F284MW1KG13607_0284mdo sdeAll versions of this work

stag rna'i rtogs pa brjod pa

Text

ff. 141b–153b · 25 folio sides

  1. 141b

    'gro ba sum cha zhes bya'o// dbyar zla tha chung la skar ma snrums kyis che/ char lan mang du 'bab bam/ 'ja' thug na/ rgyal rigs rnams la 'jigs pa 'byung ngo // ston zla rab skar ma nam so'i che/ gnam grum mam/ rlung shin tu nag po langs na der nad chen po 'byung bar ston to// skar ma rgyal gyis tshe/ phyogs 'tshams su byung na/ rgyal rigs myur du 'khrug cing / skye rgu phyogs gnyis su 'chad par 'gyur ro// ston zla tha chung skar ma lag gis tshe/ nam mkha' la rnga sgra lta bu byung na/ der rkang bzhi pa rnamasa'o// dgur zla ra ba la skar ma mon gre'i tshe/ na mkha' la rol mo sil snyan gyis sgra lta bu grag na/ lo tog la 'byung po gnod pa byed cing / drag po 'byung ngo // dgun zla 'bring po skar ma sa ri la sgra grag po byung ngam/ nam mkha' la glog rgyun du byung na/ mkhas pa rnams la 'jigs pa chen por 'byung ngo // dguH zla ra ba yar gyis ngo la rgyun du g.yol na/ log sum lon nas/ yul 'khor mtha' dag phreng bar 'gyur ro// dpyid zla 'bring po la skar ma sno re'i tshe tsA dang bcas ba'i rlung 'khrugs sam/ rgyun du g.yon/ tshangs par spyod pa rnams la 'jigs pa chen po 'byung ngo // dpyid zla 'bring po la skar ma khrums stod kyis tshe/ sa g.yos na 'jigs pa chen po 'byung ngo // dpyid zla 'bring po la skar ma mchu stod kyi mtshan mo sa gas ni/ blon po rnams kyis rgyal po gsod cing / mi mang du gsod do//

  2. 142a

    dpyid zla tha chung mar gyis ngo las rgyun du g.yo 'am/ zla ba drug gis bar du char mi 'bab na/ der mu ge 'byung bar ston to// dbyar zla ba skar/ ma pra nye'i nyin par sa g.yos na/ mi dpa' bo stong mchi zhing sa ni khrag mthung ngo // dbyar zla ra ba la skar ma snabs kyis mtshon mo sa g.yos na/ mtha' khob kyis/ yul 'khor gsod pa 'byung zhing / yul du 'thab mo 'byung ngo // dbyar zla 'bring po la skar ma rgyal gyis tshes g.yos na/ yul der lo tog ma rungs par 'gyur ro// ston gyi bya ba'i las kyang g.yos par 'gyur ro// skar ma lag gis tshe gang du rlung langs te/ mchod rten g.yo 'am/ 'bar ram 'gyel na/ yul 'khor der myur du phung bar 'gyur ro// gang du mchod rten grub 'am 'gyel na/ rgyal po de yul 'khor dang bcas de/ gzhan gyis khyer bar 'gyur ro// dbyar zla 'bring po skar ma khrims stod kyis tshes g.yas na/ rgyal po rtag tu sa zhing chom kun dag gis yul 'khor de bcom par 'gyur ro// ston zla tha chung la sa g.yos na/ grong khyer gyis sgo g.yon zhig gam/ mchod rten g.yo 'am zhig der ma lus pa phung bar 'gyur ro// zla ba'i rtse mo g.yon du gza' phur bu zhugs na/ rgyal po'i sa gasma na/ grong khyer gyi sgo// sa'i dbang phyugs long spyod chen po ma rungs par 'gyur ro// nyi ma dang zla ba nyi ma'i rtse mor gza' dmir zhugs na/ mtha' 'khor na gnas pa'i rgyal 'phran rnams kyis kho ra khor yug du gnod pa

  3. 142b

    'byung ngo // zla ba'i rtse mor spen pa zhugs na/ 'jigs tshig ma 'grig mu ge 'byung bar ston to// zla ba spyad gus zin tan/ skar mda' lhang na zla ba drug tshun tshad du 'byung / bar ston to// brla skar la babs pa'i tshe/ zla ba sprad gus zin na/ rgyal po dang yul 'khor du gnod pa mi zad pa 'byung ngo // rgyal po'i rla skar la bab pa'i tshe/ zla ba la gza' 'jug rings zhugs na/ 'tha' khob kyis rgyal po dag dang 'thab cing mtshon gyi sa rgyal bar 'gyur ro// dpyid zla ra ba skar ma mchu'i tshe/ zla ba gza' 'jug rings zhugs na/ 'bab mchu thams cad skams par 'gyur/ rkye dgu nad kyis mchi bar 'gyur ro// phur bu 'am/ sba ba sangs ngam/ dmig dmar ram/ spen pa zla ba'i rtse mor zhugs na yang / 'jigs pa chen po 'byung bar shes par bya'o// skar ma rgyal la gza' 'jug rings zhugs nas 'dug na/ ring por mi thogs par der phyogs bzhi nas dmag tsho gas 'ong ngo // skar ma mchu li dmig dmar zhugs sam/ gro bzhin la gza' phur pa zhugs na/ lo gsum khyang gong du 'jigs pa rtag tu 'byung ngo // dbyar zla ra ba skar ma sna ra ma la pa ba sangs zhugs te/ phyir log na 'byung po thams cad dang / rgyal rigs rnams 'jigs pa chen po 'byung ngo // skarA sa ga la phur bu 'am/ spen pa'am/ zla ba/ nyi ma zhugs na/ skye rgu 'khor los bsnun pa bzhin du 'phung bar 'argyur ro// yang dang gong skar dang / yang gol la sogs pa'i skar me la

