'phags pa 'jam dpal mched bzhi'i sngags rgyud
Text
ff. 469a–476b · 16 folio sides
- 469a
rgyud ces kyang bya/ don dam par dpa' bar 'gro ba gar mkhan mchog gi rgyud phran le'u mdor bsdus pa'o// @ gar skad du/ ar+ya many+dzu shri ma ru tse dza tsa tur mu le lan tra tan+t+ra nA ma/ bod skad du/ 'phags pa 'jam dpal mched bzhi'i sngags rgyud ces bya ba/ bcom ldan 'das dpal khro bo 'jigs byed kyi rgyal po la phyag 'tshal lo// 'di skad bdag gis thos pa'i dus gcig na/ 'og min gyi gnas rang bzhin lhun gyis grub pa'i gnas mchog na/ bcom ldan 'das dpal kun tu bzang po 'gro ba rnams ji ltar 'dul ba bzhin dgongs nas/ 'khor rnam bzhi la gang lhar 'tshams pa bzhin du ston pa las thugs rjes bstan pa'i byini rlabs kyis/ mkhyen pa'i ye shes thugs kyi// dgongs pa las/ phyin ci log tu kha blta sems can rnams// bla med gnas su thugs rjes drang ba'i don slad du/ zhi ba'i sku la khro ba'i cho 'phral bstan// de ltar khro bo'i rgyal po ya man ta ka de/ 'khor gyi khro bo rnams kyi dbus na bzhugs so// de'i tshe de'i dus na khro bo'i rgyal po ya ma na ta ka dpa' brtul chen po'i ting nge 'dzin la snyoms par zhugs so// de nyid kyi byin rlabs las ye shes rnam pa bzhi las rigs bzhi'i khro bor gyur te/ ya ma rA dza dang / myos byed 'bar ba dang / ar+ya ma ru dang / ral pa tshar dgu dang bzhi 'thon te/ de bzhi'i so sol
- 469b
thugs kyi sprul pa las/ dbang sdud ma ru tse mched bzhi'i sku ru bstan no// dus kyi rnam pa rtsigs su shes pas 'khor rnams dang / thabs dang shes rab kyi thabs gcig tu bzhugs so// de'i tshe da dag gi nang nas ba jigs byed ya ma rA dza la sogs pa/ bzhi yi byin gyis brlabs te dpal phyag na rdo rje'i sprul pa'i sku ru bzhengs te/ bcom ldan 'das kyi zhabs la dbus phyag btsal nas bskor ba byas te 'di skad ces gsol to// kye kye bcom ldan 'das/ rang bzhin med pa'i chos bshad pa// 'khor ba'i rgya mtsho drangs pa'i phyir// ma 'ongs shAkya thub ba yi/ bskal pa bstan pa'i tha ma la// mtshams med lnga yi las dag 'byung // sangs rgyas bstan pa mi gnyan par// gnod sbyin gdong dmar dbang du 'gyur// des na lha srin sde brgyad kyis// gtso bo chen po bzhi rnams kyis// khro bo rnams kyi drung na gnas// rab 'jigs chen po bka' stsol cig/ dpa' bo chen po bka' stsol cig/ ces gsol ba dang / khro bo ya man ta kas phyag na rdo rjes gsol ba thugs su chud de/ cang mi gsung bar zhal 'dzum pa mdzad do// de nas yang phyag na rdo rjes cang mi gsung ba thugs su chud de/ 'di skad ces gsol to// dpa' bo chen po khro chen po// sangs rgyas bstan pa gzhan bya'i phyir// gnod sbyin gdong dmar 'dul ba'i phyir/ gtso bo rnams la bka' stsol mdzod/
- 470a
