rin po che sgron ma zhes bya ba'i rgyud
Text
ff. 169b–183a · 28 folio sides
- 169b
dpal bshes gnyen gyis// dkon mchog yi dam lha rnams la// rin chen sna bdun mchod pa phul// zhu ba zhus pas mnyes pa med// the tshom chod pas yid ches skyes/ man ngag dam pa bcud ldan 'di// mnyes pa bdun dang mdud pa lnga// dgrol ba'i rigs can ma rnyed nas// rgya gar rdo rje ga dan drung gter// rgya nag rib rtse lnga'i gter// kha che mi ri 'bar ba'i gter// shar phyogs bya rgod spungs pa'i gter// bal po 'phags pa shing kun gter// oM r+ya na d+hA na ko sha'i gter// bod yul rgyal po bangs so'i gter// de rnam pa yi gnas su ni// gter srungs bcas la sba zhing gtad// ces gsungs so// rin po che sgron ma 'bar ba'i rgyu yas// rgyud kyi sba thabs dang gtad pa'i rgya bstan pa'i le'u steng gsum pa'o// // rin po che sgron ma 'bar ba'i rgyud rdzogs so// // rgya gar gyi mkhan po bi ma la mi tra dang / zhu chen gyi lo tsa ba gnyags dz+nyA na sa dbu tshal gser khang du rgyal po yon mchod kyi don du bsgyur cing gtan la phab pa'o// // rgya gar skad du/ rat+na pra tI paM tan tra nA ma/ bod skad du/ rin po che sgron ma zhes bya ba'i rgyud/ bcom ldan 'das gsang bdag bde ba chen po la phyag 'tshal lo// 'di skad bdag gis
- 170a
thos pa'i dus gcig na/ thog ma med pa'i dus nyid nam byung ma skyes mnyam pa'i ngang / chos dbyings mnyam pa'i gnas na/ snying po rang byung gi ston pa la rang bzhin gnas pa'i 'khor dang / rang bzhin 'od kyi 'khor dang / rang bzhin snang ba'i 'khor dang / snang tshul rig pa'i bstan pa la bkod do// yang de'i tshe gsal ba phyi nang med pa'i gnas rig pa'i rgyal po'i ston pa la 'khor gnyis kyis bskor te/ rlung rnam pa gnyis 'gyu ba'i dus su mun snang rgyab gyes pa'i bstan pa la bkod do// de'i tshe de'i dus na chos kyi dbyings gnyis su med pa'i dus na/ bcom ldan 'das gsang bdag chen po la 'khor gsum gyis bskor nas bstan pa gsum gyi don la bkod do// de nas 'khor gyi nang nas sems dpa' rdo rje des/ ston pa'i spyan sngar 'dug nas rgyud zhu ba'i tshig 'di skad ces gsungs so// rgyu dang 'bras bu'i chos la la zla ba'o// khyad par don gyi rang bzhin ji lta bu// zhes gsol pa dang // ston pa gsang bdag chen po des// 'khor gyi nang nas sems dpa' rdo rje la// ma byung ma skyes sngon rol na// ming med shes med mnyam pa las// snang ba gsum gyi dkyil 'khor nas// bde gshegs gsum gyis skur snang nas// 'dod pa'i 'bras bu 'char ba'i don// khyad par don
- 170b
gyi rang bzhin 'di gsungs so// rgyud ces bya ba'i rnam grangs bstan pa ni// dngos po lnga dang ldan tshad brgyad// nges tshig dgongs gzhi dbye ba'i don// 'thun pa'i dpe yi don rnams bstan pa'o// ma g.yos mnyam pa'i rang bzhin ni// snying po nyid las ma g.yos pa med// ma rtogs rtogs pa'i tha snyad med// rgyu las ma byung rkyen dang bral// mi zad gter gyi mdzod chen po// yon tan 'byung ba'i rin po che// sangs rgyas sems can kun gyi gzhi// ming ma thogs kyi stong chen po// shugs nas byung nas rim brgyud pa// snang ba gsum gyi rang bzhin las// ston pa gsum gyi ngo bor shar// sku gsung thugs rje'i byin rlabs la// mos pa'i 'bras bu so sor snang // 'dod pa'i bsam pa'i re ba skong / ta yid gsum 'khor lo'i rim pa las// gsal ba'i rnam pa gcig tu sha ra// gsal ba'i 'od las kha dog lnga// med las yod bzung rgyu de la// rigs drug sems can de las byung // ston pa'i thugs rje'i byin rlabs kyis// mos pa tha dad drang ba'i phyir// thabs kyi bye brag bsam mi khyab// rgyu dang 'bras bu'i chos/ rnams ni// gdul bya drang ba'i thabs su bstan// dbang dang dam tshig sdom pa dang // lta sprod sgom pa 'bras bur bcas// snying po rtogs pa'i thabs su bstan// 'khrul
- 171a
