de bzhin gshegs pa thams cad kyi gsang ba_/_gsang ba'i mdzod chen po mi zad pa'i gter gyi sgron ma/_brtul zhugs chen po bsgrub pa'i rgyud/_ye shes rngam pa glog gi 'khor lo zhes bya ba theg pa chen po'i mdo
Text
ff. 2b–107b · 209 folio sides
- 2b
pa/ rnal 'byor gyi dbang phyug chen po rnams kyi sku gsung thugs/ rdo rje mi phyed pa'i bdag nyid chen po gsang ba mchog gi dgyes pa na lhun gyis grub pa'i longs spyod chen po/ chos ma lus mi lus lus pa med pa thams cad kyi rang bzhin chen po/ ngo mtshar rmad du byung po'i cho 'phrul chen po'i bdag nyid de/ 'og min gyi gnas mtha' dang dbus su brjod du med pa na/ rang bzhin lhun gyis grub pa'i gsang ba mchog gi dkyil 'khoragasang ba yum gyi mkha' rnam par dag pa'i gzhal yas khang gcig dang du mar bral ba'i phyir rgya phyogs
- 3a
@su yongs su ma chad pa/ chos thams cad dbyings su med pa'i dbyings su thim pa'i 'od zer gsal ba/ spros pa med pa'i tshul gyis pho brang snying po zlum por gyur pa/ ye shes rgyu dang 'bras bur ldan pa'i 'khor lo'i rtsibs// dang bcas pa/ thams cad mkhyen pa'i ye shes rang snang ba'i thabs las byung ba'i mu khyud kyis bskor ba/ bsod nams dang ye shes kyi tshogs thugs rjes rgyas pa'i phyir gru bzhir gsal ba/ rnam par thar pa bzhi'i gnas 'jug pa'i sgo bzhin rnam par thar pa brgyad kyi lam stegs su shar ba/ phyi dang nang med par lhun gyis grub pa'i lam de na nyi ma dang zla ba rangs pa dang phyed kyis 'od gsal bar snang ba dang / che ba'i yon tan rnam pa sna tshogs kyis dril bu dang / mu tig gi chun mdzes par 'phyang ba
- 3b
dang / shar bu'i brgyan dang / bla re dang / gdugs dang / rgyal mtshan la sogs pa'i rgyan gyi khyad par dang / mnyam pa nyid kyi ta la'i ljon shing dang / re bskong ba'i dpag bsam gyi shing dang / yid bzhin gyi nor bu rin po che'i rgyal mtshan dang / 'jig rten gyi lha dang lha'i bu mo rnam pa sna tshogs kyi rol mo dang glu dbyangs tshigs su bcad pas brgyan pa'i gnas kyi khyad par rgyu rin po che sna tshogs las grub pa'i gnas de nyid na/ thabs dang shes rab rang bzhin gyis 'od gsal ba'i nyi zla dang / ma chags ma gos pa'i pad+mo dang / mi zad pa'i rin po che 'bar ba'i gdan khri dang / gzims cha dang / snam rten du ldan par gnas so// gzhan yang khrag 'thung gi tshogs 'du ba'i gnas su yang gyur te/ dur khrod kyi rgyan gyi khyad par gyi bye brag zhing gi gdan dang / sbrul nag gi chun 'phyang dang / thod pa rnam gsum gyi mtshan ma dang / rlung nag gi phung po spungs shing rak+ta'i rgya mtsho mi bzad par 'khrugs pa/ ma ri ser nag tu 'khyil cing 'bar ba/ keng rus kyi ri rab las khrag zhag gi zham chu 'bab pa/ 'bar ba'i 'phro ba mang po 'khrug pa'i gnas na/ dregs pa khyo shugs dang sems can chen po'i gdan dang bcas pa'i gnas/ kun tu bzang po'i bsod nams dang ye shes kyi tshogs las grub pa// rnal 'byor gyi dbang phyug gi rdo rje gsang ba'i gral du gyur pa na/ rnal
- 4a
'byor gyi dbang phyug gi 'khor tshogs brjod pa las 'das pa'i yang brjod pa las 'das pa sangs rgyas kyi zhing gi rdul phra rab snyed 'khod pa ni/ rnal 'byor gyi dbang phyug chen po dang / khrag 'thung rol pa'i tshogs dang / dad pas 'dus pa'i 'khor tshogs rnams dang thabs cig tu bzhugs pa ni/ 'di lta ste/ nam mkha'i dbyings dang ldan pa'i de bzhin gshegs pa btsun mo'i tshogs dang bcas pa/ de bzhin gshegs pa rnam par snang mdzad dang / de bzhin gshegs pa mi bskyod pa dang / de bzhin gshegs pa rin chen 'byung ldan dang / de bzhin gshegs pa snang ba mtha' yas dang / de bzhin gshegs pa don yod grub pa dang / btsun mo dam pa dbyings phyug ma dang / btsun mo dam pa sangs rgyas kyi spyan dang / btsun mo dam pa mA ma ka dang / btsun mo dam pa gos dkar mo dang / btsun mo dam pa sgrol ma dang / gzhan yang rigs kyi rnal 'byor gyi 'khor btsun mo'i tshogs dang bcas pa nam mkha' dang mnyam pa yang / rnal 'byor chen po sems dpa' rdo rje dang / rnal 'byor chen po rin chen rdo rje dang / rnal 'byor chen po chos rdo rje dang / rnal 'byor chen po las rdo rje dang / rnal 'byor ma chen mo rdo rje sems ma dang / rnal 'byor ma chen mo rin chen sems ma dang / rnal 'byor ma chen mo chos kyi sems ma dang / rnal
- 4b
'byor ma chen mo las kyi sems ma dang / gzhan yang nam mkha' dang mnyam pa'i byang chub chen po'i 'khor btsun mo dang bcas pa/ byang chub chen po sa'i snying po dang / byang chu ba chen po nam mkha'i snying po dang / byang chub chen po spyan ras gzigs dbang phyug dang / byang chub chen po lag na rdo rje dang / byang chub chen po 'jam pa la gzhon nu dang byang chub chen po byams pa mai tri dang / byang chub chen po sgrib pa rnam par sel ba dang / byang chub chen po kun tu bzang po dang / byang chub chen mo sgeg mo dang / byang chub chen mo 'phreng ba dang / byang chub chen mo dbyangs dang / byang chub chen mo gar dang / byang chub chen mo spos me dang / byang chub chen mo me tog dang / byang chub chen mo mar me dang / byang chub chen mo dri dang / gzhan yang 'joms pa chen po'i 'khor btsun mo dang bcas pa nam mkha' dang mnyam pa/ 'joms pa chen po gshin rje gshed po dang 'joms pa chen po rnam par rgyal ba dang / 'joms pa chen po rta'i rgyal po dang / 'joms pa chen po bdud rtsi thabs sbyor dang / 'joms ma chen mo lcags kyu ma dang / 'joms ma chen mo zhags pa dang / 'joms ma chen mo lcags sgrog ma dang / 'joms ma chen mo 'bebs ma dang / go zhan yang thub pa chen po'i sras kyi 'khor rdul phra/
- 5a
rab snyed dang mnyam pa/ thub pa chen po lha'i dbang po dang / thub pa chen po lha min dbang po dang / thub pa chen po mi'i dbang po dang / thub pa chen po dud 'gro'i dbang po dang / thub pa chen po yi dwags kyi dbang po dang / thub pa chen po dmyal ba'i dbang po dang / de dag la sogs te rnal 'byor gyi dbang phyug chen po sras kyi tshogs grangs med pa dang yang thabs cig tu bzhugs so// // gzhan yang khrag 'thung rol pa dpal he ru ka btsun mo'i tshogs dang bcas pa 'di lta ste/ khrag 'thung chen po dpal bud+d+ha he ru ka zhes bya ba dang / khrag 'thung chen po dpal badz+ra he ru ka zhes bya ba dang / khrag 'thung chen po dpal rat+na he ru ka zhes bya ba dang / khrag 'thung chen po dpal pad+ma he ru ka zhes bya ba dang / khrag 'thung chen po dpal karma he ru ka zhes bya ba dang / btsun mo bud+d+ha kro d+hi shwa ri zhes bya ba dang / btsun mo badz+ra kro d+hi shwa ri zhes bya ba dang / btsun mo rat+na kro d+hi shwa ri zhes bya ba dang / btsun mo pad+ma kro d+hi shwa ri zhes bya ba dang / btsun mo karma kro d+hi shwa ri zhes bya ba dang / gzhan yang gsang ba chen po'i 'khor btsun mo dang bcas pa/ gsang ba chen po rak+Sha he ru ka zhes bya ba dang / gsang ba chen po yak+ka he ru ka zhes bya ba dang / gsang ba chen po b+hi sha he ru ka zhes bya
- 5b
ba dang / gsang ba chen po sa ma yA he ru ka zhes bya ba dang / gsang ba chen mo rak+Sha kro ti ma zhes bya ba dang / gsang ba chen mo yakra kro ti ma zhes bya ba dang / gsang ba chen mo b+hi shwakr-i/ ti ma zhes bya ba dang / gsang ba chen mo sa ma yA kro ti ma zhes bya ba dang / gzhan yang phra man ma nyi shu'i tshogs kyi 'khor/ dkar mo'i tshogs zhes bya ba dang / rkun mo'i tshogs zhes bya ba dang / dbang mo'i tshogs zhes bya ba dang / gtum mo'i tshogs zhes bya ba dang / rmongs ma'i tshogs zhes bya ba dang / thal byed ma'i tshogs zhes bya ba dang sme sha can gyi tshogs zhes bya ba dang / ma tshogs ma zhes bya ba dang / seng gdong gi tshogs zhes bya ba dang / stag gdong gi tshogs zhes bya ba dang / wa gdong gi tshogs zhes bya ba dang / khyi gdong gi tshogs zhes bya ba dang / gzhad gdong gi tshogs zhes bya ba dang / dur bya'i gdong gi tshogs zhes bya ba dang / bya rog gdong gi tshogs zhes bya ba dang / 'ug pa'i gdong gi tshogs zhes bya ba dang / rta gdong gi tshogs zhes bya ba dang / phag gdong gi tshogs zhes bya ba dang / spyad gdong gi tshogs zhes bya ba dang / spre'u'i gdod gi tshogs zhes bya ba la sogs pa phra men ma'i tshogs shin tu mang ba dang / gzhan yang rdo rje srin po'i khro ba'i 'khor/ rdo rje srin po'i khro bo rnam par rgyal ba zhes bya ba dang /
- 6a
dbyug pa sngon po zhes bya ba dang / gshin rje gshed po zhes bya ba dang / mi g.yo mgon po zhes bya ba dang / rta mgrin zhes bya ba dang / gzhan gyis mi thub pa zhes bya ba dang / bdud rtsi 'khyil ba zhes bya ba dang / khams gsum las rnam par rgyal ba zhes bya ba dang / stobs po che zhes bya ba dang / hU ka ra zhes bya ba dang / gzhan yang rdo rje srin mo khro mo'i 'khor rdo rje srin mo'i khro mo snyems ma zhes bya ba dang / sder mo zhes bya ba dang / dur khrod ma zhes bya ba dang / gtun khung ma zhes bya ba dang / gtum mo zhes bya ba dang / mnga' snyoms ma zhes bya ba dang / sgra 'byin ma zhes bya ba dang / gsod ma zhes bya ba dang / skyong ma zhes bya ba dang / rlung 'byin ma zhes bya ba la sogs pa rdo rje gzhon nu'i 'khor rig 'dzin 'bum phrag bsam gyis mi khyab pa dang / gzhan yang gsang sngags kyi mthu dang / ston pa'i ngo mtshar rmad du byung ba'i cho 'phrul gyis rang dbang med par khong du 'dus pa'i dbang phyug dang / dregs pa ji snyed yod pa dang / dbang phyug ma nyi shu rtsa brgyad la sogs pa kun bran dang / yang bran dang g.yog dang / yang g.yog tu bcas pa rdzu 'phrul gyi shugs kyis 'khor du 'dus pa rnams ni/ bdag dang gzhan gyi shes pa'i rgyud thams cad zhi ba dang / rgyas pa/
- 6b
dang dbang dang / drag po dang / dgug pa dang / bcing ba dang / gtang ba dang / dgrol ba dang / drang ba dang / rengs pa dang / rmugs pa dang / dpral ba dang / bza' ba dang btung ba dang / 'jib pa dang / nyams pa dang / gsad pa dang / gnan pa dang / sbar ba dang / 'pham pa dang / rgyal ba la sogs pa byed cing / thabs cig tu rdo rje gsang ba'i gral du 'khod do// de nas yum rngam pa kro ti'i rgyal mo yang bcom ldan 'das gsang ba mchog gi bdag po'i sku la 'khril te bzhugs so// bcom ldan 'das byed pa po rdo rjes kun tu bzang po dang / btsun mo bya ba mo kun tu bzang mo yang gnyis su med par mdun gyis bltas te bka' nod pa'i tshul du gnas so// 'phags pa rgyud kyi rgyal po chen po ye shes rngam pa glog gi 'khor lo'i mdo zhes bya ba las/ gleng gzhi'i le'u ste dang po'o// / / de nas bcom ldan 'das gsang ba mchog gi bdag po dpal kun tu bzang po ye shes rngam pa'i rgyal pos 'khor gyi dkyil 'khor thams cad la rnam par gzigs so// 'khor gyi dkyil 'khor thams cad la rnam par gzigs nas/ phyi rol gyi snod kyi khams nam mkha' dang / sa dang / chu dang / me dang / rlung dang /
- 7a
ri dang / nags tshal la sogs pa thams cad la rnam par gzigs so// de dag thams cad la rnam par gzigs nas/ yang nang bcud kyi khams sem/ dang / sems las byung ba dang / g.yo ba dang / 'gul ba dang / dmyal ba dang / yi dgas dang / byol song dang / mi dang / lha ma yin dang / lha'i rigs so so'i khams dang bsam gtan bzhi dang / tshad med pa rnams dang / gzugs med pa'i khams dang / mu stegs kyi khams dang / bdud chen po dang / lha dang / klu dang / gnod sbyin dang srin po dang / nam mkha' lding dang / mi 'am ci dang / ru tra dang / ru tra can la sogs pa'i khams la rnam par gzigs so// de dag thams cad la rnam par gzig nas/ yang nyan thos kyi sa dang / rang rgyal ba'i sa dang / byang chub sems dpa' rnams kyi sa dang / rig 'dzin pa'i bsti gnas dang / phyogs bcu dus bzhi'i sangs rgyas thams cad kyi sa la rdzu 'phrul gyi spyan gyis rnam par gzigs nas/ smra bsam las 'das pa'i de bzhin nyid stong pa chen po'i ting nge 'dzin la snyoms par zhugs te cang mi mdzad/ rnam par mi mdzad/ mdzad pa mi 'gog/ mdzad pa rnam par yang mi 'gog/ mi mdzad mi 'gog pa la yang mi gnas/ cang mi gsung / mi sgrogs//
- 7b
rnam par yang mi gsung / mi sgrogs/ gsungs pa yang mi 'gog/ gsungs pa rnam par yang mi 'gog/ gsungs pa mi 'gog pa la yang mi gnas/ 'khor gyi dkyil 'khor dang snod kyi khams thams cad dang / bcud kyi khams thams cad dang / sa'i khyad par thams cad la yang mi gzigs/ mi dgongs/ rnam par yang mi gzigs/ mi dgongs/ gzigs shing dgongs pa yang mi 'gog/ rnam par yang mi 'gog/ mi 'gog pa la yang mi gnas so// de nas ting nge 'dzin de la snyoms par zhugs ma thag tu/ 'khor gyi dkyil 'khor de dag dang / snod kyi khams de dag dang / bcud kyi khams de dag dang / sa'i khyad par de dag thams cad kun kyang sgyu ma'i mtshan nyid tsam du yang dmigs su med do// dper na nam mkha' ni chos thams cad kyi rjes su yang song la/ ji lta bu'i ngo bor yang gdags su med pa bzhin du/ don dam pa byang chub kyi sems de yang chos thams cad la yang khyab la/ smra bsam las kyang 'das so// de ltar chos kyi sku'i ngang brjod du med pa la rnal bzhin du/ yum kun tu bzang mo rngam pa kro ti'i rgyal mos stong pa nyid kyi ngang las glu 'dis bskul lo// o snang stong stong pa'i rdo rje chos kyi sku// smra bsam las 'das don dam byang chub sems// stong nyid ngang las mi 'da'i dam tshig gis// snying rje nam mkha'i ngo
- 8a
khor bstan du gsol// zhes bskul bas bskul bar thugs su chud nas/ stong pa'i ting nge 'dzin gyi ngang de las/ rig pa'i ye shes snying rje chen pos kun/ tu klong bdal bar khyab ste/ snying rje chen po des 'khor gyi dkyil 'khor kun tu khyab par mdzad do// 'khor gyi dkyil 'khor kun tu khyab par mdzad nas/ yang snod kyi khams kun tu khyab par mdzad do// snod kyi khams kun tu khyab par mdzad nas/ yang bcud kyi khams kun tu khyab par mdzad do// bcud kyi khams kun tu khyab par mdzad nas/ sa'i khyad par kun tu khyab par mdzad do// dper na nyi ma par snang la shar ba'i 'od kun la snyoms pa bzhin du/ rig pa'i nyi ma snying rje byang chub kyi sems kyis kyang stong pa nyid kyi ngang kun la snyoms par khyab bdal to// de'i tshe gsang ba mchog gi bdag po de nyid yang ti nge 'dzin de las langs nas/ snying rje nam mkha'i ngo bos kun tu snang ba zhes bya ba'i ting denge 'dzin la snyoms par zhugs so// zhugs ma thag tu snying rjes kun tu khyab par gyur pa ni ting nge 'dzin de'i mthu yin no// de nas yang yum kun tu bzang mo rnga ma pa kro ti shwa ri mos yang glu 'dis bskal to// ma ltar byams pa'i thugs rjes kun tu khyab// mkha' ltar go 'byed cho 'phrul 'byung gnas la/ longs spyod rdzogs dang thugs rje'i sprul pa'i
- 8b
sku'abar ba'i sku mchog bdag la bstan du gsol// a la la ho/ zhes gsol ba btab pas/ bcom ldan 'das gsang ba mchog gi bdag po des chos thams cad don dam par byang chub kyi sems las shar bar mkhyen nas/ mi dmigs pa nam mkha'i dbyings nas rdo rje'i sku mngon du phyung ste/ dper na zla ba dri ma med pa nam mkha' dngas pa la shar ba bzhin no// rdo rje'i sku de las rig pa'i cho 'phrul gyi 'od zer rnam par 'phro ba ni/ dper na nyi ma stong gi zer dus gcig tu skye ba lta bu'o// de nas bcom ldan 'das gsang ba mchog gi bdag po des ting nge 'dzin de las langs nas/ yang 'dod chags chen po'i tshul rdo rje rnam par bsgyings pa zhes bya ba'i ting nge 'dzin la snyoms pa zhugs te/ zhugs nas kyang yum kro ti'i rgyal mo la gzigs te 'dzum pa rnam par mdzad do// de na sa yum kro ti'i rgyal mos yang spyan zim bag gi tshul gyis gzigs nas/ lan stong du brkyang phyag btsal te/ g.yan pa slong ba'i glu 'dis rnam par bskul to// e ma'o// yid bzhin sku mchog tshogs chen gnyis rdzogs lha/ rdo rje gar gyi tshul gyis gar mdzad cing / dga' mchog rdo rje byang chub sems chen de// 'dzum zhing 'khyil ba pad+ma'i gnas su phob// ho/ e ma'o// dkar la 'tsher ba'i
- 9a
byang chub sems sprin dang // chags pa dmar po dbang gi rang bzhin du// gnyis med 'phros pa'i byin rlabs bsam yas las// ye shes lha tshogs sku sprul bsam yas 'thon// ma rig mun pas ldongs pa don gyi phye// dgon dung gnas nas byang chub myu gu skye// zhi ba 'gog pa'i sa las rnam par slong // zhes rnam par bskul bas/ gnyis su med pa'i rnam par rol pas rol cing / brjid pa dang bcas pa sa gar mdzad pa dang / zhal 'dzum pa dang / 'dor ba dang / bskul ba dang / 'gying ba dang / spun mdzes pa'i smin rings spyod cing bsgyur ba dang / dung gi phur pas g.yan pa slong ba dang / 'dor zhing bskum pa dang / 'jog cing 'dags pa dang / rnam par 'dor ba'i rol pa'i gar gyis nam mkha'i khams kun tu khyab par mdzad do// rnam par rol pa des 'byung ba dang 'byung ba las gyur pa thams cad la kun tu khyab par mdzad do// des sems dang sems las byung ba dang / kun tu kun la khyab par mdzad pas/ bcom ldan 'das kyis byang chub kyi sems zhi zhing 'khyil bas rol pa'i char mngon par phab pas/ snod kyi khams thams cad dang / bcud kyi khams thams cad dang / bsam gtan pa dang / 'gog pa dang / sa'i khyad par thams cad kyang /
- 9b
byang chub kyi rol pa sna tshogs sgeg pa dang / steng ba dang / sbyor ba dang / 'khyud pa dang / sdom pa dang / bsdam pa dang / bstim pa dang / mnyes pa dang / gsol ba dang / myang ba dang / 'chang ba dang / bde ba dang / sprod pa dang / 'jo ba la sogs pa/ bcom ldan 'das kun tu bzang po rdo rje 'dzin gyis kun tu rab tu rgyas par byas te yang dag par gnas so// de nas de'i tshe thugs rnam par dag pa'i mkha' glong nas/ rig pa'i byang chub kyi sems kyi 'od zer brjod kyis mi lang ba 'byam klas pa shar ba de las gsung yig 'bru 'khor lo'i tshogs su yang snang ngo // yig 'bru de nyid thugs phyag mtshan du yang gyur/ thugs dam tshig gi phyag rgya 'od du 'phros shing rnam par 'du ba'i tshul gyis/ rnal 'byor gyi dbang phyug gi 'khor rgyal ba yab yum dang / sems dpa' dang / sems ma dang / thub pa dang / 'joms pa dang / 'joms ma rnams kyi skur yang rang rang gi dam tshig gi phyag rgya las snang bar byas te/ gsang ba mchog gi bdag po la mdun gyis ltas nas/ rdo rje gsang ba'i gral du 'khod do// rnam par 'khod do// de dag re re la'ang sangs rgyas kyi 'khor zhabs 'bring dang bcas pa 'byam klas pa nam mkha'i dbyings kyi mthas
- 10a
klas pa lhun gyis grub bo// yang 'od zer de dag re re las he ru ka rab tu mang po'i tshogs kyang shar to// rab tu shar to// he ru ka re re la'ang sangs rgyas 'bum phrag gi 'khor so so'i zhabs 'bring dang bcas pa lhun gyis grub par mdzad do// he ru ka de dag las rig pa'i nyi ma'i char mngon par phab ste/ mun nag gi glong gsal bar mdzad do// chos kyi glu dang / gar dang / chos kyi char dang / mchod pa dang / chos kyi ngo mtshar rmad du byung ba dang / rngam pa rol pa'i cho 'phrul yan man dang / snrel zhi thams cad du ling long chad do// rab tu yang ling long chad do// de'i tshe he ru ka 'od kyi 'phreng ba des/ ru tra can dang / bdud dang / srin po dang / gnod sbyin dang / dbang phyug chen po dang / dbang phyug ma nyi shu rtsa brgyad la sogs pas/ rang rang gi che ba'i nga rgyal rab tu ston pa rnams zhi zhing dul bar gyur te/ rang rang gi dbang phrogs nas sangs rgyas kyi bstan pa 'di la dad par gyur nas 'dus rab tu 'dus so// de'i tshe byang chub sems kyi 'od zer kun tu khyab pa des/ 'du shes med pa dang / 'gog pa la gnas pa'i mur lhung ba rnams/ sa bon mes tshig pa dang 'dra ba de yang / dri ma med pa'i byang chub kyi sems rin po che'i chus dbang bskur bas/ byang chub kyi sems thob ste 'gro
- 10b
ba'i don byed par gyur/ rab tu byed par gyur to// gzhan yang sa'i khyad par la gnas pa rnams kyang rang rang gi sa la skyo sems skyes te/ las kyi tshe bkag nas/ sangs rgyas kyi bstan pa 'di la rab tu dad do// de nas 'dus pa'i 'khor tshogs rnams ngo mtshar du gyur/ rmad du gyur te 'dus nas shin tu skrag ste gsol ba btab pa/ e ma'o e ma ya mtshan cha// bcom ldan mdzad pa ya mtshan che// gnyis med rol pa ya mtshan che// dri med dag pa ya mtshan che// 'od zir 'phro 'du ya mtshan che// byang chub char sprin ya mtshan che// sangs rgyas 'byung ba ya mtshan che// sprul pa 'byung ba ya mtshan che// khro bo 'byung ba ya mtshan che/ byin rlabs cho 'phrul/ ya mtshan che// dgon dung bings pa ya mtshan che// 'gog pa gsol pa ya mtshan che// bdag cag 'khor tshogs 'dus pa rnams// dam tshig can du byin rlabs mdzod/ bla 'og rim pa ji bzhin du// rdo rje gsang ba'i gral du 'khod// ces gsol ba btab pa las// bcom ldan 'das gsang ba mchog gi bdag po des sku gsung thugs gnyis su med pa'i sgo nas/ 'khor rnam par sbyong ba rdo rje'i rgyan zhes bya ba'i ting nge 'dzin la snyoms par zhugs te/ byed pa po rdo rje kun tu
- 11a
bzang po la gzigs nas/ zhal 'dzum pa rnam par mdzad do// de nas byed pa po rdo rje kun tu bzang pos bskul bar rnam par rig nas/ btsun mo bya ba mo kun tu bzang mo dang gnyis su med par sbyor zhing rang gi stan las rnam par langs te/ byang chub sems kyi mtshan ma gnas lngar btab nas/ lce pad+mo'i steng du las kyi rdo rje bzhag ste brkyang phyag btsal nas/ mi 'jigs pa'i lta bas ston pa'i zhal du bltas nas/ don bsdu bar gsol ba btab pa/ gsang ba'i bdag po yab yum dgongs su gsol// 'dus pa'i 'khor tshogs ma lus dgongs su gsol// gsang mdzod ye shes glog gi 'khor lo 'di// chos kyi rgyal po chen pos bshad du gsol// zhes gsol ba btab pa las// gsang ba mchog gi bdag po des/ byed pa po kun tu bzang po de rdo rje las kyi bka bar byin gyis brlab pa'i phyir/ thugs gsang ba'i mkha' las byang chub kyi sems spros pas/ las kyi 'khor lo rdo rje rgya gram gcig lag tu lhun gyis bzhag ste/ las kyi dbang bskur nas/ ming yang las kyi sems dpa' byed pa po kun tu bzang por btags te/ las kyi dbang thob par gyur to// chos kyi 'khor lo pad+ma 'dab ma brgyad pa
- 11b
gcig lce stengs su bzhag ste/ smra ba'i seng ge chos kyi sems dpa' zhes ming gi dbang bskur te/ chos slu ba'i dbang thob bo// de nas smra ba'i seng ge byed pa po rdo rje kun tu bzang po de/ btsun mo bya ba mo kun tu bzang mo la 'jug cing spobs pa can du gyur to// de nas smra ba'i seng ge kun tu bzang po des/ 'dus pa'i 'khor rnam snod du rung bar byin gyis brlab pa'i phyir/ las kyi 'khor lo dang chos kyi 'khor lo rnam pa bcu gnyis kyi tshul du bskor te/ cho 'phrul 'di dag rnam par bstan te/ zhing khams mtha' dag kyang g.yos/ rab tu g.yos/ 'gul/ rab tu 'gul/ ldeg/ rab tu ldeg/ 'khrugs/ rab tu 'khrugs te/ yan man dang snrel zhi'i zhing khams mtha' dag kyang ling long chad par gyur to// de nas byang chub kyi sems kyis mtshan mar 'dus pa'i 'khor rnams kyi gnas lngar reg par byas so// hUM badz+ra sa ma ya/ g+hu h+ya sa ma ya/ kro ta swa ma ya/ rdo rje 'du bar bsdus pa yi// 'dus pa chen po'i rig 'dzin rnams// gong 'og rim pa ji bzhin du// rdo rje gsang ba'i gral du mnos// bskal bzangs dam tshig chen po ste// de las 'das na brlag par 'gyur// zhes bka' bsgo bas/ 'dus pa'i 'khor tshogs rnams rang rang gi sems rangs par byas nas/ dam
- 12a
rjegs pa'o/ do rkyong pa sa sa ga ldan 'das gsang ba mchog gi bdag po la gtsug gis 'dud pas phyag rnal 'byor gyi lugs su byas nas/ b+hi dang / nang dang / gsang ba'i mchod ba rgyas par khon nyid kyis mdzod gsol ba btab bo// 'di ltar rmang byung ngo mtshar rjod// sangs sa gyu tshul ba'i sras// sa mtshan chen po don par spyod// bka' mi 'khor lo ma pa // d+hU brjod rgyal las rab 'das kyang // ngag gi lam nas rab brjod cing // dpes mtshan tshig gi lde mig gis// gsal bar mtshon tog par mdzad// al la ho// zhes gsol pa ba // de nas gsang ba mchog gi bdag po des gsol ba btab par mkhyen nas/ brjod du med pa'i rdo rje zhes bya ba'i ting nge 'dzin la snyoms par zhugs nas/ cang mi gsung bar bzugs so// de nas 'dus pa'i 'khor rnams kyis/ zla ba'i seng gi sre la po kun tu bzang po de la logs su btud de brkyang phyug 'tshal nas/ rmad du zung ba'i mchod pa sna tshogs byas nas gsol ba btab pa/ smra ba'i seng ge byed pa po rdo rje kun tu bzang po khyod la bdag cag zhu bar spobs na/ gnang ba'i skabs dbye bar gsol/
- 12b
smra ba'i seng ge byed pa po rdo rje kun tu bzang pos bka' stsal pa/ 'dus pa'i 'khor tshogs rnams/ khyed ci dang ci 'dod pa bdag la zhus shig/ bdag gis gnang ba'i skabs dbye'o// 'dus pa'i tshogs rnams kyis gsol pa/ smra ba'i seng ge byed pa po rdo rje kun tu bzang po khyod ni sangs rgyas thams cad kyi yab/ byang chub sems dpa' thams cad kyi rje btsan/ rnal 'byor pa thams cad kyi lha phugs/ chos thams cad kyi mdzod lags na/ bcom ldan 'das gsang ba mchog gi bdag po des/ bdag cag gi 'khor gyi dkyil 'khor 'dir/ gsang ba'i tshig gi lam gyis ston par mi snang ba de'i rgyu dang rkyen bdag cag rnams la bstan du gsol/ smra ba'i seng ge legs par bstan du gsol/ smra ba'i seng ges bka' stsa la pa/ o AHhU/ a la la ho/ rgyal ba'i sras po cang mi gsung // mi gsung ba nyid rgya cher bshad// bshad du med pa'i don de ni/ rgyal ba rnams kyis ma bshad de// de ltar ston pa'ang rgyal mchog kyang // rnam par brjod pa mi mdzad de// bka' mi stsal bar dgongs pa'o// 'dus pa'i 'khor tshogs rnams nyon cig/ de bas na gsang ba don dam pa byang chub kyi snying po de ni smra bsam las 'das shing brjod du med pas/ de la tshig tu smra ba legs pa ma yin zhing / tshig tu
- 13a
spros pa'i gnas nyid na gol ba'i gnas yin par phyogs bcu dus bzhi'i rgyal ba rnams kyis kyang bshad de/ da ltar ston pa nyid kyang don de nyid la dgongs po'o 'dus pa'i 'khor tshogs rnams de bas na/ ma skyes pa'i snying po byang chub nyid tshig tu spros pa dang bral gyis kyang / kun rdzob kyi bden pa'i dbang du/ mtshan ma tshig gi rnal 'byor pa rnams tshig gi phyir 'brang ba'i sgo nas don rtogs pa bkri ba'i phyir/ rgyal ba rnams kyis tshig gi sgo gsungs pa yin no// 'dus pa'i 'khor tshogs rnams kyis gsol pa/ smra ba'i seng ge de ltar na bdag cag dang ma 'ongs pa'i rnal 'byor pa tshig gi rjes su 'brang ba rnams kyi don du/ rdo rje tshig gi lam du brjod pas don gsal bar byed pa de/ smra ba'i seng ge las kyi bka' pa khyod nyid kyis zhu bar spobs shing / smra ba'i seng ger dbang bskur bas na/ bcom ldan 'das gsang ba mchog gi bdag po la zhus shig dang / de nas smra ba'i seng ge byed pa po rdo rje kun tu bzang pos/ 'dus pa'i 'khor tshogs rnams kyi rnam par rtog pa mkhyen nas/ bcom ldan 'das gsang ba mchog gi bdag po la lan stong du bskor ba byas/ rmad du byung ba'i mchod pa rgyas pa de kho na nyid kyis mchod nas 'di skad ces gsol ba btab bo// e ma'o ston pa ngo mtshar khyod// phyogs bcu'i sangs rgyas thams
- 13b
cad kyis// byang chub sems kyi mtshan nyid de// tshig tu brjod pa ma lags na'ang // mtshan ma'i rjes 'brangs rnal 'byor pa// don la rtsing zhing tshig la zhib// tshig gi bsam pa rangs bya'i phyir// snying po byang chub don 'di la// dpes mtshon tshig gi lde mig gis// gsang ba de nyid bshad du gsol// zhes gsol ba btab pa las// bcom ldan 'das gsang ba mchog gi bdag pos/ smra ba'i seng ges gsol ba btab pa yang mkhyen/ 'dus pa'i 'khor tshogs rnams kyis sems kyi rtog pa yang mkhyen/ tshig gis rjes su 'brangs pa'i rnal 'byor kyang thugs su chud de/ rnam par thar pa'i dbugs gsum phyung ste/ ye shes kyi rdo rje rtse mo dgu pa yang nas yang du gsor zhing / rmad du byung ba'i chos kyi sgra chen po rab tu sgrags so// oM A hUM swA hA/ bo d+hi tsit+ta/ gu h+ya/ sa ma yA a'adi ni gsung ma thag tu yang // sangs rgyas grags pa chen po kun// rab tu dngangs shing brgyal bar gyur// 'khor tshogs gzhan rnams smos ci dgos// de nas gsang ba mchog gi bdag po des 'di skad ces bka' stsal to// rigs kyi bu rnams nyon cig/ gang tshig gis brjod du rung ba thams cad ni kun rdzob kyi bden pa'o// ji srid du brjod du rung ba ma yin
- 14a
pa'i chos gang yin pa de ni don dam pa'i bden pa'o// rigs kyi bu rnams gang tshig dang yi ge las 'das pa gang yin pa de ni chos kyi sku'o// gang tshig dang yi ges brjod du rung ba thams cad ni gzugs kyi sku'o// rigs kyi bu sngags kyi lta ba dang spyod pa yang de nyid yin te/ gang don dam pa'i bden pa dang chos kyi sku gang yin/ pa de ni sngags kyi lta ba yin par shes par bya'o// de nyid rgyu'i tshul du gnas pa las 'bras bu'i tshul du kun rdzob kyi bden pa dang gzugs kyi skur snang ste/ ji ltar dpyad pa dang dpyad du rung ba thams cad ni spyod pa rnal 'byor can gyis lta'o// de nas smra ba'i seng ge byed pa po rdo rje kun bzang pos a la la ho/ zhes pa'i sgra brjod de/ bcom ldan 'das gsang ba mchog gi bdag po la 'di skad ces gsol to// de ltar lags na/ bcom ldan 'das gsang sngags kyi lta ba la blo gnas pa ni gang lags/ lta ba dang spyod pa la blo gnas pa ni gang lags/ spyod pa 'ba' zhag la blo gnas pa ni gang lags/ gsang ba mchog gi bdag pos bka' stsa la pa/ smra ba'i seng ge legs so// de don khyod nga la zhu bar spobs pa ni legs so// smra ba'i seng ge gsang sngags kyi lta ba ni de bzhin gshegs pa 'ba' zhig gi dgongs pa'i yul lo// de ci'i phyir zhe na/ de
- 14b
bzhin gshegs pa rnams ni don dam pa'i bden pa tsam yang spangs na/ kun rdzob kyi bden pa lta ga la yod de/ bden pa gnyis su yang dbyer med pa'i phyir ro// lta ba dang spyod pa la blo gnas pa ni rnal 'byor pa sa thob pa dang sa la bsnyen pa rnams te/ de ci'i phyir zhe na/ rnal 'byor pa mnyam pa nyid du blo chud pa rnams ni bden pa rnam pa gnyis kyi tshul du yod de/ don dam par ma skyes pa'i tshul du yang blos chud la/ kun rdzob tu mtshan ma thabs kyi phyag rgya sgyu ma'i tshul du yang med pa ma yin te/ mtshan ma med pa'i rnal 'byor dang / mtshan ma'i rnal 'byor gnyis dang ldan pa'i phyir ro// slob ma'i rnal 'byor de ni bden pa gnyis la brten nas lhun gyis grub pa'i sa goms pa che chung gis grub pa yin no// sgra'i rjes su 'brangs pa'i rnal 'byor don las ring du gyur pa rnams ni spyod pa 'ba' zhig la blo gnas te/ de ci'i phyir zhe na/ log pa'i kun rdzob 'ba' zhig la blo rtog go/ yang dag pa'i kun rdzob lha'i dkyil 'khor yang mthong ba med pa'i phyir ro// smra ba'i seng ge de bas na log pa'i kun rdzob so so'i skye bo lta bu'i chos la brtan nas/ yang dag pa'i kun rdzob kyi bden pa lha dang lha mo'i dkyil 'khor du chos thams cad shes par bya'o// yang dag pa'i kun rdzob kyi bden pa la brten
- 15a
nas don dam pa'i bden pa khong du chud par nus pa ni rig pa'i skyes bu zhes grags so// // smra ba'i seng ge byed pa po rdo rje kun tu bzang pos gsol pa/ bcom ldan 'das gsang sngags kyi spyod pa'i rang bzhin gang lags/ dper brjod na ni ji skad du brjod pa lags/ bcom ldan 'das gsang ba mchog gi bdag pos bka' stsal pa/ smra ba'i seng ge gsang sngogs kyi spyod pa'i tshul rnams ngas bshad par bya yis nyon cig dang / ngas yid tshim par bya'o// smra ba'i seng ge gsang sngags kyi spyod pa ni bsam gyis mi khyab ste/ rab tu brjod par mi nus na/ mdor bsdu na rnam pa bcur 'dus so// bcu gang zhe na/ gsang sngags kyi bsgrub pa dang / gsang sngag kyi ming gi khyad par dang / gsang sngags kyi spyod pa dang / gsang sngags kyi dngos grub dang / gsang sngags kyi grub pa'i gnas dang / gsang sngags kyi bzlas pa dang / gsang sngags kyi phyag rgya dang / gsang sngags kyi ting nge 'dzin dang / gsang sngags kyi lta ba dang / gsang sngags kyi cho 'phrul lo// smra ba'i seng ge de dag gi dper brjod pa yang rnam pa bcu ste/ sgyu ma dang / smig rgyu dang / rmi lam dang / gzugs brnyan dang / dri za'i grong khyer dang / brag cha dang / chu zla dang / chu'i chu bur dang / mig
