'phags pa lhags pa'i bsam pa brtan pa'i le'u zhes bya ba theg pa chen po'i mdo
Āryadriḍhaaśayaparibartonaāmamahāyanasūtra
Text
ff. 245b–260a · 30 folio sides
- 245b
t+ya/ rgya gar skad du/ ar+ya dri D+ha a sha ya pa ri brten ma ma hA ya na su tra/ bod skad du/ 'phags pa lhags pa'i bsam pa brtan pa'i le'u zhes bya ba theg pa chen po'i mdo// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal de'i khab na bya rgod phung po'i ri la/ dge slong stong nyis brgya lnga bcu'i dge slong gi dge 'dun chen po dang / byang nub sems dpa' lnga brgya tsam/ thabs gcig tu bzhugs so// de nas byang chub sems dpa' lhag pa'i bsam pa/ brtan pas bla gos phrag pa cig tu gzar te pus mo g.yas pa'i lha ngas la btsugs nas/ bcom ldan 'das gal ba de logs su thal mo sbyar ba btud te/ bcom ldan 'das la rang bzhin thams cad gsol to// bcom ldan
- 246a
'das kyis bka' stsal pa/ rigs kyi bu gang lam gyis 'byung ba yongs su tshol ba de ni de bzhin te/ rigs kyi bu de bzhin gshegs pas ni chags par 'gyur ba'i chos rnams spangs pas/ 'dod chags spongs par ma gsungs so// de bzhin du zhe sdang bar 'gyur ba dang / gti mug par gyur pa'i chos rnams spangs pas/ de bzhin gshegs pas ti mug spongs par ma gsungs so// de ci'i phyir zhe na/ rigs kyi bu de bzhin gshegs pas ni chos gang dor bar bya ba dang thob par bya ba'i phyir chos mi ston to// yongs su shes par bya ba dang / yongs su spang bar bya ba dang / bsgom par bya ba dang / mngon du bya ba dang / mngon par rtogs par bya ba dang / 'khor las skyod par byas pa dang / mya ngan las 'das par 'gro bar bya ba dang / gsal bar bya ba dang / gzhag par bya ba dang / dbye bar bya ba'i phyir
- 246b
chos mi ston to// rigs kyi bu gnyis su dbye ba ni de bzhin gshegs pa rnams kyi chos nyid ma yin no// gnyis su spyod pa gang yin pa de dag ni yang dag par zhugs pa ma yin no// rigs kyi bu gnyis gang zhe na/ bdag gis 'dod chags spangs par bya'o// bdag gis zhe sdang spang bar bya'o// bdag gis gti mug spang bar bya'o// snyam pa 'di ni gnyis so// de ltar sbyor ba gang yin pa de dag ni log par zhugs pa zhes bya'o// rigs kyi bu 'di lta ste dper na/ mi lam la zhig gis rgyu ma mkhan gyi rol mo byung ba'i tshe/ sgyu ma mkhan gyi sprul pa'i bud med mthong nas 'dod chags kyi sems bskyed de/ de 'dod chags kyi sems bkris nas/ 'khor gyis 'jigs shing bag tshe ste stan las langs nas song steng / de song nas bud med de nyid la mi sdug ba'i yid la byed cing mi rtag pa dang / sdug bsngal ba dang / stong pa dang / bdag med pa yid la byed pa/ rigs kyi bu 'di ji snyam du sems/ ci mi de yang dag par zhugs pa yin nam/ 'on te logs par zhugs pa yin/ gsol pa bcom ldan 'das gang bud med ma mchis pa la mi sdug par yid la byed cing mi rtag pa dang / sdug bsngal ba dang / stong dang / bdag med par yid la bgyid pa'i mi de'i mngon par brtson pa de ni log pa
- 247a
lags so// bcom ldan 'das kyis bka' stsal ba/ rigs kyi bu 'di na dge slong dang / dge slong ma dang / dge bsnyen dang / dge bsnyen ma kha cig ma skyes ma byung ba'i chos rnams la mi sdug par yid la byed cing mi rtag pa dang / sdug bsngal ba dang / stong pa dang / bdag med par yid la byed pa gang yin pa rnams kyang de dang 'dra bar bya'o// nga ni mi blun po de dag la lam bsgom pa yin no zhes mi smra ste/ de dag ni log par zhugs pa zhes bya'o// rigs kyi bu 'di lta ste dper na/ mi la la gnyid log pa'i rmi lam du/ bdag gi khyim du rgyal po'i btsun mo mthong nas de dang lhan cig nyal bar byed de/ dran pa nyams pa'i phyir bdag ni sad do snyam du de ltar sems na/ rgyal pos mtshoro grangs des bdag gsad du 'ong ngo snyam nas/ de 'jigs shing skrag ste bros na 'di ji snyam du sems/ ci'i de 'jigs shing skrag ste bros pas/ rgyal po'i btsun me'i phyir 'jigs pa de las thar bar 'gyur ram/ gsol pa bcom ldan 'das de ni ma lags so// de ci'i slad du zhe na/ bcom ldan 'das 'di ltar mi des bud med ma mchis par/ bud med kyi 'du shes bskyed de/ yang dag par ma lags pa kun brtags pa'i slad du'o//
- 247b
