Q3054MW1KG13126_3054rgyud 'grelAll versions of this work

'phags pa lag na rdo rje gos sngon po can gyi sgrub thabs

Āryanīlāṃbaradharabajrapāṇisatvanepika

Text

ff. 226a–228a · 5 folio sides

  1. 226a

    dgra bzhin spang // yid bzhin nor bu rang gi srog bzhin blang // srung dang blang sogs bca' thabs mkhas pas bya// des ni rtag tu bde ldan sdug bsngal spang // bdag gis thabs 'di brtsam par mi rigs kyang // bslab pa gnas phyir nor bu len byed brtsams// 'di las bdag gis bsod nams ci thob pa// des ni thams cad bde bar gnas par/ shog/ dam tshig gi rgyan rdzogs so// // spyir sdom pa la// bsnyen gnas sdom pa nya stong ngam// tshe brgyad gang na gang ngo // dge bsnyen sdom pa la/ dbye na sna 'ga' srung ba'i dge bsnyen rtsa ba lda nas 'ga' snyan pa'o// tshangs par spyod pa'i dge bsnyen ni// rtsu ba las 'dod chags rang gi bud med min pa spangs pa'o// yongs su rdzogs pa'i dge bsnyen la lugs gnyis te/ rtsa ba lnga ka srun pa'o// yongs su rdzogs pa'i dge bsnyen la// dge tshul gyi sdom pa nas phyi dro'i kha zas kyi bar du bya ba nas// khyim pa'i rtags spang ba de gnyis min pa bcu'o// dge tshul gyi sdom pa la bcu gsum mo// dge slong la khrims nyis brgya lnga bcu rtsa gsum mo// byang chub sems kyi sdom pa la nyi shu tham pa sngags kyi dam tshig la rang gi dam tshig dang sngags pa'i gnyis so// de tshe yod tshad/ yang ldan du brtsi sngags kyi sdom pa'i khog tu brtsi gsung // // 6/ gos sngon can gyi sgrub thabs bzhugs/ @#// rgya gar skad du/ Ar+ya nI lAM ba ra d+ha ra badz+ra pA Ni satwa ne pi ka/ bod skad du/ 'phags pa lag na rdo rje gos sngon po can gyi sgrub thabs/ dpal ldan gos sngon can la phyag 'tshal lo// 'gro ba sems can mun 'thobs pa'i// kun nas dkris pa'i nyon mongs kun// sgron mes bsal phyir

  2. 226b

    sgrub pa'i thabs// dpal ldan rdo rje 'dzin pa gus bdud de// bla ma brgyad pa'i man ngag ni// klu'i byang chub nyid kyis rim bzhin bshad// rigs rnams 'os su grub pa yi// sngags pa yon tan kun ldan pa'i// yid 'ong bkra shis bde gnas su// bla med rgyu ru rab gnas la// snying ga ra nyi zla hAM bzhag sde// byin rlabs blta ste bka' bsgo la// 'od kyis bgegs bsal thog rnams dbab/ br-i ki tshig da nga yang dag lAn// tAM mas khrod brer da Sha bros pas// rdo rje 'khor lo ral gi deng // me i khang pa yongs sra/ dbrakra// badz+ra rukra da nA dang // dzA wa raM yang yongs sa brjod// g.yas pa'i nga dang g.yon pa'i a// snying rjes bgegs ga sos byer bar 'gyur// rgyud 'os gyur nas rang byung kI/ de 'od las byung nyi dkyil du// slob dpon sangs rgyas bcas spyan drang // tham mi bskyod gzugs 'dzin la// phyag 'tshal phyi nang bzhi yis mchod// sdig pa bshags nas sdom pa gzung // yi rang bskul dang gsol ba gdab// bsngo dang skyabs 'gro sems bskyed de// tshad med bzhi po yongs su bskyed// rgyu dang mi rgyu'i rnam pa kun// thams cad yongs su dag pa las// rang 'byung sngags bskyed 'byung ba yis// gzhal yas khang du rab tu bcas// gru bzhi pa la sgo bzhi pa// ka ba brgyad dang rin chen mdzes// dra ba dra phyed pha gu dang // dar dpyangs rta babs rnams dang ldan// seng ge 'khor lo nyi zla'i gdan// de steng hUM las rdo rje gyur// de las dpal ldan gnyis kyi bdag/ nyon mongs kun sel gtum po'i gzugs// rigs lnga'i sangs rgyas dbu la brgyan// mthing kha gos sngon sku la gsol// rdo rje dril bu lag na thogs// thun mong las dang