pa'i ngo bo bkrol nas ni// chos nyid ma dang ngo sprad do// 'gyu ba med na sgom mi dgos// blo dang bral nas yang dag nyid// dran pa'i rnam pa mi skye zhing // ma bsgoms snying po 'char ba'i don// gang snang yul la 'jug mi bya// 'dzin dang bral ba'i ngo bo nyid// chags dang bral ba'i rang bzhin gnas// rang gnas snying po de bzhin nyid// rtso la sgrub 'dod pas rtogs mi 'gyur// shes med gsal ba'i ngo bo nyid// rnam rtog 'khrul pa rang bzhin zhi// yid gnyis the tshom kun dang bral// yi ge med pa'i gsung gis ni// gsang bdag chen po dgongs pa ston// 'khrul med snying po goms shing rtogs// stong nyid ye shes ngo sprad pas// rin chen rang snang gzhag par bya// theg pa mchog gi don 'dzin cing / rgyu med che ba'i don mchog go/ snying po mtha' bral dkyil 'khor 'dir// zhe 'dod med par 'jug na bde// dang po gnas lugs gtan la dbab// gnyis pa 'khrul pa rtsod nas bcad// gsum pa ldog thabs nyams su blang // bzhi pa ma bu ngo sprad do// snying po nyid kyi ye shes de// sgra yi don la gzhag par bya// phyi rol yul// la mi 'jug na// dran pa'i sems med 'gyu ba bral// stong pa'i ngang la sor gzhag pa// nam mkha' lta bur bcos pa med// snying po nyid la cog 'jog go// dbang po
- 171b
ngo la gang snang ba// dbye bas la med par shes par bya// rnam gsum ston pa ma lus pa'i// thugs las byung ba'i man ngag bcud// skal ldan rnal 'byor rtogs pa'i mchog/ rang snang ma bcos bde ba nyid// rang byung lhun grub ye shes slong // chos nyid rang gsal ngang la gnas// spros bral don gyi theg pa la// 'gyu med snying po nyid du gnas/ tam bcos mnyam nyid ye shes glong // rnam rtog dran pa'i sems dang bral// 'khrul pa'i 'dzin pa sa bkrol la// snying po 'dod pa med par gzhag/ rnam rtog 'khrul ba'i dri ma bral// ci yang ma yin dngos gzhi med// rang lugs ye shes nyid la gla nas// dus gsum sangs rgyas dgongs pa'o// tha mal shes pa 'di nyid la// 'gyu ba med na de nyid yin// dran pa'i sems la don mi gnas// lus ngag yid gsum rtsol dang bral// drang ba'i chos la sems mi skye// theg pa che la yid mi 'gyu// bla ma khong gi snying ltar gzung // mos pas rang gi bya ba btang // rin chen sgron ma'i ngo bo 'di// srog dang bral ba'i kha bzhin bsdam// zhes gsungs so// rin po che sgron ma'i rgyud las/ gleng gzhi bstan pa'i le'u ste dang po'o// // de nas sems dpa' rdo rje des// ston pa gsang
- 172a
bdag chen po la// dngos po ji ltar gnas pa'i don// de yi ngo bo ji ltar lags// zhes gsol pas/ ston pa gsang bdag chen po des// rang bzhin lhun grub don bstan pa// ma byung ma skyes sngon rol na// ming med mnyam pa chen po'i don// shes med rtogs med mdzod chen po// snying po nyid kyi rang bzhin la// ma rig ye shes gnyis mi mnga'// 'khrul dang ma 'khrul gang yang med// 'khrul rtog bag chags sna tshogs dang // ye shes rang snang ngo bo gnyis// rang byung nyid la dbye ba med// dngos po nyid la ngo bo bral// snying po nyid kyi rang bzhin la// thog ma med cing tha ma bral// blang dor med pa'i mnyam pa'o// dge mi dge yi sems dang bral// mtha' dbus mi mnga' phyogs ris med// ji bzhin nyid las ma g.yos kyang // 'od kyi rang bzhin gsal bar snang // thams cad rtsa ba byang chub sems// mi zad byung / ba'i mdzod chen po// rang bzhin ma bcos lhun gyis grub// ngo bo ci yang ma yin las// mtshan nyid tha dad bsam mi khyab// dngos med stong pa'i sems nyid la// chos nyid chos can mi 'byed pas// gnyis med snying po bden pa'i don// bden brdzun 'khrul pa'i mtha' mi 'dzin// snying po'i don la zhe 'dod med// bsam med rin
- 172b
chen sgron ma 'di// ma bcos ma mdzad byang chub sems// thams cad rtsa ba byang chub sems// ngo bo ma grub nam mkha' bzhin// rgyu las ma byung snying po la// nam yang skye bar mi 'gyur ro// sangs rgyas sems can ngo bo gcig/ ngo bo med pa'i byang chub sems// snang dang stong pa'i mtha' mi gnas// rtag dang chad pa las grol ba// rigs drug sems kyi 'khrul/ pa dang / rgyal ba'i ye shes dgongs pa gnyis// byang chub sems kyi ngo bor mnyam// ma byung ma skyes par don// sems kyi ngo bo ji ltar gnas// mkha' dang 'ja' tshon tshul du gnas/ ji bzhin ma bcos ma bskyed pa// rang byung snying po kun gyi gzhi// ma bcos snying po kun gyi bdag/ rang gnas byang chub kun gyi gzhi// rtog 'khrul med pa'i ngang la gnas// ma phye mi phyed stong chen po// 'gro 'ong med pa'i gnas chen po// shes med rtog med 'gyu ba med// myong rig med pa'i dngos gzhi can// gang nas ma byung btsal mi bya// ci yang mi snang dmigs su med// dngos med snying po'i rang bzhin can// bya med chags med bde ba'i ngang // rkyen med 'gyur med sgrib pa med// rang lus rang gnas ma bcos sems// ji bzhin kun 'byung 'char ba'i sgo// snying po bya bral gter gyi mdzod// mi 'gyur rang bzhin bde ba che// zhes gsungs so// rin po che sgron ma las/ gnas lugs bstan pa'i le'u ste/
- 173a
