'phags pa phung po gsum pa zhes bya ba theg pa chen po'i mdo
Āryatriskandhākanāmamahāyānasūtra
Text
ff. 192b–222a · 60 folio sides
- 192b
sems can gang dag snod du gyur pa de dag gis ni chos kyi rnam grangs 'di thos so/ / gang snod du ma gyur pa de dag gis ni rna lam du yang mi grags so// chos kyi rnam grangs 'di bshad ba'i tshe/ srog chags bdun khri nyis sbyong gis bla na med pa yang dag par rdzogs pa'i byang chub tu sems bskyed do// tshe dang ldan pa dga' bos 'di skad ces gsol to// bcom ldan 'das chos kyi rnam grangs 'di'i ming ci lags 'di ji ltar bzung bar bgyi/ bcom ldan 'das kyis bka' stsal pa/ dga' bo chos kyi rnam grangs 'di ni/ thabs mkhas pa'i pha rol tu phyin par bstan par zung shig/ sangs rgyas thams cad kyi thabs mkhas par gsungs pa'i le'ur zung shig/ bcom ldan 'das dgyes shing / de skad ces bka' stsal pa dang dga' bo dang / byang chub sems dpa' sems dpa' chen po ye shes bla ma dang / lha dang mi dang lha ma yin dang / dri zar bcas pa'i 'jig rten yid rang te/ bcom ldan 'das kyis gsungs pa la mngon par dka' bo/ / thabs mkhas pa zhes bya ba theg pa chen po'i mdo rdzogs so// @#rgya gar skad du/ Ar+ya tri skan d+hA ka nA ma ma hA yA na sU tra/ bod skad du/ 'phags pa phung po gsum pa zhes bya ba theg pa chen po'i mdo/ sangs rgyas dang / byang chub sems dpa' thams cad la phyag 'tshal
- 193a
lo 'di skad bdag gis thos pa dus gcig na/ bcom ldan 'das chos kyi dbye dgon pa na bzhugs te/ 'das pa dang / ma byon pa dang / da ltar byung ba'i sangs rgyas bcom ldan 'das ye shes chen pos legs par thugs su chud pa'i blo mnga' ba/ sangs rgyas thams cad dang mnyam pa nyid brnyes pa/ chos kyi sku gnyis su med pa la rten cing gnas pa/ nam mkha'i dkyil yul du gyur cing thug pa med pa'i ye shes mnga' ba/ chos kyi dbyings thams cad du rab tu zhugs pa'i sku dang ldan pa/ chos kyi cod pa Na chags pa med pa/ mchog dam pa/ dri ma med pas bcings pa/ so so yang dag par rig pa chen po rjes su bsgrags pa/ shin tu rnam par phye ba'i dbyangs can bsod nams mi bzad pa'i mdzod kyis ye shes kyi dkyil 'khor yangs shing 'od gsal ba/ nyon mongs pa med pa'i chos thugs su chud pas mi rten par gnas pa/ chos kyi dbyings thams cad du shin tu rnam par grol ba'i ye shes kyi sku dang ldan pa/ bskal pa bye ba dpag tu med par yon tan gyis chos yongs su brjod kyang mi zad cing thug par med pa'i yon tan gyi/ bsngags pa bstan pa'i khyad par brnyes pa de dag la phyag 'tshal lo/ / de bzhin gshegs pa sems can thams cad snyed kyi/ sangs rgyas bcom ldan 'das gang rnams las/ de bzhin gshegs pa re re'i tshul khrims kyi yon tan
- 193b
gyi bsngags pa phun sum tshogs pa las brtsams te/ bskal pa mtha' yas par bsngags pa brjod kyang / de bzhin gshegs pa de'i tshul khrims kyi yon tan gyi bsngags pa phun sum tshogs pa yang mi zad cing thug pa ma mchis la/ de bzhin gshegs pa de dag gis spobs pa so so yang dag par rig pa yang thug pa ma mchis te/ de ltar sangs rgyas bcom ldan 'das tshul khrims dpag tu ma mchis pa de dag la mos pa'i mchog gis mos so/ / gtso bo dang / dam pa dang / khyad par du 'phags pa dang / rab dang / gya nom pa dang / bla ma dang / bla na ma mchis pa dang / mnyam pa ma mchis pa dang / mi mnyam pa dang mnyam pa dang / mtshungs pa ma mchis pa dang / snang ba ma mchis pa dang / bdag nyid chen po dang / zil gyis mi non pa dang / yon tan gyi chos thams cad sdud pa dang / yang dag par rdzogs pa'i sangs rgyas kyis bka' stsal pa'i mos pas lhag par mos so// tshul khrims la ji lta ba de bzhin du ting nge 'dzin dang / shes rab dang / rnam par grol ba dang / rnam par grol ba'i ye shes mthong ba dang / de bzhin du byams pa chen po dang / snying rje chen po dang / dga' ba chen po dang / btang snyoms chen po dang / de bzhin du stobs dang / mi 'jigs pa dang / de bzhin du sangs rgyas kyi chos thams cad yang dag par 'byung ba'i bar dag la lhag par mos so//
- 194a
mos nas kyang sangs rgyas bcom ldan 'das de dag la phyag 'tshal lo// bstod do// bkur ro// bsngags so// rab tu bsngags so// 'dung ngo // rab tu 'dud do/ / phyag bgyi'o// gzhol lo// blta'o// brtag go// byamos pa'i lus kyi las dang / byams pa'i ngag gi las dang / byams pa'i yid kyi las ye shes sngon du 'gro ba dang / kun tu bzang ba dang / sangs rgyas kyi brgya byin lus kyi las dang / ngag gi las dang / yid kyi las kyis sangs rgyas bcom ldan 'das de dag la phyag 'tshal lo// bstod do/ / bkur ro// bsngags so// rab tu bsngags so// 'dud do// rab tu 'dud do// phyag bgyi'o// gzhol lo// blta'o// brtag go// dmigs pa dpag tu ma mchis pa dang ldan pa'i me tog dang / spos dang / 'phreng ba dang / byugs pa dang / phye ma dang / chos gos dang / gdugs dang / rgyal mtshan dang / ba dan dang / mar me dang bkod pa dang / lhab lbub dang / mchod rten rtsig pa dang / sku gzugs bgyi ba dang / rin po che dang / rgyan dang / bzhon pa dang / 'chags dang / gtsug lag khang dang / yo byad thams cad bkod pa rnam par dag pa rgya chen po 'di dag gis kyang / de bzhin gshegs pa de dag la bsti stang du bgyi'o// btsun par bgyi'o// ri mor bgyi'o// mchod do//
- 194b
rim gror bgyi'o// mchod pa mos pa'i stobs las nges par byung ba/ khams gsum pa las shin tu 'das pa/ nyon mongs pa ma mchis pa'i chos las byung ba mngon par 'du/ byed pa ma mchis pa'i phyag rgyas btab pa/ ye shes sgyu ma las shin tu yongs su grub pa las sgyu ma las shin tu rnam par phye ba/ gnas thams cad las shin tu lpag pa/ 'jig rten sgyu ma las byung ba/ ngo bo nyid kyi chos dang 'brel pa yang dag par rdzogs pa'i sangs rgyas kyis bka' stsal pa'i mchod pas/ de bzhin gshegs pa de dag la bsti stang du bgyi'o/ / btsun par bgyi'o// ri mor bgyi'o// mchod do// gsol lo// rim gror bgyi'o// gong du yang byang chub sems dpa' de bzhin gshegs pa'i rgyud bsab par 'tshal ba/ sems can gyi rgyud yongs su smin po ri 'tshal ba/ zhing gi rgyud rnam par sbyong bar 'tshal ba/ las kyi rgyud dang mi 'gal bar 'tshal ba/ chos kyi rgyud rab tu rnam par 'byed par 'tshal ba/ dus gsum gyi rgyud rtogs par 'tshal ba/ phyogs kyi rgyud la rab tu 'jug par 'tshal ba/ 'dod chags ma mchis pa'i rgyud la rab tu dgod par 'tshal ba/ mos pa'i rgyud rnam par skyong bar 'tshal ba/ dbang po'i rgyud la lta bar 'tshal ba/ chos kyi dbyings kyi 'khor lo la rnam par 'phrul bar 'tshal ba/ 'gro ba'i 'khor lo thams
- 195a
c ad bsdu bar 'tshal ba'i byang chub sems dpa' rnams kyis ji ltar sangs rgyas bcom ldan 'das dag gis sangs rgyas kyi mkhyen pa chags pa mi mnga' zhing sgrib pa mi mnga' bas mkhyen bcing rab tu mkhyen pa de lta bus/ de bzhin gshegs pa dag la mchod par bgyi ba de bzhin du/ bdag gis kyang yang dag par rdzogs pa'i sangs rgyas kyis bka' stsal pa'i byang chub sems dpa'i dkyil 'khor thams cad rab tu dga' bar bgyid pa/ byang chub sems dpa' kun tu bzang po'i spyod pa rab 'byams las nges par byung ba/ byang chub sems dpa' ye shes bla ma gnas pa'i yul gyi rjes su zhugs pas/ de bzhin gshegs pa la mchod par bgyi'o// de bzhin gshegs pa la mchod pa'i las kyi slad du/ de bzhin gshegs pa la mchod pa dang / rim gro bgyi ba gtsug gi bla ma zhes bgyi bas 'jig rten gyi khams rab 'byams thams cad du 'jug ste de bzhin gshegs pa la mchod pa 'di lta ste/ pha rol tu phyin pa las byung ba/ ma skyes pa'i chos las byung ba/ byang chub sems dpa' rigs btsun par skyes pa'i ye shes kyi mig gis rig pa/ sangs rgyas kyi yul thams cad rgyas par 'gengs pas 'jig rten gyi khams chos kyi dbyings su gtogs pa ming gis khyab pa mang po dag na/
- 195b
chos kyi dbyings rgyas par 'gengs pa'i 'khor gyi dkyil 'khor rnams dang / nam mkha'i khams kyi mthas btugs pa/ chos kyi dbyings su gtogs pa'i 'jig rten gyi khams/ su 'jug go// de bas gong du yang mchod pa yo nA tan dpag tu ma mchis pa dang ldan pa dge ba'i rtsa ba chen po'i shugs kyis bskyed pa/ rdo rje'i dbang po snang bar bgyid pa/ sangs rgyas kyi yul thams cad du snang ba'i me tog gi rgyal po'i ye shes las byung ba'i mchod pas/ de bzhin gshegs pa de dag la bsti stang du bgyi'o// btsun par bgyi'o// ri mor bgyi'o// mchod do// gsol lo// rim gror bgyi'o// ji ltar bdag gi don du mchod pa de bzhin du/ 'jig rten gyi khams rab 'byams ma lus pa thams cad na sems can ji tsam sems can gyi ris na mchis pa sems can gyi khams de dag thams cad kyi ched du yang de bzhin gshegs pa de dag la mchod par bgyi'o/ / de ltar bdag gis de bzhin gshegs pa la mchod pa'i stobs kyis brlan pa'i sems bskyed pa/ byams pa chen po dang / snying rje chen pos nye bar brtan pa/ 'gro ba thams cad yongs su skyabs pa'i smon lam dang ldan pas/ de bzhin gshegs pa thams cad kyi byin gyi brlabs kyi mdzod kyi rjes su zhugs par gyur/ shes rab dang / thabs kyi stobs chen pos yongs su bzung bar gyur/
- 196a
bdud kyi lam dang yul thams cad las yang dag par 'das par gyur nas/ sgrib par 'gyur ba'i las thams cad bshags par bgyi ste/ gang sangs rgyas bcom ldan 'das rnams kyis bka' stsal pa dang / gang sems can dam pa rnams kyis rnam par spangs pa dang / gang de bzhin gshegs pa rnams kyis smad pa dang / gang byang chub sems dpa' rnams kyis yongs su spangs pa dang / gang 'phags pa rnams kyis bshung ba dang / gang mkhas pa rnams dang zhe 'gras pa dang / gang rig pa rnams kyis bor ba/ 'dod chags dang / zhe sdang dang / gti mug gis rab tu gzir ba'i dbang gis byung ba 'am/ nga rgyal dang / 'chab pa dang / khon du 'dzin pa'i dbang gis byung ba 'am/ phra dog dang / ser sna dang mya ngan gyi dbang gis byung ba 'am/ sgyu dang g.yo'i dbang gis byung ba 'am/ mngon par zhen pa'i stobs kyis byung ba 'di lta ste/ las kyi sgrib pa 'am/ chos kyi sgrib pa 'am/ nyon mongs pa'i sgrib pa 'am/ lta ba'i sgrib pa ba ma/ mi shes pa'i sgrib pa 'am/ rnam par smin pa'i sgrib pa 'am/ chos kyis phongs par 'gyur ba'i sgrib pa 'am/ nyan thos dang / rang sangs rgyas kyi theg pa dang ldan pa'i sgrib pa 'am/ theg pa chen po'i bar chad du 'gyur ba'i sgrib pa 'am/ dge ba'i rtsa ba thams cad gsog pa la gnod pa'i sgrib pa 'am/
