'phags pa gsang sngags chen po bsam gyis mi khyab pa'i mdo
Text
ff. 308b–315a · 14 folio sides
- 308b
/ nga yis bstun pa'i gsang gter 'di// gting dpag med pa'i rgya mtsho nas// srid pa gsum gyi rtse mo ru// nub pa med pa'i gter du bstan// ces rdo rje sems dpa' thugs kyi klong brtol nas/ dga' rab rdo rje khyod la gtad// skye shes 'jig pa'i sems can la// rdo rje bcus khrag thon la gtad// de min par ni gsang bar gsungs// zhes ga ta rgya'o// rgya gar skad du/ ar+ya ma hA gu h+ya pra swa ra na ma sU tra/ bod skad du/ 'phags pa gas sngags chen po bsam gyis mi khyab pa'i mdo zhes bya ba/ bcom ldan 'das ting nge 'dzin gyi rgyal po la phyag 'tshal lo// 'di skad bdag gis thos pa'i dus gcig na/ ku sha'i 'du khang na/ bcom ldan 'das bskyed pa seng ge lta bu'i ting nge 'dzin la snyoms par zhugs te/ 'khor rnams la 'di skad ces gsungs so// kye ma byang chub 'dod na sdig pa'i las rnams cher spyod de don blo la bzhag/ gang yang snying rjer mi gzung su yang snying mno de ni gang yang med/ ces te srog med zo ba cad sdig tu 'gro na ye nas chad pa su la sdig/ snying rjes byang chub rlan du mi ga ter snying rjes su la gzung // gang la 'jan pa yod pa de la lhag pa'i bsam pa yod kyang sdig/ 'dzin rtog khang 'gram
- 309a
gting nas tshugs pa med pa byang chub bde ba'i shugs// rgyal ba mi mchod sangs rgyas mi 'grub par// thar pa'i lam mi 'dod pade// khab len la lcags 'du bzhin// tshogs gnyis bsags mi dgos par 'du// mchod rten lha khang la sogs 'dus byas dge rtsa mi bya ma nyam snyoms bzhag/ byas la sogs pa'i las ni byas pa mi zin byas shing rtogs pa'i rgyu// yul dang dbang po gang rdzogs ched du mi bya de bzhin gzhag par bya// rdo rje mi 'chang sngags rdzas mi 'chang dben par 'dug mi bya// mchod gtor sbyin pa'i phyogs ni gang yang mi btang mi bsngo su la bsngo// cho ga la sogs 'khrul ba'i las rnams spyod mi bya// rdzogs pa chen po'i rang bzhin kun gyi snying po yin te 'di la ci yang med// phag tu 'dug la bsgom pa mi bya mi bya rdo rje lta bu'i chos nyid de la bsgom du med// dper na ri rab rtse la nyi ma stong shar bas/ ye shes thugs la nyi ma gcig shar dro// rdo rje lta bu'i ye shes ni// nam mkha' lta bur dngos po med// gol sgrib rtag chad mtshan ma'i yul gnas// gnyen pos mi shigs rkyen gyis dbang sgyur min// dge dang sdig pa de yi spyod yul min// rab dbang thabs kyis rdzogs pas rtsal gsum lus la rdzogs// mtho dman klong
- 309b
du mnyam pas ye shes bdag med sku// sa la ma mi bgrod ye shes mig gcig dri ma med// rtsol sgrub zil gnon bde 'byam ye shes sku// 'phags pa gsang sngags chen po bsam gyis mi khyab pa'i mdo las/ bcom ldan 'das seng ge lta bu'i dgongs pa mthor phyin pa'i le'u ste dang po'o// // bcom ldan 'das khyung chen gshog rdzogs zhes bya ba'i ting nge 'dzin la mnyam par gzhag nas/ chos thams cad nam mkha' dang mnyam par zlas te/ bka' stsal ba/ la bzla rdzogs pa chen po'i chos// ston min cig char 'jug pa'i kham po che// la rnams yebs kyis gcod pa'i 'chongs po che// snang srid gsal bar byed pa'i shes ra ba che// don dam bskal par mi gtong brtson 'grus che// stong pa'i mu la gnas pas bzod pa che// kun gzhi rtsad na sa gcod pa'i tang 'dzin che// gang gi 'gran zla med pas zil gnon che// 'gro ba thabs kyis sgrol ba'i stobs po che// shes rab thabs kyi pha rol rlabs po che// che ba dgu ldan ston med lta ba ni// theg pa kun gyi nang na mchog tu bsngags// gnyis su med pa'i chos nyid byang chub sems// brjod las 'das pas kun tu bzang po'i sku// 'gyur ba med pa'i bde chen lhun gyi sa rdzogs// mtha'
