gnod sbyin gdong gsum pa'i rgyud
Yakṣadrasatrimaraatitantra
Text
ff. 294b–307b · 27 folio sides
- 294b
spel// 'jam dpal nag po bzlog pa'i rgyud ces bya ba// 'chi bdag be ba sa ta'i rgyud ces kyang bya// 'char ka nag po bzlog pa'i rgyud ces kyang bya// rA hu la nag po rngam byed kyi rgyud ces bya'o// chu thig sngon mo rtsa ba'i rgyud rdzogs so// // @#// rgya gar skad du/ yak+Sha dra sa tri ma ra a ti tan+t+ra/ bod skad du/ gnod sbyin gdong gsum pa'i rgyud/ bcom ldan 'das 'jam dpal gshin rje'i gshed la phyag 'tshal lo// 'di skad bdag gis thos pa dus gcig na/ sngon gyi dus na/ byang chub kyi shing drung rab tu dga' ba'i gnas na/ bcom ldan 'das mi g.yo ba'i ting nge 'dzin la snyoms par zhugs te/ bdud dang lhas byin gyis mu stegs log lha'i sbyor ba byas pa'i tshe/ bcom ldan 'das kyi thugs kyi 'od zer las/ lha phyogs ri bo rtse gnyis dmar nag 'khyil pa'i dur khrod kyi dbus na/ dur khrod kyi ma mo dang / gshin rje'i gnas na/ gshin rje nag po bya ba gcig gnas te/ rab tu khros pas 'bar bar byed pa'i ting nge 'dzin sa gnas te/ ting nge 'dzin gyi 'od zer gyis bskul nas/ spyan gyi 'od zer thugs kyi sprul pa bkye bas// bdud lhas byin rab tu sngangs so// der tshe dang ldan pa shA ri'i bu dang / 'od srung dang / cang shes ke'u di na la sogs pas/ bram ze mya ngan las 'das ma bskul bas/ bram ze des 'chi bdag gi
- 295a
rgyal po 'char ka nag po la/ 'di skad ces gsol to// kye kye bcom ldan 'das/ bdud lhas byin ma rungs pas/ dug lnga'i rang bzhin mu stegs log par blta ba'i lta ba la zhugs nas/ sangs rgyas kyi bstan pa la gnod pa 'di la/ bcom ldan 'das ni thugs rje'i ngang las mi g.yo/ 'khor rnams ni sde brgyad kyi rang bzhin thugs rje'i sbyor bas mi thul bas/ 'jigs byed 'di 'dul ba'i sbyor ba mdzad par zhu/ zhes gsol pas/ 'chi bdag chen po des/ 'bar ba rngam byed 'bar ba'i ting nge 'dzin la zhugs te/ 'od zer nag po thug ka nas bkyes nas/ 'jigs byed drag po'i thog phab pas/ bdud lha byin g.yog dang bcas pa rnams/ 'dar zhing sngangs nas brgyal bar gyur to// de nas bcom ldan 'das kyis/ rab tu dgyes pa'i brda' mdzad nas/ tshe dang ldan pa shA ri'i bu dang / tshe dang ldan pa 'od srung dang / cang shes ko'u di na ya la sogs pa rnams kyang rjes su yi rang ngo // de nas bcom ldan 'das kyis 'jam dpal 'chi bdag nag po de la bstod pa 'dis bstod do// legs so legs so khyod legs so// bcom ldan 'jam dpal khyod legs so// 'char ka nag po khyod legs so// b+hi ba sa twa khyod legs so// zhes bstod nas/ phyi rabs kyi rnal 'byor pa/ sangs rgyas kyi bstan pa bsrung ba rnams la yang shod cig/ khyod
- 295b
kyis rab tu gnas par gyis shig/ ces bka' stsal to// de nas 'chi bdag nag po des/ dbu ri rab kyi rtse mo la thal bas/ steng gi 'jig rten dbang du bsdus so// zhabs rgya mtsho'i gting la thal bas/ klu'i 'jig rten dbang du bsdus so// phyag par snang khams la brkyangs pas/ bar snang gi lha srin dbang du bsdus so// ba spu bye ba sa ya las/ 'od zer bye ba sa ya bkye bas/ bdud kyi dmigs dpung rdul du brlags so// de nas sangs rgyas bcom ldan 'das la/ sngags kyi rnam pa mang du phul lo// gnod sbyin gdong gsum pa'i rgyud las/ gleng gzhi'i le'u ste dang po'o// // de nas 'chi bdag chen po des bka' stsal pa/ nyon cig nga yis bstan par bya// zhes bram ze mdzes rgyan la bka' stsal pa dang / sangs rgyas bstan pa skyong ba yi// rnam bzhi'i 'khor bcas thams cad kyis// log lha che ba'i bdud rnams la// 'dul ba'i thabs ni 'di lta ste// bsgrub pa dang ni bsad pa dang // bskang bzlog pa yi las dag go/ dang po sgrub pa'i las dag la// drag po bsgrub pa'i gnas dag tu// dkyil 'khor bri dang rdzas bkram dang // rten dang drag po'i sku bcas dang // bskyed dang dgug dang gnas spro dang // bzlas dang mchod dang ting 'dzin dang // rbad cing las la btang ba dang // zor dang thun dang mdos dang bzlog/ 'khor lo
- 296a