- 196b
sdig pa'i grogs po dang 'gre ba'i sgrib pa 'am/ byang chub sems dpa' kun tu bzang po'i spyod pa'i smon lam yongs su rdzogs par bgyi ba la sgrib pa dang chod pa yang rung ste/ sgrib pa'i las bgyis shing bsags pa sgrib pa'i kun nas ldang ba gang gis sems can dmyal bar 'chi bar 'gyur ba dang / dud 'gro'i skye gnas su mchi bar 'gyur ba dang / yi dgas kyi yul du 'chi bar 'gyur ba dang / lha dbul por 'gyur ba dang / sangs rgyas la lta ba yongs su mi 'dzin pa dang / chos mnyan po yongs su mi len pa dang / de bzhin gshegs pa dang / chos dang dge 'dun dkon mchog mngon par mi rig par 'gyur ba dang / byang chub sems dpa' dang 'grogs pa mi 'thob par 'gyur ba dang / dge ba'i bshes gnyen yang dag pas yongs su bzung bar mi rnyed par 'gyur pa dang / dge ba'i rtsa ba chab 'tshal ba yongs su 'dzin par 'gyur ba dang / byang chub kyi sems brjed par 'gyur ba dang / pha rol tu phyin pa'i lam mi nyan par 'gyur ba dang / bdud sdig can rnams kyis 'joms par 'gyur ba dang / sangs rgyas kyis chos thag ring du bgyid par 'gyur ba dang / dge ba'i rtsa ba thams cad brtsam pa'i sbyor ba las/ rnam par ldog par 'gyur ba dang / dge ba'i gshes gnyen la 'khu bar 'gyur pa dang / bsam pa yongs su dag pa mi
- 197a
'thob pa dang / dran pa brjed pa ma mchis pa mi 'thob pa dang / chos la lta ba mi 'thob pa dang / sangs rgyas kyi rnam par sprul pa la mi mos pa dang / sangs/ rgyas kyi chos rnams la yid gnyis 'tshal bar 'gyur ba dang / ting nge 'dzin gyi sgo khong du mi chud pa dang / sa nas sar gnas pa'i mi 'thob pa dang / byang chub sems dpa' dang 'grogs pa mi 'thob pa dang / pha rol tu phyin pa yongs su rdzogs par bgyi ba la byas pa ldan pa khong du mi chud pa dang / smon lam chen po las nur bar 'gyur ba dang / spyod pa yongs su dag pa mi 'thob pa dang / gzungs kyi rgyan gyi snang ba mi 'thob pa dang / spobs pa'i rgyan snang ba khong du mi chud pa dang / byang chub sems dpa' kun tu bzang po'i spyod pa'i smon lam la yongs su dris par bgyi ba khong du mi chud pa dang / chos mnyam pa nyid mi rtogs pa dang / bsod nams mnyam pa nyid mi bskyed pa dang / ye shes mnyam pa nyid khong du mi chud pa dang / 'khor ba'i chos rnams kyis kun tu gzhom par 'gyur ba'i sgrib pa de lta bu la sogs pa dang / byang chub sems dpa'i spyod pa dang / yon tan gyi chos thams c ad kun tu sgrub pa la mi phyogs par 'gyur pa'i sgrib pa'i 'gebs pa grangs ma mchis pa 'bum phrag bcu po de dag dus gsum du gtogs pa'i de bzhin gshegs pa thams cad
- 197b
chos kyi dbyings su 'dus pa ye shes gzigs pa sgrib pa mi mnga' ba chags pa ma mchis pa'i mig gi yul brnyes pa/ mnyam pa nyid kyis rjes su zhugs pa'i sku dang ldan pa/ chos kyi dbyings mun pa ma mchis par zhugs pa'i ye shes kyi spyan brnyes pa'i de bzhin gshegs pa de dag thams cad kyi spyan sngar bdag mngon sum du gyur pas mos nas/ de bzhin gshegs pa'i yul tshad med par brtags te/ skra'i rtse mo'i cha shas gzhag pa'i khyon tsam re re la yang de bzhin gshegs pa sems can thams cad snyed du lhag par mos so// sgraskra'i rtse mo'i cha shas gcig bzhag pa'i khyon la ji lta ba de bzhin du/ chos kyi dbyings thams cad du yang de bzhin gshegs pa sems can thams cad snyed du lhag par mos so// / de bzhin gshegs pa re re la yang lus thob pa 'gro ba thams cad kyi sems snyed kyis zhabs kyi 'og tu gtugs te phyag 'tshal lo// lus thob pa re re la yang mgo ngag gi lam nges pa'i cho ga snyed du lhag par mos so/ / mgo re re la yang khwa'i sgo zhing thams cad kyi rdul phra rab tu dbye ba skyed du lhag par mos so// kha'i sgo re re la yang lce'i rtse mo zhing thams cad du rdul phra rab tu dbye ba nyid du lhag par mos so/ / lce'i rtse mo'i dkyil 'khor re re la yang nges pa'i tshig gi sgrar btags pa'i tha snyad yang dag par rdzogs pa'i sangs rgyas kyis
- 198a
bka' stsal pa/ 'gro ba thams cad kyi tshig gi spyod pa dang mnyam pas/ sgrib pa ma mchis pa'i dkyil 'khor dang mthun par gyur nas/ lhag pa'i bsam ba nyon mongs pa'i ri chen po rnam par mthor ba'i las byung bas sgrib par 'gyur ba'i las de dag 'chags so/ / mi 'chab bo// 'jig rten gyi khams thams cad du 'tshal bar 'gyur ba'i bshags pas 'chags so/ / bsal lo// rnam par gzhig go// rab tu gzhom mo// spong ngo // gdon to// las la dbang pas dbang bgyi'o// stobs bskyed pa brnyes pa rnams kyi bde ba nye bar bstan pa'i slad du yongs su bsngo'o/ / gong du yang byang chub sems dpa' de bzhin gshegs pa mnyes par bgyid par 'tshal ba/ byang chub sems dpa'i spyod pa thams cad yongs su sbyong bar 'tshal ba/ byang chub sems dpa' rnam par gzhag pa thams cad las yang dag par 'da' bar 'tshal ba/ byang chub sems dpa'i smon lam thams cad yongs su rdzogs par bgyid par 'tshal ba/ byang chub sems dpa'i gter thams cad thob par 'tshal ba/ de bzhin gshegs pa thams cad kyi bstan pa yang dag par 'dzin par 'tshal ba/ pha rol tu phyin pa thams cad yongs su rdzogs par bgyid par 'tshal ba/ sems can thams cad yongs su smin par bgyid par 'tshal ba//
- 198b
'jig rten gyi khams yongs su dag pa thams cad rtogs par 'tshal ba/ byang chub sems dpa' kun tu bzang po'i spong ba'i smon lam yongs su rdzogs par bgyi ba rtogs par 'tshal/ ba rnams kyis ji ltar sangs rgyas bcom ldan 'das bdag gis sangs rgyas kyis mkhyen pa chags pa mi mnga' zhing / sgrib pa mi mnga' bas mkhyen cing rab tu mkhyen pa de lta bus sgrib par 'gyur pa'i las bshags par bgyi ba de bzhin du/ ci nas kyang bdag gis bshags pas legs par bshags par 'gyur pa dang / yongs su dag par 'gyur ba dang / 'od gsal bar 'gyur pa dang / kha na ma tho ba ma mchis par 'gyur pa dang / bskul bar 'gyur ba dang / dug ma mchis par 'gyur ba dang / sgrib pa ma mchis par 'gyur ba dang / bar du gcod pa ma mchis par 'gyur ba dang / yon tan gyi chos thams cad sgrub par 'gyur ba de lta bur sgrib par 'gyur ba'i las kyi nyes pa thams cad 'chags so// ji ltar bdag gis don du bshags pa de bzhin du/ 'jig rten gyi khams rab 'a byams ma lus pa thams cad na/ sems can ji tsam sems can gyi ris na mchis pa/ sems can gyi khams de dag thams cad kyi cheng du yang bsgrib par 'gyur ba'i las kyi nyes pa 'chags so/ / de ltar bdag gis las kyi nyes pa sgrib par 'gyur ba thams cad so sor bshags nas/ sgrib pa ma mchis pa
- 199a
rnam par dag pa'i dkyil 'khor la gnas te/ 'gro ba thams cad kyi dge ba'i rtsa ba la rjes su yi rang ngo // dge ba'i rtsa ba'i tshogs kyi khyad par gang gis ngan song dbul po yi dgas kyi mi khom par mchi ba thams cad rnam par zlog pa de la yang rjes su yi rang ngo / / sems can la gnod pa ma mchis shing 'od gsal ba/ dge ba'i rtsa ba'i tshogs kyis khyad par gang gis ngan song dud 'gro'i skye gnas kyi mi khom par mchi ba thams cad rnam par bzlog par de la yang rjes su yi rang ngo / / dge ba'i rtsa ba'i tshogs kyi khyad par gang gis sems can dmyal ba'i mi khom par mchi ba thams cad rnam par zlog pa de la yang rjes su yi rang ngo / / bzang po'i gnas dge ba'i rtsa ba'i tshogs kyis khyad par gang gis lha dang mir skye ba thams cad yongs su 'dzin pa de la yang rjes su yi rang ngo / / dge ba'i rtsa ba'i tshogs kyi khyad par gang gis bsam gtan gyi dga' ba dang mgu ba dang / bde ba thams cad myong ba de la rjes su yi rang ngo / / dge ba'i rtsa ba'i tshogs kyi khyad par gang gi 'khor ba la yid 'byung ba'i sems thob pa de la yang rjes su yi rang ngo // dge ba'i rtsa ba'i tshogs kyi khyad par gang gis dge ba'i bshes gnyen yang dag pas yongs su bzung ba thob pa de la yang rjes su yi rang ngo / / dge ba'i rtsa ba'i tshogs kyi khyad par gang gis dge ba'i bshes gnyen rnams la gus
- 199b
pa'i sems kyi rnyed pa de la yang rjes su yi rang ngo / / dge ba'i rtsa ba'i tshogs kyi khyad par gang gis sangs rgyas bcom ldan 'das rnams mnyes par bgyid de/ mnyes nas mi mnyes par mi 'gyur ba'i de la yang rjes su yi rang ngo / / dge ba'i rtsa ba'i tshogs kyi khyad par gang gis sangs rgyas bcom ldan 'das rnams las chos bstan pa mngon sum du nyan cing thos nas som nyi dang yid gnyis zlog pa de la yang rjes su yi rang ngo / / dge ba'i rtsa ba'i tshogs kyis khyad par gang gis 'jig rten gsum po thams cad nas 'byung ba rtogs pa de la yang rjes su yi rang ngo / / dge ba'i rtsa ba'i tshogs kyi khyad par gang gis sems can thams cad kyis rton pa'i sems bskyed pa rnyed pa de la yang rjes su yi rang ngo // dge ba'i rtsa ba'i tshogs kyi khyad par gang gis 'gro ba thams cad thogs pa ma mchis pa'i mig thob pa de la yang rjes su yi rang ngo / / dge ba'i rtsa ba'i tshogs kyi khyad par gang gis ngos mnyam pa'i rjes su mchi ba'i smon lam chen po yongs su rdzogs par bgyid pa de la yang rjes su yi rang ngo / / dge ba'i rtsa ba'i tshogs kyi khyad par gang gis lus mtshan dang dpe byad bzang pos legs par brgyan pa thob pa de la yang rjes su yi rang ngo / / dge ba'i rtsa ba'i tshogs kyi khyad par gang gis yon tan thams cad rnam par dag pa'i rgyan dag