- 310a
dbus med pa'i mkha' ltar kun la snyoms// rang byung dbyings la rig pa gas la shar ba// mtha' dbus med par kun la khyab pa la// 'jug dang mi 'jug gnyis su bcad pas gol// ye shes rgyal po'i tshig las 'das pa de// rang bzhin ma bcos lhun gyi rdzogs pa la// snang srid thad du khyod kyis mthong bas gol// srid gsum ma lus kun tu bzang po la// rig pa'i mdzad spyod mkha' ltar snoms pa yin// gsal dang mi gsal gnyis med mnyam pa la// gsal dang mi gsal khyod kyis shes pa gol// don dam parade chen 'gyur med byang chub sems// yang dag lhun rdzogs smra bsam yul las 'das// de nyid de bzhin ye nas gnas pa la// bskal par stong dang mi stong khyod kyis shes par gol// mi 'gyur rang byung dbyings la rig pa'i nyi ma shar// yang dag don de ji bzhin yin sa gsal// mi dmigs mkha' bzhin yenas gsal// stong pa'i sgo skur bzod pa yod pas gol// chos nyid mi 'gyur rig pa ye shes la// gzung 'dzin yul las 'das pa'i bcom ldan 'das// mtha' dbus kun la khyab pa'i che ba'i bzhi/ dus gsum mi 'gyur ba'i chos sku la// nga dang bdag tu khyod kyis bzung bas gol// rig pa 'gyur med bde chen byang chub 'di// nga dang bdag med kun la mnyam pa la//
- 310b
mtha' dang dbus med nam mkha'i klong na gnas// phyogs dang ris med kun tu bzang po'i sku// yid bzhin nor ltar rang bzhin gnas pa la// sa lam rgyud bgrod skye med rtsad nas bcad// ting 'dzin chen por rim pas sbyor bas gol// snang srid thams cad yang dag sangs rgyas la// 'gro ba'i stobs kyis bsgral du ye sangs rgyas// rang byung lhun rdzogs grub pa'i sangs rgyas la// snang srid stobs kyis bsgral bas mthong bas grol// a ti yogs bde chen byang chub 'di// brjod las 'das pas yang dag bstan ba'i sku// ston chen la sogs stong pa'i rlung gnas pa// 'jug sgo lha spyod khyad par che ste 'phags// lta phugs sgrog pas bye brag med kyis kyang // so so'i bzhed gzhung rol pa'i rgyan gyis 'phags// mnyam pa chen po mnyam pa khyod la sa 'phags// nga ni byang chub snying por gnas pa'i tshe// byang chub chos la byang chub bsgrub med mi gnas so// de bzhin gshegs pa rnams kyi ye shes la// sems can dag gi chos mer mi gnas pa// a ti yo ga bya ba tsal 'das pa la// bzang ngan che chung mi gnas so// lung las 'das pa'i chos nyid yin// sems las 'das pa'i sangs rgyas la// kun gzhi las 'das chos sku yin// lta ba rlabs kyis spyod pa'i dgongs pa'o// 'phags pa gsang sngags
- 311a
bsam gyis mi khyab pa'i mdo las/ khyung chen gshog rdzogs kyi dgongs pa bstan pa'i le'u ste gnyis pa'o// // bcom ldan 'das nam mkha' rnam par dag pas ting nge 'dzin la snyoms par zhugs nas/ bka' stsal pa/ rdo rje 'dus pa ye shes sku// tshig cig mtshon pa sa don chen gsung rnam par dag pas lam chen po// sangs rgyas nyid kyis yongs ma gsungs// bgrod med lam la rab gnas pa// ye shes lus can dri ma med// ma skyes gsang ba'i dkyil 'khor rdzogs// rnam dag lam la rab gnas pa// mgon po shes rab pha rol byin// sangs rgyas nyid kyi dgongs pa 'di// kun gyis rig pa ma yin to// lha las rdzogs te 'gro ba rnams// byang chub sems dpa' mi rig ste// chos pa rnams kyi don mi rnyed// sangs rgyas lam la mi gnas te// lam la bgrod pa rtsol ba'i nang // sangs rgyas nyid las 'bras bu med// 'bras bu bsgrub pa'i byang sems don mi rnyed// de phyin mgon po dri med ngas// thugs kyi dkyil 'khor rang byung ba// ye shes lhun rdzogs me long bzhin/ sangs rgyas kun gyi ye shes sku// dri ming rang byung 'od gsal bas// dus gsum gcig ste rtag par bzhugs// rang las byung ba'i ye shes lnga// gsang ba'i dkyil