bca' dang sreg pa dang // kha tshar gso ba'i las dag dang // mnan pa dag du shes par bya// dang po dkyil 'khor bri ba ni// dur khrod sa la dkyil 'khor brtsigs// zur drug 'khor lo bri ba ni// nag po'i tshon gyis bri bar bya// e drug mthing nag zla gam can// me ri 'bar ba'i cod pan can// de nas rdzas kyi rnam pa ni// tshang ba dag tu dgod par bya// de yi rang bzhin dgod pa ni// dbus su sku rten dgod par bya// drag po dung chud la la yang ras la 'chi bdag nyid// drag po las dang ldan par bya// bsrung na bum pa tshe rten bcas// bzlog na mchod rten rab gnas can// bsad na spu gri sbrul zhags can// gnon na mchod rten de yis mnan// 'khor lo bcas dang ldan par ni// bsrung ba'i 'khor lo spyi bor gzug/ bzlog pa'i 'khor lo snying gar te// bsad pa'i 'khor lo lte bar ra// mnan pa'i 'khor lo gsang ba'i gnas// rigs bzhi sbrul gyi rgyan char ldan// sa steng sa 'og de bzhin gnas// sa bla'i tshogs rnams 'dul ba'i phyir// spyi gtsugs ral pa gyen du brdzes// sa bla 'dul phyir yan lag la// gsal bar dmigs pa'i rten dang ldan// sa 'og 'dul phyir gzhug ma sbrul// ri rab tshul 'dra gru gsum ste// gru gsum nang du dmigs pa'i ming // thod pa sbram po dug chus byug/ nang du bsad pa'i 'khor lo
- 296b
ni// g.yas skor g.yon skor kha sbyor la// tshon skud dag gis rgya gram bcing // de yi steng du rgyan dang ldan// de yi phyogs bzhir phur pa bzhi// 'chi bdag nag po'i sprul pa bzhi// ban+de nag po spyi gtsug sbrul// bon po nag po lkogs ma'i 'og/ zhang blon nag po lte bang sbrul// mon pa nag po thugs ka nas// sprul pa'i rdzas bzhi rje ngar ldan// de la dgod cing de la gnas// ma gshin lha tshogs rtsang gi grangs// gtor ma chen po'i dbus su ni// 'chi bdag zhal phyung dpal gtor bcas// nyi shu rtsa gcig grangs dang bcas// de yi spyan sngar dgod par bya// 'bru ni nag po'i rnam pa la// kong bu zur gsum rtsang dang bcas// sdong gcig ma dang mes reg ma'i// 'phang rtse dang ldan rtsang dang bcas// drag po'i kong zor dus dang ldan// zor gyi rnam pa grangs su dgod// gnod sbyin gdong gsum pa'i rgyud las/ bca' bzhi bstan pa'i le'u ste gnyis pa'o// // de nas ting 'dzin bstan pa la// bdag bskyed pa dang gzhan bskyed pa// 'khor bskyed pa dang gsum du bya'o// de la dang po bdag bskyed pa la// mi dmigs pa ru gsal ba las// hUM gis rang bzhin gsal ba las// yaM dang raM dang baM dang laM// de 'gyur me dang rlung dang chus// sa dang ri rab de bzhin te// b+h+rUM las gzhan yas khang du'o// thod pa brtsegs pa'i zhing chung
- 297a
brtsig/ ka ba bzhi dang phyam gdung dang // dral phyam rkyang pa bzhi la bya// sbrul rigs grab tshag za ra tshags// khrag gi zham chu 'bab pa dang // mthongs nas nyi zla 'char ba'o// de nas 'khor lo rtsibs brgyad dang // rtsibs drug mu khyud sgo dang bcas// ma traM ru dang gang dmigs te// chu glang steng du nyi zlas mtshan// de steng hUM las rdo rjer gyur// oM hrIHSh+T+r-iHwi kri ta na na hUM phaT// ces pa'i sgra dang bcas pa yi// nag po zhal gcig phyag gnyis pa// dgra sta sdigs mdzub phyar dang gdengs// dbu skra kham nag gyen du 'khyil// glang chen stag dang zhing gis brgyan// sbrul dang thod pa skam rlon phreng // brkyang bskum bgrad pas 'byung po gnon// nag mo mi sdug mnyes par 'khril// thod rlon stob dang 'khyud pa'i tshul// de yi mdun du bsam pa ni// 'char ka nag po sbrul gyi mdog/ spu gri gdengs pa'i gdengs ka can// gang yang rang rang chas dang ldan// zhal ni gang dmigs de rang ngo // re ma ti dang ldan pa ni// nag po dred zhon khram dang rgyal// de yi mdun na ma mo bdun dang ldan// dkar mo mgyogs byed khyung la zhon// gnam gyi rgyal mo srid pa'i rgyal mo dang // sbas pa'i ma bzhi gsum yang rdo rje khyung gshog can// dkar mo lan phran bdun te khyung la zhon// me long g.yab mo dang ni ser ba 'dril// lha rnams zlog byed ma mo bdun// g.yas
- 297b
na mi nag rta nag bdun// g.yas na dar nag g.yon gshog gdengs// nag po bkrag med ya gzhir nag po dang // sog po mi zan lcags kyi ber ga can// kha la ru rtse dang ni srid pa'i kha la nyul// zangs kyi bya ru can dang bdun po ni// ro 'don nag po bdun gyi shan pa yin// srid pa pho rgud rgya bdun bzlog pa yin// g.yon na ma mo bdun gnas pa// e ka tsa ti dang ni nag mo re ma ti// re ma dza la sogs pa mched bzhi dang // rtsa 'byangs yang stobs 'chang ma dang bal mo nag mo'o// nad kyi rkyal pa khur nas dar nag le'u gon// ral pa'i gseb nas khrag gi bu yug 'tshubs// klu rnams zlog byed ma mo bdun// rgyab na gshin rje bdun rnams ni// phya sangs dang ni tel ba dang // ral pa tshar dgu dang ni ya ba ti// 'byung po dmar nag dmigs pa dang // a ba glang mgo can dang bdun// khram bam nad kyi rkyargyal pa thogs pa ste// ro langs lto 'phye'i tshogs rnams zlog pa'o// ban+de bon po zhang blon mon pa ste// sprul pa bzhi yang phyogs mtshams dag na gnas// rang bzhin gnas pas gsal gdab mos pa bya// yig 'bru dag las mi bskyed rang rang // drag po'i shugs// gdong gsum pa'i rgyud las/ bskyed pa'i le'u ste gsum pa'o// // de nas dgug pa'i ting 'dzin ni// bdag gi hUM las 'od zer 'phros// rang bzhin gnas nas ye shes
