bde mchog lhan cig skyes pa'i sgrub thabs
Sahajasaṃbarasādhanaṃ
Text
ff. 252a–253a · 3 folio sides
- 252a
tshad tsam bsams la/ da nyid sangs rgyas lngar mos pa bya ste/ 'og sgo dang steng sgo'i rlung bkag pas thig le lnga'i 'od zer 'phros te sna'i bu ga'i nam mkha' nas byung nas dbugs gang nas rgyu ba'i sna bug na sor bcu gnyis kyi bar du 'byung ste/ slar nang du bcug ste/ thig le lnga la thim/ sgom pa'i dus phyir 'byung ba dang/ nang du 'jug pa'i dus na yang je thung je thung la grangs kyang je nyung je nyung du bya zhing/ nang na gnas pa la yun yang rje ring je ring du sems brtan par bya'o// mig gis mthong ba pas thig le lnga gsal bar mthong ba de srid du bsgoms la de nas lce dang dpung pa dang mig dang rna ba dang/ sna dang lce la snga ma'i thig le de nyid bsams na 'jig rten pa'i dngos grub ji ltar 'dod pa 'grub par 'gyur ro/ /bsam gyis mi khyab pa'i rim pa la gnyis te/ bskyed pa'i rim pa dang/ rdzogs pa'i rim pa'o/ /bskyed pa'i rim pa ni snga ma dang 'dra'o/ /rdzogs pa'i rim pa ni sems yul rnams la bzlog ste/ chos thams cad sems tsam du bsgoms te/ sems de nyid bde ba rtogs pa med par mos par bya ste/ shes pa de nyid kyang stong pa nyid du bsgom par bya'o/ /mnyam par ma gzhag pa'i spyod pa ni snga ma dang 'dra'o/ /slob dpon chen po rdo rje dril bu pas mdzad pa/ dpal 'khor lo sdom pa'i rim pa lnga pa'i 'grel pa paN+Di ta su ma ti kIrti dang/ lo tsa ba mar pa bande chos kyi dbang phyug gis bsgyur ba'o/ /rdzogs so// // */ /rgya gar skad du/ sa ha dza saM ba ra sA d+ha naM/ bod skad du/ bde mchog lhan cig skyes pa'i sgrub thabs/ 'khor lo sdom pa la phyag 'tshal/ /shes bya rnal 'byor cho ga gsum/ /byin gyis rlob dang rab tu rtog /bsam bral gzugs brnyan yongs su rdzogs/ /sangs rgyas kyis gsungs rnal 'byor du/ /sems can rdzus te skyes pa bzhin/ /
- 252b
gang zhig skad cig sbyor ba yis/ /sa bon med par rnam par bsgom/ /rang nyid rdo rje mkha' 'gror gyur/ /zla ba phyed pa spyi bor 'dzin/ /dpral bar thod pa'i phreng ba bsnams/ /phyag rgya drug ldan mgo bo'i phreng/ /spyan gsum sna tshogs rdo rje can/ /sna tshogs pad+ma nyi mar gnas/ /'jigs byed dus mtshan bcas par dgod/ /g.yas brkyang ba yis zhabs kyis gcibs/ /rdo rje dril bu ral par ldan/ /gnag cing mi bskyod spyi bo'i gtsug /stag gi lpags pas yang dag bcings/ /dpa' bo rdo rje phag mo ni/ / spyan gsum dmar zhing mgo phreng ldan/ /rdo rje thod pa khrag gis bkang/ /rked brgyan dum bus mtshan pa 'dzin/ /phyogs kyi gos la phyag rgya lnga/ /dbu skra grol zhing sangs rgyas gtsug /'di ltar skad cig gis rdzogs pa'i/ /bdag nyid lus ni sgom par bya/ /ye shes lnga yi rang bzhin gzugs/ /sangs rgyas 'od zer rnam par spro/ /spyod yul gcig gis sems kyis su/ /'di nyid kho