gzhon nu ma bdun gyi rtogs pa brjod pa
Saptakumarikābādānāma
Text
ff. 111b–120b · 19 folio sides
- 111b
la phab pa'o// 59/ gzhan nul kyis rtogs pa rjod pa zhugs so/ @#// rgya gar skad du/ sap+ta ku ma rik+Sha bA dA nA ma/ bod skad du/ gzhon nu ma bdun gyi rtogs pa brjod pa/ dkon mchog gsum la phyag 'tshal lo// chags bral ldan dang legs par bshad pa dang // ngo mtshar dang ni de nyid don nges dang / dam pa rnams kyis gcig tu mnyan bya yi// rtogs pa brjod pa bdag gis bshad kyis nyon// 'di ltar dge ba'i rtsa ba yongs su smin pa rnams la ni long spyod chen po 'am// lang tsho'i bar du gcod par mi 'gyur bas mdzes par 'gyur ba yin no// de yang 'di ltar rjes su thos te/ rgyal po kri kri zhes bya ba tshul dang dul ba la sogs pa yon tan gyi dpal phun sumachog pa dang ldan pa/ bcom ldan 'das yang dag par rdzogs pa'i sangs rgyas 'od srungs la dad pa yang dag par thob pa zhig byung bar gyur te/ de'i bu mo bdun byung ba sangs rgyas rnams la dge ba'i rtsa ba rgya cher bskrun pa'i thabs dang ldan pas/ de dag 'khor bar yid shin tu byung bar gyur nas/ de rnams kyis dul ba dang / zhe sar bcas pas pha ma la phyag byas te/ snyan pa'i tshig gis smras pa/ 'jig rten gnas la chu nang song ba zla ba'i gzugs bzhin g.yo bar mthong // 'dod la khros pa sbrul gyi lus bskyil gdengs ka'i grib ma lta bur mthong // 'gro ba 'di dag sdug bsngal me yis kun tu 'bar bar mthong bas na// rgyal po bdag cag nges par 'byung la mngon dag 'a dur khrod dag du mchi// rgyal pos smras pa/ khyed ni byis pa bde la brten 'os shing // yid la bsams pa'i don yang ma byas na// dka' thub gnas su khyed rnams song shig ces// ji lta bur na nga yi smra bar nus// bu mos smras pa// sa bdag khyed kyis mdzad spyod bdag cag rnams kyis 'tshal lags te// 'gro la thugs rjes brlan zhing des pa'i ngang tshul ldan pas na// dog pa med pa yang dag byams par
- 112a
mdzad na nyid kyis 'phar bar ni// rnam bskyed sdig med nyer son bdag rnams la lta smos ci 'tshal// khyod dang lhan cig gnas kyang dbang med 'bral bar mngon phyogs pa'i// 'phongs pa 'di yis phyir zhing nye bar gdung bar ma gyur ces// rgyal po shin tu dka' ba'i gnas su gyur pa gang dag yin pa yi// zhi ba'i go 'phangs thob par 'tshal ba'i yid ni skyes par gyur// de nas rgyal po de snying brtse ba'i dbang gis yid rnam par nyams shing // mig gnyis zangs lhar dmar la mi 'gyur bas yang dang yang bltas nas smras pa/ ci phyir khang bzang rang gar gyur dang 'jam yangs pa'i// sna tshogs stan bzangs rgya chen rnam par spangs nas ni// dur khrod mi bzad skye bo ngan pa'i yid 'dra zhing // sa gzhi rus pa dkar po'i chal pa bkram par brten// gdung ba'i gdong can pa dang yul rmugs lta bur ni// mchi ma'i gdong can ma yang cig car ji ltar 'dor// g.yo med sems kyis yid ni rgyun du brtse ba yi// mdza' shes spangs nas ci phyir dka' thub bsten par dga'// de nas bu mo de rnams kyi shin tu brtan pa'i yid kyis bsnyems par byas nas smras pa/ pha dang ma dang mdza' bshes zhes/ pas tha snyad tsam// 'di dag srid par phyir zhing lhung dang gnod pa'i gzhi// 'byung ba'i don mthong lkog tu gyur pa'i dri ma yis// mi yi bdag po 'jig rten 'jig pas yongs su skyo// mdza' bshes dang ni gnyen gyi ngo bo sna tshogs pa// g.yon can phung khrol ldan pa 'di la bu zhig chags// 'tsho ba'i 'jig rten rmi lam mig 'phrul dang 'dral// 'di na su zhig gang gis rang mi 'am skye bor rtag/ mi yi dbang po srid gsum dam chos gsung gi 'od zer snang barma shing // ji srid sangs rgyas nyi ma'i yid 'ong grags pa'i 'od zer 'phreng yod pa// de srid 'phongs pa'i mun nag tshogs kyis shin tu g.yogs gyur pa'i// srid pa'i mun pa mi bzad mun rum nas ni 'byung bar rigs// ji/
- 112b