ces glengs pas/ sgra srin sde brgyad gtso bo bzhi la sogs te khro bo rnams dang / lha srin sde brgyad thams cad phyag na rdo rje'i drung du thabs gcig go// de nas bcom ldan 'das kyis 'khor rnams la 'di skad ces bka' stsal to// ma hA rak+Sha maN+Dal la/ zhes gsungs pas// 'jig rten dbang du bsdu ba'i phyir/ stong gsum gyi stong thams cad dmar po khrag gi rang bzhin du gyur to// de nas phyag na rdo rje la sogs pa'i 'khor rnams shin tu 'jigs shing rngams te ji lta bu'i tshe 'phrul yin snyam pa las/ de'i dus su stong gsum gyi stong chen po'i sems can rnams kyang rgyal bar gyur to// dkon mchog gsum la skyabs su mchi'o// zhes phyag na rdo rje dang thabs gcig tu smras so// de nas phyag na rdo rjes bcom ldan 'das kyis gsungs pa'i cho 'phrul de thugs su gsol te phyin ci log tu bltas pa rnams dbang du bsdu ba'i rtags dbang gi rang bzhin du bstan to snyam nas/ gtso bo chen po bzhis kyang 'jig rten gyi dbang gtod par thugs su gsol te/ phyag na rdo rje dang thabs gcig go// de nas yang dpal phyag na rdo rjes 'di skad ces gsol to// kye kye bcom ldan 'das 'di lta bu'i byin rlabs ngo mtshar ro// 'di lta bu'i cho 'phrul ngo mtshar che'o// sems can thugs rjes thag chad cing ngan song du skye ba rnams cho 'phrul bstan pa ngo mtshar che'o// de yi don dang nges tshig bstan du gsol
- 470b
ces pa dang / bcom ldan 'das ya man ta kas thugs kyi gsang mdzod nas phyung / mgur gsang ba'i bum par dril/ sngags kyi dbang po la bkram ste bka' stsal pa/ phyag na rdo rje khyod nyid kyi thugs la yod bzhin du 'gro ba'i don du/ gtso bo bzhi'i don dang nges tshig dang zhu ba legs so// dngas bshad kyis nyon cig/ 'khor ba'i rgya mtsho drang ba'i phyir// gang ltar 'dul ba'i rim pa bstan// phyin ci log tu kha bltas pa'i// sems can drang ba'i don slad du// gser ram gur kum kha dog las// stag gzig 'dra ba'i sku ru bstan// kun bzang zhi ba'i sku las ni/ nga nyid khro bo chen por gnas// 'jig rten dbang du bsdu ba'i phyir// thams cad khro bo'i rang bzhin bstan// nga yi thugs kyi yang sprul las// dmar po gtso bo bzhi ru bstan// dmar ba dbang gi rang bzhin la// ru ni chags pa'i rang bzhin te// rtse ni zhe dang nyi tshe zhes// des na ma ru rtse zhes bya// gtso bo bzhi yi lag na ni// skye 'gro'i tshe srog gnas bar bya'o// zhes bka' stsal to// 'jam dpal ma ru tse mched bzhi'i sngags rgyud las/ gleng gzhi'i le'u ste dang po'o// // de nas yang ni mthu stobs kyi bdag pos 'di skad ces gsol to// bdag cag gis ni 'khor tshogs dang // dus ngan tha ma'i rnal 'byor pas// gsung gi brtan pa bsrung ba'i phyir// phyogs bcu'i bde gshegs
- 471a
thams cad kyis// lha chen gtso bo rnams la ni// byin gyis brlabs par mdzad du gsol// bdag cag rnams la rten pa yi// ji ltar bgyi ba'i rim pa bzhin/ dpa' bo chen pos bka' stsol mdzad// ces zhus pa'o// dpa' bo chen pos bka' stsal pa// nyon cig khro bo rol pa'i tshogs// gsung gi bstan pa bsrung ba'i phyir// yang dag nyid du bshad par bya// nga ni khro bo'i rgyal po ste// rnam shes tshogs brgyad gdung dang la nyon// nga yi thugs kyi yang sbrul las// sgrol byed gshin rje ma ru / 'gugs byed srin po ma ru tse// dbang sdud bdud po ma ru co// sgrol byed gnod sbyin ma ru tse// gshin rje srin po bdud dang ni// gnod sbyin la sogs sde brgyad kyis// kha lo sgyur ba dbang