Q2189MW1KG13126_2189rgyud 'grelAll versions of this work

dpal 'khor lo sdom pa zhi ba'i cho ga

Text

ff. 86a–86b · 2 folio sides

  1. 86a

    / bar bya// me lha yang ni gshegs su gsol// bsdus lhag bsregs te me lha yi// snying ga'i ye shes 'khor lo bsar// zhes bya ba ni dpal bde mchog gi sbyin sreg spyi yi ti pa na pad ma dbyangs kyis mdzad pa rdzogs so// / dpa'a' ma rnam pa ni ba'i tshig zugs@#// dpal 'khor lo bde mchog la phyag 'tshal lo// zhi ba'i sbyin sreg gi thabs khung gi kha dog dkar po dbyibs zlum po// rgyar khru gang pa/ zabs su de'i phyed/ yang na lam pongs ma gtang ba ru/ de'i thab khung gi dkyil 'khor du bde ba chen po'i 'khor lo// de'i phyi rol du thugs kyi 'khor lo// de'i phyi rol du gsung gi 'khor lo// de'i phyi rol du sku'i 'khor lo// de'i phyi rol tu dam tshig gi 'khor lo bris la/ phyag mtshan thams cad gri gug du bya'o// yi ge bdun pa byed pa thab khung lte ba la rdo rje dang gri gug/ 'dab ma rnams la yang gri gug dgod// yang na shin tu bsdus pa byed na rdo rje dang gri gug dgod do// de nas rdzas bsham pa ni shing skam po'am/ lci ba skam po yang rung / sreg rdzas 'bru'am/ til la sogs pa ci yod kyang rung ba/ sbyang ba spang ba rtogs par byas pa bsham pa/ thab khung du shing bkang nas me sbar la/ de nas skad cig tsam gyis bdag nyid yi dam lhar bskyed la/ thab khung la sogs pa mi dmigs par bsgoms la/ hUM las thab khung sngar gyi dang 'dra bar bskyed la/ de'i nang du raM la sa me gru gsum pa bskyed la de'i nang du a bsam a nub las dbyug zo de yang as mtshan pa/ de yongs su gyur pa las meH sku mdog dkar po rgyan thams cad kyi brgyan pa/ zhal cig phyag bzhi pa bskyed la/ de'i thugs kar yaM las rlung / raM las me gru gsum pa bsam/ zur gsum la oM AHhUM gsum la/ dbus su lha sum cu rtsa bdun bsgom mo de nas lag pa g.yas pa'i mthe bos srin lag mnan la/ 'jig rten las 'das pa'i me lha spyan drangs la bsti ma/ mchod pa la sogs pa dang / sreg rdzas la sogs pa rnams sngags 'dis dbul bar bya'o// oM a ga na ye/ oM hriHha

  2. 86b

    hUM hUM phaT/ che ge mo sarba pa paM shAn+tiM ku ru swA hA/ sar+b+ba big+h+na/ sar+b+ba dz+wa ra/ sar+b+ba gra he/ sar+b+ba u pa dra be/ sar+b+ba duHsan+d+hi/ sar+b+ba dud+hi mi ta/ sar+b+ba akA la mr-i d+ha pra ma na swA hA/ sar+b+ba pu ku la tsit+tad+d+ha ya shAn+tiM ku ru swAhA/ tshur gshegs tshur gshegs 'byung po che/ me lha'i rgyal po drang srong mchog/ sreg blugs zhal zas pazhes slad du/ 'di nyid du ni bzhugs su gsol// e h+ye hi ag ni dzaHdzaH/ gang yang bdeg blo gti mug pas// legs dpyad 'di la nyes dpyad gang // gang phyir phug can skyabs gyur pas// de kun mgon pos bzod par mdzod// gtso bo nus pa ma mchis so// ma tshang ba 'am ma rnyed pas// 'dir ni bya ba gang bgyis pa// de kun mkhyed kyis bzod par mdzod// bdag gi don dang sems can don// byin za khyod kyis mdzad lags kyis// tshim zhing mgu bar gyur nas kyang // rang gnas dag par gshegs su gsol// bde mchog gi sbyin sreg gi cho ga bsdus pa rdzogs so// // dpal bde mchog gI sAtsA brjod par bya ste/ de nas 'jim pa byas la mdun du bzhag la// zhus byas nas sems bskyed de/ bdag nyid skad cig mas ltar bsgoms la/ tshad med pa bzhi bsgom par bya/ de nis chos nyid rnam par dag pa'i sngags kyis 'dag pa mi dmigs par bya ste/ yi ge hUM bsam/ de las rdo rje/ de las he ru ka yab yum du bskyed do// de nas rang gi snying ga'i hUM gi 'od zer gyi sangs rgyas dang byang chub sems dpa' spyan drangs la/ he ru ka yab yum la bstim par bya'o// de nas yab yum snyoms par zhugs pas 'od du zhu ste/ byang chub sems su gnas pa la/ he ru ka'i snying po 'am/ nye ba'i snying po nyi shu rtsa gcig gi gis byin gyis brlabs te/ yang sngags de nyid kyis gdab par bya'o// sAts+tsha re de la he ru ka re re bsams la/ de re re las kyang he ru ka mang po spros la de rnams kyis bdag dang sems can thams cad kyi don rdzogs par byed par bsam mo// rten 'brel gyi sngags bzlas pas mjug bsdu bar bya'o//

Colophon

bde mchog gi sbyin sreg gi cho ga bsdus pa rdzogs so/