de bzhin gshegs pa thams cad kyi sku dang _/_gsung dang _/_thugs kyi gsang ba dur khrod khu byug rol pa'i rgyud ces bya ba theg pa chen po'i mdo
Text
ff. 108a–162a · 109 folio sides
- 108a
rgya gar skad du/ sarba ta thA ga ta s+ya kA ya bA ka tsit+ta gu h+ya sma Sha na la la ta tan+t+ra ma ma hA ya na sU tra/ bod skad du/ de bzhin gshegs pa thams cad kyi sku dang / gsung dang / thugs kyi gsang ba dur khrod khu byug rol pa'i rgyud ces bya ba theg pa chen po'i mdo// dpal rdo rje sems dpa' la phyag 'tshal lo// 'di skad bdag gis thos pa'i dus gcig na/ bcom ldan 'das gsang ba mchog gi bdag po/ thig le byang chub sems kyi rdo rje/ de bzhin gshegs pa thams cad kyi sku rnam par dag pa'i bdag nyid/ pad mo rnam par dag pa'i gsung // rdo rje lta bu'i ting nge 'dzin la mnga' brnyes pa/ yid bzhin gyi rin po che'i rgyal po'i yon tan mnyam pa chen pos kun tu khyab par mdzad pa/ kun tu 'du ba'i 'phrin las kyi sgo yangs par kun tu mdzad pa/ sku gsung thugs yon tan dam chog chen po ma lus pa'i bdag nyid chen po/ dus gsum gyi chos ma lus mi lus pa med pa thams cad dang gnyis su med pa'i rang bzhini/ rol pa'i rdzu 'phrul sna tshogs par rnam par 'phrul ba la mnga' brnyes pa ni/ 'og min gyi gnas gsang ba mchog gi dkyil 'khor chen po btsun mo'i b+ha ga la pho brang lhun gyis grub pa/ dur khrod kyi gzhal yas khang / pad+ma sna tshogs kyi kha dog dang dbyibs la sogs pa'i 'dod pa'i yon tan gyi khyad par rin po che sna tshogs kyi rnam pa tshad med pa
- 108b
rnams kyis/ phyi dang nang med par phyogs bcu 'khrig par rnam par klubs par rang byung ba na/ rnal 'byor gyi dbang phyug chen po rgyal ba'i sangs rgyas nam mkha'i mtha' klas pa dang // rnal 'byor ma chen mo dang / rnal 'byor chen po sems dpa' chen po sems ma dang bcas pa'i brjod du med pa zhing gi rdul snyed dang / gzhan yang he ru ka rol pa'i tshogs grangs med pa brjod du med pa rnams dang / sprul pa chen po sras kyi 'khor ji snyed pa la sogs pa/ sems dang sems las byung ba dang / 'byung ba dang 'byung ba las gyur pa ji lta ba dang / ji snyed pa rnams dang thabs cig tu bsnyengs pa mi mnga' bar bzhugs pa ni/ dper na yungs 'bru snum gyis gang ba bzhin du kun tu gang nas khyab par bzhugs so// yum kun tu bzang mo yang nyid kyis sku la 'khril ba'i tshul gyis bsnyengs pa mi mnga' bar mngon par 'du mdzad do// 'khor gyi dkyil 'khor de nyid la rnal 'byor gyi dbang phyug rdo rje yid kun tu bzang po yang / btsun mo chos kun tu bzang mo dang gnyis su med pa'i tshul gyis/ bcom ldan 'das kyis spyan snga na bka' nod cing spobs pa can du bzhugs so// de nas bcom ldan 'das gsang ba mchog gi bdag po des sems dang sems las byung ba dang / 'byung ba dang 'byung ba las gyur pa'i chos dus gsum dang srid pa gsum
- 109a
gyi bsdus pa dang / gzhan yang bsam gtan dang / snyoms par 'jug pa dang / 'gog pa dang / sa'i khyad par la sogs pa/ chos snang grags la rdzu 'phrul gyi spyan gyis kun tu khyab par gzigs so// rnam par gzigs nas de bzhin du phyogs bcu dang dus gsum gyi rgyal ba grangs med pa rnams la yang gzigs so// rnam par gzig nas chos thams cad stong pa chen po'i don la rnal te/ smra bsam las 'das pa de bzhin nyid kyi ting 'dzin la snyoms par zhugs so// de'i tshe 'khor ba dang mya ngan las 'das pa'i chos thams cad stong pa chen por 'gyur ba ni/ dper na nam mkha'i mtshan nyid tsam du yang bskrun du yod pa ma yin no// de nas yum kun tu bzang mos/ bcom ldan 'das gsang ba mchog gi bdag po dgongs pa chos dbyings la rnal bzhin du stong pa'i ngang las glu 'dis bskul lo// e ma ho/ stong nyid bdag med rnam dag glong yangs nas/ snyoms pa'i thugs rje 'byung bar mi dmigs kyang // shes rab don dam chos sku dag pa las// mi 'gog thabs kyis snying rje nam mkha' ston// ho/ zhes rnam par bskul bas/ gsang ba mchog gi bdag po des bskul bar mkhyen nas/ stong pa nyid kyi ngang las rnal bzhin du/ 'khor ba dang mya ngan 'das pa'i thams cad la
- 109b
khyab pa chen po'i snying rje'i ting nge 'dzin la snyoms par zhugs so// de'i tshe chos thams cad snying rje nam mkha'i ngo bo tsam du gnas par gyur to// de nas yang yum kun tu bzang mos stong pa nyid kyi ngang las glu 'dis bskul lo// a ma ho/ ma ltar byams pa'i snying rje chen po ni// mkha' ltar go yang 'byed cing kun la khyab// rig pa'i snying ste nam mkha' dbyings rum nas// longs spyod rdzogs pa'i sku mchog bstan du gsol// a la la ho/ zhes rnam par bskul lo// de nas bcom ldan 'das gas ba mchog gi bdag pos bskul bar mkhyen nas/ snying rje nam mkha'i ngang las ro gi pa'i cho 'phrul te/ nam mkha'i dbyings ru ma nas rdo rje'i sku mngon du phyung ste/ dper na nam mkha'i dbyings ru ma nas nyi ma 'bum dus gcig tu shar ba'i gzi brjid lta bu'o// de na sa yum kun tu bzang mos smin rings bsgyur te/ spyan mdzes bag tu bltas nas rmad du byung ba'i gar dang glus rnam par bskul ba'i phyir glu 'di blangs so// e ma ho/ yid bzhin sku mchog nyi ma lta bu las// sprul pa'i cho 'phrul rdo rje gar mdzad cing // brjid pa'i sku mchog yongs su rdzogs pa yi// 'bar ba'i sku mchog bdag la bstan du gsol// a la la ho/ zhes rnam par bskul bas bskul/
- 110a
bar thugs su chud de/ rol pa'i sku zhal gsum pa lta bur snang la/ ye shes kyi rdo rje rtse dgu pa can lta bur sangs rgyas rnams kyi gzigs par gyur to// de nas bcom ldan 'das gsang ba mchog gi bdag po des hU zhes brjod pas/ 'khor gyi dkyil 'khor de dag thams cad nyid kyi sku la bsdu ba mdzad do// bsdu ba mdzad nas yang nyid kyi sku rnam pa sna tshogs kyi glu dang / gar dang / steg pa dang / bstim pa dang / sbyor ba dang / 'khyud pa'i tshul rnam par rol pas/ yum kun tu bzang mo la smin rings bsgyur zhing spyan zim bag gi tshul gyis gzigs te/ yang chags pa chen po'i ting nge 'dzin la snyoms par zhugs te cang mi gsung bar gyur to// de nas yang yum kun tu bzang mos zhal 'dzum bag dang bcas pas chags pa'i glu 'dis bskul lo// e ma ho/ rol pa'i cho 'phrul 'bar ba'i sku mchog la// khyab pa byin rlabs rdo rje gar mdzad cing // gsang ba'i b+ha ga yangs pa'i mkha' dkyil du// re skong bdud rtsi 'i char chen dbab tu gsol// a la la ho/ zhes rnam par bskul bas/ bcom ldan 'das gsang ba mchog gi bdag po des gnyis su med pa'i rol pa'i tshul gyis gar mdzad cing rdo rje'i glu 'di blangs so// a ho/ bde mchog
- 110b
'du 'bral med pa'i dbyings nyid ni// 'dzum zhing 'khyil ba pad+ma'i b+ha gA ru// dga' mchog rdo rje gsang ba'i byang chub sems// dri med rin chen char 'bab rgyun mi 'chang/ ho/ zhes gsungs so// de nas chags pa yum gyi byang chub kyi sems thabs mchog yab kyi byang chub kyi sems la bskul ba'i cho 'phrul gyi sgra 'di skad ces grags so/ a hoHchags pa chen po dbang gi byang chub sems// dus gsum bde gshegs rnams kyi rtsa bzhi mchog/ dri med skyon bral pad+ma'i 'od zer la// mu tig dri med bsal ba'i 'od zer spros// ho/ yang thabs mchog yab kyi byang chub sems las chags pa yum gyi byang chub sems la bskul ba'i cho 'phrul gyi sgra 'di skad ces grags so// a ho/ gsal zhing dag pa'i zla ba'i dkyil 'khor ni// skyon gyis ma gos rnam dag byang chub sems// dus gsum rgyal ba rnams kyis thug chud de/ bsil ba'i 'od zer pad+ma'i gnas su spro// ho/ zhes spros shing bskul lo// de nas bcom ldan 'das gsang ba mchog gi bdag po des spro bsdu rnam par rol pa zhes bya ba'i ting nge 'dzin la snyoms par zhugs nas/ yang ched du brjod pa 'di brjod do// e ma ho bde mchog bde ba yi// byang chub
- 111a
sems ni rab 'phros pa// sangs rgyas kun gyi thugs bskul zhing // 'gro ba kun gyi rgyud sbyangs te// slar 'dus dbyings su thim pa la// byang chub sems kyi thig ler gsal// thig le 'od kyis khyab pa las// byang chub sems kyis kun la khyab// ces gsungs so// de'i tshe 'khor ba dang mya ngan las 'das pa'i chos thams cad byang chub kyi sems su gnas so// de nas bcom ldan 'das gsang ba mchog gi bdag po des// btsun mo'i b+ha ga la dam tshig chen po'i pho brang gru bzhir byin gyis brlab pa'i phyir/ nyid kyi sku dang / gsung dang / thugs rdo rje las snying po 'di phyung ngo // b+hU/ de nas yang ched du brjod pa 'di brjod do// e ma ho sangs rgyas thams cad kyi// rdo rje gsang ba mchog gi gnas// 'khor lo'i rgyan dang rol mo'i rkyen// 'dod pa'i yon tan lnga yis gang / nyi zla gsal ba'i dkyil 'khor ldan// 'od 'phros 'bar bas phyogs bcur 'khrigs// gru bzhi sgo khyud rnams kyis mdzes// sna tshogs sangs rgyas kun gyi gnas// zhes gsungs so// de nas bcom ldan 'das byang chub kyi sems rdo rje des tiSh+Tha badz+ra a zhes brjod de/ dkyil 'khor chen po'i dbus su bzhugs
- 111b
par gyur to// de nas yang gnyis su med pa'i bdag nyid chen po des/ thams cad ma lus pa'i tshul rdo rje zhes bya ba'i ting nge 'dzin la snyoms par zhugs te/ nyid kyi sku dang / gsung dang / / thugs rdo rje las gsang ba'i snying po 'di phyung ngo // hu badz+ra d+hi ka/ de phyung ma thag tu de bzhin gshegs pa thams cad zhe sdang gi sku rjes su dran te/ sngags kyi yi ge 'phros 'dus pas yig 'bru las cho 'phrul gyi sgra 'di skad ces bsgrags so// e ma ho sangs rgyas kun gyi gsung // bsdus pa'i rdo rje de nyid ni// zhe sdang rgyud kyi sangs rgyas rnams// bskyong med yi ger gnas pa'o// zhes bsgrags so// de nas snying po de nyid thugs kyi mtshan ma rdo rje rtse lnga lta bur gnas par gyur te/ rdo rje de las cho 'phrul gyi sgra 'di skad ces bsgrags so// e ma ho sangs rgyas kun gyi thugs// 'dus ma byas pa'i ngo bo nyid// ye shes lnga ru snang bas na// thugs kyi thugs ni brtan pa'o// zhes bsgrags so// de nas thugs de nyid spro ba dang bsdu ba'i ngo bo mngon par 'du mdzad pa las mi bskyod pa'i sku phyag rgya chen por sbyor ba'i thabs kyis rnam pa'i mchog thams cad dang ldan par 'thon te/ ston pa'i zhal du bltas nas 'di skad ces glengs so// e ma ho nga ni rang byung ste// bde ba thugs kyi mtshan ma yin// gnyen po cis kyang mi shigs pa'i// bskyod med phyag rgya bstan
- 112a
pa yin// zhes glengs te/ a zhes brjod cing / sku gsung thugs rdo rje'i bdag po'i sku gsung thugs nyid la bzhugs so// de nas yang gnyis su med pa'i bdag nyid chen pos thams cad nas thams cad 'byung ba rdo rje rgyan ces bya ba'i ting nge 'dzin la snyoms par zhugs na sa/ nyid kyi sku dang / gsung drang / thugs rdo rje las sku gsang ba'i snying po 'di phyung ngo // oM dzi na dzig/ 'di phyung ma thag tu de bzhin gshegs pa thams cad gti mug gi sku rjes su dran te/ gsung yig 'bru las cho 'phrul gyi sgra 'di skad ces bsgrags so// e ma ho sangs rgyas thams cad kyi// gsung ni gti mug rgyal ba che// rdo rje rgyal po rnam par dag/ rnam dag gsung ni dri ma med// ces bsgrags so// de nas snying po yi ge de nyid 'phros 'dus pa las thugs kyi mtshan ma 'khor lo zur brgyad pa lta bur gnas par gyur to// de'i tshe 'khor lo de las cho 'phrul gyi sgra 'di skad ces bsgrags so// e ma sangs rgyas kun gyi thugs// chos kyi 'khor lo dbang sgyur ba// nyon mongs dra ba gcod par byed// sku yi thugs ni bstan pa'o// zhes bsgrags so// de nas thugs kyi mtshan ma de nyid spro ba dang bsdu ba las/ snang mdzad sems dpa'i sku gsung thugs su sbyor ba'i thabs su rnam
- 112b
pa'i mchog thams cad dang ldan par 'thon te 'di skad ces glengs so// e ma hong ni rang byung ste// sangs rgyas kun gyi sku yi bdag/ sangs rgyas kun ni thams cad kyi// sku yi phyag rgya/ bstan pa yin// zhes glengs so// a zhes brjod cing spyan sngar bzhugs so// de nas yang gnyis su med pa'i bdag nyid chen pos/ rin chen dpal zhes bya ba'i ting nge 'dzin la snyoms par zhugs nas/ nyid kyi sku dang / gsung dang / thugs rdo rje las yid bzhin gyi nor bu gsang ba'i snying po 'di phyung ngo // so rad na d+h+ri ga/ 'di phyung ma thathug tu de bzhin gshegs pa thams cad nga rgyal gyi sku rjes su dran te/ gsung yig 'bru las chos kyi sgra 'di skad ces bsgrags so// e ma ho sangs rgyas thams cad kyi// yid bzhin gsung ni bla na med// yon tan kun gyi 'byung gnas gtso// rin chen gsung ni dag pa'o// zhes bsgrags so// de nas snying po yi ge de nyid 'phros 'dus pa las thugs kyi mtshan ma rin po che zur brgyad pa lta bur gnas par gyur to// de'i tshe rin po che zur brgyad pa de las cho 'phrul gyi sgra 'di skad ces bsgrags so// e ma ho rin chen thugs kyi thugs// re skong rin chen rab 'bar ba// mi 'gyur nam mkha'i kha dog 'dra// rin chen thugs ni rab tu bstan// zhes bsgrags so// de nas
- 113a
thugs kyi mtshan ma de nyid spro ba dang bsdu ba las/ rin chen sems dpa'i sku gsung thugs kyi sbyor ba'i thabs su rnam pa'i mchog thams cad dang ldan par 'thon te 'di skad ces glengs so// e ma hong ni rang byung ste// yid bzhin nor bu'i mtshan mo yin// zad mi shes pa'i gter du 'gyur// yon tan phyag rgyas bstan pa yin// zhes gsungs te/ a zhes brjod cing g.yas phyogs su bzhugs so// de nas yang gnyis su med pa'i bdag nyid chen pos/ gsal ba sgron ma zhes bya ba'i ting nge 'dzin la snyoms par zhugs nas/ nyid kyi sku dang / gsung dang / thugs rdo rje las gsung gi gsang ba'i snying po 'di phyung ngo // o a ro lig 'di phyung ma thag tu de bzhin gshegs pa thams cad 'dod chags kyi sku rjes su dran te/ gsung gi yig 'bru las cho 'phrul gyi 'di skad ces bsgrags so// e ma ho sangs rgyas thams cad kyi// gsung gi gsung ni kun tu grags// rnam dag gsung 'di mtha' yas pas// dri ma med pas rnam par dag/ ces bsgrags so// de nas/ snying po yi ge de nyid 'phros 'dus pa las thugs kyi mtshan ma pad+ma 'dab ma brgyad pa lta bur gnas par gyur to// de'i tshe pad+ma de las cho 'phrul gyi sgra 'di skad ces bsgrags
- 113b
so// e ma ho gsung mchog kun gyi bdag/ chags med skyon gyis gos pa med// dri med pad+ma rA ga 'i mdog/ chos kyi thugs ni bstan pa'o// zhes bsgrags so// de nas thugs mtshan ma de nyid 'phro ba dang 'du ba las/ chos kyi sems dpa'i sku gsung thugs su sbyor ba'i thabs su rnam pa'i mchog thams cad dang ldan par 'thon te 'di skad ces glengs so// e ma ho nga ni rang byung ste// pad+ma chos kyi mtshan ma yin// thams cad chags med skyon dang bral// chos kyi phyag rgya bstan pa yin// zhes gsungs te/ a zhes brjod cing rgyab phyogs su bzhugs so// de nas yang gnyis su med pa'i bdag nyid chen pos/ rdo rje 'phro ba zhes bya ba'i ting nge 'dzin la snyoms par zhugs te/ nyid kyi sku dang / gsung dang / thugs rdo rje las dam tshig gsang ba'i snying po 'di phyung ngo // ha pra dzA d+h+r-i ka/ 'di phyung ma thag tu de bzhin gshegs pa thams cad phrag dog gi skra rjes su dran te/ gsung yig 'bru las cho 'phrul gyi sgra 'di skad ces bskugs so// a ma ho sangs rgyas thams cad kyi// dam tshig gsung ni mthar phyin pa// don kun ma lus kun 'grub pa'i// dam tshig gsung ni dag pa'o// zhes bsgrags so// de nas snying po yi ge de nyid 'phro 'du ba las thugs mtshan ral gri lta bur gnas
- 114a
par gyur te/ de'i tshe ral gri de las cho 'phrul gyi sgra 'di skad ces bsgrags so// e ma ho dam tshig kun gyi thugs// mtha' rnams gnyis la mi gnas shing // nyon mongs dra ba gcod par byed// las kyi thugs ni bstan pa'o// zhes bsgrags so// de nas thugs mtshan de nyid 'phro dang 'du ba las/ las kyi sems dpa'i sku gsung thugs su sbyor ba'i thabs su rnam pa'i mchog thams cad dang ldan par 'thon te 'di skad ces glengs so// e ma ho nga ni rang byung ste/ dam tshig mtshan ma zhes su bya// kun gyi bya ba byed pa'o// las kyi phyag rgya bstan pa'o// zhes gsungs so// a zhes brjod cing g.yon phyogs su rdo rje 'khor lo rin chen dang // pad+ma ral gri mtshon cha lngas// ci 'dod las rnams 'grub par 'gyur/ de nas bcom ldan 'das gsang ba mchog gi bdag po dris/ chos thams cad nam mkha' lta bu'i ting nge 'dzin la snyoms par zhugs nas/ nyid kyi sku dang / gsung dang / thugs rdo rje la sa nam mkha'i gsang ba'i snying po 'di phyung ngo // mu d+ha tu shwa ri/ 'di phyung ma thag tu yum dbyings phyug ma'i sku gsung thugs su sbyor ba'i thabs su rnam pa'i mchog thams cad dang ldan par 'thon te 'di skad ces glengs so// e ma ho