ltar rlung gis brtabs pas bskyod pa'i me lce 'bar ba'i khyim las ni// 'byung bar byed pa'i skyes bu de la phan par 'dod rnams zlog mi byed// de bzhin sdug bsngal me chen rtser gnas srid pa ma lus gnod pa yi// dra ba las/ ni nges par 'byung la phan phyir dam las bzlog mi bya// de nas rgyal po des bu mo de rnams la// mdza' bshes dang rang mi dang rtsa lag rnams la bltos pa med pa'i tshig rtsub mo dang rang gi lus dang srog la yang shin tu ma chags pa'i tshig gis lhag par yang mya ngan gyis gdungs par gyur pa'i yid kyis de rnams la yang smras pa/ dus min dka' thub mngon par 'dod pa ni// yid dang rjes mthun don du mi 'gyur te/ bu mo dus min mngal dang ldan pa la// yan lag cha shas mdzes pa mi skye bzhin// dus la bab par dka' thub la sbyor ba// zla ba sbyin dang bral ba lta bur mdzes// de bas gzhon nu phan med blo 'gyur 'di'i// log pa'i lam du 'jug las zlog par gyis// bde la brten cing sdug bsngal ma mthong bas// lus kyi sdug bsngal bzod par mi 'gyur te// a mra'i shing ni rtsa ba ma zug la// glang chen mchog gi mche ba snyun dang mtshungs// khong nas me 'bar lta ngan sgra 'byin pa'i// ce spyang 'jigs pa'i sgra sgrogs tshang tshing gar// 'jigs pa rnams kyang 'jigs par byed pa yi// mi bzang dur khrod dag ni brdegs par bcas// khyod lus pad+ma'i rtswa ltar 'jam pa la// sems gang sog le lta bur rtse med 'dis// gzhan gyi ngor byed pa ni spong 'gyur ba// e mdog nam bsgos bdag la brtse med sdang // bai DUr+ya ltar sngo ldang dur ba'i gos gyon cing // me tog rnam pa du ma'i tshigs ni bkram gyur dang // bung ba myos pa'i tshigs kyis khyab pa'i rtsed mo'i tshal// 'dir ni bu mo byed rnams mngon par dga' bar gyis// sred mos tshal na rdzing khang ngogs na me tog shing 'phyang zhing // rlung gis bskyod pa'i chu rlabs me tog mdzes pa'i phreng bas ske rags
- 113a
bcings// pad+ma dag dang ut+pal rgyas gseb dang pa sgra sgrogs pa// brgya byin gyis kyang rnyed dka' bu mo dga' bas gnas par gyis// me tog na pa mA li ka yi dris bsgos gyur pa yi// chu rlabs mdzes byu pa ba gas sa// d+ha dang banas pa'i rtsam 'di dang nags lan// prathag 'argyan rnams ma dga' ba \u0f7fsa// nang thang sa can byarnams da 'byed ma tog rjes bzlas dang // sngag sa khrus byas dri zhim bsgos pa'i dbugs dang 'dra ba'i rlung dag ni// khang bzabs mda' yab can dang bya gag bde bar nyal ba gang yin 'dir// bud med 'dus pa'i glu dbyangs rol mo ldan par byed rnams dga' bar gyis/ de nas gzhon nu ma de rnams pa'i tshig des yi ma rangs par gyur nas yang smras pa/ mi yi bdag po lha yul sa steng na// brgya phrag stong du spyod par ma byas pa'i// bde ba gzhan ni ci yang yod min te// bdag cag rnam ni don med mkhas pa yin// yul la lhag par sred cing goms pas na// dbang po rnams ni yul gyis ngoms pa med// srid pas 'jigs pa'i rtog pa'i blo can dag/ srid pa'i longs spyod zad par bya phyir 'jug/ bo nyid kyis 'gyur cing mi brtan la// rlung gis bskyod pa'i chu rlabs ltar 'jigs pas// sdoms can dbang po drug las rnam rgyal rnams// phyir zhing srid par 'jug las ldog par byed// byis pa srid pa'i btson rang / phag lta bur// sems kyis spags pa'i spyod pas bslus gyur te// bde bar mngon par rlom zhing bskam pa dag/ phongs shing 'jigs pa'i g.yang sa mtha' med lhung // bdag tu rtog pas sems g.yengs skyes gyur/ pa// de ni rab 'bar mtshon cha'i 'khrul 'khor 'dra// yul la rjes su brten pas sems bcom pa// yongs su smin na sdug bsngal mi bzad rgyu// 'gro ba 'di dag mi brtan dbang med cing // sbrul gdug tshogs//
- 113b
kyis zin 'dra'i yul rnam dag/ rtogs kyang gang zhig srid la chags 'gyur ba// de ni mi yi gzugs ldan phyugs nyid yin// rnga rtsid shing la 'thogs pa'i g.yag bzhin du// blo yi lam ni rnyog pas nyer 'gags shing // log par chags pa'i yalags sems thogs pa'i// skyes bu ngan pa'i khyim brten 'phung bar 'gyur// dga' ba'i chu tsam 'tsho ba'i 'jig rten la// phongs pa rgur mi 'chad par 'byung gyur na// yab gcig srid pa'i dga' ba mang po las// bsku bar mi 'gyur gang zhig mchis pa gsungs// mi dbang srid na skal ba mnyam pa yis// nye bar bsgrubs shing bsags par gyur kyang ni// bcom zhing sems ni dman pa dman pa yis// srid pa'i dkon pa gzhan du 'gro bar 'gyur// rgyal po rgyur chud gyur pa'i nya bzhin du// skyes bu legs par brtags shing byed pa dang // tha snyad kun la rang gis mkhas pa dang // khyim gyi btson rar gnas shing 'jigs par 'gyur// sa yi bdag po 'bad pa mang po yis// khyim du rdzas rnams bsags pa byas pa dag/ mi yis skad cig gis ni 'dor 'gyur te// legs spyad gcig pu 'di nyid lam du bstan// de bas 'jig rten mgon pos 