chos nyid byang chub kyi sems kun la 'jug pa rnam dag ston pa'i rgyud las/ sangs rgyas kun gyi snying po phyag rgya'i le'u ste bzhi pa'o// // de nas thams cad 'dus pa'i tshogs// sangs rgyas kun gyi dbang bskur bas// phyogs 'dud pa yi dga' bde yin// rang gi ston pas nye bar mdzad// e ma bde gshegs sangs rgyas kun// rang bzhin dngos rnams ma grub pas// sangs rgyas dkyil 'khor rnam par 'khrul// de yi mtshan ma ya mtshan che// don kun rab tu sgrub pa yi// gsang ba'i spyod pa ji ltar spyad// de bzhin gshegs pa dgyes chen po// kun tu spyan ras dbang phyug gis// kun bzang yum dang 'khril sbyor zhing // byang chub sems kyis spyod pa rol// thabs dang shes rab khyad par gsang ba'i mchog/ rang gi yul phyogs 'khril ba sa sbyor byas te// don kun gsang ba'i mchog tu dgongs spyod pas// nye bar bstan pa'i cha shas yongs su rdzogs/ bde ba 'dod pas bde ba rgyab kyis phyogs// bde ba zan te bde bas bde ba 'tshol// byang chub 'khrul pas ye rnga ma chos la bza'// de lta bu yi yun can sangs rgyas

  27. 49a

    mthong ba min// sangs rgyas med pas sangs rgyas ming yang med// sangs rgyas ston pas ming du btags pas nor// sangs rgyas gzhan nas thob byed nor ba'i lam// gzugs med chos kun bshad pa rdul cha med// khasas gsum ye shes cha lugs rnams bkod pas// gnas gsum mi gnyis thams cad brtson par byed/ rab tu dka' ba'i thabs kyis stobs rdzogs na// ma btsal bde ba'i chos rnams sems las byung // gnyis su med pa lta spyod bsags pa'i gzhi// sgrub pa'i dngos gzhi don kun rnam par 'jug/ rnal 'byor 'di dag theg pa rab brtson byed// sa bcu mtshan ma'i gnas kun sgrib pa med// sangs rgyas rnam grol sems dpa'i yul kun 'jug mi rtag sdug bsngal stong zhing bdag med pas// des byas byed po ris tshogs ma 'dres pas// don 'di gtan tshigs kun gyis gzhi gang bar dka'// zin dang chags dang / bral dang zhi// dngos po med dang rnam par spangs// bdud rtsi chen po'i rang bzhin la// bza' yi thabs la rag pa med// yangs so che'o chos chen po// chung ngu rnams kyi gnyen po yin// che la dmigs pa'i tshe snyam na// chung che de rnams dmigs dang bral// gsungs dang rgyas dang dmigs dang snang // rgyu mkhan ri mo'i rnam pa bzhin//

  28. 49b

    'byung 'jug ye shes bying rmugs kyis// de yi dbang las skye bar 'gyur// 'di ni theg pa kun gyi rgyal// gtang ngo gzhag go rang bzhin gyi// 'dod pa med cing len pa med// brokhrod pa rdul tsam mi skye zhing // khyud chen nam mkhar lding ba ltar// spro ba med cing bsdu ba med// thams cad yul kun 'jug pas na// gtor ba mi dogs bza' ba med/ ta rgya mtsho bzhin du ye gnas la// chos rnams sna tshogs 'byung bar byed// yon tan nam mkha'i mtha' dang mnyam// bsdu ba'i gnas su nges pa med// byang chub snying por de ma thag/ ting 'dzin rgyal po chen po 'byung // sna ba rgya mtsho chen po bzhin// mi rtog nam mkha'i mtha' ltar yangs// kun tu bzang po'i spyod yul la// skye zhing 'pho ba'i chos med de// rgyu rkyen yan lag bcu gnyis so// skur pa btab pas bshad pa yin// 'khrul pa rnams kyi sgo tsam du// mkhas pas de bzhin shes par gyis// 'gro ba rgyud drug snang ba yang // dang po'i lam du shes par bya// 'dod spyod snying rjes brlan pas na// gang du dga' bar byang chub spyod// shan pa smad 'tshod mtshams med lnga// kha na ma tho 'jig rten spong // yongs su rdzogs pa chos kyi rtsi// bde ba che las gzhan med do// rnam par mi rtog snying po'i mchog/ yongs kyi rgyud

  29. 50a

    gsal sbas pa med// mi len byang chub spyod rnams la// rnam pa kun tu rang bzhin gnas// su zhig rab tu zhi ba rnyed// de dag rnam par spyod pa'i yul/ sangs rgyas theg pa bla na med// don kun gzung ba'i rnam grangs yin// mya ngan 'das lam mngon sum ston// rab tu spyod pa'i ting 'dzin gyis// seng ge rnam par grol sogs kun// rtse gcig the tshom yul kun rtogs// rab tu mi gnas 'di yi mthus// rgyu 'bras bye brag sna tshogs pas// don mchog dngos kun gzhag pa'i rdzas/ 'di ltar khams gsum rnam par 'khrul// mi g.yo rab tu gsang ba rnams// thams cad kun tu spyod las 'das// chos nyid snying po rjes 'jug dag/ nyid kyi snang ba mya ngan 'das// 'di la rgyu med rkyen tshogs ma skyes pas// sgro skur mtshan ma'i mtha' bral rnam dag dbyings// dus gsum ston pa'i bden pas mtha' rnams sel/ ta phan gnod bdag cag mi mthun gnas gzugs pas// rgyud chen gsang ba rang bzhin don gyis 'byung // ngo bos ming kun rab rtogs sprul pa'i yul// sku mchog thams cad mkhyen pa'i gzhi// rnam grangs yon tan tshogs kyi bdag nyid ni// dus kun mi gnyis pha rol phyin pa'i mchog/ rnal 'byor theg mchog rnams kyis

  30. 50b

    gzung bar gyis// don bzhin ston pa'i snang ba byin rlabs shugs// mchog gi blo gros kun gyis bstod pa'i gnas// 'di ltar rgya chen 'dus pa'i tshogs rnams kyis// rab btsal byang chub sems dpa' gzung bar byed// mthar phyin bstan pa'i gnas 'di dus kun tu// rab tu bsngags pas sangs rgyas dam pa'i gzhung // zhes tshogs rgya cher ston/ to// rdzogs pa chen po chos nyid byang chub kyi sems kun la 'jug pa rnam dag don gyi rgyud ces rjes su mthun pa spyod pa spyad pa'i le'u ste lnga pa'o// / rdzogs pa chen po chos nyid byang chub kyi sems kun la 'jug pa rnam dag ston pa'i rgyud ces bya ba rdzogs so// // rgya gar gyi mkhan po bi ma la mi tra dang / bod kyi sgra bsgyur gyi lo tsa ba g.yu sgra snying pos bsgyur cing gtan la phab pa'o// // / rgya gar skad du/ ma hA san d+hi d+harma tA bo d+hi tsat+ti br-in+du sa mu dra s+tha a ba ta ra tan+t+ra nA ma/ bod skad du/ rdzogs pa chen po chos nyid byang chub kyi sems thig la rgya mtshog nas la 'jug pa zhes bya ba'i rgyud/ dpal kun tu bzang po la phyag 'tshal lo// 'di skad bdag gis thos pa dus gcig gi tshe/ byin rlabs cho 'phrul chen por kun ston pa// bcom ldan rgyal ba kun gyi snying