MW21521_A18C45མན་ངག་ཨ་ཏི་ཡོ་གའི་ཆོས་སྐོར།All versions of this work

lta ba thams cad kyi rgyal po kun tu bzang po che ba la rang gnas pa'i rgyud

Text

ff. 94a–123a · 59 folio sides

  1. 94a

    rma bya mjing bsnol gyi rgyud las/ 'bras bu bla na med pa'i theg pa bstan pa'i nang nas/ sangs rgyas kyi che ba bstan pa'i le'u ste lnga pa'o// / / rgyud dag pa'i rdo rje 'chang chen po dang / sprul pa'i sangs rgyas re res mdzad pa so so'i don bstan pa'o// rdzogs so// / rgya gar skad du/ d+he ka sarba rA dza sa man ta b+hA dra ad ma b+hur pa tan tra/ bod skad du/ lta ba thams cad kyi rgyal po kun tu bzang po che ba la rang gnas pa'i rgyud/ bcom ldan 'das dpal kun tu bzang po sems kyi rang bzhin gang yin pa de la phyag 'tshal lo// 'di skad ces go zhing rtogs nas shes pa'i dus gcig na/ sangs rgyas dang / sems can dang / ji ltar snang ba'i chos thams cad kun tu bzang po che ba'o 'khor du sangs ma rgyas pa med pa la/ de nas thams cad nyid las mi zhen pa'i kun tu bzang po'i 'khor du gyur pas 'di skad du nyid la nyid gleng bslang ngo // // de nas ston pa kun tu bzang po sems kun tu bzang po la bzhugs nas/ chos nyid kun tu bzang po lta ba thams cad kyi rgyal po kun tu bzang po che ba la rang la gnas pa'i rgyud 'di bka' stsal to// rnal 'byor gang zhig rtogs 'dod pas// kun tu bzang po'i rgyud 'di nyon//

  2. 94b

    'di dag shes par su 'dod pa// nges par lung 'di bstan par bya'o// de nas yang de nyid las mi zhan pa'i 'khor rnams kyis gsol pa/ chos rnams sems kyi spyod yul las// thams cad sangs rgyas nyid du bstan// kun tu bzang po'i rang bzhin las// rnal 'byor kun gyi dbang phyug che// gsang ba'i gsang chen nges pa'i don/ nyid kyi thugs las phyung ba 'di// snod ldan rnams la bstan du gsol// de nas ston pa kun tu bzang po yis/ 'jigs la yang ba'i chos sdug bsngal sna tshogs kyi kha brgyud nas nyam thag pa nyid/ dga' skyid chen po mya ngan las 'das pa'i chos bde ba chen po lhun gyis grub ste 'gyur ba med pa'i phyir/ kun tu bzang po che ba la rang gnas pa'i rgyud/ sangs rgyas thams cad kyi dgongs pa gcig tu 'dril ba'i don/ kun tu bzang po rnam pa lnga dang / che ba bcu drug dang / rang gnas chen po dgur bka' stsal to// de la kun tu bzang po man ngag gi rgyud 'di rtogs par 'dod pa rnams kyis nges par kun tu bzang po lnga po 'di yid la zung zhig/ de la kun tu bzang po lnga gang zhe na/ lta ba kun tu bzang po dang / spyod pa kun tu bzang po dang / 'phrin las kun tu bzang po dang / dam tshig kun tu bzang po dang / rang bzhin kun tu bzang po dang lnga'o//

  3. 95a

    de la lta ba kun tu bzang po 'di bka' stsal to// thams cad kun tu bzang po la// 'khor ba'i chos dang mya ngan 'das// rnam rtog nyid kyang ye shes pas// log rtog zhe sdang ga la yod// phyogs ris med pa chos kyi glong // phyi nang gnyis med ye shes dang // bzang ngan che chung med par mnyam// skye shi 'gyur med byang chub sems// 'khor ba'i log rtog mtshan ma'i chos// mkha' la 'ja' tshon snang bzhin 'das// a a rgod re bro// gnyis su 'dzin pa gol bas na// dbyer med mnyam pa nyid du gsungs chos rnams thams cad thog ma nas// rgyu dang rkyen gyis ma btsal te// ye nas lhun gyis grub pa la// btsal zhing bsgrub par bya ba med// rang bzhin yongs kyis dag pa la/ 'khor ba btsal yang mi rnyed pas// ma bcos ye nas dag pa la// ma btsal gnas pas sangs rgyas yin// kun tu bzang po'i rang bzhin la// rgyu dang 'bras bur brtags pas gol// ye nas gnyis med byang chub la// don de gnyis ni btsal du med// sangs rgyas sems can la sogs pa// thams cad sems las gzhan ma yin// bde chen nyid yin bcos su med// ma btsal ma bsgrubs ye nas dag/ rgyud nyid dag pa'i sangs rgyas la// skye shi med pa sus shes pa// lta ba kun tu bzang po yin//

  4. 95b

    kun tu bzang po che ba la rang gnas pa'i rgyud las/ lta ba kun tu bzang po'i le'u ste dang pa'o// // de nas spyod pa kun tu bzang po 'di gsungs so// byang chub sems kyi rang bzhin 'di// phyi dang nang du bzung bas nor// rgyu dang 'bras bur btags pas 'khor// longs spyod thar pa bde ba med// chags dang ma chags la sogs dang // bde dang sdug bsngal gnyis med pas// gcig ste phyogs ris med pa la// de bzhin gang spyod bde ba che// mtshan nyid 'du byed phyogs cha la// yod med chags pas 'tshang ba'i rgyu// bya med lhan rdzogs 'bras bu nyid// go ba'i ngang las bde ba che// 'jig rten 'khor ba'i chos can la// rtag chad mtshan mar brtags pas nor// de nyid bdag med gzhan med par// gnyis med sprad pas bde ba che// dge dang mi dge las rnams kun// ma chags gnyis med thabs kyis spyod// gang la rol pas yon tan snang // rgyu rkyen rten 'bral ltos pa yin// 'dod spyod yon tan rnam pa lnga// thabs dang shes rab la sogs kyang // spyad na skye med rtogs pa gsal// ma spyad na yang nyes med rdzogs// yod med rtag chad thams cad ni// ma skyes rang bzhin ngang la med// bde dang sdug bsngal gnyis 'dzin pa// tha dad med da byang chub semos//

  5. 96a

    mya ngan 'das dang 'khor ba'i chos// skyon dang yon tan thams cad la// bcings grol med par gang spyod pa// spyod pa kun tu bzang po'o// kun tu bzang po che ba la rang gnas pa'i rgyud las/ spyod pa kun tu bzang po'i le'u ste gnyis pa'o// // de nas 'phrin las kun tu bzang po 'di gsungs so// kun rdzob dngos por snang ba yi// snod btsud rdzas su snang ba kun// chos nyid ma skyes rang bzhin la// ming dang tshig tu btags pas 'gag/ cir snang / kun tu bzang po la// de nyid sems su rol pa yis// ji ltar mdzad pa 'gal ba med// 'phrin las byi btsal med pa'o// dge ba dang ni sdig pa'i las// las kyi bye brag thams cad la// sems yin gnyis med lhun grub pas// byang chub sems kyi 'phrin las la// rtogs dang mi rtogs las 'das pa// sangs rgyas mdzad dang khyad par che// cir yang med la cir spyod pa// bde ba chen po'i mdzad spyod yin// kun gzhi ma byung ma skyes pa// sbyor sgrol la sogs cir spyad pa// gang yang spong lin med pa ni// blang dor med pas 'phrin las bzang // 'phrin las kun tu bzang po yin// kun tu bzang po che ba lo rang gnas pa'i rgyud las/ 'phrin las kun tu

  6. 96b

    bzang po'i le'u ste gsum pa'o// // de nas dam tshig kun tu bzang po 'di skad ces bka' stsal to// nga dang bdag dang phyogs dang rigs// mi mthun skyon gyi bye brag kyang // kun tu bzang por dbyer med sa// nyes legs rtog pas bsrung du med// mtha' dbus med pa'i glong brdal bas// chos nyid kun tu bzang po lo// mnyam pa'i glong las 'u gyur ba med// 'thab rtse dam skyes chal pa yin// chags pa'i bde dang nyon mongs dgra// gnyis su med de rang gi semaso// sems kyis sems la dgrar med la// bdag nyid sangs rgyas gcig pu khyod// bden pa'i lha dang bar chod bdud// gnyis su med de rtog las 'das// ris su btsal yang mi rnyed pas// lhun gyis grub pa'i dam tshig yin// kun tu bzang po byang chub sems// mi 'gyur 'da' ba med pa la// ma yeng sa phyogs ris med bsru pa/ dam tshig kun tu bzang po yi ni// kun tu bzang po che ba la rang gnas pa'i rgyud las/ dam tshig kun tu bzang po'i le'u ste bzhi pa'o// / den pa rang dzod kun tu mang sa 'di sa sungam sa/ sems kyi ches nyid nga yiyin 'di/ ma skye mo minas sangs rgyas te// kun la brnal zhing snang ba'ang/

  7. 97a

    rgyal bas mdzad cing bcos pa med// bzang dang ngan pa thams cad dang // gtsang sme che chung la sogs pa// rang bzhin dbyer med byang chub sems// mkhas pas bcos shing btsal du med// bzang ngan che chung gtsang sme gnyis ka med// skyon dang yon tan dug dang rtsi// 'dzin rtog byis pa'i spyod 'dra ba/ rang bzhin yongs kyis dngos po med// de bzhin chos rnams rang bzhin dang // kun gzhi kun tu bzang po la// rgyu 'bras bde sdug btsal mi rnyed// rang bzhin kun tu bzang po yin// kun tu bzang po che ba la rang gnas pa'i rgyud las/ rang bzhin kun tu bzang po'i le'u ste lnga pa'o// // de nas bcom ldan 'das dpal kun tu bzang po sems kyi rang bzhin gang yin pa de la phyag 'tshal lo// 'di skad ces go zhing rtogs nas shes pa'i dus gcig na/ ston pa kun tu bzang pos sems kun tu bzang po la bzhugs nas/ chos kun tu bzang po che ba la rang gnas pa'i rgyud 'di dag bka' stsal to// rnal 'byor gang zhig rtogs 'dod pas// kun tu bzang po'i rgyud 'di nyon// don rtogs ldan pa'i skyes bu gang // 'di dag shes par su 'dod pa// nges par lung 'di bston par bya'o// de la