- 15b
'khrul dang / mgal me bskor ba lta bu'i rnam par snang ngo // smra ba'i seng ge de yang ji lta bu zhe na/ sgyu ma zhes bya ba'i mtshan nyid ni skyes bu'i rtsol ba dang / sman dang / sbyor sngags kyi sbyor ba las/ dbang po dang yid 'phrog pa'i rnam pa cir yang snang yang / bslu ba'i bdag nyid can te/ snang ba med do// de bzhin du gsang sngags bsgrub pa'i mtshan nyid kyang / ting nge 'dzin dang / yig 'bru dang / rdzas kyi sbyor ba las grub pa'i rtags dag snang yang / de la rang bzhin med do// smig rgyu zhes bya ba'i mtshan nyid kyang / 'gro ba skom gyis gdungs pa'i dus su/ nyi ma dang dro ba las smig rgyu ba la chur mthong yang / chu'i rang bzhin de la med do// de bzhin du gsang sngags kyi ming gi khyad par yang / gdags pa'i gzhi med pa la ming dang tha snyad du btags la/ ming nyid dmigs su ga la yod// rmi lam zhes bya ba'i mtshan nyid ni/ skyes bu gnyid log pa'i tshe/ bde sdug gi rnam pa mang po rmis kyang / sangs nas ci yang mi dmigs so// de bzhin du gsang sngags kyi spyod pa yang ji ltar dpyad na yang / dpyad pa'i dmigs pa kun dang bral lo// gzugs brnyan zhes bya ba'i mtshan nyid ni/ bzhin dang / chu 'am/ me long ngam/ 'bru mar la sogs pa la brten nas
- 16a
bzhin gyi gzugs su snang yang / bzhin de nyid du 'phos pa med do// de bzhin du gsang sngags kyi dngos grub kyang / bsgrub pa dang / ting nge 'dzin dang / yo byad la brten nas 'byung yang / dmigs pa dang bral lo// dri za'i grong khyer zhes bya ba'i mtshan nyid ni/ bar snang la dri za gang na gnas pa der grong khyer yang de na gnas te/ de byung ma thag tu rtag pa ma yin pa ltar/ gsang sngags kyi gnas kyang / rnal 'byor pa bdag nyid kyis gang du bskyed par 'byung la/ de yang ther zug ma yin no// brag cha zhes bya ba'i mtshan nyid ni/ brag gi ngos la sgra ji skad rkyen pa skad brog cha yang de bzhin du 'byung / byung yang sgrar mi dmigs pa de bzhin du/ gsang sngags bzlas pa'i sgra yang bzlas tsam nyid na stong pa'o// rgyu b+hU zhes bya ba'i mtshan nyid ni/ bar snang dang ba la zla ba shar ba'i gzugs chu'i nang du snang yang / chu la zla ba med do// de bzhin du phyag rgya'i dkyil 'khor la yang / gzugs 'dzin gyi rtog pa med do// chu'i chu bur zhes bya ba'i mtshan nyid ni/ chu'i thig chen gcig las chu bur mang du byung zhing / slar yang 'du ba de bzhin du/ rnal 'byor gyi ting nge 'dzin gyi rnam pa yang gcig tu ma chad do// mig 'khrul
- 16b
zhes bya ba'i mtshan nyid ni/ mi dag mig nad can gyis bar snang la ltas na zla ba gnyis la sogs pa mthong yang / zla ba gnyis la sogs pa med do// de bzhin du gsang sngags kyi lha ba yang / 'dzin rtog gi rnam pa cir yang yongs su grub par mi blta'o// mgal me bskor ba zhes bya ba'i mtshan nyid ni/ gang dag lag na mgal me thogs te bskor na/ dbyibs kyi rnam pa ji lta bur yang snang ste/ de la dbyibs med do// de bzhin du rnal 'byor gyi cho 'phrul ji lta bur yang snang zhing 'byung la/ dngos por yang ma grub bo// smra ba'i seng ge gsang sngags kyi spyod pa ni de ltar shes par bya'o// smra ba'i seng ge de lta bas na rnal 'byor pas yang dag pa'i kun rdzob kyi bden pa la brten nas don dam pa'i bden pa khong du chud par bya'o// 'phags pa rgyud kyi rgyal po chen po ye shes rngam pa glog gi 'khor lo'i mdo zhes bya ba las/ ting nge 'dzin rim par phye ba'i sgo nas gleng bslang ba dang sngags kyi spyod pa bstan pa'i le'u ste gnyis pa'o// / de nas smra ba'i seng ge byed pa po rdo rje kun tu bzang pos/ bcom ldan 'das gsang ba mchog gi bdag po la lan brgya phrag stong du bskor ba byas nas/ rmad du byung ba'i mchod pa rgyas pa de kho na nyid kyis rab tu mchod/ kun tu rab tu mchod nas/ gtsug gi 'dud pas phyag rnal 'byor gyi lugs su byas nas 'di skad ces
- 17a
gsol ba btab bo// e ma'o bde gshegs kun tu bzang // e ma'o ye nas dag pa'i don// e ma'o gsang ba mchog gi bdag/ e ma'o ye shes rngam pa'i glog/ e ma'o gnyis med dgyes pa che// e ma'o bde ba bde chen mchog/ e ma'o rnam dag dpal khyod la// e ma'o bdag cag gsol ba 'debs// byang chub sems ni ji ltar bskyed// dkyil 'khor rnams ni ji ltar lags// phyag rgya rnams kyi mtshan nyid ci// bsnyen bsgrub rnam pa zhi ji ltar lags// dngos grub bsgrub pa'i rnam grangs ci// sngags kyi sdom pa ji ltar bsrung // rnal 'byor brtul zhugs ji ltar dpyad// dreg pa'i tshogs ni ji ltar 'dul// rnam bzhi'i las ni ji ltar bgyid/ brnag pa'i nan tur ji ltar bgyi// rnal 'byor rnams la brtse ba dang // bdag cag rnams la sman slad du// bcom ldan snying pos bshad du gsol// a la la ho/ zhes gsol ba btab pa las// bcom ldan 'das gsang ba mchog gi bdag pos gsol ba btab par thugs su chud nas 'di skad ces bka' stsal to// smra ba'i seng ge gsang sngags kyi mdo'i don rnams phyi rabs pa'i rnal 'byor pa la phan gdags pa dang / dad pa can gyi 'gro ba rnams yid ches par bya ba'i phyir/ nga la zhu ba
- 17b
legs so// smra ba'i seng ge legs so// phyogs bcu dang dus bzhi sangs rgyas snga rabs 'das pa rnams kyis kyang gsungs pa dang / da ltar ba zhugs pa rnams kyis kyang gsung ba dang slad kyis 'byon pa rnams kyis kyang gsung bar 'gyur ba'i don/ thog mar dge ba/ bar du dge ba/ tha mar dge ba/ don zab mo/ rgyud kyi 'grel pa/ don gyi bkod pa/ rtags kyi rol pa/ ye shes rngam pa glog gi 'khor los rnam par bsgyings pa'i gzhung chen po 'di ngas kyang bshad par bya yis/ skal ba dang ldan pa rnams gsang sngag kyi don zab mo 'di thos par yang dka'/ thos nas de'i don la gnas par dka' ste/ phal gyi thun mong du ma gyur pa'o// 'phags pa rgyud kyi rgyal po chen po ye shes rngam pa glog gi 'khor lo'i mdo zhes bya ba las/ gsang sngags kyi mdo bstan pa'i le'u ste gsum pa'o// // de nas bcom ldan 'das gsang ba mchog gi bdag po des/ snying po byang chub la dgongs pas nges par 'grel pa zhes bya ba'i ting nge 'dzin la snyoms par zhugs so// zhugs nas kyang 'dus pa'i 'khor tshogs rnams la 'di skad ces bka' stsal to// rigs kyi bu rnams chos thams cad ni byang chub kyi sems su 'dus shing / byang chub kyi sems nyid snang bar shes par gyis shig/ de
- 18a
ci'i phyir zhe na/ chos thams cad ni lus dang / ngag dang / sems su 'dus la/ lus dang / ngag dang / sems nyid chos thams cad kyi rnam par snang ngo // 'dus pa'i 'khor tshogs rnams kyis gsol pa/ lus dang / ngag dang / sems bdag cag rnams kyis ji ltar 'tshal bar bgyi/ gsang ba mchog gi bdag pos bka' stsal pa/ rigs kyi bu rnams lus dang / ngag dang / sems kyi mtshan nyid ni/ sems kyang lus dang ngag gi rnam pa lta bu/ ngag kyang lus dang sems kyi / rnam pa lta bu/ lus kyang tshig tu brjod pa dang sems kyi rnam pa lta bu/ rang rang gi lus dang / ngag dang / sems la rtogs shig dang / 'on tang na byang chub tu sems bskyed par 'gyur ro// de nas yang gsang ba mchog gi bdag po des/ stong pa nyid kyi ting nge 'dzin ces bya ba la snyoms par zhugs nas/ byang chub kyi sems 'di gsungs so// e ma'o/ dngos po thams cad dang bral ba// phung po khams dang skye mched dang / gzung dang 'dzin pa rnam spangs pa// chos bdag med pa'i mnyam nyid pas// rang sems gdod nas ma skyes pa// stong pa nyid kyi rang bzhin no// zhes gsungs so// de nas yang chos kyi dbyings rnam par dag pa
- 18b
zhes bya ba'i ting nge 'dzin la snyoms par zhugs nas/ byang chub kyi sems 'di gsungs so// e ma'o ngo mtshar ya mtshan gyi// sangs rgyas kun gyi gsang ba'i thugs// chos kun skye ba med pa las// skye ba 'di ni rab tu bsgrags// skye dang mi skye med pa ste// byang chub tshul 'di bstan pa'o// zhes gsungs so// de nas yang me long lta bur gsal ba zhes bya ba'i ting nge 'dzin la snyoms par zhugs nas/ byang chub kyi sems 'di gsungs so// e ma'o ngo mtshar ya mtshan gyi// sangs rgyas kun gyi gsang ba'i thugs// chos kun 'gag pa med pa las// 'gag pa 'di ni rab tu bsgrags// 'gag dang mi 'gag med pa ste// byang chub tshul 'di bstan pa'o// zhes gsungs so// de nas yang chos thams cad mnyam pa nyid ces bya ba'i ting nge 'dzin la snyoms par zhugs nas/ byang chub kyi sems 'di dag gsungs so// e ma'o ngo mtshan ya mtshan gyi// sangs rgyas kun gyi gsang ba'i thugs// chos kun gnas pa med pa las// gnas pa 'di ni rab tu bsgrags// gnas dang mi gnas med pa ste// byang chub tshul 'di bstan pa'o// zhes gsungs so// de nas yang chos thams cad so so kun tu rtogs zhes bya ba'i ting nge 'dzin la snyoms par zhugs nas/ byang
- 19a
chub kyi sems 'di gsungs so// a ma'o ngo mtshar ya mtshan gyi// sangs rgyas kun gyi gsang ba 'i thugs// chos kun dmigs pa med pa las dmigs pa 'di ni rab tu bsgrags// dmigs dang mi dmigs med pa ste// byang chub tshul 'di bstan pa'o// zhes gsungs so// de nas yang chos thams cad bya ba la nan tan du grub pa zhes bya ba'i ting nge 'dzin la snyoms par zhugs nas/ byang chub kyi sems 'di gsungs so// e ma'o ngo mtshar ya mtshan gyi// sangs rgyas kun gyi gsang ba'i thugs// chos kun spro bsdu med pa las// spros dang bsdu bar rab tu grags// spro bsdu yod dang med pa ste// byang chub tshul 'di bstan pa'o// zhes gsungs so// de nas smra ba'i seng ge byed pa po rdo rje kun tu bzang po sa a la la ho zhes bya ba'i sgra phyung ste// byang chub kyi sems la bstod pa/ e ma'o/ bde chen kun tu bzang // e ma'o stong nyid byang chub sems// e ma'o dag pa dri ma med// e mo'o mi sgrib gsal ba che// e ma'o mnyam nyid dbyer med chos e ma'o so sor rang rig sems// e ma'o bya med lhun gyis grub// byang chub sems la phyag 'tshal lo// zhes bstod do// bcom ldan 'das nyid khyad par du gyur
- 19b
pa yang / byang chub kyi sems nyid yin zhing / byang chub kyi sems thugs su chud pa'o// bdag cag rig 'dzin gyi tshogs su gyur pa rnams kyang / byang chub kyi sems la sman par 'tshal// 'jug par 'tshal/ ldang bar 'tshal/ gnas par 'tshal te/ bdag cag kyang rang rang gi sems g.yo bar bgyi/ reg par bgyi/ nye bar bgyi/ nyam su myong bar bgyi bar 'chal na/ bdag cag de lta bu'i bsam pa can rnams la snying rje chen por dgongs par mdzad du gsol/ bde bar gshegs pa rab tu dgongs par mdzad du gsol/ ces gsol ba btab pa las// gsang ba mchog gi bdag pos gsol btab pa de thugs su chud nas/ snying rje byang chub kyi sems 'byung ba zhes bya ba'i ting nge 'dzin la snyoms par zhugs te/ gnyis su med par mngon par 'du mdzad do// gnyis su med par mngon par 'du mdzad pas/ byang chub kyi sems kyi sprin gyis thams cad du rgyas par khyab pa ni til 'bru mar gyis gang ba bzhin no// de nas yang 'di gsungs so// e ma'o ye nas rnam dag chos// sna tshogs snang yang rtogs par gsang // ngo bo nyid ni brjod du med// snod ma yin la bstan par dka' 'o// e ma'o srid gsum ye nas rnam par dag pa'i rang bzhin la// bdag
- 20a
tu rtog pa'i srid rtsa nyes dmigs kyis// yun rings dus nas 'khyams pa'i 'gro ba rnams// mi mthun bde sdug gnas rnams so sor gzung // log rtog nor pa'i dbang gis kun rtog kyang // rang bzhin nyid la nyams pa rdul tsam med// e ma'o yun rings dus nas rmongs pa'i 'gro ba rnams// ye nas don gyi sangs rgyas yin mod kyang // rmongs pa'i dbang gis 'khor ba'i 'khor lor 'khyams// log rtog nyid kyang dngos med byang chub sems// 'khrul 'khor nyid kyang mi zad rgyan du che// snyigs ma lnga nyid bde ldan gnas su gsal// phung po lnga nyid mngon par rdzogs pa'i sku// srid rtsa nyes dmigs nyid kyang byang chub snying por gnas// phyi nang snod bcud yab yum dang du gsal// zhes gsungs pas/ chos thams cad byang chub kyi sems su gnas so// 'phags pa rgyud kyi rgyal po chen po ye shes rngam pa glog gi 'khor lo'i mdo zhes bya ba las/ byang chub tu sems bskyed pa'i le'u ste bzhi pa'o// // de nas bcom ldan 'das gsang ba mchog gi bdag po nyid kyi sku dang / gsung dang / thugs rdo rje las dkyil 'khor thams cad 'byung bar bzhed nas/ btsun mo dang gnyis su med par mngon par 'du mdzad do// mngon par
- 20b
'du mdzad nas yang / dkyil 'khor thams cad 'byung ba rdo rje rgyan zhes bya ba'i ting nge 'dzin la snyoms par zhugs te/ dkyil 'khor thams cad kyi mdo 'di gsungs so// 'dus pa'i 'khor tshogs rnams nyon cig/ gsang sngags byin rlabs bsam yas la// dkyil 'khor bsam yas brjod mi lang // mdor bsdus rnam pa gsum yin te// rang bzhin lhun grub dkyil 'khor dang // ting 'dzin gsal ba'i dkyil 'khor dang // bkri drang rdul tshon dkyil 'khor te/ gsum po dag tu rgyal bas gsungs// zhes ched du gleng ngo // de nas smra ba'i seng ge byed pa po rdo rje kun tu bzang pos gsol pa/ bcom ldan 'das bdag cag rnams kyis/ chos thams cad ni dkyil 'khor rnam pa gsum du rdzogs par mthong lags so// de nas yang 'di skad ces gsol ba btab bo// e ma'o gsang mchog bde ba che// ye nas lhun grub dag pa'i bdag/ dkyil 'khor kun gyi 'byung gnas gtso// rdo rje rgyal la phyag 'tshal lo// chos kun ye nas sangs rgyas pa'i// rang bzhin dag pa'i dri ma med// rang bzhin lhun grub bzang po'i don// bcom ldan snying po sa bshad du gsol/ a la la ho// de nas bcom ldan 'das gsang ba mchog gi bdag po des gsol ba btab pa'i don thugs su chud nas/ lhun gyis grub pa'i dkyil
- 21a
'khor 'byung ba rdo rje'i rgyan zhes bya ba'i ting nge 'dzin la snyoms par zhugs so// zhugs nas kyang rang bzhin don dam pa'i dkyil 'khor spros pa dang bral ba 'di gsungs so// e ma'o// sangs rgyas kun gyi byang chub sems// bla na med par rtogs 'gyur ba// rgyal bas gsungs pa'i ye shes gang // 'di ni dkyil 'khor snying po yin// zhes gsungs so// de nas yang bcom ldan 'das gsang ba mchog gi bdag po des/ rang bzhin don dam pa'i dkyil 'khor gyi rnam grangs 'di dag gsungs so// de la 'di ni spyi ra bsdus pa'o// sems can kun gyi sems chen po// rang bzhin dag pa dri ma med// phung po lnga don sangs rgyas lnga// 'byung ba lnga don dbyings phyug yum// khams dang skye mched mang po kun// sems dpa' sems ma'i dkyil 'khor yin// de bas srid gsum dkyil 'khor che// zhes gsungs so// de la 'di ni phung po lnga nyid sangs rgyas lnga'i rang bzhin du gsungs pa yang // srid gsum sems can thams cad kyi// rgyu dang 'bras bu'i gzugs rnams kun// chos kyi dbyings las byung bas na// dbyer med don gyi gti mug pas// rnam par snang mdzad rang bzhin yin// srid gsum sems can thams cad kyi// bde sdug gnyis ka ma yin
- 21b
pa'i/ tshor ba'i phung po thams cad kun// mnyam nyid dbyings las snang bas na// nga rgyal chen po'i rang bzhin pas// myong ba rin chen 'byung rang bzhin// srid gsum sems can thams cad kyi// yul la shes pa phra rags kyi// byed pa'i phung po thams cad kun// ma 'dres dbyings la snang bas na// shes rab rlabs kyi 'dod chags pas/ snang ba mtha' yas rang bzhin no// srid gsum sems can thams cad kyi// dge dang mi dge gnyis ka min// sems las byung dang ma byung ba'i// 'du byed phung po thams cad kun/ spro ba sdu dbyings las byung bas na// rnam par grol ba'i phrag dog pas// don yod grub pa'i rang bzhin yin// srid gsum sems can thams cad kyi// rnam smin ngar sems rnam rig pa'i// shes brgyad rnam shes phung po kun// rig pa'i dbyings las shar bas na// zhe sdang chen po'i ye shes pas// rdo rje sems dpa'i rang bzhin yin// zhes gsungs so// de la 'di ni chen po lnga dbyings phyug lnga'i rang bzhin du gsungs pa// snod bcud 'gro ba thams cad kyi// gsal stong mi sgrib go 'byed pa'i// / snang stong nam mkha'i khams rnams kun// stong nyid dbyings las shar bas na// thams cad gnas pa'i glong yin pas// bde gshegs dbyings phyug rang bzhin yin//
- 22a
snod bcud 'gro ba thams cad kyi// sgra brten bskyed baspyan brten rnams kun// sa yi khams su grags pa rnams// mi 'gyur dbyings las shar bas na/ thams cad bskyed pa'i brten yin pas// rdo rje dbyings phyug rang bzhin yin// snod bcud 'gro ba thams cad kyi// skyes sdud gsher ba'i mtshan nyid kun// chu yi khams su grags pa ste// kun sdud dbyings las shar bas na// yon tan tshogs chen kun sdud pas// rin chen dbyings phyug rang bzhin yin// snod bcu da 'gro// ba thams cad kyi// gsal dro'i ngo bo thams cad kun// me yi khams su grags pa kun// snang gsal dbyings las shar bas na// gsal dro bsregs pa'i rang nyid pas/ pad+ma'i dbyings phyug rang bzhin yin// snod bcud 'gro ba thams cad kyi// yang g.yo ldeg bskyod thams cad kun// rlung gi khams su grags pa ste// bskyod chen dbyings las shar bas na// thogs med shugs bskyod rang bzhin pas// las kyi dbyings phyug rang bzhin yin// zhes gsungs so// de la 'di ni rnam par shes pa bzhi byang chub sems dpa' bzhi'i rang bzhin du gsungs pa/ srid gsum sems can thams cad kyi// kha dog dbyibs la spyod pa kun// mig gi
- 22b
rnam shes zhes su grags// mthong ba'i ye shes nyid yin phyir// sa yi snying po'i rang bzhin yin// sbrid gsum sems can thams cad kyi// sgra rnams kun la spyod/ pa kun/ rna ba'i rnam shes zhes su grags// thos pa'i ye shes nyid yin phyir// lag na rdo rje'i rang bzhin yin// srid gsum sems can thams cad kyi// dri rnams kun la spyod pa kun// sna yi rnam shes zhes su grags// tshor ba'i ye shes nyid yin phyir// nam mkha'i snying po'i rang bzhin yin// srid gsum sems can thams cad kun// ro rnams kun la spyod pa kun// lce yi rnam shes zhes su grags// myong ba'i ye shes yin pa'i phyir// spyan ras gzigs kyi rang bzhin yin// zhes gsungs so// de la 'di ni yul bzhi byang chub sems ma bzhi'i rang bzhin du gsungs pa/ snod bcud 'gro ba thams cad kyi// kha dog dbyibs dang mtshan ma kun// gzugs kyi skye mched nyid du grags// mthong bar byed pa'i yul yin pas// gzugasnga mdzes lA s+ye'i rang bzhin yin// snod bcud 'gro ba thams cad kyi// zin dang ma zin gnyis ka las// byung ba sgra yi khams su grags// thos par bya ba'i yul yin pas/ ni nyi ma yi rang bzhin yin// snod
- 23a
bcud 'gro ba thams cad kyi// lhan cig skyes dang sbyar dang gyur// zhim dang mngar dang de bzhin gzhan// dri yi khams dang skye mched de// bsnam par bya ba'i yul yin pas// mA l+ya nyid kyi rang bzhin yin// snod bcu dra 'gro ba thams cad kyi// kha mngar la sogs ro rnams kun// ro yi skye mched nyid du grags// myang bar byed pa'i yul yin pa sa// giN+Di nyid kyi rang bzhin yin// zhes gsungs so// de la 'di ni dbang po bzhi byang chub sems dpa' bzhi'i rang bye zhin du gsungs pa/ sgyid ga sum+b+ha sems can thams cad kyi// mthong byed dang ba'i bdag nyid de// rlig gi khams zhes bya bar grags/ mthong ba'i bya ba byed pa'i phyir// byams pa mai tI'i rang bzhin yin// srid gsum sems can thams cad kyi// thos byed dang ba'i bdag nyid de// rna ba'i khams zhes bya bar grags// thos pa'i bya ba byed pa'i phyir// sgrib pa kun sel rang bzhin yin// srid gsum sems can thams cad kyi// snom byed dang ba'i bdag nyid do/ sna yi khams zhes bya bar gragaso// tshor ba'i bya ba byed pa'i phyir/ 'jam dpal nyid kyi rang bzhin yin// srid gsum sems can thams cad kyi//
- 23b
myong byed dang ba'i bdag nyid de// lce yi khams zhes bya bar grags// myong ba'i bya ba byed pa'i phyir// kun tu bzang po'i rang bzhin yin// zhes gsungs so// de la 'di ni dus bzhi mchod pa'i lha mo bzhi'i rang bzhin du gsungs pa// snod bcud 'gro ba thams cad kyi// rgyu 'bras kun tu rnam par dpyang// sngon 'das dus su rnam par grags// sngon 'das dpyid kyi rang bzhin ni// sog me'i rang bzhin nyid yin no// snod bcud 'gro ba thams cad kyi// rgyu dpyad 'bras bu/ ma dpyad kyang // da lta nyid kyi dus su grags// da ltar dbyar gyi rang bzhin ni// me tog nyid kyi rang bzhin yin// snod bcud 'gro ba thams cad kyi// rgyu 'bras yong gis ma dpyad pa// ma 'ongs dus su rab tu grags// ma 'ongs rag ston rang bzhin ni// A lo ke yi rang bzhin yin// snod bcud 'gro ba thams cad kyi// rgyu 'bras nges par ma tshogs pa// 'byung ba ma nges dus zhes grags// ma 'ongs rkun gyi rang bzhin ni// gan+d+he'i rang bzhin yin par nges// zhes gsungs so// / de la 'di ni lus kyi dbang po dang / rnam par shes pa dang / yul dang / de las byung ba'i byang chub kyi sems khro bo bzhi'i rang bzhin du gsungs pa/ srid gsum
- 24a
sems can thams cad kyi// reg byed dang ba'i bdag nyid de// lus kyi khams zhes bya bar grags// reg byed bya ba byed pas nas// gshin rje 'joms pa'i rang bzhin yin// srid gsum sems can thams cad kyi// reg bya kun la spyod pa kun// lus kyi rnam shes zhes su grags// reg pa'i ye/ shes yin pa'i phyir// rnam par rgyal ba'i rang bzhin yin// snod bcud 'gro ba thams cad kyi// 'byung dang 'byung gyur reg bya rnams// reg bya'i skye mched nyid du grags// reg par bya ba'i yul yin pas// rta mchog dpal gyi rang bzhin yin// srid gsum sems can thams cad kyi// tshogs drug 'gags pa'i de ma thag/ go 'byed gsal ba'i bdag nyid de// yid kyi khams zhes bya bar grags// nges gcod bya ba byed pa'i phyir// bdud rtsi 'khyil pa'i rang bzhin yin// zhes gsungs so// de la 'di ni phyin ci ma log pa bzhi lha mo bzhi'i rang bzhin du gsungs pa/ snod bcud 'gro ba thams cad kyi// 'jig dang skad cig mi rtag pa// rtag pa ma yin zhes su grags// sgyu ma lta bu yin pa'i phyir// lcags kyu ma yi rang bzhin yin// snod bcud 'gro ba thams cad kyi// kun rtog gzhan dbang med min pa// chad pa ma
- 24b
yin zhes su grags// rmi lam lta bur sel snang phyir// zhags pa ma yi rang bzhin yin// snod bcud 'gro ba thams cad kyi// gzung 'dzin dngos por ma grub pas// mtshan mar ma yin zhes su grags// smig rgyu lta bu'i sems snang phyir// lcags sgrog ma yi rang bzhin yin// snod bcud 'gro ba thams cad kyi// skyes bu byed pa ma grub pa// bdag tu ma yin zhes su grags// sgra brnyan lta bu'i sems snang phyir// dril bu ma yi rang bzhin yin// zhes gsungs so// de la 'di ni yid dang chos gtso gzungs gnyis kyi rang bzhin du bstan te/ srid gsum sems can thams cad kyi// chos rnams kun la nges rtog pa// yid kyi rnam shes khams zhes grags// rtogs pa'i ye shes yin pa'i phyir// kun tu bzang po'i rang bzhin yin// snod bcud 'gro ba thams cad kyis// 'dus byas ma byas chos rnams kun// chos kyi skye mched yin par grags// rnam par shes pa'i yul yin pas// kun tu bzang mor rab tu grags// de la sogs te bsam ya sa mchog/ chos dbyings mnyam dang mi mnyam pa'i// nam mkha' dbyings kyi mthas klas pa// ji snyed snang grags yod pa'i chos// kun kyang phyag rgya'i rang bzhin pas// rang bzhin gyi ni dkyil
- 25a
'khor gyi/ rnam grangs yin par bder gshegs gsungs// zhes ched du brjod pa ched du gleng ngo // // de nas yang bcom ldan 'das gsang ba mchog gi bdag po des/ rang bzhin kun rdzob kyi dkyil 'khor 'di gsungs so// kun rdzob mtshan ma'i gnas chen yang // 'og min bla med gnas mchog gam// lcang lo can nam bde ba can// pad+ma can la sogs pa yi// rang bzhin lhun grub dkyil 'khor de// mtshan ma'i rnal 'byor ngo la snang // de yang ji lta bu zhe na// mkha' 'am yid kyi nam mkha' la// 'byung chen brtsegs par lhun gyis grub// de stangs rin chen sna bzhi las// lhun gyis grub pa tshad dpag med// de la brten pa'i sa gzhi ni// rin chen sna tshogs gcal du bkram// mnan nem bteg 'phar mdzes pa'i gzhi// de la pho brang gzhal med khang // gru bzhi lham pa mdzes par snang / rin chen sna bzhi rgyu las grub// glo 'bur bzhi yang mkhar thabs tshul// rin chen bzhi las grub pa'o// bum pa'i rtse mo chos kyi tog/ rma bya'i mdongs dang ldan pa'o// sgo bzhi sgo khyud rnams kyis brgyan// rta babs brgyad dang yang dag ldan// dbus na 'khor lo rtsi ba sa bzhi pa// lte bar bcas shing rtsibs rten ldan// gru chad par khyams mdzes
- 25b
par 'bar// rin chen 'od zer 'bar bar 'khrig/ sems can pad+ma nyi zla dang // rin chen 'bar ba'i gdan mchog ldan// rin chen khra rkang rnam rten mdzes// pho brang de yi rgyan mchog kyang // klu yi nor bu rin chen 'bar// bla bre rgyal mtshan ni bza' gdugs// dar dang do sha la mu tig 'phreng // dril bu dang ni rnga yab sogs// rol mo'i cha byad sna tshogs brgyan// 'jig rten lha tshogs mdzes pa dang // de la sogs te rgyan rnams kyang // bsam gyis mi khyab mtha' yas mchog/ gzhal yas de yi sgo bzhin// glang chen rnams kyis mdzes par byas// rta babs rnams kyi tsong tsong la// gser gyi dril bu 'bar ba dag/ dkon mchog gsum gyi mtshan yang sgrog/ sgo drung de dag re re na// ta la ni/ shing bskyed tsong tsong 'khri la// dri dang gzugs dang 'od du ldan// ta la'i skyed shing de dag la// khu byug la sogs bkra shis pa'i// bya rnams snyan pa'i skad kyang sgrog/ sgo drung de dag re re na// khrus kyi rdzing bu dbyibs legs pa/ blo mchog yan lag ldan pa'i chu// grangs med de dag re re na// lha dang lha mo bsam mi khyab// phyi rol kho ra khor yug na// rtse sa 'chag sa brjod mi lang // de la sogs te bsam yas mchog/ ma btsa la ye nas lhun gyis grub// lha mchog rnams kyi bsod nams kyi// rgyu
- 26a
las grub par rgyal bas bsungs// pho brang de na gnas pa yi// ye shes lha tshogs mang po rnams// gtso gzungs zung du 'brel ba ste// dbus kyi pho brang snying po la// rnam par snang mdzad phyag rgya che// 'dzam bu na de'i gser 'od 'dra// rang rtags phyag na 'khor lo bsnams// dpa' bo de yi spyan snga na// rdo rje sems dpa' rgya chen yang // dung dang shel gyi kha dog 'dra// rang rtags lag na rdo rje 'dzin// g.yas na rin chen 'byung ldan gtso// in+d+ra nI la'i kha dog 'dra// rang rtags/ rin chen zur brgyad 'dzin// rgyab na snang ba mtha' ya sa gtso// pad+ma rA ga'i mdog 'dra zhing // rang rtags pad+ma dmar po 'dzin// g.yon du don yod grub pa ste// in+d+ra ljang khu'i mdog lta bu// rang rtags lag na ral gri 'dzin// kun kyang zhi ba'i cha lugs te// thor tshugs rigs lngas kun la brgyan// rdzogs pa'i skyil mo krung du bzhugs// do shal dpung rgyan se mo do// phyag gdub snyan chas kun la mdzes// mtshan dang dpe byad yang dag rdzogs// de dag gi ni g.yon rol na// kun tu bzang/ dang lo tsa na// ma ma gos dkar sgrol ma rnams// g.yas pa thabs kyi gtso la 'khyud// g.yon pa ring rtags dril bu 'dzin// cha lugs gzhan kyang yab dang 'dra//
- 26b
'khor lo'i rtsi bas la lhun gyis grub// spyan snga'i glo 'bur mdzes pa la// lag na rdo rje sngo skya'i mdog/ rang rtags rdo rje rtse mo gsum// g.yas na sa yi snying po ste// ljang sngon rin chen myu gu 'dzin// rgyab tu nam mkha'i snying po ste// mthing kha rang rtags ral gri 'dzin// g.yon du mdzes pa'i glo 'bur la// spyan ras gzigs dbang dmar skya ste/ rang rtags pad+ma dkar po 'dzin// thor tshugs ye shes sems dpas brgyan// sems dpa'i skyil mo'i tshul du bzhugs// rgyan dang cha lugs kun gyis brgyan// de dag gi ni g.yon rol na// gar dang sgeg mo 'phreng ba dbyangs// g.yas pa thabs kyi gtso la 'khyud// g.yon po gar dang me long 'phreng // pi wang 'dzin cing cha lugs gzhan// gtso bo nyid dang 'thun pa yin// mdzes pa'i glu chad rnams la ni// byams pa mai tri dkar po ste// mdzes pa'i klu shing sag phyogs 'dzin// shar lho mtshams kyi gru chad la'o// sgrub rnam sel mthing kha ste// chos kyi 'khor lo 'dzin pa ni// lho nub mtshams su mdzes par gnas// 'jam dpal gzhon nu dmar skya'i mdog/ rang rtags ut+pa la mthing kha 'dzin// nub byang mtshams su mdzes par gnas// kun tu bzang po ljang ser mdog/ rang rtags rin chen snye ma 'dzin// byang shar mtshan
- 27a
kyi gru la gnas// de dag gi ni g.yon rol na// spos dang me tog di pa dri// g.yas pa thabs kyi gtso la 'khyud// g.yon pa rang rtags 'dzin pa'o// cha lugs kun kyang gong ma bzhin// sgo khyud rnams la 'joms pa bzhi// gshin rje gshed po mthing nag 'bar// nr-i mgo gdengs pa'i lag mtshan thogs// shar gyi / sgor ni rnam par gnas// rnam par rgyal ba ser nag 'bar// rdo rjes gnon pa lho sgor ro// rta mchog dmar nag 'bar ba ste// thod sbrul thogs pa nub sgor gnas/ bdud rtsi 'khyil pa ljang nag 'bar// rgya gram gyis gnon byang gi sgor// stang stabs tshul du rab tu gnas// dur khrod rgyan gyis rnam par brgyan// rnam par rtsigs la 'jigs 'jigs lta// me dpung 'bar ba'i glong du 'khyil// hUM dang phaT kyi sgra sgrogs pa// de dag gi ni g.yon rol na// gshed mo dang ni brgya la ma dang / rta mgrin mo dang 'khyil mo rnams// lag mtshan lcags kyu zhags pa dang // sgrog dang dril bu thogs shing rngam// cha lugs 'joms pa dag dang 'dra// sgo sgo dag tu lbu/ gyis grub// mdzes pa'i bar khyams de nyid la// sbrul sku thub pa chen po drug/ cis 'dul thabs kyi skur ston pa// cha lugs ma nges 'dul bar ston// mdzes
- 27b
bar khyams de nyid la// mdun dang rgyab kyi phyogs rol du// byed pa po dang bya ba mo// nam mkha' yi ni mdog 'dra la// ting nge 'dzin du ldan par gnas// de la sogs te bas ma yas mchog/ brjod med brjod du med pa yi// lha yi tshogs kyis gang bar gnas// dkyil 'khor bsam yas lhun gyis grub// lha yi tshogs mchog de dag gi/ thugs kar ye shes sems dpa' gnas// tshon gang 'od dang bcas pa'o// ljags la rang rtags yi ge rnams// rang rtags phyag rgya'i steng du gsal// de lta'i sku mchog re re la// tshul dgu dag dang ldan pa'o// mnyen dang lcug ma 'khril bag dang // ltems bag chags dang gzhon tshul can// gsal dang 'tsher dang lhun stug dang // gzi byin 'bar bar rab tu gnas// de lta'i rang bzhin dkyil 'khor nas// phyi rabs sngags 'chang rnal 'byor pas// spyan drangs mchod pa dbul ba'i 'os// zhes gsungs pas/ chos thams cad rang bzhin gyi dkyil 'khor du lhun gyis grub bo// de nas smra ba'i sing gi la sogs pa/ 'dus pa'i 'khor tshogs rnams rang gi bsams pa rangs par gyur te/ a la la zhes pa'i sgra phyung nas/ mgrin gcig tu ched du brjod pa 'di
- 28a
brjod do// a ho/ dmigs dang mi dmigs brtan g.yo chos kun lhun grub dkyil 'khor dpag mi lang // rang rig yon tanA dpag me bsam yas mang po de kun brjod mi lang // bsam yas rgya mtsho'i thugs rje bsam yas bsam khyab ji snyed dpag mi yang // sprul pa rgya mtsho gang+gA'i bya snyed 'gro la chos ston zhing khams bsam mi khyab// ces ched du brjod pa ched du brjod do// 'phags pa rgyud kyi rgyal po chen po ye shes rngam pa glog gi 'khor lo'i mdo zhes bya ba las rang bzhin gyi dkyil 'khor bstan pa'i le'u ste lnga pa'o// // de nas yang bcom ldan 'das gsang ba mchog gi bdag po des/ mi g.yo ba rdo rje rnam par 'phro ba zhes bya ba khri ting nge 'dzin la snyoms par zhugs nas/ ting nge 'dzin gyi dkyil khor 'di gsungs so// 'dus pa'i tshogs rnams chos thams cad ni ting nge 'dzin gyis dbang sgyur ba tsam du rtogs shig/ de ci'i phyir zhe na/ chos thams cad ni ting nge 'dzin gyis ji ltar 'dod pa de bzhin du dbang sgyur ba'o// 'dus pa'i 'khor tshogs 'di lta ste// gsang sngags ya mtshan chen po 'di// ting 'dzin dkyil 'khor bsam yas kyang // mdor bsdus rnam pa gsum yod de// bsgoms pa