- 311b
'khor thugs kyi mchog/ mtshan nyid me chus chung lnga// rang las byung ba'i chos nyid lnga// las lam rmongs thabs kyi zhing // byed pa po nyid rdo rjes te// skye 'gag med pa'i ye shes yin// byed pa po nyid rang bzhin gyis// rnam par dag nas sangs rgyas pas// 'dus byas chos ni ye nas med// nga yi shes rab rang bzhin gyis// rnam par dag pa nga yi chos// thams cad rnam par mi rtog yin// de nas bcom ldan rdo rje 'chang // nam mkha' la ni sprin bzhin du// sna tshogs snang ba ye shes sku// spros dang bral ba'i chos nyid la// ye shes kun gyi rgyan snang ba// nam mkha'i sprin dang char gyi tshul// e ma bde gshegs bcom ldan 'das// sangs rgyas kun gyi ye shes sku// rtag par dka' ba snying po'i don// rab tu mi rtog gnas med pa'o// e ma gzung 'dzin rnams yangs pa// tshig dang yi ge'i spyod yul min// chos padag med pa'i mnyam pa nyid// rang rig gzod na sa ma skyes pa'o// e a rab rig ma nyam pa nyid kyi klong // ming du ba ta ga sa pa'i chos rnams kun// mnyam nyid rtogs la sa gzhan med do// e ma chos kun rang rig ye shes te// nges pa med de dngos rtog bral// de nyid dag pa'i rang bzhin pas// mkhas pa ci dgar bsgom pas 'grub// e ma chos kun snang ba kun// rang rig
- 312a
ngo bo brjod du med// de nyid rang rig ye shes ni// mkhas pas rtogs pas sgom par 'gyur// e mchos kun stong pa'i bdag/ rang gi ngo bo brjod du med// brjod med de nyid sna tshogs pas// chos rnams kun la khyab par gnas// e ma hoHmi gnas ye shes dngos po'i mtha' dpa bral// sku dang ye shes rol pa'i mdzad spyod kun// nam mkha' dag pa'i klong nas ci yang snang // zhes gsungs so// 'phags pa bsam gyi mi khyab pa'i mdo chen po las/ nam mkha' rnam par dag pa'i dgongs pa bstan pa'i le'u ste gsum pa'o// // bcom ldan 'das nyi zla kha sbyor gyi ting nge 'dzin la snyoms par bzhugs nas/ chos thams cad 'gag pa med pa'i de bzhin nyid du ngas bstan to// de nas bcom ldan 'das kyis de kho na nyid kyi ting nge 'dzin la bzhengs te bka' stsal pa/ shes rab ldan pa mkha' la khyung chen bzhin// rang gi ngo bo brjod du med// mi gnas mya ngan 'das pa'o// rdzu 'phrul ldan pa rgya mtsho'i lto 'gro bzhin// gangs la nyi ma shar ba 'dra// me long man shel bzhin te snying po med// rgyal ba mya ngan 'das pa'i dgongs pa yin// byang chub sems dpa' mi dmigs byang chub sems mi dmigs// rang byung ye shes rab kyis grol ba ni// sbrul gyi snying po bzhin te gzhan gyi spyod yul mim/
- 312b
rang byung dbyings nas rig pa gsal shar ba// thabs dang shes rab gsal ba nyi zla kha sbyor// nam mkha'i sprin dang char gyi tshul// byas pa'i chos men me long ye nas gnas// thugs rje rtse gcig ye nas rnam par dag/ rus sbal mig gis nyi ma mi mthong ltar// chos rnams kun gyi de nyid mthong ba med// rtags kyi ye shes tshon gang ba// rtog pa'i klungs su su 'dris pa// ye shes dri ma med pa yin// lung du bstan pa pa de gnas pa// go la sgrib pa darangag tshor pa yi// chos la blo ni mi gnas na// rtag chad tshig la sa 'das pa yin// ma byung ma skyes 'od kyi snying po la// bkod pa lha yi dkyil 'khor rtsal mi dgos// rang bzhin rnam par dag pa'i chos sku la// khrus dang gtsang sgra me tog byug mi 'tshal// mkha' la