- 298a
dgug/ bstim la mchod pa 'bul ba ni// bdud rtsi rak+ta gtor ma dang // gnyis su med pa'i mchod pa bya// bdag dang gzhan don gang dmigs pa// de la gsol ba btab la mchod// rang bzhin gnas pa'i sbyor dbyangs bya rnal 'byor yang // bstod pa bya zhing dngos grub blang // gdong gsum pa'i rgyud las/ bstim pa'i le'u ste bzhi pa'o// // de nas drag po sngags kyi sbyor ba bstan pa ni/ oM hrIHSh+T+r-iHwi kri ta na na hUM hUM phaT phaT swA ha/ bcom ldan 'das kyi sngags so// oM AHhUM hrIHSh+T+r-iHa mo ga la mi 'dri ti ba liM ta khA hi khA hi/ mchod pa 'bul ba'i sngags so// sha ri b+h+yo/ ma ri b+h+yo/ khrag ma ma b+h+yo/ tsir snying b+h+yo/ snying b+h+yo/ ma kri thod khrag dza/ khrag ti snying la ya/ nir ti chod/ nA ga chod/ mu lo chod/ sha lo chod/ sha la kying kying / b+h+yo b+h+yo/ sa ma ya a ti pra ma ni sa ra na bzlog/ ni sa ra na bzlog/ 'char ka nag po'i sngags so// oM gnam yer b+h+yo/ sa yer b+h+yo/ rkyang yer b+h+yo/ rkyang mo b+h+yo/ sa rkyang rnga mo ma b+h+yo b+h+yo b+h+yo b+h+yo/ rkyang yer sod/ mu yer sod/ me reng sod/ dgra snying la b+h+yo b+h+yo/ dkar mo bdun gyi drag sngags so// oM ru lu ru lu ha ha yak+ka baM ri la khrag la rbad rbad/ rus la tshe/ dgra snying la b+h+yo b+h+yo b+h+yo b+h+yo b+h+yo b+h+yo b+h+yo/ nag mo bdun gyi drag sngags so// oM ru lu ru lu tsa pa la/ a shu ga me hUM b+h+yo dza dzaH/ yag mo kha la kha tshe du b+h+yo/ rag mo kha la
- 298b
kha tshe du b+h+yo/ nag mo kha la kha tshe b+h+yo/ kha la hUM b+h+yo b+h+yo b+h+yo b+h+yo b+h+yo b+h+yo b+h+yo/ ru lu ru lu nag mo ha ha hUM b+h+yo b+h+yo b+h+yo b+h+yo b+h+yo b+h+yo b+h+yo/ ma mo bdun dang ro langs bdun gyi sngags so// ya ma sting b+h+yo/ ya ma khrag b+h+yo/ sarba 'bu te b+h+yo/ ya ma rA tsa b+h+yo/ ya ma bruM bruM/ ya ma rA dza b+h+yo/ yaM yaM bruM bruM gshin rje'i snying khrag la b+h+yo/ ya ma dgra snying la b+h+yo b+h+yo b+h+yo/ gshin rje bdun gyi sngags so// trag rak+ta ru lu ru lu baM ri la b+h+yo/ nag po srog lus khyer la/ yak+ka baMbai ri la b+h+yo/ mdos 'phang ba'i sngags so/ nag po pra ma yang ha ro ya/ nag po rak+Sha thun/ he dra ba la snying thun/ ka ka ni ni lo tsa ya/ srog la thun/ mA ra ya thun/ ha ra ha ra/ hu ru hu ru/ nyams pa'i snying la b+h+yo/ gdong zor gyi sngags so// oM ha he mo ha hr-i da ya/ ma ra ni hUM phaT/ b+h+yo b+h+yo sa ma ya bzlog bzlog/ a la la pra mo he b+h+yo b+h+yo/ ya ma ya bzlog bzlog/ kong zor gyi sngags so// hri nag mo dun ma snying pa dra la dun// b+hU b+hA b+ha/ khrag zor gyi sngags so// d+hAr+d+ha b+h+yor+tha b+ha/ a dz+nyA rba b+h+yAM/ rdo zor gyi sngags so// brim tham/ hwA hA/ la ya/ b+hA b+hi/ mda' thor gyi sngags so// rag ma bri sarba tA ra ya ga ne dza la ra ma ra sa phaT/ sprin bzlog gi sngags so// sarba sha tAM nA sha ya mA ra ya/ bsad pa'i sngags so// badz+ra tsi ga dun rbad rbad swA hA/ snying khrag dun khug/ rbad rbad swA hA/ bruM shig khug ling rbad swA hA/ snying khrag la 'dus rmug rbad rbad swA hA/ tsa ra
- 299a
ba bzhi'i sngags so// ka sha kha sha brag tshal pa shag shag/ ma tra shag/ ma tra shag/ mA ra ya rak+Sha snying gong chod ya/ ya par pra bra zhung zhung / ri la ri la rbad rbad yA yA/ tsa tra rak+ka rbud rbud/ kha la rak+ta rgud rbud/ ti sa dum bu rak+Sha rbud rbud/ te tsi ta rak+Sha rbud drud las kyi sngags so// oM bud+d+ha b+ha dra hAM/ na ma s+t+rai ya d+hi ka naM/ sarba ta thA ga tA nAM/ sarba bid dra pra ti ho// ha ha ba ha hi/ ba smi ba lI nAM/ shA ri'i bus byin gyis brlabs pa'i ring bsrel g.yon pa'i sngags so// oM ya ma ta dri a nAM/ ta ta ma ti sha sa ni/ ha ra ha ra/ sma ra sma ra ni/ bi ga ti ri tur ta smr-i te/ sa ra sa ra/ ma ma sa la/ ha sa ha sa/ dra ya dra ya/ ga ga na ga ga na/ ma hA yak+Sha ne/ dza la dza la na/ sa ga ra swA hA/ rten 'brel 'od srung gis byin gyis brlabs pa'i mchod rten dbus ma'i rab gnas so// oM ye d+har+m+ma he tu pra b+ha ba he tun te ShAn ta thA ga to h+ya ba data/ te ShAny+tsa yo ni ro d+ha e waM bA dI ma hA shra ma Na ye swA hA/ cang shes ko di n+ya'i ring bsrel g.yas pa'i sngags so// na mo hr-i da sarba ta thA ga ta ha ra hUM/ ya mAn+ta kas byin gyis brlabs pa'i 'char ka skyem byed kyi sngags so// bud+d+ha hri b+h+yo/ ser ba bzlog pa'o// gdong gsum pa'i rgyud las/ sngags kyi le'u ste lnga pa'o// // de nas 'khor lo bri bar bya// 'khor lo dag la sngags dang ldan// rten 'brel spyi yi 'khor lo dang // srung zlog bsad