- 28b
ting 'dzin dkyil 'khor dang // bskyed dang lhag pa'i ting 'dzin no// thog mar rnal 'byor nyid bsgoms te// dkyil 'khor yin par rgyal bas gsungs de yang ji ltar bsgom zhe na// ting nge 'dzin yang rnam gsum ste// dang por de bzhin nyid kyi ngang // de bzhin nyid la gnas bcas phyir// stong pa chen po'i ting 'dzin bsgom/ gnyis pa kun snang nam mkha'i ngang // snying rje yum gyis khyab pa'i phyir// mtshams sbyor chen po'i ting 'dzin bsgom// gsum pa rang gi sa bon te/ rab tu brtan pa'i yig 'bru a// de las phra mo a 'phro 'du// spros shing bsdus kyang 'phel 'grib med// de las bdag nyid chen por bsgom// cha lugs thams cad rdzogs par gsal// rgyas btab byin rlabs dbang bskur bas// rtse ba'i dkyil 'khor rab tu rdzogs// de bzhin dbyings las gsal bas na// bdag nyid chen mo g.yon du ste// mkha' dbyings rdo rje pad+mar ldan// de ni bsgom pa'i dkyil 'khor yin// bskyed pa yang ni 'di lta ste// lha tshogs bdag gi sras su bskyed// des na bskyed pa'i dkyil 'khor yin// de yang ji ltar bskyed ce na// thog mar yab yum mkha' gsang gnyis// rdo rje pad+mor byin gyis brlabs
- 29a
gnyis med 'khril bar dgyes pa las// b+ha gA'i dkyil du ling+ga a// spro bsdu dbyings su thim pa las// dbang chen sa bon 'bru lngar gyur// ye yaM baM su b+hU/ e nyid 'phro 'dus nam mkha' gsal// yaM las rlung gi dkyil 'khor bskyed// bi la so bdud rtsi'i rgya mtshor bskyed// su las gser gyi spris mar bskyed b+h+rUM las ri rab gzhal med khang // dbyibs dang kha dog tshad dpag med// 'khor lo gdan dang rol mo'i tshogs// rang bzhin kun rdzob ci 'dra'o// de ru lha tshogs bskyed po ni/ brtan 'byung nam mkha'i yi ge a// 'phel 'grib med par gnas pa ste// gnyis med dgyes pa'i 'phro 'du las// bzhi bcu rtsa gnyis 'od du shar// ka kha ga g+ha da/ tsa tsha dza dz+nya nya/ ta tha da d+ha na/ Ta Tha Da D+ha Na/ pa pha ba b+ha ma/ yA wa ra la/ sha Sha sa ha/ k+Sha/ i I/ u U/ a ai/ o au/ gsung gi dkyil 'khor bzhi bcu gnyis// sngo bsdu gsal bar gyur pa la// thugs mtshan bzhi bcu rtsa gnyis 'bar// de las mngon rdzogs skur gsal ba// tha la sogs pa'i yig 'bru lnga/ phung po lnga yi sa bon yin// tra la sogs pa'i 'byung ba lnga// bskyed pa'i sa bon yin par grags// ka la sogs pa'i yig 'bru lnga// rnam shes lnga yis
- 29b
bon yin// tsa la sogs pa'i yig 'bru lnga// mig gi khams la sogs pa lnga// ba la sogs pa'i yig 'bru lnga// gzugs sogs skye mched rnam lnga yin// ya la sogs pa'i yig 'bru bzhi// dus bzhi'i sa bon yin par grags// sha la sogs pa'i yig 'bru bzhi// phyin ci ma log bzhi ru bshad// i la sogs pa'i yig 'bru drug/ rdul snyed sprul pa drug tu bshad// o ni yid kyi khams yin te// k+Sha ni yid kyi rnam shes khams// o ni chos kyi khams su bshad// so so'i thugs mtshan gsal ba las// sa bon rnams kyi mngon rdzogs bskyed// o dzi na dzig/ hUM badz+ra d+h+r-ig/ swaM rat+na d+h+rig/ AM a ro lag/ ha pradz+nyA d+h+rig/ muM da du shA ri/ laM te sho ra ti/ maM mo ha ra ti/ s+yaM ra ga ra ti/ taM badz+ra ra ti/ k+Shi ha ra tsa ya/ traM a gar+b+ha ya/ d+hi he hUM pad+ma/ dzi ku ru pa ni/ hUM lA s+ya/ traM ma le/ hri garti/ a ni ra ti/ me dA ra na/ b+hI ma ni/ swa raM ba ya/ hUM swa ra tsa ya/ muM shri ra tsa ya/ dzA d+hu pa/ hUM puSh+pa/ baM dI pa/ ho gan d+h+we/ hUM ya mAn ta krid/ hU pra dz+nyA ta kri da/ hU pad+ma ta krid// hUM bi g+ha nan ta krid/ dza badz+ra kro d+hi/ hU rat+na kro d+hi/ ba pad+ma kro d+hi/ ho karma kro d+hi/ hU badz+ra tsit+ta/ a badz+ra sa ma/ mu ne kr-ing / mu ne sru/ mu ne tra/ mu ne hU/ mu ne k+Sha ma/ mu ne
- 30a
ya de ltar so so'i snying po yis// mngon rdzogs skur ni gsal ba dang // ye shes lnga yis dbang bskur te// sku gsung thugs kyis byin gyis brlabs// oM ma hA shU n+ya tA dz+nyA na badz+ra swa b+ha wa At+ma ko&ha/ oM ma hA sa sa da ri sho dz+nyA na badz+ra swa b+hA wa At+ma ko&ha/ oM badz+ra sa man+te dz+nyA na badz+ra swa b+hA wa At+ma ko&ha/ oM ma hA pra te/ / pra be sha dz+nyA na badz+ra swa b+hA wa at+ma ko&ha/ oM ma hA kr-i ta a nu sh+ma na dz+nyA na badz+ra swa b+hA wit+ma ko&ha/ oM sarba ta thA ga ta kA ya badz+ra swa b+hA wa At+ma ko&ha/ oM sarba ta thA ga ta bA ka badz+ra swa b+hA/ wa at+ma ko&ha/ oM sarba ta thA ga ta tsit+ta badz+ra swa b+ha wa At+ma ko& ha/ oM sarba ta thA ga ta a nu rA ga badz+ra swa b+hA wa At+ma ko&ha/ oM sarba ta thA ga ta pU dza badz+ra swa b+ha wa At+ma ko&ha/ de ltar rdzogs pa'i sangs rgyas rnams// sku mdog thugs mtshan bzhugs tshul dang // thor tshugs la sogs cha lugs kun// rang bzhin kun rdzob dkyil 'khor kun// bskyed pa ting 'dzin dkyil 'khor 'di// rnal 'byor rig pa'i rtsa la yin te// nam mkha' dbyings kyi dbus su bsams// yang na gzugs brnyan dkyil 'khor la'o// / lhag pa'i ting 'dzin zhes bya ba// de ltar gsal ba'i rnam pa kun// yum gyi mkha' la gsal bar bsgom// rnal 'byor rig pa'i khyad par ro// zhes
- 30b
gsungs pas/ 'dus pa'i 'khor tshogs rnams kyi chos thams cad ting nge 'dzin gyis dbang sgyur bar mthong ngo // 'phags pa rgyud kyi rgyal po chen po ye shes rngam pa glog gi 'khor lo'i mdo zhes bya ba las/ ting nge 'dzin gyi dkyil 'khor rnam par phye ba'i le'u ste drug pa'o// // de nas bcom ldan 'das gsang ba mchog gi bdag bos/ gzugs brnyan lta bur rnam par 'phro ba zhes bya ba'i ting nge 'dzin la snyoms par zhugs nas/ las dang po pa'i rnal 'byor yid ches par bya ba'i phyir/ 'dus pa'i 'khor tshogs rnams la 'di skad ces bka' stsal to// 'dus pa'i 'khor tshogs rnams chos thams cad ni gzugs brnyan lta bu'i rnam pa yin par shes par bya'o// de ci'i phyir zhe na/ chos thams cad ni gzugs brnyan lta bu'i rnam par snang zhing / de las ma 'das pa'i phyir ro// de bas na gzugs brnyan gyi dkyil 'khor bshad par bya yis nyon cig/ de la 'di ni gzugs brnyan gyi rgyu'i rnam grangs so// mi shes rmongs pa'i 'gro ba la// mtshon pas gsal bar don ston phyir// gzugs brnyan dkyil 'khor bshad par bya// de yang ji lta bu zhe na// brtan zhing mdzes pa'i khang bu la// 'jam por zhal zhal byas nas ni// kha dog lnga yis gzugs bris pa//
- 31a
de yang dngos grub rten du bshad// ras sam gro ga'am shing shun nam// ta la'i lo ma'am dur khrod ras// zhing chen ras la sogs pa la// phyag rgya'i gzugs su bris na yang // mtshan ma 'byung ba'i rten du ba shad// rdo dang she la rdo la sogs dang // dung ngam ba so rgyu la ni// phyag rgya'am gzugs su 'bur dod na// de yang dngos grub 'byung ba'i rten// gser dngul zangs 'khrur la sogs la// mkhan gyis legs par blugs byas te// yan lag ma nyams gzugs byas na// de yang mtshan ma'i rten du bshad// p+la ga sha byang chub shing la sogs// rgyud nyid mnyen la gzugs byas na// de yang mtshan ma 'byung ba'i rten/ sbyin gyis mnyan pa'i rgyu rnams la// phyag rgya'i gzugs su legs byas na// de yang rten pa'i 'os yin no// sa stegs dbyibs legs mdzes pa la// rdul tshon 'dus byas rgyu rnams kyis// brnyan pa'i dkyil 'khor byas na yang // de yang dngos grub 'byung ba'i rten// ro zhig las kyi dang po pas/ sa stegs dkyil 'khor bya bar shis// zhes gsungs so// de la 'di ni gnas kyi mtshan nyid de/ sa stegs bya ba'i gnas mchog/
- 31b
kyang skyon yon bye brag shes pa la// spang blang gnyis su rig par bya// ri bo ri bran 'dus pa'i spyi// gangs ri brag dkar 'dab chen ni// sang gcan khra yi gnas zhes bya// zhi ba'i las la de shis so// phug chen dgon pa chen po dang / brag chen rdo rje bsdoms pa'i dkyil// gcan chen khra yi gnas zhes bya// mngon par spyod pa bsgrub pa'i gnas// dur khrod gnas dang ngam grog dang // sum mdo grog gle ba shung ba'i gnas// dur can khra yi gnas zhes bya// dbang du bsdu ba bsgrub pa'i gnas// nags tshal mang po gtibs pa dang // shin tu btsan dang 'jigs pa'i gnas// stag gzig khra yi gnas zhes bya// 'dod pa bsgrub pa'i gan sa yin no// mtsho gle chu mdo rgya mtsho rdzing // chu yi gling ma btsan po'i gnas// chu gcan khra yi ga na sa zhes bya// las rnams kun la de shis so// ri bo 'dus pa'i rtse rnams dang // tsan dan nags tshal me tog tshal// yid 'ong bkra shis nyams dga' ba'i// gnas su dkyil 'khor bri/ bar shis// gnam dang sa dang bar snang rnams// legs par brtags te las rnams bya// mtshon cha lnga yi dbyibs dag tu// brtags na mngon pa'i na mkha'
- 32a
shis/ bar snang kha dog rnam lnga po// so so ma 'dres gsal ba shis// sa gzhi shin tu ma nyams dang // ma grub mnyam por gnas pa dang // tsha sgo sa dang ba tshwa meng // de ltar brtag pa'i las bya'o// spang bar bya ba'i gnas ngan ni// ga shin rdza gdug pa'i mdung rjes dang // srin mo dus pa'i mchi rjes dang // khros pa'i gnod sbyin rba ba rjes dang // ma mo rngam pa'i spar rjes dang // 'byung po rkun bu'i 'joms dang // gdug pa klu yi rgyun srang dang // skyon can rgyu ba'i lam srang dang // zhang blon gdug pa'i 'chag sa dang // kha na ma tho'i 'dun sa dang // nyen dang 'brel ba'i gnas rnams ni// sbrul gdug phang du 'ong ba ltar// wa yi brtul zhugs chen po yis// lo yis zhugs te rab tu spangs// zhes gsungs so// de la 'di ni sa blang ba'i las te/ de nas bslang ba'i las rnams kyang // mngon dang mi mngon bdag po la// rtsod pa nye bar zhi bya'i phyir// ser sna spangs pa'i sems kyis ni// rin dang bden pas pa sgo la bslang // zhes gsungs so// de la 'di ni sa gzung ba'o// de nas slob dpon bdag nyid kyis// rdo rje dril bu ldan bzhin du
- 32b
rtse gsum 'gros kyis kun tu bskor// khros pa hUM gi nga rgyal bya// dngos grub bar du gcod pa'i bgegs// dengs shig ces ni bsgo ba dang // seng ldeng phur pa sor brgyad pa// khro bor byin rlabs gdab par bya// zhes gsungs so// de la 'di ni sa'i lha mos sbran pa'o// de nas dbang gyur lha mo de// spyan drang bskyed dang gnyis med par// mchod pastod tshul bzhin byas nas ni// bdag cag rnal 'byor sgrub pa po// bdud btul mngon par rdzogs pa'i tshe// rutra tshogs kyis rgol ba la// dge ba'i las kyis don drangs te/ bdag cag sa la bgrod pa'i tshe// r+yA tA'i rgol ba byung ba na// spyan ldan de la dbang bcol lo// zhes gsungs so// de la 'di ni rtags brtag pa// mtshan mas mtshan ma gzhom pa'i phyir// ro lnga'i mtshan nyid brtag par bya// dge ba'i rtags ni dngos grub myur// gal te shis par ma gyur na// thabs la mkhas pas spong bar bya// yang na sbyin sreg bya bar brtag/ ces gsungs so// de la 'di ni rin po che gter du sba ba'o// gnas de bsod nams gter ldan phyir// rin chen lnga dang sman lnga dang // spos lnga 'bru lnga snying po lnga// ga'u'i nang
- 33a
blug nas ni// sa gzhi gter dang ldan par bya// zhes gsungs so// de la 'di ni sa sbyang ba'o// sa zhag spros chen rnam lnga yis// khu ba bsres nas kun tu ni// gru bzhi'i dbyibs su legs byas te// ba ko tsam du skyang nul bya// de nas dkyil 'khor lha tshogs kyi// sngags dang phyag rgyas sbyang bar bya// des kyang dngos po kun sbyangs te// rgyal ba'i bzhugs gnas rang bzhin du// ting nge 'dzin gyis sbyang bar bya// zhes gsungs so// / de la 'di ni sta gon la gnas pa'i cho go'o// de nas lha rnams ji snyed pa// rang bzhin kun rdzob spyan drangs te// smos kyi dkyil 'khor lha grangs bzhin gdan sar byas te mnyes mchod la// lan cig gshegs zhes sta gon bya// de la 'dus pa'i sems can kun// bsang dang snying khar brab pa dang // ku shwa brim dang bsrung skud gdags// so shing brims te rmi ltas gdab// mchod pa'i yo byad ji snyed dang // rgyan du 'os pa'i rnam pa kun// tshang bar bsags te byin gyis brlab// 'dus pa'i sems can de dag kun// chos gtam rim pas dbugs phyung ste// gsang sngags che ba'i yon tan bshad// ces gsungs
- 33b
so// de la 'di ni dkyil 'khor bri ba ston to// rig byed dag gi yan lag las// dus rnams shes par bya ba ni// bkra shis lha yi nyi ma dang // 'byor dang dus tshod bzang ba ni// mtshan ma'i rtog pa yin mod kyang // brtags na dngos grub mtshan ma 'byung // zhes gsungs so// de la 'di ni thig gadrab pa'i cho ga'o// tshon dang thig skud rnam lnga la// sangs rgyas lnga yis byin rlabs te// sprul pa'i 'phro 'du rgyun mi gcad// spos sam lce po ga nag po yis// dud pas rgyun mi gcad pa bdug/ khros pa sa drag po ji sngags zlos shing // khro bo khro mo'i stobs kyis bskor// ba da bar gshegs pa'i thugs dam bskul// thig skud gsar pa gtsang ma 'am// gsang ba'i lcang lor 'khyil mangs sam// rdo rje'i rgyun thag la sogs la// yum gyi grangs dang 'thun par bsgril// rdo rje rtse lnga'i lu gu rgyud// byang chub sems su byin brlabs te// thig g.yog las kyi sems ma ste// mtshan ldan byin gyis brlabs nas ni// phyag rgya gar dang bcas nas ni// rang bzhin dkyil 'khor ga na ma thig gdab// de nas sa thig gdab pa yang // 'dul ba'i dbang gi
- 34a
bye brag las// maN+Dal tshad ni nges pa med// sor bzhi nas ni brtsamus nas su// ji srid dpag tshad thug par ro// de yi sngags ni 'di brjod do// oM dz+nyA na tsakra su ta ma ti kra ma/ zhes gsungs so// de la 'di ni tshon dgye ba'i cho ga'o// de 'og tshon dgye'i bye brag kyang // rang bzhin kun rdzob ci 'dra dang // ting 'dzin dkyil 'khor ci 'dra bar// brnyan ma yang ni de 'drar bri// tshon sna 'bras dang 'byung khungs sam// rdo kham rin chen dag las bya// sna gsum sna lnga dag dang ni// rin chen phung po'i tshon gyis ni// dbus kyi pho brang bskor ba yin// sgo la sna ltas bskor bar bya// phyag rgya gzhan la brkyang pas so// dkar dmar ser ljang nag po rnams// go rim de yis dgod par bya// gtso bo gzugs su rdzogs par bri// 'khor rnams phyag rgya drag tu bya// phal pa dag la yig 'brus so// zhes gsungs so// de la 'di ni dkyil 'khor gyi rgyan dgod pa'i cho ga'o// de nas bsgrub pa'i dkyil 'khor la// bla bre rgyal mtshan 'phan dang gdugs// bi wang gling bu gdab pa dang // rdza rnga mu kun rnga chen dang // da rda ra dang mu ra dza// dbyangs dang gar dang bzhad pa che// rol pa'i yo
- 34b
byad ji snyed kyang // dga' byed dkyil 'khor dag la brgyan// bum pa rnam pa sna tshogs kyis// gser dang dngul las byas pa la// ris dang 'thun pa'i gos kyis dkris/ me tog 'bras bus brgyan pa la// bdud rtsi lnga yis gang byas pa// sman dang rin chen 'bru rnam lngas// gang ba brgyad dam bcu drug gzhag/ dkyil 'khor bdag po mngon bsngags pa'i// rnam rgyal bum pa de bzhin du// dbus nyid du ni gzhag par bya// yang na bum pa'i sbyin pa ru// zla ba nyi ma dri chu dang // btung ba rab tu snum po dang // dbang po kun las byung ba rnams// sha srang gcig gis rab bsras pos// gang ba'i ban da de bzhin gzhag/ rmad du byung ba'i gtor ma dgra ma// de la sogs te mtha' yas mchog/ ci rigs rnams kyis mdzes par bya// zhes gsungs so// de la 'di dag ni 'phel sdud kyi las spyir bstan pa'o// de nas sngags pa mnyam gzhag ste// ting 'dzin dkyil 'khor gsol bar sgom// gsal ba gnyis min dkyil 'khor du// rang bzhin kun rdzo spyan drangs dang // dbab dang gzhug dang brtan pa dang // mi g.yo dam tshig zil gnon dang // phyag btsal mchod pa rdzogs pa dang // gsang ba mchog gi dkyil
- 35a
'khor du// 'jug dang dngos grub stsol ba dang // dbang bskur ba yi las rnams bya// des ni tshe 'di nyid la yang // sangs rgyas nyid kyang thob 'gyur na// dngos grub gzhan lta smos ci dgos// zhes gsungs so// 'phags pa rgyud kyi rgyal po chen po ye shes rngam pa glog gi 'khor lo'i mdo zhes bya ba las/ gzugs brnyan gyi dkyil 'khor rnam par phye ba'i le'u ste bdun pa'o// // de nas bcom ldan 'das gsang ba mchog gi bdag po des chos thams cad lhun gyis grub pa'i phyag rgya las mi 'da' ba zhes bya ba'i ting 'dzin la snyoms par zhugs so// zhugs nas kyang phyag rgya dam pa'i mtshan nyid rnams nyid kyi sku dang / gsung dang / thugs rdo rje las phyung ngo // gsang sngags phyag rgya mtsho chen 'di// phyag rgya bsam yas ji snyed pa// mdor bsdus rnam pa bzhi ru 'dus// dang po phyag rgya chen po ste// gnyis pa dam tshig phyag rgya yin// gsum pa chos kyi phyag rgya ste// bzhi pa las kyi phyag rgya'o// phyag rgya chen po sku yi rgya// rang bzhin chos sku dngos med rgya// gzugs sku mtshan ma'i rgya zhes bshad// gzugs sku rang bzhin kun rdzob dang / bsgom dang bskyed pa yin par bshad// gnyis pa'i rgyal gsum yod de// bsgom dang gzung dang bcing
- 35b
ba'o// bsgom pa dam tshig gzung nyid de// gsal ldan ma'am byin rlabs pa'o// gzung ba thugs mtshan nyid gzung ba'o// dam tshig lag rgya bcing bar ba shad// yang na so so gtso gzung rnams// sbyor thabs phyag rgya nyid yin no// gsum pa'i rgya la'ang gsum yod de// rang bzhin bsgom dang bzlas brjod do// rang bzhin chos kyi phyag rgya ni/ chos kyi dbyings su rgyal bas gsungs// bsgom pa mtshan ma'i yig 'bru dag/ lce steng snying kha mkha' sogs su// mtshan ma'i rnam par gsal ba'o// rtsu ba bskyed dang bzlas pa yi// snying po'i tshig brjod brjod pa'i rgya// bzhi pa las kyi phyag rgya la// rnam pa gsum du dpa' bos gsungs// bsgom dang 'phro 'dub cing ba'o// las kyi lha yi rnam 'byor gang // bsgom pa bsgom pa las kyi rgya// lta ga 'og mkha' 'am thugs ka nas// rnam bzhi las kyi 'phro 'du ni// 'phro 'du las kyi phyag rgya'o// lag rgya bcas dang stangs tshul rnams// bcing ba las kyi phyag rgyar bshad// lag rgya dam tshig phyag rgya rnams// rang gi sku ru rnam bsgoms nas/ bcings shing mkha' las rnam dgrol nas// sdig pa kun las rnam grol zhing // sangs rgyas nyid kyang thob 'gyur na// dngos grub gzhan lta smos ci dgos//
- 36a
bdag nyid phyag rgya cher bsgoms pa// dbu ni rnam par snang mdzad rgya// lag g.yas rdo rje sems dpa'i rgya// lag g.yon rin chen 'byung ldan rgya/ rkang pa g.yon pa snang mtha' yas// rkang g.yas las kyi sems dpa'i rgyu// yan lag rigs kyi dkyil 'khor bas// sku la skyod thams cad phyag rgya yin// sor mo rnams la bsgom bya ba// gung mo gnyis la oM dang laM// mdzub mo gnyis la hU dang mu// dbang po gnyis la swa dang ma// chung ngu gnyis la aM dang baM// sbom po gnyis la ha dang ta// g.yas pa'i 'bru gdan nyi ma ste// g.yon la zla ba'i dkyil 'khor ro// oM dang mu du rtse sbyar te// de bzhin hUM dang lam du sbyar/ ha dang paM yang de bzhin te// AM dang ta du sbyar ba las// rgyab sbyar sde dang maM bsgrengs pa// 'di ni yab kyi spyi phyag rgya// lag pa thal mo sbyar ba las// oM dang mA sbyar hU dang ni// la sbyar sro dang paM du sbya rau// aM dang maM sbyar hi ta ba sgreng // yum gyi spri rgya yin par ba shad// rdo rje khu tshu ra snying khar bcangs// au bsgrengs rtse mo 'khor lo 'bar// rin chen dril ga sil chos la bstan// 'dzum pa'i mdangs dang bcas pa ni// rnam snang mdzad kyi rgya chen yin// rin chen khu tshur snying khar
- 36b
bcangs// la bsgrengs rtse la dril gsil 'bar// rdo rje thal mo lngas la 'khrel// 'dzum pa'i mdangs dang bcas pa ni// bde gshegs dbyings phyug ma yi rgya/ rdo rje khu tshur snying khar bstan// hUM bsgrengs rtse la rdo rje 'bar// rin chen dril gsil chos la bstan// 'dzum pa'i madrangs dang bcas pa ni// rdo rje sems dpa'i phyag rgya yin// rin chen khu tshur snying khar bstan// muM bsgrengs rtse la dril ga sil 'bar// rdo rje thal mo las la 'khril// 'dzum pa'i mdangs dang bcas pa ni/ rdo rje dbyings phyug phyag rgya yin// rdo rje khu tshur snying khar bstan// traM bsgrengs rtse la rin chen 'bar// rin chen dril ga sil chos la bstan// 'dzum pa'i mdangs dang bcas pa ni// rin chen 'byung ba'i rgya chen yin// rin chen khu tshur snying khar bstan// maM bskrangs rtse la dril gsil 'bar// rdo rje'i thal mo las la 'khril// 'dzum pa'i mdangs dang bcas pa ni// rin chen dbyings phyug phyag rgya yin// rdo rje khu tshur snying khar bstan// a bsgrengs rtse la pad+mo 'bar/ rin chen dri la gsil chos la bstan// 'dzum pa'i mdangs dang bcas pa ni// snang ba mtha' yas phyag rgya yin// rin cha na khu tshu ra snying kha ra ba stan// saM
- 37a
bsgrengs rtse la dril gsil 'bar// rdo rje'i thal mo las la 'khril// 'dzum pa'i mdang sa dang bcas pa ni// pad+ma'i dbyings phyug phyag rgya yin// rdo rje'i khu tshur snying khar bstan// ha bsgrengs rtse la ral gri'abar// rin chen dril gsil chos la bstan// 'dzum pa'i mdang sa dang bcas pa ni// don yod grub pa'i phyag rgya yin// rin chen khu tshur snying khar bstan// taM bsgrangs rtse la dril ga sil 'bar// rdo rje'i thal mo las la 'khril// 'dzum pa'i mdang dang bcas pa ni// las kyi dbyings phyug phyag rgya yin// rdo rje'i rdo rje thugs ka nas// rin chen dril ga sil chos la bstan// 'dzum pa'i mdangs kyi sa lta ba ni// lag na rdo rje'i phyag chen yin// rin chen gar stabs bskor nas su// rdo rje'i thal mo las la 'khril// 'dzum pa'i mdangs kyis 'dud pa'i tshul// gar gyi / phyag rgyar dpa' bos bshad// rdo rje'i thugs kar rin chen 'dzin// rin chen dril gsil chos la bstan// 'dzum pa'i mdangs kyis ltas nas ni// sa yi snying po'i phyag rgya yin// rdo rje rin chen khu tshur bcangs// dku yi thad kar 'dzin pa dang // 'dzum pa'i mdangs kyis 'dud pa ni// sgeg mo'i phyag rgya yin par
- 37b
bshad/ rdo rje ral gri thugs ka nas// rin chen dril gsil chos la bstan// 'dzum pa'i mdangs kyis lta ba ni// nam mkha'i snying po'i phyag rgya yan// rdorje rin chen rna lhag gzhag/ rin chen 'phrang ba gzung nas su// 'dzum pa'i mdangs kyis 'dus pa ni// 'phreng ba'i phyag rgya yin par grags// rdo rje pad+ma'i thugs ka nas/ rin chen dril gsil chos la bstan// 'dzum pa'i mdangs kyis lta ba ni// spyan ras gzigs kyi phyag rgya yin// rin chen pi wa nga 'dzin par bya// rdo rjes len par byas nas ni// 'dzum pa'i mdangs kyis 'dud pa ni// dbyangs kyi phyag rgya yin par gsungs// rdo rje'i glu shing thugs ka nas// rin che ni dril gsil chos la bstan// 'dzum pa'i mdangs kyis blta ba ni// byams pa mai tri'i phyag rgya yin// rin chen bdug spos thugs kar 'dzin// rdo rje las la rab tu 'khril/ 'dzum pa'i mdangs kyis 'dud pa ni// bdug pa'i phyag rgya yin par bshad// rdo rje'i po ti thugs ka nas// rin chen dril gsil chos la bstan// 'dzum pa'i mdangs kyis lta ba ni// sgrib pa kun sel phyag rgya yin// rdo rje rin chen rna lhag tu// me tog snod bcas 'dzin pa la// 'dzum pa'i mdangs kyis
- 38a
'dud pa ni// me tog phyag rgya yin par bshad// rdo rje'i ut+pa la thugs ka nas// rin chen dril gsil chos la bstan// 'dzum pa'i mdangs kyis lta ba ni// 'jam dpal gyi ni phyag rgya yin// rin chen mar me thugs ka nas// rdo rje sems dpa'i las la 'khril// 'dzum pa'i mdangs kyis 'dud pa ni// mar me'i phyag rgyar dpa' bos bshad// rdo rje'i snye ma thugs ka nas// rin chen dril gsil chos la bstan// 'dzum pa'i mdangs kyis lta ba ni// kun tu bzang po'i phyag rgya yin// rin chen byug pa'i thugs ka nas// rdo rjes nyug par byed pa ni// dri yi phyag rgya yin par bshad// ni mgo gdengs pa gshed po'i rgya// rdo rje/ gnon pa stobs chen rgya// thod sbrul gnon pa rta mgrin rgya// rgya gram gnon pa 'khyil ba'i rgya'o// mdzub gnyis bkug pa lcags kyu'i rgyu// mdzub gnyis rtse/ sma da zhags pa'i rgya// mdzub gnyis 'khyud pa lu gu rgyud// bskyod par gyur pa 'bebs pa'o// pi wa nga len pa lha yi rgya// mi yi sreg par 'dzin pa ste// lha min phyag rgya go cha yin// chos kyi dkyil 'khor byol song rgya// za ma tog ni yi dgas rgya// me chu rnam gnyis dmyal ba'i rgya// yab kyi spyi rgya kun bzang gi'o//
- 38b
yum gyi spyi rgyu bzang mor bshad// yang na kun bzang yab yum gyi// rdo rje thal mo gnyis su bshad// bde gshegs rgyal la rdzogs skyil lo// sems dpa' rnams pa sems dpa'i skyil// 'joms dang thub pa langs te bcings// zhes gsungs so// 'phags pa rgyud kyi rgyal po chen po ye shes rngam pa glog gi 'khor lo'i mdo zhes bya ba las/ phyag rgya'i mtshan nyid bshad pa'i le'u ste brgyad pa'o// // de nas smra ba'i seng ge byed pa po rdo rje kun tu bzang pos 'di skad ces gsol to// bcom ldan 'das gsang ba mchog gi bdag po/ he ru ka rnams kyi dkyil 'khor ji lta bu lags/ bdag cag rnams la bshad du gsol/ gsang ba mchog gi bdag po rnam par bshad du gsol/ zhes gsol ba btab pa yas/ bcom ldan 'das gsang ba mchog gi bdag po des/ de bzhin gshegs pa thams cad kyi khro bo rnam par 'phro ba'i rgyal po ye shes rngam pa'i glog ces bya ba'i ting nge 'dzin la snyoms par zhugs te/ de nyid kyi sku khro bo chen por mngon par 'du mdzad de// de ci'i phyir zhe na/ 'jig rten na dregs pa chen po la sogs pa'i gdug pa'i dbang du 'gro ba rnams gyur te/ khams gsum 'di na de bzhin gshegs pa'i gsung rab
- 39a
'od byung / 'as pa / gang+gA l+h+wa na sa s+hog sa sa// so sa po rnan bla / gdug pa'i sems dang / 'dod chags zhe sdang gti mug gis bsgribs pa/ gtum zhing 'khrugs pa dang / gzhan gyi srog dang sems 'phrog pa dang / mi dge ba bcu'i las kyis nyon mongs pa dang nye ba'i nyon mongs pas gzhan la gtses pa dang / gcig sha gcig za ba dang / log pa'i lam la gnas pa'i 'jig rten gsum po 'di brlag go zhes/ sngon gyi smon lam gyi stobs la gnas pa'i de bzhin gshegs pa rnams dang / gsang ba mchog gi bdag po chen pos rnam par gzigs nas/ nyid kyi sku dang / gsung dang / thugs rdo rje las khro bo'i dkyil 'khor gyi glog rnam par 'phro ba 'di phyung ngo // oM badz+ra ma hA tsan d+ha sarba duSh+TAn ta ka ha na da ha pa tsa[:]bi shA kro d+ha dz+wa la ma 'da' la/ phaT phaT ha la ha la/ 'di phyung ma thag tu khro bo chen po'i mthus/ kham sa gsum 'di dag thams cad g.yos/ rab tu g.yos kun tu rab tu g.yos/ bur 'ur/ rab tu 'ur 'ur/ kun tu rab tu 'ur 'ur ro// shig shig/ rab tu shig shig/ kun tu rab tu shig shig go/ ga tor gta
- 39b
rab tu gtor gtor/ kun tu rab tu ga to ra ga tor ro// lha dang / klu dang / gnod sbyin dang / dri za dang / lha ma yin dang / nam mkha' lding dang / srin po la sogs pa rnams 'khrug pa chen por gyur to// de nas 'jigs pas nyen pa de dag brgya byin la skyabs su song // brgya byin kyang 'jigs pas nyen te tshangs pa'i thad du phyin/ tshangs pa yang khyab 'jug gi thad du song / khyab 'jug kyang dbang phyag chen po'i thad du song ste/ dbang phyag chen po rang gi mthu yod pa ston cing / lA rnams ma skrag/ klu rnams ma skrag/ gnod sbyin dang / lha min dang / 'khor du gtogs pa ma skrag cig/ nga'i mthu 'di la gzhan gang gis kyang brdzi bar mi nus so// zhes zer zhing spro bsrings so// kA ye brgya byin dang / tshangs pa dang / khyab 'jug rnams khyed kyang 'jig rten gyi mthu cha ba'i chen po yin na/ rang rang gi mthu dang rdzu 'phrul ci yod pas/ rang rang gi 'khor gdug pa de dag dbugs phyung bar mdzod cig ces bsgo'o// de nas brgya byin dang / tshangs pa dang / khyab 'jug rnams kyis de ma thag tu rang rang gi mthu ci yod pa ston cing / rdo rje'i skad dang gad mo drag po 'byin cing / rang rang gi 'khor rnams la ma skrag ma skrag cig/
- 40a
bdag cag gi mthu 'di lta bu gzhan gang gis kyang zil gyis gnon nus sam/ zhes 'dzer zhing spro ba srings so// de nas bcom ldan 'das ye shes rngam pa'i rgyal po chen po des/ de bzhin nyid kyi dbyings nas yum rngam pa kro ti'i rgyal mo mngon par phyung ste/ hi hi dgyes pa'i gzi mdangs kyis rol pa'i dgyes pa thim par mdzad nas/ byang chub kyi sems kyi sprin las/ phaT phaT badz+ra kro ta dz+wa la ma 'ang la ha la hA la/ zhes pas/ stong gsum khro bo 'chol bas gang bar gyur to// bcom ldan 'das dgyes pa chen po nyid ni dbu dgu/ phyag bco brgyad/ zhabs rnam pa brgyad pa'i rnam par snang ngo // de nas dgyes te/ hUM hUM hUM/ zhes parjod pas/ dbu dgu phyag bco brgyad las 'dul ba'i dbang gis/ dbu gsum/ phyag drug/ zhabs bzhir gyur te/ khrag gi rgya mtsho 'khrug pa'i dkyil na keng rus chen po'i ri rab kyi stengs na rnam par gnas so// khro bo 'chol pa de dag gis kyang phyogs bcu'i dregs pa ji snyed pa kun bsgral te slar 'dus nas/ la la ni rdo rje khrag 'thung chen por gyur te/ brgya byin 'khor dang bcas pa bsgral/ la la ni rin chen khrag 'thung du gyur te/ tshangs pa 'khor dang bcas pa bsgral/ la la ni pad+ma khrag 'thung du gyur te/ ma hA de wa 'khor dang
- 40b
bcas pa bsgral/ la la ni las kyi khrag 'thung du gyur te/ khyab 'jug 'khor dang bcas pa bsgral to// khro bo de dag gis dregs pa de dag gi nang khrol kun drangs/ khrag kun 'thung rus pa kun 'chos so// de nas dgyes te/ oM ru lu ru lu dzA dz+wa dzA/ zhes brjod pas/ dbang phyug chen mo bcu gnyis dang / brgyad kyi 'khor tshogs ma khrus pa yud tsam gcig gis 'dus par gyur pa ni/ dper na khab len la lcags 'du ba'i tshul lo// bcom ldan 'das dpal chen po nyid kyi sku la rnam pa brgyad kyi sa 'khril ba'i tshul du gnas so// khrag 'thung bzhi la yang rnam pa lnga lngas 'khril pa'i tshul gyis rnam par gnas so// de nas dgyes te/ ha ha zhes brjod pas/ byang chub kyi sems kyi sprin las/ dkar mo'i tshogs dang / rkun mo'i tshogs dang / dbus mo'i tshogs dang / gtum mo'i tshogs dang / rmongs mo'i tshogs dang / thal byed ma'i tshogs dang / smye sha can gyi tshogs dang / ma mo'i tshogs rnams thon to// de nas yang dgyes te/ he he zhes brjod pas/ byang chub kyi sems las/ seng gdong gi tshogs dang / stag gdong gi tshogs dang / gdong gi tshogs dang / khyi gdong gi tshogs dang / bzhad gdong gi tshogs dang / dur bya gdong gi tshogs dang / bya rog gdong gi tshogs dang / 'ug gdong gi tshogs rnams thon to//
- 41a
de nas yang dgyes te/ phaT ces brjod pas/ byang chub kyi sems las/ rta gdong gi tshogs dang / phag gdong gi tshogs dang / seng gdong gi tshogs// dang sbrul gdong gi tshogs rnams thon nas/ nyi shu rtsa brgyad 'khor dang bcas pa rnams rang rang gi gnas ga la ba der yud tsam gyis phyin par phaT ces spros so// de'i tshe 'jig rten gyi khams mtha' yas mu med pa rnams na dregs pa gang ji snyed yod pa thams cad tshul ji ltar 'dul ba dang / thabs cis 'dul ba sna tshogs kyis bcom ldan 'das/ kyi mthus btul bar gyur to// de nas bcom ldan 'das kyis/ khro bo de dag la dregs pa'i sems can de dag slar ga sos shig ces bka' stsal to// khro bo de dag gis gsol pa/ bcom ldan 'das nyid kyis gso bar gsol zhes gsol pa dang / bcom ldan 'das kyis khro bo de dag gcig tu hU zhes bya bas bsdus te/ dbu dgu phyag bco brgyad pa'i tshul du rnam par gnas so// de nas ye shes rngam pa'i rgyal po des phyag bco brgyad rnam par bsnol te btsir bas mi gtsang ba'i 'dam chen por 'khyil to// de nas bdud rtsi 'byung ba'i ting nge 'dzin la snyoms par zhugs nas/ bdud rtsi 'byung ba zhes bya ba 'di gnam nas rnam par phyung ngo // oM badz+ra a mr-i ta ma hA kro d+hi shwa ri/ u
- 41b
