sbyor ba'i phreng ba
Bhuṭamāpala
Text
ff. 281b–282b · 3 folio sides
- 281b
dpal sha ba ri pa dbang phyug gis paN+Di ta ma hA bi b+hU ti tsan+d+ra la gsungs pa'o// // des sgra rang 'gyur du bsgyur nas gsungs pa'o// dge'o// @#// sbyong ba'i phreng ba bzhugs so// rgya gar skad du/ b+hu tsamA pa la/ bod skad du/ sbyor ba'i phreng ba/ dpal rdo rje sems dpa' la phyag 'tshal lo// bdag gi lnga la phyag 'tshal lo// lhan skyes dri med de de bzhin// ye shes bachang ba'i man dag ni// rlung bdag gis bri bar bya// 'gro ba nyon mongs kyis bcings pa// thar pa nyon mongs 'jigs byed pa'i// yang dag ye shes sbyor goms pas// de ni 'jig par 'gyur ba yin// 'dir ni rnal 'byor rab kyi ni// zla ba drug tu goms pa'am// lo dang rgyun mi 'chad pas kyang // yang dag dngos grub gcig tu 'gyur// spros pa thams cad btang nas ni// rnal 'byor 'dod la rab 'bad pas// 'chad par 'gyur ba'i sbyor rnams las// gcig tu gzung ste rnam bsgom bya// pho mo ma ning kha dog dang // 'gro 'ong gnas pa rnam bltas te// de mthong ba yis 'bras bu ni// myur du sgrub pa po yis thob// gzhan yang yon tan sbyin rnams kyis// rgyu ni skyes pa bud med de// de gsad pa yi rnam pa yis// ma ning 'dir ni rgyas par bya// ma ning rin chen rgyas gyur na// gser gyi ri bo rtse la khyer// yon tan phun tshegs ma lus pa// de las 'byung bar the tshom mdo// gzhan yang pho ma ma ning ni// 'bad pa yis ni gnas nas dbyung // gdon te de yi gnas rnams las// yon tan rin chen phun tshegs thob// yang na pho mo ma ning ni// gnas 'di nyid du gzhug par bya// de gzhug de la myos byed blud// blud nas skyes pa bud med ni// 'bad pas ma ning khar gzhug bya// bcud la brten pa'i yul rnams la// myos par byed pa blud par bya// blud nas rab tu
- 282a
'bad pa yis// ma ning khar ni gzhug par bya// de bzhin byas gyur dpag bsam shing // 'dra ba 'di la the tshom med// de ltar sbyor ba 'di rnams kyis// rten ni 'di ru bshad par bya// gsum po 'dus dang bye ba yis// drug dang lnga ni go rim bzhin/ steng 'og rab tu phye ba yis// de yi so sor rnam gnyis 'dod// shes bya'i dngos po 'di rnams ni// de phyir rnal 'byor pas shes bya// yang na lce chung rnal 'byor pas// rdo rje lce ni bskyod par bya// de bskyod pa las bdud rtsi'i rgyun// 'bab par 'di la the tshom med// gang yang sa bon tshogs kyis sprul// yang na gzugs sku mdzes pa'am// lhan cig skyes pa dri ma med// lha yi gzugs ni bsgom pa yis// mngon par 'dod pas bsgrub par bya// sbyor ba rin chen 'di rnams la// sbyin dang tshul khrims snying rje che// thog mar rab tu 'bad pa yis// de la goms pa yang yang bya// 'di ni rgyud rnams thams cad dang // mdo sde dag ni thams cad las// sangs rgyas rnams kyi snying por gsungs// don dam pa'i sgrub thabs so// sbyor ba'i spros pa 'di rnams ni// yang dag par ni sbyar bar bya// slob ma bzang po de la ni// bla ma rang gis nyams myong bstan// sbyor ba'i phreng ba 'di rnams la// de nyid rin chen rab sbyar bya// de nyid rin chen ma thob na// dngos grub nyid ni ji ltar thob// de bas slob ma bzang po yis// 'dod pas bla ma rtag tu mchod// gang phyir bla ma mnyes pa yis// de nyid rin chen rab tu bstan// rin chen gang zag shes byas la// 'bad pas de nyid brjod par bya// pad+ma dkar sogs slob ma la// tshig tsam yang ni brjod mi bya// brjod na rab tu 'bad pa yis// man ngag 'khrul par gyur phyir ro// bla na sna tshogs man ngag ni// mkhas pa sangs rgyas grags pas bsdebs// sbyor ba'i phreng ba
- 282b
paN+Di ta sangs rgyas grags pas mdzad pa rdzogs so// // lo tsA ba dge tshul shes rab dpal gyis bsgyur ba'o// // @#// da namashes rnags so/ rgya gar skad du/ an+tarmaSh+Ta num/ bode skad du/ nang gi snye ma zhes bya ba/ dpal dus kyi 'khor lo la phyag 'tshal la// nang mi shes pas 'gro ba ma lus 'ching dbang gyur// de phyir thams cad mkhyen pas nang gi brags rjes gsungs/ yang rtogs dka' gzhung mang skye bos shes mi nus// de bas btus te rtogs bla cung zad bdag gis bri// brtan dang g.yo ba'i 'jig rten ltar// nang dang dkyil 'khor de bzhin no// de shes pas ni lus gnas dang // grol phyir nang gi snye ma'o// de ltar bcom ldan 'das kyis skye ba dang na pa dang na bdud 'chi ba dang mya ngan dang smre sngags 'don pa dang sdug bsngal ba dang yid mi bde ba dang 'khrug pa'i dbang du gur pa// bdag dang byed pa po med kyang bdag dang bdag gi ba'i rtog pa'i mal snyan la nyol zhing rang bzhin gyis dag pa'i sangs rgyas kyi bdag nyid rang lus mi rtogs pas dug dang 'dra ba'i spyod yul gyi rol mngon par zhen pa'i skye bo rnams la snying rjes gsungs pa/ 'jig rten ni rnam pa gnyis te brtan pa dang g.yo ba'o// de la brtan pa ni sa gzhi'i dbus su ri rab ste de bskor ba'i gling bdun dang / mtsho bdun dang / ri bdun dang / steng du mtho ris dang / 'og tu sa 'og go// de la ri rab ni lus kyi rgal tshigs te rked pa nas tshigs pa dang po'i bar/ spyi gtsug ni tshangs pa'i gnas so// mtho ris ni 'khor ba'i bar ro// mi yul ni lag pa gnyis kyi bar ro// saM 'og ni rkang pa gnyis kyi bar ro// ba tshwa'i rgya mtsho ni dri chu'o// chang gi mtsho ni rdul lo// chu'i mtsho ni mchil ma'o// 'o ma'i mtsho ni bud med kyi nu zho dang skyes pa'i snabs so//
Colophon
sbyor ba'i phreng ba paN+Di ta sangs rgyas grags pas mdzad pa rdzogs so/_lo tsA ba dge tshul shes rab dpal gyis bsgyur pa'o