- 200a
yongs su dag pa thob pa de la yang rjes su yi rang ngo / / dge ba'i rtsa ba'i tshogs kyi khyad par gang gis stobs bcus brgyan pa'i sems rin po che thob pa de la yang rjes su yi rang ngo / / dge ba'i rtsa ba'i tshogs kyi khyad par gang gis thams cad mkhyen pa nyid kyi shugs las phyir mi ldog pa'i thob pa de la yang rjes su yi rang ngo // dge ba'i rtsa ba'i tshogs kyi khyad par gang gis gzungs kyi rigs khong du chud pa de la yang rjes su yi rang ngo / / dge ba'i rtsa ba'i tshogs kyi khyad par gang gis chos kyi dbyings rnam par dag par khong du chud pa de la yang rjes su yi rang ngo / / dge ba'i rtsa ba'i tshogs kyi khyad par gang gis rnam par smin pa mi zad pa la gnas te/ mngon par shes pa thob pa de la yang rjes su yi rang ngo // dge ba'i rtsa ba'i tshogs kyi khyad par gang gis sangs rgyas kyi zhing gi rgyan bsgrub pa khong du chud pa de la yang rjes su yi rang ngo / / dge ba'i rtsa ba'i tshogs kyi khyad par gang gis bdud kyi rtsod pa'i dmag tshogs thams cad rab tu bcom nus khyu mchog tu gyur pa khong du chud pa de la yang rjes su yi rang ngo / / dge ba'i rtsa ba'i tshogs kyi nyan thos dang / rang sangs rgyas thams cad kyi chos mnyam pa nyid las skyes pa'i rig pa dang / rnam par grol ba dang / 'dod chags dang bral ba dang / zag pa ma mchis pa dang / ldan pa gang lags pa de dag la yang rjes su yi rang ngo //
- 200b
byang chub sems dpa' thams cad kyi dge ba'i rtsa ba gang dag byang chub sems dpa'i spyod pa thams cad dang ldan pas na/ bla na med pa yang dag par rdzogs pa'i byang chub khong du chud pa dang ldan pa'i bar/ gyi dge ba'i rtsa ba de dag la yang rjes su yi rang ngo // de bzhin gshegs pa la mchod pa'i las kyi slad du/ de bzhin gshegs pa la mchod pa dang / rim gror bgyi ba byang chub sems dpa' dbang bskur ba rnams kyi khyad par du 'gro ba zhes bgyi bas 'jig rten gyi khams rab 'byams thams cad du 'jug pa gang lags pa de la yang rjes su yi rang ngo / / de bzhin gshegs pa la mchod pa'i las kyi slad du/ de bzhin gshegs pa la mchod pa dang / rim gro bgyi ba byang chub sems dpa' dga' ldan gyi gnas mchog na gnas kyi khyad par du 'gro ba zhes bgyi bas/ 'jig rten gyi khams rab 'byams thams cad du 'jug pa gang lags pa de la yang rjes su yi rang ngo / / de bzhin gshegs pa la mchod pa'i las kyi slad du/ de bzhin gshegs pa la mchod pa dang / rim gror bgyi ba byang chub sems dpa' mngal na gnas pa rnams kyi bsod nams kyi me tog rgyas pa'i snying po snang ba zhes bgyi bas 'jig rten gyi khams rab 'byams thams cad du 'jug pa gang lags pa de la yang rjes su yi rang ngo / / de bzhin gshegs pa la mchod pa'i las kyi slad du/ de bzhin gshegs pa la mchod pa dang / rim gro bgyi ba byang chub kyi snying po mchog
- 201a
dam pa na gnas pa/ byang chub sems dpa' kun tu bzang po'i gtsug gi bla ma zhes bgyi bas 'jig rten gyi khams rab 'byams thams cad du 'jug pa'i gang lags pa de la yang rjes su yi rang ngo / / yang dag par rdzogs pa'i sangs rgyas dus gsum du gshegs pa rnams kyi dge ba'i rtsa ba thabs mkhas pa bsam gyis mi khyab pas rnam par 'phrul pa dang ldan pa gang lags pa de la yang rjes su yi rang ngo / / gong du yang byang chub sems dpa' bdud kyi rtsod pa'i dmag tshogs thams cad rab tu btul bar 'tshal ba/ phas kyis rgol ba'i tshogs thams cad zil gyis gnon par 'tshal ba/ ma rig mun pa mun nag dang rab rib kyi ling tog mang po sel bar 'tshal ba/ ngan song dang mi khom pa dang / ngan 'gro'i las thams cad gcog par 'tshal ba/ ye shes kyi dkyil 'khor thams cad rnam par sbyong bar 'tshal ba/ chos thams cad snang ba thob par 'tshal ba/ kun tu bzang po'i lus khyu mchog tu gyur pa thob par 'tshal ba/ 'gro ba thams cad kyi bsam pa ji lta ba bzhin du tshim par bgyid pa'i dbyangs kyi yan lag rnam par dag pa thob par 'tshal ba/ chos thams cad ji lta ba bzhin du rtogs par bgyi ba'i slad du/ ye shes kyi mig rnam par sbyong bar 'tshal ba/ 'khor ba'i 'khor lo zlog par 'tshal ba/ chos kyi 'khor lo chen po bskor bar 'tshal ba/ stobs bcu'i ye shes kyis
- 201b
non par 'tshal ba rnams kyis ji ltar sangs rgyas bcom ldan 'das dag gis/ sangs rgyas kyi mkhyen pa chags pa mi mnga' zhing sgrib pa mi mnga' bas mkhyen cing rab tu mkhyen pa de lta bus dge ba'i rtsa ba'i tshogs thams cad la rjes su yi rang bar bgyid pa de bzhin du/ bdag kyang rjes su yi rang ba'i mchog gis rjes su yi rang ngo // gtso bo dang dam pa dang / khyad par du 'bags pa dang / rab dang bul dang / gya nom pa dang / bla ma dang / zla na ma mchis pa dang / mnyam pa ma mchis pa dang / mi mnyam pa dang mnyam pa dang / mtshungs pa ma mchis pa dang snang ba ma mchis pa dang / bdag nyid chen po dang / zil gyis mi non pa dang / yon tan gyis chos thams cad sdud pa dang / yang dag par rdzogs pa'i sangs rgyas kyis bka' stsal pa'i rjes su yi rang bas rjes su yi rang ngo / / ji ltar bdag gi don du rjes su yi rang ba de bzhin du/ 'jig rten gyi khams rab 'byams ma lus pa thams cad na sems can ji tsam samA can gyi ris ris na mchis pa/ sems can gyi khams de dag thams cad kyi ched du yang dge ba'i rtsa ba de dag thams cad la rjes su yi rang ngo // de ltar bdag dge ba'i rtsa ba thams cad la rjes su yi rang nas/ sangs rgyas bcom ldan 'das thams cad la skul lo// de lta na phyogs bcu'i 'jig rten gyi khams phyogs bcu'i mu thug yongs su rje bar 'jug pa/ 'jig rten gyi
- 202a
khams thams cad ga'i byal bu'i rjes su gro zhing 'a gyuSh+TA/ 'o// me rlu kyi phyogs yongs su rje bar bshad pa la/ 'chol ba'i na kyi ga rten/ rgya sems mngon du sgru sa/ rnam par daste ba'i mig 'phrul wA'u/ chos kyi dbyings su gtogs pa'i 'jig rten gyi khams rab byam sa thams cad na/ sangs rgya bcom ldan 'das gang dag kha cig bdud kyi rtsod pa'i dmag tshogs thams cad mngon par btul nas/ blan med pa yang dag par rdzogs pa'i byang chub mngon par rdzogs par sangs rgyas te/ chos tham cad la sgrib pa med pa nyid brnyes pa/ byang chub kyi snying po mchog dam par gshegs pa/ chos kyi tshul g.yo ba ma mchis pa'i rang bzhin du gyur pa/ chos kyi sku rab tu zhi ba dang ldan pa dag 'di lta ste/ chos bzung bar mdzad pa'i slad du/ 'jig rten thams cad na bskul ba'i sa la bzhes te/ chos kyi 'khor lo mi bskor ba'i sangs rgyas bcom ldan 'das de dag la bdag gis bla ma la ri mo gus par bgyi ba chen pos lus bzung bar bgyis nas/ chos kyi 'khor lo chen po rab tu bskor bar bskul gyis/ byang chub sems dpa' thams cad yongs su grub par bgyi ba dang / 'gro ba thams cad bskyab pa dang / nyon mongs pa thams cad rnam par byang bar bgyi ba dang / so ma'i thams cad yang dag par gzhom pa dang / the tsom thams cad kun tu gcad pa dang /
- 202b
sangs rgyas dang chos dang / dge 'dun thams cad rab tu bsgrags pa dang / sangs rgyas kyi zhing thams cad du sangs rgyas 'byung ba rgyun mi 'chad par bgyi ba'i slad du/ sangs rgyas bcom ldan 'das rnams kyis pha rol tu phyin pa'i yan lag thams cad shin tu yongs su sbyangs pa/ phyir mi ldog pa stobs bcus zil gyis mi non pa/ 'khor ba'i 'khor lo rab tu 'joms pa/ lta bar gyur pa dang / nyon mongs pa thams cad rab tu 'jig pa/ so so yang dag par rig pa bzhi rjes su bsgrags pa/ shin tu rnam par phye ba'i sgra dang ldan pa/ 'phags pa'i bden pa bzhi'i tshul nges par brtags pa'i chos kyi 'khor lo chen po bskor bar gsol/ / snying rje chen po'i stobs la lhag par dmyigs par bgyi ba dang / rang gi byang chub sems dpa'i spyod pa rgyun mi gcad par bgyi ba dang / byang chub sems dpa'i lam thams cad yongs su sbyang ba'i slad du/ byang chub sems dpa' thams cad la yang bdag bskul lo// snying rje chen po'i stobs la lhag par dmigs par bgyi ba'i slad du/ nyan thos dang / rang sangs rgyas thams cad la yang bdag bskul lo// mi dge ba'i chos thams cad rnam par bzlog pa dang dge ba'i chos thams cad yongs su rdzogs par bgyi ba'i slad du/ sems can thams cad la yang bdag bskul lo// gong du yang byang chub sems dpa' bskul ba'i phung po dang ldan
- 203a
rnams kyis/ ji ltar sangs rgyas bcom ldan 'das rnams kyis sangs rgyas kyi mkhyen pa chags pa mi mnga' zhing sgrib pa mi mnga' bas mkhyen cing rab tu mkhyen pa de/ lta bus/ sangs rgyas thams cad dang / byang chub sems dpa' thams cad dang / nyan thos dang / rang sangs rgyas thams cad dang / sems can thams cad la bskul bar bgyi ba de bzhin du/ bdag kyang bskul ba'i mchog dang / gtso bo dang dam pa dang / khyad par du 'phags pa dang / rab dang / phul dang / gya nom pa dang / bla ma dang bla na ma mchis pa dang / gong na ma mchis pa dang / mnyam pa ma mchis pa dang / mi mnyam pa dang mnyam pa dang / mtshungs pa ma mchis pa dang / snang ba ma mchis pa dang / bdag nyid chen po dang zil gyis mi non pa dang / yon tan gyi chos thams cad sdud pa dang / yang dag par rdzogs pa'i sangs rgyas kyis bka' stsal pa'i bskul pas bskul lo// ji ltar bdag gi don du bskul ba de bzhin du/ 'jig rten gyi khams rab 'byams ma lus pa thams cad na/ sems can ji tsam sems can gyi ris na mchis pa/ sems can gyi khams de dag thams cad kyi ched du yang bskul lo/ / gong du yang de bzhin gshegs pa thams cad la bdag mngon par gsol pa/ da lta phyogs bcu'i 'jig rten gyi khams phyogs bcu'i mu thug yongs su rje
- 203b
