bskal pa dum bu 'bar ba sgron ma snang ba'i rgyud
Text
ff. 23b–32a · 18 folio sides
- 23b
'bras bu ni// thog ma med pa'i dus mtha' nas// rang la rang chas yod pa'i phyir// rang ngo shes shing rtogs pas chog/ rmi lam sad pa'i dus bzhin no// mngon shes rig pa'i rgyal po'i rgyud/ rig pa'i gnad dgu zhes bya ba rdzogs so// / rgya gar skad du/ ti la si ta be du di'u ra na tan tranA ma/ bod skad du/ bskal pa dum bu 'bar ba sgro na ma snang ba'i rgyud ces bya ba/ dpal kun tu bzang po bde ba rang rig pa'i rgyal po chos las 'das pa'i sku la phyag 'tshal lo// 'di skad bdag gis thos pa'i dus gcig na/ bcom ldan 'das ting nge 'dzin sgron ma 'bar ba zhes bya ba las bzhengs te/ gsang ba'i bdag po rdo rje sems dpa' dang tha bas cig pa'i byang chub sems dpa' rnams la sogs pa/ lag na rdo rje dang / rdo rje 'dus pa dang / rdo rje kun bzang po rnams la bka' stsal pa/ rang bzhin gyis rnam par dag pa lhun gyis grub pa'i gnas 'di nyid na/ bya sna tshogs skad snyan pa sna tshogs sgrog pa/ nyams dga' ba'i phyogs 'dir rangs bskal pa dum bu'i rgyud bshad par bya'o// zhes gsungs pa dang / gsang ba'i bdag po la sogs pa rnams shin tu yi rang ste/ pus mo g.yas pa'i lha nga sa la gtsugs te phyag 'tshal nas/ legs so legs so bcom ldan 'das// bdag cag mkha' 'gro ma rnams dang /
- 24a
sa la gnas pa'i byang chub sems dpa' la// bdag cag grol bar bya ba'i phyir// bskal pa dus bu bshad par zhu// zhes zhus pas/ ngas gsungs pa la ma skrag par// rab tu legs par yid la zung // zhes gsungs so// gleng gzhi'i le'u ste dang po'o// // de nas kun tu bzang po yis// gsang bdag rdo rje sems dpa' rnams// thog mtha' med pa'i lhun grub la// rgya chad phyogs lhung med pa'i dbyings// kun gyi mnyam nyid yin pa la// lhun grub 'gag med rlung chen gyis// srid pa 'phrul gyi me long mthong // snang srid gsal ba'i me long du// nga nyid mnyam gzhag phyag rgyas btab// rang grol rang shar gyi bdag po yin// phyogs lhung med pa'i shes rab dang // gnyis su med pa'i shes rab dang // bdag 'dzin med pa'i shes rab kyis// rang grol nyid kyi dgongs pa thob// ces gsungs so// bskal pa dum bu'i rgyud las/ kun tu bzang po rang grol gyi le'u ste gnyis pa'o// // de nas yang thig le chos man gyi klong bya btsal dang bral zhing nas/ rdo rje sems dpa' la sogs pa la bka' stsal pa/ kye kye gsang ba'i bdag po nyon cig/ zhe sdang drag po'i las kyi 'bras bu ni// mtsham
- 24b
med lnga spyad mi dge bcu spyad pas// tsha grang brgyad gnyis nyi tshe nye 'khor te// las kyi 'bras bu dmyal ba'i kha brgyud las// dam tshig nyams pa'i rdo rje dmyal ba rnams// dmyal dpon chos kyi rgyal pos skyob bam ci// gal te mi skyob thub par ci la grags// skyob na dmyal ba'i 'bras bu tsha grang rdzun// me nyid chur grub khro chu zhun ma dang // nyid mer gyur grang ba'i chu rnams dang // rlung nyid brag gyur rdo rje rgya gram rnams// rang snang rkyen gyis bsgribs pas dmyal bar snang // rang snang dag pa'i rdo rje sems dpa' la// dmyal ba'i me chu zhing khams rnam dag yin// 'dzin pa rnam dag tsha grang