N3939MW22704_3939rgyud 'grelAll versions of this work

gtor ma'i cho ga

Palibidhi

Text

ff. 171b–172b · 3 folio sides

  1. 171b

    gnyis yang dag gdab/ /zlum po skor ba gsum byas te/ /tha ma thod pas bskor bar bya/ /de 'og nang gi cha dbye ste/ /dbus su re mig dgu pa la/ /ya yig dbus su shar du k+She/ lho ru 'jam pa'i rdo rje ste/ /yi ge me ni nub tu'o/ / byad du dbyug pa 'joms par byed/ /mtshams kyi khang pa bzhi po la/ /las kyi rjes 'gro sgrub bya nyid/ /lho nas brtsams te ru yig Na/ /yo ni de bzhin ra ya dag /de nas co dang ni rA dgod/ /dzo sa do ni rim bzhin no/ /phyi rol re mig bcu drug pa/ /rtsa ba'i sngags ni dgod par bya/ /bar du re re dor byas nas/ /de la lha sbyin bri ba nyid/ /de ltar bri'o 'khor lo ni/ /'byung dang bzlog pa'i rim pa'o/ /khru gang tsam gyi dkyil 'khor du/ /rjes mthun srad bus dkris nas/ kham phor kha sbyar du ni bzhag /stong pa nyid kyis rab sbyangs nas/ /yig 'bru phyag mtshan sngon 'gro bas/ /rang gi rig bcas bde bas gang/ /'khor lo gnyis med bkug byas la/ /yang dag mchod pa bya ba yin/ /'khrul 'khor gyi sgrub thabs rdzogs so// //'gyur rnying la zhus dag byas pa'o// // !/ /gtor ma'i cho ga bzhugs so// //rgya gar skad du/ ba li bi d+hi/ bod skad du/ gtor ma'i cho ga /mthar byed chen po la phyag 'tshal lo/ /bza' ba dang/ bca' ba dang/ myang ba dang/ btung ba dang/ ldag pa la sogs pa sna tshogs dang ldan pa/ dri dang 'phreng ba dang/ phyug pa dang/ gos dang/ gdugs dang rgyal mtshan dang/ dril bu la sogs pa'i sgra chen po yongs su rdzogs pa dang bcas pa'i gtor ma chen po/ /shing rta 'am/ khyogs ma/ rkon bu 'am/ chud pa ni 'khur ba'i dum bu 'am/ 'bras chan chang ba dang bcas pa'i chu khyod ba gsum tsam gyis kyang rung ste gtor ma

  2. 172a

    bya'o/ /khro bo zhags pa dang lcags kyu thogs pa spros te/ phyogs skyong ba rnams bkug par bsam mo/ /oM trI(rgyud 'grel): Sh+TI bi kri tA na na hUM hUM phaT phaT sarba duSh+TiM in+d+ra sa pa ri ba ra mA karSha ya dza(rgyud 'grel): ces bya ba la sogs pa'i sngags kyis so/ /shar du ni dbang po dang nye dbang ngo/ /mer ni me'o/ /gshin rjer ni nyi ma'i bu'o/ /srin por ni srung ba po'o/ /chur ni klu'i/ /rlung du ni rlung gi rgyal po'o/ /lus don du ni gnod sbyin no/ /de bzhin du log 'dren no/ /'byung bor ni dbang ldan no/ /de bzhin du steng du ni nyi ma dang/ zla ba dang/ tshangs pa'o/ /'og tu ni nor 'dzin ma dang/ thags bzang ris so/ /de dag la yang dag par mchod cing bstod nas/ 'od gsal ba kho nar bcug ste/ slar yang/ spros pa dang bcas pa 'am/ spros pa med pas gshin rje gshed kyi skur bsam par bya ste/ mig la sogs pa dang/ lus la sogs pa byin gyis brlabs te/ dbang bskur nas cod pan la gshin rje gshed po bsam par bya'o/ /de nas ye shes kyi 'khro lo bkug nas yang dag par gnyis su med par byas nas/ mchod yon dang/ zhabs bsil dang/ bsang gtor dag dbul bar bya'o/ /de nas rdzas spyad par bya ste/ ru yig gsum las mi'i mgo bo/ /a las ni thod pa'o/ /de'i nang du rdzas bcu bsam par bya ste/ sgron ma lnga po dag la/ hUM oM swA A(rgyud 'grel): tA rnams kyis byin gyis brlab par bya'o/ /bdud rtsi lnga po dag la ni/ baM laM maM baM taM dag go /'og tu ni rlung dang me yang dag par sbyor zhing/ steng du ni oM yig dang zla ba dang rdo rje'i sbyor ba'o/ /'bud cing sbar bas rdzas rnams sbyangs shing/ yi ge gsum gyi 'od zer gyis bdud rtsi yang dag par bkug pa dang/ shin tu yang rgya cher spel bar bya'o/ /de nyid gsum gyis rab tu bsngags te/ rdo rje lce'i