bcom ldan 'das kyis bka' stsal pa/ rigs kyi bu 'di ni dge slong dang dge slong ma dang / dge bsnyen dang dge bsnyen ma kha cig 'dod chags med pa la/ 'dod chags kyi 'du shes skyed nas/ 'dod chags kyi 'jigs pas skrag ste/ 'dod chags las nges par 'byung ba yongs su rlol ba dang / de bzhin du zhe sdang med par zhe sdang gi 'du shes bskyed/ gti mug med par gti mug gi 'du shes bskyed nas/ gti mug gi 'jigs pas skrag ste/ gti mug las nges par 'byung ba yongs su tshol ba gang yin pa rnams kyang de dang 'dra bar blta bar bya'o// nga ni mi blun po de dag la lam bsgom pa yin zhes mi smra ste/ de dag ni log par zhugs pa zhes bya'o// rigs kyi bu 'di lta ste dper na/ mi de med bzhin du sgro gtags pas/ 'jigs pa med pa la 'jigs pa'i 'du shes bskyed pa de bzhin du/ rigs kyi bu byis pa so so'i skye bo rnams ni 'dod chags kyi mtha' ma shes nas/ 'dod chags kyi mtha'i 'jigs pas skrag ste/ 'dod chags kyi mtha' las nges par 'byung ba yongs su tshol lo/ zhe sdang gi mtha' ci yang med pa'am shes nas/ zhe sdang gi mtha'i 'jigs pas skrag cing / ci yang med pa'i mtha' las nges par
- 248a
'byung ba yongs su tshol lo// gti mug gi mtha' stong pa nyid du ma shes nas/ gti mug gi mtha'i 'jigs pas skrag ste/ stong pa nyid kyi mtha' las nges par 'byung ba yongs su tshol bar byed do// nga ni mi blun po de dag la lam bsgom pa yin no zhes mi smra ste/ de dge ni logs par 'jug pa zhes bya'o// rigs kyi bu 'di lta ste dper na/ mi la la zhig sos ka'i zla ba tha ma'i nyi ma'i gung la lam du zhugs nas/ bas nyen te ngal chad na/ skom zhing gdugs te shin tu yong so sor rtobs dang ldan par gyur nas/ des 'brog dgon pa'i smig rgyu'i chu 'dal ba/ rin po che'i rgyu 'bab par mthong la/ de der 'di ltar so sor rtogs par byed de/ bdag khyim du ma phyin gyi bar du re zhig nu 'di btung bar mi bya'o// snyam nas des smig rgyu de bor nas rang gi khyim du song ngo // rang gi khyim du song nas bdag bsgom pa chu mthong bzhin du ma 'thungs par bor ba ni/ bdag gi ngo mtshar gcig byas so// bdag gi mchog tu ngo mtshar ba zhig byas so// zhes ched du brjod pa ched du brjod nas/ rigs kyi bu 'di ji snyam du sems/ mi de chu med cing yod pa ma yin pas mthungs te/ bor ba la ngo mtshar cig byas pa yod dam/ gsol pa bcom ldan 'das de ni lpags so de ci'i
- 248b
slad du zhe na/ bcom ldan 'das de na chab kyang ma mchis te/ chab du bdags pa yang ma mchis te/ bcom ldan 'das mi de ni chab ma mchis par 'du shes 'khrul te/ rab ma dor bar so sor rtogs par bgyid cing / mi bden pa'i dga' ba dang mchog tu dga' ba skyed nas/ dga' ba des mgu' bar 'dzin par byas so// bcom ldan 'das kyis bka' stsal pa/ rigs kyi bu 'di dge slong dang / dge slong ma dang / dge snyen dang dge snyen ma kha cig/ de bzhin gshegs pa'i dgongs pa'i tshig ma shes nas ser sna'i sems yongs su spang ba'i phyir/ sbyin pa med par sbyin pa'i 'du shes bskyed de/ med bzhin du so sor rtogs par byed la/ mi bden pa'i dga' ba dang / mchog tu dga' ba bskyed cing / bdag cag gis ni ser sna'i sems gsal lo// snyam te dga' ba des 'gu bar 'dzin pa dang / 'chal pa'i tshul khrims kyi sems yongs su spang ba'i phyir/ tshul khrims med par tshul khrims kyi 'du shes bskyed de/ med bzhin du so sor rtogs par byed la/ mi bden pa'i dga' ba dang / mchog tu dga' ba bskyed cing / bdag cag gis ni 'chal ba'i tshul khrims kyi sems stsal to// de dga' ba des mgu bar 'dzin pa dang / gnad/
- 249a
sems kyi sems yongs su spangs pa'i phyir/ gcod pa med par bzod pa'i 'du shes bskyed de/ med bzhin du so sor rtogs par byed la/ mi bden pa'i dga' ba dang / mchog tu dga' ba skyed cing / bdag cag gis ni gnod sems kyi sems stsal to snyam te/ dga' ba des mgu bar 'dzin pa dang / le le'i sems yongs su spang ba'i phyir/ brtson 'grus med par brtson 'grus kyi 'du shes bskyed de/ med bzhin du so sor rtogs par byed la/ mi bden pa'i dga' ba dang mchog du dga' ba bskyed cing / bdag cag gis ni le lo'i sems stsal to snyam ste/ dga' ba des mgu bar 'dzin pa dang / rnam par g.yeng ba'i sems yongs su spang ba'i phyir/ bsam gtan med par bsam gtan gyi 'du shes bskyed de/ med bzhin du so sor rtogs par byed la/ mi bden pa'i dga' ba dang / mchog tu dga' ba skyed cing / bdag cag gis ni rnam par g.yengs pa'i sems stsal to snyam to// dga' ba des mgu bar 'dzin pa dang / mi shes pa'i sems yongs su spang ba'i phyir/ shes rab med par shes rab kyi 'du shes bskyed de/ me zhin du so sor rtogs par byed la/ mi bden pa'i
