N945MW22704_0945rgyud 'grelAll versions of this work

dpal bde mchog phyag gnyis pa'i lhan cig skyes pa'i sgrub thabs

Śrīdribhujasahajasaṃbarasādhanaṃ

Text

ff. 257a–258b · 4 folio sides

  1. 257a

    nyi bcas hUM/ /nyi ma u ha mgo zla tshes/ /thig le nA da'i bar bsdus la/ /der yang dmigs med gnyid la 'jug /nang par gyis dus su rdo rje rnal 'byor ma yis glus bskul bas sad par mos par byas la/ cho ga thams cad nyi ma snga ma bzhin du bya'o/ /de ltar gus pa dang bcas pas rgyun mi 'chad par bsgom pas sems brtan par gyur pa dang/ rdzogs pa'i rim pa'i ting nge 'dzin bsgom par bya'o/ /rnal 'byor pa rnams 'pho tshe dpal/ /khrag mthung sogs pa rnal 'byor pa/ /me tog sna tshogs lag na thogs/ /rgyal mtshan ba dan sna tshogs dang/ /rol mo'i sgra ni sna tshogs dang/ /glu yi mchod pa sna tshogs kyis/ /mkha' spyod gnas su khrid par byed/ /'chi ba zhes 'di rnam rtog yin/ /dam tshig ldan zhing bla ma la gus dang/ /bsgom bsgrub brtson la dngos grub thams cad 'byung/ /tshe dang longs spyod phun sum tshogs pa dang/ /dpal dang gzi brjid dbang phyug las rnams 'grub/ /bstan bcos thams cad la mkhas rtsod pa chen por 'gyur/ /rdo rje 'chang chen po nyid myur du thob par 'gyur ro/ /bcom ldan 'khor lo bde mchog gi /sgrub thabs tshul bzhin byas pa las/ /dge ba thob pa gang yin des/ /'gro kun rdor 'dzin rgyal gyur cig /bcom ldan 'das 'khor lo bde mchog gi sgrub thabs rin po che yid bzhin nor bu zhes bya ba slob dpon mkhas pa chen po rdo rje dril bu pas mdzad pa rdzogs so// //'gro kun sangs rgyas thob par shog/ //rgya gar gyi mkhan po su ma ti kIrti dang/ bod kyi lo tsA ba mkhas pa mar pa chos kyi dbang phyug gis bsgyur cing zhus te gtan la phab pa'o// //*/ /rgya gar skad du/ sh+rI dri b+hu dza sa ha dza saM ba ra sA d+ha naM/ bod skad du/ dpal bde mchog phyag gnyis

  2. 257b

    pa'i lhan cig skyes pa'i sgrub thabs/ dpal bde mchog lhan cig skyes pa la phyag 'tshal lo/ /bdag gi dge bas khams gsum srid mdza' i sdug bsngal ma lus pa/ /bsal nas bde ba mdza' dag la ni dgod par bya ba'i phyir/ /sangs rgyas thob par bgyi'o zhes kyang smon pa bskyed nas su/ /gzhan dag 'jug pa'i rang bzhin yang ni yongs su spel bar bya/ /rnal 'byor rnam gsum shes bya ste/ /byin gyis brlab dang rab brtags dang/ /bsam gyi mi khyab gzugs rdzogs pa'i/ / rnal 'byor sangs rgyas rnams kyis bsngags/ /gang yang skad cig sbyor ba yis/ /rang nyid rdo rje mkha' 'gro gyur/ /rdzus te skyes pa'i sems can bzhin/ /sa bon med par bsgom bya ste/ /dpral bar gnas pa'i thod phreng can/ /zla ba phyed pa spyi bor 'chang/ /phyag rgya drug dang mgo phreng can/ /spyan gsum sna tshogs rdo rje can/ /g.yas brkyang gom stabs bkod pa yis/ /sna tshogs chu skyes nyi ma la/ /gnas pa'i 'jigs byed dus mtshan bcas/ /mnan cing stag gis pags pa 'chang/ /nag po mi bskyod cod pan can/ /rdo rje dril bu ral par ldan/ /dpa' bo rdo rje phag mo ni/ /rdo rje thod pa khrag bkang bsnams/ /dmar po ske rags dum bus mtshan/ /spyan gsum mgo bo'i phreng ba can/ /phyag rgya lnga ma sgra grol ma/ /phyogs gos sangs rgyas dbu brgyan ma/ /de ltar skad cig gis rdzogs par/ /bdag gis lus ni bsgom par bya/ /ye shes lnga yi rang bzhin gsal/ /sangs rgyas 'od zer rnam par 'phro/ /sems kyi spyod yul gcig tu ni/ /de dag kho na yun ring bsam/ /sems can gnas der bzhag nas su/ /de nas sangs rgyas dga' ba brtsam/ /chos dbyings rgyal mtshan kun chags las/ /dman min 'jig pa phun tshogs rnams/ /yang dag

