rdzogs pa chen po kun tu bzang po ye shes gsal bar ston pa phyi ma gsang ba'i rgyud
Text
ff. 286a–287a · 3 folio sides
- 286a
lta ba ste/ de yi ngang la bsgom par bya// de las ma yengs spyod pa yin// de las 'bras bu sku dang ni// ye shes dag tu snang ba ste// rang don chos skur nar son nas// 'gro don gzugs sku gnyis kyis byed// de ni lam du bsring ba'i don// zhes gsungs so// rgyud phyi ma'i phyi ma las le'u gsum pa'o// / / de nas dpal kun tu bzang po chos kyi sku des/ rdo rje sems dpa' la sogs pa'i 'khor rnams la bka' stsal pa/ rgyud 'di ni ma tshang ba bskor ba phyi ma'i phyi ma zhes bya ba yin te/ 'khor ba thams cad myang 'das las bsgral zhing skra dang ye shes su la bzla ba'i phyir shin tu gces spras kyis gzung zhing bcang bar bya'o zhes bka' stsal ba dang / 'khor rnams yi rangs te stong gsal chen po'i ngang du sangs rgyas par gyur to// rgyud phyi ma'i phyi ma las le'u bzhi pa'o// / / rdzogs pa chen po kun tu bzang po ye shes gsal bar ston pa'i rgyud phyi ma'i phyi ma zhes bya ba rdzogs so// // rgya gar gyi slob dpon shI ri sing ha pra ba ta dang / bod kyi lo tsha ba gnubs yang dbang gtar gyis bsgyur cing zhus te gtan la phab pa'o// rgyud 'di yang dben du ma hA ka la la bka' ba srungs
- 286b
gtad de/ sbas nas yon tan rgya mtsho skye ba bdun pa cig dang phrad de/ bstan pa'i snying po 'dzugs par gyur cig/ rgya gar skad du/ sani ta ma hA sa man+ta b+ha dri bau ta gu h+ya nA ma tan+t+ra/ bod skad du/ rdzogs pa chen po kun tu bzang po ye shes gsal bar ston pa phyi ma gsang ba'i rgyud ces bya ba/ dpal rdo rje sems dpa' la phyag 'tshal lo// de nas dpal kun tu bzang pos yang bka' stsal pa/ nyon cig dpal rdo rje sems dpa'/ stong gsal rig pa chos skur rtogs par 'dod na/ dang po sems 'dzin byas la/ de nas lam du blang ba ni/ sgom yod thabs la brten pa zhes bya'o// sgom med shes rab la brten pa ni/ de nas thams cad rig pa stong gsal du shes pa'o// de gnyis dbyar med ces bya ba ste/ de lta bu ya ma bral bar shes par bya'o// zhes bka' stsal to// rgyud phyi ma las la'u dang po'o// / / de nas gzhan yang bka' stsal pa// snang srid 'di nges pa med pa'i phyir na sems so// de ci'i phyir zhe na/ snang ba nges pa med pa ni/ dper na chu la nyas khang khyim du mthong / yi dgas kyis rnag khrag tu mthong / mis chu ru mthong ste/ des na nges pa med do// des na snang ba 'di rang gi sems kyi 'khrul snang
- 287a
ngo // sems rang 'byung ye shes stong gsal du snang ba'o// zhes gsungs so// rgyud phyi ma las le'u gnyis pa'o// / de nas yang ba ka' stsal pa// snang ba ya nas med bzhin du snang ba yin te/ min pa la yin par gzung bas 'khrul te/ nga bdag tu gzung nas de las nyon mo ngas pa 'byung ste/ des 'khor bar 'khyams pa yin te/ rig pa stong gsal rtogs pas/ nang nyams phyir shar bas snang ba la 'khrul snang du mthong ba'o// na bun lta bur bu na ne long de mthong tsam na/ nyon mongs pa las log nas shin tu chos nyid dam par 'gyur te/ rnal 'byor gyi dbang phyug dam pa'o// zhes gsungs so// rgyud phyi ma las le'u gsum / de nas dpal kun tu bzang pos bka' stsal pa/ de ltar rdo rje sems dpas de yis don nyams su blang zhing / bla med ye shes gsal ba'i rgyud 'di gzung bar bya'o// zhes bka' stsal pas 'khor rnams thams cad yi rang bar gyur to zhes gsungs so// rdzogs pa chen po kun tu bzang po ye shes gsal bar ston/ ba'i rgyud phyi ma las le'u bzhi pa rdzogs so// / rgya gar gyi mkhan po gu ru shrI sing ha dang / lo tsa ba rdo rje yang dbang gter gyis bsgyur ba'o//