bar 'jug pa/ 'jig rten gyi khams thams cad gzhi phyal ba'i rjes su 'gro zhing 'jug pa/ steng 'og med pa'i rgyud kyi phyogs yongs su rjed par bshad pa/ tshol ba'i rgyud kyi 'jig rten gyi khams mngon par bsgrub pa/ rnam par dbye ba'i mig 'phrul lta bu/ chos kyi dbyings su gtogs pa'i 'jig rten gyi khams rab 'byams thams cad na/ sangs rgyas bcom ldan 'das gang dag kha cig chos kyi 'khor lo shin tu bskor ba/ gdul ba dag shin tu btul ba/ zam pa dag shin tu brtags pa/ bstan pa dag shin tu byin gyis brlabs pa/ byang chub sems dpa' ngag shin tu lung bstan pa sangs rgyas kyi mdzad pa dag shin tu mdzad pa/ phas kyi rgol ba'i phyogs thams cad shin tu tshar gcad pa rjes su bstan pa'i rnams shin tu 'phags pa/ zhing thams cad du bsgrags pa 'gro ba thams cad kyis bsams pa ji bzhin du rnam par dag pa'i gnas rnams zhing de dang de dag dang / 'jig rten gyi khams rab 'byams de dang de dag dang / sems can gyi rigs de dang de dag na sems can rab 'byams ma gus par gyur pa/ dbang po yongs su skyo ba/ snod du ma gyur pa/ de bzhin gsheg pa la lta ba'i rgyun gcad pa/ rtag tu chags pa/ yul la mngon par dga' ba/ 'dus byas kyi sgrib pas zin pa/ 'dod pa'i yon tan lnga la sred pa'i dbang du mchis pa de dang de dag
- 204a
la yul thams cad la bdag med par yang dag par ston cing / sems can 'khor ba la mngon par dga' ba rnams yid 'byung ba skyed pa'i ched dang / 'du byed/ thams cad mi brtag par rab tu bstan pa'i ched du/ 'byor pa thams cad mthar chung pa'i sgor yang dag par ston la/ sangs rgyas yongs su mya ngan las 'das pa chen po zhi bar yang dag par bstan pa'i ched du/ srog gi dbang po thams cad mthar 'chi bar yang dag par ston cing / de bzhin gshegs pa 'phos te shin tu bral nas/ 'jig rten du mi dga' ba chen po ston la/ lha dang mi dang lha ma yin du bcas pa'i 'jig rten gyi mdun du yongs su mya ngan las 'das pa chen po ston te/ lha'i dbang po thams cad du ba dang / klu'i dbang po thams cad mya ngan bgyid pa dang / gnod sbyin gyi dbang po thams cad smre sngags 'don pa dang / 'gro ba'i dbang po thams cad rab tu mi dga' ba'i yongs su mya ngan las 'das pa chen po/ lha dang mi dang lha ma yin du bcas pa'i 'jig rten gyi mdun du ston pa na/ bdag gis bla mar la ri mo gus pa chen pos lus btud pa bgyis nas/ sangs rgyas bcom ldan 'das de dag la sku tshe bsring ba dang / ring du bzhugs par gsol gyis/ sangs rgyas bcom ldan 'das rnams 'gro ba thams cad sdug bsngal gyi phung po las bzlog pa dang / sems can thams
- 204b
cad rab tu bde ba la dgod pa dang / sems can thams cad kyi dbul po'i lam rnam par gcad pa dang / sems can thams cad 'khor ba'i 'brog dgon pa chen po las bsgral ba dang 'gro ba thams cad sangs rgyas kyi yul bsgrib pa ma mchis pa la dgod pa dang / dbul po'i lam thams cad gcad pa dang / 'gro ba thams cad chos dkon mchog gis tshim par bgyi ba dang / 'jig rten gyi khams thams cad yongs su sbyang ba dang / 'gro ba thams cad gdul ba mthar gtug pa dang / byang chub sems dpa' thams cad yongs su bzung ba'i slad du/ bskal pa chos kyi dbyings kyis klas pa/ na mo mkha'i khams kyis mthas gtugs par bzhugs su gsol/ sangs rgyas bcom ldan 'das de dag la bdag mngon par gsol ba'i mchog gis mngon par gsol lo/ / gtso bo dang / dam pa dang / khyad par du 'phags pa dang / rab dang phul dang / gya nom pa dang / bla ma dang / bla na ma mchis pa dang / gong nA ma mchis pa dang / mnyam pa ma mchis pa dang / mi mnyam pa mnyam pa dang / mtshungs pa ma mchis pa dang / snang ba ma mchis pa dang / bdag nyid chen po dang / zil gyis mi non pa dang / yon tan gyi chos thams cad sdud pa dang / yang dag par rdzogs pa'i sangs rgyas kyis bka' stsal pa'i mngon par gsol bas gsol lo//
- 205a
gong du yang sangs rgyas bcom ldan 'das dag gis/ ji ltar sangs rgyas kyi mkhyen pa chags pa mi mnga' zhing / sgrib pa mi mnga' bas mkhyen cing rab tu mkhyen pa de lta bus/ byang chub sems dpa' rnams kyis gus pa de lta bu dang / lus 'dud pa de lta bu dang / ngag gis las 'byung ba de lta bu dang / yid kyi las bsgrub pa de lta bus sangs rgyas bcom ldan 'das mya ngan las 'da' bar phyogs par dgongs pa la phyi ma'i mthar thug pa'i bskal par sku tshe yongs su bskyang bar mngon par gsol bar bgyi ba de bzhin du/ bdag kyang gsol lo/ / ji ltar bdag gi don du gsol ba de bzhin du/ 'jig rten gyi khams rab 'byams ma lus pa thams cad na sems can gyi ris na mchis pa/ sems can gyi khams thams cad kyi ched du yang mngon par gsol lo/ / bdag de ltar de bzhin gshegs pa la mngon par gsol ba'i dge ba'i rtsa ba'i stobs bskyed pa thob par gyur bsam pa dang lhag pa'i bsam pa'i stobs kyis brtan par gyur/ dad pa dang mos pa'i stobs la shin tu gnas par gyur nas/ lhag pa'i bsam pa'i snod yongs par yang dag par bskyed de/ dge ba'i rtsa ba rab 'byams thams cad yang dag par bzung ngo // byang chub sems dpa'i dkyil 'khor thams cad na/ 'das pa dang / ma 'ongs pa dang / da ltar
- 205b
mang par rab tu brtson pa/ byang chub sems dpa' chen byung ba'i byang chub sems dpa' thams cad mkhyen pa nyid sgrib pa ma mchis pa la brtson pa/ chos kyi dbyings kyi dkyil 'khor rnam par dag par rjes su dran pa/ 'gro ba thams cad yongs su skyob pa'i sems dang ldan pa/ dge ba'i rtsa ba'i tshogs chen po rtsol bas rtsol ba/ go cha chen po bgos pa/ smon lam chen po mngon par 'grub pa/ dge ba rtsom ba rgya che ba chen po la rab tu brtson pa/ pha rol tu phyin pa chen po'i dkyil 'khor du rab tu sbyor ba/ yon tan gyis thams cad rnam par sbyong bar 'tshal ba/ mtha' dang dpung ma mchis pa'i sa la gnas par 'tshal ba/ 'gro ba thams cad kyis yongs su rdzogs par 'tshal ba/ sems kyi 'khri shing rnam par sbyong bar 'tshal ba/ chos kyi sgo nye bar stobs par 'tshal ba/ dge ba'i rtsa ba chen po'i shugs rnam par spel bar 'tshal ba'i byang chub sems dpa' thams cad kyis 'di lto ste/ sems can thams cad stobs bcu rnam par dag pa'i mthar gtugs pa dang / sangs rgyas thams cad la mchod pa dang / rim gro bgyi ba'i slad du/ thams cad mkhyen pa nyid la/ dge ba'i rtsa ba ji snyed cig/ skyed pa dang / skyed par 'gyur pa dang / bskyed pa de dag dang / byang chub sems dpa' thams cad kyi dge ba'i rtsa ba gcig pa la btang ba rnams dang / yang dge ba'i rtsa ba
- 206a
gang dag byang chub sems dpa'i sa nas sar 'bar ba'i mod pa las skyes pa rnams dang / dge ba'i rtsa ba byang chub sems dpa' kun tu bzang po'i spyod pa'i// smon lam yongs su rdzogs pa las byung ba rnams dang / byang chub sems dpa'i sa 'phrul pa dang ldan pa la zhugs pa/ chos thams cad kyi don mthong ba rjes su thob pa/ chags pa ma mchis pa'i ye shes kyis sa'i snying po rdo rje lhur srab mi shes pa'i sems bskyed pa rnams kyi dge ba'i rtsa ba'i tshogs kun tu nas sgo/ de bzhin gshegs pa thams cad mngon sum du gyur pa/ las kyi shugs kun nas ngos ye shes 'phags pa zhes dgyi bas bskyed pa/ sems kyi skad cig sems kyi skad cig la yang de bzhin gshegs pa la mchod pa dang rim gro bgyid par 'jug ste/ de dag 'jug pa dang / dge ba'i rtsa ba'i rgyu mthun pas/ thams cad mkhyen pa nyid kyi tshad med pa'i rkyen rnams kyis/ sems kyi skad cig sems kyi skad cig la sems can gyi khams thams cad la mngon par 'gebs shing / ci tsam du thabs kyi tshul brjod pa la 'jug/ dpag tu ma mchis pa dag gis byang chub sems dpa' thams cad dang / mnyam pa nyid kyang yang dag par 'grub ste/ byang chub sems dpa' thams cad de dag thams cad dge ba'i rtsa ba'i shugs de dag thams cad rgyu mi 'chad par gtong ba de tsam du
- 206b
bdag gis lhag pa'i bsam pa'i snod la mos pa'i lam shin tu rnam par dag pa yang dag par bskyed nas/ dge ba'i rtsa ba'i shugs de dag thams cad yang dag par mnod do// yang dag par gzung ngo // bdag gir bgyi'o// blong ngo // lhag par mos so// kun gyi rjes su zhugs par bgyi'o// bdag gir bgyi ba mchog dang / gtso bo dang dam pa dang / khyad par du 'phags pa dang / rab dang phul dang / gya nom dang / bla ma dang / bla nA ma mchis pa dang / mnyam pa ma mchis pa dang / mi mnyam pa dang mnyam pa dang / mtshungs pa ma mchis pa dang / snang ba ma mchis pa dang / bdag nyid chen po dang / zil gyis mi non pa dang / yon tan gyi chos thams cad sdud pa dang / yang dag par rdzogs pa'i sangs rgyas kyis bka' stsal pa'i bdag gir bgyi bas bdag gir bgyi'o// gong du yang byang chub sems dpa' bsod nams kyi tshogs yang dag par len par 'tshal/ yon tan gyi tshogs sgrub par 'tshal ba/ sgrib pa ma mchis pa'i yul la 'jug par 'tshal ba/ chags pa ma mchis pa'i mtha' la gnas par 'tshal ba/ dus gsum thams cad du 'jug par 'tshal ba rnams kyi ji ltar sangs rgyas bcom ldan 'das bdag gis mkhyen cing rab tu mkhyen pa de lta bus/ dge ba'i rtsa ba thams cad
- 207a
bdag gir bgyi ba de bzhin du/ bdag gis kyang bdag gir bgyi'o// bdag gir bgyi ba mchog dang dam pa deng khyad par du 'phags pa dang / dpe ma mchis/ pa dang / snang ba ma mchis pa dang / mnyam pa ma mchis pa dang / 'dra ba ma mchis pa dang / mi 'dra ba rnam par dag pa dang / rtog pa pa dang / tshig gi lam dang / bsngags pa bstan pa mtha' yas pa thams cad kyis bdag gir bgyi bas bdag gir bgyi'o/ / ji ltar bdag gi don du bdag gir bgyi ba de bzhin du 'jig rten gyi khams rab 'byams ma lus pa thams cad na/ sems can ji tsam sems can gyi ris na mchis pa sems can gyi khams de dag thams cad kyi ched du yang bdag gir bgyi'o// bdag mos pa dang ldan pa'i dge ba'i rtsa ba gang lags pa dang / sangs rgyas thams cad la phyag 'tshal ba dang ldan pa'i dge ba'i rtsa ba gang lags pa dang / de bzhin gshegs pa thams cad la lhag par mchod pa dang ldan pa'i dge ba'i rtsa ba gang lags pa dang / mos pa'i stobs las nges par 'byung ba'i mchod pa dang ldan pa'i dge ba'i rtsa ba gang lags pa dang / sgrib par 'gyur ba thams cad bsel ba'i dge ba'i rtsa ba gang lags pa dang / rjes su yi rang ba dang ldan pa'i dge ba'i rtsa ba gang lags pa dang / sangs rgyas thams cad la bskul ba dang ldan pa'i dge ba'i rtsa ba gang lags pa
