don dam par bstod pa
Paramaarthasrapa
Text
ff. 380a–380b · 2 folio sides
- 380a
bstod pa 'phags pa kru grub kyis mdzad pa rdzogs s+ho// rgya gar gyi mkhan po shin ti b+ha tra dang / lo tsa ba tshul khrims rgyal bas bsgyur cing zhus te gtan la phab pa// @#/ rgya gar skad du/ pa ra ma ar+tha sta pa/ bod skad du/ don dam par bstod pa/ 'jam dpal gzhon nur gyur pa la phyag 'tshal lo// skye ba med cing gnas med la// 'jig rten dpe las shin tu 'das// ngag gi brjod pa'i spyod yul min// mgon khyod ji ltar bskyod par bgyi// de lta na yang gang 'dra bas/ de bzhin nyid don spyod yul gyi// 'jig rten btags la la gnas nas// gus pa chen pos bdag gis bstod// skye ba med pa'i ngo bo yis/ khyod la skye ba yong mi mnga'// mgon khyod gshegs dang byon mi mnga'// dngos mi mnga' la phyag 'tshal 'dud// dngos med ma lags dngos ma lags// chad pa ma lags rtag ma lags// mi rtag ma lags rtag ma lags// gnyis mi mnga' la phyag 'tshal 'dud// dmar dang ljang dang rtsod mdog min// ser dang gnag dang dkar ma lags// khyod la kha dog yong mi dmigs// mdog mi mnga' la phyag 'tshal 'dud// chen po mi lags chung ma lags// ring dang zlum pa ma lags la// tshad med pa yi/
- 380b
dngos bsnyes pa// tshad mi mnga' la phyag 'tshal 'dud// ring min nye ba ma lags shing // nam mkha' ma lags sa ma lags// 'khor min mya ngan 'das ma lags// mi mnga' ba la phyag 'tshal 'dud// chos rnams kun la mi gnas pas// chos kyi dbyings kyi dngos gyur cing // mchog tu zab pa nyid bsnyes pa/ zab mo khyod la phyag 'tshal bstod// de lta'i bstod pas bstod bgyi ba 'am// yang ni 'dir ni ci zhig bstod// chos rnams thams cad stong pa la// gang la bstod cing bdag gis bstod// skye dang 'jig pa rnams spangs shing // gang la mtha' dang dbus med la// gzung dang 'dzin pa mi mnga' ba// 'dir ni khyod stong nus pa gang // gshegs dang byon pa mi mnga' zhing // 'gro ba lnga spangs bde bar shegs bstod pas// bsod nams des ni 'jig rten rnams// bde gshegs gnasu 'gro bar shog/ ngag du// don dam par bstod pa/ slong dpon klu grub kyi mdzad pa rdzogs so// rgya gar skad du/ ni rub ma sta pa/ dpe med par bstod pa/ 'jam dpal gzhon nur gyur pa la phyag 'tshal lo// gang zhig lta bas 'phongs pa yi// 'jig rten 'di la phan tsom khyod// dngos pa med pa'i dzin rig pas// dpe med khyod la phyag 'tshal bstod// gang zhig khyod kyis chung zhig kyang /
Colophon
don dam par bstod pa/ blo dpon klu grub kyis mdzad pa rdzogs s+ho/