rDzogs chen - Sems sdeAll versions of this work

Untitled work

Text

ff. 211a–219b · 18 folio sides

  1. 211a

    mkhan po shri sing+ga dang / bod kyi lo ts+tsha ba chen po bai ro tsi nas bsgyur ba'o// / byang chub kyi sems khyung chen bzhugs// / de nas bcom ldan 'das dpal rdo rje sems dpa' la sogs kyis shin tu gus pas phyag 'tshal nas// bcom ldan 'das kun tu bzang pos rnam par grol ba'i lam la bzhug so// bde bar gshegs so// bstod cing mi smra bar 'khor lnga 'khor 'dug// de nas bcom ldan 'das dpal kun tu bzang po nyid kyis nyid che ba'i lhun la bzhugs te brjod pa// dmigs pa'i yul med mi rtog chos kyi lam// mi gnas thig le ji bzhin nyid kyi lam/ rang byung ye shes kun tu ji bzhin gnas du yul med mi gnas gnyen pos bco su med// spyos bzhis don brtsol khyad par don med pas// gzugs med chos sku bsgom pa ga la yod// sems ni gzhi ste chos rnams sna tshogs lam// mchog tu stong pa de bzhin chos la gnas// gnas dang mi gnas rang bzhin nyid kyi lam// ji bzhin nyid du bsgoms pas brnyed mi 'gyur// chags pas grol bar 'di la 'dod pa min// dbang po rno btul chos lam 'dzin pas kyang brnyed pa'i yul med snying po mi 'byung zhing // dpag cing gzhal bas 'di la dpogs pa min// na mkha'i mtha' bzhin gang yang mthong ba med// stong pa'i stong pa nor bu rin chen bzhin// dmigs pa med cing 'gyur bar mi byed par// rang bzhin gnas pas re ba zang bskongs// brtags med bzhag na legs pa'i/ dbyung ba che// dran dang zhi ba 'bang med snying rjes bstan// bla med byang chub snying po 'gro ba'i lam// de lta'i yul can sangs

  2. 211b

    rgyas mthong ba med// sangs rgyas med pas sangs rgyas ming yang med/ sangs rgyas ston pas ming du btags pas nor// sangs rgyas gzhan nas thob byed nor ba'i lam// rang rig byang chub sems nyid sangs rgyas sku// gzhan gyi nor min ye nas gnas pa yin// bde ba 'dod pas bde la rgyab kyis phyogs// ma g.yos nang du btsil ba'i gnas med// yul phyir chags la bsngo ba'i dmigs pa med// khyung chen na mkhar ldings te 'gro ba bzhin pa rang bzhin spro ba med cing bsdu ba med// rgya mtsho chen po bzhin du ye gnas la// chos rnams sna tshogs ma lus 'byung bar byed// kun tu bzang po'i spyod yul dag pa la// skye zhing 'pho ba'i gnas med de bzhin nyid da bshad pa bzhin du brtags pa'i chos kun la// brnyed par mi 'gyur nang gi sems la btsal// 'khrul pa rnams kyi sgo tsam nyid du ni/ tshig dang yi gor ston pas bshad pa yin// rang rig byang chub snying po chos kyi dbyings dang / chos dbyings gzhan nas mi rnyed de bzhin nyid/ mkhas pa rnams kyis de bzhin shes par gyis// byang chub kyi sems khyud chen gyi rgyud las// sems las ma gtogs pa'i chos gud nas bstan du med pa'i lo'u ste dang po'o// // de nas bcom ldan 'das dpal kun tu bzang pos nyid la nyid brjod pa// mi gnas dmigs pa'i yul med mi rtog chos kyi lam/ bsngo ba'i cha shas phra ba'i yul las byung ba ste// rtog sgom chos kyi sku ni khyad par don med pas// rang byung ye shes mi rtog kun tu ji bzhin gnas// bya bral yul la mi gnas gnyen pos bcosu med// lhag pa'i don med 'di'i rang bzhin