bskur te// rtsa ba'i sngags ni 'di rnams so// gnod sbyin phyogs nas bskor bar bya// na mo rat+na tra ya yA/ na mo be shar ma ni s+ye/ na mo d+ha rA dza s+ye/ na mo tan ku pa ra s+ye/ gu h+yes+ye ka te be ta h+ye ba ni ku bar d+ha'i sha mi/ a nu ru ba su ru ba/ tsan+d+ra khan nA ka tsa tsa ka h+ye mo he sa/ kan ku pa ran he ma kan ku ha ka/ tsa la tsa la pa tsa ba tsa/ bu lu pu lu swA hA/ bod rbad dgyes te gsad pa dang bzhi'o// o tri ling shang ka du/ dri za ya kle rbad bu phye mkha' dar/ ru ru pra pra dum dum/ shig shig/ bod rbad dgyes te gsad pa dang bzhi'o// oM rnal ma rnal ce
- 471b
gsod la rngam/ gshogs la mer/ dbris la chu ma thu bis thu/ lcags kyi sgra/ bod rbad dgyes te gsad pa bzhi'o// oM bdud pra ma ya/ bdud pra ma ya/ snying mgo tshod du ru du ru/ ha ra ti ha ra ti/ snying la dza'i/ nag po ti be tsa ba'i he da/ snying la pa tsa tsa ba rbad ril rba da/ nag po he ra ha ba ril rbad nag po he ra ha/ hu la hu ya snying la du ra dur glo tsa baM ril rba da/ bod rbad dgyes te gsad pa bzhi'o// 'jam dpal ma ru tse'i sngags rgyud las/ rtsa ba sngags kyi le'u ste gnyis pa'o// // de nas yang dag bshad bya ba// rdzas kyi rim pa 'di lta ste// gsod pa'i phyogs nas gsad par bya// gnod sbyin phyogs nas bsad par bya// gnod sbyin rmer ldan dmar la// gshin rje'i dkar po gnyab nag la// srin// po srog chags sder chags so// bdud kyi rme lug smug pos bya// smug chen smug chung la sogs pa'i// sha dang khrag dang snying rnams ni// brten pa'i rdzas su bsag par bya// tshal chen gu gul la sogs pa// dbye ba'i rdzas su bsag par bya// drag po la sogs rdzas rnams ni// gsad pa'i rdzas su bsag par bya// bzhi po so sor bsgrub na yang // rang re'i srog chags ma nor dang // phyi ma'i rdzas rnams gzhung bzhin bsham// tsar dkar po gnyar nag la// bzhi ka bsgrubs kyang rkyong med shes// khro bo chen pos don du gsungs//
- 472a
rnal 'byor don dang ldan pa bzhi// dkyil 'khor phyogs bzhir bzhugs nas su// mched bzhi'i sku ru gsal bsgoms la// spyan drang mchod pas thugs dam bskul// yang na dka' thub chen po yis// sems kyi phyogs bzhir bsgoms nas ni// spyan drang la sogs gong bzhin bya// snying po gnad nas khugs su// bod cing thugs dam rgyud bskul nas// gdong dmar gtad de dam bdar nas// sum cu gsum gyis gdon mi za// 'jam dpal ma ru tse'i sngags rgyud las/ rdzas dang las kyi rim pa ste le'u gsum pa'o// / de nas yang dag bshad bya ba// mthing nag gru gsum drag po'i dbus// zla gam gsum bskor dbang gi tshul// zlum po zhi ba'i rang bzhin no// 'khor lo rtsibs bzhi gzhal yas khang // gru bzhi rgyas pa'i rang bzhin la// sgo dang sgo khyud rims bzhin ldan// mthing nag dbus la bskyed rdzogs te// 'khor lo bzhi la gtso bo bzhi// rdzas ni gnod sbyin phyogs nas bskor// dug gtor dang ni sgrub gtor dang // ho ma dang phur bu rims bzhin dgod// dug gis dbye ba'i sngags bstan pa// ya ma rA dza krung ling ba sangs sang // kun pa sangs sang // klu lingasang / ku ta nan/ yol lcags sam ku ta ki hUM phaT/ kun la bzhi sdom sngags su bstan// phur bu dang ni drag po yi// de yi drag sngags bshad par bya// rtsa ba'i drag sngags