  8. 97b

    kun tu bzang po che ba la rang gnas pa'i rgyud 'di rtogs par 'dod pa rnams kyis/ nges par che ba bcu drug pa 'di yid la zung zhig/ de la che ba bcu drug pa gang zhe na/ sems ye nas che ba dang / chos nyid ye nas che ba dang / 'byung ba ye nas che ba dang / ye shes ye nas che ba dang / sku ye nas che ba dang / sku gsung thugs yon tan 'phrin las ye nas tsha ba dang / skyon dang yon tan ye nas che ba dang / 'khor ba dang bsong ye nas che ba dang / mtho ris dang mya ngan las 'das pa ye nas che ba dang / thabs ye nas che ba dang / shes rab ya nas chi ba dang / skyon gyi rgyu ye nas che ba dang / yon tan gyi rgyu ye nas che ba dang / sangs rgya sau ye nas che ba dang / sems can ye nas che ba dang / rtogs pa ye nas che ba'o// kun tu bzang po tsho ba la rang gnas pa'i rgyud las nges par che ba bcu drug gi le'u ste drug pa'o// // de nas sems ye nas che ba 'di skad ces bka' stsal to// kun tu bzang po nga yi sems// rgya chen rol pa kun bstan pa// gti mug chen po nga yi sems// ga ti mug gong na sangs rgyas med// gti mug chen po'i ye shes kyis// byung tshor rtog pa kun bral bas// dmigs med shes rab pha rol phyin// che ba'i rgyal por gti mug shar// sangs rgyas rje

  9. 98a

    btsan dam pa yin// 'dod chags med pa'i sngon rol na// sangs rgyas bya ba'i ming yang med// 'dod chags chen po nga yi sems// zhe sdang med pa'i sngon rol na// sangs rgyas bya ba'i ming yang med// zhe sdang chen po nga yi sems// nga rgyal med pa'i sngon rol na// sangs rgyas bya ba'i ming yang med// rgyal chen po nga yi sems// phrag dog med pa'i sngon rol na// sangs rgyas bya ba'i ming yang med// phrag dog chen po nga yi sems// nyon mongs lnga las ma byung ba'i// gzhan/ nas sangs rgyas yongs med pas// sems kyi rgyal po dug lnga la// kun bzang ye shes rgyal por spyod// thabs kyi 'bras bu sems che bas// rgyal po thabs su sems la bsngags// nga med bdag dang bral ba yi// kun gzhi sems kyi rgyal po la// thar pa'i 'bras bu de ni 'char bas// 'phags lam nges par sangs rgyas te// bdag nyid chen po rgyal ba'i bka'// mi dmigs pa la dmigs pa med// dmigs pa la yang dmigs pa med// dmigs med sems kyi nges pa la// yang dag gsang mdzod gsum du bstan// 'byung ba'i bla ma bla ma che// thams cad 'byung ba'i ston pa'i mchog/ snang ba kun la rab gnas pa// nga nyid thabs kyi longs spyod de// gang la'

  10. 98b

    chags pa'i rgyu med pas// zin chags med pa'i ye shes la// thabs kyi thugs rje 'brel pa skyong // chos rnams thams cad sems las byung // sems kyi bstan pa'i lung la nyon// phyogs bcu'i sangs rgyas nga yi sems// phyi nang snod bcud nga yi sems// phyogs dang snang ba nga yi sems// phyi dang nang yang nga yi sems// mtho ris ngan song nga yi sems// sems kyi sangs rgyas kun bzang la// sprul pa phyogs bcu sangs rgyas nyon// nga la nga bstan rgyu med na// 'dzin rtog chos 'di su yi chos bdag la phyogs dang rigs med na// phyi dang nang 'di su yi chos// don la rgyu 'bras yong med na// bzang dang ngan pa su yi ches// bcos pa med pa'i sems med na// kha dog lnga po gang nas 'byung // bzang ngan che chung su las byung // tshor ba bde sdug gang gis smras// phyogs dang sa mtshams su la yod// 'khrul pa'i sems 'di yongs re 'khrul// rmongs pa'i blo 'di yongs re 'khrul// rtog pa'i blo 'di yongs ro nyen// ji ltar snang ba'i chos rnams la// bdag gi sems kyis dbang sgyur nas// bdag pas drag pa gang na yod// sangs rgyas sems can sems yin na// sems pas che ba gang na yod// 'dzin rtog 'das pa'i chos nyid ni// sems kyi che ba de la yod//

  11. 99a

    spong len med pa'i 'bras bu ni// sems kyi che ba ye gnas la// 'di la rgyu yis btsal med la// 'di la rgyu 'bras sbyang du med// nam mkha' bzhin du ye gsal la// 'dzin rtog bcos pa'i rgyu ci yod// chos dang sangs rgyas 'tshol 'dod na// sems kyi che ba 'di la btsal// kun tu bzang po che ba la rang gnas pa'i rgyud las/ sems ye nas che ba'i le'u ste bdun pa'o// // de nas chos nyid ye nas che ba 'di skad ces bka' stsal to// kun tu bzang po nga yi chos// rgya cher rol pa bstan pa ni// ji ltar snang ba nga yi chos// rang bzhin med pa'i sngon rol na// chos nyid bya ba ming yang med// gang zag rnal 'byor su yod pa/ chos nyid 'bras bu su 'dod pa// rang bzhin med pas btsal bar bya// sems kyi rang bzhin yin pa la// de la rtogs pa cher bskyed na// chos nyid che ba bya ba yin// yang dag nges pa'i chos nyid la// chos nyid che bas mu mtha' med// chos nyid che bas bzang ngan med// chos nyid che bas mtha' dbus med// chos nyid che bas phyi nang med// chos nyid che bas steng 'og med// chos nyid che bas phyogs ris med// chos nyid che bas spong len med// chos nyid che bas yod med med// med pa'ang ma

  12. 99b

    yin khyab par brdal// khyab par brdal kyang rdzas su med// 'di 'dra'i mtshan nyid gang shes pa// de ni chos nyid che ba ste// chos nyid med pa'i sngon rol na// sangs rgyas sems can ming yang med// chos nyid che ba'i byin rlabs las// ji ltar snang ba de ltar snang / gang ltar yin pa de ltar yin// yang dag par yang bka' stsal to// de dag la sogs chos rnams la// chos rnams la yang chos rnams med// rang bzhin cha phra gang 'dzin pa// 'dzin pa de la chos med de// chos kyi 'bras bu de la med// chos kyi 'bras bu gang yin pa// rig pa'i don ni 'di rnams so// sngon dang phyi mar ma gyur cing // phyogs dang rigs su ma phye bar// 'dzin chags 'dzin rtog skyon spangs na// de ni chos nyid che ba zhes bya'o// gzhan yang tshes nyid che ba ni// rnal 'byor gang zhig rtogs 'dod na// rgya cher shes rab phyogs brdal nas// tshes nyi ye nas/ che ba yi/ le'u 'di las btsal bar bya'o// kun tu bzang po che ba la rang gnas pa'i rgyud las/ chos nyid ya nas che ba'i le'u ste brgyad pa'o// / / de nas yang 'byung ba ye nas che ba 'di skad ces bka' stsal to// nam mkha' ye nas che ba dang // sa gzhi ye nas che ba dang // me chu ye nas che ba dang // rlung nyid ye

  13. 100a

    nas che ba dang // 'byung ba med pa'i sngon rol na// sangs rgyas sems can ming yang med// 'byung ba lnga yi sangs rgyas ni// sangs rgyas kun gyi rje btsan yin// 'byung ba lnga po ma yi dbyings// ma la skyes pas sangs rgyas sras// 'byung ba lnga po rigs kyi yum// de la bdag rol thabs kyi yab// 'byung ba ye nas gnas kyis che// 'byung ba ye nas dus kyis che// 'byung ba ye nas gsal bas che// 'byung ba ye nas dag pas che// 'byung ba'i gnas ni nam mkha' la// 'byung/ ba'i rgyu ni sa gzhi'o// 'byung ba'i longs spyod me chu ste// 'byung ba'i sprul pa rlung yin no// 'byung ba'i mtshan nyid rtog pa med// 'byung ba'i rang bzhin 'dus ma byas// 'byung ba'i 'bras bu dmigs pa med// 'byung ba'i yon tan go zhing rtogs// 'byung ba'i don la 'gyur ba med// chos nyid ngang las kun 'byung bas// thams cad 'byung bas 'byung ba'o// 'byung ba'i rang bzhin dngos med pas// des na 'byung ba stong pa'o// 'byung ba shes rab pha rol phyin// 'byung ba lnga yi 'phro 'du yis// chos kyi dbyings kyi tshe rol bstan// stong pa'i don rtogs 'byung ba la// nges pa'i reg pas gsal brtags na// tha bas dang ldan pa'i byin rlabs kyis// yang dag

  14. 100b

    grub par bstan pa zad// don la'ang de las bstan du med// rtogs pa'i che ba chen po las// ma rtogs spong ba'i las byed na// che ba'i ye shes yod ma yin// che ba'i che bar bdag snang na// che mchog thabs kyi rgyal por snang // thams cad 'byung ba nga yis bskyed// 'byung ba chen po'i don rtogs na// thams cad che ba'i rgyal por 'grub// che ba'i rdzu 'phrul cir yang ston// bdag nyid thabs kyi byini rlabs las// 'byung ba lnga yi cho 'phrul gyis// ma rig rtogs pa'i ling tog bsal// nga dang bdag tu 'byed pa bcom// phyogs dang rags su blta ba bcom// mtshan ma'i 'dzin rtog gnas pa bkrol// yang gsang nges pa'i lam du bzhag/ thar pa'i lam zhes de la gsung/ gang zhig ma skyed don 'dod pas// 'byung ba ye nas che ba yis// le'u 'di las ni btsal bar bya// 'byung ba ye nas che ba'i le'u ste dgu pa'o// / / de nas ye shes ye nas che ba 'di skad ces bka' stsal to// ye shes rgyal po gang 'dod pa// rang gi sems las btsal bar gyis// 'gro kun bla med bya chub pa// rtog pa'i rgyu la gang rig pa// de ni ye shes che ba'o// stong gsum ye 'byam don shes shing // brdal ba chen por phyogs med na// ye shes che ba'i