pri dzaHu pri dzA/ badz+ra a mra te hA a/ de nas khro mo bdud rtsi chen mo da smin ma bsgyur zhing shin tu rngam pa'i ba gad pa sa/ ru lu ru lu khA hi khA hi/ zhes ba dud rtsi ra bsgrubs te gsol bas/ gdug pa thams cad snga ma bzhin du rang rang gi lus sos par gyur te sems dran nas/ dpal ye shes rnga ma pa'i rgyal po'i sku dbu dgu brgya/ phyag stong brgyad brgya zhabs brgyad brgya ra gnas shing / yab la khro bo brgya rtsa brgyad lhun gyis grub par mthong ngo // yu ma la ni khro mo brgya rtsa brgyad lhun gyis grub par mthong ngo // 'phra men ma nyi shu'i tshogs kyang shin tu rngam pa'i gzugs kyis rang rang gi stan dang lag char gnas par mthong nas shin tu ngo mtshar du gyur te/ zhum pa'i nga ros gsol ba ba tab pa/ bdag cag 'khor dang bcas pa rnams// rnga ma chen rgyal po'i 'bangs su mchi// 'bangs su nan tan ma bgyis na// mgo lus snying yang rul nas ni// gtso ba sregs gnas su 'bod 'grog shog/ bdag cag rnams kyi ma dang sring // mchis brang dang ni bu mo rnams// 'bar ba'i dkyil 'khor ba zhes su gsol// bdag cag rnams kyi mgo gcad la/ 'bar ba'i dkyil 'khor rgyan du ba zhes// bdag cag rnams kyi snying phyung la// dpal chen nyid kyi zhal du gsol// bdag cag rnams kyi pags pa shus la
- 42a
dpa' bo chen po'i sku la mnabs// a la la ho/ zhes gsol ba btab ste/ la las ni rang gi lus gdan khrir phul lo// la las ni rang gi mgo gcad nas 'bar ba'i tshogs kyi zhul bur phul lo// la las ni snying phyung ste zhal du gsol// la las ni rang gi pags pa ba shus te sku la g.yang gzhir gsol lo// dbang phyug chen mo rnams ni dpal chen po'i sku la sbrul ltar 'khril lo// des dregs pa'i tshogs rnams kyang shes bya'i sgrib pa byang ste/ bden pa mthong nas dam tshig dang ldan par gyur to// de'i tshe 'dus pa'i 'khor tshogs rnams kyang rab tu spro ba'i sems kyis rdzu 'phrul rnam pa du ma/ la las ni 'jig rten gyi khams rgyang mar 'phen/ lnga las ni ri rab klad la bskor/ la las ni ri rab zhabs 'og tu mnan/ la las ni 'jig rten gyis rnam pa drug tu g.yo ba la sogs pa'i cho 'phrul rnam pa du ma ston cing a la la zhes pa'i sgra rnam par 'byin to// de nas bcom ldan 'das gsang ba mchog gi bdag pos/ 'jigs byed kyi tshogs kyi dkyil 'khor chen po 'di/ nyid kyi sku dang / gsung dang / thugs rdo rje las phyung ngo // dur khrod chen po'i gnas chen du// rak+Sha dba' rlabs 'khrug pa'i dkyil// keng rus ri rab 'bar
- 42b
ba'i stengs// me 'bar bsregs pa'i glong dkyil na/ dur khrod 'bar ba'i gzhal yas khang // tshad dang rgya yongs ma chad pa/ phyi nang med par gsal ba'i 'od// 'khor lo 'bar ba'i rtsibs bzhi pa// gru chad 'bar ba bzhis brgyan cing // gru bzhi sgo khyud 'bar bas mdzas// bar khyams gnyis ni 'bar bar gas la// nyi zla sbrul dang thod pas brgyan// khyu mchog dang ni ma he gzig/ stag dang gtum thung dom dag gis// sder mos dregs pa brgya byin dang // tshangs pa dbang phyug bzung ba yi// ga dan chen rnams kyang gsal ba'o// dbus su 'jigs byed chen po ni// smug nag chen po 'jigs pa'i gzugs// dbu dgu phyag kyang bco brgyad de// spyan ni 'bar ba nyi shu bdun// zhabs brgyad mthur du bltams pa'o// rtsub pa'i phyag mtshan bskal par thogs// rdo rje'i gshog pas phyogs bcur ba ltams// dur khrod rgyan gyis ra ba tu bzhugs// btsun mo rnga ma pa kro ti yang // cha lugs 'jigs byed chen po ltar// de yi phyogs kyi khro bo ni// khrag 'thung rdo rje rin chen dang // pad+ma las kyi he ru ka/ kun kyang dbu gsum phyag drug ste// zhabs bzhi dag tu rnam par bgrad// kr-i ti'i tshogs kyis rnam
- 43a
par 'khril// 'khor lo 'bar ba'i rtse mtshan la// dkar mo la sogs ral pa can// rang stan lag char chas te gnas// phyi rol shar gyi phyogs dag nas// seng gdong la sogs mgo brnyan tshogs// stan dang lag char de bzhin chas// sgo srungs gdong mo la sogs gnas// rang gi lag mtshan stan dang chas// 'bar ba'i bar khyams gnyis pa la// rdo rje srin po khro bo bcu// hUM chen rnam rgyal dbyug sngon can// gshed po mi g.yo rta mgrin / rgyal/ gzhan gyis mi thub bdud rtsi 'khyil// khams gsum rnam rgyal stobs po che// de dag rnams dang gnyis med pa li// rdo rje srin mo khro mo bcu/ rlung 'byin snyems ma sder mo dang // dur khrod gtun khung gtum mo dang // mnga' snyems sgra 'byin gsod ma dang // skul byed rnams kyis rnam par 'jil/ kun kyang zhal gsum phyag drug ste/ zhabs drug rdo rje brag stengs na// 'jig rten skyong ba btung tshul lo// de dag rnams kyi bka' sdod ni// rdo rje 'phra men gtum bag can// mchog shog 'bar ba'i tshogs dang 'khor// slas dang byi mo bran mo dang // ci bgyi la sogs pho nya'i tshogs// phyi rol mu ran dag la
- 43b
gnas/ zhes gsungs pas/ snang srid thams cad khro bo'i dkyil 'khor du gyur to// de nas bcom ldan 'das 'jigs byed chen pos gsung gi dkyil 'khor chen po 'di nyid kyi sku dang / gsung dang / thugs rdo rje las phyung ngo // oM bruM bi shwa bi shud+d+ha dz+nyA na tsakra bru/ oM au o o au/ ba ba ba ba ba/ dz+ra dz+ra dz+ra dz+ra dz+wa/ ma mA ma ma ma/ hA hA hA hA hAbud+d+ha/ badz+ra/ rat+na/ pad+ma/ karma/ shrI sh+la shrI shrI shrI/ he he he he ha/ ru ru ru ru ru/ ka ka ka ka ka/ hU hUM hUM hU hU/ phaT phaT phaT phaT la/ o o au o o/ ba ba ba ba g+hA dz+nyA dza dz+ha dzA dzA/ bud+d+ha/ badz+ra/ rAN+Da/ pad+mA/ kam+be/ kro kra krak+ShA kr-i/ d+hISh+Tha/ shA shA shwa sha shAr-i r-i ri re ri/ babab babab ba ba/ dzadz+nyA dza dza dza dz+nyA dzad+hA/ ko'u ri/ tso'u ri/ pra mo ha/ be ta li/ pu ka si/ kasmA hri/ smA sha ni/ tsa da li/ ha ha ha ha ha ha hA hA/ ba ba ba ba ba ba ba ba/ dz+ra dz+ra dz+ra dz+ra dz+ra dz+wa dz+ra dzA/ sing ha/ bya g+h+ri/ sri la shwa na/ gre d+ha/ kang ka/ kha kha/ ul+lu/ mu mu mu mu mu mu mu mu/ kha kha kha kha ga ga kha kha/ he he he he he he he he/ ba ba ba ba/ dz+ra dz+wa dz+ra dzA/ ar+ya de tsa te nga/ a mu ka/ lo ka/ bas smi ba la ya ba daM/ dza bu bo bo// babababab babab bab/ dza dra dza tradza dz+ra dz+ra dza dz+ra dz+ra/ kro kro kra kr-i kro lo po gro tha kr-i/ rAng+ga ng+gang+ga ng+ga d+hang+ga d+ha d+ha d+ha/ mu ka ra/
- 44a
dza ya/ nI la dar+dz+dza/ ya mA ni ta ka/ Ar+ya a tsa la/ ha ya gra wa/ a pa rA dzi ta/ a mr-i kakuN+DA li/ trai lo ka bi dza yA/ ma hA ba la/ hUM hUM hUM hU~M rgyur+m+ma d+hu rbu r+g+haM/ phaT dzaT phaT phaT phaT phaT la pha phaT phaT/ babab ba ba babab pa ba/ dza dz+ra dza dra dz+ra dra dza dza dzA dzA/ kro kra kr-i k+Sha kak+Sha k+Sha kro kro kro/ d+hId+h+r-id+hId+hId+h+r-i d+hId+hI d+h+r-idz+haiM/ gau ti sa la bya ka/ pra ti dz+ra/ ta na ba ti/ mu ha la/ tsan+ta re ya ti/ sha s+ya ya ti/ ya ba ti/ ma ra na/ tsu na Da mu ne/ hUM hUM hU hUM hu hUM hUM hUM hUM hUM/ phaT phaT phaT pheT phaT phaT phaT phaT phaT phaT/ b+h+yo b+h+yo b+h+yo b+h+yo b+h+yo b+hU b+h+yo/ b+h+yo b+h+yo b+h+yo b+h+yo b+h+ya b+h+yo b+h+yo/ b+h+yo b+h+yo b+h+ya b+h+yo b+h+yo b+h+yo b+h+yo/ d+h+r-i n+tu b+hU b+hU D+D+h+ya d+hAb+h+yo/ ru lu ru lu ru lu/ hU hU hU/ phaT phaT phaT/ ces gsungs pas/ phyogs bcu'i 'jig rten tham/ cad gsung gi dkyil 'khor du gyur to// 'phags pa rgyud kyi rgyal po chen po 'i shes rngam pa glog gi 'khor lo'i mdo zhes bya ba las/ 'jigs byed chen po'i dkyil 'khor bstan pa'i le'u ste dgu pa'o// / de nas bcom ldan 'das 'jigs byed chen po ye shes rngam pa'i rgyal po des/ stang stabs kyis rnam par rgyal ba'i rgyal po zhes bya ba'i ting nge 'dzin la snyoms par zhugs nas/ stang stabs 'di dag nyid kyi sku dang / gsung dang / thugs rdo rje las phyung ngo // chos kun mnyam pa'i ngang rtogs na//
- 44b
bskul zhing bsreg pa thams cad kun// phyag rgya yin zhes dpa' bos gsungs// rang gi lha yi ting 'dzin gyis// stang stabs 'di la gang gnas pa// sangs rgyas nyid kyang skrag 'gyur na// dregs pa'i tshogs lta smos ci dgos// lag gnyis thal sbar spyi gtsug gzhag/ rkang gnyis ma thil spu rtse mo btsugs// go mtshon rdo rje'i snying por bsgoms// rtse gcig rtse gsum rtse lnga dang // rtse dgu bcu gcig rdo rje ra bsgoms// sa stengs kun tu mchod byas pa// 'jigs byed chen po'i phyag rgya yin// / de nyid g.yon gyi phyogs nas mchong // 'jigs byed chen mo'i phyag rgyar bshad// lag g.yas gung mo snying por bya// lhag ma rtse bsdus rdo rje'i tshul// g.yon pa/ ban da ltar byas nas// dkrugs nas zhal du gsol ba ni// rdo rje khrag 'thung phyag rgya yin// g.yas kyi gtso la 'khyud tshul du// g.yon pa rak+ta stob pa ni// rdo rje kro d+hi kun gyi rgya// lag pa g.yas pa brkyang byas te// gung mdzub srin lag rtse gsum tshul// mthe bos mthe'u chung gnan par bya// g.yon pa dung dmar rak+ta 'thung 'di ni rin chen khrag 'thung rgya// de nyid gung mdzub srin lag gshi bas// ral gri gdengs pa ltar byas pa// pad+ma khrag 'thung phyag rgya yin// de nyid g.yas pa khu
- 45a
tshur bcangs// mthe bong gung mo mthe'u chung rnams// so sor brkyang brgya gram tshul// las kyi khrag 'thung phyag rgyar bshad// khrag 'thung g.yas brkyang g.yon bskum tshul// kro d+hi g.yon brkyang g.yas bskums tshul// stabs su mchong ba dpa' bos bshad// g.yas pas khu tshur bcangs nas bsgreng // g.yon pas 'dzin pa ltar byas pa// g.yas dang g.yon du lta zhing bsgyur// ke'u ri tshogs kyi phyag rgya yin// mda' gzhu 'gengs pa'i tshul du ni/ 'bri tshugs mi 'gyur lta byed pa/ rkun mo'i tshogs kyi phyag rgyar ba shad// g.yas pa khu tshur phyar nas ni// mthe bong mthe'u chung brkyang bar byas// g.yon gyi 'dzin pa khro tshul lta// phra mo'i phyag rgyar dpa' bos bshad// g.yas kyi gung mo rtse mor brkyang // sor bzhi rtse bsdus rdo rjer phyar// g.yon pa dku ru lta ba ni// 'bri tshugs lta ba pe ta'i rgya/ g.yon pas nyon mongs gnan tshul la// g.yas pas rgyu 'dren za ba'i tshul// pu ka'i phyag rgya yin par bshad// g.yon pa dung khrag 'dzin pa la// g.yas pa 'khrug cing rnga ma tshul ston// kasma'i phyag rgya yin par grags// g.yon pas byis pa'i lus gnan nas// g.yas pas snying 'dren za tshul du// sgrol tshul lta ba
- 45b
sma sha'i rgya// g.yas pas mgo bcad phyar nas kyang // g.yon pas lus 'dzin stobs pas lta// tsan da'i phyag rgya yin par bshad// lag gnyis brang la bsnol nas ni// kha na ro thogs ral gsig pa// seng gdong tshogs kyi phyag rgya yin// lag gnyis thur du bsnol nas ni// zhing la 'bri tshugs mche ba gnyer// stag gdong tshogs kyi phyag rgyar bshad/ lag gnyis zhing khog kha phye nas// 'bri tshugs lta ba shwa na'i rgya// lag na spu gri thogs tshul du// g.yon pa rgyu ma gzung zhing za// 'di ni bzhad gdong tshogs kyi rgya zhing chen phrag la bkal nas ni/ keng rus 'thog pa ltar byed pa// dur bya gdong gi phyag rgya yin// g.yon pa b+hun d+ha ga yas pa gri// glo snying 'dren pa ltar byed pa// khA kha'i phyag rgya yin par ba sha da// g.yas pa rdo rje 'dzi na tshul la// lcags kyu sa 'dzin pa hu lu'i rgya// mdzub gnyis lcags kyu'i tshul du bya// rta skad 'tshar ba'i tshul byas pa/ rta gdong tshogs kyi phyag rgya yin// mdzub gnyis rtse sbyar phag gdong gis// tha rgod klog pa'i tshul ston pa// phag gdong tshogs kyi phyag rgya yin// mdzub/ gnyis lu gu rgyud du 'khyud// seng ge'i tshul du ral gsig pa// seng gdong tshogs kyi phyag rgya yin// lag gnyis rab tu bskyod bya zhing // phyogs bcur lta bar byed pa ni//
- 46a
sbrul gdong tshogs kyi phyag rgyar bshad// lag pa'i phyag rgya bcings byas shing // rkang pas 'jog tshul stabs su mchong // g.yas pa'i sdigs mdzub nam mkhar 'phyar// g.yon pa dku ru brtan pa ni// hUM che na ka ra'i phyag rgya yin// lag pa g.yas pa sder mo gdengs// g.yon gyis 'dzin pa rnam rgyal rgya// g.yas pa sor mo dbyug par brkyang // g.yon pa gar stabs skor byed pa// dbyug sngon can gyi phyag rgya yin// g.yas pa'i khu tshur nam mkhar phyar// g.yon pas gru mo brten pa ni/ gshin rje 'joms pa'i phyag rgya yin// g.yas pa'i gung mdzub srin lag brkyang // mthe'u chung mthe bos mnan pa phyar// g.yon pa'ang de bzhin shubs su bya// mi g.yo'i ral gri phyag rgya ra bshad// lag gnyis mthe'u chung lu gu rgyud// lhag ma khu tshur bcangs pa la// dpral ba'i thad kar gzung ba ni// rta mchog dpal gyi phyag rgya yin// lag gnyis khu tshur mdun du sprad// zhags pa'i tshul du drangs pa ni// gzhan gyis mi thub phyag rgya ya ne// lag gnyis khu tshur gyen du bsnol/ dril bu gsil tshul bdud rtsi'i rgya// lag pa g.yas pa khu tshur phyar// rdeg pa'i stabs su byas pa ni// khams gsum rnam rgyal phyag rgya yin// lag
- 46b
gnyis khu tshur thur du brkyang // gnon pa'i stabs su bgrang ba ni// stobs po che yi phyag rgyar bshad// gyad kyi dor stabs tshul du gnas// stabs su mchong ba khro bo'i rgya// srin mo rnams kyi phyag rgya yin// rkang lag gar stabs bsnol ba yin// yang na khro bo'i phyag rgya las// g.yas g.yon bzlog pa yin par gsungs// ci bgyi bka' nyan phyag rgya ni/ g.yas g.yon sor mo drag sprug pa'o// zhes gsungs so// 'phags pa rgyud kyi rgyal po chen po ye shes rngam pa glog gi 'khor lo'i mdo zhes bya ba las/ 'jigs byed rnams kyi phyag rgya bstan pa'i le'u ste bcu pa'o// // de nas bcom ldan 'das gsang ba mchog gi bdag po des/ bsnyen bsgrub rgyun gyi ting nge 'dzin la snyoms par zhugs so// zhugs nas kyang bsnyen bsgrub zab mo'i dkyil 'khor 'di dag nyid kyi sku dang / gsung dang / thugs rdo rje las phyung ngo // bsnyen bsku ba yan lag bsam yas kyang // dkyil 'khor dag ni thams cad la// rnal 'byor 'jug pa'i don gyi phyir// mdor bsdus rnam pa bzhir bshad do// thog ma bsnyen pa yin par ba shad// gnyis pa dag ni nye bsnyen pa// gsum pa bsgrub pa zhes su brjod// tha ma bsgra ba chen po zhes bya// bye brag tu ni shes byas la// de nas la sa rnams
- 47a
brtsam par bya'o// bsnyen bsgrub bye brag shes bya zhing // de la gnas pa rab tu gces// de dag mi shes mi gnas pas// bsgrubs kyang 'grub par mi 'gyur te// las rnams brtsams kyang don med 'gyur// de bas nan tan bskyed de bya// bsnyen pa'i ting 'dzin rab sbyor bas// byang chub sems ni shes par bya// nye ba'i bsnyen pa la gnas pas// bdag nyid phyag rgya chen por bsgoms// de yang gsang sngags bdag po nyid// rigs ma bskyed dang bskul bya ba// bsgrub pa zhes su rgyal bas gsungs// thabs dang shes rab 'brel ba las// rang gi lha yi rnal 'byor gzugs// gang yin rdo rje 'grub 'gyur ba// bsgrub po chen po zhes su bya// byang chub sems zhes bya ba yang // dam pa'i don gyi sems yin te// chos rnams thams cad dngos med par// rang gi sems kyis shes bya ba// bsnyen pa'i dam tshig yin par gsungs// bdag nyid phyag rgya chen po ni// sngags kyi bdag po'i cha lugs su// ting 'dzin nan tan khugs par bsgom// thams cad lha yi rang bzhin pas// bdag kyang lha yi mtshan nyid de// phyag rgya bzhi dang rnam ldan par// shes pa nye bsnyen dam tshig yin// rigs ma bskyed dang bskul bya ba'i//
- 47b
rten du bya ba'i shes rab ma// mtshan ldan bkra shis gsang ba'i gzungs// b+ha ga gsang ba'i pad+ma ni// rgyal ba rnams kyi pho brang ste// 'das pa'i sangs rgyas 'byung ba'i gnas/ da ltar sangs rgyas bzhugs pa'i rten// slad kyis 'byon pa gshegs pa'i shul// rnal 'byor ngo la de ltar snang // ma rtogs pa la 'khor ba'i lam// bsgrub pa rnams kyis bsgrub pa'i rten// rnal 'byor can gyis shes par bya'o// chen po lngas bsdus thams cad kun// ye nas yum du gnas mod kyi// mtshan ma bsgrub pa'i rnal 'byor pa// bsgrub phyir rigs kyi dbye ba bya// smin ma'i dkyus ring lag sor phra// tshigs pa zlu ma la sked skabs phyed// phra ba shad ut+pa la ngad ldang zhing // so dkar skra 'jam mthon mthing 'khril// maug ni zar ma'i me tog 'dra// skra mtshams 'khyug la mdog kyang gsal// sna gzong ska rings sems ma 'dra// lus drang nu ma'i dkyil na mtho// khong dal 'gro na 'jam pa dang // skad ni ngang pa'i rgyal po 'dra// cir yang mdzes pa'i stabs ldan pa// spyi yi rigs dang mtshan du bshad// bzhin dbyibs sogs ka mdog kyang dam ra// mig ring so thags rab tu dam// so la shel chags ko sko phra// lus la zhim pa'i dri 'byung ba// pad+ma can zhes bya
- 48a
byar bya shad// zla ba'i mdangs ltar dkar la gsal// gtsug phud g.yas 'khyil skad kyang cha// phongs chung / mdzes tshig tu snyan// dung ltar bzhin lus g.yas su 'khyil// dung can ma zhes bya bar bshad// 'dod pa che la brtul zhugs che// shes pa gsal zhing byad bzhin yangs// bu mo mig yangs zhes su bshad// sbas pa'i brda dang thabs la mkhas// phyi nang rlung kha ra gser ltar lci// rdig cing kun gyi drod mi 'don// don la gzhol zhing rtog pa med// zla gsang dkar dmar rlung khar lci// rigs dang mtshan du bshad pa yin// skra ni mthon mthing lcang lor bshad// srid du ring zhing phra la ltem// lcug phran mang pa'i 'dab rgyas pa/ ljon pa ma zhes bshad pa yin// phra zhing bshad la bzang ring ba// bcu gnyis nyi shu rtsa lnga'i bar// mu la rak+ta zags pa la// rdo rje mtshon gyis ma phog pa/ lcug phran ma yi rigs su bshad// ser mo gru bzhi skra yang kham// smin tshogs che zhing mig kyang 'bur// 'gram bslang ring la skra mtshams dma'// sha 'khos che zhing rna ba ring // kha na glang can zhes bya bar bshad// bzhin mdog gru gsum kha dog ga nag/ skra rtsub gyil la khro gnyer mang // ri mo can zhes bya bar bshad//
- 48b
skye rgyud med cing bkra mi shis// gcig pur 'dug pa sdong cig ma'o// yan lag thams cad mes tshig bzhin// bstan du 'phel ba'i rgyu med pa// me reg ma yi rigs su bshad// gzhan yang lha 'am lha min nam// gnod sbyin srin po la sogs pa// mdor na 'jig rten khams rnams na// mo yi lus can gang yang rung // yid du 'ong dang mi 'ong rnams// dngos grub bsgrub pa'i rten yin te// thugs rje'i yul bas kun snyoms bya'o// de dag gang rnyed byin gyis brlabs// de yi spyi bo'i gtsug tu ni/ zla dkyil muM las kun bzang mo// snying khar zla dkyil muM bsams te// yang ma'i spyan du bsgom par bya// lce stengs zla dkyil yi ge s+ya// gos dkar mo yi lte ba la/ zla dkyil maM las mA ma ki/ yan lag bzhi yi zla dkyil la// taM la sa sgrol ma'i phyag rgya gsal// lag g.yas lcags kyu'i sku ru bsgom// lag g.yon dril bu lcags sgrog kha// zhags pa pad+ma dag la'o// rdo rje thabs la ya ba rnams bsgoms// de ltar gsal bar gyur pa dang // b+ha ga'i dbyings su ma ri bsgom/ byang chub sems kyi 'phro 'du las// lhag pa ting 'dzin dkyil 'khor bsgom// gsal ldan ma 'am byin brlabs bya'o// mtshan ldan shes rab de dag
- 49a
la/ rin chen sna tshogs rgyan du gdags// gser gyi rna cha gdu bu dang // do shal dpung rgyan sa mo do// 'jam zhing gsar par byas pa yi// chas gos lnga dang ldan par bya// a ka ru dang du ru ka/ dri spos tsan dan sbyar ba yi// khrus kyi cho ga dag par bya// dri zhim byugs pas lus la byug/ rdzas kyi chu dang rdzas sbyar bas// nang yang dag pa'i khrus bya'o// de nas byang chub thugs bskyed de// mi dmigs don la blo sbyang phyir// skye med byang chub sems kyi don// rgya cher shin tu bshad par bya// snang srid phyag rgya'i dkyil 'khor du// lhun gyis grub pa'i yid ches bya// de nas bskul bar bya ba'i phyir// gsang ba'i brda yis bsre bar bya/ sa ma ya ho zhes brjod na// sa ma ya s+t+waM zhes bsre na// ra ga ya mi zhes brjod na// ra ho haM ni kyang zhes bya// ti pa pu ka zhes brjod na// ga na d+he tsi tA zhes pas mtshon// a ti su ho zhes brjod na// pra ti pu ho zhes pas mtshon// g.yas kyi smin ma rab bskyod na// g.yon gyi smin ma dag gis mtshon// de bzhin du brda sna tshogs kyis bsre'o// de nas bskul bar bya ba ni// shes rab nyi ma'i 'od zer gyis// thabs mchog zla ba'i 'od zer la// bskul ba'i cho ga 'di skad do//
- 49b
mi g.yo mchog gi rgyal po dgongs su gsol// rnam par rtog bral shin tu dri med sku// 'od zer zla rgyas 'dra ba'i mdangs ldan zhal// dgyes pa rol pa'i don la bzhengs su gsol/ thabs mchog zla ba'i 'od zer gyis// shes rab nyi ma'i 'od zer la/ bskul ba'i cho ga 'di skad do// 'byor ldan yid 'ong rgyal ba rgya mtsho'i dbyings// shes rab zab mo rnam dag pad+ma'i mdangs// sgyu 'phrul thabs la mkhas pa'i spyod mchog ma// 'byor ldan yid 'ong cho 'phrul sna tshogs bstan// ho nyi ma'i 'od zer gyis bskul ba/ e ma ho/ pad+ma 'bar ba'i ze'u 'bru 'di// 'dzum pa'i mdangs kyis 'bul lags na// / dgyes pa'i rdo rje rab gsor nas// byang chub sems sprin dbab tu gsol// zla ba'i 'od zer gyis bskul ba// e ma'o dga' bde yid 'ong ma// sems 'phreng gdung ba'i shes rab gzungs// ga'u 'khyil ba'i pad+ma la// rdo rje bde ba'i byang chub 'bar// a la la la ho/ de nas gnyis med bde mchog sems// sangs rgyas sprin gyi tshogs chen la// dgyes mnyam mchog gi mchod pa dbul// grub pa'i nyi zla'i snying po de// rnal 'byor rdo rje'i lce yis blangs// 'gro drug sems can bag chags bsreg/ zhi ba'i mtha' la shi ba bslangs// phyogs bcu'i rnal 'byor thugs dam bskul// de ltar bya
- 50a
ba'i dam tshig ni// bsgrub pa yin par rgyal bas gsungs// de dag dngos grub thob pa'i rgyu// rim pa'i dam tshig bsgoms pa las// sngags kyi bdag por bdag grub ste/ gang yin las la 'jug nus pa'i// dam tshig bsgrub pa chen po yin// zhes gsungs so// 'phags pa rgyud kyi rgyal po chen po ye shes rngam pa glog gi 'khor lo'i mdo zhes bya ba las/ bsnyen bsgrub rnam pa bzhi bshad pa'i le'u ste bcu gcig pa'o// // de nas bcom ldan 'das gsang ba mchog gi bdag po des/ 'dod pa thams cad rab tu bsgrub pa'i sprin bkod pa zhes bya ba'i ting nge 'dzin la snyoms par zhugs nas/ bsgrub pa'i mtshan nyid las dngos grub kyi bye brag 'di dag nyid kyi sku dang / gsung dang / thugs rdo rje las phyung ngo // de la 'di ni rdo rje phra mo'i ting nge 'dzin pa sgrub pa'o// de bzhin gshegs pa thams cad kyis// thams cad mkhyen pa bsgrub pa'i phyir// rang sems shin tu sbyangs pas na// phra mo'i dngos grub bsgrub pa gces// rab tu dben pa'i gnas dag tu// bdag nyid nam mkha'i dbus su ni/ zla ba'i dkyil 'khor la gnas pa'i// rang gi lhar ni rab bsgoms nas// phra mo'i sbyor ba kun tu brtsa ma// rin chen rgyu las grub pa yi// bsnyen pa'i dkyil 'khor de bzhin
- 50b
duso so gsung gi yig 'bru rnams// che chung yungs kar 'bru tshod tsam// snying kha'i dkyil du gsal ba la/ hU gi khong du drangs nas ni// khong nas kha ru byung bar bsams/ hA gi dbugs la zhon nas su// sna yi rtse mor byung ba dang // sna rtse nyid du gsal bar bsgom// ting 'dzi na gsal bar khugs pa dang // sna yi rtse na sa na ma mkha' la// dze ring dzi ring phaT kyis spro// ring du spro ba goms pa dang // 'od dang bcas pa'i yig 'bru de// phyogs bcur gnas pa'i sangs rgyas kyi// gsung gi yig 'bru ji snyed pa// dbyar gyi sprin phung 'dus pa bzhin// hUM gi snying kha nyid du bsdu// yungs kar 'bru tshad de nyid la// stong gsum 'jig rten snod bcud kyang // de yi nang du sal le gsal// sngags kyis btags pa'i lha rnams kyis// gnas su de nyid gsal bar bsgom// de lta'i 'phro 'du yang dang yang / goms par ci nus dag tu bya// de ni gsung gi phra mor bshad// so so gsung gi yig 'bru las// phyag mtshan yungs kar tsam du gsal// snying kha nyid du gsal ba nas// rgyal ba'i pho brang 'dus kyi bar// gong ma'i go/ rims de yis bya// de ni thugs kyi phra mor ba shad// so so'i thugs mtshan gsal ba las// rang rang sku yi rnam par gsal// thugs kar yungs kar 'bru tshod tsam//
- 51a
gong gi tshul du bya bar bshad// de ni sku yi phra mo yin// de ltar lha tshogs ma lus pa// cig car ram ni rim gyis so// cig car bsgom pa shin tu dka'/ bde gshegs rgyal ba sangs rgyas kyis// thams cad mkhyen pa'i spyod yul yin// rnal 'byor can gyis rim gyis ni// gtso nas 'khor gyi bar dag tu// yang nas yang du goms par bsgoms// 'di dag bsgoms pa'i yon tan ni// sangs rgyas nyid du 'grub par nges// thams ca da mkhyen pa bsgrub pa'i mchog/ ska gsung thugs kyi dkyil 'khor kun// 'di las 'byung bar gdon mi za// 'di thob dngos grub gzhan rnams kyang // bsgrub mi dgos par 'grub par 'gyur// rnal 'byor can gyis bsgoms byas nu// zla ba drug gis nges par 'grub// zas su bshang gci za ba 'am// sha rnams zos na 'grub par 'gyur// zhes gsungs so// / / de la 'di ni rdo rje mi snang ba sgrub pa'i thabs so// dgon pa'i gnas sam ri bo dben// me tog 'bras bu sa brgyan pa ru// rang gi lus ngag sems rdo rje'i/ snying khar zla ba'i dkyil 'khor la// 'jam dpal sa bon muM du bsgom// bdag lus dang ni zla ba dang // muM rnams rim par je zhi la// stong pa nyid kyi rnam/
- 51b
pa las snying rje'i mu dang zla ba dang // rdo rje 'jam pa'i phyag rgyar bsgoms// lus dang ngag sems rdo rje las// rdo rje 'jam pa rab spro ba// 'jam dpal nyid dang 'dra bar 'gyur// dpag tshang ba rgya yi khyon tsam du// rdo rje 'jam pa 'od dang bcas// rgyan rnams kun gyis legs brgyan pa'i// 'jam dpal nyid du kun gyis mthong // mngon shes ldan pa'i lha rnams kyis// lus kyi rnam pa mthong mi 'gyur// de nas slar ni bsdus pa las// thugs ka'i muM la thim bsams na// mchog tu shes rab rno ba dang / mkhyen rab kun gyi dang por 'gyur// thams cad mkhyen pa'ang thob 'gyur na// 'jig rten shes bya smos ci dgos// zhes gsungs so// / de la 'di ni rdo rje rigs 'dzin sgrub pa'i thabs so// nam mkha' dbyings kyi dbus dag tu// zla ba'i dkyil 'khor bsams nas su// rang nyid gang 'dod lhar bsgom te/ sku gsung thugs su byin brlabs pa'i// dam rdzas bdud rtsi rnam lnga la// sran ma tsam gyi ril lu sbyar// lcags gsum ga'ur bcug nas ni// khar bcug rang gi snying po bzlas// rab tu goms par 'di byas na// gang 'dod rigs 'dzin gdon mi za// mtha' yas zhing khams thams cad kyi// rdul snyed bzhugs pa'i
- 52a
sangs rgyas kun// de yi rjes su 'brang bar 'gyur// de la sogs te bsam yas mchog/ ces gsungs so// / yang na/ rang gi phyag rgyas te// nam mkha' dbyangs kyi dbus dag tu// zla ba'i dkyil 'khor steng du ni// bdag nyid gang 'dod lhar bsgoms te// rang gi phyag rgya brnyan mar bya// lag tu thogs la rang rig sngags// bzlas na rig 'dzin gang yin 'gyur// rang gi lha ni gang yin pa'i// yon tan dag kyang de thob 'gyur/ zhes gsungs so// / de la 'di ni rdo rje lha dang lha mo dgug pa'i cho ga'o// shing gcig drung ngam bzhi mdo'am// mtshan ma gcig dang ni gnas su/ bdag nyid gtso gzungs ldan byas nas// sku gsung thugs kyi bdag por bsams// sku gsung thugs kyi rdo rje las// lag na gyu ba thogs pa yis/ sprul pa bsam yas spro bar bya// dza s+pha ra na phaT/ gang dgug lha 'am bud med dam// yaM las rlung gis bteg bsams te// kyu bas gdan nam snying nas/ gzung ste hu gis bsdu byas na// sangs rgyas grags pa chen po yang // rang dbang med par 'gugs 'gyur na// 'jig rten bu mo smos ci dgos// gang
- 52b
'dod las de byed par 'gyur// zhes gsungs so// // de la 'di ni rdo rje lce sgrub pa'i thabs so// bdag nyid sngags kyi skyes bu yi// rdo rje'i skur ni rab bsgoms la// lce la pad+ma'i dkyil 'khor du// rdo rje'i sbyor bas A du bsams// de las rdo rje gsung du gyur// bsam yas AM gi 'phro 'du las// sangs rgyas gsung dang sems can ngag/ bdag gi lce la 'dus pa ru// yang nas yang du goms par bsdu// 'jig rten tshig gam chos kyi sgra// gang brjod bden zhing nyan pa dang // rdzu na// dang phra ma tshig rtsub sogs// ngag gi nyes pa ci brjod kyang // lce sgrib spangs pa gdon mi za'o// zhes gsungs so// // de la 'di ni sha rnam pa lnga'i dngos grub sgrub pa'i thabs so// bdag nyid lus ngag sems rdo rje// rdo rje gsum du rnam par bsgom// mtshan dang dpe byad yang dag ldan// ye shes dam tshig snying khar bsgom dbu rgyan rdo rje ra gsal bar bya// sha chen dag ni thams cad la// sa bon oM gyi rnam par sbyangs// srid gsum sems can thams cad kyi// sha chan ji snyed yod pa kun// oM gyi 'phro 'du bsdus nas ni// dpyad tshe ba dag la thim par bsgom// lce yi dam tshig rdo rje la// rdo rje can gyi hUM du bsgom// ye shes
- 53a
lnga yis sbyor ba yis// zos na dam tshig sku gsung thugs// rdo rje thob par gdon mi za// phyag na rdo rje'i mthu stobs 'grub// cho ga'i go rims de yis ni// glang po dag gi sha rnams la// hU gi 'phro 'dus rab sbyangs te// zos na mngon shes lnga thob 'gyur// rta sha dag ni thams cad la// swa yi 'phro 'dus rab sbyangs te// zos na mi snang kun gyi mchog/ khyi sha dag ni thams cad la// ha yi 'phro 'dus spangs byas nas// dngos grub rab 'bring tha ma ku na// yid bzhin nor bu lta bur 'gyur// gnyis kyi dgra yang mod la 'joms// ba lang sha ni thams cad la// a gi 'phro 'dus sbyangs byas te// cho ga bzhin du zos na ni/ sangs rgyas kun gyi longs spyod 'phrog/ mthu chen kun gyi bu mo yang // spyod par 'gyur bar gdon mi za// zhes gsungs so// // de la 'di/ ni rdo rje mngon par shes pa lnga sgrub pa'i thabs so// rab tu dben pa'i gnas dag tu// bdag nyid rnam pa kun ldan pa'i// sngags kyi lus su rnam sbyar nas// mig gi dbang po thams cad la// yig 'bru lnga yis rab spangs te// 'od zer lngar ni spros pa las// sangs rgyas sems can thams cad kyis// mig gi
- 53b
mngon shes kun bsdus nas// dbang po de la thim pa dang // zos sam mig la rtag bskus na// sangs rgyas sems can thams cad kyi// spyod yul ji snyed yod pa kun/ shing thog lag tu gzhag pa bzhin// rdo rje mig gis gsal bar mthong // cho ga gong ma'i tshul gyis ni// rna ba'i dbang po thams cad la// sangs rgyas sems can thams cad kyi// rna ba'i mngon shes kun bsdus nas// zos sam rna bar gzhag na ni// sangs rgyas sems can thams cad kyi// sgra rnam thams cad ji snyed pa// rna ba'i drung na 'khod pa bzhin// snying gi bye brag thams cad la// sangs rgyas sems can thams cad kyi// dran pa'i mngon shes kun bsdus nas// zos sam snying khar gzhag na ni// sangs rgyas sems can thams cad kyi// thugs dang sems kyi rgyud nyid kyis// mkhyen cing rig pa kun shes 'gyuraru// yum gyi mkha' las byung ba yi// rak+ta dgra ni thams cad la// sangs rgyas sems can thams cad kyi// gnas rnams ma lus kun bsdus nas// zos sam snying khar gzhag na ni// sngon gyi gnas kyi gtan tshogs rnams// zhag gsum lon bzhin gsal bar dran// snying khar
- 54a
ye shes sems dpa' bsgoms// phyogs bcur gnas pa'i sangs rgyas rnams// bkug nas de dag rdzu 'phrul rnams// phrogs nas snying khar bsdus byas na// sangs rgyas dag ni thams cad kyi// rdo rje'i rdzu 'phrul thams cad kun// 'grub par 'gyur ba gdon mi za// zhes gsungs so// / / de la 'di ni rdo rje srung ba sgrub pa'i thabs so// sku gsung thugs ni rnam bsgoms la// snying khar nyi ma'i dkyil 'khor las// khro bo 'od kyi 'phreng ba yis// bsrung bar bya ba'i zug rngu rnams// phyung ste med par bsams nas ni// lha rnams dag ni thams cad kyi// phyag rgya dag ni thams cad dam// yang na rdo rje rgya gram mam// rdo rje go cha'i phyag rgya yis// lus dang ngag sems rab bsrungs na// sangs rgyas kyis kyang mi tshugs na// phal pa rnams kyis smos ci dgos zhes gsungs so// // de la 'di ni rims nad thams cad rgyun gcad pa'i sgrub thabs so// las 'di sbyar bar bya ba yang // ljongs sam grong khyer grong dag tu// sngags kyi bdag por rab gnas la// nad kun spong ba'i las 'di bya// rdo rje rtse lnga 'od 'phro ba// bskal pa'i me bzhin bsams nas su//