gnyis pa'o// // de nas sems dpa' rdo rje des// ston pa gsang bdag chen po la// gnas lugs rang bzhin de ltar gnas pa la// 'gro drug sems can ji ltar 'khrul// 'khrul pa'i ngo bo ji ltar lags// 'khrul pa'i lugs ni ji ltar 'khrul// gsang bdag chen pos/ sems dpa' rdo rje la gsol pa/ gnas lugs rang bzhin mnyam pa las// ma rtogs ma shes shugs las 'khrul// med la yod 'dzin 'khrul pa las// stong pa'i ngang las 'gyu ba'i rlung // gzhi dang rkyen dang 'gal ba gsum/ rang ngo ma shes ma rtogs pas// rgyu ba'i rlung las rig pa shar/ yin min mnyam pa'i ming du myong // sems yin mnyam pa'i 'dod pa skyes// 'dod pas gsal ba nyams su myong // gsal ba kha dog lnga ru snang // 'od kyi dngos po rkyen du snang // med la yod gzung de las su// rigs drug sems can dag tu 'khrul// snying po rang ngo ma shes pa/ dmus long mdun na gzugs snang 'dra// med kyang log par snang ba ste// gangs la ser po 'dzin pa 'dra// kun gzhi rnam shes gzhi byas nas// tshogs bdun shes pa'i rtsal du snang // rang ngo ma shes ma rig pa// rgan mo long ma'i mig dang 'dra// nga dang bdag gi ngo bor myong // gzung 'dzin phyi nang gnyis su gzung // khams gsum sdug bsngal
- 173b
nyams su myong // shing gi phrin bzhin sdug bsngal myong // rang ngo ma shes sgrib pa byung // rang las gzhan tshol gol sa byung // las dang shes bya'i sgrib pa dang // don med tshig gis gol ba dang // rnam rtog lta bas gol ba dang // spa drang spyod pas gol ba dang // bsgom chags nyams kyi gol sa yin// snying po de nyid rtogs mi 'gyur// rtsol ba'i chos la mthar phyung nas// 'jig rten rgyu 'bras blo yi chos// shugs kyis spang bya yin pa'o// 'dod pa'i mtha' la zhen pa dang // snang ba yul gyis rkyen byas pas// yang dag don gyi ngo mi shes/ gzung ba'i 'khrul pas log par mthong // 'gro drug sems can thams cad ni// dug gsum nad kyis gzer ba la// nad kyi rgyu rkyen ma shes na// yun ring 'khor ba'i gnas su sdug/ ces gsungs so// rin po che sgron ma las/ 'khrul pa bstan pa'i le'u ste gsum pa'o// // de nas sems dpa' rdo rje des// ston pa gsang bdag chen po la// 'khrul pa ldog thab se man ngag ni// dbang bskur byin rlabs 'bras bu ni// thabs kyi bye brag yan lag gang // zhes gsol pa dang // ston pa gsang bdag chen po des// dbang bskur rang bzhin don bstan pa// dbang gi ngo bo dbye ba dang // bskur thabs byin rlabs 'bras bur bcas// ma skyes skye ba med pa'i dbang // mtshan ma'i dri ma med pa
- 174a
nyid/ snying po mngon du bstan du med// ci yang ma yin dmigs su med// lha dbang lus la bskur ba dang // chos dbang sems la bskur lugs ni// lha dbang lus la bskur lugs ni// gnas lnga dag tu bum pa'i dbang bskur ba// phung po lnga dang nyon mongs lnga// lha dang ye shes dag tu dbang bskur ro// rdzas dbang lce la bskur ba ni// gnas dang rdzas dang gsang bskur ba'o// thabs dang shes rab dbang bskur ni// gnyis su med par nyams kyis bskur ba'o// dbang bskur byin brlabs dri ma dag pa ni// lus ngag sems kyi dri ma dag/ 'bras bur bde bar gshegs pa'i gnas// chos dbang sems la bskur ba ni// shes med snying po bum pa'i dbang // gtan du med pa'i gsang ba'i dbang // nyams su myong ba ye shes dbang // zhe 'dod bral ba brda'i dbang ngo // dbang bzhi bskur bas dri ma dag/ shes bya'i dri ma dag pa dang // blo yi dri ma dag pa dang // yid gnyis dri ma dag pa dang // phyi nang yongs su dag pa'o/ stong pa'i ngang gsang bum pa'i dbang // gsal la brjod med gsang ba'i dbang // gsang ba nyams myong shes rab dang // nyams la ma zhen brda yi dbang // dbang bzhi bskur bas dri ma dag/ lhan cig skyes dang kun tu btags// smra brjod tshig dang zhen pa grol// bskur bas byin rlabs 'bras bu ni// sku gsum 'bras bu thob pa'i don// gsang sto
- 174b