  15. 101a

    dam pa ste// bzang ngan med par don shes pa// kun tu bzang po'i don shes te// chos nyid ye nas ma bcos pa// don de shes pa ye shes yin// sems nyid ye nas ma bcos pa// don de shes pa ye shes yin// nam mkha' ye nas ma bcos pa// don de shes pa ye shes yin// ye shes dam pa 'tshol 'dod pas gang la the tshom mi skye bar// rtogs pa'i glong du don spyod dang // rang byung ye shes de la 'char// mi gnas ye shes phyi nang med// lhan grub ye shes phyogs ris med// stong pa'i ye shes dngos po med// me long ye shes rtog pa med// mnyam pa'i ye shes che chung med// so sor rtog pa ma 'dres gsol// bya ba nan tan mthar phyin pa rang byung ye shes btsal ba min// ci ste btsal bas 'grub 'gyur na// rang byung ye shes yongs mi bden// rig pa'i ye shes bsgom pa min// ci ste sgom pa yin gyur na// rig pa'i ye shes yongs mi bden// rig pa'i ye shes nang shar na// btsal ba med pa lhun gyis grub// rang byung ye shes don rtogs na// bsgrubs pa med pa yongs su grub/ bdag nyid ye shes don rtogs na// chos rnam thams cad bdag la gsal// yangs so ba de'o ye shes mchog/ gsal la dag pas dri ma med// gnyis su

  16. 101b

    med pas rtog pa spangs// sangs rgyas sems can so so na// ye shes chen pos yongs ma zin// phyogs bcu sangs rgyas thams cad pas// ye shes chen po 'di dag dpags// sangs rgyas thams cad bskyed pa'i yab// sangs rgyas sras po dam pa ste// nyag gcig yab las ma rtogs pa// gnyis su snang bar bstan pa min// mnyam pa'i don dang ma ldan na// mi mnyam blang ba'i chos ci dgos// breg pa'i bye brag bsam yas kyang // ye shes rtogs na gcig las med// chos dbyings gcig las med pa la// ye shes rtogs pa ma gzhag par// mang por 'byed pa snying re rje// so sor rtog pa nyon re mongs// phyogs char 'dzin pa yongs re sdug/ lan cig bye brag phye ba yang // ye shes ma gos drang ba tsam// don la 'byed pa rgya ro chung // nges pa gcig po'i tshig 'di nyon// kun tu bzang po che ba la rang gnas pa'i rgyud las/ ye shes ye nas che ba'i le'u ste bcu pa'o// // de nas sku ye nas che ba 'di skad ces bka' stsal to// rang bzhin spros pa med pa la// g.yos pa med pa'i ye shes bzhag/ gnyis su med pa'i thabs shes pas// de ni chos skra dang po'o// thams cad 'dus ma byas pa'i ngang // mi 'gyur mi shigs rdo rje ste// gnyen po cis kyang mi tshug

  17. 102a

    pa'i/ thams cad kun ldan ye shes sku// rdo rje'i sku ste gnyis pa'o// rig pa rang snang mngon sum snang // nyes pa gang gis mi tshugs pa'i/ legs pa'i ye shes rang snang ba// mngon par byang chub ska bstan pa'o// gnyis med chos la longs spyod cing // ma spangs ye shes longs spod rgyan// thams cad che ba'i ba'i rol pa la// longs spyod rdzogs sku mthar phyin pa'o// gnyis med sems kyi sprul pa la// yongs su ma khyab gcig kyang med// don dam thobs kyi sprul pa 'char// sprul ba'i sku ste kun khyab pa'o// sku yi sku ste kun khyab pa'o// sku yi sku te kun sgrub pa// sku yi bdag nyid skye shi med// rol pas sangs rgyas nyid kyi rgyan// stong gsum stong gi 'jig rten na/ 'pho 'gyur med pa sku yi mchog/ stong gsum stong gi 'jig rten na// rang bzhin med pa sku yi mchog/ stong gsum stong gi 'jig rten na// rtag chad med pa sku yi mchog/ skra mchog dri med dag pa la// sems kyi ye shes mthar phyin pas// rig pa'i blo yi brtu la zhugs kyis// stong gsum ska yi dbang du bsdus// dbang du ma gyur ga/ yang med// mi g.yo byang chub mchog gi rgya// rnam par snang mdzad nga yi lus// zla ba dri med dag pa'i lus// stong gsum kun snang khyab pa'i dbyings// mtha' la thug med

  18. 102b

    ji bzhin du// shes rab thabs la de ltar snang // man ngag rgya mtsho chen po 'di// yongs la bstan pa'i shes rab ste// chos sku bdag pos kun bcom na// dkyil 'khor 'phro 'ad nyon re mongs// yongs la shar ba'i don byung na// rtog pa'i rlung sgom snying re rje// mkha' ltar mnyam pa nyid la mnos// rang sems med pa'i sngon rol na// sangs rgyas bya ba rtog pa yin// kun tu bzang po bdag la 'dri// sangs rgyas gnas pa bdag la mdzad// byang chub dam pa 'di bstan pas// bzod cig 'khor ba sbyar du/ dbyung // 'jig rten nyon mongs gleng thag chod// ma rig rmongs pa smos ci dgos// man ngag rgyal po 'di bstan pas// lta ba dman pa'i ming yang med// thams cad kun tu bdag yin pas// sku yi rgyal pos dngos grub 'byin// mtha' dbus che chung med par thob// bzod cing sngon gyi sangs rgyas yin// chos rnams thams cad khong nas shar 'phags pa'i 'phags pas 'phags par bsngags// phyogs bcu'i sangs rgyas thugs ngan sangs// de tshe las chud ma zos la// bdag sems ngal tshig ma chad do// kun tu bzang po che ba la rang gnas pa'i rgyud las/ sku ye nas che ba'i le'u ste bcu gcig pa'o// // de nas sku gsung thugs yon tan 'phrin las ye nas cho ga

  19. 103a

    'di skad ces bka' stsal to// stong gsum stong gi 'jig rten na// sku yi dkyil 'khor bsam yas kyang // he ru ka ni sku yi mchog/ de yang skal ldan nga yi sku// stong gsum stong gi 'jig rten na// gsung gi dkyil 'khor bsam las kyang // yi ge 'bru brgyad gsung gi mchog/ de yang skal ldan nga yi gsung // stong gsum stong gi 'jig rten na// thugs kyi sprul pa bsam yas kyang // ye shes sems dpa' thugs kyi mchog/ de yang skal ldan nga yi thugs// stong gsum stong gi 'jig rten na// yon tan dkyil 'khor bsam yas kyang // rin chen zur brgyad yon tan mchog/ de yang skal ldan nga yi yon// stong gsum stong gi 'jig rten na// 'phrin las dkyil 'khor bsam yas kyang // rnam bzhi stan 'gan 'phrin las mchog/ de yang skal ldan nga yi las// gzhan yang nga yi sku gsung yon tan las// de bas kyang ni sems yin te// sku yi dkyil 'khor yang dag pa// chos nyid byang chub sems la yod// gsung gi dkyil 'khor yang dag pa// chos nyid byang chub sem la yod/ thugs kyi dkyil 'khor yang dag pa// chos nyid byang chub sems la yod// yon tan dkyil 'khor yang dag pa// chos nyid byang chub sems la yod//

  20. 103b

    'phrin las dkyil 'khor yang dag pa// chos nyid byang chub sems la yod// de yi mtshan nyid gang shes pa// yang dag nges par nyan par gyis// sems kyi rang bzhin skye ba med/ sems kyi mtshan nyid dngos po med// sems kyi 'bras bu ma bcos pa// sems kyi sku ni sangs rgyas la// sems kyi gsung ni brtags pa yin// sems kyi thugs ni go ba ste// sems kyi yon tan mi zad pa// sems kyi las ni lhun grub pa'o// de yang mi 'gyur rdo rje ste// 'phags pa'i 'phags pa rdo rje'i sku// sku yi rdo rje brjid pa che// gsung gi rdo rje brtan pa che// thugs kyi rdo rje 'dzin pa che// yon tan rdo rje legs pa che// 'phrin las rdo rje grub pa che// de yi gong na sangs rgyas med// che ba 'di la su gnas pa// rnal 'byor de ni skal ba bzang // bzang ba ma yin de nyid yin// nges pa'i sangs rgyas gcig las med// don la nges pa'i sa tshad la// sems kyi mtshan nyid ci 'dra ba// de la bcos pa med par zhog/ de yi gong na che ba med// yang dag nges par de la gnan// kun tu bzang po che ba la rang gnas pa'i rgyud las// sku dang / gsung dang / thugs dang / yon tan 'phrin lam yin ma che pa'i le'u ste zu gnyis pa // denas spyan dang yon tan yanas kyi

  21. 104a

    skad ces bka' stsal to// rnam par dag pa'i spyod yul la// skyon dang yon tan gnyis med de// skyon nyid dag pa ma rtogs na// yon tan dag pa gang nas rnyed// skyon nyid yon tan yin shes na// spang zhing bsal bar bya ba min// skyon rnams spangs pa'i pha rol na// sangs rgyas bya ba'i ming yang med// dus gsum sangs rgyas skyon las byung // rdo rje sems dpa' skyon gyi bu// skyon nyid sangs rgyas yon shes na// sangs rgyas min pa gcig kyang med// yon tan nyid kyang skyon yin na// spang bar bya ba gang yang min// cir snang sangs rgyas mdzad spyod lo// de la smad ra ci ste bya// bdud nyid sangs rgyas yin shes na// de la rtogs pa'i rdzas ci yod// ma rig po yang nga byang chub kyi sems yin pas/ ma rig pa yang dag pa'o// rmongs pa thams cad kyang nga byang chub kyi sems yin pas/ rmongs pa yang dag pa'o// 'khrul pa thams cad kyang nga byang chub kyi sems yin pas/ 'khrul pa yang dag pa'o// bslad pa thams cad kyang nga byang chub kyi sems yin pas/ bslad pa yang dag pa'o// nyes pa thams cad kyang nga byang chub kyi sems yin pas/ nyes pa yang dag pa'o// dug lnga yang ngo byang chub kyis sems yin pas/ dug lnga yang

