F26MW1KG13607_0026sna tshogsAll versions of this work

'phags pa shes rab kyi pha rol tu phyin pa lag na rdo rje'i mdo theg pa chen po

Āryaprajñāpāramitābajrapāṇimahāyanasūtra

Text

ff. 291a–292a · 3 folio sides

  1. 291a

    @srid pa'i mtsho las 'gro ba khyod kyis sgrol/ ded dpon khyod kyis rab tu bskyab par gsol/ de nas byang chub sems dpa' kun tu bzang pos/ bcom ldan 'das la 'dis skad ces gsol to// bcom ldan 'das ji ltar bslab par bya ba'i don shes rab dang 'dra ba dang / shes rab yin pa le bslab par bya/ bcom ldan 'das kyis bka' stsal pa/ kun tu bzang po shes rab dang 'dra ba ni/ 'jig rten tshogs kyi lam pa rnams kyi shes rab gang yin pa'o// shes rab yin pa ni sa dang po yan chad kyi shes rab gang yin pa'o// bcos ldan 'das kyis de skad ces bka' stsal pa dang / byang chub sems dpa' kun tu bzang po dang / lha dang mir bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa kun tu bzang po theg pa chen po'i mdo/ rdzogs s+ho// rgya gar skad du/ sar+yA pradz+nyA pA ra mi tA \u0f7f bA N+Di ma hA ya na su tra// bod skad du/ 'phags pa shes rab kyi pha rol tu phyin pa lag na rdo rje'i mdo theg pa chen po/ sangs kyis dang byang chub sems dpa' tham cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khab na bzhugs te/ de'i tshe 'khor der byang chub sems dpa' lag na rdo rje

  2. 291b

    'dug bstan las langs nas bcom ldan 'das la 'di skad ces gsol to// bcom ldan 'das byang chub sems dpas shes rab kyi pha rol tu phyin pa la ji ltar bslab par bgyi/ bcom ldan 'das kyis bka' stsal pa/ lag na rdo rje byang chub sems dpas shes rab kyi pha rol tu phyin pa la 'di ltar bslab par bya ste/ chos thams cad skye ba med pas shes rab kyi pha rol tu phyin pa la bslab par bya'o// gzhan yang gzugs la sogs pa'i chos thams cad rang bzhin ma mchis pa dang / mtshan ma ma mchis pa dang / dngos po dang bral ba dang / mi dmigs pas na shes rab kyi pha rol tu phyin pa la bslab par bya'o// nang stong pa nyid nas dngos po med pa stong pa nyid kyi phyir na shes rab kyi pha rol tu phyin byin/ pa la bslab par bya'o// lag na rdo rje shes rab kyi pha rol tu phyin pa 'di ni dus gsum gyi sangs rgyas thams cad kyi yum ste/ rig pa chen po'i sngags 'di'i tshig ni 'di dag go/ tad+ya thA/ oM mu ni mu ni/ ma hA mu na ye swA hA/ su zhig shes rab kyi pha rol tu phyin pa 'di 'dzin par byed na/ dus gsum gyi sangs rgyas rnams kyi chos rnams bzung bar 'gyur ro// de skye ba dran par 'gyur ro// mi khom pa thams cad spangs par 'gyur ro// bsod nams kyi 'bras bu tshad med pa thob par 'gyur ro//

  3. 292a

    sangs rgyas bcom ldan 'das rnams dang dus rtag tu 'grogs par 'gyur ro// byang chub kyi sems dang ldan par 'gyur ro// bcom ldan 'das kyis de skad ces bka' stsal pa dang / byang chub sems dpa' phyag na rdo rje dang / lha dang mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa shes rab kyi pha rol tu phyin pa lag na rdo rje'i mdo// theg pa chen po rdzog s+ho/ @#// rgya gar skad du/ Ar+ya pradz+nyA pA/ ra mi tA badz+ra ke tu ma hA yA na sU tra/ bod skad du/ 'phags pa shes rab kyi pha rol tu phyin pa rdo rje rgyal mtshan gyi mdo theg pa chen po// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khab na bzhugs te/ thams cad dang ldan pa'i 'khor dang thabs gcig go// de nas de'i tshe'akhor der byang chub sems dpa' rdo rje rgyal mtshan 'dug pa de stan las langs te/ bcom ldan 'das la 'di skad ces gsol to// bcom ldan 'das chos gang dang ldan na shes rab kyi pha rol tu phyin pa lags/ bcom ldan 'das kyis bka' stsal pa/ rdo rje'i rgyal mtshan chos rnam pa bzhi dang ldan na ste/ bzhi gang zhe na/ 'di lta ste/ chos thams cad stong pa nyid du/

Colophon

'phags pa shes rab kyi pha rol tu phyin pa lag na rdo rje'i mdo theg pa chen po rdzogs+ho/