  4. 143a

    'dor bsdus pa/ lha dang g.yang mchod pa/ gnyin sbyar ba dang / lam du 'jug pa dang / shing gtang ba rnams kyis skar ma bzang na sbyar/ pa la/ lha mchod cing dpal dang ka yang bgyi ba'i skar ma bzang du gdams pa/ 'go dang / bre dang / mi bzhi dang / mon gru snams so// 'bring smad du bgyi ba la/ byi bzhin/ gro bzhin/ smin drug/ snar ma/ lag rgyal/ chu stod/ mchu smad rnams so// skar ma de dag la ma gtogs pa/ gzhan ni bgyi bar mi rung ste ngano// gnyen sbyor bya ba'i skar ma bzang po gdam pa la/ dbo'/ lha 'tshams/ me bzhi dang snams/ chu stod/ chu smad/ nam gru rnams te/ skar ma 'di dag la/ bag ma tshur la blang kyang rung / bu sringad par la gtad kyang rung ste/ lo dang gnad 'phrog pa dang / bkra shis so// ngan rab ste mi rung ba la/ snar ma dang / nag pa la sogs pa gzhan ni ngan te bye bar 'gyur ro// zhing la sa bon gdab pa la/ skar ma bzang du ba dam pa/ nams so dang / lha 'tshams dang / chu stong dang / chu smang dang / byi bzhin nams so// mchog tu ngan pa la/ smin drug dang / rgyal dang bra nye rnams so// lam du 'jug cing don gnyer ba'i skar ma bzang ngan lta ba/ skar ma shar phyogs dang / byang dbang ba'i skar ma la/ 'go lag nam so// rgyal mon gru/ mon gre/ khrum stong/ khrums spad/ nam thu tha skar rnams yin te/ shar phyogs dang byang phyogs su mtshon/ skar ma

  5. 143b

    'di dag gis nyin ma la/ lam du 'jug ste song na ngon grub cing / mi phyag gnyi gar la nye zhi mi 'byung ngo // skar ma de dag la babs pa'i nyin par lho dang nub du mchi na/ mi 'phrod kyis ma 'gro zhig skar ma lho phyogs dang / nub phyogs dbang ba'i skar ma la/ gre/ dpo'/ me bzhi lha 'tshams ston// snabs/ chu stod/ chu smad/ byi bzhin/ rnams yin te/ lho dang nub phyogs su mchi na/ skar ma de dag gi nyi ma la/ lam du zhugs te song shig/ 'dron grog cing nyi zho med de slar 'khor ro// skar ma de dag la bab pa'i nyin par shar dang byang phyogs su 'chi na/ dor mi grub cing nye zho 'byung ste/ slar yang mi 'khor bas ma 'gro shig phyogs gar mchi yang rung ste/ skar ma 'di rnams la bab na/ 'gror mi rung ba la/ nags pas ri bra nye/ smin drug/ skags 'di bdun la babs na/ phyogs 'tshams mdo gtsong gar yang 'gro mi rung ste ma'i phrod pas zhag mga' ba zhol na legs so// skar ma 'di rnams kyis nang na mchog du gdams pa la/ shar dang byang phyogs su rgyal/ khrums stong / tha skar la bzang bar/ lho dang nub phyog su 'gro na/ lha 'tshams me bzhin 'gro na bzang bar/ yang don gnyer ba'i lam skar rnams gcig la/ skar ma rgyal dang / tha skar gnyis ni nyi ma 'char ba'i yul dang / mdo smad dang / byang phyogs su 'gro na don grub la/ mi byug gnyis gar gang yang rung / nor yod dang / zeng grum gang yang mi

  6. 144a

    @#'chi'o// nub phyogs dang lho phyogs su don chen po zhig gnyer zhing 'gro ste/ skar ma bkra shis su bdam pa na/ lha mtshams me bzhi la lam du zhugs na/ mi phyag gnyis ka la nye zho dang theng gram mi 'chi'o// yang nye ring dang phyogs 'tshams gar mchi yang rung ste/ 'gror mi rung ba'i skar ma ngan pa rnams la/ nag pa dang / sa ga dang / bra nye dang / mchu smad dang / sprin drug dang / snar ma dag ste/ 'di rnams ni ngan cing 'gror mi rung ba'i skar ma'o// yang phyogs bzhir 'gro ba'i skar rnams gcig bstan pa la/ 'phrod cing bzang ba'i skar ma la/ gre dang / dbo dang / me bzhi nang / lha mtsham dang / snron dang / snabs dang / chu stod dang / chu smad dang / byi// bzhin dang / gro bzhin te/ skar ma 'di bcu ni lha phyogs dang / mdo gtsang phyogs su don gnyir zhing 'gron por 'chi na/ 'di rnams gang la babs kyang rung 'phod te bzang ngo // don grub la slar myur du 'khor cing na tsha dang / rlag por dang / zeng grum la sogs nong zhing nye zho mi mchi'o// shar dang byang phyogs mchi na/ skar ma 'di rnams la babs na ngan don mi grub cing slar mi khor te/ nye zho mchi'o// skar ma 'gro lag snar ma nam so// rgyal mon dre/ mon gru khrums stod/ khrums smad/ nam gru tha skar/ skar ma bcu gcig po 'di ni/ shar dang byang phyogs su mchi na/ skar ma 'di rnams gang la babs kyang ste/ don grub cing na cha dang stor rlag sogs pa mi 'byung ngo // nub dang lho phyogs su mchi