  3. 212a

    las da/ snying po'i rang bzhin 'byung ba chos sku gzhan na med// mngon sum kun tu mi rtog yangs pa'i snying po la// rtag tu 'dug par 'do pa drang srong nyid// rnam dag lam der zhugs pas mnyam pa'i rgyal po thob// gang la thob par mi rigs snyed pa kun dang bral// chos dang chos min rtag tu 'dres shing dbyer med la// don dam chos de lhag pa'i gnas zhes bshad pa'ang med// 'khrul dang ma 'khrul byang chub lam de rtogs pas thob pa med// byang chub lam chen tshigi mtha' las 'das// 'di dang sangs rgyas 'dre ste thaMd mkhyen// mi phyed rtag par zhugs phyir bsam pa kun dang bral// de nyid de bzhin nyid la rtag tu bzhun ba yin rnga lam med lam du 'jug pa 'khrul pas lam chen de// btsal bar 'dod pas ri dgas smig rgyu sgrog pa 'dra// brnyed pa'i yul med btsal bas de ni mi 'byung zhing // gang la ma chags ye shes dbyings 'das phyir// sa bcu ltos pa'i gnas kyang byang chub sgrib pa yin// de phyir byang chub nyid la rtag tu gzhol bar bya// mi btang rang bzhin nyid kyi dran pa shin tu bskyed// mi g.yo rang bzhin gnas pas sman tshon ma byas no// mtho ris bgrod pa'i rgyu des nyon mongs zin par 'gyur// lam mdo lam du 'jug pas yul 'di mi rnyed// chus gdungs glang chen smig rgyu sgeg pa 'dra// bskal par bgrod kyang brnyed par rab tu dka' byang chub kyi sems khyung chen gyi rgyud las// yang dag pa'i don 'dis ma zin na/ sangs rgya gar bya ba'i thabs med pa'i le'u ste gnyis pa'o// / de nas bcom ldan 'das dpal kun tu

  4. 212b

    bzang pos che du brjod pa// dkyil 'khor snying po 'di ni sku rnams bzhi/ phyag rgya'i dkyil 'khor sku la ye nas rol// thaMd ma lus rdzogs pa'i klong chen 'di// lta ba'i yul med bya bral mya ngan 'das// nam mkha' la ni sa chu me rlung rdzogs// ye shes snying po 'di la chos rnams mi lus rdzogs// sku dang ye shes yon tan shar ba rnams// nyid las byung ba'i gzugs brnyan yin pas na// blo l-i gang snong snying po'i gol sar gsungs bla med mchog la rang bzhin de bzhin pa// mi bsams mig yengs mi dmigs de bzhin nyid// dam por mi gzung de bzhin de bzhin bzhag/ brjod bsam rtog pa yin pas bsam mi khyab// grub mtha' mi spyod de bzhin nyid// mtha' med yang dag mtha' ste mtha' las 'das// yul du mi blta de bzhin de bzhin bzhag/ gzhag pa'i sems kyang mi btang btang snyoms gzhag/ phyag rgyar stong zhing sgom pa sgom pa yin mi gnas gnas pa'i yul med phyag rgya mchog/ yul med ji bzhin dang la brtson par gnas// blun po'i tshul du ci yang bsam pa med// kun tu bzang po'i snying po dkyil 'khor nyid// thad ma lus sbyor ba'i thig le che// rgyal po'i tshul du che ba'i ngang la gnas// gzhan gyis 'khor ldan kun rdzogs 'du 'bral med// rgya mtsho'i tshul du sdud 'byung gi ting dpag dka'// mya ngan 'das 'khor lhun rdzogs dong gis 'byung dpe med dpag tu mede shin tu zab// rdo rje tshul du mi 'jigs 'du 'bral med/ ye shes dkyil 'khor kun dang de bzhin gnas// bskal pa'i me'i tshul du gcig pur gnas// snang srid ye rgyas btab nas

