'phags pa sangs rgyas kyi snying po zhes bya ba'i gzungs kyi chos kyi rnam grangs

Text

ff. 274b–276b · 5 folio sides

  1. 274b

    thams cad rnam par sbyong ba zhes bya ba'i gzungs rdzog s+ho// @#// rgya gar skad du/ ar+ya bud d+ha hri d+ha ya/ na ma d+ha ra ni/ d+harma bar+ya ya/ bod skad du/ 'phags pa sangs rgyas dang byang chub sems dpa' thams cad la phyag 'tshal/ 'di skad bdag gis thos pa'i dus gcig na/ bcom ldan 'das de bzhin gshegs pa'i spyod yul/ chos kyi dbyed dgon no/ rin po che bkod pa'i 'khor gyi khyams ye shes kyis rnam par sbyong ba/ sngon gyi sangs rgyas kyis byin gyis rlabs pa sems can thams cad kyis mngon par bstod pa byang chub sems dpa' sems dpa' chen po'i gnas rnam pa thams cad kyi mchog dang ldan pa/ chos thams cad mnyam pa nyid rjesu spyod pa/ kun nas snang ba 'od kyi khang pan kyi dbus na/ byang chub sems dpa' bye ba khrag khrig 'bum phrag du ma thams cad kyang 'jig rten gyi khams thams cad kyang gzungs dang / ting nge 'dzin dang / sna tshogs thob pa sha stag gi so yongasu bskor cing mdun gyis ltas nas/ thabs gcig tu bzhugs te chos ston te/ de nas bcom ldan 'das kyis byang chub sems dpa'i 'khor rgya chen po la bka' stsal pa/ rigs kyi bu dag skye bo mang po la phan pa dang / skye bo mang po la bde ba dang / 'jig rten la thugs rtse ba dang / lha dang mi'i skye bo phal po che la 'di'i don dang / pha/ pa dang bde ba'i phyir de bzhin gshogs pa dgra bcom pa yang dag par rdzogs pa'i sangs rgyas gang ga'i klung gi bye ma snyed kyis gsungs pa/ sangs rgyas kyi snying po zhe

  2. 275a

    bya ba'i gzungs kyi chos kyi rnam grangs yod do// rigs kyi bu'am rigs kyi bu mo gang la la sangs rgyas kyi snying po gzungs kyi chos kyi rnams grangs 'di 'chang ngam/ 'dzin tam/ klog ga kun chub par byed pa gzhan dag la yang rgya cher yang dag par rab tu ston tam/ ngad dam/ lhag pa'i bsam par mos par byed na/ de bla na med pa yang dag par rdzogs pa'i byang chub las phyir mi ldog pa 'gyur/ chos thams cad 'dzin pa dang mi 'bral bar 'gyur/ sangs rgyas bcom ldan 'das rnams dang mi 'bral bar 'gyur/ de bzhin gshegs pa la blta ba dang / bsnyen bkur ba dang mi 'bral bar 'gyur/ chos nyan pa dang mi 'bral bar 'gyur/ dge 'dun la rim 'gro byed pa dang mi 'bral bar 'gyur/ skal ba stong du 'khor ba'i srid pa'i rgya mtsho bsil bar 'gyur/ bla na med pa yang dag pa rdzogs pa'i byang chub mngon par rdzogs par 'tshang rgya'i bar tu tshe rabs dran par 'gyur/ myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur/ de la 'byung ba'i tshogs thams cad bsrung bar 'gyur/ lha dang klu dang / gnod sbyin dang / dri za dang / lha ma yin dang nam mkha' lding dang / mi 'am ci dang / lto 'phye chen po dang / mi dang mi ma yin pa thams cad dga' ba 'gyur/ de'i lus la nad kyis mi tshugs par 'gyur/ pha rol gyi dmag tshogs kyis mi tshugs par 'gyur/ chad pa spangs pa dang // dug btsal nas mchi ba'i dus byed par mi 'gyur/ de la bdud sdug can gyi klags rnyed par mi 'gyur/ bdud kyis ris kyi lha rnams kyis klags rnyed par mi 'gyur te/ gang du yid la byed pa der bdud kyis ris kyi lce de dag thams cad skrag cing skrag