- 114b
sangs rgyas thams cad kyi// chos kun dag pa bdag med pa// nam mkha'i ngang du rab sbyor bas// nam mkha'i tshul 'di bstan pa'o// zhes gsungs te/ yum kun tu bzang mo'i sku gsung thugs rdo rje la thim ste/ rdo rje 'dzin pa'i sku la 'khril pa'i tshul du bzhugs so// de nas yang bstan pa rdo rje'i ting nge 'dzin la snyoms par zhugs te/ nyid kyi sku dang / gsung dang / thugs rdo rje las sa'i gsang ba'i snying po 'dri gsungs so// laM te sha ra ti/ 'di phyung ma thag tu rdo rje dbyings phyug ma'i sku gsung thugs su sbyor ba'i thabs su rnam pa'i mchog thams cad dang ldan par 'thon te 'di skad ces gleng ngo // e ma ho sangs rgyas thams cad kyi// chos kun bstan pa'i bdag nyid do// sra brtan ngang du rab 'byor pas// sra brtan tshul 'di bstan pa'o// zhes gsungs te// snang mdzad sems dpa'i sku la 'khril ba'i tshul gyis bzhugs so// de nas yang sdud pa po rdo rje ting nge 'dzin la snyoms par zhugs te/ nyid kyi sku dang / gsung dang / thugs rdo rje las chu'i gsang ba'i snying po 'di phyung ngo // maM mo ha ra ti/ 'di byung ma thag tu rin chen dbyings phyug ma'i sku gsung thugs su sbyor ba'i thabs su rnam pa'i mchog thams cad dang ldan par
- 115a
'thon te 'di skad ces gleng ngo // e ma ho sangs rgyas thams cad kyi// chos kun sdud pa'i mtshan nyid de// 'khril ba'i ngang du kun sbyor ba'i// sdud pa'i tshul 'di bstan pa'o// zhes gsungs so// rin chen sems dpa'i sku la 'khril ba'i tshul gyis bzhugs so// de nas 'bar ba rdo rje zhes bya ba'i ting nge 'dzin la snyoms par zhugs te/ nyid kyi sku dang / gsung dang / thugs rdo rje las me'i gsang ba'i snying po 'di phyung ngo // pyaM rA ga ra ti/ 'di phyung ma thag tu chos kyi dbyings phyug ma'i sku gsung thugs su sbyor ba'i thabs su rnam pa'i mchog thams cad dang ldan par 'thon te 'di skad ces gleng ngo // e mu ho sangs rgyas thams cad kyi/ chos kun sprin pa'i ngo bo nyid// gsal dro'i ngang du kun tu sbyor// smin pa'i tshul 'di bstan pa'o// zhes gsungs te/ chos kyi sems dpa'i sku la 'khril ba'i tshul gyis bzhugs so// de nas yang g.yo bo rdo rje'i ting nge 'dzin la snyoms par zhugs te/ nyid kyi sku dang / gsung dang / thugs rdo rje las rlung gi gsang ba'i snying po 'di phyung ngo // taM badz+ra ra ti/ 'di phyung ma thag tu las kyi dbyings phyug ma'i sku gsung thugs su sbyor ba'i thabs su rnam pa'i mchog thams
- 115b
cad dang ldan par 'thon te skad ces gleng ngo // e ma ho sangs rgyas thams cad kyi// chos kun g.yo ba'i bdag nyid de// g.yo ba'i ngang du kun sbyor bas// g.yo ba'i tshul 'di bstan pa'o// zhes gsungs te/ las kyi sems dpa'i sku la 'khril ba'i tshul gyis bzhugs so// nam mkha' sa chu mi dang rlung // ji ltar 'dod bzhin bsten byas pas// bsgrubs na las rnams thams cad kyi// nges pa nyid du 'grub par 'gyur// gAwAn+d+ra yung sems dpa' sem+b+has mA dang // khro bo dang ni khro mo dang // sgo skyong sbrul hU~M la sogs te// bsam yis ji snyed bkod pa rnams// gnyis med bdag po'i byin rlabs las// so so rang rig sngags dang // thugs mtshan rang rtags phyag rgya las// so so yongs su rdzogs pa'i skus// rang rang mtshan nyid yongs brjod cing // rdo rje gsang ba'i gral bkod de/ bsam yas dag kyang de bzhin no// gnas dag dang ni dkyil 'khor dang // 'gro rnams bkod pa ji lta bu// de 'drar ston pa mchog gis mdzad// de bzhin gshegs pa thams cad kyi gsang ba dur khrod khu byug rol pa'i mdo las/ ting nge 'dzin rim gyis bkod pa'i le'u ste dang po'o// // de nas rdo rje
- 116a
yid kun tu bzang po rang gi stan la sa langs te/ bcom ldan 'das gsang ba mchog gi bdag po la phyi nang gi mchod pa'i sprin thams cad kyis mngon par mchod de/ lan brgya phrag stong du brkyang phyag 'tshal nas 'di skad ces gsol ba btab bo// e ma ho bde gshegs bcom ldan 'das// e ma ho gsang mchog dgyes pa che// e ma ho rnam par dag pa'i lam// ngo mtshar 'byung ba khyod la 'dud// kye ma sangs rgyas bcom ldan 'das// dkyil 'khor rnams kyi de nyid don// byang chub sems kyi mtshan nyid de// bdag cag rnams la bshad du gsol// de nas gsang ba mchog gi bdag pos/ rdo rje yid kun tu bzang po la bka' stsal pa/ sems dpa' chen po nyon cig/ khyod spobs pa zhu ba legs so// legs par zhus sngo// 'di ni sngon gyi rgyal ba sangs rgyas thams cad dang / da ltar dang / phyis 'byung ba'i rgyal ba sangs rgyas rnams kyis kyang ma gsungs pa/ gsung bar dka' ba yin te/ de ci'i phyir zhe na/ de kho na nyid byang chub sems kyi mtshan nyid de ni brjod du yang med la/ snod du gyur pa yang dkon pa'i phyir ro// sems dpa' chen po de bas na khyod nyid la dris shig ces bka' stsal te/ cang mi gsung bar bzhugs so// de nas
- 116b
mi bskyod pa la sogs pa'i de bzhin gshegs pa thams cad kyis/ rdo rje yid kun tu bzang po la bka' stsal pa/ sems dpa' chen po khyod ni de bzhin gshegs pa'i bka' yin pas zhu bar spobs pas na/ bcom ldan 'das gsang ba mchog gi bdag po the tshom thams cad gcod pa la the tshom dang som nyi yang nas yang du zhus shig dang / de bzhin gshegs pa ni snod ji lta ba bzhin du ston pas na/ byang chub sems dpa' blo dman pa rnams la yang byin gyis rlobs shig ces bka' stsa la pas/ rdo rje yid kun tu bzang po sa rigs lnga'i sangs rgyas kyis bskul bar thugs su chud nas/ 'khor mang po rnams snod du rung bar byin gyis brlab pa mdzad nas ston pa'i zhal du bltas nas gnas so// de nas bcom ldan 'das gsang ba mchog gi bdag po des/ de kho na nyid kyi ting nge 'dzin la snyoms par zhugs te 'di skad ces bka' stsal to// rdo rje srid kun tu bzang po la sogs pa 'dus pa'i 'khor rnams nyon cig/ byang chub sems zhes bya ba ni// brjod dang smra bsam yul las 'das// don dam kun rdzob tha mi dang // rang lus ngag yid rdo rje ste/ gcig gis gnyis kyi las byed pa// lus dang ngag yid ma grub par// rig pa'i skyes bu de yis ni// byang chub mchog tu sems bskyed yin//
- 117a
zhes gsungs so// de nas 'khor 'dus pa rnams rang rang gi lus ngag yid gsum la sems nas 'khod do// de nas rdo rje yid kun tu bzang pos gsol ba btab pa/ e ma ho bde gshegs bcom ldan 'das// sangs rgyas kun gyi byang chub sems// rtogs par dka' ba'i snying po'i don// rab tu mi rtogs gnas med pa'o// zhes gsungs so// de nas bcom ldan 'das rdo rje mi bskyod pas byang chub kyi sems 'di gsungs so// e ma ho gzung 'dzin rnam spangs pas// tshig dang / yi ge'i spyod yul min// chos bdag med pa'i mnyam pa nyid// rang sems gzod nas ma skyes pa'o// zhes gsungs so// de nas bcom ldan 'das snang mdzad sems dpas kyang rang gi byang chub kyi sems 'di gsungs so// e ma ho chos kun stong pa'i bdag/ rang gi ngo bo brjod du med// brjod med de nyid sna tshogs pa'i// chos rnams kun la khyab par gnas// zhes gsungs so// de nas bcom ldan 'das rin chen sems dpas kyang byang chub kyi sems 'di gsungs so// e ma ho mnyam nyid byang chub sems// ming du btags pa'i chos rnams kun// mnyam pa nyid la gnas bcas phyir// mnyam pa nyid las gzhan med do// zhes gsungs so// de
- 117b
nas bcom ldan 'das chos kyi sems dpas kyang byang chub kyi sems 'di gsungs so// e ma ho/ chos su snang ba thams cad kun// rang gi ngo bo brjod du med// de nyid byang chub sems su ni// mkhas pas bsgoms na rtogs par 'gyur// zhes gsungs so// de nas bcom ldan 'das las kyi sems dpas kyang byang chub kyi sems 'di gsungs so// e ma ho/ chos kun byang chub sems nyid de// nges pa med de dngos rtog bral// de nyid dag pa'i rang bzhin pas// mkhas pas ci dgar bsgoms na 'gru ba// ces gsungs so// rgyud kyi rgyal po de bzhin gshegs pa thams cad kyi gsang ba dur khrod khu byug rol pa'i mdo las/ byang chub sems kyi de kho na nyid kyi le'u ste gnyis pa'o// / / de nas rdo rje yid kun tu bzang pos bcom ldan 'das gsang ba mchog gi bdag po la gsol ba btab pa/ e ma bde gshegs rgyal ba'i gtso// sangs rgyas yab gyur dam pa'i bdag/ rdo rje rin chen pad+ma dang // sna tshogs las kyis rnam par mdzad// dngos grub kun gyi 'byung gnas che// ngo mtshar khyod la phyag 'tshal 'dud/ 'gro ba kun la phan pa dang / rnal 'byor can la thugs brtse'i phyir/ bde gshegs kun gyi dkyil 'khor dang // de bzhin rdo rje 'dzin pa dang // 'khor lo can gyi
- 118a
dkyil 'khor dang // rin chen 'dzin dang pad+mo 'chang // sna tshogs las kyi dkyil 'khor rnams// bde bar gshegs pas bshad du gsol// a la la ho zhes gsol ba btab bo// de nas ston pa rgyal mchog gis// kun tu bzang po'i tshig gsan nas// dkyil 'khor rab tu nyams dgar bshad/ rnal 'byor can la brtse phyir ro// las dang dngos grub thams cad ni// slob dpon byed dang rjes 'brang ba// de yi mtshan nyid bshad bya ba// blo yangs rgyud la goms pa dang / ting 'dzin las su rung ba dang // sems kyis rnam rtog choms pa dang // phyi nang sde snod thams cad la// som nyi med cing the tshom med// sran thub mi ldog dad pa che// gsang ba sbas pa'i thabs mchog rnams// snod ngan phal la mi spel dang // gsang ba'i dbang mchog thob pa ni// rdo rje 'dzin pa'i las kun dang // dkyil 'khor dag la shis pa yin// yan lag rnams ni ma nyams shing // mdog dang gzugs dang stobs dang ldan// 'khor los sgyur ba'i mtshan dang ldan// lus la dri zhim ngad ldang ba// sangs rgyas 'khor lo can gyi ni// dkyil 'khor bya ba rab tu gsungs// shes pa che zhing yon tan ldan// bzo
- 118b
dang rig pa'i gnas la mkhas// yon tan sgo yangs spyod lam dag/ rdo rje slob dpon spun la gdung // rin chen 'dzin gyi bla mar gzung // rtag tu zlos la brtson pa dang // ngag 'jam mgrin pa bde ba dang // glu dbyangs ma khas shing bden par smra// chos 'chad pa la rtag tu dga'// tshag 'bru gsal zhing kha dog dmar/ pad+ma can gyi bla mar gzung // bya ba'i las la ma rmongs shing // las dang bya ba'i dbang yang thob// brtson 'grus che zhing dbang po gsal// las kyis lhag chad bskang ba ni// sna tshogs rdo rje'i bla ma yin// de dag yon tan ma lus ldan// theg pa kun la 'byams pa ni// spyi yi dkyil 'khor dag la'o// bla ma lung ldan des kyang ni// bu yi mtshan nyid brtag pa gces// rkyen thub mi ldog dam tshig gnas// yid kyi sgo nas shin tu sbyangs// man ngag lung la rtag dga' zhing // bla ma'i thugs kyang nges par 'dzin// rdo rje can ni slob mar rung // lus dang yan lag mdzes dang ldan// slob dpon dag la/ rim gro che// rdo rje spun la khur byed cing // lus dang mtshan dang dpe byad ldan// sangs rgyas 'khor lo can gyi ra bshad// spyod lam rnam bzhi lhun
- 119a
grub cing // rin rten nor la rtag dga' ba// gse la sogs pa'i rin chen gyis// bla ma mnyes par byed pa ni// rin n+dan dkyil 'jo/ dag pa'o// ngag gi sgo nas shin tu sbyangs// brdzun dang bra ma tshig rtsu ba spangs// klu dbyangs dag la dga' ba ni// pad+ma 'dzin pa'i snod du bshad/ las la gus shing chos la dga'// dpa' la rtsa la che mkhas shing gsal// bla ma'i dgongs pa kun byed pa// sna tshogs rdo rje'i bu yin no// yon tan kun dang ldan pa 'am// kun gyis bkur zhing kun la mdzes// spyi yi dkyil 'khor dgal shes/ gnas su bya ba'i rnam pa yang // srung thang gnyis su shes par bya// gnod sbyin mo yi thar rjes sam/ gnod sbyin mtshon cha'i bshal rjes dang // 'byung po dag gi kun sa dang / klu gdug dag gis rgyun srang dang // nyen dang 'brel pa'i gnas dag dang // kha na mthor bcas pa'i gnas// spangs na dngos grub myur bar bshad/ gnas su rung ba'i mtshan nyid ni// rdo rje brag chen gtams pa'am// ri bo 'dus pa'i rtse rnams dang // mdangs bzang gangs ri'am brag dkar du
- 119b
rdo rje can gyis bsgrub tu rung / phug dang dgon pa'i ri brag dang / nags tshal dra ba 'thibs pa la// madrangs dkar shar du gzhol ba ni// sangs rgyas 'khor lo can gyi'o// rin chen sna lnga'i kha dog gam// rin chen zur brgyad dbyibs 'dra bar// rin chen dag la rung bar bshad// can dan nags tshal me tog can// klu shing nyams dga' yid 'ong bar// pad+mo bsgrub par de shis so// dur khro dang ma grog ba shung ba'i gnas// sum kyang mdo grog sme rtsub pa'i ri// sna tshogs rdo rje can gyi'o// ri bran mang po 'dus pa'i spyir// ri bos bskor ba'i lcug phran tshal// de ni las kyi spyi ru bshad// yang na rigs lnga kun gyi ni// yon tan cha dang ldan par bshad// bla ma slob ma gnas rnams kyang // ma brtags nyan dang / ya kar bcas// dngos grub ring bar blo con gyis// shes nas spang bar bya ba yin// rnal 'byor blo mchog mi ldan na// gnas dang slob ma la sogs pa// ldan yang 'grub par mi 'gyur zhes// bde gshegs rgyal ba kun gyis gsungs// blo dang ldan pa'i mi rnams kyis// gnas dang slob ma yo byad dang // / cho ga
- 120a
la sogs ma ldan yang // 'grub 'gyur 'di la the tshom med// 'on kyang gnas dang slob ma dang / yo byad ldan na myur 'grub ces// bde gshegs kun gyis gsungs pa na// mtshan nyid rnam ni bshad pa yin// mtshan mas dngos po gzhom pa'i phyir// ga nam dang sa dang bar snang dag/ rigs rnams so so'i mtshan ma ltar// brtags te nges par gzung bar bya// ting 'dzin rtse gcig brtan pa dang // sngags dang phyag rgya bya ba yis// sbyangs pa byas te dngos med bskyang // des kyang sbyangs pa'i las su 'gyur// de che dbang gyur lha mo de// mchod de sbran par byas pas na// ru tra'i rgol ba sA mi tshugs shing // tshogs bsags dpong du de 'gyur ro// byin dang ldan pa'i sa gzhi de// snang dang mi snang ba dag po la// thugs thub ra chod ma yin par/ rin dang bden pas bsgo la bslang // de nas stegs bu gru bzhi la// bdud rtsi rnam lngas skyang nul bya// gos rgyan mdzes pa'i grogs mchog ma/ gsal bar ldan nam byin brlabs la// tshad ldan rdo rje srad bu yis// thig gdab pa yi sbyor ba bya// 'gro ba blo rmongs mi shes pa'am// dang po las kyi sgor
- 120b
zhugs la// thugs kyi dkyil 'khor mtshon pa'i phyir// kha dog nyi shu rtsa lnga 'am// rnam lnga'i tshon gyis bri bar ba shadra/ rab tu zlum pa'i dkyil 'khor la// thig bzhi btab pas dkyil 'khor dgu// gru chad par khyams sgo khyud bcas// dbus su sangs rgyas rdo rje 'dzin// nam mkha'i dbyings dang 'khril ba'i tshul/ seng ge'i gdan la yang dag gnas// rnam pa'i mchog rnams rdzogs par gsal// kha dog mthing kha 'od dang bcas// de yi spyan sngar snang mdzad sems// rdo rje dbyings dang lhan cig tu// glang po'i gdan la yang dag gnas// kha dog dkar po 'od 'bar ba'o// rin chen sems dpa' g.yas su ste// rin chen dbyings phyug ma dang gnas// rdzu 'phrul rta yi khri la bzhugs// 'dzam bu na da'i gser mdog 'dra// rgyab tu chos kyi sems dpa' dang // chos kyi sems mar bcas pa dang // khyung chen ga dan la rnam par bzhugs// dmar po pad+ma rA ga'i mdog/ las kyi sems dpa' g.yon du ste// las kyi dbyings phyug ma dang 'khril// nam mkha' lding gi khri chen la// in+d+ra nI la'i mdog 'dra'o// phyi nang sems dpa' sems ma rnams// phyi nang gra la de bzhin dri// sgor ni sgo ba ma dang bcas/ bar khyams
- 121a
dag la sprul sku dang // kun bzang yab yum de bzhin te// sangs rgyas rdo rje 'dzin pa yi// dkyil 'khor nyams dga' dam pa'o// sangs rgyas 'khor lo can gyi gnas// 'khor lo rtsibs bzhi mu khyud bcas// gru chad par khyams de bzhin te// dbus su sangs rgyas rnam snang mdzad// nam mkha' dbyings dang thabs gcig tu// cha lugs 'dzin pa de bzhin bri// spyan sngar mi bskyong yab yum bcas// gzhan rnams kyang ni de bzhin te// rdo rje 'dzin dang 'dra ba yin// rin chen dkyil 'khor dam pa ni// rin chen zur brgyad ldan pa la/ bar khyams sgo khyud de bzhin no// dbus su rin chen yab yum ste// rdo rje 'dzin la lho phyogs su// gzhan rnams kyang ni de bzhin no// pad+ma'i dkyil 'khor dam pa ni// pad+ma 'dab ma brgyad pa la// dbus su chos kyi sems dpa' ste// rdo rje 'dzin pa nub phyogs su'o// gzhan rnams kyang ni de bzhin no// sna tshogs las kyi dkyil 'khor ni// las bzhi'i dbyibs dang ldan pa la// dbus su las kyi sems dpa' ste// rdo rje 'dzin pa byang phyogs su// btsun mo dag dang ldan par bri// gzhan rnams kyang ni de bzhin no// sangs rgyas kun gyi dkyil 'khor ni// rdo rje can dang 'dra ba ste// dbus su sngags
- 121b