'tsho ba yi/ 'jig rten mi rnams las bdag byas gsungs te// 'chi ba mngon phyogs mi la rang gi las// ba la be'u bzhin du rjes su 'brang // yongs su gyur na mi zad gnyen sdug dang // sdug dang 'dre bar mngon par 'dod des cho ga/ sdug dang phrad pas dga' bar sems pa dag/ nges par sdug dang bral ba'i sdug bsngal thob// mi dbang gzhan yang ngang gis mthar 'jig pa'i// 'tsho ba'i 'jig rten dag na sdug pa su// dam pa'i don la rnam spyod ma pa yang // sdug ces pa 'dis blo ni rnam par g.yer// sa bdag byed ni gal te bdag cag la// sdug pa 'ga' zhig mchis na bdag cag rnams// ma smad 'phags pas bsten cing mi 'phrogs pa'i// bde ba yid la 'dod
- 114a
pa bsgrub tu gsol// de nas rgyal po de brtse ba'i yi ma rangs par gyur kyang / bde bar gshegs pa'i bstan pa la mngon par dad pas chos la bar chad byed pa'i 'jigs pa skyes pa dang rang gi bu mo rnams kyi sngon gyi skye ba rjes su dran te 'gro bar 'dod pas na skye ba dran par des so snyam du rnam par bsams te shin tu yun ring por cang mi smra bar gyur to// mi yi skyes bu de yis ni// 'chi ba med par shes pas na// song bas yongs su ma spangs par// ci zhig ltar na rjes gnar smras// de nas bu mo de rnams kyis me tog phreng ba dang / byug pa dang rgyar rnams spangs nas dul ba dang ldan par zhugs pa'i lus la gos dkar po phra zhing rab tu 'phyang bgon pas chu bo rlung gi shugs kyis bskyod pa'i dbu ba'i phreng ba lta bu 'am/ ston ka'i mtshan mo zla ba'i 'od kyi gos kyis bkab pa lta bu 'am/ drang srong me bdun gyi skar ma rang gi 'od zer gyi dra bas g.yogs pa lta bu dang / rim gyis ro bsregs po'i gnas me'i dbus su ro gzhag pa cig cig zer ba rnam par bkram pa dang / ro rnam par mnam pa dri mi zhim pa 'jigs su rung ba dang / mi'i thod pa bya rgod kyi mchu'i rtse mo nor pos brtol ba'i bu ga nas klad pa dang chu ser rnam par 'dzag pas mi ro'i gdong la spags pas mtha' ma khyab cing 'jigs pa dang / rnyings shing de bas la mdog rnam par 'gyur ba'i rum pa'i dum bu'i tshogs kyis gnon cing rtsub pas sa'i tshogs rnams bgrod par dka' ba dang lus can dag yid yongs su 'byung bar byed pa gshin rje'i gnas bzhin mya ngan dang yid mi bde ba dang / sdug bsngal ba'i gnas su gyur pa'i dur khrod du phyin par gyur to// de la 'di skad ces bya ste// mi yi khrag dang zhag gi dri mi zhim pas myos par gyur pa'i bya rgod dang // rgya lto nar bsakub cing mi sdug 'jigs pa'i ro yi yan lag rnams kyis khengs// kun da 'dra ba dkar zhing rtag tu rgod pa 'dra bar mtha' yas
- 114b
thod pa dang / n+ya gro d+ha snying phul nas 'ug pa sna tshogs hUM sgrogs 'jigs pa'i dur khrod phyin// ce spyang kha ni mer bcas rlangs pa'i sgra dag sgrogs pas 'jigs pa dang // la lar thod pa dkar po'i dra bas khyab cing bgrod dka' dang / srin bu'i rigs kyi tshogs kyis gzings shing sna khung bskyed pa dang // bung ba sbrang bu brgya phrag mang po ro la 'phungs shing 'du// rus pa dkar dang dmar rlon rlung gis bskyod par 'gyur ba dang // ro bsregs me gsal 'phro dang shing skam rtsa na sbrul nyal dang // la lar mi yi lus ni mdung rnon phug nas bskyod pa dag/ gshin rje dag tu dga' ston byed la 'jug pa'i tshang bar 'dra// la lar me mgo'i thod pa'i gseb nas khrag dang chu ser 'dzag pa yi// khu ba mi sdug dgal sred pa'i sha za'i tshogs kyis khya ba// la la tsi la cil zer ba'i ro bsregs me yis bskor ba dang // mi ro'i khong nas rgyu lor phung po gtor bas khyab par gyur// skyobs brlan pa'i sems kyis ni// der ni bud med der brtags nas// 'tsho ba'i 'jig rten nu bi rbu'i// ngo bo nyid ni sems par gyur// skra yi snying ni rdul gyis rtsub shing dmar// mig sbugs bya yi mchu dang sder mos brus// gsang gnas 'gyur zhing mi sdug rnag bcas par// bor ba'i bud med lus der rab tu bltas// dam pa'i spyod pa thang cig nyer g.yos shing // ut+pa la 'ad ba ltar dkyus ring mig gis ni// ro yi gzeb de mngon par bltas nas kyang // tshig mang rnam pa du ma smras par gyur// 'di nyid rdo thal byugs pas dga' ba'i gnas khang ni// zla zer gsal bas spras par byas pa ru// sdug pa'i phang bar brten cing gnas pa yis// da ni sa yi dkyil 'khor gzhi la nyal// sdug pa'i lag pa'i gseb du nyal ba na// 'brug sku sgrogs pa yis ni khyod skrag na// mer bcas ltas ngan ce spyang sgra yis ni// dka' thub ma khyod ci phyir 'dir mi 'jigs// 'di nyid rang gi khyim 'khor zla zer te// ro smad lci ba'i khur gyis dal 'gro la// rol cing rgod la sgeg