- 54b
spros pas nad rnams bsregs nas ni// slar yang rdo rje nyid la bsdus// de nas rdo rje de nyid la// 'od zer ser po spros pa yis// nad rnams stong pa'i gnas de dag/ bskal pa'i yun du gang bsams te/ goms par yang dang yang bsam na// nad rnams thams cad sel bar byed// de na 'khod pa'i skye bo rnams// 'phrul gyi bde ba thob par 'gyur// bder gshegs rnams kyis byin gyis rlob// tshe ring lang tsho bde bar 'gyur// zhes gsungs so// // de la 'di ni zhi ba sgrub pa'i thabs so// rab tu dben zhing nyams dga' bar// rnam par snang mdzad bsgom pa ni// nam mkha'i dbus su zla ba la// dkyil 'khor zlum po bsams nas su// rnam par snang mdzad dkyil 'khor bskyed// snying khar zla ba'i dkyil 'khor la// bud+d+ha lo tsa'i snying po bsams// de las lha mo'i skur spros pa// mkha' dbyings yongs su gang bar bsgoms// slar bsdus 'od kyi thig ler ga sa la// de nyid bdag gi lus la dab ba/ bdag gi ba spu'i bu ga nas// sangs rgyas sprin chen rab spros te// 'dod pa'i lus nang dgang bar bya// sangs rgyas sprin gyi de'i lus la// dbang bskur ba ni rab tu stsol// de yi skad cig de yi tshe// drag po'i gtum po'ang lhan ner gyur// zhes
- 55a
gsungs so// / de la 'din rgyas pa sgrub pa'i thabs s+ho// nam mkha'i dbus su b+hA ba la// chos kyi sems dpa' bsgom par na sbyi ra zla ba'i dkyil 'khor la// gos dkar can gyi gang po bstam// de las gos dkar nyid 'phros byas// mkha' dbyangs yongs su gang bar bano// de las kong bu ni// khru bzhi lham par gsal bar bsdu// ba d+hU rnams kyi bu galas// rin chen sbyin rten rab smos pa// rdo rje chos su bsgoms nas su// 'dod par bya ba'i lus ngag dgang // yang nasgra yang du 'di byas na// bar snang tse 'dod rgyas par 'grengs// nor bu ying bzhin 'du gyur na// dgos pa phra mo smras ci dgog// seMs gsungs so// de la 'din rdo rje dbang du bsdu ba sgrub pa'i thabs so// rdo rje dkyil 'khor zla gas ni// nam mkha' dbyings kyi dbus su bsam// rdo rje chos mchog gzugs sru bsam// rnying khar zla ba'i dkyil 'khor lo// nyid kyi snying po bsam par bya// rgyab ba sras dang bcas rnams kyis// mkha' dbyings thams cad gang bar bsgom/ 'od zer sna lnga 'bros pa yis// 'dod pa la ni dbab par bya// de nas bsdus te bdag nyid kyis// sku gsung thugs su byin bsdus naso// sangs rgyas nyid kyang dbang
- 55b
'dun/ 'gro ba dbang byed smos ci dgos// zhes gsungs so// / de la 'di ni rdo rje drug po sgrub pa'i thabs so// nam mkha'i dbyings kyi dbus su ni/ ma'i dkyil 'khor steng du ni// khros pa'i gzugs su rnam bsgoms te// bskal pa'i me dpung 'phros pa las// khros pa'i rdo rje srin po dang // sna tshogs wa dang bya rog dang / bya rgod khyil sogs pa yi// 'phra men bsam yas mi zad pa// mkha' dbyings gang bar bsgoms nas su// sangs rgyas kun la gnod byed pa// dngos sam yang na bsam nas kyang // mtshon cha thogs pa de dag gis// snying dang nang khrol dbang po kun// drangs te zos par rab bsgoms na// dgra rnams 'chi bar nges pa ste// de ltar rab tu bsgoms nas ni// rgyal ba rdo rje 'dzin pa yang // zla ba phyed kyis 'chi 'gyur na// dam tshig nyams pa smos ci dgos// zhes gsungs so// // de la 'di ni skye 'gro gdul ba'i phur bu sgrub pa'i thabs so// sdig pa byed pa'am gnod byed la// rdo rje phur bus gdul bar bya// dur khrod gnas sam rkang gcig tu// bdud rtsi 'khyil ba'am ki li 'am// gang yang rung ba rab gnas la// rdo rje phur pa rab tu bsgoms// me stag 'bar ba'i 'od 'phro bas// ri rab gling bzhi'i gzugs
- 56a
byas lararang gis sngags kyis btab par bya// de ltar rab tu btab byas na// 'gro dang me 'gro thams cad kun// dul bar 'gyur bar gdon/ mi za// zhes gsungs so// / de la 'di ni gzhan gyis rig sngags gnan pa sgrub pa'i thabs so// nam mkha'i dbyings kyi dbus su ni// dbang chen dkyil 'khor bsgoms nas ni// las kyi sems dpar bdag gnas la// g.yas pa rdo rje rtse lnga gzhag/ rig sngags byed pa bsams nas su// las kyi rdo rje'i rkang pa dag/ de yi spyi nas gnan par bsgom// rig sngags nyid kyang gnan par bsams// des ni mu stegs can dag dang // phas kyi rgol ba thams cad kun/ gnan par 'gyur te the tshom med// ces gsungs so// // de la 'di ni gzhan gyi dpung gnon pa sgrub pa'i thabs so// nam mkha'i dbyings kyi dbus su ni// nyi ma'i dkyil 'khor dbus gnas par// gzhan gyis mi thub khro bo che// pad+mo dmar ser mdog 'dra ba// shin tu che zhing brjid par bsgoms// pha rol dmag dpung 'og dag tu// rlung dang mtsho dang sa bskyed la// de na gnas pa'i dpung rnams kyis// steng du zla ba'i dkyil 'khor bsam// de'i steng rdo rje rgya gram bsam//
- 56b
steng du ri rab rnam par bsgom// de yi steng du gnan bsams na// sangs rgyas dpung yang gnon nus na// mi rgyal dpung yang smos ci dgos// zhes gsungs so// / / de la 'di ni dgra dpung 'joms par bya ba sgrub pa'i thabs so// dgra 'am dpung gi gzugs brnyan dag/ bsams sam gzugs su byas nas ni/ rdo rje phur bu tshad ldan la// hUM las khro bo'i skur bskyed nas// rang gi rig sngags rab bzlas te// snying khar btab bam rab bsgoms na// khros pas byas na/ nga sa rgyas kyi// dpung skad kyis par gdun mo // zhes sbyangs so// de la 'dini rdo rje rdu labying ba med par sgrub pa'i thabs so// nom mkha'i dbyings kyi dbus su ni// sngags kyi bdag por rab tu bsgoms// chu yi stengs ni thams cad du// sangs rgyas dag gis bltams par bsgoms// steng nas dal gyis bcag par bya// sangs rgyas dag ni thams cad kyi// spyi bo'i steng du rkang pa sgoms// da ltar rab tu bsgoms pa na// sa la 'gro bzhin nus par gyur// zhes gsungs so// // de la 'di ni thogs med rlung gi dngos grub sgrub pa'i thabs so// nam mkha' rdo rje dbus su ni// zla ba'i dkyil
- 57a
'khor dbus gnas par// lha yi rnal 'byor bsgom par bya// 'og gi phyogs su yaM las ni// rlung gis rab tu bteg par bsgom// de ltar rab tu bsgom byas na// mkha' la bya bzhin 'gro bar nus// zhing khams kun tu bgrod par 'gyur// zhes gsungs so// // de la 'di ni nyi ma gsal ba zhes bya ba'i dngos grub sgrub pa'i thabs so// sku gsung thugs ni rdo rje yis// snying khar nyi ma'i dkyil 'khor bsam// de las 'od du 'phros pa las// mun pa'i gnas rnams gsal bar ngas// zhes gsungs so// // de la 'di ni rlung gcod pa sgrub pa'i thabs so// bdag nyid rlung gi phyogs song ste// stegs bu gru bzhi lham par bya// spos kyi thig le bdun byas te// yaM las rlung bdun bskyed par bya// rlung lha dgug pa byas nas su// khams phor gyis ni dag pa byas te// de stengs laM las ri rab bsgoms// ri rab rtse la khro bo ni// 'bar ba dag gi sa gnan par bsgom// des ni 'jig pa'i rlung rnams kyang // bcing bar 'gyur/ bar gdon mi za// zhes gsungs so// // de la 'di ni char dbab pa'i thabs so// nam mkha'i dbyings kyi dbus su ni// pad+ma 'dab ma brgyad
- 57b
par sgom// dbus su khro bo stobs po che// 'dab ma la ni klu brgyad pa// bsgoms sam yang na bris kyang rung // khro bo'i zhabs kyis mthil gyis ni// klu rnams rab tu gnan nas su// hUM gnyis bar du klu rnams kyi// snying po spe la cing gzir nas su// klu dag gnas pa'i sa phyogs su// hUM zhes bya ba'i bzlas brjod bya// khro bos mnan pa'i klu rnams kyis// kha nas char pa skyug bsam na// 'jig dus lta ba'i char yang 'bab// ces gsungs so// / de la 'di ni cher dang sar pa gcad pa'i thabs so// nam mkha'i dkyil gyi dbus su ni// nyi ma'i dkyil 'khor dbus gnas par// rta mchog dpal ni rnam par bsam/ nyi ma'i mdog 'dra 'od bzangs zhal// nam mkha' khyad par rnam par gdangs// lce yi steng du hu gzhag ste// me ri 'od dang bcas pa yi// char chus gang ba'i sprin rnams kun// skam zhing lce yi blags byas na// bskams par 'gyur ba gdon mi za// yang na lce stengs de nyid du// yaM las rlung du bsgoms nas ni// bus pas sprin rnams 'thor bar 'gyur// yang na rang gi phyag rgya yis// char sprin kun kyang klu yi gzugs// gcod cing du ma
- 58a
bur btub bsams te// hUM zhes bya ba'i sdigs mdzub kyis// bsni gas te rang rig sngags bzlas na// 'jig pa'i char gyi rgyun chen yang skad cig tu ni med par 'gyur// zhes gsungs so// // de la 'di ni bgegs bsal ba'i thabs so// nam mkha'i dbus su nyi ma yi// dbus su khro bo rnam bsgoms pa// mi g.yo mgon gyi phyag rgya che// rig pa mang pos bskor ba'o// rang rig sngags dang stangs tshul gyis// hu dang phaT ces rnam sgrogs na// khams gsum dregs pa thams cad kyang // rdul phran bzhin du brlag par 'gyur// zhes gsungs so// // de la 'di ni chom rkun bcing ba'i thabs so// rkang rjes sa dang khyi khrag la// mtshan ma ming du bcas par bya// mi yi rus pa'i phur bu la// 'od zer can gyi sngags zlos pas// lan grangs nyi shur bsngags nas ni// mig gnyis su ni gdab par bya// gzugs brnyan tshogs la phul nas ni// rdo rje ga tu na shing dag gis brdungs// oM sum+b+ha badz+ra mu sa le na/ tsu ra na ya na ra big+h+nA na hUM phaT/ las 'di brtsams pa byas na ni// mi rgod bzlog pa gdon mi za// zhes gsungs so//
- 58b
de la 'di ni me gsad pa'i thabs so// me ni mched pa'i sa phyogs su// mkha' lding rgyal po bya khyud ni// stang zil lta bu'i kha dog la// sbrul nag stong gis rab brgyan pa'i// gshog pa mkha' la gdengs par bsgoms// klu rnams dang ni sprin dag la// rdo rje'i tshig tu bsgo ba ni// char chen pho ba la me sod ces// thos nus sprin tshogs 'bum pa yi// char gyis me yang gsod par 'gyur// gshog pas me nyid bkab nas su// mchus rkos chus ni mtshams gcad na// bskal pa'i mes kyang 'tshig mi nus// oM badz+ra na ra ya na/ nir pa pa ya ba ti/ na baM bu me/ g+he hUM/ zhes gsungs so// // de la 'di ni thog bzlog pa'i thabs so// nam mkha'i dbyings kyi dbus su ni// bde ba chen po zhes bya ba// zhal gsum phyag bzhi rnam par gnas// ston ka'i zla ba'i mdog 'dra ba// bsnyems ma dang na byems ma dang // chu srin rgyal mtshan zhes bya dang // me tog rol pa zhes bya ba zhi// lha mo bzhi yis rnam par bskor// g.yas pa'i phyag gis rdo rdza gsor// g.yon pa dril bu dkur brten pa// phyag gnyis mda' ga zhu 'gengs pa ste// sku las sems dpa' 'byung ba'i sprin// thor tshugs gsal ba
- 59a
rnam par bsgom// nam mkha' las ni 'bab pa yi// thog ni rang rig sngags kyis bzlog/ oM ma hA su ka badz+ra che ge mo dzA/ hU sa ra ta ba na ta hUM phaT/ ces gsungs so// // de la 'di ni gzhan gyi lce gnan pa'i thabs so// tshes mar brgyad dam bcu bzhi la// dur khrod sol ba blangs nas ni// sngags kyi bdag po bsgoms nas su// dbang chen dkyil 'khor steng du ni// mi snyan smra 'am ga shags rgol ba'i// lce yi gzugs su bris pa yi// steng du zla ba'i dkyil 'khor la// rdo rje rgya gram bsgoms pa yi// dbus su ri rab bskyed par bya// de'i stengs padag gis gnan bsams na// tshig dbang lha yang gnan 'gyur na// gshags la sogs pa smos ci dgos// zhes gsungs so// // de la 'di ni pra dbab pa'i sgrub pa'i thabs so// lo grangs bcu gnyis lon pa yi// khye'u dang bu mo gang yang rung // mtshan nyid thams cad yongs rdzogs pa// dbab pa'i snod du rab tu brtag/ ting 'dzin rtsa la dang ldan pas bya// gzhan gyis byas na dpyas par 'gyur// dang por phyi nang khrus byas te// sdig pa sbyangs shing 'dul khyims dbog/ 'od kyi 'phro 'dus byin gyis brlab// rgyan gyi khyad par rnams kyis brgyan//
- 59b
snying khar hU ni bsgom par bya// spyi bo'i gtsug tu ha bsgom mo// a ni kha ru de bzhin te// de nas mdun gyi nam mkha' la// 'phags pa kun mkhyen spyan drangs te// de las 'od zer bskul zhing dbab// dz+nyo ni bskul ba'i gsang tshig ste// gang dbab dz+nyo'u gyis bskul byas na// byis pa'i lus la thim par bsam// byis pa'i tsit+ta gzhal med khang // dbab pa'i lha nyid bzhugs bsams te// lag na rdo rje thal mo las// sor mo phyir bsnol kha sbu ba la// mtheb gnyis so so'i mthil bkug pa'o// rdo rje tshig tu bzlas pa'i sngags/ che ge mo zhig a A zhes// brjod cing rab tu bskul byas na// 'gul ba dang ni g.yo bar 'gyur// khru gang tsam nas lnga yi bar// 'jigs skrag nas ni 'phar bar 'gyur// snying la gnas pa'i lha des ni// smra gsung kun dang ldan pas te// 'jig rten 'das dang 'jig rten pa'i// ci 'dod gtam ni smra bar 'gyur// rtog pa thams cad dang bral ba'i// rdo rje sems dpa' chen po yang // cho ga 'di yis 'bab 'gyur na// 'jig rten pa lta smos ci dgos// zhes gsungs so// // de la 'di ni dug gtang ba'i thabs so// sbrul ni mi sdug 'khrug cing khro// 'jigs byed nag po rab tu 'bar// dug gi lce gnyis mche ba can// sol ba'ang rdo rgyu sa dag gis dri
- 60a
bskul ba'i yi ge'i snying po 'di// sbrul gyi khong par rab tu bsam// khA/ de yi nang du mi bzang dug/ 'jigs par byed pa rab bsgoms na// sprul de rab tu 'gul bar 'gyur// de nas zo zhig ces bskul te// mtshan ma nas ni zhugs nas ni// khong du song ste zos bsams na// dug gis gzung bar gdon mi za// zhes gsungs so// // de la 'di ni dug 'byung ba'i thabs so// nam mkha'i dbyings kyi dbus su ni// zla ba'i dkyil 'khor dbus gnas par// spyan ras gzigs ni rnam par bsgom// kha dog dkar po'i hri spros te// dug can khong du zhugs pa yis// dug rnams hril bsdus nas ni// hU gis khong nas phyir phyung dang // phaT kyis bar snang khams su gtor// yang na gzhan gyi khong du spro// des ni de ma thag tu yang // dug rnams 'byang bar gdon mi za// zhes gsungs so// // de la/ 'di ni dug spo ba'i thabs so// dug can snying khar oM dkar la// 'od zer dkar pos dug bsdus pas// oM nyid nag por snang byung nas// gzhan gyi lce 'am mtshan ma nas/ khong du zhugs par rab bsgoms na// 'pho ba dag tu gdon mi za// zhes gsungs so// // de la 'di ni nye ba'i dug gso ba'i thabs so//
- 60b
mdze 'bras shu ba phol mig dang // 'brum bu la sogs nad gzhan rnams// a dkar dag gi 'phro 'du yis// gong ma bzhin du dbyung bar bya// spo ba ya na de bzhin no// des ni khams las gyur pa yi// nad rnams thams cad sel bar nges// zhes gsungs so// // de la 'di ni bkres skom zhi ba sgrub pa'i thabs so// bkres skom can gyi nyon mongs pa'am// yang na bsgrub pa'am gang yang rung // sbyor ba 'di ni bsam par bya// rnam snang mdzad kyi gzugs chen por// nam mkha'i dbus su bsam par bya// ba ni kha yi nang du bsgoms// o ni lce la rnam bsams te// yid bzhin bdud rtsi lta bu yi// bza' ba'i gnas su de nyid bsam// des ni bkres skom sdug bsngal sel// ces gsungs so// // de la 'di ni spyan rnam par dag pa sgrub pa'i thabs so// o ni mig la rab bsgoms te// yul kun rnam snang mdzad du bsgom// de ltar rtag tu goms pa dang // chos kun sku gsung rdo rjer mthong // de nyid rnam dag spun du grags// zhes gsungs so// / / de la 'di ni 'jig rten gyi lha mthu bo che rnams zil gyis gnan cing tshig nyan pa sgrub pa'i thabs so// nam mkha'i rdo rje'i dbus su ni// nyi ma'i dkyil 'khor
- 61a
dbus gnas par// khams gsum rnam par rgyal ba bsams// b+hi zhes bya ba'i snying po yis// mthu chen rnams ni drangs nas su// bsdig pa dag kyang byas nas ni// zil gyis gnon cing nyan par 'gyur// zhes gsungs so// // de la 'di ni lha mo tsun da sgrub pa'i thabs so// sngags kyi bdag por bdag gnas pa'i// snying khar nyi ma'i dkyil 'khor la// tsu zhes bya ba'i 'phro 'du las// bdag nyid tsun da'i gzugs su bsgyur// rnam pa'i mchog rnams kun ldan pa'i// kha dog dkar po rab tu bsgom// 'di ni chos dbyings pa sgrub pa ste// bud med thams cad 'grub par 'gyur// zhes gsungs so// / / de la 'di ni dzam b+ha las nor sgrub pa'i thabs so// nam mkha'i dkyil 'khor dbus su ni// sangs rgyas dkyil 'khor bsgom par bya// snying khar rdza gyi 'phro 'du las// dza ma b+ha la yi gzugs dag gis// bar snang khams kun gang ba ni// mdog sngon thor tshugs kyis brgyan pa// gsus po che la mi'u thu gzugs// yid bzhin nor bu thogs pa yis// dbul ba thams cad sel bar bsgom// 'dod pa la ni de dag dab ba// des ni dbul ba sel bar byed//
- 61b
nor dang gter gyi bdag por 'gyur// zhes gsungs so// // de la 'di ni rdo rje a dza na sgrub pa'i thabs so// shing gcig drung ngam bzhi mdo 'am// ma mo'i gnas sam zhi gnas su// rdo rje an dza bsgrub par bya// pad+ma ban d+ha kha sbyar du// tshal chen pa shang ga ci'i khu ba dang // ma hA rak+ta las byung ba'i// du ba ban d+ha chags pa la// bshang ga tsa rak+ta sa smras nas su// ri lu lcags gsum gyis dkris pa// gsum du byas nas de nyid la// rang gi ga sang sngags brgya rtsa brgyad// nyi shu dgu yi na ma phyed na// btab na dngos grub 'grub 'gyur te// mig la bskus na ci yang mthong // mi snang ba dang rkang mgyogs dang // de la sogs pa'i dngos grub rnams// thob par 'gyur te gdon mi za// zhes gsungs so// // de la 'di ni rdo rje ro langs sgrub pa'i thabs so// nam mkha'i dbyings kyi dbus su ni// nyi ma'i dkyil 'khor dbus gnas par// bdud rtsi 'khyil ba rnam par bsgom// dur khrod ri brag gnyan pa'i sar// ro rnams btsal bar byas nas kyang // ro yi gnyen por bdag bsams te// ro yi steng du bdag gnas la// de la dkyil 'khor tshang bar bsgom// ro sngags
- 62a
rgyun du bzlas bya zhing // dgug pa'i pho nya drag tu bskul// mdog ma dang sa bkrag snum byung ba na// bdud rtsi yis ni bsku bar bya// de nas/ 'gul bar gyur pa dang // phyag rgya bzhi yis gzhum par bya// sngags kyi 'phro 'du rgyun mi gcad// de nas rab tu 'phar ba dang // 'gro ba ris drug gang yin pa// rdo rjes drag tu gdab par bya// rdo rje so yis gcad bya zhing // sngags zlos khong du bstim par bya// de nas langs par gyur pa dang // rdo rje byin nas dbang yang bskur// bdud rtsi'i chu yang blud par bya// las rnams gang 'dod byed du gzhug/ yang na gse ra ra ma go mtshon nam// rkang mgyogs la sogs dngos grub rnams// ji ltar 'dod pa'i rkyen gyis ba sgyur// gang 'dod pa de gdon mi za// zhes gsungs so// // de la 'di ni rdo rje sgyu ma sgrub pa'i thabs so// bdag nyid lha yi rnal 'byor gyis// rde'u shing bu'i rgyu dag la// ji ltar 'dod pa'i gzugs byas te// she'u re'u sman gyis byugs nas ni// rdo rje sdug kyi tshig 'di bzlas// shi'u re'u I na ya/ a mo ka/ a 'gus/ sa 'gus/ shing bu dag gis ga dab bya zhing // ji ltar 'dod pa'i gzugs su bsgom//
- 62b
des ni sna tshogs gzugs su 'gyur// bsdu bar 'dod na slar la bzlog/ de yang bkri drang thabs su 'gyur// zhes gsungs so// / de la 'di ni rwa bsreg pa'i sgrub thabs so// nam mkha'i dbyings kyi dbus su ni// bdag nyid 'jigs byed skur bsgoms te// ro la sngags kyis bta ba nas kyang // dri zhim chu yis byugs par bya// zhun chen khu bas btsos pa yi// ras kyis kyang ni dkri bar bya// dbang po rnams kyi gnas dag tu// lha yi phyag rgya dgod par bya// gnas der thong bu rol// lha rnams snying po bris pa gdags// ri oM phyi rol sman pa l+yA// 'a drugs byin bkod nas na// rim gyis sbyangs pa'i las byathab khung dkyil 'khor gang yin pa'i// phyag rgya gzhung dang 'thun par dgod// de'i steng shing rtsig gru bzhi la// ka ba zur bzhi sum brtsegs kyi// bar khang yang thog bcas pa ra bya// bar khang ro ga zhag shar du bstan// yang steng sa ras sa ma sho ga sho ga la// bris pa'i phyag rgya tshang bar dgod// ba ra khang glo dkar phyogs bzhi nas// gzungs thag phyogs bzhi bla mar dbul// de mtha' 'khor gyi lha rnams dgod// de nas rdo rje rgyal po yis// me yi 'phro 'du rgyun du bya//
- 63a
rdo rje las kyi karma yis// las kyi 'phreng ba rdzogs par ro// rdo rje bla ma gcig gis ni// ro yi nyes pa bgrang zhing bshags// rdo rje skabs sbyor chen po yis// rdo rje'i mchod pa skabs su dbul// bkra shis gnas kyi smon lam ni// skabs sam mjug tu gdab par bya// rdo rje grangs kyi lhangs 'dzin pas/ grangs gzung dkar byang bla mar dbul// sdig pa'i gnag byang gshegs shing bsreg/ me lha spyan drang mchod pa bya// bstod pa dgu ni legs par bya// ro yi sgrib pa 'byongs ma 'byongs// me la ltas su blta bar bya// mtshan ma mi sdug byung ba na// bsregs sbyangs cho ga rgya cher bya'o// des ni tshogs rnams rdzogs par 'gyur// zhes gsungs so// // de la 'di ni rdo rje thal chen sgrub pa'i thabs so// rdo rje thal ba thams cad kun// gu gul nag po dang sbyar ba/ ri lu lcags gsum gyis dkris pa// rdo rje 'joms pa'i phyag rgya dang // rdo rje drag po'i sngags btab na// bar du gcod pa'i gnyen por 'gyur// zhes gsungs so// // de la 'di ni rdo rje hom sgrub pa'i thabs so// las bzhi so so khyad par gyis// rdzas dang kha dog phyogs dang dbyibs// yam shing sreg
- 63b
rdzas khyad par las// dkar dang dmar ser mthing nag las// shar lho nub byang phyogs dag tu// zlum po le'u tshe pad+ma bzhi// gru bzhi zur brgyad 'khor lo rgyas// gru chad gzhu dbyibs zla gam dbang // kha gru gsum b+ha ga mngon spyod// ting 'dzin byams dang dang bas zhi// snying rje rgabs rgyas pa ste// dga' dang chags pas dbang du 'gyur// btang snyoms khros pas drag por 'gyur// so so las kyi lha rgyud la// sngags dang phyag rgya la sogs dang // glu rgyud 'byor pas mchod pa bya// zhal du gyur pa'i ma bos la// khro bos ye shes ma ru sbyangs// so so'i rgyud du shar btab ste// glong yangs 'khyil ba'i ho khung du// dam rdzas bdud rtsi 'bar ba yis// sbyang dang thob phyir bsreg par bya// nyon mongs lnga yi dam rdzas 'di// ye shes lnga yi glong du 'bu la// phung po lnga ni ya ba lnga la// 'byung ba yum lnga'i dbyings su bstim// shes pa brgyad ni ma brgyad la'o// yum brgyad phra men brgyad la bstim// skye bzhis bsdus pa'i sreg rdzas rnams// rnam thar bzhi yi glong du bstim// sgrib dang dngos grub don rnams ni// me la mkhas pas brtag par bya// so so'i dbyibs dang kha dog las// dbyibs dang kha dog shes bya bar// zhes gsungs so// // de la 'di ni rdzas sgrub pa'i thabs gsang ba'o// phun sum tshogs pa
- 65a
bzhir ldan nas// gnas dang sa gzhi brtag par ni// sa stegs tshon gyis bri bya ba// dbus su thig bzhi le'u tshe dgu// de mtha' 'khor lo rtsi ba brgyad bya// sgo bzhi sgo khyud bcas par bri// mtha' zad bskal pa'i me ri 'bar// dbus su zla ga ma kha sprod bri// phyogs mtshams brgyad du khaM brgyad bri// 'khor lo'i bar khyams mu khyud la// nang du lngas pa'i khaM brgyad gsal// rtsibs la nang du lta ba brgyad// mu khyud brgyad la phyir lta brgyad// gru chad bzhi la nang lta ba zhi// sgo bzhir phyir lta bri bar bya// phyi rim par khyams de dag la// phyir lha nyi shu rtsa brgyad bri// bskal pa'i me ri phyi khyams la// phyir lha bcu ni bri bar bya// de la phyag rgya rim par dgod// ro yi tshol stangs rnam bzhi yis// dur khrod rdzas mchog ma nyams btsal// ye shes spyan gyis lta ba dang // rdo rje 'gros kyis btsal ba dang // phyag rgya'i tshogs kyis rol pa/ dang / ma mo'i tshogs kyis 'byon tshul gyis// btsal nas maN+Dal sgo bzhi ru// bro chen bzhi yis sbyangs byas te// shar du dug gsum 'joms pa'i bro// lho ru khrag 'thung rol pa'i bro// nub tu rta gdong zhal gyi bro// byang du 'dul sbyong drag po'i bro// sbyang bar bya ba rab tu gces// de nas dbus su gzhag bya ste// mgo bo shar du bstan pa de'i
- 65b
b+hU las phung po gzhal yas khang // da ru phyag rgya'i tshogs chen bsgom// so so rdzas kyi gnas rnams la// rigs kyi lha rnams rim par dgod// bsnyen pas byin phebs rtags mgu nas// baM de byang shar mtshams su bsgral// rdo rje thig gis btab nas kyang // rdzas rnams so so'i bskos su gdab// de nas mtshon lngas bkrol bar bya// 'khor los spyi bo nyid nas so// rdo rjes snying kha'i phyogs nas so// rin chen zur brgyad lte ba nas// pad+ma sa kha yi phyogs nas so// ral gri sa ya na lag rnams nas bkrol// de nas phyag rgya'i gnas rnams su// rdzas rnams go rims bzhin du bkod// dpal dang ldan pa'i snod dgu la// sku gsung thugs dang ldan par ni// gsal ba'i 'od dang ldan pa dgram// rdzas kyis mdzes par brgyan par bya// rmad du byung ba'i gtor ma dgram// mchod pa'i rdzas rnams tshang bar ba sham// de nas rnal 'byor chen po kun// bdag nyid phyag rgyar gnas pa de// bskyed pa ting 'dzin tshul bzhin bskyed// rang bzhin rdzogs chen spyan drangs mchod// bsgrub pa'i nyams len/ bzlog par bya// dngos grub stsol dang dbang bskur bya// de nas gtor ma cho gsum du// gcad de dang por sbyin sreg bya// bar mas mkha' 'gro tshim par bya// tha ma
- 66a
mi zad gter du sba// las rnams rdzogs par byas na ni// dpal chen nyid kyang 'grub 'gyur na// dngos grub gzhan lta smos ci dgos// zhes gsungs so// // de la 'di ni rdo rje mchog chen po sgrub pa'i thabs so// don dang ldan pa'i rnal 'byor pa sa// sa stegs phyag phyed tshad du bya// sum brtsegs byas dbus zla gam brgyad// phyi mtha' thod pas bskor ba la// me dpung 'bar bas bskor ba'o// de yi phyi rim da mar chan rgyas// dbusaM su b+han d+ha mtshan ldan la// yab yum snying po bris la gzhag/ zla gam brgyad la ma brgyad gzhag/ mthing na ga yA tham+be ri 'bar// de 'og thod tshar gsum du bya// sgo khyams dur khrod rdzas kyis brgyan// sgo brtse ga sA sgo khyud tha ma bran// gnas mchog rab tu dben pa yi// ri yi rtse 'am nags tshal lam// sde dpung phra mas mi tshugs shing // 'du 'dzi 'gro 'ong chad par shis// rnal 'byor gdeng dang rab ldan zhing // brjid cing sran tshugs khu 'phrig chung // brtul zhugs che zhing rtog pa med/ las kyi 'phreng ba lhag chad med// dri zhim sman gyis phyi bkru zhing // shi ne d+ha hu sa nang yang bkru// tshad mar sbyar ba'i bka' dang ni// ldan pas dus btab
- 66b
shin tu brtsams// rgyu yang brtag par bya ba ni// mdzes shing bkra shis ldan pa la// bong tshod lo ni deral bab// rigs lnga'i mtshan rtags yod pa shis// bsgrub pa'i rgyu mchog de lta bu// dag pa gsum gyi gzhung bsrangs nas/ byin gyis brlab pa rab tu bya// d+ha hu ma 'das dbang po bsgyur// bdud rtsi lnga yi thig le yis// dbang po lnga la gdab par bya// snang srid ga tam rnams dri ba 'am// legs nyes dri ba'i pra yang dbab// rnam shes 'byung ba'i sgo rnams su// so so'i rigs kyi phyag rgyas gdab// phyag rgya bkod de bsgral bar bya// phung po gzhal yas khang du byas// nang khrol thams cad lhar bsgoms te// bsgral sbyangs sbyar ba byas na ni// mchod dang mnyes dang dam skongs dang // dngos grub rnam gsum thob nas blang // zhes gsungs so// // de la 'di ni mchog phren gtsang ma sgrub pa'i thabs so// maN+Dal gru bzhi tshad ldan la// zla gam sgo gcig rdo rjes bskor// mtha' khyud sgo bzhir rab tu bri// rgyu mchog dbang po phyed ldan la// phyi nang khrus kyang de bzhin bya// dbus su gzhage ste shar du bstan// lce la gzungs thag sna lngas gdags// man ngag lung ldan phyag tu 'bul// phyag rgya rdzas dang bcas par dgram/
- 67a
de yi khong du gzhal yas su// ye shes sems dpa' gtso bo yi// thugs kar nor bu rin chen 'bar// dbus su nyi ma'i bu ga la// dpal be'u nyungs 'bru'i snying po la// til 'bru tsam gyi hUM dmar gnas// rdo rje'i 'phro 'du rgyun mi gcad// rdo rje'i sgra yang de bzhin gdab// de nas mtshan rtags bzang ba dang dngos grub bslangs te bsgrub par bya// bskams te bdud rtsi rtsa bar shis// zhes gsungs so// // de la 'di ni dregs pa can gnan pa sgrub pa'i thabs so// phun sum tshogs pa bzhir ldan nas// ji ltar rig pa 'dus pa dang // maN+Dal gzhi gcig skyang nul bya// chag res bstod pa'i maN+Dal bzhi// grwa bzhir gzhi las spags par bya// de dag ma tra gzugs su bya// snying khu man chad dbus su bsnol// maN+Dal chen po'i 'og tu gzhug/ dbus su 'khor lo'i thig gdab ste/ dpal chen lnga yi phyag rgya gzhag/ bar khyams gnyis kyis mdzes pa la// gnas dang yul gyi phyag rgya dgod// sgo bzhir sgo srungs de bzhin gzhag/ yan lag sprul pa'i mgo brnyan gnas// pha rol khyams la me ri bya// de mtha' thod pa tshar gsum gtams// de yi phyi rol me bur 'tshub// gu gu thul dang zar tshags//
- 67b
zhing dang sbrul chun sgro khang la// ban d+ha snying po bcas pa dag/ so so'i gnas su de bzhin gzhag/ rdo rje'i dbyibs su brtsigs pa'i thab// zur bzhi la bzhi dag la bya/ snying khar 'khor lo'i thab tu bya// rigs dang 'thun pa'i yam shing rtsig/ ho lnga 'brel ba'i las chen la// thab khung lnga yi bye brag tu// rgyu drug yam shing spungs pa la/ ye shes lnga yi me glong du// nyon mongs lnga yi bsregs sbyangs thim// bya bar 'os pa mtha' dag kun// rnal 'byor can gyi ci rigs bya// zhes gsungs so// / / de la 'di ni ma tri 'greng bu gnon pa'i thabs so// dkyil 'khor ma traM gzugs su bya// mgo bo lho nu ba mtshams su bstan// mgo lus ya nA khag rnams la ni// maN+Dal bcu gcig rab tu bya// zhal du hau khung gru gsum la// yam shang dag gis brdzangs nAs ni// sbyin sreg ha~M gyi las rnams bya// snying khar gru gsum sum brtsegs la// bang rim gsum pa byas nas ni// phur bu nyi shu rtsa gsum bkod// zhe sdang rdo rje'i ting 'dzin bya// lte bar gru gsum mthing nag la/ zur la thod pa zhal gsum bri// gzhu bdun dgra sta brgyad kyang dgod// phur pa dgu dang kha T+wAM dgu// gtsang dmar drug cu rtsa brgyad dgod// yum gyi kha ru bsgoms
- 68a
nas su/ gzir gnan drag po'i las rnams bya// yan lag mgo mtshan g.yas g.yon la// gnas kyi ma mo brgyad rnams kyis// bri bya'am mtshan ma gzhag par bya// gzhan rnams kyi ni ci rigs par// ma traM dgug dbab bsgral dang gnan// byin brlabs mkhas pas tshul bzhin bya// bya ba thams cad ci rigs sbyar// des ni gnan pa'i las chen 'grub// zhes gsungs so// // de la 'di ni rdo rje tshe sgrub pa'i thabs so// thams cad 'byor par byas nas ni// sa stegs skya nul legs byas la// dbus su pad+ma 'dab brgya dra la// zla gam dmar po sgo bzhir ldan// rdo rje rabs bskor bar bya// dpal ldan tshe yi phyag rgya dgod// rin chen sna tshogs bum pa la// tshe yi rdzas kyis gang ba de// pad+ma ban d+hA sa kha ba ka ba pa// gzungs thag btags nas dbus su gzhag/ tshe dpag med par de mnga' gsol/ bum pa rin chen las byas bzhi// gsang ba'i yum du de mnga' gsol// rigs dang 'thun pa'i bum pa bzhi// rigs lnga sangs rgyas gtso gzungs dang // so so'i 'khor gyi sems dpa' rnams// gtso gzungs zung du 'brel ba ni// phyogs phyogs dag tu tshom bur bri// sgo bzhir sgo srungs la sogs gzhag/ sems
- 68b
kyi phyag rgya kun bkod nas// tshe dpag med pa'i thugs ka na// 'khyil cing 'tsher ba'i byang chub sems// nyi zla'i ga'ur gnas pa de// a yu byang chub sems su zhu/ de las rgyal mtshan mchog ldan dang // rin chen ga ter dang dbang bskur mdzod// gsang ba'i tsha ga ter 'dzan dang gzhi'i// thugs kar khros nas de bzhin du// tshom bu rim gyis spros nas ni// dkar dmar 'od kyis bdag la bltam// skye med dbyings su sbas nas ni// mi 'gyur phyag rgyas gdab par bya// yang na ting 'dzin khyad par gyis// lo 'am zla ba'i mtha' dag tu// skya rengs 'char ba'i dus su ni// phyag rgya chen por gnas pa des// shar phyogs ngos su kha ltas te// lha klu gnod sbyin ji snyed pa/ shar phyogs nam mkhar gnas pa rnams// thams cad khong du rngubs nas kyang // phyir mi dbyung bar khong du bstim// dbugs de tha mar sna ru ba sri// phyogs bcur de ltar goms byas na// dpal tshe gzi byin thams cad thob// ces gsungs so// // de la 'di ni bdud rtsi sman gyi sgrub pa'i thabs so// maN+Dal tshad dang 'thun pa la// dbus su pad+ma 'dab brgyad bri// gru chang zla gam bzhi par bya// gzhan yang zla gam ci rigs dgram// pad+ma'i rtse la rin po che'i// ge sar dag gis
