Q3079MW1KG13126_3079rgyud 'grelAll versions of this work

rab tu mi gnas pa gsal bar ston pa zhes bya ba

Aprasahaprakasanāma

Text

ff. 122a–122b · 2 folio sides

  1. 122a

    rkang pa brgyang ba spangs nas ni// nga rgyal la sogs btang nas kyang // gnas med gnas la legs gnas te// rnal 'byor pa yi chos la spyod// bza' dang btung ba'i ro rnyed nas// dag pa nyid kyi gtam sra zhing // gang zhig spyad pa mi spyod pa// rdzogs pa'i byang chub spyod 'di min// skye ba de nyid gtam smra zhing // spyod pa 'di la yi rang byed// rig pa bsgrub pa nyams len pa'i// 'byor pa'i skye bo rnyed par dka'// sa yi mel la phyogs kyi gos// slongs mo'i zas ni za ba dang // skyo med chos la bzod pa dang // 'bad med brtse ba 'jug pa'o// chos gang skye bo las rgyal ba// de las rgyal ba de spyad pa// de yi 'bras bu tshe 'dir ltos// bla med 'bras bu smos ci dgos// sgyu ma bstan pa'i bsod nams gang // dge ba'i sems kyis gang thob des// gnyis med 'jig rten lnga/ 'das pa// go 'phang 'jig rten gyis thob shog/ skra mnges par bstan pa slob dpon gnyis med rdo rjes mdzad pa rdzogs so// / rgya gar gyi mkhan po badz+ra pA Ni dang / lo tsa ba dge slong tshul khrims rgyal bsgyur ba'o// #// rgya gar skad du/ a pra sa ha pra ka sa nA ma/ bod skad du/ rab tu mi gnas pa gsal bar ston pa zhes bya ba/ 'jam dpal gzhon nur gyur pa la phyag 'tshal lo// shes pa rab tu mi gnas pa// sangs rgyas pa nor thams cad 'dod// 'on kyang 'bad med sbyor ba yis// gang tshe sems can don byed na'o// gang phyir gzhan sel sgrub las skyes// / de ni rtag dang chad la gnas// rtag tu ma skyes mi 'gag nyid// skyes dang 'gag pa byol song tshig/ gal te rang rig tshad ma na// rig de sems can 'dod pa yin// snang ba thams cad spangs pa'i//

  2. 122b

    phyir// sems can bden pa ma yin no// rjes la sems can 'dod ce na// de tshe sems can rdzas yod min// dam bcas gcod pa'i gnod pa'i don// rjes su btags pa zhes brjod do// dngos gzhi la yang rig pa yod// rjes la de ltar snang ba'i phyir// dang po ma rtog par 'gyur zhing // de las 'dzin pa'i shes pa por// 'das dang ma 'ongs la sogs pa'o// sems ni gnas pa yod pa yin// des na dag med par ni// 'gro la 'gro ba'i mgon pos bstan// chos rnams kyis ni bye ba nyid// rang nyid gnyug ma bsam mi khyab// de nyid stong pa nyid ces brjod// chad pa'i rjes 'gro ma yin no// rab tu mi gnas sa bon las// 'bras bu rab tu mi gnas 'byung // skyob pa'i de nyid dam pa ste// bcos ma'i bcos ma de bzhin no// de bzhin bsam gtan yod med ces// chags med spyod la brjod du med// gang phyir bte/ nas 'byung ba rnams// nyams myong de bzhin rtag tu skye// brten nas 'byung ba gang dang gang // de de gnyis med sna tshogs sems// stong dang sna tshogs sems dbye bas// chos dang longs spyod sprul pa nyid// bdag gis mi gnas brjod pa las// dge ba bsags pa gang yod des// nye bar spyod pa thams cad dang // 'gro rnams mi gnas thob par shog/ rab tu mi gnas pa gsal bar bstan pa/ slob dpon gnyis// med rdo rjes mdzad pa rdzogs so// / badz+ra pA Ni dang / nags chos bskur ba'o// / @#// rgya gar skad du/ tat+pAd sha ka nA ma/ bod skad du/ de kho na nyid bcu pa zhes bya ba/ 'jam dpal gzhon nur gyur pa la phyag 'tshal lo// yod dang med pa'i sbyor bas kyang // spangs pa gang zhig dri med pa// byang chub rang bzhin rtogs pa gang // de bzhin nyid de phyag 'tshal 'dud// de bzhin nyid ni shes 'dod

Colophon

rab tu mi gnas pa gsal bar bstan pa/_slob dpon gnyis med rdo rjes mdzad pa rdzogs so/