phyag rgya bzhi'i rgya cher 'grel pa rin po che'i snying po zhes bya ba
Mudrācaritaṭīkāratanahridayanāma
Text
ff. 317b–367b · 101 folio sides
- 317b
par ster ba'o// rang don med par gzhan don mi 'grub par bstan pa ni/ kham por dum bu zhes bya ba la sogs pa smos te/ ji ltar slongs mo pa ni/ gzhan gyi don mi byed pa ni gzhan la phan pa mi 'dogs pa'o// 'dod pa po la mi ster ba ni sbyin pa mi gtong ba'o// 'khor ba'i 'bras bu gang yin la'o zhes pa ni 'khor bar skyes pa don med du byas pa'o// de bas rang nyis dor bar byas na rung zhes pa ni bdag don du gnyer ba bor na rung zhes pa ste gzhan don bya'o zhes pa'o// yang na ba dag gzhan gyi don med kyang ma zhen na 'khor ba'i nyes pas mi gos par ston te/ gzhan gyi don ni mi byed pa zhes pa ni phan 'dogs pa'i 'du shes mi byed pa'o// 'dod pa po la mi ster ba ni sbyin pa'i zhen pa med pa'o// 'khor ba'i 'bras bu gang yin la'o// zhes pa ni de la 'khor bas mi gos pa'o// de bas rang nyid por byas na rung zhes pa ni ngar 'dzin gyi zhen pa spangs pa'o// kham por dum bu la sogs pa ni dper na slob pa po la gyin pa'i lan la mi re ba bzhin du lta bar bya'o// zhes pa'o// tha ma'i zhal gyi bka' drin gyi// cung zad snying po'i don bshad pa// bdag gis dge ba gar bsags pas// 'gro kun snying po'i don rtogs shog/ de ha mdzod kyi dka' 'grel slob dpon chen po thar pa'i 'byung gnas sbas pas mdzad pa rdzogs so// // rgya gar gyi mkhan po rgyal ba'i lha dang / rgya lo cabs bsgyur ba'o// / @#// phyag tu bzhi'i rgya cher 'brel pa dan po ca rkang ba zhes bya ba bzhugs so// @#// rgya gar skad du/ mu drA tsa ri ta TI kA ra ta na hri da ya nA ma/ bod skad du/
- 318a
phyag rgya bzhi'i rgya cher 'grel pa rin po che'i snying po zhes bya ba/ bcom ldan 'das sla ba'i skyes mchog 'jam pa'i dbyangs la phyag 'tshal lo// chos dbyings ye shes rtogs par dga' ba 'byung ba lnga rang bzhin// rdo rje snying po'i snying po ye shes snying gi pad+ma dag/ mchog gi byin rlabs dkyil 'khor dam pa 'di nyid gtsor 'gyur ba// bla ma dam pa dag las snying po len pa'i gzhi yin phyir na legs btud de// e baM ma ya 'i bdag nyid las dang chos dang phyag rgyad ma tshig dang // gnyis med sbyor bas bdag don gzhan dang nges par phun chags pa// slob dpon blo bzang lta bu bdag gis legs par bshad par bya// 'di ni ku mu ta'i phreng ba lta bur rigs dang ldan par mnyam par rigs// 'dod chag+sa/ zhe sdang gti mug dang // nga rgyal phrag dog skyon bcas pas// bdag ni mi shes blan gyur te// des 'byed sbyangs par mi rigs kyang / bla ma dam pa'i bkas bskul dang // lnga yi rtog pa lnga skyes phyir// rgud rgyal dag dang rje btsun las// mthong ba'i dona'idabadag gis bri// de la nyes 'khrul ji snyed pa// rje btsun mchog dang dpa'abo'i tshigs// bdag gyi na rlob pa'i rnal 'byor mas// bzod pa chen po mdzad par 'os// de la bcom ldan 'das de bzhin gshegs pa gnyis su med par sbyor ba he ru ka/ skra dang gsung dang thugs gas pa// / ba zad mi shes pa'i ye shes mnga' bdag gis/ chu smin par byed pa'i thabs las 'bras bu phyag rgya chen po'i dngos grub gdod nas gnas pa dag nges par bstan te/ de yang rgyu'i
- 318b
rgyud ni bsgrub pa po rten gyi gang zag/ skal ba rab kyi yang rab dang / rab dang 'bring dang tha ma dag la go rims su bab pa'i gdams ngag bya ba'i rgyud dang / spyod pa'i rgyud dang / rnal 'byor gyi rgyud dang / rnal 'byor bla na med pa dang / gong na med pa'i rgyud dag la legs par sbyangs pas/ 'bras bu skra bzhi dbyer med pa dag 'chad par 'gyur ro// de yang skyed pa yi ni rim dag dang / rdzogs pa yis ni rim pa gnyis// rim pa gnyis la brten nas ni// rdo rje 'chang gi chos bshad pa'o zhes gsungs pa'i phyir ro// bskyed pa'i rim pa la phyi bskyed pa'i rim pa dang nang bskyed pa'i rim pa'o// rdzogs pa'i rim pa la/ rdzogs pa'i rim pa dang / yongs su rdzogs pa'i rim dang / ngo bo nyid kyi rdzogs pa'i rim pa'o// de dag kyang sgyu ma lta bu dang / sems la dmigs pa dang / rdo rje'i bzlas pa dang / 'od gsal dang / zung du 'jug pa'i bdag nyid du shes par byas la/ e baM ma ya'i mtshan nyid can gyi las kyi phyag rgya dang / chos kyi phyag rgya dang / phyag rgya chen po dang / dam tshig gi phyag rgya rnams kyi bdag gi don dang gzhan gyi don phun sum tshogs par bya'o// de ltar rtog pa dang ldan pa dag gis thun mong gi don khong du chud par bya ba ste/ de yang brjod par bya ba dang / ngo bo dang mtshan nyid dang / skabs su bab pa'i tshig gi brgyan par bya'o// de la brjod par bya ba ni dbang ste/ gsung rab las bum pa'i dbang ni dang po la gnyis pa gsang ba'i dpar yin te/ gsum pa shes rab ye shes so// de ltar de bzhin bzhi pa yang zhes gsungs pa'i
- 319a
phyir/ dbang gi don gyi gtso bo ni lhan cig skyes pa ste/ de yang sangs rgyas kun gyi sdom pa ni/ e baM la ni rab tu bzhugs// zhes pas so// de yang dper na nor bu thams cad kyi mchog tu gyur pa ni/ yid bzhin nor bu rin po che sra brtan 'bar ba yin pa bzhin du/ lhan cig skye ba yang de bzhin no// de ba sa na gsung rab las/ lhan cig/ skyes pa'i rang bzhin ni// mchog mtha' dga' bral dang po can// mun pa la ni mar me bzhin// de bzhin bus kyang yid ches kyis// zhes gsungs pa'i phyir ro// ngo bo ni thobs dang shes rab ste// de yang gsung rab las// nyams su myong dang rang bzhin med// phan tshun res kyi rgyas bta ba la// gnyis la mi gnas thabs shes rab// he ru ka yi ngo bo yin// zhes gsungs pa'i phyir/ thabs dang bral ba'i shes rab kyang / chad pa'i mtha' dang bcas pa'o// shes rab dang bral ba'i thabs kyang rtag pa'i mtha' dang bcas pa'o// zung du 'jug pa ni dbyer mi byed pa ste/ dpa'o dang / dpa' mo dang / pad+ma dang / rdo rje dang / rgyu dang / 'bras bu dang / mi bskyod pa dang / rdo rje 'chang dang / nyams su myong ba dang // rang bzhin med pa dang / bskyed pa dang / rdzogs pa dang / 'khor ba dang / mya ngan las 'das pa dang / dngos po dang / stong pa dang / e dang / baM dang / a dang / hUM dang / nyi ma dang / zla ba dang / A li kA li dang / kun rdzob dang / don dam pa'i sbas thabs dang shes rab la rab tu sbyor bar bya'o// de yang 'jam dpal sgyu 'phrul dra ba las/ shes rab kyis ni 'khor ba min// snying
- 319b
rjes mya ngan 'das mi gnas// mtha' gnyis rnam par dor nas kyang // zung 'jug mi gnas pa nyid do// zhes gsungs pas kyang ngo // mtshan nyid ni snang ba dang stong pa ste/ stong par rtogs pa'i mtshan nyid du snang ba 'byung la/ snang ba shar ba'i mtshan nyid du stor pa byung ste/ de bas na snang stor gsung rab tu gyur par shes par bya'o// de yang gsung rab las/ snar pa stong pa lhag 'gyur te/ stong pa nyid kyi snang ba ltag/ lhag pa stong pa nyid kyi phyir// snang stor bcom ldan 'das su bshad// ces gsungs so// gzhan yang stong par rtogs pa skye ba'i bla mar gyur pa ni shes bya sna tshogs su shar ba 'di dag ste/ sna tshogs ro gcig tu rtogs par byed pa'i bla ma ni stong pa nyid de/ de bas na snang stong slob dpon du gyur par shes par bya'o// de yang gsung rab las rnal 'byor pa yi bla ma btsal mi bya// shes dang shes bya bla ma mchog gyur nyid// rtogs pa gnyis don phyir na dam pa ste// 'di bas/ mchog 'gyur bla ma gzhan ma mchis/ zhes gsungs pas so// gzhan yang snar pa'i tshe na ni nyams su myong la/ myong ba'i dus na skye ba med pa ste/ de bas na snang ba sna tshogs pa 'di dngos grub pa ma yin te/ gcig dang du mas dpyad na rang bzhin med pa nyid do// gtan med pa ri bong gi rwa lta bu ni ma yin te/ snang ba stong par 'grub pa'i rig pa yod la/ stong/ pa stong par bsgrubs pa'i rig pa dang bral ba'i phyir/ stong pa la snang ba ste/ de bas na snang ba'i tshe nyams su myong la/ myong ba de nyid rkyen las skyes pa'i phyir skye ba med pa ste/ de
- 320a
yang 'phags pa zla ba sgron ma'i mdo las gang zhig rkyen las skyes pa de ma skyes// de las skye ba'i rang bzhin yod ma yin// rkyen las skyes pa gang de stong pa ste/ gang gis stong nyid shes dpag yid yin// nas gsungs pas ma/ de' phyi rnams su myong ba ni bde bar nyams su myong ba dang / stong par nyams su song ba dang gnyis med du myong ba las ma mda' ste/ de yang dgra ma spyan ras gzigs brtul zhugs las/ gang de nyams su myor ba ni 'gags te nus pa ma yin no zhes gsungs pas so// de bas na snang stong gis nyams myong skyed pa'i phyir gdam rag tu shes par bya'o// de dag la gzhan dag ni/ thabs kyi rgyud sde rnam pa lnga mi dgos par 'gyur ba dang / brgyud pa dang ldan pa'i bla ma bsten pa la don med par 'gyur ba dang / rdo rje lugu rgyud za ma tog zad mi shes pa dag la bcal mi dgos so snyam pa la// de ltar ma yin te 'di dag ni chos kyi phyag rgya'i lam pa rtogs pa dang ldan pa'i gang zag gi dbang du byas pa'o// debs na ga pung rab las// khrus dang gtsang sbra 'dir mi dgas// dka' thub dka' sprad 'dir mdags// sangs rgyas rnams dang sems dpa' rjer// rtag tu ster bas 'grub/ par 'gyur// gzhan du na las dang po pa rnams kyis ni/ de bzhin gshegs pa brgyad dag las 'byung ba'i tshul gyis bla ma dam pa bsten te/ de'i zhal gyi bdud rtsis rab tu brlan par bya'o// skabs su bab pa'i tshig ni e dang ba ste/ de yang phyag rgya bzhi'i ga rims kyis pad+ma dang / rdo rje dang / sgra spyi dang dani spyi dang / bde ba dang stong pa dang / yul dang yul can gyi khyad
- 320b
par gyis/ dbyibs dang sgra dang don dang mtshon pa'i dgye ba las gzhi blang bar bya'o// de yang gsung rab las/ rdo rje ga dan la snyoms par bzhugs na sa ni// byang chub sems kyi steng pa de rtogasaH/ zhes gsungs pa'i phyi mtshan dang ldan pa'i rig ma dang / snang ba dang / sems dang snying rje dang bcas pa'i smon lam ste/ 'di dag ni gad na na bye brag gi don ni/ las kyi phyag rgya lus la ste// chos kyi phyag rgya'i ngag las so// phyag rgya chen po yid kyis te// dam tshig phyag rgya kun tu 'gro zhes pa'i phyir/ gsang sngags kyi theg pa rnams ni/ bla ma sngon du song ba las/ dngos grub rnam pa gnyis 'byung ba yin pas/ bla ma gtsor gyur pa yin pa'i phyir ngag sngon du 'gro dgos pas chos kyi phyag rgya gtan la dbab par rigs so// de dag gis ni 'bras bu dang las kyi phyag rgya gnyis ka la snyeg par nus so// de la brjod par bya ba dang / skabs su bab pa'i tshig ste/ ngo bo dang / mtshan nyin dang / phan yon du shes par bya'o// brjod par bya ba ni/ sgra'i rang bzhin bla ma'i gdams ngag ste// de yang rang gi tshig dang tshad ma dang // de don lus dang mi 'gal ba// de don spyod dang mthun pa ni/ bla ma'i gdam// / ngag yin par gsungs zhes bya bas chos thams cad rkyen gzhan las skyes pa dang / de nyid kyi ngo bo ma skyes pa dang / tha mi dad par rtogs par bya'o// skabs su bab pa'i tshig ni e dang baM ste/ bcom ldan 'das la lha'i dbang pos zhus pa'i mdo las chos kyi phung po brgyad khri dang // bzhi stong dag gi grangs snyed kyi// kun gyi gzhi dang pha ma ni// yi ge gnyis ni yang dag
- 321a
bstan zhes bya ba sa/ bcom ldan 'das kyi gsung rab rnams kyi gleng bzhi'i tshig gam don mdor bsdus pa ni de nyid do// ngo bo ni snang ba dang stong pa ste/ de yang de nyid las/ yi ge e ni mar gyur la// paM ni pa zhes bya bar grags// thig le de gnyis sbyor ba ste// sbyor de shin tu rmad byung ba'o// zhes kyi ba sa gnyis su med par sbyor ba'o// gang la gnyis kyi 'du shes med par sbyor ba ni lhan cig skyes pa'i ye shes so// mtshan nyid ni brjod par bya ba dang / brjod par byed pa ste/ de yang e stong pa'i ngo bor brjod par bya ba yin la/ baM bde ba'i ngo bor rjod par byed pa'o// de yang bla ma'i gdams ngag sgra spyi'i rnam pa ni rjod byed du shes par bya ste/ des bstan pa'i rtogs pa bde stong don spyi'i rnam pa ni/ brjod byar rtogs par bya'o// de dag la byang chub sgrub pa'i thabs yod dam zhe na/ de yang dang po sgra dang don gyi e baM las/ skad cig ma bzhi rims kyis 'byung la/ de las dga' ba bzhi skyes pas nyon mongs pa bag chags dang bcas pa spong ste/ 'bras bu phyag rgya chen po rang chags su 'char ba ni don che ba'o// de dag las smon lam dang snying rje'i stobs kyis gzugs sku rnam pa gnyis sems can gyi snang ba la 'gyur ba ni phan yon che ba ste// de yang chos kyi phyag rgya'i yi ge gnyis// de nyid shes pa gang gis shes// des ni sems can thams cad la// chos kyi 'khor lo bskor bar 'gyur zhes pa'o// de lta bu'i chos kyi phyag rgya la 'jug pa'i nus pa med pa dag gi gang gis/ las kyi phyag rgya la 'jug par bya ste/ de yang dpe'i ye shes su rig pa dang / chos kyi 'byung gnas su rig pa dang / btsan thabs kyi rnal 'byor
- 321b
sun phyung la/ yang dag pa'i dbang dper gzhag pa dang / 'phel bar byed pa 'brel ba'i tshul gyis nyams su blang ba'o// de la yang chos kyi phyag rgya la skad cig bzhi dang dga' ba bzhi ji ltar rtsi ba bzhin/ las kyi phyag rgya la yang yod pa'i phyir dang / 'dra ba'i phyir na dngos ma yin te/ mtshon cha mtshon par nus la/ mtshon byed nyams su myong ba'i phyir dang / thabs kyis ma zin na 'khor ba 'gyur la/ thabs kyis zin na mya ngan las 'das pa 'gyur ba ni/ e ni pad+ma nyid 'gyur la// baM ni rdo rjer bshad pa ste// thig le de ni sa bon yin// de las 'gro ba rnam gsum skyes/ zhes bya ba dang / e yi cha byad bzang po la// dbus su baM gyis rnam par brgyan// zhes bya ba la sogs pa bstan pa'i phyir dang / drag po'i dbang bskur ni rtog pa dang go rims gnyis la 'khrul la/ dbang bskur ngan pa ni rtog pa las 'khrul pa nyid kyi phyir dang / yang dag gi dbang bskur ni/ rtog pa dang go rims la ma 'khrul pa'i phyir dang / de yang dbyibs kyi e baM pad+ma/ dang / rdo rje snyoms pa deng / skad cig ma'i bye brag gis nyon mongs pa bag chags dang bcas pa rim gyis spangs pa las/ mtshon byed nyams su myong la mtshon bya mtshon par nus pa'i / phyir ro// de lta bu'i las kyi phyag rgya la rjes su 'jug par mi nus pa rnams ni dam tshig gi phyag rgyal 'jug par bya ste/ de yang sbyor ba rnam pa gsum dang / skye ba bzhi'i tshul dang / rnal 'byor rnam pa bzhi dang / sgrub pa po'i dbang du dran pa gcig gi rdzogs pa dang / cho ga gsum dang lngas bskyed pa ni/ kun tu brtags pa dag par byed pa'i gzhan dbang gi blos skyong bar
- 322a
byed pa nyid do// de yang dam tshig gi phyag rgya'i lhan cig skyes pa ni/ thabs dang shes rab kyi nyi zla kha sbyar ba'i dbus na/ bde ba dang stong pa'i ngo bo can gyi thig le gnyis gnas pa ni kha dog dang dbyibs su grub kyang / rang gi mtshan nyid nyams su myong ba dag la shes rab ye shes bstan par bya'o// des dpe nyams su myong yang don gyi spyi'i rnam par rtog pa dang bral zhing nyams su ma myong ba dag la skyes pa dang ma skyes pa dang tha mi dad par bstan par bya'o// de nyid la goms na don rang gi mtshan nyid du 'gyur ro// de dag gi thun mong gi don mdor bsdu ba te bstan pa'o// de ltar thun mongs gi don de dang ldan pa rnams ni pha rol tu phyin pa'i theg pa chen po las khyad par du 'phags pa ste/ de yang sgron ma gsal ba'i rgyud las don gcig na yang ma rmongs dang // thabs mang dka' ba med pa dag/ dbang po rnon pos dbang byas kyang // sngags kyi theg pa khyad par 'phags// zhes gsungs pa'i phyir// don rab tu mi gnas pa'i dbu/ ma'i gnas lugs dang / phyag rgya chen po gnas lugs la/ dgag sgrub dang bral ba'i phyir/ gcig gis kyang bsgrub pa'i dus kyi gang zag gi lam la khyad par yod do// dbu ma ni lung dang rig pas gtan la phab pa ste/ rmongs pa yin la 'di dag ni gdams ngag gi khyad par du byas pa'i phyir ma rmonges pa ste/ de yang gsungs rab las/ brgyud pa byin brlabs cher ldan zhing // dbang gi man ngag dang bcas pa// brda yis go bar byas pa nyid// mtshan nyid myong phyir ma rmongs pa'o// zhes bya bas kyang ngo // pha rol tu phyin pa'i theg pa ni tshogs gnyis kyi rang /
- 322b
bzhin sbyin pa dang / tshul khrims dang / bzod pa dang / brtson 'grus dang / bsam gtan dang shes rab thabs su gyur pa yin la/ 'di ni dam tshig gi phyag rgya kun brtags la rgyas 'debs par byed pa dang / las kyi phyag rgya nyon mongs pa lam du slong bar byed pa dang / chos kyi phyag rgyas rtog pa ye shes su 'bar bar byed pa'i lam rnams thabs su 'gyur ba'o// pha rol tu phyin pa ni dka' ba dang bcas pa ste/ spang bya'i nyon mongs pa spong bar 'dod la/ spong byed kyi gnyen po bsten par 'dod pas bzhi spong ba'i lam pa ste/ bskal pa grangs med pa gsum/ gyis 'tshang rgya bar gsungs so// 'dir ni dbang gis rab tu byed pas mngon par zhen pa dang bcas pa'i blo'i bdag nyid spangs te/ gnyis med kyi ye shes ci yang ma yin pa nyid rtogs pas 'tshang rgya pa'i phyir dka' ba med pa'o// pha rol tu phyin pa'i theg pa la ni dbang po 'bring dang thams cad kyang 'jug par nus la/ 'dir ni dbang po rab 'ba' zhig gi spyod yul yin gyi gzhan gyi spyod pa ma yin pas khyad par du gyur pas te/ de dag gis ni thun mong ma yin pa'i don brjod pa'o// de ni tshig gi don bshad par bya ste/ dang por rje btsun pa nyid la yang // rabs kyi tshul dang mthun par bya ba'i phyir dang / bkra shis par bya ba dang / gzhung bsdu ba dag la bar du gcod pa nye bar zhi bar bya ba'i don du bya ba la 'jug pa'i sngon rol du yul rang gi 'dod pa'i lha la mchod par brjod pa ni/ rnam dag ye shes te rang bzhin// rdo rje sems la phyag 'tshal te zhes bya ba ste/ de yang dang por don gyi rang bzhin la mchod par brjod pa dang //
- 323a
de'i tshig gi don gsal bar bya ba'o// de la chos kyi sku ni rnam par dag pa'i ye shes te/ yod pa dang med pa dang gnyis dang gnyis ma yin pa'i mtha' las 'das pa/ dri ma dang bral ba'i cha// spro skur gyi dben pa shes shing brjod pa'i yul las 'das pa blos yul du ma byas pa ste/ phyag rgya chen po'o// de las longs spyod rdzogs pa dang sprul pa'i sku snang ba ni/ sems can gyi blos gzhag pa la/ gnyag mas bsdus pas dbyer mi phyed pa'i phyir/ ngo bo nyid kyi sku de'i rang bzhin no// de yang bde ba stong pa dbyer/ mi byed pa'i bde ba chen po ste/ rdo rje sems dpa'o// de yang rdo rjes ni stong pa nyid mtshon pa yin la sems dpas dri snying rje mtshon pa dang bcas pa'i bde ba bstan par shes par bya'o// de yang gsung rab las su zhing brtan la mkhregs pa ste/ gcad med gzhig tu med mtshan nyid// bsreg tu med cing gzhom du med// skyong nyid rdo rje zhes byar brjod// ces gsungs pas so// gzhan yang / stong nyid myong ba bde sems pa// sems dpa' de yis gzhan sems nyid// bde dang snying rje dbyer med pa// de ni snying po'i sems dpa'o// / de dag la gnyis med kyi tshul du phyag 'tshal ba ni/ mchod pa thams cad kyi phul du gyur pa ste/ ji ltar tshul chu bzhag dang // ji ltar mar la mar bzhag bzhin// rang rig yid kyi ye shes kyi// de rtogs pa ni 'dir phyag yin zhes 'byung bas so// tshig gi don gsal bar bya ba ni/ rnam dag ces bya ba ste/ de'i mtshan nyid rnam par gzhag pa ni/ phung po lnga
- 323b
rnam par dag pas/ rigs lnga'i bdag nyid du bltas la/ de nyid rnam par dag pas mi bskyod pa rnam par shes pa'i ngo bor mthong bar bya ste/ de yang rang rig ye shes su blta ba dang // rnam pa thams cad de'i rang bzhin du zhes pa dag la/ rnam par thar pa'i sgo stong pa nyid dang / mtshan ma med pa dang / smon pa med pa'i stong pa nyid kyi rdo rje las/ dmigs pa med pa'i snying rje chen po'i sems dpa' longs spyod rdzogs pa dang / sprul pa dang / bla ma rje btsun pa dpal mgon gyis tshogs su gyur pa rnams la/ thun mong dang mchog gi dngos grub nye bar rnyed pa'i don du phyag 'tshal pa'o// te zhes bya ba ni bya ba ma 'ongs pa la ltos pa'i tha tshig ste/ bsod nams kyi mthus zhing khyad par gyi byin brlabs kyi mi mthun pa'i phyogs gsal te/ brtson 'grus kyi stobs kyis bshad par dam bca' ba'i don to// de yang rgyas gda' ba'i bdag nyid kyis rnam par dag par byed pa ni dbar la rag las te// de yang rim gyis 'jug pa'i tshul la bum pa'i dbang sngon du 'gro ba'i phyir/ dam tshig gi phyag rgya rgyur gnas pa sngon du bshad par bya'o// de la yang dbar dkyil 'khor la brten pa ste// de yang bum pa rtog pa rags pa'i gang zag gi spyod yul yin pa'i phyir/ rdul tshon gyi dkyil 'khor bsam par bya ste/ de la bsnyen pa dang sgrub pa rnam pa gnyis so// bsnyen pa yang dus dang grangs dang mtshan mar shes par bya'o// bsgrub pa la slob dpon las kyi cho ga dang slob ma 'jug pa'i cho ga'o// de la sa'i cho ga dang / sta gon dang / thig bri ba dang / tshon bri ba dang
- 324a
dkyil 'khor byin gyis brlab pa dang / bum pa dgram pa dang / dkyil 'khor zhag gi cho ga dang / slob dpon bdag nyid 'jug pa'o// gzhan la ni 'jug pa dang / dbang bskur ba ste/ dang po la ni gsol ba gdab pa dang / mi gdab pa dang / khyad par gyi don dri ba dang / yo na dbul ba dang / nang du 'jug pa dang / dam bsgrags pa dang / mna' bsgag cing mna' chu blad pa dang / bka' bsgo ba dang / ye shes dbab pa dang / me tog dor ba dang / mthong ba dri ba dang / gdong g.yogs dgrol ba dang / rang gi rigs kyi lhar dbang bskur ba dang / lha ro bstan pa'o// gnyis pa dbang bskur ba la ni/ rdo rje slob ma dang slob dpan gyi dbang bskur ba'o// de la chu dang cod pa na dang rdo rje dang bdag po dang / ming gi dbang rnams ni ma rig pa'i mongs pa yid kyi rnam par shes pa dang / sgo lnga'i rnam par shes pa dang / nyon mongs pa can gyi yid dang / kun gzhi rnam par shes pa dang / bzung ba dang 'dzin pa bcom nas/ rig pa'i ye shes me long lta bu dang / mnyam pa nyid dang / so sor rtog pa dang bya ba nan tan dang / chos kyi dbyings kyi ye shes rtogs la/ rigs lnga'i dbu rgyan du gyung ba'i phyir rig pa dang / dbu rgyan du rigs la 'brel pa'i phyir bum pa'i dbang dang bsgrub pa la sa gzhan ma bshad pa'i phyir slob ma'i dbang du yang rigs so// de ni de dag gi rtog pa rnam par 'gyur ba bshad par bya'o// de yang gsung rab las blugs shing dag par byas pa yis// rtogs dang ldan pa'i dbang du brjod ces gsungs pa'i phyir/ rang gi lhag pa'i lha'i dkyil 'khor gnyis