- 299b
dang mnan pa'o// bri ba'i thabs ni 'di lta ste// phyi ma 'khor lo 'khor yug gsum// nang du gru gsum gnas pa la// mA ra ya yi ling+ga bri// de mthar sngags dang ming rus spel// de mthar mchar ka nyid kyi sngags// de yi mtha' la rten 'brel ni// bcu gnyis 'khor lo lcags su gzhug/ mtha' ma 'khyil byed gnyis kyis bskor// 'char ka nag po'i lto bar ro// zhi ba'i 'khor lo rtsibs brgyad pa// rtsibs brgyad dag la 'char ka nyid// bsrung ba gang bsrung gong ras la// nr-i gri rak+Sha ces pa bri// dbus su gang bsrung ming dang sngags// hrIHSh+T+r-iHces pas mtshan pa'o// gong ras A li kA li'o// sngags ni tsan+na ces pa sbyar/ krang // bzlog na bzlog ces bsgyur ba'o// gong ras bzlog pa'i sngags kyis bskor// dbus su ming rus gzugs dang bcas// bsad pa'i sngags mtha' mA ra ya// gong ras bsad pa'i sngags kyis bskor// mnan pa'i sngags mtha' mA ra nan// srung ba'i 'khor lo dar ras la'o// bzlog pa zhing la bri ba'o// bsad pa dur khrod ras la bri// mnan pa dur khrod g.yam pa'o// bri ba snga dro bsrung ba'o// bzlog pa nyi ma phyed na bri// bsad pa nyi ma rgas pa'o// mnan pa tho rangs bri bar bya// gdong gsum pa'i rgyud las/ 'khor lo bri ba'i le'u ste drug pa'o// // 'di yi mdos su bya ba la// khog don bzhi ru shes
- 300a
par bya// bsrung ba'i mdos dang bzlog pa'i mdos// bsad pa'i mdos dang mnan pa'i mdos// ma traM 'bag tu bcas pa dang // rak+ta dmar pos bkang ba dang // bca' ba las kyi man ngag bya// ri rab brtsegs pa'i bang rim ldan// bsrung ba dag la glud brgya dang // ma gshin bshos bu bcas pa dang // byang bu bdun gsum nyi shu gcig/ glud kyi phyogs su gdags pa dang // mchod rten bca' dang me mar bca'// 'khor lo lto bar gzhug pa'o// bzlog pa 'char ka 'dra ba la// kong zor brgya'am nyi shu gcig/ bshos bu zur gsum khrag du bcas// mtshe dang nyung dkar rbab dang mtshon// 'ur rdo bdun dang bcas pa'o// bsad na drag po dgra phyogs bya// 'char ka de la bstan pa dang // kong zor nyi shu rtsa gcig dang // khrag zor nyi shu rtsa gcig dang // ling+ga thun gyis brab pa dang // ma mo'i gtor ma zor du bcas// 'phang ba mnan pa'i las bya ba// gdong zor bcas la mdos kyis mnan// 'char ka'i zhal du bsgyur la bca'// mnan pa rgod ru dag la mnan// mchod rten bzhi dang bcas pa'o// bzlog pa 'char ka ma bsgyur ba// bsrung ba 'jam dpal zhal du bya// gsod na glang po che yi zhal// gnon na ma he'i zhal du bya// bsrung ba rang gi gnas khang du// mchod pa bya zhing gsol ba gdab// bzlog pa khang steng mthong
- 300b
bar bya// gsod na gnas khang dag tu'o// gnon na chu mig gsham du'o// drag po'i mdos de phyogs su sbags// rol mo dar dang bcas pa yis// zor dang bcas te 'phang bar bya// gdong gsum pa'i rgyud las/ mdos gtang ba'i le'u ste bdun pa'o// // de nas yang dag bshad bya ba// dang po bsrung ba'i las dag ni// 'char ka'i gzugs brnyan phyag tu ni// tshe yi bum pa de nang du// tshe rten dkar gsum mngar gsum dang // bsrung ba'i 'khor lo sngags dang bcas// dbus su gang bsrung ming dang bcas// bum par bcug la bzlas dang mchod// nad pa la sogs srung byed na// maN+Dal dkar po'i steng dag tu// gtor ma sna tshogs rin chen dang // bal tshon sna lnga'i brungs dang bcas// nyung dkar sngags kyis nad pa bskor// de nas gtor ma'i nang du gzhug/ gtor ma mchod cing bzlas pa bya// mtha' ma bskor zhing sbyin bsreg bya// kong zor 'phang ba kun la bya// sri'u dag la gtor ma dang // rten 'brel sngags kyi bum pa'i chus// bkru ba'i sngags kyi sbyor ba bya// seng ldeng phur bu ltar bskyed la// bsrung ba'i 'khor lo sngags dang bcas// nyung dkar brgya dang rtsa brgyad la// 'brum bu re la sngags 'bru bdun// ras dkar nang du gtum pa dang // de la mchod cing bstod bzlas bya// mdo long sngags bzlas kong zor
- 301a
