'phags pa sangs rgyas brgyad pa zhes bya ba theg pa chen po'i mdo
...ṣṭabuddhakanāmamahāyanasutra
Text
ff. 11b–17a · 12 folio sides
- 11b
de ni gnas med do// sha ri'i bu de lta bas na/ lus 'di la mngon par dga' bar mi bya/ lhag par chags par mi bya'o// bcom ldan 'das kyis de skad ces bka' stsal te/ bde bar gshegs pas de skad gsungs nas/ de bzhin du ston pas/ gzhan yang 'di skad ces bka' stsal to// lus ni mi gtsang las byung ste/ rtag tu srog chags rnams kyang gnas/ gcin dang sdug pas rab gang na/ de la byis pa rab tu chags/ dge slong pha dang dge slong ma// dge bsnyen pa dang dge bsnyen ma// 'di thos nas ni 'dod chags la// 'dod chags bral nas rnam par grol// chos dang ldan pa rnams la ni// nyes pa 'di dag ngas ma bstan// gang dag 'dod pa yongs spyod pa// de dag la ni skyon rnams bshad// sangs rgyas kyis ni bstan pa bzhin// bud med mthong na su rtog ste// yang dag bskal pa shes nas su// mkhas pa de dag rtog ma byed// bcom ldan 'das kyis de skad ces bka' stsal pa nas/ tshe dang ldan pa sha ri'i bu dang / lha dang / mi dang lha ma yin dang / dri zar bcas pa'i 'jig rten yid rangs te/ bco ldan 'das kyis gsungs pa la mngon par bstod do// 'phags pa chos kyi phung po zhes bya ba theg pa chen po'i mdo rdzogs s+ho// rgya gar gyi mkhan po bad+ha bar ma dang / gu chen gyi lo ts+tsha ba ban de ye shes sdes bsgyur cing nus te gtan la bab bo// dge'o//
- 12a
bang sa saSh+Ta bud d+ha ka na ma mahA ya na sutra/ bod skad du/ 'phags pa sangs rgyas brgyad pa zhes bya ba theg pa chen po'i mdo// sangs rgyas dang / byang chub sems dpa' thams cad la phyag 'tshal lo// 'di skad bdag gis thos pa'i dus gcig na/ bcom ldan 'das mnyan yod na/ rgyal bu rgyal byed kyi tshal mgon med zas kyi kun dga' ra ba na/ dge slong steng nyis brgya lnga bcu'i dge slong gi dge 'dun chen po dang / thabs gcig tu bzhugs te/ thams cad kyang dgra bcom pa/ zag pa zad pa/ nyon mongs pa med pa/ dbang dang ldan par gyur pa/ sems shin tan par brel ga shes bzhin rnam par sdel gzung she pa glang po chen po// bya ba byas pa/ byed pa byas pa/ khur bor ba/ bdag gi don rjes su thob pa/ srid pa kun tu sbyor ba/ yongs su zad pa/ yang dag pa'i shes pas sems shin tu rnam par grol ba/ sems kyi dbang thams cad kyis dam pa'i pha rol tu son pa sha stag ste/ gang zag gcig ma gtogs pa ni 'di lta ste/ tshe dang ldan pa kun dga' bo'o// de'i tshe tshe dang ldan pa sha ri'i bu 'khor de nyid du 'dus par gyur te 'dug go// de nas de'i mad la stong gsum gyi stong chen po'i 'jig rten gyi khams 'di yang / rnam pa drug tu g.yos/ ma dkrol bar bar snang las sil snyan bye ba khrag khrig brgya
- 12b
