Untitled work
Text
ff. 204a–204b · 2 folio sides
- 204a
byang chub sems bde ba phra bkod pa rdzogs so// / rdzogs pa spyi gcod bzhugs/ bcom ldan 'das bde chen rdzogs pa'i klong la phyag 'tsha lo// byang chub sems ni kun tu bzang // bdag dang gzhan don gnas med pas// lhun gyis rdzogs pa'i ngang nyid la/ skye dang 'chi med 'gyur ba'i chos medo// dag pas bdud rtsi chen po yang // mi 'gyur gsal bas gser bzhin te/ dge sdig so sor bcings pa yis// rnam grol thar pa bcings pa ha// gang gis de ltar mi rig ste// don meng sgra phyir 'brangs pa yang // dge sdig gnyis ka'i phyogs 'dzin pas// dmigs med ldongs nas 'gro ba ha// dkar bas dkar ba'i nyi ma med// gnag pas gnag pa'i mun pa med// zhi bas gsal ba'i thig le la// lhag pa'i lha yang yod ma yin// mu med brdal ba'i gnas pa'i phyir// thad du ni gcig pu nyid// nam mkha' lta bu'i bdag nyid la// seni med cing sangs rgyas med// rig pa med cing sangs rgyas med// bri ba med cing 'phel ba med// dus gsum thig le bde ba'i phyir// su la phan med gnod mi 'gyur// rnam par dag pa'i snying po la// mngon sum lhun gyis grub pa hA// mi snang 'gyur ba med pa ni// shes rab thabs las 'das pa'i phyir// lam dang byang chub med pa ste// med pa'i snying po shar ba ha// skal ldan gang zhig 'byung ba yi// don du gsung ba'i dgongs spyod kyang // 'di don gdings dang ldan pa yis/ gang ltar spyad kyang me tog skye// yang dag nges pa'i lung 'ong yang / rang rig klong du khrol 'dod pas/ sems kyi klung du brnag pa la/ pha la la spro bar mi
- 204b
bya'o rdzogs pa spyi gcod ces bya ba rdzogs so// / 'ams bcur slob sa/ bcom ldan 'das kun tu bzang po la phyag 'tshalo// khams gsum las 'das yid bzhin nor bu rin po che// bgrong med rnam par grol ba'i lam ston pa// gzhan nas btsal bas rnyed par mi 'gyur te/ big le chen po kun la khyab par gnas/ rang byung ye shes ma bcos 'od gsal ba// bde chen btsal du med pas snying po'i don// snang mdzad nyid ni rtag par kun tu bzang // gnyis med bde ba'i ngang ste lhun gyis grub/ g.yung drung chen po'i klong du shar ba yin// bde ba chen po'i longs spyod rdzogs pa yang // rtog sbyong mtshani ma kun las 'das pa'i phyir// drang srong chen po nyid kyi spyod yul yin// zang sku gsung thugs kyi dkyil 'khor la// gos te rtogs pa'i klong du mnyam bzhag nas/ grub pa'i khyad par mngon du shar ba'i tshe// khams gsum kun kyang bdag gi zhabs la 'dud dang byang chub kyi sems khams gsum sgron ma rdzogaso// / skye'i kyis 'azhug/ bcom ldan 'das dpal ba ba chen po'i snying po la phyag 'tshalo// byang chub sems ni nges pa las// yang dag snying po gsal ba ni// thams cad ma lus brdal ba dang // kun nas yongasu zlum pa ni// phyi dang nang gi chos rnams kun// rgyu 'bras khyad par brdul ba dang // bye byed yul las 'das pa yid yang dag snying po bde ba'i klong // bdag gzhan phyogs las 'das pa'i phyir// bstan cing thos pa'i yul med/ tha snyod med pa'i byang chub sems// snying po yang dag thig le ho// snod dang sring dang chos rnams kun