gnas nas drang mi dgos// chos sku thug phrad skyes pas myong mthong rnam par dag/ des na de yi dmyal dpon thub pa yin// rang grol rang snang shar nas thub pa'i rgyal po yin// ces gsungs so// bskal pa dum bu'i rgyud las// dmyal ba'i gnas na thig le chos min du bstan/ pa'i le'u ste gsum pa'o// // yang thig le chos min gyi klong nas/ gsang ba'i bdag po la bka' stsal pa/ kye gsang bdag rdo rje sems dpa' nyon// 'dod chags drag po las kyis mtshams med spyad// ser snas bcings te mi dge bcu yang spyad// spyad pa'i 'bras bu yi dgas rnam gsum du// myong ba rgyu 'thun 'bras bu so sor
- 25a
smin// phyi yi sgrib pa nang gi sgrib pa dang // gnyis ka'i sgrib pa rab tu gdungs pa la// kha 'bar rgyal mos skyob bam ci// skyob na sgrib pas mnar ba ga la srid// mi skyo ba thub par gdags pa'i rgyu mtshan ci// snang ba rang sar dag na thub pa'i thugs rje rdzun// mos pas rlung phyir thub pa tsam du btags// rang grol rang shar shes tsam na// yi dgas gnas na bde chen thig ler 'bar// 'bar ba'i rgyal po 'di la grol dang ma grol med// thig le chos men sku la sgrib pa ya nas dag myong ba'i rgyu 'thun 'bras bu gdod nas rnam par dag/ rgya chad phyogs su ma lhung thig le chos men sku// rang byung gdod nas dag pas btsal ba'i blo las 'das// ngo bo rang sar grol bas sgrib pa ga la yod// gdod nas rang byung rdzun min rnam dag rdzun// ces gsungs so// bskal pa dum bu'i rgyud las/ yi dgas rang byung gdod nas dag pa'i le'u ste bzhi pa'o// // de nas yang thig le chos min gyi klong nas bka' stsal pa/ gsang ba'i bdag pos legs par zung zhig/ gti mug ma rig dbang gis ni// las kyi 'bras bu byol song rigs bzhi 'khrul// ngam grog gcong rong zab mo'i g.yang sa dag tu bzung ba yang // gti mug dbang gis de ltar mthong ba yin// glang
- 25b
mgo'i thugs rjes mi gtong ste// rang snang rnam dag ye shes 'od ldan pa'i// byol song tsam du ming du btags pa las// de nas byol song rgyud du 'grub pa med// thig le chos men ye shes zang thal yin// snang srid rang byung skye 'gag gdod nas dag/ nam mkha' bzhin du mtha' dbus grub pa med// rgya ched phyogs su ma lhung don gcig ma rtogs na// blo chung phyogs rtogs mkhan po de// dam par zhen nas bdud du song bar 'chi'o// zhes gsungs so// bskal pa dum bu 'bar ba'i rgyud las/ byol song rang dag gi le'u ste lnga pa'o// // yang thig le chos min gyi klong nas bka' stsal pa/ gsang ba'i bdag po nyon cig/ nga rgyal rang rgyud drag pos rgyu byas nas// ma rig gling bzhir bcad kyi na phye ba yang // bcom ldan thub pa'i sku yi thugs rje de// 'ga' tsam 'drongs sam thams cad yongs mi 'drongs// 'dren po'i thub pas 'drongs su dus dang // gnas skabs 'ga'// dus la bab kyang rang grol ma shes na// gnas skabs tsam gyi 'bras bu sangs mi rgyu// 'dren pa'i thar par 'bras bu 'khor bar 'khyams// rig pas btsun pa'i gdams pa'i zhal tshems ni// rgyud pa mang du gdams te go ba dka'// snod ngan zhabs rdol la sogs la// rna bar
- 26a
