N973MW22704_0973rgyud 'grelAll versions of this work

dpal 'khor lo sdom pa'i phyi rol gyi mchod pa'i cho ga

Śrīcakrasaṃbarapūjameghamañjari

Text

ff. 51b–52b · 3 folio sides

  1. 51b

    thogs pas 'od gsal ba'i go 'phang du 'jug par byed do/ /zhes bya ba'i don to/ /dpal mngon par rtogs pa'i dka' 'gril/ grub thob chen po la ba'i na bza' can gyi rjes su 'drangs nas slob dpon chen po pradz+nyA rak+ShI tas mdzad pa rdzogs so// rgya gar gyi mkhan po dpal su ma ti kIrti dang/ lo tsa ba dge slong blo ldan shes rab kyis bsgyur ba'o// // */ /rgya gar skad du/ sh+rI tsakra saM ba ra pU dza me g+ha many+dza ri/ bod skad du/ dpal 'khor lo sdom pa'i phyi rol gyi mchod pa'i chog /dpal rdo rje sems dpa' la phyag 'tshal lo/ /bla ma dam pa'i zhabs pad la/ btud de man ngag ji lta bar/ /bdag gis bde mchog rgyud rten nas/ /phyi mchod chog gsal por bsdu/ /'dir rnal 'byor pa dpa' 'khor lo bde mchog gi dkyil 'khor la mchod par 'dod pas nang par snga bar langs pa 'am/ skabs ji lha ba yang rung ste bde mchog gi rnal 'byor dang ldan pa kho na'i sngags pas sa phyogs gtsang mar lag pa gzhag la oM sum b+ha ni sum b+ha zhes bya ba brjod de bdud rtsi ril bu dri zhim po la sogs pa 'am rdzas gang yang rung ba ba lang gi lci ba'i ril bus dkyil 'khor gru bzhi pa byugs nas de'i dbus su lag pa gzhag ste pu dza la sogs pa'i yi ge nyi shu rtsa bzhi gnas dang nye ba'i gnas la sogs pa sa bcu'i rang bzhin rnams de dang de'i sar lhag par mos pa sngon du 'gro bas brjod par bya'o/ /de nas dkyil 'khor de nyid du yud tsam gyis 'byung ba bzhi la gnas pa'i ri rab kyi steng gi sna tshoD pad+ma zla ba la rang gi snying ga nas byung ba'i hUM de nyid gzhag nas sa bon de'i 'od zer rnams kyis ye shes kyi dkyil 'khor spyan drangs la yi ge hUM de la bcug ste de yongs su gyur pa las bcom ldan 'das 'khor dang bcas pa rnam pa thams cad

  2. 52a

    yongs su rdzogs par blta bar bya'o/ /de nas snying ga'i sa bon las byung pa'i pi wang ma la sogs pa'i lha mo rnams kyis yang dag ? mchod cing de las byung ba'i rin po che sna bdun yang phul te chog ji lta ba bzhin sbyangs pa'i lag pa g.yon pas dkyil 'khor gyi dbus su yi ge gsum gyis me tog dgod do/ /de nas de nyid du bcom ldan 'das dang bcom ldan 'das ma'i snying po rnams kyis so/ /de nas mkha' 'gro ma la sogs pa nas gshin rje'i 'joms ma'i mthar thug pa rnams la rang rang gi sngags kyis phyogs rnams su g.yon skor tshams su g.yas skor gyis gnas ji lta ba bzhin du me tog dgod do/ /de nas lag pa la bkod pa'i lha rnams la de dang de'i gnas su oM ha zhes bya ba la sogs pa de dang de'i sngags rnams kyis mchod par bya'o/ /de nas lag pa g.yon pa na gnas pa'i me tog de rkang pa brgyad pa'i sngags brjod pa sngon du 'gro bas dkyil 'khor du dor te mgo bor thal mo sbyar ba sngon du 'gro bas lha'i dkyil 'khor de bdag nyid la gzhug par bya'o/ /de nas snying po nas brtsams te rkang pa brgyad pa'i mthar thug pa'i sngags kyis bstong pa sngon du 'gro ba can ji ltar bstan pa'i bstod pa rnams kyis yang dag par bstod nas nus pa ji lta bar sdig pa bshags pa la sogs pa dang bsam gtan dang sngags bzlas pa dang smon lam gdab pa la sogs pa byas te yi ge brgya pa bton nas oM yo ga shud d+ha(rgyud 'grel): sarbba d+harmA yo ga shud d+honyahaM /zhes bya ba'i sngags dang bcas pas badzra mu(rgyud 'grel): zhes bya bas gshegs su gsol te 'khor lo de bdag nyid la gzhug par bya'o/ /de nas dkyil 'khor gyi ri mo bri bar bya'o/ /phyi rol mchod tshul legs par bsdus/ bdag gis bsod nams gang bsags pa/

  3. 52b

    nges ni 'gro ba ma lus kun/ /sangs rgyas mchod pa'i rjes gzhol shog /dpal 'khro lo sdom pa'i phyi rol mchod pa'i chog dpal pradz+nyA rakshi ta sa mdzad pa rdzogs so// //dpal su ma k+Shirti dang sgra bsgyur gyi lo tsa ba blo ldan shes rab kyis bsgyur ba'o// //*/ /rgya gar skad du/ sh+rI tsakra saM ba ra ba liM many+dza ri/ bod skad du/ dpal 'khor lo sdom pa'i gtor ma'i cho ga /dngos kun gcig tu sdom pa yi/ /dpa' bo sdom pa la btud de/ /gtor ma'i de nyid mdor bsdus nas/ /man ngag ji bzhin bri bar bya/ /dang por slob dpon rnal 'byor chen pos gnas pa las langs te/ /dpal 'khor lo sdom pa'i rnal 'byor dang ldan pa'i sngags pas bza' ba la sogs pa mdun du byas nas sbyang bar bya'o/ /de la mdun du yi ge yaM las rlung gi dkyil 'khor de'i steng du yi ge raM las me'i dkyil 'khor/ de'i steng du yi ge gsum las skyes pa'i mgo bo gsum gyis byas pa'i skyed bu'i steng du yi ge a dkar po las skyes pa'i pad+ma nang dmar ba phyi dkar po/ de'i steng gu zan la sogs pa la oM traM aM khaM hUM / lAM mAM pAM tAM pAM gyi yi ge las bskyed cing des byin gyis brlabs pa'i bdud rtsi lnga dang/ sgron ma lnga'i rang bzhin du bskyed la/ sa bon gyi yi ge la sogs pa rlung gis bskyod pa'i me yis gdungs te zhu ba na/ nyi ma 'char kha'i mdog can du bltas te/ der dngul chu'i kha dog can gyis yi ge hUM las byung ba'i kha TwAM ga dkar po bdud rtsi'i rang bzhin can spyi bo tshugs su 'dug pa zhu nas khu ba'i rdzas de dngul chu'i mdog can bsil bar gyur par bltas nas/ de nas de'i steng du A li kA li yongs su gyur pa'i yi ge oM A hUM rnams rim pas steng nas steng du gnas pa las 'khor lo

Colophon

dpal 'khor lo sdom pa'i phyi rol mchod pa'i cho ga dpal pradz+nyA rak+Shi tas mdzad pa rdzogs so/_/dpal su ma kIrti dang sgra bsgyur gyi lo tsA ba blo ldan shes rab kyis bsgyur ba'o