- 472b
bzhi po yis// mjug la btags te brdeg par bya// mA ra ya dang rbad ces brjod// o u ma rA dza many+dzu shrI ya man ta ka kI la ya hUM phaT/ rtsa ba bzhi la btags la brdeg/ ho ma la stong mar sreg pa'i sngags// lung dang ldan par brjod par bya// bla byang bsreg cing nyungs kar brdeg/ oM ku ma rA dza ha na u ma many+dzu shrI ku ma ra ra mu du kha rbad/ yak+ka gdong dmar ma ra ya many+dzu shrI ku ma ra he 'gribar/ yak+ka kha la spu tirbad/ gdong dmar mA ra ya rbad many+dzu shrI da ba ta twa many+dzu shrI grib kha la du na ti/ gdong dmar mA ra ya many+dzu shrI de grib pa kha la shag snying mgo chod/ gu na du na ting rbad/ dgra bo mA ra ya rbad zer/ de ba many+dzu shrI ku ru ma da tu pa ta ka ra hi na/ kha la shag snying kha la yaM/ mgo rbad dgra bo mA ra ya raM/ skyer ba'i hai ma la me sbar te/ gtor ma'i ling ga lhag kun// sbags la sbyin sreg rab byas la// dmar po mched bzhi'o zhal gdangs bsam// dgra bo gdong dmar gsol bar bsam// dmar po mched bzhi drag sngags rtsa bzhi po la// gong ma'i drag sngags de btags te// gdong dmar tshig par rab bsregs la// thal ba rlung la bskur byas na// nges par mar gdon mi za// shar gyi bdud kyi dam rdzas ni/ shar gyi sman gtor bden pa'i rdzas// rtsa ba'i sngags mkhar gdags// bod cing brten pa'i gtor ma'o// 'jam dpal mchu ce mched bzhi'i sngags rgyud las/ dkyil
- 473a
'khor bri ba dang 'phrin las kyi sngags kyi le'u ste bzhi pa'o// / de nas yang dag bshad byug/ rtsa ba bzhi snyoms rgyud du drangs// oM kum/ ra dza many+dzu shrI ya man ta ka ku ma rA dza// bco lnga sngags kyi 'phreng ba 'di// mu tig gtar la brgyus pa 'dra// rgyal ba rnams kyis byin gyis brlabs// oM ni ye shes snga dang ldan// ku ma ra ni skyeng pa'i sngags// many+dzu 'jam pa'i khro ba ste// shrI ni bdag dang gzhan gyi dpal// ya man ta ka gtso bo'i sngags// ku ma rA dza bzhi po ni// bzhi snying gcig tu dril ba ste/ lus dang grib ma bzhin du bsnyen// bdun 'bum grangs ni tshang 'gyur na// tshe dang ye shes phun sum tshogs// ci 'dod rang las 'byung bar 'gyur// gdong dmar 'dul bar 'dod kyang rung // dgag bsam pa 'grub par 'gyur// sa bon snying po rgyu dang 'dra// dz+dzadz+dza dz+dza dz+dza/ yang na hA gi bar du bya// de ni skyed pa'i sa bon yin// bdag gi rnam shes tshogs las byung // oM many+dzu shrI ku ma ra ya man ta ka ma ru tse te pa ye hUM phaT/ bcu dgu sngags kyi dri la sngags 'di// chu bur rdol pa'i tshul bzhin du// rgyal ba rnams kyis rkyen du brjod// brjod pas gtso bo bzhi yi sku// rgyan dang sku mdog phyag mtshan ldan// rgyal ba'i sku gsung thugs yin phyir// bzhi po dril bas sku gsung thugs// de dag sngags su gsungs pa'o//
- 473b