kyi bdag po ni// gtso gzungs zung du 'brel par bri// mi bskyod yab yum thugs la gnas// gzhan yang de bzhin rgyas par bri// dkyil 'khor nyams dag de dag la// bum pa brgyad dam bcu drug gam// ci 'byor btung ba snum pa 'am// bdud rtsi lnga 'am rin chen bcas// zla ba nyi ma dri chu yis// gang ba'i rin chen bum pa ni// dang po gser gyi bum par bshad// gnyis pa shel dang dngul gyi ste// gsum pa bai DUR+Ya yi ste// bzhi pa zangs kyi bum pa bya// lta pa lcags kyi bum par ba shad// drug pa las ni sna tshogs pa'i// bum pa gang ba gzhag par bya// gzhan yang rgyan gyi khyad par dang // rol mo yid 'ong ci 'byor du// mchod pa'i yo byad thams cad dang // ga tor ma la sogs mdzes par dgra ma// de nas rnal 'byor can gyis ni// dbyings nas dkyil 'khor spyan drangs mchod// mnyes nas nye bar grub pa dang // las bzhi'i mchod pa brtsa ma bya ste// dbyibs dang kha dog mtshan mar bcas// gzugs sgra dri ro btung ba yis// mchod sbyin stobs pa'i las rnams bya// de na rigs kyi bu mchog des// gsang ba'i dkyil 'khor bstan par bya// ci la dga' zhes dris nas su// bdag ni 'di la dga' 'o zhes// 'jug pa pos kyang lan du sbyin//
- 122a
bla ma lung ldan ngas kyang ni// mna' yi rdo rje sbyin pa'i phyir// bzlas pa'i rdo rje sbyin pa'i phyir// bzlas pa'i chu ni blud par bya// gsang ba'i dam tshig 'di dag bsgrags// skal dang ldan pa'i rigs kyi bu// khyod kyis bsrung bar bya ba ni// lha dang bla ma spun mi spang // sngags dang phyag rgya de bzhin te// gsang ba gzhan la spel bya min// bsgrub pa'i rdzas ni rnam pa lnga// rtag tu bcang zhing bza' bar bya// sha lnga dang ni chang lnga dang // 'dod pa lnga rnams rtag tu bsten// sbyor dang sgrol dang phra ma dang / mi snyan rku ba spyad par bya// dka' thub dka' ba spyad mi bya// khrims dang sdom pas 'ching pa min// snying nas slob dpon smod pa ni// dngos grub ba sgrubs kya / don med 'gyur// de nas bla ma lung ldan des// rdo rje'i tshul du dbang rnams sbyin// de yang snod kyi khyad par bas// ci dang ci 'os de bzhin sbyin// dkyil 'khor dang por bsgrub pa'i dbang // gnyis pa rdo rje rgyal po'i dbang // gsum pa gsang ba nyan pa'i dbang // bzhi par 'chad pa'i dbang dag sbyin// las kyi dbang ni lnga par sbyin// drug pa rab 'byams rgyal po la// sogs pa'i dbang rnams ji snyed pa// tshang bar bskar du rung bar bshad// de nas dbang mchog thob
- 122b
bya'i phyir// rigs kyi bu mchog de dag gis// yon mchog dag ni dbul bar nges// srog lus man chad rdzas kyi rnams// ma 'jungs pa yi sems kyis dbul// rang gi lus dang sems dag la// snying yang yon gyi mchog yin te// sems kyi dgongs pa gang dang gang // rdo rje 'dzin gyi yon du bshad// mi chen dang ni 'dod pa yi// yon tan sna tshogs dbul ba ni// sangs rgyas 'khor lo can gyi yon// rin po che dang nor gyi dbyig/ ji snyed yod pa thams cad ni// rin chen 'dzin gyi yon yin no// ma dang bran mo chung ma dang // sring mo shin tu brgyan pa dang // mo yi ming dang mtshan ma can// pad+ma can gyi yon yin no// glang po Na dang shing rta dang // khyogs ni rnam pa sna tshogs dang // theg pa'i bye brag thams cad kun// sna tshogs rdo rje'i yon yin no// sangs rgyas kun la dbul ba ni// sna tshogs sna tshogs ci yod dang // sna tshogs sna tshogs tshang ba dang // sna tshogs sna tshogs ma lus par// spyi yi dkyil 'khor dag tu dbul// dkyil 'khor dag ni de da tu/ sbas pa'i gsang ba'i dbang bskur na// gzungs pa de dang de dag la// yon yang de lta de ltar dbul// dbang mchog thob pa'i bu mchog
- 123a
mchog rtags dag sbyin par nges// dang por sems kyi gtan tshigs sbyin// gnyis pa phyag rgya bsgoms pa gtad // gsum par gsang ba'i nges don bshad/ bzhi par chos kyi glegs baM bshad// lnga par las bzhi'i rgya rtags sbyin// drug pa rin chen sna bdun nam// rdzas kyi khyad par can dag gam// yang na sna tshogs tshang bar sbyin// dbang mchog thob pa'i snga lhas kyis// rmi lam dag kyang 'gyur bar nges// rang gi sems la dbang thob dang // sna tshogs 'phrul pa lta// bu dang / 'gro gang dbang du 'dus pa dang // rdzu 'phrul dag gis 'gro ba dang // sal mi thogs chur mi 'bying // nam mkha' dag la bya bzhin 'phur// sems can ma po bsgral ba dang // g.yul ngo dag las rgyal ba dang / mthong na rdo rje 'dzin pa yi// dbang thob snga ltas yin par nges// lus kyi rdzu 'phrul thob pa dang // 'khor lo lag tu bcangs pa dang // sa bdag rgyal por gyur pa dang // rdo rje bla ma byed pa dang // 'gro ba gzhan la chos ston dang // rnal 'byor tshogs kyi bla ma dang / kun gyi khang dpon byed pa la// sogs pa'i me rnams mthong ba ni// 'khor lo can gyi dbang thob ltas/ rin chen tshogs spyod po dang // kha zas sna tsho
- 123b
za ba dang // rgyan dang bgo ba'i khyad par dang // de dag gzhan la'ang gtong ba dang // dam pa'i chos ni nyan sems dang // sna tshogs sgra rnams thos pa dang // sngon ma thos/ pa'i tshig thos dang // de la sogs pa'i rnam pa ni// rin chen rigs kyi dbang thob lhas// pad+ma'i rdzing la rtse ba dang // de la rtse zhing za ba dang // glegs bam zab mo rnyed pa dang // de la 'chad cing klog pa dang // 'gro ba dag la chos ston dang // dge slong dge 'dun rnams kyis bskor// de la sogs pa'i ltas rnams ni// / rdo rje chos kyi dbang thob yin// las rnams kun la 'jug pa dang // ral gri lag tu thogs pa dang // ri rab klad la bskyor ba dang // nyi zla lag pas gzung ba dang // gso dang gsad dang rgyal ba dang // theg pa rnams la zhon pa dang // de la sogs pa'i ltas rnams ni// sna tshogs rdo rje'i dbang tho ba ltas// rmi lam mtshan ma ji snyed pa// ji ltar rmis shing mthong ba'am// yang na ci yang ma mthong ngam// mngon sum gsang ba thams cad kun// spyi yi dbang thob ltas su rung // gang zhig dkyil 'khor 'di dag tu// zhugs nas gang zag dbang thob ste// 'jig rten gtso dang 'khor gyis bkur// tshe ring bde
- 124a
ba phun sum tshogs// kun gyis bstod cing bkur ba dang // sdug cing bsngags pa brjod pa dang // nad med lang tsho bde ba dang // 'jig rten mthu chen 'dul ba dang // sangs rgyas kun gyi sras su dgongs// rgyal sras rnams kyis grogs su mthong // de la sogs pa bsam mi khyab// sangs rgyas dag ni thams cad kyi// sku yi dkyil 'khor bkod pa las// snang ba mtha' yas thob par 'gyur// gzhan yang sangs rgyas thams cad kyi// yi ge gsung gi dkyil 'khor ni// ji bzhin dkyil 'khor bris pa'am// yi ge gsung gi phyag rgya'i tshogs// ji bzhin gsal bar bkod pa yis// dkyil 'khor dag tu slob ma rnams/ zhugs pa'ang ni de bzhin no// gzhan yang sangs rgyas thams cad kyi// thugs kyi dkyil 'khor dam pa ni// ji bzhin dkyil 'khor bris nas kyang // so so'i rang rtags phyag mtshan rnams// ji bzhin gnas su bkod pa ru// zhugs pa la sogs byas na yang // yon tan de dang 'dra ba thob// sku dang gsung dang thugs kyi rnams// gcig la'ang gsum gsum yod pa yin// de bas rnal 'byor blo ldan pas// nges pa med par shes bya'o// zhes gsungs so// rgyud kyi rgyal po
- 124b
chen po de bzhin gshegs pa thams cad kyi gsang ba dur khrod khu byug rol pa'i mdo las/ sku dang gsung dang thugs kyi gzugs brnyan gyi dkyil 'khor rim pa bshad pa'i le'u ste gsum pa'o// // da nas rgyal po rdo rje 'dzin// thams cad mi 'gyur nam mkha' che// rnam dag gsung mchog rgyal po des// gsung ni 'di skad bka' stsal to// rdo rje thig ni gdab pa dang // tshon rtsi dag ni dgye ba yi// brnyan ma yi ni dkyil 'khor de// rnal 'byor sems dpas mi bya'o/ byas na dngos grub rnyed par dka'// de bas ting 'dzin nan tan bsgoms// nam mkha'i rdo rje dbus gnas par// dbang chen dkyil 'khor bsgom par bya/ gzhal yas ma 'od 'bar ba bsgom// 'khor lo rgyan dang rol mo'i tshogs// der ni rang sngags bdag po bsgom// nam mkha'i dbyings kyi dbus su ni// rdo rje'i dkyil 'khor bsgom par bya// rang sngags rdo rje can gyi gzugs// bsgoms na rdo rje can du 'gyur// nam mkha'i dbyings kyi dbus su ni// sangs rgyas dkyil 'khor bsgom par bya// rang sngags 'khor lo can gyi gzugs// bsgoms na 'khor lo can du 'gyur// nam mkha'i dbyings kyi dbus su ni// rin chen
- 125a
dkyil 'khor bsgom par bya// rang sngags rin chen can gyi gzugs// bsgoms na rin chen 'dzin par 'gyur// nam mkha' dbyings kyi dbus su ni// pad+ma'i dkyil 'khor bsgom par bya// rang sngags pad+ma can gyi gzugs// bsgoms na pad+ma can du 'gyur// nam mkha' dbyings kyi dbus gnas par// las kyi dkyil 'khor bsgom par bya// rang sngagase ral gri can gyi gzugs// bsgoms na las kyi sems dpar 'gyur// nam mkha'i dbyings kyi dbus gnas par// sangs rgyas kun gyi dkyil 'khor bsgom// sngags kyi bdag por rab bsgoms na// sangs rgyas kun dang mnyam par 'gyur// rab tu dben pa'i gnas dag gam// ri bo chu gling nags 'dab tu// ting 'dzin 'di dag bsgoms na ni// ji ltar 'dod pa'i dngos grub 'thob// rnal 'byor can gyis zla drug tu// bsgoms na de ni 'grub par 'gyur// glang po'i sha la sogs pa yi// sha lnga dgu la byin gyis brlab// zas phyir 'di dag bza' bya ste/ kha zas gzhan la chags mi bya// nam mkha'i dbyings kyi dbus gnas par// rang sngags yi ge'i rnam pa kun// ji bzhin bsgrubs na 'grub par 'gyur//
- 125b
nam mkha'i dbyings kyi dbus gnas par// rang gi thugs kyi mtshan ma rnams// ji bzhin rnam par bsgoms na 'grub// 'grub 'gyur 'di la the tshom med// rtse gcig pa yi ting 'dzin 'dis// gang 'dod las 'di byed pas na// cho ga rdzas dang yo byad rnams// tshogs na yang ni gtsor ma bshad// ma tshogs na yang nges par 'grub// de bas nan tan cher bskyed de// ting 'dzin dkyil 'khor bsgom par bya// dper na glang chen smyon pa dag/ 'dul thabs lcags kyus 'dul ba ltar/ rang sems dmu rgod gdul dka' yang // mnyam gzhag ting 'dzin rtse gcig gis// btul na dngos grub ya mtshan 'gyur// mtshan ma dag ni gzugs/ brnyan dang // lugs ma la sogs phyag rgya las// mtshan ma'i ting 'dzin bsgoms byas kyang // rang gi rnal 'byor mi 'byung ste// byang chub sems la gzhol ba'i mis// rang gi rnal 'byor lhar 'gyur ro// de bas nan tan rtse gcig gis// mtshan ma med la brtson par 'bad// ces gsungs so// rgyud kyi rgyal po de bzhin gshegs pa thams cad kyi gsang ba dur khrod khu byug rol pa'i mdo las/ ting 'dzin gyi dkyil 'khor gyi le'u ste bzhi pa'o// // de nas
- 126a
bcom ldan 'das gsang ba mchog gi bdag po la/ rdo rje yid kun tu bzang pos gsol pa/ bcom ldan 'das sangs rgyas thams cad kyi sngags dang phyag rgya rnams kyi mtshan nyid sems can thams cad la sman pa'i slad du bshad du gsol// bde bar gshegs pas bshad du gsol// de nas bcom ldan 'das gsang ba mchog gi bdag pos sngags dang phyag rgya 'di rnams bshad do// sems dpa' chen po nyon cig/ 'di ni sangs rgyas thams cad kyi// las gang bsgrub pa'i snying po yin// 'di la gang zhig dang mos pa// snang mdzad sems dpa' nyid dang 'dra bar 'gyur// oM bu d+d+ha ba ro tsa na oM// lag gnyis khu tshur bcangs pa las// g.yon pa mdzub mo bsgrang ba yi// rtsa gnyis g.yas pa'i khu tshur gyis// bzung ba rnam snang sems dpa'i rgya// rgya 'di bcings pa tsam gyis su// sangs rgyas sras dang bcas pa kun// rab tu dgyes shing mnyes par 'gyur// byang chub mchog tu gdon mi za'o// gzhan yang rdo rje 'dzin pa yi// gsang ba'i sngags ni 'di yin te// / badz+ra a ka sh+lo bya hU/ sems dpa'i skyil mo krung 'dug nas// lag g.yon mnyam par gzhag bya ste// g.yas pa sa gzhi gnon pa'i tshul// rdo rje mi 'khrugs phyag rgyar
- 126b
bshad/ sngags dang phyag rgya 'di yis ni// sangs rgyas grags pa chen po yang // rab tu 'dar zhing skrag par 'gyur// bdud rnams tshar gcod skrag par 'gyur// gzhan yang rin chen 'dzin pa yi// gsang ba'i snying po 'di yin no// rat+na mal traM/ mi 'khrugs phyag rgya de nyid las// g.yas pa mchog sbyin byed pa ni// rin chen 'dzin pa'i phyag rgya yin// sngags dang phyag rgya 'di yis ni// bden pa'i mchog rnams sbyin par byed// dgang dka' ba yang rab 'gengs na// bkren pas phyug po smos ci dgos// gzhan yang chos kyi sems dpa' yi// gsang ba'i sngags ni 'di yin no// pad+ma de hri/ phyag rgya gong ma de nyid las// lag gnyis bsam gtan tshul du bya// pad+mo sems dpa'i phyag rgya yin sngags dang phyag rgya 'di yis ni// sangs rgyas grags pa chen po kun// dbang du gyur par gdon mi za// khams gsum skye ba smos ci dgos// gzhan yang las kyi sems dpa' yi/ gsang ba'i sngags ni 'di yin no// badz+ra a mo gA si ti a/ phyag rgya gong ma de gnyis las// mi 'jigs sbyin par byas pa ni// las kyi sems dpa'i phyag rgya yin// sngags dang phyag rgya 'di yis ni// las rnams thams cad byed par 'gyur// de nas gzhan yang bshad bya ba// dbyings phyug ma yi sngags 'di yin// bud+ha lo tshan ste/ lag
- 127a
gnyis thal mo dam sbyar nas// spyi bo'i gtsug tu bzhag pa ni// dbyings phyug ma yi phyag rgya yin// sngags dang phyag rgya 'di yis ni// drag po gtum po'ang lhan nar 'gyur// oM ga gA na hu/ thal mo khong stong du sbyar te// mdzub mo gnyis gdu bu ltar byas te// mthe bong rtse mo mig gi tshul// rdo rje dbyings phyug ma yi rgya// sngags dang phyag rgya 'di yis ni// sangs rgyas thams cad de gyes 'gyur zhing // las rnams grub par byed pa dang // shi yang sos par gdon mi za// o ki ri ki ma mA ki riraMhUM/ lag gnyis rdo rje bcings pa las// gung mo gnyis bsgreng ba'i tshig gsum par// mdzub mo gnyis btsugs rdo rje'i tshul// ma mA ki yi phyag rgya yin// sngags dang phyag rgya 'di yis ni// bsrung ba'i las kun byed pa ste// 'di yis bsrung bar byas pa na// sangs rgyas kyis kyang mi tshugs so// oM ga de ga de byig te kha tang kha te// swA hA/ lag gnyis thal mo khong stong du// pad+ma kha bye'i tshul byas la// pad+ma dbyings phyug ma yi rgya// sngags dang phyag rgya 'di yis ni// chos mdzod chen po thob par 'gyur// oM ta re tut+tA re swA hA/ thal mo khong stong sbyar ba las// mdzub gnyis bkug pa'i rtse mo yis// so so'i gung mo'i sen mo mnan// mthe ba gnyis dbus su bshad pa
- 127b
ni/ lus kyi dbyings phyug phyag rgyar ba shad // sngags dang phyag rgya 'di yis ni// sangs rgyas sems can thams cad kyang // dbang du 'gyur bar gdon mi za// sku gsung thugs kyi phyag rgya ba shad// de nas gzhan ba shad bya ba ni// sku gsung thugs kyi dbye ba ba shad// oM sarba ta thA ga ta kA ya sA b+ha wa at+ma ko haM/ lag ni khu tshur bcangs pa las// mthe ba gnyis gyen du bteg pa ni// bde gshegs kun gyi sku yi rgya// sngags dang phyag rgya 'di yis ni// gang la byin gyis brlabs pa de// rdo rje lta bu'i / skur 'gyur ro// oM sarba ta thA ga ta bA ka badz+ra swa b+hA ba Ad ma ko&haM/ phyag rgya gong ma de nyid las// g.yon gyi mthe bong nang bcug ste// g.yas pa'i mthe bong de bzhin bteg/ bde gshegs kun gyi gsung gi rgya// sngags dang phyag rgya 'di yis ni// gang la byin gyis brlab pa de// sangs rgyas kun gyi gsung du 'gyur// oM sarba ta thA ga ta tsit+ta badz+ra swa b+ha ba Ad ma ko& ha/ phyag rgya gong ma de nyid la sa// g.yon pa'i mthe bong nang bcug ste// g.yas pa'i mthe bong ba te ga pa ni// ba de gshag sa kun gyi thugs kyi rgya'o// sngags dang phyag rgya 'di yis ni// gang la byin gyis brlabs pa de// sangs rgyas kun gyi thugs su 'gyur// de la sogs te bsam yas
- 128a
mchog/ chos dbyings mnyam dang mi mnyam pa// nam mkha' dbyings kyi mthas klas pa// brjod med brjod du med pa yi// yon tan mtha' klas bsam mi khyab// ces gsungs so// rgyud kyi rgyal po de bzhin gshegs pa thams cad kyi gsang ba dur khrod khu byug rol pa'i mdo las/ sngags dang phyag rgya rnam par spro ba'i le'u ste lnga pa'o// // de nas rdo rje yid kun tu bzang po sa/ bcom ldan 'das gsang ba mchog gi bdag po la 'di skad ces bstod/ do// e ma ho rnam dag stong pa'i lam// sangs rgyas kun gyi sku yi mchog/ sna tshogs las byung khyod la 'dud// sangs rgyas kun gyi gsung gi mchog/ rnam dag sgra chen khyod la 'dud// sangs rgyas kun gyi blugs chen po// ye shes gtso la phyag 'tshal 'dud// sangs rgyas ye shes rdo rje can// rdo rje 'dzin la phyag 'tshal 'dud/ chos kyi 'khor lo rab bskor ba// sangs rgyas 'khor lo khyod la 'dud// nor bu 'dzin pa khyod la 'dud// pad+mo 'chang ba khyod la 'dud// sna tshogs las la phyag 'tshal 'dud// ces gsol ba btab bo// de nas bcom ldan 'das gsang ba mchog gi bdag po ni// de bzhin nyid la dmigs nas cad