'ga' tsam blugs pa'i 'bras bu yis// phyi mar sprul sku thob nas sangs rgyas pa// thabs kyis spyod pas bstun gyin bkri bar bya// tshogs gnyis ma rdzogs sgrib gnyis ma sbyangs kyang // rdo rje lta bu'i ting 'dzin thob par 'gyur// rig pa skyang sgom snang ba stong mi bsgom// dngos po sgom pas 'dus byas zang ka ma// med pa mi sgom yid smon blo yi chos// rang rgyud dag tu mi 'tshor ye shes bltas pas grol// gling bzhi mi rigs klong la thig ler bdal// re dogs gzung 'dzin mtshan ma med// rgya cha daphyogs su su smyung spyan grub 'gag med yin// yin par ngas ma shes pas rgyal po gang 'khyums 'dra// 'dra ba ngom ma zin pas 'khor bar 'khyams// sbrul su brug pan 'di la sgom du gdod nas med// ces gsungs so// bskal pa dum bu'i rgyud las/ gling bzhi mi rigs ye grol du bstan pa'i le'u ste drug pa'o// / yang bka' stsal pa/ gsang ba'i bdag po nyon cig/ khong khro drang thad drag po'i 'bras bu yis// lha ma yin dang dpag bsam ljon pa rnams// 'thab rtsod bzhir gyur 'pham rgyal sna tshogs kyang // thig le chos min klong nas bde la yangs// 'thab rtsod rang grol thig le ye shes gsal// til gyi gang bu bzhin du ye nas par mtshams med// rig pa
- 26b
rang grol mtshan ma'i blo las 'das// ye shes khong gsal mtshan ma rang sar grol// thig le phyi nang med par ya mtshan che// srog gi se dang drag po'i spu gri 'bar ba de// tsa da log spyod can gyis bdag gsod gzhan sgrol ltar// 'khor ba'i dras thag bcad nas gzhan bsgral te// mtshan ma rang sar sgrol bas gzhan yang bsgral// ces gsungs so// bskal pa dum bu'i rgyud las/ lha ma yin ye nas rang grol ba'i le'u ste bdun pa'o// // yang bka' stsal pa/ nyon cig gsang ba'i bdag po khyod// phrag dog drag po'i las kyi 'bras bu yis// lha yi gnas su 'bras bur 'khrul pa ni// 'dod khams gzugs khams gzugs med khams gsum mo// dbang po brgya byin thub pa'i sprul sku de// lha yi ltung ba ma 'drongs thugs rje rdzun// thams cad 'drongs par ngas ma mthong ste de bas ltung ba mang // de yi thugs rje bden na thams cad 'drengs// 'ga' tsam 'drongs pa 'dra ba mkhar che stegs par 'gyur// thams cad mi 'drongs thub pa'i thugs rje rdzun// thug rje dbri bko la ya nas med pa la// phyogs rtogs tsam du rang gis bzung ba yin// thig le chos men klong nas 'gro drug yangs kyang yangs// rang rgyud 'dzin pa tsam la srid gsum dog kyang dog/ thig le chen po'i rigs la ye nas yangs
- 27a
kyang yangs// blo chung sman pa rnams la sems 'dzin tsam yang dog/ rang grol rang shar shes na srid gsum gdod nas dag/ sems 'dzin phra mo rtsom pa ni/ sangs rgyas thugs rje phyogs med dog/ 'dzin pa ma 'gags sangs rgyas thugs rje yin// rol pa ma 'gags sangs rgyas rgyan du shar// snang ba ma 'gags snang srid thig ler bdal// khyab gdal klong na ye shes yangs kyang yangs// rgya ma chad cing phyogs su ma lhung bas// sangs rgyas thugs rje dmyal ba'i tsher lgang nas// 'dod 'dze'i ba la dbye pa ye nas med// thun du bcug la sgom du ye nas med// 'dzin pa mi 'gegs thugs rje yin// thugs rje 'gegs na ye shes rgyud gcod dam// rang la rtsal du rang byung 'gag par gsungs// dbyar med sgrub tu gnyis snang kha ru 'tsher// sangs rgyas yid smon byed na ye nas rang chas rdzun// ces gsungs so// bskal pa dum bu 'bar ba'i rgyud las// 'gro drug rang sar grol ba'i le'u ste brgyad pa'o// // de nas yang bcom ldan 'das kyis/ gsang ba'i bdag po la bka' stsal pa/ kye gsang ba'i bdag po nyon cig/ snang ba'i gdams pa bstan gyis zhes gsungs te// nyid kyis bka' stsal du gsol ces zhus pas// bka' stsal pa/ 'gro ba rigs drug mu stegs rtag chad