oM a kro ti ka ya man ta ka dza la dza la kA ya hUM phaT/ oM nas hUM dang phaT kyi bar// bcu bdun brjod pa sku yi sngags// oM a kro taM ka ya man ta ka bAka sha ya ha na ha na hUM phaT/ oM nas hU dang phaT kyi bar// bco brgyad brjod de gsung gi sngags// oM a kro te ka ya man ta ka tsit+ta pa na tsin+d+ra tsin+d+ra hUM phaT/ oM nas hU dang phaT kyi bar// bcu dgu gsungs te thugs su bstan/ sa bon sngags dang skyed pa'i sngags// rgyu ni rtsa ba'i bco lnga'i 'phreng // sku gsung thugs kyi sngags dang drug/ phyogs bcu'i rgyal ba rnams kyis gsungs// mthu dpung che bar byin gyis brlabs// bsgral zhing gdul ba'i drig sngags ni// dpa' bo khro bos yang dag gsungs// 'jam dpal ma ru tse'i sngags rgyad las/ rgyal ba rnams kyis gsungs shing byin gyis brlabs pa'i sngags kyi le'u ste lnga pa'o// // dpa' bo khro bos yang dag bshad// rgyal bas gsung ba bsnyen pa ste// yon tan sngags ni las la sbyor// o nu ta phaT/ oM dze da ba gri da sod ta sod/ o ru ta ru ta b+ho b+ho mA ra la nan/ o hriSh+Ti bi kr-i tI mon ta dgra bo ma ra ya/ de ni yon tan sngags su bstan// las kyi gnyer gtad thugs dam bskul/ dgra bo na ye hU ta nan/ dgra bo nri ya phaT phaT/ ru ru ta dmang ta dgra bo ni mA ra ya na na/ dug ya dung ya phaT/ ru ta ru tamAr mdza ni dgra bo na ya ya/ dzo na nanan/ thugs dam bskul ba'i sngags
- 474a
zhes bya// dkyil 'khor byin bskyed sngags bstan pa// oM shrI many+dzu ya ma rA dza ma ma e ka dza Ti dza dza/ bcu drug brjod de byin dang ldan// 'jam dpal ma ru tse'i sngags rgyud las/ las la sbyor ba'i sngags kyi le'u ste drug pa'o// / de nas yang dag bshad bya ba// mnan pa'i las rnams 'di skar te// thod pa gcig la 'khor lo ng+ga/ dkyil du mA ra ya'i ming rus gzhug/ thal 'dag dag gis kha bcad la// nA ga gnas pa'i lung pa 'am// dur khrod chen po'i ga ting du sba// gshin rje rgyal po'i lag tu gtad/ rA dza bsgral ba'i g.yang bzhi ste// ra snying nang du ming ru gzhug/ pags pa'i nang du gril nas kyang // kun 'gro lam gyi bzhi mdor sba// btab pa'i ming rus nub phur 'gos// ra yi khaH yi brlang bar bya// shA grogs sum mdor sba bar bya// sngags ni gang dang gang byed kyang // mched bzhi'i dam tshig sngags kyis mnan// oM triSh+Ti bi kr-i tA mod ta dgra bo mA ra ya nan// o hriSh+Tha bi kr-i tA mon ta dgra bo mar ya nan/ o hriSh+Ti bi kri tA mon ta dgra bo mar du nan/ o hriSh+Ti bi kri tA mon ta dgra bo mA ra ya nan nan/ g.yam leb dag la bris te man na/ khro rgyal rnams kyis gsung pa yi/ 'phrin las rnam bzhi'i bro yang brdung // don yod grub pa'i pho brang gdab// 'jam dpal ma ru tse'i sngags rgyud las/ mnan pa'i las dang sngags bstan pa'i le'u ste bdun pa'o//
- 474b
