N988MW22704_0988rgyud 'grelAll versions of this work

he ru ka'i rnam par dag pa

Text

ff. 139b–143b · 9 folio sides

  1. 139b

    'bar mdzad cing/ /pad mchog rgyas dang rtogs pa'i me tog rgyas mdzad pa/ /nyi ma lta bur gzi brjid dang ldan bram ze? mchog /dpal ldan bla ma shar ba'i dam tshig drin gyis bsdebs/ /'di las bdag gis dge ba ni/ /dri med bsags sgrub ster byed pa/ /thob des 'gro ba ma lus 'di/ /rdzogs pa'i byang chub mthar bgrod shog /de kho na'i snying po zhes bya ba'i sgrub thabs/ slob dpon dang byed go chas mdzad pa rdzogs so// //kha che'i mkhan po bi na ya ka dang/ /le tsa ba dge slong blo ldan shes rab kyis bsgyur ba'o// //bcom ldan 'das 'jam pa'i rdo rje la phyag 'tshal lo/ /bcom ldan rje btsun dpal he ru ka'i rnam par dag pa gsungs pa ni/ yang dag pa'i ting nge 'dzin rnam par dag pa'i rang bzhin can no/ /yang dag pa ni phyin ci ma log pa ste/ nyan thos la sogs dang thun mong ma yin pa'i phyir ro/ /sems so sor rig pa la sogs pa zla ba dang/ rdo rje'i rnam pa dang/ rigs lnga dang/ bung po gcig gi rnam par shes pa'i rang bzhin nyid yin pa'i phyir/ de nyid ni mos pas spyod pa'i sa yin la /mos pa ni lhag par mos pas te/ khyad par can gyi lha'i rnam pa bsgom pa'i byang chub kyi phyogs kyi chos ma lus pa ro gcig pa'i bdag nyid can gyi spyod pa ni/ /ma rig pa'i gnyen po yin pa'i phyir ro zhes bya ba'i don to/ /yang na dngos po so so'i rnam par dag pa gzhan dang gzhan yin te/ zhal bzhi ni dga' ba bzhi'i rang bzhin can te/ 'byung ba chen po bzhi 'dus te reg pa las byung ba'i dga' ba dang/ stong pa nyid la sogs pa rnam par thar pa'i sgo'i khyad par can gyi 'bras bu'i rang bzhin yin pa'i phyir ro/ /de la phyag bcu gnyis kyi dang po na Da ma ru ni/ sbyin pa'i pha rol tu phyin pa'i rnam

  2. 140a

    par dag pa yin te/ 'di ltar rang dang gzhan dbyer med pa'i dkyil 'khor gyi 'khor lo'i rnam pa rtag tu chos kyi sgra nyan pa'i phyir ro/ /ser sna dang gzhan gyi bde ba 'phrog pa'i gnyen po yin no/ /de nyid ni sa rab tu dga' ba ste/ bdag dang gzhan dbyer med pa'i bde ba chen po'i dga' ba de skyed par byed pa nyid yin pa'i phyir ro/ /dgra sta ni tshul khrims kyi pha rol tu phyin pa rnam par dag pa yin te/ 'di ltar srog gcod pa la sogs pa mi dge ba dang/ bza' bar bya ba'i dam tshig las 'das pa la sogs pa 'chal pa'i tshul khrims kyis 'dus byas gcod par byed pa'i phyir ro/ /de nyid ni sa dri ma med pa ste/ sdig pa thams cad las ldog par byed pa nyid yin pa'i phyir ro/ /gri gug ni bzod pa'i pha rol tu phyin pa rnam par dag pa ste/ pha rol kun nas 'khrugs pas mtshan dang dbyig pa dang/ phag dum la sogs pas bsnun pas rnam par shes pa 'khrug cing mi bzod ba kun nas gcod par byed pa yin pa'i phyir ro/ /de nyid ni sa 'ong byed pa yin te/ mi 'khrugs pas sems la gnas shing/ gnas pas mi shes pa rnam par 'jig la/ de med pas ye shes rnyog pa med pa rab tu gsal bar byed pa zhes bya ba'i don to/ /rtse gsum pa ni brtson 'grus kyi pha rol tu phyin? pa rnam par dag pa yin te/ snyoms las dang le lo dang btson 'grus med pa dang/ spro ba med pas laM ma yin pa la rjes su spyod pa'i phyir ngan 'gro ngan song dmyal ba la sogs pa'i ming dang gzugs 'byung ba de'i gnyen po lus dang ngag? dang yid mkhyen pa'i rtse gsum rnon po'i rang bzhin/ bde bar gshegs pa skul byed pa'i brtsen 'grus kyi mtshan nyid can no/ /de nyid sa 'od 'phro ba yin te/ 'od ni 'od zer te/ ye shes rnam par 'phro ba'i blo'i/ khyad par