stong gi sgra dag kyang byang / lha'i me tog man da ra ba dang / man dar ba chen po dang / man dzu sha ka dang / man dzu sha ka chen po'i me tog gi char yang bab ste/ rgyal bu rgyal byed kyi tshal/ mgon med zas sprin gyi kun dga' ra ba thams cad me tog gis chal par gang bar gyur to// de nas de'i mod las thams cad dang ldan pa'i stong gsum gyi stong chen po'i 'jig rten gyi khams 'di gser gyi kha dog gi snang ba chen pos khyab par gyur to// de nas de'i mod la/ shar phyogs nas pad ma sdong pe ni gser/ mdab ma ni dngul/ ze 'bra ni bai DUr+ya/ snying po ni rdo'i snying po las grub pa/ brgyad gcig byang bar gyur te/ pad ma'i snying po thams cad kyi steng na/ seng ge'i khri grub bzhi pa/ rtsa ba bzhi zug pa/ bkra ba blta na sdug pa/ dri dang ldan pa yid du 'ong ba/ dar gyi lda ldi spangs pa/ pog bor nas spos dri shin tu bdugs pa/ rin po che sna tshogs du ma dag gis legs par brgyan pa/ dril bu g.yer ka'i dra ba dam 'khol ba/ rin po che da ma'i bla re bres pa dag byang bar gyur to// seng ge'i khri thams cad kyi steng na de bzhin gshegs pa'i ska dag bzhugs par yang snang ste/ mdzes pa/ blta na sdug pa/ dbang po zhi ba/ thugs zhi ba/ dul ba zhi gnas kyi mchog rnyed pa/ dul ba dang ni gnas dam pa brnyes pa/ dbang po bsrungs zhing thul pa/ glang po shin tu dul ba lta bu/ mtsho ltar dngas zhing rnyog pa med la gsal ba/
- 13a
skyes bu chen po'i mtshan sum bcu rtsa gnyis po dag gis skra legs par brgyan pa/ gser gyi kha dog lta bu'i skus/ nyi ma dang zla ba'i gzi brjid zil gyis mnan te bzhugs pa/ sprod lam brgya stong dum dang ldan pa/ sku mdog lta bas chog mi shes pa dag snang ngo // de nas sangs rgyas kyi mthus/ tshe dang ldan pa sha ri'i bu stan las langs te/ bla gos phrag pa gcig tu gzar nas/ pus mo g.yas pa'i lhag ngas la gtsugs te/ bcom ldan 'das ga la ba de logs su thal mo sbar ba btud nas/ bcom ldan 'das la 'di skad ces gsol to// bcom ldan 'das shar phyogs nas pad ma sdong po ni gser/ mdab mni dngul/ ze 'bru ni bai DUr+ya/ snying po ni rdo'i snying po las grub pa brgyad po 'di dag byang bar gyur te/ pad ma'i snying po thams cad kyi steng na/ seng ge'i khri gru bzhi pa/ rtsa ba bzhi zug pa/ bkra ba/ blta na sdug pa/ dri dang ldan pa yid du mchi ba/ dar gyi lda ldi sbyangs pa/ pog por nas spos shin tu bdugs pa/ rin po che sna tshogs du mas legs par brgyan pa/ dril bu g.yer ka'i dra ba du ma 'khrol ba/ rin po che ma'i bla res bres pa dag byung bar gyur la/ seng ge'i khri thams cad kyi steng na/ de bzhin gshegs pa'i sku dag bzhugs par gda' ste/ mdzes pa/ blta na sdug pa/ dbang po zhi ba/ thugs
- 13b
zhi ba/ dul ba dang / zhi gnas mchog brnyes pa/ dul ba dang zhi ba'i gnas dam pa brnyes pa/ dbang po bsrungs shing thul ba/ glang po che shin tu dul ba lta bu mtsho ltar dngas zhing rnyog pa med gragasal ba/ skyes bu chen po'i mtshan sum bcu rtsa gnyis po dag gis skra legs par brgyan pa/ gser gyi kha dog lta bu'i skas/ nyi ma dang / zla ba'i gzi brjid zil gyis mnan te bzhugs pa/ spyod lam brgya stong du ma dang ldan pa/ sku mdog blta bas chog mi shes pa gad ba'i rgyu gang lags/ rkyen gang lags/ de skad ces gsol ba dang / bcom ldan 'das kyis tshe dang ldan pa sha ri'i bu 'di skad ces bka' stsal to// sha ri'i bu de'i phyir legs par rab tu nyon la yid la zung shig dang / bshad do// tshe dang ldan pa sha ri'i bus/ bcom ldan 'das de bzhin no// zhes gsol nas/ bcom ldan 'das kyis ltar nyan pa dang / bcom ldan 'das kyis de la 'di skad ces bka' stsal to// sha ri'i bu sangs rgyas kyi zhing 'di nas/ shar phyogs logs su sangs rgyas kyi zhing gang ga'i klung gi bye ma snyed 'das pa na/ 'jig rten gyi khams gzhan gyis mi thub pa zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shin tu yongs su bsgrags dpal zhes bya ba da ltar bzhugs te/ 'tsho zhes bzhes la chos kyang ston to// sha rin
