dbang bskur ba nges par bstan pa'i dka' 'grel
Ṣekanirdeśapañcikā
Text
ff. 152a–171a · 39 folio sides
- 152a
ba phyag rgya che/ /rnam par shes pa dam tshig 'gyur/ /phyag rgya chen po mi shes par/ /las kyi phyag rgya gcig bsgrub pa/ /brgyud pa'i de nyid las nyams nas/ /rnal 'byor pa de ru 'bod 'gro /ji srid du gtso bo ri khrod pa'i/ /zhabs kyi rdul la ma reg par/ /de srid phyag rgya bzhi dang ni/ /skad cig ma bzhi mi shes so/ /yang dag dbang bskur cho ga'i don/ /drag po'i dbang bskur ngan spangs pas/ /bdag gis byas pa'i bsod nams des/ /'gro ba rnams ni bde gyur cig /dbang bskur ba nges par bstan pa zhes bya ba/ slob dpon rgyal ba mai tri pas mdzad pa rdzogs so// //rgya gar gyi mkhan po kriSh+Na paN+Di ta dang/ lo tsa ba tshul khrims rgyal bas bsgyur// //rgya gar skad du/ She ka ni rde sha pany+dzi kA/ bod skad du/ dbang bskur ba nges par bstan pa'i bka' 'grel/ 'jam dpal gzhon nur gyur pa la phyag 'tshal lo/ /byang chub sems dpa' i spyod yul nyid/ /chos kyi dbyings kyi bdag nyid mgon/ /'gro don mdzad pa'i bla ma ni/ /bla na med pa gus phyag 'tshal/ /skye bo dam chos gzhung 'chad pa'i/ /mchog 'dzin thabs mkhas bdag la med/ /bla ma'i bkas bskul bshad pa ni/ /bri bar byed pa 'thob 'os yin/ /de lta na yang gzhan don min/ /bdag nyid dren bde kho na'i phyir// don du gnyer ba gzhan dag kyang/ /bdag 'dra'i don du cung zad bri/ /'dir mkhas pa chen po nges par sbyangs pa dpal byams pa mgon pos bya ba dang/ spyod pa dang/ rnal 'byor dang/ rnal 'byor bla na med pa dang/ rnal 'byor gong na med pa'i rgyud rnams la/ bla na med pa'i bla ma klu sgrub kyi zhal snga nas kyis mdzad pa'i phyag rgya bzhi'i rjes su 'brangs pa dbang nges par bstan pa byed par 'dod na/ dang por re zhig brjod par bya ba smra bar 'dod pas/ gsung rab rnams kyi gleng gzhi'i tshig gam /mdor bsdus
- 152b
pa rnams kyi don dang por gyur pa/ thabs dang shes rab kyi ngo bo nyid/ e baM gyi rnam pa la rab tu 'dud pa ni/ e baM rnam par zhes bya ba la sogs pa ste/ yi ge e dang baM ni sgra'i rang bzhin gyi yi ge gnyis chos kyi phyag rgya'i ngo bo la phyag 'tshal ba ni/ lus dang ngag dang yid kyang rab tu bdud ba'o/ /ci'i don du zhe na/ byang chub sgrub pa'i phyir te/ yang dag par rdzogs pa'i sangs rgyas nyid thob par bya ba'i phyir ro/ /e baM gyi rnam pa ni don che ba dang/ phan yon che ba yin te/ 'di skad du bcom ldan 'das la lha'i dbang pos zhus pa las/ gang phyir thams cad gzigs pa yis/ /dang po 'di skad ces gsungs pa/ /de ni go rims ji bzhin du/ /lha yi dbang pos mnyan par byos/ /chos kyi phung po brgyad khri dang/ /bzhi stong gis ni grangs rnyed kyi/ /kun gyi gzhi dang pha ma ni/ /yi ge gnyis su de bzhin bstan/ /yi ge e ni mar gyur la/ /ba ni pha zhes bya bar grags/ /thig le de ni sbyor ba ste/ /sbyor de shin tu rmad byung ba'o/ /e ni pad+ma zhes bya ba/ /paM ni rdo rje nyid yin no/ /thig le der ni sa bon te/ /de las 'gro ba gsum rnams te/ /e ni shes rab nyid gyur la/ /ba ni rab dga' i bdag po'o/ /thig le mi shigs de nyid de/ /de las yi ge nyid kyang skyes/ /chos kyi phyag rgya yi ge gnyis/ /de nyid shes pa gang gis shes/ /de ni sems can thams cad la/ /chos kyi 'khor lo bskor byed 'gyur/ /'gro ba gang gis yi ge gnyis/ /mi shes rtag tu 'don pa dag /de ni sangs rgyas chos rnams la/ /sbyor spangs phyi rol thub pa bzhin/ /e baM yig gnyis sgyu ma la/ /thams cad mkhyen pa 'dir bzhugs pas/ /dam chos bstan pa'i thog mar ni/ /e baM de phyir rab tu bshad/ /de bas brgya byin lha yi bdag /gal te brtag pa'i gnas 'dod na/ /yig gnyis sgyu mar dran bya zhing/ /dam pa'i chos la bla mar gyis/ /zhes gsungs pas/ skabs la babs pa'i brjod
- 153a
par bya ba yin pas de'i phyir rnam par bshad par bya'o/ /skad cig ma bzhi'i rgyur gyur gang zhes bya ba la/ bzhi ni rnam pa sna tshogs pa dang/ rnam par smin pa dang/ rnam par nyed pa dang/ mtshan nyid dang bral ba'i skad cig ste/ rgyu gang yin pa de ni byed pa'o/ /gang gi phyir e baM gyi yi ge ni chos kyi phyag rgya'i ngo bo'o/ /chos kyi phyag rgya goms par byas na nyon mongs pa bag chags dang bcas pa spong bar byed do/ /de spong ba'i khyad par dang 'brel ba'i skad cig ma'i khyad par ro/ /de'i phyir skad cig ma rnams kyi rgyur gyur pa ni/ e baM ngo/ /yang de bzhin du bshad par bya ba'i phyir/ gang la kun dga' skye 'gyur zhing/ /zhes bya ba ste/ shes rab dang thabs kyi bdag nyid gang kho na las lam gyi ye shes dga' ba dang/ mchog dga' dang dga' bral dang/ lhan cig skyes pa zhes bya ba dga' ba'i skad cig bye brag nyid ma 'dres pa skye bar 'gyur ro/ /de nas gang gi phyir skad cig ma bzhi'i rgyur gyur pa gang kho na las dga' ba'i dbye ba nyid skye bar 'gyur ba de ni e baM gi rnam pa ste/ byang chub sgrub pa'i phyag 'tshal lo/ /zhes bya ba ni bsdus pa'i don te/ sgra'i rang bzhin gyis bshad pa'o/ /da ni bris? pa'i gzugs bshad par bya ste/ bla ma'i man ngag nyid kyi e baM gi rnam pa bris pa ni yi ge ste/ dbyibs a e baM gyi rnam pa chos kyi 'byung gnas kyi ngo bo la phyag 'tshal lo/ /yang na nye bar sgyur ba phyis nas e baM gi rnam pa ni e baM gi rnam pa ste/ sangs rgyas thams cad kyi za ma tog chos 'byung gi phyag rgya la phyag 'tshal ba'o/ /de lta bu'i rnam pa can ni chos kyi 'byung gnas so/ /zhes bcom ldan 'das kyis bsngags te/ e yi cha byad bzang po gang/ /dbus su baM gi rnam par brgyan/ /bde ba thams cad kyi ni gnas/ sangs rgyas rin chen za ma tog ces bya bas so/ /gal te 'di la phyag byas pas cir 'gyur zhe na/ de'i phyir/ skad cig ma bzhi'i rgyur gyur gang zhes
- 153b
bya ba smras te/ skad cig ma bzhi ni rnam pa sna tshogs pa dang/ rnam par smin pa dang/ rnam par nyed pa gang/ mtshan nyid dang bral ba rnams so/ /rgyu ni byed pa'o/ /rgyu de yang rnam pa sna tshogs pa ste/ de yang bskyod pa mthar thug pa nyid kyi bar du'o/ /de ltar na yang gsung rab ni rgyas par bshad par bya'o/ /'bras bu la lhag par mos pas rgyu la phyag bya ste/ de skad du/ ji ltar rgyu yi de nyid mthong/ /'bras bu'i de nyid de bzhin no/ /zhes gsungs pa yin no/ /gzhan phyag 'tshal ba'i rgyu mtshan gnyis pa bstan pa'i phyir/ gang la kun dga' skye 'gyur zhing/ /dbye bas zhes bya bas smras te/ dga' ba dang/ mchog dga' dang/ dga' bral dang/ lhan cig skyes ba zhes bya ba ni dga' ba'i dbye ba'o/ /gang las phan tshun ma 'dres par skye ba de ni skye bar byed pa'i rang bzhin zhes bya bas lnga pa rnyed pa yin na yang gang la zhes bdun par bstan pa ni gnas nyid du bstan pa ste/ der gang las skyes pa rab tu gnas par 'gyur bas so/ /de yang skad cig ye shes bde ye shes/ /e baM rnam par rab tu gnas/ /zhes pa dang de bzhin du/ sangs rgyas kun gyi sdom pa ni/ /e baM rab tu rnam par gnas/ /zhes pa dang/ de bzhin du/ oM pad+ma su kha d+ha ra mahA rA ga su khaM dad tsa tur a nan da b+ha ga bi shwa hUM hUM hUM karyaM ku ru shwa me zhes bya ba ni rten la phyag 'tshal ba ste/ bde gshegs gang du bzhugs pa dang/ /'chag pa dang ni bzhengs pa dang/ /seng ge lta bur gzims pa yi/ /gnas de la ni bdag phyag 'tshal/ /zhes bya ba'i tshig gis so/ /ci'i phyir phyag 'tshal zhe na/ byang chub sgrub pa'i phyir te/ yang dag pa ji lta ba bzhin du yongs su shes pa sgrub pa'i phyir dang/ de yang yang dag par rdzogs pa'i sangs rgyas kyi bar du'o/ /skad cig ma bzhi'i rgyur gyur ba gang zhes byas pas phyag 'tshal ba'i rgyu bstan to/ /de las gang zhig skye zhe na/ skad cig ma bzhi'o/ /de'i go rims ji ltar zhe na/ de'i phyir sna tshogs zhes bya ba la sogs
- 154a
smra ste/ gal te 'dir rgyud nas bstan pa'i go rims por nas/ mtshan nyid dang bral ba gsum par ji ltar 'dod ce na/ de'i phyir/ drag po'i sbyor ba spangs pa yis/ /zhes bya bas smras te/ de la drag po'i sbyor ba ni 'di yin te/ sna tshogs ni rnam pa sna tshogs te/ gzung ba dang 'dzin pa'i ngo bo 'khyud pa la sogs pa'o/ /rnam par smin pa ni de las bzlog pa ste/ rnam pa sna tshogs ma yin pa gzung ba med pa'i 'dzin pa mgrin pa'i yang dag ye shes la longs spyod pa'o/ /rnam par nyed pa ni rnam par mi rtog pa mi mthong ba'i bde ba ste/ rin po che'i mthar thug pa khyab pa'i bar ro/ /gzhan ni mtshan nyid dang bral ba ste/ 'dod chags rnam par spangs pa bde ba dang bral bas nges par gang ba nyid de/ 'dod chags med pas yang ma yin te/ nyams su myong ba'i bde ba dran pa'i phyir ro/ /'dod chags yod pa yang ma yin te/ lhung ba'i phyir ro/ /de skad du yang/ sna tshogs rnam pa sna tshogs brjod/ /'khyud dang 'o byed la sogs pa/ /rnam par smin pa de las bzlog /bde ba'i ye shes za ba'o/ /rnam par nyed pa dpyod par brjod/ /bde ba'i ye shes dpyod pa zhes/ /mtshan nyid bral ba gsum las gzhan/ /chags dang chags med rnam par spangs/ /zhes gsungs pa yin no/ /da ni rnam pa med par smra ba'i gzhung gis rin po che nyams su myong ba 'di nyid la ston ka'i dri ma med pa'i nyi ma phyed kyi nam mkha' i dkyil lta bur bde ba rang rig pa tsam sngon po la sogs pa'i rnam pa kun gyi rnyog ma dang bral bar nges par gnas so/ /rnam pa la gnod pa gcig dang du ma dang bral ba'i tshad ma ni gzhung mangs pa'i 'jigs pas ma spros so/ /de skad du yang/ de phyir don gyi ye shes la/ /de yi bdag nyid rigs snang med/ /gcig ni rab tu bkag pa yis/ /mang po'ang 'byung bar mi 'gyur ro/ /phyi rol ltar gnas
