ye shes rin po che 'bar ba
Text
ff. 207a–220b · 28 folio sides
- 207a
rin chen nyi zla brtsegs pa ni// rin chen lta sgom 'dod pa 'byung // nyi ma snang gsal thabs kyi rgyud// zla ba mun sel shes rab rgyud// thabs dang shes rab brtsegs pa'i rgyud// nyi mas ka dag 'od gsal ston// zla bas gti mug ma rig sel// ka dag ma rig mun sel rgyud du zung // zhes gsungs so// nyi zla brtsegs pa'i rgyud las mtshan bstan pa'i le'u ste bco lnga pa'o// // nyi zla ri rab bla ma snying sems man ngag gter du 'chang // skal ldan dam tshig bsrung ba la dam tshig gtad// ces gsungs so// snod med dam nyams zong tshong lag tu shor ra re// rin po che nyi zla brtsegs pa'i rgyud rdzogs so// // rgya gar skad du/ dz+nyA na ra da na ma hA dz+wa la nA ma/ bod skad du/ ye shes rin po che 'bar ba zhes bya ba/ bcom ldan 'das dpal kun tu bzang po la phyag 'tshal lo// ye shes chen po'i glong du/ thams cad ma lus mi lus lus pa med par sangs rgyas so// de nas bde bar gsheg pa thams cad kyi ye shes kyi nyi ma phyogs bcur bdal bas/ thams cad sgrib med ye shes kyi rol pa sha ro/ kun gzhi yangs pa'i glong / sems nyid chos sku'i gdangs/ rig pa ye shes kyi zer/ gdul bya sgo lnga'i yul/ rigs drug pa sgo lnga'i gdangs/ sems can
- 207b
sgo lnga'i zer/ bde gshegs sems nyid kyi glong / thugs rje ye shes kyi zer/ dngos med rang byung gi gzigs/ byas pa 'khor ba'i chos/ 'dzin pa mu stegs kyi chos// bdag lta 'khrul pa'i chos/ 'bad rtsol 'khor ba'i chos/ brjod bya tha snyad kyi 'brang / lha sgom yid blo'i thog/ rtog pa slu ba'i bdud/ sangs rgyas 'gal ba'i tshig/ sku gsum nor ba'i lam/ 'khor ba dag pa'i zhing / sems can sangs rgyas kyi glong / mun dkyil nyi ma'i mdangs/ snang ba stong pa'i ngang / gsal ba shar bas bsgribs/ sems can 'gyur med du gyur/ sems can sangs rgyas 'khor ba 'khyam/ rtog pas chos sku bsgribs/ 'khor ba dag pa'i zhing ngo // ye shes rin po che rang 'bar ba las/ gnas lugs kyi le'u ste dang po'o// // de nas bde bar gshegs pas mtshan gyi rgyal po 'di brjod do// dang po gleng gzhis gnas lugs bstan// gnyis pas gleng slang yid ches bstan// gsum pas rgyud don gtan la dbab// mtshan bstan drabu zhabs mthar phyin partag/ sang kr-i ta yi skad ni 'byung bar 'gyur// ta tha' li zhes brjod pa yang // chos rnams dngos med rang byung ngo // shangs me zhes brjod pa yang // kun gzhi 'khor 'das rgyal po 'byung // ga na ta zhes brjod pa yang // sgrib med ye shes rab 'bar ro// bi'u ni zhes brjod pa yang /
- 208a
spros med gzi ldan rab 'bar ro// a ga ta zhes brjod pa yang // phyogs med sems nyid rang 'bar ro// dzu'u rang zhes brjod pa yang // bdal ba chos nyid rang shar ro// gnyis pa phyag la lnga byung ste// ye 'byal chen po kun gzhi phyag/ gnyis med 'dres pa chos nyid phyag/ phyogs med rang shar sems nyid phyag/ 'gyur med zang thal ye shes phyag/ ma btsal lhun grub chos sku'i phyag/ thams cad chos nyid klong du 'byal// 'byed pa med pa'i gzugs kyis zin// gsum pa phun sum tshogs pa bstan// dus gsum 'gyur med dus kyi ngo bo yin// kun gzhi sems nyid rang bzhin ni// dngos med gdod nas rang byung ngo // sgrib med da ltar rang gsal lo// ma bcos tha ma rang grol