  7. 144b

    ni skar ma 'di dag la bab na don mi 'grub cing slar mi 'khor ro// na tsha dang / rlag stor dang / god tshabs tsher mchi ste/ skar ma ding rnams la ma 'gro shig/ lam du 'jug pa'i tshes grangs dang / cho ga bstan pa/ yang lam du 'jug pa'i tshes dang / gza' dang / rgyu skar du ldan na legs/ de ltar du ma ldan na tshes grangs dang / tshes grangs bzang po bdams/ lam du zhugs na shis par 'gyur te/ tshes gsum dang / bdun dang / bcu gcig dang / bcu bdun dang / bcu dgu dang / nyi shu gsum dang / nyi shu bdun te/ 'di rnams kyis nyin par zhugs na/ nyi ring gar 'gro yang bzang ngo // de ltar ma ldan na rings par zhig yod na/ shar phyogs su 'gro na lcags che chung tshon do pa gcig phag na bzung bar bya'o// lho phyogs su mchi na chu phor gang bzung bar bya'o// nub phyogs su 'gro na sol ba mtshon gsum pa zhig bzung bar bya/ byang phyogs su 'gro na sa phul gang bzung ste/ rgyang grags su dor bar bya'o// nyes pa mi 'byung ngo // sgo nas chas pa'i tshe/ khyi 'thab mthong na 'gro ba mi rigs kyis/ re shig ma 'gro shig lam du zhugs pa'i tshe/ mtshon tshar bag kha nas brjod cing 'byung ngo // bo rlag ces brjod du mi rung ngo // sgo'i thad ka nas phyi rol du gtam mi bya ba chas te song ba'i 'og slar sgo logs su lta bar mi bya/ de ltar byas na nye zho 'byung ngo // shing byed pa'i skar ma la gza' bzang por brtsi ba ni/ 'gro dang / me bzhi dang / mon gre dang

  8. 145a

    khrums spang dang / nam gru dang / tha skar rnams so// 'bring du bgyi na/ byi bzhin/ gro bzhin/ snar ma/ lag rgyal mchu stod rnams so/ shin tu ngan pa skar ma bdun yod de/ ci'i phyir zhe na/ res gsum du 'gyur ba'i phyir ro// de dag gang zhe na/ bra nye smin drug nam so// dbo' sa ga/ chu smad khrums stong rnams te/ de rnams kyis nyi ma la shing byed cing ro bskyod du mi rung ngo // de'i nyin par snying dga' ba zhig gam/ nor bzang po zhig thob na yang / res gsum du brdung mar thob ste dga'o// zhal mchu zhig gis btab 'am/ dgra zhig zus te/ snying mi dga' bar gyur na yang / res gsum du brdung bar 'byung ngo // gze' brtsi ba/ dpyid zla ra ba dang / dbyar zla 'bring po dang / ston bla 'tha chung 'dra bar smon pas chos/ dbyar zla ra ba dang / ston zla 'bring po dang / dgun zla tha chung 'dra bar phur bus tshes/ ston zla ra ba dang / dgun zla 'bring po dang / dpyid zla tha chung 'dra bar dmig dmar la tshes/ dgun zla ra ba dang / dpyid zla 'bring po dang / dbyar zla tha chung 'dra bar zla bas ches// // zla shol dor ba ni lo ngo mthong gsum zhig dor shol lan cig dor te/ yang l-i tshul du na/ skar ma khyim bcu gnyis lho byang shar nub phyogs bzhin tshis pa la/ phyogs kyi ra shi'i dkyil dang po la shol dor te/ lo skor bcu gnyis la shol lan bzhi dor bar bci/ rgyal ba'i ltar na yang

  9. 145b

    'di dang mthun te/ phyogs bzhi'i lo stong / shar drang po na yos bu/ lho drang po narta/ nub drang po na bya/ byang drang po na byi ba rnams te/ byi ba'i lo la dpyid zla 'bring po gnyis te shol dor/ yos bu'i lo la dbyar zla 'bring po la shol dor/ rta'i lo la rton zla 'bring po la shol dor// phyo la kur chu tshing po la so l+la/ ga ru ra'i rgyud kar ka sang ka ha zhes bya ba las gza' chen po bdun res kyis nyin zhag re la dbang byed pa'i tshe/ gza' gcig la dbang ba'i zhag gcig la yang nyin mo thun brgyad/ mtshan mo thun brgyad la/ klu'i rgyal po brgyal po brgyad dbang byed pa'i go rims dang / bzang ngan rtag pa'i mdor bsdus pa/ gza' bdun po ni/ nyi ma dang / zla ba dang / dmig dmar dang / lag pa dang / phur pa dang / spa sang dang / spen pa'o// klu'i rgyad la dang po bdun ni/ mtha' yas dang / nor rgyas dang / 'jog po dang / pad ma chen po dang / dung skyong ngo // klu'i rgyal po brgyad ni/ rigs ldan zhes bya'o// de la gza' chen po bdun po de dag ni res kyi go rims bzhin du nyin ga re re la dbang ngo // de dag gis nyin zhag gcig la/ nyon mo la yang thun brgyad/ mtshan mo la mthun brgyad du/ bcas pa la/ klu'i rgyal po lnga ma bdun gyi steng du/ klu'i rgyal po rigs ldan gyis bstan te/ brgyad go rims bzhin du dbang byed pa yang yod de/ gza' nyi ma'i zhag gcig la mthun brgya drug la ni/ klu'i rgyal po rigs ldan rang gis skal ba dang / klu'i rgyal po pad