- 249b
dga' ba dang / mchog tu dga' ba skyed cing / bdag cag gis ni mi shes pa'i sems sbal to snyam ste/ dga' ba des mgu bar 'dzin pa gang yin pa gang rnams kyang de dang 'dra bar blta bar bya'o// nga ni mi blun po de dag la la bsgoms pa yin no zhes smra'o// de dag ni log par zhugs pa zhes bya'o// rigs kyi bu 'di lta ste dper na/ mi zhig chu med par 'du shes 'khrul te/ de nu dor bar so sor rtog par byed la/ mi bden pa'i dga' ba dang / mchog tu dga' ba skyed cing / dga' des mgu bar mdzad pa de bzhin du/ rigs kyi bu 'di na dge slong dang dge slong ma dang / dge snyan dang dge snyen ma kha cig de bzhin gshegs pa'i chos kyi dbyings ma shes nas rgyun tu zhugs pa'i 'bras bu med par rgyun tu zhugs pa'i 'bras bur 'du shes 'khrul/ lan cig phyir 'ong ba'i 'bras bu med par lan cig phyir 'ong ba'i 'bras bur 'du shes 'khrul/ phyir mi 'ong ba'i 'bras bu med par phyir mi 'ongs pa'i 'bras bur 'du shes 'khrul dgra bcom pa nyid kyi 'bras bu med par dgra bcom pa nyid kyi 'bras bur 'du shes 'khrul/ rang byang chub nyid kyi 'bras bu med par rang byang chub nyid kyi 'bras bur 'du shes 'khrul/ sangs rgyas nyid kyi 'bras bu med par sangs rgyas nyid
- 250a
kyi 'bras bur 'du shes 'khrul/ mya ngan las 'das pa'i 'bras bu med par mya ngan las 'das pa'i 'bras bur 'du shes 'khrul med bzhin du so sor rtogs par byed la/ mi bde ba'i dga' ba dang / mchog tu dga' ba bskyed cing / dga' ba des mgu bar 'dzin pa gang yin pa rnams kyang de dang 'dra bar lta bar bya'o// da ni mi blun po de dag la lam bsgom pa yin zhes nga mi smra'o// de dag ni log par zhugs pa zhes bya'o// rigs kyi bu de lta bas na rigs kyi bu 'am rigs kyi bu mo dad pa can rnams kyis/ ji ltar smig rgyu la chu'i 'du shes skyed pa de lta bur/ chos rnams rab tu shes par bya'o// de nas chos rnams ma shes pa de dag ni yang dag par zhus pa ma yin no// gzhan du shes pa gang dag yin pa de dag ni yang dag par zhugs pa yin no// nga ni blun po de dag la lam bsgom pa yin no// zhes mi smra ste/ de dag ni log par zhugs pa zhes bya'o// rigs kyi bu 'di lta ste dper na/ bud med ci zhig me long blangs te/ gzhan gyi mtshan ma brtags na/ des me long shin tu phyis pa de la gzugs bstan mdzes zhing blta na sdug pa mthong nas/ des de la bdag gis gzugs brnyan de la 'dod chags kyi sems bskyed par mi bya'o// de ci'i phyir zhe na/
- 250b
'di ni bdag gis ma yin la bdag kyang 'di'i ma yin pa'i phyir ro snyam du so sor rtog par byed na/ rigs kyi bu 'di ci snyam du sems/ de ltar gzugs bskrud de/ bud med 'di bdag la 'dod chags kyi sems mi bskyed pa ngo mtshar ro snyam du 'dzin tam/ gsol pa bcom ldan 'das de ni ma lags so// de ci'i slad du zhe na/ bcom ldan 'das gzugs brnyan ni rnam par rtog pa ma mchis pa dang / yongs su ma grub pa lags te/ de la ni rtog pa ci yang ma mchis pa'i slad du'o// bcom ldan 'das kyis bka' bstsal pa/ rigs kyi bu de de bzhin te/ byis pa so so'i skye bo rnams ni gzugs rnams la rtogs par byed de/ gzugs 'di dag ni ngan no// 'di dag ni 'bring ba'o// 'di dag ni rab po snyams du sems mod kyi/ 'on kyang gzugs kyi ngo bo nyid la rnam par rtog pa mi skyed do// rtog par byed/ rnam par rtog par med do// sgra dang dri dang ro dang reg bya rnams kyang de dang 'dra'o// 'di ltar yang byis pa so so'i skye bo rnams la rtog par byed de/ chos 'di dag ngan no// 'di dag 'bring ngo // 'di dag rab po snyam du sems mod kyi 'on kyang chos rnams ni chos kyi ngo bo nyid la rnams par rtog par mi skyed de// rtogs par mi byed/ rnam par rtog par mi byed do// rigs
- 251a