de nas yang dag nges gsungs pa// mi rnams srog gi snying po ni// klu rnams srog gi snying po ni// lha rnams srog gi snying po ta sa yin// gnod sbyin srog gi snying po ki yin te// 'dre rnams srog gi snying po trag sha ma yin// sha za'i srog gi snying po tsa ba yin// srin po srog gi snying po tra ra ste// byol song srog gi snying po tsa ti yin// dmyal ba'i srog snying du zhes bya// the brang srog snying bye tri yin// snying po de rnams bstan pa ste// zhi rgyas dbang dang mngon spyod bzhi// ba yu she la dug tsang sman// dkar po yan la gsug pa bzhin// me tog dkar po ngur bzhin 'ong // de gnyis sbyar te mod btsugs la// rang gi dgra dang bdud kyang zhi// de ni zhi ba'i las su bstan// de las rgyas par bya ba ni// yig 'bru gur kum nyid kyis bri// bdag nyid tshe dang dbang thang rgyas// gzas pa'i las dang rnam smin rgyas// dbang du bya ba khrag gis bris// mngon spyod bya ba khrag sna gsum// bdag gi gos kyang rigs kyi bstun// / 'dug phyogs dag kyang rims bzhin no// zur bzhi rgyas pa skyes phur ro// dngul dang zangs lcags de bzhin no// zlum po zla gam zur gsum mo// oM bruM bu blu'u/ hUM bu oM/ sngags de dag gis lce sgyur zhing // gang la bya ba dgug par bya// oM hU bruM kru kruM bru'u su'u dzu bu dzu hUM 'u gang / na mo badz+ra ma bi ta kro ta ya dza la ma ra ka ra ya/ oM dz+wa la dzA ma pra dzA la pra dzA yu ta du ta
- 475a
sarba nA ga pa ra ni/ sa ra sa ra bi sa ra bi sa ra/ sarba du sha ni hU~M phaT/ sho sha ni hUM hUM phaT phaT/ oM tshin+d+ha tshan+na du ha na ha na hUM phaT/ d+ha sad ta nits+tshin+d+rA la hUM phaT/ khro bo 'bar ba'i yang snying 'di// 'jam dpal khro bo'i sngags yin te// 'phrin las rnam bzhi'i phur bu'i sngags// drag sngags 'phrin las mang ba cig/ nga yis so sor bshad kyis kyang // las 'di kun la brtsam par bya'o// 'jam dpal dmar po'i sdigs rgyad las/ 'phrin las rnam pa bzhi'i le'u ste brgyad pa'o// // de nas yang dag nges gsungs pa// nyon cig phyag na rdo rje dang // gtso bo bzhi dang khro bo'i tshogs// nga yis bka' stsa la rgyud 'di ni// sangs rgyas kun gyi sku gsung thugs// sku yi dam tshig bshad par bya// nges par ston pa'i gu ru dang // gzhan dag nges par sgrub pa la// mngan sems skya sems mi bya zhing // dkon mchog spri la gnod pa yi// gnod sbyin gdong// dmar la sogs pa'i// gnod par byed na lha yang rung // de dag shin tu bsgral bar bya// gsung gi dam tshig 'di lha ste// sngags dang phyag rgya rgyan mi gcad// chos la rngan du mi smra'o// thugs kyi dam tshig thub pa'o// da btab bstan pa phan chod na// lnga brgya tha ma tshun chad du// shin tu gsang zhing gab par gyis// rigs lnga'i dngos grub phan chad nas/
- 475b
'jam dpal dngos grub yan chad du// yal nas grub tu mi 'dod tshe// de tshe nga yi bstan pa 'byung // rnal 'byor gzhung dang ldan pa yis// gcig nas gcig tu bstan pa las// gzhan du bstun na rang nyid brlag/ 'bras bu mnar med dmyal bar skye// dam tshig ma nyams nges thub na// rgyal ba rnams kyang dgongs pa mdzad// nga yi bstan pa 'byung ba'i tshe// gtso bo bzhi yis chos bskor bsrungs// don dang ldan pa'i rnal 'byor pas// dgra byung nges par bos pa'i tshe// gtso bo khyed bzhi dbye la 'gyur na// phyag na rdo rjes dpang mdzod la// / ye shes chen po khro chen pos// rang la rang men rdul du rlog/ dam chos nyams pa'i gshed ma mdzod// sku gsung thugs kyi rang nyid 'di// nga yi bstan pa gzhung bzhin du// lag tu// len