- 115a
par rnam lta ba// brtse med bya rnams da ltar za bar byed// 'gro ba de dag ngan cing mi brtan te// snying rje med pa'i sdug des ci yi phyir// mi ro brgya yis khyab par gyur pa yi// dur khrod 'di ru khyod ni bor bar gyur// rang mi rtsa lag mdza' bshes sdug pa dang // pad+ma bung ba bzhin du gnas pa las// tsi phyir mtshan mo rgyu bas 'jigs kyang ni// nyon mongs deng 'dir dur khrod dag tu dga'// sngon ni mdzes shing snu ma la dkyus ring 'jam pa'i mig gis blta ba na// chags can rnams kyi mig 'bras mtha' dmar 'gyur zhing mi rnams nyams byed pa'i// 'dod lha'i ri dgas rgyar gyur bud med de nyid deng ni bya rnams kyis// mig phyung sdug bsngal byas/ pas chags dang bcas rnams shin tu 'jigs par byed// mi gtsang sna tshogs khong nas mi mngon sreg shing gi/ lus la bdag gir chags long ba'i mig bslus zhes// bud med mchog 'di 'dod chags ldan pa rnam la ni// bkam pa'i bya yis mchu btogs gdong gis nye bar dgod// pi wang gling bu'i sgra rnams dang ni snyan pa'i glur bcas pas// mchog tu sdug pa'i pang na bag pheb bde bar gnyid log pa'i// bud med de ni ce spyang skad 'byin mu cor smra bcas shing // sa rdul gyis khyab rtsub pa'i dur khrod 'dir de nyal bar 'gyur// gang du rnam par brtags kyang sgra yi rtse mo tsam gyis ni// gtsang ba mi gtsang tshogs kyi tshad 'dir mi snang na// phung khrol chos can/ nad mang 'dod pa tha chad la// rang bzhin ngan rnams ci phyir de ni chags par 'gyur// bu mo 'gro ba kun gyis tshul yang 'di 'dra ba// rmi lam mig 'phrul chu zla lta bur rang bzhin gyis/ g.yo ba rtogs la ji srid srog 'di lhag ma dang // bcas shing lus gzhon gyur tshe chags dang nyer bral byos// gshin rje'i chu srin dga' ba'i khar ni chud gyur cing // skra dkar tshogs kyis spri nas nges par gzung nas ni// srog mthar gyur pa'i gnod pa'i tsher ma'i
- 115b
gnas phug la// mchi mas mig khebs gyur tshe dge ba ji ltar bya// 'jig rten pha rol mi bzad mun nag g.yang chen du// lhung zhing lus phyir 'gyur tshe dge ba 'dod gyur kyang // dug can sbrul kha dog pa'i nang du chud gyur pa// sbal pa nga ro 'don dang mtshungs zhes mkhas rnams smra// ci phyir tshig rtsub phra ma ma 'brel spyi brtol smra ba dang // skan tshig bcos mas 'jig rten bslus par gyur nas de ring ni// mi smra gnas zhes spyod pa lta bus mdun so'i phrag nas ni// bya rnams tsham tshom med par mchu yi skam pas lce 'byin 'gyur// chags pas ldongs shing log pa'i yul goms yon po'i bsam pa can// byis pa gang gis mig gis yul mthong brtan pa rnam 'jigs pa'i// mdzes pa'i ro smad de ni de ring 'jigs dang bral ba yi// mi bzad bya rgod mchu dang sder mos 'jog cing tshul du 'gro// gang dag rang gi khang pa sa gzhi me tog sil mas gtor ba yis// rtsig pa'i ri mo yongs 'gyur/ bzhin dang zur gyis lta byed cing // sdug pa'i lag pa'i pad+mar brten cing dal gyis 'gro ba yi// bud med de yi nang po de ni wa dag za bar 'gyur// 'di ltar lhan cig skyes pa'i mi sdug mi gtsang 'dam rdzab dang // dregs pas mos shing sems lhung gyur pas sdug bsngal nyon mo nges pa'i// lus la khyed kyis 'di ni rang bzhin ma zhir bltas nas ni// 'tsho ba'i 'jig rten glog ltar rab tu 'jig la yid 'byung gis// yang dag ji bzhin thug chud chos kyi rgyal pos sems can rnams// nyon mongs rga nang rgyun mi 'chad par 'dzag pas gdungs pa la// rang bzhin bsil ba'i chos gsungs chu yi bum pas tshim mdzad pa// sman pa'i mchog gyur ston pa de la rtag tu phyag 'tshal lo// shes par dka' zhing g.yon can ma zhi lis dang nyon mongs ldan// rnam par 'gyur la ma zhi skye bar bshad pa gang yin pas// rmongs pa shing rta'i 'phang lo bzhin du dbang med 'khor bar ni//
- 116a