  22. 104b

    dag pa'o// 'khor ba dang ngan song yang nga byang chub kyi sems yin pas/ 'khor ba dang ngan song yang dag pa'o// de ltar na skyon thams cad kyang da byang chub kyi sems yin pas/ skyon thams cad yang dag pa'o// rig pa yang nga byang chub kyi sems so// ye shes kyang nga byang chub kyi sems so// yon tan kyang nga byang chub kyi sems so// legs pa thams cad kyang nga byang chub kyi sems so// sangs rgyas kyang du byang chub kyi sems so// sems can yang nga byang chub kyi sems so// mtho ris dang mya ngan las 'das pa yang nga byang chub kyi sems so// skon dang yon tan med pa'i sngon rol na/ sangs rgyas bya ba'i ming yang med do// ma rig pa nyid rig pa yin par shes na// rig pa gang nas btsal/ ma dag pa nyid dag pa yin par shes na/ dag pa gang nas btsal/ nyes pa nyid legs par yin par shes na/ legs pa nyid gang nas btsal/ 'khor ba nyid mya ngan las 'das pa yin par shes na/ mya ngan las 'das pa gang nas btsal/ ngan song nyid mtho ris yin par shes na/ mtho ris gang nas btsal// sems nyid sangs rgyas yin par shes na/ sangs rgyas gang nas btsal/ rgyu nyid 'bras bu yin par shes na/ 'bras bu gang nas btsal// rtog pa

  23. 105a

    pa nyid chos kyi dbyings yin par shesan/ chos kyi dbyings gang nas btsal/ skyon nyid yon tan yin par shes na/ yon tan gang nas btsal/ yang rang gi sems yin na/ spang zhing dor ba dang blang zhing spyod pa'i rgyu ci yod de/ skyon ye nas che bas ni/ 'bras bu la rag ma lus so// yon tan ye nas che bas ni/ 'bras bu la rten mi 'cha'a'o// che ba'i chen po yin pas chung ngu'i ming med do// bzang po'i bzang po yin pa la/ rgyal po'i rgyal po yin pas/ ngan pa dang gzhan pa'i ming med // bde'o skyes bu chen po'i thugs// dag go rnam dag byang chub sems// rang gi don du rang sbyor bas// mchod pa bkur sti rang la bya// rang gi dgos pa rang gsal bas// rnam dag skyes bu chen po'i ngang // rnal 'byor rnam dag nges pa zhes// 'di la bsgyur ni nges pa bstan// 'di ni rnam dag nges pa'i sa// gang zhig tshol 'dod 'di la nyon// kun tu bzang po che ba la rang gnas pa'i rgyud las/ skyon dang yon tan ye na sa che ba'i le'u ste bcu gsum pa'o// // de nas 'khor ba dang ngan song ye nas che ba 'di skad ces bka' stsal to// 'khor ba med pa'i sngon rol na// sangs rgyas bya ba yod pa min// ngan song med pa'i sngon rol na//

  24. 105b

    de bzhin gshegs pa yongs mi bzhugs// sangs rgyas yang dag bstan pa ni// 'khor ba ngan song nang na yod// sangs rgyas ming du btags pa yang // 'khor ba 'di la btags pa las// gzhan du sangs rgyas yod ma yin// phung po khams dang skye mched dang // khams gsum 'khor ba ma yin pa// gzhan la sangs rgyas gang sgom pa// lus ngag yid gsum ma yin pa// sku gsung thugs gsum gang las byung // de dag 'byung bar ngas ma bstan// ngan song 'di dag sus shes pa// spyod dang rnam dag sems la khye// rnal 'byor gang zhig 'di 'drar byed// ngan song 'khor ba mi nyan par// ngan song 'khor ba'i langs bor nas// de dag spangs pa'i pha rol na// gnyen zhing bstod pa'i sangs rgyas dang // bde zhing skyed pa'i mtho ris gcig/ logs na bdag gis thob 'dod pas// thar du re ste mi thar ro// 'grub pa re ste mi 'grub po// 'khor ba yongs su shes pa na// mya ngan 'das shes de la bya// ngan song yongs su shes pa na// thar pa thob ces de la bya// yang dag bde ba'i don rtogs na// sangs rgyas pas kyang 'khor ba bsngags// bsngags su'ang med de de nyid yin// mtho ris pas kyang ngan song bde//

  25. 106a

    bder yang med de de nyin yin// don dam bden pa ma rtogs shing // rang byung ye shes ma shar na// dug tu ma song gang yang med// dgra yang mi gnod gang yang med// bde ba chen po'i don rtogs shing // byangang chub sems kyi sgo phye nas// 'bras bu ma bro ba gcig kyang med// sangs rgyas min pa gang yang // med// che ba 'di las che ba med// brtags shing gzhigs shing rang sems bzang // phyin zhing btsal zhing thog ma nyid// su zhig 'chad cing ston 'dod pa// gang la ma 'chad bdag la shod// gang la ma rtogs bdag la rtogs// 'bras bu dam pa 'di ni yod// sems la thog tu ma phebs shing // yid la gsal bar ma rtogs na// kha bshad mang pos don mi 'grub// dus gsum sangs rgyas thams cad pas// 'khor ba ngan song bsngags par gyis// dus gsum sangs rgyas de na yod// thar pa chen po'i sgo 'byed kyis// phyogs bcu'i sangs rgyas gsan du gsol// rgyu ni ma bcos nyid du bzhag/ 'bras bu rang bzhin med par blang // don du thig le chen por bstan// 'di la 'gal ba yod ma yin// kun tu bzang po che ba la rang gnas pa'i rgyud las/ 'khor ba dang ngan song ye nas che bar bstan

  26. 106b

    pa'i le'u ste bcu bzhi pa'o// // de nas mtho rigs dang mya ngan las 'das pa ye nas che ba 'di skad ces bka' stsal to// thar pa thob pa'i the ma skas dang // mya ngan 'das pa'i chos nyid rnams// yang dag che bar bstan pa ni// rnam shes dbang po gsol bar bya// 'di yang mtho ris che ba yin// thams cad rtogs pas longs spyod pas// 'di yang mtho ris che ba'o// gzhan yang mtho ris che ba ni// ji ltar gnas pa de ltar rtogs// gang ltar yin pa de shes shing // kun gyi 'bras bu ri bdag rtogs pas// mtho ris dam pa bla na med// mya ngan 'das pa'i che ba ni// chos nyid phyog sa bcur brdal ba la// rig pa mtha' dbus med pa dang // kun gzhi bzang ngan med pa dang // shes pa phyi nang med pa dang // ye shes spong len med pa yis// mya ngan 'das la dgongs pa 'grub/ ma g.yos pa la rig pa shar// sangs rgyas sems su mya ngan 'das// yul ni chos su mya ngan 'das// rtog pa ye shes mya ngan 'das// snod bcud chos skur mya ngan 'das/ sems can gcig par mya ngan 'das// don dam bden par mya ngan 'das// mya ngan 'das pa'i don rtog sa na// 'khor ba ngan song ming yang med//

  27. 107a

    kun tu bzang po che ba la rang gnas pa'i rgyud las/ mtho rigs dang mya ngan las 'das pa ye nas che ba'i le'u ste bco lnga pa'o// / de nas thabs ye nas che ba 'di skad ces bka' stsal to// thabs kyi rgyal por bdag gnas pas// thams cad ma grub gang yang med// thabs chen med pa'i sngon rol na// sangs rgyas yod pa yong ma yin// 'gro la thabs kyi rgyu yod pas// thabs mkhas ye nas che ba yin// kun tu bzang po'i spyod pa la// byed dang spyod pa rnam 'dzin pa// de nyid thabs kyi che ba ste// thabs mkhas yon tan kun ldan na// sangs rgyas kun gyi bla mar bsngags// rnal 'byor tshon po'i spyod pa po de'i// 'phags pa'i 'phags pa thabs la gnas// rgyal ba'i rgyal ba thabs las byung // nga nyid thabs kyi rgyal po la// 'khor ba'i rtog pa kun bral/ nas// rdzogs sangs rgyas pa'i thabs la bsngags// thabs dang bral ba'i snying rje ni// skyes kyang ngal ba don med la// 'di dag thabs kyi mchog shes na// yang dag spod pa bla na med// sangs rgyas byang chub gdon mi za// thabs las mkhas byung thab sau re che// thabs kyi thabs 'dul thabs bsam yas// rtog pa thams cad

  28. 107b

    thabs su gsal// thabs kyi ting nge 'dzin sgom na// ngan song 'khor ba thabs kyi zhing // nyon mongs dug lnga thabs kyi lam// thabs chen po yi mdzad spyod kyis thams cad ma lus sangs rgyas so// thar pa chen po nga yi skas// mun par 'thibs pa'i sems can la// thabs kyi sgron ma 'di bteg pas// kun gyis go zhong gsal bar shog/ nga ni rang bzhin med pa ste// spros par 'dzin pas glong brdal bas// mtshan mar 'dzin pa nga yi dgra// rang sems kun tu bzang po la// phyogs dang rigs su mi snang na// nga dang bdag tu rtogs pa ni// 'khrul pa yin te ngan song rgyu// bdag gi sems nyid bzang po la// sangs rgyas thog ma tha ma med// rgyu la bzang dang ngan pa med// 'bras bu grub dang ma grub med// khom ldan chen po'i bde skyid la// sdug bsngal nyen pa'i 'pho 'jug cing // chos nyid mnyam pa'i bde ba la// gzung 'dzin rtogs pa'i rdzas ci yod// sangs rgyas dkyil 'khor ma lus kyang // nga yi thabs la rab tu gnas// kun tu bzang po che ba la rang gnas pa'i rgyud las/ thabs ye nas che ba'i le'u ste bcu drug pa'o// // de nas shes rab ye nas che ba 'di skad ces bka' stsal to// don dam spros

  29. 108a

    pa med pa yi// ma g.yos chos nyid skye 'gag med// shes rab ye nas che ba yi// 'di yi gong na sangs rgyas med// shes rab chen pos/ skad cig la// chos rnams khong du chud par byed// skye ba med pas 'gag pa med// dmigs pa med pas spros pa med// 'dus ma byas pas rnam dag dbyings// rang bzhin med pas brjod dang bral// kun la khyab pas yab kyi ngang // thams cad bskrad pas yum gyi dbyings// brjod pa med pa'i shes rab la// dmigs pa med pa'i ting 'dzin gsal// kun gzhi yum gyi shes rab la// rang byung thabs kyi ye shes shar// 'dus ma byas pa'i glong dkyil na// sems kyi rgyal po ye shes 'phyo// skye 'gag med pa'i gleng dkyil na// shes rab mig gcig gsal ba ni// yongs la dbang sgyur rgyal po ste// thams cad rol pa'i dbang phyug ste// ma 'gags par yang ye shes gsal// des na dug rnams kun sel ba// nad do cog dang bral ba yis// bdud rtsi rang byung dkyil 'khor gsal// dbang po yum// gyi shes rab la// thabs kyi zhags pas 'brel pa skyong // 'byung ba'i rgyal po gdod nas dag/ dus gsum bde gshegs bskyed pa'i yum// yum ni shes