zhing dam bsrung na// ci 'dod bsam pa yid bzhin pa grub// dngos grub sku gsung thugs thob ste// sku yi dngos grub tshe dpag med// 'khor dang 'dab kyang shin tu rgyas// gsung gi dngos grub sgra snyan thob// las kyi rnam pa ci byas kyang // legs shing snyan pa'i sgra yang thob// thugs kyi dngos grub shes rab ste// sku tshe phyi ma'i don kyang shes// sa bcu rims kyis bgrod par 'gyur// kun tu 'od kyis yang non// phyir mi ldog pa'i dngos grub thob// des na bka' stsal shin tu nyon// rgyud 'di gnas pa'i drung du yang /
- 476a
bsrung dang skyabs dang mtshams chod cig/ ces khro bo chen pos bka' stsal to// de nas phyag na rdo rje dang // gtso bo bzhi la sogs pa'i 'khor rnams rjes su yi rangs te// 'di skad ces gsol to// dpa' bos bka' stsal rgyud 'di la// legs pa'i rnam grangs nyi tshe gnas// des na shin tu gnyan par bya'o// shin tu rjes su yi rang ngo// zhes tshigs su bcad pa bka' stsal to// de nas gtso bo bzhis mgrin gcig tu smras pa// dus kyi lnga brgya tha ma la chos skor 'jig cing dkon mchog gi dbu 'phang nyams pa'i dus su dam tshig dang ldan pa'i gzhung bzhin sgrub pa'i rnal 'byor pa gang la gnod pa'i gdong dmar la sogs te/ gang gis gnod pa byed kyang bdag cag rnams kyis 'dral zhing tshar gcad do// bka' btsan po 'di gang na gnas kyang rung ste// der badrag cag kyang gnas par bgyi'o// gal te bdag cag du sa g.yel nger g.yal bar gyur na ni// khro bo rnams kyi mthus bdag cag rnams kyi lus khos shig/ dpal phyag na rdo rjes dbang mdzod la/ bdag cag g.yel bar gyur na/ phyag na rdo rjes bdag cag gi mgo tshal pa brgya ru snying dum bu stong du gtubs shig/ bdag cag gi lus la me 'bar bshog cig/ ces dam bcas nas slar de nyid du mi snang bar gyur to// 'jam dpal ma ru tse mched bzhi'i sngags rgyud las/ rgyud gtad pa dang /
- 476b
dam bdar ba dang / rjes su yi rang ba'i le'u ste dgu pa'o// // ma ru tse mched bzhi'i rtsa ba'i rgyud rdzogs so// / 'jam dpal gsang ba'i rgyud phyi ma'o// de nas de'i tshe de'i dus na// lha ma yin g.yog 'khor dang bcas nas bcom ldan 'das ya man ta ka'i thad du bdus te/ de dag gi nang nas gshin rje'i rgyal pos 'di skad gsungs so// kye ma thugs rje'i bdag po'i gtso// ma ru tse yi sngags rgyud don// sa ma ti yi rim pa dang // dbang bskur 'khor lo bshad du gsol// ho zhes zhus pas/ bcom ldan 'das chos nyid las bzhengs nas 'di skad ces gsol to// rtog med spros bral chos dbyings ni// chos rnams kun gyi de bzhin nyid// rang bzhin dngos med spros bral la// rig pa spros bral mi rtog sgom// kun tu snang gi ye shes ni// chos nyid kun khyab ye nas don// ma rtogs sems can 'khor ba la// snying rje nam mkha' lta bur sgom// rgyu yi ting 'dzin ye shes ni// skye ba med las sems nyid hUM// skye ba'i cho 'phrul dmar 'bar gsal// thams cad skye ba'i rgyu ru sgom// sems nyid hUM gi byin rlabs las// 'byung ba dbang chen sa bon spro// e ya raM ba su keng bri// dur khrod 'bar ba'i gzhal yas khang // ye shes 'bar ba gnas chen po//