'jig rten mi bzad 'phongs pa'i rdo rjes lus ni nges 'joms 'gyur// gzhon nu'i tshe na ma yin la dbur ldan pa'i sgra byas shing // gang la lang tsho mdzes pa'i nor bu'i phreng ba mchog bcings dang // bram zes me tog bcas pa'i zhi ba'i chu thigs kyis gtor ba'i// bud med mgo la mi bzang khwa rnams mthog pa nyon mongs so// gang zhig bag ma'i dus su me tog bzang bsgos shing // ma yi lag pas dge mtshan bkra shis byas gyur pa'i// skra de de ring rab drag rlung gis bskyod nas ni// dur khrod dag gi shing la rnga yab nyid du 'gyur// rang bzhin sgrin par lta dang zur gyi bltas gang song // sgeg pa'i gom stobs dang ni dregs myos gang du song// dga' bas steg cing glu dang rgod pa gang du song // e ma sku ba'i gsang ba'i rab bkod ngo mtshar che// rgod cing dal gyis rnam g.yo'i rna rgyan 'od kyis mkhur ba dmar po dang // gang du srog dang mnyam pa'i mdzes pa'i ri mo 'bad de bris pa dang // pad+ma gzhon nu'i snying po lte brer 'jam pa'i mkhur chos gang yin der// bya rnams dpral bar gnas shing khrag gis spags pa'i mchu yis 'tshog par byed// 'od can mu tig phreng ba'i sbu ba dkar zhing spu yi chu ba la can// nu ma rgyas pa'i dung pa zung ldan brang gi rdzing mchog yangs pa dag/ g.yo ba'i gos lhur byas pas 'phongs pa'i mig ni gang du chags 'gyur ba// der ni rnam par brnags pas sbrang bu'i tshogs rnams 'phungs par 'gyur// sngon ni tsan dan chu thigs phreng thor ta la'i lo ma rlung ya ba dang // ma ngag gzhug rnams kyis bzang mo'i gdu bu skar ldan pa dag g.yog byed cing // khang bzang zla zer gyis spras dkar bar mdzes pa'i spos la brten gyur pa// de ni deng 'dir khra yi sgro gshog rtsub pas bskyod pa'i rlung gis g.yob par 'gyur// gang gis sngon ni 'di bskyod cing // gseb
- 116b
nang dag tu rnams spyad nas// lus kyi shing ni spangs nas ni// sems kyi spre'u de gar song // gang gis byed pa med 'di yang // byed pa lta bur ston byed pa// bdag med ro 'di spangs nas su// sems kyi bzhad gad mkhan gar song // gang zhig rmongs pas blo ldongs pas// nang na bdag tu 'dogs gyur cing // mu stegs can rnams rmongs byed pa'i// rnam shes srin bu de gar song // gang gi yun rings rnam rmongs kyang // yang dag par ni mig na pa// sna tshogs sems kyi sgyu ma mkhan// 'gro ba 'di las gang du song // gang gis 'gro ba ser skya sogs// dka' thub pas kyang mi shes pa// nam mkha'i yul gyi spyod yul can// sems kyi rig 'dzin de gar song // g.yo dang mi g.yo sgo dgu po// mi gtsang 'dir ni spyod spyod pa// de ni lus kyi gseb 'di las// sems kyi bya de gang du song // mi zad yul las sdug bsngal 'bab pa'i lan cha chen pos rab tu khengs gyur pa'i// srid pa'i rgya mtsho nyon mongs sbrul dang nyer 'dre gang yin der chud cing // mi shes chu srin 'khrug pa'i chu rlabs g.yo ba'i chu bor nubagyur ba// sems kyi mtshan ma spyod pa lus 'di spangs nas de ring gang du song // nyes bral bcom ldan de ni gdul ba'i thabs rnams gang dag yin mkhyen gyi// ma dul gang gi mthar ni dmyal bar me 'bar 'phro bar gyur pa yi// gser ltar ser ba'i gseb tu dbang med par ni 'dor byed pa// rang bzhin g.yo bar byed pa'i sems kyi rta de gang du song // de nas rdo rje 'dzin pa'i 'od kyi 'khrig ma rgyas ldang ba// brgya byin dga' bas mig gdangs dul bcas nyer song ste// bu mo rnams la rang bzhin skal bzangs tshig gis ni// rjes su mthun zhing dge bas legs so legs zhes smras// sring mo na tshod gzhon zhing 'dod lha'i gnas gyur dang // rgyal rigs 'byor pa'i dpal gyi bde ba spangs nas ni// sngon gyi drang srong rnams kyi bka' la zhugs gyur pa//
- 117a
dag zung 'dis bdag yongs dpa' byed rnams 'dod smras// 'dod pa'i dbang phyug lag mthal gnas pa' na shes par byas// sum cu rtsa gsum bdag po'i bde ba'ang des rtogs la// A N+ya brgya byin bdag yin ldad ni dgang 'dang dang // srid pa bdagags nges pa gang b+ha m+bAr du smos// da nas gzhon du rnams yul gyi bdag 'dod med cing // rang bzhin ga yo med sems kyis brgya byin nur mi gags nus// rang gi dge ba yongs smin brtan par gyur pa'i rang bzhin gyis// khanam tho mid gsal sna tshogs don ldan cig 'di smras// brgya byin bdag cag smra ba'i sdug bsngal gyis ni gdungs gyur pa'i// srid pa'i bdeg/ zil pa'i 'chu 'dzag pa'i rgyun 'dra'i phyir// bzhin ras mdzes pa mya ngan mchi byas bris shing rigs pa/ gnyen rnams spangs nas dka' thub 'di la rtsis su zhugs pa min// gzhan yang 'gro ba ma sus rdul ngan gyis bcings mi za pa// 'phongs pa brgya