  30. 108b

    rab pha rol phyin// mi ske mi 'gag brdal ba la// kun bzang yangs pa chos kyi dbyings// dag go shes rab chen po'i dbyings// 'dzin dang bral lo shes pa med// rtog pa med pas smra bsam 'das// brjod pa med pas nam mkha'i tshul// rang bzhin med pas chos kyi dbyings// phyogs bcur rgya yongs ma chad pa'o// phyi nang med par kun tu nang // dag la dri ma med pa'o// snang la rang bzhin med pa yi// chu zla sgyu ma smig rgyu bzhin// med pa zang ma ma yin te// yod par yang ni ma yin no// yod med gnyis las 'das pa yi// rang bzhin med pas yid la dran// shes rab chen pos rtogs pa'i rtags// mkha' ltar mnyam pa nyid gnas na// shes rab chen po khyab pa'i rtags// mi g.yo ma nyam gzhag 'dus ma byas// shes rab chen pos grub pa'i rtags// ma chags thabs kyis kun smod na// shes rab chen po sa tho ba pa'i rtags// rnal 'byor chen po su yod pa// shes rab che ba rtogs 'dod na// le'u 'di las btsal bar bya'o// kun tu bzang po che ba la rang gnas pa'i rgyud la sa/ shes rab ye nas che ba'i le'u ste bcu bdun pa'o// // de nas skyon gyi rgyu ye nas che ba 'di skad ces bka' stsal to// skyon gyi rgyu las ma rtogs

  31. 109a

    pa// sangs rgyas gzhan nas yong med de// sman mchog bdud rtsi 'byung ba yang // dug yod pa las sman du byung // dug la sman gyi rgyu med/ pas/ thams cad sman la sman ming med// legs pa thams cad 'byung ba yang // skyon gyis legs pa 'byung bar byed// skyon gyi mtshan ma ci byung yang // de nyid legs pa yin shes na// gzhan du legs pa sgrub mi dgos// dug nyid sman gyi don shes na// gzhan nas bdud rtsi btsal mi dgos// skyon nyid dag par ma rtogs shing // rgyu la 'bras bur ma rig na// don ldan nges pa'i gtan tshigs med// smyon pa grib ma sgeg pa bzhin// bdas kyang sleb cing zin pa med// de bzhin skyon rgyu mi shes pas// bsgoms pas 'bras bu mi rnyed la// brtags pa chos nyid rdzas su gol// bsgrubs pas rtags su mi snang ste// de nyid glen pa'i rang bzhin cano// bas don 'di goms par byos// byang chub sems kyang skyon gyi rgyu// sangs rgyas thams cad skyon gyi rgyu// skyon gyi rgyu 'di mi shes na// yon tan rgyu 'di su la yod// skye// gyi rgyu 'di ma rig pa// ma rig pa ni dbyings kyi mdzod// de yi gong na che ba med// skon gyi rgyu ni 'dzin rtog gnyis// 'dzin rtog thabs dang shes rab ni// skyon gyi/

  32. 109b

    las che ba med// skyon gyi rgyu ni nyon mongs la// nyon mongs ye shes lngar snang na// skyon gyi rgyu las che ba med// skyon gyi rgyu ni rtag chad gnyis// rtag chad dbyings dang ye shes na// skyon gyi rgyu las che ba med// sku dang ye shes bshad pa yang // skyon gyi rgyu las ma gtogs pa// gzhan nas bshad pa ci yang med// yang dag nges par don bstan pa// 'ong med 'gro med 'pho med pa// sangs rgyas byang chub de la yod// bcos med 'gyur med ma bcos pa// ye shes chos nyid de la yod// ma bslad ma btsa la mnyam gzhag pa// mnyam pa'i ye shes de la yod// dag pa'i rgyu de sngon nas gsal// grub pa'i mthu de nang nas shar// thar pa'i lam de gzhi la gzhag mkhyen pa'i rgyu de sems la sbyang // gza' gtad lam ni thig ler bca'// kun tu bzang po bcom ldan 'das// shes par gyis la skyon la zhog/ skyon rgyu ye nas che ba med// rnal 'byor gzhung mthun gang zhig yod// skyon rgyu che bar rtogs 'dod na// le'u 'di las btsal bar bya'o// kun tu bzang po che ba la ring gnas pa'i rgyud las/ skyon gyi rgyu ye nas che ba'i le'u ste bco brgyad po'o// // de nas yon tan gyi rgyu yi nas che ba 'di skad ces bka' stsal to//

  33. 110a

    yon tan che ba'i rang bzhin la// dag pa nyid du 'di ltar bshad// sangs rgyas kun gyi yon tan ni// nga yi sems las byung ba ste// nga yi skra ni mi 'gyur ba'o// nga yi gsung ni ma bcos pa'o// nga yi thugs ni mau bcos pa'o// nga yi mdzad pa khyad par che// nga yi rol pa thabs la mkhas// nga yi byin rlabs 'dus ma byas// nga yi mthu stobs 'dzin rtog bcom// nga la nga zhes bya ba med// nga med bdag med phyogs med pa'i// 'dzin rtog med pa'i shes rab brdal// rtag chad med pa'i ye shes shar// yon tan ye nas che ba yi// 'di yi gong na sangs rgyas med// 'khor ba med pa'i pha rol na// mya ngan 'das pa'i ming yang med// 'khor ba nyid na yon tan che// ngan song med pa'i pha rol na// mtho ris bya ba'i ming yang med// ngan song nyid na yon tan che// sem so can med pa'i pha rol na// sas rgyas bya ba'i ming yang med// sems can nyid na yon tan che// nyon mongs med pa'i pha rol na// ye shes bya ba'i ming yang med// nyon mongs nyid na yon tan che// chos can med pa'i pha rol na// chos nyid bya ba'i ming yang med// chos can nyid na yon tan che// rnam par dag pa rgyu nas dag/ rang snang 'bras bu dang po nas//

  34. 110b

    'phags pa'i rang bzhin rgyu la rdzogs// sangs rgyas thams cad 'das pa'i skra// 'di ni yon tan che ba'i rgyud// ya nas che ba'i don yin te// phyogs bcu'i sangs rgyas thams cad dang // byang chub sems dpa' lha rnams dang // gang dag pho mo ma ning rgyud// 'khrul pas btags pa'i rgyu tsam dang // shes rab dman/ la bstan pa'i phyir// rmongs pa'i blo la snang bar zad// kun tu bzang po'i rang bzhin la// byang chub sems kyi rang bzhin ni// pho mo ma yin ma ni nga min// che chung ma yin rigs brgyud min// rtag chad ma yin mtshan mar min// phyi nang ma yin dngos por min// rigs dang kha dog bstan par med// med pa ma yin snying po'i don// rnal 'byor skal ldan rnams kyi rigs// don dang ldan pa'i sems la gsal// rang bzhin yongs kyi dag pa la// gnyen pos bcos shing dag tu med// mtshan nyid yongs kyi zhi ba la// stobs ldan tshad mas de ltar gsal// rgyu dang 'bras bu dbyer med la// mtshan nyid 'dzin cing rigs su 'byed// don dang 'ogal zhing brtag par dka'// rang sems gdod nas ma skyes na// 'pho zhing 'gyur ba'i gnas kyang med// btsal zhing sgrub pa'i sa yang med// med pa'ang ma yin 'gyur me/

  35. 111a

    sku// 'du 'bral med pa'i dbyings nyid la// bzang ngan spong len rnam rtog med// dbyer med che chung rim pa med// skye shi gnyis kyi mtshan ma med// med pa'ang ma yin khyab pa'i sku// mi 'byed mnyam pa'i spyod pa la// rang snang thabs kyi rgyal por rol// 'dus ma byas pa'i klong nyid na// bcos pa med/ pa'i ye shes shar// 'dzin rtog med pa'i chos nyid la// btsal ba med pa'i sems nyid gnas// gnas tsam nyid na rtog pa med// rtag med chad med bde ba che// 'gyur med rtsal med rang byung gnas// nga med bdag med phyogs rigs med// tshe med chung med gsang ba'i mkha'// bzang med ngan med kun bzang che// ma skyod ji bzhin dbyings na gsal// ma bskyed rdzogs pas rdzogs chen dang // bya bral med pas 'dus ma byas// smon du med pas rang la rdzogs// khams gsum snod btsud ma lus kun// bde ba chen po nyid kyi rgyun// yon tan che ba'i zhing khams la// ma lus par yang sangs rgyas so// ji ltar snang ba'i chos rnams kun// rang byung dag pa'i dbyings nyid la// rnam dag gling du sangs rgyas pas// yon tan chen po de ltar gsal// btsal dang bcas pas ma grub ste// ma btsal bzhag pas btsal bar

  36. 111b

    grub// sgro btags mtshan ma'i skyon rnams spangs// thams cad yongs su bde brdal na// yon tan chung ba gang yang med// thams cad kun bzang yon tan la// skyon du bya ba gang yang med// shin tu rnal 'byor gang yod pa// yon tan rgya chen rtogs 'dod pas// le'u 'di las btsal bar bya// kun tu bzang po che ba la rang gonas pa'i rgyud las/ yon tan gyi rgyu ye nas che ba'i le'u ste bcu dgu pa'o// // de nas sangs rgyas yi nas che ba 'di skad ces bka' stsal to// sangs rgyas ye nas che ba ni// 'khor ba sangs pas bde chen rgyas// snang srid sangs pas bde chen rgyas// ma rig sangs pas yang dag rgyas// gti mug sangs pas shes rab rgyas// de yang rtsol ba ma yin te// rtogs pa nyid kyi glong na sangs// rig pa nyid kyi dbyings na rgyas// sangs rgyas ye nas che ba yi// 'di yi gong na sangs rgyas med// phung po lnga po rigs lnga'i ngang // rigs lnga sangs rgyas ye shes glong // ye shes chen po btsal med pas// sangs rgyas ya nas che ba yin// 'byung ba lnga po yum lnga'i ngang // yum chen lnga po dbyings kyi glong // chos dbyings chen po btsal med pas// sangs rgyas ye nas che ba yin// rnam

