F124MW1KG13607_0124mdo sdeAll versions of this work

'phags pa bde ldan ma lung bstan pa zhes bya ba theg pa cen po'i mdo

Āryakṣemābati byākaranamamahāyānasutra

Text

ff. 219a–223a · 9 folio sides

  1. 219a

    dka' ste// de phyir thob nas ma spangs shig/ mthu rtsal dag kyang chud ma gsan// mi lus thob ba snyed pa dang // sangs rgyas dad pa rnyed pa dang // byang chub sems ni bskyed gyur na// de srid brtson 'grus bskyed nas kyang // rtag tu bag ni yod par bgyi// drang srong chen po de dag gis// bag yod pas ni byang chub brnyes// sangs rgyas chos rnams thams cad kyi// rtsa ba'i sgo dang tshul gyi lam// bag yod pa dang brtson 'grus yin// mkhas pa rnams kyang lta slob// bcom ldan 'das kyis de skad ces bka' stsal nas byang chub sems dpa' rnam par brtse ba dang / byang chub sems dpa' byams pa dang ldan pa'i 'khor de dag dang / lha dang / mi dang / lha ma yin dang / dri zar bcas pa'i 'jig rten yid rangs ste/ bcom ldan 'das kyi gsungs pa la mngon par bstod do// 'phags pa byams pa la 'jug pa zhes bya ba theg pa chen po'i mdo rdzogs so// / sarba mang+ga laM/ zhu dag/ dge'o rgya gar skad du/ ar+ya k+She mA ba ti/ bya kar na ma mahA yA na su tra/ bod skad du/ 'phags pa de ldan ma lung bstan pa zhes bya

  2. 219b

    ba theg pa chen po'i mdo// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa'i dus cig na/ bcom ldan 'das rgyal po'i khab na/ bya rgod po'i ro la dge slong nyi khri'i dge slong gis dge 'dun chen po dang / byams pa dang / 'jam dpal la sogs pa// byang chub sems dpa' sems dpa' chen po rab tu mang po dang / thabs cig tu bzhugs so// de nas bcom ldan 'das snga dro'i dus kyi tshe/ chos gos dang sham thabs gsol te/ lhung bzed bsdams nas/ byang chub sems dpa' sems dpa' chen po byams pa dang thabs cig tu rgyal po'i khab kyi grong khyer chen por bsod nam snyoms la gshegs so// de nas bcom ldan 'das rgyal po khab kyi grong khyer du mthar chags kyi bsod snyoms la rgyu zhing / rgyal po gzugs can snying po po brang ga la ba der gshegs so// de nas rgyal po gzugs can snying po'i btsun mo bde ldan ma zhes bya ba/ kha bzang mchog gis steng na 'dug pas bcom ldan 'das thag ring po zhig nas gshegs pa mthong ngo // mthong nas kyang sems dga' bar gyur te/ kha bzang gis steng nas babs nas/ bcom ldan 'das dang / byang chub sems dpa' sems dpa' chen po byams pa'i bdan dkar rin che ba gting ngo // de nas bcom ldan 'das dang / byang chub seMs

  3. 220a

    dpa' sems dpa' chen po byams pa bdan bshams pa la bzhugs so// de nas rgyal po'i btsun mo bde ldan ma lus brgyan thams cad kyi brgyan pas/ bcom ldan 'das dang / byang chub sems dpa' sems dpa' chen po byams pa'i zhabs la mgo bos phyag 'tshal nas// chos nyan pa'i phyir zhes dang bcas gus pa dang bcas pas/ bcom ldan 'das kyi spyan sngar 'dug go// de nas bcom ldan 'das kyi rgyal po'i btsun mo bde ldan ma lus rgyan thams cad kyi brgyan pa la gzigs nas/ sems can thams cad la phan pa'i phyir mkhyen bzhin du/ rgyal po'i btsun mo bde ldan pa la bka' stsal pa/ bde ldan ma lus thogs pa'i 'bras bu 'di lta bu baM shin tu/ lham me ldan no lhang der 'dug pa'i shing de'i ming ci zhes bya/ de skad ces bka' stsal pa dang / bcom ldan 'das la rgyal po'i btsun mo bde ldan mas tshig su bcad de gsol pa// gang gis 'bras bu khyod thogs pa// shing de'i ming/ ni ci yin zhes// dpa' bo chen po'i mkhyen bzhin du// gang zag mchog gis smras pa ni// bdag gis mngon ni gang bskyed pa// bsod nams las byung ba shing zhes bgyi// 'dren pa bdag gis myong ba yi// 'bras bu 'di dag de'i lags// ljon shing bshad pa de dag kyang // sangs rgyas nyan thos rnam la yod//