- 207b
dang / de bzhin gshegs pa thams cad la mngon par gsol pa dang ldan pa'i dge ba'i rtsa ba gang lags pa dang / bdag gir dge ba'i rtsa ba rab 'byams thams cad sangs rgyas dang byang chub sems dpa' thams cad la shin tu phrul nas bdag gir bgyi ba dang ldan pa'i dge ba'i rtsa ba gang lags pa dang / bdag gi dge ba'i rtsa ba thog ma dang po ma mchis pa'i tshe rabs nas bgyis pa/ thams cad mkhyen par yongs su ma bsngos pa gang lags pa dang / bdag gi dge ba'i rtsa ba 'dus byas kyis yo byad 'tshal bas mngon par bsgrubs pa gang lags pa dang / nyan thos dang / rang sangs rgyas kyis mngon par bsgrubs pa'i dge ba'i rtsa ba gang lags pa dang / bdag gis dge ba'i rtsa ba las kyi mngon par bsgrubs pa dus thams cad du bsags pa/ de bzhin gshegs pa'i ye shes kyis mkhyen pa gang lags pa de dag thams cad yongs su bsdus pa'o// bzlum mo// bsdu bar bgyi'o// gong du yang byang chub sems dpa' sangs rgyas thams cad la mchod par 'tshal ba/ de bzhin gshegs pa thams cad kyi bstan pa yang dag par 'dzin par 'tshal ba rnams kyis/ ji ltar sangs rgyas bcom ldan 'das dag gis mkhyen cing rab tu mkhyen pa de lta bus/ dge ba'i rtsa ba thams cad yongs su bsdu bar bgyi ba de bzhin du/ bdag gis kyang yongs su bsdu'o// bsdus nas
- 208a
'di lta ste/ 'das pa'i sangs rgyas bcom ldan 'das rnams la mchod pa'i las dang / mtshan rgyas par bgyi bdang / ma byon pa'i sangs rgyas bcom ldan/ 'das rnams kyis byang chub sems dpa' kun tu bzang po'i smon lam yongs su rdzogs par bgyi ba dang / stobs bcu dang / byang chub kyi phyogs myur du khong du ma chung par bgyi ba'i slad du/ sems can thams cad la stsal to// gtang ngo // yongs su gtang ngo // rnam par gtang ngo // nges par btang ngo // nyan thos dang / rang sangs rgyas thams cad la dbul lo/ / btang ngo // yongs su gtang ngo // rnam par gtang ngo // nges par gtang ngo // byang chub sems dpa' thams cad la dbul lo// btang ngo // yongs su gtang ngo / / rnam par gtang ngo // nges par gtang ngo // de bzhin gshegs pa re re la mchod pa'i las kyis slad du/ da ltar 'byung ba'i sangs rgyas bcom ldan 'das thams c ad mkhyen pa byang chub kyi yan lag tu gyur pa rnams kyi 'khor gyi dkyil 'khor chos kyis dbyings kyi tshad tsam rnams su mchod pa bkod pa thams cad kyis rgyan gyi chos kyi dbyings kun tu gnas par 'gyur cig/ rin po che thams cad kyis khobs pa'i chos kyis dbyings kun tu gnas par gyur cig/ me tog thams cad kyis bla res bres pa'i rgyan gyi chos kyis dbyings kun
- 208b
tu gnas par gyur cig/ rin po che thams cad kyis rgyal mtshan bsgreng ba'i chos kyi dbyings kun tu gnas par gyur cig/ rin po che thams cad kyis dra ba bres pa'i rgyun gyi chos kyi dbyings/ kun tu gnas par gyur cig/ rin po che thams cad kyi na bzas g.yogs pa'i rgyan gyi chos kyi dbyings kun tu gnas par gyur cig/ gzhal du ma mchis pa'i dgos kyi sprin gyi char dang / rin po che thams cad kyis sangs rgyas la mchod pa bkod pa'i rgyan gyis chos kyi dbyings kun tu gnas par gyur cig/ snying po'i spros thams cad kyis gdugs pa'i rgyan gyis chos kyi dbyings kun tu gnas par gyur cig/ rgyan gyi dmigs pa thams cad la chags pa las grol ba/ sil snyan 'khrol ba dang ldan pa'i dbyangs kyi rgyan gyi chos kyi dbyings kun tu gnas par gyur cig/ rin po che thams cad kyi pad+ma bkrams pa'i rgyan gyi chos kyi dbyings kun tu gnas par gyur cig/ thams cad kyis rjes su sgrub pa'i sprin gyi rgyan gyi chos kyi dbying kun tu gnas par gyur cig/ rin po che thams cad kyi sprin snang ba rab tu 'gyed pa'i rgyan gyi chos kyi dbyings kun tu gnas par gyur cig/ lha'i thams cad las shin tu 'das pa/ rin po che'i cod pan sna tshogs kyi sprin gyi rgyan gyi chos kyi dbyings kun tu gnas par gyur cig/ de ltar dge ba'i rtsa ba 'dis ji ltar byang chub sems dpa' kun tu bzang po rnams de bzhin
- 209a
gshegs pa'i 'khor gyi dkyil 'khor du mchod pa thams cad dang ldan pas 'jug pa de bzhin du/ bdag kyang dge ba'i rtsa ba 'dis de bzhin gshegs pa thams cad kyi 'khor gyi dkyil 'khor du/ de ltar dpag tu ma mchis pa'i mchod pa phyi ma'i mtha'i mur thug par byin gyis rlob pa la 'jug par gyur cig/ gong du yang ji ltar sangs rgyas bcom ldan 'das ngag gis mkhyen cing rab tu mkhyen pa de lta bus/ byang chub sems dpa' rnams kyi dge ba'i rtsa ba thams cad sems can thams cad dang / nyan thos dang / rang sangs rgyas thams cad dang / byang chub sems dpa' thams cad dang / de bzhin gshegs pa thams cad la gdon par bgyi ba dang / gsol bar bgyi ba dang / dbul bar bgyi ba de bzhin du/ bdag kyang dge ba'i rtsa ba thams cad sems can thams cad dang / nyan thos dang rang sangs rgyas thams cad dang / byang chub sems dpa' thams cad dang / de bzhin gshegs pa thams cad la gsol lo/ / yongs su gtong ngo // gdon to// dbul lo// bdag gis sems can thams cad dang / nyan thos dang / rang sangs rgyas thams cad dang / byang chub sems dpa' thams cad dang / sangs rgyas bcom ldan 'das thams cad la dge ba'i rtsa ba thams cad phul nas/ bsod nams kyi phung po yongs
- 209b
su bsdus pa/ bsod nams kyi phung po dpag tu ma mchis shing bsam gyi mi khyab pa/ de bzhin gshegs pa'i ye shes kyis mkhyen pa gang lags pa des bdag gtan par gyur nas// bdag bla na med pa yang dag par rdzogs pa'i byang chub tu sems bskyed par bgyi'o// ji ltar bcom ldan 'das de bzhin gshegs pa mar me mdzad kyis/ bcom ldan 'das de bzhin gshegs pa zla 'od la mchod pa'i dam pas mchod nas/ dang po byang chub tu thugs bskyed pa de bzhin du/ bdag kyang byang chub tu sems bskyed par bgyi'o// ji ltar bcom ldan 'das de bzhin gshegs pa shAkya thub pa tshong dpon gyi bu mngon dgar gyur pa na/ bcom ldan 'das de bzhin gshegs pa mdzes chen la brten te dang po byang chub tu thugs bskyed pa de bzhin du/ bdag kyang byang chub tu sems bskyed par bgyi'o// ji ltar bcom ldan 'das de bzhin gshegs pa tshe dpag med dge slong chos kyi 'byung gnas su gyur pa na/ bcom ldan 'das de bzhin gshegs pa 'jig rten dbang phyug rgyal po la tshogs su bcad pa'i dbyangs kyis mngon par bstod nas/ byang chub tu thugs bskyed pa de bzhin du/ bdag kyang byang chub tu sems bskyed par bgyi'o/ / ji ltar bcom ldan 'das de bzhin gshegs pa mi khrug pas/ sems thog pa ma mchis pa dang / sems mi khrug pa dang
- 210a
tshe rab thams cad du rab tu 'byung ba dang / mngon par 'byung ba'i sems kyis seng ge'i sgra mngon par bsgrags te/ de bzhin gshegs pa spyan rab tu dang ba las/ byang chub tu thugs bskyed pa de bzhin du/ bdag kyang sems bskyed par bgyi'o// ji ltar bcom ldan 'das de bzhin gshegs pa dpal bzang pos/ bcom ldan 'das de bzhin gshegs pa rgya mtsho'i dpal la dge ba'i rtsa ba rnam pa mang po bskyed nas/ byang chub tu thugs bskyed pa de bzhin du/ bdag kyang sems bskyed par bgyi'o// ji ltar byang chub sems dpa' byams pa rgyal po gser mdog lta bur gyur pa na/ bcom ldan 'das de bzhin gshegs pa gser gyi mchod sdong gi 'od la bkod pa du mas mchod pa dang / rim gro bgyis nas/ byang chub tu sems bskyed pa de bzhin du/ bdag kyang sems bskyed par bgyi'o// ji ltar byang chub sems dpa' blo gros rgya mtsho yul shin tu rnam par dag pa'i 'khor los sgyur ba'i rgyal por gyur pa na/ de bzhin gshegs pa yon tan gyi 'od zer motha' yas la bkur bsti bgyis nas/ byang chub tu sems bskyed pa de bzhin du/ bdag kyang sems bskyed par bgyi'o/ / ji ltar byang chub sems dpa' nam mkha' mdzod lhas dbang bskur te/ stong gsum gyi 'khor los sgyur ba'i rgyal por gyur pa na/ de bzhin gshegs pa smon lam
- 210b
/ thams cad las yang dag par byung ba/ rin po che'i gzi brjid mngon par 'phags pa'i rgyal po la gdugs gcig bzhin du/ rin po che'i phung po ri rab tsam pas mchod pa bgyis te bar gyi bskal pa bzhi bcur mchod pa dang / rim gro bgyis nas/ byang chub tu sems bskyed pa de bzhin du bdag kyang sems bskyed par bgyi'o// ji ltar 'jam dpal gzhon nur gyur pa 'khor los sgyur ba'i rgyal por gyur pa na/ bcom ldan 'das de bzhin gshegs pa sgra dbyangs bsgrags pa'i rgyal po la mchod pa dang / rim gro rnam pa du ma bgyis nas byang chub tu sems bskyed pa de bzhin du bdag kyang sems bskyed par bgyi'o/ / ji ltar byang chub sems dpa' kun tu bzang pos bcom ldan 'das de bzhin gshegs pa ye shes rdo rje rgya mtsho rgyal po la sti stang bgyi nas/ byang chub tu sems bskyed pa de bzhin du/ bdag kyang sems bskyed par bgyi'o// mchog dam pa nga rgyal zhing / sems ma lags pa'i sems dang / 'gro ba thams cad yongs su bskyab pa'i sems dang / byang chub kyi sems des khyad par ma gyur pa'i chos kyis dbyings de gang yang ma mchis so// byang chub tu sems bskyed pa'i dge ba'i rtsa ba'i tshogs des dus gsum du ma khyab pa cung zad kyang ma mchis so/ / sangs rgyas thams cad mnyes par bgyid pa'i sems dang / byang chub sems dpa'i dkyil 'khor thams cad rab tu dga' bar bgyid pa'i sems
- 211a