- 69a
mdzes par bya// phyag rgya 'bar ba'i lha tshogs dgod// dbus su tshangs pa'i skud pa can// sul med dung can 'khor bar gzhag/ shar du su la 'greng de bzhin te// lho ru dpag pasam shing pu can// nub tu gzhong bu gnyis pa gzhag/ byang du ba sa phor rgya gram mo// snod kyi mtshan nyid bkod nas su// dri chan khu ba mam sa dang // rak+ta dri chu phyogs phyogs su'o// de dag skyobs su sbyar ba'i phyir// ka ko la dang du ru ka/ dzA ti pa la kha dri zhim// lce po ga dkar po rim bzhin sbyar// 'di dag kyang ni rim pa bzhin// a ru ra dang ga pur dang // gur kum pad+ma li ga dur// de na sa ra sa ya na'i tshogs// rigs dang las dang kha dog gis// ci rigs so sor dbye bar bya// sa bon lnga yis rim par byang // gsang chen de nyid dam pa yis// rigs gcig rigs lnga rigs brgya yis// sbyangs pa'i mchog tu bya ba yis// khrol bu dag ni sbyang ba na// ga sa la dang sngo dang bsdu dang dpya// khrus dang bshags dang yon tan brjod// byin dbab bzlas pa rtags byung dang // bsdu dang brtag tsam gzhal bar bya// mtshan ldan snod du rgya yis gdab// rigs dang 'thun pa'i gzungs kyi gdags// dbang bskur byin brlabs tshul bzhin bya// ting 'dzin ma yis 'byongs pa dang // dngos grub blang ba
- 69b
la sogs bya// de nas ri lu'am lde gu 'am// skyo ma la sogs ci rigs par// rnal 'byor mchog gis dpyad par bya// zhes gsungs so// // de la 'di ni sgra na sgrub pa'i thabs so// gang yang rung ba'i sems can de// las la bab pa'i rnal 'byor pas// ra ya kha gis bsregs sbyangs bkrus// rgyud drug sa bon 'bru lngas sbyang // rol pa'i tshul gyis bsgral bya zhing // rnam shes sbyor ba'i lhums su 'phangs// byang chub sems kyi 'phro 'du yis// skur bskyed ye shes skur spros te// rdzogs sangs rgyas la som nyi med// ces gsungs so// // de la 'di ni 'ga' na sgrub pa'i thabs so// mtshan dang ldan pa'i gzungs ma la// bsnyen bsgrub lung bzhin sbyor ba bya// dkar dmar 'dres pa'i byang chub sems// rdo rje lce yis blang bar bya// sangs rgyas rnams la mchod pa 'bul// 'gro drug sgrib pa sbyong bar byed// ces gsungs so// / / de la 'di ni spyir sgrub pa'i thabs so// yi dam bcas pa gtang na yang // bdag lus phyal bar mi gzhag cing // de nyid dran pa chen por bya// 'phags pa mchod pa/ brtson pa dang // rang gi lta ba gsal ba dang // gsang sngags sdom la gnas pa dang // sngags dang phyag rgya ma nyams dang // yo byad 'tshogs na nges par 'grub// mi ldan don
- 70a
med brlag par 'gyur// zhes gsungs so// // de la 'di ni mi 'grub pa'i chad pa'o// bsnyan bsgrub rim par ma rdzogs par// dngos la zhen cing bsgrub med pa// rang rgyud bsreg par gdon mi za// zhes gsungs so// // de la 'di ni bsgrubs nas ma grub pa'i chad pa'o// bka' bzhin bsgrub pa'i rnal 'byor pas// dus bzhin grub par ma gyur na// rdo rje sems dpa' la sogs pa'i// ye shes las grub lha rnams kyang // tshal par 'gas par gdon mi za// zhes gsungs so// // dngos grub kyang de dag tu ma zad bsam gyis mi khyab ste// de dag la sogs bsam mi khyab// chos dbyings ma nyam dang mi mnyam pa// nam mkha' dbyings kyis mthas klas pa// brjod med brjod pa las 'das pa'i// dngos grub ji ltar 'dod pa 'grub// ces gsungs so// 'phags pa rgyud kyi rgyal po chen po ye shes rngam pa glog gi 'khor lo'i mdo zhes bya ba las/ dngos grub bsgrub pa'i rnam grangs bshad pa'i le'u ste bcu gnyis pa'o// // de nas bcom ldan 'das gsang ba mchog gi bdag po des/ mi 'da' ba dam tshig gi rdo rje zhes bya ba'i ting nge 'dzin la snyoms par zhugs nas/ nyid kyi sku dang / gsung dang / thugs rdo rje las sdom
- 70b
pa zab mo phyung ngo // de la 'di ni dam tshig gi sdom pa ci phyir bsrung ba'o// srid gsum sems can thams cad la// log rtog 'khrul pa bsam mi khyab// de nyid gzhil ba'i 'dul thabs su// phyi nang sdom pa ji snyed pa// rtog 'dul thabs su de rnyed gsungs// zhes gsungs so// // de la 'di ni dam tshig kun mdo 'dir bsdus pa'o// ji snyed sdom pa mtha' yas kun// gsang sngags rgya mtsho chen po las// 'dul ba'i thabs su so sor snang // snang yang rtog 'dul ma grub phyir// rmad byung dang du gcig par zhub// de bas gsang sngags ngo mtshar che// zhes gsungs so// // de la 'di ni dam tshig rnam par dag pa'o// chos kun ye nas dag pa'i phyir/ log rtog ye nas rnam par dag/ de bas sdom pa rnam par dag/ dam tshig 'di ni rmad po che// zhes gsungs so// // de la 'di ni bsrung ba med pa'i sdom pa'o// thams cad thig le rdo rje bas// bsrung ba'i tha snyad rnams dang bral// kun khyab brdal ba'i ngang nyid las// bsrung du med na sdom pa yin// zhes gsungs so// / de la 'di ni rtogs pa'i dam tshig go/ bde chen rnam dag lhun grub par// lta bas rtogs shing chud 'gyur na// dam tshig nyid kyang rnam dag ste//
- 71a
lta ba'i khyad par ji bzhin du// 'dul ba'i khyad par de ltar gnas// de bas dam tshig ces bya ba// rang gi lta ba yin par gsungs// zhes gsungs so// // de la 'di ni dam tshig gi mdo gsang ba'o// gsang sngags rgya mtsho chen po yi// dam tshig bsam yas ji snyed pa// rtsa ba yan lag gnyis su 'dus// rtsa ba'i dam tshig gsum yin te// sku gsung thugs su rgyal ba sa gsungs// yan lag dam tshig mi spang dang // mi dor dpyad dang shes pa dang // grub pa yin te rnam pa lnga// mdor na rnam pa brgyad du grags// zhes gsungs so// // de la 'di ni mdo rgyas pa'o// sku yi dam tshig ces bya ba// bla ma spun la gdung sems ldan// rngan dang spya sems spangs pa yin// bla ma la yang rnam gsum ste// dam tshig dbang dang shes rab rgyud// man ngag lung ston slob dpon la// / rngan dang g.yas kyi sems bor na// lus ngag sgo nas smos ci dgos// mgo dang mig dang gzungs ma snying // rtag tu 'bral bar 'phangs pa ltar// bla ma rdo rje slob dpon yang // mi 'bral sems kyis de ltar lta// mi 'bral phyi bzhin be'u ltar 'brangs// de yi dgos pa ci yang rung // skongs na srog la mi lta na// zang zing
- 71b
gzhan lta smos ci dgos// lus la dbang ba'i rgyal po 'am// lus srog bskyed pa'i pha ma pas// shin tu gnyan cing bkur bar bya// ci'i phyir dbyings dang rnam thar gyis/ sgo rnams de yis ston pa yin// dngos grub bye brag ji snyed pa// de la rag las rjes su 'brang // ma rig mun pas 'thibs pa la// sems kyi sgron me de yis 'degs/ lha mi yongs kyi 'dren ston yin// dus gsum sangs rgyas zhal mthong yin// dge ba'i rtsa ba'i srog shing yin// yon tan kun gyi gter mdzod yin// gal te yon/ tan mi ldan yang // bla mar gzung nas spangs byas na// kun gyi slob dpon brnyas pa yin// dus gsum sangs rgyas skur pa yin// de yis nyams pa brjod mi lang / yon tan ldan pa'i bla ma de// phyogs bcu'i sangs rgyas thams cad dang // rgyal sras dang ni mthu chen rnams// phyag 'tshal mchod cing bkur sti byed// 'jig rten 'din mthu chen kun// de yi dgos pa skong ba dang // khur zhing bran du khas len na// rdo rje slob mas smos ci dgos// rdo rje spun la gdung sems kyang // 'dres dang ma 'dres yongs kyi spun// yang dag lam du zhugs pa la// rngan dang dpyas kyi sems tsam yang // rtag tu spang bar bya ba yin// brtse zhing gdung ba'i
- 72a
shugs phyung la// gcig la gcig ni mig bzhin lta// mdor na srog la'ang mi chags par// spun dang ming sring dgos pa bsgrub// ci phyir rdo rje spun rnams ni// 'di nas byang chub thug bar du// mi 'bral 'grogs pa'i grogs mchog ste// me mar 'od dang sdong bu 'dra'o// dper na 'jig rten mi dag kyang // mang po 'dus na dka' ba'ang 'grub// de bzhin rdo rje ming sring spun// dngos grub sgrub pa'i grogs mchog yin// dper na grogs dang ldan pa'i mi 'tshe ba rnams kyis tshugs par dka'// de bzhin rnal 'byor grogs ldan yang // rgol ba rnams kyis mi tshugs shing // 'bras bu myur du 'grub par 'gyur/ de bas nan tan bskyed de gsungs// de yang sku yi dam tshig ste// bsrung ba yin par rgyal bas gsungs// mdor na snang srid thams cad na// gzugs su snang ba thams cad kun// chos kyi sku las ma g.yos par// gzugs skra 'ja' tshon tshul du gsal// de nyid don la mi 'da' bar// rtogs pa skra yi dam tshig ces// rgyal ba rnams kyis rab tu gsungs// / gsung gi dam chog ces bya ba// sngags kyi rnal 'byor gral sgo bas// phyag rgya bzhi ru rnam
- 72b
gsal nas// rdo rje sngags rnams rgyun mi gcad// bsgom dang bzlas dang 'phro 'du'i sngags// ting 'dzin me dang 'dra ba la// bzlas brjod rlung dang 'dras bskyod na// sgrib pa'i bud shing bsreg par 'gyur// bzla sa brjod sngags kyi brtul zhugs kyang // sgra chen ma yin chung ba min// mgyogs pa ma yin bul ma yin// drag pa ma/ yin dal ba min// yig 'bru yan la nyams ma yin// yengs min gla la sogs par chod min// rgyu ba'i sems pa spangs pa dang // bzlas pa'i skyon bcu spangs nas ni/ dus dang grangs dang mtshan ma dang // bsnyen pa rab tu rdzogs pa gces// ye shes lha rnams nye ba dang // dbyings dang rnam thar mtshon pa dang // dngos grub rnam gsum thob 'gyur dang // 'phro 'dus 'gro don bya ba dang // lha rnams mnyes pas 'grub pa dang // las rnams myur du grub pa'i phyir// bsrung ba'i dam tshig yin par gsungs// mdor na snang srid thams cad kyis// sgra ru grags pa thams cad kun// skye med gsung las ma g.yos kyang // gsung gi bye brag nyid yin par// rtogs shing slar yang dbyings su thim// rtogs pa'i gsung du rgyal bas gsungs// / thugs kyi dam tshig ces bya ba// spyi gsang bzhi dang bar gsang bzhi//
- 73a
gsang bar 'os dang gnyer gtad pa'i// gsang sngags gsang ba'i don rnams kun// bum pa'i nang gi me mar bzhin// snod ma yin pa'i gang zag la/ dus gsum gnas skabs kun tu gsang // snod dang ldan pa rnams la yang // dbang ma thob par bshad pa min// ci phyir gsang don de nyid la// ma rtogs pa rnams skur pa 'debs// log par rtogs pas lhung bar 'gyur// don ma rtogs na yid ches med// khams gsum skye bo'i bcas kar 'gyur// dngos grub par chod bgegs su 'gyur// de bas gzhan du bstan pa min// mdor na thugs kyi dam tshig ni// srid gsum sems can thams cad kyi// sems rtogs rnam pa thams cad kun/ skye med dbyings las ma g.yos kyang // so sor rtogs pa'i thugs nyid snang // snang nyid dbyings las mi 'da' ba// rtogs pa'i thugs su rgyal bas gsungs// / 'di ni rtsa ba'i dam tshig gi/ mdo nyid rgyas par bshad pa yin// rtsa ba'i dam tshig gi mdo rgyas pa'o// spang min dam tshig ces bya ba// chags dang zhe sdang gti mug dang // nga rgyal phrag dog rnam lnga yin// rigs lnga'i sangs rgyas rang bzhin yin// ye shes lnga yi ngo bo bas// spangs na rnal 'byor don dang 'gal// mi 'dor
- 73b
dang du blang ba ni// dri chen dri chu rak+ta dang // maM sa dang ni zil pa lnga// 'bras bu lnga yis bsdus pa rnams// rnal 'byor pas ni rtag tu bza'/ 'di yang dam tshig rmad po che// spyad par bya ba'i dam tshig ni// sgrol dang sbyor dang ma byin len// rdzun dang ngag rtsu ba smra dang lnga// don ldan skyes bus spyad par bya// shes par bya ba'i dam tshig ni// phung po lnga dang 'byung ba lnga// dbang po yul lnga kha dog lnga// rigs lnga ye shes lnga nyid du// don ldan skyes bus shes par bya// lung dang ldan pa'i rnal 'byor pas// grub par bya ba'i don chen yang // sangs rgyas lnga las gzhan mi bsgrub// grub par bya ba'i dam tshig ste// 'di dag bsrung ba rab tu gces// de yang ci'i phyir bsrung zhe na// 'dod chags rang dang spyir snang ba// chags shing zhen pa thams cad kun// pad+ma'i rigs kyi ngo bo nyid// zhe sdang zhes bya rdo rje'i rigs// gti mug sangs rgyas yin par gsungs// nga rgyal yid bzhin nor bu ste// phrag dog ces bya las su bshad// de bas spang bar bya ba min// dri chen snang mdzad gtso bo yin/ dri chu gdon mi za grub pa// rak+ta snang ba mtha' yas sku// maM sa rin chen 'byung ldan gtso// byang chub sems ni rdo rje sems// des na dang du blang bar
- 74a
gsungs sems can thams cad gsad bya ba// rdo rje sems dpa'i dam tshig yin// bud med rnams la chags bya ba// snang ba mtha' yas dam tshig ste// gzhan gyi nor dbrog rnam snang gi/ rin chen 'byung ba'i rdzu na smra ba// ngag rtsub gdon mi za grub pa'i// dam tshig yin pa rgyal bas gsungs// de bas spyad par bya ba'o// gzugs su snang ba rnam snang mdzad// tshor ba ran chen 'byung ldan gtso// 'du shes snang ba mtha' yas te// 'du byed gdon mi za 'grub pa// rnam shes rdo rje sems dpa' 'o// sa ni rdo rje zhes su bshad// rin chen chu ste pad+ma me// thog med rlung gi rang bzhin te// nam mkha' khams ni rnam snang mdzad// mig gi dbang po rnam snang mdzad// rna ba rin chen 'byung ba'i tshul// snang mtha' yis ni sna yin te// lce ni gdon mi za grub pa// lus nyid mi bskyod yin par gsungs// gzugs rnams rnam par snang mdzad tshul// sgra rnams rin chen 'byung ldan gtso// dri rnams snang ba mtha' yas te// ro rnams don yod grub pa yin// reg rnams mi bskyod yin par gsungs// dkar po snang ba rdo rje'i rigs// ser po bde gshegs nyid du bshad// mthing kha rin chen dmar po chos// ljang khu las kyi rigs su gsu/
- 74b
de phyir shes par bya ba yi// dam tshig yin par dpa' bos gsungs// bsgrub par bya ba'i 'bras bu yang // rigs lnga nyid du grub pas na// de bas grub pa'i dam tshig yin// dam cho ga 'di ni rmad po che// yan lag dam tshig 'da' dka' ba'o// zhes gsungaso so// // yan lag gi mdo rgyas pa'o// de la 'di ni dbye ba'o// rtsa dang yan lag dam tshig rnams// bsrung dang rtogs pa gnyis su dbye// de dag dngos su bsrungs pas na// mi 'da' bsrung ba'i sdom bcas yin// rnam par dag pa'i ngang nyid du// de dag rtogs pas khyad par du// rtogs pa'i dam tshig yin par gsungs// zhes gsungs so// // de la 'di ni dam tshig nyams pa'i ltung ba'i gnas so// rtsa ba nyams pa'i skyon chen yang // bskal pa grangs med bgrangs pa yang // dmyal ba chen por ltung bar 'gyur// rdo rje'i bla ma'i sku smad na// dus gsum sangs rgyas brnyas pa yin/ byang chub sems la skur pas na// de yi sdig pa brjod mi lang // dper na 'jig rten pa yis rdul// grangs kyis bgrang zhing shes kyang srid// rgya mtsho chen po'i chu thigs kyang // grangs kyis bgrangs shing shes su rung // bla ma smad pa'i sdig pa ni// brjod par nus pa ma yin no// dmyal ba chen po'i sdug bsngal las// nams kyang
- 75a
thar par mi 'gyur te// srid gsum sems can bsad pa bas// bla ma'i bka' bcag char mi phod// rdo rje spyan la smad pa yi// nyams pa'i skyon yang brjod par dka'/ bskal pa gcig gi bar dag tu// dmyal ba chen por lhung bar 'gyur// tshe 'dir bsgrub pa log pa dang // 'bad pas 'bras bu med par 'gyur// sdug bsngal thams cad thob par 'gyur// gsung gi dam tshig nyams gyur na// dbyangs dang rnam par thar pa yi// sgo rnams nyams par gyur pas na// bsgrub pa thams cad log par 'gyur// yi dgas gnas su yun rings te// lkugs pa'i gnas su 'gyur ba yin// thugs kyi dam tshig nyams gyur na// yi dgas khyi yi lus su skye// thong gshol 'bar ba lnga brgya yis// de yi lce yang gshog byed pa// bskal pa du mar myong bar 'gyur// dngos grub 'bras bu med par 'gyur// mdor na rtsa ba nyams 'gyur/ na/ 'bras bu med cing ngan song ltung // rdo rje sems dpa' bdag nyid kyang // de yi snying khrag 'thung bar nges// mi spang dam tshig nyams 'gyur na// dngos grub thams cad spangs par 'gyur// mi 'dor dam tshig nyams gyur na// dngos grub 'bras bu mi thob cing // yi dgas spre'u'i lus su skye// spyad pa'i dam tshig nyams gyur na//
- 75b
'du shes med pa'i 'gog par ltung // shes pa'i dam tshig nyams gyur na// 'du shes med pa'i khrod du ltung // grub pa'i dam tshig nyams gyur na// bdud kyi khams su lhung bar 'gyur// rtogs pa'i dam tshig nyams gyur na// ru tra chen po'i gnas su ltung // de la sogs te bsam mi khyab// ces gsungs so// // de la 'di ni nyams pa bskang ba'i tshad do// dam tshig nyams par gyur pa na// mgon btsun mnyam pa'i don rtogs na// de nyid skong ba'i gnas su 'gyur// bla ma 'am spun la smad gyur na// tshe 'di/ nyid la mnyes byas te// mthol bshags drag pos 'gyod byas na// des ni skong ba'i las su 'gyur// gal te bdag gam bla ma spun// ma bskang bar du tshe 'phos na// de ni bskang ba'i tshad las 'das// gsung gi tha tshig ral gyur na// rdo rje chos su bdag bsgoms te// tha tshig gang ba rlag 'bum 'bum 'don// thugs kyi tha tshig ral gyur na// rdo rje sems dpar bdag bsgoms la// lo gsum bar du mi smra bar// bsam gtan sbyor ba rab tu bya// yan lag zla tshig nyams gyur na// so so rang rig rigs kyis bskang // zhes gsungs so// de skad ces gsungs pas/ 'dus pa'i 'khor tshogs rnams kyis/ gsang sngags kyi dam tshig ni rang rang gi snying la gnas par mthong nas/ a la
- 76a
zhes pa'i sgra phyung ste/ rang rang gi dam tshig la dmigs so// 'phags pa rgyud kyi rgyal po ye shes rngam pa glog gi 'khor lo'i mdo zhes bya ba las/ dam tshig rnam par bkod pa'i le'u ste bcu gsum pa'o// // de nas bcom ldan 'das gsang ba mchog gi bdag pos/ brtul zhugs kyis rnam par rol pa zhes bya ba'i ting nge 'dzin la snyoms par zhugs so// zhugs nas kyang sngags thams cad kyi brtul zhugs rnam par rol pa 'di/ nyid kyi sku dang / gsung dang / thugs rdo rje las phyung ngo // gsang sngags rgya mtsho chen po 'di// brtul zhugs ngo mtshar rmad byung ba// chos kun rol pa snang ba'i phyir// ji ltar spyad kyang brtul zhugs de// dka' thub dka' ba spyad mi dgos// khrus dang sdom pa ba snga ma mi dgos// dka' thub sdom pa brten pa'i mis// bsgrubs kyang 'grub par mi 'gyur te// dka' thub sdom la mi gnas shing // 'dod pa'i longs spyod rab brten pas// bsgrubs na myur du 'grub par 'gyur// rigs ngan dang ni sme sha can// rtag tu gsod la brtson pa dang ma byin len dang mi tshangs spyod// rdzun du smra la dga' ba dang // rtsub pa'i ngag la dga' ba dang // gsang sngags bsgrub pa'i snod du 'gyur// pha dang khu bo mes po la//
- 76b
zhe sdang sems kyis bskul byas na// rdo rje sems dpa'i dngos grub thob// ma dang bu mo sring mo la// 'dod chags sems kyis sbyar byas na// chags pa chen po'i dngos grub 'thob// snying rje med par gsod pa dang // 'jigs pa med par sbyor ba dang // bshang gci zas su za ba dang // rang gi khu bas mchod pa dang // dur khrod rgyan la dga' ba ni// theg mchog 'di la 'grub par 'gyur// bsod nams zas la mi chags shing // ma blangs pa la'ang chags mi bya// nags tshal dgon pa'i sa phyogs su// bsod snyoms blangs te bza' bar bya// sems kyi brtul zhugs chen po yis// ting 'dzin stobs dang ldan par bya// lus kyi brtul zhugs chen po yis/ thogs med stang stabs tshul du gnas// ngag gi brtul zhugs chen po yis// sngags kyi yi ge drag tu brjod// dben pa'i phyogs su gnas bcas la// g.yang gzhi gos su bgos nas ni// che ba'i nga rgyal rtag tu bskyed// wa yi brtul zhugs chen po yis// spang bar bya ba'i skabs su spyad// cang shes brtul zhugs chen po// yis/ shes bya kun la 'jug par bya// lus kyi rtsal gyi bya ba dag/ gyi ling brtul zhugs chen pos bya// phag gi brtul zhugs chen po yis// gtsang sme med par
- 77a
kun la spyad// glang chen myos pa'i brtul zhugs kyis// mi mdzad rmongs tshul bstan par bya// stag mchod rngam pa'i brtul zhugs kyis// dpa' brtul gtum pa'i las cheni bya// khyung chen mkha' lding brtul zhugs kyis// lta ba spyi rgya rlabs kyis bcad// gtum thung dom gyi brtul zhugs kyis// re ba med pa'i las chen bya// rgya mtsho ga sar gyi brtul zhugs kyis// yid thub mi ldog bstan par bya// lkugs pa lug gi brtul zhugs kyis// gti mug bzhin du shes rab ldan// ri bo lta bu'i brtul zhugs kyis// mi 'gyur rab tu brtan par bya// nam mkha' lta bu'i brtul zhugs kyis// yangs dog kun dang bral bar bya// gnam lcags lce yi brtul zhugs kyis// drag shul la sa la sbyar bar bya// lag na rdo rje brtul zhugs kyis// mthu stobs dag la spyad par bya// khwa rog brtul zhugs chen po yis// zon bag khu 'khrig spyad par bya// glang chen chur 'jug brtul zhugs kyis// nges pa'i nga rgyal gcad par bya// ri dgas seng ge'i brtul zhugs kyis// grogs ngan la sogs spang bar bya// reg 'jam bya yi brtul zhugs kyis// 'grogs na chags shing bde bar bya// sgyu ma rgya yi brtul zhugs kyis//
- 77b
thabs la mkhas pa'i las chen bya// lce spyang kha yi brtul zhugs kyis// gtsang sme med par spyod pa dang // thogs med gsod la brtson par spyad// nga rgyal stag mchongs brtul zhugs kyis// che ba'i nga rgyal bskyed par bya// mkha' lding lta bu'i brtul zhugs kyis// kun tu mdzes pa'i spyod pa spyad// rgyal po 'khor skyong brtul zhugs kyis// sa thub 'khor dang ldan par bya// bcu gnyis dang ni gsum dag gi/ brtul zhugs blo dang ldan par bya// de la so gos te bsam mi khyab// ces gsungs so// 'phags pa rgyud kyi rgyal po ye shes rngam pa glog gi 'khor lo'i mdo zhes bya ba las/ rnal 'byor rig pa'i brtul zhugs kyi le'u ste bcu bzhi pa'o// / / de nas bcom ldan 'das gsang ba mchog gi bdag nyid chen pos/ 'phrin las rgya mtsho lhun gyis grub pa'i 'khor lo 'byung ba zhes bya ba'i ting nge 'dzin la snyoms par zhugs so// zhugs nas kyang 'dus pa'i 'khor tshogs rnams la 'di skad ces gsungs so// 'dus pa'i 'khor tshogs rnams nyon cig/ btsal med lhan grub dkyil 'khor las// 'phrin las rgya mtsho bsam yas kyang // rnal 'byor dgos pa'i dbang dag tu// las bzhi dag tu rgyal bas gsungs// dang po
- 78a
zhi ba'i las yin te// gnyis pa rgyas pa zhes su bya// gsum pa dbang du bsdu ba'i las// bzhi pa drag po'i las su bya// de nas lha yi rnal 'byor dang // gnas dang dus dang rdzas rnams dang // dbyibs dang kha dog maN+Da la dang // yum dang ting nge 'dzin dag dang // phyogs dang stan dang 'dug stangs dang // tho ba phur pa gtor ma dang // bzlas brjod ho dang bskal tshig dang // / 'khor lo me wA'i mtshan nyid dang // / yul dang gru ba pa'i 'bras bu ste// bcu gnyis dang ni gnyis dag gi/ bya ba thams cad rdzogs par gsungs// ya ni zhi ba'i mtshan nyid yin// ma zhes bya ba rgyas pa yin// dbang du bsdu ba baM du bshad// e nyid drag po'i mtshan nyid do// // lha yi rnal 'byor rim pa yang // rdo rje sems dpas zhi drag bya// rnam snang mdzad dang rin chen 'dzin// rgyas pa'i las ni byed pa yin// snang ba mtha' yas rgyas pa dang // dbang gi las ni byed par gsungs// gdon mi za bas las kun byed// yang na drag po nyid la'o// kun tu bzang mos ci yang byed// spyan ni zhi ba'i mchog yin te// bsrung ba ma ma ki yis byed// gos dkar can gyis dbang du byed// sgrol ma las rnams kun la sbyar//
- 78b
sa yi snying pos rgyas par byed// nam mkha'i snying pos 'phel bar byed// phyag na rdo rjes drag po byed// spyan ras gzigs kyis snying brtse bar// kun gyi yid du 'ong bar byed/ byams pas chos kyi 'khor lo bskor// sgrib pa sel ba rnam dag byed// kun tu bzang pos nor grub byed// 'jam dpal shes rab rno bar byed// sgeg mos sangs rgyas mtshan rnams grub// 'phreng bas rgyan dang ldan par bya// sangs rgyas yul du phyin par byed// gla yis dbyangs snyan bsgrub pa dang // rigs ma dag dang lhan cig rtse na// gar gyi phyag rgya gar mchog dang // sangs rgyas rnams dang lhan cig 'gro gso// bdug pa yid 'ongs dngos grub thob// me tog rab dgyes mdzes par byed// dI pas 'od gsal mdangs dang ldan// dri yis dri nga dag par byed// lcags kyu yis ni spyan drangs dang // dgug dang rdo rje'i las rnams byed// zhags pas/ 'dren cing 'ching bar byed// sgrog gis dbang du byed cing sdom// dril bus dgyes dang sgrol ba dang // dbab pa'i las rnams byed par 'gyur// byed pa po dang bya ba mos// thams cad thams cad kun la sbyor// rdul snyed dbang po drag rnams kyis// ci 'dus thabs kyis sna tshogs byed// khrag 'thung chen pos gti mug
- 79a
'joms// khrag 'thung rdo rjes zhe sdang 'joms// rin chen hA rus nga rgyal 'joms// pad+ma he rus 'dod chags 'joms// las kyi he ru phrag dog 'joms// khrag 'thung chen mos thim par byed// badz+ra kro d+hi sa 'khyud par byed// rat+na kro d+ha sa sbyor bar byed// pad+ma kro d+his skyod par byed// karma kro d+hi si 'bebs par byed// dkar mo'i tshogs kyis 'gugs par byed// rkun mo'i tshogs kyis mthu 'phrog byed// rmongs mo'i tshogs kyis myos par byed// thal byed ma yis thal bar rlog/ dpos mo'i tshogs kyis dbang du byed// gtum mos sgrol zhing myos par byed// sme sha can gyis za bar byed// ma tshogs mas ni rgyud 'phel byed// seng gdong tshogs kyis zil gyis mnon// stag gdong tshogs kyis 'joms par byed// wa gdong tshogs kyis rol par byed// khyi gdong tshogs kyis gsod cing za// rgod gdong tshogs kyis skyug par byed// dur byas rnam shes 'dren par byed// bya rog gdong gis dbang po 'dra// 'ug gdong tshogs kyis 'dren cing lta// gshed pos dgug cing skrag par byed// bdud rtsi 'khyil bas skrod par byed// gzhan gyis mi thub mngag gzhug byed// rta yis dug rnams 'joms par byed// dbyug sngon can gyis
- 79b
gsod par byed// stobs chen char 'bebs byed pa'i mchog/ mi g.yo bas ni skrag cing bkug/ rdo rje hUM gis 'ching bar byed// rnam par rgyal bas gnon par byed// khams gsum bdag pos 'joms par byed// 'phra men tshogs rnams mang po kun// mngag gzhug pho nya'i las rnams byed// slas dang byi mo'i tshogs rnams kyis// thams cad thams cad byed par 'gyur// mdor na lha yi rnal 'byor ni// cis 'dul thabs kyis de ltar ro// yid 'ongs bkra shis rab dben par// rdo rje zhi ba bsgrub par shis// me tog nags tshal skyed mos tshal// nyams dga' bar ni rgyas pa shis// kha dog dmar zhing gcong rong mang // ri bor gnas su dbang du bya// sum mdo grog sle rkang gcig drung // rtsug pa'i gnas su drag po bya// snga dro zhi ba gung la rgyas// srod la dbang du gung la ni// drag po'i las rnams brtsam par bya// rdzas dang bsreg bya'i rdzas rnams kun// dkar zhing dang ra ba'i rdzas dag dang // zho dang ldan pa'i shing dag gis// rtse mo las byas zhi ba'i rdzas// ser zhing kha ba'i ro ldan pa// bar gyi shing las byas pa kun// rgyas pa'i rdzas su mngags pa yin// sgyur zhing kha dog dmar ba dang // drungs pa las byas shing gi rnams//
- 80a
rdo rje dbang du bsdu ba'i rdzas// nag cing rtsub pa tsha ba yi// ror ldan rtsa ba'i shing las byas// rdo rje drag po nyid la'o// zlum po dang / ni 'khor lo dag/ zhi ba yi ni las su gsungs// zur bzhi'am zur drug zur brgyad dam// pad+ma'am rin chen dbyibs 'dra ba// rgyas pa'i las la shis pa'o// zla ba kham dang gzhu yi dbyibs// pad+mo zlum po'am mkha' 'dra ba// dbang du bya ba'i las yin no// gru gsum mam ni gru chad dam// rdo rje'i dbyibs sam mda' 'dra bar// byas pa rdo rje drag po la'o// dkar po zhi ba sems po rgyas// dmar po dbang la nag po drag/ ljang khu spyi yi las su gsungs// ser skya zhi rgyas las yin te dmar skya zhi ba dbang gi las// sngo skya zhi ba drag po'i las// rgyas dang dbang dang drag po la'ang // zhi ba'i tshul du sbyar bar bya// des na las rnams re re la'ang // bzhi bzhi dag tu rgyal bas gsungs// zlum po'i thab khung rdo rje yis// brgyan pa zhi ba'i dkyil 'khor yin// pad+ma 'am gru bzhi rin po ches// brgyan pa rgyas pa'i las kyis shis// zla gam khung bu mda' gzhus brgyan// dbang du bsdu ba'i dkyil 'khor yin// gru gsum rtsa ba thod kyis brgyan pa// drag por spyod pa'i dkyil 'khor yin//
- 80b
ljon pa pa dang lcug phran pa// sdong gcig ma dang mi reg ma// spyan dang ma ma gos dkar sgrol/ byin gyis brlab pa'i gnas byas te// byams dang snying rje dga' ba dang // dga' chags btang snyoms khros pa yi// ting 'dzin dag gis zhi dang rgyas// dbang drag so so'i 'phro 'du bya// byang du ltas te zhi ba bya/ rgyas pa'i tshe na shar du lta// dbang la nub dang drag po lhor/ zhi ba ku sha'i khri stengs su// rdzogs pa'i skyil mo krung du bcas// pad+ma'i steng du sems dpa' yi// skyil mo krung gis rgyas pa bya// khri stangs dag tu phyed skyil gyis// dbang du bsdu ba'i las bya'o// sa gzhi gsum nyid la ni// rus sbal gyi ni rkang stabs kyis/ mngon par spyod pa brtsam par bya// zlum po zla gam gru bzhi dang // zur gsum tho ba'i gtun tshogs kyis// las bzhi yum gyi gtun khung du// gti mug nga rgyal 'dod chags dang // zhe sdang mtshan ma rdul du brdungs// dngul gser zangs dang lcags dag gam// zho can ser skyar rtsu ba shing la// ri rab tshul du rab brjid pa'i// phur pa las rnams so so yis// lha yi dkyil 'khor rab bsgoms la// rtse mo ya ma mam e yi dbyibs// mtshan ma ming du
- 81a
bcas pa la// btab na zhi rgyas dbang brlag 'gyur// dngul phye 'bras chan dkar po la// zhi bar 'gyur ba'i gtor ma sbyar// gser phye 'bru chan ser po la// rgyas par 'gyur ba'i gtor ma sbyar// dbang la zangs phye 'bru dmar chan// drag po lcags phye sha khrag la'o// shAn ting puSh+paM ba shaM dang // ma rA ya yi sngags tshig la// swA hA swA hA hUM phaT kyis// brgyan pa'i mgo la o gzhag pa// bzlas brjod dus su shes par bya// khung zlum po gru bzhi dang // zla gam gru gsum gdengs pa ru// rdo rje rin chen mda' gzhu dang // rdo rje rtse dgu'i phyag rgya gzhag/ zho can ser sbyar rtsub pa yi// yam shing dag la me spar te// lha ni gzi chen lhun chen dang // ga tu ma chen rngam pa'i lha tshogs la// las bzhi'i tshul du bsregs na 'grub// sngags dang 'dod pa ming spel te// bskul ba bskul ba'i tshig tu bshad/ ras sam gro ga'am shing shun la// zhi rgyas 'khor lo sngags bcas bri// lcags sam ga pur bcug nas ni// mchod cing bskal na gdon mi za// zhing chen ras sam smad dkris laM// dbang drag 'khor lo sngags bcas bris// kham jo
- 81b
nang nga mthong bar gzhug/ dur khrod gnas la sogs pa cu// bskul zhing gnan par byas na ni// gdon mi za ba gnan par 'gyur/ las ba'i me lnga/ mtshan nyid ni// me yi lha ni snang mtha' yas// me yi lha mo gos dkar mo// thabs dang shes rab 'brel bas na// gung 'dod las de byed par 'gyur/ gdus rtsu ba rnams la zhi bar gyur// dbul ba phongs rnams la rgyas par sbyar// dbang ni 'dod gzir rnams la ste// zhe sdang can la drag po'i las/ thams cad zhi bar 'gyur ba dang // yid bzhin nam mkha' 'grengs pa dang // dgug cing phyi bzhin 'breng ba dang // myos nas gas te tshig pa ni// las bzhi'i 'bras bur rgyal bas gsungs// 'phags pa rgyud kyi rgyal po ye shes rngam pa glog gi 'khor lo'i mdo zhes bya ba las/ las rim par phye ba'i le'u ste bco lnga pa'o// de nas yang bcom ldan 'das gsang ba mchog gi bdag po des/ skye 'gro thams cad 'dul ba rdo rje'i ting nge 'dzin la snyoms par zhugs so// zhugs nas kyang brnag pa'i nan tu 'di dge gsungs so// rdo rje slob dpon smod pa dang // sangs rgyas bston pa 'jig pa dang // lu gu rgyud las 'gal byed dang // rdo rje
- 82a