  37. 112a

    par shes pa sems dpa'i ngang // sems dpa' chen po sprul pa'i glong // sprul pa chen po btsal med pas// sangs rgyas ye nas che ba yin// yum gyi rnam par shes pa'i ngang // 'khor gyi sems ma khyab pa'i glong // sprul pa chen po btsal med pas// sangs rgyas ye nas che ba yin// yan lag khro bo khro mo'i dang / khro bo khro mo rol pa'i glong // rol pa chen po btsal med pas// sangs rgyas ye nas che ba yin// 'jig rten drug po thub pa'i ngang // thub pa chen po 'dul ba'i glong / 'dul ba chen po btsal med pas// sangs rgyas ya nas che ba yin// dbyings dang rig pa bzang mo'i ngang // kun bzang yab yum gnas pa'i glong // gnas sa chen po bcol med pas// sangs rgyas ye nas che ba yin// sangs rgyas ye nas che ba yi// 'di yi gong na sangs rgyas med// gang zhig mtshan ma rtag 'dzin la// grangs dang sangs rgyas sbyar ba tsam// bgrangs kyang sangs rgyas bgrangs las 'das// bgrangs kyang mu med brjod las 'das// don dam du ni gang yang med// ji srid mtshan ma yod kyi bor// de bzhin sangs rgyas sku yang yod// ji srid mtshan ma med na ni// de bzhin sangs rgyas sku yang med// ji srid grangs rnams yod kyi

  38. 112b

    bar// de bzhin lha yi grangs kyang yod// ji srid grangs rnams med nas ni// de bzhin lha yi grangs kyang med// ma rig 'khrul pa'i sgo tsam du// grangs la brtags kyi mtshon par zad// don dam bcos pa med pa la// brdal ba'i sku gcig bsdus pa las// rigs dang rtags su gang la bstan// sangs rgyas ye nas che ba ni/ yod de dngos po ma yin te// chu zla bzhin du rang bzhin med// med de chad pa ma yin te// nam mkha'i dbyings ltar cir yang snang // gcig ste rtag pa ma yin te// don dam gcig tu thams cad 'dus// gnyis te phyal ba ma yin te// yongs la khyab pas brdal ba'i sku// phyogs char mi 'dzin rigs mi 'byed// gnyis su mi rtog par mi 'dzin// yongs la phrag yangs dog pa med// kun la mthun la dron dang 'tsham// bdag tu shes la gzhan sdud pa// sangs rgyas ye nas che ba yin// sangs rgyas ye nas che ba ni// btsal ba ma yin rtogs pa yin// grub pa ma yin gnas pa min// gzhan du ma yin bdag nyid yin// bdag nyid ma yin gzhan ma yin// gzhan ma ma yin phyogs rigs med// nus mthu ma yin byin rlabs yin// sprul pa ma yin rtsal cig spong // nyon mongs mi snang 'phro 'du'i/

  39. 113a

    tshul/ cir yang snang yang cir yang med// cir yang bstan te cir ma bstan// gang ltar snang yang gang du med// gang ltar brtags kyang gang yang med// med pa ma yin dran cing rig/ chad par ma spong rig cing rtogs// rtag par ma song dngos po med// gnyis su ma song rtag pa med// gcig tu ma grub kun la khyab// dang po bskyed pa'i rgyu med pas// tha ma 'chi zhing 'pho ba med// da ltar dngos po rdzas med pas// rtag pas chags shing bzung ba med// 'khor ba sgyu ma'i rdzas 'dra bas// bde sdug bzang nga ni don la med// mi rtag sdug bsngal rmi lam 'dra// gang la brtags kyang de la 'khrul// brtags pas chos ni gcig kyang med// med pa'am yin reg pa tsam// chu ni rgya mtsho nyid kyi rgyu// sangs rgyas rtog pa nyid lus byung // chos ni bcos pa med pa'i chos// rtags ni ma 'dres gsal ba'i rtags// don ni 'gyur pa med pa'i don// de ltar thob pa sangs rgyas zhes// ye nas che ba yin par bshad// rnal 'byor 'di rtogs bcom ldan 'das// shes par gyi sa la de la zhog/ sangs rgyas yi nas che ba'o// rnal 'byor skyes bu gang yod pa// sangs rgyas che ba 'ad rtogs na// le'u 'di las btsal bar bya//

  40. 113b

    kun tu bzang po che ba la rang gnas pa'i rgyud las/ sangs rgyas ye nas che ba'i le'u ste nyi shu pa'o// // de nas sems can ye nas che ba 'di skad ces bka' stsal to// sems can med pa'i sngon rol na// sangs rgyas bya ba'i ming yang med// sems can ye nas che ba yi// don 'di bstan pa 'di yin 'byung ba'i gtos su nam mkha' che// chos nyid gtos su chos can che// sangs rgyas gtos su sems can che// sangs rgyas sem sa can bskyed pas ni// / de phyir sems can srungs rgyas yum// sangs rgyas thams cad 'byung bas na// de phyir sems can sangs rgyas yab// snga rabs 'dres pa'i sangs rgyas kyang // snga rabs 'dras pa'i sems can yin// da ltar bzhugs pa'i sangs rgyas kyang // da ltar bzhugs pa'i sems can ya ni// slad kyis 'byon pa'i sangs rgyas kyang / slad kyi 'byon pa'i sems can yin// des na sangs rgyas sems can pas// sangs rgyas pas kyang sems che// brtags pas sems can thams cad gcig/ sems can gcig pas chos kyi sku// chos kyi sku yang sems can yin// sems can brtags pas dngos po med// dngos po med pas chos kyi dbyings// chos

  41. 114a

    kyi dbyings kyang sems can yin// sems can shes pas gsal bar go// gsal bar go ba ye shes te// ye shes nyid kyang sems can yin// sangs rgyas kun gyi 'byung gnas mdzod// de phyir sangs rgyas sems can med// sangs rgyas sprul btsir yang ston// ded phyir sems can sangs rgyas sras/ khams gsum sems can sku gsung thugs// srid pa gsum gyi dbyings kyi glong // rgyud drug sems can dron dam dang // mtha' yas sems can lam gyi mchog/ thabs kyi rgyal por gang shes pa// de nyid don rdzogs chos kyi sku// ma skyes shes rab don shes la// de nyid bcos med man ngag 'chang // rang byung rgyal po'i sems can la// rig pa'i rgyal po rnam shes shar// phung ba thig le chen por rol// rnam par dag pa'i bde ba brdal// skye mched ting 'dzin gsal la/ thabs kyi 'phro 'du gsal bar ston// gang la dpe bstan de bzhin du// de bzhin sems can dper bstan pas// bde ba chen po'i man ngag 'byung dag pas rtags pa kun kyang gtsang // rtogs pas bsams na gang yang 'grub// lta ba yangs pa'i nam mkha' la// 'dzin rtog med pa'i 'od brdal bas//

  42. 114b

    gang yang ma spangs lhan gyis grub// mu mtha' med pa'i shes rab la// skye ba med pa'i glong brdal bas// rnam par dag pa'i dbyings su mkhyen// ma byung ma skyes skye ba med// skye med tha skad sgro btags pa// nan gyis mkha' la 'dzin pa ltar// de dag rtags su mi snang bas// shes rab chung ldan 'khrul par 'gyu ra// tshig dang ldan yang don la sa go la// man ngag gdeng du yongs mi chud// gang zhig shes ra ba zhan pa yis// sgro btags chos la yi rang ba// long ba lam nor 'khrul pa ltar// dran grogs gcong rong nges par ltung // des na theg rgyal nges pa 'di// shes rab dam na la bstan mi bya// don du mi 'ong skur pa 'debs gang zhig ba ka' smos 'gal byed pa// don du mi 'gyur log pa'i lam// thar pa'i gnas med ltung ba'i sa// nor pa'i lam tshol 'khrul pa'i zhing // kun bzang ston pas yongs ma bshad// gang zag sgrin tshig mtshan ma rgyan// bde ba'i don med yug pa'i tshig/ ma rig rmongs la 'khrul pa'i sems// log pa'i lam tshol nga bor 'dzin// rang shed man la phyogs char 'dzin// don ldan snod can ma yin pas// bskal pa brgyad khri bzhi stong du// nges par don

  43. 115a

    la bzhugs mi bya// mkhas pa don dang mi ldan zhing // bden pa'i don por phyogs char 'dzin// tshig tu mkhas la don du g.yel// log pa'i las dka' bka' 'chol na// de ni bdud kyi bslu ba yin// skye bo'i gzugs la sdig las spyod// sdig pa don dang mi 'gal zhing // kun la spyod la kun spong zhing // gang dang 'thun zhing dul ba'i sems// spyod cing gang la'ang ma tshogs pa'i// ji ltar spyod dong bka' dang 'thun// gdeng chen don dang rtags pas 'thun// nges par bstan pa'i gzhung 'tshol na// de ni sangs rgyas sprul pa yin// yang dag bden pa sems can no// mnyam pa nyid kyang sems can no// spong len med pa'i spyod pa la// 'du 'bral med pa'i dam tshig srung // bzang ngan med pa'i lta ba la// phyogs ris med pa'i sgrub pa sgrub// bden pa'i don dang tshul shes na// semaso can yin na yin du zad// yin kyang sems can che ba yin// don ldan skyes bus shes par gyis// shin tu rnal 'byor gang yod pa/ sems can che ba rtogs 'dod na// le'u 'di las btsal bar bya'o// kun tu bzang po che ba la rang gnas pa'i rgyud las/ sems can ye nas che ba'i le'u ste nyi shu gcig pa'o// /

  44. 115b

    / de nas rtogs pa ye nas che ba 'di skad ces bka' stsal to// rtogs pa med pa'i sngon rol na// sangs rgyas bya ba'i ming yang med// rtogs pa ye nas che ba yi// don 'di bstan pa 'di yin no// mkhas pa mi gtso rtogs pa gtso// mkhas pa'i tshig ni than pa yin// rtogs pa chos nyid glong na 'phyo// bshad pa mi gtso sgom pa gtso// bshad pa'i tshig ni bshad ra mkhan// sgom pa lha dang gnyis su med// sgrub pa bas kyang rtogs pa rings// rtogs pa gdong du ma chud na// sgrub pas rtog pa'i/ tan la sgrub// sgom pas mtshan ma'i ngang la sgrom// rtsol ba nyon mongs zhen pas rtsol// rtogs pa ye nas che ba ni// snang srid rtogs pas ye shes che// phyi nang rtog pas thig le che// che chung rtogs pas mnyam nyid che// yangs dog rtogs pas glong chen che// bzang ngan rtogs pas bde chen che// bya btsal rtogs pas bde chen che// bde sdug rtogs pas byang chub che// rtogs pa'i glong chen phyogs ris med// man ngag don ldan dbye dbri med// bden pa'i don 'chang 'dzin rtog med// rang byung rang shar bya btsal med// thar pa'i gnas rigs spong len med// dbyings kyi bde brdal phyogs ri so med// rtogs na bcos med snying por rtogs// ston na rang byung 'bras