- 154b
cha la ni/ /gang gi khyad par ltar yongs gcod/ /ye shes dbyer med khyad par las/ /rab tu gna' ba bslad pa yin zhes bya'o/ /'di nyid ni chos kyi sku'o/ /de'i rjes la dkyil 'khor gyi 'khor lo la sogs pa'i rnam pa'i ye shes ni longs spyod rdzogs pa'o// 'byung ba dang 'byung ba las gyur ba shAkya thub pa la sogs pa ni rnam par sprul pa'o/ /de rnams kyi ngo bo gcig pa nyid ni ngo bo nyid kyi sku'o/ /de'i bzhin du rnam par nyed pa ni chos so/ /rnam par smin pa ni longs spyod rdzogs pa'o/ /rnam pa sna tshogs ni sprul pa'o/ /mtshan nyid dang bral ba ni ngo bo nyid kyi sku'o/ /de yang theg pa chen po rgyud bla ma las kyang/ gzugs kyi sku ni phyi ma'o zhes bstan pa yin no/ /ji srid du mi dmigs par gyur pa de srid du sgom par bya'o/ /zhes bstan pas/ dpe 'di dag nyid kyis mtshon pa gus pa dang bcas pas rgyun mi 'chad par yun ring por goms par byas shing bsgoms pa dang/ sngon gyi smon lam gyi dbang gis dkyil 'khor gyi 'khor lo la sogs pa'i rnam par longs spyod rdzogs pa dang/ sprul pa'i sku nges par rdzogs par 'gyur ro/ /yang na bde ba zhes bya ba ni nyams su myong ba ste/ gus pa dang bcas pa la sogs pa bsgoms pa las gsal bar rang nyid 'byung bar 'gyur ba ste/ ji skad du/ de phyir yang dag yang dag min/ /gang dag gang de bsgoms pa las/ /sgom pa'i stobs ni rdzogs pa na/ /de gsal mi rtog blo 'bras bu/ /zhes bstan pa yin no/ /'dir yang sngon gyi smon lam gyi bye brag gi dbang gi gzugs kyi sku gnyis yin no/ /'di nyid la 'jug pa'i thabs ni gnyis te/ ji skad du/ dkyil 'khor 'khor lo sogs thabs dang/ /rang byin gyis brlabs pa'i rim pas kyang zhes gsungs pa yin no/ /'di lta bu nyid ni dbu ma'i don te zhes kyang brjod par bya ste/ rang rig rgyun ni mi 'chad cing/ /sngon po la sogs mi snang zhing/ /mtshan ma rnams kyang
- 155a
mi 'byung bas/ /dbu ma la ni zhugs pa yin zhes bya'o/ /'dir mtshan ma rnams mi 'byung ba ni mngon par zhen pa med par bstan te/ yod pa dang med pa la sogs pa la mngon par zhen pa med pas mu bzhi dang bral ba nyid do/ /'dir bzhi pa yang/ de ltar de bzhi pa yang zhes bya ba'i tshig gis te/ de la de ltar zhes bya ba ni shes rab ye shes kyi dus su nyams su myong ba de ni rnam pa med pa'i tshor ba'o/ /yang zhes bya ba ni sngon po la sogs pa'i 'khor lo'i rtog pa dang bral ba'o/ /de bzhin zhes bya ni shes rab ye shes bzhin du rtogs par bya'o/ /gal te rnam pa dang bcas par smra ba rnams ni rnam pa med pa'i shes pa ni rmi lam du yang nyams su myong ba med do/ /zhes zer te/ ji skad du/ rnam pa'i 'khor lo spangs pa'i blo ni 'jug pa med/ /de la gnod pa'i stobs chen dbu ma'i tshul rgyas dpal/ /gal te smod smin 'di ni gnyis med nyid ni sna tshogs te/ /sems ni rnam pa med par 'dod pa'i gnas skabs gang las gsal/ /zhes pa'o/ /de ltar rtogs par mi bya ste/ rnam par rab tu gsal ba med pas rnam pa sngar med pa nyid do/ /zhe na/ de med par gsal bar mi nus pa la nyams su myong ba'i rjes la snang ba nges pa'i phyir/ sngon po la sogs pa yod pa yin no/ /gang de ji srid snang ba'i shes pa gang/ /de ni de ltar nyams su myong/ /sna tshogs rnam pa'i sems nyid de/ /gcig pu'i ngo bo zhes bya 'di/ /zhes bya bas/ de ltar sems las gnyis su med pa'i tshor ba mchog nyid ni yod do/ /'dir yang gzhung mangs pa'i 'jigs pas sgrub par byed pa dang/ gnod par byed pa'i tshad ma'i dpyad pa ni ma byas pa'o/ /de ltar yang mu bzhi dang bral ba'i dbu ma'i don 'grub par 'gyur te/ de yang gsal ba'i dngos po med min de las gzhan pa yod ma yin/ /gcig min gnyis min gnyis dang gnyis ma yin pa de dag min
- 155b
de ltar 'gro ba gal te mu bzhi las grol ba/ /rnam bcas gzhung dang dbu ma'i tshul la bye brag ci zhes bya ba'o/ /longs spyod rdzogs pa la sogs pa'i ldog pas tha dad de/ rnam par nyed pa ni chos so/ /rnam par smin pa ni longs spyod rdzogs pa'o/ /rnam pa sna tshogs ni sprul pa'o/ /mtshan nyid dang bral ba ni ngo bo nyid kyi sku'o/ /mtshon par gyur pa shes rab ye shes de bzhin du goms par bya ba ni/ yang gi sgras brjod par bya ba bzhin/ yan lag bdun dang ldan pa ni bsgrub byar 'dod par 'gyur ro/ /de la yan lag bdun ni longs spyod rdzogs pa tshor ba dang/ kha sbyor snyoms par 'jug pa dang/ bde ba chen po bde ba'i ngo bo nyid dang/ med pa brtags pa dang bral ba dang/ snying rje nges par gang ba sngon gyi smon lam gyi dbang gis longs spyod rdzogs pa la sogs pas sems can gyi don mdzad pa dang/ rgyun mi 'chad pa bar du rgyun chad pa med pa dang/ 'gog pa med pa rgyud rgyun chad pa med pa'o/ /de yang/ longs spyod rdzogs dang kha sbyor bde chen rang bzhin med/ /snying rje nges gang rgyun mi 'chad dang 'gog pa med/ /yan lag bdun pa nyid dang ldan pa'i sgrub bya 'di/ /tshad mas yongs bsgoms blo dang ldan par sngags pa rang nyid 'dod ces bstan pa yin no/ /ci ste yan lag bdun gyis bsgrub pa'i rnal 'byor gyis ci zhig bya/ 'dir nges pa med do/ /gang gi phyir bdag med ma'i rnal 'byor ma'i 'khor lo bsgoms pa yang sangs rgyas nyid kyi rgyu ma yin nam/ 'dir yan lag bdun gyi sgrub thabs kyi rnal 'byor ma yin te/ kha sbyor med pa'i phyir ro/ /de skad du/ yan lag bdun ldan sgrub bya 'di/ /de nyid gal te sgrub bya na/ /bdag med rnal 'byor ma 'khor lor/ /rtogs par ci yi phyir mi 'dod ces? bya'o/ /gal te 'di snyam du sems te/ de la yang kha TAM ga'i thabs dang kha sbyor yod do/ de skad du/ kha TAM ga dang sbyod lha mo/ /longs spyod rdzogs pa la sogs ldan/ /bdag med rnal 'byor ma 'khor lor//
- 156a
rtogs par ci yi phyir mi 'grub ces bstan pa'o/ /de yang mdzes pa ma yin no/ /pha rol phyin pa'i theg par yang/ /ji skad bstan pa'i kha sbyor med na yang/ /thabs dang shes rab kyi bdag nyid can byang chub kyi sems kyi kha sbyor yod pas/ gsang sngags kyi tshul ltar yan lag bdun dang ldan pa'i bsgrub bya 'grub par thal bar 'gyur ro/ /khyad par can gyi kha sbyor bor nas gal te gzhan du rtog na/ theg pa gzhan gyi stong pa nyid dang/ rang bzhin gyi kha sbyor la yang thal bar 'gyur ro/ /de lta bas na 'dir yang sgrub par byed pa yan lag bdun dang ldan pa nyid rig pa yin te/ gang gi phyir nu ma spangs na rdo rjer 'gyur/ /pad+ma'i dkyil du rnam par gnas/ /'gram gnyis dril bur bsgyur nas ni/ /ze 'bru nyid ni rdo rjer 'gyur zhes bya ba de yang mdzes pa ma yin te/ gang gi phyir 'di dag thams cad grub pa'i gnas skabs na ni yin te sgrub pa'i dus na ma yin no/ /de'i phyir de lta bu'i sgrub par byed pa med par yang sgrub par bya ba yan lag bdun dang ldan pa 'grub par thal bar 'gyur ro/ /pha rol tu phyin pa'i theg par yang bzlog par dka' ste/ dang por kha sbyor med par rdzogs pa na de yod par 'gyur ro/ /de lta bu ni kho bo cig kyang 'dod na yang sgrub pa'i thabs ni gzhan nyid yin no/ /'di dag nyid las gzhan dag ni/ /sgyu ma lta bu gnyis su med pa'o/ /zhes brjod par byed de/ ji ltar rmi lam nyams su myong ba'i 'dod pa can gyi dga' ba nyams su myong ba'i rjes thogs la rmi lam gtang ba'i rmi lam gyi dngos po yang dag par myong bar 'gyur bas ni/ /nyams su myong bas brdzun pa yang ma yin no/ /bden pa yang ma yin te/ sad pa'i dus na nye bar dmigs pa'i don bya ba byed pa'i bdag dang gzhan yang dag par rig pa'i rdzas bzhin du mi slu ba med pa'i phyir ro/ /de skad du/ gal te rmi lam
- 156b
rmi lam ltar/ /sems nyid sna tshogs brdzun 'gyur te/ /bden pa ma yin mi rig las/ /chad pa ma yin gsal 'gyur bas/ /zhes bstan pa yin no/ /de ltar na yang sna tshogs 'di shin tu brdzun pa ma yin te/ rig pa'i phyir ro/ /don dam pa'i bden pa yang ma yin te/ yod pa dang med pa'i skye ba dang mi ldan pa zhes bya ba la sogs pas/ rten cing 'brel par 'byung ba nyid la mngon par zhen pas don dam par shin tu ma skyes pa nyid la ma skyes pa'i sems ni med pa'i phyir ro/ /ji skad du/ rten cing 'brel bar gang byung ba/ /ngo bo nyid kyis de ma skyes/ /ngo bo nyid kyis gang ma skyes/ /de la skye zhes ji ltar brjod ces gsungs pa yin no/ /'dir yang bzhi pa nyid dang/ chos kyi sku la sogs pa dang ldan pa nyid du rnam par bzhag pa ni snga ma bzhin du rtogs par bya ba nyid do/ /gal te drag po'i dbang bskur ba'i stobs kyis byas pa rig pa dang bral ba'o zhes bya ba'i bar gyis 'di rig pa dang bral ba nyid ji lta bu zhe na/ brjod par bya ste/ lung dang 'gal ba nyid du bstan pa'i phyir/ rnam nyed ces bya ba la sogs pa smras te/ mchog dang dga' bral dbus dag tu/ /mtshon cing ltos la brtan par gyis/ /zhes bya bas 'dir gnyis ka'i dbus su 'dod pa nyid do/ /de khyod kyis zhung gis ni med do/ /de ni ma yin te/ 'di'i don ni gzhan yin no/ /de lta na yang 'di ni nges par bzung ba'i drug pa ste/ de nas don ni 'di yin te/ gnyis kyi dbus su gang gtso bor gyur pa de 'dir bzung bar bya ste/ gtso bo nyid ni dga' bral nyid do/ /mi legs pa cung zad kyang med do zhes de lta na ni/ dga' bral dang po mchog gi mdza' / /stong las stong min he ru ka /zhes bya ba dang yang mi 'byor ro/ /nges na 'dir ni dga' bral gyi dang po mchog tu dga' ba'i mdza' zhes bya ba'i gzhung lugs so/ /'on te de ni ma yin te/ gang phyir de'i don yang gzhan te/ dga' bral yang dang po yang yin pas dga' bral dang po ste/ dang po nyid ni lhan cig skyes pa