lo// bdal ba chen po gnas kyi ngo bo nyid// sems nyid phyogs dang / ris med pas// phyi nang gnyis dang bral ba'o// kun gzhi spros pa med pas yongs su dag/ mtha' dbus gnyis dang gdod nas bral// rig pa 'du 'bral med pa yangs dog gnyis dang bral// ye nas snying po rang byung 'bad rtsol gnyis dang bral// 'gyur med ye shes ston pa'i ngo bo yin// kun gzhi byang chub sems nyid ni// 'gyur med rang bzhin sna tshogs gsal// 'khor 'das gnyis / su gsal ba dang // 'phel 'grib gnyis kyi gos pa med// khams gsum 'khor bar 'khyams pa dang gos zhing brlag pa med// skyon gyis ma gos yon tan brgyan pa med// sangs rgyas
- 208b
dgongs pas mthebs sems can glong la shar// tha dad dbyer med 'khor gyi ngo bo nyid// sems nyid dbyer med ye shes la// gas la 'gri ba med par shar ba ni// dbyer med ye shes 'khor/ nyid do// rig pa 'du 'bral med pa la// phyi nang phyogs med gdal ba ni// dngos med rang shar rigs lnga'i 'khor// sgo lnga spros med gsal ba la// snang ba dngos med shar ba ni// skal ldan thub 'khor drug nyid do// sems nyid ye shes snying po 'bar// 'khor 'das chos sku'i rgyan du shar// ye shes rol pa'i 'khor nyid do// bstan pa byang chub snying po ni// chos rnams thams cad sems nyid 'od du 'bar// stong pa'i glong nas rig pa'i 'od zer shar// sems nyid glong nas rig pa'i 'od zer 'phros// dbang po'i glong nas dngos med rol pa shar// kun tu bzang po phyag med nyi mar bdal// thams cad ma bcos ye shes snying po 'bar// rgyu rkyen med pas ye shes dbyings su grol// dngos po med las 'khor 'das snying por shar// rnam par dag pas gos med sna tshogs gsal// kun tu bzang po chos kyi dbyings na 'phyo// thams cad ye shes chen por lhun gyis rdzogs// brjod las 'das pas sgra rnams sna tshogs sgrogs// phyin pa med par 'khor 'das thams cad khyab// bltas pa med pa 'gag med sna tshogs gsal// bcom ldan rdo rje thugs rje chen po'i ngang // rang sems stong pa'i ngang nyid las// thugs rje gsal ba'i 'od zer
- 209a
'phro ma sbyangs rnam dag grol ba yongs// ye shes rol pa'i rgyan du shar// ma bkod rang gsal mchog gi 'od// ye shes 'bar ba 'od po che// sgrib med rang gsal phyogs dang bral// ye shes 'od zer 'bar ba 'phro// spros med ye shes gsal ba'i lam// snying po 'gag med rang 'bar yang // spros med ye shes thugs rje'i zer// chos kyi glong chen 'bar ba che// 'byung gsal ye shes 'od zer 'phro// snang gsal 'bar ba'i 'od po che// byang chub sems nyid dngos dang bral// ye shes gsal ba'i gdangs dang bral// 'od gsal bkrag mdangs phyogs dang bral// rtsa lnga kha dog dbyings dang bral// 'bru lnga 'bar ba'i 'od dang bral// rtsa bral stong sangs dngos dang bral// thams cad 'gyur med chos nyid bklag/ ye shes rin po che 'bar ba las/ gleng gzhi bstan pa'i le'u ste gnyis pa'o// // bcom ldan rdo rje kun bzang gi/ gnyis pa gleng slang bstan pa yang / gnyis med rang gsal ye shes yab// kun gzhi phyogs med stong nyid yum// sna tshogs 'gyur med rig pa'i sras// phyogs med rang gsal thugs rje'i ngang // 'od gsal bkrag las byang chub sems// snying nyid ngang la chags bral mdangs// snang stong rtsa la rig pa shar/ byang chub sems nyid 'khrul pa'i rgyu// sgrib med 'od gsal 'khrul pa'i rkyen//