  5. 213a

    gcig pur bzhugs// lhun rdzogs thabs mkhas 'khor lo'i lta ba can// khyud dang seng ge'i bu dang rgyal po'i bu// mngal gnas gnyen po'i tshul du gzhan zil gnon// gnyen por ma sgrubs ye nyid gnyen po ltar// mi gnas med dmigs pa med pa'i lam// rgyu 'bras mi 'byed mnyam pa'i snying po nyid// 'khor ba mya ngan 'das pa'i snying po yin// gnyen por ma bsgrub ye nas gnyen po ltar 'phur skyes bya ni sgo nga chag mkha' la 'phyo// lung la mi ltos yi ges mtshon meng pa'i// nye lam bde rdzogs bya lam lhun grub nyid // 'jug sgo lam la mi ltos ye rgyas yin// khyung chen po shog rgyas mkha' la mi chags ltar// theg pa kun rgyas bla med yongs pa'i sa// ya rgyas sa la mi chags bde ba lhun gyis rdzogs// khyud phrug sgo nga'i nang nas lus rgyas ltar// skye mo de bzhin nyid kyi rang bzhin nyid// de bzhin theg le klong nas de bzhin rgyas// bya byed med pa'i chos 'di ma mthong nas// kun tu 'od sa skal par mthong mi srid// byang chub kyi sems khyad chen gyi rgyud las/ sgom pa'i thabs rang bzhin dang mtshan nyid bstan pa'i le'u ste gsum pa'o/ de nas bcom ldan 'das dbul kun tu bzang po nyid kyis nyid la brjod pa// khyud chen na mkha' mi gnas la mi gnas ltar// kun 'dus kun klong kun gyi yid bzhi no// mi dmigs mi skye mi 'gag snang ba med// 'dod yon nyon mongs spangs pas byang mi chung // sangs rgyas tshol bar mi byed de bzhin nyid// thad lhun gyis gyus pas bya med bral// sa bcum thar phyin pa nyid 'dzin dang de rtogs pas// de la'ang mi gnas gnas pa'i sa dang bral da /

  6. 213b

    lam med lam du 'dod pas 'gro ba 'khrul// 'bras bu thob re 'jog pas don mi mthong // yang dag mtha' la snyag pas lung dang bral// de bzhin dbyingasu 'dod pa'i bde mi rnyed// 'dod son nyon mongs spangs pas byang mi chub dang 'khor ba rgyab phyogs mya ngan yongs mi 'dar// sa dang pha rol phyin lam zad mtha' med// snang srid phyag rgyar bsgoms pas sangs mi rgya// byang chub sems lung yang dag dam pa'i lung // lung gi rgyal po gtan la ma phab na// tshig 'tshal mu cor smra bas don mi rnyed// gang la 'ong mi gnas mi gnas nyid kyang 'das// smig rgyu chu ru bsnyag pas chu mi brnyed/ bden pa gnyis 'dzin yi ges don mi rnyed// 'phur skyes bya 'am rgyal po'i phru gu ltar// gzhan gyis mi brnyed ye nas de bzhin pas// tshad mas mi gzhig lung gi tshad ma yin// 'khrul po'i tshad gsum rtogs pa'i tshig la phag/ byis pa'i bslus pa'i chos la de yod pas bla med lam 'dir don mi dgos tshad med lung // shes rab chung ba 'di la dpog cing lam bgrod byed// 'di 'dod pa la 'di mi gnas te rtog pa'i lung // yang dag mi srid byang chub gting nas med// kun khyab ye sangs rgyas de sgo phugs med// tshig gi phebs par mi 'gyur 'bras thob min// khyud chen lus che 'dab bshog rdzogs pa de// gzhan nas ma btsal ya nas rdzogs pa ltar// rdo rje 'jigs med pa de de kho na// 'jug lha bsrung 'dzin phyin sogs pa rdzogs shing // phyag rgya'i dkyil 'khor sku rnams rdzogs pa'ang // rang bzhin nyid kyis ye nas rdzogs pa las// btsal nas bsdus te rdzogs pa ma yin pa// lhun rdzogs tha snyad med

  7. 214a

    pa'i byang chub ste// gzungs su ji ltar snang rang bzhin rdzogs// kun rdzogs snying po 'di ni nor bu'i tshul// 'di ma mthong ba rgya mtsho gang+gA yis// 'gram na 'dug pa'i bskams ring shi bzhi no// rna mi rtog ye shes snying po 'di// theg pa yongs kyi chos la ma sbas shing // sangs rgyas gsung gi rgyud las sbas pa med// bgrong rtsol lam la sbyangs pas brnyad mi 'gyur// mi len mi stong byang chub skyong rnams lang/ rnam pa kun tu rang bzhin ji bzhin gnas// mi rtog ye shes dbyings las 'das pas nA// kun mnyam dbyer med rang bzhin snying po la// sku dang ye shes ting 'dzin brtag mi bya// dmigos pa'i gza' gtang zhi ba'i byang chub la// ye shes rol pas chos nyid skom mi bya// ting 'dzin ro la chags med thig ler dag/ gar thabs rol mo sna tshogs sgyur ba yang // lus la ma bkod gzhan gyi yid sdud ltar// thabs kyi rgyal po lung gi snying po 'di// ngo bo nyid las ma g.yos kun gyi 'bras// bsgrub pas grub pa'i 'bras bu kun yid tshim// byang chub kyi sems khyud chen gyi rgyud las// ngo bo bstan pa dang / tshad mes gzhig tu mi rung bar bstan pa dang / lhun gyis rdzogs par bstan pa dang // brtag tu med par bstan pa dang // kun gyi 'bras bu bstan pa'i le'u ste bzhi pa'o// / de nas bcom ldan 'das dpal kun tu bzang pos// nying dang byer med pa'i 'khor rnams rmad du byung ba la/ nyid kyis brjod pa// slob pa gnod dang chos spong las kyi 'phra ra// rten cing 'brel par 'byung ba 'di'i gting mi brnyed/ mtshan nyid gsum gyi chos