- 157a
la bltos pa'i phyir ro/ /des na 'di nyid legs par gnas pa yin no zhe na/ de ltar na dga' bral dang po mtshon par bya/ de ni dag pa gsum bral nyid/ /ces bya ba ji ltar yin/ 'dir yang dga' bral yang yin pa la dang po yang yin pas zhes bya ba ni snga ma yin no/ /de ltar na yang rnam par nyed pa dpyod par brjod/ rang gi bde ba za ba nyid/ /ces bya ba ji lta bu/ 'dir yang rnam par nyed pa la sogs pa'i tshig rnams ni rnam par rtog pa'i ngo bo yin par gsal po nyid du rtog par bya'o/ /de ltar na yang 'dir gang gi phyir rnam par mi rtog pa zhes mngon par brjod pa ji ltar 'gyur/ de lta bas na 'jig rten gyi grags pas gnod pa yin no/ /de yang 'jig rten ni rnam par nyed pa dang/ rnam par rtsod pa dang/ rnam par bskyod pa dang/ dpyod pa dang/ de'i dgos pa la sogs pa'i rnam par sems pa'o/ /gzhan yang/ dga' ba dang po sna tshogs nyid/ /mchog tu dga' ba rnam par smin/ /dga' bral dga' ba rnam par nyed/ /lhan cig skyes pa mtshan nyid bral zhes bya ba yin te/ 'dir yang dga' bral nyid ni rnam par nyed pa zhes bya bar nges pa yin no/ /gzhan yang/ dga' ba dang po 'gro ba nyid/ /de bzhin mchog dga' yang 'gro ba nyid/ /dga' bral ba'ang 'gro ba nyid/ /lhan cig skyes pa gsum mi dmigs// zhes bya bas dga' bral dang 'gro ba'i ngo bo nyid yin pa'i phyir/ 'khor ba'i ngo bo nyid du bstan pa yin no/ /'di ni 'khor ba'i rnam par rtog pa tsam du bstan pa yin no/ /rnam par rtog pa dang bcas pa nyid du bstan par 'gyur ro/ /'on te lhan cig skyes pa'i rnam par mi rtog pa nyid du 'dod pa'ang 'grub par mi 'gyur ro/ /de yang/ lhan cig skyes dga' i ngo bo gang/ /mchog mdza' dga' bral dang po can/ /zhes bya bas so zhes zer ba de yang mi 'thad de/ rnal 'byor ma'i rgyud du bsgrub par bya ba de yang lhan cig
- 157b
skyes pa zhes bya ba bde ba chen po mchog tu dga' ba'i mdza' dga' bral gyi dang por 'bad pas mtshon par bya ba nyid do/ /zhes bya ba la sogs pa yang mi 'thad do/ /de yang/ bum pa'i dbang ni dang po ste/ /gsang ba mchog ni gnyis pa yin/ /shes rab ye shes gsum pa ste/ /de ltar de bzhin bzhi pa yang/ /zhes bya bas/ shes rab ye shes kyi dbang bskur ba ni/ lhan cig skyes pa'i dbang bskur ba yin no zhes bya ba de yang des na nyams par 'gyur ro/ /de'i phyir gzhung gi gtso bo nyams par 'gyur ba dang/ lung dang yang 'gal bas rnam par nyed pa rnam par rtog pa yin pas gsum par 'dod par mi bya'o/ /gang gi phyir de la rnam par mi rtog pa nyid kyi tshor ba yod pas de nyid 'khor dang bcas pa legs par bsdus pa yin no/ /de phyir mtshan nyid bral bar rigs// zhes bya ba la sogs pa ni go sla'o/ /gal te 'jig rten gyi grags pas gnod pa ma yin pa'i phyir/ ji ltar rnam par nyed pa brjod ces bya ba la sogs pa'i gnod pa ston ce na/ khyod kyi de lta bu de yang bdag gis bsam pa ma shes pa'i 'bras bu yin te/ gang gi phyir/ dga' bral dga' ba 'gro ba nyid/ /ces bya bas rnam par nyad pa 'gro ba'i ngo bo nyid du skabs la bab pa'i gnod pa ji ltar bstan pa'i lung thams cad mi 'grub pa nyid do/ /rnam nyed kun du dpyod ces bya ba la sogs pas ni gnod pa bstan pa yin no/ / de nyid kyi phyir 'phags pa nA gA rdzu na'i zhal snga nas kyis kyang/ /phyag rgya bzhi'i rjes su bkod pa las kyang/ mchog tu dga' ba dang/ dga' bral dag gi dbus su mtshan cing ltos la brten par gyis zhes bya ba la sogs pas gnod pa bstan pa yin te/ de yang khyod kyi gzhung la med do/ /dga' ba'i bde ba cung zad bde/ /mchog tu dga' ba de bas lhag /dga' bral dga' ba chags bral 'gyur/ /lhan cig skyes dga' lhag pa nyid ces bya ba ji ltar zhe na/ de yang 'di ltar shes par bya ste/ dga' ba dang/
- 158a
mchog dga' dang/ dga' bral nyid ni cung zad bde ba ste/ de bas na lhag pa'i 'dod chags 'dzin pa'i phyir lhag min shin tu lhag mar 'gyur bas/ gsum las gzhan pa lhan cig skyes pa'i dga' ba yin par shes par bya'o/ /yang dga' ba dang/ mchog dga' dang/ dga' bral dang/ lhan cig skyes pa zhes bya ba go rims kyi dbang gis gzhag pa yin la/ rtags par bya ba ni lhan cig skyes pa gsum par ro/ /gang yang 'di skad du/ bcom ldan 'das kyis legs par dbang bskur ba nyid gang las kyang ma bstan par/ ci'i phyir nyon mongs pa mang ba rnams la drag po'i dbang bskur ba dgos pa'i tshig dga' ba dang/ mchog dga' dang/ dga' bral dang/ lhan cig skyes pa zhes bya ba'i rim pas bstan ce na de ni ma yin te/ glegs bam gyis mkhas par byed cing dge ba'i bshes gnyen la ltos pa dang bral ba dgag pa'i phyir/ go rims 'di ltar bshad pa yin te/ de yang byang chub ni dge ba'i bshes gnyen la rag las pas zhes bya ba dang/ gzhan las kyang/ bla ma mnyes pa las thob pa zhes bya bas so/ /'dir cung zad lung dang 'gal bas/ drag po'i dbang bskur ba dang/ dbang bskur ngan pa dgag pa nyid yin te/ rnam par nyed pa la sogs par gzhag pa dgag pa nyid ma yin te de dang kun tu sbyar ba dang 'gal ba tsam nyid kyi phyir ro/ /de nas rdo rje 'chang gi dbugs dbyung ba'i ngo bo dbang bskur bzang po'i grub pa'i mdza' nyid ma lus par rnam par bzhag par rig par bya'o/ /drag po'i dbang bskur ba smra ba rang gi grub pa'i mdza' de skad du smra bar byed pas de dag gi phyir de ltar bstan nas/ de'i rjes thogs su dbang bskur ngan pa bstan pa'i phyir/ 'o dang zhes bya ba la sogs pa smras te/ lta ba nas brtsams nas/ ji srid du phyi rol gyi bya ba ni rnam pa sna tshogs so/ /rdo rje dang pad+ma sbyor ba nas/ ri bong can
- 158b
nor bur byung ba'i bar du bskyod pa de ni rnam par smin pa'o/ /rin po cher bkag pa nas chad par 'gyur bar gnas kyi bar du mtshan nyid dang bral ba'o zhes gang de ltar sems pa des ni dbang bskur yang dag par rig ces bya ste/ yang dag rig ces bya ba ni gzhad gad do/ /de bzlog par bya ba'i phyir/ rin chen zhes bya ba la sogs pa smras te/ 'di zhi ba yin pas na zhi ba'o/ /'di rig byed yin pas na rig byed do/ /gal te ci 'di zhi ba la sogs pa la 'di lta bu yod dam zhe na/ de'i phyir/ rin chen grong khyer zhes bya ba smras te/ rin chen ni nor bu'o/ /de'i grong khyer ni gnas gang yin pa ste/ gang bde ba'i ngo bor mngon par 'dod pa de ni rin chen grong khyer ro/ /ze 'brur lhung ba ni zhu bar gyur pa ste/ snying po med pa nyid de/ drag po ni legs ldan no/ /mnyam 'dus ni snyoms par 'jug pa'o/ /zhi ba ni dge ba 'byung bar byed pa'o/ /de nyid kyi phyir mchog go /de nyid ni de kho na nyid do/ /nus pa ni sems kyi gzugs so/ /mchog ni gtso bo ste de nyid do/ /de'i rang gi ngo bo ni mtshan nyid ces bya ba la sogs pa smras te go sla'o/ /de nyid kho na sna tshogs kyi ngo bor yod pa nyid do zhes bstan pa'i phyir/ srid pa'i de nyid du na med ces bya ba la sogs smras te/ srid pa ni phyi rol gyi gzugs la sogs pa'o/ /de nyid du zhes bya ba ni don dam pa nyid do/ /de ltar na sngon po la sogs pa'i snang ba ji lta bu zhe na/ de'i phyir nus pa'i gzugs su bsgoms byas na zhes bya ba smras te/ sems nus pa'i ngo bor gyur pa ste/ sems kyi ngo bor gyur pa zhes bya ba'i don to/ /de ltar na yang de nyid dag par yod par 'gyur ro zhe na/ de'i phyir de dag dgag par bya ba'i phyir/ stong par mthong ba nus pa yin zhes smras te/ go sla'o/ /de lta bu de yang mu bzhi dang bral ba'i dbu ma yin no/ /zhes bstan pa'i phyir/ bar ga'i rtse mo yal ga'i nus pa'i rgyu las/ bden min brdzun min bden brdzun min/ /de dag gnyis ka spangs pa'ang
- 159a