phrag stong gis bcom pas nyes par skyo 'gyur nang // bkren pa nyams zig mthong bas nyes zad rnams kyi rjes 'brangs te// rgan med mya ngan med pa'i go 'phangs thob phyir brtson pa yin// gal te 'gro la rjes brtse lhag bsam ngang tshul ldan gyur cing // tsi sde brgya byin khyod kyis mchog ni yang dag ster nus na// 'chi med mi 'phrogs tshangs bani tshangs pa'i go 'phangs rnams grol te// srid pa'i 'jigs pas yongs gdungs bdag cag rnams kyis thob par mdzod// lus las byung zhing 'dzag pa'i dri ma'i skyon gyis bsres par gnas pa dang // ma yi mngal du mi gtsang 'dam gyi tshogs na mang dag ma spangs spyod// byung nas rus pa'i 'khrul 'khor gyis ni mgo btsir brgyal zhing nyams zag pas// nyon mongs sdug bsngal gcig nas gcig tu brgyud pa'i skye ba bcad par mdzod// rgas pa'i srin mos skra dkar
- 117b
mche ba dkar po myu gur ldan pa yi// kha gdangs nas ni 'gro la gzhung lugs med par ci nas 'dzin byed cing // gang 'di mi yi brtson dran blo gros dga' ba'i dpal ni rab 'joms pas// lha yi bdag po khyod kyis gal te nus na de las bskyab par mdzod// dbugs rgod g.ye zhing lto ba sra la lpags pa skye zhing rtsub pa dang // long spyod 'bar ba sna tshogs thob kyang spyod par mi nus stobs med pa// gang zhig lus zin 'chi bdag po nya'i skye spu nad tshogs rab 'jigs pa// lha dbang khyod ni mchog ster 'dod na de las bdag cag skyobs// mig ni phyir phyogs gyur cing mi g.yo gnas rnams gcod pas sdug bsngal ba// nyon mongs 'khrul pas rab tu lus bcom 'jigs pas phung po 'gyel ba drang // gnyen rnams mthong bas mchi mas mkhur ba dag dang mchu ni bkrus gyur pa// gang gis zin na rab tu 'jigs pa 'chi bde las bdag cag bsrungs// gang gi yid khyab gyur na phyugs bzhin 'gyur zhing mya ngan gyis zin pa// bya dang mi bya'i rnam pa blo la mi sems smad pa'i gnas bskyed pa// tha mal bsil ba'i rlung gis g.yabs kyang lus tshim mi 'gyur ba'i// 'dod chags me chen de ni mchog sbyin khyed kyis nges par zhi bar mdzod// gang gi shugs kyis mi 'gyur g.yo zhing so yi sgros gnon la// skad cig gis kyang mi bzad dmyal ba'i 'bras bu ster byed sdig can ni// nges pa'i lo ma dang ni chu dag za ba'i thub rnams kyis kyang ma bton pa// yid kyi yul gnas khro ba'i sbrul de brgya byin khyod kyis gsal bar mdzod// gang gis mig khebs byung na blo gros ngan rnams zhi ba'i lam spong zhing // log lha'i dug gis nye bar grags pa'i yid kyis lam gzhan dgal brtan// gang zhig rab rib bsal bas zag pa kun gyi dru /
- 118a
na rab gsungs pa// log yid khyim na spyod pa rmongs pa'i mun nag brgya byin khyod kyis sol// brgya byin mchog ni de dag rnams// khyod la bdag cag rnams slong gi/ dam bcas don la 'gal ba ni// mkhas pas 'dod par mi byed do// de nas brgya byin gyis de rnams 'dod pa'i yul dge slong bar mi byed cing / bltos pa med la gsal zhing mdzes pa'i tshig gis rnam par 'khrul pa ngo mtshar du gyur cing yang dag par dad pas lus kyi spu zing byed do smras pa/ mi 'byor dngos po slong bar gyur pa ni// 'jig rten dag na bri zhing zhum 'gyur bas// gang 'di bdag gis sbyin par nus pa yi// mchog rnams sbyin gyi bu mo khyod kyis smros// de nas bu mo de rnams kyis de'i nang na mi mngon pa'i rgyus rnam par smra bas tshig des yang dag par skyo bas nye bar bskyed pa'i khro bas brgya byin la smras pa// ci phyir nye bar 'drid pa'i thabs dang ni// brgya byin mdzes med de dag gang du lhags// bde ba tsam dang mi mkhas blo can nam// mi srun pa yi bgrod bya bdag cag min// 'dir ni phyogs rnams rgya cher grags pa'i tshogs ldan pa'i// rgyal po'i rigs su gyur par khyod kyis mi shes sam// gang gi nor gyi snying po nges par bltas nas ni// nor bdag mi yang ji bzhin don dang ldan pa yi// rga bas gzir cing 'chi ba'i sdug bsngal gyi// dub cing yid 'byung zhum pa'i 'jigs spangs phyir// lha yi mgon po gnas skabs 'dir zhugs kyis// dreg pas ma yin byin min mi brtan min// bsod nams byed pa rnams la 'tshe ba'i phyir// gang phyir khyod ko bdag cag sdug bsngal byed// gnyen dang mdza' bshes 'khor gyi sbyor ba yi// dga' bas brgya byin yun ring 'tshe bar gyis// rang byas bgo skal ldan pa'i 'bar ba yi// gang phyir lha
- 118b