- 14a
bu sangs rgyas kyi zhing 'di nas shar phyogs logs su sangs rgyas kyi zhing gang ga'i klung gnyis kyi bye ma snyed 'das pan/ 'jig rten gyi khams yid 'ong dga' zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas dbang po rtog gi rgyal mtshan gyi rgyal po zhes bya ba da ltar bzhugs te/ 'tshe zhing bzhes la chos kyang ston to// sha ri'i bu sangs rgyas kyi zhing 'di nas shar phyogs logs su sangs rgyas kyi zhing gang ga'i klung gsum gyi bye ma snyed 'das pa na/ 'jig rten gyi khams sdug dga' zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shin tu rnam par gnon pa grags mchog dpal zhes bya ba da ltar bzhags te/ 'tsho zhing bzhes la chos kyang ston to// sha ri'i bu sangs rgyas kyi zhing 'di nas/ shar phyogs logs su sangs rgyas kyi zhing gang ga'i klung bzhi'i bye ma snyed 'das pa na/ 'jig rten gyi khams sgo kun nas 'jug pa zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas g.yul las shin tu rnam par rgyal ba'i rtsal ces bya ba da ltar bzhugs te/ 'tsho zhing bzhes la chos kyang ston to// sha ri'i bu sangs rgyas kyi zhing 'di nas/ shar phyogs legs su sangs rgyas kyi zhing lnga'i bye ma snyed 'das pa na/ 'jig rten gyi khams rnam dag bsags pa gang gi'i klung
- 14b
zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas yon tan bkod pa'i dpal kun tu snang ba zhes bya ba da ltar bzhugs te/ 'tshe zhing bzhes la chos/ kyang ston to// shA ri'i bu sangs rgyas kyi zhing 'di nas shar phyogs logs su sangs rgyas kyi zhing gang ga'i klung gi bye ma snyed 'das pa na/ 'jig rten gyi khams 'gyur med ldan zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas sman gyi rgyal po'i dpal thogs pa med pa zhes bya ba da ltar bzhugs te/ 'tsho zhing bzhes la chos kyang ston to// sha ri'i bu sangs rgyas kyi zhing 'di nas shar phyogs logs su sangs rgyas kyi zhing gang ga'i klung bdun gyi bye ma snyed 'das pa na/ 'jig rten gyi khams spos brtsegs gang ba zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas rin po che'i pad ma la rnam par gnon pas bzhud pa zhes bya ba da ltar bzhugs te/ 'tsho zhing bzhes la chos kyang ston to// sha ri'i bu sangs rgyas kyi zhing 'di nas shar phyogs logs su sangs rgyas kyi zhing gang ga'i klung brgyad kyi bye ma snyed 'das pa na/ 'jig rten gyi khams sgra dbyangs snyan pa zhes bya ba yod de/ den de bzhin gshegs pa dgra bcom pa yang dag par rdzogs pa'i sangs rgyas rin po che'i pad ma rab tu la gnas pas la'i rgyal po zhes bya ba da ltar bzhugs te/ 'tsho zhing /
- 15a