- 128b
myi smra bar bzhugs so// de tshe rigs lnga'i bde bar gshegs// 'khor rnams rgya mtshor bcas rnams kyi// 'dul ba'i thabs ni sna tshogs kyis// 'gro rnams sna tshogs 'dul bar 'gyur// la lar sku yis don mdzad pa// 'gro rnams kun la sdig spong gzugs// sprul pas so sor 'dul ba ni// dmyal ba rnams la gshed pos 'dul// bkres pa rnams la kha' bar gzugs// dud 'gro rnams la seng ge'i gzugs// mi rnams kun gyi 'jig rten du// 'khor los sgyur rgyal gzugs lta bu// lha min rnams la thags bzangs gzugs// lha rnams la ni brgya byin gzugs// tshangs ris rnams la tshangs chen gzugs// chags bral rnams la dgra bcom gzugs// rang rgyal rnams la bas ru'i tshul// sa bcu'i byang chub sems dpa' la// sku ni rnam par snang mdzad tshul// 'gro rnams ji ltar 'dul ba la// 'thun byas sku ni sna tshogs 'dul// 'gro rnams ji ltar 'dul ba bzhin// chos kyi 'khor lo sna tshogs yin// lA lar sde snod gsum dag tu// bsdus nas chos kyi 'khor lo bskor// la lar gsung rab bcu gnyis so// la lar stong phrag brgyad cu bzhi// de dag 'thob pa'i rim par
- 129a
gsung / gti mug rmongs pa'i 'gro rnams la// sangs rgyas 'khor los 'khor lo bskor// zhe sdang can la rdo rje 'dzin// nga rgyal can la rin po che'i// 'khor lo bla na med pa bskor// 'dod pas 'chel ba'i 'gro gang la// pad+ma'i 'khor lo rab tu bskor// phrag dog pa yi las gang la// sna tshogs rdo rje'i 'khor lo bskor// 'gro ba'i skad rnams ji tsam par// de snyed sgra skad tha dad ston// la lar lhums su gshegs pa'i tshul// la lar lhums nas bltams par ston// la lar gzhon nu rol rtsed ston// la lar khyim pa lta bu'i tshul// la lar khab nas rab tu byung // lnga lar dka' thub dka' ba spyod// la lngar byang chub mchog sems bskyed// lo lAr bdud bzhi 'dul bar ston// la lar rdo rje gdan la gshegs// la ler byang chub shing dbang drung // la lar bskul ba'i sa la bzhengs// lnga lar rnam pa bcu gnyis so// ldan gsum dag tu 'khor lo bskor// la lar cho 'phrul chen po ston// la lar mya ngan 'da' tshul ston/ la lar sku gdung ring bsrel ston// la lar chos kyi glegs bam ston// la lar phyi rol 'byung ba las// chos dang mthun pa'i sgra skad 'byung // la
- 129b
lar mu stegs lta bu'i tshul// la lar 'jig rten bsam gtan bsgom// la lar sa bcu rim gyis 'byung // la lar spyan lnga rnam par dag/ la lar mngon shes pha rol phyin/ la lar khyab 'jug dbang phyug che// la lar 'jig rten skyong ba'i tshul// 'gro rnams ji ltar 'dul ba bzhin// byin rlabs cho 'phrul de ltar bstan// de tshe 'gro/ rnams thams cad kyang // las kyi stobs kyis dbang gyur pa// log pa can gyi ru tra rnams// log lha mthu snyems ma gtogs pa// sangs rgyas bstan la dad pa 'gyur/ byang chub spyod sgo ji snyed pa// de snyed 'bras bu bde la bkod// de nas dkyil 'khor der 'dus pa'i byang chub sems dpa' rnams ngo mtshar du gyur te/ rdo rje yid kun tu bzang po la 'di skad ces gsol to// e ma ho rdo rje kun tu bzang // ngo mtshar khyod la phyag 'tshal 'dud// e ma ho gsang sngags ya mtshan che// e ma ho ston pa'i cho 'phrul che// e ma ho ngo mtshar rdzu 'phrul che// e ma ho sngags kyis mi 'dul med// de ni ngo mtshar ya mtshan no// zhes gsol pas/ rdo rje yid kyis bka' stsal pa/ rigs kyi bu khyod chur nyon cig/ gsang ba'i theg pa 'di nyid la// su zhig mos pa'i skyes bu des// mi bya ba ni gang yang
- 130a
med/ mi 'grub pa ni gang yang med// rtag tu gsod la brtson pa dang // ma byin len dang mi tshangs spyod// rdzun dang ngag rtsub smra ba dang // zlas su sha dang bshang gci dang // rnag khrag dron po 'thung ba dang // ngan zos ngan spyod zlums cad kyi// gsang ba 'di nyi 'grub par 'gyur// pha dang khu bo ma po dang / bu dang spyan dang mdza' bo rnams// zhe sdang sems kyi bsad byas na// rdo rje rigs kyi zhing du 'khrung // ma dang sring mo bu mo dang // gdol pa mo dang phyal ba la// 'dod pa'i sems kyis sbyar byas na// pad+ma'i rigs su nges par skye// zhes gsungs pas// byang chub sems dpa' de dag skrag ste rab tu brgyal bar gyur to// de nas yang rdo rje yid kun tu bzang pos/ bcom ldan 'das gsang ba mchog gi bdag po la bltas te/ bcom ldan 'das byang chub sems dpa' de dag slar gso bar gsol ces pa dang / bcom ldan 'das kyis byang chub sems kyi 'od zer zhi zhing 'khyil bas de dag la bstim ste byin gyis brlab pa mdzad do// de nas/ byang chub sems dpa' de dag slar dran pa rnyed de/ bcom ldan 'das gsang ba mchog gi bdag po'i zhal du mig mi 'dzum par bltas te 'khod do// de nas bcom ldan 'das
- 130b
gsang ba mchog gi bdag pos 'di skad ces bka' stsal to// rigs kyi bu dag rang rang gi 'du shes ngan pa de dag thong zhig/ byang chub spyod pa'i gnas 'di yin// thams cad nam mkha'i mtshan nyid de// nam mkha' la yang mtshan nyid med// de nyid 'jig rten sna tshogs te// phyag rgya'i tshogs tshon de nyid do// chos kun sgyu mas dbang sgyur bas// de la dngos po ga la yod// ci spyod ci bsgoms ci bsgrubs kyang // byang chub nyid de ltung gnas med// dmyal bya'i gnas nyid bla med gnas// sdug bsngal nyid kyang byang chub la// 'khor ba nyid kyang mya ngan 'das// sgrib pa nyid ni mngon sangs rgyas// nges don de la 'dud par sbyor// zhes gsungs pas/ byang chub sems dpa' de dag som nyi dang bral nas rang rang gi de bzhin nyid la dmigs nas cang mi smra bar 'khod do// rgyud kyi rgyal po de bzhin gshegs pa thams cad kyi gosang ba dur khrod khu byug rol pa'i mdo las/ thugs rjes 'dul ba'i le'u ste drug pa'o// // de nas bcom ldan 'das rigs lnga'i bde bar gshegs pa la sogs pa thams cad dgongs pa gcig tu gyur te/ log pa'i lam la mngon par 'chel pa/ mngon pa'i nga rgyal gyi mthu bsnyems nas sangs rgyas kyi bstan pa mngon
- 131a
par ma dad pas/ 'jig rten phung bar byed pa rnams zhi bas phan pa'i skabs lam bab ste/ rol pa'i mdzad spyod kyis 'dul bar gzigs nas bcom ldan 'das gsung ba mchog gi bdag po la 'di skad ces gsol ba btab// e ma ho/ log pa'i lam gyis mnar ba la// zhi bas phan par mi 'gyur te// 'o dod 'bod par ltung bar 'gyur// shin tu khro gtum gdug pa la// ye shes khros pas 'dul bar 'gyur// de bas mngon par 'du mdzad rigs// zhes gsol pas/ bcom ldan 'das gsang ba mchog gi bdag po sa gsol ba btab pa de thugs su chud nas/ hUM hUM hUM zhes pas rigs lnga'i bde bar gshegs pa la sogs pa'i 'khor thams cad rang gi thugs kar bsdus te gnyis su med pa'i dbyings su mi snang bar mdzad do// gnas kyi dkyil 'khor la sogs pa thams cad kyang nyid kyi sku la bsdus te mi snang bar mdzad do// de nas/ hUM badz+ra kro d+ha ma hA rA dza phaT/ ces pa'i sgra brjod cing khro bo chen po'i tong nge 'dzin la snyoms par zhugs te/ khros pa'i skur mngon par 'du mdzad de/ dbu dang / phyag dang / zhabs stong khams kyi rdul snyed mtha' yas snang ba'i thugs ka nas/ rig pa'i bruM smug nag las/ rlung nag rdo rje'i dkyil 'khor la brten pa'i khrag gi rgya mtsho 'khrug pa'i dkyil na keng rus
- 131b
chen po ri rab 'bar ba'i steng na/ drag po e'i gzhal yas khang nam mkha'i rgya dang mnyam pa/ 'bar ba'i 'phro bas 'khrug pa'i glong du 'khyil bar gyur to// de nas/ oM badz+ra ma da kro d+hi/ zhes brjod pa/ de bzhin nyid kyi dbyings las khro mo dbang phyug ma mngon du phyung ste gnyis su med pa'i byang chub kyi sems las/ hUM hUM hUM bi shwa kro d+ha dz+wa la man+t+ra phaT phaT phaT ha la ha la ha la/ zhes brjod pas/ phyogs bcu'i sangs rgyas thams cad zhe sdang rdo rje'i sku rjes su dran nas/ 'jig rten drug gi phyogs mtshams thams cad khro bo 'chol pa'i dkyil 'khor gyis gang bar gyur to// de'i tshe 'jig rten drug gi phyogs mtshams thams cad g.yos/ rab tu g.yos/ kun tu rab tu g.yos so// 'khrugs/ rab tu 'khrugs/ kun tu rab tu 'khrugs so// tshig/ rab tu tshig kun tu rab tu tshig go/ 'thor/ rab tu 'thor/ kun tu rab tu 'thor ro// de'i tshe 'jig rten phung bar byed pa'i dregs pa chen po dang / brgya byin dang / tshangs pa dang / ma hA de ba dang / khyab 'jug rnams rang rang gi che ba ston cing shin tu khro ga tum mo// de nas 'jigs byed chen pos/ hU hUM hU badz+ra kro d+ha sarba big+ha nan ba hU~M hUM/ zhes brjod pas/ khro bo 'chol ba de dag gis phyogs bcu'i dregs pa bsgral nas slar 'dus te/ sras mchog rdo rje gzhon nu'i sku mthong nag dmar nag ljang nag gi tshul gyis rngam pa/ phyag drug zhabs
- 132a
bzhi stang stabs tshul du bgrad pa/ rdo rje'i gshog pas gtams pa/ sangs rgyas lnga dbu la rdzogs shing skra kham nag gyen du khyil pa/ dpal gyi chas dur khrod kyi rgyan gyi sa brgyan pa/ stod rdo rje'i go cha la smad khro bo'i phur pas gtams pa/ me 'bar ba'i dkyil na yum ral gcig ma dang 'khril ba'i tshul gyis gnas cig tu gyur te/ bka' nod pa'i tshul du gnas shing / dreg pa kun zhabs 'og tu brdzis te gnas pa las/ khros pa'i rgyal por dbang bskur ba'i phyir/ hU badz+ra kro d+ha badz+ra/ hU dz+nyA na badz+ra/ zhes brjod nas/ las kyi rdo rje rtse dgu pa ni g.yas dang por byin/ ye shes kyi rdo rje rtse lnga pa ni g.yas bar mar byin te bskur ro// de nas dregs pa de brlang po gtu mchog smra zhing nga rgyal gyis mthu ston pa la/ lag cha kha TA kha phyag g.yon gyi bar mar phrogs nas rgyal rtags su bsnams pa'o// de nas yang khrag 'thung chen pos rdo rje khro bo'i phur pa'i ting nge 'dzin la snyoms par zhugs nas khro bo'i phur pa nyid kyi sku dang / gsung dang / thugs rdo rje las 'thon to// hUM bud d+ha kro d+ha kI li kI la ya sarba big+h+na nan ba hu hUM phaT/ badz+ra kI li kI la ya sarba big+h+nA nan baM hUM hUM phaT/ rat+na kI li kI la ya sarba bi g+ha nan baM hU hUM phaT/ pad+ma kI li kI la ya sarba big+h+na nan ba hU hUM phaT/ karma kI li kI la ya sarba
- 132b
big+h+nA nan baM hU hUM phaT/ ces pas khrag 'thung khro bo las kyi phur pa dang / rdo rje khro bo las kyi phur pa dang / rin chen khro bo las kyi phur pa dang / pad+ma khro bo gas kyi phur pa dang / 'phrin las khro bo las kyi phur pa dang / sku stod zhal gsum phyag drug pa la/ sku smad lcags kyi phur pa drag po'i dbyings su snang ba/ dbu skra kham pa zur gsum gyi thabs su bsgreng ba/ dbu la rigs lnga'i gzhal yas khang dang bcas pa rdzogs pa/ thugs ka nas ye shes sems dpa' dang ldan pa// e'i gdan la sras mchog rdo rje gzhon nu'i sbyin snga na bka' nod pa'i tshul du zhugs so// de nas khrag 'thung chen pos 'di skad ces bskul lo// hUM/ mthing nag gru gsum drag po'i dkyil 'khor nas// rdo rje 'dus pa'i sras mchog kI la ya// mthing nag chen po gcer bu ral pa can// zhe sdang dregs pa can gyi snying la thob// ces pas sras mchog rdo rje gzhon nu'i phyag tha mi gnyis kyis khrag 'thung khro bo las kyi phur pa'i ske nas gzung ste/ dregs pa chen po mo zhabs 'og tu mnan pa'i snying la gzir te bsgral lo// de nas yang khrag 'thung chen pos 'di skad ces bskul lo// hU/ gru gsum smug nag drag po'i dkyil 'khor nas// sangs rgyas 'dus pa'i sras mchog kI la ya//
- 133a
smug nag chen po gracer bu ral pa can// gti mug drags pa can gyi snying la thob// ces pas yang sras mchog rdo rje gzhon nu'i phyag tha ma gnyis kyis rdo rje khro bo las kyi phur pa can gyi ske nas gzung ste/ tshangs pa pho mo 'khor dang bcas pa bsgral lo// de nas yang khrag 'thung chen pos 'di skad ces bskul lo hUM/ gru gsum ser nag 'bar ba'i dkyil 'khor nas// rin chen 'dus pa'i sras mchog kI la ya// ser nag chen po gcer bu ral pa can// nga rgyal dregs pa can gyi snying la thob// ces pas yang sras mchog rdo rje gzhon nu'i phyag tha ma gnyis kyis rin chen khro bo las kyi phur pa'i ske nas gzung ste/ brgya byin pho mo 'khor dang bcas pa bsgral lo// de nas yang khrag 'thung chen pos 'di skad ces bskul lo// hUM/ gru gsum dmar nag 'bar ba'i dkyil 'khor nas// pad+ma 'dus pa'i sras mchog kI la ya// dmar nag 'jigs pa'i gcer bu ral pa ca na// 'dod chags dregs pa can gyi snying la thob// ces pas sras mchog rdo rje gzhon nu'i phyag tha ma gnyis kyis pad+ma khro bo las kyi phur pa'i ske nas gzung ste/ ma hA de ba pho mo 'khor dang bcas pa bsgral lo// de nas yang khrag 'thung chen pos
- 133b
'di skad ces bskul lo// hUM/ gru gsum ljang nag 'bar ba'i dkyil 'khor nas// karma 'dus pa'i sras mchog kI la yA// ldang nag chen po gcer bu rnal pa can phrag dog dregs pa can gyi snying la thob// ces pas yang sras mchog rdo rje gzhon nu'i phyag tha ma gnyis kyis 'phrin las khro bo las kyi phur pa'i ske nas gzung ste/ khyab 'jug pho mo 'khor dang bcas pa bsgral lo// de nas yang khrag 'thung chen pos 'jigs byed rdo rje gzhon nu'i sku za byed du byin gyis brlab pa'i phyir/ dz+wa la raM ces pas me dpung dud kha' bar zhing 'phro ba phyag g.yon dang por phul te/ 'jigs byed rdo rje gzhon nus kyang me dpung dung kas drag po'i snying dang / nang khrol dang / phung po bsregs sbyangs te/ ha ha ha zhes zhal du gsol nas/ phung po lhag ma dang bcas pa dag par mdzad do// de'i tshe sras mchog rdo rje gzhon na ya ba yum ga nyis su med pa'i byang chub sems kyi sprin las// hUM hUM hUM hUM hUM hUM hUM hUM hUM hUM/ hUM hUM hUM hUM hUM hUM hUM hUM hUM hUM/ zhes brjod pas khro bo chen po hUM ka rA dang / rnam par rgyal ba dang / dbyug pa sngon po dang / gshin rje gshed po dang / mi g.yo mgon po dang / rta mgron dang / gzhan gyis mi thub pa dang / bdud rtsi 'khyil ba dang
- 134a
khams gsum rnam par rgyal ba dang / stobs po che rnams la/ khro mo rdo rje sgra 'byin ma dang / snyems ma dang / rdo rje sder mo dang / dur khrod ma dang / gtun khung ma dang / gtum mo dang / mda' snyoms ma dang / rlung 'byin ma dang / gsod ma dang / bskyod ma rnams 'khril pa'i tshul gyis 'thon te/ cha lugs ni dbu gsum// phyag drug/ zhabs drug tu 'thur du gtams pa/ gdug pa'i lag cha sna tshogs dang / gshog pa rdo rjes ga tams pa/ stong rdo rje'i go cha dang smad phur pa'i khro bos gtams pa/ dur khrod kyi rgyan dang ldan pa dag ste/ de dag gi 'khor na sprul pa'i 'phra men ma lcam dral dang / phag dang / smigs bu dang / stag dang / bya rgod dang / g.yag dang / rog dang / sha ba dang / thug pa dang / gzig dang / khwa dang / byi la dang / pu shud dang / spyang gi dang / khra dang / seng ge dang / pha wa nga dang / dom dang / sre mo dang dred dang / byi ba'i mgo can gyi tshogs sprul pa dang yang sbrul du bcas nas 'khod pa'i 'khor dag gis srid pa'i rlung mi shor bar gtams nas/ nyi zla dang / dbang po dang / me lha dang / gshin rje dang / srin po dang / klu dang / rlung lha dang / gnod sbyin dang / bgegs dang / sa bdag rnams 'khor dang bcas pa yang gong ltar
- 134b
bsgral lo// de nas dpal khrag 'thung chen po sa gsang ba rol pa'i ting nge 'dzin la snyoms par zhugs te/ hUM hUM hUM e a ra li ru lu ru lu hUM dza/ zhes brjod pas/ dregs pa chen po'i ma dang / bu mo dang / chung ma'i tshogs kyi gtso mo nyi shu rtsa brgyad 'khor grangs med pa dang bcas nas khrag 'thung chen po'i thad du yud tsam gyis 'dus so// 'dus nas kyang nyid kyi sku la 'khril ta dgyes pa'i sprin la sa ha ha zhes brjod pas/ dkar mo dang / rkan mo dang / spos mo dang / gtu ma mo dang / rmongs mo dang / ro langs ma dang / thal byed ma dang / sme sha can rnams re re la yang tshogs bsam gyis mi khyab pa rnams dang / rang rang gi lag cha dang / stan dang chas te 'bar ba'i dkyil 'khor du 'khod do// de nas yang dgyes pa'i sprin las he ha zhes brjod pas// seng gdong ma dang / stag gdong ma dang / wa gdong ma dang / khyi gdong ma dang / bya rgod gdong dang dur bya'i gdong dang / bya rog gi gdong dang / 'ug pa'i gdong rnams re re la yang tshogs bsam gyis mi khyab pa dang bcas pa rang rang gi lag cha dang / stan dang chas te dkyil 'khor du 'khod do// yang dgyes pa'i sprin las phaT ces pas/ rtagadong dang / phag gdong dang / seng gdong dang / sbrul gdong ma rnams re re la yang
- 135a