  3. 140b

    shes rab kyi mthu gang gis bde bar gshegs pa nyid du 'gyur ba zhes bya bar dgongs so/ /kha TwAM ga ni bsam gtan gyi pha rol tu phyin pa rnam par dag pa ste/ 'di ltar bsam gtan rtse gcig pas skye mched drug gi rnam par g.yeng ba spangs pas/ phung po la sogs pa ma lus pa'i mgo bo nas brtsams te/ rkang pa'i mthar thug rnam par bcad na/ nang stong pa nyid du ro gcig cing dbyer med cing g.yol med pa nyid ni dung dang kun da dang/ zla ba dang shel dag pa dang/ 'dra ba yin te/ sems kyi rang bzhin du gyur pa nyid kyi phyir ro/ /de nyid ni sa rab tu sbyang dka' ba yin te/ rab tu ste nges par mi mthun pa'i phyogs bdud kyis thub par dka' ba nyid kyi phyir ro/ /dril bu ni shes rab kyi pha rol tu phyin pa rnam par bdag pa ste/ 'di ltar shes rab ni 'chal pa'i tshul khrims dang ngag gi tha snyad la sogs pa'i gnyen po yin te/ chos kyi gsung rin po che'i sgra snyan pa skye ba med pa'i sbyor bas/ 'gro ba yang dag par ston par byed pa'i phyir ro/ /de nyid ni sa mngon du gyur pa yin te/ chos thams cad skye ba med pa zhes bya ba'i sgra mngon du gyur pas brjod pa ni/ log pa med pa yin te/ chos nyid des rnam pa thams cad mkhyen pa nyid kyi 'bras bur 'gyur ro/ /zhes bya ba'i don to/ /rdo rje ni thabs kyi pha rol tu phyin pa rnam par dag pa yin te/ gang gis sbyin pa la sogs pa la nye bar spyod cing nan tan du byed pa de ni thabs yin te/ ser sna la sogs pa thabs ma yin pa'i gnyen po nyid yin pa'i phyir ro/ /de'i 'bras bur gyur pa ni grangs ji lta ba bzhin du me long lta bu'i ye shes la sogs pa lnga rang bzhin gcig zab pa dang/ rgya che ba'i rang bzhin nyid yin pa'i phyir ro/ /de nyid ni sa ring du song ba yin te/ gang gi phyir 'di ltar stong pa nyid dang snying rje chen po dbyer med pa'i lam gyi sgo nas shin tu bde ba la sogs pa myong ba/ las des sems can thams cad skad

  4. 141a

    cig ma gcig gis ring du song bar byed pa ste/ thob par byed ces bya ba'i tha tshig go /pad+ma'i snong ni smon lam gyi pha rol tu phyin pa rnam par dag pa yin te/ 'di ltar dang po sems bskyed pa'i dus su/ bdag dpal he ru kar gyur cig ces bya ba la sogs pa'i sgo nas dam bcas pa'i smon lam yin te/ sems can gyi don la bab pa smon lam gyi rgyan gyis nye bar brgyan pa ni/ smon lam ma yin pa'i shes pa'i rtsa ba can 'khor bar 'byin par byed pa'i srid? pa de'i gnyen por gyur pas/ ye shes kyi bdud rtsis nang kun nas bkang ba can mngon par 'dod pa'i phyir ro/ /rang dang gzhan gyi don la dbye ba med pa rgyun mi 'chad pa sgrub par byed pa'i phyir ro/ /de nyid ni sa mi g.yo ba zhes bya ba'i don to// zhags pa ni stobs kyi pha rol tu phyin pa rnam par dag pa yin te/ 'di ltar stobs dang mthu dang nus pa ma tshang ba med pas kun tu rtog pa'i nye bar len pa'i gnyen por gyur pa'i phyir ro/ /tshul bzhin g.yo ba med pa'i chos la 'jug pa rgyun mi 'chad pa dang/ kun nas dbang du byed pa'i phyir ro/ /de nyid ni sa legs pa'i blo gros yin te/ legs pa'i blo gros ni dge ba'i blo ste/ rnam par rtog pa 'dzin pa gcod par byed pa'i phyir ro/ /bcom ldan 'das rdo rje phag mo ni ye shes kyi pha rol tu phyin pa rnam par dag pa ste/ 'di ltar thams cad mkhyen pa'i ye shes lhun? kyis grub pa mtshon cha dang/ mtshon byed dang bral ba/ brjod pa med par ro gcig pa'i dga' ba bde ba chen po'i rang bzhin can bdag dang bdag gir 'dzin pa'i mi shes pa dang/ dngos por 'dzin pa'i gten pos snang ba med par byed par bzad pa/ byid pa dang/ rgong pa'i phyogs gnyis ka yongs su gcod pa'o/ /de nyid kyi phyir de dag gcod par byed pas na/ gri gug yin la/ de gnyis ka mnyam pa nyid