kyi bu 'di lta ste dper na/ bud med des med pa de la yod pa'i 'du shes bskyed nas/ de yang so sor rtogs par byed cing / de la mngon par zhen pa de bzhin du/ rigs kyi bu 'di ni dge slong dang / dge slong ma dang / dge snyan dang dge bsnyen ma kha cig chos thams cad gzug bsnyen lta bur ma shes nas/ 'di skad du bdag cag gzugs rnams la chags par mi bya'o// de bzhin du bdag cag sgra rnams dang / dri rnams dang / ro rnams dang / reg bya rnams dang / chos rnams la chags par mi bya'o// bdag cag gi bsdom pa bsgrub par bya'o zhes zer te/ de dag med pa de la yod par 'du shes bskyed nas/ med bzhin du song sor rtog par byed de// de la mngon par shes zhen la/ des kyang dga' bar 'dzin cing bdag la ni stod par byed/ gzhan la ni brnyas par byed pa gang dag yin pa rnams kyang de dang 'dra bar lta bar bya'o// nga ni mi blun po de dag la lam bsgom pa yin no// zhes mi smra'o// de dag ni log par zhugs pa zhes bya'o// rigs kyi bu 'di lta ste dper na/ mo sham zhig yod la/ de dran pa nyams pas 'di ltar de dag ni bu 'dod par bya'o zhes dam bca' bar byed pa de la/ bud med la la zhig gi yid bsrung ba'i phyir/ shes bzhin
- 251b
rtogs bzhin du 'di skad ces/ khyad kyis bu gzugs bzang zhing mdzes pa ltan sdug pa zhig yod par 'gyur gyi/ 'di ltar dam mi bca' bar gsol zhes zer la/ de nas mo sham dres bud med de'i tshig nyan nas/ dran pa ma nyams pas bdag gi bu gzugs bzang zhing mdzes la blta na sdug pa zhig yod par 'gyur ro// snyam du nges pa'i sems bskyed de/ sems 'khrul pa des 'du shes kyi rnam pa des sems yongs su mgu bar byed la bu ni skyes kyang ma skyes skye bar yang mi 'gyur ba de bzhin du/ rigs kyi bu de bzhin gshegs pa ni chos thams cad mo sham gyi bu dang 'dra bar mkhyen cing gzigs bzhin du 'jig rten gyi rjes su mthun par bya ba'i phyir gnyis su ston te/ 'das pa'i dus na khyed ming ni 'di zhes bya bar rigs ni 'di zhes bya/ rus ni 'di zhes bya/ kha dog ni 'di 'dra bar 'gyur/ zas ni 'di ltar bu zhig za za/ yun ni 'di srid cig lags nas/ bde ba dang sdug bsngal ba ni 'di lta bu zhig nyams su myong / de'i tshe'i mtha' ni 'di srid cig du gyur to// ma 'ongs pa'i dus na ni/ 'di lta bu zhig tu gyur te/ ming ni 'di skad ces bya bar gyur/ rigs ni 'di zhes bya/ rus ni 'di zhes bya/ kha dog ni 'di 'dra bar gyur/ zas ni 'di lta bu zhig
- 252a
za bar gyur/ yun ni 'di srid cig gnas par gyur/ bde ba dang sdug bsngal ba ni 'di lta bu zhig nyams su myong / bar 'gyur/ tshe'i mtha' ni 'di srid cig tu 'gyur ro// de bzhin du da ltar byung ba'i dus na/ ming ni 'di zhes bya/ rigs ni 'di zhes bya// rung ni 'di zhes bya/ kha dog ni 'di 'dra ba zhig/ zas ni 'di lta bu zhig za/ yun ni 'di srid cig gnas/ bde ba dang sdug bsngal ba 'di lta bu zhig nyams su myong // tshe'i mtha' ni 'di srid gcig thub po zhes ston par mdzad do// rigs kyi bu dper na mo sham de rang gi brtags pas bu'i 'du shes des reg par byed la/ bu de ni mi skye ba'i chos can mo// mi skyes pa'i chos can yin pas na/ mi 'gag pa'i chos can yin no// mi 'gag pa'i chos can yin pas na/ rnam par rig byed ma yin pa'i chos can no// rigs kyi bu de bzhin du/ gzugs thams ca ni gzugs kyi ngo bo nyid kyi mi skye ba'i chos can no// mi skye ba'i chos can yin pas na/ mi 'gag pa'i chos can no// mi 'gag pa'i chos can yin pas na/ rnam por rig byed pa ma yin pa'i chos can no// tshor ba thams cad dang / 'du shes thams cad dang / 'du byed thams cad
- 252b
dang / rnam par shes pa thams cad kyang de dang 'dra ste/ rnam par shes pa'i thams cad kyang de dang 'bras ngo bo nyid kyi mi skye ba'i chos can no// mi skye ba'i chos can yin pas ni/ mi 'gag pa'i chos can no// mi 'gag pa'i chos can yin pas na/ rnam par rig byed ma yin pa'i chos can no// / chos kyi ngo bo nyid de ltar mi shes pas gang yin pa de dag ni/ yang dag par zhugs pa ma yin no// da ni blun po de dag la lam bsgom pa ma yin no zhes mi smra ste/ de dag ni log par zhugs par bya'o// chos thams cad de ltar shes par yang dag yin pa de yang dag la zhugs pa yin te/ de dag ni lam la gnas pa yin no// de dag ni lam las mi g.yo ba yin no// de ci'i phyir zhe na/ de bzhin gshegs pa rnam gyi chos gnas pa ni/ chos kyi dbyings kyi g.yo ba'i tshul gyis mi g.yo ba yin pa'i phyir ro// rigs kyi bu de lta bas na rigs kyi bu 'am rigs kyi bu mo de bzhin gshegs pa rnam kyi chos kyi tshul la 'jug par 'dod pas/ 'dod chags las g.yo bar mi bya'o// zhes sdang las g.yo bar mi bya'o// gti mug las g.yo bar mi bya'o// nyon mongs pa thams cad g.yo bar mi bya'o// de bzhin du rnam pa dang / sgra dang / rna ba'i rnam par shes pa dang /