bsam gyis mi khyab pa rnams dkyil 'khor gyi sgo sgor 'khod do// de nas ma mo de dag kyang phaT phaT ces brjod pas/ rang rang gi gnas ga la ba der yud tsam gyis phyin par bkye'o// de nas khro bo rnams phyag brang la bsnol te btsir bas mi gtsang ba'i rgya mtshor 'khyil te dran pa med pa las/ khrag 'thung chen pos thugs rje bdud rtsi 'byung ba'i ting nge 'dzin la snyoms par zhugs te/ snam las khro bo rdo rje sme ba 'thon te/ mi gtsang ba'i rgya mtsho rngabs pa las dran pa slar thob ste bden pa mthong ste/ dpal chen po'i 'bungs su mnas bor te/ lus khro bo rnams kyi gdan khrir phul te/ grub pa lang kar khas 'ches nas/ phyi rabs kyi rnal 'byor pa'i tshogs skyong bar dam bcas so// de'i tshe phyogs skyong ba rnams kyang khro bo rnams kyi zha bas 'og tu bzhag go// ma dang bu mo chung ma rnams kyang dpal gyi 'khor du phul te/ de dag gi dam tshig byin nas gzhal yas khang gi mu ran la bzhag go// rgyud kyi rgyal po de bzhin gshegs pa thams cad kyi gsang ba dur khrod khu byug rol pa'i mdo las dregs pa btul ba'i le'u ste bdun pa'o// // de nas bcom ldan 'das gsang ba mchog gi snying po des nyid kyi dkyil 'khor 'di dag thugs ka
- 135b
nas phyung ngo // dur khrod dag dang ngam grog gnas// rkang gcig sum stong khang stong du// rdo rje drag po'i dkyil 'khor bya// 'bar ba'i 'khor lo rtsibs brgyad pa// gru chang bzhi yis rab tu brgyan// gru chud sgo khyud bzhi dang ldan// 'bar ba'i bar khyams gnyis kyis mdzes// dbus kyi lte ba zlum po la// thig bzhi maN+Dal brgyad du bya// de dag la ni mthing nag gi/ gru gsum me 'od 'bar bar bya// dbus su dregs pa'i gdan dag la// rdo rje gzhon nu yab yum dgod// spyan snga nyid dang phyogs bzhi ru// gru gsum me 'od 'bar ba la// sras mchog phur pa lnga po dgod// rnam rgyal gshed po rta mgrin dang // bdud rtsi 'khyil pa nyid dang bzhi// dri za gshin rje klu bdud dang // gnon sbyin gdan la rtsibs dag las// phyogs bzhi dag tu gzugs dang bcas// mtshams kyi 'khor lo dag la ni// khams gsum rnam rgyal dbyug sngon can// mi g.yo gzhan gyis mi thu ba rgyal// bgegs dang drang srong srin po dang // rlung lha'i gdan la brkyang bskum tshul// rang rang khro mo dag dang 'khril// mdun dang rgyab tu hU dang ni// stobs chen gzungs dang bcas pa dag/ tshangs pa dang ni sa bdag gi/ gdan la brkyang bskum tshul du gnas// nang dang phyi yi gra rnams su// phyi nang lha mo
- 136a
bcu drug kyang // rang gi stan dang lag char ldan// ngo mtshar stobs dang ldan par dgod// phyi rol me khyams drang po la// pho nya'i dpung tshogs nyi shu ni// gcig la'ang gsum gsum drug cur dgod// sgo bzhi dag tu sgo srungs dgod// phyi rol me khyams bar ma'o// slas dang byi mo'i tshogs kyi gtso// bcu gnyis dang ni/ brgyad kyis bskor// dur khrod thod pa dgu nang du// tshal chen me mar kha dgu ga tang // rdo rje sha chen thang mar bdal// dmar gyi rak+ta rgya mtshor bskyil// rus pa 'i phung @po ri ltar spungs// gsur chen dud pa rgyun mi gcad// phyogs bzhi mtshams brgyad dag tu yang // stag dang shun chen chu srin gyi// rgyal mtshan brgyad ni 'bar bar gzugs// zhing lpags g.yang gzhi sprin la gtibs// de la sogs pa'i rgyan gyi rnams// ci rigs par ni dgod par bya// 'bar ba'i tshogs kyi mtshan ma bdag po rnams// rang rang skos su gzhag par bya// mtshan ldan ban d+ha lcang lo can// dbang po lnga dang ldan par ni// gtso bo ya ba yum mtshan mar gzhag/ dur khrod rkang gi phur pa lnga// sras mchog phur pa'i mtshan mar dgod// thod pa'i dum bu bcu drug ni// lha mo bcu drug mtshan mar gzhag/ yan lag ne'u sug thams cad ni// khro bo khro mo rnams kyi rdzas// so
- 136b
dang sen mo ba spu rnams// pho nya rnams ni mtshan mar gzhag/ sgal tshigs la sogs rdzas kyi rnams// ci bgyi tshogs kyi rdzas su gzhag/ yan lag bzhi yi mtshan ma ni// sgo bzhir sgo srungs rnams kyi mtshan// so so gsung gi yig 'bru rnams// rang rang rigs pa'i mtshan ma la// yab yum byang chub sems kyi bri// bla ma lung ldan des kyang ni// khros pa drag po'i rnal 'byor bya// dbang ldan phyogs kyi gra la yang // 'bru ba khung las kyi dkyil 'khor bya// hom khung drag po'i dbyibs 'dral// rtse mo lho yi phyogs su bstan// hu dang phaT kyis bskor bar bya// dus la bab pa'i sems can de// las la bab pa'i rnal 'byor pas// mtshan ma ming du bcas par bya// mgo ni lho nub mtshams su bstan// / rkang pa byung shar mtshams su bstan// hom khung nang du gzhug par bya// khro bo'i phur pa mang po kun// grwa yi phyogs su spungs te ga zhag/ de nas gdeng ldan rnal 'byor des// rdo rje spyug pa blangs nas su// khrag 'thung tshogs kyi sprin phung rnams// rdo rje g.yab mos spyan drangs te// gnyis med bstan par bstim nas ni// rmad du byung ba'i mchod pa brtsam// 'dod pa'i yon tan lnga yis mchod// mnyes nas nye bar grub pa dang // rdo rje slob dpon brnyas byed dang // bla ma spun la 'khu byed dang //
- 137a
gsang ba'i theg pa smod pa dang // sangs rgyas bstan pa 'jig pa dang // rgyal khams yongs la gnod pa dang // rnal 'byor spyi yi dgrar gyur pa/ brnag pa'i nan tur bya ba ni// khro bo sum b+ha'i sbyor ba'am// yang na lcags kyu'i rnal 'byor gyis// nyin mtshan gung la rab bkug ste// de yi rnam shes rlung 'dra ba// mtshan ma ming du bcas pa la// srin po ma khyer 'drar bcug ste// gzugs la phab ste sgrog gis bcing // de nas mngon sum gyur pa dang / lce pog nag pa'i dud pas bdug/ 'gro ba'i lha dang dpral ba gces// de lus tsha ba bskyed pa'i phyir// lus la ske tshe dug gis dgang // rdo rje drag po'i phur pa yis// lte ba snying mgrin dpung mgo dang // gsang gnas yan lag lnga la gdab// yungs kar mtshon tsha'i char gyis dbab// de nas mtshan ma'i dngos gzhi des// drag po hom gyi dkyil 'khor du// tsher ma can gyi me spar te// mtshon cha rab tu rnon po yis// rkang pa ga yas g.yon gang yin nas// rdul du gtub cing sreg sbyang bya// lha yi tshogs la thim par dbul// sangs rgyas nyid kyang 'jig 'gyur na// 'jig rten pa lta smos ci dgos// zhes gsungs so// rgyud kyi rgyal po de bzhin gshegs pa thams cad
- 137b
kyi gsang ba dur khrod khu byug rol pa'i mdo las/ las drag po'i dkyil 'khor bstan pa'i le'u ste brgyad pa'o// // de nas bcom ldan 'das gsang ba mchog gi bdag pos de dag gi sngags dang phyag rgya rnams bshad do// oM shri badz+ra kro d+ha ku ma ra yag sha hUM/ khros pa'i stabs su gnas nas su// lag g.yas rdo rje gdengs pa yis// lug g.yon phur pa 'debs pa'i tshul// brkyang bskum tshul du gnas bya ba// khrag 'thung chen po yin par bshad// sngags dang phyag rgya 'di yis ni/ sangs rgyas rdo rje 'dzin pa yang // rab tu brgyal te 'chi 'gyur na// khams gsum skye bo smos ci dgos// oM badz+ra kro d+ha e ka dza Ti hU dza// khro mo'i stangs su gnas byas te// g.yas pa thabs kyis gtso la 'khyud// g.yon pa dung dmar gtso la stob// 'di ni khros pa'i rgyal mo ste// sngags dang phyag rgya 'di yis ni// sangs rgyas grags pa chen po yang // mnyes shing dbang du gyur par nges// oM badz+ra kI li kI la ya sarba big+ha nan baM hUM phaT/ rkang pa mthil sbrang thur du gzugs// g.yas/ pa sta re gyen du phyar// g.yon pa phur pa 'debs tshul bzlas// bcu thabs zur gis gnan cing lta// 'di ni sras mchog phur pa ste// sngags dang phyag rgya 'di
- 138a
yis ni// lan gsum drug tu bzlas pa yis// sangs rgyas nyid kyang 'chi 'gyur na// khams gsum skye bo smos ci dgos// oM badz+ra kro d+ha hu ka ra hUM gardza gardza hU phaT/ lag gnyis thal sbyar gyen du bsgrung // rkang pa mthil sbyar thur du btsugs// rol pa'i stabs kyi kar byed pa// hUM chen gyis ni yin par bshad/ sngags dang phyag rgya 'di yis ni// sangs rgyas nyid kyang 'gug 'gyur na// bu mo rnams lta smos ci dgos// oM badz+ra kro d+ha bi dza kro d+ha ya hU ha na ha na hU phaT/ lag g.yon khro mdzub snying khar gzhag/ g.yas pa lcags kyu ltar byas// spyan bzlog stangs kyis lta ba ni// rnam par rgyal ba'i yin par bshad// sngags dang phyag rgya 'di yis ni/ rlung dang chu chen 'khrug pa yang // bzlog par 'gyur te gdon mi za// ci yang ci yang phyir zlog byed// oM badz+ra kro d+ha nI la da na Da hUng had he hUM phaT/ g.yon pa khro mdzub snying khar bstan// g.yas pa becon tshul du gdengs// rdeg tshul thabs su gnas pa ni// dbyug pa sngon po yin par bshad// sngags dang phyag rgya 'di yi ni/ rdo rje'i brag kyang 'joms par nus// gsad pa'i las la lhag par 'jebs// oM badz+ra kro d+ha ya mnA ta ka huM pa tsa pa tsa hU phaT/ lag gnyis khu tshur bcangs pa
- 138b
las/ gung mo srin lag gnyis bsgrengs te/ gung mo gtso bo'i tshul du bya// rgyab tu srin lag bsnol ba las// mdzub gnyis gdu bu'i tshul du dkri// mthe ba/ gnyis rtse sprad mdun gzhag ste// kha yi tshul du byas pa ni// gshin rje 'joms pa'i yin par bshad// sngags dang phyag rgya 'di yis ni// rdo rje dgug dang gsad pa ni// bskams dang dbye dang bskrad par 'gyur// o bo dz+r-i kro d+ha ar+ya a tsa la hUM ban d+ha ban d+ha hUM phaT/ lag pa gnyis kyi mtheb mo yis// smin lag mthe'u chung sen mo mnan// mdzub mo gung mo rab gri ltar// shugs nas phyung bar byas pa ni// mi g.yo mgon po yin par bshad// sngags dang phyag rgya 'di yi ni// lha klu la sogs mngag gzhug byed// log 'dren bgegs tshogs phrad cing skrag/ oM badz+ra kro d+ha ha ya grI ba hUM hu lu hu lu phruM phaT/ rdo rje khu tshur gnyis bcangs te// mthe'u chung lu gu rgyud du mdud/ mdzub mo gshibs te bsgrengs pa las// bzlog ste dpral bar gzhag pa ni// rdo rje rta yi yin par bshad// sngags dang phyag rgya 'di yis ni// dug rnams thams cad 'joms par 'gyur// ser ba la sogs bzlog pa dang // 'jigs pa kun las thar par byed// oM badz+ra kro d+ha a pa rA dziHhU~M tiSh+Tha tiSh+Tha hUM
- 139a
phaT/ lag gnyis khu tshur bcangs pa las// rgyab sprad mthe'u chung lu gu rgyud// mdzub gnyis rtse sprad gzhag pa'i tshul// gzhan gyis mi thub yin par bshad// sngags dang phyag rgya 'di yis ni// sangs rgyas byang chub sems dpa' yang // rab tu 'jigs shing skrag par 'gyur// gdon rnams thams cad gzir bar byed// oM badz+ra kro d+ha a mri ta kuN+Da li hUM ts+tshi na d+hats+tshi na hU phaT/ lag pa gnyis kyi mthe bong gis// mthe'u chung gnyis kyi se na ma mnan// so sor dpung mgor bsgrengs pa ni// bdud rtsi thal sbyor yin par bshad// sngags dang phyag rgya 'di yis ni// sangs rgyas byang chub sems dpa' yang // skrod par 'gyur te gdon mi za/ oM badz+ra kro d+ha trai lo kya bi dza ya hu b+h+r-in+da b+hin+da hU phaT/ lag gnyis khu tshur bcangs pa las// mdzub gnyis bsgreng ste ma khrig ma bsnol// khams gsum rnam par rgyal bar bshad// sdigs dang phyag rgya 'di yis ni// sangs rgyas byang chub sems dpa' yang // bcings par 'gyur te gdon mi za'o// oM badz+ra kro d+ha ma hA ba la hUM s+pho Ta ya s+pho Ta ya hUM phaT/ g.yon pa'i khu tshur snying khar gzhag/ g.yas pa brdeg pa'i stabs su phyar// stobs po che ru bshad pa yin// sngags dang phyag rgya 'di yis ni//
- 139b
/ then pa chen char 'bebs shing // char pa che na gcod par byed// oM badz+ra kro d+hi pa ya ba ti hUM/ lA se ki hUM/ pra ti dza hUM/ sta na ba ti hUM/ mu ha la hU/ tsan d+ha ya ti hUM/ sha bya ya ti hUM/ rig sha ya ti hUM/ mA ra na hUM/ tsin d+ha mu ne hu/ khro mo'i stangs su gnas nas su// g.yas pa thabs kyis gtso la 'khyud// g.yon pa ban d+ha ra ka ta gtso la stob/ khro mo kun gyi phyag rgyar bshad// sngags dang phyag rgya 'di yis ni// las rnams thams cad byed pa ste// so so khro mo'i las su bshad// gzhan yang sprul pa pho nya dang // ma mo ci bgyi la sogs kun// so sor sngags dang phyag rgya rnams// nges par med par rgyal bas gsungs// rgyud kyi rgyal po de bzhin gshegs pa thams cad kyi gsang ba dur khrod khu byug rol pa'i mdo las/ sngags dang phyag rgya'i le'u ste dgu pa'o// / de nas yang bcom ldan 'das gsang ba mchog gi bdag po des ting nge 'dzin rnam par 'phro ba 'di gsungs so// nam mkha'i dbyings kyi dbus gnas par// nyi ma'i dkyil 'khor bsgom par bya// de dbus bdag po'i gzugs bsams te// las rnams thams cad brtsam par bya// bka' yi 'khor lo rab sgyur bas// las rnams thams cad byed par 'gyur//
- 140a
de nas phur bu rgyun gyi ting nge 'dzin 'di gsungs so// gdeng dang ldan pa'i rnal 'byor pas// dang por dngos med byang chub sems// stong ba chen po'i ting 'dzin las// phur pa khros pa'i gzugs su rtag/ rgya mdud steng du gzhal yas khang // tshad dang rgya yongs ma chad pa// 'khor lo rgyan dang rol mo'i tshogs// zhing rnams gdan stengs gsal ba'i steng // khrag 'thung tshogs kyis brgyan par bsgom// de las sras mchog kI la ya// rgya mdung man chad khro bo'i lus// phur pa'i lha nyid gsal bar bsgom de nyid byin dang ldan pa'i phyir// oM hri phaTatsas yig 'bru gsum// spyi bo skyed pa rna mo la// sku gsung thugs su bsgom par bya// ye shes lnga yi yi ge lnga// oM dang A dang gus spyi bo ska dang snying kha dang // rked pa yan lag dag la ste// lag tu byin rlabs 'od kyi 'bru// spro dang bsdu ba'i yi ge ni// hUM gsum dang ni phaT gsum gyis// ngos gsum dang ni zur gsum la// rtse mo gcig tu bsgom par bya// g.yas g.yon thabs dang shes rab kyis// sor mo ya ba yum bcur bsgoms te// sbyor ba'i 'phrin las 'od 'phros pa sa/ mu tig dkar po dri med ltar// thim pas ldan byas 'og tu 'gyur// 'du byed lag gis byin gyis brlab// phyogs bcu rgyal ba yab yum gyi//
- 140b
gnyis med sbyor ba'i byang chub sems// bar ma chad pa de la bstim// des kyang byin chen 'dus par 'gyur// de nas sku gsung thugs nyid du// byin gyis brlab cing brtan bya ste// lag gnyis sor mo rgyab tu bsnol// gung gnyis gshibs te bsgreng pa yi// bar du phur pa 'dril byas te// rdo rje tshig tu brjod pa'i sngags// oM badz+ra sa twa rA dza hU/ des ni thugs nyid rdo rjer 'gyur// lag gnyis sor mo rtse sprad de// pad+ma lta bur byas pa yi// rting pas phur bu 'dril byas shing // rdo rje tshig tu brjod pA'i sngags// oM phur bu b+hu ba phaT/ des ni gsung nyid rdo rjer 'gyur// lag gnyis sor mo rgyu ba bsnol te// mthe bong gzhibs pa'i cheng pa ru// rdo rje phur bu 'dril byas shing rdo rje tshig tu brjod pa'i sngags// oM ha na ha na ti ba ta tsakra hUM phaT/ des ni lus nyid rdo rjer 'gyur// de nas phur bu mchod pa rgyun gyi ting nge 'dzin 'di gsungs so// e yi gdan la bzhugs pa yi// khros pa'i rgyal po de nyid la// yungs kar rgyal po sa brdeg bya zhing // rtse gcig rdo rjer byin gyis brlab// lag mthil g.yas su sbyar ba yi// gu gul dud pa'i sprin phung gis// bdugs te mchod pas mchod par bsgom// phyi nang mchod pa ci 'byor pas// mchod de las rnams bsgo
- 141a
bar bya'o// de nas bzlas pa rgyun gyi ting nge 'dzin 'di gsungs so// bdag nyid dang por rnal 'byor te// snying khar nyi ma'i dkyil 'khor la// mthing nag 'bar ba'i hUM bsgoms te// sngags kyi yi ges rab skor bar// phur bu la'ang de bzhin te// rang sngags tshig tu brjod pa las// phur pa phra mo'i skur spros te// khros pa'i snying khar bstim byas te// grangs kyi bsnyen pa tshangs pa dang // mtshan ma 'byung bar gdon mi za'o// de nas gdab pa rgyun gyi ting nge 'dzin 'di gsungs so// ti ba ta tsakra phur pa'i lha// khros pas mi bzad 'bar ba yi// ske nas lag g.yon 'debs tshul du// g.yas pa tho bas rdeg tshul du// rdo rje/ sder mo'i sngags 'di ni// bdun na ma nyi shu rtsa gcig bzlas// o na ma sa man ta kA ya bA ka tsat+ta badz+ra nAn// oM g+ha g+ha g+ha ta ya sarba duSh+Ta na mA ra ya phaT/ kI li kI la ya sarba pA paM phaT/ hUM hUM hU badz+ra kI la ya badz+ra d+ha ra A dzA pa ya ti/ kA ya bA ka tset+ta ba dz+ra kI la ya phaT/ drag tu brjod cing ga dab pa ra bya// pa ti ba pa de nyid brtan bya'i phyi re// rdo rje'i tshig tu 'di skad brjod// dam tshig can gyi dus la bab// byang chub mchog tu sems bskyed cing // dus gsum rgyal ba'i gdung 'tshob pa'i// rig 'dzin bdag
- 141b