min/ /de'i gnas skabs rtogs dka' ba/ 'di las mchog gzhan ci zhig yod ces bstan pa yin no/ /rnam pa gzhan gyis kyang de nyid bstan pa ni/ zhi ba zhes bya ba la sogs pa gsungs te/ rin chen dkyil du gnas pa'o zhes bya ba ni nor bu'i dkyil na gnas pa'o/ /rnal 'byor pa'i de lta bur rig pa'i ye shes kyi mthar thug par bstan pa ni/ ye shes bdud rtsi zhes bya ba la sogs pa smras te go sla'o/ /da ni rig byed kyi mdza' 'chad par 'gyur ba'i gzhung lugs kyi rim pa 'ongs pa nyid kyis gal te smra bar byed na/ de'i phyir de dag gis bde ba rtogs par bya ba'i phyir dang/ de dor ba'i phyir phyed snga ma/ dbang po yul 'das zhes bya ba la sogs pa smras te/ dbang po rnams las gzhan mchog smra ba ni/ /dbang po dag las mchog ni yid/ /yid las pha rol gyur pa blo/ blo las pha rol gang de de/ /zhes bya ba'o/ /lhag ma ni go sla'o/ /legs ldan gyi grub pa'i mdza' ni rig byed kyi dpes nye bar mtshon pa'i phyir sngar bstan pa nyid rgyas par bstan pa'i phyir/ nus dang phrad ces bya ba la sogs pa smras te/ nus pa ni rkyang ma'o/ /de dang phrad pa ni sbyor ba'o/ /bskyod pa ni de nas bsgul? bskyod do/ /nus pa dbang bskur mthar thug pa'o/ /zhes bya ba la nus pa'i yan lag dang ldan pa'o/ /dbang bskur ba ni mngon par zhen pa ste/ gong nas gong du rjes su chags pa'o/ /de'i mthar thug pa ni de'i mthar thug pa'i bde ba gang yin pa'o/ /tshangs pa'i de nyid ni ye shes kyi de nyid do/ /bde des zhes bya ba ni rang gis te/ bdag gi zhes brjod pa'o/ /de dag ltar na ni rdo rje'i dkyil dang/ de'i rtse mo dang bar dang thong pa la gnas pas/ de dag dang mtshungs par 'gyur te/ rkyang ba kun las byung ba shin tu dga' ba'i dga' ba mi zad pa'i dus na 'byung ba'i yang dag par rig pa ni de srid du rig byed las byung ba'i gzhung lugs las byung ba yin zhes bya ba'i tha tshig
- 159b
gis so/ /de dag rang gi ngo bo bstan pa'i phyir/ sdug bsngal 'byung ba med pa yi/ /zhes bya ba smras te go sla'o/ /'di dag gis ni 'gro ba'i ngo bo gcig par bstan pa'i phyir/ cung zhig gang dang gang mthong ba zhes bya ba la sogs pa smras te go sla'o/ /de'i rjes la ye shes kyi byed pa rkyang ma nyid bsngags pa'i phyir sdug pa mthong ba zhes bya ba la sogs pa smras te/ sdug pa mthong ba ni mthong ba ste/ 'di dang mngon par 'dod pas thar pa zhes bya bas so/ /lhag ma ni go sla'o/ /'di dag gis ni de las gzhan pa'i bshad pa spangs nas rkyang ma nyid kyi dpe bstan pa nges par mthong ba'i don mngon par 'dod pa nyid do zhes bstan par 'gyur ro/ /de ltar zhugs pas da ni mngon par zhen pa thams cad spangs pa'i phyir/ chos dang chos min spangs nas ni/ /zhes bya ba la sogs pa smras te go sla'o/ /mu bzhi dang bral ba nyid du bstan pa'i phyir/ dngos po bden pa yod ma yin zhes bya ba la sogs pa smras te go sla'o/ /de ltar gzhan gyi gzhung dang mtshungs par smras nas/ rang gi gzhung dang 'gal bar bstan pa'i phyir/ gzhan yang zhes bya ba la sogs pa smras te/ 'dir dbu ma pa la sogs pa'i rnam par dpyad pa'i don ni/ gsang sngags kyi tshul gyi 'bras bu lha'i rnal 'byor gyi bstan pa yin te/ de'i phyir/ gang la gang gis rgyas btab pa/ /de dang de'i ngo bor 'gyur/ /zhes bya bas bzung bar bya ba'i gzugs la sogs pa'i phung po bzhi'i ngo bo gzung ba spang ba'i phyir rnam par snang mdzad la sogs pa 'dzin pa bzhi po gzhan gyi dbang gi ngo bor bstan te/ de dag gi rgyas btab pa'i don du yongs su grub pa'i ngo bo gzung ba dang 'dzin pas stong pa mi bskyod pa'o/ /zhes brjod do/ /de lta na ni lung las bstan pa'i rdo rje sems dpa' i phyag rgya dang 'gal te rin po che'i dkyil na gnas pa'i byang chub kyi sems yongs su grub pa'i ngo bo mi bskyod pa'i ngo bor gyur pa la rdo rje sems dpa' i phyag rgya med par sangs rgyas kyi
- 160a
mdzad pa'i grub pa'i mthar mi 'gyur te/ ji ltar zhen phyi rol pa'i grub pa'i mdza' dang mtshungs pa'i phyir ro/ /de yang la ba'i na bza' can gyis zhal snga nas/ thams cad mtshungs par rab tu dpyad byas nas/ /phra bar lta ba'i blo yi mthar byas te/ /sangs rgyas pa dang phyi rol rnam phye na/ gcig kyang mi dmigs de phyir stong par smra/ /rnam rig la nas mi 'gyur zhes/ /de phyir 'jigs la thug pa yi/ chos rnams tha dad bstan nas ni/ /stong pa'i chos rnams yang bstan to// zhes gsungs pa dang/ gsung rab las kyang ma lus rig byed grub mdza' dang/ /dbang phyug la sogs kyis byas kyang/ /sangs rgyas rnams kyi sngags rgyud kyi/ /stong pa nyid la bye brag yod/ /ces bya bas gzhan dag gis yongs su brtags pa'i stong pa nyid du smra ba dang/ de bzhin gshegs pas bstan pa'i stong pa nyid la ldem por dgongs pas byas pa'i khyad par ni gsal bar ma smras so/ /gal te de ltar yin na 'di ltar ci phyir bshad ce na/ /de'i phyir/ ci'i phyir 'di ltar zhes bya ba la sogs pa smras te de bzhin gshegs pa'i dbugs dbyung ba ste/ de bzhin gshegs pa ni rnam par snang mdzad do/ /des nye bar mtshon pa rin chen 'byung ldan la sogs pa yang bzung ste/ rin chen 'byung ldan dang/ snang ba mdza' yas dang/ don yod grub pa yang bzung ngo/ /de dag gi dbugs dbyung ba ni/ mi bskyod pas rgyas btab pas rnam par shes pas shes par bya ste/ /de ltar rig par bya'o/ /da ni gnas gang dang gang du rgol ba gang dang gang 'byung ba de bstan pa'i phyir/ rdo rje nang gi zhes bya ba la sogs pa la/ rdo rje nang gi rnam bcas te/ /de yi rtse mor rnam bcas nyid/ /yang na de'i rtse mo rnam pa dang bcas pa'o/ /de'i nang gi ni rnam pa med pa'o/ /'di lta bu gang yin pa nyid dbu ma'o zhes bsngags pa de ni kho bo'i bla ma mi 'dod de/ gang gi phyir
- 160b
mi 'dod pa nyid gang zhe na/ rdo rje'i nang dang de'aM rtse mo dang zhes bya ba la sogs pa smras te/ de lta bu gang yin pa de nyid rtag tu mi bskyod pa'i gzugs kyis yod pa'i phyir/ rdo rje sems dpa' i rgya dang bral ba yin no/ /bar dang thod pa 'di dag la re zhig rdo rje sems dpa' i rgya dang bral ba lta zhong/ /mngon par 'dod pa'i bde ba dam pa yang med pa nyid do/ /gzung ba la sogs pa yod pa'i phyir mi bskyod pa'i rgya dang yang bral ba nyid do/ /de dag gis sngar smras pa'i rdo rje sems dpa' i phyag rgya dang bral ba'o zhes shugs kyis rnyed par 'gyur ro/ /de ltar na de kho na nyid gang las shes par bya/ de nyid bla ma'i zhal las rig ces bya ba la/ 'dir ni bcu drug phyed phyed thig le 'chang ba'i bcom ldan 'das ma 'di'i gnas skabs su man ngag yin no/ /de yang/ gnyis 'das nas ni gnyis mnyam pa/ /rdo rje nas lhung pad+ma reg /mi bskyod rdo rje nas lhung ba/ /rdo rje pad+ma la reg pa/ /'bras bus rgyu la rgyas btab pa/ /'bras bu la yang rgyus rgyas btab/ /'di ni bde chen rgyal po yin zhes bya bas/ 'di dag ni rdo rje'i ngo bo dang/ sems dpa' i ngo bos rdo rje sems dpa' ste/ stong pa nyid dang/ snying rje dang/ shes rab dang/ thabs dang/ mya ngan las 'das pa dang/ srid pa la sogs pa'i ming gis rtogs par bya'o/ /'di nyid kyi don ni bskyed pa'i rim par yang 'dod chags chen po zhu ba'i zla ba dang/ nyi ma'i bar na gnas pa'i thig le gnyis kyi gzugs kyis steng dang 'og tu 'byung ba de dang/ der bcom ldan 'das bstan to/ /rdzogs pa ni ji skad du bstan pa'i dbang gi don to/ /yongs su rdzogs pa ni zhu ba'i gzugs nyi mar gnas pa shes rab dang thabs kyi bdag nyid can/ stong pa nyid dang snying rje'i ngo bo chos kyi dbyings kyi rang bzhin du rig pa'i gnas skabs kyi dus kyi ngo bo mtshon pa'i phyir/ bcom ldan 'das zhabs kyi mthe bong gcig gis gdan la reg par bzhengs pa'o/ /gal te rdo rje lte ba'i dkyil 'khor na gnas pa'i hUM gi de nyid
- 161a
kyang bsgom par bya'o zhes bstan pa ma yin nam/ 'dir rdo rje'i lte ba'i dkyil na gnas pa zhes bya ba'i don mi 'grub po zhe na/ 'di'i don ni gzhan yin no/ /de ltar na yang rdo rje dang ze 'bru ngag tu shes rab dang thabs kyi yan lag gi mchog gi dbus na gnas pa'i de kho na nyid hUM zhes bya ba ste/ ha zhes bya ba ni rgyu stong pa'o/ /u zhes bya ba ni rnam par rtog pa dang bral ba'o/ /a zhes bya ba ni rab tu mi gnas pa'o/ /bsgoms zhes bya ba ni rtogs par bya'o/ /de ltar na nor bu'i nang du chud pa la nor bur rtogs par bya zhes bya ba ji ltar zhe na/ brjod par bya ste/ 'di'i don kyang gzhan yin no/ /de yang nor bu dag tu ste/ 'dam skyes dang rdo rje'i bar du rtogs par bya zhes bya ba'o/ /'di yang legs par gnas par 'gyur ro/ /gal te 'di yang ji ltar shes par bya/ /gang gi phyir 'dir gnyi ga'i don brjod par bya zhe na/ brjod par bya ste/ pad+ma'i nam mkhar rdo rje'i ze 'bru dag /rdo rje'i skyil mo krung gis mnan pa'i gnas dgug sems kyi nor bu'i nang du chud par blta/ /ye shes gang skyes brjod med ye shes gzugs zhes dpal mchog dang po las gsungs so/ /'di'i don ni 'di yin te/ pad+ma'i nam mkha' i pad+ma'i dkyil gyi yul stong pa'o/ /nor bu ze 'bru dag ces pa ni/ 'jam skyes dang rdo rje dag gi dbus so/ /mnan pa'i gnas zhes bya ba ni bskyod pa'i gnas so/ /rdo rje'i skyil mo krung gi zhes bya ba las/ rdo rje yongs su khyab ste thams cad du'o/ /oM a ka ta zhes bya ba ni mtshan nyid du'o/ /lnga par byas ni ni rdo rje phyi rol tu reg pa tsam brjod par 'gyur ro/ /sems ni nor bu'i nang du chud par bltas pa na/ rnam par shes pa skye bar 'gyur te/ de ni rnam par shes pa'i rang gi ngo bo zhes bya ba'i don to/ /de yang rdo rje bdud rtsi las/ ge sar gyi bka' spyod yul gyi/ /lte ba'i dkyil na lha mo gnas/ /bu ba'i gzugs kyis byung ba yi/ /b+ha ga
- 161b