  3. 258a

    rig pa dga' ba'i tshogs/ /'dzag pa can ma 'char ba gang/ /de ni rgya chen yid byed pa/ /'phro ba 'dus byas rgyun rnams la/ /rtag tu bsgom zhing 'di bzhin du/ /'od gsal rjes su dran par bya/ /sna tshogs mtsho skyes nyi ma dang ni 'jigs byed dus mtshan mo/ /mdzes ma bdag po nam mkha' i nor bu de bzhin gshegs pa lnga yi 'og /lus dang yan lag mchog dang 'od dkar thig le nA da ste/ /'di rnams sgrib pa med pa'i gnas su rims kyis gzhug par bya/ /ji ltar dbugs rlung me long la/ /kun nas yal bar 'gyur ba ni/ /de bzhin rnal 'byor yang dag mthar/ /yang dang yang du gzhug par bya/ /thams cad khyab pa snang ba med/ /snying rje ro gcig yid kyis ni/ /bdag po yin bzhin stong pa nyid/ /skad cig kho nar 'khyud par 'gyur/ /rnam bcas rnam pa med pa'i bcom ldan 'das ma shes rab de yis 'khyud pa po/ /skye 'jig spangs pa mi 'gyur bde ba rgod pa la sogs bde ba spangs pa po/ /sangs rgyas rnams ni skyed byed sku gsum ldan pa khams gsum yang dag rig pa po/ /thams cad mkhyen pa mchog gi dang po'i sangs rgyas bcom ldan de nyid la phyag 'tshal/ /mi 'gyur bde ba ye shes dus/ /thabs dang thugs rje'i bdag nyid de/ /shes bya'i rnam par 'gro 'khor lo/ /shes rab stong nyid bdag nyid do/ /kaM de bde ba rgyu med blo/ /snying rje ye shes mi 'gyur ba/ /stong nyid pri ti se na bzhin/ /dngos po thams cad mthong ba'o/ /kun nas phyag dang zhabs ldan pa/ /kun nas spyan dang dbu dang zhal/ /kun nas dran ldan 'jig rten du/ /thams cad kun tu g.yogs nas bzhugs/ /'di ni ngo bo nyid kyi sku/ /stong nyid snying rje gnyis med pa/ /ma ning zhes byar grags pa ste/ /'ga' zhig tu ni zung 'jug ces/ /sgrib pa med pa'i chos kyis ni/ /phung

  4. 258b

    po la sogs 'di na gnas/ /rten dang brten pa'i mtshan nyid 'di/ /thams cad dkyil 'khor nyid yin no// //dpal bde mchog phyag gnyis pa'i lhan cig skyes pa'i? sgrub thabs/ dngos grub brnyes pa'i paN+Di ta chen po dpal rdo rje dril bu pa'i zhal snga nas mdzad pa rdzogs so// //rgya gar gyi mkhan po lnga rig paN chen grub pa brnyes pa rje btsun ratna rak+Shi ta li zhal snga nas dang/ chag lo tsa ba shAkya'i dge slong chos rje dpal gyis bsgyur cing zhus te gtan la phab pa'o// // kun gyis sangs rgyas myur thob shog/ //*/ /rgya gar skad du/ ga Na tsa kra bi d+hi/ bod skad du/ tshogs kyi 'khor lo'i cho ga/ dpal rdo rje mkha' 'gro la phyag 'tshal lo/ /nam mkha' i mdog can dri med rnal 'byor ma la rol/ /khyung rnams sprul pa bkye nas bdud bzhi zil gyis gnon mdzad de la phyag 'tshal lo/ /bsod nams ye shes tshogs yin te/ /tshogs la dngos grub mchog thob 'gyur/ /de phyir de yi cho ga ni/ /brgyad dang bcu bzhi bco lnga dang/ /tshes bcu la ni de rab mchod// dur khrod dam ni shing gcig mchog /skyed mos tshal dang kun dga' dang/ /de bzhin rang gi khyim dang ni/ /gzhan yang dben pa'i khyim du bya/ /dang po tshogs kyi yo byad bsags te/ de nas bdud rtsis chos 'byung bris la/ de'i steng du bdud rtsi lnga dang thod par sbyar ba bzhag /de nas yon bdag gis phyag byas/ me tog tshogs kyi slob dpon dang/ /rnal 'byor yo la phul nas gsol ba gdab/ /de nas tshogs kyi slob dpon gyis/ /oM mahA ra shud+d+ha sarba d+harmA hA ra shud+d+honyrahaM/ zhes pa'i sngags mang bar bzlas/ de'i rjes la slob dpon gyis rdo rje dang dril bu 'dzin pas yum la 'khyud par snyoms par zhugs par bsam/ de nas bdud rtsi spyad bar byas/ ye shes bdud rtsi phab la/ oM a mri ta hUM ci nus bzlas/ rtsa ba'i sngags bzlas/ de

Colophon

dpal bde mchog phyag gnyis pa'i lhan cig skyes pa'i sgrub thabs/_dngos grub brnyes pa'i paN+Di ta chen po dpal rdo rje dril bu pa'i zhal nas mdzad pa rdzogs so/_/rgya gar gyi mkhan po lnga rig paN chen grub pa brnyes pa rje btsun rat+na rak+Shi ta'i zhal snga nas dang /_chag lo tsA ba shAkya'i dge slong chos rje dpal gyis bsgyur cing zhus te gtan la phab pa'o