  3. 172b

    sbyor bas bdud rtsi 'bul bar bya'o/ /gal te rab sngags rnams dang las kyi bya ba sbel ba ni 'di yin te/ i daM ba ling grih+Na grih+Na sarba duSh+Ta na sa ma ya mu dra pra b+ha ny+dza ka ma ma shan+tiM rak+Shany+tsa ku ru ku ru ces pa'o/ /oM in+d+ra ya h+rI(rgyud 'grel): ya ma ya Sh+Ti tha pA ru Na ya/ bi ku be rA ya kri i shA nA ya/ ta agne ya/ A ni raM tya na ba la be na tsan+d+ra ya/ hUM arnyA ya/ hUM brahma Ne/ phaT ba su d+ha ra Na/ phaT be ma tsi tri Ne/ swa sarba b+hu te Shhyo(rgyud 'grel): ha hA hi hI hUM hUM phaiM phaiM phaiM swAhA/ ces pa 'di ni gtor ma'i sngags so/ /de nas me tog dang/ spos dang mar me dang/ dri chab dang/ baM shos gtsang la sogs pa phul la/ rdo rje gsor shing dril bu dkrol bas de dag la bstod par bya ste/ mngon pa ri 'dod pa'i don blangs la gshegs su gsol lo/ /rgyal bar gyur cig ces bya bas don mdzad de/ /gtor ma'i sgrub thabs rdzogs so// //'gyur rnying la 'bru zhus byas pa'o// //rdo rje 'jigs byed chen po'i sgrub thabs bzhugs so// /rgya gar skad du/ mahA badzra b+hai ra wa sA d+ha na/ bod skad du/ rdo rje 'jigs byed chen po'i sgrub thabs rdo rje 'jigs byed chen po la phyag 'tshal lo/ /b+ha ga'i dbus su yaM las rlung gi dkyil 'khor du ba'i rnam par bsam par bya'o/ /de'i steng du zla ba'i dbus su d+hI(rgyud 'grel): yongs su gyur pa las/ 'jam pa'i gzugs su bdag bsam nas/ de'i snying gar a las nyi ma'i dkyil 'khor bsam ste/ de nas nyi ma'i dkyil 'khor las 'od zer byung ste cho ga bzhin du mchod pa byas nas/ de'i steng du hUM 'od zer lnga dang ldan par bsam nas/ de yongs su gyur pa las rdo rje 'jigs byed zhal dgu pa/ ma he'i gzugs dang/ zhabs bcu drug pa/ phyag sum cu rtsa bzhi pa/ gcer bu sku mdog nag cing/ gzi brjid chen po thod pa mchog gis brgyan par mdzad cing/ 'jigs pa chen po steng gi ling+ga dang/ g.yon byang pas gnas shing/ gsus pa che ba dang

Colophon

gtor ma'i sgrub thabs rdzogs so//'gyur rnying la 'bru zhus byas pa'o