bzhes la chos kyang ston to// sha ri'i bu sangs rgyas bcom ldan 'das de dag gi sangs rgyas kyi zhing de dag ni yongs su dag pa ste/ snyigs ma lnga med do// ya mtshan can thams cad med do// gseg ma dang gyo mo med do// nye ba'i nyon mongs pa med do// bud med med do// dud 'gro dang / gshin rje'i 'jig rten yang med do// sbrang bu dang / sha sbrang dang / sdig sbrul gyis reg pa rnams med do// sha ri'i bu rigs kyi 'am rigs kyi bu mo gang dag sangs rgyas bcom ldan 'das de dag gi mtshan nyan pa dang / 'dzin pa dang / 'chang ba dang / klog pa dang / ston pa dang / rab tu 'don pa dang / kun chub par byed pa de dag ngan song gsum du 'gro ba de ni gnas ma yin zhing go skabs med de/ sha ri'i bu de dag sems can dmyal ba 'am/ dad 'gro'i skye gnas sam/ gshin rje'i 'jig rten du 'gro ba de ni gnas med do// mtshams med pa byed pa dang / dam pa'i chos spong ba'i gang zag de ni ma gtogs te/ de yang chung ngu myong ste/ mang du myong bar mi 'gyur ro// sha ri'i bu rigs kyi bu 'am/ rigs kyi bu mo gang sangs rgyas bcom ldan 'das de dag gi mtshan nyan pa dang / 'dzin pa dang / 'tshong ba dang / klog pa dang / ston pa dang / rab tu 'don pa dang / kun chub par byed de/ byang
- 15b
chub kyi snying po la thug gi bar da nam yang mngon par shes par dang bral bar mi 'gyur/ nam yang mtshan dang bral bar mi 'gyur/ nam yang gzugs dang bral bar mi 'gyur/ nam yang dbang po ma tshang bar mi 'gyur/ nam yang sgra dbyangs shin tu rgyas pa dang bral bar mi 'gyur/ nam yang rnga'i sgra dbyangs dang bral bar mi 'gyur/ nam yang sprin gnas dang / phyir mi ldog pa dang bral ba re mi 'gyur/ nam yang byang chub kyi yan lag gi me tog dang bral bar mi 'gyur/ nam yang theg pa chen po'i mdo sde shin tu rgyas pa dang bral bar mi 'gyur ro// sha ri'i bu bu gnas ma yin zhing go skabs med de/ sha ri'i bu bud med gang sangs rgyas bcom ldan 'das de dag gi mtshan nyan pa dang / 'dzin pa dang / 'chang ba dang / klog pa dang / ston pa dang / rab tu 'don pa dang / kan chub par byed de/ bud med kyi dngos po lan gnyis thob par 'gyur ba de ni gnas med de/ smon lam gyi dbang gis len pa ni ma gtogs so// sha ri'i bu gnas ma yin zhing go skabs med de/ sha ri'i bu rigs kyi bu 'am rigs kyi bu mo gang sangs rgyas bcom ldan 'das de dag gi mtshan nyan pa dang / 'dzin pa dang / 'chang ba dang / klog pa dang / ston pa dang / rab tu 'don pa dang / kun chub par byed na/ rigs kyi bu 'am/ rigs kyi bu mo de rgyal pos 'jigs par 'gyur ba 'am/ rkun pos sam/
- 16a
mes sam/ chus sam/ ma rungs pas sam/ klus sam/ gnod sbyin gyis sapa/ dri zas sam/ lha ma yin gyis sam/ mis sam/ mi ma yin pas 'jigs par 'gyur ba de ni 'am gang gis kyang glags rnyed par 'gyur ba de ni gnas med do// las kyi rnam par smin pa drag pos ma gtogs te/ de yang chung ngu myong zhing / ming du myong bar mi 'gyur ro// de 'jig rten pa 'am/ 'jig rten las 'das pa'i don gang ci rtsom yang rung ste/ de dge ba'i chos rnams 'phel ba nyid du 'gyur gyi/ 'gring par mi 'gyur bar re bar bya'o// de nas bcom ldan 'das kyis de'i tshe tshigs su bcad pa 'di dag