  8. 214b

    tshogs dag par 'gyur// bdag med rnam pa gnyis kyi tshig gnyis ye nas zhi// snying rje'i rgyun can sems can ma mthong sems can med// thams cad mnyam nyid rdo rje sems dpa' nyid kyi sku// gnyis med de bzhin nyid du gcig pa'i chos nyid yin// brdol pa can gyi chos min gnyen pos bcosu med// ting 'dzin bstan pas gzung yul sgom yul bral// shes rab gsum gyi 'di la sbyang du ga la yod// thams cad mnyam pa'i dkyil 'khor kun gyi rang bzhin la/ rang byung ye shes de la 'phyo ba yin pa ni// so so ma yin gcig gi ngang ste rgyu 'bras rnam par dag/ thugs rje'i zhing du byang chub brlabs chen nyid 'gyur bas/ thams cad byang chub chen po mchog tu ma gyur te/ sdom rtsol 'dul dang dam tshig bsam yas pas// mi shes byis pas slad pas 'khrul pa yin pa'i phyir// ci yang mi dgos bsrung ba ci dgos sgom mi dgos// 'di la dpyad pa mi dgos 'di la gzhan mi dgos// stong nyid bdag med ye mkhyen rang rig thugs nyid// thams cad nad gso mdzad pa'i sman pa'i rgyal po yin// mtho ris bgrod pa'i rgyu nges byang chub lam mi rnyed// dug gsum dug lnga ye nas dag pa'i sman chen po/ ji bzhin rang bzhin gnas pas sman chen ma byas na// 'khrul rtog lam la gnas pa'i theg dman rnams// dug gsum dug lnga'i nad kyis 'tsho ba'i glags yod mad ye nas sa rdzogs lam gyi 'gro sa ye nas dag/ gdod nas thob zin thob par bya ba ci yang med// tshig gis mi phebs dbyibs dang kha dog spyod yul min// stan cing brtag par dka' la brjod du rdul tsam med du

  9. 215a

    mi dmigs mi gnas bsam pa kun dang bral ba yin// 'di zhes bstan pa'i lam la gcig dang du ma med// bdag gzhan bral ba'i skyon mkhan rin chen mdzod// gcig pu lhun gyis grub pa'i dbang phyug rdo rje nyid// dkyil 'khor kun gyi dbang phyug gtso bo 'di// rlab chen khams gsum 'gul ba kun bsad kyang // rang byung mkha' klong dag pa'i dbyingasu rnam par dag/ srog med sgrog gtsang dbyings kyi nam mkhar gcig pas na// nam mkha' dbyings la dbyibs nyid rol pa mdzad// khams gsum kun bsad mi bskyod zhing du dag pa yin// srog dang sdig du mthong ba'i chos lam gang spyod pa// chos lam de yis byang chub bskal pa'i mthar yang ni// brnyed par mi 'gyur bya rjes tshol ba 'dra ba yin// byang chub kyi sems khyud tshon gyi rgyud las// ci 'ang thob par byar med pa'i le'u ste lnga pa'o// // de nas bcom ldan 'das dpal rdo rje sems dpa' la sogs pas/ bcom ldan 'das kun tu bzang po nyid la spyan gzigs te// cang mi smra bar bzhugs pas/ bcom ldan 'das dpal kun tu bzang po nyid kyis nyid la brjod pa/ sku yi dkyil 'khor dkyil 'khor mchog tu gyur// de bzhin nyid 'dus sam ngo bo nyid // mchod bstong spyan drangs phyag rgya bzlas pa dang // phyag rgya'i skur ni 'di la sgom mi dgos// sgyu 'dra'i gzugs brnyan 'di las 'byung bas na// lo ma mi bsnyad shes las 'bras thob min// sgyu 'dra'i phyag rgya lugs ma'i phyag rgya las// 'bras bu rnam par grol mi gnas mi gnas// de yi rnam grol dag pa'i lam chen brnyed