  10. 146a

    ma chen po dang / stobs kyi rgyu'i skal pa la yang dbang dbyed do// gza' zla ba'i nyin zhag gcig gis thun bcu drug la ni/ klu'i rgyal po rigs ldan rang gi skal pa dang / klu'i rgyal po bad ma dang / pad ma dang dung skyong gi skal pa la yang dbang byed do// gza' dmig dmar gyis nyin zhag gis thun bcu drug la ni/ klu'i rgyal po rigs ldan rang gis bskal dang / klu'i rgyal po pad ma dang / dung skyong gis skal ba la dbang byed do// gza' phur bu'i nyin zhag la ni/ rig ldan rang gis skal pa dang / 'jog po dang / pad ma dang drang skong dang gis skal pa la yang dbang byed do// gza' sba ba bzang gis nyin zhag la ni/ rigs ldan rang gis skal pa dang / dung skyong la yang dbang byed do// gza' srin po'i nyin zhag gi thun bcu drug la ni/ rigs ldan rang gis skal pa dang / stobs kyi rgyu dang / dung skyong gis skal ba la dbang byed do// de la gza' bdun po'i nyin mtshan gyis mthun gang la/ rigs ldan rang dang / gzhan gyis skal pa la yang byed pa'i thun de dag la/ mi de dag la sogs pa 'dug pas zin pa la glos pa ni gshin rjes pa dang / 'dra ste ma'i 'tsho'o// tsher ma dang / rtsa shing la sogs pa rma mched cing / nad chen por 'gyur te ma'i tshe'o// nad kyi btabs pa dang / grong khyer la thogs pa dang / mi 'tsho mi thar ro// don du 'gro ba dang / don 'grub pa yang nye zho 'byung zhing don mi 'grub po// klu'i rgyal po gzhan

  11. 146b

    gyis dus la ni/ ci bya bar bzang ngo // // nor bu rin po che bzang ngan brtags pa'i gzhung dang thabs/ yongs yang nor bu rin po che btsal na/ thog ma byung khangs ni/ 'dzam bu gser gling gis pha rol na/ rin po che sna tshogs kyi ri yod pa las/ g.yu rdo dang / dngul rdo rko ba bzhin du rin po che'i rdo ba 'byung ba'i mis rkos nas/ sing ga la ti ba'i rgyal po la/ gser gyis gzhong ba'i nang du blugs te/ phul nas/ rgyal po la chag shing gis de'i nang nas bton te/ blon po rnams kying lnga bcu man chad/ rgya bcu yan cad sa sor bya dgar gsol zhing 'thor/ rgya gar gis mkhan po mkhan po ni na tra si nas kyang / 'di bzhin du mthong ste/ rgya yul nas dar rnyed pas/ blon po de dag las nyos te/ ye zho bar ma la'am bdun zhig phul rin po che btsal na rnyed pa'i khungs ni/ mtshong pa phyug po mang po yul gru mang por rgyu rgyu ba mga' tsam la bzang por bdog/ mi ngan pa la ni/ rin po che bdog kyang mi bdog kha cig la ni rin po che mchi yang / rin po che ma lags/ rin po bzang ngan rtsi ba'i rtags ni/ mu tig rtag pa/ zlum pa dang / mdog nyi ma'i kha dog ltar dkar zhing 'tsher ba/ lteng mchis na bzang / pad mar dang / an da rnyil ba la sogs pa brtag na/ spyir lci ba dang / gsal la de'i nang na yang snying po 'dra ba'i lhang lhung po mchis na/ bu ga ma mchis pa bzang / mu tig dbug pa ni/ rag shig nges pa'i rnams bu ga dbug po ni chab du bsngal kyang /

  12. 147a

    gar dbug pa 'don te/ de nas phyir chab nas phyangs ste/ bug de nas yang rin po che brtag pa'i thabs gcig la/ shog shog dril ba 'dzug mo ga tsam la/ yung ba brtags pa'i 'a gus shog shog dril ba la/ bskas la/ de'i steng du sros pa kham cig gis klan te/ de la nor bu rin po che gtsugs la/ rin po che'i mchug ma gnyis ga ldogs su bstan de/ de'i kha dog gis shog shog yu ra ba la bskas pa la/ sngon po 'am dmar por gyur na bzang ba// / dong rtse i pan zhes bya ba 'phreng gcig grangs stong / rgyal zho bcu la srang gcig tu rtsis pa/ dong rtse gcig la zho gcig dong rtse bcu la srang gcig 'byung / stag gzig yul na rgyal po'i dkor dang / bya dgar sprul pa/ bod kyi mi dang 'dra bar/ dong rtse gcig la zho brgya/ zho brgyad la gser srang phyed dang bcu gsum la brgyad/ steng gi ri mo dang / yi ge ni rab rgyal po re re zhing 'gyur/ dong rtse chu du ni kun kyang 'dra ste/ zho gcig gis tshad ni brgyad la ni srang gcig 'byung / dngul ni nam gnyis la bgyid/ za tig ni gser dang dngul zangs gsum la bgyid/ gser gyis dong rtse zho gcig pa gcig la dngul gyis ya ga ma nam gnyis pa nyi shus 'jal/ dngul gyi ya gam/ gcig la zangs gis dong rtse ni/ tshod ma dang ga gon dang / sbyin gtong 'phreng tshogs kyis gtor du bgyid/ rgya gar gyis tsheni gser dang / dngul dang / ragan dang / khar