  5. 141b

    kyi'o? myangs pa'i phyir/ khrog gis yongs su bkang pa'i snod yin no/ /de nyid ni sa che skyi sprin yin te/ 'di ltar spros pa med pa'i rang bzhin can gyi chos nyid ni sprin yin te/ sprin dang 'dra bar rang bzhin gyi chu'i rgyun gyis brlan par byed pa'i phyir/ sems can gyi khams ma lus pa tshim par byed cing bya ba'i don to/ /tshangs pa'i mgo po ni phung po'i bdung kyi rang bzhin yin te/ 'di ltar khams gsum pa phung po lnga'i bdag nyid can gyi lus de snyed par byed pa tshangs pa dang 'dzin pa can log par smra ba de nyid ni gzugs la sogs pa'i phung po'i bdung las skyes pa'i rmongs pa de la/ rnam par shes pa dang 'dzin pa'i nga rgyal gcod pa'i phyir/ tshangs pa'i mge? gdong bzhi pa yin no zhes bya ba'i don te/ /'jigs byed ni nyon mongs pa'i bdud kyi rang bzhin yin te/ nyon mongs pa ni 'dod chags kyi rtsa ba can yin la/ 'dod chags ni dbang phyug chen po yin te/ 'das pa zhen pa'i 'dod pas spro ba dang bsdu ba'i nga rgyal can/ bdag 'ching bar byed pa/ de nyid 'khor ba yin/ /mnyam pa dang mi mnyam pa la sogs pas lus rgas pa/ rnyings? pa/ smin ma dang smar la sogs pa 'jigs par byed pa'i bdag nyid dag gi rang bzhin 'brug sgra la sogs pa sgrogs pa nyid kyi phyir ro/ /de'i nga rgyal bzlog pa'i don du rol pas nges par ma bzung zhing 'bad rtsol mod par g.yon pa'i zhabs kyis gan rgyal du mnan pa yin na zhes bya ba'i don to/ /dus mtshan ni 'chi bdag gi bdud kyi rang bzhin yin te/ phung po rnam par 'jig cing stong pa nyid do/ /'das pa dang ma 'das pa dang/ da ltar byung ba'i dus gsum na yod pa'i phyi dang nang gi bdag nyid can gyi 'khor ba'i chos za bar byed pa'i bdag nyid can gcig tu mya ngan las 'das pa'i rang bzhin can khong khro ba'i sems kyi rgyun thams cad med pa/ 'dod chags dang bral ba/ mtshan mo mi shes pa mun pa de la zhabs g.yas pa