- 253a
sna dang / dri dang / sna'i rnam par shes pa dang / lce dang / ro dang / lde'i rnam par shes pa dang / lus dang / reg bya dang / lus kyi rnam par shes pa dang / yid dang / chos dang / yid kyi rnam par shes pa las kyang g.yo bar mi bya'o// chos thams cad kyi 'du shes las g.yo bar mi bya'o// chos thams cad kyi 'du shes la yang g.yo bar mi bya'o// de ci'i phyir zhe na/ gal te 'dod chags la g.yo ba'i don gyis/ 'dod chags nyid chos kyi dbyings yin pa'i phyir ro// gal te zhe sdang las g.yo bar 'gyur na/ chos kyi dbyings las g.yo bar 'gyur ro// de ci'i phyir zhe na/ mtshan ma med pa mi g.yo ba'i don gyis/ zhe sdang nyid chos kyi dbyings yin pa'i phyir ro// gal te gti mug las g.yo bar gyur na/ chos kyi dbyings las g.yo bar 'gyur ro// de ci'i phyir zhe na/ smon pa med pa mi g.yo ba'i don gyis// gti mug nyid chos kyi dbyings yin pa'i phyir ro// gal te nyon mongs pa thams cad las g.yo bar gyur na/ chos kyi dbyings las g.yo bar 'gyur ro// de bzhin ci'i phyir zhe na/ nyon mongs pa thams cad kyi ngo bo nyid ji lta ba bzhin du rtogs pa mi g.yo ba'i don gyis/
- 253b
nan mongs pa thams cad nyid kyi dbyings yin pa'i phyir ro// gal te ming dang gzugs dang / mig gi rnam par shes pa las g.yo bar gyur na/ chos kyi dbyings las g.yo bar 'gyur ro// de ci'i phyir zhe na/ rten cing 'brel bar 'byung ba mi g.yo ba'i don gyis/ mig dang gzugs dang mig gi rnam par shes pa nyid kyi dbyings yin pa'i phyir ro// de bzhin du gal te rna ba dang // sgra dang / rna ba'i rnam par shes pa dang / sna dang / dri dang / sna'i rnam par shes pa dang / lce dang / ro dang / lce'i rnam par shes pa dang / lus kyi rnam par shes pa dang / yid dang chos dang / yid kyi rnam par shes pa las g.yo bar gyur na/ chos kyi dbyings las g.yo bar 'gyur ro// de ci'i phyir zhe na/ rten cing 'brel bar 'byung ba mi g.yo ba'i phyir gyi/ yid dang / chos dang / yid kyi rnam par shes pa nyid chos kyi dbyings yin pa'i phyir ro// gal te chos thams cad kyi 'du shes las g.yo bar gyur na/ chos kyi dbyings la g.yo bar 'gyur ro// de ci'i phyir zhe na/ chos thams cad kyi 'du shes nyid ji lta ba bzhin du rtogs pa mi g.yo ba'i don gyis/ chos thams cad kyi 'du shes nyid chos kyi dbyings yin pa'i phyir ro// nges
- 254a
de la dgongs nas tshig 'di skad du/ log par lta ba yin par mi mthong / de de'i yang dag par lta ba yin no zhes gsungs so// bsal ba med pa dang / bzhag pa med pa dang / tshul gyis log par lta ba las kyang mi g.yo la/ log par lta ba med par gyur pa las gud na yang dag par lta ba med de/ chos thams cad la gnyis su dbyer med pa'i phyir ro// log par yang dag par ji lta ba bzhin du mthong ba nyid yang dag par lta ba yin gyi/ gnyis su 'du shes pa la ni yang dag pa'i lta ba med do// rigs kyi bu 'di lta ste dper na/ mi la la zhig nub mo zhig mun pa mun nag na/ lam du zhugs ste 'brog khong khong zhig tu shing ljon pa pham po ni sdug po mthong la/ des der shing zhig gi drung du/ chom kun yod pa'i 'du shes bskyed nas skrag ste lam der song na/ rigs kyi bu 'di ji snyam du sems/ ci mi de snang bar yang ma byung / shing de yang mngon sum du ma byas par/ shing stug po de las 'phags pa 'am/ chom rkun gyi 'jigs pa med par 'gyur ram/ gsol pa bcom ldan 'das de ni ma lags so// bcom ldan 'das kyis bka' stsal pa/ rigs bu 'di ji snyam du sems/ ci mi de snang ba yang yod la/ ci/
- 254b
yang mngon gsum du byas na/ shing sdug pa de las 'phags pa 'am/ chom kun gyi 'jigs pa med par 'gyur ram/ gsol pa bcom ldan 'das de ni ma lagaso so// de ci'i slad du zhe na/ bcom ldan 'das 'di ltar mi des 'jigs pa ma mchis pa la/ 'jigs pa'i 'du shes skyed cing yang dag pa ma lags pa kun du brtags pa'i slad du'o// bcom ldan 'das kyis bka' stsal pa/ rigs kyi bu de bzhin du byis pa so so'i skye bo rtsod pa yang dag pa ma yin pa'i phyin ci logs gis phyin ci log tu gyur pa/ ma rig pa'i mun pas mig kun nas g.yogs pa thams cad med bzhin du sgro btags pas/ 'khor ba'i 'jigs pas skrag nas/ 'khor ba la nges par 'byung ba yongs su tshol lo// de dag gis gang du 'jigs po'i 'du shes bskyed pa'i 'khor ba de yang don dam par mi dmigs na/ de dag mya ngan las 'das pa ni 'jigs pa'o zhes yongs su tshol bar byed do// dge ba'i gshes gnyen gyi yongs su zin pa yang dag par zhugs pa rnams ni/ 'khor ba de nyid mya ngan 'das pa yin par yang dag pa ji lta bzhin du rab tu shes la/ chos thams cad kyi skyes pa med par rab tu shes te/ de ltar yang dag par zhugs pa de dag ni