  13. 147b

    ba bzhi bsres te/ ming ni ngo longs bgyi ste/ gser dang dngul ni chung ra gan dang / khar ba ni che ste/ gcig la zho gnyis mchis te/ ltar lhan gcig du bzhu yang / mi 'dra ste/ so so na tshig gcig por gdab/ bal po ni pa na ses bgyi ste/ zangs ma gcig pu la yang bgyis ste/ zangs ma dang zha ne dang mkhar ba la sres pa yang bgyid/ de gcig la zho gnyis kyis tshang du yul ga na ste/ dong rtse rgyal po'i bla'i dkor du brdungs te/ 'og ma gzhan bgyid du mi gnang / rgya yul na glang gsad pa dang / dong rtse ldugs pa ni 'dra ste/ bcad par ni 'gun/ ti zig dang / par yul na ni/ dong rtse ldugs pa'i mgar ba rnams lag pa bla rgyas 'deb/ 'og ma dag gis blugs na lag pa gcod// // 'phra med yin nam men brtag pa/ mig las mngon te/ 'bras bu'i nang du/ mi'i gzugs rnyan 'byung ste/ gzugs de la rkang pa la lta la 'go yang lta na ni/ 'phra men ma yin/ 'gro mar lha la/ rkang pa gyid du song ba dran na/ 'dug na phra men mas mi las phyugs su bsgyur ba ni/ 'phra men ma'i tshogs byi ba gnyis la/ gnya' shing dang / gshol gcugs te/ zhing rmo sa bon til btab pa dang / de ma thag tu ljang bu de ma zag tu/ snye ma de ma thag du 'bras bu smin nas brngas te brdungs te/ brtsir ba'i mar gyis/ thig le re re bskyed so gcig byol song du 'gyur/ gna' phra med

  14. 148a

    ma gcig nas brngos phung po'i drung na/ mi rgan rgon gsum zhig 'dug pa las 'phra men ma gcig mtshan mo nas kyis phung po'i steng du 'ongs nas/ mi gsum de nas dug pa ni mtsher/ mos lcag gcig gis nas kyi phung po gzhu ba ltar/ byas pa dang / nas kyis phu po dang / mi gsum dang bcas te/ zhag bcwo brgyad kyis lam du phyin te/ lan ci'i ri zhig la thugs pa dang / 'phra me na ma de ni de nas kyang 'phur te/ gar song gi tol med phyin/ rgad pos rgan mo la gtam du zer ba/ ru bu cag kyang phra men mas mtshar gyis byad sdems 'am cig byas te/ lan tsi'i ri la thug na/ lan tsa mang zhig nas kyis phung po'i nang du sba'o// zhes mtsho nas/ kun snga ma'i sa phyin pa dang / de nas bya zer ba dang / byas non nas phra mon mas 'phrul byed mas nus nas/ 'gul yang ma nus pa dang / dug pa dang / rgan rgon na re/ khyed phra men yin gyis/ rgyal po la gsol te/ gsad do zhes byas pa dang / 'phra men mas kyang yin par khas blangs/ nor gsug mang po zhig sbyin par byas nas/ rgan rgon gyis kyang btang / yang 'phra men mas kyang ma ni mtshan rje ma dang / phyags ma dang / sgong nga la zhon te/ nam mkha' la 'gro// 'phro men ma ni sgong nga yang byed cing / tshong dus su mchong ste/ de la mis sgong yang dag pa yin nam/ gang zhig brtag na/ sgod

  15. 148b

    nga btsos te/ shun sbags bshus nas/ dris rgas par bcad pa dang / gri'i kha la sku gcig byung na ni/ 'phra men ma yin te/ mi nyo gros bcad nas sbru ma byung / na ni/ mi tha mal pas btsongs pa'i sgong nga yin te/ nyo zhing btsal zhes mchi// brtag sna dang lo rgyus rdzogs s+ho// rgya gar skad du/ ar+ya ra na me g+ha na ma ma hA ya na su tra/ bod skad du/ 'phags pa dkon mchog sprin ces bya ba theg pa chen po'i mdo/ sangs rgyas dang byang chub sems dpa dang / 'phags nyan thos dang / rang sangs rgyas thams cad la phyag 'tshal lo// 'di skad bdag gis thos pa'i dus cig na/ bcom/ ldan 'das yul ga ya na ga ya mgo'i ri la/ dge slong bdun khri nyi stong gi dge slong gi dge 'dun chen po dang / thabs cig tu bzhugs te/ thams cad kyang dgra bcom pa/ zag pa zad pa/ nyon mongs pa med pa/ dbang dang ldan par 'gyur pa/ sems shin tu rnam par grol ba/ shes rab shin tu rnam par grol ba/ cang shes pa/ glang po chen po// byed pa byas pa/ bya ba byas pa/ khur bor ba/ bdag gi don rjes su thob pa/ srid par kun tu sbyor ba yongs su zad pa/ yang dag pa'i shes pas sems shin tu rnam par grol ba/ sems kyi dbang thams cad kyi dam pa'i pha rol tu son pa chos kyi dbyings la mkhas pa chos kyi rgyal po'i sras/ sems rnyed pa dang / bskar

  16. 149a

    sti thams cad dang bral ba/ legs par rab tu byung ba/ legs par brnyed pa rdzogs pa/ brnag pa yongasu rdzogs pa/ mya ngan las 'das pa'i lam la gnas pa sha stag ste/ gang zag cig ma gtogs pa ni/ 'di lta ste/ tshe dang ldan pa kun dga' bo'o// byang chub sems dpa' brgyad khri bzhi stong gi byang chub sems dpa'i tshogs chen po dang yang thabs gcig ste/ thams cad kyang skye ba gcig gis thogs pa/ thams cad mkhyen pa nyid la mngon par phyogs pa/ thams cad mkhyen pa nyid la gzhon pa/ thams cad mkhyen pa nyid la 'bab pa/ thams cad mkhyen pa nyid la bab pa/ chags pa med pa gzungs thob pa/ ting nge 'dzin thob pa/ dpa' bar 'gro ba'i ting nge 'dzin la shin tu gnas pa/ mngon par shes pa chen pos rnam par grol ba/ lam gyi rgyun ma chad pa/ sgrib pa dang / chod pa dang / kun nas ldang ba dang thams cad dang bral ba/ byams pa chen po dang / snying rje chen pos phyogs bcu'i 'jig rten gyi khams thams cad khyab par byed pa/ sangs rgyas kyi zhing mtha' yas par 'gro ba la mkhas pa/ stong pa nyid spyod yul ba/ mtshan ma med pa la gnas pa/ smon lam la gnas pa thams cad dang bral ba sems can thams cad la phan par brtson pa/ sangs rgyas kyi yul thams cad la mkhas ba'i ye shes mtha' yas pa/ sems na mkha' dang mtshungs pa/ sems rgya mtsho ltar zab pa/ sems ri'i rgyal po ri rab ltar mi skul ba/ sems pad ma ltar ma gos pa/