  3. 227a

    rjes mthun no// mchog kyang thogs pa med par ro// sbrul bzhis lus pa rnam par brgyan// spyan dmar mche gtsigs sbrul nag za// rin chen dpa' bo chos kyis brgyan// brkyang/ bskum khro bo brjid pa'i zhal// gsus khyim che zhing 'jigs pa can// de gsal mdun du ye shes dgug/ bgegs bsal mchod deng gtor ma sa mnyes// e ma ho dpal ldan gos sngon can// lus kyi rtog pa bsal ba'i phyir// ye shes thugs rje chen po'i ngang // bdag lus ye shes skur byin rlobs// ces gsol ba gdab bo// de nas sku gsung thugs gnas su// yig 'bru gsum las 'od byung nas// mi sdug yig 'bru 'od kyi gzugs// bsdus shing ba sregs te sbyangs pa las// ye shes gsum ni gnas su bzhag/ ye shes rigs lngas byin gyis brlab// dbang bskur mi bskyod rigs lngas brgyan// oM sarba ta thA ga ta gu h+yaM a b+hi Shiny+tsa// zhes bya ba'i sngags kyis// ngag yongs su dag par byas te/ gsang sngags bzlas so// gsal ba rnam gnyis rigs dang bri// bdag dang gzhan gyi rnam pa la// gsal bar byed pa de nyid do// rgyud rnams sbyangs pa'i bzlas pa ni// rags pa dang ni phra ba'o// rags pa gnyis te ba thag dang // ba thag med de gnyis ka la// mgal me phreng ba nyi ma'i tshul// phra yang gsum du 'byung ba ni// hUM bskul ba sreg pe raM yin te// lte bar bkru ba spyi bo a// mtshan ma 'dod pa'i bzlas pa la// rnam pa lngar 'dis ma byas pa// 'od zer dkar dmar 'phro 'dre dang // ba thag gzings de dmigs pa med// snying gar bskor ro mtshan ma 'byung //

  4. 227b

    raM da nga hUM las me byung bas// ye shes lus su gsal bar snang // grub dang thon pa'i rtags gsum las// 'od sgra skra sngon sgyu ma dang // tshegs dang gtor mas bzlog par bya// de rjes sangs// rgyas lung ston 'byung // grogs ni khrus dang sreg dang tshe// bdud rtsi klog 'don maN+Dal dang // tshogs dang sbyin sreg bsad pa dang // sAts+tsha gtor ma la sogs pa// 'di yang grogs su 'gro/ ba yin// de nas gser la sogs pa 'grub// mchog 'dod pa yi sems can gyis// thabs dang shes rab 'khor lo bzhi// snying nas sbyor ba gsum gyi rtsa// yi ge thig les yang dag mtshan// dbus su thabs dang shes rab 'bar// dbu ma dbyings nas sprul pa ru// ye shes gsal ba dbyings la thugs// de tshe mi gnas bsam dang bral// 'gro ba'i tshe dbang gang gi rdza// kha phye ba yi nang nas thi le bsam// ba thag phug nas thig le la// thim mo de la blo gtad pas// mtha' 'das rang bzhin med pa'o// 'jug pa ba thag bzhi po yang // srid gsum 'joms pa'i/ rang bzhin te// stong pa ba thag bzhi por thim// dbang po thig le med pa la// dbu ma chen po'i dbyings nyid du// ye shes phra mo las kyis spros// 'byung 'jug phra ba'i ba thag ni// skor bdun 'od dang 'gro ba 'grub// rtags lnga la bzla phyag rgya yi// ye shes chen po thob par 'gyur// 'di ni gang zag snod can la// gang zag tshul 'chos g.yo can rnams// ga sang sngags phrag khyer ngan song rgyu// de la sbyin par mi bya'o// tshul bzhin bsgrub pa'i gang zag la// dngos grub klu mo mkha' 'gros ster// brgyud pa'i rim pa man ngag 'di bkod pas// tshig dang don la nyes pa

  5. 228a

    yang yod srid// rigs lnga bde bar gshegs pa dang // mkhas pa rnams la bzod par gsol// khengs pa rnyed pa bkur sti la sogs min// phyi rabs rtsod pa'i dus su sos can dngos grub 'brang // 'di brtsams pa yi bsod nams gyis// khams gsum sems can ma lus kun// rags dang phra ba'i rtog pa kun spangs nas// yongs su dag pa'i sa thob shog dge slong klu'i byang chub kyis mdzad pa'i sgrub thabs rdzogs so// 6/ gos sngon can tu bathabs kyi mdangag tu zer bshad pa klazlas kyis mdzad pa bzhugs so/ @#// rgya gar skad du/ Ar+ya nI lAM ba ra d+ha ra badz+ra paNi satwa no pi ka nA ma/ bod skad du/ 'phags pa lag na rdo rje gos sngon can gyi sgrub thabs kyi man ngag rgya cher bshad pa'i 'grel pa// dpal phyag na rdo rje la phyag 'tshal lo// 'khor ba'i sdug bsngal chu bo skems mdzad pa// mthu ldan bde ba chen po'i bdag nyid de// nyi zla lta bur 'gro don mdzad pa'i mchog/ sman mchog rdo rje can la phyag 'tshal lo// rang bzhin rig pa stong pa chen po dang / gnyug ma bde ba snying rje chen po dang // bde ba chen po mtha' bral rdo rje 'dzin// phyag rgya chen po rang bzhin 'bras bu dngos// de nyid thob pa'i lam ni yod dang med pa yi// phyag rgya bzhi po lam gyis grol ba'o// de bzhi stong pa'i rang bzhin chen po ni// stong pa bdag med lam gyis grol zhes gsungs// de bzhin tshogs lam sbyor ba'i gnas skabs dang // mthong lam sgom lam mthar gyi lam gyi ni// gnas pa'i ye shes byang chub ngo bo lam// thob cing grol bar kha cig de skad gsung // da ni rtsa ba'i don bshad par bya ste// 'gro ba sems can mun 'thobs pa'i// kun nas

Colophon

dge slong klu'i byang chub kyis mdzad pa rdzogs so/