- 324b
su med pa'i sbyor bas/ zhu ba'i ye shes kyi bdud rtsi'i tshus spyi gtsug tu blags pa tsam nyid kyis/ byin brlabs dang ting nge 'dzin dang / sngags kyi rkus pas sgrib pa rnam pa gnyis kyi dri ma 'khu bar byed do// gnyis pas ni phyag rgya chen po'i dngos grub ma thob kyi bar du gzhan don dpag bsam gyi shing lta bur byed pa dang / che ba'i yon tan nor bu rin po che lta bur 'byung ba/ dbu'i gtsug tor ltar mi mthong ba thob pa'o// gsum pa ni brdar shes par bya ste/ brda de dag gis mtshon pa'i don rtogs par bya'o// de la lta ba ni chos kyi dbyings mtha' thams cad dang bral ba ste/ rgyu med pa dang / rnam rtog gi tshogs dang bral ba dang / rtag chad kyi mtha' gang la yang mi gnas pa'i brtar yi ge hUM gis mtshan pa ste/ de rtogs par bya ba la ni pad+ma las 'bras bu 'byung ba bzhin/ 'khor ba'i pad+ma las phung po rnam pa lnga'i 'bras bu 'byung ba'o// de la rigs lngas rgyas gdab pa'i phyir rwa lnga'o// de la rnam par shes pa'i ngo bo mi bskyod pa'i rgyas gdab pa'i phyir/ rA bzhi dbus la 'dud pa'o// de la rdo rje 'chang gi sa rgyas gdab pa'i phyir/ rwa'i rtse mo la rnam thar sgo gsum gyi bdag nyid me tog kha phye ba gsum gsum gyis mtshan pa'o// bzhi pa ni yi ge a las bskyed pa'i phyir chos thams cad skye ba med pa yin la/ sor bcu gnyis su gnas pa ni/ de rtogs pas ma rig pa la sogs pa rten 'brel bcu gnyis zad par byed pa'o// nang khong stong du gnas pas gsal ba ma yin te/ ngo bo stong pa nyid yin pa'i phyir ro// khor yug la rdo rjes bskur ba ni/ 'khor ba ji
- 325a
srid pa de srid la/ chos kyi sku'i rgya dang bcas pa'i don to// pad+mas steng g.yogs pa ni de bzhin nyid rtogs na/ 'dod yon rten kyang 'khor ba'i skyon gyis mi gos pa'i don to// de la nyams su myong ba'i mgrin pa dang / the tshom med pa'i bum pa dang / sgo ma btags pa'i pad+ma dang / ye shes rnam pa lnga'i rwas brgyan pa'i don to// sgra 'byung ba ni rtog pa de dang ldan pa'i bsgrub pa po dag la/ dus rtag tu stong pa nyid kyi sgra dang mi 'bral ba'i don to// lnga pas ni go 'phar dang / skal ba dang ldan pa dang / snga ma'i ming dor ba la rtogs pa gsum ste/ spyod pa'i gdung ba dang / dmigs pa dman pa dang / 'bras bu'i ni smod pa dor ba'i tha tshig go// phyi ma ming btags pa ni dus thams cad du rigs kyi mos pa dang mi 'bral bar byas pa'i don to// de dag ni rdo rje slob ma'i dbang gi bshad pa'o// // slob dpon gyi dbang bskur ba la ni/ dam tshig gsum dang / sdod du bya ba dang / rjes su snang ba dang / rdo rje brtul zhugs dang / lung bstan pa dang / gzengs bstod cing dbugs dbyung ba'o// de yang thugs kyi dam tshig/ thugs rdo rjer byin gyis brlab pa dang / gsung gi dam tshig dril bu gsude rdo rjer byin gyis brlabs pa g.yas g.yon du byin pa dang / su'i dam tshig rang gi rigs kyi lha'i nga rgyal du bsgom par gnang ba byin pa'o// dkyil 'khor gyi de kho na nyid dang / lha'i de kho na nyid ni/ byang chub kyi phyogs kyi chos sum cu rtsa bdun la sogs pa dang sbyar ro// dkyil 'khor dang bsgrub pa'i thabs ni bsnyen pa dang bsgrub pa'o//
- 325b
tha sathas pacas thas ma ya sa masas gram sa pa ma bas mam sa sa sas sa sasam masams mam ca sas tham mas pa mas mas pa thams pas sa mas sa ma las ma sasas ma la sa mas mags pa sa tha ma la sa yang ma sa sa slob dpon gyi las ni dbang bskur ba dang / rab tu gnas pa dang / sbyin sreg la sogs pa'o// bdud rtsi rnam pa lnga bsnyen pa ni/ go rims spyad thabs mkhas par bya'o// rjes su gnang bas ni/ gzhan ma smin po dang / ma grol ba ni/ smin pa dang grol bar byed pa'o// rdo rje brtul zhugs kyis rtag tu byang chub sems dngo mi 'bral bar bya'o// lung bstan pa dag gi phyir mi ldog pa go bar bya'o// gzengs bstod cing dbugs dbyung bas ni/ sngags kyi theg pa 'di dag gzhan las khyad par du ston pa'am/ go 'phang dang skal ba dang ldan zhes bya ba'i tha tshig go// de thams cad kyang chu dang ldan par bya ste/ gsung rab las/ sems can rnams kyi dngos grub rgyur// dbang ni rnam pa bzhi ru brjod// blugs shing bkrug pa 'di yis ni// dbang zhes bya bar nges par brjod/ ces gsungs pa'i phyir ro// de dag gi rtogs pa yang dus rtag tu rang bzhin med pa'i nyams dang mi 'bral ba dang / chos kyi phung po brgyad khri la sogs pa shod cig pa dang / lha'i nga rgyal dang mi 'bral bar bya ba dang / brtan pa dang g.yo ba'i zhen pa bzlog pa dang / 'bras bu lam du khyer ba'i gzhan don thog ma nas grub par bya ba dang // kun du brtags pa la gzhan dbang gis rgyas gdab pa dang / mi rtog pa 'phel bar bya zhing rtog pa zhi bar bya ba dang / zhi ba dang / rgyas pa dang / dbang dang / drag po dag gi phrin las kyis sdig pa zhi ba dang / bsod nams rgyas pa dang / gzhan dbang du 'gyur ba dang / mi mthun par tshar gcad par nus pa ste/ de gzhan don du 'gyur ro// dbang bskur ba'i las de dag la nus pa khyad par can
- 326a
'byin par byed na ni/ 'di de sangs rgyas thams cad kyi// phyag na rdo rje'i lag na 'dug/ khyod kyis kyang ni rtag tu bcang // phyag na rdo rje'i brtul zhugs brtan zhes bya bas so// gzhan / dag la ni 'khor ba las gzhan pa dang / de ma yin pa'i sar mi ltung ba dang / des don du 'gyur bar bya ba'o// gzhan ni nan tan dang bcas pas bsrub ces bya ba'i tha tshig go// bdag nyid nga rgyal dang ldan pa'i phyir rdo rje sems dpa' dbang yin pa dang / nus pa'i phyir slob dpon gyi dbang dang 'brel pa'i phyir/ bum pa'i dbang dang khyad par gyi phyir log pa'i dbang dang / bya ba sna tshogs la 'jug pa'i phyir 'khor los sgyur ba'i dbang zhes bya ba'o// de dag gi rgyud dam tshig phyag rgya ste/ bum pa'i dbang mdor bsdus te bstan pa'o// / da ni brtul zhugs kyi de nyid kyi bshad par dam bca' ba ston te/ phyag rgya bzhi'i rimo mdor bsdus pa// bdag nyid go tshe'i don du bshad/ ces bya ba las/ phyag rgya ni 'debs pa'i don dang / mi 'da' ba'i don te/ lus dag yid gsum la lhan cig skyes pas 'debs pa dang / chos snang zhing grags pa la skye ba med pas 'debs pa dang / nyams su myong ba la yid la mi byed pas 'debs pa dang / gzhan gyi don la smon lam dang snying rje'i mthus 'debs pa'o// bde ba dang stong pa drang shar ba gnyis med las mi mnga' ba'o// bzhi ni grangs nges par bzhag pa ste/ de yang gang zag bzhi la shis shing / dbang bzhi dkyil 'khor bzhi la brten pa'i tshul gyis gnas bzhir bskur bas/ mi mthun pa bzhi dag cing bsdams pa bzhi dang ldan pas/ 'bras bu sku bzhi rang chas su 'char ba'i
- 326b
phyir ro// rim pa ni rim gyis 'jug pa'o// don ni rgyud sde rnam pa lnga'i don te/ de gang zag gi lam du bsdus pa'o// de yang gzhan dbang po shin tu zhan zhing bskal ba dang mi ldan pas mi reg pas// rtogs pa skye bar mi 'gyur yang / rje btsun pa bdag nyid dgo bar bya ba'i don du'o// skal ba dang ldan pa gzhan dag bkag pa ni med de/ de dag gi don du 'gyur bar bya ba'i phyir yang bshad do// de yang / don med ma yin brjod bya dang // dgos med ma yin yang dgos dang / 'brel dang bcas pas bshad par bya// zhes bya ba'i tha tshig brjod par bya ba dang // dgos pa dang dgos pa'i dgos pa dang 'brel ba'o// de la dang po la ni brjod bya dang rjod byed do// de yang smra spyi rnam pa dang / don spyi'i rnam pa dang / spa rang gi mtshan nyid dang / don dang // gi mtshan nyid kyis gsang sngags kyi rgyu lam 'bras bu dang bcas pa'o// de yang thu na mong ma yin pa'i ngo so shes dang / sde sto ngo spyi'i rnam pa nyams su myong ba dang / de rang gi mtshan// nyid du gyur pa las/ gzhan gyi don 'byung ba dang 'brel ba dang / 'dris pa dang / khyad par can gyi don ston nus pa de dag med na mi 'byung ba tsam nyid kyi don to// de bas na/ bsgrub mi nus dong don med dang // dman pa la sogs ma yin pas// don dang ldan pa'i chos 'di ni// brtsams paro yang ni rigs pa yin/ zhes bya bas kyang ngo // da ni gzhung nye bar bsdu bar// / bye ba ston te/ gzhan dag ni chos 'di dag bstan pas/ dgos pa khyad par can med do snyam pa la bstan par bya ste/ 'dir blun po dag ni phyag rgya bzhi go rims la 'khrul cing rmongs
- 327a
pa dang / shin tu rmongs pa dang / dka' ba can dag dang srid pa'i rgya mtshor shin du sdug bsngal bar gyur cing 'khyams pa la/ bde bar phyag rgya bzhi'i don rtogs shing khong du chud par bya ba'i phyir zhes bya ba la/ 'dir ni khyad par gyi lam 'di dag du'o// blun po dge no mi shes shing 'og nas 'byung ba rnams so// phyag rgya bzhi bshad zin no// skad cig/ bzhi'i go rim la 'khrul cing / rtog pa la rmongs pa phyi rol pa dang khyad med pa'i phyir/ drag po'i dbang bskur ro// shod tu rmongs pa dang zhes bya ba ni dbang bskur ngan pa rnams te/ go rims lam 'khrul pa'i rjes la mi rigs pa'i phyir ro// dka' ba can dag zhes bya ba ni/ rnal 'byor spyod pa bdag dang dbum pa ste/ bskal pa grangs med pa gsum gyi sangs rgyas zhes gsungs pa'i phyir ro// srid pa'i rgya mtshor shin tu sdug bsngal bar gyur cing zhes pa ni/ nub phyogs pa dang / kha phye bye brag tu smra ba ste/ de dag ni khams gsum/ gyi srid pa rgal dka' ba'i rgya mtshor ba dag tu lta ba'i nad kyis shin tu sdug bsngal bar gyur cing bde bas dben po'o// 'khyams pa la zhes bya ba ni/ phyi rol dang so so'i skye bo ste/ don/ med pa'i phyir ro// de lta bu dag la rgyu lhan cig skyes pa dang / lam skye ba med pa dang / 'bras bu bde ba chen po las/ 'byung ba tha mi dad pa ni bde bar 'byung ba'o// phyag rgya bzhi'i don rtog nas zhes bya ba ni/ las kyi phyag rgya dbang gi dus su dang / chos kyi phyag rgya don ci'i rnam pa 'char ba'i dus su dang / phyag rgya chen po don rang gi mtshan nyid ji lta bu'i dus dang / dam tshig gi
- 327b
phyag rgya mngon du gyur cing smin pa'i dus su'o// khong du chud par bya ba'i phyir zhes bya ba ni/ dang bos pa de ba khong du chud par byed do// gsum pas dbyer mi phyed pa khong du chud par byed do// / phyi zhes bya ba ni dgongs pa ste/ sbyin po zhes rab can du bya ba'i tha cheg go// de la dbang po rab 'ba' zhig gi spyang yul yin zhes pa dang 'gal lo zhe na ma yin te/ khro chung byis pa lta bu la// ma lta bu'i bla ma yis// gdams ngag bcud kyi spyad byas nas// bla med theg pa'i rten du 'gyur zhes bya bas rten cing 'brel te/ blo sbyangs pa la yin gyi/ mo sbyangs pa la ni ma yin no// de yang rang gzo ma yin te/ tshad ma dang ldan par bya ba'i phyir/ rgyud bzang po dag gis rjes su 'brangs nas shes bya ba ston te/ de la rgyud ni rgyun te/ de rnam pa gsum du 'gyur ba ni/ rim pa gnyis kyi mtshan nyid can te/ phrog tu med cing gzhan gcod par byed pa'o// bzang po ni pha'i rgyud gsang ba 'dus pa dang / ma'i rgyud bde ba mchog gi 'khor lo dang / rtag pa sum cu rtsa gnyis pa dag gi rjes su 'brangs nas mdzad pa'o// rgyud de de dag dang ldan yang thun mong ma yin pa'i don ston paro mi 'gyur ram snyam pa la/ bla na med pa'i khyad par can bstan par bya ste/ bde ba chen po dngos grub bsgrub pa'i thabs zhes bya ba la/ bde ba chen po ni sgo skur dang bral ba ste/ don gzhan la mi ltos pa ci yang ma yin pa'i ye shes ma bcos pa'o// de yang / ra bzhin bcos ma ma yin pas// don gzhan la ni ji ltar ltos zhes pas so// gal te dngos po rnams rang bzhin med pa yin/ rnam pa sna tshogs pa'i phyir snang ba zhe na/ nyes pa med deso
- 328a
so'i skye bo ma rig pa'i rab rib kyis mig nyams par byas pas so// dngos po rnams rang bzhin med pa la/ rang bzhin sna tshogs su rtags su zad kyi rnal 'byor pa ma rig pa'i dri ma dang bral ba'i blo gros kyi mig can la ni ma yin no// de yang gsung rab las/ e ma kun tu bzang po yis// sku dang gsung thugs rdo rje can// skye ba med pa'i tshul gyis so// skye/ ba 'di ni rab tu bsgrags zhes bya bas/ skye med sna tshogs su shar ba la/ tshu rol mthong ba'i gang zag gis/ mdun de snang ba tsam gyi 'jug tu brad kyi don la mkhas pa dag gis skye/ pa med pa nyid do// de rtogs nas de tsam du mi 'dzin pa ni bde ba chen po'o// dngos grub ni mchog gi dngos grub ste bcu bzhi pa'i sa'o// de yang 'di ltar myur du bsgrub pa ni lnga pa dang ldan pa'i thabs so// gal te rgyud dong gdams ngag gis de kho na nyid yod kyis kyang / brtsam pa'i che dang mi ldan no snyam pa dag la bshad par bya'o// don rab dang ldan par brtsams te zhes bya ba ni/ chos thams cad de kho na nyid/ sngar ma mthong ba'i don rab mthong ba ni/ mthong ba'i lam ste stong pa nyid kyi ye shes so// de yang gsung rab las dngos po thams cad dang bral ba// phung po khams dang skye mched dang // gzung dang 'dzin pa rnam spangs pa// chos bdag med pa'i mnyam nyid las// rang sems bzod nas ma skyes// / pas// stong pa nyid kyi rang bzhin no zhes bya ba de dang ldan pa brtsams pa ste/ rje btsun gyi 'di dag don med pa'i bstan bcos su mi 'gyur ro// de dag la gang zag gang gis sgrub
- 328b
par bya zhe na/ dbang po mchog gis rnyed pa'i phyir/ dam pa dang mtshungs pas shin tu bsgrub par bya'o zhes bya ba ni sngon du song ba'i mthalas gru ba pa ste/ de yang dge ba'i bshes gnyen bsnyen pa dang / tshogs gnyis su bsags pa dang / gnyug ma la sbyanges pa dang / slar lam chen po btab pa dag gis bla ma la gus pa dang / gdams pa la nges pa dang / gdams ngag nyams su myong ba dang / zab mo la mi skrag pa ni dbang po mchog ste/ de dag gis bslab bu rnyed pa'i phyir bsgrub pa'o// de yang bla ma dang mi ldan na dngos grub nye bar rnyed par mi 'gyur te/ bla ma dam pa rkang pa dang byin gyis brlabs sran lta bu dang / mkhas pa rnyog pa med pa mtshunges pa sa shin tu bsgrub par bya'o// de dag gis ni dgos pa tshad ma dang bcas pa bstan pa'o// de ni rtog pa lta bar bya ba'i phyir mdong bsnyan par bya ste/ de la phyag rgya ba'i zhes bya ba ni/ las kyi phyag rgya dang / chos kyi phyag rgya dang / phyag rgya chen po dang / dam tshig gi phyag rgya'o zhes bya ba la las ni bde ba ste/ phyag rgyan dus kyi sna rtse tshad du 'dzin pa'o// chos ni phung po la sogs pa skye med du rtogs pa ste/ phyag rgya ni bla ma'i gdams ngag gi tshad du 'dzin pa'o// chen po ni bde stong gnyis med de/ p+lagA rgya ni yid la mi byed pas lta ba 'dzin pa'o// dam tshig ni phun sum tshogs pa'i dor te/ phyag rgya ni gzugs su rnam pa gnyis kyi sa gzhan don chad du 'dzin pa'o// da ni de nyid rgyas par bshad pa ni/ de la las kyi phyag rgya rang gi ngo bo brtag par//
- 329a
b+hA ste/ lus ni lus dag yid gsum mnyam pa ste/ bsam pa gtso bo yin la/ phyag rgya ni bla ma'i gdams ngag gi rang gi ngo bo brtags pa'o// zhes bya ba la/ las kyi phyag rgya rang gi ngo bo ni lhan cig skyes pa ste/ der sbyor ba gzhan gyis brtag par bya ste/ sbyor ba ni las su shes par bya'o// de la mig lta ba dang / lce bzhib pa dang / ma mchu so yis bzung ba dang / 'o bya zhing 'khyud pa dang / nu mo mnyel ba dang / ga yA' bsrung ba dang / ka ko la ra ba la bskyod pa ni las so// chags pa ni gtam gleng ba dang / rdo rje'i bzlas pa ni ngag go// rdo rje pad+ma'i byin gyis brlab pa dang / rdzogs pa'i sangs rgyas kyi blo yod pa ni yid kyi las te/ de dag ni gsang ba nang gi dbang la yang shes par bya'o// nang la ltos nas phyi yod dam zhe na/ phyi la ltos nas ma smin par bya ba yang yod do// gsungs rab las// khru gsum mtheb sor gsum lhag pa/ dkyil 'khor dag gis bya ba yin// rigs lnga dag las byung ba ni// rig ma der ni gzhug par b+hazhes gsungs pa ni gong du bshad pa'i bum pa'i dbang do// ma smin pa la yid gsang ba'i dbang mi thob pa ni ma yin te/ de nyid las yang na gang de ji ltar rnyed/ bcu drug la khon de bzhin du'ang // ji srid shu kr-i ldan 'gyur ba// de srid du ni phyag rgya bsten zhes bya bas shes par bya'o// gsang ba phyi dbang ni/ slob dpon yab yum skems par zhugs pa'i/ e baM ma ya yongs su gyur pa'i byang chub kyi sems pad+ma rdo rje las ngag gi rtse mos blang bar bya ste/ lan gsum gyi sbyor bas zag pa med pa'i ye shes skye ba'i rgyur 'gyur ro// de yang
- 329b
mam gags mas mamamam ma ma sa mam ma thamams sa nga ma sa ma pa nga ma sa nga par pa ma par sa yang ba ra mams sa pa ma sa byas ma gsung rab las/ phyag rgya'i gdong ni g.yogs pa dang // zabs kyi gdong yang de ba'in te// de la brten pas gang byung ba// slob ma'i khar ni sbyin par bya/ zhes bya ba'i tshul gyis so// skal ldan slob ma de dag gis kyang 'di ltar shes par bya ste/ shu kra phyag rgyas mi sbyin zhing // nywa phyis dung chos dge tu min// pad+ma rdo rje gnyis dag las// 'chi med lce yis blang bar bya/ zhes bya ba'i don las mi nyams par bya'o// gsang ba nang gi dbang ni/ rnam par smin pa'i sad cig ma mchog gi dga' ba pad+mar nyims su myong bar byas la/ rang rig pa'i ye shes dang/ bcas pa'i ro gcig pa'i de nyid mthus bzlog par bya'o// de yang gsung rab las/ der yang slob ma'i spyod yul ni/ ro gcig par yang bya ba nyid ces bya bas rab tu rtogs par bya'o// bsam pa gtso bo yin la zhes bya ba ni dga' ba gsum lhan cig skyes pa'i ngo bor byed cing / lhan cig skyes po shes pa dang tha mi dad pa'i phyir bsam pa yin pas gtso bor gyur pa ste/ de// yang gsung rab las rang rig las byung ye shes te/ bdag dang gzhon yang rig pa spangs// mkha' mnyam brtul zhugs stong pa ste// dngos dang dngos med bdag nyid mchog/ thabs dang shes rab dang 'dres shing // chags deng chags med rnam 'dres pa// de nyid sog chags rnams kyi srog/ de nyid srog tu mi spong ba// de nyid kyis ni kun la ldab// lus kun la ni rnam par gnas/ dngos dang dngos med de las 'byung // zhes bya ba ni yi ge hUM gi ming can la rab tu rtogs par bya'o// phyag rgya ni sku gsung thugs kyi rig ma'o// man ngag gi zhes bya ba'i 'dod chags las log pa'i
- 330a
'dod chags chen po'i sbyor ba bla ma'i gdams ngag gi zin pa'o// de dag gis ni lhan cig skyes pa rang gi ngo bor brtags pa'o// // gal te lhan cig skyes pa de dag go rims ji lta bur skye snyam pa la bstan par bya ste/ las kyi phyag rgya de las skad cig ma'i dbye bas phye ba'i dga' ba bzhi skye bar 'gyur ro zhes bya ba ni/ skad cig ma'i dbye ba ni sa du bye rgyud ldananas pa smra sa 'a na shA / sgyu sbyin pa bya/ mtshungs pa ni/ gsung rab las/ bcu drug lo lon mdzes pa'i dbyabs// lhar cig skyes pa smon gyur nas zhes 'byung ngo zhes bya ba ni/ bcu drug ni lo ste/ de dag la stong par skye ba'i nus pa yod do// mdzes pa ni yid du 'ong ba ste/ de dag pa bde ba skye ba'i nus pa yod do// dbyibs ni zhi ba dang dul ba dang nges pa dang gdams ngag 'dzin pa'i rtags can gyi phyag rgya dag gis byin brlab skye bar 'gyur ba ste/ lhan cig skyes pa'i ye shes gnyis su med par smin par 'gyur ba'i gnas su gsungs so// de yang bdud kyi dbye ba ji ltar yin snyam pa la/ skad cig ma bzhi bstan par bya ste/ skad cig bzhi ni rnam pa sna tshogs pa dang / rnam par smin pa dang / mtshan nyid dang bral ba dang / rnam par nyed pa'o// rnam pa sna tshogs pa zhes pa ni/ 'gro ba drug tha dad du zhen pa dang / gzung 'dzin gyi rnam pa stong par smin pa dang / rang la bde ba dang stong pa gnyis kyis mtshan nyid dang bral ba gnyis med du nyams su myong ba dang / rang gi rnam pa ni med la gong la spyod pa'i
- 330b
phyir/ 'jig rten pa'i shes pa dang tha mi dad pa'o// de yang rtog pa la skye 'gag yod pa'i phyir skad cig mar bzhag la/ nyon mongs pa'i sgo nas mi 'dra ba'i phyir khyad par rigs so// dus des bsdus pa'i ye shes ji ltar skyes mnyam pa la bstan par bya ste/ dga' ba bzhi ni dga' ba dang / mchog tu dga' ba dang / lhan cig skyes pa'i dga' ba dang / dga' bral lo zhes bya ba la dga' ba ni gzung bas stong pa dang / mchog tu dga' ba ni dga' bas shes lhag ste/ gzung 'dzin gyi stong pa dang / lhan cig skyes pa'i dga' ba ni/ rtag chad kyi mtha' las log ste/ chos kun dang lhan cig klas pa'o// dga' bral ni rang gi phyogs nas dga' ba dang bral la/ gong gi ye shes nges 'dzin par byed pas// blo dang bcas pa nyid do// de yang pad+ma dang rdo rje las skye bsdu pad+ma dang rdo rje las skye bar mi 'gyur snyam pa dag la de yang skad cig ye shes bde ba che// e baM la ni rab tu gnas zhes bya ba nges par bya'o// gal te rgyud dag las rnam pa med pa'i skad cig ma gsum par bzhag la/ 'dir bzhi par gzhag pa ni/ bla ma dam pa dag gi zhal gyi bdud rtsis bcan thabs kyi rnal 'byor su na phyung ste/ mtshan nyid dang bral ba'i skad cig ma dbus su bstan pa ni mchog tu gyur pa'i phyir yang dag gis dbang du shes par bya'o// de yang drag po'i sbyor ba spangs pa yis// sna tshogs de nas rnam par smin// gsum pa mtshan nyid bral ba ste// rnam pa med pa de nas shes zhes bya bas rigs so// de yang ma yin na/ mchog dang dag bral dbus su ni// mtshon cha shes nas brtan par gyis zhes gsungs pa de 'thad par
- 331a
yang mi 'gyur ro// rnam par nyed pa gsum par 'dod do zhe na/ rnam nyid kun tu spod ce na// gsum pa ji ltar 'dod par byed/ ces bya ba'i tshig gis gsal to// de bas na btsan thabs kyi rnal 'byor ni/ rigs dang bral zhing lung dang bgal ba'o// gal te 'di ni nges par 'byung ba drug pa'i sgra ste/ dga' ba dang lhan cig skyes pa la ltos pa'i cho ga gi dga' bral gyi dga' ba ni dbus ma ste de nyid gtso bor gyur pa ni gsum pa yin pa'i phyir/ dga' bral gyi dga' ba ste rigs so zhe na/ gsung rab las/ dga' bral dang po mchog gi mtha'// stong dang stong min te ru ka zhes bya bas bsal to// de la gsum pa dgrab bral yin la/ lhan cig skyes pa la ltos pa'i dang po ste/ mchog gi mtha'o zhe na/ ma yin te dga' bral gyi dang po mtshon par bya// de ni dga' ba gsum bral nyid/ ces bya bas gsal to// de yang snga ma bzhin no zhen ma yin te/ rnam par nyes par spyod par brjod// rang gi bde ba za ba nyid ces bya bas bsal to// de bas na rtog pa mi rtog par ji ltar 'gyur te mi 'gyur ro// de de bas na 'jig rten pa'i grags pas kyang gnod la/ nges par byed pa dang yang 'gal ba yin no// gzhan yang dga' ba dang po sna tshogs nyid// mchog tu dga' ba rnam par smin// dga' bral dga' ba rnam par nyid// lhan cig skyes pa mtshan nyid bral// zhes bya bas dga' bral ni rnam nyed do// gzhan yang / dga' ba dang po'i 'gro ba nyid// de bzhin mchog dga' 'gro ba nyid// dga' bral dga' ba 'gro ba nyid// lhan cig skyes dga' gsum mi dmigs zhes bya ba sa dga' bral 'khor bar bstan to// 'on te dga'/