gnyis med bum pa'i dbang // gsal kyang brjod med gsang ba'i dbang // gnyis med nyams myong shes rab dbang // nyams la ma zhen brda yi dbang // dbang bskur dri ma dag lugs ni// las dang nyon mongs shes bya dag/ 'bras bu ngo bor nyid kyi sku// rin po che sgron ma las/ dbang bskur bstan pa'i le'u ste bzhi pa'o// // de nas sems dpa' rdo rje des// ston pa gsang bdag chen po la// sdom pa bsrung mtshams dam tshig rnams// khyad par bye brag ji ltar lags// ston pa gsang bdag chen po de// dam tshig sdom pa bsrung mtshams ni// la la nyis brgya lnga bcu bsrung // la la sdom pa nyi shu bsrung // bya ba'i rgyud kyi dam tshig ni// rtsa ba yan lag gnyis sdom brgyad// rnal 'byor rgyud kyi dam tshig ni/ rtsa ba yan lag gnyis sdom bcu// rnal 'byor chen po'i dam tshig ni// gnyis sdom nyi shu rtsa brgyad do// rdzogs pa a nu yo ga ni// dmigs pa bzhi yi dam tshig bsrub rdzogs pa a ti'i dam tshig ni// rtsa ba gcig la yan lag gnyis// byang chub sems kyi dam tshig ni// rtogs pa'i ngang las mi 'da' zhing // 'khrul rtog rkyen khar ma shor na// rtsa ba'i dam tshig chen po yin// 'dod zhe na mtha' yi mgos na// lta ba'i dam tshig chen po yin// yid kyi 'gru bas ma bsad na// nom pa'i dam tshig chen po yin// lus
- 175a
bya ba thongs pa na// spyod pa'i dam tshig chen po yin// bar dor shes bzhin gsal ba na// 'bras bu'i dam tshig chen po yin// slob dpon dag gi dam tshig ni/ snod ldan slob ma dag la ni// man ngag gab sbas mi byed par// 'khrigs sdebs 'dzur bcad dam tshig yin// 'og rus 'gen tshag byed pa la// bka' rgya bstan cing bka' gsang thub// gab 'khrigs mi sdeb dam tshig yin// bka' las mi 'da'i dam tshig can// mchog dang thun mong dngos grub 'di// tshe 'di rang la 'ong bar 'gyur// snod dang mi ldan gang zag la// zas nor phyi ltas/ man ngag spel// gab 'khrigs sdebs nas spel ba na// chos skyong mkha' 'gro rnams kyis su// yid dang mi mthun sdug bsngal rnams// tshe 'di rang la smin nas 'ong // nam zhig lus/ sems 'bral ba'i tshe// dbugs ma chad par mkha' 'gro yis// sha khrag sngon du za ba yin// de nas rdo rje dmyal bar 'gro// snod dang ldan pa'i slob ma yis// slob dpon gsungs pa'i bka' mi gcog/ slob dpon gsungs pa'i bka' gcag na// khams gsum sems can bsad dang mtshungs// bskal pa stong gi sangs rgyas pas// rdo rje slob dpon gcig pu gnyan// snying dang dpral gyi mig ltar zung // sangs rgyas stong la mchod pa bas// rdo rje slob dpon gcig mchod 'phags// rgyud 'chad dbang bskur man ngag ster// yon tan gsum ldan slob dpon
- 175b
ni/ stong gsum btsal yang ci 'ga' tsam// srog la bab kyang 'khor bar bya// zhes gsungs so// rin po che sgron ma las/ dam tshig bstan pa'i le'u ste lnga pa'o// de nas sems dpa' rdo rje des// ston pa gsang bdag chen po la// chos rnams go 'byed par do ji ltar lags// ston pa gsang bdag chen po des// bar do'i mtshan nyid don bstan pa// rang bzhin thog ma'i bar do ru// sangs rgyas sems can gnyis su btsal// rang bzhin rlung gi bar do ru// rlung 'gyu gnyis kyi gzhi yang btsal// zer gyi shes pa phra mo skyes pa las// rig par skye ba'i gzhi yang btsal// yan lag rig pa'i bar do ru// yar sgo mar sgo'i gzhi yang btsal// snang ba gsum gyi bar do ru// sku gsum 'byung ba'i gzhi yang btsal// kha dog lnga yi bar do ru// gzugs brnyan 'od kyi gzhi yang btsal// 'od gzugs dag gi bar do ru// rigs drug 'khrul pa'i gzhi yang btsal// thos bsam shes pa'i bar do ru// yar gyi 'khrul lugs rtsa dwa yang gcad// mar gyi gdams ngag par do ru// ldog thabs rnam gsum nyams su blang // skye shi srid pa'i bar do ru// snying po glong nas 'char ba'o// zhes gsungs so// rin po che sgron ma las/ bar do bstan pa'i le'u ste drug pa'o// // de nas sems dpa' rdo rje
- 176a
des/ ston pa gsang bdag chen po la// chos rnams gzugs brnyan tshul du snang // me long gsum du ngo sprad pa// gang du ngo sprad ji ltar lags// ston pa gsang bdag chen po des// me long rnam gsum ngo sprad pa// kun gzhi sems kyi me long dang // rig pa gsal ba'i me long dang // chos kyi dbyings kyi me long ngo // gsal dngas / chos kyi me long du// snang ba'i dngos po ngo yang sprad// smad pas snang ste rang bzhin med// rig pa gsal ba me long du// 'khrul rtog bag chags ngo yang sprad// sprad pas med snang gzugs brnyan 'dra// kun gzhi sems kyi me long du// bde bar gshegs pa'i dgongs pa sprad// sprad pas med la yod snang yin// thams cad gzugs brlan tshul du snang // snang ba de la rgya rnams rang sar btab// ces gsungs so// rin po che sgron ma las/ me long gsum du ngo sprad pa'i le'u ste bdun pa'o// // de nas sems dpa' rdo rje des/ ston pa gsang bdag chen po la// theg pa'i don rnams rtogs bya'i phyir// 'jug sgo la sogs ji ltar lags// ston pa gsang bdag chen po de// theg pa rnams kyi don bstan na/ mtshan nyid theg pa'i 'dod lugs ni// bden gnyis rten 'brel bden pa bzhi// rang rang so so'i sgo nas 'jug/ yul sems gnyis su snang ba la// sems ni bdag dang
