shes rab kyi pha rol du phyin pa yi ge gcig ma zhes bya ba theg pa chen po'i mdo
Text
ff. 116b–117a · 2 folio sides
- 116b
zhi bar byed pa'i bsngags/ mi brdzun pas ni bden par nyid du shes par bya ste/ shes rab kyi pha rol du phyin pa'i snying po smras pa// // tad+ya thA/ oM g+ha te gA te pa ra ga te pa ra sam ga te b+ho te swAhA/ sha ri'i bu de lta bas na/ byang chub sems dpa' sems dpa' chen po shes rab kyi pha rol du phyin pa zab mo la bslab par bya'o// de nas ldan 'das ting nge 'dzin de las bzhengs nas/ byang chub sems dpa' sems dpa' chen po 'phags pa spyan ras gzigs dbang phyug la leg so leg so zhes bya ba byin te/ leg so legaso/ rigs kyi bu de de bzhin no// de de bzhin te/ ji ltar khyod kyis bstan pa de bzhin du byang chub sems dpa' sems dpa' chen po zab mo la spyad par bya ste/ de bzhin gshegs pa rnams kyang rje su yid rang ngo // bcom ldan 'das kyis de skad ces bka' stsal pa dang / byang chub sems dpa' sems dpa' chen po 'phags pa spyan ras dbang phyug dang / tshe dang ldan pa sha ri'i bu dang / thams cad dang ldan pa'i 'khor de dag dang lha dang mi dang lha ma yin dang dri zar bcas pa'i 'jig rten yid rang ste/ bcom ldan 'das kyis gsungs pa la mngon par bstod do// bcom ldan 'das mi shes rab kyi pha rol du phyin pa'i snying po zhes bya ba theg pa chen po'i mdo rdzog s+ho// / @// rgya gar skad du/ e ka a kra ri pra badz+ra pa ra mi ta na me ma hA ya na su tra/ bod skad du/ shes rab kyi pha rol tu phyin pa yi ge gcig ma zhes
- 117a
batheg pa chen po'i mdo/ shes rab kyi pha rol du phyin pa la phyag 'tshalo// 'di skad bdag gis thos pa'i dus gcig na/ bcom ldan 'das rgyal po'i khab bya rgod phung bo'i ri la dge slong gi 'dun chen po dang / byang chub sems dpa'i dge 'dun chen po dang thabs gcig tu bzhug so// de nis bcom ldan 'das kyis tshe dang ldan pa kun dga' bo la bka' bsngal pa/ kun dga' bo khyod kyis yi ge gcig ma zhes bya ba 'di sems can thams cad la phan pa dang / bde ba'i phyir bzung shig 'di lta skye/ bcom ldan 'das kyis de skad ces bka' stsal pa dang / tshe dang ldan pa kun dga' bo dang / thams cad dang ldan pa'i 'khor de dag dang lha dang mi dang / lha ma yin dang dri zar bcas pa'i 'jin rten yid rangs ste/ bcom ldan 'das kyis gsungs pa la mngon par bstod do// shes rab kyi pha rol du phyin pa yi ge gcig pa zhes bya ba'i mdo rdzog s+ho// rgya gar skad du/ ar+ya a tha dza na na ma mA hA ya su tra/ bod skad du/ 'phags pa mda' ka ye shes zhes bya ba theg pa chen po'i mdo dang / sangs rgyas dang byang chub sems dpa' thams cad la phyag 'tshalo/ 'di skad bdag gis thos pa'i dus gcig na/ bcom ldan 'das 'og min lha'i rgyal po'i khang bzangs na/ 'khor thams cod la chos ston cing bzhugs pa lo// byang chub sems dpa' nam mkha'i snying pos phyag 'tshal te zhus pa/ bcom ldan 'das byang chub sems dpa' nam mchi ba'i