- 331b
bral gsum pa yin na/ lhan cig skyes pa mi rtog pa bstan pa'i rgyud dang 'gal te/ lhan cig skyes dga'i ngo bo nga/ mchog mtha' dga' bral dang po can zhes bya ba dang 'thad par mi 'gyur ro// de bas na dga' phyir de che dpyod med de// mtshan nyid med par rig par 'gyur// de phyir mtshan nyid med par rigs// bde ba gsum pa de nyid yin// rang rig nyid de dngos grub 'gyur// lung gi don dang mtshams ma yin zhes bya bas lhan cig skyes pa gsum par rtogs par bya'o// de bas na dman pa ni rtogs pa dang mi ldan te/ go rims gnas kyang yang dag ma yin no// drag po'i dbang/ la ni mtshan nyid dang bral ba dang / lhan cig skyes pa'i dga' bas mthar 'dod do// zhes bya ba la dman pa ni ngan pa ste/ rgyas 'debs pa med pa'i phyir nyams su myong ba tsam las gnyis med/ kyi rtog pa dang mi ldan pas skad cig dang dga' ba'i go rims kyi mi gnas kyang / don dang mi ldan te/ gdol pa la rgyal por brjod pa bzhin du yang dag pa ma yin no// drag po ni stobs kyis byas pa ste/ dbang ni mtshan nyid dang bral ba'i skad cig ma dang / lhan cig skyes pa'i dga' ba mthar 'dod pa'i phyir/ go rims kyang 'khrul la rtogs pa yang gong lta bu ste/ bzang po ma yin/ pa nyid/ de las gzhan pa'i 'dod pa yang / kho bos dgag par bya ba nyid do// rdo rje nang gi rnam bcas te// de yi rtse mor rnam med nyid// dbu mar gnas shes gang slu ba// kho bo'i bla ma de mi 'dod ces bya bas bsal to// de ci'i phyir zhe na de dag ni mngon du zhen pa 'ba' zhig gtso bor gyur pa'i phyir dang / de las 'das pa'i ni chad pa'i mtha' la ltung ba'i phyir/ rdo rje'i nang du de'i
- 332a
rtse dang // thod pa'i nang du lhung ba dang // bar du 'dug pa mi 'dod la// de nyid bla ma'i kha la rig/ ces bya ba ni/ bcu drug phyed byed thig le 'chang gi bcom ldan 'das so// de yang bla ma'i zhal las rtogs par bya ba ni/ gnyis 'das nas ni gnyis mnyam pa// rdo rje nas lhung pad+mar reg/ mi bskyod rdo rje nas lhung ba// rdo rje pad+ma la reg pa// rgya la 'bras bus rgyas gdab cing // 'bras bu la yang rgyus rgyas gdab// 'di ni bde chen rgyal po yin zhes bya bas nor bu lta bu'i don rnyed par rig par bya'o// gal te rgyun ni nges pa'i don te// 'dir drang ba'i don du 'gyur ba 'am// yang na brtsams pa la don med 'khrul par 'gyur ro zhe na/ ma yin te sngags kyi theg pa ni bla ma'i zhal la rag las pa'i phyir dang / gzhan shes rab kyis nga rgyal ba'i blos 'jug pa spangs pa'i phyir zhal las shes par bya ba'i don to// gal te yang dag gis 'grub pa'i phyir/ btsan thabs dgod par mi rigs so zhe na/ ma yin te/ nges shes ni ltos par 'grub pa yin pa'i phyir// bden pa gsung bas bstan pa ltar rje btsun pas kyang ston te/ dbang nges pa dang de dang rjes su mthun pa dag ni bcom ldan 'das kyis bstan pa ltar/ bdag gis 'dir rgyas par bshad do// zhes bya ba ni go sla'o// // da ni lhan cig skyes pa grib mar gyur par bya ste/ nyams su blang ba ni bla ma'i zhal las shes par byas la rtogs pa'i don// bshad par bya'o// de yang phyag snga ma gnyis dang 'dod pa de dag thams cad kyang lhan cig skyes pa'i ye shes ma rnyed pa'i phyir grib ma'o zhes bya ba la/ mtshon byed nyams su myong ba la/ mtshon
- 332b
bya mtshon par nus pa'i phyir lhan cig skyes pa ste/ 'dra ba tsam nyid kyi phyir dngos ma yin pas/ ye shes ma rnyed pa ste// chos kyi phyag rgya grib ma'o// 'dra ba tsam grem mtshon par mi nus skal pa la// grib ma'i lhan cig skyes pa ni// lhan cig skyes pa dang 'dra ba'i ye shes khong du chud par byed pa'i phyir ro// de yang mtshon par lhan cig skyes pa'i chu'i zla ba lta bur kho du chud pas don gyi lhan cig skyes pa nam mkha'i zla ba lta bu mtshon par nus pa'i phyir ro// de yang dpa las kyi phyag rgya'i ye shes la grib par gzhag pa'i rgyu mtshan gang zhe na/ de bas na lhan cig skyes pa grib mar smra ba ni shes rab bo// zhes bya bas bstan te shes rab kyi las kyi phyag rgya ste/ de las skyes pa'i ye shes ni rkyen gzhan las skyes pa dang / 'dod chags kyi spu gri dang khang nye ba dang / ched du bcos pa yin pa dang / mi'i bu mo las byung ba'i rigs so// de bas na shes rab la brten pa'i ye shes ni shes rab ye shes so// des don gyi ye shes mtshon par nus sam zhe na/ don gyi ye shes chos kyi phyag rgya ji lta bu mtshon par nus so// don gyi ye shes ji lta bu zhe na/ de'i phyir na bstan par bya ste/ shes rab ye shes kyis bstan pa'i lhan cig skyes pa'i ye shes ni skye ba med pa nyid do// gang gi phyir chos kyi phyag rgya la lhan cig skyes par gdags she na/ gang gi phyir lhan cig skyes na chos thams cad kyi rang bzhin te/ ma btses pas ji srid pa rang / gi mtshan nyid dag pa'o// zhes bya ba gang gi phyir zhes bya ba ni ts+tsha mtshan dang ldan par gzhag par rigs pa'o// de yang phye ba med pa spros pa dang bral ba de dag phung po la sogs pa dang //
- 333a
lhan cig skyes pa na chos thams cad rang bzhin te/ de yang sna tshogs su snang ba de nyid kyi tshe chos yin te/ spyad pas skye ba med pa'i phyir/ lhan cig skyes pa'o// de yang nyams su ji ltar blang zhe na/ ma bcos pas na zhes bya ba ste/ de yang lus ngag yid gsum gyi 'bad pa'i shes pa gzhan du brjod med pa/ gzhan gyi brjod du med pa/ gzhan la brjod pa med pa/ gzhan la brjod pa med pa/ ji srid pa de srid kyi chos kyi phyag rgya lhan cig skyes pa ste/ dbyer med pa'i phyir rang gi mtshan nyid dag pa'o// de yang gsung rab las gzhan gyi brjod med lhan cig skyes// / gang las kyang ni rnyed mi 'gyur// bla ma'i dus tshigs ston pa yis// bsod nams las ni rang bzhin shes// zhes gsungs pa'i phyir/ de dag ni don gyi ye shes so// de bas na las kyi phyag rgya de dag gis/ mtshon cha mtshon par nus pa de'i phyir/ las kyi phyag rgya thob nas rgyu 'thun pa'i 'bras bu skyes par byed do// de dag gis ni go ba yang ci zhe na/ rgyu 'thun pa'i 'dra bar 'byung bas na'o// zhes bya ba ni go sla'o// de dag kyang ji ltar 'byung snyam pa dag la/ de'i phyir ai'i tshe byad bzang po gang // dbus su baM gyis rnam par brgyan// bde ba thams cad kyis ni gnas// sangs// / rgyas rin chen za ma tog/ ces 'byung ba'i phyir ro// zhes bya ba la/ e ni e d+harma d+hA tu ste/ rnam par thar pa'i gru gsum la tshes 'khor ba dang mya ngan 'das pa ste/ de dag kun 'byung ba'i dbyings yin pa'i phyir ro// cha byad ni rigs lnga las byung ba'i brtul zhugs dang lo grangs tshad dang 'thun no// bzang po gang zhes bya ba ni/ mtshan nyid dang ldan pa ste/ de dag kyang dkar sha ma sngo bsangs
- 333b
skra ser li// nu ma sra mkhregs rked pa phra// b+ha ga 'khyil ba yangs pa'i tshul// bzhin mdzes byed mkhas pa yi dri// dang dang snying rje tshogs sogs brtson// rgud 'jam byang chub sems gang zhes// ha cang ring min thung ba min// khro dang nyon mongs nyes spangs pa// gzhon zhing ting nge 'dzin dang ldan// dpa'i dag la gus byed cing // 'dod la ma chags pa na sems ldan// de ni mchog gi grogs su 'gyur// zhes gsungs pa la bya'o// dbus zhes bya ba ni stong pa bde bas gang ba'i bdag nyid bde ba la bde ba chen po dag gis thig les smin pa'i gnas ni e'i bdag nyid ka ko la'o// de nyid nyams su myong bar 'gyur ba ni/ baM gyi bdag nyid po la'o// de dang gnyis su med pa'i rnam par spor ba las// skad cig ma la dga' ba'i ye shes kyis brgan pa skye'o// bde ba ni 'bras bu ste/ thams cad ces bya ba ni ma lus pa'i don to// sku bzhi dang ye shes rnam pa lnga'i ngo bo nyid can gyi la ni/ de dang rgyu dang 'bras bu nye bar mtshungs/ pa ste/ dga' ba sprul ba'i mchog longs spyong // lhan cig skyes pa chos su la// dga' bral ngo bo nyid can no zhes bya ba dang / chags pa ma yin chags bral min// ba ra ma la ni yod pa ma'i// gsum po spang phyir lhan cig skyes// yang dag byang chub nyid du brjod ces bya bas/ ye shes lnga gzung bar bya'o// sangs rgyas ni sems can 'byung ba'i don gyis so// rin po che'i don tshul nus pa nyid kyis so// za pa tog ni nyams su myong bar 'byung ba'i don gyis so// de yang sems can thams cad la phyag rgya chen po rang chas su yod pa dang
- 334a
'dra ba'i phyir dang / mngon du bya ba nyid kyis so// gal te de dag la phan yon de lta bu yod pa'i phyir/ chog par 'dzin na de dag ni dag par bya ste/ de ltar blo dman pa'i slob dpon rnams shes rab ye shes bslabs nas rtogs pa dang mi ldan pas/ 'bras bu nye bar rnyed par mi 'gyur yang lhan cig skyes pa myong zhes zer nas// dga' ba skye bar 'gyur te/ de dag ni dper na mi long la brten nas bzhin gyi gzugs brnyan blang ba de bzhin du mi 'gyur ba dang 'dra'o// de ni mngon du yang mgrub la da ltar yang ma grub pa'i phyir ro// zhes bya ba bstan te/ blo dman pa ni blo'i shes rab ste/ chos thams cad nges par 'byed pa'i don gyis skye ba med par byed pa'o// de dang mi ldan pa ni dman pa ste/ de lta bu'i slob dpon rnams kyis bum pa dang / gsang ba dang shes rab ye shes bzhi'i man ngag dang bcas pas slob ma la bsgrubs nas/ rtog pa chos kyi phyag rgya dang mi ldan pas/ dbang bzhi dang bral te/ 'bras bu phyag rgya chen po rnyed par mi 'gyur yang / dus kyi snga rtsed pe'i lhan cig skyes pa'i ye shes nyams su myong bas dbugs dbyung ba dang rgyas gdabs pa dang ldan pa'i phyir 'di ni mchog gi zhes zer nas/ mthar phyin pa'i nga rgyal skye bar 'gyur te/ de dag ni dper na bzhin dang me long dang bar gyi nam mkha' snang ba'i 'o rnams la brten nas bzhin gyi gzugs ce 'dra zhig byung ba ste/ rkyen gyi dbang gis snang du zad kyi de ni de bzhin du mi 'gyur ro// de bzhin du dpe'i ye shes de dag kyang rkyen tshogs pa las myong du zad kyi/ de nyid kho na skye ba med pa nyid kyi don gyi ye shes su ma 'gyur ba dang 'dra'o// de dag
- 334b
ni 'das pa dang ma 'ongs pa dang / da ltar gyi sangs rgyas dang des bstan pa'i rgyud rnams dang / dbang gsum pa'i dus su yang ma grub la/ mkhas pa dag gis de ltar gyi dus su yang don gyi ye shes su lung dang rigs dang bla ma'i gdams ngag dang / nyams su myong ba las kyang ma grub pa'i phyir ro// gal te de lta bu dag dper yang mi rigs so// zhe na/ da ltar bzhin gyi gzug/ brnyan ni 'dra ba tsam du rtogs par bya'o// zhes bya bas bstan te/ me long gi nang na bzhin gyi gzugs brnyan gnas pa ni bcos ma yin yang ma bcos pa'i bzhin gyi dri ma sel bar nus pa ni/ dran pa tsam nyid du gnas pas so// de bzhin du las kyi phyag rgya dus kyi sa rtse bcos ma de dag gis chos kyi phyag rgya'i ngo bo ston par nus te/ 'dra ba de kho na nyid kyis rtogs par bya'o// de bas na nges par byed pa bzhin gyi gzugs brnyan rgyu mthun pa tsam mthong ba la/ 'jig rten pa rnams rang gi bzhin mthong zhes 'khrul pas dga' bar 'gyur zhes bya ba la/ de nyid kyi chos dang chen po ste/ bde stong spyi'i dang rang gi mtshan nyid do// don de dag nges par byed pa ni las kyi phyag rgya ste/ rkyen gzhan las skyes pas na gzhan gyi'o// dngos ma yin phyir gzugs brnyan no// mtshan byed yin pa'i phyir rgyu mthun pa nas te/ dpe tsam mthun pa la 'jig rten pa rnams rang gi bzhin mthong zhes 'khrul pas dga' bar 'gyur ba ni rmongs pa ste/ rku rol mthong ba 'ba' zhig la 'jig rten po zhes bya la/ phal cher skal ba chung ba'i phyir rnams so// de yang phyag rgya chen po rang la yod pa/ rang gi rang bzhin rang gi mthong
- 335a
zhes/ dngos po'i gnas lugs la 'khrul pas zag bcas kyi bde ba la dga' bar 'gyur ba ni blan pa'o// de la dga' zhing mgu bas ni chos kyi phyag rgya'i gtam tsam yang mi 'dri'o// chos kyi phyag rgya mi shes na// las kyi phyag rgya bcos ma 'ba' zhig la zhen pas/ ma bcos pa'i lhan cig pa'i ye shes ji ltar 'byung bar 'gyur te/ mi 'gyur ro zhes bya ba la/ de la zhes bya ba ni las kyi phyag rgya ste/ dga' zhing zhes pas 'dod pa rjes su gzhol ba'o// de bas mgu ba ni bla ma sten cing bla ma'i gdams ngag gtso bor mi 'dzin te/ chos kyi phyag rgyu'i rten tsam yang mi 'dri'o// de bas na rtogs pa dang ldan pa dang mi ldan te/ zhes bya ba longs spyad du mi 'gyur ba'i phyir/ chos kyi phyag rgya ma shes pas na/ las kyi phyag rgya byas pa'i phyir mi rtag pa dang / rkyen las skyes pa'i phyir ma skyes pa dang / bde ba tsam nyid kyi phyir mtha' dang bcas pa ste/ de lta bu rtogs pa dang bral zhing rgyu bcos ma 'ba' zhig la zhen pas phyag rgya chen po ma bcos pa'i lhan cig skyes pa'i ye shes lam dang bral ba'i phyir ji ltar 'byung bar 'gyur te mi 'gyur ro// da ni dpe'i sgo nas bcos ma yin pa'i phyir mi 'thad pa ston to// de ci'i phyir zhe na/ rigs mthun pa'i rgyu las rigs mthun pa'i 'bras bu skye bar 'gyur gyis/ mi mthun pa'i las ni ma yin no// de yang sa lu'i sa bon las sa lu skye ba yin gyi/ drug cu pa las ni ma yin no zhes bya ba ni go sla'o// de'i phyir na chos kyi phyag rgyas ma bcos pa las/ bcos pa'i lhan cig skyes pa'i ye shes so zhes bya ba la/ gal
- 335b
te chos dang chen po gnyis ma bcos pa'i phyir lam dang 'bras bu gnyis mi rigs te/ gcig nyid do zhe na ma yin te/ don gyi ye shes su gcig pa 'am/ nyams su myong ba la gcig rtag go/ don du gcig pa ni bden de snang stong dbyer med pa nyid kyis/ bde stong dbyer med pa nyid do// nyams su myong ba ni/ spyi dang rang gi mtshan nyid kyis khyab par gzhag par rigs so// de nyid du bzhag pa'i rgyu mtshan gang yin zhe na/ de'i phyir chos kyi phyag rgya ma bcas pa ni ro ma nyams pa dang ldan pa'i ma bcos pa ste/ spyi'i mtshan nyid do// de las phyag rgya chen po'i ma bcos pa'i lhan cig spros pa'i ye shes skye ba na ro mnyam dang bral ba'i rang gi mtshan nyid do// gal te chos kyi phyag rgya la ji ltar sbyangs pas phyag rgya chen po mi 'byung snyam pa dag la/ bstan par bya ste/ de'i phyir chos kyi phyag rgya nyid la mi phyed par spyad na 'bras bu phyag rgya chen po 'byung bar 'gyur ro zhes bya ba la/ chos kyi phyag rgya la mi phyed par spyad pa ni/ dga' ba bzhi pa'i man ngag gis nyams su myong ba'i phyir/ bde ba stong pa nyid la gnyis med kyi/ ro mnyam gyis mi phyed par byas shing ma yengs pa nyid kyis spyad na/ 'bras bu phyag rgya chen po rang chas su 'byung zhing 'char bar 'gyur ro// 'o na sngar bshad pa dang 'gal lo zhe na/ de dag ni khyod kyis khyad par ma gsungs te/ e'i cha byad bzang po gang zhe na/ bya ba la sogs pa ni/ dpe'i yon tan bstan pa ste/ 'di dang yang mi 'gal ba'i don ni sangs rgyas rin chen za ma tog ces bya bas bshad zin to// // da ni las kyi phyag rgya chos kyi phyag rgya dang ldan na/ mtshon byed dpar
- 336a
rig pa ston te/ phyag rgya ni sangs rgyas kyi grib ma ste/ ye shes rin po che'i gnas dang bzhi'o zhes bya ba la/ phyag rgya ni rig pa nyid do// sangs rgyas kyi zhes bya ba ni don to// grib ma ste zhes bya ba ni 'jig rten 'das pa'i ye shes so// ye shes rin po che zhes bya ba ni// des mtshon pa'i mtshan bya'o// de bas na mthong ba'i gnas yin la/ myong ba'i gzhi nyid do// de'i rjes su byed pas grib mar 'gyur ro zhes bya ba ni/ chos kyi phyag rgya dang bral bas 'khor bar 'gyur ro zhes bya ba'i tha tshig go/ dpe'i ye shes de dag ni mchog gi ye shes skyes pa'i rgyur gyur pa'i phyir/ ltas kyi phyag rgya'i pad+ma'i sangs rgyas thams cad kyi 'brur gnas rin po che las dga' ba'i tshegs skye bar 'gyur ro zhes bya la/ pad+ma'i dri ma med pa'i don te/ bde ba 'dzin par byed pa'o// de yang/ oM pad+ma su khaM d+ha ra/ ma hA ru ka su khaM da/ tsa tu ra a nan da bA gi shwa ra ya/ hUM hUM hUM kar+yaM ku ru sha me zhes bya bas/ ye shes lnga'i bde 'dzin cing // chags pa chen po sa ba de ster ba// dga' ba bzhi'i dbang phyug ni// pad+mar bsdus pa'i 'bras bu'o zhes bya bas so// sangs rgyas thams cad kyi zhes bya ba ni/ snying po don gyi sangs rgyas so// 'byung gnas zhes bya ba ni rtogs pa tsam la rag las pa'i phyir/ sems can 'byung ba'i gnas la gdags so// rin po che ni 'byung ba'i don to// dga' ba'i tshegs ni bzhi'o// skye bar 'gyur ro zhes bya ba ni go rims kyis tshul gyis nyam su myong ba'o// de yang bde gshegs gang du bzhugs pa dang / 'chag pa dang ni bzhengs pa dang // seng ge lta bur gzims brtags pa'i// gnas de la ni bdag phyag 'tshal zhes gsung
- 336b
pas kyang shes par bya'o// // da ni las kyi phyag rgya'i dga' ba bzhi bstan par bya ste/ de la e baM gyi phyag rgya bo la dang ko ka la bsrub cing bsrub pa'i sbyor ba las/ a ba d+hA ti nas kun rdzob byang chub kyi sems la tha mi dad pas khyab pa'i don dam pa dang / gnyis su med par nor bu'i nang du son pas/ skad cig ma'i dus kyi bsdus pa'i dga' ba'i ming can lhan cig skye ba'i ye shes skye bar 'gyur ro zhes bya ba la/ e ni shes rab ste stong pa skye ba'i gnas so// baM ni thabs te bde ba'i gnas so// phyag rgya'i dbyibs so// bo la dang ka ko la ni brdar smras pa'o// bsrub cing bsrub pa'i sbyor ba la ni bskyod pa dang khyad par bskyod pa'o// a ni ma skyes pa la ni bde ba ste/ d+hU tI ni gnyis med kyi stor pa ste/ kun rdzob ni kun da lta bu'o// byang chub kyi sems ni ye shes kyi nus pas so// tha mi dad pas khyab pa ni lus gang na gnas pa naH/ de la thig le/ de la shes pa de la ye shes kyis khyab cing gnyis su med pa ste/ 'khor lo bzhi nas 'byung ba bzhi'i rang bzhin du rig pa bzhi'i ngo bo la phyag rgya bzhi'i tshes 'thun dga' bzhir gnas pa ni/ don dam pa dang kun rdzob gnyis su med pa ste/ de yang e ni sa ru shes par bya ste/ las kyi phyag rgya spyan ma nyid// 'dab ma drag cu bzhir ldan pa'i// lte ba sprul pa'i 'khor lor gnas/ ba ni chu ru shes bya ste// chos kyi phyag rgya mA ma kI/ 'dab ma brgyad ldan// 'dam skyes ma// snying ga chos kyi 'khor lor gnas// ma ni me ru bstan pa ste// phyag rgya chen po gos dkar mo// bcu drag 'dab ldan chu skyes la// mgrin po'i longs spyod 'khor lor
- 337a
/ ldan/ ya ni rlung du rab tu bstan// zhes bya bas rab tu rtogs par bya'o// nor bu'i nang du son pas zhes bya ba ni dga' ba gnyis te/ gnyis pa dang gsum pa yang shugs kyis go bar bya'o// skad cig ma'i dus kyi bsdus pa'i zhes bya ba ni skad cig ni bzhi ste/ rnam pa sna tshogs dang / rnam par smin pa dang / mtshan nyid dang bral ba dang / rnam pa med pa'o// dus ni phyi rol gyi 'o bya ba nas brtsams te/ nor bu'i mgrin pa'i bar dang / nor bu'i nang du khyab cing mthar thugs pa dang / gnyis shor bas 'dod chags kyi ngad yal zhing gnyis gnas pas zung du 'jug pa dang / ma lus pa'i 'phros pa'i dus kyi bsdus pa'i dga' ba dang / mchog dga' dang lhan cig skyes pa'i dga' bral gyi ming can la// bzhi pa'i man ngag gis zin pa'i dus su lhan cig skyes pa chos thams cad dang mtshungs pa'i ye shes so// phyogs snga ma btsan thabs kyi rnal 'byor dag/ dpe'i ye shes kyi rgyu 'thun par mi 'gyur 'am zhe na/ 'gyur ba bstan par bya ste/ de yang lhan cig skyes pa'i rgyu 'thun par 'gyur ba ni// shes rab dang dga' ba la 'khrul pa'i dga' ba bzhi dang skad cig ma bzhi ni// dman pa dang drag po'i sbyor ba la yang yod pa'i phyir/ phyogs snga ma'i tshul gyis las kyi phyag rgya bsten kyang / byang chub kyi sems su rgyu 'thun pa'i 'bras bu skyes par gsungs so// gal te lhan cig skyes pa'i ye shes de dag sna rtse'i dus su nyams su myong ba de dag phyis 'byung ba yin nam zhe na/ dus de nyid gtso bor gyur pa las gzhan ni ma yin te/ de bas na dga'//
- 337b
bral nas rjes su 'gro bar zad kyi/ ye shes tsam nyid yin pa'i phyir ro// zhes pa ni dngos por gyur pa'i tha tshig go// des nges par byed pa yang / gsung rab las/ bag chags kyis ni bkrugs// / pa las// stong nyid ye shes dngos por 'gyur// rlung gi shugs kyis chu dag ni// chab rom gyur pa ji bzhin no// zhes bya ba ni bag chags ni tha dad du brtags pa'o// de dge gi gnyis med kyi ye shes dgug pa'i phyir/ stong pa nyid kyi ye shes dran pa nyams su myong yang tha ma'i dus su dngos por 'gyur ro// dper na rlung gi shugs kyis rgyun gyis chu dag ni chab rom gyi gong bur gyur pa ji bzhin no// de bas na chos kyi phyag rgya'i lam dang ldan pa la rab tu 'bad par bya'o// // las kyi phyag rgya'i rgyu 'thun pa'i 'bras bu zhes bya ba ni/ rgyu rten cing 'brel te 'byung ba'i stobs kyis/ bcom ldan 'das mngon gyi shes rab la longs spyod pa ste/ de yang 'dra ba'i rgyu 'thun pa'i lta ba bzhin du'o// nges par bstan pa ste zhes bya ba ni/ btsan thabs kyi rnal 'byor bkag pa'i phyir ro// de yang las kyi rlung gis 'phangs pa yi// bcom ldan shes rab ma la spyod// ji ltar byas pa de bzhin mthong // rgyu 'thun zhes ni grags pa yin// zhes bya bas so// dang po zhes bya ba ni rim gyis 'jug pa la bdag don du 'gyur ba'i dang po'o// byang chub kyi sems de dag thabs gang gis bsgom zhe na/ bdag lus thabs ldan dang gzhan lus tshad ldan gnyis te/ de yang las kyi phyag rgya dam tshig dang 'brel pa dang / ye shes kyi phyag rgya chen po dang 'brel pa'o// de yang gsung rab las/ dkyil 'khor la sogs thabs dang ni// rang byin brlab pa'i rim pa yis// sgrib byed
- 338a