- 209b
stong nyid ngang las ye shes 'bar// shes rab bkrag las rig pa shar// dang po 'od gsal las babs so// ye shes 'bar ba 'od po che// spros med rtsa lnga nang na yang // dngos med/ rig pa ye shes 'gyus// ye shes rig pa'i bkrag ni dngas ma lnga ru shar// ye shes rig pa'i dngas ma mchong gi ka bar 'bar// ye shes rig pa'i 'khor lo bdun bdun 'bar// ye she rig pa'i dngas ma dbang po kA ru shar// ye shes rig pa'i bcud sha khrag nus par smin// de rnams 'khrul pa'i rgyu nyid do// dngos med ye shes bde chen 'byin// ye shes rig pa rtsal/ shar bas// 'khor lo bdun nas thig le 'dzin// rdo rje'i lam nas bde bar 'bar// lha yi gshed du dri ma med// pad+ma'i dbyings nas bde bar 'bar// lha yi shed grogs chag dang bral// sha dang rus pa'i stobs bskyed byang chub sems// rtsa dang rlung rgyus bkrag rnams rak+ta'o// rdzogs nas sdug bsngal 'khor bar spyod// de rnams ji ltar bshad gyur kyang // dang po byang chub sems las byung // bar du rang gsal ye shes bkrag las shar// tha mar rang byung ye shes rig pas byas// sems nyid dngos po ma grub shes shing rtogs pas bya/ ru med/ tam rig lus kyi rlung ste dang sa ma lda nas shar// gsal byed rtsa lnga nas shar nas sgo lnga gangs la spyod// sems nyid ye shes rlung ste ye shes rtsa lngar shar// sems
- 210a
nyid gdangs gsal shar ba ste// gsal dang 'grib dang phyogs ris med// las rlung rig pas sdug bsngal ci spyad kyang // ngo bo ye shes zer la 'phel 'grib go// ba med/ thams cad ye shes rgyal ba chos kyi sku// ye shes rin po che 'bar ba las/ 'khrul gzhi bstan pa'i le'u ste gsum pa'o// // de nas bde bar gshegs pa thams cad kyi// yongs su shes par bya ba dngos po rgyud kyi don// dang po chos rnams thams cad gtan la dbab// thub bdag ston pas phyi yi sgros thag bcad// sgra rnams stong sangs chen por sgrogs// dngos med ar sgrogs lha yi thub pa'o// skyon med sku mdog dkar po la// g.yas pa gcod pa'i spu gri aM du 'bar// g.yon pa stongs sangs pi wang a ru 'bar// spros pa med pas 'khor lo gtan la bzhugs// dga' ldan skyon med mi yi thub pa ni// thugs rje chags pas sku mdog dmar po 'bar// ro mchog bdud rtsir 'byung bas g.yas pa aM dmar can// gos med skyon bral g.yon pa bum pa can// chags med skyon dang bral bas pad+ma'i gdan la bzhugs// 'byed med rang byung byol song thub pa ni// 'gyur med sku mdog smug nag la// g.yas na ha ljang nyid gnas// rig sna tshogs gos med sgron me bsnams// sra brtan rdo rje rgya gram gdan la bzhugs// 'phrul ldan rang snang yi dgas thub pa ni// 'byung gsal sku mdog
- 210b
ser nag g.yas pa hUM sngon bsnams// dri med rnam dag g.yon pa zhal zas bsnams// rang byung lhun grub rin chen gdan la bzhugs// zhi byed rang shar gos med sku mdog mthing nag g.yas pa rdo rje 'byar// bde sdug rang grol g.yon pa me long 'phyar// 'gyur med pad+ma'i gdan la bzhugs// 'khor ba rnam dag sangs rgyas zhing // thams cad ye shes snang bar shar// rgyal ba rigs lnga nang gi dbang po gsal// ye shes gdang gsal rdo rje 'bar// rig pa'i lam byung sems dpa' nyid// chos skra 'od yin 'gyur ba med// ye shes gdangs yin rnam par snang / rig pa'i bkrag yin sna tshogs mdzad// chos