cag rnams la ni// gnod cing gdug pa'i dgra dang bgegs// bdud dang bar du gcod pa rnams// dngos grub 'phrog cing 'che bar byed// khro bo chen po'i byin rlabs kyis// yud tsam gyis ni de bkug nas// mngon spyod tshul bzhin bsgral ba dang // lus ngag rdul du bshig nas kyang // sdug bsngal nyams su myong bar mdzod// o la hu la sta pa ni// / mo hA g+ha yA/ b+ha ga ban/ shi kri bi kri badz+ra hA ka ra hU hU phaT phaT/ badz+ra kI la ya dza hu baM hau/ rdo rje tshig tu brjod nas ni// bkrag dang gzi mdangs bdag la bstim// oM sarba big+ha na ne kI la ya hu hUM phaT phaT/ badz+ra hU ka ra hUM a/ a nyid byang chub sems kyi khrus// phur pa nyid kyang gzi byin pa skyed// 'od dang 'od dpung lhag par bskyed// de nas phyogs bcur khro bo la// rdo rje tshig gis 'di skad bskul// dngos grub bar chad byed pa'i bgegs// gdug cing sdang sems ldan pa rnams// zung zhig rgyo ba cig rnam par chings// brtogs shig grogs dang bral bar gyis// rim par khug la slar chu ga cig/ pho ba cig rnam par gzir bar byos// nga yi bang du gyur nas kyang // bsgo ba'i bka' rnams nyan par byos// hUM pa ra b+hid tAn tshin da tshin da hUM phaT/ b+hin da b+hind hu phaT/ gr-ih+Na gr-ih+Na hU phaT/ ha na ha na hUM phaT/ ban
- 142a
d+ha ban d+ha hUM phaT/ ta tha ya ta tha ya hUM phaT/ ha sa ra d+hi dan hUM phaT/ shi kri A na ya hUM phaT/ dz+wa la pa ya dz+wa la pa ya hUM phaT/ A be sha ya A be sha ya hUM phaT/ b+hin da ya b+hin da ya hUM phaT/ rdo rje phra men tshogs rnams la// rdo rje tshig gis bskul byas te// bran dang bka' nyan pho nya'i tshogs// khyed kyi dam tshig du sa la bab tha tshig ji ltar bcas pa bzhin// drag po'i 'phrin las myur du byos// gal te tha tshig 'das gyur na// rdo rje chu yi sreg par byed// ha na ha na badz+ra/ da ha da ha badz+ra pa tsa pa tsa badz+ra/ ma tha ma tha badz+ra/ dz+wa la dz+wa la badz+ra/ su ru su ru badz+ra/ mu ru mu ru badz+ra/ ka tang ka ye bi dza ye/ a dzi te a pa rA dzi te/ ma ra sa na pra ma ra ta ya hUM phaT/ des kyang brten pa'i lus su 'gyur// de nas sras mchog bskul bya ba// rdo rje gsang ba'i bka' las ni// sdig can gang zhig 'da' byed pa// stobs chen khro bo chen po yis// klad pa tshal pa brgya ru khos// nyon cig bgegs dang log 'dren rnams// rdo rje bka' las 'da' ma byed// hUM hUM ma ma ba shaM ku ru ma staM/ nya ka re i da na te ma ma ka ra ma shi kr-i ka ra ye swA hA/ de nas dbye ba rgyun gyi ting nge 'dzin 'di gsungs so// gdug cing sdang sems ldan pa yin// lha 'am gnod sbyin
- 142b
bdud kyang rung // de yi mthu dpung byed pa rnams// mthu dang rdzu 'phrul med par byos// oM sarba A na ya hu phaT/ tad+ya thA hUM phaT/ de nas brdung ba rgyun gyi ting nge 'dzin 'di gsungs so// khro mo rnams kyi dkyil 'khor du// rdo rje thobs brdung bya zhing // dngos por gyur pa'i gnas chen kun// rdul phran bzhin du brdung bar bya// rdo rje tshig gis bskul ba ni// rdungs shig rdo rje 'bar ba'i gtun// bka' las 'da' byed sdig can rnams// me dpal rdo rjes snying bsregs nas// lus ngag rdul phran bzhin du rdungs// khro mo 'bar ba'i gtun khung du// rdo rje tho bas brdungs byas te// lha yang rung ste brlag par bya'o// badz+ra kha tha ma kha tha ma kha tha ma/ de nas btab pa rgyun gyi ting 'dzin 'di gsungs so// rdo rje khro bo 'bar ba dang // rdo rje za byed 'bar ba dang / rdo rje za byed srin po dang // rdo rje gnod sbyin zhal gdangs par// mtshan ma'i dngos por bstim par bsgom// rdo rje tshig gis bskul bya ste/ nam mkha' khro bo'o zhal gdangs su// thugs rjes 'gro kun yud la bstabs// ngas bstabs khyed kyi rgyad la bstim// rol pas dgyes pa'i gad
- 143a
rgyangs sgrogs// bsdus shing sregs la myur du zo// badz+ra kro d+ha yak+Sha rak+Sha kro d+ha khA hi khA hi/ ha ha ha/ hUM hUM hUM/ phaT phaT phaT/ de nas bsregs pa rgyun gyi ting nge 'dzin 'di gsungs so// glong yangs 'khyil ba'i hom khung du// 'bar 'phro 'khrug pa'i me sbar te// ye shes 'bar ba'i me dpung gis// dngos por gyur pa'i gnas rnams bsregs// rdo rje tshig gis bskul ba ni// r-i/ me dpung 'bar ba'i klong dkyil du// mtshan mar gyur pa'i dngos po 'di// bsregs pas dngos po kun brlag ste// slar mi 'tsho bar bsregs par 'gyur// raM dz+wa la dz+wa la/ pa rA na phaT/ de nas gnan pa rgyun gyi ting nge 'dzin 'di gsungs so// nam mkha' rdo rje'i dkyil 'khor du// dbang chen dkyil 'khor bsgom par bya// ri rab steng du rdo rje ni// rgya gram steng du bsam pa ni// las kyi rdo rje'i dkyil 'khor du// skye 'gro thams cad gnan par bsam// rdo rje'i tshig tu brjod pa ni// hUM/ las kyi rdo rje 'khor dang bcas// 'jig rten khams ni rab 'byams na/ log par lta ba'i sems can rnams// skad cig yud la gnan par shog/ oM badz+ra su ma b+ha ni traM hUM sa ma ya s+t+waM/ dkyil 'khor dag ni thams cad la// ting
- 143b
'dzin dkyil 'khor mtha' yas mchog/ lus su rung ba'i rnal 'byor pas// da yas mi 'grub gang yang med// mi bya ba yang cig kyang med// ting 'dzin glong du su 'dris pa'i// mi zhes bya ba bde gshegs yin// sangs rgyas zhes ni gud na med// ces gsungs so// rgyud kyi rgyal po de bzhin gshegs pa thams cad kyi gsang ba dur khrod khu byug rol pa'i mdo las/ rgyun gyi ting nge 'dzin rim par phye ba'i le'u ste bcu pa'o// // de nas bcom ldan 'das gsang ba mchog gi bdag po des lhun gyis grub pa'i 'phrin las kyis rnam par sbyong ba 'di gsungs so// kun tu sna tshogs las kyi rnams// kun tu sna tshogs rnal 'byor gyis// kun tu sna tshogs ting 'dzin du// gnas nas sna tshogs don bya'o// 'jig rten khams ni rab 'byams na// rmongs par gyur pa'i sems can la// sna tshogs las kyi zhi bas sbar// bkra shis dben ba'i gnas dag tu// bkra shis mtshan ldan yum mchog gzung // rnam snang mdzad kyi rnal 'byor ram// mi bskyod phyag rgyar bdag gnas la// dkar la zlum pa'i dkyil 'khor la// rdo rje 'od zer 'phro bas brgyan// rin chen kha dog dkar po'am// dkar po'i shing las byas pa yi// phur
- 144a
pazlum po drug bta bru ste// zhi ba'i lha tshogs spyan yang drangs// snying rje byams pas mchod sbyin bya// yam shing dkar la 'bar ba'i mas dkar la mngar ba'i rdzas rnams kyis// zhi ba'i tshul du sbyin sreg bya// dngul phye 'bras zan dkar po la// gtor mo byas te sbyin par bya// bgyi tshogs kyi dkyis 'khor du// gti mug las kyis 'tshal ba rnams// zhi bar gyur par dbyings su rol/ 'jig rten kha mos ni rab 'byams na// 'phongs par gyur pa'i 'gro gang la// sna tshogs las kyis rgyas par sbyang // can dun nags tshal me tog can// nyams dga' skyed mos tshal dag tu// lcug phran mang po'i yum mchog gzung / rin chen sems dpar bdag gnas la// ser po gru bzhi'i dkyil 'khor la// rin chen chu skyes dag gis brgyan// rin chen kha dog ser po 'am// ser po'i shing las byas pa yis// phur ba zur bzhi bzhi btab ste// rgyas pa'i lha tshogs spyan yang drangs// dad pa'i sems kyis mchod sbyin bya// ser ba'i shing las 'bar ba'i mes// kha ba'i ro ldan ser po'i rdzas// rgyas pa'i tshul du sbyin sreg bya// gser phye 'bru rnams ser po la// gtor ma byas te rgyas par bya// ma yi
- 144b
tshogs kyi dkyil 'khor du// nga rgyal las kyis 'chel ba rnams// rgyas par gyur pas dbyings su rol// 'jig rten khams ni rab 'byams na// chags par gyur pa'i sems can la// dbang du bya ba sbyar nas gsungs// zla gam mtshan nam chu gling du// sdong gcig ma yi gzungs ma gzung // snang ba mtha' yas rnal 'byor ram// rdo rje ltar ni rnam par bsgom// zla gam dmar po'i dkyil 'khor la// 'od zer 'phro ba'i mda' gzhus brgyan// zangs la sogs pa'i rin chen namAM// dmar po'i shing las byas pa yi// phur pa zla gam lngar btang ste// dmar smug 'phro ba'i lha mchog rnams// rdo rje sprug pas spyan drangs te// dga' chags yid kyi mchod sbyin bya// dmar po'i shing la spar ba'i me// sgyur zhing dmar po rdza sa rnams kyis// dbang gi tshul du sbyin sreg bya// zangs phye 'bru rnams dmar po la// gtor ma byas te dbang du bsdu// ya gyi tshogs kyi dkyil 'khor du// 'dod chags las kyis 'chel ba rnams// dbang du bsngos pas dbyings su rol// 'jig rten khams ni rab 'byams na// shin tu gdug pa'i sems can la// drag shul spyod pas sbyar byas te// rkang gcig can nam dur khrod du// rigs ngan sme sha can la
- 145a
sogs/ me reg ma yi gzungs ma gzungs// rdo rje khro bor bdag gnas la// nag po gru gsum dkyil 'khor la// rtsang thod rgyan gyis brgyan par bya// lcags sam nag po'i shing rnams sam// tsher ma can gyi shing rnams sam// mi yi rus pa'i phur pa ni// rtse mo zur gsum gsum gtang ste// mthing nag 'khrug pa'i lha tshogs rnams/ dregs pa gdul phyir spyan drangs te// btang snyoms khros pas mchod sbyin bya// tsher ma'i shing la me sbar te// nag po'i tsha shing rtsub pa las// drag po'i tshul du sbyin sreg bya// lcags phye 'bru na ga sha khrag la// sbyar ba'i gtor ma sa drag shul spud// a yi tshogs kyi dkyil 'khor du// zhe sdang las kyi sa 'chel ba rnams// brlag par gyur pas dbyings su rol// ji snyed 'phrin las bsam yas kun// 'gro ba bsam yas bsam pa rnams// ji snyed gdul ba'i thabs tshul du// bsam yas 'phrin las rnam par spros// mnyam nyid dbyings kyi ngang nyid las// las kyi bye brag rtsis las 'das// bya med ngang du lhun gyis grub// ces gsungs so// rgyud kyi rgyal po de bzhin gshegs pa thams cad kyi gsang ba dur khrod khu byug rol pa'i mdo las/ las rim par phye ba'i le'u ste bcu gcig pa'o// / de nas
- 145b
bcom ldan 'das gsang ba mchog gi bdag pos dam tshig gsang ba bkod pa 'di gsungs so// e ma ho sna tshogs log rtogs bsam yas pa// rtog 'dul dam tshig de nyid spros/ spros nyid dbyings las g.yos pa med// 'di ni dam chog rdo rje ste// sku gsung thugs kyi dam tshig ni// grub nas 'jig pa'i dus mtha' med// rdo rje dam tshig/ lu gu rgyud// rnal 'byor rnams kyis dka' thub dam// du ma gcig tu bsdus pa'i srog/ yan lag dam tshig 'da' bar dka'// rdo rje slob dpon bla ma la// srog la bab kyang bkur bar bya// dam tshig dbang dang shes rab rgyud// man ngag 'bras bu slob dpon la// blta zhing bkur bar bya ba ni// ma dang pha dang mig 'bras ltar// bkur zhing gces par bya ba yin// de yi phyi bzhin be'u ltar 'breng // sna tshogs sna tshogs ci sgo nas// mnyes shing dgos pa bskang ba dang // bla ma spun dang ming sring la// mngon dang dbye ba'i sems bor te// rdo rje theg pa'i spun yin pas// gcig la gcig ni mig bzhin blta// 'di ni sku yis ma ya// dang por tha tshig bcas pa ltar// sngags rnams rgyun du bar mi gcad// phyag rgya sgom zhing bca' ba ni// dngos grub 'byung ba'i rgyud yin pas// 'di dag brtan por gzung ba ni// gsung gi sa ma ya ru bshad//
- 146a
spyi gsang bzhi dang bar gsang bzhi// gsang bar 'os dang gnyer gtad pa'i// gsang ba'i man ngag 'bras bu rnams// snod ngan phal la mi spel ba// 'di ni thugs kyi sa ma ya// sa ma ya ni rdo rje ste// de dag nyams par gyur na ni// rtsa ba nyams te rigs brlag 'gyur// nyams 'gyur nyes pa brjod mi lang // rtsa ba'i dam tshig nyams pa dang // dam la gnas pa'i rnal 'byor gyis// skad cig yud tsam smra mi bya// smras na 'bras bu nyams par 'gyur// 'dod chags zhe sdang gti mug dang // nga rgyal phrag dog chen po ni// bde gshegs rigs lnga'i rang bzhin pas// 'di ni mi spangs sa ma ya// sha tshan bshang gci khu ba khrag/ dag pa'i rgyu ste bdud rtsi dngos// dor bar bya min sa ma ya'o// brdzun dang tshig rtsub rku ba dang // sbyor dang sgrol ba'i dam tshig ni// bde gshegs lnga yi mdzad pa ste// rtag tu spyod pa'i sa ma ya'o// mi spang mi dor spyad bya ba// yan lag bco lnga'i dam tshig ni// srog phyir yang ni mi gtang ste// btang na 'bras bu ga la 'byung // de yi nyes pa brjod las 'das// snying nas slob dpon smod pa dang // sangs rgyas bstan la gnod pa dang // theg pa chen po smod pa dang // sems can yongs la gsod byed dang // rnal 'byor spri yi dgrar
- 146b
gyur ni/ myur du bsgrims te ma bsgral na// rdo rje'i dam tshig nyams pas na// bsgrims 'byin shugs kyis bsgral bar bya'o// dam tshig 'di ni rmad po che// sangs rgyas grub pa'i rgyu dang bzhi// yid bzhin nor bu rin po che// dam tshig gnas rnams ma gtong ba// legs pa'i yon tan brjod mi lang // sangs rgyas nyid dang 'dra bas na// dngos grub gzhan lta smos ci dgos// de bas nan tan bskyed de bsrung // zhes gsungs so// rgyud kyi rgyal po de bzhin gshegs pa thams cad kyi gsang ba dur khrod khu byug rol pa'i mdo las/ dam tshig rim par phye ba'i le'u ste bcu gnyis pa'o// // de nas rdo rje yid kun tu bzang po la sogs pa'i 'khor ma lus pa rnams rang rang gi bsam par gyur pa ste/ gtsug gis 'dud pa'i phyag rnal 'byor gyi tshul gyis byas te/ gsang ba mchog gi bdag po la mdun gyis bltas te/ ngo mtshar rmad du byung ba'i cho ga 'di skad ces bsgrags so// e ma ho ngo mtshar rmad du byung ba'i mnyam nyid dbyings mchog nas// thugs rje chen po gsal la ma 'dres kun tu khyab par brdal// sku dang gsung thugs yon tan 'phrin las phyag rgya'i dkyil 'khor brjod mi lang // 'gro ba ba sa ma yas
- 147a
rnam rtog de snyed thugs rjes 'phros pas e ma ho ngo mtshar che// e ma ho rmad du byung ba'i chos// nam mkha' dang ni mnyam pa la// sgyu 'phrul rnam par 'phrul pa rnams// kun rdzob tsam du bstan pa mtshar// zhes ched du glengs so// de nas bcom ldan 'das gsang ba mchog gi bdag po ni dus bzhi mnyam pa nyid kyi dbyings la dgongs nas cang mi gsung bar bzhugs so// de nas rdo rje yang kun tu bzang po yang rang gi stan las langs te 'di skad ces gsol ba btab bo// bcom ldan 'das gsang ba mchog gi bdag pos mdo 'di nyid kyi don bsdus te bdag cag rnams la bsgo bar gsol/ bde bar gshegs pa bsgo bar gsol// de nas yang gsang ba mchog gi bdag po sra dgongs pa chos kyi dbyings la sa bzhengs nas/ rdzu 'phrul gyi spyan gyis 'khor gyi dkyil 'khor la kun tu gzigs te zhal 'dzum pa dang bcas pas/ rdo rje yid kun tu bzang po la gzigs te 'di skad ces bka' stsal to// sems dpa' chen po nyon cig/ rgyud kyi rgyal po chos kyi don 'di nyid ngas bsdus te bshad par bya'o// e ma ho/ chos rnams thams cad sems kyi 'khrul pa ste// sems las ma gtogs/
- 147b
chos rnams bag tsam yod ma yin// 'khrul pa bzlog phyir rgyal bas chos bstan dang // de yi rdzu 'phrul sgyu 'dra 'phrul la snang // 'khrul dang 'khrul lnga snang ba'i chos rnams kun// rang gi sems yin sems nyid snang bar zad// sems kyi rang bzhin dngos por ma grub ste// snga phyir gsas na rang bzhin yongs kyis med// gzod nas ma skyes ye nas rnam par dag/ yi ge med cing sgra dang tha snyad bral// stong pa nyid de stong pa'i yul las 'das// de phyir sems ni chos kyi rtsa ba ste// rtsa ba de nyid srid dang grol bar snang // e ma ho/ sems nyid stong pa chen po'i dbyings nyid la// gnas dang ston pa 'khor zhes ga la yod// ting nge 'dzin dang yig 'bru phyag mtshan dang // rdzogs dang bzhugs thabs rim du bgrang du med// stong nyid snying rje byang chub sems bskyed med// gzugs brnyan med cing ting 'dzin bsam dang bral// sngags dang phyag rgya med cing thugs rjes 'dus pa med// ma rungs gdul du med cing drag po'i dkyil 'khor med// snying po btang tshul med de rgyun gyi ting 'dzin med// bya ba med cing sdom pa kun las 'das// de kun tha snyad yin te don du med// 'khrul pa bzlog phyir kun rdzob tsam du bstan par zad// /
- 148a
de bas bstan pa 'di la rab brten te// don dam bden pa 'di la nges par bya// sems las 'das pa'i chos kyi rang bzhin ni// tshig dang yin tha snyad kun las 'das// 'thun pa'i dpe khyad de las mtshon du med// de bas bstan pa de kun sgrib pa yin// mtshan med blo ldan de la dad mi 'gyur// bden gnyis blo ldan sems la snang bar zad// ces gsungs pas/ 'khor rnams rab tu dga' ste/ 'dus pa'i 'khor tshogs ma lus pa rnams de kho na nyid kyi don la sems shing mi smra bar gyur te gnas so// de nas bcom ldan 'das gsang ba mchog gi bdag po des/ rdo rje yid kun tu bzang po'i lce pad+mo'i steng du las kyi rdo rje rgya gram gcig gzhag ste rdo rje chos su dbang bskur te/ don bsdu bar byin gyis brlabs nAs bka' stsal pa/ sems dpa' chen po nga mngon par rdzogs par sangs rgyas nas mdo 'di bshad kyi bar du tshig gcig tsam yang bshad cing brjod pa med do// de ci'i phyir zhe na/ chos thams cad bshad cing brjod pa dang bral ba'o// phyogs bcu dus bzhi'i sangs rgyas rnams ni bshad cing brjod pa dang bral ba'i thugs su chud nas mngon par rdzogs par sangs rgyas so// de bas na ma 'ongs pa'i rnal