sgrib can tshul can gyis// byang chub sems ni bskyed par bya// de dag gi khyad par ci zhe na/ grib byed kun du lta bu ste/ sgrib bral bde ba'i rang bzhin rkyen// gzhan lus gang du bsgom zhe na/ bud med pad+ma'i bde ba can// e baM rnam pa'i rang bzhin gyis// de dag du bde ba 'byung ngam zhe na/ bde ba srung ba nyid kyis ni// bde ba can zhes mngon par brjod// bde ba dang ldan pa nyid ci'i phyir zhe na/ sangs rgyas byang chub sems dpa' dang // rdo rje 'chang gi gnas yin no// 'khor bar skye ba'i gnas de dag tu mi 'gyur ram zhe na/ de bzhin du ni 'khor ba dang // mya ngan 'das pa de bzhin te// 'khor ba ma gtogs gzhin du ni// mya ngan 'das pa bstan du med// 'khor ba mya ngan 'das par mi 'gyur ro zhe na/ 'khor ba gzugs dang sgra la sogs// 'khor ba tshor ba la sogs/ yin// 'khor ba dbang po nyid yin te// 'khor ba zhe sdang la sogs yin// chos 'di rnams ni mya ngan 'das gti mug 'khor ba'i rang bzhin te// rmongs med 'khor ba dag pa yin// 'khor ba mya ngan 'das bzhin spyod// ji ltar spyad ce na/ sgrib bral sgrib byed rang bzhin can// byang chub sems ni mya ngan 'das// bde ba gang la rten nas 'bar zhe na/ bzhin sdug mig ni dkyus ring zhing // gzugs dang lang chos rnam par brgyan// sngo bsangs brtan cing rigs ldan dang // lha rjes ga bur yang dag ldan// rang gi dbang sur kye rdo rje// sra bzang sgrub pa po la dga'// bde ba gso ba'i rdzas ji lta bu zhe na/ de la chang ni sbyin bya zhing // brtul zhugs can dang btung bar bya// gang gi don du bsgom zhe na// bdag gzhan don ni rab bsgrub phyir// de nas phyag rgya rjes phyag bya//
- 338b
nyams su ji lta bu dag gis blang zhe na/ pad+ma rdo rje rab sbyar te// brtul zhugs kyis ni legs bdag sprad// sbyor ba de las yang dag 'byung // ga bur blo ldan gyis mi spang // ji ltar ma spang zhe na/ de las lags pa mi blang zhe na/ nya byis dung chos dag ma yin// stobs kyis bskyed par bya ba'i phyir// 'chi med lce yis blang bar bya// dus rgyun du btang ngam zhe na/ rnam lnga ro skom dus min par// byang chub sems ni btang mi bya// rdzogs pa'i rim pa'i rnal 'byor la// gang ltar spyad kyang de bden 'gyur// zhes bya bas gus pa dang bcas shing / rgyun mi 'chad par bsgom na bde ba chen po'i mchog gi dngos grub mngon du 'gyur ro// thabs dang shes rab gnyis sbyor ba// mthe bo gnyis snol sor mnyam bsgreng // mthe bo srin lag lce la gnas// mnyam du bkag pa mkhas pas bya// e baM bo la ka ko la// he dang / i kaM/ a aM/ de dag ni las kyi phyag rgya'i bshad pa'o// // de ltar mtshon byed dpe'i lhan cig skyes pa bstan nas/ da ni lam chos kyi ye shes bstan par bya ste/ chos kyi phyag rgya ni zhes bya ba la/ oM ni ye shes lnga pa ste/ de yang sems dang snang ba dang // gnyis su med pa'i rnam grangs ngo bo gcig tu byas pa ni/ sems rang rig cing nyams su myong ba la brten 'brel las skyes pa'i phyir skye ba med pa dang / rang rig pa gzhan la mi ltos par gsal ba dang / de nyid mu bzhi dang bral ba dang / gzung 'dzin gyi skyon gyis ma gos pa dang / de dag rtogs pa ni yongs su grub pa ste/ rnam pa med pa'i bdag nyid do// de las gzhan pa yang skye med dang / rnam pa dang sems gnyis med du gsal bar nyams su myong ba dang / sna
- 339a
tshogs su snang ba dang / gnyis med pa dang / sems la sna tshogs su snang ba dang / snang ba la yang dag gis kun rdzob tu don byed nas pa ni rnam pa dang bcas pa'i bdag nyid do// snang ba rten cing 'brel 'byung ba las skyes pa skye ba med pa dang / sna tshogs pas skye ba med la goms pa med pa dang / skyes pa dang skye ba med pa gnyis tha bi dad pa dang / skye ba med pa nyid kyis sna tshogs su shar ba dang / gong gi mtshan nyid la gdams ngag gi nan tan du byas pa ni gnyis pa'o// gnyis med sgo skur dang bral ba dang / ngang gis gsal ba dang / phyogs cha dang bral ba dang / gsal ba dang / stong pa dang / bde ba dang / mngon du byas nas rtogs na sangs rgyab de gsum pa'o// de las mi gzhan pa bstan pa'i phyir chos kyi phung po dang khams dang / skye mched rten cing 'brel par 'byung ba dang / 'byung bzhi ste/ de dag las rgyas 'debs pa'i phyag rgya ni/ bla ma'i zhal las rtogs pa'i lhan cig skyes pa'i ye shes so// de'i mtshan nyid kyang chos kyi dbyings kyi rang bzhin zhes bya ba bstan te// chos kyi dbyings ni bde ba dang stong pa gnyis su med pa ste/ kun tu 'gro ba'i mtshan nyid can no// de yang gsung rab las/ chos rnams rang bzhin 'od gsal ba// gdod nas dag pa nam mkha' bzhin// byang chub med cing mngon rtogs med// byang chub tshul 'di bstan pas so// zhes bya bas so// rang bzhin zhes bya ba ni/ bde ba dang stong pa spyi'i rnam pa la bya'o// de dag kyang gang gis rtogs par bya zhe na/ dga' ba bzhis rtogs par bya ste/ spros pa dang bral ba/ mi rtogs pa ma bcos pa/ snying rje'i rang bzhin mchog tu rtogs pa zhes bya ba la//
- 339b
spros pa dang zhes bya ba ni/ lhan cig skyes pa la sna tshogs su shar ba ni/ rnam pa ni/ rnam pa sna tshogs pa'i skad cig ma ste dga' ba'o// bral ba ni gnyis su brtags pa dang bral ba ste/ sna tshogs su shar ba'i lhan cig skyes pa mi rtog pa nyid du shes pa ni rnam par smin pa'i skad cig ma ste/ mchog tu dga' ba'o// ma bcos pa ni gnyis snang 'gags la gnyis med du nyams su myong la/ myong ba tsam du yang mi 'dzin pa ni/ mtshan nyid dang bral ba'i skad cig ma ste/ lhan cig skyes pa'i dga' ba'o// snying rje'i yul khams gsum pa ste/ de dag la lhan cig skyes pa gnyug mar gnas kyang / sna tshogs su snang ba la 'khrul te/ ma rtogs par 'khrul pa nyid kyi snying rje'i phyir ro// rang bzhin ni rjes tho ba sna tshogs su snang ba/ lhan cig skyes pa stong pa// ste/ rnam pa med pa'i skad cig ma ste dga' bral lo// mchog tu rtogs pa ni bzhi pa'i man ngag gis/ mchog lhan cig skyes par dga' ba gsum tha mi dad par rtogs pa ste/ de dag gis 'khor ba'i sems can snying rje'i rgyu mtshan gyis 'khrul pa mchog tu rtogs pa'o// de dag gi lam la ji ltar bslab ce na/ skye ba med pa zhes bya ba bstan te/ thams cad nas thams cad du skye med kyi nyams dang mi 'bral ba la bya ste/ de yang gsung rab las// ma skyes pa'i chos rnams la// ngo bo med de bsgom pa med// nam mkha'i khams su sbyor ba las// de ltar dngos po rab tu bsgrags/ zhes bya bas so// skye med kyi lam de dag gi 'bras bu gang zhe na/ gcig tu mdzes pa zhes bya ste/ gcig ni gnyis med kyi ye shes phyag rgya chen po nyid do// mdzes//
- 340a
pa ni longs spyod rdzogs pa dang sprul pa'i skus mdzes pa'o// de bas na thabs su gyur pa nyid do// de ltar rtogs pa du dang ldan pa zhig tu 'gyur zhe na/ mtshan nyid bdun dang ldan pa ste/ snang ba skye med du thim pa longs spyod kyi yan lag dang / snang stong tha mi dad pa kha sbyor yan lag dang / tha mi dad nyams su myong ba bde ba'i yan lag dang / rang la yod cing gang 'dod skye la/ nam 'dod pa'i dus na 'byung ba ni/ snying rjes yongs su gang ba'i yan lag dang / bde stong gzhan la mi ltos pa rang rdzogs su yod pa ni dngos po'i yan lag dang / rtag tu nyams myong dang mi 'bral ba ni rgyun mi 'chad pa'i yan lag dang / nyams su myong ba'i dus na snang ba mi 'gog pa ni 'gog pa med pa'i yan lag ste/ de lta bu rtogs shing ma yengs pa nyid kyis myong ba la// rgyun gyi rtag pa nyid de zhes bya'o// chos kyi phyag rgya'i lhan cig skyes pa de dag gang gis mtshon la/ gang gis nyams su myong bar bya zhe na/ lhan cig skyes pa'i rang bzhin ni/ shes rab kyi sbyor ba las byung ba dang tha mi dad pa/ gang yin pa'i de ni chos kyi phyag rgya'o zhes bya bas bstan te/ lhan cig skyes pa'i rang bzhin ni gong du bshad pa kho nar zad do// shes rab kyi sbyor ba las byung ba dang zhes pa dang shes rab ni las kyi phyag rgya ste/ sbyor ba ni ka ko la dang po la'o// de las byung ba ni mtshon byed kyis mtshon pa'i mtshon bya'i don to// don de dang tha mi dad par ston par byed pa ni bla ma'i man ngag bde stong ston par byed pa'i sgra spyi'i rnam pa'o// de las rtogs pa bde stong don spyi'i rnam pa gang yin pa de ni chos kyi phyag rgya'o// bla ma'i gdams ngag gi 'khrul pa sel bar mi nus so snyam pa la bstan par bya ste/ de las
- 340b
gzhan pa ni dper na mun pas kun nas dkrugs pa la nyi ma'i 'od zer dang 'dra bar mi shes pa'i 'khrul pas kun nas dkrugs shing rtog pa'i dra ba dpag tu med pa gnas pa dag la bla ma'i gdams ngag 'brel pa rjes su slob ma'i gdams pas/ 'bral ba rdul tsam gyi brag rngu yang bcad de// zla yi bdag nyid spangs nas rtogs pa'o zhes bya ba la/ de las gzhan pa ni/ ngo bo las gzhan pa'i nus pa ston par byed pa'i tha tshig go/ dper na mun pas kun nas dkrugs pa la zhes pa ni/ mun pa ni snang ba nub pa'i dus su shugs kyi 'byung la/ lag pa brkyang ba dang skum pa tsam yang mi mthong ba ni kun nas dkrugs pa'o// de la nyi ma'i 'od zer shar bas mun pa'i ngo bo dag cing rab tu gsal bar 'gyur ba'i dus su/ mun pa bsal bar byas pa dang // snang ba grub par byed pa med pa dang 'dra bar thog ma med pa nas/ mi shes pa'i dbang gis tha dad du brtags pa'i 'khrul pas kun nas nin cing gnyis med kyi ye shes phyogs tsam yang ma mthong la/ rtog pa sna tshogs kyis dkrugs shing rtog pa'i dra ba las byung nyon mongs pa dpag tu med pa dag gis rnam par smin pa dag la/ bla na med pa yang dag par rdzogs pa'i sangs rgyas de bskyed par byed pa'i mar gyur pa'i man ngag brgyud pa dang ldan pa dang / de yang sgrar 'brel ba dang lus kyi byin gyis brlabs pa rjes su slob pa'i gdams pa ni nyi ma lta bu ste/ de dag gi nus pas mun pa lta bu 'khrul pa rdul tsam gyi zug rngu bcad do// snang ba dang stong pa yul du byas pa'i blo'i bdag nyid spangs nas snang ba dang stong pa dbyer med pa nyid du rtogs pa'o// blos gzhag gi dngos po dngos
- 341a
med du ji ltar 'gyur zhe na/ gsung rab las/ srid pa gsum po yongs gyur pa// gzung dang 'dzin pa rnam spangs pa'o// yang na thabs ni thams cad kyis// dngos po dngos med mtshan nyid rtogs/ zhes bya ba'i phyir rtogs pa kho na'o// gal te dngos po thams cad ni ye nas dngos po med pa ste/ dngos po zhes bya ba gang zhe na/ bstan par bya ste/ sa dang chu dang me dang rlung gcig tu gyur pas zhes bya ba la/ sa ni sra ba ste bsten par byed pa'o// chu ni bsher ba ste bskyed par byed pa'o// me ni tsha ba ste smin par byed pa'o// rlung ni g.yo ba ste yang zhing skyed par byed pa'o// de dag thams cad ni rang bzhin du grub pa ma yin yang bag chags kyi stobs kyis 'khrul pa'o// de la dngos po zhes bya ste/ gcig tu gyur pa ni skye med kyi rgyas gdab pa'o// gal te rgyas btab pas rtogs pa de dag dngos po nyid kyi rtogs na ni dug gis dug sel bar mi nus pa dang 'dra'o// dngos med kyis sel la/ rtog pa dang bral ba'i phyir rgyas gdab par yang mi rigs so zhe na/ ma yin te dngos po nyid kyi dngos po sel te/ dper na dri mas dri ma 'khru ba dang 'dra'o// de yang gsung rab las/ rdo rje snying po snying rje che// dngos po nyid kyi rnam par grol/ zhes gsung pas so// de bas na dngos pos dngos po la brtags pas dngos po sel to// gal te khams gsum pa thams cad sangs rgyas par rigs te/ dngos po la longs spyod pa'i phyir ro zhe na ma yin te/ de dag gis ni dngos po yongs su ma shes pa ste/ brtags pa'i phyir grol bar 'gyur te/ gang gis yongs su shes pa de nyid grol bar 'gyur bas na/ gsung rab las dngos po bcing bas bcings gyur pa// /
- 341b
yongs su shes pas grol bar 'gyur zhes gsungs pa'i phyir ro// gal te yongs su shes pas ji ltar rtogs she na/ bstan par bya ste/ 'jig rten gsum dbyer med pa'i rang bzhin ni lhan cig skyes pa'i ye shes tezhes bya ba la/ 'jig rten ni 'jig cing brten pa'i brtan pa dang / g.yo ba'i bdag nyid do// gsum ni 'dod pa dang gzugs dang gzugs med pa'o// de dag gi rtogs pa ni nyon mongs pa bag chags dang bcas pa'o// de spong ba ni bla ma las 'ongs pa'i skad cig bzhi dga' ba dang bcas pa'o// dbyer med par byed pa ni bzhi pa'i gdams ngag ste/ bde ba dang stong pa dbyer med pa'i rang bzhin lhan cig skyes pa'i ye shes so// // gal te bzhi pa bstan pa tsam gyis de ltar 'gyur ram zhes na ma yin te/ blags shing dkrugs pa zhes bstan pa'i phyir dang / ngag gi spyod yul las 'das pa'i phyir dang / de kho na/ nyid bstan par mi nus pa bla ma'i gdams ngag gis bstan kyang thos pas mngon du bya bar mi nus pa'i phyir ro// de bas na gsung rab las/ smras pa pos myong de kho na nyan pas mngon sum ma mthong ste// 'on kyang sgra las skyes pa ste/ rnam rtogs gzugs brnyan nyid yin no zhes gsungs so// de dag dpyad pa rtogs pa'i gdengs dang ldan pa dang / man ngag gi nyams su myong bar byas nas 'bad pa// / med pa'i ting nge 'dzin dang ldan no// bcos ma'i rtog pa mi sbyong zhing // byas pa'i rlabs mi ldang ste/ de yang bdag nyid ji lta bu zhe na bstan par bya ste/ de'i bdag nyid ni gzhan du mi 'gyur te/ stong pa dang // snying rje dbyer mi phyed pa'o// zhes bya ba la/ de'i zhes bya ba ni lhan cig skyes pa'o// bdag nyid ni gnas thabs so// gzhan ni yul du byas pa'o// mi 'gyur ba ni rtag chad kyi dbang du mi 'gyur ba'o// /
- 342a
stong pa ni chos thams cad skye med du rtogs pa'o// snying rje ni rgyu mtshan gyi sgo ste// sems can 'khrul pa'i rgyu mtshan dang / bdag nyid kyi nyams su myong ba'i rgyu mtshan no// dbyer mi phyed pa ni ma bcos pa ste gnyis med do// de dag gsal bar bya ba ni/ bcom ldan 'das kyis gsung rab las/ rkyang ma shes rab rab bzhin te// ro ma thabs kyi yang dag gnas// sdig spangs// pa ni dbus nyid du// gzung dang 'dzin pa rnam par spangs// de ni gnyis min gnyis mtshungs pas// smra ba'i brda min phyag rgya che// grub par byed pa'i rgyu dang lam// zhes bya ba la/ bcom pa bdud bzhi'o// yon tan drug mnga' ba ni ldan pa'o// rtogs pa de bzhin nyid du thugs su chud pa ni 'das pa'o// gsung ni 'aka'o// rab ni bden pa gsung pa ste slu ba med pa'o// las zhes pa ni/ gdams pa tshad ma dang ldan pa'i don du lung 'bras bu'i gtan tshigs su bsgrub pa'o// rkyang ba ni rtsa ste khrag 'bab pa'o// de dag ni shes rab 'byed pa'i bdag nyid rtsa ba'i las rno ba'i rlung gi byed pa'o// A li bcu drag gi nus pa gnas pa dang / g.yon ni gnas pa dang / rig ma las bde ba'i ye shes myong ba ni 'di dag gtsor gyur pa'i phyir shes rab bo// rang bzhin ni nus pa dang bcas pa'o// ro ma ni khu ba 'bab pa'o// thabs ni mngon du rgyu zhing rig pa'i tshul gyis nyams su myong ba'o// kA li bzhi bcu'i nus pa gnas pa dang / g.yas su rgyu ba dang / kun rdzob kun da lta bu'i bde ba de dag gis/ gtsor myong ba dang / dpa'o la rag las po'i don gyis na'o// yang dag gnas pa ni bde stong gi rten byed pa'o// sdig ni mtha'o// spangs pa ni mtha' dang bral ba'o// ma ni yon tan gyi 'gyur
- 342b
gnas so// dbus ni a ba d+hU tI'o// nyid ni dbyer mi phyed pa'i rlung ngo // gzung ba ni phyi'o// 'dzin pa nang ngo // rnam par spangs pa ni gnyis las grol ba'o// grol ba de ni bde ba dang stong pa gnyis su min no// gnyis spangs pa yang ma yin te/ dbyer me phyed pa'i phyir mtshungs pa'o// de tsam du yang mi 'dzin pas na sgo skur dang bral ba'i phyir sra ba'i brda gtan la dbab par nus pa'i phyag rgya chen po ste/ de don du grub pa'i rnam par smin pa'i rgyu dang lam mo// de la yang ji ltar 'bad par bya zhe na/ de ltar rab tu 'bad pas 'bras bu nye bar rnyed pa'i rgyur gyur pas lam du shes par bya'o// zhes bya ba la/ de ltar ni gong du bstan pa de ltar ro// rab tu zad pas ni ma yengs pa'i nges pa dang bcas pa'o// 'bras bu ni phyag rgya chen po'o// nye bar ni skye ba 'di'o// rnyed pa ni mi slu ba'o// rgyur nim// bcos pa'o// gyur pa ni rigs mthun pa'i rgyu'o// de las gom par bya ba'i tha tshig tu lam du shes par bya'o zhes pa'o// lam de yang ji lta bu zhe na/ bstan par bya ste/ lam rab tu mkhas pas rtogs par 'gyur te/ de dag la goms par byas pas 'gog pa dang lhan cig skyes pa'i rang bzhin dbyer mi phyed par mngon du byed par 'gyur zhes bya ba la/ lam la rab tu mkhas pa ni shes rab kyis thabs la rgyas btab pa dang thabs kyis shes rab la rgyas btab pa dang / gnyis med kyi rgyas gdab pa'o// de la yang snang ba thugs phrad dang / du ma ro gcig dang / sna tshogs don mthun pa'i mtshan ma rang sar grol ba dang / goms pa dang khong du chud pa'o// gnyis pa ni lus kyi sna rtse bskul ba dang / bdag byin gyis brlabs pa bskul ba dang / yid kyi sna rtse bskul ba'o// gsum pa ni
- 343a
bde ba dang stong pa dang / gnyis su ro mnyam pa'o// des 'bras bu 'byin pas na rtogs par gyur te/ de dag la goms par byas pas zhes bya'o// 'gog pa ni snang zhing grags pa'i chos rnams so// lhan cig skyes pa'i rang bzhin dbyer mi byed pa ni chos kyi phyag rgya mthar phyin pa ste/ shes pa rnal mas sngon du byed par 'gyur ro// de yang nges par bya ba ni de bas na yang gsungs pa ni/ 'di la gsal bya ci yang med/ gzhag par bya ba cung zad med// yang dag nyid la yang dag lta// yang dag mthong na yang dag grol// zhes bya ba la/ 'di la ni chos kyi phyag rgya'o// gsal bar ni snang ba chos kyi sku yin pa dang / bla ma yin pa dang / gdams pa yin pa dang / glegs pa ma yin pa dang / med pa zhig la gsal yang mi dgos// yod na gsal yang mi sol ba'i phyir bsal bar bya ba med do// de bas na gsung rab las/ gzugs ni rang gi ngo bo med de/ mthong ba po yang med do// sgra med de thos pa po yang med do// dri med de snom pa po yang med do// ro med de myong ba po yang med do// reg med de reg pa po yang med do// sems med de bsam par bya ba yang med do zhes gsungs pas so// gzhag pa ni bsgom pa ste/ de yang gnyis yod na de'i phyir bsgom par rigs pa las gnyis med pa'i phyir bsgom par bya ba cung zad med do// de bas na gsung rab las/ bsgom bya med cing sgom byed med// gsang sngags med cing lha yang med// spros pa med cing rang bzhin du// sngags dang lha ni yang dag gnas// shes bya bas so// de bas na dmigs par bya ba cung zad kyang med do// de'i phyir snang ba skye ba dang sems skye ba gnyis mi byed pa ni/ yang dag nyid la zhes bya'o// de yang ci yang ma yin pa'i tshul gyis lta ba la yang dag lta/
- 343b
zhes bya'o// de mngon du gyur pa ni yang dag mthong ba ste/ de ma thag tu skad cig nas rnam par grol bar ro shes bya ba'i phyir na rgyang ma dang ro ma gnyis kyi dbus ni sdig spangs ma ste lhan cig skyes pa'i ye shes so zhes bya ba ni go sla'o// gal te grol ba de dag goms pa las byung bas na/ goms pa ji lta bu zhe na/ de nyid la rtag tu goms pa ni tsa na raca ba bzhin no zhes bya ba la/ yul ra ma la'i rgyal po tsa na ra tsa ba bskurang bas/ drang srong rig pa mkhan la brtags pa dang / rgyal po'i blon po bram ze mdun na 'don/ tsa na ra tsa la 'bru mar ka tor gar bskur bas/ lho phyogs bzhi rab tu 'dar ba la btang ste/ rgyal bu stobs dang ldan pa gnyis kyis ral gri rab tu rno ba thogs te/ 'di dag dpag tshad gcig tu ma skyol bar bo na/ khyod lus dum bu brgyad btubs te/ yab rgyal po yang 'da' bar 'gyur ro zhes pas/ rkang pa gnyis rab tu bstan nas/ lag pa gnyis kyi g.yas g.yon nas bzung ste shes pa dam du brtan par bcas te/ mig mar khu las gzhan du ma yengs par byas pas mthar phyin te/ rgyal po spyan dngas nas/ blon pos rgyal pos srid rab tu sgyur ba'i dbang thob bo// dpe de bzhin du chos kyi sku'i rgyal po// rnam par rtog pa'i nad kyis bzung ba dag la/ bla ma'i rig pas brtags te/ tha mal gyi shes pa'i blon pos bde ba chen po'o sa gzhi la mnyam pa'i rtogs pa dang ldan pa'i phyogs su bltas te/ thabs dang shes rab kyi rkang pa nges pa'i shes pas bstan par byas nas/ bde ba dang stor pa'i lag pa g.yas g.yon gyis/ gnyis med kyi ka tor khyer te/ nyams su myong ba'i mar khu 'khor bar mi 'gyur bar dam
- 344a
bcas nas/ ma yengs pa dang yid la mi byed pa'i mig gnyis kyis bltas te/ 'on te skye med kyi nyams dang bral te/ mngon par zhen pa'i rgyal bus rtag chad kyi mtshon btab ste/ mtha' gnyis su gsod par 'gyur snyam pas goms par byas nas/ chos kyi su'i rgyal po rtogs pa'i nad dang bral zhing / sru gsum dbyer med pa'i rgyal srid la dbang bar 'gyur ro// de dag gis thabs de dag gang las 'byung zhe na/ de rtogs pa dang / don thams cad ldan cig skyes pa'i rang bzhin gnyis su me dang / sems rtse gcig par 'jug pa ni bla ma dam pa'i gdams ngag nyid las so zhes bya ba la/ gong du bstan par rtags pa dang / nyams su myong ba 'di lta bu 'char bar 'gyur te/ phyi ral gyi don ston pa la sogs pa thams cad lhan cug sbas pa'i rang bzhin gnyis su med de bsam gyis mi khyab par 'gyur ro// de la dang po lhan cig skyes pa la gom pa dang / rtog pa dang tha mi dad par gzhag pa dang / rtog pa nyams su myong ba la thim pa dang / yid la mi bya bar gzhag go// de las rtog pa skyes nas/ sngar gyi yid la mi byed pa dang tha mi dad par gzhag pa'o// de lta bu'i sems rtse gcig par 'jug pa ni/ bla ma dam pa'i gdams ngage slob ma la bshad pa spros pa med pa'i don lan du mar gsol ba btab pa dang tshogs kyi 'khor lo'i dus su byung ba dang / nyams su myong ba 'bar ba'i shugs kyi spyod pa'i dus su ched du ma gtad par byung ba nyid las mngon du byed par 'gyur// de bas na chos kyi phyag rgya ni phyag rgya chen po bsam gyis mi khyab pa'i rgyur gyur pa'o zhes pa ni go sla'o// gal te mnyam pa la bzhag na
- 344b
gnyis med du myong yang / rjes thob sna tshogs su snang bas nyams su myong ba dang bral lo zhes na/ bstan par bya ste/ de yang gsung rab las// gzugs dang skra sogs skye ba mer// gang gis lhan cig skyes rig na// gzugs sogs blo yis myong dus su// skye med bcos myong ma yin nam// gang zhig star bu myong ba yis// sbyar ba mthong tsam nyid na yang // star bu'i ro dang bcas myong bzhin// snang stong gnyis med pa der ro gcig ces 'byung bas so zhes bya ba la dang por bla ma'i zhal las thos pa'i don bdag nyid kyi blos dpyad pas gzugs dang grags pa la sogs pa'i chos thams cad skye med du rtogs par byas la/ don de dag gnyis mer du nyams su myong ba ni/ gang gis lhan cig skyes par rig pa ste/ de dag la goms na tha na rmi lam gyi gnas skabs na yang/ gzugs la sogs pa blo'i gang nyams su myong ba'i dus su skye ba med pa dang bcas par myong ba nyid ma yin nam/ dper na skyes pa dang bud med gang zhig gis sngon du star bu myong ba'i rgyu mtshan gyis/ phyis sgyur ba gzhan mthong tsam nyid na yang / star bu las myong ba'i ro dang khyad med de// de dang bcas par myong ba bzhin no// de bas na snang ba sna tshogs su shar ba'i rjes thob kyis snang bar mi 'gyur te/ stong pa dang gnyis su med pa rtogs pa'i grogs su 'gyur ro// chos kyi phyag rgya rnam par smin pa'i 'bras bu zhes bya ba ni/ phyag rgya chen po skyer rung ba dang / tshogs bsags pa'i rnam par smin pa dang / bla ma dam pa bsten pa'i gdams pa'i rnam par smin pa dang / las chung la 'bras bu tsha ba nyid kyis so// de yang gsung rab las/ rnam smin de las bzlog pa ste/ las chung 'bras bu che ba'i phyir zhes pas/