  17. 149b

    sems rin po che shin tu yongs su dag pa/ sems gser ltar shin tu yongasu byang ba rnams la/ 'di lta ste/ byang chub sems dpa' seMs dpa' chen po rin po che tog dang / lag na rin po che dang / lag na phyag rgya rin po che dang / rin po che'i cod pan dang / gtsug na rin po che dang / rin po che brtsegs pa dang / rin po che 'byung gnas dang / rin po che'i rgyal mtshan dang / rdo rje'i snying po dang / gser gyi snying po dang / dpal gyi snying po dang / dge ba'i snying po dang / dge ba dri ma med pa'i snying po dang / de bzhin gshegs pa'i snying po dang / ye shes snying po dang / nyi mi'i snying po dang / ting nge 'dzin gyi snying po dang / pad ma'i snying po dang / rnam par grol ba'i zla ba dang / kun tu zla ba dang / sman ras gzigs dbang phyug dang / mthu chen po thob pa dang / kun nas mig dang / pad ma'i mig dang / dri ma med pa'i mig dang / yangs pa'i mig dang / kun tu spor lam dang / kun tu sbyong ba'i blo gros dang / ye shes kyi blo gros dang / chos kyi blo gros dang / rgyal ba'i blo gros dang / bla ma'i blo gros dang / rdo rje'i blo gros dang / khyad par blo gros dang / seng ge rnam par rol pa dang / sgra chen po'i dbyangs kyi rgyal po dang / seng ge'i sgra sgrog dang / sgra dbyangs brjod pa zab mo sgrog dang / gos med pa dang / dri ma kun bral dang / zla ba'i 'od dang / nyi ma'i 'od dang / ye shes kyi dpal dang / ye shes kyi 'di dang / bzang po'i dpal dang / zla ba'i dpal dang / pad ma'i dpal dpa' dang / rin po che

  18. 150a

    dpal dang / 'jam dpal gzhon nur gyur pa dang / bzang skyong la sogs pa'i skyes bu dam pa bcu drug dang / byams pa la sogs/ pa bskal pa bzang po'i byang chub sems dpa' sems dpa' chen po thams cad dang / rgyal po chen po bzhi la sogs pa rgyal po chen po bzhi'i ris lha'i bu rnams dang / lha'i dbang po brgya byin la sogs pa sum cu rtsa gsum gyi ris kyi lha'i bu rnams dang / lha'i bu rab 'thab bral la sogs pa 'thab bral gyi lha'i bu rnams dang / lha'i bu yongs su dga' ldan la sogs pa dga' ldan gyi ris kyi lha'i bu rnams dang / 'phral dga' las sogs pa 'phrul dga'i rigs kyi lha'i bu rnams dang / lha'i bu dbang byed la sogs pa gzhan 'phrul dbang byed kyi lha'i bu rnams dang / ded dpon la sogs pa kar po'i phyogs kyi bdun gyi bu rnams dang / tshangs pa chen po la sogs pa ris kyi lha'i bu rnams dang / lha'i dbang phyug chen po la sogs pa gnas rtsang ma ris kyi bu rnams dang / lha ma yin gyi dbang po thag zangs rings dang / stobs can dang / sgra gcan dang / de dag la sogs pa/ lha ma yin brgya stong phrag du ma dang / klu'i rgyal po ma gros dang / gzi can dang / rgya mtsho dang / mtha' yas dang / nor rgyas kyi bu dang / de dag la sogs pa/ klu'i rgyal po brgya stong du ma dang / dpal gyi gzi brjid la sogs/ klun rgyal ba khye'u brgya stong du ma dang / klu'i bu mo rnams dang / de ma yin gzhan d+ha dang / klu dang gnod sbyin dang / dri ba dang / lha ma yin dang / nam mkha' rdzing dang / mi 'am ci dag

  19. 150b

    lto 'phye chen po brgya stong yang thabs cig go/ yang de'i tshe ga ya na ga ya'i mgo'i ri dpag tshad bzhi kho ra khor yug du skra'i rtse mo'i cha shas kyi rdul phra rab tsam yang / gang lha dang klu dang / gnod skyon dang / dri za dang / lha ma yin dang / ci 'am ci dang / nam mkha'i lding dang / lto 'phye chen po dang / mi dang mi ma yin pa dag gis gang bar gyur pa'i sa phyogs sam/ bar snang gi phyogs de med do// 'khor de lta bu 'dus shing / 'khor gyi dbus su/ bcom ldan 'das kyi seng ge'i khri 'phang du dpag tshad cig kho ra khor yug du dpag tshad phyed pa la lha'i ras bcos ma brgya stong du ma ni bting / rin po che'i dril bu ga yer ka'i dra bras ni gla rer bres/ dar gyi lda ldi brgya bstong du ma ni spangs/ me tog sil mas ni gtor ba cig bshams te/ seng ge'i khri'i kho ra khor yug du sa phyogs de ngos rdo rje la yid du 'ong zhing lag 'thil ltar mnyam pa dang / chag chag legs par btag pa dang / phyag dar legs par byas pa dang / dri rab tu zhim pa lha'i me tog brgya stong du mas gtor bar gyur to// bcom ldan 'das kyi yongasu spyad pa'i phyir phyogs de na/ gser gyi pad ma shing rta'i 'phang lo tsam 'dab ma bstod du ma yod pa chu ba ni bai DUr+ya/ snying po ni an d+ha snying la/ ze ba ni rdo rje'i snying po// dri rab tu zhim zhing yid du 'ong ba reg na dga' bar gyur pa dag skyes par gyur to// seng ge'i khri de'i gru bzhir haM cang yang mi ring ha cang yang mi nye ba nas rin po che'i shing / srid du dpag tshad phyed dang gnyis/ spobs