  3. 275b

    la dngang bar 'gyur zhing / phyogs bcur 'gros par 'gyur ro// de la 'di dag ni sangs rgyas kyi tshig go// sangs rgyas kyis gnang ba'i tshig chen po'o// sangs rgyas thams cad kyi tshig go// de bzhin gshen pa thams cad kyi tshig go// tad ya thA/ bud d+he/ su bud d+he/ ma hA bud d+he/ i ha bud d+he/ trang tra bud d+he/ bud d+he bud d+he/ ma hA/ ma hA bud d+ha/ sarba bud d+hA/ a nu mA te/ sarba bud d+ha/ a nu ga nya' ni/ bud d+ha bung/ d+ha bAng d+ha bud d+ha bud d+ha bud d+ha brung d+ha/ bud d+ha bud d+hA bud d+ha swAhA// / sangs rgyas kyis yul mtha' yas te/ chos bstan pa yang mtha' yas mdo sde// gcig du yid la bya ba ni/ mdor na chos sgom pa gzungs 'di ni sems can rnams la thugs rtse ba'i phyir/ sangs rgyas thams cad kyis gsungs te/ chos thams cad kyi phyag brgya yin no// tad+ya thA/ shud d+he/ su shud d+ha/ sho d+ha ni/ sad sho d+hA ni/ marma le rnam la a ba ga yaM/ dran te/ gra me/ kra ma sa ri/ sa re/ sa ra ba te/ ang shi ge/ a sho go sha ma ni/ shan t+ye/ a pa shwan te/ pra shAn d+hA/ a pa ye/ sarba bur+ya/ ba r-i man/ ti ta/ sarba da ma tra ti/ man/ dwi te/ ha ra ha ra/ ma yang ha ra/ tsa ra tsa ra/ san tsa la/ ta la ta la/ man ta la/ sa ma ta lA/ ro Ne ro Ne/ su re ni/ ri na ma ti/ l-I ka d+ha re/ lo ka d+ha rau/ d+hA ra d+ha ra d+ha ra/ da ra da ra/ r-i d+ha ra d+ha/ mdA be dza yaH b+hi ho ni/ ha na ha na/ sar+b+ba bud d+hA/ he pre shi ta si/ sarbad nya bde bas rbad ma te/ ma ha pra ma nas ban te/ sa man te/ a l-i ki/ b+hud d+ha/ bau sha yAM/ b+hud d+hA/ pra ti man ti te/ ba ga ba ti/ su/ ra su ra/ pra sar pra sa ra/ bi sa rang la ra/ pras ra ba // sha.a pa ga tes hA/ bcom ldan 'das kyis sangs rgyas kyi snying po'i gzungs kyo chos kyi snying po 'di bshad ma thag tu/ ring /

  4. 276a

    gran gsu bcas pa dang / tshal rnam pa drug du g.yos/ stod gsum gyi stong chen po'i 'jig rten gyi khams kyis yang g.yos/ rab tu g.yos/ kun du rab du g.yos/ rgya mtsho chen po yang 'khrugs rab du 'khrugs/ kun du rab du 'khrugs so// ri'i rgyal po raM rab kyang ldeg cing 'gul to// bdud kyi gnas thas cad kyang skrag gnas/ bdud kyi ris kyi lha gnas dang / bdud sdig can rnams shin tu sdug sngal yid mi bde bar gyur nas nyam thag go// sems can gang dag sa chen po g.yos par mthong ba de dag gis de bzhin gshegs pa dgra bcom pa yang dag par rdzogs pa'o sangs rgyas la phyag 'tshal lo// zhes ched du brjod pa lan gsum du brjod do// lha gang dag sangs rgyas la mngon par dad pa de dag ni/ lha'i me tog man d+ha ra ba dang / man d+hA ra ba chen pos bcom ldan 'das la gtor/ mngon par gtor nas/ gang dag sangs rgyas la bskyabs su dong ba dag thams cad rab du dga' ba skyes so// de la 'di skad ces byas ste/ shAkya seng ge'i yang dag par rdzogs pa'i sangs rgyas skyob bas yud gang la/ sangs rgyas thams cad kyi snying po'i gzungs 'di dag ni rab du gshad pa'i skad cig des yang rnam pa drug du g.yos/ brgya 'tsho'i 'khrugs shing / bdud kyi gnas kun lo / rab du g.yos nas/ bdud kyi ris rnams kyi/ lha dag rab dngas shing 'khrugs par 'gyur/ bdud yid mi bde ba sdug bsngal mya ngan non/ de tshe lha rnams ngo mtshar rab thob nas/ 'jig rten mgon la mchod pa bya ba'i phyir/ na mkha'i gnas na me tog man dar 'thor/ gang dag sangs rgyas mngon dang nags rnams ni// se mo do dang do shal spos rnams dang / bye ma dag dang dbyun/

  5. 276b

    ba gos rnams dang // brgyan dang dpung rgyan dag kyang rab tu 'bul// brgyad po 'di dag ni de'i yon tan gyi brgyan du 'gyur ba'o// brgyad gang zhe na/ 'di lta ste byang chub kyi sems mi brjed pa'i rgyun dang / thos pa thams cad yongasu 'tshal bas mi ngoms pa'i brgyan dang / chos zab mo rnam par nges cing rten cing 'brel bar 'byung ba'i brgyan dang / sems can thams cad nga'i dbang po'i mchog dang / mchog ma yin pa shes pa'i brgyan dang / ji ltar thos pa dang / ji ltar khong du chud pa'i chos rnams la tshul bzhin so sor rtags cing spyad pa'i brgyan dang / sems can yongs su smon par bya ba phyir/ chos thams cad mi dmigs pa'i rkyen dang / brgyan de yang sangs rgyas kyis sbyin gyis rlabs kyi thabs la mkhas pa'i rgyan dang / gzungs thob pa'i rgyan de rgyad po de dag gin/ yon tan gyi phan yon brgyad du 'gyur ba'o// gzungs rtag du rgyun du yid la bya'o// sangs rgyas rje su dran pa bsgom par bya'o// gzungs kyi bzhi 'di rnams yid la byas nas/ las kyi sgrib pa thams cad yongs su byang bar 'gyur ba'o// pad ma par bkod pa zhes bya ba'i ting nge 'dzin kyang thob bo// nad thos cad la lag pas bya bar 'gyur ro// bzlas brjod kyang dpag tu med par bya'o// bcom ldan 'das kyis de skad ces bka' mastsal nas/ byang chub sems dpa' sems dpa' chen po de dag dang / nyan thos chen po de dag dang lha dang mi dang lha ma yin dang dri zar bcas pa'i 'jig rte yid rangs te/ bcom ldan 'das kyis gsungs pa la mngon par bstod do// 'phags pa sangs rgyas kyi snying po zhes bya ba'i gzungs kyi chos kyi rnam grangs rdzog s+ho// /