'phangs// mdze bo dag la dkar gtor bca'// srung skud mdud pa brgya dang ldan// rin po che yi bum pa dag/ 'bru sna brgyad dang sman sna brgyad// rten 'brel sngags kyis nad pa dag/ phying dkar steng du khrus bya'o// gu gul bdug cing sngags kyis brab// sbal sbrul mang po'i gzugs byas la// bskor zhing gtor ma'i nang du gzhug/ mdo long kong bu zor du 'phangs// ser ba bsrung na 'char ka'i sku// lo thog mthong bar gzhug byas la// mchod rten dkar po dang ni dmar po'am// yang na ser po'i rtsa ru gzug par bya// bzlog pa'i sngags dang 'khor lo dang // phur pa bcas pa'i mgul du ni// thal chen dag dang nyung dkar dang // bsngags la de dang ldan par bya// rims nad gcod na 'char ka'i sku// dmar gtor bal tshon dar sna dang // nyung dkar nyung nag sngags dang bcas// phag mo'i gzugs dang bcas pa rnams// kong zor bcas la 'phang bar bya// bal tshon sna lnga'i skud pa la// sngags kyi mdud pa brgya dang ldan// de ni bsrung ba'i mchog tu 'gyur// yul dang khang khyim phyogs rnams su// drag po'i rdzas kyis thub par 'gyur// gtor ma sngags kyis bskul nas kyang // sde brgyad kun gyis mi tshugs so// gdong gsum pa'i rgyud las/ bsrung ba'i le'u ste brgyad pa'o// // de nas yang dag bshad bya ba// zlog
- 301b
pa byed na 'di lta ste// rnam pa bdun du shes par bya// bcas kyis bzlog dang sngags kyis bzlog/ 'khor los bzlog dang gtor mas bzlog/ mdos kyis bzlog dang zor gyis bzlog/ sbyin bsreg dag dang bdun du'o// bcas bzlog 'char ka'i 'dra 'bag la// dug chus byug la kha gdangs pa// phur pa lag tu bskur ba'o// kho yi phyogs su kha bstan bya'o// pho mo'i byang bu bdun bdun bya// 'phan chen dbus su phyar ba'o// kag+ni rab gnas ldan pa'o// 'khor los bzlog pa rtsibs brgyad la// ming rus bcas pa bsdus pa'o// rtsibs la rtsa sngags bzlog dang bcas// gong ras ming dang bzlog ces pa// mu khyud bzlog pa'i sngags dang bcas// b+he ba sa twa re ma ti// g.yas bskor byas la zhing la bris// 'char ka'i lto bar gzhug pa'o// gtor ma'i dbus su 'char ka'i sku// gru gsum dmar po bshos dang bcas// nyung dkar dmar po dag dang ldan// nyung dkar mtshe dang zangs dang lcags// khrag dug dag gis bran pa'o// mdos ni 'char ka 'khor dang bcas// ma gshin nyi shu rtsa brgyad tshogs// dmar nag dar dang bal tshon dang // kong zor dang ni khrag zor dang // gtor ma dar tshon sna lngar ldan// zor ni kong zor khrag zor dang // rdo zor mda' dang 'ur rdo dang // slang zor gtor zor 'phang ba'o// sbyin sreg bcas pa'i bdun du
- 302a
bya// sngags dang bskul ba'i rdzas dang bcas// nyi ma phyogs dang dus dang grangs// yang dang yang du bya ba'o// zor kha bzlog na nyung dkar dang // khrag dang thod pa'i nang du'o// rtsa ba'i sngags dang gdong zor sngags// spel zhing bcol la bzlas pa'o// rA hu la yi phyogs dang bstun// byol kha bzlog na gtor ma dang // 'ur rdo gdong zor 'phang bar bya// 'chi ba bslu na dkar gtor dang // dmar gtor bcu gsum sngags dang bcas// chos ston bcu gsum sngags dang drang // gtsug tor dri ma med pa la// rtsa sngags bzlas la gang dmigs bzlas// rten 'brel bzla zhing tsha tsha gdab// rmi lam bzlog na rtsa ba'i sngags// brgya rtsa brgyad du bzlas par bya// rang gi sngas kyang bskur la nyal// rang sngags phyogs su bskor bar bya// mtshan ma ngan pa bzlog pa ni// zor de drag tu 'phangs pa'o// ltas ngan bzlog na mdos kyis bzlog/ mdos kyi maN+Dal steng du ni// khri 'phang gsum du brtsig par bya// rus sbal bzhi dang glang chen bzhi// mi nor lto 'gros ri dgas dang // gcan gzan gzugs la seng ge bzhi// 'dab chags gzugs la bya khyung bzhi// de yi kha la 'char ka'i gzugs// zur gsum nang du dmigs pa'i gzugs// de yi kha la gtsigs par bya// de yi mtha' mar me mar dang // kong zor spel te dgod par bya// bcu
- 302b
gsum pa yi gzugs su bya'o// gdong gsum pa'i rgyud las/ bzlog pa'i le'u ste dgu pa'o// // de nas yang dag bshad bya ba// bsad pa'i las ni 'di la brtson// gru gsum nang du ling+ga dang // zod pa rus dang bcas pa dang // skyer mda' skyer gzhu stong pa dang // gdong zor nag po der bcas te// de yi kha la 'char ka'i sku// khram dang rgyu zhags bsnams pa ste// glang chen gdong gi kha nang du// ming dang rus bcas gzhug par bya// rabs chad thod par ra khrag dang // khram dang bcas te bca' bar bya// de yi nang du gcig shos pa// dmigs pa'i ling+ga bri bar bya// zor gyi rnam pa bdun pa bca'// ban+de bon po zhang blon dang // mon pa'i sngags dang spel ma bya// rtsa sngags las sngags bsad pa'i sngags// de ltar spel la bzlas par bya// tshes grangs brtsis la zor du brdeg/ bsad pa'i 'khor lo tshon skud bcings// 'char ka'i lto bar mA ra ya// phur pa btab la sbyin bsreg bya// tha ma mon pa'i dkrug sngags dang // kong zor khrag zor sprug cing brdeg/ bsad mdos gtor ma'i nang du bya'o// rkang rjes sa dang dur khrod sar// rA hu la yi gzugs byas la// sbrul nag 'khyil pas bskor byas la// ling+ga dag dang bcas pa yang // man+ta man+ta spel zhing bzlas// sngags dang bskul gyis 'phang bar bya// 'char ka'i thod pa chu mig mnan// des ni