- 176b
bral bar lta// yul ni phra rab rdul du 'dod// yul gyi rgyu ni stong pa la// sems ni rnam par rig byed 'dod// yul gyi rnam pa sems su 'dod// sems ni rang rig gsal bar 'dod// yul gyi rnam pa brdzun pa la// sems ni rig pa bden par 'dod// bden pa gnyis su phye nas yang // yul ni kun rdzob tsam du snang // sems ni ston pa rang // bzhin med// srung ba'i khrims kyi 'dod pa ni// rtsa ba bzhi las yan lag ni// nyis brgya lnga bcu dag tu srung // rtsa ba gsum las yan lag ni// sdom pa nyi shu tham pa srung // blangs pa'i yon tan bcu gnyis dang // 'tsho ba'i yo byad bcu gsum spyod// rdzu 'phrul mi mthun ya ma zung // pha rol phyin pa drug tu spyod// keng rus rtsol ba dbang po 'gegs/ lugs bzlog 'thun dang mi mthun sgom// mnyam gzhag rjes thob sgom pa dang // la la rtog pa med par sgom// dgra bcom bse ru lta bu dang // lha gnas dag tu skye bar 'dod// phyi rgyud sngags kyi 'dod pa ni// dag pa gsum dang gnyis su 'dod// phyag rgya rnam bzhi 'jug pa'i sgo// rigs gsum lha yi dkyil 'khor dang // dag pa chos nyid lta ba'o// rigs bzhi lha yi dkyil 'khor dang // skye 'gag med par lta ba'o// rigs lnga lha yi dkyil 'khor dang // skye 'gag med par lta ba'o// rtsa ba lnga gsum yan lag ni// bdun bdun
- 177a
ngag dang bye nas srung // 'phrin las bzhi dang cho 'phrul ba ni// yan lag bcu gcig rim pa dang // byang chub rnam lnga rim gyis sgrom// longs spyod pa'i zhi khams skye// bskyed rdzogs rnam gsum 'dod pa ni// ting 'dzin gsum dang ye shes dbyings// bka' tshoms chen po bzhi nas 'jug/ snang stong gnyis med lta ba dang // rgyu 'bras gnyis su lta ba dang // zhe 'dod med par lta ba'o// rtsa ba gsum dang yan lag lnga// dmigs pa bzhi dang byang chub sems// sbyor sgrol rdzogs longs ma bcos spyod/ phung po khams dang skye mched rnams// lha dang lha mor sgom pa'o// cho ga'i yan lag rnam gsum gyis// dam tshig ye shes gnyis med sgom// 'gros gsum gyis lam gdam zhing / skyon can gsum gyi 'phrang bsal nas// dran pa'i rtog pa bral ba sgom// dbyings gcig ye shes gcig grub dang // sku lnga ye shes lnga grub dang // sku gcig ye shes gcig tu grub/ ti ces gsungs so// rin po che sgron ma las/ theg pa'i 'dod gzhung bstan pa'i le'u ste brgyad pa'o// // de nas sems dpa' rdo rje des// ston pa gsang bdag chen po la// rin chen sgron ma thugs kyi bcud// dgongs pa'i la bzla ji ltar lags// ston pa gsang bdag chen po des// lha skyod sgom dang 'bras bu bzhi/
- 177b
sangs rgyas dgongs pa la bzla'o// gtan tshigs tshad ma gsum gyis ni// de nyid rtogs pa'i thabs su bstan// tshig dang ming gis 'dod pa rnams// lha med spyad med sgom med pa'i// thob med don gyi ngang du la bzla'o// ya thog gnad dang ma thog gnad// 'khrul rtsad gtad cing nyams su blang // snying po'i gnas lugs bzhi yi 'phrang // sangs rgyas sems can la bzla'o// mtshan nyid rnam gsum ngo sprod 'phrang // phyi nang gsang gsum la bzla'o// ldog thabs rim pa gdam ngag 'phrang // 'gyu lugs dus mtshams la bzla'o// snying po'i theg gcig sgron ma 'di// kun brtags rim dgul bzla'o// zhe 'dod bral ba lta ba'i mchog/ yid kyi 'gyu med sgom pa'i gling // rang lugs ma bcos spyod pa'i rkyen// re ba med pa'i 'bras bu'i don// 'khrul rtsad tshod na lta ba ci// dus gsum mi 'gro sgom pa gang // snying po mngon gyur sgrom mi dgos// ldog thabs ma shos mun pa 'jal// snying po shes med gsal ba 'dri// dngos dang dngos med gang yang med// rig pa med las ji ltar skye// bsgom du med la ci zhig sgom// brjod du med la ji ltar bshad// snying po'i rang bzhin mthong ba med// rgyud chad mdo 'don sngags zlos dang // mchod byed phyag 'tshal smon la ma'i dengs// gzhan gyi don du spo bar bya/
- 178a