- 255a
chos gang yang len par mi byed/ 'dor bar mi byed/ sel bar mi byed/ 'jog par mi byed do// chos kyi dbyings la gnas te g.yo ba med do// mi g.yo bas na sgom par mi byed do// ma sgom pas na gnas med do// gnas med pas na migal ba med de/ 'di ni de bzhin gshegs pa rnams kyi chos kyi tshul la g.yo ba med pa ste/ de la ni g.yo bar bya zhing 'phags par bya ba las/ dor bar bya ba blang bar bya'i chos ci yang mi dmigs so// de ci'i phyir zhe na/ chos kyi tshul ni nam mkha'i tshul nyid yin la/ nam mkha' la ni g.yo ba yang med/ 'phags pa yang med pa'i phyir ro// rigs kyi bu de ltar yang dag par zhugs pa shes pa dang ldan pa ni/ sems can thams cad kyis kyang / shes pa'i yongs su shes pa de las bskyod pa 'am/ bsgyur bar mi nus so// de ci'i phyir zhe na/ 'di ltar des mi g.yo ba'i ye shes thob pa'i phyir ro// de nas tshe dang ldan pa sha ri'i bu stan las langs te/ bla gos phrag pa cig tu gzar nas/ pus mo g.yas pa'i lha nga lnga btsugs te/ bcom ldan 'das ga la ba der logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das rigs kyi bu 'am
- 255b
rigs kyi bu mo gang dag chos kyi rnam grangs 'dzin pa 'am/ kun chub par bgyid pa 'am/ mos par bgyid pa de dag ni shes rab dang ldan pa'i mchog tu ston par bgyid pa lags so// de ci'i slad du zhe na/ bcom ldan 'das chos kyi rnam grangs 'di ni mi shes pa thams cad sel ba dang / chos pa thams cad dang ldan pa'i srad du'o// bcom ldan 'das la tshe dang ldan pa me'u 'gal gyi bu chen pos 'di skad ces gsol to// bcom ldan 'das rigs kyi bu 'am rigs kyi bu mo gang dag chos kyi rnam grangs 'di 'dzin pa'am/ kun nub par bgyid pa 'am/ mos pas bgyid pa de dag ni/ rdzu 'phrul dang ldan pa'i mchog tu bstan par bgyid pa lags so// de ci'i slad du zhe na/ bcom ldan 'das mig gi rnam par shes par bgyid pa gang legs pa de ni rdzu 'phrul lags kyi/ bcom ldan 'das gang mig gi rnam par shes par bgyi ba'i chos thams cad se gol gtogs pa tsam yang mos par mi bgyis pa de ni rdzu 'phrul gyi mchog lags pa'i slad du'o// de nas bcom ldan 'das la tshe dang ldan pa nam grangs 'di skad ces gsol to// bcom ldan 'das rigs kyi bu 'am rigs kyi bu mo gang dag chos kyi rnam grangs 'di 'dzin pa 'am/ kun chub par bgyid pa 'am/ mos par bgyid pa
- 256a
de dag ni/ bsam gtan pa'i mchog tu bstan par bgyid pa lags so// de ci'i slad du zhe na/ bcom ldan 'das chos kyi rnam grangs 'di ni nyon mongs pa thams cad nges par sreg pa lags pa'i slad du'o// de nas bcom ldan 'das la tshe dang ldan pa rab 'byor gyis 'di skad ces gsol to// bcom ldan 'das rigs kyi bu 'am rigs kyi bu mo gang dag chos kyi rnam grangs 'di 'dzin pa 'am/ kun chub par bgyid pa 'am/ mos par bgyid pa de dag ni/ nyon mongs par ma mchis par gnas pa'i mchog tu bstan par bgyi ba lags so// de ci'i slad du zhe na/ bcom ldan 'das chos kyi rnam grangs 'di ni nyon mongs pa'i dgra thams cad dang bral ba dang / chos thams cad kyis mgos pa'i slad du'o// de nas bcom ldan 'das la tshe dang ldan pa 'od srungs chen pos 'di skad ces gsol to// bcom ldan 'das rigs kyi bu 'am/ rigs kyi bu mo gang dag chos kyi rnam grangs 'di 'dzin pa 'am/ kun chub par bgyid pa 'am/ mos par bgyid pa de dag ni sbyangs pa'i yon tan smra ba'i mchog du bstan par bgyi ba lags so// de ci'i phyir zhe na/ bcom ldan 'das chos kyi rnam grangs 'di ni nyon mongs pa thams sbyangs pa dang / chos
- 256b