- 303a
lhas byin mA ra ya// 'char ka nag po'i zhal nas gsungs// gdong gsum pa'i rgyud las/ bsad pa'i le'u ste bcu pa'o// // de nas yang dag bshad bya ba// mnan pa dag las bshad pa ni// sdong gcig ma dang mes reg ma// sad kyis bsad pa'i bu yar lang yang byung // bsad cing mnan pa'i bu yin la// khyad par drug gi sngags kyis bskor// tsakra hri nan/ hrIHSh+T+r-iHnan/ a tri nan/ pra du nan/ tri du nan// mA ra nan/ nang du kham sa'i gzugs dag na// snying gar brnag pa'i 'khor lo gzhug/ tshon skud dag gis rab tu dkri// gru gsum nang du bcug pa la// 'char ka'i sku yis mnan la bzlas// rtsa sngags mnan sngags spel ba la// tha ma ming dang nan du bcas// 'khor lo'i sngags mthar nan du bcas// bzlas pa bya zhing rdo rjes brdeg/ rdo rje rgya gram g.yam bris la// hrIHSh+T+r-iHbzlas shing bsdig par bya// gtor ma gtong zhing dmod bcol bya// sngags kyis bskul zhing las la gtang // tha ma dmigs pa'i rten de mnan// chu mig byang bltas gsham du mnan// pho rgyud gnon na brag gi 'og/ mo rgyud mtsho yi nang du'o// the'u rang rkang gcig shing gi drung // pha bong nag po klu la shis// gad pa'i 'og tu bsen mo mnan// pho sri dur gyi nang du mnan// btsan ni brag dmar them la mnan// gzhan yang gang gnod sku gdung rten// rgyal po
- 303b
mchod rten 'og tu mnan// mnan sa gang rigs pa dang sbyar// mnan pa'i dong du gru gsum bru// de yi nang du ka pA la// de nas rten dang kun kha 'khor// rgya gram dag gis kha bcad de// dga' bo klu yang ldang mi nus// des ni klu kun chub sa ma non yang ldan mod yang non// bskal pa rdzogs kyang khar mi 'byung // bka' las 'das par mi nus so// gdong gsum pa'i rgyud las/ mnan pa'i le'u ste bcu gcig pa'o// // de nas yang dag bshad bya ba// bca' ba zor gyi las bshad pa// bra bo nas nag mi kha can// yang na dur khrod sa dag la// nang du khrag gis brdzis pa la// drag po'i kong bu zur gsum pa// brag nag mtshe dang yungs kar dang // dme khrag thig pa re re la// yugs sa'i mong tse drag po'i rtsang // sor gcig ba ni btsug la bzhag/ phur pa re dang nyung dkar re// mar me re dang lha bshos re// sha sna re dang khrag sna re// rabs chad khang pa'i dud pa dang // chang nyes pa yi spang ma sbyar// gsum dang bdun dang bcu gsum dang // nyi shu rtsa gcig brgya rtsa brgyad// ji tsam ran pa'i tshod dang sbyar// tshon skud sngon dmar 'gul tog la// zhing lpags 'ur rdo mthil du sbyar// yugs sa'i skra la 'dzag sna bya// sngags pa ber nag chas su zhugs// dus drug kho nar 'phang ba ni// rtsa ba'i sngags dang gdong zor sngags// bcol cing las la 'phang
- 304a
bar bya// dur khrod rdo la dug chus byug/ de dang ldan pa'i rnal 'byor pas// grangs dang mnyam par 'phang bar bya// skyer ba'i mda' la ltas ngan sgro// dme po'i khrag gis byug par bya// sngags ni drag po'i sngags 'debs sbyar// nyi ma'i zer la 'phang bar bya// bsnyen pa drag po bzlas la 'phangs// sla nga'i nang du sho rde'u blug/ ra yi sog pa g.yas g.yon la// ling+ga byas la nang du gzhug/ nyung dkar nyung nag nang du'o// de dang de yi dmigs par ldan// sa lu mu tri'i sbyor bar bya/ pha la yang // bud med bdun gyis sla nga khyer// sa sna 'brub khung ling+ga bca'// gang nas 'ong ba'i phyogs dang sbyar// g.yas bskor bdun dang g.yon bskor bdun// de nas de yi nang du blug/ ma gshin bskul la bro yang brdung // rol mo sgra dang bcas pa dang // gang la dmigs pa zor dang sbyar// ba ling zhal dang ldan pa la// mar me lha bshos rtsang dang bcas// dar nag phrag la gzug par bya// nyung dkar sngags dang khrag tu bcas// 'phang zhing bsil zhing rak+tar bcas// cang te'u brdung zhing rak+Shar bcas// lha mchog bskul dang dar nag g.yab// dmigs pa dang bcas 'phang bar bya// rU tra gos kyi mgo gzhug bzlog/ rU tra'i a breng gdab par bya// mA ra nyid dang rta ra gzugs// dam tshig nyams pa'i chad pa brtsam// o rta la yi sbrang 'dul