- 148b
'byor pa dad pa can rnams kyis kyang brjod pa dang bral ba'i don bde blag tu rtogs shing khong du chud par bya ba'i phyir mdo 'di bshad cing brjod do// sems dpa' chen po khyod kyis kyang ma 'ongs pa'i rnal 'byor pa'i don du mdo 'di'i don bsdus la mi nub pa'i phyir/ gsung chos kyi yi ger yang snang zhing mi nub par gyis shig/ lam 'di la brten nas de kho na nyid de dag khong du chud par gyis shig/ 'on kyang dad pa can gyi rnal 'byor pa de dag ni rdo rje theg pa'i gting tshugs shing rnal 'byor gyi dbang phyug chen po'i rgyud 'dzin par 'gyur ro// sems dpa' chen po de bas na mdo 'di ni rnal 'byor pa rnams kyi nyel mtshan po nyid yin par shes par bya'o// de nas rdo rje yid kun tu bzang pos rdo rje chos rab tu dga' ba'i yid kyis rang gi rdo rje gnas su gser zhing / btsun mo bya ba mo dang gnyis su med pa'i tshul gyis 'di skad ces bstod do// e ma ho bcom ldan dgyes pa che// mi nub rgyal mtshan yongs kyi bdag/ bde gshegs kun gyi thugs kyi thugs// byang chub sems la phyag 'tshal bstod// ces bstod nas/ bcom ldan 'das rnal 'byor gyi dbang phyug 'das pa dang / da ltar dang / ma 'ongs pa'i lam chen po/ nye lam chen po lta
- 149a
bur mdo chen po 'di snang ba lags pas na/ bdag gis da mi nub pa'i rgyal mtshan chen por gnas par bgyi'o// gsung chos kyi yi ger yang gnas par bgyi'o// bcom ldan 'das gsang ba mchog gi bdag po nyid du yang gnas par bgyi'o// 'di'i don 'chad cing ston pazhi gang zag skyes bu dam pa gzhan la phan 'dogs par yang gnas par bgyi'o// yid bzhin gyi nor bu chen po rgyal po lta bur yang gnas par bgyi'o// gzhan gyi sde pas par mi chod par yang bgyi'o zhes gsol to// dri nas bcom ldan 'das gsang ba mchog gi bdag po cang mi gsung bar gyur to// rgyud kyi rgyal po de bzhin gshegs pa thams cad kyi gsang ba dur khrod khu byug rol pa'i mdo las/ yongs su gtad pa'i le'u ste bcu gsum pa'o// // de nas bcom ldan 'das byed pa po rdo rje yid kun tu bzang po la/ 'dus pa'i 'khor tshogs rnams kyis 'di skad ces rnam par bskul lo// sems dpa' chen po khyod ni/ bcom ldan 'das gsang ba mchog gi bdag pos kyang / sdud pa po rdo rje chos su ming btags shing dbang bskur bas na/ da khyod kyis phyi rabs pa'i rnal 'byor pa'i don gyi phyir/ the tshom dang som nyi gnyis su gyur pa rnams
- 149b
dris shig ces rnam par bskul lo// de nas byed pa po rdo rje yid kun tu bzang pos bskul bar rig nas/ 'dus pa'i 'khor tshogs la legs so zhes bya ba byin te/ yid kun tu bzang po la sogs pa 'dus pa'i 'khor tshogs rnams kyis/ bcom ldan 'das gsang ba mchog gi bdag po la rmad du byung ba'i mchod pas mchod de/ lan brgya phrag stong du/ bskor ba byas shing brkyang phyag 'tshal te/ bcom ldan 'das la 'di skad ces gsol ba btab bo// e ma ho bde gshegs bcom ldan 'das// rdo rje bla med theg mchog gi/ blo la snang ba'i the tshom rnams// bdag cag 'khor tshogs zhu bar 'tshal// zhes gsol pas/ gsang ba mchog gi bdag pos bka' stsal pa/ sems dpa' chen po legs kyis/ ci dang ci 'dod pa dris shig dang / gnang ba'i skabs dbye bar bya'o// de nas rdo rje yid kun tu bzang po la sogs pa 'dus pa'i 'khor tshogs rnams kyi mgrin gcig tu a la la zhes bya ba'i sgra phyung ste/ rang rang ga bsam pa gnas gnas su bsdus so// de nas rdo rje yid kun tu bzang po rdo rje chos kyis 'di skad ces gsol to// kye ma bde gshegs bcom ldan 'das// 'di yi dur khrod ji lta lags// khu byug ces ni ji lta bu// rol pa zhes ni gang la bgyi// mdo yi don ni ji ltar lags//
- 150a
gsang sngags ming gi mtshan nyid ci// zhes gsol ba btab pa dang // gsang ba mchog gi bdag pos bka' stsal pa/ sems dpa' chen po nyon cig/ dur khrod ces su bya ba ni// gnas shing sdud pa'i mtshan nyid de// chos dbyings ye nas gnas pa ru// chos kun sdud pa dur khrod yin// khu byug ces su bya ba ni// shin tu dkon par bshad pa yin// mtshan mar snang ba'i chos rnams kun// rol pas rol par rgyal bas gsungs// rgyal bas gsungs pa'i don 'di ru// kun 'dus phyir na mdo zhes bya// dur khrod don nyid gsal byed dang // khu byug lta bur dkon pa dang // bde gshegs rol par bstan pa dang // thams cad kun tu 'dus pa'i phyir// don dang 'thun pa'i ming du grags// gsang sngags ming gi mtshan nyid ni// smig rgyu bzhin du dmigs dang bral// ming du btags pa 'khrul pa ste// yang dag nyid la gdags su med// ces gsungs so// de nas yang rdo rje yid kun tu bzang pos gsol pa/ mdo 'di'i dgos pa ji lta bu/ 'brel pa dang ni brjod pa ci// yang dgos ji lta bu dag bzhed// 'di don ji ltar rtogs par bgyi// gsang ba mchog gi bdag pos bka'
- 150b
stsal pa/ khams gsum gnas pa'i sems can la// mdo don 'di ltar gces pas na// dgos pa zhes su bshad pa yin// 'di don rtogs pa'i rnal 'byor pas// gzhan dag bde blag rtogs 'gyur bas// mdo gzhan dag dang 'brel bar bshad// mdo 'di dag la brten nas su// dngos grub khyad par can yang tho ba// des na dgos pa dag dang 'brel// ting nge 'dzin dang byang chub sems// gzugs brnyan ting 'dzi ni dkyil 'khor dang // sngags dang phyag rgya thugs rjes 'dul// las dang dam tshig mdo yi don// rnam bshad brjod pa zhes su bshad// dngos grub 'bras bu khyad par can// gdon mi za bar nges grub pa// yang dgos yin par rgyal bas gsungs de bas rnam pa bzhi po yis// bde blag dag tu rtogs 'gyur phyir// rnam bzhi khong du chud par gces// zhes gsungs so// de nas rdo rje yid kun tu bzang po sa yang 'di skad ces gsol to// e ma ho bde gshegs rdo rje 'dzin// stong pa nyid dang snying rje dang // sku 'di yongs su rdzogs pa dang // shes rab thabs su rnam bskul bas// / spro dang bsdu ba'i mtshan nyid ci// gsang ba mchog gi bdag pos bka' stsal pa/ sems dpa' chen po/ de bzhin nyid la gnas bcas phyir// dang po stong pa chen por
- 151a
bsgom/ dam pa don gyi byang chub sems// rgyu yi tshul du rnam par gnas// rgyu dang 'bras bu 'brel pas na// mtshams su sbyor ba'i ting 'dzin bsgom/ 'di ni kun rdzob byang chub sems// rkyen gyi tshul du rnam par gnas// rgyu las 'bras bur snang bas na// yongs su rdzogs pa'i rnam par snang // rang byung sku ste che ba'i mchog/ 'bras bu'i tshul du mngon sangs rgyas// rang byung rgyal ba'i sku mchog las// shes rab thabs kyi 'phro 'du lus// sbyor ba'i byin rlabs 'od 'phros pas// 'gro ba'i don rnams rdzogs par 'gyur// stong pa nyid dang snying rje che// bla mi dad pa'i byang chub sems// bsnyen pa zhes su rgyal bas gsungs// rang byung rgyal ba'i sku mchog tu// bdag nyid shes par gyur pa ni// nye bar bsnyen pa'i dam tshig yin// shes rab yum gyi mtshan nyid de// bsgrub pa zhes ni bya bar bshad/ shes rab thabs su gnyis med pa// bsgrub pa chen por rnam par bshad// de bas rnam pa bzhi po ni// kun gyi thog mar 'gro ba yin// zhes gsungs so// de nas rdo rje yid kun tu bzang pos 'di skad ces gsol ba btab bo// kye ma bde gshegs rgyal ba'i gtso// byang chub sems kyi byin rlabs las//
- 151b
thog mar gzhal yas byang chub sems// de skyes rang sngags skyes bu nyid// gnas dang bdag po'i mtshan nyid ci// gsang ba mchog gi bdag pos bka' stsal pa// sems dpa' chen po// shes rab yum gyi mkha' dbyings su// b+ha ga yangs pa'i gzhal yas su// rang sngags skyes bu rnam par gsal// snod dang bcud kyi mtshan nyid dang // shes rab thabs su 'brel ba'o zhes// bde gshegs rgyal ba kun gyis gsungs// zhes gsungs so// de nas yang rdo rje yid kun tu bzang pos gsol pa/ kye ma'o gsang ba mchog gi bdag/ ting nge 'dzin dang snying po dang // rang mtshan so sor skur rdzogasra pa// rten 'brel don de ji ltar lags// zhes gsol pa dang / gsang ba mchog gi bdag pos bka' stsal pa/ sems dpa' chen po nyon cig/ ting 'dzin bya ba ye shes te// don dam rgyu yi tshul du gnas// snying po zhes pa gsung du grags// thugs kyi mtshan ma thugs nyid de// rnam pa kun rdzo ba sku yi rgya// 'bras bu sku gsung thugs su grags// ting nge 'dzin ni las kyi rgya// snying po chos kyi phyag rgya ste// thugs kyi mtshan ma dam tshig rgya// yongs su rdzogs pa sku rgya ste// mdor bsdus
- 152a
phyag rgya bzhi ru grags// zhes gsungs so// de nas rdo rje yid kun tu bzang pos 'di skad ces gsol to// kye ma'o gsang ba mchog gi bdag/ zhe sdang zhes bgyi ji ltar lags// gti mug nga rgyal 'dod chags dang // de bzhin phrag dog ji ltar lags// zhes pa dang / gsang ba mchog gi bdag pos bka' stsa la pa/ thugs ni rnam shes yin pas na// zhes sdang sems la gnas bcas pa'o// gzugs ni sku yi rnam pa bas// gti mug glen pas bcings par bshad/ tshor ba myong nas mi gtong ba// nga rgyal nga rgyal zhes su bshad// 'du shes shes nas chags pas na// 'dod la chags pa 'dod chags so// phrag dog mngon par 'du byed nyid// sangs rgyas lnga ru rab tu grags// de nas yang rdo rje yid kun tu bzang pos 'di skad ces gsol to// rnam mkha' sa chu me rlung rnams// dbyings phyug lnga ru bka' stsal pa// ngo bo ji ltar lags par bzhed// ces gsol pas/ gsang ba mchog gi bdag pos bka' stsal pa/ ga ti mug nam mkha'i ngo bo ste// zhe sdang me ltar 'bar bar bshad// 'dod chags chu yi ngo bo ste// nga rgyal sra ba sa yi khams// phrag dog rlung gi ngo bo yin// de bas
- 152b
dbyings phyug lnga ru bshad// de nas rdo rje yang kun tu bzang pos 'di skad ces gsol to// don dam kun rdzob tha mi dang // byang chub thig le'i rang bzhin ta/ spros pa'i mtshan ma ma lags na// rnam grangs don de ji ltar lags// gsang ba mchog gi bdag pos bka' stsa la pa/ tha dad med pa'i byang chub sems// spros med rgyu yi mtshan nyid las// 'bras bu ye shes lngar bshad pa'i// bde bar gshegs pa thams cad kyi// so so rang gi mtshan nyid de// ji ltar thugs su/ chud pa bzhin// byang chub sems kyang de bzhin du// bde gshegs rgyal ba kun gyis gsungs// de nas rdo rje yid kun tu bzang pos gsol pa/ gzugs brnyan spyi yi dkyil 'khor du// rgyal ba sangs rgyas kun bkod par// gsang ba'i dkyil 'khor kun 'dus na// rang dang spre ru dbye ba yi// rnam grangs don nyid ji ltar lags// gsang ba mchog gi bdag pos bka' stsal ba/ don dam nyid du dbyer med kyang // ku na rdzo ba bden pa'i dbang tsam du// bde gshegs rgyal ba gang la yang // sku dang gsung thugs yon tan dang // las dang lnga po spyi dang drug/ rang gi rgyud du gnas pa'i phyir// dkyil 'khor rnams kyang de snyed
- 153a
du/ bde gshegs rgyal ba rnams kyis gsungs// yang rdo rje yid kun tu bzang pos gsol pa// sku dang gsung thugs yon tan las// khyad par spyi yi dkyil 'khor dang // rnam pa drug por bka' stsal pa// drug tshan gsum du gsungs pa de// dgos ched ji lta bu dag mchis// gsang ba mchog gi bdag po saM bka' stsal pa/ sems dpa' chen po/ drug tu bshad par mi zad de// de dag re re dag la yang // sku gsung thugs su gnas pas na/ gsum gsum dag tu bshad pa yin// spyi dang las dang yon tan yang // don gyis kun la yod mod kyi// so sor bshad par mi bya'o// ci phyir sku gsung thugs nyid las// gud na yod pa ma yin phyir// de bas rgyal ba sangs rgyas kyis// dkyil 'khor sku dang gsung dang thugs// mi zad rgyan gyi dkyil 'khor du/ 'gro ba rnams kyis lus ngag sems// srid pa'i 'khor lo mi zad la// dgongs nas de snyed gsungs par zad// mdor na sku gsung thugs nyid dang // 'gro/ ba'i lus dang ngag sems kyang // so sor yongs su ma bsgrubs te// nges pa med par rgyal bas gsungs// de nas yang rdo rje yid kun tu bzang pos
- 153b
gsol pa// bde gshegs brlan ma'i dkyil 'khor la// cho ga lhag ga ma ma tshang na// dngos grub 'bras bu mi 'byung zhing // rnam par grol bar ma 'gyur ram/ gsang ba mchog gi bdag pos bka' stsal pa/ dag pa'i rgyud dang mi ldan pa'i// mang gi rnal 'byor gang zhig gis// cho ga grangs dang yo byad rnams// tshang bar bsags kyang 'bras bu ring // dag pa'i rgyud ldan rnal 'byor gyis// gal te brnyan ma'i las byed kyang // cho ga yo byad gtor ma rnams// tshogs pa yang ni gtsor ma gsungs// / mtshogs na yang nges par 'grub// de bas nan tan cher bskyed de// bsam pa dag pa shin tu gces/ yang rdo rje yid kun tu bzang pos gsol pa/ rang bzhin dkyil 'khor bzang po nyid// ya nas lhun grub gnas bzhin du// ting 'dzin bskyed pa'i dkyil 'khor de// yongs su grub par mi 'gyur na// 'di yi dgos pa ji ltar lags// 'di la khyad par ci zhig mchis// gsang ba mchog gi bdag pos bka' stsal pa/ dag pa'i rgyud dang mi ldan pas// bskyed dang rdzogs par mi 'gyur la// dag pa'i rgyud ldan dbang phyug che// ye nas sangs rgyas yin pa'i phyir// ting 'dzin bskyed pa'i dkyil 'khor rnams// thugs kyi sras su rdzogs
- 154a
pa dang / des kyang dngos grub ster bar ngas// rang rgyud rnam par dag gyur na// rdzogs dang bskyed pa'i dkyil 'khor la// khyad par med par rgyal bas gsungs// de bas rnal 'byor khas 'ches pas// ting 'dzin nan tan dag par bya'o// yang rdo rje yid kun tu bzang pos gsol pa/ sna tshogs las kyi sngags rnams dang // sna tshogs las kyi phyag rgya yis// sna tshogs las rnams 'grub 'gyur ba// gang gi stobs kyi sa 'grub par 'gyur// gsang ba mchog gi bdag pos bka' stsal pa/ sems dpa' chen po/ sna tshogs sngags drang phyag rgya yis// las rnams sna tshogs grub 'gyur ba// ting 'dzin stobs kyis ngo 'thon du// sems kyi sprul par 'byung bar 'gyur// sems nyid stong pa'i ngang nyid las// cho 'phrul sna tshogs zad mi shes// sna tshogs sngags dang phyag rgya dang / sna tshogs yon tan bshad pa rnams// sku gsung thugs kyi dkyil 'khor gyi// las dang yon tan nyid yin par// mkhas pas de bzhin rig par bya'o// yang rdo rje yid kun tu bzang pos gsol pa/ sna tshogs sna tshogs 'gro rnams la// sna tshogs bde gshegs rgyal ba yis// sprul pa sna tshogs
- 154b
sna tshogs pas// sna tshogs sna tshogs cis 'dul ba/ btul ba sna tshogs ji ltar lags// gsang ba mchog gi bdag pos bka' stsal pa/ kun tu sna tshogs skal bzangs kyis// 'gro rnams sna tshogs btul ba yang // sna tshogs 'gro rnams rang rang gi/ las 'phro'i dbang gis snang ba las// de bzhin nyid kyis bcos pa med/ bde gshegs rgyal ba thams cad kyis// dngos po rdul tsam mi gzigs te// ched du rnam par mi 'phrul yang // sems can lta spyod tha dad pas// bde gshegs sku yang snang mtha' yas// de bas 'dul ba'i 'phro rnams la// bde gshegs rdzu 'phrul sna tshogs kyang // 'khrul pa'i dbang gis snang bar zad// yang rdo rje yid kun tu bzang pos gsol pa/ gsang ba rdo rje theg mchog la// ngan zos ngan spyad thams cad kun// byas la mi sog tshogs 'gyur bar// bshad pa'i don de ji ltar lags// gsang ba mchog gi bdag pos bka' stsal pa/ sems dpa' chen po/ de bzhin nyid la gnas bcas na// ngan zos ngan spyad thams/ cad kun// tshogs chen gnyis su rdzogs par rol// don dam stong pa rgyu yi tshul// chos sku shes rab ces su bshad// kun rdzob dngos po 'bras bu'i chu la// thabs
- 155a
mchog gzugs skur mngon sangs rgyas// nyon mongs rgyu nas rnam par dag/ dmyal ba'i gnas nyid bla med gnas// rnal 'byor rig par 'di ldan na// spyod yul kun tu maN+Dal la// thams cad mnyam pa'i ngang du gnas// rdo rje yid kun tu bzang pos gsol pa/ thams cad mnyam pa'i nga nyid la// thams cad dbyer med gcig pa las// log pa'i lam gyis dregs pa rnams// srid rtsa'i nyes dmigs ji ltar lags// ma dang rgyu de ji ltar lags// thugs rjes 'dul ba ci yi phyir// gsang ba mchog gi bdag pos bka' stsal pa/ log pa'i lam pa'i dregs pa de// gsang ba'i theg pa'i sgor zhugs nas// sems la nyon mongs rgyud 'chang bas// rang bzhin gsang ba ma rtogs par// dngos rtog rdzas la mngon par 'tshal// rang sems rang bzhin skad cig la// rtag pa theg zug rtas pa yis// srid rtsa nyes dmigs de las byung // che ba'i nga rgyal dbang gis na// zhi bas 'dul la da mi 'gyur// snga mar bstan pa'i stobs shugs kyis// khros pa'i thugs rjes 'dul bar 'gyur// dregs pa'i nga rgyal khros pas kyang // 'jig rten khams kun spa bkong na// ye shes thugs rje khros
- 155b