thams cad kyis kun nas nyon mongs pa can du mi 'gyur ba'i slad du'o// de nas bcom ldan 'das la tshe dang ldan pa sgra can 'dzin gyis 'di skad ces gsol to// bcom ldan 'das rigs kyi bu 'am/ rigs kyi bu mo gang dag chos kyi rnam grangs 'di 'dzin pa 'am/ kun chub par bgyid pa 'am/ mos par bgyid pa de dag ni bslab pa la dga'i mchog tu bstan par bgyi ba lags so// de ci'i slad du zhe na/ bcom ldan 'das chos kyi rnam grangs 'di ni slab pa thams cad kyi pha rol tu phyin pa lags pa'i slad du'o// de nas bcom ldan 'das la tshe dang ldan pa nye ba 'khor gyis 'di skad ces gsol to// bcom ldan 'das rigs kyi bu 'am rigs kyi bu mo gang dag chos kyi rnam grangs 'di 'dzin pa 'am/ kun nub par bgyid pa 'am/ mos par bgyid pa de dag ni 'dul ba 'dzin pa'i mchog tu bstan par bgyi ba lags so// bcom ldan 'das chos kyi rnam grangs 'di ni nyon mongs pa thams cad sel bar bgyi ba lags pa'i slad du'o// de nas bcom ldan 'das la tshe dang ldan pa kun dga' bos 'di skad ces gsol to// bcom ldan 'das rigs kyi bu 'am rigs kyi bu mo gang dag chos kyi rnam grangs 'di lung nod pa 'am/ kun nub par bgyid pa dang / mos par bgyid pa de dag ni/ mang
- 257a
du thos pa'i mchog tu bstan par bgyid pa lags so// de ci'i slad du zhe na/ bcom ldan 'das chos kyi rnam grangs 'di ni zos po thams cad dang ldan pa lags pa'i slad du'o// de ltar nyan thos chen po de dag thams cad kyis rang rang gi mchog brjod pa dag gi chos kyi rnam grangs 'di mngon par bstod do// de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo de lta bas na khyod kyis thams cad gsal ba med cing / bzhag pa med pa la gnas pas sangs rgyas kyi byang chub 'di/ bdag nyid kyis yang dag par ston cig/ thob par byar med pa chos ston cig/ yongs su shes par byar med pa dang / slad du med pa dang / bsgom du med pa dang / mngon sum byar med pa dang / mngon par rtogs par byar med pa dang / 'khor ba las bskyod du med pa dang / mya ngan las 'das par 'gror med pa dang / rgyun tu zhugs pa'i 'bras bu thob par byar med pa dang / lan cig phyir 'ong bar gyur pa dang / phyir mi 'ong bar gyur pa dang / dgra bcom pa nyid kyi 'bras bu thob par byar med par chos ston to// de ci'i phyir zhe na/ kun dga' bo chos thams cad ni/ rgyun tu zhugs pa dang / lan cig phyir 'ong ba dang / phyir mi 'ong ba dang /
- 257b
dgra bcom pa'i chos ston te/ chos kyi dbyings mnyam pa nyid kyi phyir ro// kun dga' bo de lta bas na khyod kyis byang chub sems dpa'i gang zag rnams la/ nyan thos dang rang sangs rgyas kyi sa las bzlar med pa dang / sangs rgyas kyi chos rnams thos par byar med par chos ston cig/ de ci'i phyir zhe na/ kun dga' bo chos thams can ni/ sangs rgyas kyi chos yin te/ chos kyi dbyings mnyam pa nyid kyi phyir ro// kun dga' bo gzhan yang khyod kyis/ rnal 'byor spyod pa'i dge slong dgra bcom pa nyid mngon gsum du bya bar 'dod pa rnams la/ 'dod chags dang / zhes sdang dang / gti mug spang du med par chos ston cig/ de bzhin gshegs pa ltar pa dang / chos gtan du med pa dang / dge 'dun la bsnyen bkur byar med par chos ston cig/ kun dga' bo 'dod chags dang / zhe sdang dang / gti mug rnam ni spang du med pa kho na ste/ 'dod chags dang / zhe sdang dang / gti gamug rnam ni ya ma R+Ya yin pa'i phyir ro// kun dga' bo skad cig ma rnams ni spang bar bya ba ma yin te med pa'i phyir ro// de nas chos bcon ldan 'das la tshe dang ldan pa kun dga' bos 'di skad ces gsol to// bcom ldan 'das ji ltar de bzhin gshegs pa ltar ma mchis pa lags/ ji
- 258a
ltar chos mnyan du ma mchis pa lags/ ji ltar dge 'dun la bsnyen bkur bgyir ma mchis pa lags/ bcom ldan 'das kyis bka' stsal pa/ kun dga' bo de bzhin pa ni bstan du med pa ste/ de ni mig gis lta bar mi nus so// kun dga' bo dge 'dun ni 'dus ma byas pa ste/ de ni lus sem dag gam/ sems kyis bsnyen bkur bya mi nus so// de nas bcom ldan 'das la tshe dang ldan pa kun dga' bos 'di skad ces gsol to// bcom ldan 'das sangs rgyas bcom ldan 'das rnams kyi chos nyid 'di ltar rtogs par dka' ba ni de mtshar lags so// bcom ldan 'das kyis bka' stsal pa/ kun dga' bo de ni khyod ji skad zer ba de bzhin de/ rnam grangs 'dis na sangs rgyas bcom ldan 'das rnams kyi chos nyid rtogs par dka'o// de ci'i phyir zhe na/ kun dga' bo nyon mongs pa thams cad las kyang sems yongs su sbyang dgos la/ chos gang las kyang bskyod par par mi bya/ dpag par yang mi bya ba'i phyir ro// kun dga' bo gang rnam grangs 'dis de bzhin gshegs pa rnams kyi chos kyi tshul 'jug cing mos par byed pa'i sems can de dag ni ngo mtshar du gyur pa yin par rig par bya'o// kun dga' bo rig
- 258b