- 27b
dang / theg pa rim brgyad dag la 'jig rten pa'o// snang ba bsdus pa rnam pa bzhi yin te// 'gro ba rigs drug dag gi snang ba ni// thugs rje sku gsum sprul pa'i rang snang la// log par mthong bas ngan 'gro bde 'gro yi// snang ba drug tu phye yang rang snang rnam dag chos sku yi// byin rlabs dbri bkol med par ma shes na// 'gro drug rang grol 'ong ba'i dus mi mchi/ mu stags rtag chad lta ba'i snang ba de// rang snang dbyar med ma shar na// rtag chad snang ba log nas 'khor bar 'khyam// kun rtags rim dgu'i snang ba so sor 'byed// blo chung snang ba phyogs med ma rtogs na// yang dag rang sar grol ba'i dus mi mchi// kun rtags lha yi snang ba sgyu ma tsam// sgyu ma rang grol rang shar ma shes na// bde tshe na rang snang dag pa'i dus mi mchi// gsang ba'i bdag po nyon cig/ 'gyu ba phyogs med yi ge 'bri ba la// klog mkhan ma byed mkhyen pa sbyangs// rang snang gdangs shog gsal ba la// 'gyu ba'i yi ge 'bur du bkod pa 'di// rdo rje sems dpa' khyod kyis kyang bshig par dka' 'o// don 'gyur ba med pa'i rang snang la// shes rab rtsal gyis gzo byas snang ba de// nga kun tu bzang pos rnyed par dka'// dus gsum 'gyur ba med pa'i ye shes de// rang rig blo bur rkun mas khyer ba ni// phya he les spyad
- 28a
bya/ gting yang mi rnyed do// rtag tu 'grogs pa'i rang rig de// dpral chung gi chu bo'i thal g.yengs pa mtshor na// rtag tu lta sgom byas kyang slu ste mchi'o// rigs kyi bu nyon cig/ go bar dka' ba'i tshig don de// za ba mo'i sgra ru brjod pas bcas// phyogs su lhung zhing rgya yang chad// dbri bkol med pa'i ye shes la/ lta sgom spyod pa'i lhad kyis bslad// shes bya ga shis kyi 'dug tshul la// phyogs re tsam la rten byas nas// ye shes skyes so zer ba rgod re bro// skyes pa 'gag pas ye shes 'dus byas la// rang snang khyab gdal phyogs lhung med pa la// nyams myong shar ro zer ba rgod re bro// shar ba nub pas nyams myong 'dus byas thal// gnyen po sgoms pas 'bras bu thob ces zer ba de// gnyen po thug med 'bras bu 'dus byas 'gyur// rgyu 'bras ro mnyam ye shes chos kyi sku// rtog spyod yul las 'das pa'i dgongs pa ni// kun tu bzang po'i dgongs pa ste// rang snang ye shes 'bar zhig go// zhes gsungs so// bskal pa dum bu'i rgyud las/ snang ba thams cad rang snang du bstan pa'i le'u ste dgu pa'o// // de nas gsang ba'i bdag pos zhus pa/ snang 'dzin gnyis la ngo sprad bstan du gsol// zhes zhus pas/
- 28b