spun la 'khu byed dang // rnal 'byor spyi yi dgra byed dang // skye bo yongs la gnod pa dang / ma chags pa yi sems can la// brnag pa'i nan tur bya bar gsungs// dgug dang gsad dang bskams pa dang // bskrad dang dbye dang gnan pa dang // bcings pa'i las dang bdun dag gis// grub par 'gyur zhes rab tu gsungs// // dgug pa'i las dag bya ba yang // bdag nyid rnal 'byor ldan byas te// rkang rjes gnyis kyis blangs la// mi rus bsregs pa'i thal ba dang // dur khrod ro yi ras dag dang // rgya mtshor 'bab pa'i chu bo yi// 'gram gnyis nas ni blangs pa'i sa// rlung gis khyer ba'i shing lo dang // grogs mkhar sa rnams brtags nas su// lung bong lci bas sbru bar bya// de las yan lag tshang ba yi// gzugs la snying khAr gro ga 'am// shing shun legs par glan nas ni// ra khyi'i khrag gis ming bris te// hU dang phaT kyi bar du gzhug/ drag po'i maN+Dal gru gsum du// mgo ni lho nub mtshams su bstan// gang na gnas pa de nyid nas// de yi rnam par shes pa ni// thogs med rlung dang 'dra ba ste// lcags kyu yis ni snying drangs te// yaM las rlung gis bteg nas
- 82b
ni/ bdag gi drung du phyin pa dang // gzugs brnyan nang du de bcug ste// srin bu me khyer 'dra bar gsal// zhags pa'i phyag rgyas dam du gzhug/ lcags sgrog phyag rgyas sgrog tu gzhug/ dril bu'i phyag rgyas gdab par bya// gu gu la nag po'i dud pas bdug/ yungs kar rgyal po'i mtshon gyis brdeg/ rdo rje mig gis ltar mngon pa/ nyams pa de nyid gnas par ni// nyin mtshan gung la drangs te bsams// yang na sum pa'ang lhag par 'jeb// de ni dgug pa'i mchog tu gsungs// / / gal te gsad pa'i las bya na// dgug pa de nyid sbyar byas te// dug shing snying po'i tsher ma yis// khugs pa'i gzugs de dbug par bya// drag por gyur pa'i phur pa yis// dpral ba snying mgrin dpung mgo gnyis// gnas lnga dag tu btab ste bsgoms// rdo rje sder mo'i sngags kyis gangadab// rdo rje rtse gcig phyag rgya dang // be con rdo rje gnod sbyin dang // rdo rje brjid pas phur pas gnan// bskal pa'i mthar yang gzugs bsams te// gu gul dud pas myos su gzhug/ yungs kar rgyal pos brdeg par bya// de nas gzugs kyi dngos po de// rab tu rno ba'i mtshon cha yis// pho ni rkang pa g.yas nas gtub// mo ni rkang pa
- 83a
g.yon nas gtub// rmad du byung ba'i gtor ma dang // bcas te 'bar ba'i lha tshogs la// drag po'i ho du sbyin sreg bya// nyin mtshan gung la bya bar gsungs// las 'di byas na nges par yang // lha yis bsrungs kyang 'chi bar 'gyur// // gal te bskam pa'i las bya na// dgug pa de nyid sbyar byas te// de yi ming nas smos nas ni// gzugs de dug gi tshar mas dbug/ dug dang ske tshe lan tshwa dang // 'bru mar tsha ba rab bsres te// tsha ba'i rims kyis gdab pa'i phyir// de yi lus nang gang bar dgang // tsher ma'i me la bskam par bya// mtshan ma ming du bcas pa de// kham phor ram ni thod par gzhug/ dgra yi sgo khar gnan byas na// bskam par 'gyur ba gdon mi za// yang na tsha bas pa tab par 'gyur// / gal te gnas nas spo bya na// ting 'dza na ldan pa'i rnal 'byor pas// dgug pa de nyid sbyar byas te// rdo rje mig gis ma thong ba dang // rlung gi dkyi la 'khor steng dag tu// rdo rje rnga mo rnams bsams te// de nyid rgyab tu bskyon nas ni// rdo rje khro bo 'bar ba yis// gshin rje'i phyogs su khrid pa dang // gzhan gyis brdeg pa'i thabs su sbyar//
- 83b
ral gris rgyu ma gtubs pa dang // bya rog 'ug pa bya rgod khyis// za zhing 'thog par rnam bsams nas// de yi ming nas bskul byas na// de ni myur du skrod par 'gyur/ rdo rje mi 'chi las kyis sbyar// yang na rkang rjes sa dang ni// shing lo rlung gis rtsub pa la// mtshan ma ming du bcos par bya// ming dang drag tu bskul bya zhing / rdo rje 'bar ba'i khro bo yis// gshin rje'i drung du khrid pa la// bgegs kyi rlung du gnan byas na// des kyang bskrad pa'i las su 'gyur// yang na dgra yi sgo kha ru// thod pa ma gas ma chag par// rdo rje sngags kyi tshig bris te// rdo rje mi 'chi rnam par bsgom// dgra yi sgo khar gzhag na ni// bskrad par 'gyur bar gdon mi za// / gal te dbye ba'i las bya na// khro bo'i sngags dang ming spel te// 'ug pa'i sgro la bris nas ni// bram ze'am dge skyong sgras dkris te// lam gyi bzhi mdor rkos te gzhug/ de nas rdo rje khro bo gnyis// 'thab cing rtsod par rnam bsams na// gsang sde dbye bar gdon mi za// / gal te gnan pa'i las bya na// dgug pa de nyid sbyar bya ste// mngon sum khugs par gyur pa dang // de stengs dbang chen rim par bskyed// ri rab steng du
- 84a
bsgom pa ni// las kyi lha ste don yod grub// rdo rje rgya gram brjid ldan pas// bskal pa'i yun du gnan par bsam// gzugs brnyan thod pa gang bar gzhug/ lam gyi bzhi mdor de bzhin bya// des ni rab tu gnan par 'gyur// // gal te bcing bar 'dod pa na// dgug pa de nyid sbyar byas te// mtshan ma ming du bcas pa de// tshon skud sna lngas mgo lus dkri// rdo rje sgrog gis bcings bsams nas// thod pa ma nyams nang du gzhug/ lam gyi bzhi mdo 'am dur khrod du// sbas na nges par bcing bar 'gyur// // gzhan yang gsad pa'i brtul zhugs ni// khrag dang dri chub shang gci yis// gsher bar byas pa'i gos gyon te// khro bo'i rgyal por sbyar byas nas// rkang pas gzugs brnyan gnan nas ni// khros pas gsang sngags brgya rtsa brgyad// rdzogs par bzlas na nges par 'chi// thal ba'i skyo mas spangs pa 'am// smra bshig gcer bur phud pa'ang rung // de lta bu yi sbyor ba yis// sangs rgyas dag kyang 'chi 'gyur na/ khams gsum skye bo smos ci dgos// zhes gsungs pas/ 'dus pa'i 'khor tshogs thams cad rab tu 'jigs skrag ste/ rang rang gi stan las langs nas lus sa
- 84b
la rngab pa'i phyag rnal 'byor gyi lugs su byas te/ cho 'phrul rnam pa du ma bstan nas ngo mtshar rmad du byung ba'i rdo rje'i tshig gis bstod pa/ a ma'o ngo mtshar ya mtshan gyi/ cho 'phrul kun gyi 'byung gnas gtso// ngo mtshar kun gyi bdag po mchog/ rdo rje rgyal la phyag 'tshal 'dud// byang chub sems dang maN+Dal dang // phyag rgya bsnyen bsgrub grub pa dang // sdom dang brtul zhugs las rnams dang // nan tur bdag po khyod la 'dud// khyod ni sangs rgyas kun gyi yab// de bzhin rgyal sras snying por gyur// bdag cag rnams kyis rten pa'i gnas// ma rungs 'dul gtso khyod la 'dud// e ma'o snang dang mi snang brtan g.yo la sogs chos kun nyid kyis sgyu 'phrul sgyu 'dra 'khrug la snang // bsam yas bsam dpag las 'das chos kun ngo mtshar rmad byung cho 'phrul sna tshogs kun tu snang // rtogs med mnyam nyid dbyings la ci srid 'phrul kyang dbyings la g.yos pa rdul gyi cha tsam med// don dam dben pa'i cho 'phrul kun rdzob gsang sngags che ba'i khyad par rmad byung e ma'o ngo mtshar che// zhes mgrin gcig tu gsol ba btab ste/ 'dus pa'i 'khor tshogs la la ni byang chub sems kyi mtshan nyid la sems shing cang mi smra bar 'khod do// la la ni dkyil 'khor rnams rim gyis 'god//
- 85a
la la ni lhun gyis grub pa'i gar dang phyag rgya nye bar ston/ la la ni gsang sngags kyi sgo zab mor bsnyen bsgrub rnam pa bzhis 'jug cing mi ldog/ la la/ ni ngo mtshar rmad du byung ba'i che ba dag ston/ la la ni sngags kyi dam tshig snying la gnas par sdom/ la la ni brtul zhugs zab mo la 'jol tog tu spyod cing rol/ la la ni gdug pa'i tshogs mnye zhing tshar gcod// la la ni rmugs pa dang / rengs pa dang / 'dod gzir dang / dregs pa rnams dang / sbyor ba'i las kyis rol pa la dgyes/ la la nan tur gyi che ba ston cing ling long phyed/ thams cad bla 'khyam pa'i spyod pa can du gyur to// bcom ldan 'das gsang ba mchog gi bdag po ni yum rngam pa kro d+hi'i rgyal mo dang gnyis su med par/ de bzhin nyid kyi dbyings la dgongs shing cang mi gsung bar gyur to// 'phags pa rgyud kyi rgyal po ye shes rngam pa glog gi 'khor lo'i mdo zhes bya ba las/ nan tur gyi las rim par phye ba'i le'u ste bcu drug pa'o// // de nas yang smra ba'i seng ge byed pa po rdo rje kun tu bzang pos/ bcom ldan 'das gsang ba mchog gi bdag po de de bzhin nyid kyi ngang la mi g.yo bar rnal bzhin du cho 'phrul 'byung ba'i glu 'di rnam par bskul to// e ma'o// me
- 85b
dmigs skye med chos dbyings dag pa nas// 'bar ba'i sku mchog bdag la bstan du gsol// rol mo'i cho 'phrul mi zad rgyan du che// don la rngam pa'i spyod pas rol du gsol/ a la la la ho/ zhes bskul bas/ bskul bar thugs su chud nas/ sku nyi ma'i snying po lha bur mngon du phyung ste/ cho 'phrul rnam par 'phrul pas snod dang / bcud dang / sa'i khyad par thams cad las snang bar mdzad do// de nas smra ba'i seng ge byed pa po rdo rje kun tu bzang pos mchod pa rgyas pa de kho na nyid kyis mngon par mchod de/ brkyang phyag btsal nas gsol ba btab pa/ e ma'o gsang mchog dag pa'i bdag/ ye shes zhes bgyi ji ltar lags// rngam pa zhes ni gang la bgyi// glog 'phreng zhes pa ji ltar lags// 'khor lo zhes pa ji lta bu/ mdo yi don ni ji ltar lags// bcom ldan nyid kyis bshad du gsol// zhes gsol ba btab bo// gsang ba mchog gi bdag pos gsol ba btab par thugs su chud nas/ ye shes snying po can rnams nyon cig/ ye shes ye shes zhes bya ba// shes dang shes bya tha dad min// rig pa'i ngo bo rnam pa lnga// stong nyid snying rje dbyer med pas// byang chub sems su rgyal bas gsungs//
- 86a
dregs pa gdul zhing nan tur gyis// thogs chags med pa'i brtul zhugs pas// sngags spyod rngam pa'i khyad par gyis// rngam pa rngam pa'i mtshan nyid yin// glog ni myur du 'jug pa'i phyir// 'jug pa'i yan lag bzhi dag dang // sdom dang las bzhi'i khyad par gyis// dngos grub pa la myur 'jug pa'o// rang bzhin ting 'dzin gzugs brnyan dang // phyag rgya dngos grub 'brel bcas ni// 'khor lo zhes su rgyal bas gsus de bas ming ni don 'thun grags// rig cing gsal ba'i ngo bo bas// ye shes zhes su brjod pa yin// rngam pa zhes pa drag shul spyod// myur zhing bar chad med pas na/ glog gi 'phreng ba zhes su bya// bskor dang gcod dang rgyun mi gcod// 'khor lo lta bur rnam pa dang // gsang ba kun 'dus mdo zhes bya'o// zhes gsungs so// // de nas yang smra ba'i seng ge byed pa po rdo rje kun tu bzang pos gsol pa/ rgyud ces bya ba ji lta bu// mdo 'di'i 'grel pa ji ltar lags// de bzhin dgos dang yang dgos ci// brjod pa ji ltar shes par bgyi// bcos ldan 'das gsang ba
- 86b
mchog gi bdag pos bka' stsal pa/ 'brel dang ma tshang med pa dang // phun sum tshogs phyir rgyud ces bya// 'di'i don rig pa'i skyes bu de// gsang ba kun don shes pa'i phyir// phyogs bcu kun tu rab grags pa'i// rgyud kun dang ni 'brel bar bshad// gsang ba'i sgo zhugs rnal 'byor la/ byang chub sems dang dkyil 'khor dang // phyag rgya bsnyen dang dngos grub dang / sdom dang brtul zhugs ma rung mnye// las dang nan tur bya ba'i rnams// mchog tu dgos pa'i dgos pa yin// bden gnyis rtogs na sa pa dag gzhan don// grub pa yang dgos yin par bshad// dgos pa'i don rnams rjod byed pa'i// don bsdus mdo 'di brjod pa yin// de bas rnam pa bzhi po yis// bde blag tu ni rtogs par 'gyur// zhes gsungs so// / yang smra ba'i sang gis gsol pa/ dbang mchog dam pa ma thob par// bsgrub pa ci yang mi 'grub pas// ji ltar dbang bskur mtshan nyid lags// snod ni ji lta bu dag lags// go rims dag ni ji lta bu// rnam grangs dag gi mtshan nyid ci// dbang tho ba rtags dang mtshan ma ci// bcom ldan snying pos bshad
- 87a
du gsol// gsang ba mchog gi bdag po sa bka' stsal pa/ gsang ba'i tshig la gsal 'dris shing // don la goms shing yid ches kyang // / dbang bskur bka' rtag sa ma byin par// nor bu blon gral ma bskos ltar// sa rnams thob par mi 'gyur ro// sems kyi chos la dbang/ thob na/ rdzas tshig gang zag dbang rnams kun// ma bskur na'ang thob par 'gyur// bskur na'ang nyes pa med par bshad// rig pa rang dbang thob gyur na// bskur ba'i dbang la thogs pa med// de ni dbang gi mtshan nyid yin// ral gcod byed cing tshul 'chos pa// dad dang mi ldan brtson 'grus chung blo zhan ngas med 'phyar la ga yang // bla ma spun la srid zhu chung // de ni dbang gi snod ma yin// dad par ldan zhing brtson 'grus che// ma nyan bsam zlos la mi skyo bar// bla ma spun la bkur sti byed// gsang ba mnyan pa'i dbang bskur ro// rnam bzhis las kyis dgos pa tshang // bya ba'i las la ma rmongs na/ karma las kyi dbang bskur ro// lta bas mnyam pa'i don mthong na// rgyal thobs 'chad cing ston pa'i dbang // tshad ma gsum dang rab ldan zhing // rkyen/
- 87b
thub rdo rje slob dpon dbang // theg pa'i rim pa thams cad la// phyogs ris med cing ma rmongs na// rab 'byams rgyal po'i dbang thob bo// rkyen thub brtul zhugs che ba dang // skyon rnams spangs shing dam chog ldan// dbang ba bsgrub pa'i dbang thob bo// dang por gsang ba nyan pa'i dbang // rin chen rigs kyi rna ba lnga'o// de nas rdo rje las kyi dbang // las kyi rigs kyi yan lag la'o// de nas gsang ba bsgrub pa'i dbang // rdo rje rigs kyi snying khar ro// de nas rgyal theb rgyal po'i dbang // sangs rgyas rigs kyi spyi bo la'o// de nas gsang ba 'chad pa'i dbang // pad+ma'i rigs kyis lce la bskur// de nas rab 'byams/ rgyal po'i dbang // yan lag lngar rigs lngas dbang bskur// dang po gsum pa bdag gi don// gnyis pa bzhi po gnyis ka'i ste// lnga pa drug pa gzhan don du// dbang mchog bskur ba'i go rims yin// // rnam grangs go rims mtshan nyid ni// dang po phyi yi dbang bcu bskur// de nas nang dbang bcu dang gcig/ de nas bsgrub pa'i bcu dang gsum// tha mar gsang ba rnam pa gnyis// bcu phrag gsum dang drag dag gis// dbang mchog dam pa bskur
- 88a
ba yan/ dang po bka' rtags phyag rgya'i dbang // gnyis pa rtags kyi mtshan ma'i dbang // gsum pa shes rab gzungs kyis te// bzhi pa bkra shis bum pa'i dbang // lnga pa bkra shis rdzas kyi dbang // drug pa rin chen sna bdun dbang // bdun pa gdan mchog dam pa'i dbang // brgyad pa mdzes pa rgyan gyi dbang // dgu pa gsang ba ming gi dbang // bcu pa rgyal rtags 'khor lo ste// phyi dbang bcu po rdzogs pa dang // rdo rje nang du gzhug bya ba// dang por gsang ba nyan cing slob pa'i dbang // gnyis pa glegs bam zab mo gtad par bya// gsum pa rnam bzhi las kyi rdzas kyang sbyin// bzhi pa rgyal tsha ba dam pa'i mdzod gsum sbyin// lnga pa slob dpon theg chen dgu yi rtags// drug pa nyi zla pad+mo sems can gdan// bdun pa rgyal po gsang ba rin chen bdun// brgyad pa gzugs brnyan spyi bor gzhag/ dgu pa sku gsung ye shes byin// bcu pa bkra shi sa nang rdzas dbang // de nas lag tu rdo rje byin// bcu dang gcig gi nang bcug/ nas// bsgrub pa'i dbang mchog sbyin par bya// dang po sems kyi gtan tshigs sbyin// gnyis pa snying rje'i dbang bskur sbyin// gsum pa yi ge'i 'khor lo sbyin//
- 88b
bzhi pa thong gshol 'bar ba sbyin// ban+da d+ha gang ba byin dang lnga// drug pa mtshon cha sna tshogs te// bdun pa skyon med pad+ma sbyin// brgyad pa sta ra'i dbyug pa sbyin// dgu ba sbrul nag chun po sbyin// bcu pa dri med lha mo sbyin// gcig pa 'dod pa'i longs spyod kun// gnyis pa sgrub rdzas thams cad sbyin// gsum pa rdo rje gsang ming byin// bcu dang gsum po rdzogs pra dang // gsang ba dam pa sbyin pa dang // dkar dmar 'dres pa'i byang chub sems// bu mchog de yi lce la gzhag/ snying po don dam byang chub sems// de yi blo la gzhag par bya// dra bang mchog thob pa'i rtags rnams kyang // blo rtsa la che ba'i khyad par dang // snang ba lus kyi snga ltas dang // ngo mtshar che ba'i rdzas rnyed dang // mtshan ma smra yi rmis ltas 'byung // blo rtsa la che ba'i khyad par yang // yang dag bden pa'i/ don rnams la// mi skrag dga' mgu skye bar 'gyur// 'khor ba'i chos la skyo sems 'byung // rnam grangs chos la dad mi 'gyur// ji ltar snang ba'i mtshan ma kun/ sgyu ma bzhin du shes par 'gyur// 'jig rten pa yi mthu chen la// 'jigs shing nyam nga med par 'gyur// de la sogs te bas ma yas mchog/
- 89a
snang ba lus kyi snga ltas kyang // lus kyi bzod pa thob pa dang // 'du ba'i nad dang bral ba dang // kham gyi zas dang bral ba dang // dbang po gzi mdangs gsal ba dang / bar snang dag la lding ba dang // shing ba la lta bur yang ba dang // chu la mi 'bying mes mi tshig/ rlung gis khyer bar nus ma yin// de la sogs te bsam yas mchog/ ngag gis ji skad brjod pa bzhin// 'gyur ba yin par shes par bya// rdzas kyi dam pa yon tan ldan// rnyed cing thob pa dag tu 'gyur// nyam dang rmi lam dag tu yang // dbang mchog ji ltar bskur ba bzhin// de dag nus pa'i rnam pa 'byung // de dag dbang bskur thob pa'i rtags// zhes gsungs so// / / de nas yang smra ba'i seng ge byed pa po rdo rje kun tu bzang pos 'di skad ces gsol ba btab bo// ye shes rnal 'byor can rnams kyis/ gsang ba sbas pa'i thabs tshul dang // / sbas pas grub par myur ba'i dang // gsang ba'i dam la gnas bya dang // brda la dga' ba'i mi rnams kun// nye zhing gdung bar bya ba 'i phyir/ lus dang ngag gi brda rnams kun// gsang ba'i bdag pos bshad du gsol// zhes gsol ba btab pa dang // gsang ba'i bdag pos
- 89b
bka' stsal pa// gsang ba sbas pa'i thabs tshul du// brda yi dam tshig bshad par bya// 'dus pa'i 'khor rnams legs par nyon// lus brda dam tshig phyag rgya ni// lag pa g.yas pas bya ba kun// rnal 'byor pa yi bya ba'i brda// g.yon gyis byas pa ma yi brda// spyi bor nyug pa'i lag brda ni// phyag 'tshal ba yi brda yi rgya// phral bar reg pa phyag lan nyid// lag pa g.yas pa brkyang byas te// mgo bo btud par byas pa ni// khams bde 'am zhes dris pa yin// lag pa g.yon pa brkyang ba ni/ g.yon du 'dud pa bde ba'i lan// mig gnyis dag la reg pa ni// gzugs mdzes ston cig ces pa'i brda// g.yas pa skyes pa mdzes pa yin/ g.yon pa bud med bzang mor bshad// rna ba dag la reg pa'i brda// g.yon pa legs pa'i glu snyan brda/ g.yas pa tshig snyan smos pa'i brda// sna bug gnyis la reg pa ni// g.yas pa bdug pa 'dod pa ste// g.yon pa dri dge slong ba'i brda// lces ni ba ldag par bya ba ni// ga yas su ba ldag pa sha 'dod pa'o// g.yon du chang 'dod parda ru bshad/ mche bas ma mchu ga nan pa ni// g.yon pa bud med reg bya 'dod// g.yas pa skyes pa de bzhin no// lkog mar rag pa gsang ba yi// theg mchog smra ba'i
- 90a
brda yin no// ske la reg par byed pa ni// bdag ni dbyangs snyan len pa'o// snying kha'i dkyil du reg pa ni// don rtogs pa yi brda ru bshad// rag nas phyir la bskyed pa ni// spros pa'i brda ru shes par bya// slar yang snying khar gtugs pa ni// slar yang bsdus pa'i brda yin no// lte ba'i dkyil du reg pa ni// dbu ma'i nan tan spyod pa yin// dbang po rab tu gsal byas na// ting 'dzin sgrims zhes bya ba'i brda// phrag pa gnyis ni ston pa'i brda// g.yas pa bgug pa'i brda yin no// g.yon pa slar ston pa yi brda// dpung pa gnyis la nyug pa'i rgya// g.yas pa dregs pa 'dul ba'i brda// g.yon pa longs spyod grub pa'i brda// khu tshur g.yas pa dbang du byed// g.yon pa bcangs na thong zhig pa'o// brla gnyis nyug pa'i brda dag kyang // g.yas pa chos la sbyor ba'i brda// g.yon pa 'dod chags rtsom pa'i brda// pus mo lha nga'i brda dag kyang // g.yon pa rab tu 'dud pa yin// yang na bcing ba yin par ba sha da// g.yas pa rab tu dgrol ba yin// rkang pas gnon pa'i brda dag kyang // g.yon pa sa thams cad gnon par byed// g.yas pa 'joms par byed pa yin// mdzub mo bsgreng ba'i brda tshul ni/
- 90b
khro ba'i brda ru bshad pa yin// dbang mo gyen du sgrengs pa ni// de tshe mdza' bar 'dod pa'i brda// chung ngu rtse mo sgreng ba ni// de tshe sbyor bar 'dod pa'i brda// sbom po mngon du ston pa ni// bkres zhes bya ba'i brda yin no// gang tshe shin tu mthor ston na// mngon pa'i nga rgyal bskyed pa'i brda// khro mo lcags kyu drang byas na// de tshe tshur shog brda yin no// de nyid zlog pa khyed cig pa// lag gnyis gar stabs bskor nas kyang // se gol drag rde ba 'dren pa'i brda// bskor na sa sbyar ba phyag rgya'i brda// bskor nas thal mo spyi bor gzhag/ 'di ni mchod pa'i brda yin no// bskor nas snying khar gzhag pa ni// bsam gtan rtse gcig brda yin no// bskor nas gnyis kyis stob pa ni// mchod pa stob pa'i brda yin no// dbang mo lce la reg pa ni// tshogs mchod dus la bab pa'i brda// gar sta bas bskor nas dbang mos 'thor// de nas lce la reg pa ni// 'dza' gad brim pa'i brda yin no// de la sogs te bsam mi khyab// ngag brda dam tshig phyag rgya yang a ti pU zhes bya ba ni// phyag 'tshal zhes pa'i brda yin no// pra ti o a ti su zhes bya ba// phyag lan 'tshal ba'i brda yin no// ri mo zhes bya gzugs kyi
- 91a
brda glu ni sgra yi brda ru bshad// tshim byed dri yi brda yin te// ra sa ya na ro yi mchog/ bde ba zhes pa reg pa yin// dga' ba de zhes pa rab tu reg/ sbyor ba zhes pa chos su bshad// me tog ces pa khrag yin te// bdug pa zhes pa mdangs kyi brda// mar me zhes ni sha sa na lwa'o// spros zhes thal chen dag la'o// dpa' bo zhes bya chang du bshad// 'dod chags sra ba tshwa yin te// khu ba g.yon can skyur po yin// bran mo tshod ma'i brda yan no// chur ba zho la zla rgyas te// sman gyi mchog ni sha yi brda// zas ni tshe zhes bya ba'i brda// a mra mi zhes bya ba'i brda// rgun 'bru zhes pa rta yin te// glang po pa na se zhes bya// na li ke ri khyi yi brda// A ru ka ni ba lang lo// tI zhes mkha' 'gro'i brdar bstan to// a ra ra zhes mkha' 'gro ma// dar dir sil snyan brda ru bshad// dza zhes bya ba 'dren pa'i brda// hU ni sdud pa'i yin no// kha ni sdom pa yin par bshad// ho ni khugs nas dbang du 'gyur// e hi zhes pa tshur spyon brda// ya hi phar bzhud ces pa'o// ti ta ha ni drongs shig pa'o// kha kha khA hi zo zhig pa'o// a pi zhes pa yang dang yang // da dra da ra byin cig
- 91b
pa'o// ru ta ma ta rol zhes pa'o// hu lu hu lu zhugs shig pa'o// a ra ra ra bskul cig pa'o// de la sogs te bas ma ya sa mchog/ ces gsungs so// / de nas smra ba'i seng ge byed pa po rdo rje kun tu bzang po sa gsol pa/ e ma'o gsang chen bde ba che// mi 'gyur nam mkha' dngos po med// lhun grub bde chen rnam par dag/ dag mchog lha la phyag 'tshal bstod// gsang ba zhes bgyi rnam pa du// sbas pa zhes bgyi rnam pa du// thig le zhes bgyi ji ltar lags// mnyam nyid ces pa rnam pa du/ dag pa de la rnam pa du// rtogs pa rnam pa du ru bzhed// mtshan nyid gsum zhes ji lta bu// ting 'dzin gsum po ji ltar lags// bdag cag rnams la sman slad du// bde bar gshegs pas bshad du gsol// zhes gsol ba btab pa// gsang ba mchog gri bdag pos thugs su chud de bka' stsal pa/ gsang ba zhes pa rnam pa bzhi// rang bzhin don gyi gsang ba dang // gab pa sbas pa'i gsang ba dang // bstan min rdzas kyi gsang ba dang / snod min bka' yi gsang ba ste// chos nyid rang bzhin gnas pa dang // thugs kyi glong nas skangs pa dang // dman la mi bstan rdzas rnams dang // gsang/
- 92a
sngags theg chen zab mo'i don// rab tu shes par dka' ba'i phyir// bstan par yang ni mi bya bas// gsang ba zhes su rgyal bas gsungs// de nyid sbas pas sbas pa'i don// sbas pa rnam pa gsum yin te// phyi yi gsang ba sbas pa dang // de bzhin nang gi spras pa dang // gnyis kar ma ngas sbas pa ste// rmad byung sngags kyi spyod pa ni// phyi rol sde pas mthong thos na// de la bzod pa tho ba min pas// de ni sbas pa phyi zhes bya// lhun grub bde chen zab mo de// ming gi rnal 'byor phal dag gi/ rtogs shing khong du chud par dka'// de ni nang ni sbas pa yin// phyi nang gnyis su tha dad min// bden pa gnyis su dbyer med pa// rgyal ba sangs rgyas spyod yul te// ma nges sbas par rgyal bas gsungs// sbas pa'i don rnams gsal 'byin pa// bla ma rdo rje'i thugs la gnas/ des na sbas zhes nges par gsungs// thabs dang shes rab ces bya dang // gnyis su med pa'i byang chub sems// de nyid thig le rnam gsum ste// thabs mchog yab kyi mkha' nyid dang // shes rab yum gyi glong nyid dang // gnyis med bde chen dang nyid du// chos kun 'dus shing gcig pa dang
- 92b
spros med thig ler gnyis pa'i phyir// thig le zhes su rgyal bas gsungs// mnyam pa nyid kyang rnam gsum ste// don dam dbyings su mnyam pa dang / kun rdzob sgyu mar mnyam pa dang // dbyer med gcig par mnyam pa ste// ma skyes ma grub dbyer med par// chos kun mnyam par gnas pas na// mnyam pa zhes su brjod pa yin// snod dang bcud dang rgyud rnams kun// dag pos dag pa gsum yin te// yum gyi dbyings dang yab kyi mkha'// ye shes lnga yi rang bzhin du// snod bcud rgyud kun dag pa'i phyir// dag pa gsum du rgyal bas gsungs// rtogs pa yang ni rnam pa bzhir// rnal 'byor/ nang pa bzhed pa ste// rgyu gcig pa dang yi ge'i tshul// byin gyis brlabs dang mngon sum pas// rdzogs chen don la 'jug 'gyur te// rgyu ni bde na gnyis gcig/ bar du/ gcig pas gcig pa'i mtshan nyid dang // sku gsung thugs kyi yi ge ru// chos kun rang bzhin rtogs pa dang // skye med dbyings kyi byin brlabs las// chos kun snang bar shes pa dang // de lta bu yi rang bzhin te// gzhan la ma rten mi 'gal bar// mngon sum rig pas thag chod na// rnal 'byor pa la slebs pa
- 93a
yin/ ma rtogs pa yang bzhi yin te// ye nas ma rtog blun pa dang // log pa'i rnam par rtogs pa dang // phyogs gcig rtogs pa'i khyad par dang // gsang ba'i don nyid ma rtogs pa'i// dka' thub med pa'i 'jig rten dang // log par spyod pa'i dka' thub dang // nyan thos dman pa'i lam pa dang / byang chub sems la gnas pa rnams// gsang ba de nyid ma rtogs par// bde gshegs rgyal ba nyid kyis gsungs// des na rtogs pa rnam bzhi yi// rnal 'byor pa la bsnyen pa yin// shes pa dang ni 'jug pa dang // 'bras bu'i mtshan nyid ces bya bas// sa la nye dang sar chud dang // sa thob 'bras bu rnam pa gsum// rgyu 'bras tshul du gnas pa ni// nus mthur ldan pa'i shes rab kyis// rig 'dzin zhing ste mtshan nyid gsum// yul yang mtshan nyid gsum yin te// kun tu brtags dang gzhan dbang dang // yongs su grub pa zhes su brjod// log pa'i lam pas mthong brtags pa// kun tu brtags te yod pa min// bden gnyis rgyu dang 'bras bu'i tshul// 'brel pa gzhan dbang yin par gsungs// bden gnyis rgyu 'bras dbyer med pa// yongs su grub par bde gshegs gsungs// kun
- 93b
brtags log par shes pa ni// shes pa'i mtshan nyid ces su bya// gzhan dbang tshul du goms bya ba// 'jug pa'i mtshan nyid ces su bya// yongs su grub la gnas bcas na// de nyid 'bras bu'i mtshan nyid yin// de bzhin nyid dang kun snang dang // rgyu yi ting 'dzin rab bsgoms pas// rdzogs pa'i byang chub thob pa ste// / yongs su grub pa blos gsal na// de bzhin nyid du rnam par grags// kun snang snying rje'i ngo bo dang // yig 'bru kha dog gsal ba yi// rgyu yi ting 'dzin gsal ba ni// bskyed pa gzhan gyi dbang yin no// de nyid log rtog kun brtags pa'o// des na rnal 'byor skyes bu yis// mtshan med dang la gnas bcas nas// mtshan ma'i rnal 'byor bsgom par bya/ mtshan ma med dang mtshan ma yang // tha dad min par shes par bya// de ltar rig pa'i rnal 'byor pa// de nyid nga yin sa thob yin// sangs rgyas zhes kyang de la bya// sangs rgyas rnams kyang mchod byed na// byang chub sems dpa' smos ci dgos// 'jig rten lha klu mthu chen yang // de la mchod cing bkur sti byed// phyi bzhin 'brang zhing dgos pa skong // zhes gsungs pas/ 'dus pa'i tshogs rnams kyis rang rang gi lus sa la brdabs nas/ a la la la zhes pa'i sgra phyung ste shin tu ngo mtshar to//
- 94a
de nas smra ba'i seng ge byed pa po rdo rje kun tu bzang pos 'di skad ces gsol to// bcom ldan 'das the tsom thams cad gcod pa'i bdag po mchog/ rgyud kyi rgyal po chen po 'di nyid ye shes rnga ma pa glog gi 'khor lo'i mdo chen po zhes bgyi ba/ rgyud kyi 'grel pa/ rtags kyi rol pa/ don gyi bkod pa/ rdo rje rnam par rol pa'i gzhung 'di'i bla ma rdo rje slob dpon skyes bu dam pa/ ma nor bar rtogs shing gzhan dag la yang ma nor bar ston pa de la bdag cag rnams kyis ji ltar ba lta bar bgyi/ ji lta bu'i rang bzhin du 'tshal bar bgyi// bcom ldan 'das lung bstan du gsol/ bde bar gshegs pa lung bstan du gsol// de nas bcom ldan 'das gsang ba mchog gi bdag pos gsol ba btab pa de mkhyen nas 'di skad ces gsungs so// smra ba'i seng ge nga la zhu bar spobs pa legs// rab tu legs kyi nyon cig/ gzhung 'di'i bla ma rdo rje slob dpon chen po de ni skyes bu dam pa 'ba' zhig tu ma zad kyi/ de ni bla na med pa yang dag par rdzogs pa'i sangs rgyas rdo rje 'dzin chen po nyid du blta bar bya'o// de ci'i phyir zhe na// de ni rdo rje 'dzin chen po dang dbyer med cing tha mi dad de/ bla ma de ni bskal pa chen po grangs med pa'i pha mtha'i yang pha mtha' 'das pa nas/ rgyal ba sangs rgyas brjod du med pa'i
- 94b
yang brjod du med pa rnams la/ cho gas thams cad yongs su rdzogs par sbyangs shing / rang gi sems kyi rgyud rnam par dag par sbyangs pa'i nus mthus/ gsang ba 'di'i don la yid ches shing // gsang ba'i don 'di lta bu'i bla ma rdo rje slob dpon chen po nyid du gyur par rig par bya ste/ de ni sangs rgyas nyid dang tha mi dad cing / byang chub kyi sems nyid du blta bar bya'o// de la ni phyogs bcu dus bzhi'i sangs rgyas ma lus mi lus lus pa med pa'i sangs rgyas kyi zhing rdul phra rab dang mnyam pa rnams kyang spyi bo gtsug gis khur zhing / phyag 'tshal ba dang / mchod pa byed cing de'i rjes su 'brangs na/ gzhan byang chub sems dpa' dang / rdo rje 'dzin pa rnams la phyag 'tshal ba dang / mchod pa ci zhig smos te/ 'jig rten gyi mthu bo che rnams kyang de'i bran du khas len cing / 'khor gyi dkyil 'khor yang skyong zhing / ci bsgo ba thams cad kyang bsams pa bzhin du grub par byed do// de bas na yang dag par rdzogs pa'i sangs rgyas nyid du blta'o// de ni de bzhin gshegs pa skyes bu 'dul ba/ kha lo sgyur ba/ 'jig rten dang 'jig rten las 'das pa'i ston pa chen po yin par blta'o// sems can thams cad kyi mgon dang / skyabs dang / rten dang / gling dang / ded dpon dang / 'dren pa dang / sgrol ba'i gru lta bu yin par
- 95a
shes par bya'o// de ni ye shes kyi sgron ma chen po 'dzin pa ste/ de bas na sangs rgyas nyid du blta'o// de lta bas na bla ma de dang phrad pa'i gang zag rnal 'byor pa des kyang yang dag par rdzogs pa'i sangs rgyas nyid dang phrad par rig par bya'o// sla ba khri seng ges gsol pa/ bcom ldan 'das bla ma rdo rje slob dpon de wi rjes su 'brang zhing // gsang ba 'di lta bu la mos shing 'dzin pa dang / rna ba'i dbang pos nyan cing / gzhung bzhin du bsgrub pa'i gang zag rnal 'byor pa de ni/ gang zag 'ab zhig ma yin te/ sa la bsnyen pa dang / sa thob pa'i rnal 'byor pa ste/ rigs kyi bu khyed rnams kyis kyang spyan dang grogs po lta bu'i rnam par blta'o// gang phyogs bcu dus bzhi'i sangs rgyas ji snyed pa rnams kyis kyang // rnal 'byor pa de la nye ba'i sras dam par dgongs shing byin gyis brlabs par 'gyur ro// de ci'i phyir zhe na/ gang zag de ni gsang ba 'di thos shing mos pa'i skal ba dang ldan pa yang / bskal pa grangs med pa'i pha mtha' nas tshogs bsags shing sbyangs pa'i mthus/ de ltar gyur par rig par bya'o// de bas na smra ba'i seng ge khyod nyid la sogs pa'i rdo rje 'dzin rnams dang tha mi dad par rig par bya'o// de dag gi dngos grub kyang tsha 'di nyid la
- 95b