sku'i gdangs yin spros pa med// ye shes 'od yin rin po che// rig pa'i yul+la 'byung ldan nyid// chos sku'i rtsa la yin lhun gyis grub/ ye shes bkrag yin snang ba yin// rig pa'i 'gros yin mtha' yas nyid// chos sku snang ba chags dang bral// ye shes snang ba don yod nyid// rig pa'i mdangs yin grub pa nyid// / chos sku'i ngo bo sra brtan dpal// ma spangs dag pa'i sangs rgyas zhing // ye shes gdangs kyi gnyis med sangs rgyas pa// ye shes lngar gsal sku mdog mthing kha la// a dkar lab chung rdo rje sham bu can// g.yas pa'i me long g.yon pa a zhags 'phen// lhun grub rin chen gdan la bzhugs// stongs sangs ye shes sku nyid ni// gos med skyon bral sku mdog dkar po la//
- 211a
oM dmar lab chung 'khor lo sham bu can// g.yas pa dril bu g.yon pa a zhags 'phen// lhun grub rin chen gdan la bzhugs// stongs sangs ye shes/ sku nyid ni/ gos med skyon bral sku mdog dkar po la// oM dmar lab chung 'khor lo sham bu can// g.yas pa dril bu g.yon pa a zhags rkyong // lhun grub ye shes 'bar ba'i sku// yon tan rgyas pa sku mdog ser po la// hUM sngon lab chung rin chen sham bu can// g.yas pa yid bzhin g.yon pa hUM sngon can// chags med rnam dag ye shes skus// spros bral sku mdog dmar po la// oM ser la ba chung pad+ma'i sham bu can// g.yas pa bum pa g.yon pa pad+ma 'phyar// sgrib med ye shes khyab brda la skus// nyes skyon rnam dag sku mdog ldang / a dkar la pa chung rgya gram sham bu can// g.yas ral g.yon pa 'phrul zhags rkyong // ye shes sku lnga rang byung 'bar ba'o// de nas gnyis med bde gshegs kyis// dngos po med pas kun gyi dngos gzhir shar// 'gyur ba med pas kun gyi rten du gnas// gdod nas rang byung kun gyi ngo bor 'bar// kha dog 'bar ba kha dog med pas kun gyi snang ba shar// phyogs rigs med pas kun gyi dbyings su gyur// spros pa med pas kun gyi bde bar shar// byas pa med pas ye rdzogs lhun gyis grub// bgrod pa med pa ye shes dbyings
- 211b
su phyin/ dbang po lnga yi rang bzhin ni// dug lnga 'char bas rigs drug sgo// rig pa 'char bas ye shes la// sna tshogs 'byung bas ye shes yul// dngos med snang ba chos sku gsal/ nga bdag 'byed pa 'bru lnga'i 'od// sna tshogs gsal ba 'od zer bkrag/ dug lnga 'byung ba dang sa ma lnga// sgyid sdug 'byung ba rtsa bran bcu// skye shi 'byung ba rtsa lnga blangs// chos nyid 'byung lnga 'od gsal nyid// chos sku 'byung lnga ye shes la// ye shes 'byung lnga rtsa lnga nyid// rig pa 'byung lnga 'bru lnga 'bar// snang ba'i 'byung lnga sku lnga nyid// phung po 'byung lnga dang sa ma lnga// bde ba'i 'byung lnga lu ti 'od// sdug bsngal 'byung lnga phung po lnga// sgyu ma 'byung lnga phyi yi yul// lta ba'i 'byung lnga ye shes lnga// sgom pa 'byung ba'i sku lnga nyid spyod pa'i 'byung lnga rigs lnga nyid// lam gyi 'byung lnga rigs 'dzin lnga// rtags kyi 'byung lnga phyag mtshan lnga// tshon gyi 'byung lnga gzhal lnga nyid// 'bras bu 'byung lnga lhun grub skye/ ye shes rin po che rang 'bar ba las// chos thams cad brdar bstan pa'i le'u ste bzhi pa'o// // de nas de bzhin gshegs pa thams cad kyis ye shes thams can rang sa pa'id brjod do// chos thams cad mi 'gyur ba'i ye shes so// lta ba mi 'gyur ye shes zang thal lo// sgom pa mi 'gyur ma bcos kun gzhi'i glong // spyod pa mi