- 345a
so// nges par bstan pa ni bde stong spyi'i rnam pa ma bcos pa nges par bstan pa'o// gnyis pa ni dang po ltos pas so// de dag gis ni chos kyi phyag rgya mdor bsdus te bstan pa'o// / nu ma gnyis te lag mthil gnyis// thal mo gdab ste mnyam du gzhag/ a ta ra ta/ du da e/ a aM sa ra// / da ni 'bras bu phyag rgya chen po bstan par bya ste/ a phyag rgya chen po ni/ phyag rgya yang yin pa chen po yang yin pa'i phyir byar rgya chen po'o// zhes bya ba la a na a ka ma taM sa A ste/ rgyalam 'bras bu gsum du skye ba med pa'o// de yang rten 'brel las skyes pa dang ma skyes pa dang tha mi dad pa'o// phyag rgya ni mi 'da' ba'i don te/ da pe dang yod pa dang yin pas mi 'da' ba'o// de yang nam mkha' lta bu dang / gyad kyi nor bu lta bu dang / dug sngags kyis btul ba lta bu yang yin la/ chen po ni las dang chos dang dam tshig dang gsum gyi mchog tu gyur pa'i phyir yang yin pas na phyag rgya chen po'o// phyag rgya chen po la 'bras bur gzhag pa'i rgyu mtshan ci yod ce na bstan par bya ste/ de yang rang bzhin med pa'i ngo bo nyid/ sgo skur gyi dben pa zhes bya ba la phyag rgya chen por rig pa dang / de la yang rang bzhin med pa ni rnam pa sna tshogs pa'i skad cig ma 'dzin pa dang bcas pa dang / rnam par smin pa brtag dpyad dang bcas pa dag rnam pa med pa gzung 'dzin dang bcas pa'i dri ma ste// de dag gi yang rang bzhin med pa ni dri ma dang bral bar rigs so// de dag gi ngo bo nyid ni sgo skar dang bral ba ste/ dper na shing sna tshogs pa las me bus pa me lce gcig tu gyur te/ shing zad pa'i dus su me mi gnas pa bzhin du/ snang grags sna tshogs pa las skyes pa'i me lce gcig tu gyur te/ skye med rtogs kyi rjes la skye med tsam du yang
- 345b
mi 'dzin te/ de dag gang du yang mi 'dzin pa ste/ de dag rtogs pa de yang sangs rgyas pa ste/ rtogs pa tsam la ngag las pa'o// de bas na skad cig gcig gis rdzogs sangs rgyas zhes pa'i phyir dgag sgru ba dang bral bar rigs so// dben zhes pa stong pa'i tha tshig go/ phyag rgya chen po nyid ji lta bu zhe na re ba bcad pa ste/ shes bya'i sgrib pa la sogs pa spangs pa zhes bya ba la shes bya'i sgrib pa ni nyon mongs pa dang / nye ba'i nyon mongs pa spang dga' ba shin tu phra ba rnams so// sogs pa ni nyon mongs pa dang nye ba'i nyon mongs pa shin tu rags pa rnams so// spangs pa ni spar bya ser sna dang / 'chal pa'i tshul khrims dang / gnad sems dang / la lo dang / rnam par g.yeng ba dang / 'chal pa'i shes rab rnams la sbyin pa la sogs pa spong bar 'dod pa med pa ni gnyen po la re ba med pa'o// bskyed pa'i dang rdzogs pa 'di gnyis kyis legs par sbyangs pas 'bras bu zhig thob snyam pa med pa ni/ de kho na nyid la re ba med pa'o// 'bras bu rdzogs pa'i sangs rgyas shig logs nas 'thob bo snyam pa med pa ni 'bras bu la re ba med pa'o// de yang nyon mongs pa dbang du slong ba dang / chos thams cad kyi de bzhin nyid bsgom du med pa dge bde ba chen po rang chas su yod pa'i phyir ro// de yang chos rnam pa lnga dang ldan te/ ston ka'i nyi phyed kyi nam mkha' ltar dri ma med pa zhes bya ba bzhi la/ ston ka'i dus kyi nyi phyed kyi nam mkha' ni klin dang / 'ang 'tshan dganan dang / zug sna dang / rlung gis ma grags pa dag ni pa skyes shing rang bzhin la/ 'das pa dang / ma 'ongs pa dang / da ltar gyi dus su khyab pa dang / gdod ma nas mi 'gyur ba dang / 'khor ba thams cad la khyab bzhin du phyag rgya chen po de dag kyang ngo bo nyid
- 346a
kyis ma skyes pa dang / yod pa dang med pa dang gnyis dang gnyis med pa'i rang bzhin med pa dang / 'khor ba'i dus dang sbyangs pa dang / khyad par du sbyangs pa dang / bla na med pa dang / mngon du gyur pa'i dus rnams la yang phyag rgya chen po nyid do// de nyid las sna tshogs su snang yang 'gyur ba cung zad kyang med de/ dper na nam mkha' la sprin dang 'ja' tshon la sogs pa snang ba yang nam mkha' las mi 'gyur ba dang / chu la rlabs dang rnyog/ ma dang / slu ba dang / gnyer ma la sogs pa chu nyid las mi 'gyur ba bzhin no// de yang yungs ka ral mar gyis khyab pa bzhin du 'khor ba'i bdag nyid la khyab pa'o// de yang phyag rgya chen po nyid snang du zad kyi khyab bya khyab byed kyi tshul ni ma yin no// de de bas na gsu rab las/ da ni ston pa ni chos// ra ni tshogs ldan nyan pa nga'o// 'gro ba'i ston pa sgrub bya // 'jig rten pa nga 'jig rten pa// mchog dga'i mtha' ste bral ba'i mdun// lhan cig skyes dga'i ngo bar// mun pa la ni sgron me bzhin// bu gang de bzhin shes byed gang // zhes bya bas shes par bya'o// de la sku'i bye brag ji ltar gzhag ce na/ bstan par bya ste/ yon tan thams cad kyi 'byung gnas zhes bya ba la/ yon tan/ ni chos dang longs spyod dang sprul pa dang ngo bo nyid de/ de yang rang gi nyams su myong ba la gnas te/ sgo skur dang bral ba dang / nyams su myong ba dang / sna tshogs su shar ba dang / gnyug ma'i ngo bo gcig pa'o// de yang so ma dang rang dga' dang lhag pa'o// de yang rje btsun gyi zhal snga nas// kye ho grogs dag lhan cig skyes pa de// gzhan nas mi rnyed bla ma'i zhal la dris// don dam zhal gyi ngo bo ma rtogs na// yid ni 'chi byed rlung ni 'chad pa med ces pa ni skad cig ma skyes la ma 'gag pa'i ngo bo ji lta ba'o// gnyis pa ni rje btsun pa'i zhal snga nas/ ji ltar gzings la 'phur ba'i bya rog bzhin// bskor zhing bskor zhing slar yang de ru 'bab ces bya bas bsam gyis mi khyab pa'o// gsum pa ni
- 346b
rje btsun pa'i zhal snga nas// glang chen lo ma nas sems tshags chud pa ni// 'di ni 'gro 'ong bcar nas dal ba ste// de ni 'di ltar rtogs sa chos ci dgos// zhes bya pa ni bde zhing dal ba rgyun du'o// de ni thams cad kyi 'byung gnas so// de// de bas na de ltar ngo tsha med smra mkhas pas zhes bya bas so// de lta bu'i ye shes ni phun sum tshogs pa thams cad kyi gzhir gyur pa zhes bya ba la/ phun sum tshogs pa ni ji ltar 'dod pa'i bde ba tshogs pa'o// thams cad kyi zhes pa ni 'khor/ pa'i bde ba dang mya ngan las 'das pa'i bde ba chen po'o// gzhir gyur pa ni nor bu lta bu ste/ 'byung ba'i gzhir gyur pa'o// de yang ji ltar blta zhe na/ dag pa dang / dam pa dang / bsam gyis mi khyab pa/ 'khor ba dang mya ngan las 'das pa gnyis su med pa'i rang bzhin zhes bya ba la lhun gyis grub pa ste/ gdod ma nas sangs rgyas pa ni dag pa'o// bde ba dang stong pa zung du 'jug pa ni rtag pa dang chad pa'i mtha' las brel ba ste/ dam pa'o bsam gyis mi khyab pa ni yengs pa'i mu dang bral ba'o// de yang gsungar ba las/ sangs rgyas kun gyi ye shes ni// bya ba cung zad med pa ste// 'di la yengs pa'i mu dang bral// bsam mi khyab kyi dus nyid do// de lta bu'i ngo bo dag gi 'khor ba dang rnam par rtog pa'i bdag nyid ye shes skye ba med pa 'bar bas mya ngan las 'das pa gnyis su med pa'i rang bzhin las rtogs na bcu bzhi pa'i sa la ma rtogs na 'khor ba nyid kyi phyir ro// de yang rje btsun pa shar phyogs kyi dur khrod pa'i zhal nas rgyu med pas gdong ma nas sangs rgyas te/ dag pa dang sems can thams cad la rang chas su yod pas dam pa ste/ ma ni ngag gi spyod yul du rung ba dang so sor rtogs pa'i shes rab yod pa'i phyir mu thams cad bral ba ste bsam gyis mi khyab pa'o// nyams su myong ba de nyid chu bo ltar dus thams cad du nyams su myong bas/ gnyis kyis mi phyed pa ste/ 'khor ba dang mya ngan las 'das pa gnyis su med pa'i rang bzhin no// de dag las
- 347a
gzhan don 'byung ngam zhen bstan par bya ste/ dmigs pa med pa'i snying rje chen po'i lus zhes bya ba la/ dmigs pa med pa'i snying rje chen po dang / smon lamathun mor ma yin pa'i stobs kyis/ lus gzugs sku rnam pa gnyis/ snang ba shin tu dag pa dag/ dag pa las 'byung ngo lus de kho na nyid las gzhan nam zhen bstan par bya ste/ bde ba chen po rang bzhin gang yin pa'i ngo bo nyid do// zhes bya ba ste/ bde ba chen po'i ni sgo skur dang bral ba la/ yid la mi byed// pa nyid kyi sku'o// de dag gi rang bzhin yin pa ni gzugs kyi sku ste/ ngo bo nyid do// gal te yid la byas pas 'gal tshabs can du 'gyur ba su zhig yod ce na bstan par bya ste/ gsung rab las/ de ltar yid la mi byed pa'i tshes ni dge ba'o// yid la byed pa'i tshes ni mi dge ba'o// zhes bya ba la/ a ma na si zhes bya ste/ brda dang sgra'i bye brag gis shes par bya'o// de la yang a ni skye ba med pa/ ma ni yid de rtog pa/ se na byed pa'o// de bas na rtog pa dang byed pa ni a bgegs par byed pas de nyid du bkag pa'i phyir/ yid la mi byed pa'o// de'i phyir mi byed pa byed pa byed cing / byed pa mi byed pa'i phyir dge ba'o// gzhan mi mthun pa'i phyogs la ni ma na s+ye zhes bya ste/ rtog med pa'o// de dag ni yid la byed pa'i chos te/ mi dge ba 'byung ba'i phyir 'khor bar brtag par bya ste/ gal te glu dag sha ga'i gtsug gi nor bu bzhin du bstan par mi nus so// ma yin te/ bla ma dam pa'i zhabs kyi bka' drin gyis rnam pa thams cad kyi mchog bka' drin nyams su myong bar nus so// gal te phyag rgya chen po la skad cig ma bzhir mi gzhag pa ci zhe na/ dri ma med pa dang rang rig pa yin pa'i phyir ro// 'o na bsams na dri mar 'gyur ba'i phyir/ bsam par mi rigs so zhe na/ gnas/ pa med pa 'bad pa dang bral ba'i ye shes bsam gyis mi khyab pa ste/ dpyad pa las ma byung bar bsgom mo// de dag kyang bsam par bya ba dpyad nas/ mi sems pa de'i tshe bsam pa mi 'byung ba'i ye shes lhun gyis grub
- 347b
mas 'a drungs gang las pa ba ra na rang yang na mam ma ra ra ga ma ma sa ma ba 'ja samamam ga sam sams pa shas pa'i mi rtog par brjod do// de bas na bsam par byed pa'i rgyu med pas/ rgyu med pas bsam bu med pa ma yin te yod do// chad par 'gyur ro zhe na ma yin te/ de bzhin yang dag pa'i mtha' sngon du byas pas nyams su myong ba'i phyir mi 'gyur ro// 'o na rnam par rig pa dang khyad med do zhe na/ 'dir ni sgyu ma lta bu yang sgro btags pa ste/ dbu mar sgro btags par zhen pa med do// rnal 'byor spyod pa dang / dbu ma la khyad ci yod ce na/ rnam rig ni rnam par rtog pas brtags pa'i shes pa dngos su yod par rig la/ ma rig pa'i bag chags kyi dngos po yod pa ni rjes thob bo// rnam pa gnyis med kyi tshogs nyams su myong ba ni gsal ba ste ma rtogs pa'o// dbu ma ni sems can gyi don gyi phying kun rdzob tu tha snyad btags la/ byis pa dag la don dam zhes mthong bar bya ba'i phyir ji srid du zlos yul du byas pa thams cad ni kun rdzob tu brtags la/ de yang mthun pa'i rkyen chags pa tsam la snang zhing ba'i rgyun slu ba'i chos can yin pas sgyu mar mthong bar byas te/ de yang bdag la ltos nas skad cig mar bzhag la/ cha shes dang bcas pa'i phyir rang bzhin med pa ste/ de yang rtag pa dang chad pa gnyis med pa las 'das pa ste/ rnam grongs ma yin pa'i don dam pa'i bden pa'i dri ma med pa'i cha blo yul du ma byas sgo skur dang bral ba'o// de yang smig rgyu la chur 'du shes pa'i dus nyid nas/ chu med de chur 'dus shes pa dang chu med pa gnyis tha mi dad pa nyid la/ smig rgyu bsal bar bya ba nyid dam chu bsgrub pa cung zad kyang med pa bzhin du/ 'khor ba gsal bar bya ba 'am/ mya ngan las 'das pa bsgrub par bya ba med do// de yang zung du 'jug pa ste/ gang la gnyis kyi 'du shes med pa'o// de yang mthar thug pa'i don ni/ gsung ba las/ kun tu rtog pas ma brtags pa/ rab tu mi gnas pa yi sku// dran pa med pa yid la byed// dmigs pa med la phyag 'tshal lo zhes bya ba la/ de dag ni lta bu dang bsgom pa dang spyod pa dang / dbyer mi byed pa gsum du shes
- 348a
par bya'o// de yang kun tu rtog pas ma brtags pa'i dpyad pa gnyis dang bral ni spyod pa'o// bde ba dang stor pa rab tu mi gnas shing / 'dod pa gnyis dang bral ba na bde ba chen po ni sku ste/ lta ba'o// sbyor ba dang / dngos gzhi dang mjug gi go rims kyi dran pa med pas yid la byed pa ni bsgom pa'o// gsum du brtag pas dbyar mi phyed pa ni/ dmigs pa med pa ste/ de dag la goms par med pa ni phyag 'tshal ba'o zhes bya ba gang yin pa de dag gi phyag rgya chen po rig par bya'o// de lta bu'i phyag rgya chen po ci yang ma yin pa'i bde ba chen po la sa dam tshig phrag rgya mchog gi 'bras bu rtse bar 'gyur ro zhes bya ba ba ni go bla'o// gal te phyag rgya chen po lhan cig skyes pa las/ dga' bral dam tshig phyag rgya 'byung bar mi rigs so zhe na/ de la yang gsung rab las/ gang zhig n+ya go d+ha 'dod pas// ma rig sha dag sun 'gyur na// de ni ma rig sha nyid do// rgyu dang 'bras bu dbyer med bzhin// bde bas gang bar 'dod pa la// phyag rgya chen po thob gyur nas// grub pa med par rmi lam lha// gzugs ni snang bar 'gyur ba yin// zhes bya ba la rgyal po gang zhig bsil ba la mos pas/ shing n+ya gro d+ha 'dod pa'i phyir shing ma ri sha dag bskrun par gyur na n+ya gro d+ha skye bar 'gyur te/ rgyu ma ri shi las n+ya gro d+ha skyes pa ni ma yin no// n+ya gro d+ha de dag shugs kyis 'byung bar zad kye/ ma ri sha las 'byung ba de ni ma ri sha nyid de/ rgyu dang 'bras bu dbyer med pa bzhin du brags chen gyis dang / de las gzhan pa'i sems can rnams la bde ba gang bar 'dod pa la/ phyag rgya chen po mchog thob par gyur nas longs spyod rdzogs pa dang sbal pa'i sku grub pa med par rmi lam lta bu'i gzugs ni shugs kyis snang bar gyur pa yin no// a de dag ni phyag rgya chen po dri ma dang bral ba'i 'bras bu nges par bstan pas te/ gnyis pa la ltos pa'i phyir gsum pa'o// // de ltar bdag don yongs su rdzogs par bstan nas/ da ni gzhan don phun sum tshogs par bya ste/ rgyu dam tshig gi phyag rgya
- 348b
no zhes bya ba la/ trAM ni de bzhin gshegs pa thams cad kyi thugs gnyis su med pa'i yi ge ste/ ha ni de bzhin gshegs pa thams cad kyi ye shes te de dag yod pa dang med pa dang gnyis dang gnyis med pa las mi skye ba'i phyir rgyu med pa'o// / u ni nag pa dang char pa dang / bam pa dang rig pa dang / 'khor ba dang / sa ngan las 'das pa'i rnam par rtog pa'i tshogs dang bral ba'o// a na mtha' thams cad dang bral ba ste bde bachen pal// ye shes lnga'i chu ba nyid kyang shes par bya'o// de bas na mar gyur pa'i phyir bskyed pa dang / sna tshogs su 'chang ba'i spro ba dang de nyid las gzhan pa'i phyir bsdu ba dang / rang rig mtshan nyid yin pa'i phyir 'bras bu dam tshig gi phyag rgya'o// // dam tshig ni snying rje chen pos kun nas bslang ba'i bsam pas slob dpon ni dkon mchog gsum gyi spyan sngar gzhan gyi don las mchis pa dang 'jig rten pa'i sa nyid la gzhan gyi don smos pa dang chos kyi phyag rgya nyams su myong nas gzhan gyi spyod pa nyid do// phyag rgya ni de lta bu'i smon lam gyi stobs kyis sa bcu'i byang chub sems dpa' la rten gzhal yas khang brten pa'i lha'i 'khor lo dang bcas pa/ mtshan dang dpe byad kyis rab tu spras shir dbang po'i spyod yul du gyur pa ste/ skus chos ston pa rnams dang / sgrub po dag la rang gi lhag pa'i lhar gnas pa dag la chos ston pa dang / mthun par snang ba la shAkya seng+ge lta bu dang / thun mor sna tshogs su shar ba ni// gzhan gyi don phun sum tshogs pa'i 'bras bu ste/ phyag rgya chen po rnam par dag pa'i chos sku'i gtso bo las/ snang ba shin tu dag pa dang // snang ba dag pa dang / snang ba thun mong pa rnams la longs spyod rdzogs pa dang sprul pa'i sku'i rnam pa 'byung bar 'gyur ro// de bas na slob dpon d+harma k+Shi ti'i zhal snga nas/ de phyir yang dag yang dag min// gang gang shir tu bsgoms pa las// bsgoms pa'i stobs kyis rdzogs pa dang / bde gsal mo rtog blo 'bras can// zhes bya bas rtogs par bya'o// de yang phyag rgya chen po
- 349a
nyid snang ba'i phyir/ rang bzhin te zhes bya ba la/ de yang rnam med rjes thob lta bu ni ma yin te/ nor bu rin po che dang / dpag bsam gyi shing dang / bum pa bzang po bzhin no// de bas na 'bras bu dam tshig gis phyag rgyar rigs pa'o// sems cad kyi phyir 'das pa'i rgyun nye bar gzung bas rdo rje 'dzin pa he ru ka la sogs pa zhes bya ba ste/ gzhan gyi rtog pa dang mthun par 'phros pa ni spro ba dam tshig gi phyag rgya'o// rgyu'i dus su ji ltar bslab/ par bla zhen bstan par bya// dam chog gi zug N+Di rdza slob dpan kyi dbang byungs te/ zhes bya ba ni bshad zin to// de dag ga lam de lta bu zhem/ rtswa'i 'khor la lha'i rnam pa ye shes lnga'i rang bzhin cho ga gyur brtags pa ni lo lta bu dang / mnyam pa nyid dang / so sor rtog pa dang bya ba nan tan dang / chos kyi dbyings rnam par dag par 'gyur ba dang / snod pa'i tshul du bsgom pa de yang sbyor ba dang po dang / dkyil 'khor rgyal mchog dang / las rgyal po mchog go// rdzogs pa'i rim pa rnam par brtags pa ni/ thig le'i rnal 'byor dang / phra mo'i rnal 'byor dam tshig phyag rgya bsgom pa'i slob dpon gyis ni bsod nams chen po byas par 'gyur ro zhes bya ba ni bum pa'i dbang ni lus dag par byed pa ste/ dam tshig gi phyag rgya nyid yin pas/ spros pa sna tshogs pa'i phyir skal pa tha ma dag gis bsgrub par bya ste/ rdo rje slob dpon gyi dbang blangs la/ bdag dang gzhan grol ba dang / dgrol ba dang bcas pa ste/ de yang dang por phyag rgya chen po par gyur pa'i phyir snying rje dang / sangs rgyas pa'i brtags nyid kyis phyir khrus dang thug pa dang / skal pa dang ldan pa'i phyir lha'i nga rgyal dang bkra shis par bya ba'i phyir tshogs bsag pa dang / don du 'gyur bar bya ba'i phyir tshad med pa bzhi dang / chos thams cad kyi ngo bo bstan pa'i phyir stong pa nyid dang / bar chod zhi bar bya ba'i phyir bsrung ba'i phyir 'khor lo dang / chos thams cad rnam par thar pa'i sgo gsum gyi bdag nyid do//
- 349b
chos dbyings las skye ba'i phyir nam mkha' byin gyis brlab pa dang / rten gyi zhen pa bzlog pa'i phyir gzhal yas khar dang / gnas khang gi zhen pa bzlog pa'i phyir nyi zla'i gdan dang / gos kyi zhen pa bzlog pa'i phyir glang po che dang staka/ klu pa ga zus pa 'a pa ma tshogs dang / lus ngag yid kyi zhen pa bzlog pa'i phyir de nyid gsum dang / skye mched kyi zhen pa bzlog pa'i phyir sems dpa' drug dang / 'gyur ba'i zhen pa bzlog pa'i phyir dkyil 'khor du blta ba dang / 'dod chags pa'i don du bde chen sbyor ba dang / zhe sdang dag pa'i don du ha ru ka'i sbyor ba dang / gti mug dag pa'i don du mi shes pa'i de kho na nyid dang / brgyal dag pa'i don du skye ba med pa'i myong ba dang / phrag dog dag med pa'i don du mnyam pa la ma yengs pa'i ye shes dang / srog gcod pa'i nyes pa dag pa'i don du rtsa ba'i 'khor lo dang / ma byin par len pa dag pa'i don du rlung 'byung 'jug gi gnas dran pa dang / me tshangs pa'i spyod pa dag pa'i don du phra mo'i thig le dang/ brdzun du smra ba dag pa'i don du rdo rje'i bzlas pa dang / phra ma dag pa'i don du bla ma la bstod pa dang / tshig 'khrul pa dag pa'i don du rdo rje sems dpa'i yi ge brgya pa dang / rag brtsub mo dag pa'i don du bzlas pa dang / chags sems dag pa'i don du sems la lta ba dang / gnod sems dag pa'i don du yul la lta ba dang / log lha dag pa'i don du stor pa snying rje'i snying po can dang / ser sna dag pa'i don du ma chags pa dang / 'chal pa dag pa'i don du blo rlabs po che dang mi 'bral ba dang / khong khro ba dag pa'i don du kun la rang gi lhar blta ba dang / le lo dag pa'i don du thob par dka' ba'i 'chi bar myung bar blta ba dang / g.yeng bdag pa'i don du dgon pa bsten pa dang / mtshan ma'i rnam par rtog pa dag pa'i don du gang dang gang skyes pa de dang de la dpyad par bya
- 350a
ba dang khras kyis zhen pa bzlog pa'i phyir bdud rtsi rnam pa lnga bsten pa dang tshogs su gyur par yang bya ste/ mi mthun pa dag par bya ba'i don du brda'i rab tu dbye ba la mkhas par bya'o// de las byed par gyi don ni phyag rgya chen po dngos/ grub thob par bya ba'i phyir skyed pa'i rim pa dang / mchog gi dngos grub thob par bya ba'i phyir rdzogs pa'i rim pa dang / lha nye bar bya ba'i bzlas pa dang las nye bar grub par bya ba'i phyir gtor ma dang / bsod nams kyi tshogs khyad par can la sogs par bya ba'i phyir/ tshogs kyi 'khor lo dang / dngos grub myur du thob par bya ba'i phyir sbyin bsreg dang / bla ma mnyes par bya ba'i phyir maN+Dal dang / bkra shis par bya ba'i phyir mchod pa dang / bar chad bzlog par bya ba'i phyir mchod rten gyi las dang / shes pa dang bral bar bya ba'i phyir glegs bam bklag pa dang / slob ma bsdu bar bya ba'i phyir dbang bskur ba'i dkyil 'khor gyi cho ga dang bya ba'i cha mkhas par bya ba'i phyir rgyud la sogs pa blta ba ste/ de dag thams cad kyang bdag la bltos pa'i gzhan gsal bar bya ba yin gyi bdag dag par bya ba la ni lha'i rnam pa phung po lnga la rigs lnga'i rgyas gdab par bya ste/ gzugs rnam par snang mdzad do// tshor ba ni rin chen 'byung ldan no// 'du shes ni snang ba mtha' yas so// 'du byed ni don yod grub pa'o// rnam par shes pa ni rdo rje mi bskyod pa'o// de yang ye shes lnga'i rang bzhin te/ sna tshogs su shar ba ni/ me lor lta bu dang / rang gi ngo bo mnyam pa nyid dang / rigs lngar snang bas so sor rtog pa dang / phrin las kyi sgo nas bya ba nan dang / sgo skur dang bral ba'i sgo nas chos kyi dbyings su rtogs par byas la/ de la mi bskyod pa dang / rdo rje 'chang gi bshad pa kho nar zad do// cho ga lngar brtags pa ni mngon par byang chub pa lnga ste/ de nyid nyi ma dang zla ba dag la A li ka lis rgyan pa dang / ro mnyam pa'i gong bu dang / thugs kyi yi ge dang / rdo rje rtse lnga pa dang / sku yongs su rdzogs pa rnams la/ byang chub kyi mchog tu sems bskyed pa dang / sems so sor rtogs pa dang / gsung rnam par dag pa dang