nyi ma'i dkyil 'khor gsal ba las// 'od dang snang ba gzhan nas bcal mi 'tshal// shes rab rig pa bzhi nas shar ba la// rna bas nyan cing tshig phyir 'brang mi 'tshal// nor bu rin chen rang la yod bzhin du// gzhan la brten nas btsal bas don mi rnyed// dri ma med pa'i chos sku la// bkrus pas mi 'dag nam mkha' 'dra// rkyen dang bral ba'i snying po la// byang chub snying po yongs kyis med// rdo rje sems nga ba'i byang chub ni// rang gi rig pa chen pos mkhyen// rang rig nyid ma'i snying po bzhin// du sa gsum gcig ste bstan par bzhugs//
- 313a
byang chub sems dpa' sems dpa' chen po snang la mi gnas pa rnams ni/ ye shes kyi sku dri ma med pa'o// bkod pa med par snang ba na/ sangs rgyas kyi sku dri ma med pa thabs shes rab zung du 'brel ba'o// ma bkod par mtha' dab dbus med/ phyogs dang ris med/ mtho dman dang yang sa dog med par snang ba ni/ spros dang bral ba'i chos nyid klong yongs su dag pa'o// 'dod pa'i mtha' thams cad dang bral bas ni ting 'dzin gyis rtse gcig pa'i zas so// ye shes kyi sku dri ma med pa dang / klong kun tu bzang po 'du 'bral med pa rtag par bzhugs pa ni grogs khyad par can no// dgos pa'i 'du shes thams cad dang bral ba ni dgongs pa nyag gcig/ rdo rje'i tshig cig gis thag chod nas dgongs pa la dor// don klong du dril bdag nyid chen po kho na nyid do// 'phags pa gsang sngags chen po bsam gyis mi khyab pa'i mdo las/ nyi zla kha sbyor gyi dgongs pa mthar gtugs pa'i me'u ste bzhi pa'o// // bcom ldan 'das rin po che lta bu'i ting nge 'dzin la snyoms par bzhugs nas/ rang byung gi ye shes la yon tan thams cad 'byung ba ni/ zad med rin chen gter gyi dbyig/ skye med klong na 'od gsal ba// nam mkha'i mthongs nas nyi shar 'dra// dngos med gsal ba chu zla bzhin// bdag dang bdag
- 313b
nyid chen po'i thugs// snang la mi mngon gzha'atshon 'dra// sku gsung thugs kyi rdo rje'i bdag/ tsu ta'i shing dang gel ba'i shing // lo ma me tog 'bras bur bcas// yon tan so so'i don byed pa// nad rnams kun gyi gsos su che// gnyen pos gnyen po 'joms pa yi// nyon mongs lnga dang mtshams med lnga// de yis gnyen po de yis 'joms// de nyid rnam par grol/ ba'i lam// sangs rgyas thog mtha' ba dag med pas// gzung 'dzin gnyis med mya ngan 'das// phyi nang snod bcud rang grol ba// gzhan la ltos 'gyur chos ma yin// glang chen 'dam du bying ba la// skyes bu rang gis bcings pa gnyis// gzhan gyis yang dag ga la 'gyur// bde ba chen po bde la rtag spyod pa// rnam par snang mdzad rtag pa kun tu bzang // ji ltar brjod pa tha snyad rtsol ba'i nang // chos kyi yang dag don de brjod nus kyang // chos kyi yang dag don la gnas mi nus// de phyir chos spyod sangs rgyas don la sgrib/ chos kyi blo yis the tshom kun gsal bas// chos la mi gnas tha mal shes par bzhag/ tha mal shes pa blo yis bcos pa min// bde dang sdug bsngal blo la rtog pa med// mgon po dri med sku ni de bzhin no// rnam par dag pa'i sku ba de ba chen po la ye shes kyi grogs byar med do// ka dag pa'i ye shes ra pa rang snang ba la bslad par bya ba'i chos med do// thabs kyi rgyal
- 314a