na yun rings sam/ /go 'phang 'di la sems can dgod/ /chos dbyings rgyal mtshan yang dag sbyor/ /gnyis gnyis sbyor ba bde las byung/ /dga' ba zag pa'i phun tshogs kyis/ /rang rig dga' bas yongs su khengs/ /zag pas skyed par byed pa gang/ /des ni rgya chen yid la byed/ /'dus byas spros pa'i rgyun 'di ni/ /'di ltar rtag tu sgom pa pos/ / 'od gsal rjes su dran par bya/ /sna tshogs pad+ma nyi ma dang/ /'jigs byed dang ni dus mtshan mo/ /sdug ma bdag mo mkha' nor bu/ /de bzhin gshegs pa lnga yi 'og /sku dang yan lag mchog dang ni/ /zla ba thig le nA da rnams/ /'di rnams rim gyis mi snang gzhug /ji ltar me long dbus kyi rlung/ /thams cad thim par gyur pa ltar/ /yang dag mdza' ru yang nas yang/ /de bzhin rnal 'byor rab tu gzhug /grub thob rdo rje dril bu pas mdzad pa'i bde mchog lhan skyes kyi sgrub thabs rdzogs so// //
- 253a
paN+Di ta rdo rje gdan pa nis ka laM ka'i zhal snga nas/ dpyal lo tsa ba dpal chos kyi bzang pos bsgyur ba'o// (//dpal 'khor lo bde mchog sgrub pa'i nor bu bzhugs//) //*/ /rgya gar skad du/ sh+rI b+ha ga bAn tsakra saM ba ra sA d+ha na ratna tsind+ha ma Ni nA ma/ bod skad du/ bcom ldan 'das dpal 'khor lo bde mchog sgrub pa'i thabs rin po che yid bzhin gyi nor bu zhes bya ba bcom ldan 'das dpal rdo rje mkha' 'gro la phyag 'tshal lo/ /sh+rI chu rgya mtsho tha dang me bzhin he 'dus ma byas nam mkha' bzhin/ /ru lha'i rnga ltar gtso 'khor longs spyod ka/ ni yid nor ltar dgod 'dod skor/ /rnam par thar zhing dus gsum bdud bzhi rten 'brel bcu gnyis bden gnyis sogs/ /de bzhin ye shes lnga yi bdag nyid b+ha gar zhugs la phyag 'tshal lo/ /blo nor ldan pas gsol btab pas/ /'khor lo bde mchog sgrub pa'i thabs/ /ji skad gsungs pa'i don bzhin du/ /bdag gis legs par bshad par bya/ /ri bo tshang tshing sman ljongs dang/ /chu po chen po'i dogs dag dang/ /gdod nas grub pa'i dur khrod du/ /der ni dkyil 'khor brtsam par bya/ /rnal 'byor pa nyid bsod nams mchog /dag byed sdig pa 'jig byed pa/ /gsang sngags zlos pa'i bzlas brjod dang/ /bsam gtan gyis kyang 'grub par 'gyur/ /mchod bzhi dpa' bo chen po ni/ /yid la 'dod pa byed pa ste/ /rgyud 'di ru ni dbang bskur na/ /thams cad kyis ni sgrub por gsungs/ /bltas dang rgod dang lag 'dzin dang/ /'khyud dang gnyis sprod la sogs la// dbang bskur bar ni gyur ba yin/ /rgyud rnams kun gyi dam pa yin/ /nang par sngar langs sems bdag nyid/ /lus gnas brjod cing lus dag bya/ /rang gi sa bon 'od zer gyis/ /bla ma dang ni dkyil 'khor lha/ /sangs rgyas byang chub sems
Colophon
grub thob rdo rje dril bu pas mdzad pa'o/_/bde mchog lhan skyes kyi sgrub thabs rdzogs so/_/paN+Di ta rdo rje gdan pa ni sa ka laM ka'i zhal snga nas/_dpyal lo tsA ba dpal chos kyi bzang pos bsgyur ba'o