  10. 215b

    gyur na/ mthong thos la sogs phyag rgya'i ngo bor gnas// chags yod phyir na gnas pa yod pa yin// lhun grub sangs rgyas kun dang rgyas btab pas// thams cad ma lus kun tu bzang po'i ngang // ye shes snying po'i phyag rgya thams cad bzung // blang dor med pa'i skyes mchog bla med so// 'di 'dra'i don nyid byis pas mi shes phyir// cir yang mi dmigs gti mug dang nyid 'di// 'khrul pa'i chos lam dag la yongs mi gnas mazangs la gser rtsis gser du 'gyur rung zhing // zangs rtsis gser du 'gyur du yod po min// 'di yi rtsi yis gzhan gyi 'bras rung gis// gzhan gyis don gyis 'di yi don mi rung // 'di ni yang dag bskrun du yod pa ma yin pas// byang chub bde chen rgyal ba'i yum zhes bya// rin chen sgrom bus 'theb rgyas btab pa bzhin// rang bzhin gnas pa 'di ni bstan pa dka'// srid gsum dbang bsgyur de bzhin nyid du gnas/ 'a byed lhag par gnas pa'i dbang yang rdzogs// dka' thub mi dgos snying por de ma thag pa nyid// sdug bsngal des ni sangs rgyas lam mi snyed// sdom sogs la sogs rtsol bas byang chub ring // gang yang ma yin rang rig de kho yi// dka' thub spyod pa yis ni don 'tshol ba// glang po zhon nas glang rjes 'tshol ba 'dra'o// nang nas mi btsal na rang gi rang bzhin nyid// phyis nas mi btsal phyi yi rang bzhin nyid// gnyi gar mi gnas med pa gnas la gnas// gnas mchog rgyal ba'i dkyil 'khor de nyid ni/ byang chub snying por ri bor thang gcig/ gang du'ang ma song gar yang mi 'gro zhing // yul la mi gnas phyogs nas ma yin te// 'di ltar

  11. 216a

    bstan du med pa'i rang rig de// byang chub snying po nyid na de bzhin nyid// gang la ma song rang la rab tu gnas// bya bral na mkha' ji bzhin lhun gnas pas/ kha dog dbyibs kyis mtshon du ga la yod// yi ge'i rgyud med bsgom du med pa yin/ byang chub sems khyung chen gyi rgyud las/ byang chub kyi sems btsal thabs kyi le'u ste drug pa'o// // de nas bcom ldan 'das dpal kun tu bzang pos nyid kyi nyid la brjod la/ bzhi bcu rtsa gnyis 'od 'bar dngos 'byung bas// thams cad kun g.yos stong gsum la sogs grags// 'byung ba lnga sogs thams cad kun tu g.yos// gsum shar gsum gyis sna tshogs ma lus bsdus// dkyil 'khor 'od 'bar gsum du bsam yas te// yi ge'i 'khor las dkyil 'khor phyag rgyar bstan// sna tshogs 'od gsal mchog tu smad grags pa/ byed pa stor por dmigs de la 'dud// med la yod par btags pas rtog pa'i rgyun/ bskal par byang chub thob dka' 'khrul pa'i lam/ byis pa'i lam bzhis 'bras bur gyur pa dka'// mtshan ma'i rgyu la chag pas yang dag don// brnyed pa'i yul med chags phyir chags la gnas// snang med byang chub sems kyi theg le 'di// cis kyang gzhig tu med pa'i rdo rje'i sku/ 'khor lo rab sgor thig le gcig tu zlum// gang yang mi 'byang mnyam pa chen po'i ngang // mnyam nyid snying po rtog pa las 'ongs pas// sku gsung thugs kyi snying po rtogs mi byed// rang