- 212a
'gyur rig pa'i rang 'gros so// chos rnams ma byas rang byung la// sems nyid ma bcos kun gzhi dngos gzhir shar// rig pa ma byas dngos po med par 'byung / sgo lnga ma byas ye shes rang 'od 'bar// snang ba ma byas chos skur rang 'od 'bar// rtsa gnad ma byas bde gsal 'od du 'bar// phung po ma byas rig pa'i rang 'od 'bar// byang chub sems nyid rang grol te// thog mtha' med nas rang bar// dngos dang bral bas rang grol 'bar// snang ba yod tu grol// rig pa rang byung chen por grol// sems nyid rgyu rkyen med par grol// chos nyid stong par ye shes shar// rig pa stong pa sgo lngar shar// sems nyid 'gyur med ye shes rgyun mi 'chang // ye shes 'gyur med rig pa rgyun mi 'chang/ rig pa 'gyur med snang ba rgyun mi 'chad// sems nyid mi gnang rang byung rig pa nyid// rig pa mi snang rang byung shes rab nyid// ma rig mi snang 'byung ba dug lnga nyid// ye shes snang bas spyad dang gsal bas gos pa med// rig pa sna tshogs spyad dang dngos po gos pa med// bde bar gshegs pas rang shar 'di brjod pas// mchog gi 'od gsal mtshon pa'i bri thabs ni// ras sam gro ga 'dom gang grwa bzhi la// cha lngar bgos la lnga po lnga lnga bgo/ de yang lnga lngar phye bas brgya dang lnga bcu'o// tshon ni mthing kha dkar
- 212b
po ser le brgan// mthing gi mthing kha la sogs pa// tshon rnams rjes shing mdzes tshon gtang // ri mo pad+ma lnga ru bri// pad+ma thams cad nyis 'gyur bri// chos kyi dbyings kyi pho brang ngo po// snying po chos nyid thig le brgya// 'od gsal dbyings kyi lte ba la// rang byung sems dpa'i sku nyid ni// sku mdog mthing kha rin chen lab chung can// rdo rje sham bur yan lag pad+mar 'bar/ dbu rgyan snyan chen snyan chas 'khor lo 'bar// phyag g.yas rdo rje g.yon pa me long 'phyar// 'od gsal nang sgo bcu drug la// thub drug ye shes lnga rnams bri// de yi phyi ma'i 'od skor la// zhi khro gnyis kyi lha tshogs bri// de yi phyi ma'i 'od skor la// gcan gzan gdug pa'i gzugs brnyan bri// de yi phyi yi 'od skor la// 'od zer bye ba phrag brgya bri// sku rnams thams cad tshon gang ba// pad+ma'i gru chad dag la'o// sangs rgyas bcu drug ye shes mdang sa gsal rtags// bzhi bcu rtsa gnyis chos nyid stong pa'i rtags// lnga bcu rtsa brgyad ye shes rang shar rtags// gcan gzan gdug pa chos nyid rtsal shar rtags// 'od zer rnams ni rig pa 'du 'phro'i rtags// de las rig pa ye shes 'od// ye shes rtsa lnga gnas lugs ni// sems dpa'i drabu yi steng na yang // 'od lnga drang la thar par bshad// a dkar rtsa gcig rtsa lnga nang na gsal// rtsa lnga rtse mo thig le lnga ru 'bar// thig le dbyings su ye shes 'bru
- 213a
ljags la/ 'bru lnga'i 'od las gyen la rtsa bran bcu// rtsa bran nang na a dang hUM gis gang // thig le 'od las dang ma lnga ru 'bar// dngas ma'i g.yas na don snying lnga yi rtsa// don snying rtsa la skyed byed rtsa lngar shar// dngas ma'i g.yon nas stobs kyi rtsa lngar shar// dngas ma'i phyi ru a ba d+hU ti shar// d+hU ti'i rtsa la 'khor lo bdun// dngas ma'i phyogs bzhi rtsa chen bzhi// don snying lnga yi rtsa ni rgyu// mchin pa'i rtsa la tsha ba skye// bzang