  45. 116a

    bur ston// thob na rnam dag bcos med thob// nyi ma shar bas mun pa sangs// rgyu ni thob pas 'dri ba nug/ lung 'di byung bas rtag chad bros// stong gsum ma lus g.yul ngo red// khams gsum ma lus tshar la ston// srid gsum ma lus tho les btag/ 'dzin rtog gnyis ni 'tshar med bzung // chags sdang gnyis ni dbang du byas// rtag chad gnyis ni rdul du brlag/ spong len gnyis ni phye mar btags// bzang ngan gnyis ni sprugs kyis bsres// sangs rgyas sems can gcig tu byas// mtho ris ngan song gcig tu gnas// bde ba chen po'i zhal du gsol// dmyal ba chos nyid dang du sbyangs// yi dgas bkres skom ram gyis bsregs/ byol song gti mug yaM gyis bus// mi yi sdug bsngal khaM gyis bkrus// lha min 'thab rtsod l-i gyis zhi// lha yi phrog dag e yis sbyangs// thams cad bde chen dbyings su btsud// bdag nyid chen por sangs rgyas par// gzhan du bya ba ming yang med// sangs rgyas mdzad pa de ltar mdzad// rtogs pas spyad pa de ltar spyod// nam mkha' yangs pa'i mtshan nyid la// dngos po mtshan ma kun shong ltar// rtogs pa yangs pa'i lta ba la// 'dzin rtog mtshan ma ci yang shongo // shong ba bas

  46. 116b

    kyang yangs kyang yangs// snang srid rtogs pas phyi ru bde// don dam rtogs pas nang du bde// dbyer med rtogs pas gnyis med bde// sems can sangs rgyas yin rtogs na// gzhan nas sangs rgyas nor pa'i lam// snang srid sangs rgyas yin rtogs na// gzhan nas chos nyid nor ba'i lam// thams cad 'dus pa'i dbyings nyid che// ma lus 'dus pa'i thig le che// kun la rtogs pa'i ye shes che// gang zhig rtogs med shes rab 'chal// rmongs pa 'khrul ba'i bye ba nor// don dang mi ldan nor pa des// gang yang mi shes don mi shes// ci yang mi rtogs dron mi rtogs// sangs rgyas byang chub sems dpa' yang // gang mi rtogs na de yi bdud// bdud dang log pa'i phyogs rnams kyang // gang gis rtogs na de yi lha// lta ba'i rgyal pos dmig dpung drangs// skye shi med pas g.yul ngo sprad/ bzang ngan med par lhun gyis bskyed// phyogs ris med par tho les btab// dngos po mtshan ma gtan nas rlag/ rigs lnga'i sangs rgyas thugs ngan sangs// rtogs pa'i rgyal po 'gyod po med// lam ni nye lam bder rdzogs pa// bcos pa med pa'i chos nyid lam// sa ni rang bzhin lhun rdzogs

  47. 117a

    pa// kun tu bzang po bcos med sa// don 'di dang la su gnas pa// rtogs pa ye nas che ba'o// don rtogs rnal 'byor shes par gyis// don 'chad rnal 'byor gang yod pa// rtog pa che ba tshol 'dod na// le'u 'di las btsal bar bya'o// kun tu bzang po che ba la rang gnas pa'i rgyud las// rtog pa ye nas che ba'i le'u ste nyi shu gnyis pa'o// // de nas yang kun tu bzang po che ba la rang gnas pa'i rgyud 'di rtogs par 'dod pa rnams kyis// rang gnas chen po dgu yi don 'di yid la zung zhig/ de yang gang zhe na/ rgyu dang 'bras bu med par ye shes su gnas pa dang / 'khor ba dang mya ngan las 'das pa thams cad ma skyes par rang gnas pa dang / phyi nang snod bcud kyis bsdus pa thams cad chos kyi skur gnas pa dang / sangs rgyas dang sems can gnyis su med par rang gnas po dang / bde ba dang sdug bsngal thams cad bcos pa med par rang gnas pa dang / bzang ngan thams cad ma bcos par rang gnas pa dang / mtho dma' che chung thams cad ma bcos par rang gnas pa dang / skye shi dang 'pho 'gyur thams cad mi 'gyur bar rang gnas pa dang / blang dor chags sngad

  48. 117b

    phyogs rigs med par gnas pa'o// rgyu dang 'bras bu btsal ba med par ye shes su gnas pa ni/ brgyad khri bzhi stong chos rnams dang // rgyu 'bras chos rnams theg pa cir bstan pa// gsapa nyid nges par dbyings gcig pas// rim pas btsal zhing bsgrub tu med// dbyar dgun ston da pyi de la sogs pa/ rgyu 'bras rim gyis gsung ba yang // dus gsum 'gyur ba med pa'i phyir// rgyu dang 'bras bur bstan pa med// rang sems sangs rgyas ma yin na// mching bu nor bur mi 'gyur bzhin// las dang las min cir btsal yang // sangs rgyas byang chub thob pa med// rgyu nyid 'bras bu yin shes na// sa gser bzhin du ye dag pas// sangs rgyas ye nas yin pa la// btsal ba'i bsam pas dbyings mi skyod// sangs rgyas ma 'tshol sems la yod// byang chub sems ni rin po che// nyes pa spyad kyang dpal du che// bya btsal med par lhun gyis grub// rgyu nyid ma btsal 'bras bur gnas// thams cad dbyer med rang bzhin/ dag bsgrub cing grub pa'i 'bros bu ni// btsal mdo rang la rdzogs par gnas// rgyu dang 'bras bu btsal ba med// kun tu bzang po che ba la ring gnas pa'i

  49. 118a

    rgyud / sa yod pa smra/ gyis chu pas shes su ga sa pa ma shugs thA 'khor ba dang ma ngan las 'das pa btsal ba med par rang gnas pa gsungs pa/ 'khor ba'i chos dang ma ngan 'das// gnyis su bstan pa tshig la nor// ma skyes rang bzhin rnam par dag/ kun tu bzang po nyid kyis gsungs// thar pa thob ces brtags pa yi// skra dang ye shes che ba yang // ngan song 'khor ba'i sdug bsngalo yin// ma skyes dbyings su yon tan gsal// khams gsum 'khor ba'i chos 'di la// phyin ci log tu rnam brtags kyang // rang bzhin ye nas gnyis med pas// sgyu ma 'dra ste grub pa med// de bzhin chos rnams thams cad kyang // dbyer med ngo bo tshul gcig pas// rang bzhin gdod nas ma skyes phyir// bcos pa med par rang bzhin gnas/ skye dang mi skye la sogs pa// smig rgyu 'dra ste rang bzhin mod// de bzhin chos rnams thams cad kyang // dbyer med ngo bo tshul gcig pas// rang bzhin gdod nas mo skyes phyir// bcos pa med par rang bzhin gnas// skye dang mi skye la sogs pa// sgyu ma 'dra ste rang bzhin med// de bzhin brtan g.yo la sogs kun// /

  50. 118b

    don gcig gnyis med tha mi dad// thams cad de yang byang chub sems// sangs rgyas nyid las rim gnyis med// ma skyes pa yi rang bzhin la// ma bcos pa nyid bla ma yin// kun tu bzang po che ba la rang gnas pa'i rgyud las// 'khor ba dang mya ngan las 'das pa ma btsal bar rang gnas pa'i le'u ste nyi shu bzhi pa'o// / de nas phyi nang snod bcud chos kyi skyer ma btsal bar rang gnas pa'i don 'di gsungs so// phyi yi 'byung ba la sogs pa// yul gyi snang ba thams cad ni// ma byung ma skyes chos kyi dbyings// mi skye mo 'gag spos dang bral// rang bzhin yongs kyi zhi ba la// rgyu dang rkyen la ma ltos te// dus gsum 'dus ma byas pa'i dang // mtha'o dbus phyogs rigs med pa'i ngang // chos nyid ma skyes glong du brdal// de bzhin nyid kyis gar khyab pa// rang rig ye shes chen por rol// dngos med dngos bral byang chub sems// chos nyid de bzhin pa nyid la// rig pa'i de bzhin nyid gnas pas// dbyer med gnyis su med pa ni// chos kyi sku zhes de la bya/ dus gsum 'pho 'gyur med pa la// skye shi med pa'i g.yung drung du// yaM nas chos skur gnas pa la// sangs rgyas gzhan nas btsal mi dgos// chos sku

  51. 119a

    sems su byin brlabs pas// sku yi khyad par cir snang yang // byang chub sems las gzhan med pas// btsal mi dgos par rang bzhin gnas/ de bzhin thams cad sangs rgyas pas// chos sku byang chub sems gnas pa// ma btsal mi bsgrubs ye nas dag/ de la bcos med ye gnas pa'o// kun tu bzang po che ba la rang gnas pa'i rgyud las/ phyi nang snod bcud thams cad chos kyi skur ma btsal bar rang gnas pa'i le'u ste nyi shu lnga pa'o// // de nas sangs rgyas dang sems can gnyis su med par ma btsal bar rangaganas pa'i don gsungs pa/ thams cad mkhyen pa'i sangs rgyas dang // ma rig 'khrul pa'i sems can gnyis// che chung khyad par byung ba yang // gser mgar 'dra ste gzhi snang gcig/ rtsi 'khrungs nags tshal thams cad kyang // sbyor shes na ni sman yin la// sbyor ma shes pas dug 'gyur bzhin// sangs rgyas sems can de bzhin no// ma bcos sems kyi chos nyid la// byang chub sems la 'gyur med na// rin chen gling du phyin pa ltar// sangs rgyas sems can btsal du med// chos dang sems dang nam mkha' la// rnam pa'i mtshan ma cir btags kyang // cis kyang mi 'gyur 'grub