  6. 142a

    reg pa bskyed pa'i bde ba chen po'i rnam pa'i ye shes nges par 'dzin pa'i phyir/ 'dod chags chen po yang dag pa'i thabs yin no zhes bya ba'i don to/ /glang po cha'i pags pa ni lha'i bu'i bdud yin te/ lha ni lha chen po'o// de'i bu ni de las skyes pa'o/ /glang po chen po bgegs kyi dbang phyug ste/ log 'dren nyon mongs pa sgrib pa mun pa mun nag rmongs pa/ zab pa dang rgya che ba'i ye shes thob par byed pa'i rgyu dang 'gal bar byed pa de'i nyon mongs pa'i phags pa bshus te/ phyag g.yas pa dang g.yon pa gnyis gos bzhin du rgyal mtshan gyi bla breng? phub pa dang 'dra bar kun nas bgegs med par bya ba dang/ srid pa dang zhi ba gnyis kyis gdung ba gnyis su med pa'i ro gcig pa chen po'i grib ma bsil ba dang 'dra bar tshim par byed pa nyid kyi phyir ro/ /zhes bya ba'i don to/ /de dag nyid ni sangs rgyas kyi sa bcu gnyis pa yin te/ 'di ltar bdud bzhi'i stobs dang ngar 'dzin pa bcom nas/ shin tu rmongs pa chen po la sogs pa'i gnyen po sgom pa'i stobs rtoD pa las skyes pa phyag rgya chen po'i 'dus te reg pa'i kun tu bzang po ro gcig pa dang mdza' gnyis ka ma lus pa'i rnam pa'i ye shes dri ma med pa'i g.yo ba med pa/ gnyis su med pa'i chos nyid kyi snying po zhes bya ba'i don to/ /stag gi pags pa ni zhi khro ba yin te/ yul drug la dgong pa dang/ 'dod pa la chags pa dang/ lus dang ngag dang sems cher 'khrugs pa las khro ba skye bar 'gyur ro/ /de nyid ni shin tu khro ba nyid kyi phyir dang/ sna tshogs pa la mngon par 'dod pa nyid kyi phyir/ stag ni sna tshogs pa'i rnam pa yin no/ /de las bshus nas mnabs pa ni tshangs par spyod pa la rjes su spyod pa'i dang tshul can nyid yin pa'i phyir ro/ /dbang po'i 'dud pa'i kun nas dregs pa zhi bas khro ba med pa'i skad cig

  7. 142b

    ma'i bdag nyid can no zhes bya ba'i tha tshig go /de nyid ni rdo rje las kyi pha rol tu phyin pa ste/ 'di ltar rdo rje 'dra bar dbyer med cing mi 'khrugs pa dbang po'i sgo nas bde ba chen po yid la byed pa'i las la mkhas pa/ las ma yin pa'i gnyen po ye shes kyi spyod pa'i ngang tshul can zhes bya ba'i don to/ /chags pa ni mi mgo'i phreng ba yin te/ 'di ltar 'gro ba thams cad longs spyod pa'i don du phung po la sogs pa la chags shing/ mngon par zhen par 'gyur te/ de bzlog pa'i don du bcom ldan 'das kyis phung po de nyid kyi mgo la sogs pa'i yan lag so so tha dad par bkod pa tsam re re zhing bye na mi brtan pa nyid du de dag khong du chud pa'i phyir mgrin pa nas brtsams te/ pus mo'i bar du me tog gi chun 'phyang dang 'dra ba'i thod pa'i phreng ba shin tu rlon pa brgyus pa ni phung po lnga/ lnga lnga'i bdag nyid can dang/ 'byung ba bzhi re re zhing lnga lnga'i bdag nyid can dang/ mig gi rnam par shes pa la sogs pa lnga/ byang chub sems kyi rang bzhin du bstan pa'i phyir ro/ /de nyid ni rin chen pad+ma'i pha rol tu phyin pa ste/ rin po che ni rdo rje yin la/ pad+ma ni chos 'byung ba yin te/ de gnyis rnam par sad pa las/ rin chen 'byung ldan dang/ 'od dpag med pa ro gcig tu skyes pa'i bde ba chen po'i bdag nyid can gyi lus phung po lnga la sogs pa'i rang bzhin de'i pha rol te dogs pa phyag rgya chen po der phyin cing thob pa'i phyir/ pha rol tu phyin pa ste/ de'i rang bzhin ni mi mgo'i phreng ba yin no zhes bya ba'i don to/ /de kho na nyid yongs su rdzogs pa'i rnam par dag pa ni ral pa dang cod pan yin te/ de kho na nyid ma lus pa cig tu byas pa 'jig pa med par ston par byed pa/ zab pa dang rgya che ba'i sgra lan bu gnyis bcus pa'i nyis sgril dang spyi bor sna tshogs rdo rje rigs lnga can gyi brgyan pa dang/ ye shes lnga'i bdag nyid thod pa lnga'i tshad sor