- 350b
thugs zad mi shes pa dang / sku 'khor lo dam pa'i byang chub pa'i bdag nyid can me long lta bu dang / mnyam pa nyid dang / so sor rtog pa dang / bya ba nan tan dang / chos kyi dbyings kyi ye shes dang sbyar bar bya'o// rnam par dag par 'gyur ba mi matog las 'bras bu 'byung ba lta bya'o// na pa'i tshul ni brdegs pa slob pa na dag gi 'dod pa'o// de la bu nyid du bsgom pa yang gis kyi phung po lda ni mngar bsdus na/ sangs rgyas sngar ni rab tuzugs/ dzarje sbyim / nyid dag kyang // mkha' 'gro ma'i dkyil 'khor nyid// ces bya bas so// yang sbyor ba dang po ni rnal 'byor dang / rjes thob kyi rnal 'byor ro// dkyil 'khor rgyal po mchog ni shin tu rnal 'byor ro// las rgyal po mchog ni shin tu rnal 'byor chen po'o// de lta bu'i lam de dag kyang 'di ltar shes par bya ste/ grogs dag chu'i zla ba ni// bden pa ma yin brdzun pa min// de bzhin dkyil 'khor 'khor lo yang // rang bzhin med lus gsal ba nyid// ces bya ba gsung rab las so// de ngag kun tu brtags pa'i phyir bskyed pa'i rim pa'o// / don yod pa gsal bar byed pa bstan par bya ste// rdzogs pa ni nga lal// dam pa ni 'khor la bzhi'i rim pa'o// rnam par btags pa ni a bam ya/ thig la ni byang chub sems kyi khu ba ste/ kha tog dang dbyibs ma// bde ba dang yid tha mi dad par byed pa ni nal 'byor ro// pra mon rlung dang rgya'o// d+ha ni 'khor lo rnam pazhi'o// de dag yid sbyar ba byed pa ni rdul 'byor te/ sgras pa'i mtha' dang bral ba'i phyir dam chag gi phyag tsug+sa/ bskam pa ni dmigs pa'o// slob panan dbang gi rnam par skye ba'i gan kyi nan/ sgrub pa pa rnaMs nyan mangs pa com ra bsod nams can po byas par lce mchog gi 'bras bu ma yin nas nen da ltar yin yang chos kyi phyag rgya'i bdag nyid dang / 'bras bu rtogs par mi 'gyur te/ sa pa'i rgyal se nges pa'i 'bras bu 'byung bar 'gyur ro// zhes bya ba la/ bsod nams kyi
- 351a
nyon mongs pa'i sgrib pa dag par byed pa de ltar yin yang // chos kyi phyag rgya ba de stong spyi'i rnam pa'i bdag nyid dang / 'bras bu phyag rgya chen po bde stong rang gi mtshan nyid rtogs par mi 'gyur te/ de ci'i phyir zhe na/ dam tshig gi phyag rgya spros pa sna tshogs pa rtogs pa can gyi spyod yul zhen pa dang bcas pa 'khor ba'i rgyu de bcos ma'o// de bas na nges pa ma bcos pa'i rgyu las nges pa'i 'bras bu rtogs par 'gyur ro zhes gsungs pas so// gal te bcos ma yin pa'i phyir lam tsam du yang mi rigs so zhe na/ byis pa blo chung ba rnams kyis ni/ bdag med la sogs go bya'i phyir// dge shes dam pa mchog bsten nas// rim par de bzhin bstan par bya ba'i phyir dang gsungs rab las/ 'di dag thams cad sems tsam du/ thub pas gang zhig gsungs pa rnams// byis pa skrag pa spang ba'i phyir// gsungs kyi de bzhin nyid du min zhes 'byung ba nyid kyis/ de bas na don dam pa rang bzhin med pa nyid de/ bskyed pa dam tshig gi phyag rgya'o// 'dis ni dngos po rnams ni de kho na nyid bltad pa'o// dngos po de kho na nyid du ji ltar bsdu zhe na/ bstan par bya ste/ de'i phyir rnal 'byor pa dag gis/ gang byis pa rnams kyis brtag pa'i// brtan g.yo'i dngos po thams cad lhan cig skyes pa'i nyams su myong ba'i ro gnyis su med pas/ de nyid du phug ste/ tha mi dad pa de nyid byang chub bla na med pa'i steng du gyur pa'o// des ni 'jig rten gsum gyi 'khor lo sgyur yang dag par sgoms par gyur te/ lhan cig skyes pa'i dga' ba dang / de nyid nyams su myong ba lam gyi rtogs pa dang / sgo skur dang bral ba bsam gyis mi khyab pa'i bdag nyid du gyur to// 'gyur ro// mngon par rnyed pa'i dngos grub mchog bsgoms pas mthob bo// zhes bya ba la/ gang de kho na nyid la rmongs pa ni byis pa ste/ de lta bu rnams kyis tha snyad du btags pa'i ma rig pa bag chags rab tu stug po las// rnam par rtog pa'i dbang gis brtan pa dang / g.yo ba'i dngos po thams cad
- 351b
la mngon zhen du bltas pas sdug bsngal du gyur pa dag la dpe'i lhan cig skyes pa'i las kyi phyag rgya nyams su myong ba'i ro chos kyi phyag rgya lhan cig skyes pa'i gnyis su med pas brtags pa thams cad de nyid du phug ste/ spang bya dang blang bya tha mi dad na/ dper na gser 'gyur gyi rtsis lcags gser du 'gyur ba bzhin du/ dngos po de nyid byang chub bla na med pa'i gter du gyur pa'o// las 'dis ni 'dod pa dang gzugs dang / gzugs med pa'i 'jig rten chos dang longs spyod rdzog pa dang / sprul pa gsum gyi 'khor lo dbyer mi phyed par yang dag par bsgoms par 'gyur te/ rtogs pa'i dus de nyid na dpe'i lhan cig skyes pa'i dga' ba dang / des mtshon pa'i ye shes de dag nyams su myong ba don lam gyi rtogs pa dang / sgo slor dang bral ba'i phyag rgya chen po'i 'bras bu rnams bsam gyis mi khyab pa'i bdag nyid du gyur pa ste/ de dag gis rtogs pa de dag sngon snying po don gyi sangs rgyas su gyur to// ma 'ongs pa rnams 'gyur ro// de ltar mngon par rnyed pa'i dngos grub mchog/ gang gis bsgoms pas 'thob bo// de dag nges par sgrub par nus sam zhe na/ bstan par bya ste/ de bas na gsung rab las/ 'di ni gzhal yas khang min las min dbang po min te 'byung ba la sogs min/ gzugs la sogs pa ma yin srogs chags min zhing mi dang gzhan ma yin te rdzogs sangs rgyas 'khor lo'i gtso bo dag ni chos su yin te/ dkyil 'khor pa dang lha dag dang / khams gsum 'di dag thams cad sna tshogs ma yin 'khor lor rtogs na ji ltar 'khrul par byed ces bya ba la/ brtags pa 'di ni gzhal yas khang ste/ bde ba chen po nyid gzhal yas khang du shar ba'i phyir/ gzhal yas khang rtogs pas phyags chen por rig par bya ste/ gzhal yas khang gsal bar bya ba'am/ bde chen bsgrub par bya ba ni med do// bdag dang gzhan gyi lus kyang de bzhin te yin no// mig dang rna ba dang sna dang lce dang lus dang yid rnams kyang dbang po gzhan min te gor bzhin no// byung
- 352a
ba sa dang chu dang me dang rlung dang de dag la sogs pa ni rten 'brel bcu gnyis gzhan min no// gzugs la sogs pa ni skra dang dri dang ro dang reg bya ste de dag kyang gzhan ma yin no// srog gi rlung dang bcas pa bde sdug dang bcas pa skye shi dang bcas pa ste/ de la srog chags zhes bya ba la/ de yang gzhan min zhing mi dang de las gzhan pa lha dang lha ma yin dang dud 'gro dang yi dgas dang dmyal ba rnams kyang gzhan ma yin te/ de nyid las gzhan pa dang de nyid sbyar ba ni/ de dang bral ba'i phyir/ gdod ma nas rdzogs pa'i sangs rgyaso// lha'i 'khor lo dkyil 'khor gyi gtso bo rnal 'byor pa bdag nyid kyang chos sku yin te/ de bas na rten gyi dkyil 'khor dang bsgrub pa po dang / lha dka dang khams gsum 'di dag thams cad dang / sna tshogs su snang ba de dag gzhan ma yin te/ gnyis med kyi 'khor lor rtogs na ji ltar yang gzhan med pa'i phyir 'khrul par byed pa med cing 'khrul par yang mi 'gyur na/ 'khrul pa las gzhan ma yin zhing 'khrul par mi 'gyur bar yar phyag rgya chen po la snyeg la/ mar las kyi phyag rgya la snyeg ste/ de yang ji ltar snyeg na/ phyag rgya chen po ma bcos pa bzhin/ chos rgya yang ma bcos pas snyeg la/ las rgyal dga' ba bzhi yod pa bzhin du chos rgyal yang dga' ba bzhi yod pas mar sgeg go// gzhan yang gsang sngags kyi lugs kyis bla ma'i ngag sngon du song bas dngos grub rnam pa gnyis 'byung ba yin pas bla ma'i gdams ngag sngon du 'gro dgos pas chos rgya gtan la dbab par rigs te/ de yang las kyi phyag rgya lus la ste/ chos kyi phyag rgya dag la'o// phyag chen po yid la ste// dam tshig phyag rgya kun la 'gro zhes bya bas kyang shes par bya'o// de la lha ste/ brjod par bya ba dang / skabs su bab pa'i tshig dang / ra bo dang mtshan nyid dang / phan yon no// de la brjod par bya ba ni/ bde steng sde'i rnam pa'o// de yang phyag rgya chen paM las ltos spyi'i rnam pa
- 352b
yis/ chen po ni rang gi mtshan nyid do// skabs su bab pa'i tshig ni e baM ste/ dbyangs kyi yi ge dang gsal byed kyi yi ge'o// de yang rab tu mi gnas pa las/ byin brlabs bla ma'i ngag chen po/ chos kyi phung po brgyad khri dang / bzhi// stong grangs kyi rtsa ba ni/ yi ge pha ma gnyis yin te/ kun gyi yang ni bzhir gyur pa'o// zhes pas rgyud sde lnga la sogs pa ji snyed cig yod pa de dag thams cad dbyangs dang gsal byed gnyis su 'dus/ de yang e baM gnyis su 'dus so// ngo bo ni bla ma'i gdams ngag sgra'i rang bzhin brjod pas slob ma'i blo la brjod bya don spyi'i rnam pa bde stong du shar ba'o// mtshan nyid ni snang stong gnyis su med pa ste/ de yang snang ba shar ba'i mtshan nyid du stong pa byung la/ stong pa rtogs par byed pa'i mtshan nyid du snang ba byung ste de yang snang sbyor bcom ldan 'das su bshad ces pa dang / yang sna tshogs snang ba'i chos rnams la// skye ba med pa nyid gnas pa// stong pa snang ba mtshan nyid cig ces pas so// phan yon la gnyis te/ don che ba dang / phan yon che ba'o don che ni/ bla ma'i gdams dag sgra'i stobs las slob ma'i blo la rtogs pa shar ba ni skad cig mas bsdus pa'i dga' ba bzhi skye ste/ de yang snang ba sna tshogs su shar ba dga' ba/ de ltar shar yang lhan cig skye ba yin snyam pa mchog dga'// lhan skyes yin par yid ches pa lhan cig skyes pa'i dga' ba rjes la rags snang du shar ba dga' bral lo// de ltar chos thams cad la lhan cig skyes pas rgyas gdab kyi na bsgoms pas rang gi don du chos kyi sku phyag rgya chen po thob pa ni don che ba'o// de nas sems can gyi don gyi smon lam gyi dbang gis gzus sku gnyis sems can gyi snang ba dag pa dang ma dag pa'i bye brag gis longs sku dang sbrul sku snang ba ni phan yon che ba'o// de lta bu la 'jug par mi nus pa la las kyi phyag rgya bstan pa la bzhi ste/ chos 'byung du bzhag
- 353a
pa'i rgyu mtshan dang / de nyid dpe'i ye shes su rigs pa dang / dman drag gnyis sun gton la yang dag pa'i ye shes dpe'i ye shes su rigs pa dang / 'phel bar byed pa 'brel pa'i tshul gyis nyams su blang pa'o// de la chos 'byung du gzhag pa ni rtogs shing bla ma'i gdams ngag gis zin na mya ngan las 'das pa 'byung ste/ e yi cha byad bzang pos// dbus su baM gyis rnam par rgyan// bde ba thams cad bskyed pa'i gnas// sangs rgyas rin chen za ma tog ces/ gsungs pas so// ma rtogs shing bla ma'i gdams ngag gis ma zin na 'khor ba 'byung ste/ de yang yi ge e ni mar gyur la// bi ni pa zhes bya bar grags// thig le de ni byang chub sems// de las srid pa thams cad skye zhes 'byung ba'i phyir chos 'byung du rigs so// de nyid dpe'i ye shes su rigs te/ chos kyi phyag rgya la dga' ba bzhi yod pa bzhin du las kyi phyag rgya la yang dga' ba bzhin da pas so// de yang dper na chu'i zla bas nam mkha'i zla ba mtshon nus pa bzhin du// mtshon byed dpe'i lhan cig skyes pa ni nyams su myong la/ mtshon bya don gyi lhan cig skyes pa ni mtshon par nus la dngos ni ma yin te/ 'dra ba'i phyir na dper rigs so// de yang don gyi 'dra ba gang yin pa/ dpe dag las ni brten par 'gyur zhes pas so// dman drag gnyis sun phyung ba yang dag pa'i dbang skur ba dper gzhag par bya ste/ de yang drag po'i dbang ni go rims dang / gan dang rtogs pa gsum las 'khrul te/ de yang go rims las 'khrul pa ni/ mtshan nyid dang bral ba'i skad cig ma dang / lhan cig skyes pa'i dga' ba mthar 'dod la// rnam par nyed pa'i skad cig pa dang / dga' bral gyi ye shes gsum par 'dod do// gnas las 'khrul pa ni rdo rje nor bur byang chub kyi sems kyis khyab pa la lhan cig skyes pa ngos 'dzin pas 'khrul lo// rtogs pa la 'khrul pa ni/ rdo rje nor bu la byang chub sems kyis khyab pa ni mchog dga'i ye shes te rang rig pa
- 353b
tsam rtogs pa ste de la dngos po'i gshis yin zer bas 'khrul lo// dbang skur ngan pa ni go rims mi 'khrul yang / gnas dang rtogs pa las 'khrul te rtogs pa ni nor bu'i nang du byang sems kyis khyab pa la dngos po'i gshis rtogs par 'dod pa'o// gnas ni / bum pa la zab pa la ngos 'dzin pas so// des na gcis ni per mi rigs so// yang dag pa'i dbang dpe'i ye shes su gzhag pa ni/ byang chub kyi sems mnor pa ste/ dang pa' byed 'byud pa nas brtsams nas mgrin pa man chad du khyab pa la dga' ba/ nor bu'i nang du khyab pa la mchog dga'/ gnyis shor gnyis gnas pa de ni lhan cig skyes pa'i dga' ba ste/ gnyis su shor bas 'dod chags kyi ngad yal/ gnyis gnas pa de la rigs kyi bdag po'i kha na gnas pa de ni rdo rje 'chang gi thig le stong pa/ mdzes ma'i spyi bo na gnas pa de ni mi bskyod pa'i thig le ste bde ba/ de gnyis kyang rgyu 'bras bu byas na rdo rje 'chang gi thig le des ni rang bzhin med par byas pas rtag pa'i mtha' gsal// mi bskyod pa'i thig les rdo rje 'chang gi thig le rgyas btab pas rang bzhin med pa nyams su myong bar bya ste/ chad pa'i mtha' gsal lo// rtag chad gnyis las 'das pa ste/ lhan cig skyes pa'o// de yang rgyal 'bras bus rgyas gdab cing / 'bras bu la yang rgyus rgyas gdab// 'di ni bde chen rgyal po yin zhes pa dang / gzhan yang rab tu mi gnas pa las/ lhan cig skyes pa'i rang bzhin ni// mchog dga'i mtha' dang dga' bral gong // dbus su gang zhig rig 'gyur ba// mi bskyod rdo rje nas lhung zhing // rdo rje 'chang chen pad+mar rig/ rgyu la 'bras bu rgyas btab pas/ rig byed mtha'i 'dod pa dgag/ 'bras bu la yang rgyus rgyas gdab// gsang bar smra ba'i 'dod pa dag/ gnyis la gnyis med rgyas gdab pas// la ba can gyi gdod pa dgag/ ces gsungs pas// 'phel bar byed pa 'brel ba'i tshul gyis nyams su blangs pa ni// dga' bral gyis lhan cig skyes pa la spyad pas dga' ba gsum lhan cig skyes
- 354a
par 'gyer te/ de yang chos rnams kun gyi ngo bo ni/ lhan cig skyes par bsgom par bya zhes pas so// // de lta bu la 'jug par mi nus pa'i gang zag gis dam tshig gi phyag rgya la bslab par bya ste/ de la yang dga' ba bzhi brtsi ste/ dang po bsod nams tshogs bsag pa nas gzung nas byang chub po rnam pa lngas lha bskyed pa ni dga' ba'o// dkyil 'khor gang yin pa spyan drangs nas zhal du zhugs te/ lha zhu ba'i khu bas lus gang ba ni mchog dga'o// rang yang zhu nas thig le gnyis su gnas pa ni lhan cig skyes pa'i dga' ba'o// lha mo bzhis gsol ba btab nas sku ru bzhengs pa ni dga' bral lo// de yang dga' ba bzhi tha mi dad du khyer ba ni/ bzhi pa'i man ngag go// de yang rab tu mi gnas pa las// phyag rgya chen po'i byang chub lnga// dga' ba'i ye shes nyid yin no// chags pa chen po'i 'od zer gyis// sangs rgyas rnams ni bsdus nas kyang // khu ba'i dbor gyur gzugs pa// blang par gyi ni dga' ba'o// thabs dang shes rab kha sbyor ba// thig le dkar dmar thog mtha' can// yi ge gsum gyi bdag nyid do// lha yi 'khor lo sna tshogs pa// bral ba'i dga' bar rab shes bya// zhes gsungs pas so// de lta bu'i dam tshig gi phyag rgya'i thig le gnyis kyis dbyibs dang kha dog tu nyams su myong yang / thig le gnyis kyis mtshan nyid nyams su ma myong ngo zhes the tsom bskyed nas de'i mtshan nyid nyams su myong bar bya ba'i phyir/ las kyi phyag rgya bstan la/ lhan cig skyes pa nyams su myong bar bya'o// des dpe'i ye shes nyams su myong yang // don bde stong spyi'i rnam par rtog pa dang bral zhing nyams su myong ba dag la chos rgya bstan te/ chos thams cad skyes pa dang tha mi dad / par bstan pas/ bde stong gnyis med du nyams su myong ba de ni chos kyi phyag rgya'o// de la yang dga' ba bo zhes lam du bkyer te/ sna tshogs su shar ba dga' ba la sogs pa gong du bstan pa bzhin no// phyag rgya chen po
- 354b
bstan la dbab pa ni gnyis te/ rten gyi gang zag dang de la gdams pa'o// rten gyi gang zag ni sngon smon lam khyad par can btab pa/ tshegs khyad par can bsags pa/ gnyug ma la yun ring du sbyangs pa/ bla ma'i dus thAbs bsnyen pa la mams pa// zag sa las rnam par rnal ba'i spang pa la 'dug nus pa'o// de ya na cig skyes pa'i ye shes te thabs kunan gyis ni ma rnyed pa snga ma'i dus thabs brtson pa 'am/ ma sa ba ga/ 'ad shes zhes pas sa// del ga dmas pa nims ra ba ma parten par bya ste/ sa gsum gyi/ chos rnas ca smras pa'i ba dang / smis pa ba / smras sa sa gnyis sna par nyams su myong ba'i brda'o// de la dang po ni chos thams cad rol pa sna tshogs su shar ba ni skyes pa'o brda'o// de nyid rang bzhin med par rtogs pa ni ma skyed pa'i brda'o// rol pa 'gag med dang / rang bzhin med pa/ gnyis su med par myong ba ni tha mi dad kyi brda'o// de lam du khyer ba'i man ngag la lnga ste/ rgyu mtshan gyi man ngag dang / de nyid rjes su 'gro ba'i mnar ga dang / nyams su blang ba'i man dngag dang / gdams ngag la nges shes skyes pa'i man ngag go// de la rgyu mtshan gyi man ngag ni/ phyag rgya bzhi kho nar gzhag po'i rgyu mtshan ni gang zag bzhi la dgongs pa ste/ gang zag skal pa tha ma bskyed rims la mos pa dang / bskal pa 'bring / rtsa rlung thog le la mos pa dang / skal ba rab bla ma'i gdams ngag la nges shes skyes pa dang / skal ba yang rab gnas lugs nyams su len nus pa'o// de rnams la phyag rgya bzhi nyams su nus pa'o// de la phyag/ rgya bzhi bstan te/ dam tshig gi phyag tu thabs sna tshogs pa rtogs pa rgyan gyi yul du gyur pa dang / las kyi phyag rgya bde ba nyams su myong ba rtogs pa'i yul du gyur pa dang / chos kyi phyag rgya stong pa nyams su myong ba/
- 355a
zhen shes med pa'i yul du gyur pa dang / phyag rgya chen po rnal ma nyams su myong ba ci yang ma yin pa'i yul du gyur pa bstan par bya'o// de yang rgyud las/ las kyi phyag rgya rnam par bsgom// de yi steng du phyag rgya che/ de nyid dam tshig phyag rgya rnams bsgom bya// de yi steng du phyag rgya che// de nyid dam tshig phyag rgya'o// zhes pas so// de yang dbang bzhi dang 'brel te/ bum pa dang / gsang ba dang shes rab ye shes kyi dbang dang / mthar thug pa man ngag gi dbang ngo // de yang chu dang 'brel phyir bum pa'i dbang/ gsang ba las byung gsang ba ste shes rab ma'i gzugs dag las// ye shes skye phyir de nyid dbang // kun gyi ngo bo mi gnas shing // mthas/ thug pa ni bzhi pa'i dbang // zhes pas so// dbang de dag kyang dkyil 'khor bzhi dang 'brel te/ rdul chen gyi dkyil 'khor dang / mkha' gsang gi dkyil 'khor dang byang chub sems kyi dkyil 'khor dang / bden pa dbyer med kyi dkyil 'khor ro// de yang gsang ba'i dkyil 'khor bzang po dag/ thig le don dam dbyer med dkyil-i// snying po ye shes rang sbyin gnas zhes so// dbang de dag la yang bskur ba'i gnas bzhi ste/ bum pa'i dbang spyi bor bskur ba dang / byang chub kyi sems lce la sbyin pa dang / gsum pa sems la bskur ba dang / bzhi pa lus ngag yid gsum dbyer med la bskur ba'o// de yang lus kyi rtse mor chu blugs shing / ngag gi rtse mo rabs ma mi khyab/ ces pas so// de dag gis kyang sgrib pa bzhi dag ste/ lus kyi sgrib pa dang / ngag gi sgrib pa dang / yid kyi sgrib pa dang / sgo skur thams cad gcod pa'o// de yang srog gcod pa dang ma byin len// mi tshangs spyod dang rdzun sgra dang // phra ma dag 'khyal tshig rtsub mo// chags sdang gnod sems log lha dang // gzung 'dzin sgo 'dogs skur 'dogs mtha'// ma lus gcod pa nus pa'i mchog ces so// 'o na dbang bzhi pa kho nas chog mod// gsum pa man chad la dgos pa med
- 355b
do zhen bzhi pa chud la skye ba'i gang zag cig car ba dka' ba dang / bzhi pa rgyud la skye ba'i thabs yin pas dgos par bstan to// de la gdams pa bzhi bstan te phyi bskyed pa'i rim pa ste/ bskyed rims dang / zab mo bskyed pa'i rim pa ste rtsa rlung sgom pa ste/ yongs su rdzogs pa'i rim pa ste/ snang grags stong pa nyid du rtogs pa dang / ngo bo nyid rdzogs pa'i rim pa ste/ rgyu rkyen las rag ma lus par lhun gyis grub pa la'o// de yang bskyed pa yi ni rim pa dang / rdzogs pa yi ni rim pa gnyis/ phyi dang nang gi rnam pa can// yongs su gang dang ngo bo nyid// ces pas so// de las 'bras bu bzhi 'byung ste// sprul pa'i sku dang / longs sku dang / chos kyi sku dang / ngo bo/ nyid kyi sku'o// de yang sna tshogs pa las sna tshogs skye/ bde ba can ni gzhan mos pa/ mtha' med pa las yon tan 'byung // dbyer med cig pu ngo bo nyid ces pas so// // de nyid rjes su 'gro ba'i man ngag ni/ bzhi ste/ las kyi phyag rgya de nyid rjes su 'gro ba'i man ngag dang / phyag rgya chen po dang / dam tshigs gi phyag rgya rjes su 'gro ba'i man ngag go/ de la las kyi phyag rgya de nyid rjes su 'gro ba'i man ngag la bdun te/ las dang rgyas gang gis 'debs pa dang / gang gis sgrub pa dang / gang 'grub pa dang / nges par gang gis byed pa dang / ming gang yin pa dang / 'bras bu gang thob pa dang / de la las ni lus ngag yid gsum la bsam pa gtso bas te/ de yang lus kyi las chags pa bskyed pa'i sbyor drug dang / bsrub pa dang bsrub pa'i sbyor ba'o// gong ma ni drug ste/ sen mo gdab pa dang // nu ma mnye ba dang / 'khyud pa dang / lce ba zhib pa dang / ma mchu sos bzung ba dang / g.ya'/ bsgag pa'o// ngag la gnyis/ thun mong du chags pa'i gtam gleng ba dang khyad par du rdo rje'i bzlas pa bya ba'o// yid kyi las la gsum ste/ dga' ba bzhi ngos bzung ba dang / rdo rje pad+ma byin gyis brlab pa'o// de dag kyang
- 356a