  52. 119b

    med pas// ma bcos gnyis med ye sangs rgyas// 'bras bu smin pa'i ske ma la// sa bon nyid las gzhan ma yin// bla na med pa'i sangs rgyas kyang // sems can sems las gzhan ma yin// de bzhin rgyu 'bras rnam pa yang // ya nas gnyis med byang chub sems// bde ba chen por ye brdal bas// ye nas gnyis med kun tu bzang // gser bzhin ma bcos rang bzhin nas// rang bzhin gdod nas dag pa la// tshig dang ye gas bcos su med// gang ltar smad kyang thog ma'o// kun tu bzang po che ba la rang gnas pa'i rgyud las/ sangs rgyas sems can gnyis su med par ma btsal bar rang gnas pa'i le'u ste nyi shu drug po'o// / / de nas bde ba dang sdug bsngal ma bcos par rang gnas pa'i don gsungs pa/ bde dang sdug bsngal gnyis med pa// rang 'dod bcos pa'i smon pa yin// ye nas de ltar gnas pa ni// kun gzhi kun tu bzang por gsungs// nam mkha' bzhin du ye gsal ba// rtog dang mi rtog gnyis med pas// mtho rigs ngan song btsal du med// de rtog byis pa'i spyod yul yin// rang bzhin med pa'i chos nyid sems// ye nas kun tu bzang po la// gtsang dang sme ba gnyis med/

  53. 120a

    ltar/ bde sdug rtogs pa nyid du gsal// rang sems 'gyur ba'i chos can ngan// bde dang sdug bsngal rim par nges// sems kyi chos nyid 'gyur med pas// bde sdug btsal yang rnyed mi 'gyur// thams cad rang gi sems yin na// sdug bsngal nyid kyang bde ba'i glong // rang byung ye shes yin// pas na// ngan song nyid kyang sangs rgyas zhing // mnyam pa nyid du lhun grub pas// phyogs dang rigs su btsal du med// ma bcos ya nas kun tu bzang // bde dang sdug bsngal gnyis su med// byang chub sems nyid bde chen po// rgyu nyid dag pas 'bras bu che// tshig dang yi ge las 'das pas// btsal med lhun grub/ rang gnas pa'o// kun tu bzang po che ba la rang gnas pa'i rgyud las/ bde ba dang sdug bsngal ma btsal bar rang gnas pa'i le'u ste nyi shu bdun pa'o// / / de nas yang bzang ngan dang gtsang sme med par rang gnas pa'i don gsungs so// ma rig mun pa'i g.yung drung la// ye shes nyi ma shar ba ltar// rtog dang mi rtog rang bzhin la// byang chub sems gsal bzang ngan med// bdud rtsi chen po'i rang bzhin la// dug dang bdud rtsi gnyis med ltar// byang chub

  54. 120b

    sems kyi rang bzhin la// skyon dang yon tan ming yang med// ngan pa nyid dang bzang ba med// skyon rnams yon tan nyid du dag/ mi gtsang ba las gtsang ba med// dug nyid bdud rtsi'i rang bzhin pas// gnyis med don 'chang ye nas dag/ bya med smon du med pa lo// 'du byed btsal ba shin tu rmongs// ma bcos thig ler ye nas dag/ med la yod par 'dzin pa'i chos// nam mkha' bgo bsha' byed pa bzhin// tshe tshad las la grub med pas// gzhan du rnal 'byor ma rtsol cig/ don med sgrin tshig sgra phyir 'brang // theg pa nges med sa ma zin// nges pa'i man ngag rtog par gol// don med de 'dra gnas ngan 'khyam// de bas 'gyur med byang chub sems// rdzogs chen 'di la gang spyod pa// de ni kun bzang nyid yin pas// bzang ngan gtsang sme gnyis su med// man ngag don dang ldan pa'i glong // sems ma yengs pa dgongs pa'i don// 'di ltar spyod pa'i rnal 'byor pas// sapas rgyas nyid du rang gnas pa'o// kun tu bzang po che ba la rang gnas pa'i rgyud las/ bzang ngan dang gtsang sme med par rang gnas pa'i le'u ste nyi shu brgyad pa'o// // de nas mtho dman dang che chung med par

  55. 121a

    ma btsal bar rang gnas pa 'di ched du brjod do// theg pa'i rim pa mtho dma' dang // shes rab rtogs pa che chung ni// gar mkhan lag gi 'du byed bzhin// cir yang bstan te cir yang med// rang bzhin tshig tu ma nges na// sku gsung thugs kyang so sor snang // shes pa gcig tu ma gyur pa// byang chub sems kyang so sor go/ de bzhin nyid las gzhan med na// mi mthun rnam pa spyir bstan yang // ye shes nyid la mnyam pa med// tshig dang yi ge brjod los 'das// stong gi 'jig rten nam mkha'i khams// ji snyed thug pa med pa dang // til 'bru rta rnga bcur gshags rnams// ma skyes glong du che chung med// kun gzhi ma byung ma skyes pa// ye nas rnam par dag pa la// sangs rgyas che bas ma bcos la// sems can chung bas bcos su medo// chos rnams sems su sangs rgyas pas// ji ltar 'dod pa bsil bar 'gyur// mya ngan 'das dang 'khor ba'i chos// che chung med par rang gnas pa'o// kun tu bzang po che ba la rang gnas pa'i rgyud las/ mtho dman dang che chung med par rang gnas pa'i le'u ste nyi shu dgu pa'o// // de nas skye shi dang 'pho 'gyur med

  56. 121b

    par ma btsal bar ye shes su rang gnas pa 'di rjod do// sems dang chos dang nam mkha' la// dang por bskyed pa'i rgyu med pas// tha mar 'chi zhing 'pho mi 'gyur// de bzhin thog ma tha ma med// 'das dang ma 'ongs da ltar du// tha tshig rtags par gang la 'gyur// dus gsum dus ni med pa'i phyir// sngon dang phyis med gdod nas dag/ skad cig yul la bskal pa'i grangs// ring thung bye brag grangs bstan pa// rnam rtog rmongs pas 'gyur snang yang // chos nyid du sau las 'gyur snang med// de bzhin tshe tshad la sogs pa// lus med grangs kyi grangs bstan yang // rmi lam pham rgyal bgrang ba bzhin// grangs dang ring thung btags pas nor// bdag gis bskal par bgrangs gyur kyang // thog ma nyid las 'gyur ba med// mtha' dbus phyogs rigs cir bstan yang // thig le'i ngang las nyams pa med// 'jigs pa'i bdud dang dgrar snang yang // sems la gzung 'dzin bsad du med// snang srid me dang chur gyur kyang // byang chub sems la 'gyur ba med// med pa ma yin cir yang gsal// gsal tsam nyid na phyogs rigs med// yod med brjod pa'i tshig 'das pas// mi 'gyur g.yung drung

  57. 122a

    nyid gnas pa'o// kun tu bzang po che ba la rang gnas pa'i rgyud las/ skye shi dang 'pho 'gyur med par ye shes rang gnas pa'i le'u ste sum cu pa'o// / / de nas yang blang dor dang phyogs rigs med par rang gnas pa 'di tshod du brjod do// skyon rnams byang chub sems yin pas// smyon pa'i sems kyang yod med de// ji ltar legs par sprad po che// kun bzang don gyi spyod yul yin// yon tan nyid kyang gzhan med do// ji ltar snang ba thams cad kun// ye nas btsal med de bzhin nyid// gzhan nas rgyal bas botsal du med// tshad med blang dor spyod pa'i chos// nam mkha' 'dra ste grub pa med// mkhas pa ye nas yod mi 'dzin// de la cir yang 'gyur ba med// ma btsal rang sems sangs rgyas pas// bde chen gzhan du 'tshol ba ni// brtags shing btsal kyang mi rnyed pas// de bas ma rtogs sems nyid 'tshol// rnam rtog nyid kyang ye shes pas// log rtog zhe sdang gang na yod// phyogs rigs med par zhe sdang glong // phyi nang med par ye shes dang // bzang ngan che chung mnyam pa nyid// skye 'chi 'gyur med byang chub sems// 'khor ba'i log rtog mtshan ma'i chos// mkha' la 'ja' tshon snang ba bzhin// brtags shing btsal bas mi

  58. 122b

    rnyed pas// de bas ma rtogs sems nyid la// ji ltar bstan pa bde ba che// gang ltar sprad pa kun tu bzang // nges pa'i don du nyid gnas pas// don 'di ma rtogs med pa'o// kun tu bzang po che ba la rang gnas pa'i rgyud las/ blang dor dang phyogs rigs med pas mo btsal bar ye shes su rang gnas pa'i le'u ste sum cu gcig pa'o// / / de nas yang ston pa kun tu bzang pos skye shi med pa'i sems kyi 'khor ba la sogs pa rnams ma gsungs par tshig 'di ched du brjod do// kun tu bzang po'i man ngag 'di// / ming tsam 'dzin par gang byed pa// chos nyid rtogs pa shar bas na// sangs rgyas kun gyi rje btsan yin// 'di thos sangs rgyas lag tu len// thams cad kun gyi bdag nyid du/ rgyud 'di 'dzin pa'i shes rab gnas// man ngag 'di nyid yin shes na// kun tu bzang po ngas bshad de// gang zhig gang la rtogs 'dod pas// man ngag 'di la lta bar gyis// de skad ces gsungs pa med pa'i kun tu bzang pos bka' stsal pa/ phyogs ris med pa'i snang srid thams cad gnyen pos ma bcos pa'i thabs kyis rtogs pa gcig tu med/ thob pa med pa'i sku thob pa/ grub pa med pa'i 'bras bu thob pas/ rang bzhin btsal ba med par sangs rgyas pa'i don du sus kyang ngam

  59. 123a

    bslabs par shes so// man ngag gis kyang ma bstan par rig go// lta ba thams cad kyi rgyal po kun tu bzang po che ba la rang gnas pa'i rgyud chen po rdzogs so// / bod skad du/ spyod pa thams cad kyi rgyal po brtson po don ldan gyi rgyud/ bcom ldan 'das dpa' kun tu babrang po thabs mkhas pa de la phyag 'tshal lo// 'di skad bstan pa'i dus do na/ bcom ldan 'das dpal kun tu bzang po ma skyes pa'i rang bzhin med pa'i dbyings na bzhugs pa'i tshe/ rdo rje sems dpas mi g.yo ba'i ting nge 'dzin las langs nas/ ston pa kun tu bzang po la 'dres pa chen po don gyis phyag 'tshal nas// 'di skad ces gsol to// bcom ldan 'das sems can thams cad ni lus ngag yad gsum gyi las la spyod cing / des khams gsum la spyod na/ lus kyi spyod pa gang ltar spyod cing / lta ba gang dang ldan pa dang / ngag gi las spyod pa gang ltar spyod cing / lta ba gang dang ldan pa dang / sems kyi spyod pa gang ltor spyod cing / lta ba gang dang ldan po dang / thabs kyi spyod pa gang ltar spyod cing / lta ba gong dang ldan pa'i don dang ldan pa/ bcom ldan 'das kyis lung bstan du gso lo// bde bar gshegs