dang nyan thos dang / rang sangs rgyas thams cad rjes su yi rang ba'i sems dang / sems bskyed pa des yongs su zin par ma gyur pa'i sems de dag gang yang ma mchis/ so// mchod par ma gyur pa'i de bzhin gshegs pa de gang yang ma bzhugs so// gang du sems bskyed de/ bskyed ma thags pa'i bsod nams kyi phung po ni rab tu mang gi/ sems can thams cad 'khor los sgyur ba dang / 'jig rten skyong ba dang / brgya byin dang / tshangs pa dang / nyan thos dang / rang sangs rgyas su gyur pa rnams kyi bsod nams kyi phung po ni de tsam ma lags so// bdag gi bsod nams kyi phung po byang chub tu sems bskyed pa dang ldan pa gang lags pa dang / sems can thams cad la stsal pa gang lags pa dang / nyan thos dang / rang sangs rgyas thams cad la phul ba gang lags pa dang / byang chub sems dpa' thams cad la phul ba gang lags pa dang / sangs rgyas thams cad la dge ba'i rtsa ba thams cad phul ba'i bsod nams kyi phung po yongs su bzung ba gang lags pa dang / gang ye shes dang / mos pa mngon par bsgrubs pa rnams kyi mos pa dang ldan pa'i dge ba'i rtsa ba'i gang lags pa dang / sangs rgyas thams cad la phyag 'tshal ba dang / ldan pa'i dge ba'i rtsa ba gang lags pa dang / de bzhin gshegs pa thams cad la lhag par mchod pa dang ldan pa'i dge ba'i rtsa ba gang lags pa
- 211b
dang mos pa'i stobs las byung ba'i mchod pa dang ldan pa'i dge ba'i rtsa ba gang lags pa dang / sgrib par 'gyur ba thams cad sel ba'i dge ba'i rtsa ba gang lags pa dang / rjes su yi/ rang ba dang ldan pa'i dge ba'i rtsa ba gang lags pa dang / sangs rgyas thams cad la bskul ba dang ldan pa'i dge ba'i rtsa ba gang lags pa dang / de bzhin gshegs pa thams cad la bos te/ bdag gir bgyi ba dang ldan pa gang lags pa dang / bdag gi dge ba'i rtsa ba'i thog ma dang po ma mchis pa'i tshe rabs nas bgyis pa thams cad mkhyen par yongs su ma bsngos pa gang lags pa dang bdag gi dge ba'i rtsa ba 'dus byas kyi yo byad 'tshal bas mngon par bsgrubs pa gang lags pa dang / bdag gi dge ba'i rtsa ba nyan thos dang rang sangs rgyas kyi sa'i slad du mngon par bsgrubs par gang lags pa dang / bdag gi dge ba'i rtsa ba las kyis bsgrubs pa mngon gyi dus nas bsags pa de bzhin gshegs pa'i ye shes kyis mkhyen pa gang lags pa de dag thams cad yongs su bsdu'o/ / yongs su bsdus nas bla na med pa yang dag par rdzogs pa'i byang chub tu yongs su bsngo'o// bdag gi dge ba'i rtsa ba 'di dag gis sangs rgyas thams cad mnyes/ par bgyid cing dgyes par bgyid par gyur cig/ sangs rgyas kyi zhing thams cad yongs su sbyong bar gyur cig/ sems can thams cad yongs su smin par bgyid par gyur cig
- 212a
dge ba'i gshes gnyen thams cad dang chos smra ba thams cad mgu bar bgyid cing dga' bar bgyid par gyur cig/ de bzhin gshegs pa thams cad kyis bstan pa yang dag par 'dzin cing srung ba dang / yongs su skyong gyur cig/ sgrib pa'i ling tog thams cad rnam par sbyong bar gyur cig/ bdud kyi rtsod pa'i dmag tshogs thams cad rab tu 'dul bar gyur cig/ sangs rgyas kyi chos thams cad mngon par rdzogs par byang chub par gyur cig/ ting nge 'dzin thams cad dang / dbang thams cad thob pa dang / mngon par shes pa thams cad kyis rnam par brtse ba dang / rnam par thar pa thams cad kyis rnam par 'phrul bar gyur cig/ ci nas kyang 'khor ba ni mi 'bral zhing / tshe rabs gzhan du rjes pa na chab 'tshal bar mi 'gyur pa dang / byang chub sems dpa' spyod pa pha rol tu phyin pa bskyud par mi 'gyur ba dang / byis pa so so'i skye bo dang 'dre bar 'grib pa'i cha dang mthun par mi 'gyur ba de lta bur/ bdag gi dge ba'i rtsa ba de dag yongs su bsngo'o// ci nas byang chub sems dpa' de dag sangs rgyas kyi zhing 'di nas sangs rgyas mngon sum du bzhugs pa'i 'jig rten gyi khams gzhan du sangs rgyas de dag la mchod pa bkod pa'i brgyan gyis brgyan par bgyid du mchis pa dang / sangs rgyas la mchod pa bkod pa'i rgyan de'i tha
- 212b
ma'i sems bskyed pa thob pa yongs su rdzogs par dge ba'i rtsa bde dag yongs su bsngo'o/ / 'chi ba'i dus kyi tshe na yang sangs rgyas bcom ldan 'das de dag gis phyag g.yas pa gser gyi kha dog can brkyang ste/ bdag gi spyi bor 'jog par gyur cig/ ci nas bdag dngos po thams cad la mi blta ba bkod pa rgyun thogs ma mchis pa/ shes rab kyi pha rol tu phyin pa yongs su bsgos pa'i sems dang / tshor ba thams cad rgyun chad pa'i sems kyis 'chis pa'i dus bgyid par gyur cig/ dad pa grangs ma mchis pa dang / rim mo gus par bgyi ba grangs ma mchis pa dang / dga' ba dang dad pa grangs ma mchis pas/ sangs rgyas bcom ldan 'das de dag la lta zhing rtog la/ kun tu smra bzhin du 'chi ba'i dus bgyid par gyur cig/ mchod pa yid du 'ong bas de bzhin gshegs pa de dag la mchod cing / me tog dang / spos dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan dpag tu ma mchis pa dag gis/ de bzhin gshegs pa de dag la mchod cing lta la rtog bzhin du 'chi ba'i dus bgyid par gyur cig bdag gis dge ba'i rtsa ba 'dis 'jig rten gyi khams thams cad na/ sems can dmyal ba thams cad rgyun chad par gyur cig/ dud 'gro'i skye gnas dang / gshin rje 'jig rten thams
- 213a
cad rgyun chad par gyur cig/ lha mo thams cad dang / mi dbul po thams cad dang / ser sna thams cad 'chal ba'i tshul khrims thams cad dang / gnod sbyin sems can thams cad dang / le lo thams cad dang / rnam par g.yeng ba thams cad dang / 'chal ba'i shes rab thams cad rgyun chad par gyur cig/ byang chub tu sems dpa' dang sangs rgyas la lta ba dang / dam pa'i chos mnyan pa dang / dge ba'i gshes mnyen dang 'grogs pa dang mi 'bral bar gyur cig/ dge ba'i rtsa ba 'dis bdag sangs rgyas bcom ldan 'das thams cad dang lus mnyam par gyur cig/ ngag mnyam pa dang / sems mnyam pa dang / ye shes mnyam par gyur cig/ ji ltar gong du yang sangs rgyas bcom ldan 'das bdag gi ji ltar sangs rgyas kyi mkhyen pa chags pa mi mnga' zhing sgrib pa mi mnga' bas mkhyen cing rab tu mkhyen pa de lta bus/ byang chub sems dpa' rnams kyis dge ba'i rtsa ba thams cad bla na med pa yang dag par rdzogs pa'i byang chub tu yongs su bsngo bar bgyi ba de bzhin du/ bdag gis kyang dge ba'i rtsa ba thams cad bla na med pa yang dag par rdzogs pa'i byang chub tu yongs su bsngo ba'i mchog gis yongs su bsngos so/ / gtso bo dang / dam pa dang / khyad par du 'phags pa dang / rab dang / phul dang / bla na ma mchis pa
- 213b
dang / gong nas ma mchis pa dang / mnyam pa ma mchis pa dang / mi mnyam pa dang mnyam pa dang / mtshungs pa ma mchis pa dang / snang ba ma mchis pa dang / bdag nyid chen/ bopo dang / bla ma dang zil gyis mi non pa dang / yon tan gyi chos thams cad bsdud pa dang / yang dag par rdzogs pa'i sangs rgyas kyis bka' stsal pa'i yongs su bsngo bas yongs su bsngo'o/ / ji ltar bdag gis don du yongs su bsngos pa de bzhin du 'jig rten gyi khams rab 'byams ma lus pa thams cad na/ sems can ji tsam sems can gyi ris na mchis pa sems can gyis khams de dag thams cad kyi ched du yang yongs su bsngo'o/ / dge ba'i rtsa ba 'di las su bdag shas kyis 'dzin par 'dod pa de dag gis kyang rjes su yi rang ngo // / zhes brjod par bya'o// de nas byang chub sems dpa' sems dpa' chen po chos thams cad la dam 'cha' bar gnas pas 'jam dpal gzhon nur gyur pa la 'di skad ces smras so/ / 'jam dpal ji ltar na/ byang chub sems dpa' chags pa kha na ma tho ba med pa yin/ rjes su yi rang ba kha na ma tho ba med pa dang / bskul ba kha na ma tho ba med pa dang gsol ba 'debs pa kha na ma tho ba med pa dang / yongs su bsngo ba kha na ma tho ba med pa yin/ de skad ces smras pa dang / 'jam dpal gzhon nur gyur pas/ byang chub sems
- 214a
dpa' chos thams cad la 'cha' bar gnas pa la 'di skad ces smras so/ / rigs kyi bu 'di la byang chub sems dpa' sems dpa' chen po dag 'das pa dang / ma byon pa da ltar byung ba'i sangs rgyas bcom ldan 'das rnams kyi chos mnyam pa nyid la 'jug cing / des yan lag lnga sa la gtug par bya ste/ des pus mo g.yas pa'i lha nga sa la 'dzugs pa na/ tshig 'di skad ces sems can thams cad g.yas phyogs kyi lam la gnas par gyur cig/ ces brjod par bya'o// des pus mo g.yon pa'i lha nga sa la 'dzugs pa na/ tshig 'di skad ces sems can gang su dag g.yon phyogs kyi lam la gnas pa de dag thams cad 'phags pa'i lam la gnas shing / yang dag pa'i lam la gnas par gyur cig ces brjod par bya'o/ / des lag pa g.yas pas la 'dzugs pa na/ tshig 'di skad ces ji ltar de bzhin gshegs pa byang chub kyi snying po mchog dam pa la bzhugs pa/ dge ba'i chos thams cad dang ldan pas/ dbu dang sku dang / skyil mo dkrung la yongs su dbyugs te/ phyag g.yas pa sa la bsnun nas/ bdud dpung dang bcas pa btul te/ byang chub brnyes pa de bzhin du/ sems can 'di dag gis kyang bdud phyi rgol ba chom par gyur cig/ byang chub kyi snying po la 'dug cings chen po la bsnun nas/ sangs rgyas kyi ye shes thob
- 214b
par gyur cig ces brjod par bya'o/ / des lag pa g.yon pa sa la 'dzugs pa na/ tshig 'di skad ces sems can gang su dag byis pa'i chos la gnas te/ g.yon phyogs su 'dzin pa gdul dka' ba de dag thams cad bsdud pa'i dngos po bzhis shin tu sdud par gyur cig ces brjod par bya'o/ / des gdong dang da bral ba sa la gtug pa na/ tshig 'di skad ces sems can thams cad nga rgyal ma mchis pa 'dis bla na med pa rnams la rim gro bgyid pa snyed cing / spyi gtsug bltar mi mthong ba dang / dge ba'i chos thams cad 'phags par gyur cig/ de ltar bdag yan lag lngas phyag 'tshal ba 'dis/ sems can thams cad kyi sgrib pa lnga rnam par sel bar gyur cig/ dbang po lnga yongs su rdzogs par gyur cig/ 'dod pa'i yon tan lnga yongs su shes par gyur cig/ mngon par shes pa nyams pa med pa lnga thob par gyur cig/ mig lnga yongs su dag par gyur cig/ sems can 'gro ba lngar skyes pa rnams 'gro ba lnga las khyad par du 'phags par gyur cig/ tshul khrims khyad par du 'phags pa dang / ting nge 'dzin khyad par du 'phags pa dang / shes rab khyad par du 'phags pa dang / rnam par grol ba khyad par du 'phags pa dang / rnam par grol ba'i ye shes mthong ba khyad par 'phags par gyur cig/ ces brjod par