grub cing / gzhan 'jig rten gyi mthu chen rnams kyang bka' nyan cing las byed par 'gyur ro// yang smra ba'i seng ges gsol pa/ bcom ldan 'das bla ma rdo rje slob dpon chen po rnal 'byor gyi 'khor dang bcas pa rnams dang / gsang ba'i theg pa 'di nyid la mos shing dad pa'i sems kyis/ g.yo sgyu dang gsog 'jog spangs pa'i phyi rabs kyi dad pa can gyi skye bo de'i rnam par smin pa cir 'gyur/ bdag la sogs pa rnams kyis ji ltar blta bar bgyi/ bcom ldan 'das kyis bka' stsal pa// rigs kyi bu dad pa can gyi skye bo bla ma 'khor dang bcas pa dang / gsang ba'i theg pa 'di nyid la mos shing dad pa dang / rna ba'i dbang pos nyan cing / g.yo sgyu dang gsog 'jog spangs pa de'i rnam par smin pa'i legs pa'i yon tan yang brjod cing tshad gzung bar rab tu dka' 'o// la la dag gis so so'i skye bo sangs rgyas kyi zhing yongs su gang ba la sbyin pa byin pa 'am/ srog ston pa'am/ dge ba bcu dang / tshad med pa bzhi dang / bsdu ba'i dngos po bzhis rgyu'i theg pa'i sgo nas 'gro ba'i don byas pa bas ni/ bla ma 'khor dang bcas pa dang / gsang ba'i theg pa 'di'i sgo nas skad cig tsam 'gro ba gcig gi don byas pa'i bsod nams kyis dge ba'i rtsa ba 'bum gyi char yang mi phod
- 96a
do/ rigs kyi bu la la zhig gis sangs rgyas kyi zhing yongs su gang ba'i nyan thos sam/ rang sangs rgyas sam/ byang chub sems dpa'i theg pa pa de rnyed la rim gro dang bskur sti tshul bzhin du bskal pa grangs med pa'i yun du byas pa'i bsod nams kyis ni/ gsang ba'i theg pa 'di la gnas pa'i gang zag rnal 'byor pa gcig la tha na dro gcig gam/ skad cig tsam du bkur sti tshul bzhin du byas pa'i bsod nams 'bum gyi char yang mi phod do// de ci'i phyir zhe na/ de ni gsang ba'i theg pa 'di nyid las nyan thos dang / rang rgyal ba dang / byang chub sems dpe'o theg pa rnams byung zhing / gsang ba'i theg pa nyid la 'gro ba gzud pa'i thabs su bsti gnas su gsungs pa yin gyi/ gtan du gzhag pa'i sa ni ma yin no// de bas nang nyid kyi sprul pa dang / chos rnam pa sna tshogs ji ltar 'dul bar ston pa yin no// de bas na gsang sngags kyi yon tan ni bsam gyis mi khyab bo// rigs kyi bu gang zag la la zhig gis bskal pa brjod du med pa'i yang brjod du med par rgyu'i theg pa'i sgo nas dge ba'i rtsa ba rgyas par spyad pa bas ni/ gsang ba'i theg pa 'di'i don skad cig tsam yid la byas pa'i bsod nams 'phags te/ 'bum gyi char yang mi phod do// rigs kyi bu gang
- 96b
zag la la zhig gis bskal pa gang+gA'i klung gi bye ma snyed du so so'i skye bo 'am/ nyan thos sam/ rang rgyal ba'am/ byang chub sems dpa' sangs rgyas kyi zhing yongs su gang ba snyed la/ me tog dang / 'phreng ba dang / bdug spos dang / bla re dang / rgyal mtshan dang / ba dan dang / lhab lbu ba dang / rol mo'i cha byad mang po la sogs pas/ sangs rgyas kyi zhing yongs su gang bar byas te phul ba bas/ tha na gsang ba'i theg pa la gnas pa'i rnal 'byor pa gcig tsam la yang / g.yo sgyu dang gsog 'jog spangs pa'i sgo nas/ 'dod pa'i yon tan gyi tshogs gcig skad cig tsam bteg cing longs spyod pa'i bsod nams khyad par du 'phags te/ 'bum gyi char yang mi phod do// de ci'i phyir zhe na/ so so'i skye bo'am/ nyan thos sam/ rang rgyal ba 'am/ byang chub sems dpa'i bsod nams dang ye shes kyi phung po de dag pas/ gsang ba'i theg pa la rnal 'byor pa gcig gis ba spu'i cha gcig bsod nams dang ye shes kyi phung po khyad par du 'phags te/ 'bum gyi char yang mi phod do// de bzhin du gang zag la la zhig gis me tog la sogs pa sangs rgyas kyi zhing yongs su gang ba'i bsod nams dang ye shes kyi phung po gang yin pa de bas/ 'dod pa'i yon tan gyi tshogs
- 97a
chen po gcig gi rdul phra rab kyi chu gcig tsam gyis bsod nams dang ye shes kyi phung po khyad par du 'phags te/ 'bum gyi char yang mi phod do// rigs kyi bu de bas na dad pa can gyi skye bo gsang ba'i theg pa 'di nyid dang / gsadra ba'i theg pa la gnas pa'i bla ma 'khor dang bcas pa la dad pa'i sems kyis/ g.yo sgyu dang gsoga' jog spangs pa de'i bsod nams kyi phung po ni tshad med do// de'i bsod nams dang ye shes kyi phung po ni thams cad mkhyen pa'i sangs rgyas kyis bgrang bar mi nus so// de nas smra ba'i seng ges 'di skad ces gsol to// bcom ldan 'das gsang sngags kyi yon tan ni tshad ma mchis so// bde bar gshegs pa tshad ma mchis so// bcom ldan 'das 'on kyang bdag cag la sogs pa dang / ma 'ongs pa'i 'gro ba rnams 'dren pa'i slad du/ sngon 'das pa'i lo rgyus kyi gtan tshigs rnams zhu bar 'tshal na/ gnang ba'i skabs dbye bar gsol/ gsang ba mchog gi bdag pos bka' stsal pa/ smra ba'i seng ge khyod nga la zhu bar spobs kyis/ ci dang ci 'dod pa dris shig dang / ngas khyod la bshad par bya'o// de nas smra ba'i seng ges gsol pa/ bcom ldan 'das gsang ba'i
- 97b
theg pa 'di rna ba'i dbang pos thos pa'i yon tan dang rnam par smin pa ji lta bur 'gyur/ gsang ba mchog gi bdag pos bka' stsal pa/ rigs kyi bu rnams nyon cig/ gsang ba'i theg pa 'di rna ba'i dbang pos thos pa'i yon tan ni ming tsam thos pas kyang ngan 'gro las skyob par 'gyur ro// de yang ji ltar yongs su shes she na/ sngon 'das pa'i dus nga dran pa thog ma'i tshe gsang ba'i theg pa 'di lha'i gnas rim pa gsum na tshul bzhin du spyod pa las/ 'od ldan zhes bya ba'i lha'i bu zhig mi rtag pa'i/ dus la ba ba ste/ 'chi ba'i snga ltas rnams byung bar gyur te/ rab tu mi dga' ba'i 'du shes su gyur nas/ tshe phyi ma gang du skye mnyam po'i 'du shes 'ba' zhig skyes pa las/ lha'i bu de nyid kyis mngon par shes pas/ mi gtsang ba za ba'i byol song gi rigs su skye bar mthong ste/ shin tu 'jigs pa'i sems skyes nas/ mgon skyabs gzhan med par mthong ste/ gsang ba'i theg pa'i mtshan thos nas/ de bzhin du yid la dran par byas so// de'i tshe 'od ldan zhes bya ba'i lha'i bu de ngan 'gro'i lam de las grol te/ gsang ba'i theg pa 'dzin pa'i gnas ga la ba der skyes so// der skyes nas kyang tshogs chen po la spyod pa'i skal ba can du gyur pa de
- 98a
bzhin du shes par bya'o// yang gsol pa/ gsang ba mchog gi bdag po/ gsang ba'i theg pa 'di la dga' zhing mos pa dang 'dun pa bskyed pa'i gang zag dam pa de'i rnam par smin pa'i yon tan ji lta bur 'gyur ba lung bstan du gsol/ gsang ba mchog gi bdag pos bka' stsal pa/ gsang ba'i theg pa 'di la dga' zhing mos pa dang 'dun pa bskyed pa'i gang zag dam pa de ni rigs 'dzin rgyal ba'i sras dam par 'gyur bar gdon mi za'o// de yang ji ltar yongs su shes she na/ sngon 'das pa'i dus nga dran pa thog ma'i tshe/ bram ze rgyal byed ces bya ba'i bu byams ldan zhes bya ba zhig/ gsang ba'i theg pa 'di la dga' zhing mos nas 'dun pa bskyed de/ gsang ba 'di kun tu btsal bas rang gi sgrib pa'i bag chags 'thug pos gegs byas te rnyed par ma gyur te/ sa phyogs shin tu'ang dben pa zhig tu 'dug nas/ gsang ba la rab tu gdung ba'i shugs kyis ngu zhing smre sngags kyis tshig 'di skad ces smras so// kye ma bdag gi las 'di shin tu 'pham// thog ma skyed nas rgas par du/ 'bad de gsang ba'i don btsal yang // gsang ba ma rnyed las re ngan// da yong ji ltar btsal na rnyed// btsal yang rnyed par mi 'gyur na// thugs rjes bdag la skyabs
- 98b
mdzod cig/ ces smras pas/ nam mkha' stong pa las cho 'phrul gyi sgra 'di skad ces bsgrags so// bram ze'i bu ni skal ldan khyod// yi dam brtan pa shin tu legs// khyod ni don gyi skal ba can// phyogs bcu dus bzhi'i sangs rgyas kyis// khyod la byin gyis rlob par mdzad// rang nyid lta ba ma yengs par// bag chags sbyang ba'i thabs dag la// mkhas shing brtson pa bya dgos te// rang nyid khrag rnams drangs nas su// dag cing gtsang ma'i tsan dan chur// dmigs nas rgyal ba kun mchod na// myur du gsang don rnyed par 'gyur// zhes bya bar snang lhas lung bstan pa thos nas/ rab tu dga' ba'i sems kyis lus kyi rtsa rnams nas khrag drangs te/ 'phags pa rnams la mchod pas/ de nyid du gsang ba'i don mthong ste/ rigs 'dzin rgyal ba'i sras dam par gyur pa de bzhin du shes par bya'o// // de nas yang smra ba'i seng ges gsol pa/ bcom ldan 'das gsang ba mchog gi bdag po/ gsang ba'i theg pa 'di'i sgor zhugs shing / tshogs kyi dkyil 'khor chen po mthong ba'i gang zag dam pa de'i 'bras bu ji lta bur 'gyur ba lung bstan du gsol/ bde bar gshegs pa lung bstan du gsol/ gsang ba mchog gi bdag pos bka' stsal pa/ gsang ba'i theg pa'i sgor zhugs shing / tshogs kyi dkyil
- 99a
'khor chen po mthong ba'i gang zag dam pa des ni/ dngos grub tu 'gyur ro 'tshal thams cad ji ltar 'dod pa bzhin thob par 'gyur ro// de yang ji ltar yongs su shes she na/ sngon 'das pa'i dus nga dran pa thog ma'i tshe/ lha'i gnas rim pa gsum na gsang ba spyod pa las/ dge ba rgyal po bkod pa zhes bya ba'i lha'i bu zhig tshom bu 'bum dang bcas nas gsang ba rgya cher spyod pa las/ rin chen 'od ldan zhes bya ba'i lha'i bu zhig gsang ba rgya cher spyod po de nyid la shin tu dad pa skyes nas/ yo byad phun sum tshogs pa dang bcas par gsang ba'i gnas der phyin te/ gsang ba'i sgor zhugs nas/ tshogs kyi dkyil 'khor chen po yang mthong bar byas te/ de nyid kyi dus kyi tshe dngos grub tu gyur to 'tshal thams cad ji ltar bsam pa bzhin du thob par gyur pa de bzhin du shes par bya'o// // de nas yang smra ba'i seng ges gsol pa/ gsang ba'i theg pa 'di mngon du spyod pa'i rnal 'byor pa gang zhig la/ dga' ba'i yid kyis mngon du phyogs la/ de de'i 'bras bu ji lta bur 'gyur ba lung bstan du gsol/ gsang ba mchog gi bdag pos bka' stsal pa/ smra ba'i seng ge gzhan gsang ba'i theg pa spyod pa la mngon du phyogs pa'i gang zag de'i rnam par smin pa ni/ gsang ba dngos su spyod pa'i rnal 'byor pa de dang 'dra ba
- 99b
thob par gyur to// de yang ji ltar yongs su shes she na/ sngon 'das pa'i dus nga dran pa thog ma'i tshe/ rgyal po dbang phyug 'od ldan zhes bya ba'i rnal 'byor can zhig tshom bu 'bum dang bcas nas sngags kyi spyod pa la rgya cher zhugs te/ 'bras bu ngo mtshar rmad du byung ba thob pa kun tu grags pa las/ gzhan gyi sde pa'i bram ze dge slong bya ba zhig/ shin tu dga' ba'i sems skyes nas 'byor pa'i yo byad mang po dang bcas nas/ tshogs kyi dkyil 'khor de nyid du 'jug par gsol ba btab pa las/ rgyal pos ma gnang ste gsang sgo bsdams so// bram ze de dad pa ma log par 'byor pa'i yo byad ci yod pa rgyal po'i 'khor du phul te/ rgyal po gnas pa'i yul phyogs su yid kyis phyogs te/ smon lam btab cing rjes su yi rang bar byas so// de'i rnam par smin pas rgyal po dang bram ze gnyis 'bras bu la mtho dman med par thob par gyur pa de bzhin du shes par bya'o// // yang smra ba'i seng ges gsol pa// gsang ba'i theg pa 'di'i bslab pa mthar phyin pa'i yon tan gyi khyad par ji lta bu lags// gsang ba mchog gi bdag pos bka' stsal pa/ gsang ba'i theg pa 'di'i bslab pa mthar phyin pa'i che ba'i khyad par gyis theg pa mtha' dag gi bslab pa yang mthar phyin cing lung
- 100a
bstan pa yang thob par 'gyur ro// de yang ji ltar yongs su shes she na/ sngon 'das pa'i dus nga dran pa thog ma'i tshe/ bram ze'i bu gas la byin zhes bya bas gsang ba chen po de'i bslab pa mthar phyin te rang gi sems la goms par byas nas theg pa mtha' dag gi bslab pa yang mthar phyin cing / de nyid du bar snang lhas lung bstan pa'i sgra/ rigs kyi bu khyod dus phyi ma'i tshe chos kyi rgyal po chen por gyur nas/ zhing khams rnam par dag pa zhes bya bar sangs rgyas smra ba'i seng ge zhes grags par 'gyur ro// zhes lus bstan pa thob pa de bzhin du shes par bya'o// // yang smra ba'i seng ges gsol pa/ chos chen po gcig gi bsod nams kyi tshogs khyad par ji lta bu lags/ gsang ba mchog gi bdag pos bka' stsal pa/ smra ba'i seng ge so so'i skye bo'am/ nyan thos sam/ rang rgyal ba'am/ sa la gan pa'i byang chub sems dpa' sangs rgyas kyi zhing yongs su gang bsnyed la sbyin mchod sangs rgyas kyi zhing byur bur bltams pa yi// bskal pa'am bskal pa bgrangs par byin pa'i bsod nams kyis ni/ rnal 'byor gcig la tshogs gcig skad cig tu mchod pa rgya cher byas pa'i bsod nams dang ye shes kyi tshogs kyis 'bum gyi char yang
- 100b
mi phod do// de yang ji ltar yongs su shes she na/ sngon 'das pa'i dus nga dran pa thog ma'i tshe/ las dag pa'i bram ze'i bu gas la ldan zhes bya ba zhig gsang ba'i theg pa 'di la dad par gyur to// bram ze'i bu dge ldan zhes bya ba zhig rgyu'i theg pa la dad par gyur to// de'i tshe bram ze de gnyis tha tshig bcas te/ dge ldan gyis ni mchod sbyin bzang po rgya cher spe la lo// gas la ldan gyi sa ni tshogs mchod rgya cher byas so// de gnyis kyi 'bras bu khri khyad par ni/ sngags sprod pa'i bram ze gas la ldan ni tshe 'di nyid la mngon par rdzogs par sangs rgyas par gyur to// rgyu'i theg pa la spyod pa'i dge ldan ni bskal pa grangs med pa gsum du bya dka' ba byas nas 'bras bu thob pa de bzhin du shes par bya'o// // yang smra ba'i seng ges gsol pa/ gsang ba'i theg pa'i mdo 'di rtag tu 'chang ba'i gang zag de'i rnam par smin pa ji lta bur 'gyur ba lags/ gsang ba mchog gi bdag pos bka' stsal pa/ smra ba'i seng ge mdo 'di rtag tu 'chang zhing 'dzin pa de ni/ dpal rdo rje semasad pa'i che ba'i yon tan don gyi gzungs dang bcas pa thob bo// de yang ji ltar yongs su shes she na/ sngon 'das pa'i dus dran pa thog ma'i tshe/ khyim bdag dad pa can mes sbyin zhes bya
- 101a
ba de tshom bu brgya dang bcas pas gsang ba'i theg pa'i mdo 'di rgyun gyis rtag par bcangs pas/ dpal rdo rje sems dpa' 'khor dang bcas pa ci 'dra ba tshe 'di nyid kyis nges pa thob cing / mi brjed pa'i gzungs thob bo// de bzhin du shes par bya'o// // yang smra ba'i seng ges gsol pa/ gsang ba'i mdo 'di'i don rtogs na/ gzhan dag la smra bar byed pa de'i yon tan ji lta bu lags pa lung bstan du gsol/ gsang ba mchog gi bdag pos bka' stsal pa smra ba'i seng ge gsang ba'i mdo 'di'i don rtogs nas/ gzhan snod dang ldan pa'i 'gro ba la bstan tam/ bshad dam/ brjod na/ chos kyi rgyal po chen por 'gyur te/ nga nyid dang 'dra bar 'gyur ro// de yang ji ltar yongs su shes she na/ ston 'das pa'i dus nga dran pa thog ma'i tshe/ rnal 'byor la gnas pa'i drang srong ka la ya na zhes bya bas/ drang srong mang po rnams la gsang ba'i don 'di bshad cing bkrol ba las/ drang srong mang po rig 'dzin gyi sa thob/ ston pa'i drang srong de nyid gsang ba chos kye rgyal por gyur to// de bzhin du yongs su shes par bya'o// de bas na gsang sngags che ba'i yon tan gyi khyad par ni bsam gyis kyang mi khyab bo// /
- 101b
de nas yang smra ba'i seng ge byed pa po rdo rje kun tu bzang pos gsol pa/ bcom ldan 'das the tsom thams cad gcod pa'i rgyal pos gsang sngags spyad nyes pa'i skyon gyi rnam pa rnams zhu bar 'tshal na/ gnang ba'i skabs dbye bar gsol/ gsang ba mchog gi bdag pos bka' stsal pa/ smra ba'i seng ge gsang sngags spyad nyes pa'i skyon gyi rnam pa ci dang ci 'dod pa dris shig dang lung bston par bya'o// de nas smra ba'i seng ges a la la zhes pa'i sgra phyung ste gsol pa/ bcom ldan 'das gsang ba'i don la mi gnas par gsang sngags kyi spyod pa tshul 'chos pa'i nyes pa ji lta bu lags// gsang ba mchog gi bdag pos bka' stsal pa/ smra ba'i seng ge gsang ba'i don zab mos yid ches pa med par tshul 'chos shing / g.yo sgyus bden par 'chos pa ni ngan 'gro log pa'i lam du ltung bar nges so// de yang ji ltar yongs su shes she na/ sngon 'das pa'i dus nga dran pa thog ma'i tshe/ bskal pa kun tu bkod pa zhes bya ba la sangs rgyas kyi zhing mngon par 'byung ba zhes bya ba der/ sangs rgyas mngon par 'byung ba'i rgyal po zhes bya ba de sku mya ngan las 'das par gyur pa'i 'og tu/ bzang rgyan ces bya ba rnal 'byor du khas 'ches pa zhig byung bar gyur te/ des
- 102a
mi shes pa'i dbang gis mi shes pa'i 'khor rnams la gsang ba'i tshul du bcos nas log pa'i tshogs bskyangs pas/ tshom bu lnga brgya dang bcas par yang dag pa'i don las gol zhing ngan 'gro log pa'i lam du lhung bar gyur pa de bzhin du shes par bya'o// // de nas yang smra bo'i seng ges gsol pa/ gang zag la la dag gsang ba'i don zab mo rtogs pa med par bka'i gzhung bor te/ gzhan nges pa'i rnal 'byor rnams la skur pa 'debs pa'i rnam par smin pa ji lta bur 'gyur ba lags/ gsang ba mchog gi bdag pos bka' stsal pa/ smra ba'i seng ge gang zag la la dag/ rang nyid gsang ba'i don la yid ches pa'i nges pa med par/ gzhan nges pa'i rnal 'byor rnams la sgro skur gyi sun 'byin pa'i blo skye zhing / bdag gi yin/ gzhan gyi ni ma yin zhes bdag la bstod cing gzhan la smod pa ni/ don las 'ban thag chad de mnar med par ltung ngo // de yang ji ltar yongs su shes she na/ sngon 'das pa'i dus nga dran pa thog ma'i tshe/ bskal pa kun tu bkod pa zhes bya ba'i dus de nyid la/ dpal sbyin zhes bya ba'i rnal 'byor du khas 'ches pa zhig yang dag pa'i don la shed ma bye zhing / lam gyi bgrod thabs la mi mkhas pa des/ bka' nges pa'i gzhung ni mi rtogs te/ chos ma yin pa'i chos la chos su spyod cing / nor pas bdag nyid sun
- 102b
'byin pa log pa'i tshad mas/ gzhan nges pa'i don spod pa'i rnal 'byor la khyod kyi de ni yang dag pa'i don ma yin/ yang dag pa'i don bdud rtsi de dang 'dra ba ni de'i chos 'di yin no// zhes bdag la bstod/ gzhan la ni smad pas/ yang dag pa'i don dang ni gtan du 'gyangs/ mnar med pa'i sems can dmyal ba chen por bskal pa chen po bcu gnyis kyi bar du 'khyams par gyur pa de bzhin shes par bya'o// // de nas yang smra ba'i seng ges gsol pa/ gang zag la la dag don la mkhas pa'i rnal 'byor gyi rjes su byung ba dag/ gzhan gyis dpon bstabs na mi shes bzhin du ras gcod cing / tshul 'chos shing sems gya gyus slob dpon gyis 'dzin pa'i rnam par smin pa ji lta bu lags/ gsang ba mchog gi bdag pos bka' stsal pa/ smra ba'i seng ge bla ma don la mkhas pa'i rjes su byung ba'i mi shes bzhin du tshul chos kyi bla ma'i sa gzung nas tshogs skyong ba de ni dregs pa'i ru dra chen por nges so// de yang ji ltar yongs su shes she na/ sngon 'das pa'i dus nga dran pa thog ma'i tshe/ bla ma don la mkhas pa dag gi rjes su byung ba'i dge slong dri med spyod pa zhes bya ba zhig rnal 'byor gyi tshul 'dra tsam du spyod de/ de la don la mkhas pa'i bla ma rnams mi bzhugs nas/ bla ma de dag gis tshom bu 'bum gyi 'khor rnams kyis bdag cag rnams kyi bla ma'i gdung 'tsho ba pa mdzad du gsol zhes dpon
- 103a
bstabs pas/ dge slong dri med spyod pa de che ba'i dregs pa skyes te/ mi shes bzhin du chu la 'dra log par spyod pas/ de'i tshe dus de nyid du dge slong tshom bu 'bum gyi 'khor dang bcas pa dregs pa chen po ru drar bskal pa grangs med par skyes so// de bas na de bzhin du shes par bya'o// // yang smra ba'i seng ges gsol pa/ gang zag la la dag bdag nyid kyi tshogs skyong ba'i 'khor bla ma gzhan gyi dbang du gyur tu dogs nas/ dge ba'i sgo 'gegs pa dag mchis na/ de'i rnam par smin pa ji lta bu lags// gsang ba mchog gi bdag pos bka' stsal pa/ smra ba'i seng ge 'khor sgo ris dang rkyang mtshan so sor gcod cing / gzhan bla ma la nyon mongs pa'i sgro byed pa ni/ ngan song gsum gyi kha rgyud cing sho gam gcan chen gyi ris su skye bar nges so// de yang ji ltar yongs su shes she na/ sngon 'das pa'i dus nga dran pa thog ma'i tshe/ dge slong na zhi gnas pa zhes bya ba tshom bu lnga brgya dang bcas pa'i don dang mi ldan pa zhig shin tu gsang ba'i sngags spyod do zhes zer nas/ dgon pa'i gnas gzung ste/ yul khams chen po de na gnas pa'i mi rnams kun tu 'dul bar bya/ ba'i zhing du spyod do// de'i tshe de'i dus su gzhan gyi sde par gyur pa'i dge slong grol ba'i blo gros zhes bya ba don dang ldan pa zhig/ yul khams de yang dag pa'i don la gzud pa'i
- 103b
ched du 'ongs nas/ gsang ba'i theg pa'i don rgya cher bstan par bsams pa las/ na zhi gnas pa zhes bya ba'i dge slong des nyon mongs pa'i bsgo ba drag por byas te/ 'khor 'di dag ni bdag gi zhing yin pas na/ khyod 'di la ma gtogs shig ces ris so sor spyad pas/ de'i tshe dge slong na zhi gnas pa tshom bu lnga brgya'i 'khor dang bcas pa nyon mongs pa 'khor ba'i lam du lhungs te/ sho gam gcan chen gyi ris su gyur to// de bas na de bzhin du shes par bya'o// // de nas yang smra ba'i seng ges gsol pa/ gang zag la la dag rnal 'byor gyi tshogs kyi yo byad du bsngos pa la ser snas gsog 'jog bgyid pa dag mchis na/ de'i rnam par smin pa ji lta bur 'gyur ba lags/ gsang ba mchog gi bdag pos bka' stsal pa/ smra ba'i seng ga gsang ba'i tshogs chen por bsngos pa'i yo byad la ser snas gsog 'jog byed cing / gcig gi yid gcig gis 'byin pa'i gang zag de ni/ nam gzhar longs spyod thams cad bral te/ yi dgas khyi'i lus su skye'o// de yang ji ltar yongs su shes she na/ sngon 'das pa'i dus nga dran pa thog ma'i tshe/ rnal 'byor bde ldan zhes bya ba zhig tshom bu 'bum dang bcas par gsang ba rgya cher spyod pa las/ de'i 'khor na bud med bzang ldan zhes bya ba'i rnal 'byor ma zhig tshogs sbyor ba'i ging du bskos pa las/ yo byad
- 104a
phun sum tshogs pa la ser sna'i sems kyis gsog 'jog byas so// de'i tshe de'i rnam par smin pas yi dwags khyi'i lus can du skye ba nas kyang / longs spyod thams cad kyis bral zhing 'phongs par gyur to// de bas na de bzhin du shes par bya'o// // de nas yang smra ba'i seng ges gsol pa/ gal te gang zag la la dag rnal 'byor gyi tshogs log par spyod cing / lta ba log pa can spyi brtol dang khro ga tum che ba/ sdig pa spyod cing don dang mi ldan yang / bdag rnal 'byor pa'o zhes pa bcol du bka' rku zhing slu ba byed pa de'i rnam par smin pa ji lta bu lags/ gsang ba mchog gi bdag pos bka' stsal pa/ smra ba'i seng ge lta spyod log pas rnal 'byor du khas 'ches pa de ni mu stegs chen po'i ris su ltung bar 'gyur ro// de yang ji ltar yongs su shes she na/ sngon 'das pa'i dus nga dran pa thog ma'i tshe/ don la mi mkhas pa'i dge slong pra ma d+he zhes bya ba zhig gis/ bdag ni yang dag pa'i lam la mkhas pa'o zhes kun la bsgrags nas tshogs ni bskyangs/ spyi ba rtol dang khro gtum gyis sdig pa spyod pa'i rnam par smin pas snyigs kyi spyod pa'i khams su lhung bar gyur to// de bas na de bzhin du shes par bya'o// // yang smra ba'i seng ges gsol pa/ gal te gang zag la la dag do
- 104b
ni rmugs/ tha tshig ni nyams/ dregs pa'i nga rgyal gyis rdo rjes rgyal po'i sa 'dzin par 'dod pa'i rnam par smin pa ji lta bur 'gyur/ gsang ba mchog gi bdag pos bka' stsal/ pa/ khrel med pa'i spyi brtol gyis mun sbrul du byed pa de ni gti mug phag gi ris su ltung ste/ de yang ji ltar yongs su shes she na/ sngon 'das pa'i dus nga dran pa thog ma'i tshe/ rtsa ba'i dmo tshig nyams shing yang dag pa'i don la rmugs shing / dregs pa'i nga rgyal gyis sngags kyi tshul du spyod pa'i drang srong ba ne ya zhes bya ba zhig tshom bu brgyad dang bcas par gnas so// de'i tshe rnam par smin pa de sa gti mug phrag gi ris su lhung ba de bzhin du shes par bya'o// // yang smra ba'i seng ges gsol pa/ gang zag la la dag tshig mnyam zhes zer yang / blo mnyam pa dang mi nye bar chags sdang la 'chel ba dag mchis na/ de'i rnam par smin pa ji lta bu lags/ gsang ba mchog gi bdag pos bka' stsal pa/ mnyam pa ma rtogs par chags sdang la 'tshal ba de ni re kA srin po'i ris su ltung ste/ de yang ji ltar yongs su shes she na/ sngon 'das pa'i dus nga dran pa thog ma'i tshe/ mnyam pa nyid ma rtogs par chags sdang las 'chel ba'i dge slong ba de sbyin zhes bya ba tshom bu stong dang ldan pa zhig gis/ gsang ba'i spyad pa mngon du
- 105a
spyad pa las/ las de'i rnam par smin pas rak+Sha srin po'i khams su lhung ngo // de bas na de ltar shes par bya'o// // yang smra ba ges gsol pa/ gal te la la dag rdo rje 'chang gi gral du tshogs pa'i tshe don la mkhas pa'i rnal 'byor pa zhig gis/ yang dag pa'i don gleng bslang ba de la 'jigs skra zhum pa ste/ mi dga' zhing gud du 'byol ba'i rnam par smin pa ji lta bu lags/ gsang ba mchog gi bdag pos bka' stsal pa/ yang dag pa'i don gyis 'jigs pa'i zug dog can de ni 'khor ba'i gnas su 'khyams te/ yak+Sha gnod sbyin gyi gnas su ltung ngo // de yang ji ltar yongs su shes she na/ sngon 'das pa'i dus nga dran pa thog pa tshe/ rnal 'byor las dang po pa'i sar slob pa'i dge slong lhas byin zhes bya ba zhig don dang ldan pa'i rnal 'byor phal cher tshogs par gyur pa las/ rnal 'byor de dag gi yang dag pa'i don glengs pas/ lha sbyin 'khor dang bcas pa gleng slong ba la mi dga' zhing / ngan sems kyi phrag dog skyes nas rang gi gnas su byol te/ de dag la mi snyan pa brjed pas/ de'i rnam par smin pas yang dag pa'i don las gol te gnod sbyin kha 'bar gyi gnas su skyes so// de bas na de bzhin du shes par bya'o// // yang sgrub
- 105b
seng ges gsol pa/ gal te gang zag la la dag don dang ldan pa'i rnal 'byor la ngan sems kyi sgro skur 'debs pa de'i rnam par smin pa ji lta bu lags/ gsang ba mchog gi bdag pos bka' stsal pa/ don dang ldan pa'i skyes bu la ngan sems kyis rngan 'phyar 'dogs pa ni mnar med par lhung ste/ lce la thong gshol 'bar ba lnga brgyas dral bar 'gyur ro// de yang ji ltar shes she na/ sngon 'das pa'i dus nga dran pa thog ma'i tshe/ rnal 'byor don dang ldan pa rnam par dag pa'i blo gros zhes bya ba la/ mi 'jigs blo gros zhes bya ba'i don dang mi ldan pa zhig gis/ rnam par dag pa'i blo gros sde pa mang po skyong ba'i sar/ mi 'jigs blo gros 'ongs te rngan sems kyi 'phyar gyis sgro skur mang po btab pas de'i rnam smin gyis mi 'jigs blo gros mnar med par lhung nas kyang / lce la thong gshol 'bar ba lnga brgyas rmos par gyur to// de bas na de bzhin du shes par bya'o// / yang smra ba'i seng ges gsol pa/ gang zag la la zhig gi shes rab kyi sa rnal 'byor khong du chud par sgra thos tsam gyis gzhung spyad na ji lta bur 'gyur ba lags/ gsang ba mchog gi bdag pos bka' stsal pa/ sgra phyir rnal 'byor de ni long ba'i 'du shes thob par 'gyur ro// de yang ji ltar yongs su shes she na/ sngon 'das pa'i
- 106a
dus nga dran pa thog ma'i tshe// rgyal po rab gsal 'dzin pa zhes bya ba'i mtshan ma'i rnal 'byor can de/ shes rab kyi mig med par spyi yud tsam la ltos nas rnal 'byor gyi tshul bzung bas/ de'i dbang gis long ba'i khams su lhung ba de bzhin du shes par bya'o// rigs kyi bu de bas na/ shin tu gsang po'i chos 'di ni shin tu go la sa yang che bas/ mnyam pa nyid kyi don la goms pa'i sgo nas spyod cig ces gsungs so// // de nas 'dus pa'i 'khor tshogs rnams ngo mtshar rmad du gyur te/ rmad du byung ba'i cho 'phrul rnam pa du ma ston cing / nyes legs kyi khyad par de dag la rab tu ngo mtshar na sa/ mgrin gcig tu 'di skad ces dam pa'i// glu blangs so// e ma'o ngo mtshar rmad kyi ston pa gsang mchog kun tu bzang // gsang ba kun gyi mnga' bdag ye shes rol pa'i mdzod// kun nas kun tu dbang phyug dam pa/ che ba'i bdag/ khyad zhugs yid dang 'thad pa'i bla ma de la phyag 'tshal 'dud// gsang sngags yon tan rgya mtsho grangs mang bsam mi khyab// gzhung dang 'ag byas snod ngan skyon nyid lhung gnas mang po brjod kyis mi lang // legs dang nyes pa'i 'bras bu rnam smin de snyed gang dag nyid kyis rab gsungs pa// bdag cag 'khor tshogs
- 106b
ga' spro gsang nyid don la 'jug shes dam par gyur// a la la la ho zhes pa'i glus mnyes par byas so// // da nas smra ba'i sang gas yang phyag rnal 'byor gyi lugs su byas te/ mchod pa rgyas pa de kho na nyid kyis mchod de/ gsang ba mchog gi bdag po la 'di skad ces gsol to// bcom ldan 'das gsang ba mchog gi bdag po// gsang ba'i theg pa 'di bdag cag 'khor rnams la bskor bar gsol/ ci nas kyang ma 'ongs pa'i gang zag rnal 'byor pa rnams la phan gdags par bya ba'i phyir/ nan tan du bgyi ba bsgo bar gsol// de nas gsang ba mchog gi bdag po zhal 'dzum pa mdzad de smin rings bsgyur nas/ btsun mo rngam pa kro d+hi rgyal mo la rnam par 'jug par gyur to// de'i tshe chos thams cad gnyis su med par byang chub sems kyi rang bzhin du gnas par gyur to// de 'tshe byang chub sems dpa' de dag thams cad smra ba'i seng ge byed pa po rdo rje kun tu bzang po dang / btsun mo bya ba mo kun tu bzang po gnyis su med pa'i dkyil 'khor la thim par mdzad do// de nas bcom ldan 'das gsang ba mchog gi bdag pos/ smra ba'i seng ge la bka' stsal pa/ smra ba'i seng ge dngas chos 'di bsdus te bshad kyis nyon cig/ gsang ba chen po'i rang bzhin 'di// bskyed pa med cing bsgrub pa med// bsgom pa med cing gzugs
- 107a
kyang med// phyag rgya med cing 'jug sgo med// 'dod pa med cing grub pa med// brtul zhugs med cing brtul ba'ang med// bya ba med cing nan tan med// / ye nas rnam dag brjod med chos// skyon dang yon tan dbyings su dag/ ngo bo nyid ni brjod du med// de la gsal 'dri sa goms par byos// med pa'i don las kun 'byung ba// gsal 'dris goms par bya ba'i phyir// smra ba'i seng ge khyod nyid kyis// tshig don ma lus thams cad kun// shes rab blo la gsal bsdus nas// mi nub rgyal mtshan rtse mo ltar/ nan tan gyis ni brtson 'grus byos// zhes gtad do// de nas smra ba'i seng ge sa a la la la zhes bya ba'i sgra phyung ste// yid kyi dkyil 'khor pad+mo lta bu'i sgo phye ste// gas ba'i don 'di nyid thugs rin po che la gzhag ste/ gsung gi dkyil 'khor du gnas so// / de nas smra ba'i seng ges/ bcom ldan 'das gsang ba mchog gi bdag po dang / gsang ba'i mdo 'di nyid dang / 'dus pa'i 'khor tshogs la bstod pa'i glu 'di blangs so// oM phyogs bcu dus bzhi rgyal ba'i sku gsung thugs// gsang ba mchog gi bdag po b+ha g.yongs kyi gter// gsang ba yum dang gnyis med rol pa'i cho 'phrul dag/ 'dul dbang 'jigs byed zhi khro kun gyi bdag po mchog/ thams cad mkhyen pa'i ston mchog gcig
- 107b
pu khyod la phyag 'tshal bstod// ho/ o/ bsam gyis mi khyab chos kun 'dus pa'i gtso// lung dang rig pa gtan tshigs kun gyi gnas// rgyud lung man ngag kun gyi 'byung gnas gtso/ phyi rabs rnal 'byor kun gyi yid bzhin gter// gsang ba'i yang gsang mdzod la phyag 'tshal bstod// ho/ oM/ phyogs bzhi'i zhing rnams kun nas 'dus pa'i gtso// rgyal ba sras bcas yum sogs sprul par bcas// nyid las mi gzhan 'khor du sku sprul pa// dbyings kyi ngang las mi 'da' dam tshig can// zhi khro 'khor tshogs kun la phyag 'tshal bstod// a la la la ho/ zhes brjod pas thams cad dgyes par gyur to// de nas bcom ldan 'das gsang ba mchog gi bdag pos hu zhes brjod pa tsam gyis// dkyil 'khor de dag thams cad gsang ba'i mdzod du thim par gyur te mi snang ngo // gsang ba mchog gi bdag po nyid kyang / dus bzhi mnyam pa nyid kyi dbyings la mi gnas pa'i tshul gyis rnam par gnas so// 'phags pa rgyud kyi rgyal po chen po ye shes rngam pa glog gi 'khor lo'i mdo zhes bya ba las/ gsang ba phyi ma rnam par bkod pa'i le'u ste bcu bdun pa'o// 'phags pa rgyud kyi rgyal po ye shes rngam pa glog gi 'khor lo'i mdo rdzogs so// // gu h+ya/ man+ta/ sa ma ya//