yi bdag por khyod gyur des// gzhan gces rgya yis lha yi rgyal po yi// dam pa'i phun sum tshogs thob mi 'gyur ro// de nas dbang po chen po des de'i tshig gsal zhing tshig gis don sna tshogs ston pa'i tshig rnams kyis lus tshim zhing mchog tu ngo mtshar du gyur la dad pa bzhin rab tu dngas shing mdzes pa dang / gzhan yang de rnams kyi bsam pa sad pa'i phyir shin tu bsti stang dang bcas pa'i tshig gis smras pa// kye ma ma dang 'dra ba'i sring mo dag/ 'jig rten dka' thub can dag kyang // mgon du bdag gi lha 'dod na// ci phyir 'di ni mchog ster ba// nga la khyed rnams brtse med 'gyur// de nas bu mo de rnams lhag par yang 'khrugs shing khro ba dang bcas pas brgya byin la smras pa// bde sogs kyi ni bzhin ras la// chags shing 'dzum dang zur mig gis// rnam lta'i gnas ni gzhan yin zhing // sbyini// bya'i mchog kyang gzhan yin no// gal te brgya byin khyod kyis ni// mchog rab ster bar nus na ni// yul rnams kyi ni sha za ni// mi srun de las rgyal bar gyis// yang na 'dod pa spang dka' zhing // log pa'i rtog pa 'chags 'gyur na// rgyun de nyid la rtag tu mnos// gal te rus yod 'di 'drar gyis// mig stong ldan khyod mi brtan pa'i// 'dod la yid ni chags gyur pas// khyod dang sbyin bya tha// da na// mchog ces pa 'di ji ltar smra// ji ltar chu bo 'jigs pa yi// shugs kyis bdas par gyur pa'i mi// gzhan dag bsgral bar bya'o zhes// yongs rtog byed pa rmongs pa'i gnas// sgra rnams bregs par gyur nas ni// phyag dar khrod kyis gos 'chang zhing // dgon pa yul du 'dod par ni// nam zhig de ltar 'gyur zhig gu// gnya' shing gang tsam rnam lta zhing // sa yi lhung bzed lag
- 119a
thogs nas// dpyas med khyim nas khyim du ni// nam zhig slong mo spyad par 'gyur// rnyed dang bkur sti chags med cing // nyon mongs cher ma 'dam rdza ba dang // skyong bar byed dang grong khyer gyi// sbyin pa'i gnas su nam zhig 'gyur// rtswa yi tshogs las langs nas ni// ba mos lci ba'i gos dag dang // zas skom ngan ngon tsam gang gis// nam zhig lus la tshogs med 'gyur// shing drung ni tso ltar ldang ba'i// dur ba 'jam po'i gos can du// mthong chos bde ba'i dga' ston dang // nam zhig bdag ni nyal bar 'gyur// 'dor bar 'gyur ba'i lus srog la// chu dang rtswa yi zil pa ltar// bltos med yun ring goms pa yis// bde ba chen po nam zhig thob// nam zhig chu ngogs sman ljongs su// gnas nas chu rlabs 'byung 'jig dang // 'tsho ba 'jig rten gnas 'dra bar// yang dang yang du blta bar 'gyur// lta ba kun gyi mar gyur pa'i// 'jig tshogs lta ba 'byin pa dang // srid pa'i longs spyod mi 'dod par// bdag ni nam zhig 'gur zhig gu// rmi lam smig rgyu sgyu ma smin// dri za'i grong khyer mtshungs par ni// rgyu dang mi rgyu'i 'jig rten dag/ nam zhig rtogs par byed par 'gyur// ming po 'di ltar dga' ba yis// re ba'i yid kyi rnam rol pas// zang zing // / bcas shing g.yo ba yi// mchog de rnams kyis ci zhig bgyi// kye ma mchog rab sbyin par sems gzhan yang // log par rtog pa'i skad cig tsam dga' zhing // lha mgon 'dod pa ngo bo nyid kyis g.yo// g.yang sa chen por mun nag bcas 'dra bas// sems rgya che ba'i dam pas rnam par spangs// mi rigs 'tshe ba kun gyi rgyur gyur cig/ 'dod pas mi rnams 'khrul par byed pas na// 'di ni smad bya
- 119b
'jigs pa chen po ste// mi gtsang bsgos pa'i sprul nag dag dang mtshungs// gang 'di thog mtha' med nas 'gro ba dang // 'gro bar 'gyur dang gnas pa'i sems can lus// de ni gsod 'joms bsnyen dang mtshungs pas ni// sdig pa'i gzhir gyur 'dod pas ci zhig bya// lha dbang brgya byin 'dod pa'i yul 'di ni// phyag dar khrod 'drar byed 'dra'i ngo bo bas// brdzun par rtog cing rnam smin mi bzad pa'i// 'dod pa'i yid kyis kyang ni su zhig bsten// bai DUr+ya ltar sngon ldang skye ba'i rtswa dang ni// me tog rgyas par gyur pa'i shing gi gnas spangs nas// lcags kyu rnon pos spyi bor 'tshog cing 'drid pa yang // glang chen dbang po'ur bskyed yul gyis bslus pa yin// mdung rtses lus skyon grong gi khwa da'i tshogs rnams kyis// gshog pa'i rlung gis rab tu g.yob par byed 'gyur la// mdza' bo rnams kyang g.yo byas mig gis lta byed pa// skyes bu 'jigs par gyur pa'ang yul gyis bslus pa yin// byis pa log rtog rlung gis raba'abar 