thig le yangs pa'i klong nyid nas bka' stsal pa/ thun mong ma yin pa yi chos 'di ni// brgyud pa'i brda de dag gis mtshon pa ni// snang ba'i brda ni rnam pa bzhi// rang snang rang grol gsal ba'i me long bas kyang gsal ba 'di// 'dzin pa so sor mthong ba 'di// ji lta bur kyang snang ba 'di// ma nges kha dog dkar dmar gyis// bar ma do la snang/ pa 'gyur// snang 'dod rtsol ba'i nad kyis 'dzin// snang ba 'gyur bas lus sems 'gyur// rang snang log pa'i ngo sprod 'di// da lta chos thob snang ba'i zhags pa la// 'dzin pa'i rtod phur ma ched kyis// gnas lugs khyab gdal chen po la// khungs 'byin pa ni phung bar mchi'o// sgom pa 'byams dang ltungs pa dang // gug pa dang ni rmugs dang 'phro// 'gyu ba yig nag ma lhogs na// bar ma do ru yi ge 'dri// 'dri mkhan btson du ma gzung na// ji tsam sgoms kyang sdug bsngal rgyu// 'byams lteng gug par byed pa ni// gang du mi 'tsher yi ge ltos// rmugs dang 'phro ba sgom pa ni// blo chung kun gyi thun sgom yin// zhen pa cher gyis rang mthong che bar gyis// rmugs na gsal la 'phro na skye// zhes gsungs so// bskal pa dum bu'i rgyud las/ 'gre drug gi snang ba log la rang snang gi rgyas btab pa dang / 'dzin pa rang grol du btang ba'i le'u ste bcu
- 29a
pa'o// ta de nas yang bka' stsal pa// snang ba'i brda la ngo sprad de// 'gyu ba'i snang ba sna tshogs las// ma byas pa yi 'bras bu la/ ma byas pa'i dgongs pa ston te// mi 'gyur ba yi don ston no// de yang dpe ngo sprad kyis don mtshon te// thog ma man shel bzhir bzhag nas// chos lnga dag dang ldan pa ni// gsal ba stong pa thegs pa med// 'gag med mi 'gyur ba dang lnga// chos min rgyu rkyen med pa yis// gnyen po gang gis mi tshems te// sangs rgyas ma byas sems can gyis ma bcos// byed pas ma byas ye nas lhun grub la// rgyud la ma byung lung gis kyang ma mtshon// man ngag gtan la ma phab rigs lngas lung ma bstan// dngos po'i gnas lugs shes bya'i bshis su grub// de ni rtags yin don ni 'di lta ste// rig pa chos men ye shes rgyu rkye na med// byed pas ma byas ye nas lhun gyis grub// dpe dang ldan pa'i rtags rnams ye nas yin// yin par shes pas sangs rgyas thob dus med// de phyir 'bras bu ye nas rang grol yin// blo dngos shan 'byed ye shes zang ma yin/ blo dngos sha na ma phyed na 'khor bzang kha brgyud// rang snang thig le yin par ma shes na// snang ba stong sgom byas pas skye mched mu bzhi las// nam mkha'
- 29b
mtha' yas skye mched lha ru gol// 'gyur ba rig pa'i rdul du ma shes na// 'gru ba rgyung sgom byas pa'i 'bras bu ni// ci yang med pa'i skye mched gol ba yin// ces gsung so// bskal pa dum bu'i rgyud las/ blo dngos shan 'byed kyi le'u ste bcu gcig pa'o// // de nas yang bka' stsal pa/ dngos po'i rtags su rtags kyi yi ge byung // rang byung snang srid gsal ba'i me long 'di// mtshon gang tsam las ma rtogs pa// de man zla yang chu bur blo yi chos// blo dngos par na snang ba 'gag med 'char// ngo bo thig le chos men ye shes de// rgyu rkyen la sogs de dag gong dang 'dra// de yang rtags yin don du 'brel pas na// rtsa yi rgyal po shel gyi sbu gu can// tshe rabs thog ma med pa nas// tshe lha'i rten dang gzhi ma byed// de nang 'od kyi sgron ma lnga// mu tig tshar la brgyus pa 'dra ba de// tshe yi rta ni 'gyur ba yin// snying nas longs spyod 'khor lo 'brel ba yin// de nas 'jungs pa'i nang du song nas ni// bde chen gzhal yas khang na ka ba btsugs pa 'dra// gdung ma lta bur mdzod pu'i bu gar byung // sus kyang mi khegs rang byung rtags su gsal// rmi lam grong khyer rnam shes grong kha ya na// dus gsum nyid kyi ga dmas ngag shin tu gces// bar ma do ru