  12. 216b

    bzhin 'od gsal yi ge rnam par zhi// dbyings la dbyings kyi 'od rnams gsal ba bas// yi ge'i ming tshig las 'das yi ge mchog/ stong gsum rgya chad stong nyid rnam par dag/ gang la'ang mi gnas stong gsum rgya chad nyid// gzhan nas thog med snying po de bzhin nyid// de ltar de ltar gnas pa grol ba'i lam// ye sangs rgyas pas sangs rgyas sgrub mi dgos// gdong nas byas zin rtsal ba'i lam mi dgos// lhun rdzogs bde ba nyid la ye bzhugs pas/ 'bras bu'i sa thob mi ltos rang bzhin sa// mnyam nyid snying po dang gi ji bzhin la/ bskyed pa'i phyag rgya mi dgos bskyed mi nga gos// mi gsung mnyam par gsang sngags bzlas pa'i gsung // ma chags pa la shin tu chags pa dang / chags pa nyid na de la chags med pa// de ni chags pa rgyal po chen po ste/ shin tu chags pa chen po yin par grags// ci la 'ang mi gnas bsam pa las 'das pa// ting 'dzin bde ba'i ro la chags pa min// gzhi rtsa med pa'i byang chub sems nyid ni// chos rnams ma lus kun gyi rtsa ba yin// kha dog dbyibs meng mtshan med rigs rgyud med// yod med mtha' 'dus dbu ma yod ma yin// pho mo ma yin ma ning nyid kyang min// gong yang ma yin gang gi mthar mi gnas// mthar yang mi gnas yang dag mtha' las 'das// khyud chen mkha' lding bya lam rjes med 'dra// khyud chen gshog rgyas mkha' la mi chags tshul// bsod nams rdzogs pa'i thig ler rgyu 'bras med// rang bzhin lhun grub dkyil 'khor 'od gsal bas// rigs kyi phyag rgya gsal

  13. 217a

    bar sgom mi dgos/ mchog gsum chos sku'i dkyil 'khor bdag yin pas// sangs rgyas sras tshogs bcas la phyag mi 'tshal// shes rab 'bar ba'i hor khung bdag gi khar// khams gsum srid gsum ma lus kun bsregs pas// phrin las rnam bzhis bsreg pa'i lam mi dgos// skye med thig les 'khor ba kun bas de// ye shes snying pos thaMng kun sbyar nas// rgyu 'bras med pa'i ngang du ro gcig pas// gnyis med sbyar ba 'di la phyag mi dgos// phyogs bcu'i rgya chang stong khams ye nas dben// srid gsum ma lus ye nas dag pa'i zhing // ji bzhin btsan pa'o ye rgyas kun la btab// kun bzang gangal ba'i zhal bzang yangs pa yin// khams gsum snod bcud mo lus dus gcig gsol// 'khor ba ming med dpe med chen pos bsgral// sangs rgyas sems can byang chub chen por 'khyil// thams cad kun bsgral grol ba'i lam gnas pas// gnas sbyangs sbyor sgrol 'di la bya mi dgos// byang chub sems khyud chen gyi rgyud las/ ma hA yo ga'i rtsol sgrub kyi las tshi chad de bya mi dgos par bstan pa'i le'u ste bdun pa'o// / de nas bcom ldan 'das dpal rdo rje sems dpas bcom ldan 'das dpal kun tu bzang po la/ e ma ho de bzhin gshegs pa'i ga tso// the tshom gcod mdzad che ba'i mchog/ chos kyi chos nyid de bzhin nyid bcom ldan 'das kyis bshangadu gsol// de nas bcom ldan 'das dpal kun tu bzang po nyid kyis// nyid dang dbyer med pa'i dpa' bo rdo rje 'dzin pa la bka' stsal pa// gang yang shes par ma gyur si yang shes med