pa yis/ rgod dang ga she dang za byed pa'o// yang rdo rje yid kun tu bzang pos gsol pa/ khrag 'thung kun gyi thugs kyi thugs// rdo rje rab tu kI la ya// drags pa'i tshogs rnams sgrol mkhas pa// de yi dngos gzhi ji ltar lags// gadrab pa'i thabs su ji ltar bgyi// theg pa'i mtshan nyid ji ltar lags// gso ba'i cho ga ji ltar ba gyi// slar byung cho ga ji ltar lags// gsang ba mchog gi bdag pos bka' stsa la pa/ dus gsum bde gshegs thams cad kyi// thugs kyi sras mchog kI la ya// dregs pa gdul phyir thugs las shar// sras mchog de yi dngos gzhi yang // byang chub sems kyi phur pa ste// ma btab bzhin du las rnams rdzogs// srid pa brda sha gcad nas ni// mtshan ma'i dbyings su rtogs 'gyur te// gzhung bzhin btab na nges par thebs// thebs pa'i rtags su bstan pa ni// yang dag don du bstan pa ni// snang srid chos rnams thams cad kun// mtshan med ngang du rtogs pa yis// drod chen rtags kyang 'byung bar nges// kun rdzob rtags su bstan pa ni// mngon sum snang ba 'byung bar 'gyur// thebs nas gso ba'i cho ga yang // bdud rtsi 'khyil bas bya bar
- 156a
shis btab nas slar dbyung cho ga ni// rdo rje lcags kyu'i sbyor ba yis// snying rjes bsgrims te dbyung bar bya// yang rdo rje yid kun tu bzang pos 'di skad ces gsol pa/ dregs pa'i las kyis 'tshal ba la// khro ba'i thugs rjes 'dul ba'i tshe// dregs pa bsgral ba ci phyir lags/ dregs ma sbyar ba'i dgos pa ci// gsang ba mchog gi bdag po sa bka' stsal pa/ zhe sdang las kyi sa 'chel ba la// zhe sdang chen po'i taung 'dzin gyis// zhe sdang dbyings su dag bya'i phyir// dregs pa po ni bsgral bar gsungs// 'dod chags kyis ni gzir ba la// 'dod chags chen po b+ha ga ru/ 'dod chags dbyings su dag bya'i phyir// dregs pa mo ni rab tu sbyar// sbyor sgrol bya ba kun byas kyang // de las byas pa rdul tsam med// yang rdo rje yid kun tu bzang pos gsol pa/ rdo rje drag po'i dkyil 'o khor la// dkyil 'khor rnam pa ji ltar 'tshal// sngags kyi bdag po gang gis bgyi// 'gug 'dren pho nya gang gis bgyi// sgrol ba'i 'phrin las gang gis bgyi// gsang ba mchog gi bdag pos bka' stsal pa/ drag po las kyi dkyil 'khor
- 156b
las/ rnam gsum tshul du rgyal bas gsungs// bdag nyid chen po'i dkyil 'khor dang // phyogs mtshams khro bo dkyil 'khor dang // sras mchog phur pa'i dkyil 'khor te// rdo rje gzhon nu las kyi lha// gtso gzung zung du 'brel bA ni// bdag nyid chen po yin par bshad // khro bo khro mo 'phra men tshogs/ phyogs mtsham khro bo zhes su bya// sras mchog phur pa'i khro bo ni// kI la ya zhes rab tu grags// de dag dkyil 'khor re re la'ang // rang bzhin lhun grub dkyil 'khor dang // bskyed pa'i ting 'dzin dkyil 'khor dang // rten bcas brnyan mo'i dkyil 'khor te// gsum gsum dag tu rgyal bas gsungs// bdag nyid chen po sngags kyi bdag/ phyogs bcu'i khro bos 'gug 'dren byed// sras mchog phur pas sgrol bdag ces// bde gshegs rgyal ba kun gyis gsungs// de la nan tan cher bskyed de// drag po'i las la brtson pa'i mis// dkyil 'khor gsum du shes par bya// yang rdo rje yid kun tu bzang pos gsol pa/ khrag 'thung rnams kyi stangs tshul dang // bzlas pa khro bo'i gsang sngags rnams// ting 'dzin rnal 'byor gang
- 157a
gis bgyi// dgos pa'i dus tshod gang ltar lag sa/ gsang ba mchog gi bdag pos bka' stsal pa/ rdo rjekho bo kho mo rnams// so so gang yin gsal bsgoms la// gang yin sngags dang stang stabs rnams// rang rang las kyi dus su sbyang // yongs ni rang rgyal dag bla na// gcig gis kun gyi las rnams kyang // ci 'dod thams cad bya ru rung // de skad rgyal ba dpa' bos bshad / yang byed pa po rdo rje yid kun tu bzang pos gsol pa/ rgyun du ting 'dzin bya ba yis// sngon du 'gro ba'i las ni gang // ji ltar mthar phyin byas pas 'grub// grub pa'i mtha' ni ji ltar lags// gsang ba mchog gi bdag pos bka' stsal pa/ nanA tur ting 'dzin byed pa'i tshe// tshad med snying rje bskyed pa dang // byang chub sems la dga' ba ni// sngon du 'gro ba'i lus mchog yin// bsnyen pa dang ni nye bsnyen pa// bsgrub dang bsgrub chen mthar phyin pas// bsgrubs na nges par 'grub par 'gyur/ bdag dang phur bu sems can gsum// tha mi dad pas grub mtha' gcig/ ces gsungs so// yang rdo rje yid kun tu bzang pos gsol pa
- 157b
zhi rgyas dbang dang drag spyod kyis// 'phrin las rnam bzhir bshad pa gang // gnas skabs gang du 'chal ba lags// mtshan nyid ji ltar 'tshal bar bgyi// gsang ba mchog gi bdog pos bka' stsal pa// rnal 'byor dgos pa'i las bzhi po// zhi khro'i dkyil 'khor gang gi yang // cha dang rkyen du rgyal bas bsngags// de bas nan tan cher bskyed de// las bzhi rdzogs pa mchog yin no// mtshan nyid 'byung ba bzhi yin te// e ni sreg pas me ru bshad// baM ni chu yi dkyil 'khor te// ma ni sa yi mtshan nyid de// yaM ni rlung du bshad pa yin// dkyil 'khor chen po nam mkha' yi// mtshan nyid yin par rgyal bas gsungs// las rnams brtsam par ma byas na// bsgrubs kyang 'grub par mi 'gyur ro// yang rdo rje yid kun tu bzang pos gsol pa/ dam tshig gnas rnams bka' stsal pa// dam tshig ces ni gleng la bgyi// nyams pa gso na ji ltar lags// rang bzhin ji ltar 'tshal bar bgyi// gsang ba mchog gi bdag pos bka' stsal pa/ dam tshig dam tshig ces bya ba// rtogs pa'i lta ba dam tshig ste// de las 'das na 'tshog par bshad// chos nyid mnyam la blo
- 158a
gzhag na// gso ba'i thabs ni 'di ltar ro// nyams pa'i chad pa byung ba las// mgon skyabs de las gud na med// mnyam nyid dbyings kyi rang bzhin du// dam tshig thams cad gcig par ni// bde gshegs rgyal ba kun gyis gsungs// yang rdo rje yid kun tu bzang pos gsol pa/ rdo rje'i theg pa zhes bgyi ba// rdo rje zhes ni gang la bgyi// theg pa zhes ni ji ltar gdags// bde gshegs rgyal bas bshad du gsol// gsang ba mchog gi bdag pos bka' stsal pA/ theg pa chen po'i chen po ste// gsang ba'i theg pa zhes su grags// rang gi lus ngag rdo rje la// chos sku rdo rjer mi phyed phyir// de nyid shes rab gsum po yin// rtogs par bya phyir theg par bshad// ces bka' stsal pas// 'dus pa'i 'khor tshogs rab tu dga' ba'i yid kyis bcom ldan 'das gsang ba mchog gi bdag po dang / sdud pa po rdo rje kun tu bzang po la lan brgya phrag stong du bskor ba byas te/ gtsug gi 'dud pas phyag rnal 'byor gyi tshul du byas nas a la la ho/ ngo mtshar rmad du byung ba'i chos kyi don 'di byung ngo zhes mgrin gcig tu brjod do// de nas rdo rje yid kun tu bzang pos yang rang gi stan las
- 158b
langs te/ bcom ldan 'das gsang ba mchog gi bdag po la 'di skad ces gsol ba btab bo// bcom ldan 'das gsang ba'i mdo chen po la sogs pa'i gsang ba'i theg pa 'di/ da lta nyid khyad par du gyur pas de bzhin gshegs pa rnams dang / byang chub sems dpa' rnams kyi 'khor gyi dkyil 'khor du 'chad par spyod na/ gsang ba'i theg pa 'di sngar 'das pa'i sangs rgyas gang gi ring la bshad pa dang / slad kyis sa phyogs gang du dad pa can gyi rnal 'byor pas spyod par 'gyur ba bdag cag rnams la lung bstan du gsol/ bde bar gshegs pa lung bstan du gsol/ gsang ba mchog gi bdag pos bka' stsal pa/ sems dpa' chen po nyon cig/ gsang ba'i theg pa 'di 'byung ba shin tu dkon te/ u dum pa ra'i me tog 'jig rten du dpar brjod pa dang mtshungs so// sems dpa' chen po gsang ba'i theg pa 'di ni sngon byung ba'i sangs rgyas 'od srungs chen pos 'bras bu rdo rje'i theg pa'i chos kyi 'khor lo bskor ba de'i dus su yang gsang ba'i theg pa 'di ma bshad do// de ci'i phyir zhe na// dus de'i 'gro ba rnams gsang ba'i theg pa 'di'i snod du ma gyur pa'i phyir ro// de bzhin sngar 'das pa'i sangs rgyas bye ba phrag brgyad cu rtsa bzhis kyang gsang ba'i thag pa 'di ma bshad do// /
- 159a
sngon bskal pa thog ma la bskal pa kun tu bkod pa zhes bya ba byung ba'i tshe/ sangs rgyas sngon byung gi rgyal po zhes bya ba de'i bstan pa la gsang ba rgya cher bsgrags te nges pa'i don rgya cher spyad do// de'i tshe 'gro ba rnams gsang ba'i nges don la shin tu dad par gyur te/ rnam par grol ba'i lam chen po la bkod do// sems dpa' chen po de ste bskal pa bye ba 'das pa'i 'og tu/ bskal pa me tog bkod pa zhes bya ba 'byung ba'i tshe/ sangs rgyas 'jam pa'i dbyangs zhes bya ba/ da ltar dang tshul 'thun pa cig 'byung ste/ des gsang ba rgya cher ston par 'gyur ro// gzhan sangs rgyas gang gis kyang gsang ba'i nges don ston par mi 'gyur te/ de ci'i phyir zhe na/ 'gro ba rnams gsang ba chen po'i snod du ma gyur pa'i phyir ro// sems dpa' chen po da ltar nga nyid kyis bstan pa'i gsang ba rgya chen po 'di dag phyi ma'i dus phyi ma'i tshe 'dzam bu'i gling du spyod par 'gyur te/ der skyes pa'i rgyal po dza zhes bya ba tshogs bsags pa zhig gi gnas 'khor du/ khyod kyis bsdus pa'i don 'di dag kyang gsung chos kyi glegs bam du snang bar 'gyur ro// der skal ba dang ldan pa rnams kyis rim gyis spyod par 'gyur te/ de yang ched 'ga' ni dar/ chad 'ga' ni mngon
- 159b
du phyung // ched 'ga' ni ga ba cing sbas/ la las ni tshul bzhin du spyod cing sngags kyi mthu stobs kyang rnyed/ phal char ni tshul 'dra log par spyod pas ltung gnas su yang 'gyur// 'gro ba la la ni dad par gnas pa las dus lnga brgya tha ma'i tshe dar zhing rgyas par 'gyur ro// de bzhin du sangs rgyas sprul pa'i sku'i bstan pa'i bar skabs su yang gsang ba 'di rgyas par 'gyur ro// de dag gi tshe na yang gsang ba 'di dag 'dra ba'i log pa'i lam ston pa'i chos ston pa yang mang du 'byung ste/ 'gro ba dag la phal cher ni bdud kyis bstan pa'i cho sna de la drad par 'gyur ro// sems dpa' chen po de'i tshe de'i dus su gsang ba'i yi ge 'di dag la nan tan du byed cing gzhan la 'chad pa dang / nyan pa dang / tshul bzhin du yid la byed pa de ni rdo rje theg pa'i gting 'dzugs shing / rnal 'byor dbang phyug gi brgyud 'dzin pa ni nga'i sras dam par blta'o// sems dpa' chen po khyod kyis kyang spun dang grogs po nyid du byin gyis rlobs shig ces gsungs so// de nas yang rdo rje yid kyi kun tu bzang pos 'di skad ces gsol ba btab bo// bcom ldan 'das gsang ba 'di nyid ma nor bar 'chad cing ston pa'i rdo rje slob dpon de la bdag cag rnams kyis ni ji ltar blta bar bgyi/
- 160a
de'i yon tan gyi tshad ni ji ltar lags/ gsang ba 'di la mos shing ma nor bar nan tan du 'dzin pa'i gang zag dam pa de'i 'bras bu dang rnam par smin pa ni cir 'gyur// bdag cag rnams kyis ni ji ltar blta bar bgyi/ gsang ba mchog gi bdag pos bka' sna la nga// de'i phyir sems dpa' chen po nyon cig/ bla ma rdo rje slob dpon de ni khyed kyis sems can lta bur mi lta ste/ yang dag par rdzogs pa'i sangs rgyas nyid du blta'o// byang chub kyi sems nyid du blta'o// gsang ba mchog gi bdag po nyid du blta'o// de ci'i phyir zhe na/ yang dag par rdzogs pa'i sangs rgyas dang / byang chub kyi sems dpa' dang / nga nyid so so ma yin tha mi dad/ pa'i phyir ro// gang phyogs bcu dus gsum gyi sangs rgyas rnams kyis kyang spyi bo la bkur bar mdzad na/ gzhan gyis lta ci smos/ gsang ba 'di'i don ma nor bar 'dzin pa'i gang zag dam pa de ni/ sems dpa' chen po da ltar khyod nyid dang 'dra'o zhes nga smra'o// de'i 'bras bu rnam par smin pa ni yang dag par rdzogs sangs rgyas dang ring ba ma yin no// sems dpa' chen po der yang ma zad de/ gsang ba'i mdo 'di'i chos kyi yi ge gang na gnas pa'i sa phyogs de nyid na yang / nga gsang
- 160b
ba mchog gi bdag po nyid bzhugs pa yin par shes par bya'o// chos kyi 'khor lo chen po de bskor ba yin par shes par bya'o// gnas 'khor de nyid du 'jig rten gyi dgos pa yang phun sum tshogs pa 'byung ba shes par bya'o// de bzhin gshegs pa'i sku gsung thugs nyid yin par shes par bya'o// sems dpa' chen po de bas na khyod kyis kyang gsang ba'i mdo 'di mi nub par bag yod par byos shig/ sems dpa' chen po gzhan yang nyon cig/ gsang ba'i mdo 'di gang zhig skur zhing mi snyan par smra zhing sem pa'i gang zag des ni yang dag par rdzogs pa'i sangs rgyas la skur ba yin no// byang chub kyi sems la skur ba yin no// yang dag pa'i lam dang bral ba yin par rig par bya ste/ de'i rnam par smin pa ni ngan song gsum gyi kha brgyud nas kyang dam sri dmar po'i lus su skye ste/ gsang ba 'di dang phrad pa'i skabs cung zad kyang mi rnyed do// de bas na de ni rnal 'byor gyi dbang phyug chen pos dam tshig tu blangs te bsgral bar rigs so// sems dpa' chen po gsang ba'i mdo 'di nyid bstan pa'i snod kyi gang zag da ni shin tu yang dkon no// de ci'i phyir zhe na/ gang zag dam pa de ni sngon gyi rgyal ba la bya ba byas pa/ lung bstan pa thob pa/ bsam pa nges pa
- 161a
can/ ma 'jungs pa'i sems kyis bla ma la bkur sti byed cing / zab mo'i don la mi skrag pa/ dron du gnyer ba chud mi gson pa/ phyi rol gyi sde pa gzhan gyi khar mi gtong ba'i spyod yul yin pa'i phyir te/ bsam pa log pa can rnams kyis ni ma yin/ sgrib pa sdug cing blo zhan pa rnam gyis ni ma yin/ de bzhin du yid gnyis can dang / 'jungs pa'i bsam pa can dang / bla ma la mi gus shing za ba mo'i chos la bzod pa ma thob pa dang / nyams su len pa chud za bar byed cing / gzhan gyi sde pa la dga' ba'i bsam pa can rnams kyi rna lam du 'gro ba ma yin te/ de bas na shin tu yang dkon no// de nas 'dus pa'i 'khor tshogs ma lus pa rnams kyis yang nas yang du bskor cing / yang nas yang du rmad du byung ba'i mchod pa rgyas pa de kho na nyid kyis mchod de/ bcom ldan 'das gsang ba mchog gi bdag po dang / sdud pa po rdo rje yid kun tu bzang po rdo rje chos dang / gsang ba'i mdo chen po nyid la mngon par bstod do// e ma ho/ bdud bzhi bcom nas yon tan drug ldan pa/ yod med mtshan ma dngos pa'i mtha' las 'das// don dam thugs ni rtogs dka' shin tu gsang // gsung ni gsang sngags 'bras bu kun gyi mchog/
- 161b
ma lus kun la mnga' brnyes bdag po'i sku// bcom ldan gsang bdag khyod la phyag 'tshal bstod// e ma ho/ gsang ba dgyes pa yum gyi dkyil 'khor na// dus gsum 'bral ba med par rtag tu sbyor// gnyis med thig le byang chub dag pa'i sku// byang chub rdo rje khyod la phyag 'tshal bstod// e ma ho/ rol pa'i cho 'phrul che la mnga' brnyes pa// bka' yau 'khor los gsang ba'i sgra sgrogs pa// thugs rje cho 'phrul chos kyi char yang 'bebs// gsang sngags bdag po'i mchog la phyag 'tshal bstod// e ma ho/ dus gsum bde gshegs rnams kyi thugs kyi thugs// mi nub chos kyi rgyal mtshan 'dzin byed pa// smra ba'i seng ge chen por dbang yang bskur// rdo rje kun bzang khyod la phyag 'tshal bstod// e ma ho/ gsung gi thigs pa bdud rtsi rgya mtsho'i glong // lung dang man ngag gtan tshigs kun gyi mdzod// dus gsum rnal 'byor dbang phyug bgrod pa'i shul// 'og ma zil gnon seng ge lta bu'i sgra// don gyi mdzod du mig gi sgron mar snang // bdud rtsi'i thigs pa'i mdzod la phyag 'tshal bstod// a la la ho/ zhes bstod do// // de nas bcom ldan 'das gsang ba mchog gi bdag po ni dgongs pa chos kyi dbyings zhi ba chen po la bzhugs so// 'dus
- 162a
pa'i 'khor tshogs rnams ni che ba'i don la ngam zhing rig pa'i rtsa la sbyangs te/ bcom ldan 'das gsang ba mchog gi bdag po'i thugs su zhugs te mi snang bar gyur to// la la ni gsang ba'i mdo 'di la rjes su yi rang zhing mngon par bstod do// rgyud kyi rgyal po de bzhin gshegs pa thams cad kyi sku dang / gsung dang / thugs kyi gsang ba dur khrod khu byug rol pa'i mdo las/ don phyi ma rim par bkod pa'i le'u ste bcu bzhi pa'o// // de bzhin gshegs pa thams cad kyi sku dang / gsung dang / thugs kyi gsang ba dur khrod khu byug rol pa'i rgyud ces bya ba theg pa chen po'i mdo rdzogs so// / rgya gar gyi mkhan po pad+ma sam+b+ha bas bsgyur ba'o// bka' gsang rgyal po bdud rtsi thigs pa 'di// gzhung bzhin bris pa'i bsod nams gang yin pa// phyi mar mi sdod da lha'i dus nyid du// bdag dang 'gro ba kun gyis thob par shog/ rgya gar skad du/ sarba ta thA gA tA/ tsaut+ta gu d+yu dz+nyA na gAr+N+Na/ badz+ra kro d+haM/ ku la tan tra/ pi d+yar tha ma hA sid+d+hi/ yo gi sU tra/ bod skad du/ de bzhin gshegs pa thams cad kyi thugs gsang ba'i ye shes don gyi snying po/ khro bo rdo rje'i rigs/ kun 'dus rig pa'i