- 30a
gdon mi za ste dpa' bo yin// ka ba'i mgo la nyi zla gnyis yod pa// bde gsal stong pa'i skar lung nang du ni// gser gyi spangs pa lta bu ni dbugs med pa/ ye shes 'gag pa med pa'i rtags yin te// rab kyi gsang lam yin par shes par bya// gzhung ba mgo nas rtsa yi ba thag tsam// gnyis su gyes te mthis gyi me long gnyis su shar// shes rab 'gag pa med pa'i me long yin// pha ra la sa mi dgos te rang la bltas pas chog/ gsal bzang thal 'di la lta shes na// 'bring dang tha ma'i gsang sgo yin par shes// gdung sa la yang mgo ba bsnol mar byung // mnar med skye ba bdud mo dag nas 'byung // de yang rnga yi chen gyi gsang lam yin/ srog gcod bdud po legs na med de rang rdzas gnas// 'chi ba'i sgrog rten bya ba don yod// de ni 'chi 'bras drag tu dran pas 'chad// de chad bdud du byung bas na// 'chi badrug bdud du byung ba yin te// gsod byed gzhanan med// mdzod bu'i thugs rje 'gag med rang shAr las// bdag 'dzin med dang gnyis sdang ming // phyogs spyang med pa'i shes rab chen po yis// dus gsum gcig tu bstan pa ni// dbang po rab mgo gsang ba yin par shes// lam ni rtags kyi gsang lem rtsa yin po// don gyi gas
- 30b
lam 'gyu ba'i yig nag yin// zhen pa'i sgom pa chags sdang kha ru shor// sems dang 'gyur ba yin pas blo dngos 'brel pa med// dbugs med zang thal thogs pa med pa yin// thams cad kun la 'jug pas gsang lam chen po// don gyi gsang sgo dbye ba dang // rtags kyi gsang sgo mtshon pa dang // nges pa'i gsang sgo rnyed pa ni// rgyal po rgyal sa bzung ba 'dra// 'gyu ba'i yi ge lta shes na// rus sbal 'khar gzhong bcug pa 'dra// 'gyu ba'i yi ge klog shes na// dbul pos rin chen gtar rnyad/ 'gyu ba'i log rtog sol pa na// yid bzhin nor bu rnyed pa 'dra// 'gyu ba ma shes sems sgom rtsom// rta rgyags sgrog tu bcug pa 'dra// zhes gsungs so// bskal pa dum bu'i rgyud las/ ngo sprod brjod pa'i le'u ste bcu gnyis pa'o// // de nas yang bka' stsal pa/ rtsa la rtsa rgyud rnam gnyis te// stod kyi rtsa dang smad kyi rtsa// rnam pa gnyis su shes par bya// smad kyi rtsa rnams thams cad kyang // srog pa rtsa ru 'dus pa ste// dbugs med rgyu ste gti mug rtsa// lte ba smral pa'i 'khor lo la// drug cu rtsa bzhir gyes pa yang // dbus na gti mug 'byed med rtsa// zhe sdang 'dod chags mtha' rten can// g.yas kyi phyogs nas zhe sdang rtsa//
- 31a