  20. 151a

    spobs su rgyang grags phyed dang gsum gyis 'khor ba bzhi skyes so// seng ge'i khri legs par bshams pa de la/ bcom ldan 'das blo ni rab tu rnam par dag chos kyi 'khor lo ni rab tu bskor/ bdud dang phyir rgol ba ni bcom/ 'jig rten gyi chos kyis ni ma gos la/ mi bsnyengs shing mdzes la/ seng ge ltar bag tsha ba med pa/ mtsho dang 'dra bar dngas te/ rnyog pa med cing shin tu rnam par dang / rgya mtsho chen po ltar zab cing gting dpag rka la rin po che'i 'byung gnas su rgyur pa/ ri rab ltar mngon par 'phags/ nyi ma ltar rab tu lham pa/ zla ba ltar rab tu sim pa/ kla chen po ltar chos kyi char ba 'beb pa/ tshangs pa chen po ltar 'jig rten kun las mngon par 'phags pa/ slob ma shin tu dul ba mtha' yas pa'i tshogs kyi 'khor mnga' ba/ rgya byin dang tshangs pa dang / 'jig rten skyong ba bye ba khrag khrig brgya stong dmas zhal du bltas shing / ma khengs ma dud par bzhugs te/ 'khor tshogs pa de na lhang nge lhan ne'o// bcom ldan 'das de ltar lham me lhang nge lhan ne ba'i dbu'i rtsug gi gtsug tor gyi gse ba nas 'od zer kun nas snang ba zhes bya ba 'od zer gyi brgya stong phrag du ma yod pa byung ste/ de byung nas phyogs bcu'i 'jig rten khams rab 'byam thams cad snang bar byas te phyir 'ongs nas/ bcom ldan 'das la lan gsum bskor ba te/ bcom ldan 'das kyi zhal gyi sgo nas/ bcom ldan 'das kyi zhal gyi sgo phye ba 'am/ btsums par yang mi mngon no// 'di lta ste dper na/

  21. 151b

    nyi ma dang zla ba'i 'od nam mkha'i khams thams cad kyi gseb du zhugs kyang / nam mkha'i khams kyi gseb phye ba'am/ btsums par mi mngon pa de bzhin du/ de'i tshe na 'od zer de dag zhugs kyang / bcom ldan 'das kyi zhal gyi sgo phye ba 'am btsums par mi mngon no// 'di lta ste dper na/ bye ma'i phung po la mar ram/ 'bru mar ram/ chu zhugs na mi mngon po de bzhin du/ de'i tshe na 'od zer de dag zhugs kyang phye ba 'am btsums pa de dag mi mngon no// de nas shar phyogs su sangs rgyas kyi zhing 'di nas 'jig rten gyi khams gang gi'i klung gi bye ma snyed gcig 'das pa na/ pad ma can zhes bya ba'i 'jig rten gyi khams de na/ de bzhin gshegs pa dgra bcom pa yang dag par rdzogs pa'i sangs rgyas rig pa dang / rkang par ldan pa/ bde bar gshegs pa 'jig rten mkhyen pa skyes bu 'dul ba'i kha lo sgyur ba/ bla na med pa lha dang mi rnams kyi ston pa/ sangs rgyas bcom ldan 'das pad ma'i sman zhes bya ba de byang chub sems dpa' sems dpa' chen po rnams la 'di lta ste/ theg pa gcig las brtsams nas chos ston te/ sangs rgyas kyi zhing de na nyan thos dang rang sangs dag dang / nyan thos kyi theg pa 'am rang sangs rgyas kyi theg pa'i ming yang med/ sangs rgyas kyi zhing de na/ rdzus te skye ba ma gtogs par bud med dang mngal nas skye ba te 'byung zhing skye ba'i sgra yang mi grag go/ 'jig rten gyi khams de'i sems can de dag thams cad kyang bla na med pa yang dag par rdzogs pa'i byad

  22. 152a

    chub las phyir mi ldog pa'i byang chub sems dpa' sha stag go/ 'jig rten gyi khams de na bza' ba dang btung ba dang zas kyi bya ba yang mi shes so/ byang chub sems dpa' de dag thams cad kyang gsam gtan gyi dga' ba'i zas can dang / ting nge 'dzin gyi dga' ba'i zas can no// de bzhin gshegs pa de nyid kyi 'od kyis 'jig rten gyi khams de khyab cing dri ma med par gyur pa ma gtogs par 'jig rten gyi khams de na/ nyi ma dang / zla ba dang bza' dang skar ma rnams kyi 'od kyang mi shwe/ so// 'jig rten gyi khams de lag 'thil bzhin du mnyam par gyur pa las 'jig rten gyi khams de na/ cig pa dang / ri las sogs pa yang mi snang ngo // 'jig rten gyi khams de 'dra ba de na/ byang chub sems dpa' sems dpa' chen po sgrib pa thams cad rnam par sel ba zhes bya ba de'i ming thos pa tsam gyis sems can gyi sgrib pa thams cad zad par 'gyur ba zhi gnas ste/ de 'od des reg ste/ bskal nas rang gi gnas nas byung ste/ bcom ldan 'das de bzhin gshegs pa pad ma'i spyan de ga la ba der song ste phyin nas bcom ldan 'das de'i zhabs la mgo bos phyag 'tshal ste/ pad ma'i snying po la phyogs cig tu 'dug go/ de ma yin pa byang chub sems dpa' gzhan dag kyang 'od des reg ste/ bskal pa dang / rang rang gi gnas byung ste/ bcom ldan 'das de bzhin gshegs pa pad ma'i spyan gal ba der song ste phyin nas/ bcom ldan 'das de'i zhab la mgo