'dod pa yis// rang yid khang pa bdag nyid kyis ni sreg byed na// smyig ma lo brgya lon pa phan tshun bdar ba yis// rang nyid kyis ni sreg par byed pa ji bzhin no// brgya byin gzhan yang rnam rgyal khang par gnas nas ni// 'od 'phro nor bu'i dpal gyis dga' ba 'di las ni// me chen rab 'bar 'jigs pa'i mnar med par phyin pas// gang 'di dug can yul gyis bde ba bde legs min// mtho ris gnas nas 'gro ba ngan pa'i nad 'jug cing // skad cig gis lhung 'phro ba'i sdug bsngal gyis gzir ba// gang dag sdug bsngal myong 'gyur lha yi 'jig rten mngon dga' ba// sngar myong 'gyur ba de ni bde ba myong ma yin// gser gyi pad+ma kha 'byed dang pa nyal ba dang // gang 'dir lha yi khang par rdzing bur gru la//
- 120a
brgal ba dang // 'dod pa'i las kyis slar yang mi ro rul pa yis// gzings pa'i chu bo rab med nang du lhung bar 'gyur// yongs su gyur na dga' bral rmi lam lta bu yi// lha rnams bde ba de ni/ brgya byin su zhig 'dod// 'tsho ba'i 'jig rten khros pa'i sbrul gyi lce ltar g.yo ba ni// thams cad rtogs pas bdag cag thar la gzhol bar gnas// srid mtsho tshang tshing nang na gnas pa'i byis pa rnams// / 'di bde yin zhes pa de log par brtags tsam ste// gang 'di srid pa ma lus sdug bsngal kun bskyed cing // yang dag gsung ba'i sangs rgyas rnams kyis nges par gsungs// 'tsho ba'i 'jig rten rang bzhin sdug bsngal mang pos g.yengs gyur te// gang tshe 'di na bde ba myong ba'ang bya rog blta ltar mtshungs// de yang phrad gyur sdug bsngal du mas zil gyis gnon 'gyur te// chu bo'i chu ni rgya mtshor phyin pa dag dang mtshungs pa dang // gang phyir bud med lag pa ge sar bcas pa'i pad+ma'i 'dab 'dra dang // gdu bu cung zad 'khrol ba tsan dan bsil bas bskos par gyur pa yis// reg cing zangs ltar dmar/ bcas sor mo zlum pas brtse bas 'khyud par byas pa dang / bsil yab rlung gis rgyana'i phreng gtor bas gnyid log khyab par gyur pa dag/ 'jag ma'i rtse mo gcer ba'i lam du thal ba dang 'dres rlung dmar ni// drag pos g.yab cing du ba la lci ba'i lus kyis slar yang nyal 'gyur te// de bas 'tsho ba'i 'jig rten skad cig thang cig g.yo bar shes kyi sa la// 'phongs pa'i 'bras 'byin 'dod pa spongs la tshangs pa'i gzhi la brten par gyis// de nas bu mo rnams la mig stong ldan// dga' bas lus kyis ba spu ldang gyur cing // brtson pa mngon dga'i sems dang lhan cig gis// sum cu rtsa gsum mngon
- 120b
phyogs song bar gyur// de nas bu mo de rnams rab byung nyer son zhing // de nyid don la rnam brtags blo mig dag gyur pas// dregs pa'i chu rlabs g.yo zhing 'jigs par byed pa yi// sdug bsngal mtsho chen mtha' med 'khor ba brgal bar gyur// 'gro ba ma rig ldongs pa kun gyi mig gcig pu// rang bzhin 'gro don rnam byed nges pa'i bdag nyid kyi// thub pas sems can rnams la tshul 'di gsungs pas na// sems can rnams kyi srid pa'i tsher ma zad par shog/ gzhon nu ma bdun gyi rtogs pa brjod pa// slob dpon chen po gsang bas spyir gyis mdzad pa rdzogs s+ho// @66/ den tan bdun yongs su brjod pa'i gtam bzhugs so// rgya gar skad du/ sap+ta gu Na pa ri ban+d+hanA ka thA/ bod skad du/ yon tan bdun yongs su brjod pa'i gtam/ 'jam dpal gzhon nur gyur pa la phyag 'tshal lo// las ni du ma la brten pa'i// sna tshog yon tan 'dod pa yis// 'bad byas bon med par ni// mug skye ba yod mi yin// nyes med yon tan bsdu ba ni// sna tshogs pa dag rnam bya ste// nyes pa dag ni gcig pu yis// yon tan mang po 'joms par byed// tshe ring de bzhin nad med dang // gzugs dang skal pa bzang dang rigs// nor dang shes rab dag dang bdun// yon tan mdo sde dag las gsungs// de las zlog pa nyes pa yin// de dag re res ji ltar ni// yon tan thams cad 'joms 'gyur ba// de ltar da ni bshad par bya// nad med gzugs dang skal ba bzang // rigs nor shes rab phun sum tshogs// tshe ring ba ni med gyur na// bsad sar phyin pa'i rgyan dang 'dra// tshe dang gzugs sogs yon tan ni// 'di dag nad med mi ldan na// don med par ni nyams 'gyur te// ma ning bud med mchog yod mtshungs// yon tan ldan pa mthong na yang // gzugs ngan skyob skye 'gyur te/
Colophon
gzhon nu ma bdun gyi rtogs pa brjod pa/_slob dpon chen po gsang bas sbyin gyis mdzad pa rdzogs so/