  14. 217b

    bad rnam pa'i de bzhin ma yin de yi de ma yin// gzhan nas yod 'ongs ma yin de yi de bzhin nyid// ye shes mi gnas gnas pa'ang de nyid yul yang med// rtag mtha' mi rtag mtha' gnyis 'jig pa'i la mad mtha' med mtha' la spyod pas dbus mi mthong // bsam gtan bsam gtan nyid la 'jug pa'ang / 'byung 'jug lam sgo gzhan zang gcig car 'jug/ dbang po brtul po ma rabs rims kyis 'jug/ dam pa cig car de bzhin nyid gnas pa// rims kyis gnas pa sgrib pa chen por gsungs// dug gi rigs shes pas ni dug mthong na// za bar mi byed de yis skrag par byed// khong du mi gtong lhan cig gnas mi byed// lta ngan la spyod zhi ba'i theg dman dang // sa bcu pha rol phyin bcuri lam spyod pas// rgyu 'bras lhun grub mnyam nyid mchogi lam// ye grol mnyam gnas bsgo dang skor zhi ba'i yo nas byar med 'di yi don mthong na/ 'jug par mi nus 'di yis skrag gyur nas// chung bar mi byed lhan cig 'grogs mi byed// 'di la lta ba bzang ste ye khyab kun la gang la// spyod pa bzeng ste chus gdungs gling chen bzhin// ci la'ang mi spyod de bzhin bde bar gnas// phyi dang nang med ye shes yongs pa'i mkha'// dus gsum dus med gcig ste khyad par med// sngon med phyis med gdong nas dag pa yin/ lta bas ltar med lta ba'i tshig las 'das/ yid kyis 'jog med sgom pa chen po'i klung // gdod nas dag pa'i bdud rtsi de ltar gnas// rnam rtog 'khor ba bcad pa de yi las// rgyu 'bras ro

  15. 218a

    gcig mnyam gnas mchog tu gsungs// gang na mi gnas byang chub sems la gnas/ rgyu dang rkyen las ma byung skye shi ming // rang bzhin 'od gsal bdud rtsi chen po 'di// su yis rtogs pa dngos grub chen por gsungs// mchog gi dngos la mchog gyur gar gnas pa// rgyal mchog lhun gyis grub pa dngos grub pas// lha klu mthu chen rnams kyis dbrog tu med// 'jig rten 'das dang 'jig rten 'di nyid kyis// bsgom pa thams cad 'di las 'byung bar 'gyur// 'jig rten dngos grub lnga sogs ci rung rung // dngos po gzhan las bdud rtsi med par grags// ston pa thabs la mkhas pas bshad pas kyang / dngos grub 'di ni ster bar ston mi spyod// sangs rgyas nyid la'ang 'di ni mnga' ba med// de phyir sangs rgyas nyid kyis kyang ni ster mi sbyong// bsam gtan brjod med mchog gi bdud rtsi 'di// phal gyis mi thob risu ched// rnam pa can la shin tu gsal bar 'gyur// lta ba mi dgos lta ba mchog tu grags// ci spyang mi rtog skye ba 'di yi don// nyams nga'i rkyen gyis mi sgrib 'di yi lam// gtsang rme'i blo rtog por bas don la sgeg/ ma srid kun sbyar mtshams med lnga spyod cing / tsha shas phra ba'ang ma rig gnyen pos ni/ shin tu bshad po 'di yi dam tshig mchog/ chu srin rdzas 'dzin tshul gyis mi gtong na// khyad par gyur pa'i bdud chog nyid 'gro'o// byas zin bde ba lhun gyis grub pa yi// nye lam pade rdzogs lhun gyis grub pa'i sa// blo 'tshal 'di lta ba yi don la mi spyod pa// 'ching bu b+hi dor byas kyang rin chen min// so

  16. 218b

    bsgegs par byas kyang tsan ngan min/ seng ge'i skad kyis gzhan zil gnod pa dang // nam mkha'i khams nas tha~Md 'byung ba bzhin// ma mnan ma byung ngang gis rang bzhin 'byung // byang chub kyi sems khyung chen gyis rgyud las theg pa chen po la 'jug pa'i thabs dang // zhugs pa skyon med pa dang // bdud rtsi bstan pa'i le'u ste brgyad pa'o// / de nas bcom ldan 'das dpal kun tu bzang po nyid kyis nyid la brjod pad skye bo rmongs pa'i nyon mongs de nyid ni// sems kyi tshul khrims min par nga smra zhing // chos rnams kyi ni chos nyid kyang ni de nyid min// gzhan na med de de nyid de lta'i ngang // se ni sangs rgyas gnyis kyi ngo bo nyid gcig min tha dad min de brtag par dka'// nyon mongs lnga nyid byang chub chen po'i lam// gzhan gyis ma slad de nyid de ltar min// shes rab thabs med shes rab thabs bsam yas// ci yang ma yin thaMd kun gyi skad ngo mtshar rmad byung e ma khyad par can// nyid la nyid kyis yang dag de ni bshad pa// sems can don du ma gsungs sangs rgyas cir bstan to// e ma'o sangs rgyas dam pa nyid la rol pas kyang // ngo mtshar rmad kyi chos 'di btang mi dgos// rtag pa chen po rtag par rol pa che// 'di la gnas pa'i skal ldan legs pa che// 'di la spyod pa'i skal ldan legs pa bzang // 'di la lta ba'i skal ldan lta ba bzang // 'di la gnas pa'i skal ldan 'dug sa bzang // lam 'dir 'gro ba rnams kyis sa rnams rdzogs// pha rol phyin bcus bcu ye nas ngag/ 'dug sar 'dug pas sangs rgyas sa la gnas// gang du'ang ma phyin de bzhin nyid kyi dang