  23. 152b

    khos phyag 'tshal te/ pad ma'i snying po la so so'i ci rigs par 'khod do// de nas byang chub sems dpa' sems dpa' chen po sgribs pa thams cad rnam par sel ba stan las langs nas bla gos phrag pa cig tu bzang ste/ pus mo g.yas pa'i lha nga pad ma'i snying po la btsugs nas/ bcom ldan 'das de bzhin gshegs pa pad ma'i spyan ga la ba de logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das 'di lta bu'i 'od bzang po dri ma ma mchis pa rnam par dag pa'i yid du 'chi ba lus dang sems shin tu dga' bar byed pa byung ba 'di su'i lags shes de skad ces gsol ba dang / bcom ldan 'das de bzhin gshegs pa pad ma'i sman nges byang chub sems dpa' sgrib pa thams cad rnam par sel ba la 'di skad ces bka' rtsal to// rigs kyi bu nub phyogs na sangs rgyas kyi zhing 'di nas 'jig rten gyi khams gang gi'i klung gi bya ma snyed cig 'das pa na/ mi 'jed 'jig rten gyi khams yod de/ de na de bzhin gshegs pa dgra bcom pa yang dag par rdzog pa'i sangs rgyas rig pa dang rkang par ldan pa bde bar gshegs pa 'jig rten mkhyen pa skyes bu 'dul ba'i kha lo sgyur ba/ bla na med pa lha dang mi rnams kyi ston pa/ sangs rgyas bcom ldan 'das shAkya thub pa zhes bya ba de'i mtshan thos pa tsam gyis/ sems can rnams bla na med pa yang dag par rdzogs pa'i byang chub las phyir mi ldog pa cig bzhugs te/ des 'od bzang po

  24. 153a

    dri ma med pa rnam par dag pa yid du 'ong ba lus dang sems shin tu dga' ba 'di byung ngo // de skad ces bka' stsal pa dang / bcom ldan 'das de bzhin gshegs pa pad ma'i sman de la/ byang chub sems dpa' sems dpa' chen po sgrib pa thams cad rnam par sel bas 'di skad ces gsol to// bcom ldan 'das de ltar de bzhin gshegs pa de'i mtshan de thos pa tsam gyis sems can rnams bla na med pa yang dag par rdzogs pa'i byang chub las phyir mi ldog par 'gyur ba'i rgyu gang lags rkyen gang lags/ de skad ces gsol pa dang / bcom ldan 'das de bzhin gshegs pa pad ma'i sman des/ byang chub sems dpa' sems dpa' chen po sgrib pa thams cad rnam par sel ba la 'di skad ces bka' stsal to// rigs kyis bu/ de bzhin gshegs pa sngon byang chub sems dpa'i spyad pa spyod pa na/ 'di ltar sems can gang dag gis bdag mngon par rdzogs par sangs rgyas pa'i ming thos pa de dag thams cad bla na med pa yang dag par rdzogs pa'i byang chub las phyir mi ldog par shog cig ces smon lam btab po// byang chub sems dpa' sgribs pa thams rnam par sel bas gsol pa/ bcom ldan 'das ci lags 'jig rten gyi khams de'i sems can de dag thams cad phyir mi ldog pa lags sam/ bcom ldan 'das kyis bka' stsal pa/ rigs kyi bu ma yin no// byang chub sems dpa' sgrib pa thams cad rnam par sel bas gsol pa/ bcom ldan

  25. 153b

    'das ci lags/ sems can ces de dag gis de bzhin gshegs pa de'i mtshan de mi thos sam/ bcom ldan 'das kyis bka' stsal pa/ rigs kyi bu thos so// gsol pa/ bcom ldan 'das de'i slad du/ phyir mi ldog pa ma lags/ bcom ldan 'das kyis bka' stsal pa/ rigs kyi bu de dag thams cad phyir mi ldog pa yang yin la/ phyir ldog pa yang ma yin no// gsol pa/ bcom ldan 'das ci ltar gang lta bur de dag thams cad phyir mi ldog pa yang ma lags/ phyir ldog pa yang ma lags/ bcom ldan 'das des bka' stsal pa/ rigs kyi bu de bzhin gshegs pa'i mtshan thos pas/ sems can de dag phyir mi ldog pa'i sa bon skyes pa mthong nas/ sems can de dag phyir mi ldog pa lung bstan no// mtshan thos pa kho nas de ma thag tu de dag phyir mi ldog par 'gyur ba yang ma yin te/ de bas na rigs kyi bu don de nyid rab tu grub par bya ba'i khyod la bshad do// dper na shing la li'i sa bon gyi rnam pa zhig yod do// sa bon de la sa bon gyi nyes pa thams cad med la/ myu gu skye ba nas rdzogs pa'i bar du rkyen rnams yod na rigs kyi bu sa bon de ci skad du bya/ gsol pa/ bcom ldan 'das nyes pa thams cad dang bral bas na/ de ni yongs su rdzogs pa zhes pa zhes bgyi'o// bka' stsal pa/ rigs kyi bu de bzhin gshegs pa'i mtshan thos pa dang ldan pa'i phyir mi ldog pa'i sa bon yod pa'i sems can rnams ni/ bla na med pa yang dag par rdzog pa'i byang chub las phyir mi ldog pa

Colophon

brtag sna dang lo rgyus rdzogs s+ho/