ling ga'i dbus na gnas zhes gsungs pa'i phyir ro/ /dgyes pa'i rdo rje las kyang/ A li zla ba kA li nyi/ /sa bon skyil na gnas par 'gyur/ /zhes gsungs pa yin no/ /de ltar yang/ ji srid ma lhung 'od gsal rang bzhin bsil ba'i 'od zer khu ba'i rgyun/ /lha mo pad+ma'i 'dab ma'i nang du ro mnyam ro gcig rgyal ba'i tshogs/ /rdo rje rtse mor spros pas snying rje dbyer med 'gro ba'i rgyu/ /de srid snying po'i dpal gyi stobs kyis lhan cig skyes pa'i gzugs shes khyab pa'i bdag /ji srid rdo rje nor bur rdo rje gsum bsregs zla ba'i nyams 'gyur rlung gi gnas/ /pad+ma'i bu ga'i khyim gyi nang du thim par 'dod pa de yi tshe/ /ji srid 'byung ba rang bzhin la sogs spangs pas bya ba dman pa'i yid/ /de nyid lhan cig skyes pa'i yin zhes de yang lung dang rig pas gsal/ /shes rab 'dam skyes rdo rje sbyor ba mchog dga' i lhag mar gnas/ /gnas 'dzag dag pa'i thig le mi rgyu ji srid zla bar 'dod/ /de tshe yid mi mi g.yo 'gro ste rlung rgyu nyams par 'gyur/ /rna bas mi thos mig ni bstan 'gyur phyag rgya chen por mos/ /de ltar na gzhan gyis brjod min lhan cig skyes/ /gang nas kyang ni rnyed mi 'gyur/ /bla ma'i dus thabs bston pa las/ /rang gis shes bya bsod nams kyis/ /zhes gsungs pa ji lta bu zhe na/ 'dir yang bla ma'i dus thabs ni rdo rje'i dus thabs so/ /rten zhes bya ba'i don dang sbyor bar mi 'gyur te/ nye bar brten pa med pa'i phyir ro zhe na/ ma yin te/ nye ba zhes bya ba'i sgra ni/ drung na 'dug pa'i tshig nyid kyis/ /rdo rje las phyi rol gyi drung brten pa zhes brjod pa nyid do/ /de ltar na rdo rje skyed thabs nyid kyis/ /rdo rje'i bde ba phyag rgya che zhes bya ba de ji lta bu zhe na/ 'dir yang rdo rje bde ba gang yin pa de ni phyag rgya chen po'o/ /rdo rje nyid kyi skye mched ni/ /gnas te thabs zhes bya ba'i don dang mi sbyor ba'i phyir ro
- 162a
zhen ma yin te/ rdo rje'i bde ba phyag rgya chen po dang/ rdo rje skye mched gyi gnas gang na yod pa de ni mchog tu dga' ba ste/ de ni thabs shes bstan pa nyid do/ /gzhan yang kho bo cag gi gzhung ltar na de nas gsang ba bshad bya ba/ /mdor bsdus pa ste rgyas par min/ /gsang ba mchog gi zhes bya ba la sogs pa legs par gnas par 'gyur ro/ /de yang gsang ba ni gsang ba bshad bya ba zhes bya ba dang sbyar te/ ra ha sya zhes bya ba'i ra dang ha dag ni rdo rje dang/ pad+ma dang gnyi ga'i bar dag go /sa zhes bya ba ni rnam pa thams cad du'o/ /ye zhes bya ba ni yang dag pa ji lta ba bzhin no/ /a zhes bya ba ni gnyis su med pa'o/ /i zhes bya ba ni 'di zhes bya ba las 'das pa'o/ /de yang ? ni rdo rje zhes bshad do/ /yi ge ha ni pad+mar bshad/ ces gsungs pa yin no/ /da ni rnam pa sna tshogs pa legs par gnas par bya ba'i phyir dga' ba sna tshogs zhes bya ba la sogs pa smras te/ bla ma zhes bya ba la sogs pas bla ma dam pas nye bar bstan pa nyid ni 'dir bla ma dam pas man ngag bstan par bya ste/ rnam pa sna tshogs brjod/ 'khyud dang 'o byed la sogs pa zhes bya ba bstan pa yin no/ /'dir yang sogs pa zhes bya ba'i sgras bsdus pa la bskyod pa'i mthar thug pa'i bar du/ rnam pa sna tshogs su brjod pa yin no/ /'on te bskyod pa'i mthar thug pa'i bar zhes bya ba yang ji ltar rtogs par bya zhe na/ shes rab bcu drug lon pa la/ /rdo rje dril bu mnyam sbyar ba/ /lag pa gnyis kyis 'khyud nas ni/ /slob dpon dbang du shes par bya/ /zhes bya ba bstan pas/ 'di yang rdo rje dang pad+ma mnyam par sbyor ba las/ rdo rje pad+ma reg pa zhes bstan to/ /gal te slob dpon gyi dbang bskur ba yin na/ dang por slob dpon gyis rnam pa sna tshogs shes bya bar gang las shes she na/ dbang bskur ba'i
- 162b
bzhi yi grangs/ /dga' ba la sogs rims shes bya zhes bya ba ni shin tu rgyas par bstan to/ /de'i dga' ba la sogs pa bzhi po slob dpon dang/ gsang ba dang/ shes rab dang/ de ltar de bzhin bzhi pa yang zhes pa dang/ grangs ji lta ba bzhin shes par bya'o/ /dga' ba ni rnam pa sna tshogs pa nyid kyi skad ces bya ba ste/ bskyod pa'i mthar thug pa rnam pa sna tshogs so/ /rnam par smin pa ni de las bzlog pa ste/ bde ba'i ye shes za ba zhes bya bas mdor bstan to/ nor bu'i rtse mo'i bar du de bde ba'i ngo bo ni mchog tu dga' ba'o/ /gal te mchog tu dga' ba bde ba'i ngo bo nyid du ji ltar shes par bya zhe na/ sna tshogs spangs pa'i skad cig la/ /mchog tu dga' ba yang dag rnyed/ /bla mas bka' stsal sems dpa' che/ /bde ba chen po yang dag zung/ /zhes rgyas par bstan pas so/ /'dir yang sna tshogs spangs pa'i skad cig nyid la zhes bya ba la sogs pa'i don ji ltar 'byung ba bzhin du thams cad legs par gnas pa yin no/ /nor bu'i nang du chung la sogs zhes bya ba'i don ni bshad zin to/ /gal te bskyod pa'i mthar thug pa ni dga' ba ste/ de yang slob dpon gyi dbang yin no/ /nor bu'i nang ni mchog tu dga' ba ste/ /de yang gsang ba yin no/ de ltar na/ rgod pa dge slob dpon te/ blta ba de bzhin gsang ba'o/ /'khyud pa dag la shes rab ste/ /de yang gnyis kyi gnyis sprad? rgyu/ /zhes bya ba de ji lta bu zhe na/ 'di ni phyi rol bskyed pa'i rim pa yin no/ /de ltar na chu'i dbang bskur ba la sogs pa slob dpon gyi dbang du bstan pa gang yin pa de ni ji lta bu yin zhe na/ de yang phyi rol bskyed pa'i rim par shes par bya'o/ /zab mo bskyed pa'i rim pas ni dga' ba slob dpon gyi dbang ste/ de bzhin gshegs pa'i dbugs dbyung ba'o/ /rdzogs pa'i rim par dga' ba ni rdo rje 'chang gi dbugs dbyung pa'o/ /phyag rgya bzhi'i phyogs
- 163a
la ni/ /yongs su grub pa nyid slob dpon nyid de/ las kyi phyag rgya las rtogs par bya'o/ /gal te drug gis bum pa'i dbang du gsungs pa yin te/ thams cad du bum pa'i bya ba 'jug pa'i phyir zhes bya ba de ji lta bu yin zhe na/ bum pa'i sgra ni chu 'dzin pa'i sgra nye bar mtshon pa nyid kyis chu 'dzin pa'i bya ba nyid yin pa'i phyir 'di mtshams pa yin no/ /de dag thams cad bstan pa'i phyir/ rgod la sogs pa'i dga' ba gang zhes bya ba la sogs pa ste/ don ni bshad zin to/ /nga ni dga' ba bzhi rnam par gzhag pa'i phyir/ sna tshogs rnam pa sna tshogs phyir/ /zhes bya ba la sogs pa smras te/ sna tshogs nyid ni bzung ba dang 'dzin pa'i ngo bor yod pa ni sna tshogs te dga' ba'o/ /bsrung tshe zhes bya ba la bsrub pa'i mthar thug pa ni bsrung ba'o/ /byang chub kyi sems ni nor bur nye ba'i bar ni reg pa'o/ /'di dag gis ni nor bu'i grong gis mchog gi dga' ba zhes bya ba rnyed par 'gyur ro/ /bde bas nye bar gang ba'i bde ba yod pa ni smin pa'o/ /mchog ni nor bu'i grong du ste/ rin po che'i rtse mo'i bar du'o/ /bla ma'i de nyid ces bya ba'i don bshad zin to/ /dga' bral ni rnam par bral pa'o/ /rnam bral ni byang chub sems lhung ba'o/ /rnam nyed ni bde ba spyad pa'o/ /bdag gi bya ba ni dpyod pa ste/ 'di lta bu ni dga' bral lo/ /de ltar de bzhin bzhi pa yang zhes pa la/ de lta ba ni shes rab ye shes kyi ngo bo nyid kyi rang bzhin no/ yang zhes bya ba ni rnam par 'gyur ba'i ngo bo rten cing 'brel bar 'byung pa'i bdag nyid can no/ /de bzhin zhes bya ba ni rnam pa de lta bu ste snga ma bzhin shes par bya'o// de ni bzhi bar 'gyur te/ de dag gis ni phyi rol gyi yan lag can las kyi phyag rgya'i dga' ba bzhi ni/ phyag rgya bzhi ni rnam par bzhag pa las/ dga' ba rnams gcig tu gnas pa la las kyi phyag rgya zhes bya'o/ /'di yang rnam pa med par smra ba'i rnam par
- 163b
gzhag pa'i drag po'i dbang bskur ba'i gnas skabs nas bstan pa bzhin shes par bya'o/ /da ni rgyu dang 'bras bu'i rnam par gzhag pa bstan pa'i phyir/ las kyi phyag rgya zhes bya ba la sogs pa smras te/ las ni lus dang ngag dang yid kyi bya ba lhan cig skyes pa'i ngo bo nyid do/ /phyag rgya ni mtshon pa dang mtshan nyid de/ las kyi phyag rgya'o/ /de'i rten gang la btags pas nye bar mtshon pa'i don de nyid kyis rkyang ma la yang brjod par bya'o/ /gang las kyi phyag rgya la brten nas shes rab ye shes kyi rang bzhin gyi ngo bo nye bar bsngags te/ de yang 'gyur ba'i rdzas kyi ngo bo nyid 'ba' zhig go /lhan cig skyes pa'i gzugs brnyan gyi rjes su byed pa zhes bya bas/ lhan cig skyes pa'i rgyu 'thun pa'i 'bras bur brjod do/ /de lta bu'i rgyu mthun pa'i rnam pa sna tshogs zhes bya ba dga' ba nyid do/ /de nas sngon po dang ser po la sogs pa'i chos mngon par byang chub pa lnga dang/ lha'i rnam par dag pas gzung ba nyid la sogs pa dang bral ba nyid mchog tu dga' ba gcig tu mdzes pa'i thabs su gyur pa chos kyi dbyings kyi ngo bo spyad pas 'ongs par rab tu mi gnas pa'i ngo bo de ni chos kyi phyag rgya'o/ /'di ni phyag rgya chen po dbyer med pa'i rgya nyid yin pas lam yin pa'i phyir/ khyad par can du smin pa nyid ni rnam par smin pa'i 'bras bu'o/ /rnam par smin pa'i skad cig ma de ni mchog tu dga' ba'o/ /de nas phyag rgya gsum pa rgyas gdab pa'i phyir/ 'di chen po yang yin la phyag rgya yin te/ dpyad pas 'ongs pa mi gnas pa'i ngo bo nyid lam gyis ye shes gus pa dang bcas shing rgyun mi 'chad par goms par byas pas mngon du byas pa dngos po med pa/ shes bya la sogs pa'i sgrib pa spangs pa/ phun sum tshogs pa ma lus pa'i gzhir gyur pa/ srid pa dang mya ngan las 'das pa ngo bo nyid kyis gcig pa/ dmigs pa med pa'i snying rje chen po'i ?
