bde legs kyi tshigs su bcad pa
Svastigathā
Text
ff. 372b–375a · 6 folio sides
- 372b
dang / dngos po dang dngos po med par spangs nas/ stong pa nyid kyi rnam par thar pa brtan po dang ldan par bya ba dang / yang dag par bden pa ma yin pa'i kun tu rtog pa zhe byas sgyu ma dang / rmi lam dang 'dra ba'i 'khor ba la mngon par dga' bar bya ba ma yin pa dang / rgyu ba dang 'bras bu la bskur pa gdab par mi bya ste/ rigs kyi bu byang chub tu sems bskyed ma thag pa'i byang chub sems dpas chos bdun po de dag la bslab par bya'o// bcom ldan 'das kyis de skad ces bka' stsal nas/ byang chub sems dpa' 'phags pa spyan ras gzigs dbang phyug dang / dge slong de dag dang / byang chub sems dpa' de dag yi rangs te/ bcom ldan 'das kyis gsungs pa la mngon par bstod do// 'phags pa spyan ras gzigs dbang phyug gis zhus pa chos bdun pa zhes bya ba theg pa chen po'i mdo rdzogs s+ho// / rgya gar gyi mkhan po d+hi paM ka ra shri dz+nyA na dang / lo tsa ba dge slong dge ba'i blo gros kyis bsgyur ba'o// rgya gar skad du/ sa sti ga thA/ bod skad du/ bde legs kyi tshigs su bcad pa/ dkon mchog gsum la phyag 'tshal lo// lba zhig nye bar song nas su/ lhas mchod pa la rab zhus te// sangs rgyas chen po thub pa che// ci zhig smras na bde legs 'gyur// des ni tshig de gsan gyur nas// 'jig rten rtsa lag bkar
- 373a
stsal pa// gang gis rtag tu brjod byed la// nga'i bde legs 'gyur de nyon// 'jig rten 'di dang gzhan yang mtho ris na// rin chen rgya chen mchog ni gang yod pa// de ni rdzogs pa'i sangs rgyas rin chen la// cis kyang grangs bgrang dang char mi phod// ngo mtshar shin tu rmad byung dpag med de// rdzogs pa'i sangs rgyas rin chen 'jig rten mchog/ ji ltar nga'i 'di de bzhin bden mchog na// bden pa 'dis ni shin tu bde legs shog/ zhi 'gog bdud rtsi shin tu gya nom gang // shAkya thub pas mnyam bzhag thugs chud pa// chos de dang ni mtshungs pa yod min te// de mngon byas na phyin chad mya ngan med// ngo mtshar shin tu rmad byung dpag med de// dam pa'i chos kyi rin chen 'jig rten mchog/ ji ltar nga'i 'di de bzhin bden mchog na// bden pa 'dis ni shin tu bde legs shog/ rgyal bas gang dag gang zag brgyad gsungs pa/ de dag rnams ni skyes bu zung bzhi ste// sbyin gnas de dag sa steng shin tu dkon// de dag rnams la byin na dpag med 'gyur// ngo mtshar shin tu rmad byung dpag med de// dge 'dun rin chen gang zhig 'jig rten mchog/ ji ltar nga'i 'di de bzhin bden mchog na// bden pa 'dis ni shin tu bde legs shog/ dam pa mchog sbyin gtso bo gya nom pa// 'od mchog dpa' bo dam pa mchog gi gnas// shes rab dam pa'i chos kyi dam pa mchog/ mchog min mchog ma 'di na bcom ldan gcig/ ngo mtshar shin tu rmad byung dpag med de/
- 373b
rdzogs pa'i sangs rgyas 'jig rten rin chen mchog/ ji ltar nga'i 'di de bzhin bden mchog na// bden pa 'dis ni shin tu bde legs shog/ ting 'dzin dam pa bar chad med pa gang // mtha' yis blo ldan de bzhin gshegs gsungs pa// ting 'dzin brtan pa rdo rje dper byas pa// ting 'dzin de dang mtshungs pa'i ting 'dzin med// ngo mtshar shin tu rmad byung dpag med de// ting 'dzin gyi ni rin chen 'jig rten mchog/ ji ltar nga'i 'di de bzhin bden mchog na// bden pa 'dis ni shin tu bde legs shog/ ji ltar sgo gtan dam zhing rab dam te// stobs chen rlung 'di dag gis mi bskyod pa// de ltar mkhas pa bzhi dag mi bskyod pa// de ltar mkhas pa bzhi mthong bden gnas pa'ang // 'jig rten smra ba rnams kyis 'dir mi g.yos// ngo mtshar shin tu rmad byung dpag med de// dge 'dun rin chen gang zhig 'jig rten mchog/ ji ltar nga'i 'di de bzhin bden mchog na// bden pa 'dis ni shin tu bde legs shog/ thams cad zil gnon kun mkhyen thams cad gzigs// thams can mkhyen pa'i stobs rnams kun dang ldan/ kun gyi dam pa 'jigs pa kun dang bral// bsam pa kun mkhyen 'di ni bcom ldan gcig/ ngo mtshar shin tu rmad byung dpag med de// rdzogs pa'i sangs rgyas rin chen 'jig rten mchog/ ji ltar nga'i 'di de bzhin bden mchog na// bden pa 'dis ni shin tu bde legs shog/ srid pa 'gog cing mi g.yo 'gyur ba med// skyon med 'jig