don du 'dzin na 'khrul pa yin// lus ngag bya gtang dgongs pa la// yid gdung ma byed badre bar zhog/ yid dran mi 'gyu mi skye na// phyi nang 'khrul pa ma lus kun// mtshon cha chen po cig gis gcod// dbus mtha' med pa'i don dam nyid// brjod du med pas tshig las 'das// mtshan ma med pa'i stong chen po// 'gyur med ma bcos kun gyi lam// zhe 'dod med pa thig le'i glong // sgro skur gnyis bral yang dag nyid// ye stong ye med ming dang bral// rgyu rkyen med pa'i snying po nyid// kun khyab rgya ma chad pa'i ngang // mi zad gter gyi mdzod chen po// snying po'i don ni bstan du med// cir yang ma mthong lta ba la// rtsal gyi yan lag lta ba rnams// so sor snang yang gcig las med/ tam skyes bcos med nam mkha' 'dra// dbyibs dang kha dog ma grub pas// 'di 'dra mtshon med byang chub sems// lus ngag yid gsum 'bad pa bral// bya med spyod mchog dang duspyad/ 'khrul rtog med pa'i ngang la spyod// skyes dang skye med gnyis med spyod// mi 'gyu mi dmigs rang gsal sgom// 'gro med yengs med ngang la sgom// rig pa'i dran pa mi skye sgom pa'o// ta gzhag med rang sar gzhag pa ni// bsgom du med pa'i sgom pa yin// gzhan nas thob med 'bras bu'i mchog/ rgyu rkyen med pa chos kyi sku// nam mkha'i mtha' dang mnyam pa'i mchog/
- 178b
rmad byung rin po che yi gter// chos sku'i rang bzhin sku la khyab/ chos sku'i mtshan nyid thams cad mkhyen// chos sku'i rang bzhin bstan du med// 'khrul pa'i zhen pa grol ba'i tshe// bdag dang gzhan du yod ma yin// log pa'i rgyud las grol ba na// bde ba chen po don gyi mchog/ snying po'i don ni gcig pa nyid// ma bcos don la gos pa med// 'khrul pa'i skyon gyis rtogs pa dka'// ldog pa'i thabs kyi man ngag gis// gang la gang skyes thar kar gas la// snying po'i rtsa ba mtshon du med// 'khrul pa'i rnam pa rang grol sangs// ma bu ngo phrad rtogs pa'i mchog/ chos rnams gang yang mthong ba med// 'khrul rtog rnam pa cir yang snang // mkhas pa de yis grol bar 'gyur// yid rtog bag chags 'chad par 'gyur// / yid la mi byed bya ba btang // lus ngag 'bad pa gang yang min// snying po rang bzhin mngon gyur na// rnam shes grong la 'jug pa min// 'khor ba snying po rtogs pas non// bden pa'i don mthong skyes bu ni// 'od gsal stong pa'i ngang la gsal// mnyam gzhag rjes thob med pa'i ngang // snying po ye shes nyid du gsal// snang ba'i phyi rgya chod pa ni// dbang po rang yan nyid du bde// zhes gsungs so// rin po che sgron ma las/ dbyer med bstan pa'i le'u ste dgu pa'o// // de nas sems dpa' rdo rje des/
- 179a
ston pa gsang bdag chen po lnga// gsal byed rin chen sgron ma 'di// 'gro ba'i don du ji ltar 'byung // zhes gsol pas/ ston pa gsang bdag chen po des/ sku gsum 'gro ba'i don bstan pa// chos kyi sku yis 'dul ba dang // longs spyod rdzogs skus 'dul ba dang // sprul pasku yis 'dul ba'o// chos kyi sku yis 'dul ba ni// sku gsung thugs kyi sprul pa las// rang rgyud 'brel ba'i 'khor rnams 'dul// longs spyod rdzogs pas 'dul ba ni// phyi nang gsang ba gsum las ni// don gyis gcig pa'i 'khor rnams 'dul// sprul pasgyu yis 'dul ba ni// phyi 'khor nang 'khor gsum las ni// 'dod pas bsdus pa'i 'khor rnams 'dul// de nas sems dpa' rdo rje des// gsang bdag chen po la gsol pa// sku gsum gyi rgyu ni gang lags/ rigs kyi bu chos sku ni kun gzhi rnam shes las 'byung / longs sku ni yid kyi rnam shes las 'byung / sprul sku ni sgo lnga'i rnam shes las 'byung / yang gsol pa/ sku gsum gyi rang bzhin gang gsungs pa/ chos sku ni stong pa nyid do// longs sku ni mi g.ye// ba'o// sbrul sku ni rgyun du 'byung ba'o// yang gsol pa/ sku gsum gyi mtshan nyid ni gang / gsungs pa/ chos sku nam mkha' lta bu'o// longs su 'ja' tshon lta
- 179b
/ sgyum g+hu r+m+ma T+Ta swA dru'o// yang gsol ba/ sku gsum gyi bzhugs gnas ni gang / gsungs pa/ chos kyi rgyu'i bzhugs pa'i gnas ni dbyings rnam par da/ pa'i mkha'a'o// longs sku'i bzhugs pa'i gnas ni 'og min gyi gnas na bzhugs so// sprul pa rgyu'i bzhugs pa'i gnas ni 'dzam bu'i gling na bzhugs pa'o// yang gsol ba/ sku gsum gyi gni ni gang lags/ gsungs pa/ chos kyi sku'i gzhi ni stong pa nyid kyi ye shes so// longs su'i gzhi ni mnyam pa nyid kyi ye shes so// sprul pasku'i gzhi ni so sor rtog pa dang bya ba nan tan no// yang gsol pa/ sku gsum gyi zhing khams ni gang / gsungs pa/ chos sku'i zhing khams ni nam mkha' gar khyab pa tshud chad do// longs sku'i zhing khams ni 'og min gnas thams cad do// sprul sku'i zhing khams ni 'dzam bu gling bye ba phrag brgya'o// yang gsol pa/ sku gsum gyi bstan pa ni gang / gsungs pa chos sku'i bstan pa ni nang gi bskyed rdzogs rnam gsum mo// longs sku'i bstan pa ni phyi rgyud sde gsum mo// sprul sku'i bstan/ pa ni mtshan nyid sde gsum mo// gsol pa/ sku gsum gyi bshad lugs ni gang / gsungs pa/ chos sku byin gyis brlabs kyis bshad/ longs sku rang gi ngo bos bshad//