- 304b
bya/ mu la a la nyams pa la// drag po'i gtor ma bzlog mdos ni// gang yang rung bas rlag par byed// rang bsrung ba yi mchog tu 'gyur// god kha 'dul bar shin tu shis// ra dang sha ba'i thod par brub// rku gram mnan pa'i brag snar brub// de yi steng du gtor ma blug/ rgya gram 'bar ba'i thibs la gzhag/ de yis thams cad dbang du 'gyur// drag po'i zor gyi las ka ni// gang la zhugs kyang 'bar ba'i thibs// rA hu la yi sbyor ba bya// gza' brtsi ba dang phyogs brtsi ba// de la dmigs la 'phang bar bya// gdong gsum pa'i rgyud las/ 'phang ba zor gyi le'u ste bcu gnyis pa'o// // de nas yang dag bshad bya ba// bdun gyi ting 'dzin sngags gzer rnam pa gsum// gzhan gyi sngags rnams mnan pa ni// he ru ka yi ting 'dzin nam// yang na phyag na rdo rjer bsgom// karma he ru ka las kyang bya// dgra'am gegs ni gang yang rung // shog bu dag la ming bris la// 'og ma'i ta tha'i thun gyis brab// ting nge 'dzin gyis dgug gzhug bya// gang na yod pa'i phyogs su 'phang // pha rol dam tshig nyams rtags su// phyar ba nag po phyogs su brdab// srid pa'i lha 'dre bslu ba'i phyir// mig brgya pa yi gos kyang gon// che ba'i nga rgyal bskyed pa'i phyir// zhing lpags dag kyang bgo bar bya// phyogs su thar pa med pa'i phyir// steng du rdo
- 305a
rje rgya gram bya// phyin chad bar chad med pa'i phyir// lam chen nyid du gnan par bya// gtan du thar ba med pa'i phyir// rgya gram drug pa'i phyi rim bar du bzhag/ rtsa sngags gdong zor dag la sdeb// spel nas zhabs su gdong zor sngags// de 'og mnan pa'i las rnams 'grub// de la dmigs pa gdon mi za// 'char ka nag po'i gong non yin// gdong gsum pa'i rgyud las/ sngags gzer bstan pa'i le'u ste bcu gsum pa'o// // de nas rig sngags spo ba ni// drag po'i ro ras gru bzhi la// bcu dang gnyis su 'khor lo 'dod// de 'og shan pa bzhi yi sngags// phyogs dang rim pa de bzhin no// bar ma rtsa ba'i sngags dang ni// mA ra ya dang spel te bri// tha mar bsad pa gru gsum du// ming rus bris nas thun la bskor// sha ri b+h+yo yi sngags mgo dang // ma rig pa gnyis bsdeb pa la// yig/ mgo gnyis gnyis bsdeb pa la// g.yas g.yon bskor la tshon skud dkris// 'char ka'i snying gar gzhug par bya// 'char ka nag po sku la ni// dang po rin chen sna lngas byug/ de nas dug dang khrag gis byug/ mchod rten g.yas dkar g.yon dmar pa// dbus gnag lag pas phur pa 'dril// g.yas pa rgya gram de'i 'og tu// thod sbram ling+ga mnan pa la// rgya gram steng du 'char ka'i sku// rtsa sngags bzlas la
- 305b
gnan par bya// gdong gsum pa'i rgyud las/ rig sngags kyi zor spo ba'i le'u ste bcu bzhi pa'o// // de nas yang dag bshad bya la// bsreg pa'i bya ba'i las la 'bad// zur drug 'khor lo gnam sgo can// tsher ma can gyi shing brtsegs la// bya rog 'ug pa khA ta yi// tshang rtsi dug la yam shing bya// rgyu ma'i zhags pa'i skud pas dkris// kha la rtsang dang rgyu zhags bsnol// dmar nag khrag dang sha dang tshil// rgyus pa zhun dang dug dang khrag/ nyung dkar nyung nag dag ldan pa// de yi rim pa der shes bya// ling+ga mang po gtub pa dang // sbyin bsreg ji tsam nus par bya// me yi nang du 'chi bdag bskyed// mdun du rA hu la yang bskyed// sdig can me blangs shan pas sbar// 'chi bdag bkug la me la bstim// dang po bcom ldan 'das la dbul// de nas 'char ka nyid la dbul// phrin las rnam bzhi'i las dang sbyar// rtsa sngags dag dang spel la bzlas// tha mar bstab dang dbul bar bya// yang nas yang du dbul bar bya// 'char ka nyid kyi mdun du bya// dbang dang 'gugs pa'i sbyor ba bya// bskul dang drag tu bzlas pa bya// bdun bdun re la ba li 'bul// 'di ni drag po las dag gi/ sbyor ka sdeb pas dbang du 'gyur// 'byung po ma rung gtam pa la// brgya'am lnga bcu'i sbyor ba bya// rdo nag bgegs kyi bla rdo la// rtsa ba'i
- 306a