  4. 220b

    sangs rgyas ye shes thos 'dod rnams// byang chub phyir ni de la gnas// sbyin dang tshul khrims chab stsal bas// ljon shing de ni rnam par bsgrags// de ni rnam par 'khrud pas na// 'bras bu bzang po rnams kyang 'byung // bzod pa dang ni brtson 'grus 'brus// ljon shing bdag gis legs par bisrungs// de ni rnams par 'khrungs pa na// 'bras bu dri med 'byung bar 'gyur// shing de lta na mdzes pa ste// bsam gtan shes rab me tog rgyas// 'dren pa bdag gis de/ ngag gi/ 'bras bu rnams ni myong ba lags// ji ltar ri la rten pa yi// shing rnams yal ga lo ma dag/ chu zheng gab par rgya che ba// 'phel bar 'gyur te bskyed mi nus// de bzhin ljon shing che bzang 'di// sangs rgyas chos nyid stsal bas na// sems can kun la phan pa'i phyir// sngon ni legs par bsrung ba lags// 'dren pa'i bsod nams ljon shing 'di// 'bras bu gzhan yang 'chis lag ste// bdag gis nyam su myong ba 'di// de'i me tog/ tsam du bas// de yi 'bras bu byang chub mchog/ sangs rgyas byang chub bla med lags// de ni bdag gis thob par 'gyur// smad pa bud med nyid spangs nas/ skyes pas bdag nyid 'gyur ba lags// sems can kun gyi dam pa mchog/ chos rnams kun gyi pha rol byin// thams cad mkhyen pas thams cad gzig

  5. 221a

    sdug bsngal kun gyis nyen pa yi// sems can rnams ni bdag gis dgrol// 'jig rten kun la snying rtse ba'i// skyabasu bdag ni gyur pa lags// de skad ces gsol pa dang / bcom ldan 'das kyis rgyal po'i btsun mo bde ldan ma la bka' sprul pa/ bde ldan ma gang khyod skye bo mang po la phan pa dang / skye bo mang po la bde ba dang / 'jig rten la snying rtse ba dang / skye bo phal po che'i tshogs kyi don dang / lha rnams dang / mi rnams la phan pa dang / bde ba'i phyir zhugs legs so// legs so// de skad ces bka' stsal pa dang / bcom ldan 'das la rgyal po'i btsun mo bde ldan mas 'di skad ces gsol to// bcom ldan 'das bcom ldan 'das kyi ska la skye bu chen po'i mtshan sum bcu rtsa gnyis dang dpe byed bzang po brgyad cu dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa brgyad dang / byam pa chen po dang / snying rje chen po dang / dga' ba chen po dang / btang snyoms chen po 'di rnams ci las grub lags/ de bzhin du gzhan yang sangs rgyas kyi chos dpag tu ma mchis pa dang / bsam gyis mi khyab pa dang / bzhal du ma mchis pa dang / brjod du ma mchis pa dang /

  6. 221b

    bgrang ba las 'das pa rnams ci las grub lags// de skad ces gsol pa dang / bcom ldan 'das kyi rgyal po'i btsun mo bde ldan ma la tshigs su gcad de bka' stsal pa// sangs rgyas ye shes 'dod pas na// sems can kun la phan pa'i phyir// ngas kyang 'di ltar ljon pa'i shing // sngon ni legs pa kho nar bskyed// sbyin dang tshul khrims bzod pa dang // de bzhin brtson 'grus bsam gtan bstsags// yun ring dus nas ting 'dzin dang // shes rab nges par bstan pa yin// sems can rnams la mi mnyam sems// ngas ni bsgom par mi dran de// rtag tu sems ni mnyam gyur par// sangs rgyas nyid ni ngas brnyes so// nga yi sems ni mnyam pa yis// rtag tu bsngag dang mi bsdug dang // mdza' dang mi mdza' snyoms pas na// bsod nams shing ni rnam par bskyed// de nas ljon shing chen po 'di// yon tan mang por gyur pa yin// 'khor lo gyur nyid ngas thob ste/ brgya byin nyid kyang byas pa yin// rnams dbang dbang phyug chen po dang // tshangs pa nyid kyang de las thob// bsam gyi mi khyab sangs rgyas chos// mtshan nyid dag kyang ngas partogs so// de nas rgyal po'i btsun mo bde ldan mas// bcom ldan 'das kyi yon tan rnams thos nas// bcom ldan 'das kyi legs par rab tu gsungs pa la mngon par bstod de