- 215a
bya'o/ / des yan lag lnga yongs su dag pa dang / sgribs pa lnga dang bral ba dang / stobs lnga la gnas pa dang / de bzhin gshegs pa yid la byed pa dang ma bral bas/ tshig 'di skad ces sangs rgyas bcom ldan 'das chos kyi sku dang ldan pa/ sku ma lags pa/ gsung dag pa gsung mi mnga' ba/ sems dang sems mi mnga' ba/ ye shes chags pa mi mnga' ba dang ldan pa/ ma byon pa ma bzhud pa thams cad mkhyen pa dang ldan pa/ thams cad gzigs pa dang ldan pa rnams bdag la dgongs su gsol/ bdag gis 'khor ba thog ma'i mtha' mu nas gzung ste/ yang dag pa'i mtha' dang / bdag gis mtha' ma 'tshal bas/ chos ma lags pa la chos su 'du shes bskyed pa dang / 'dul ba ma lags pa la 'dul bar 'du shes bskyed pa dang / sbyin gnas ma lags pa la sbyin gnas su 'du shes bskyed pa dang / mi dge ba la dge bar 'du shes bskyed pa dang / phyin ci log gi sems kyis bdag gi sems kyis bdag gi lus su lta bas yongs su dkris pa dang / dge ba'i chos gang sangs rgyas kyis bka' ma stsal ba mngon par 'dus bgyis pa dang bgyid pa dang / bgyid du stsal pa dang / bgyid pa la rjes su yi rang bas 'gyur ba gang ci mchis pa de bdag 'a chags so// dmigs pa la gnas te/ bdag gis sems
- 215b
/ can ma mchis pa la sems can du 'du shes pa dang / sems can sgyu ma lta bur ma 'tshal nas/ bla na med pa yang dag par rdzogs pa'i byang chub tu sems bskyed pa gang lags// pa de thams cad 'chags so// bdag gi mngon par 'dus bgyid pa ma mchis par ma 'tshal nas/ lus dang ngag dang yid kyis chos dge ba dang / mi dge ba mngon par bgyid pa dang / mngon par bgyis pa gang lags pa de 'chags so// bdag gis sbyin pa dang tshul khrims dang / bzod pa dang / brtson 'grus dang / bsam gtan dang / shes rab mnyam pa nyid du ma 'tshal nas/ dmigs par lhung bas sbyin pa byin pa dang / tshul khrims mchog tu 'dzin pas/ tshul khrims bsrungs pa dang / bdag dang gzhan du 'du shes pas bzod pa bsgoms pa dang / lus dang sems la gnas te/ brtson 'grus brtsams pa dang / 'du shes dang / dmigs pa la gnas te/ bsam gtan skyed pa dang / kun tu rtog pa dang / rnam par rtog pa rab tu 'jug pa la mngon par dga' bas/ shes rab rnam par dpyad par gang lags pa de dag 'chags so// bdag gis don dam pa'i mchod pa ma 'tshal nas/ gzugs dang rgyan da mtshan la mngon par zhen pas/ sangs rgyas la mchod pa bgyis pa gang lags pa de 'chags so//
- 216a
bdag chos kyi dbyings tha mi dad pa'i ye shes la ma zhugs kyi/ chos tha dad pa la gnas te/ chos mnyam pa'am bshad pa 'am rab tu bsam par gyur pa gang lags pa de chags so/ / bdag gis chos 'dus ma byas su ma 'tshal nas/ dge 'dun la mang por 'du shes te/ dge 'dun la bsnyen bkur bgyis pa gang lags pa de bdag 'chags so/ / bdag gis dgon pa ma 'tshal nas dgon pa'i gnas bstan te/ 'dod pa nyung zhing chog shes pa la mngon par zhen pa gang lags pa de dag bdag 'chags so// bdag gis chos nyid gnas par 'tshal nas 'byung ba dang 'jig pa la gnas te/ sangs rgyas kyi yon tan blang bar zhugs pa gang lags pa de dag bdag 'chags so// bdag gis chos kyi dbyings yongs su bzung ba ma mchis ma 'tshal ma zhugs kyis/ sems can bsdu bar 'tshal ba'i bsdu bas sems can dag bsdus pa gang lags pa de 'chags so// bdag gis byang chub kyi mtshan nyid kyi rang bzhin ma 'tshal nas/ lta ba yongs su zhen pas byang chub kyi phyogs kyi chos sum cu rtsa bdun bsgom pa gang lags pa de 'chags so// bdag gis dge sbyong gi lam zhi ba ma 'tshal nas/ rab tu byung ba bsnyen par rdzogs te/ dge sbyong gi dngos po bskyed pa gang lags pa de 'chags so// kun rdzob la 'jug pa'i dge ba'i
- 216b
rtsa ba gzhan gang dag bsags pa dang / dge ba'i rtsa ba gang dag gis 'dus byas kyi bde bar gyur te/ 'dus ma byas las shin tu ring du gyur pa gang lags pa de dag 'chags so zhes brjod par bya'o/ / rigs kyi bu de ltar thog mar byang chub sems dpa' bag la nyal dang bcas pa dang / mngon par 'du byed pa dang / mtshan ma dang bcas pa dang / 'bang pa dang bcas pa dang / spros pa dang bcas pa dang / len pa dang bcas pa dang / gnas pa dang bcas pa dang / rten pa dang bcas pa'i nye bar len pa'i chos thams cad bshags par bya'o/ / de la 'di lta bu'i sdu ba dang / spros pa dang bcas pa kun tu mi 'byung ba gang yin pa de ni sdig pa bshags pa yongs su dag pa yin te/ 'di ni bshags pa'i phung po'o// rigs kyi bu gzhan yang byang chub sems dpa' de bzhin du 'dug ste/ tshigs 'di skad ces 'das pa dang / ma byon pa dang / da ltar byung ba'i sangs rgyas bcom ldan 'das rnams kyi dang po thugs bskyed pa nas bzung ste/ bla na med pa yang dag par rdzogs pa'i byang chub mngon par rdzogs par sangs rgyas pa'i bar dang ldan pa rnams kyi rab de'i dge ba'i rtsa ba gang ci yang rung / sangs rgyas kyis bka' stsal pa rtsa ba mchis shing rten ma mchis pas gtong ba rnam par dag pa dang / rang bzhin gyi tshul khrims mi zad mi skyed pa dang
- 217a
sems can ma mchis pa'i bzod pa dang / dmigs pa las dben pa'i brtson 'grus dang / sems kyi ngo bo nyid la nges par sems pa'i bsam gtan dang / tshur rol dang / pha rol gyi mthar lta ba rnam par spangs pa'i shes rab rten cing 'brel bar 'byung ba zab mo la 'jug pa dang / stong pa nyid kyi rnam pa'i byams pa dang / rnam pa'i rnam pa ma mchis pa'i snying rje dang / chos la kun tu mi 'byung ba'i dga' ba dang / yal bar 'dor ba ma lags pa'i btang snyoms gang lags pa de dag thams cad la rjes su yi rang ngo // khyim gyi dngos po thams cad bzung ba ma mchis shing yongs su ma bzung ba/ rtsa ba ma mchis shing rten ma mchis pa'i dge ba'i rtsa ba ma dran par gyur pa'i dran pa nye bar gzhag pa rnams dang / ma 'gags pa dang / ma skyes pa'i yang dag par spong ba rnams dang / lus dang / sems dang / brtson 'grus dang / 'dun pa dang ldan pa'i rdzu 'phrul gyi rkang pa rnams dang / dbang po lnga po mtshan nyid mchis pa'i dbang po rnams dang / nam mkha' ltar mi thul ba'i stobs rnams dang / don dam pa yang dag par rtogs pa'i byang chub kyi yan lag rnams dang mi gnyis pa'i lam dang ldan pa'i lam dang / zhi ba'i'i gnas thob pa dang / rig pa dang / rnam par grol ba dang / mthun pa'i lhag pa'i mthong / mngon par shes pa ye shes sngon
- 217b
du 'gro ba de dag thams cad la rjes su yi rang ngo / / thog ma'i mtha' nas lus kyi ngo bo nyid yongs su dag pa dang / brjod du ma mchis pa'i ngag rnam par dag pa dang / sangs rgyas la rim gro/ bgyi ba bsnyen bkur bgyid pa ma mchis pa dang / chos la rim gro bgyi ba chos thams cad yongs su bzung ba ma mchis pa dang / dge 'dun la rim gro bgyi ba tshogs ma mchis shing yon tan ma mchis pa dang / spyod lam thams cad rnam par ma brtags pa'i sdom pa spyod pa dang / 'das pa dang / ma byon pa dang / da ltar byung ba'i sangs rgyas byang chub sems dpa' gyur pa de dag gis chos spyod pa yang dag pa'i sdom pa bdud thams cad kyis mi shigs pa 'jig rten thams cad dang ma 'dres pa/ nyan thos dang rang sangs rgyas thams cad kyi sar ma nges pa/ byang chub sems dpa'i lam dang mthun pa/ dge ba'i rtsa ba bzang po las dkar po ma lags pa 'gags par 'gyur ba gzhan gang ci mchis pa dang / dge ba'i rtsa ba bzang po 'od gsal ba'i las gang gis/ byang chub sems dpa' de dag gis/ sangs rgyas kyi ye shes thob pa dang / ma thob pa dang / 'thob par gyur pa de dag thams cad la bdag rjes su yi rang ngo // 'das pa dang / ma byon pa dang / da ltar byung ba'i sangs rgyas bcom ldan 'das byang chub bsnyen pa de dag gi tshul khrims dang / ting nge 'dzin dang / shes rab dang / rnam par grol ba dang
- 218a
rnam par grol ba'i ye shes mthong ba zag pa ma mchis pa dang / stobs mi thul pa rnams dang / mi 'jigs pa phyir mi ldog pa rnams dang / sangs rgyas kyi chos chag pa ma mchis pa rnams dang / kun tu mi 'byung ba'i byams pa chen po dang / snying rje chen po gzhan gyi dring la mi 'jog pa dang / spyi gtsug bltar mi mthong ba nam mkha' dang mtshungs pa gang lags pa dang / gnyis ma mchis pa'i bsod nams rnam par smin pa'i mtshan nyid dang / lus dang ngag dang / sems kyi rgyun bcos ma ma lags pa/ nam mkha' ltar yongs su dag pa dang / brgya byin dang / tshangs pa thams cad kyis bskul ba'i chos kyi 'khor lo dang / brjod pa ma mchis pa dang ldan pa'i chos bstan pa dang / sems can thams cad la shes ba snang ba rnam par shes pa las gzhan ma lags pa de dag thams cad la rjes su yi rang ngo / / sems can thams cad la phan gdag pa'i slad du/ thabs mkhas pa'i gnas la dag 'das pa dang / ma byon pa dang / da ltar byung ba'i sangs rgyas bcom ldan 'das bzhugs pa 'am/ yongs su mya ngan las 'das pa yang rung ste/ dam pa'i chos nub kyi bar du de dag la mchod pa bgyis pa dang / bgyid pa dang / bgyis par 'gyur ba gang lags pa de dag thams cad la rjes su yi rang ngo // sangs rgyas bcom ldan 'das yongs su mya ngan
- 218b