bsam pa gtso bo'o// rgyas ni bla ma'i gdams ngag gis 'debs te/ de yang gnyis sbyor dam pa dang / thabs khyad par can no// gong ma lnga ste/ lus ngag yid gsum mnyam pa/ 'dod pa mnyam pa/ byin gyis brlab pa mnyam pa/ phyag rgya dag pa/ bla ma'i gdams ngag gis zin pa'o// dang po ni lus lA/ ngag rdo rje'i bzlas pa/ yid lhan cig skyes pa dos gzung snyam par mnyam pa'o// gnyis pa ni skye ba 'di la phyag rgya chen po'i dngos grub thob par bya'o snyam pa'i 'dod pa mnyam pa'o// gsum pa ni hU~M las rdo rje a las pad+mar byin gyis brlab par mnyam mo// phyag rgya dag pa ni/ sku'i bcu drug/ ngag gi nyi shu/ thug kyi rje lnga ma'o// bla ma'i gdams ngag zin pa ni nyon mongs pa'i rjes su gzhol ba ma yin pa dang / rang bzos zhugs pa lta bu ma yin pa'o// de yang rgyud las/ lus ngag yid gsum rgyal bar mnyam// gsam pa'i stobs ni rab bzang bya// shes rab thabs kyi rnam pa las// dpa' bo dpa' mo byin gyis brlag/ grwa rig gsung rig thugs rig pa// stong dang 'jig tshogs lo'i grangs de stengs mda'i grangs can mchog/ dbang skur ba ni gang la yang // bla ma ga ces spras bya ba mchog ces pas so// thabs khyad par can la bzhi ste/ dus nges par bya ba'i phyir skad cig ma bzhi dang / ye shes nges par bya ba'i phyir na dga' ba'i phyi bzhi dang / rtogs pa nges par bya ba'i phyir na gnas bzhi dang / mtshan nyid nges par bya ba'i phyir na chos bzhi'o// de la skad cig ma bzhi ni/ rnam pa sna tshogs pa'i skad cig ma dang / rnam par smin pa'i skad cig ma dang / mtshan nyid dang bral ba'i skad cig ma dang / rnam pa med pa'i skad// cig ma'o// de yang rnam pa sna tshogs rnam par smin/ rnam par nyed pa'i mtshan nyid bral// zhes pas so// dga' ba bzhin/ dga' ba dang / mchog dga' dang / lhan cig skyes pa'i dga' ba dang / dga' bral lo// da
- 356b
yang dga' ba dang ni mchog tu dga'// dga' bral lhan cig skyes dga' ba zhes pas so// gnas bzhi ni rdo rje'i mgrin pa dang / rdo rje'i rtse mo dang gnyis shor gnyis mnyam pa dang / thams cad shor ba dang / de yang chags pa chen po snyoms 'jug gis// rab tu sbyor zhing bsrubs pa las// nor bu'i mgrin dang rtser khyab pa// gnyis bzlas nas ni gnyis mnyam ste// lhag ma 'das nas dga' bral lo zhes pas so// chos bzhi ni dga' ba la gzung 'dzin thams cad kyi rtog pa yod// mchog dga' la zung ba yod la 'dzin pa med// lhan cig skyes pa'i dga' ba la gzung 'dzin rtag chad kyi mtha' thams cad las 'das pa'o// dga' bral la yang rag snang gi rtogs pa sna tshogs dang bcas pa'o// yang dga' ba 'dzin pa dang bcas pa// mchog dga' di las lhag 'gyur cing// rnam nyid gzur 'dzin rtog pa can// lhan cig skyes pa gsum mi dmigs so// gang gis 'grub na rig ma mtshan dang ldan pas 'grub ste/ de yang rig ma ces pas/ rig pa ni ye shes lnga rigs ste/ skad cig ma'i ye shes te sgo skur thams cad dang bral bas chos kyi dbyings kyi ye shes rang gi rang gsal bas me long lta bu/ phyogs cha med pas mnyam pa nyid kyi ye shes/ cir yang snang bas so sor rtog pa'i ye shes/ de nyid rtogs pas don thams cad 'grub pas bya ba nan tan gyi ye shes so// ye shes lnga dang ldan pa'i skad cig ma'i ye shes de mtshan ldan gyi lus la brten nas skye bsam zhes bya'o// 'o na mtshan ldan gyi rig ma de rgyu gar las 'grub ce na/ dang po gnas pa'i rgyu gsum dang ldan te/ sngon smon lam khyad par can btab pa/ de yang da ltar tha ma la gus pas shes rigs bzang po nas bzang por rgyud pa/ bla ma dang ldan zhing bla ma'i gdams pas zin pa'o// bzhin mdzes pa dang / zab mo la mi sred pas shes so rim pa bzhin du sbyar ro// de las da lta
- 357a
gnas pa'i chu bdun dang ldan pa 'byung ste/ bzhin mdzes pa dang / sgra ser la li ba kha nas pA la'i dri bro ba/ nu ma rgyas pa dang / rker pa phra ba dang / b+ha ga rub pa dang / byang chub kyi sems kyis gang ba'i rang tshul can no// de lta bu des 'grub ste/ de yang gnas pa med pa'i ye shes ni/ phyag rgya la ni brten pas 'grub ces pa'o// gang 'grub na lhan cig skyes pa'i ye shes skad cig ma ste 'grub ste/ lhan cig skyes pa snang grags kyi chos thams cad dang lhan cig skyes pa ste/ de yang snang ba lhan cig skyes pa ni snang stong dbyer med/ sems nyid lhan cig skyes pa ni bde stong dbyer med/ de nyid gnyis su med pa ni lhan cig skyes pa'i ye shes so// de yang gzugs sogs blo yis myong dus su// skye med bcas myong ma yin nam zhes so// nges par gang gi byed na rgyud kyi gzhung gis byed de/ de bzhin gshegs pa thams cad kyi sku dang gsung dang thugs rdo rje btsun mo'i b+ha ga la bzhugs so zhes pas/ skra bzhugs te lha thams cad de nas skyes/ gsung bzhags te rgyud sde thams cad der 'dus/ thugs bzhugs te lhan cig skyes pa'i ye shes der rtogs/ pa'o// ming ni dbyibs kyi e baM ste/ e ni ka ko la ste shes rab kyi bdag nyid stong pa mtshon la/ baM ni 'bo la ste thabs kyi rang bzhin bde ba mtshon pa'o// bde ba stong pa'i rang bzhin can de thabs dang shes rab dbyer med de tha mi dad pa'o// 'bras bu ni rgyu mthun pa'i 'bras bu ste/ dga' ba bzhi thig le ru rgyu mthun te thig le byang chub sems su mthun no// phyag rgya bzhi skad cig mar mthun te/ mtshan nyid dang bral ba'i skad cig mar mthun no// sems can sangs rgyas su mthun te/ rgyu sems can gyi rgyu dang / sangs rgyas kyi dgongs pa gnyis tha mi dad pas so// // chos kyi phyag rgya de nyid rjes su 'gro ba'i man ngag ni
- 357b
bdun te/ chos dang rgyas gang gis 'debs pa dang / gang 'grub pa dang / gang gis 'grub pa dang / nges par gang gis byed pa dang / ming gang yin pa dang / 'bras bu gang yin pa'o// de la chos ni gnyis te shes pa dang shes bya'o// shes bya la rtog bcas dang / rtog med do// rtog med la gnyis/ dag pa'i de bzhin nyid dang / ma dag pa'i de bzhin nyid do// rgyas ni lhan cig skyes pas 'debs te/ de la gsum thabs la stong pas rgyas gdab pa dang / stong pa la thabs kyis rgyas btab pa dang / tha dad la gnyis med kyi rgyas gdab pa'o// thabs la stong pas rgyas gdab pa la gsum ste/ snang ba thug phrad du bya ba ste/ snang ba gang phrad pa lhan cig skyes pas rgyas 'debs/ sna tshogs don mthun du bya ba ni/ cir snang ci srid sems skye med du don gcig pa'o// du ma ro gcig tu bya ba ni cir snad thams cad lhan cig skyes pa'i ros khyab par bya'o// de yang rgyal po dang phrad pa lta bu dang / chu snod du mar zla ba shur ba lta bu dang / bu ram gyis gzugs kyi bye brag ltar du shes par bya ste/ dpe rim pa bzhin sbyar ro// stong pa la thabs kyis rgyas gdab pa la bzhi ste/ chos thams cad lhan cig skyes par bsgom pa dang / de nyid nyams su myong ba'i zhen pa btang ba dang / byung tsho dran pas bzung ba dang / goms pa'i rtags so// lhan cig skyes pa bsgoms pa ni lhan cig skyes pa bsgom pa'i dus su 'khor 'das kyi chos thams cad lhan cig skyes pa gsal gtab la bsgom mo// de yang chos rnams kun gyi ngo bo ni// lhan cig skyes par bsgom par bya/ zhes pas so// de nyid nyams su myong ba'i zhen pa btang ba ni/ de ltar bsgoms pas chos thams cad lhan cig skyes pa la thim dang / lhan cig skyes pa nyams su myong bar 'dzin pa'i zhen po yang btang ste gang yang
- 358a
yid la mi bya'o// de yang nyams su myong ba gang dang gang / yid la med par bya ba nyid ces pas so// byung tshor dran pas bzung ba ni/ de ltar yid la mi byed pa'i ngang las// yang blo bur gyi rtog pa skye srid na/ sngar gyi yid la mi byed pa dang / glo bur gyi rtog pa gnyis tha mi dad par gzhag ste/ lhan cig skyes pa'i nyams dran pas gzung bar bya'o// de yang glo bur rtog pa gang skyes pa/ thams cad de'i ngo bor bsgom zhes gsungs pas so// goms pa'i rtags la gsung ste/ thun mong gi rtags dang / thun mong ma yin gyi rtags dang / khyad par gyi rtags so// thun mong gi rtags ni bzhi ste/ zas la phyogs med de mnyam pa/ dang / gos la phyogs med de mnyam pa dang / gnas la phyogs med de mnyam pa dang / grogs la phyogs med de mnyam pa'o// de yang bgrod pa dang ni bgrod min dang / bza' ba dang ni bza' min dang // btung dang gos sogs de bzhin nyid// thams cad mnyam pa nyid du'o// thun min gyis mnyam gzhag dang // rjes thob dang / gdab gsal ba dang / gnyid sad pa bzhin du mnyam pa'o// de yang mnyam gzhag dang ni rjes thob min// rgyud 'di la ni rgyun chad med// 'di bsgoms rnal 'byor chen po yang / dum bur gyur pa ma yin no// zhes pas so// khyad par gyi rtags ni/ de ltar rtogs pa'i rnal 'byor de la re dogs med do// bsod nams bsags/ pas sangs rgyas thob du re ba med la/ sdig pa byas pas ngan song du 'gro rgyu dogs pa med pa'o// gnyis med kyi rgyas gdab pa ni/ spyod lam bzhi la khyad med de rnal ma las ma yengs pa'o// de yang 'gro 'chag nyal dang 'dug sogs la// rjes dran bzang po bsam par bya// zhes pas so// gang gis 'grub na gdam ngag gis 'grub ste/ de la gsum ste bshad bya'i dbang byas pa gdams pa rang gi ngo bo dang / bshad lugs kyi dbang du
- 358b
byas pa'o// bshad bya la gsum ste/ tsho gas la bshad pa dang / slob ma la bshad pa dang / bu la sbyin pa gsum las bu la sbyin pas 'grub po// gdams pa rang gi ngo bo'i dbang du byas na gsum ste/ spros bcas dang spros med dang / shin tu spros med dang / gsum las shin tu spros med kyis 'grub/ dus kyi dbang du byas na bzhi ste/ yang dang yang du gsol ba gdab pa dang / tshogs kyi 'khor lo'i dus dang / bsnyen bkur stong byas pa'i dus dang / spyod pa'i dus bzhi las/ spyod pa'i dus su gsungs pas 'grub bo// gang 'grub na snang ba skye med du 'grub ste/ skye med kyi rmi lam gyi dus tshod na yang skye med du rtogs pa'o// nges par gang gis byed na/ snang ba ro snyom kyis byed de/ de la gnyis te bde bar ro mnyam pa dang / stong par ro mnyam pa'o// gong ma la gnyis te/ phyi'i bde ba ro mnyam pa dang / nang gi bde ba ro mnyam pa'o// phyi ni snang ba la brtags pas zhen pa med pa'o// nang gi dbang gsum pa'i nyams dran par byed pa'o// stong pa ro mnyam pa la gnyis/ mnyam pa'i tshul du mnyam pa dang / gdab pa'i tshul du mnyam pa'o// gong ma ni gnas lugs sems ci yang ma yin pa de'i ngang du thams cad mnyam pas so// des snang ba la rgyas 'debs pa'i tshul du mnyam pa'o// ming gi sgra ni e baM ste/ de la bzhi ste/ brgyud pa dang brgyud par 'brel/ brgyud pa dang sgrar 'brel/ sgra dang lus su 'brel/ lus dang byin brlabs su 'brel pa'o// 'bras bu ni rnam par smin pa'i 'bras bu ste/ de la gsum/ 'das pa rnam par smin pa dang / da ltar rnam par smin pa dang / ma 'ongs pa rnam par smin pa dang / de la 'das pa rnam par smin pa ni/ sngon tshogs bsags pa las da lta chos rgya bsgom pa'i skal ba dang ldan pa'o// da ltar rnam par smin pa ni da ltar bla ma bsten pa las gdams ngag da ltar rang gnas nas nyams su len pa'o// ma 'ongs pa rnam par smin pa ni chos kyi
- 359a
phyag rgya lam du khyer ba las 'bras bu phrag rgya chen po 'grub pa'o// // phyag rgya chen po de nyid rjes su 'gro ba'i gdams ngag ni bdun te/ phyag rgya dang chen po dang / gang gis 'grub pa dang / gang 'grub pa dang / nges par gang gis byed pa dang / ming gang yin pa dang / 'bras bu gar 'grub pa'o// de la phyag rgya ni mi 'da' ba'i don gyis na phyag rgya'o// de la bani / na gyi bu 'galas mi 'dal/ dpe'i zung 'jug las mi 'da'// gnas pa'i zung 'jug las mi 'da'// yin pa'i zung 'jug las mi 'da'o// de yang don gyi zung 'jug ni/ 'od gsal ba dang spyod pa gnyis su med par zung du 'jug pa ste/ de yang 'od gsal ba ni nyams su myong ba la bya'o// stong pa ni de nyid rang bzhin med par rtogs pa'o// 'o na gtan med du song ngo zhe na/ de nyid nyams su myong ba'o// 'o na myong ba'i phyir na de nyid ma yin no zhe na/ ci yang ma yin par myong ba'o// des na 'od gsal ba dang stong pa nyid dbyer/ med du zung du 'jug pa'o// zung du 'jug pa yang gzhan gyi gnyis su snang ba'i zhen pa dgag pa'i phyir gsung ba yin no// // rang gi gnas lugs la zung du 'jug pa dang gnyis su med pa tsam du yang mi gnas te// de bas na 'di la mi ngam ngos bzung ngam 'di zhes bstan du med do// dpe'i zung 'jug ni/ dpe las phyag rgyas mtshon pa'i bde stong dbyer med don yin pas de las mi 'da' bas so// gnas pa'i byung 'jug ni/ lhan cig skyes pa'i ye shes de/ sems can thams cad kyi rgyud la khyab nas gnas pa de las mi 'da' bas so// yin pa zung 'jug las mi 'da'/ yin pa'i zung 'jug ni/ 'khor 'das thams cad gnyis su med pa'i bde ba chen po// / nyid yin pas de las mi 'da' ba'o// chen po ni rgyu mngon sum dang ldan pas che ste/ gsum las mchog du gyur pas na/ yang chen po phyag rgya chen po de rtog pa tsam la rag las pa'i phyir na/ yang chen po/ phyag rgya chen po de rten gang
- 359b
la yang mi 'cha' bas na yang chen po'o// gang gis 'grub na shes pa so ma bcos pas 'grub ste/ de la gnyis te/ brtags pa'i so ma dang / bsgoms pa'i so ma'o// brtags pa'i so ma ni/ chos thams cad rkyen gzhan/ las skyes pa brtags pa dang / rkyen gzhan las skyes pa de nyid skye ba med par brtags pa dang / skye med de nyid ci yang ma yin par brtag pa'o// de yang blo ni thams cad rkyen las byung / de phyir skye med rab shes bya// dbyer med/ sangs rgyas kun gyi sdom/ zhes so// sgom pa'i so ma ni gsum ste/ dang po brtsol bsgrub dang bral te lus sems khong blong de/ ras bal 'dab ma skar mar gzhag pa lta bu dang / bar du the tshom dang bral te sems ma bcos par bzhag pa dang / tha ma'i nges pa'i shes pas byung tshor thams cad skye med du snyim pa'o// de yang ras ba la lta bu'i thabs la gnas// 'bad pa kun gyis ma bsgrubs pa/ yid gnyis pas ni phyir spangs te/ dpal mchog dang po'i skyes bu sgom// sna tshogs myong ba'i tshe 'phrul ni// rtsa ba nges pa der shes bya// zhes pas so// gang 'grub na dgag bsgrub dang bral ba de 'grub ste/ de yang lta ba mi 'gegs grub mtha' thams cad de nyid// / bsgom pa mi 'gegs brtags pa thams cad de nyid yin pas so// spyod pa mi 'gegs bcos ma thams cad de nyid yin pas so// lta ba mi sgrub/ lhun grub rang chas sgom pa mi sgrub som rang chas su yod pas spyod pa mi bslab/ rang byung rang chas su yod pas so// de yang gnyis med dgag bsgrub bral ba che// 'bras bu phyag rgya chen po'o zhes pas so// nges par gang gis byed na nyams su myong ba ni yang ma yin pas byed de de la gsum// ste/ lta ba ci yang ma yin 'dod pa gnyis dang bral ba/ sgom pa ci yang ma yin go rims gsum dang bral ba/ spyod pa ci yang ma yin/ dpyad pa gnyis dang bral ba'o// de yang ci yang ma yin ye shes ni/ yid la mi byed phyag/
- 360a
rgya che zhes pas so// ming gang yin na/ don ni e baM ste/ de la gsum ste/ de ba gsum dpyad de/ chos lnga dang ldan pa/ sku bzhi dag gis rdzogs pa'o// de la re ba gsum dpyad pa ni/ gnyen po'i re ba dang // de kho na nyid kyi rab dang / 'bras bu'i re ba'o// de yang gnyen po yang ni phyogs kyang min/ de gnyis 'bras la gzhan mi skye/ zhes pas so// chos lda dang ldan pa ni/ lnga sto ngo bo nyid kyis ma skye ba dang / rang bzhin med padang kun la khyab pa dang / mi 'gyur ba dang / dus thams cad pa'o// ngo bo nyid kyis ma skyes pa la rgyu mtshan gsum ste/ chos thams cad rkyen gzhan las skyes pa dang / skyes pa'i ngo bo la 'di zhes bstan du med pa dang / rgya rkyen gzhan la rag ma lus pa'o// de yang thog mtha' med pa'i dang po nyid/ phye med rdo rje kun tu bzang / zhes pas so// rang bzhin med pa ni/ yod pa dang med pa dang gnyis dang / gnyis med kyi rang bzhin med pa'o// de yang bdag tu mi brtag gzhan mi brtag/ gnyis ka dag dang brtag mi bya/ zhes pa dang / yang rang bzhin kun nas kun tu med/ rang las byung zhing rang gis khyab/ ces pas so// kun la khyab pa ni/ snang zhing srid/ pa'i chos thams cad phyag rgya chen pos ma khyab pa med pas kun la khyab bo// de yang nam mkha' ltar kun la khyab pa'o// thams cad rgyud la rab tu rdzogs// kun kyang de nyid gzhan mi 'gyur zhes pas so// mi 'gyur ba ni 'khor ba'i dus dang / sbyangs pa'i dus dang / khyad par du spangs pa'i dus dang / mngon du gyur pa'i dus rnams su// phyag rgya chen po nyid las 'gyur ba med do// de yang dus rnams kun tu de nyid 'byung // 'pho 'gyur/ med pa ye shes mchog/ ces 'byung bas so// sku bzhi rang gis rdzogs pa ni// gnas lugs de sgro skur thams cad dang bral ba chos kyi sku dang / de nyid nyams su myong ba longs spyod rdzogs pa dang / de nyid las ming
- 360b
gzhan yang sna tshogs su snang ba sprul pa'i sku dang / tha snyad de ltar brtags/ don la de dag thams cad ma bcos pa nyid yin pas ngo bo nyid do// de yang gnyis spangs pas ni gnyis su med de/ myong ba chen po sku gnyis pa/ sna/ tshogs pas ni gsung ba nyid// ngo bo nyid gcig pa can// zhes pas so// 'bras bu dang dri ma dang bral ba'i 'bras bu ste/ de la brgyad de/ spyad pa las ma 'ongs pa de bzhin nyid kyi ye shes rang gi ngo bo ma skyes pa/ lam gyi ye shes grub pa dang bcas pas rkun mi 'chad pas/ rang bzhin med pa shes bya ba sogs pa'i sgrib pa spangs pa phun sum tshogs pa thams cad bzhir gyur pa 'khor ba dang mya ngan las 'das pa nyid kyi gcig pa/ dmigs pa med pa'i snying rje chen po'i lus can bde ba chen po'i sku gcig pus so// de ltar brgyad kyi dri ma dang bral bar rigs so// gzhan yang skad cig ma gsum las dga' ba gsum gyi dri ma dang bral te phyag rgya chen po ni lhan cig skyes pa dngos yin pa'i phyir ro// // dam tshig gi phyag rgya chen po de nyid kyi rjes su 'gro ba ni/ gzhan don gtso bor bstan pa ste/ de yang zla ba sgron ma las/ gzhan don phun tshogs sangs rgyas nyid// 'bras bu gtso por bstan pa yin// sems can rnams kyi don spangs nas// chen po'i don ni gzhan ma mchis pas so// de la bdun te/ dam tshig dang phyag rgya dang / gang gis 'grub pa dang / gang 'grub pa dang / nges par gang gis byed pa dang / ming gang yin pa dang / 'bras bu gang thob pa'o// dam tshig ni rgyu dam tshig gi phyag rgya ste/ gzhan don phun sum tshogs par khas mches dam tshig gi phyag rgya ni dang por sems bskyed pa'o// gzhan don phun sum tshogs pa dam tshig gi phyag rgya ni tshogs gnyis bsags pa'i dge pa gzhan don du gdod pa'o// gzhan phun sum tshogs par spyod pa dam tshig gi phyag rgya ni pha rol tu phyin pa'i dbang du byas na sbyor ba'i lam nas sa
- 361a
bcu man chad do// gsang sngags kyi dbang du byas na/ chos kyi phyag rgya nas phyag rgya chen po sgom pa'i dus so// rgyas gang gis 'debs na gzugs sku gnyis kyis 'debs te/ de yang snang ba shin tu dag pa la snang ba ni// sa bcu'i byang chub sems dpa' la brten pa'i gzhal yas khang gi nang / rten pa lha'i gtso bo dang / 'khor gyi tshul khro bo 'am zhi ba'i bdag nyid du snang ba ste/ spos bcas dang spros med kyi lha mar nyung gi bye brag tu snang ba ni/ shin tu dag pa la snang ba'o// snang ba dag pa sbyor ba'i lam pa la sprul pa'i shAkya thub las sog par snang ba'o// snang ba thun mong pa la sman dang sman pa'i tshul lam/ mkhan po dang slob dpon gyi tshul du snang nas don byed pa'o// gang gis 'grub na gnyis te/ thun mong du byas na/ dbang po rab 'bring gsum gyis 'grub/ khyad par gyi dbang du byas na/ bskal pa yang rab dang 'bring dang tha ma bzhis 'grub/ phyag rgya chen po'o// chos kyi phyag rgya dang / las kyi phyag rgya dang / dam tshig gi phyag rgya rnams 'grub bo// gang 'grub na thun mong du so so'i lha bsgom sdod 'bras 'grub bo// khyad par du phyag rgya bzhi dbang po rab 'bring bzhis rab kyis 'grub bo// nyes pa gang gis byed na/ pha rol tu phyin pa'i dbang du byas na theg pa gsum gyi dka' 'am bstan bcos kyis byed do// sngags kyi dbang du byas na rgyud sde lnga 'am de la rten pa'i man ngag gis byed do// ming mtshon pa'i e baM ste/ rgyu dang 'bras bu dang / thabs dang shes rab bam/ don dam dang / kun rdzob dang skyed rims dang / rdzogs rims la sogs par mtshon no// 'bras bu ni go rims gong du 'phel ba 'am/ skyes bu byed pa'i 'bras bu'o// go rim 'phel ba ni phyag rgya bzhi'am sbyor ba dgu mas zhar rim gyis zhugs pa'o// skyes bu byed pa'i 'bras bu ni gsum te/ skyes bu byas pa'i 'bras bu dang / skyes pa'i 'bras bu dang / skyes bus byed pa'i 'bras bu'o//
- 361b
skyes bus byas pa ni/ rgyal bu don thams cad 'grub pa lta bu ste/ mngon bskal pa grangs med gsum du tshogs bsags na/ gzugs sku rnam pa gnyis gzhan don la gnang na/ de la longs spyod pa'o// skyes bu'i 'bras bu ni sngon tshogs bsags pas lta rten khyad par can grub nas rgyu dam tshig gi phyag rgya sgom pa'i skal pa dang ldan pa'o// skyes bu byed pa'i 'bras bu ni lam rim pa la zhugs pas/ phyis dam tshig gi phyag rgya gzhan don la snang bar 'byung ngo // yang chu skyid rims bsgoms pa'i 'bras bu'i dus su gzugs sku gnyis gzhan don le 'byung ngo // gsungs so// nyams su blang ba bzhi ste/ rgyur snang ba dam tshig gi phyag rgya dang / dpe las kyi phyag rgya dang / lam chos kyi phyag rgya dang / 'bras bu phyag rgya chen po dang / gzhan don dam tshig gi phyag rgya'o// rgyu dam tshig gi phyag rgya ni/ bskyed rims bsgom pa la bya ste/ gzhan don du shes par bya'o// las kyi phyag rgya nyam su blang ba la lnga ste/ rtogs par bya ba dang / bdag byin gyis rlab pa dang / bde ba sbyar ba dang / yi ge'i sbyor ba dang / gnas par bya ba'o// de la rtogs par bya ba la gnas te/ gang du rtogs par bya ba dang / gang rtogs par bya/ ba'o// gang du na/ mtshan nyid dang bral ba'i skad cig ma'i dus su rtogs pa'o// gang rtogs na lhan cig skyes pa'i ye shes bde stong dbyer med rtogs par bya'o// bdag byin gyis brlab ni/ bdud rtsi lnga'i maN+Dal byas la bla ma yab yum spyan drangs la de la phul la/ de nas bdag gi spyi bor nyi ma'i dkyil 'khor bug pa rnga 'bru tsam yod pa'i steng du spyan drangs la gsol ba gtab pas yab yum gyi sbyor mtshams nas byang chub kyi sems bab pas/ bdag gis tshangs pa'i bu gar zhugs pas lus phril gyis khengs par sgom zhing / dbang gsum pa'i nyams myong yid la dran par byas shing / bde ba khyad par can bsgom par bya'o// bde ba sbyang ba la
- 362a