  8. 143a

    lnga pas spras pa dang/ g.yon gyi char ye shes 'od gsal ba zla bas mtshan pa/ khams gsum pa ro gcig pa'i bdag nyid mi bskyod pa'i dbang phyug dang mtshungs par chags pa'i 'khor los rgyas btab ces bya ba'i don to/ /dgra'i phyogs cig mi shigs pa'i rnam par bskyod mi nus pa la brten nas rnam par g.yeng ba'i tshul du 'byung ba'i sgra mi mnyan pa'i don yin na yang de'i bdag nyid ma lus pa'i byang chub kyi ngo bo skye ba'i rgyu'i mtshan nyid ni rna ba'i phyag rgya yin no/ /mgul rgyan ni skal pa ngan pa'i ngag gi brjod pa yongs su spang ba dang/ nyin mtshan du rgyun mi 'chad par sngags zlo ba'i bdag nyid dang/ sems can gdon pa'i rgyus grags pa phun sum tshogs pa'i rin po che'i bdud rtsi myang ba'i rang bzhin can yin na/ /gdu bu ni srog gcod pa la sogs pa rjes su spyod pa las ldog pa'i don dang/ bsod nams dang ye shes kyi tshogs dang gnyis su med pa'i ye shes kyi dpal phun sum tshogs pa'i rang bzhin can rnam par snang mdzad 'od 'phro ba'i mtshan nyid can yin/ /sku rags ni phyag rgya chen po don yod pa mo sham ma yin pa/ 'bras bu dang bcas pa'i dngos grub kyi snod ye shes phun sum tshogs pa ro gcig pa can yin no// thal ba ni ye shes kyi me 'bar bas phung po dang 'byung ba bsregs pas snang ba med pas/ shel dang 'dra bar gsal ba byang chub kyi sems dkar pos yongs su byugs pa dang/ lhan cig skyes pa dang/ nam mkha' dang/ ye shes kyi snal mas se ral khar byas pa yin te/ rab kyi mthar phyin pa thob pa dang po'i rdo rje 'chang gi rang bzhin can ni/ thal ba dang tshangs pa'i skud pa yin no zhes bya ba'i don to/ /da ltar skad cig ma bcu drug dang /byang chub kyi phyogs kyi chos

  9. 143b

    sum cu rtsa bdun dang/ pha rol tu phyin pa bcu dang/ sa bcu dang dbang phyug la sogs pa drug gi chos kyi rang bzhin can bcom ldan 'das dpal he ru ka rten cing 'brel par 'byung ba yan lag bcu gnyis bdud bzhi 'dul bar mdzad pa/ bde ba chen po'i ye shes ro gcig pa 'grib pa med pa nyams su myong pa'i mtshan nyid can rdo rje 'chang gi sa ste/ bcu gsum pa rnam par dag pa zhes bya ba'i don te/ /slob dpon sh+rad+d+hA ka ra warmmas mdzad pa/ he ru ka'i rnam par dag pa rdzogs so// //slob dpon de nyid dang/ lo tsa ba rin chen bzang pos bsgyur cing zhus te gtan la phab pa'o// // */ /rgya gar skad du/ sh+rI ste he ru ka b+haTTA? ra ka pra sA d+ha no pa yi ka paN+Di ki nA ma/ bod skad du /rje btsun dpal he ru ka sgrub pa'i thabs mdor bsdus pa zhes bya ba/ dpal rdo rje mkha' 'gro la phyag 'tshal lo/ /re zhig dang pe mal nas langs te/ gdong la sogs pa dag par byas te/ bdud rtsi lnga'i ring bu khar bcug la/ A li dang kA li lan gsum brjod nas/ stan 'jam po la gnas shing lus drang por byas te/ sna'i rtse mor bltas nas/ so'i rgyal po'i bar mtshams kyis skra'i rtse mo tsam la yang dag par reg cing/ ri bo ltar mi g.yo bar gnas par bya'o/ /de nas phung po lnga dang rang gi lha'i nga rgyal bskyed cing/ rang dang gzhan la phan pa'i phyir 'og nas 'chad par 'gyur ba'i bcom ldan 'das kyi gzugs chos 'dis bsgom par bya'o/ /re zhig dang po oM suM b+ha ni suM b+ha huM huM phaT/ oM grih+Na grih+Na huM huM phaT/ oM grih+Na pa ya grih+NA pa ya huM huM phaT/ oM A na ya ho b+ha ga bAn pi dyA rA dza huM huM phaT/ oM g+ha:g+ha:g+hA ta ya g+hA ta ya sarba duSh+TA na phaT/ oM kI la ya kI la ya sarba pA paM phaT/ hUM hUM hUM/ badzra kI la/

Colophon

slob dpon shrad+d+hA ka ra varmas mdzad pa/_he ru ka'i rnam par dag pa rdzogs so/_/slob dpon de nyid dang /_lo tsA ba rin chen bzang pos bsgyur cing zhus te gten la phabs pa'o