/ las 'das pa de dag gi nyan thos 'dus pa/ sems can thams cad las yang dag par 'das pa rnams dang / ngad pas rjes su 'brang ba rnams dang / chos kyi dbyings la zhugs pa/ rnams dang / chos kyi rjes su 'brang ba rnams dang / log pa brgyad las yang dag par 'das pa'i brgyad pa rnams dang / chags pa med pa'i rigs la gnas pa'i rigs kyi sa pa rnams dang / rgyun tu zhugs pa rgyun las bzlog ste/ zhugs pa rnams dang / lan cig phyir 'ong ba gang du yang mi 'gro ba rnams dang / phyir mi 'ong ba 'di nas shis phos nas der gnas par gyur pa rnams dang / dgra bcom pa grangs ma mchis shing skye ba ma mchis rab tu phye ba rnams dang / phyir mi 'ong ba rang sangs rgyas rten cing 'brel bar 'byung ba zab mo khong du chud pa rnams dang / byang chub sems dpa' ye shes mngon sum du rtogs pa rnams dang / byang chub sems pa'i sems sa dang mtshungs pa'i sems dang po bskyed pa nas dang byang chub sems dpa'i spyod pa thams cad las yang dag par 'das pa'i spyod pa la zhugs pa rnams dang / byang chub sems dpa' 'khor ba'i chos las 'das shing sangs rgyas kyi chos thob pa phyir mi ldog pa rnams dang / byang chub sems dpa' skye ba thams cad las shin tu 'das pa rnams dang / byang chub sems dpa' skye ba gcig gis
- 219a
thogs pa rnams kyi dge ba'i rtsa ba rten pa ma mchis pa gang lags pa de dag dang / 'dus byas las yongs su rgal ba de dag thams cad la rjes su yi rang ngo // 'das pa dang / ma 'ongs pa dang / da ltar byung ba'i dus kyi sems can rnams kyi sbyin pa'i bsod nams bgyi ba'i dngos po dang / tshul khrims kyi bsod nams bgyi ba'i dngos po dang bsgom pa dngos po ma mchis pa'i dngos por gyur pa'i bsod nams bgyi ba'i dngos po sangs rgyas kyi sman gyis mkhyen pa dag lags pa de dag thams cad la rjes su yi rang ngo / / rjes su yi rang ba mchog dang / ma chad pa dang / ma lhag pa dang / nam mkha' ltar rnam par dag pa dong / shes rab dang / ye shes kyi rtogs pa dang / gzhan yang nges pa'i don gyi chos dang / ldan pa dang / bla na mchis pa dang / nam mkha' dang mnyam pa dang / mya ngan las 'das pa dang / mnyam pa dang / mi mnyam pa dang / mnyam pa nyid kyi rjes su yi rang bas rjes su yi rang ngo / / ji ltar 'das pa dang / ma byon pa dang / da ltar byung ba'i sangs rgyas bcom ldan 'das byang chub sems dpa' gyur pa/ shes rab kyi pha rol tu phyin pa dang / thabs la mkhas pas zung du 'brel par ma chags par spyod pa shin tu spyad pa spyod pa rab tu mkhyen nas/ mkhyen pa de dag gis sangs rgyas kyi ye shes
- 219b
mngon sum du mdzad nas/ dge ba'i rtsa ba de dag la rjes su yi rang ba dang / rjes su yi rang bar mdzad pa dang / rjes su yi rang bar 'gyur pa'i mnyam pa nyid de dang chos nyid des rjes// su slo ba de bzhin du/ bdag kyang rjes su yi rang ngo // rjes su yi rang ba mchog dang / ma chad pa dang / ma lhag pa dang / nam mkha' ltar rnam par dag pa dang / shes rab dang / ye shes kyi rtogs pa dang / gzhan yang nges pa'i don gyi chos dang ldan pa dang / bla na ma mchis pa dang / nam mkha' dang mnyam pa'i rjes su yi rang bas rjes su yi rang ngo zhes brjod par bya'o/ / rigs kyi bu 'di ni sangs rgyas bcom ldan 'das kyi bka' stsal pa'i rjes su yi rang ba'i phung po kha na ma tho ba med pa'o// rigs kyi bu gzhan yang byang chub sems dpa' des de bzhin du 'dug ste/ tshig 'di skad ces/ sangs rgyas bcom ldan 'das gang dag kha cig 'jig rten gyi khams dpag tu ma mchis shing / grangs ma mchis pa rnams su bla na med pa yang dag par rdzogs pa'i byang chub mngon par rdzogs par sangs rgyas te/ chos thams cad ma dmigs nas/ bdud bzhi 'i lam las yang dag par 'das pa/ brjod du med pa'i chos skyon ma mchis pa rnyes pa/ yi ge dang / brjod pa dang / skad thams cad dang bral ba/ chos ji lta ba bzhin du brnyes pa
- 220a
thabs mkhas pas chos bzung bar mdzad pa'i slad du/ ji tsam du brtags pa sems can yongs su smin par mdzad pa'i slad du/ thugs rje chen pos chud mi gzan pa/ bskul ba'i sa la bzhes pa cang ma gsung ba la dgyes pa/ byang chub kyi shing la gzigs pa lha dang / klu dang / gnod sbyin dang / dri za dang / lha ma yin dang nam mkha' lding dang / mi 'am ci dang / lto 'phye chen po thams cad kyis mngon par bstod do// dgyes shing bzhugs pa sangs rgyas bcom ldan 'das de dag la chos kyi 'khor lo rab tu bskor bar bskul gyis/ sangs rgyas bcom ldan 'das rnams kyis chos kyi 'khor lo rab tu bskor du gsol/ 'di lta ste/ chos kyi 'khor lo mi 'jug pa'i chos kyi 'khor lo dang / mngon par mi 'grub pa'i 'khor lo dang / tshu rol dang / pha rol yongs su gcod pa'i 'khor lo dang / rten cing 'brel bar 'byung ba zab mo'i 'khor lo dang / bdud phyir rgol ba choms pa'i 'khor lo bskor du gsol/ brjod du ma mchis pa'i rnga brdung du gsol/ sgra ma mchis pa'i dung bud du gsol/ chos shes pa'i rgyal mtshan dang rtog bsgreng du gsol/ shes rab dang / ye shes dang / rnam par grol ba'i smon ma 'bar bar mdzad du gsol/ thugs rje chen po'i sprin bsdu bar gsol/ chos chen pom/
- 220b
/ chu'i char pa'i rgyun gyis sems can rnams kyis dge ba'i rtsa ba'i lo rtogs rnam par spel du gsol/ 'phags pa'i shes rab dang / ye shes kyi nor gyis sems can thams cad tshim par mdzad du gsol zhes brjod par bya'o/ / rigs kyi bu 'di ni byang chub sems dpa' sems dpa' chen po'i bskul ba'i phung po kha nas ma tho ba med pa'o// rigs kyi bu gzhan yang byang chub sems dpa' des de bzhin du 'dug ste/ tshig 'di skad ces sangs rgyas bcom ldan 'das gang dag phyogs bcu'i 'jig rten gyi khams rab 'byams dpag tu ma mchis pa dag na/ sangs rgyas kyi mdzad pa dag shin tu mdzad pa/ legs par bgyis pa'i chos kyi rgyun mi mchod pa/ byang chub sems dpa' rnams shin tu lung bstan pa/ dge 'dun 'phags pa rab tu gnas pa/ gdul ba'i sems can dag gshin btul ba/ mya ngan las 'das pa'i bde ba shin tu 'tshul ba/ chos bzung ba 'dzin par mdzad pa'i slad du yongs su mi skyo ba/ yongs su mya ngan las 'das par bzhed pa'i sangs rgyas bcom ldan 'das de dag la bdag chos kyi dbyings gnas pa'i tshul gyis/ ji ltar de dag mi skye ba ma skyes pa de bzhin du/ ma 'gags mi 'gag 'gag par mi 'gyur par bzhugs su gsol lo zhes brjod par bya'o// rigs kyi bu 'di ni byang chub sems dpa' rnams kyi gsol
- 221a
pa debs pa yod pa ma yin pa/ len pa med pa/ kha na mtho ba med pa'o// rigs kyi bu gzhan yang byang chub sems dpa' des de bzhin du 'dug ste/ tshig 'di/ skad ces ma mchis bzhin du bdag gis mgos phyag bgyis pa dang / bshags pa dang / rjes su yi rang ba dang / bskul ba dang / gsol ba 'debs pa gang lags pa dang phyag 'tshal ba dang / 'chags pa dang / rjes su yi rang ba dang / bskul ba dang / gsol ba 'debs pa de yang ma mchis pa/ len pa ma mchis pa/ 'dus ma gyis pa'o// de ltar phyag 'tshal ba dang / 'chags pa dang / rjes su yi rang ba dang / bskul ba dang / gsol ba 'debs pa gang lags pa de yang ma mchis pa/ len pa ma mchis pa 'dus ma bgyis pa ste/ de bzhin du/ byang chub kyang len pa ma mchis pa/ 'dus ma gyis pa ste/ chos nyid de dang / ma chad pa dang / ma lhag pa dang / ma smad pa dang mnyam pa ma mchis pa dang / mi thob pa dang / mi dma' ba'i yongs su bsngo bas/ bla na med pa yang dag par rdzogs pa'i byang chub la chos phra rab tsam yang mi dmigs par yongs su bsngo'o zhes brjod par bya'o/ / mig gzugs rnams la mi 'jug ste/ gzugs kyang mig la ma yin mod kyi/ 'on kyang dmigs pa'i rgyu rkyen gyis rnam par shes pa 'byung ste/
- 221b
rnam par shes pa de yang mig las ma byung / gzugs las kyang ma yin te/ byung nas kyang zhig cing med de mi gnas so// de bzhin du rna ba la ma yin/ sgra la ma yin/ sna la ma yin/ dri la ma yin/ lce la ma yin/ ro la ma yin/ lus la ma yin/ reg bya la ma yin te/ yid chos rnams la mi 'jug/ chos rnams kyang yid la mi 'jug mod kyi/ 'on kyang dmigs pa'i rgyu rkyen gyis rnam par shes pa 'byung ste/ de yang yid las kyang ma byung / chos las kyang ma yin te/ de ni byung nas zhig cing med de mi gnas so// de bzhin du dge ba'i rtsa ba byang chub la mi 'jug/ byang chub kyang dge ba'i rtsa ba la mi 'jug mod kyi/ 'on kyang byang chub kyi rkyen gyis dge ba'i rtsa ba la dmigs pa'i sems skyed pa rnams skye'o/ / de mi yang mi gnas pa ste/ skyes nas zhig cing med do// de la sems gang gis dge ba'i rtsa ba mngon par 'dus byas pa dang / sems gang gis byang chub tu yongs su bsngos pa'i sems bskyed pa de dag phan tshun du 'brel bar mi byed de/ 'di lta ste dper na/ me ni gang nas kyang ma 'ongs te/ byung nas kyang zhig cing med do// de bzhin du byang chub sems dpa' rnams kyi shes pa kyi ma yang gang nas kyang ma 'ongs mod kyi/ 'ongs kyang dge ba'i rtsa ba la rten nas 'bar te/ byung nas zhig cing med do// ye shes
- 222a
snang ba rab tu thob par chos rnam par byed pa de lta bu dag la blo rnam par mi spyod pa gang yin pa de ni/ byang chub sems dpa' yongs su sngo ba'o// skyon med par 'jug/ pa dang / lung bstan pa dang / bzod pa snang ba'i ye shes thob pa rnam par 'byed pa rnams kyi blo rnam par mi dpyod pa gang yin pa des/ sangs rgyas bcom ldan 'odas mngon sum tu byas te/ yongs su bsngo bar bya'o// ji ltar de bzhin gshegs pa de dag gis/ shes rab kyi pha rol tu phyin pa'i rgyu mthun pa'i thabs mkhas pa'i ye shes kyis/ byang chub sems dpa' rnams kyi yongs su sngo bar bshad pa de bzhin du/ thabs mkhas pa'i ye shes kyi des yongs su sngo'o// rigs kyi bu 'di ni byang chub sems dpa' rnams kyi bsngo ba kha na ma tho ba med pa'o/ / 'jam dpal bzhon nur gyur pas phung po gsum pa'i bsngo ba 'di bshad pa na/ byang chub sems dpa' lnga brgya mi skye ba'i chos la bzod pa thob par gyur to/ / byang chub sems dpa' chos thams cad la dma' 'char bar gnas pa yang mgu'o// lha dang / mi dang / lha ma yin du bcas pa'i 'jig rten yang 'jam dpal gzhon nur gyur pas bshad pa la mngon par bstod do/ / 'phags pa phung po gsum pa zhes bya ba theg pa chen po'i mdo rdzogs so// // skad
Colophon
'phags pa phung po gsum pa zhes bya ba theg pa chen po'i mdo rdzogs so/ /skad gsar bcad kyis kyang bcos nas gtan la phab pa/