  7. 222a

    rjes su yid rang nas/ bcom ldan 'das la tshig su gcad de gsol pa// ji ltar mi mchog dam pa po// yon tan rgya mtsho 'tha' yas pas// sngon ni spyod pa shin du bslabs// de ltar bdag kyang rjes su slob// yon tan mthar phyin khyod kyi ni// yon tan rnams ltar bdag slob ste// srid par sdug bsngal spangs nas ni// bdag kyang 'di 'drar 'gyur bar bgyi// tshe rabs gzhan ni ma lus par// bdag gis sbyin pa gang stsal pa// mnyam med ye shes thob slad du// de dag thams cad yongs su bsngo// srid pa 'di'am gzhan dag du// bdag gis tshul khrims gang bsrangs pa// sangs rgyas ye shes thob slad du// de dag thams cad yongs su bsngo// bzed dang brtson 'grus ting 'dzin dang // shes rab dge ba gang bsten pa// sangs rgyas chos kyi don gyi phyir// de dag thams cad bdag gis bsngo// lus dang ngag dang yid rnams kyis// las dge gang dag bdag gis bsngags// sangs rgyas ye shes yon tan phyir// byang chub tu ni bdag gis bsngo// bud med lus 'di spangs nas ni// skyes pa mchog du bdag gyur cig/ de ltar skyes pa'i lus thob nas// dam pa'i mchog du bdag gyur cig/ de ltar gyur nas bde gshegs kyis// 'khor bla med bskor

  8. 222b

    bar bgyi// 'khor ba'i btson rar bcings pa yi// sems can bye ba dgrol bar bgyi// de nas bcom ldan 'das kyis rgyal po'i btsun mo bde ldan ma la tshig su bcad pa bdag gis leg so// zhes bya ba byin te/ tshig 'di smra ba legs pa yin/ sems ni rab tu bsdom pa legs/ khyod kyi bdud ni legs par mnan/ rdzogs sangs rgyas su khyod 'gyur ro// de nas rgyal po'i btsun mo bde ldan ma dga' zhing mgu la rab tu dga' ba dang / dga' la yid bde ba bskyes nas bcom ldan 'das dang / byang chub sems dpa' byams pa la bza' ba dang / bca' ba mang po'i tshim par byas so// de nas bcom ldan 'das srung sder ni rgyu/ phyag ni bcags nas rgyal po'i btsun mo bde ldan ma la chos kyi gtam rgyas yang dag par bstan/ yang dag par 'dzin du bcug/ yang dag par gzeng bstod/ yang dag par rab tu dga' bar mdzad nas lung bstan te/ bde ldan ma khyod ma 'ong ba'i dus bskal pa du ma zhig na/ de bzhin gshegs pa dgra bcom pa yang dag par rdzogs pa'i sangs rgyas lha dang mi rnams kyi bston pa/ sangs rgyas bcom ldan 'das yon tan rin chen dpal zhes bya bar 'gyur ro// khyod kyi sangs rgyas kyi zhing yang mchog tu yongasu dag par 'gyur te/ ngan song ngan 'gro log par lhung ba'i sdug bsngal

  9. 223a

    med par/ yid du 'ong ba/ yid mthad pa/ mchog tu rnam par dga' ba'i byang chub sems dpa' rnaMs kyi gnas yin te/ khyod kyi sangs rgyas kyi zhing de ni de lta bur 'gyuraro// chos kyi rnams grangs 'di bshad pa na/ dge snyen ma stong phrag mang po zhig ni/ bla na med pa yang dag par rdzog ba'i byang chub tu sems bskyed do// srog chags stong phrag mang po dang / lha dang ma'i skye dgu rnams kyis ni chos kyi snang ba thob par 'gyur to// bcom ldan 'das kyi de skad ces bka' stsal nas/ rgyal po'i btsun mo bde ldan ma dang / 'khor de dag dang / lha dang mi dang / lha ma yin dang / dri zar bcas pa'i 'jig rten yid rangs te/ bcom ldan 'das kyi gsungs pa la mngon par bstod do// 'phags ma bde ldan ma lung bstan pa zhes bya ba theg pa chen po'i mdo rdzogs so// / bkra shis// rgya gar skadu/ d+ham tas+tha swa b+ha ta a tsA la bI pri ta ga sar b+he shu a pra sa sa sU tra/ bod skad du/ chos nyid rang gingo bo nyid las mi g.yo bar tha dad par thams cad snang ba zhes bya ba'i mdo/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa'i dus cig na/ bco ldan 'das

Colophon

'phags pa bde ldan ma lung bstan pa zhes bya ba theg pa cen po'i mdo rdzogs so/