por stobs kyi rig pa shar bas che ba'i yon tan gzhan gyis dpag tu med do// shes rab zab mo chu bo gang+gA'i rgyun bzhin mi 'chang bas thugs rje la 'dri bkol med do// yang dag par rdzogs pa'i sangs rgyas la sgrib pa sbyang du med do// cis te ngan song gi mtha' las grol ba'o// yang dag par rdzogs pa'i sangs rgyas la lam med do// / cis te bgrod par bya ba'i lam las 'das pa'o// yang dag par rdzogs pa'i sangs rgyas la tshogs bsag tu med do// cis te na dngos po'i mtshan ma gang la yang mi gnas pa'o// yang dag par rdzogs pa'i sangs rgyas la sgrib pa sbyang du med do// ces te nyi ma'i snying po la mun pa'i gnas med ro// de'i phyir lhag mthong rig pa'i ye shes kyis// ma rig pa bdar sha bcad// chos spyi dang rang gi mtshan nyid kyis the tshom gyi bdar sha bcad// lam gyi ye shes kyis lam gyi bdar sha bcad// ces pa'o// 'phags pa gsang sngags bsam gyis mi khyab pa'i mdo las/ yid bzhin nor bu rin po che'i dgongs pa mthar phyin pa'i le'u ste lnga pa'o// // bcom ldan 'das rgya mtsho gdangs pa'i ting nge 'dzin la snyoms par bzhugs pa'i dus su chos thams cad thig le chen po'i glong du sangs rgyas te/ rgya mtsho la gza' skar bkra ba'i tshul du ba sha ra de/ ji ltar rgya mtsho dngas pa la// nyi zla
- 314b
gza' skar shar ba yang // rang gi ngo bo ma 'dres so sor gsal// de bzhin chos nyid rnam dag spos dang bral ba la// rig pa ye shes chos rnams kun gyi bdag/ skye med klong na ma 'dres so sor gsal// sku gsum rgyal ba'i dgongs pa mthar phyin pa// a ti'i klong nas rang bzhin rnam par dag/ a ti yo ga bde chen byang chub mchog/ ye shes lus la sprul pa'i skur bstan pa// rdo rje sems dpa' sangs rgyas kun gyi dngos// rig pa ye shes rang byung dbyings gsal te// skad cig gcig la bdag nyid sangs rgyas te// da phyir sangs rgyas chos la mi gnas so// chos ni sems can rnams kyi lta ba yin// mtshon pa'i byang chub chos yin kyang // rdzogs pa'i lta ba chos ma yin// thog ma'i mgon po dri med kyang // / chos la brten pa ma yin te// mi bskyod dbyings nas rang byung ba'o// de phyir chos kyi sangs mi rgya// chos ni tshig phyir 'brang zhing don la g.yel// rang byung ye shes nyid ni tshig gi mtha' dang bral// de phyir yang dag don la tshig mer yi ge med// sems can rnams ni thog ma'i chos la rab brten la// chos rnams kun gyi ma bcings ma bkrol ba'i// ye shes rgyal po tshig las 'das pa ste// smra ba'i khyu mchog gzhan gyi dring mi 'jog/ rang rig rgyal po tshig las 'das rtogs na// phyi nang snod bcud bdag nyid chen por ldog/ nga dri ma med pa
- 315a
ye shes kyi sku la// dge bdang sdig pa gnyis med do// nga gdod nas snying po byang chub tu gnas pa la// 'bras bu thob pa dang ma thob pa gnyis med do// pa stong pa chen po ye shes kyi snying po spyan du gnas pa la// bde ba dang sdug bsngal ba gnyis med do// nga rang rig pa'i ye shes chos nyid skye ba med pa'i dbyings na// dus gsum 'du 'bral med par bzhugs pa la// gnas dbyen pa dang mi dbyen pa gnyis su med// chos kyi sku bde ba chen po'i ngang nas// ye shes kyi rtsal ma' dres pas so sor gsal bas/ ni/ rgya mtsho la gza' skar shar ba lta bu'o// zhes ston pa bcom ldan 'das kyis gsungs nas mi snang bar gshegs so// 'phags pa gsang sngags chen po bsam gyis mi khyab par bstan pa'i mdo las// rgya mtsho la gza' skar shar ba'i le'u ste drug pa'o// // byang chub kyi sems ting nge 'dzin drug pa zhes kyang bya// man ngag gi dgongs pa la bzla zhes kyang bya'o// 'phags pa gsang sngags chen po bsam gyis mi khyab pa zhes bya ba theg pa chen po'i mdo rdzogs so// / rgya gar gyi mkhan po bi ma la mi tra dang / bod kyi lots+tsha ba snyags dz+nyA na kum ra sa bsgyur cing zhus te ga ta na la pha ba/ slad kyis a tsar+ya bai ro tsan dang / sbubs sangs rgyas ye shes kyis bsgyu