- 164a
can bde ba chen po'i sku gcig pu ni phyag rgya chen po'o/ /'di ni sgrib pa thams cad dang bral ba dri ma med pa'i 'bras bu'o/ /de ni mtshan nyid dang bral ba'i skad cig ste/ lhan cig skyes pa'i dga' ba'o/ /de nas dam tshig gi brda' dang/ sems can gyi don gyi phyir longs spyod rdzogs pa dang/ sprul pa'i ngo bo he ru ka la sogs pa rdo rje 'chang gi rnam par sprul pa gang yin pa de ni dam tshig gi phyag rgya'o/ /de'i skyes bu byed pa'i 'bras bu'o/ /de la rnam par nyed pa ni dga' bral gyi dga' ba'o/ /de la phyag rgya rnams snga ma snga ma la bltos nas snga ma de nyid rgyu nyid do/ /phyi ma phyi ma la bltos nas 'bras bu'o/ /de ni phyag rgya so so la dga' ba bzhi'i ngo bo nyid du bstan pa'i phyir/ dga' ba phyag rgya so sor zhes bya ba la sogs pa smras te/ phyag rgya so so la zhes bya ba ni/ phyag rgya so so la dga' ba bzhi po shes par bya'i/ phyag rgya chen po la ni ma yin no/ /'di dag gi don nyid lung dang rang gi rig pa zhes bya ba la sogs pa rgyu gsum bstan te/ de la lung gi bstan pa ni/ dga' ba dang po sna tshogs nyid/ /mchog tu dga' ba rnam par smin/ /dga' bral ba rnam nyed pa/ /lhan cig skyes dga' mtshan nyid bral/ /zhes bya ba la sogs par dgyes pa'i rdo rje la sogs pas/ rnam pa sna tshogs dga' ba dang por byas nas gsungs pa yin no/ /de lta bas na/ gang du rnam pa sna tshogs la sogs pa 'byung ba de nyid du dga' ba la sogs pa rnam par gzhag go /de dag kyang phyag rgya gsum po nyid la 'byung bar 'gyur gyi /phyag rgya chen po la ni ma yin no/ /rang gi rig pa'i ngo bo ni gsal ba nyid do/ /bla ma dam pa'i man ngag ni/ /sna tshogs zhes bya ba la sogs pa 'chad par 'gyur ro/ /las kyi phyag rgya lus kyi las nyid la/ dga' ba bzhi'i rang bzhin brjod nas/ ngag chos kyi phyag rgya la dga' ba bzhi po'i ngo bo nyid bstan pa'i phyir/ sna tshogs zhes bya ba la sogs pa smras te/
- 164b
las kyi phyag rgya'i rgyu mtshan dang/ bla ma dam pa'i man ngag ston pa'i tshig gis rab tu rtogs pa'i sna tshogs pa 'gro ba'i bdag nyid du snang ba'i phyir rnam pa sna tshogs so/ /de nyid bsgom pa las nges par byed pa mngon par phyogs pa sna tshogs su snang ba nub par gyur pa ni rnam par smin pa'o/ /de la 'gro ba'i bdag nyid du bsgom pa rab kyi mthar thug pa snang ba med pa la brtan pa de ni mtshan nyid dang bral ba'o/ /de ltar rnam pa thams cad kyi mchog dang ldan pa'i stong pa nyid ces bya ba 'gro ba'i bdag nyid brtan pa la yang rnal 'byor pa bsgom pa pos rab tu mi gnas pa la mos pa brtan pa de bzhin nyid du tha snyad la gnas nas/ gang 'gro ba la lta ba ni dpyod pa ste/ /de ni rnam par nyed pa'o/ /rnam pa sna tshogs la sogs pa 'di dag la dga' ba bzhi po yang go rims bzhin du sbyor bar bya'o/ /'dir yang de ltar de bzhin bzhi pa yang zhes bya ba snga ma bzhin no/ /gang gi phyir rab tu dga' ba gcig pu yang grangs bzhin nges par bcad do/ /zhes bya ba'i tshig gis thams cad lhan cig skyes pa'i ngo bo yin pa de'i tshe chos kyi phyag rgya'i dga' ba bzhi po gcig tu gyur pa ni mchog tu dga' ba'o/ /chos kyi phyag rgya bstan nas/ lhan cig skyes pa'i ngo bor gcig pa'i yid kyis rang bzhin phyag rgya chen po bstan pa'i phyir/ kun la rab tu mi gnas la zhes bya ba la sogs pa smras te/ kun la zhes bya ba ni rten cing 'bral bar 'byung ba phung po dang/ khams dang/ skye mched la sogs pa'o/ /rab tu mi gnas pa ni yid la byed pa med pa sgro brtags pa med pa'o/ /de skad du yang/ yid la mi byed pa'i chos dge ba dang/ yid la byed pa'i chos mi dge ba dang zhes gsungs rab las gsungs pa dang/ de bzhin du/ kun tu rtag pas ma brtags pa/ /yid la rab tu mi gnas pa/ /dran med yid la byed pa med/ /dmigs pa med la phyag 'tshal bstod/ /ces bstan pa yin no/ /'dir rims nad sel ba'i tak+Sha
- 165a
ka'i gtsug gi nor bu rin po che'i rgyan gyi man ngag bzhin du nyams su blang bar mi nus so zhes kyang gsal bar mi bya ste/ bla ma dam pa'i zhabs kyi drin gyi nges par rnam pa thams cad kyi mchog dang ldan pa'i mtshan nyid can gyi phyag rgya chen po mngon sum du byed par nus pa'i phyir ro/ /'on te 'dir ji ltar skad cig ma bzhi'i ngo bo ma yin zhe na/ dri ma med phyir rang rig phyir/ /zhes bya ba smos te/ dri ma med pa ni rnam pa sna tshogs la sogs pa'i skad cig ma gsum dri ma dang bcas pas 'dir mi 'byung ngo/ /de bzhin du dga' ba gsum yang mi 'byung ngo/ /gal te rab tu mi gnas pa ni bsam gyis mi khyab pa ni nyid yin la de yang bsam par 'gyur na/ sgrib pa nyid yin pas dri ma dang bcas par 'gyur ro zhes the tshom za ba bzlog pa'i phyir/ ye shes gang zhig 'bad med pa/ /zhes bya ba la sogs pa smras te/ de yang gnas med pa bsam gyis mi khyab pa'i ye shes de dpyad pa las mi 'byung ngo/ /ji lta zhe na 'bad pa med pa ste/ rang gi dang gis 'byung ba'o/ /ji ltar zhe na/ bsam par bya ba rnam par dpyad pa/ gang gi tshe mi sems pa de'i tshe gang gi byed bar bsam pa mi 'byung ba yin no/ /de yang ye shes grub pa las/ sangs rgyas ye shes lhun grub pas/ /de phyir rnam par mi rtog brjod/ /bsam pa'i byed rgyu med pas na/ /bsam pa med pa'ang med ma yin/ zhes gsungs pa yin no/ /da ni rnam par rig par smra ba'i 'dod pa gsal ba dang chad par lta ba'i 'dod pa bzlog pa'i phyir/ gang zhig de bzhin nyid mthong nas/ /zhes bya ba la sogs pa smras te/ de bzhin nyid ni yang dag pa'i mdza' o gang gis mthong ba ste/ gang gis mngon du byed pa'o/ /dbu ma'i don gyi rjes 'brangs nas/ /zhes bya ba ni/ mu bzhi dang bral ba'o/ /de nor ldan de de kho na nyid rig pa'o/ /de yang chad par 'gyur ram zhe na/ ma yin te/ rigs de zhes bya ba rang rig pa'o/ /gang
- 165b
rnam par rtog pa ma lus pa yongs su spangs pa nyid de ni/ de kho na nyid mngon du nyams su myong ba yin no/ /de lta bu'i rnam par bden pa gnyis kyi bdag nyid can/ mdza' gnyis dang bral ba/ stong pa nyid dang snying rje dbyer med par shes rab dang thabs kyi rang bzhin/ bla ma dam pa'i zhabs kyi bka' drin gyis rig par shes par bya'o/ /de nyid dbu mar bsdus pa bstan pa'i phyir/ ji snyed sgro btags zhes bya ba la sogs pa smras te/ gang gi phyir ji snyed sgro btags pas brtags pa de thams cad med pa ste dbu ma'i don yin na/ 'di lta bu'i sgro btags pa med pa rnam par rig pa yang 'dod do zhe na/ de'i phyir thams cad kun tu zhes bya ba la sogs pa smras te/ de yang rnam par rig pa'i rdzas bden par sgro btags shing brtags pa yod la/ 'dir ni med de de la sgro btags pa thams cad med pa'i phyir ro/ /'dis ni sgyu ma lta bu'i mdza' yang sgro btags par rab tu bstan pa yin no/ /ji ltar zhe na/ rnam par rtogs pa thams cad kyis mngon par zhen pa sel ba'i zhes bya ba'i ngo bo ltar re zhig zhog rnam pa bden pa sgro btags pa dang/ rnam par rig par smra bas brtags pa nyid ni yod pa'i phyir ro/ /des na dbu ma'i don ni sgro btags pa med pa ste/ spros pa dang bral ba'o/ /'on kyang khyad ni 'di yod de/ rnam par shes par smra ba yis ni rnam par mi rtog pa brtan pa'i rnam par shes pa dngos po yod la/ ma rig pa'i dbang gis snang ba yod pa de lta bu'i rnam par mi rtog pa'i sems te/ de nyid rang rig tu 'dzin pa'i phyir ro/ /rjes la tshor ba 'dzin pa ni gsal ba nyid do/ /gal te khyod kyang 'di ltar 'dod de/ rjes thogs la rnam par rtog pa thams cad yod pa nyid do zhe na/ ma yin te gnas med pa nyid yin na yang/ khyad sems can gyi ngor kun rdzob kyi tha snyad kyis so/ /des na de la sel ba dang/ sgrub pa gang la yod de med do zhes bya ba'i don to/ /de ltar na rab tu gsal ba'i dngos po ji ltar shes par bya zhe na/ de'i phyir shes
- 166a
dang/ zhes bya ba la sogs pa smras te/ de yang shes pa dang shes byar sgro btags pas stong pa'i bdag nyid can ni 'gro ba'o snyam na yang rnam par rtog pa dang bcas na yang ngo rnam par rtog pa dang/ rtog pa med pa las gzhan ma yin no/ /de yang ji lta bu zhe na/ ji ltar thams cad de kho na mi shes pa de ltar de kho na nyid shes pa na yang ngo/ /de yang/ 'di la bsal bya ci yang med/ /gzhag par bya ba ci yang med/ /yang dag nyid la yang dag blta/ /yang dag mthong na rnam par grol zhes gsungs pa yin no/ /de ltar gzhan dag nas kyang/ srid pa yongs su shes pa nyid/ /mya ngan 'das zhes brjod pa yin zhes bstan pa yin no/ /yang na/ ji ltar de ltar kun sngon nas/ /zhes bya ba ni ji lta ba lhan cig skyes pa'i ngo bo rtog pa med pa yin pa de bzhin du de kho na nyid kyi ngo bor 'gro ba thams cad de bzhin du rtogs par bya'o/ /ji skad du/ ji ltar sngon bzhin phyis/ /de bzhin nyid la yid sangs rgyas zhes bstan pa dang/ gzhan las kyang/ chos thams cad lhan cig skyes par rtogs pa ste/ des na de'i 'khor ba 'dor bar mi 'gyur ro zhes bya ba dang/ de bzhin du/ sangs rgyas thams cad ma skyes pa'i/ /chos nyid de lta bu la gnas/ /zhes bya ba la sogs pa rgyas par 'byung ba yin no/ /'on kyang khyad par 'di yod do/ ji ltar gzung ba dang 'dzin pa mngon par zhen pa'i blo de bzhin du phyi nas med do/ /de yang chos 'di dag ni mya ngan 'das/ /rmongs pas 'khor ba'i rnam pa can/ /zhes brtan pa yin te/ /'dir rmongs pa ni gzung ba dang 'dzin par mngon par zhen pa'o/ /de bzhin du gzhan dag nas kyang/ mnga' bsnun gyis smras sgom pa dag /ji ltar de ltar yin de/ ji ltar rtogs pa de ltar min zhes pa'o/ /de ltar ye shes kyis rnam par rig nas 'gro ba la ji lta bzhin du ston pa ni/ /ma skyes 'gro ba gang