- 180a
sprul sku tshig sdeb sbyor legs pas bshad/ gsol ba/ sku gsum gyi brgyud pa ni gang / gsungs pa/ chos sru dgongs pas rgyud longs su rigs pas brgyud/ sprul sku rnab nas rna bar brgyud// gsol pa/ sku gsum gyi rjud pa po gang / gsungs pa/ chos sku'i bstan pa rdo rje sems dpas bsdus longs sku'i bstan pa phyag ni rdo rje bsdus/ sprul sku'i bstan pa kun dga' bos bsdus pa'o// gsol pa/ rin chen sgron ma'i theg pa ni sku gsum gyi gsungs pa lags sam ma lags/ gsol pa/ gang gis gsungs pa/ nga nyid kyis gsungs so// gsol pa/ gang gi don du gsungs pa/ mi drang lha'i don du'o// gsol paci'i phyir gsungs pa/ nad pa lta bu'i sems can gyi phyir ro// gsol pa/ nad kyi rgyu ni gang / rkyen ni ni/ ngo bo ni gang / gsungs pa/ rgyu ma rig pa/ rkyen 'grub/ ngo bo rig pa'o// gsol pa/ sman pa'i thabs mchis sam/ gsungs pa/ thabs ni mchis so// bla ma'i gdam ngag dang / tshad ma gsum dang ldan na ni sman pa'i thabs so// zhes gsungs so// rin po che sgron ma las/ sku gsum gyi dris lan bstan pa'i le'u ste bcu pa'o// // de nas sems dpa' rdo rje des// ston pa gsad
- 180b
bdag chen po la// sangs rgyas kun gyi thugs kyi bcud// rin chen gsal ba'i theg pa 'dri// 'gro ba'i don du ji ltar 'byung // 'gro ba'i ston pa gang gis byed// ces gsol pa/ bstan pa 'byung ba'i dus bstan pa// lha gnas gsum du dar gyur nas// 'dzam gling mi yi zhing dag tu// yang sprul tha ma'i bstan pa 'byung // zhes gsungs nas/ ting nge 'dzin la snyoms par bzhugs so// de'i tshe de'i dus na sangs rgyas kyi mthus/ sum cu rtsa gsum gyi gnas nas lha de ba bzang skyong la bu gcig skyes pas/ bu de gzhan dang mi 'dra ba zhig byung nas bsam gtan gyi 'bur khang brtsig pa dang / mchod pa'i las byed pa dang / bsam gtan sgom pa byed pa zhig byung nas/ lha rnams rab tu dga' nas/ lha'i dbang po brgya byin gyis khrus chab gsol nas btags pa/ rab dga' snying po zhes bya bar btags so// de nas lha'i bu de nyal ba'i rmi lam na/ mchod rten khri 'phang dgu pa gcig la srog snying rtse dgu pa gcig la 'dzegs shing rmi/ bum pa 'khyil ba'i nang du 'dug gi rmi/ gser gyi ral gri gcig thogs kyi rmi/ gling khar nyi zla phrugs gcig shar ba rmi/ nam mkha'i mthongs su bltas shing rmi/ rgya mtsho chen po gcig chub kyi 'grungs shing rmibs/ de nas nam mapa na ma la zlag ci byung nas/ lha'i bu gyad/ dus gsum sangs rgyas thugs kyi
- 181a
sras/ ta theg pa'i snying po thugs kyi bcud// bstan pa'i brgyud 'dzin theg pa'i mchog/ skal ldan 'gro ba'i don ched du// mtha'i mun pa bsal nas ni/ rnam grol 'bras bu thob par mdzod// rtses lung bstan to// de nas lha'i bu sa/ gsang bdag chen po la zhus pa/ rnam dag dri ma dang bral ba'i// byams mgon thugs rjes chen po khyod// 'gro ba rnams la ma bzhin brtse// kun mkhyen khyod kyi spyan sngar 'dud// dus 'dir thugs rjes skyab tu gsol// ces zhus pas gsang bdag chen pos/ rab dga' snying po la gsol pa/ dus gsum sangs rgyas thugs kyi bcud// rin chen sgron ma thabs ldan pas// gu lang gser bzo'i don ched du/ lhulhan grub 'bras bu thob par mdzod// ces gsungs so// de nas rab dga' snying pos 'od gsal gnas su/ rdo rje sems dpa' la 'di skad ces gsol to// ma bcos skye 'gag med pa'i don// dadon bdag gis ma rig pas// kun mkhyen khyod kyis bstan du gsol// ces gsol pa/ rdo rje sems dpas bka' stsal pa/ nam mkha' rdo rje a dang gsum// gting bltar mi gsal rin po che// sprin dang mun pa ling thog gi/ de don mthong ba shin tu dka'// zhes gsungs so// de nas
- 181b
rab dga' snying pos sum cu rtsa gsum gyi gnas su lha'i dbang po brgya byin gyi spyan sngar phyin nas/ lha'i dbang po yang dag pa'i don ni ji lta bu/ gsol pa/ bstan du med pa'o// ta lha'i dbang po bstan du med pa'i don ni ji lta bu/ gsol pa/ nam mkha' lta bu'o// gsol pa/ nam mkha'i dron ji lta bu/ gsungs pa/ ma bcos/ ma byung // ma skyes pa'o// de nas rnam par dag pa'i zhing khams na sangs rgyas rdo rje 'chang zhes bya ba dang / rin po che snang ba'i zhing khams na sangs rgyas rin chen zhabs zhes bya ba dang 'od snang ba zhes bya ba'i zhing khams na sangs rgyas 'od kyi rgyal po zhes bya ba dang / grub pa rnam dag ces bya ba'i zhing khams na sangs rgyas grub par snang ba zhes bya ba dang / stug po bkod pa'i zhing khams na sangs rgyas gtsug bud can zhes bya ba dang / skar ma bkram pa'i zhing khams na sangs rgyas bsam gyis mi khyab pa dang / 'das pa'i sangs rgyas dang / ma 'ongs pa'i sangs rgyas dang / da ltar gyi sangs rgyas dang / gsang bdag chen po dang / kun tu bzang po dang / rnam par snang mdzad dang / bcom ldan 'das la sogs pa rnams mgrin gcig tu byin gyis brlabs nas/ theg pa'i snying po thugs kyi bcud// rin chen sgron ma khyod yin pas// sangs rgyas kun gyi bstan pa shar// ces gsungs so//
