F356MW1KG13607_0356mdo sdeAll versions of this work

kun tu rgyu sen rings kyis zhus pa zhes bya ba'i mdo

Dirganekhapariprājākaparipridchanamasutra

Text

ff. 21b–23b · 4 folio sides

  1. 21b

    dur khrod dang / nags 'dab dang / bas mtha'i gnas mal du gnas te/ 'di dag nges par bsam par bya'o// dge slong dag bag yod par gyis shig/ 'di nas kyang phyis 'gyod par 'gyur ba de ltar ma byed cig/ 'di ni nga'i bstan pa'o// bcom ldan 'das kyis de skad ces bka' stsal nas/ dge slong de dag yid rangs te/ bcom ldan 'das kyis gsungs pa la mngon par bstod do// / rgya gar skad du/ di rga na kha pa ri pra dza ka pa ri brid tshan ma su tra/ bod skad du/ kun tu rgyu sen rings kyis zhus pa zhes bya ba'i mdo// sangs rgyas dang / byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khab na/ bya rgod kyi phung po'i ri la dge slong stong nyis brgya lnga bcu'i dge slong gi dge 'du chen po dang / thabs cig tu bzhugs so// de nas bcom ldan 'das 'khor bzhi po dag la chos ston te/ tshangs par spyod pa/ thog mar dge ba dang / bar du dge ba da tha mar dge ba dang / don bzang po// tshig 'bru bzang po// ma 'dres pa/ yongs su rdzogs pa/ yongs su dag pa/ yongs su byang ba/ yang dag par rab tu ston to// de

  2. 22a

    tshe kun tu rgya sen rings kyis/ bcom ldan 'das ga la ba bde sdong ste phyin nas/ bcom ldan 'das kyi spyan sngar khar ba la o ma btsugs bcas te/ cang mi smra bar 'dug nas bltas te/ bcom ldan 'das la 'di skad ces gsol to// kye go'u ta ma 'jig rten ni las bdag gir bya ba/ las kyi bgo skal la spyod pa las kyi 'ching ba can las brtan par bya'o zhes de skad ces smras pa ni bden na/ dge sbyong go'u ta mas sngon las ci zhig byas shing bsags na/ des dge sbyong go'u ta ma'i lus dang ldan par gyur/ bcom ldan 'das kyis bka' stsal pa/ bram ze chen po 'di ni/ ngas tshe rabs snga ma'i skye bar srog gcod pa spangs pa'i las de'i 'bras bu yin no// dge sbyong go'u tams sngon las ci zhig byas shing bsags na/ des dge sbyong go'u tam so sor mo ring zhing / sor me'i bar dra bar 'brel par 'gyur/ bcom ldan 'das kyis bka' stsal pa/ bram ze chen po 'di ni ngas tshe rabs snga ma'i skye bar ma byin par lon pa spangs pa'i las de'i 'bras bu yin no// dge sbyong go'u ta mas sngon las ci zhig byas shing bsags na des dge sbyong go'u ta ma dbang po yongs su chang zhing lus rab tu rgyas par gyur/ bcom ldan 'das kyis bka' stsal pa/ bram ze chen po 'di ni ngas tshe rabs snga ma'i skye bar

  3. 23a

    byug pa dang / kha dog 'chang ba spangs pa'i las de'i 'bras bu yin no// dge sbyong go'u ta mas sngon la/ des dge sbyong go'u ta ma lus mtshan thams cad kyis brgyan par gyur/ bcom ldan 'das kyis bka' stsal pa/ bram ze chen po 'di ni ngas tshe rabs snga ma'i skye pa'i las de'i 'bras bu yin no// dge sbyong go'u ta ma stan gsum la yongs su spyod/ bcom ldan 'das kyis bka' stsal pa/ bram ze chen po 'di ni ngas tshe rabs khri stan chen po spangs pa'i las de'i 'bras bu yin no// dge slong go'u ta mas sngon las ci zhig byas shing bsags na/ des dge sbyong go'u ta mas mgo'i bcug ldan 'das kyis bka' stsal pa/ bram ze chen po 'di ni ngas tshe rabs snga ma'i skye bar sangs rgyas dang / chos dang / dge 'dun dang / pha ma dang / slob pa dang / sbyin gnas dag pa rnams la yan lag lnga sa la btugs te/ mgo bos phyag 'tshal nas mchod pa'i las de'i 'bras bu yin no// de nas kun tuH bcom ldan 'das kyis zhabs la mgo bos phyag 'tshal te/ bcom ldan 'das ga la ba de logs su thal mo sbyar ba btud nas/ bcom ldan 'das la tshe

  4. 23b

    ldan 'das ji srid 'tsho'i bar du sangs rgyas la skyabs su mchi'o// ji srid 'tsho'i bar du chos la skyabs su mchi'o// ji srid 'tsho'i bar du dge 'dun la skyabs su mchi'o// ji srid 'tshe'i bar da yan lag brgyad pa'i bsnyen te gnas pa la nye bar gnas par bgyi'o// srog tshegs thams cad gsod dang gzhan nor rga dang / mi tshangs spyod pa dang / ngag gi dbye ba brdzun dang / myos bskyed btud pa dang / dus min za ba dang / 'phreng ba kha dog glu dang / rtsed 'jo ma la stan mthon po rnams/ deng nas bdag gis spangs te/ yon tan brgyad kyis dgra bcom tshul du bgyi de bzhin du lan gnyis lan gsum du'o// bdag gis gso sbyong gi tshul khrims kyi sdom pa yang dag par 'dzin pa 'di sems kyi rgyan dang / sems kyi yo byad dang / byang chub kyi tshogs su gyur pa dang / don gyi dam pa thams cad mkhyen pa'i ye shes dang / mya ngan las 'das pa'i bde ba bla na med pa la gnas par gyur cig/ bcom ldan 'das kyis bka' stsal pa bram ze chen po khyod de ltar byed pa legs so legs so// bcom ldan 'das kyis de skad ces bka' stsal nas/ dge slong de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// kun tu rgyu sen rings kyis zhus pa zhes bya ba'i mdo/ rdzogs s+ho//

Colophon

kun tu rgyu sen rings kyis zhus pa zhes bya ba'i mdo/ rdzoggs s+ho/