- 166b
yin blo/ /zhes bya ba la sogs pa smras te/ yod pa dang med pa la skyes par mi 'thad pa zhes bya ba la sogs pa'o/ /gang gi phyir 'gro ba ma skyes par shes pa de nyid ni rten cing 'brel par 'byung ba'i blo sbyangs pa nyid do/ /blo zhes bya ba ni nges par 'gyed pa'o// des na de ni blo dang ldan pa'o/ /'bad med par zhes bya ba ni 'bad pa dang bral ba'o/ /rang bzhin ni lhan cig skyes pa'o/ /'gro kun bden zhes bya ba ni brdzun pa ma yin pa'o/ /de ni rnam par rtog pa yin kyang mya ngan las 'das par bstan pa'i phyir/ 'brel pa bsgom pa zhes bya bar smras te/ 'brel pa bsgom pa med pa de ni 'brel pa mi shes pa ste/ rnam par rtog pa ste/ rten cing 'brel par 'byung pa'o/ /de lta bas na de nyid mya ngan las 'das pa zhes bya'o/ /de'i phyir sems nyid 'khrul par ma byed cig / de yang/ rten cing 'brel par gang 'byung ba/ /de nyid khyod ni stong par bzhed/ /ces bstan pas stong pa nyid ni mya ngan las 'das pa zhes bya'o/ /ma skyes pa rtog pa'i ye shes ni phyag rgya chen po ji lta ba bzhin du rnyed pa'o/ /zhes bstan pa'i phyir/ gnyan po'i phyogs la zhes bya ba la sogs pa smras te/ gnyen po'i phyogs zhes bya ba ni rang bzhin dang/ yon tan dang/ snying po la nges par spyod pa ste/ sbyin pa dang/ tshul khrims dang/ bzod pa dang/ brtson 'grus dang/ bsam gtan dang/ shes rab can gyi bdag nyid can/ gnyen po'i phyogs la dpyod pa'i rnam par rtog pa'i tshogs yid la byed pas spong ba'o/ /mi gnas shing zhes bya ba ni gnyen po'i phyogs la nges par dpyod pa'i rnam par rtog pa'i tshogs rab tu spangs pas zag pa dang bcas pa'i gzugs nye bar len pa'i phung po lnga la sogs pa'i bdag nyid mi mthun pa'i phyogs la dpyod pa'i rnam par rtog pa'i tshogs rab tu spong bar yang blta bar bya'o/ /de med pa'i phyir 'di dang nges par med pa nyid do/ /de nyid la yang ma chags pa zhes bya ba ni/ ngo bo nyid la sogs
- 167a
pa nges par dpyad pa nyid kyis stong pa nyid de bzhin nyid kyi bdag nyid la de kho na nyid du nges par dpyod pa'i rnam par rtog pa'i tshogs kyi ting 'dzin la yang ma chags pa gang yin pa'o/ /gang gi 'bras buAng 'dod med pa/ /zhes bya ba ni/ sa dang po la sogs pa rnam pa thams cad mkhyen pa nyid de thob pa la nges par dpyod pa'i rtog pa'i tshogs kyi ngo bo 'bras bu la 'dod pa ste/ de la re ba 'ga' yang med pa'o/ /de yi phyag rgya chen po shes/ /zhes bya ba ni thob pa'o/ /de dag gis ni 'gro ba'i bdag nyid mi gnas pa sgro ma btags pa/ mi mthun pa dang gnyen po dang/ de kho na dang/ 'bras bu'i tshogs spangs pas/ chags pa thams cad las rnam par grol ba ni phyag rgya chen po thob pa zhes bya'o/ /gal te de ltar na phyag rgya chen po la sbyin pa la sogs pa'i pha rol tu phyin pa med pa zhig gam zhe na/ ma yin te/ de ni pha rol tu phyin pa la sogs pa'i bdag nyid can bsod nams dang ye shes kyi tshogs gnyis kyi ngo bo yin pa'i phyir ro/ /de skad du yang/ tshangs pa khyad par sems kyis zhus pa theg pa chen po'i med las/ gang nyon mongs pa thams cad spangs pa de ni sbyin pa'o/ /gang mngon par 'du byed pa nas de ni tshul khrims so/ /gang mtshan nyid dang bral ba de ni bzod pa'o/ /gang rnam par spyod pa med pa de ni brtson 'grus so/ dang rab tu mi gnas pa de ni bsam gtan no/ /gang spros pa med pa de ni shes rab po/ /de ltar gnas med pa spros pa med pa'i ngo bo nyid ni shes rab kyi pha rol tu phyin pa'o zhes bstan pa dang/ de skad du yang bdun brgya pa las kyang/ bcom ldan 'das kyis bka' stsal pa/ 'jam dpal khyod gang gi tshe shes rab kyi pha rol tu phyin pa sgom par byed pa de'i tshe ci zhig la gnas nas/ shes rab kyi pha rol tu phyin pa sgom par byed/ 'jam dpal gyis gsol ba/ bcom ldan 'das gang gi tshe shes rab kyi pha rol
- 167b
tu phyin pa bsgom pa de'i tshe/ bdag gnas pa med par shes rab kyi pha rol tu phyin pa bsgom par bgyid do/ /bcom ldan 'das kyis bka' stsal pa/ 'jam dpal gnas pa med pa de la shes rab kyi pha rol tu phyin pa ga la yod/ 'jam dpal gyis gsol pa/ bcom ldan 'das gang ci yang mi gnas pa nyid ni shes rab kyi pha rol tu phyin pa bsgom pa'o/ /bcom ldan 'das kyis bka' stsal pa/ 'jam dpal khyod gang gi tshe shes rab kyi pha rol tu phyin pa sgom pa de'i tshe/ dge ba'i rtsa ba ji snyed cig 'phel ba 'am 'grib par 'gyur/ 'jam dpal gyis gsol pa/ bcom ldan 'das de'i tshe dge ba'i rtsa ba cung bar kyang 'phel bar 'gyur ba 'am/ 'grib par 'gyur ba ni ma mchis so/ /bcom ldan 'das shes rab kyi pha rol tu phyin pa bsgom pa de la chos gang cung zad 'phel ba'am/ 'grib par 'gyur ba ni ma mchis so/ /bcom ldan 'das de ni shes rab kyi pha rol tu phyin pa sgom pa ma lags te/ so so'i skye bo'i chos kyang mi spong la/ sangs rgyas kyi chos kyang yang dag par mi len to zhes bya ba la sogs pa gsungs pa yin no/ /phyag rgya chen po bstan nas/ dga' ba bzhi'i rang bzhin kun tu 'gro ba'i dam tshig gi phyag rgya bstan pa'i phyir /ji ltar las kyi phyag rgya la/ zhes bya ba la sogs pa smras te/ rdo rje slob dpon bka' drin gyis zhes bya ba ni/ bla ma dam pa'i man ngag gis zhes pa'i don to/ /de la man ngag ni 'di yin te/ phyag rgya chen po skyes bu byed pa'i 'bras bu'i ngo bo ru bcom ldan 'das shes rab dang lhan cig tu longs spyod pa'i ngo bor bzhengs pa'i spyod pa ni dga' ba'o/ /nor bu'i grong ni mchog dga' o// 'dod chags chen po zhu bar 'gyur ba'i shes rab dang thabs kyi ngo bo zla ba dang nyi mar kho yang dag par sbyar ba'i dbus na gnas pa/ steng dang 'og dang thig le'i gzugs kyis thig le gnyis kyi ngo bo nyid ni lhan cig skyes pa'o/ /de skad du yang/ der ni
- 168a
thog mdza' dbus med de/ /srid med mya ngan 'das pa med/ /'di ni bde chen mchog yin no/ /bdag dang gzhan yang yod ma yin zhes gsungs pa yin no/ /'di'i don yang rnam pa gnyis te/ drang ba'i don dang nges pa'i don no/ ni de nyid kyi tshe cho ga de lta bu nyid kyis mtshan nyid dang bral ba'i skad cig la rnam par mi rtog par rig pa'o/ /drang ba'i don ni thog ma ste/ /thig le snga ma ma yin pa'o/ /mdza' med pa ste mdza' med pa'o/ /dbus med ces bya ba ni rgyun mi 'chad pa'i phyir dbus med pa ste/ de la dbus med pa'o/ /srid med ces bya ba ni srid pa'i ngo bo ma yin pa'o/ /thabs nyi ma dang yang dag par 'dus pa las thig le ni srid pa ste/ de ni kho na nyid ma yin no/ /mya ngan las 'das pa med ces bya ba ni/ mya ngan las 'das pa'i ngo bo ma yin te/ shes rab zla ba dang yang dag par 'dus pas so/ /de ltar na/ gang zhig ce na/ brjod par bya ste/ gnyi ga ro gcig pa'i ngo bo/ /'di nyid ni mchog tu bde ba chen po ste/ bdag dang gzhan du mi bsam par mi bya'o/ /'dir yang sngar bstan pa'i las kyi phyag rgya las lhan cig skyes pa rnam par bzhag pa ltar rdo rje sems dpa' la sogs pa'i rnam par bzhag pa yang shes par bya'o/ /de nas puk+ka si la sogs pa'i lha mo bzhi'i klus bskul ba'i rjes thogs la rmi lam las sang ba bzhin du/ longs spyod pa'i gzugs kyis bcom ldan 'das gdan las bzhengs nas sems can gyi don du dag pa 'jig rten pa'i ngor dngos por rtogs pa mngon du mdzad nas gang la spyod pa de ni dga' bral lo/ /'dir yang de ltar de bzhin bzhi ba yang de nyid de/ de ltar zhes bya ba ni rnyed pa'i lhan cig skyes pa'o/ /yang zhes bya ba ni rnam pa thams cad kyis so/ /de bzhin zhes bya ba ni lhan cig skyes pa bzhin du rtogs par bya ba nyid do/ /shin tu dga' ba nyid gcig pu grangs
- 168b
bzhir res par bya'o zhes bya ba'i tshig gi gang gi tshe thams cad lhan cig skyes pa'i ngo bor gyur pa de'i tshe/ dam tshig gi phyag rgya ngo bo gcig pa nyid dga' bral gyi dga' ba'i ngo bo'o/ /'o na 'dir thig le'i gzugs nyid kyi phyir rnam par rig pa nyid gsal ba nyid du bstan pa yin no zhe na/ ma yin te/ de ltar na yang bde ba'i ngo bo brjod du med pa nyid kyi phyir/ 'gro ba ma lus pa'i rnam par spros pa na/ rnam pa la gnod pa yin no/ /de ltar na yang las kyi phyag rgya las rnyed pa'i bde ba bzhin thig le'i gzugs su bskyed pa ci'i phyir zhe na/ 'dir yang phyag dang zhabs la sogs pa'i rnam par shes rab dang thabs kyi bdag nyid bstan par rigs so zhe na/ brjod par bya ste/ thig le'i gzugs kyi yod pa'i phyir/ 'jim pa'i rnam pa la bum pa'i rnam pa bzhin du/ gnas gyur pa rnam pa dang bcas par brjod pa'i phyir ro/ /de skad du yang/ bcom ldan 'das thig le'i gzugs kyis gnas so zhes gsungs pas so/ /de nyid brjod par bya ste/ kun rdzob kun da lta bu ste/ /sgrib bral bde ba'i ngo bo nyid/ /ces bya bas so/ /las kyi phyag rgya la brten pa'i kun rdzob ni don dam pa ma yin pa'o/ /sgrib bral ni sgrib pa med pa ste/ mya ngan las 'das pa'o/ /'dir bde ba ni tha dad pa nyid do zhe na/ de yang ma yin te/ bde ba spangs nas/ de ma yin zhes bya bas bde ba dang thig le dag de'i bdag nyid dag las tha dad pa'i bde ba med pa'i phyir ro/ /de skad du yang/ gang phyir 'byung ba che bde ba/ /bde bas bde ba de nyid min zhes bya bas shes par bya'o/ /yang 'di snyam du sems na sems nyid sna tshogs thig le'i gzugs su 'byung bas rnam pa med pa nyid po zhe na/ de lta ba yang mi 'gyur te/ gal te rnam pa med pa'i bsam pas 'di ltar yin no zhe na/ de ltar na rnam pa'i rtog pa las yid gnyis dgos pa med pa nyid de/ thig le spangs pas bde ba tsam nyid nges par bstan par 'gyur ro/ /ji skad du bstan pa'i 'bad pa
- 169a