- 374a
pa kun las rnam par grol// shin tu dga' zhing gya nom nyes par byung // shin tu dri med zhi ba glo mi 'phrogs// ngo mtshar shin tu rmad// byung dpag med de// dam pa'i chos kyi rin chen 'jig rten mchog/ ji ltar nga'i 'di de bzhin bden mchog na// bden pa 'dis ni shin tu bde legs shog/ shin tu sdug bsngal ston cing bde sbyin pa'i// bden rnams mthong ste gang dag bag yod cing // bden pa rin chen rnams la dogs bral ba// de dag skye ba brgyad pa phyis mi len// ngo mtshar shin tu rmad byung dpag med de// dge 'dun rin chen gang zhig 'jig rten mchog/ ji ltar de'i 'di de bzhin bden mchog na// bden pa 'dis ni shin tu bde legs shog dam pa rnams kyi dam pa don dam mkhyen// mchog dang mchog min mkhyen cing don dam brtson// gzhan gyis mi 'phrogs dam pa thugs chung rtogs// shin tu sdug bsngal rnams kyi dpung gnyen mchog/ ngo mtshar shin tu rmad byung dpag med de// rdzogs pa'i sangs rgyas rin chen 'jig rten mchog/ ji ltar nga'i 'di de bzhin bden mchog na// bden pa 'dis ni shin tu bde legs shog/ 'dun pa skyes nas rnal 'byor ldan gyur cig/ 'go'u tam stan la rtag brtson rab grol zhing // gzhan gyis mi dkri ba dag zhi bder/ reg/ 'od la der reg grangs su phyir mi 'gyur// ngo mtshar shin tu rmad byung dpag med de// dge 'dun rin chen gang zhig 'jig rten mchog/ ji ltar nga'i 'di de bzhin bden
- 374b
mchog na// bden pa 'dis ni shin tu bde legs shog/ bden pa mthong ba brjod pas brgya lam na// gal te sdig pa 'ga' zhig byas gyur kyang // de ni de yi 'chab pa'i 'os/ min te// chos nyid 'di ni mi g.yo gnas phyir ro// ngo mtshar shin tu rmad byung dpag med de// dge 'dun rin chen gang zhig 'jig rten mchog/ ji ltar nga'i 'di de bzhin bden mchog na// bden pa 'dis ni shin tu bde legs shog/ lha dang bcas pa'i 'jig rten thams cad na// sangs rgyas dang ni lhag pa 'am mtshungs pa med// lha dang mi'i ston pa bla na med// ston pa ded dpon rmad pa rnams kyi mchog/ ngo mtshar shin tu rmad byung dpag med de// rdzogs pa'i sangs rgyas rin chen 'jig rten mchog/ ji ltar nga'i 'di de bzhin bden mchog na// bden pa 'dis ni shin tu bde legs shog/ sos ka'i zla ba dang por thub pa yis// nags khrod chos kyi dam par gang brnyes pa/ chos de dang ni mtshungs pa 'am lhag pa med// 'di la der reg grangs su phyir mi 'gyur// ngo mtshar shin tu rmad byung dpag med de// dam pa'i chos kyi rin chen 'jig rten mchog/ ji ltar nga'i 'di de bzhin bden mchog na// bden pa 'dis ni shin tu bde legs shog/ sdig pa rnyeng zad gsar du byas med la// rims nad med cing 'jigs med mya ngan bral// sred pa 'gags pas rtsa ba mi skyeb// brtan pa mar me bzhin du zhi bar 'gyur// ngo mtshar shin tu rmad byung dpag med de// dge 'dun
- 375a
rin chen gang zhig 'jig rten mchog/ ji ltar nga'i 'di de bzhin bden mchog na// bden pa 'dis ni shin tu bde legs shog bde legs kyi tshigs su bcad pa rdzogs s+ho// // rgya gar gyi mkhan po 'dzin mi tra dang / zhu chen gyi lo tsa ba ban de ye shes sdes bsgyur zhing zhus te gtan la phab pa'o// / @#// rgya gar skad du/ swa sti ya na gA tha/ bod skad du/ bde legs su 'gyur ba'i tshigs su bcad pa// thams cad mkhyen pa la phyag 'tshal lo// 'jig rten 'dren pa'i drung du ni// lha zhig nye bar song nas su// gang gis kun tu bde legs pa// bdag gis zhus yis bcom ldan gsungs// dam pas de dag gsan pa dang // 'jig rten 'dren pas lung bstan pa// gang gis kun tu bde leg su// 'gyur bar lnga khyod legs par nyon// gang gis de bzhin gshegs pa la// dad pa mi g.yo legs rab brtan// gang zhig dge ba'i tshul khrims can// de dag kun la bde legs 'gyur// gang zhig pha dang ma dag dang // bu dang bu mo bran dag la// rtag tu legs par bsnyen bkur ba// de dag kun tu bde legs 'gyur// gang zhig dgra bcom grags pa la// legs par rab gnas yon phul dang // lha'i bka' bzhin byed pa dag/ de dag kun tu bde legs 'gyur// gang zhig lus dang ngag dang ni//
Colophon
bde legs kyi tshigs su bcad pa rdzogs s+ho// rgya gar gyi mkhan po 'dzi na mi tra dang/ zhu chen gyi lo tsa ba ban de ye shes sdes bsgyur zhing zhus te gtan la phab pa'o