bya/ sum cu rtsa gnyis rgyu ba'o// g.yon gyi phyogs nas 'dod chags rtsa// sum cu rtsa gnyis rgyu ba nas// drug cu rtsa bzhir bshad pa yin// de gsum gtso bo d+hu ti yin// srog pa rtsa yi nang du ni// dbugs med 'gyu ba'i rtag po byed// rtsa rnams thams cad 'phar ba yang // dbugs med rgyu ba 'phar ba yin// gsang ba'i gnas na rtsa gnas pa// 'dod chags zhe sdang rtswa rta pho la// bde ba stong pa'i mi pho zhon// nyams la chags na rta dang bral// phye bo rta dang bral ba yis// rta yi zhen pa 'dud pa grol// ces gsungs so// bskal pa dum bu'i rgyud las/ smad kyi rtsa rgyud mdor bstan pa'i le'u ste bcu gsum pa'o// // de nas yang bka' stsal pa/ gsang ba'i bdag po legs par nyon cig/ stod kyi rtsa rgyud bshad par bya// stod kyi rtsa rnams thams cad kyang // shes rab 'gag pa med pa'i rtsa// rtsa yi rgyal po shel gyi sbu gu can// shes rab 'gag pa med pa'i rtsa// snying nas gyen du 'brel ba yang // thams cad 'gag med shes rab rnam gsum rtsa// g.yas na myur ba'i rtsa gnas te// g.yon na thogs pa med pa'i rtsa// dbus na zab pa'i rtsa gnas te// 'gyu ba 'gag med thogs med ca// bsnol mar 'gro 'ong 'phel 'grib byed pa yi// rus
- 31b
sbal 'khar gzhong bcug gi gdams ngag ma shes na// rtag tu sgoms kyang bde ba'i nad kyis 'dzin// mgrin pa longs spyod rtsa la rnam pa bcu drug yod// 'od gsal zung 'jug gnyis med gsum du 'dus// spyi bo bde ba chen po'i rtsa ni sum cu so gnyis te// de yang 'od gsal zung 'jug gnyis med gsum du 'dus// zhes gsungs so// bsku/ pa dum bu'i rgyud las/ stod kyi rtsa rnams 'dus pa'i le'u ste bcu bzhi pa'o// // de nas yang bka' stsal pa/ rang snang rang rgyud bsam gyis mi khyab ste/ gzhi la spyan rdzob cu sdigand girjod pa// thigs pa med pa'i rdzang brgyas pa yin// thig le'i snang ba bsam kyis ldab ste/ rang gsas yan mag 'azhig med rgyas bamin rlung gi snang ba bsam gyis mi khyab ste// 'gag med rang snang yan lag g.yos pa yis// lam gyi dus su rtsa rgyud thig le rlung // stod rgyud smad rgyud gnyis su phye ba tsam// 'bras bu'i dus su sku gsum lhun gyis grub// rang grol zhan 'dod med pa 'di rang yin// ces gsungs so// bskal pa dum bu'i rgyud las// gzhi lam 'bras bu lhun grub kyi le'u ste bco lnga pa'o// / de nas gsang ba'i bdag po de stan las langs te/ phyag btsal te bskor ba byas nas/ mdun drang por 'khod pa dang / kye bcom
- 32a
ldan 'das bdag mkha' 'gro ma rnams la bka' stsal pa'i/ rgyud 'di la ji ltar gdags par bgyi/ zhes zhus pas/ thams cad dum bur ston pas na// bskal pa dum bu'i rgyud du zung // dum bu ye shes rab 'bar bas// dum bu 'bar ba'i rgyud du zung // ngo sprod dngos su 'byin pas// thig le rjen ston rgyud du zung // zhes bka' stsal pa/ gsang ba'i bdag po rjes su yi rang ngo // rgyud kyi rgyal po bskal pa dum bu 'bar ba'i rgyud/ mkha' 'gro ma'i lag nas byung ba rdzogs so// / / rgya gar skad du/ rad na bi sha tig snA ta na tra/ bod skad du/ rin po che sna tshogs ral gri'i rgyud/ bcom ldan 'das lhun gyis grub pa'i rgyal po la phyag 'tshal lo// 'byung ba rtsa ba ston pa'i dus dag tu// 'og min yangs la snang ba'i gnas dag tu// ston pa'i ston pa kun tu bzang po des// sdus pa po rdo rje sems dpa'i 'khor rnams la// bya ba las kyi rim pa 'di bshad do// yan lag rdul gyis snang ba'i dngos po la// rgyud dang 'bras bu tha dad 'dod pa la// dag sdig las kyi 'bras bu so sor byed// gnyis med gnyis kyi dngos po so sor bshad// glang gzhi'i le'u ste dang po'o// // ston pa'i ston pa kun tu bzang po la// sdud