sngags dang mA ra ya// dang po bcom ldan gshin rje bskul// de nas 'char ka nag po bskul// sbyin bsreg re la bskul pa re// bkug cing bstim la bsreg par bya// rtsi skya 'dzag ma yi dgas gzugs// mkhar nag dkris la ming byang gzhug/ gu gul dud pa bskor zhing bdug/ gang gnod de la bskor zhing bsreg/ rtsa ba'i sngags la spel sngags gdags// phur pas btab cing drag tu bskul// gtub la sbyin bsreg thal ba yang // brgya'am lnga bcu'i tshad du bya// 'dis ni klu rnams gdug pa 'dul// dbang du byas pa'i las yin te// de ma thag pas 'grub par 'gyur// tha ma gso ba'i las kyang bya// rtsi skya jug ma'i sbyor ba de// yang na 'char ka'i 'og tu mnan// gnod sprin gdong gsum pa'i rgyud las// sbyin bsreg gi le'u ste bco lnga pa'o// // de nas yang dag bshad bya ba// yang na gsad pa'i las dag ni// gcan gzan zod par ling+ga bcug/ rdo nag bla rdo gzhug pa dang // phur pa gdab pa'i sbyor ba bya// ban+de bon po zhang blon dang // mon pa nag po'i sbyor ba bya// de la rtsa sngags sdeb pa dang // las sngags gsang sngags thun du brdeg/ de yi mdos kyang bca' bar bya// zur gsum dpal la sngags dag ni// khram dang thod pa de bzhin no// yang na de yi sbyin bsreg bya// kha na gcig pu mngags pa ste// bdun bdun
- 306b
dag tu sbyor bar bya// drag po sngags dang sbyin bsreg kyang // de ru dmigs la bzlas pa bya// rtags kyi du ma gang du yang // brtag la de yi bzlas pa bya// dang po 'jam dpal bstod pa dang // 'char ka bcas pa'i bstod pa dang // srog gi rA dza bzhi po ni// tha ma'i mde'u la bskul ba dang // de yang 'di la shes par bya// sngags kyang de bzhin bzlas pa bya// b+hi ba sa twa seng ge gdong // bsad dang sbyin bsreg dus su yang // de yi nga rgyal bya ba yin// bsnyen dus 'jam dpal zhi ba la// bsgrub dus 'char ka nag po yin// sprul pa bzhi ni bka' sdod de// las mkhan khyab 'jug rA hu la// sku stod 'jam dpal zhi ba la// lte ba 'char ka nag po yin// mjug ma khyab 'jug rA hu la// de la lha srin sde brgyad 'khor// ma mo 'khor bcas bran dang g.yog/ dngos su las kyi gshin rje gzar sgrub pa yin te// dam tshig can gyi las mkhan yin// dam med pa yi bdud du che// sgrub pa po yi grogs kyi mchog/ gtso bo 'char ka nag po la// 'khor gyis bsad na dza ra bzhi// gdong gsum pa'i rgyud las// bsad pa'i le'u ste bcu drug pa'o// // de nas yang dag bshad bya ba// mjug ma klu yi sbyor ba ni// khyab 'jug rA hu la dang sbyar// oM pa sha mi ki ti ru ru dza la ti me ki ti swA hA/ 'char ka'i sngags dang sdebs kyin bcol// sha ru la nya rul khrag dang
- 307a
bcas// bse khab nang du sbyar la mchod// rgya mtsho'i gting du klu yang khol// rA hu ya dzA ba ti hUM/ yang snying sngags la brtson par bya// dbab dang bcad la thog rdug med// bsad pa'i las la smos ci dgos// khyad par bzlog pa'i las la bsngags// gdong gsum pa'i rgyud las/ mjug ma klu'i le'u ste bcu bdun pa'o// // hUM ma 'gags lhun gyis grub pa'i gnas// stong gsum 'jig rten kun gyi bdag/ mtho ris ngan song kun gyi lam// 'char ka nag po gshegs su gsol// 'jig rten ma mo thams cad kyang // khyod kyi sku yi cha la brten// ma mo 'khor bcas gshegs su gsol// dregs pa bdud kyi gas rnams kyang // khyod kyi zhe sdang cha la brten// ya ma 'khor bcas gshegs su gsol// gshin rje las mkhan thams cad kyang // khyod kyi nga rgyal cha la brten// srog bdag 'khor bcas gshegs su gsol// pha ni bdud la ma ni klu// klu bdud dregs pa mthu bo che// nag po chen po gshegs su gsol// gnam la gnas pa'i ma mo bdun// steng gi phyogs nas las mdzod cig/ g.yas kyi phyogs nas ma mo bdun// g.yon gyi phyogs nas gshin rje bdun// dur khrod ro langs nag po bdun// 'jig rten gnas pa'i srin mo bdun// bka' nyan mon pa nag po bdun// ban nag bon nag rdzu 'phrul can// zhang blon
- 307b
mon pa mthu bo che// gza' dang rgyu skar klu yi tshogs// ma mo mkha' 'gro bran dang g.yog/ khyed kyi bka' nyan rdzu 'phrul can// dbang du sdud pa'i mthu bo che// dregs pa pho mo sa bdag klu yi tshogs// rdzu 'phrul dregs pas nyams pa 'dul// ma thogs myur du gnas 'dir gshegs su gsol// bcol ba'i phrin las grub par mdzod// gang du mngags par don ma chung // nyams pa 'dul ba'i dus la babs// gdong gsum pa'i rgyud las/ bskul ba pho nya'i le'u ste bco brgyad pa'o// // sangs rgyas bstan pa bsrung ba dang // bdud dang mu stegs gdul ba'i phyir// drag po'i las dang ldan pa'i rnal 'byor pas// drag po'i shugs dang ldan pas bsgrub par bya// nga yis sangs rgyas bstan pa bsrung ba'i phyir// 'di bshad rnal 'byor rab tu tshim gyur cig/ 'jam dpal nag po bzlog pa'i rgyud// 'char ka nag po rtsa ba'i rgyud// 'chi bdag b+he ba sa twa'i rgyud// rA hu la nag po rngam byed kyi rgyud rdzogs so// // slob dpon pad+mas gnang zhing bla ma sprin gyi shugs can gyis bsgyur ba'o// // de la bla ma 'gos lhas btsan gyis zhus// des dge bshes zangs dkar ba la bshad// des slob dpon ston chung / de las rim gyis brgyud do// //