kyi bu 'am rigs kyi bu mo gang nga'i chos bstan pa 'di la rab tu 'byung ba/ chos kyi rnam grangs 'dzin pa 'am/ kun chub par bgyid pa 'am/ mos/ par byed pa de dag gis ni/ yul 'khor gyi zas legs par zos so// de bzhin dag ni de bzhin gshegs pa'i bstan pa la rab tu byung ngo // de dag gis ni mi lus thob pa legs par thob po// de dag gis ni bdud btul lo// de dag gi ni nga'o snyam pa'i nga rgyal nges par bcom mo// de dag gis ni sbyin nas sbyangs so// de dag gis ni yon gnas su bzung bar bya'o// de dag gis ni bsod nams kyi zhing du blta bar bya'o// de ci'i phyir zhe na/ kun dga' bo chos kyi rnam grangs 'di ni/ mngon pa'i nga rgyal can rnams dang // 'bras bu la dmigs pa rnams dang / sngon gyi rgyal ba la bya ba ma byas pa rnams kyi bzod par mi nus pa'i phyir ro// chos kyi rnam grangs 'di bstan pa na/ byang chub sems dpa' lhag pa'i bsam pa bstan pas/ mi skye ba'i chos la bzod pa thob par gyur to// de nas bcom ldan 'das kyis de'i tshe 'dzum pa mdzad do// 'di ni sangs rgyas bcom ldan 'das rnams kyi chos nyid de/ gang gi tshe 'dzum mdzad pa de'i tshe/ bcom ldan 'das kyi zhal gyi sgo nas/ 'od zer kha dog du ma kha dog sna tshogs 'di lta ste/ sngon po dang / ser
- 259a
po dang / dmar po dag dkar po dang / bcod la dang / shes dang / dngul kyi kha dag lta khur byu nas/ 'dra de ded/ gis/ 'jig rten gyi khams mtha' yas mu med pa snang bas khyab par bya ste/ tshangs pa'i 'jig rten gyi bar du song nas/ phyir log ste bcom ldan 'das la lan gsum bskor ba byas nas/ bcom ldan 'das kyi spyi gtsug du nub par gyur to// de nas sangs rgyas kyi byin gyi brlabs kyis/ tshe dang ldan pa kun dga' bo stan las langs te/ bla gos phrag pa cig la gzar nas/ pus mo g.yas pa'i lha nga sa la brdugs te/ bcom ldan 'das ga la pa der logs su thal mo sbyaras pa btud nas/ bcom ldan 'das la 'di skad ces gsol to// bcom ldan 'das de bzhin gshegs pa rnams ni rgyu ma mchis rkyen ma mchis par 'dzum pa mi mdzad na/ bcom ldan 'das 'dzum pa mdzad pa'i rgyu gang lags/ rkyen gang lags/ de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to// kun dga' bo 'khor 'di dag gi nang na dge slong sngon pa'i nga rgyal can nyid brgya po de dag gis mngon pa'i nga rgyal med pa'i chos 'di thos nas/ len pa med par zag pa rnams las sems rnam par grol lo// byang chub sems
- 259b
dpa' lhag pa'i bsam pa brtan pas ni mi skye ba'i chos la bzod pa thob po// kun dga' bo byang chub sems dpa' lhag pa'i bsam pa brtan pa 'di ni bskal pa khris bla na med pa yang dag par rdzogs pa'i byang chub tu mngon par sangs rgyas par 'gyur ro// bskal pa rin po che thams cad du snang ba la/ 'jig rten gyi khams me tog thams cad kyis rnam par bkra ba zhes bya bar de bzhin gshegs pa dgra bcom pa yang dag par rdzogs pa'i sangs rgyas rin po che pad ma dpal gyi snying po zhes bya bar 'gyur te/ de'i tshe sangs rgyas kyi zhing yang yon tan bkod pa dpag du med pa dang ldan par 'gyur te/ sangs rgyas kyi zhing de yang byang chub sems dpa' 'ba' zhig gi yongs su gang bar 'gyur ro// de nas bcom ldan 'das la tshe dang ldan pa kun dga' bos 'di skad ces gsol to// bcom ldan 'das chos kyi rnam grangs 'di'i ming ci lags/ 'di ji ltar bzung bar bgyi// bcom ldan 'das kyis bka' stsal pa/ de'i phyir kun dga' bo khyod kyis/ chos kyi rnam grangs 'di/ chos thams cad g.yo ba med pa zhes bya bar bzung shig/ lhag pa'i bsam brtan pa'i le'u zhes bya bar yang zung shig
- 260a
bcom ldan 'das kyis de skad ces bka' stsal nas/ tshe dang ldan pa kun dga' bo dang / byang chub sems dpa' lhag pa'i bsam pa brtan pa dang / byang nub sems dpa' de dag dang / dge slong de dag dang / thams cad dang ldan pa'i 'khor de dag dang / lha dang / mi dang // lha ma yin dang / dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod do// // rgya gar gyi mkhan po su len dra bo de dang / prad nye bar ma dang / zhu chen gyi lo tsa ba ban de ye shes sdes la sogs pas sbyar cing zhus te tan la phab pa'o// bkra shis// / dge'o//
Colophon
rgya gar gyi mkhan po su len dra bo di dang/ prad nya bar ma dang/ zhu chen gyi lo tsa ba ban de ye shes sdes la sogs pas sgyur cing zhus te tan la phab pa'o