bka' stsal to// 'jig rten mgon po de dag gi/ mtshan rnams 'dzin par byed pa ni/ mi khom thams cad yengs spangs nas// myur tu bzang 'gror 'gro bar 'gyur// sangs rgyas 'byung ba mnyes byas nas// ston pa des mthong dang byed cing // 'jig rten sgron ma mthong nas kyang // mchod pa bzang po byed par 'gyur// bskal pa bye ba grangs med de// 'khor ba rnam par spong bar byed// gang gis 'drin rnams mthong 'gyur ba'i// dri med mig kyang rnam par stong // 'jig rten mgon po de dag gi/ mtshan rnams su zhig 'dzin byed pa// de ni gang dang gar skyes kyang // 'jig rten phyag bya 'os su 'gyur// de'i
- 16b
gzugs mtshan phun sum tshogs// phyag po'i khyim du skye bar 'gyur// dpa' zhing sbyin pa'i bdag por 'gyur// ser sna med cing lhag par gtong // mtshan rnams de dag su 'dzin pa/ bskal pa bye ba mang por ni// lha yi tsan dan dmar po yi// dri dad kha nas 'byung bar 'gyur// drang srong chen po de dag gi/ mtshan rnams bud med thos gyur na// bud med dngos po rnam par spangs te// skyes bu mkhas par reg par 'gyur// mtshan rnams 'di dag su 'dzin pa// pa dang ma dang spun rnams dang // mdza' bshes nye du'i tshogs kyi// sdug bsngal nam yang mthong mi 'gyur// mtshan rnams 'di dag su 'dzin pa// de dang de dag 'jig rten na// mdab ma stong phrag bye ldan pa'i// rin chen pad mar skyes par 'gyur// mtshan rnams 'di dag su 'dzin pa// sangs rgyas zhing rnams thams cad de// nam mkha' las ni 'gro byed cing // 'jig rten mgon po sangs rgyas zhing // rnam par dag pa mthong bar 'gyur// 'jig rten mgon po'i drung dag tu// zab me'i chos ni nyan byed cing // ji ltar thos pa chud mi gzon// mtshan rnams 'di dag su 'dzin pa// de dag la ni sdig can bdud// nag po'i rtsa lag sder bcas pas// nam yang grags rnyed mi 'gyur ro// mtshan rnams 'di dag su 'dzin pa// de dag mtshan gyis mi gsod cing // dug dang mes kyang
- 17a
ma yin la// rgyal po dang ni rkun po yis// gtse ba dag ni byed mi nus// lha dang klu dang gnod sbyin dang // dri za lto 'phye che rnams kyis/ glags kyang rnyed par mi 'gyur ro// sangs rgyas 'di dag mi mchog ste// dpal gyi snying po 'brug gi rgyal// 'dzangs pa bag yod gyur nas ni// mkhas mi su zhig 'dzin mi byed// 'jig rten mgon po dag gi ni// mtshan rnams 'di dag su nyan pa// mi de dang ni tsho gas nyan// grags ldan rnams kyi mtshan thos nas// de dga' dpa' zhing shes rab che 'jig rten mi mchog sangs rgyas 'gyur// bcom ldan 'das kyis de skad ces bka' stsal nas/ tshe dang ldan pa sha ri'i bu dang / thams cad dang ldan pa'i 'khor de dag dang / lha dang / mi dang / lha ma yin dang / dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod do// // 'phags pa sangs rgyas brgyad pa zhes bya ba theg pa chen po'i mde rdzogs ste/ dge'o// rgya gar skad du/ pan tsa pad ta ni ka ya shu b+ha shub+ha bal pa rik+Sha surba/ bod skad du/ ltung ba sde lnga'i dge ba dang mi dge ba'i 'bras bu brtag pa'i mdo// sangs rgyas dang / byang chub sems dpa'/
Colophon
'phags pa sangs rgyas brgyad pa zhes bya ba theg pa chen po'i mdo rdzogs s+ho/