de lta bu ma yin pas ci zhig bya/ de lta bas na thig le nyid kyang rnam pa med pa smra ba la med pa nyid do/ /bstan ma thag pa'i phyag rgya re re la dga' ba nyid re re gsal ba nyid do zhes bya ba'i phyir/ las kyi phyag rgya sna tshogs nyid/ /ces bya ba la sogs pa'i don ni bshad zin to/ /gal te gzhung 'di nyid ni phyag rgya bzhi'i rjes su bstan pa'i rjes su 'jug pa yin la/ de yang rnal 'byor ma'i rgyud kyi rjes su 'brangs pa yin gyi/ rnal 'byor gyi rgyud kyi rjes su 'brangs pa ni ma yin no zhe na/ de ltar ni ma yin no/ /brjod par bya ste/ 'dir gsang ba 'dus pa'i rjes su 'brangs nas slob dpon klu sgrub kyis bstan pa yin no/ /gang gi phyir rgyud nas rim pa lnga phyag rgya bzhir bstan pa yin la/ rim pa dag kyang sngags kyi gzugs yin pa'i phyir rim pa ji lta ba bzhin du nges par sbyangs pa'o/ /de yang 'dir ston pa'i phyag rgya gcig la yang/ sngags kyi gzugs la yid gnas na/ gang gi phyir chos chos kyi phyag rgya'i bde ba ni kun rdzob kyi bden pa ston pa'o/ /bden pa'i yang dag pa'i mdza' nyid ni phyag rgya chen po zhes brjod do/ /'bras bu dam tshig gi phyag rgya ni/ gnyis su med par rig pa'o/ /rig pa rnams 'dus pa ni lha rdzas te/ sangs rgyas kyi 'bras bu ster ba'o/ /de'i mdza' drug gis bshad pa sgron ma gsal ba zhes bya ba las/ slob dpon zla ba'i grags pas/ gsang sngags sku ni rab sgrub byed/ /bskyed pa'i rim pa dang po yin/ /sems la dmigs pa tsam zhig ni/ /rim pa gnyis pa zhes brjod do/ /kun rdzob bden pa bstan pa ni/ /yid 'ong rim pa gsum pa'o/ /kun rdzob bden pa dag pa ni/ /rim pa bzhi pa zhes brjod do/ /bden gnyis sbyor ba gang yin pa/ /zung 'jug ces bya lnga pa ste/ /'di ni sgrub pa'i yan lag mchog /rgyud kun gyi ni don bsdus pa'o/ /rim pa 'di ni dbye ba yang/ /smos pa'i rim pa rnam pa mang/ /de rnams yang dag bsdus pa ni/ /gang
- 169b
gi shes pa rgyud de rig /ces gsungs pa dang/ sngags dang sems dang lus dang ni/ /rnam dag dang ni zung 'jug dang/ /rim pa lnga yi bsdus pa'i don/ /shes nas mdza' drug la 'jug yin/ /zhes gsungs so/ /de bzhin du 'phags pa lha'i zhal snga nas kyang/ mdo rgyud rtog bsras las/ sngags kyi de nyid dang/ phyag rgya'i de nyid dang/ bdag gi de nyid dang/ chos kyi de nyid dang/ lha'i de nyid dang zhes bya bas rim pa lngar mdor bstan pa yin no/ /da la sngags kyi de nyid ces bya ba ni/ yi ge hUM la sogs pa las byung ba'i dgyes pa'i rdo rje la sogs pa'i gzugs so/ /phyag rgya'i de nyid ces bya ba ni/ drang ba'i don du grangs bgrangs pa'i rim pas de nyid sems sbyangs pa tsam mo/ /des pa'i don ni las kyi phyag rgya las so/ /bdag gi de nyid ni 'gro ba sna tshogs sems ngo bo med pa'i rang bzhin no/ /chos kyi de nyid ni chos ma skyes pa'o/ /lha'i de nyid ces bya ba ni bdag gi de nyid dang/ chos kyi de nyid dag de'i bdag gi nyid du byas pas tha mi dad pa zhes bya ba'i bar du'o/ /de nyid lnga po de dag ni bla ma'i man ngag gi phyag rgya bzhi dang sbyar bar bya'o/ /rim pa lnga yang rim pa bzhin du'o/ /gal te bskyed pa yis ni rim pa dang/ /rdzogs pa yi ni rim pa nyid/ /rim pa gnyis la brten nas ni/ /rdo rje 'chang gis chos 'chang ngo/ /zhes bya ba ni rgyud kyi tshig yin no/ /rim pa lngar bstan pa ni ji lta bu zhe na/ brjod par bya ste/ bskyed pa'i rim par yang mdor bsdus pa'i rim pa dang rdo rje bzlas pa'o/ /ming gzhan phyi ma bskyed pa'i rim pa dang/ nang gi bskyed pa'i rim pa zhes bya'o/ /rdzogs par yang bdag byin gyis brlabs pa dang/ mngon par byang chub pa dang/ zung du 'jug pa ste/ ming gzhan rdzogs pa dang/ yongs su rdzogs pa dang/ ngo bo nyid kyi rim pa zhes bya ba bstan pa yin no/ /de nyid phyag rgya bzhi'i yang dag pa'i ngo bo'i rang bzhin te/
- 170a
thams cad gsang ba'i rgyud las bstan par shes par bya'o/ /de yang phyag rgya chen po yid kyis te/ /dam tshig phyag rgya kun tu 'gro /chos kyi phyag rgya dag las te/ /las kyi phyag rgya lus kyi'o zhes bstan pa yin no/ / da ni las kyi phyag rgya gang las de bzhin gshegs pa'i sngags dbyung ba dang/ rdo rje 'chang gi dbugs dbyung ba nyid shes pas tshims dag dgag pa'i phyir/ phyag rgya chen po mi shes par zhes bya ba la sogs pa smras te/ bla ma gcig nas gcig tu rgyud pa'i gzhung lugs kyi de nyid gang yin pa de la nyer bar sdad bas/ las kyi phyag rgya de nyid yin no/ /chos kyi phyag rgya la sogs pa bla na med pa yang dag par rdzogs pa'i sangs rgyas kyi chos la skur pa 'debs pa'i rnal 'byor pa ni ngu 'bod du 'gro'o/ du 'bod ces bya ba ni mtshon pa ste/ gzhan mnar med pa'i dmyal ba la sogs pa'i yang bzung ngo/ /ngu 'bod la sogs pa'i dmyal bar 'gro ba yang/ dam pa'i chos spong ba sgrub pa ni/ 'phags pa brgyad stong pa la sogs pa'i mdo las gsal bas rgyas par ma bstan to/ /'on te las kyi phyag rgya de kho na nyid du mi 'gyur ba ji ltar zhe na/ las kyi phyag rgya khro chu can/ /sdig can shin tu 'jigs rung ba/ /shin tu ring par spang bar bya/ /zhes bya ba dang/ de bzhin du mi mo nyams 'gyur shes rab ni/ /de yi bde ba'ang nyams par 'gyur/ /zhes bya ba la sogs pa rgyud kyi tshig gis so/ /mchog tu dga' ba ma mthong bar/ /bud med bde ba snyam du sems/ zhes bya ba'i tshig dang/ ji ltar me long du byung ba'i bzhin gyi gzugs brnyen la/ bzhin ni 'byung ba ni med la/ mngon du yang ma grub la/ de ltar grub pa yang med pa'i phyir ro/ /bzhin gyi gzugs brnyan gyi 'dra ba tsam 'byung ba yin no/ /de ltar na yang 'jig rten pa ni bdag gi bzhin mthong zhes 'khrul pas byas pa'i dga' ba skye bar
- 170b
'gyur ro/ /de bzhin du slob dpon blo dman pa dag kyang shes rab ye shes bsgrubs nas lhan cig skyes pa nyams su myong ngo zhes yang dag par dga' ba skyes par 'gyur ro/ /dka' ba skye bar gyur kyang chos kyi phyag rgya'i gtam yang mi shes so zhes bya ba la sogs pa phyag rgya bzhi'i rjes su bstan pa las slob dpon klu sgrub kyis gsungs pa yin no/ /ye shes grub pa las kyang/ dbang po gnyis byung ba de ba ni/ de nyid yin zhes skye ngan smra'i/ /de ni bde ba chen yin zhes/ /rgyal ba mchog gis ma gsungs so/ /zhes bya ba'i tshig gis bstan pa yin no/ /'on te de ltar rgyud du ma nas gsungs pa'i las kyi phyag rgya la smad pas khyod ni dmyal bar 'gro bar 'gyur ba dang phrad pa yin no zhe na ma yin te/ de de kho na nyid kyi gtso bo ma yin par lung las gsungs pas bkag pa yin no/ /de yi dgongs pa yang/ las kyi phyag rgya la brten nas/ zhes bya ba la sogs pas byed rgyu'i ngo bo nyid du bstan pa'i phyir smras pa yin na/ de la bskur pa btab pas ga la yin zhes 'dir mang du brjod mi dgos so/ / lhag ma ni go sla'o/ /phyag rgya rnams rtogs par bya ba dang/ /rang gi 'dod pa'i lha'i mthu bstan pa'i phyir/ de srid phyag rgya bzhi dang ni zhes bya ba la sogs pa smras te/ ri khrod pa ni snying po can te/ dpal ri khrod pa'i zhabs kyi dngos grub thob pa'o/ /lhag ma ni go bla'o/ /da ni bsod nams yongs su bsngo bas mjug bsdu ba'i phyir/ yang dag dbang bskur cho ga yis/ /zhes bya ba la sogs pa smras te go sla'o/ /dpal ldan ri khrod dbang phyug bcom ldan gang yin de yis mngon sum rjes bzung ba/ /bla med chos nyid rin chen bdud rtsi chen po'i 'byung gnas zab mo nyid la ni/ /gal te bem po rmongs pas de dag smod par byed pa kho bo ci byar yod/ /bdag 'dra ba stong pa rtsom par byed pa ngo mtshar brtse ba'i phyir/ /dbang bskur bzang dang ngan pa'i rim dang drag po'i rim dka' ba/ /
- 171a
mgon pos gsungs pa de bzhin blo chung rnams kyi yul min ngo mtshar che/ /de yi rjes su gnang ba bsgoms pas de yi rnam par dpyad pa dag/ nus pa ji bzhin blo yi gsung rab dran nas brjod par byas/ /dbang gi nges par gyur pa zab mo rgya mtsho yi/ /'grel pa gsal po 'di na byas pa las/ /bdag gis dge ba skad cig bsags pa des/ /skye bo ma lus pa dag rgyal gyur cig /bzhi pa'i rim la rmongs pa yi/ /dpung gi tshogs gang 'jig byed pa/ /dbang bskur nges bstan dka' 'grel 'di/ /dga' ba'i dpal ldan mgon pos bris/ /dbang bskur ba nges par bstan pa'i dka' 'grel /slob dpon dga' ba skyong gis mdzad pa rdzogs so// //sa man+ta b+ha dra dang/ nag tshos bsgyur ba'o// (lhan skyes rdo rjes mdzad pa'i de kho na nyid bcu pa'i 'grel pa bzhugs//) //rgya gar skad du/ tat+twa da sha ka TI kA/ bod skad du/ de kho na nyid bcu pa'i rgya cher 'grel pa/ dpal rdo rje sems dpa' la phyag 'tshal lo/ /gang dag ngo bo dam pa bla ma'i cha yi snying rje'i mthu las ni/ /zung du 'jug pa'i dngos po de bzhin nyid du rdzogs pa'i byang chub 'gyur/ /de dag nyid las gus par phyag byar 'os shing rtag tu bsten par rigs/ /de la btud de de nyid bcu pa'i rnam bshad yang dag brtsom par bya/ /de nas slob dpon 'di'i zhal snga nas tshad ma dang dbu ma dang lung gi grub pa'i don la 'jug pa'i rim pa rgyas par bstan nas sngags kyi lugs kyi rjes su 'thun pa'i pha rol tu phyin pa'i man ngag mdor bsdus pa mdzad par bzhed pas rab tu byed pa'i brjod par bya ba bsgrub par bya ba dang sgrub par byed pa dang/ de kho na nyid kyi bdag nyid gzhan shes rab kyi pha rol tu phyin pa zhes bya ba'i ming can chos nyid kyi bdag nyid kyis sku gsum gyi ngo bo nyid kho na la dang por phyag bya ba'i phyir/ /gang zhig yod med sbyor ba spangs/ /de bzhin nyid
Colophon
dbang bskur ba nges par bstan pa'i bka' 'grel/_slob dpon dga' ba skyong gis mdzad pa rdzog so/_/sa man+ta b+ha dra dang /_nag tshos bsgyur ba'o