gnyis te/ snang bas ye shes bskul ba dang / ye shes kyi snang ba la rgyas gdab pa'o// snang bas ye shes bskul ba ni/ mig gis gzugs mthong ba dang / rna bas sgra thos pa dang / snas de tshor ba la sogs pa dang / de bzhin du yid la rtogs pa ni sras tshad kyi dbang gi nyams myong bskul nas dran rtog thams cad bde stong dbyer med du bsgom par bya'o// ye shes kyi snang ba la rgyas gdab pa ni/ mig gis gzugs mthong yang ba de stong gis rgyas gdab/ de bzhin skra dang / dri dang ro la sogs pa rtogs shing skye ba la bde stong gis rgyas gdab po// yi ge'i sbyor ba ni/ dbang gi nyams myong gar skyes pa'i sar/ e dmar po lag pa'i ri mo tsa ma gcig gi dbus su baM gis brgyan pa gcig bsgom par bya'o// der bde ba skyes pa dang / lte bar sgom/ der bde ba skyes pa dang / snying gar bsgom/ der bde ba bskyes pa dang / mgrin par sgom/ der bde ba skyes pa dang / spyi bor sgom mo// de ltar bde bas gang tsam na/ nA da gnas par bya ste/ de yang gsum ste/ 'chor ba'i rkyen dang / de bsrung thabs dang / gnas pa'i thabs so// de la rkyen ni brgyad de/ bde bas gang bas 'tshor ba dang / rkyen dang phrad nas 'tsher ba dang / nad kyis 'tsher ba dang / spyod lam gyis 'chor ba dang / mi ma yin gyis 'tshe ba dang / kha zas mi mthun pas 'chor ba dang / dam tshig nyams pas 'chor ba dang byin brlabs yal bas 'chor ba'o// de bsung thabs la btud de/ gang bas 'tshor ba la gi bang gi thag pas bo la'i mgrin par bkris te/ rked pa la bcings te/ rkang pa spags pa dang / shes pa lte bar bltad pa/ dang / hri'i sgras gyen du bgrang ba dang / mi drag par bcag pa'o// rkyen dang phrad pas 'tshor ba dang / rkang pa sdug pa dang / 'og sgo bsdam pa dang / 'gyur ba dug gis bzlog pa'o// nad kyis 'chor na/ skyil mo krung
- 362b
na/ g.yas g.yon gyi gru mong gis gar slebs pa'i sar me btsa' nyi shu rtsa lnga lnga sreg pa dang / gcan gzan gyi dri chings bya ba dang / zas gsar pa bcur che ba bza' ba dang / lto stong la tsha ba gsum gyi gam phye bgam pa dang / gos dro bar bgo ba dang / a ru ra 'o mas btsos pa bza' ba'o// spyod lam gyis 'chor ba ni/ 'gros dal bar bya ba dang / 'og sgo ras kyis bcings la/ tsog por 'dug la nyin mo ga nyid ma log nub mi dgag par nyal lo// mi ma yin gyis 'chor na/ tshil chen gu gul yungs dkar gyi thal ba/ mi'i klad pa pad+ma rak+ta/ de lnga sbyar bas byug/ srad bu sngon po gcig la rdo rje phag mo'i sngags bzlas la rked pa la bkris/ lcong zhi la yi// dam gang yang rung ba'i sngags bzlas la rdo rje'i mgo la byug pa bya'o// kha cas mi mthun pas 'tshor na/ bdud rtsi lnga'i bdud bzlog byas la/ sgog pa bza'/ ba'i 'o ma du bar bdugs la btung / byin brlabs nyams// pas 'tsher na/ tshegs bsags cing tshogs 'khor bskor/ bla ma'i byin brlabs zhu'o// dam nyams pas 'tshor na/ bla ma la dbade bzhi nod// bshags pa bya'o// bde ba gnas par bya ba la bcu ste/ nyams kyi bde ba gnas par bya ba'i phyir/ dus kyi sna tshe dang mi 'bral bar bya ba dang / smad kyi bde ba gnas par bya ba'i phyir spyod lam dal bar bya ba dang / stod kyi bde ba la gnas par bya ba'i phyir/ lhag pa'i brtul zhugs/ kyis gnas par bya ba dang / khyab pa'i bde ba la gnas par bya ba'i phyir te rlung sbyang bar bya ba dang / rjes thob kyi bde ba la gnas par bya ba'i phyir/ snang ba bde bar ro mnyam pa dang / mi rtog pazhi bde ba la gnas par bya ba'i phyir/ bdud rtsi rnam pa lnga la sprad par bya ba dang / byin rlabs kyi bde ba gnas par bya ba'i phyir/ tshogs kyi 'khor lo bskor ba dang / zag bcas kyi bde ba gnas par bya ba'i phyir/ las kyi phyag rgya
- 363a
bsten pa dang / rtogs pa'i bde ba la gnas pa'i phyir/ bla ma bsnyen bkur zhing / bla ma la gdams ngag zhu ba dang / 'bras bu'i bde ba gnas par bya ba'i phyir/ man ngag la nan tan bya ba'o// chos kyi phyag rgya nyams su blang ba la lnga ste/ rtogs par bya ba dang / skom pa dang grogs dang mtshan dang / ro snyoms so// de la tsags par bya ba ni/ bde stong dbyer ming de/ de yang dga' ba bzhis lam du 'gyer te/ de yang snang grags sna tshogs su snang ba de dga' ba/ de las bde bar 'dug stong par 'dug snyam pa de la mchog dka'/ brtags pa thams cad dang bral ba ste lhan cig skyes pa'i dga' ba mnyam gzhag la de ltar 'dug/ kyang / rjes thob la sna tshogs su snang ba ni/ dga' bral lo// chos rgya sgom pa ni de ltar rtogs nas ci sgom zhe na/ dang por chos thams cad lhan cig skyes par sgom par bya'o// des rtog pa lhan cig skyes pa la thim pa dang / lhan cig skyes pa tsam du yang yid la mi bya bar sgom mo// yid la mi byed pa las rtog pa ci skyes pa de yang sngar gyi yid la mi byed pa dang / gnyis tha mi dad par bsgom mo// grogs la lnga ste/ chu shas chen rlung du ro mnyam pa dang rlung shas chen sar ro// mnyam pa dang / sa shas chen me ru ro mnyam pa dang / me shas chen nam mkha' ro mnyam pa dang / de la chu shas chen shes pa lci zhing ldar na/ rlung du ro mnyam pa ste/ snang ba la dpyad cing skye med du bzhag/ shes pa rlung la bskyod nas shes pa zag bkur ro// rlung shas chen sar ro mnyam pa ni/ lhan cig skyes pa ste/ 'gro 'ong med par brtan par bzhag ste/ bde stod dbyer med la gzhag go/ sa shas che ste lus sems thogs pa chen mor ro mnyam ste/ dus kyi sna rtse dran par bya zhing phyi nang med par bde ba ro mnyam mo// me shas chen shes pa dga' ba dang / bde ba gtso chen/ nam mkha' ra
- 363b
mnyam pa ste/ ci yang yid la mi byed par gzhag cing / rang 'byung gi spyod pa mi dgag par rang yan du btang ngo // // mtshan nyid la bdun te/ snang ba skye med du longs spyod kyi yan lag dang / snang stong tha mi dad du rtogs pas/ kha sbyor gyi yan lag dang / tha mi dad nyams su myong ba'i bde ba'i yan lag dang bde stong de dang po nas rang la yod/ nam 'dod na 'byung / ci 'dod skye ba'i snying rje'i yan lag dang / bde rang la rang chas su dngos su longs dpyad du yod pas dngos po'i yan lag dang / don de chu bo bzhin rgyun mi 'chad pas rgyun mi 'chad pa'i yan lag dang / snang ba mi 'gog pas 'gog pa med pa'i yan lag go/ don la snang ba mi 'gegs la btag pa 'gegs pa'o// ro mnyam la gsum ste/ nyams su myong ba 'gribs na snang ba bde bar ro mnyam/ rtogs pa 'grib na snang ba skye med du mnyam/ spyod pa 'gribs na snang ba yid la mi byed par ro mnyam mo// / phyag rgya chen po nyams su blang ba lnga ste/ gnas lugs dang sgom pa dang / bslab pa dang spyad pa dang / bsam gyis mi khyab pa'o// gnas lugs la gsum ste/ rgyu mtshan gyi gnas lugs dang / lta ba'i gnas lugs dang / ngo bo'i// gnas lugs so// rgyu mtshan gyi gnas lugs la gsum ste/ phyag rgya chen po'i rigs pa dang / dri ma dang bral ba'i 'bras bur rigs pa dang / dgag bsgrub dang bral ba rigs pa'o// phyag rgya chen por rigs pa'i gnyis te/ phyag rgya dang / chen po'o// phyag rgya ni mi 'da' ba'i don gyis na phyag rgya ste/ de yang gsum ste gnas pa'i zung 'jug dang / khyab pa'i zung 'jug dang / yin pa'i zung 'jug las mi 'da' bas so// chen po ni gsum po las mchog tu gyur pas na chen po'o// de yang dri ma dang bral bar rigs pa ni gnyis te/ skad cig ma gsum dang / dga' ba gsum gyi dri ma dang bral ba'o// gong ma gsum ni/ sna tshogs pa dang / rnam par smin pa dang
- 364a
rnam med dang gsum gyi dri ma dang bral lo// gnyis pa ni/ dga' ba dang / mchog dga' dang / dga' bral gyi dri ma dang bral ba'o// dgag bsgrub dang bral bar rigs pa ni// rang gi lta ba mi bsgrub cing // gzhan gyi lta ba mi 'gegs pas so// lta ba'i gnas lugs la gsum ste/ re ba gsum dpyad pa dang / chos lnga dang ldan pas su bzhi dang gis rdzogs pa'o// re ba gsum dpyad pa ni/ gnyen po'i re ba dang / de kho na nyid kyi re ba dang / 'bras bu'i re ba'o// chos lnga ni skye ba med pa dang / rang bzhin med pa dang / kun la khyab pa dus thams cad pa dang / mi 'gyur ba'o// sku bzhi dang gis rdzogs pa ni/ ci yang ma yin pa'i shes pa sproslar gyis dben pa ni chos phra// de nyid nyams su myong ba longs su de zhing sna tshogs su snang ba sngal ste/ de gsum dbyer med ngo bo nyid kyi sku'o// ngo bo nyid kyi gnas lugs la gsum ste/ lhun gyis grub pa'i dus dang / zung du 'dzag pa'i dus dang / bsam gyis mi khyab pa'i dus ni/ de yang lhun gyis grub pa'i dus ni/ gdod ma nas gnas pa ni/ gdengs rnyed pa ste/ re dogs dang bral ba'o// bsam gyis mi khyab pa ni lhun gyis/ grub pa de nyams su blangs pas mnyam rjes gnyis brgyan 'dren nas bsgom mi dgos pa la bya ste/ ye shes pa'i mu dang bral ba'o// zung du 'jug pa'i dus ni/ snang ba sems la thim pa'i dus de gzugs sku gnyis 'char ka ma de'o// sgom pa la gnyis te/ dang por spyod pa dang / nyams su blangs pa'o// spyad pa la gsum ste/ rtogs pa thams cad rkyen gzhan la brten nas skyes par dpyad pa dang / rkyen las skyes pa de yang / sgrub med par dpyad pa dang / skye med de yang ci yang ma yin par spyad pa'o// nyams su blang ba la gsum ste/ dang po rtsol bsgrub dang bral te/ lus sems khor glod pa dang khar du the tshom med de/ sems ma bcos par gzhag
- 364b
padang / tha mabyung tshor thams cad skye med du shes par bya'o// bslab pa la gnyis te/ bsgrub pa dang de'i brtags so// bsgrub pa la gnyis te/ sgrub pa dang bsgrub pa'i khyad par ro// sgrub pa la gsum ste/ rtog pa ci skyes pa thams cad/ skye ba med pa nyid skyes pas shes pa mi dgag pa dang / bde ba dbyer med nyams su myong bas/ nyon mongs dang / gnyen por mi bsam zhing 'bras bu la re ba med par gzhag pa dang / cir snang sdug rgya che/ po yin pas chu bo bzhin du rgyun mo 'chad par sgom pa'o// sgrub pa'i khyad par ni gsum ste/ bde stong dbyer med nyams su myong bas btang snyoms kyi rnyog pa bcad pa dang / lung dang rigs pa'i steng du/ bla ma'i gdams ngag yod pas ma rmongs pa'i ldad par dang / rgyu tha mal gyi dus na 'bras bu ye shes la sogs pa rang chas su yod pas ma rmongs pa'i khyad par ro// rtags la gsum/ snang ba stong par myong ba'i rtags chab rom mthong ba lta bu/ de nas bde stong dbyer med du myong ba'i rtags chab rom chu ru 'dug pa lta bu dang gsum pa snang ba sems la thim pa'i brtags chab rom chur zhu ba bzhin du/ bde chen du ro gcig go// spyod pa la lnga ste/ 'gras 'gris med pa lam po che lta bu dang / phyogs cha med par brten pa sa gzhi lta bu dang / dge sdig med pa glang po che smyon pa lta bu dang / re dogs med pa seng ge lta bu dang / khyab la ma zhen pa nyi ma lta bu'o// bsam gyis mi khyab pa la gnyis te/ nyams su myong ba bsam gyis mi khyab pa dang / nyams su myong ba'i shes pa gsam gyis mi khyab pa'o// de la gsum lhun gyis grub pa'i ngos mi 'dzin pa/ nyam mi nga ba'o// bsam gyis/ mi khyab pa la dngos so// dngos ni chu bsam du med pa/ thabs bsam gyis mi khyab pa// 'bras bu ma bsams shing rang 'byung ba'o// nyams su myong ba bsam gyis mi khyab pa la dpe lta bu'i rtog pa ni shu ste//
- 365a
gang zhe na/ 'di lta ste/ dper na thams cad gser gyi sa gzhir gyur nas/ ra ga na dang / gser gnyis dbyer med pa ltar/ thams cad bde stong chen por rtogs tsam na/ kun rdzob dang / don dam du mi dbye/ 'jur bu glod na grol ba bzhin/ rnal 'byor gyi sems glod na grol/ khri mon nas shor ba'i btson de gar dgang 'gro ba bzhin/ rnal 'byor gyi sems gang dgar btang / gzings las 'phur pa'i bya rog bzhin du yul las 'gros pa'i sems mi dgug/ glang po smyon pa'i sA la lcags kyus btab pa longs spyad du btab pa bzhin du sna tshogs la skye med kyi lcags kyus btab la/ 'dod yon du longs spyad// glang po che sbyin pa lom pa'i// sems dbadre zhing dal ba bzhin du rnal 'byor gyi sems pa de zhing dal bar gzhag/ pra ba~M li mi mched pa bzhin du/ snang ba skye med du me spong gzhon nu ma'i bde ba bzhin du// nyams su myong ba la slar med/ lan tshwa chul thim pa bzhin du/ rtog pa ci skyes pa skye med du stim/ mar me rang gis rang gsal ba bzhin du/ bde ba chen po de rang gis rang gsal byas sri ko ni de rten gar la yang mi 'cha' ba bzhin du/ phyag/ rgya chen po de rten gang la yang mi 'cha/ srog chags pa ltar la blang dor med pa bzhin/ rnal 'byor pa la blang dor med par bya/ sman b+ha ta ri bzhin rgyu'i dus na 'bras bu rang chas su yod// khyim bdag gi mtshon cha'i 'khor lo bzhin du/ nyams su myong ba la gnyis 'dzin med/ chu bo rgyun mi 'chad pa bzhin/ nyams myong la rgyu chad pa bsgom// 'dod yon zas kyi snod bzhin du/ 'dod yon la zhen pa med par bya/ bya rgod phung po'i ri bo bzhin// shes pa la 'byung 'jug med par gzhag/ nam mkha' stong pa'i dkyil bzhin du/ grub mtha' la zhe 'dod med par bya/ rgya mtsho chen po de mi g.yo ba ltar/ zab cing rgya che ba'i don de ma g.yo bar bya'o// chu'i gzugs ltar du//
- 365b
rnal 'byor pas gzugs brnyan ltar rtog par bya'o// // gdams pa la nges shes skyes pa'i tshul la bzhi ste/ phyag rgya bzhi'i ngo bo dang / rgyud dgos par go ba dang / de nyid brdar shes pa dang / bdag nyid gzhung du bstan pa'o// gsum pa brdar shes par bya ba la bzhi ste/ las kyi phyag rgya byang chub kyi shing ltar bshad pa dang / chos kyi phyag rgya gser gyi 'khor lo ltar bshad pa dang / phyag rgya chen po shing n+ya gro d+ha ltar bshad pa dang / dam tshig gi phyag rgya a nu ra'i snying po ltar bshad pa'o// de yang byang chub kyi shing dang / las kyi phyag rgyal 'brel pa ci yod ce na/ he ru ka bzang po'i rgyud las/ rig ma mtshan dang ldan zhing lang cho gzhon/ byang chub sems kyi gar ba'i ngang tshul ni// byang chub shing sdong po yal 'dab la/ shin tu 'jam zhing mnyen la 'o mas gang // dkar po lnga tshan gsum du skye 'gyur te/ nag po'i ngos gnyis dkar po gcig tu 'bar bcu tshan bcu dang lnga ni 'bras bur gnas// nag po'i the mthig le gcig 'bab pa// gang gis 'thungs pa'i nad kun rnam par 'joms// de ltar las kyi phyag rgya rtogs pa can// bsten zhing lhan cig skyes pa dran pa yis// las kyi phyag rgya bar bar cher skyes te/ sbyangs la gnas pa'i 'bras bu smin pa ni/ rtogs dang ldan pa'i he ru ka nyid phyir// rnal 'byor brdal rab tu mkhas rnams kyis// spyod yul yin phyir byang chub shing bzung bya// zhes 'byung ba'i phyir ro// / 'khor lo dang / chos rgyal 'bral ba ci yod cen/ slob dpon ka ma la'i zhal nas gsungs te/ dga' bzhi rnam par rtogs pas gzung 'dzin rnam rtog gcod// mu khyud lta bu'i rtogs pa nyams su blangs// rtsibs rnam mnyam par rtogs par ro mnyam ste// mtshan nyid gser gyi rang bzhin dang 'dral// bde stong gnyis med shes pa che snyoms pa// 'khor lo'i ngos gnyis khor yug mnyam pa bzhin nas 'byung bas so// phyag rgya chen
- 366a
po dang shing n+ya gro d+ha la 'brel pa ci zhig yod ce na/ 'jam dpal lung bstan pa las/ n+ya gro rtse mthon shing rnams yal ga dang // sdong po dri ma dag gis dben pa ste// thar chu rtsi 'brungs tsha grangs gnyis// sel/ rtsa bzangs sbom dang yan lag du ma brgyad// sa phyogs du sel ngas rnams kun tu gsar// mchu zheng gab pa dbyar dgun med par phye// sa phyogs khor yug rnams kun tu gsar// chu zhing gab pa dbyar dgun med// par skye// sa phyogs khor yug dri yis khyab pa skye// 'bras bu me tog bsil ma'i chu 'bab pa// yal ga gcig las gong gsum mnyam du 'char// de dag rgyas par skye zhing me tog 'bras// mnyam du 'chang ba'i shing ro yis skyed// ro de bskyed par nus pa ma yin te/ de ga nyis tshogs pa chu rkyen rnal ma ste// lung dang ma 'dres chu yis ma bslabs pa'o// de dag gang yin zhe na/ bstan par bya ste/ 'bral dang ma 'khrul gnyis med cir yang min pa'i rtogs pa lhun gyis grub na bde/ 'di la brtag mi dgos pas las dang bya ba ma sems can thams cad btang na phyag rgya che zhes bya ba la/ 'khrul dang zhes pa ni nyon mongs pa ste/ spad de med pa'o// ma 'khrub zhes pa ni ye shes te/ bsnyen du med pa'o// gnyis med nyams su myong ba ste/ yid la byar med pa'o// cir yang min pa'i rtogs pa ni 'bras bu ste re ba dang bral ba'o// de dag thams cad kyang lhun gyis grub pa'i bde ba nyid kyis so// man ngag gi phyag rgya chen po 'di la gang du yang brtag mi dgos pa'o// khyad par ni dge ba'i las dang / sdig pa'i las kyi rgyu dang rnam par smin pa dang bral ba'o// thabs ni bya ba dang bral ba ste/ ma sems shig pa'o// 'bras bu'i mngon par zhen pa dang / gnyis pa brtags thams cad btang na phyag rgya chen po ste/ bcu bzhi pa'i sa'o// gang ste de kho na nyid/ bcu pa la sogs pa la/ don med par 'gyur ro na na ma
- 366b
yin te/ bsgrub bya ba sgrub pa'i dus bkag pa yang med de/ lam du 'gyur bar bshad do// bsgrub bya ba sgrub pa'i dus su ni/ dri ma yin pa'i phyir ched du mi bsgrubs la thams cad kho na nyid du 'dus pa'i phyir ro// de yang bstan/ par bya ste/ gzhan yang lha dang sngags med dka' thub sbyin bsreg yod ma yin/ dkyil 'khor ma grub dkyil 'khor ba yang de bzhin to// zhes bya ba ni gong du bshad par zad la ldan pa'i don to// phyag rgya chen po de dag lnga dang sngags dang dka' thub ste/ sbyin sreg dkyil 'khor dkyil 'khor ba yang de nyid do// mnyam pa gnyis med ji bzhin par ni 'dus pa'i bdag/ gang gi rtogs pa grol 'gyur grol bar rdo rje 'chang gis bshad// ces bya ba la/ rgyud kyi tshogs gzhan gyis gtan la dbab par bya ste/ gsung rab las/ gru bzhi dbyer med phyag rgya che// chos su de dag lhan cig skyes zhes pa dang / gzhan yang shes rab snying rje nyer ba ras dang / e paM kA li A li sngags// zhes pa dang / gzhan yang sangs rgyas kun gyi sdom pa ni/ e baM la ni rab tu zhugs// zhes pa dang gzhan yang sems la bde ba chen 'byin pa yis// 'khor ba de ma thag tu sregs rjes dang / gzhan yang bde stong gnyis med snying po la/ yid la mi byed kyi len byed/ ces pa dang / gzhan yang gnyis su med pa'i dkyil bcas pa/ ro snyoms gsum ba nas sgrub pa po// zhes pa dang / gzhan yang chu rnams kyi rgya mtshar lan tshwa'i ro// chos rnams bde chen mnyam pa nyid ces pa dang // gzhan yang chu dang chu gnyis dbyer med ltar// 'khor ba nyid nas rdzogs sangs rgyas/ zhes pa dang / gzhan yang / byang chub sems kyis chu bo nyid// ji bzhin par gzhan chud me 'chad ches pa dang // gzhan yang / las dang chos dang dam tshig rnams// bzhi pa'i dbang thob myang bar 'dus// gang gis bdag nyid de rtogs pa// 'das bgrol zhing gnyis grol 'gyur/
- 367a
dzarnga 'chang mchog te rug/ ngas pa'i rlung rgyal bshad pa yin/ zhes bya bas gsal ba'i phyir rtogs par bya'o// tshogs tha ma'i dang po gsal bar bya ba ni/ chos rnams thams cad bde ba chen por gcig pa mnyam pa gnyis su med pa nyid do// ji bzhin pa ni byang chub kyi sems so// 'dus pa'i bdag nyid chos kyi phyag rgya dang / phyag rgya chen po'i dbang bzhi pa'i dus kyi ye shes gsum 'dus pas so// zhes bya ba ni bsdu ba dam tshig gi phyag rgya'o// dam tshig gi phrag r+b+ha skyes bu byed pa'i 'bras bu ni/ sngon gyi skyes bu rnams kyis byas pa dang / ma 'ongs pa'i dus skyes bu'i 'bras bur bcas pa dang / ngeg par spang ba'i mthu las byung ba'i skyes bus byed pa ste/ 'bras bu ni gzhan gyi don to// ngas par bstan pa ste/ zhes pa ni rgyu 'bras kyi 'brel pa ma bslus pa'i don to// bzhi pa ni gsum pa la ltos pa'o// byang chub mchog rgya'i dzin ma / sa na mtshag sbyin cing 'dzin sgrubs// gzhan dang mtha las thub pa yi// rtson ma chog tu 'dzin pa'o// nr-i me+e hrI/ sa ma kai a ba~M bA ta/ ra nga ga ni mtshig gi phyag rgya'i bshad pa'o// da lta phyag rgya ba'i bye brag de dag skad cig bzhi dang dga' ba bzhi dang / dbang bzhir sbyor bar bya'o// phyag rgya chen po ma yin gsum gyi ri shing sa cig ma bzhi bzhi shes par bya'o// de bskyed pa'i rgyu 'bras ni/ ma yin la ltos pa'i rgyu 'bras su shes par bya'o// de ni phyag rgya bzhi shin tu bsdus pa'i don to// de ltar gzhung gi don bshad nas/ mtshan mjug gi don du bshad pa ni/ ha phyag rgya bzhi rjes su 'gro ba drug pa zhes bya ba la/ haM ni lhan cig skyes pi'i nus pa dang bcas pa ste/ a bad+hU tI'i rtse mo bde chen gyi'i bor lo'i dkyil na gnas te/ lus thams cad der 'dus shing de'i nus pa las mi 'da' ba bzhin du// nor bu la nor bu'i phyag rgya bzhir rlud sde rnam pa lnga 'dus
- 367b
shing de nyid las mi 'da' ste/ de dag ni mchog tu gyur pa gces par bya ba pa'i tha tshig go// sangs rgyas gsung las rab tu lung bstan pa'i// nA gA rdza na mchog las rnyed pa'i don// sa ra ha dang rgyal ba mchog las 'ongs// rje btsun mchog gi 'di skyon bzod pa mdzod// pha dang ma'i rgyud las 'di rtogs shing // shes rab snying rje bcas pas don 'di rnams// rin cheni snying po zhes bya'i 'grel pa 'dis// yid 'pham ngal ba sos mngon par rgyal gyur cig/ 'chos 'di byas pa'i bsod nams kyis// 'khor gnas 'di ni 'khyams gyur pa'i// 'gro rnams lam 'dis spangs gyur te// bcu bzhi'i sa la gnas par shog/ phyag rgya bzhi'i rgya cher 'grel pa rin brgya'i snying po zhes bya ba/ rgya gar gyi mkhan po mkhas par grags pa/ tha ma b+hi ta kar mas mdzad pa rdzogs so// rnal 'thor pa bsod snyoms pa pradz+nyA shIr nyis rang 'gyur du byas pa'o// rgya gar gyi mkhan pa mkhas par grags pa/ rje btsun b+hi ta karmas mdzad pa'o// / mtshan nyid mdzad pa'i skabs su slob dpon chen po ka ro pa zhes kyang grags so// rnal 'byor mdzad pa'i skabs su dkar zar zhes bya bar grags so// spyod pa mdzad pa'i skabs su phyogs kyi gos can zhes bya bar grags so// / @#// gra 'an pa sa so/ @#// rgya gar skad du/ sap+ta mi sid+d+han+ta nA ma/ bod skad du grub mtha' bdun pa zhes bya ba/ dpal rdo rje sems dpal la phyag 'tshal lo// shes rab chu s+ye rdo rje sbyor ba dga' ba bzhi po ma lus pa yi gnas// bla ma'i bka' yis rgyas btab lus ni rnal 'byor gter yin phyi rol 'gro ma yin// de yi dus su yid kyi g.yo ba med 'gyur rlung gi rab tu 'bab pa chad// ma spobs rnabs thos shing gsal ba 'di ni phyag rgyal ni mos pa'i gnas// sangs rgyas kyi gsung ngo // ji srid
Colophon
phyag rgya bzhi'i rgya cher 'grel pa rin po che'i snying po zhes bya ba/_rgya gar gyi mkhan po mkhas par grags pa/_bla ma b+hi ta karmas mdzad pa rdzogs so/_/rnal 'byor pa bsod snyoms pa pradz+nyA shrIr tis rang 'gyur du byas ba'o/_rgya gar gyi mkhan po mkhas par grags pa/_rje btsun b+hi ta karmas mdzad pa'o/_/mtshan nyid mdzad pa'i skabs su slob dpon chen po ka ro pa zhes kyang grags so/_rnal 'byor mdzad pa'i skabs su da ka ro zan zhes bya bar grags so/_spyod pa mdzad pa'i skabs su phyogs kyi gos can zhes bya bar grags so/