  17. 219a

    nye lam 'di las bde ba'i nye lam med// gang yang ma bsgrubs 'bras bu'i ngo bo nyid// rab mdzes ngo mtshar che ba'i gsang chen 'di// bdag nyid chen po skal ldan nyag gcig las sus kyang de nyid rig par dka' ba'i phyir/ nyid la nyid kyis bstan pa ngo mtshar che// rgyud kyi rgyal po chen po rgyas pa'i sgo// byang chub kyi sems khyud chen gyi rgyud las// chos nyid kyi don brtag par dka' ba dang da nyid dam pa'i le'u ste dgu pa'o// // de nas yang bcom ldan 'das chen pos// rgyud kyi don bshad pas mnyes par gyur to// mnyes nas rgyud kyi bdag po la bstod pa// dpal gyi sku mnga' bcom ldan nyag cig gtso// bzang po bla med chen po don mdzad pa// don chen khyad par 'phags pa rgyud kyi don// nyid kyis nyid la bshad byas reg mdzes mchog/ yang dag nyid kyis yang dag nyid gsungs pad+made yang dag nyid la snang ba mchog gi don// rgyal ba snum mdzad la phyag kyang 'tshal// dpa' bo thar lam ston mdzad khyod nyid la// yang nas yang du 'dud cing phyag kyang 'tshal// e ma'o rab mdzes ngo mtshar che ba'i don// sangs rgyas kyis gsungs ma yin bdag nyid chos// rgyu 'bras gnyis zad rnam grol dag pa'i sku// zla rgyas sku 'dra'i sku la bstod par bgyi// dam chos bdag med rnam par dag pa'i chos// dpal gyi thugs las gsung du grags pa yin// dri med gsung mchog khyod la phyag kyang 'tshal// 'di 'chang glog dang kha don rab sems pa'i// rgyal sras 'khor bcas gang yang 'di 'dzin pa'i// skal ldan nyag

  18. 219b

    gcig de la bzhin phyag 'tshal// de rjes lta zhing de bzhin gang 'chang ba'i// ma rabs tha mal pa la sangs rgya su// lta zhing lta zhing de bzhin phyag 'tshal// 'di la gang mos khwa dang khyi la sogs/ de yang sangs rgyas nyid de kun las 'phogs// 'phags rgyas khyod rnams la'ang de bzhin bzhin phyag 'tshal// mchog gsum mchog tu gyur pa'i rgyal po la// khyad par bstod pa rab mdzes don dang ldan// de nas rgyud kyi rgyal po la bstod pa// chos 'phags chos rgyal bla med snying po 'di/ yongs la khyab par mdzes pas na/ thugs rje'i gzer khyod dam pa rnams kyi don// yang dag bden pa de la ye nas gnas// sangs rgyas sa la rtag par bzhugs pa yi// lhun grub mchog la 'di yis bzhag par bya'o// byang chub sems kyi ga'u gleng chen du// sangs rgyas se naM ma lus bsres te shog/ byang chub kyi sems khyad chen gyi rgyud las// bdag po la bstod pa dang // chos la bstod pa dang // nge 'dzin pa la mchog gsum gyi tshul du bstod pa dang / rgyud gtad pa'i le'u ste bcu pa'o// / rgyas pa chen po sha bu rgyas pa ma'i sgo bkag ste// rgyas pa bag yangs bde bar bzhag pa'i khyud chen gyi rgyud rgyas pa chen po'i mtha' rdzogs so// / rgya gar gyi mkhan po shri sid+d+ha dang / bod kyi lo ts+tsha ba bai ro tsa nas bsgyur ba'o// / rdo rje bem pa po ma kyi mi ge ming ba'i rgyung yug/ rdo rje sems dpa' namakha' che rgyas pa yi ge med pa'i rgyud/ rgyal po'i rgyud du gsungs pa/ yi ge med