- 182a
de nas lha'i dbang po la sogs pas khrus chab gsol nas/ lha'i dbang pos 'di skad ces gsol to// sangs rgyas kun gyi thugs kyi sras// snying po rang bzhin chos kyi sku// kun mkhyen dri ma dang bral bas// 'gro ba'i bsam bzhin re ba skong // lha rnams dag par khrus gsol nas// nyon mongs sgrib pa kun byang nas// 'gro/ ba mos pa drang ba'i phyir// ston pa'i sgron mar dbang bskur bas// ma rig mun pa dang bral byed// de skad gsol pa dang / rab dga' snying po de/ brgyad khri bzhi stong chos kyi sgo/ skad cig nyid la gsal bar snang // de skad ces gsol to// rang byung kun mkhyen me long nyid// mkha' 'dra ye shes lhun gyis grub// mnyam nyid ye shes brdal ba'i glong // skal ldan mos pa'i re ba skong // 'gro ba'i mun sel don du 'gro// zhes gsungs so// rin po che sgron ma las/ yang sprul ston par 'byung ba'i le'u ste bcu gcig pa'o// / de nas sems dpa' rdo rje des// rab dga' snying po la rgyud yongs su gtad pa 'di gsungs so// dgongs pa'i don 'dzin skyes bu la// rgyud kyi rgyal po 'di gtad do// yon tan ma lus kun 'byung ba'i// yid bzhin rin po che yi rgyud// snod ldan rab song ba'i mchog/ rmongs pa'i mun pa sel ba yi// snang gsal ye shes sgron mo'i rgyud// dgongs pa
- 182b
gcig nas gcig brgyud pa'i// rgyud kyi rgyal po 'di gtad do// nam mkha' dang mnyam snying po'i rgyud// gsal ba'i go byed nyi zla'i rgyud// rgyud kyi rgyal po 'di gtad do// rgyud la ma g.yos rgya mtsho'i 'dzings// rgyud kyi rgyal po 'di gtad do// 'dzam gling dbus kyi snying po ru// rin chen lta bu'i gang zag la// rgyud kyi rgyal po bshad cing gdams// shes rab snying rje ldan pa yin// nges pa'i yid ches skyes pa la// snying po mchog gi don nyid bstan// lha spyod log pa'i nga rgyal can// snying po nyid kyi sgra 'gyur bas// 'byung ba'i mtshan ma'i dbyings su sba// de nas rgyud kyi rgyal po 'di// rigs bzang lta spyod 'brel ba yi// snod ldan don du 'byung bar 'gyur// nam zhig dus kyi tha ma la// bka' rgyud don la mkhas gsal ba'i// rigs can 'brel par 'byung ba'o// de yi dus kyi gang zag rnams// rgyal po blun po gdug pa dang // rigs ngan phra ma can gyi sar// sgrub pa 'di yi dus man pas// snying po 'byung ba'i dbyings su 'gro// gsol ba 'od dang nub pa 'byung // rgyal pos bla yi khrims ma thub// blon po bka' gsang gnyer ma thug/ nyan thos 'dul ba'i khrims mthug/ btsun mos rang gi lus ma thug/ 'byung bas mtshan moma'i rtags mthub// de yi dus su bstan pa yi// nyi zla'i 'od ltar gsal gyur na// bstan pa'i gling
- 183a
bo dar bar 'byung // snod ldan dag kyang 'byung bar 'gyur// zhes gsungs so// rin po che sgron ma'i rgyud las/ rgyud gtad pa dang lung bstan pa'i le'u ste bcu gnyis pa'o// // rin po che sgron ma zhes bya ba'i rgyud rdzogs so// // slob dpon bi ma la mi tra dang / lo tsa ba gzhag ku mA ras rgyal po yon mchod kyi don du dbu tshal gser khang du bsgyur ba'o// chos skor mda' 'ug 'dod pa dang // rgyal po grong sprad byed pa dang // chos go sa 'og tu gri 'dzugs dang / btsun dug la spyod pa'i tshe// nyi zla'i 'od ltar 'byung bar 'gyur// / rgya gar skad du/ tsit+ta pa thI ka ma hA ko sha nA ma/ bod skad du/ sems phyogs chen po'i mdzod ces bya ba/ thog mthugs rje chen po rin chen gsal ba'i sbubs na bzhugs tsam na/ sa bon ni smin la 'bras bu ni ma smin pa bzhugs te/ ngo bo rang bzhin thugs rje tsam gcig tu gnas te/ de nas thugs rje chen po de me tog gi sbubs su bzhugs pa'i dus su phyi sprul pa'i skur smin pa dang / nang ye shes kyi dkyil 'khor du smin pa dang / thugs shes rab yongs su rgyas pa gsum dus mtshungs pas/ thugs rje chen po de yi thugs ka nas/ ye shes kyi 'od zer spros te/ bar der mi mjed kyi 'jig rten gyi khams rang