drug ga pur 'gam phye gtang // gdon du srid pa'i ma mo bcos// rgya gar srid pa'i phyi mdos ni// sman gtor me mar stong stong dgod// phyi nang mchod pa rgyas par bya// ma mo bcu rnams byer la gtang // 'bring du dbang phyug zor mdos ni// sman gtor me mar nyi shu brgya dang phyi nas mchod pa rgyas par bya// dpa' bo bcu rnams gyer la gtang // tha ma dpon g.yog gsum pa ni// sman gtor lugs bya gsum gsum dgod// phyi nang mchod pa rgyas par bya// lha mo bcu rnams gyer la gtang // glo ba'i rtsa ni stong la rgyal// dbugs kha rgod la ro stong brgyangs// bzang drug sbrang rgod la sogs gtang // gdon du srid pa'i bdud bcos te// gtor ma nyi shu rtsa lnga gtang // dpa' bo bcu rnams gyer la gtang // snying gi rtsa ni drag la myur// mig rtsa drung la shes pa 'phyo// ro stod zer la yan lag gyong/
- 213b
lug sha chang dang me rtsa gdab// 'bras bu gsum gyi sman mar gtang // gtsan dang rgyal po gdon bcos te// gtor ma mar me nyi shu lnga// dpa' bo bcu rnams khyer la gtang // mcher pa'i rtsa ni phra la grims// sa bdag skyes bu'i nad yin te// yan lag ske 'dzi chu sor 'bab// chu gtor tsha tsha me mar gtang // dpa' bo bcu rnams gyer la gtang // rtsa ba lnga yi sman mar gtang // chu gtor da kar gtor stong stong ni// zla gsum par tshod med par gtang // lha mo brargya rnams gye ra la ga tang // dam rdzas dug s+thA dri chu la// sbyin sreg mchod pa rgyas par bya// mkhal ma'i rtsa ni stong la lhod// pho mchin 'khor zhing gsus pa dgangs// chang dang lug sha lo mar gtang // gdon du mtsho sman rgyal mo bcos// gtor ma chu gtor mar me btang // lha mo bcu rnams gyer la gtang // glo bur ro stod rgyangs pa dang // kha nas bab col smra ba ni// gdon du srid pa'i dkor bdag bcos// lug sha chang dang bsku mnye bya// tsha tsha chu gtor mar me gtang // mdo dang snying po rgyun mi gcad// phyi nang mchod pa rgyas par bya// yang dag bsgrub pa'i zhal rnams dbye// ye she rin po che 'bar ba las// chos rnams thams cad rang shugs kyis spyod pa bstan pa'i le'u ste lnga pa'o// // de nas bde bar gshegs pa yis//
- 214a
yi ge rang 'bar ba brjod do// lus rnams stongs bzhi'i lus// khog pa stong pa a yis gang // spyi gtsug a ru na ra ra// gzhi ma mthing kha a yis gang // sprul sku bsgoms pa ji bzhin no// sdug bsngal bral te bde ba'i sku// gser gyi rdo rje 'bar ba la// hUM sngon 'bar bas ra gseb gau tams// yid bzhin nor bu 'bar ba las// oM dmar gdang pa 'bar ba'o// ye shes pad+ma 'bar ba la// aM gar gdangs pa shin tu gsal// zhe sdang ga ti mug 'dod chags bral// ye shes rin po che 'a bar ba las// yi ge 'bar ba'i le'u ste drug/ pa'o// / de nas bde bar gshegs pa thams cad yang dag pa 'di brjod do// rang byung sems dpa' lta ba yin// byang chub sems kyi rang bzhin no// dngos po med pa kun gyi dngos// rang byung shar ba kun gyi gzhi// rgyu rkyen med pas kun gyi srog/ thog mtha' med pas kun gyi skyabs// mchog gi 'od gsal 'bar ba yang // kha dog med par snang ba shar// dngos po med pas gsal bar shar// bris pa med pas kun gyis gdangs// rdzas su ma grub ye shes 'od// ye shes rtsa lnga rang bzhin dang // spros pa med pas stong pa dang // phyogs ris med pas gdangs la sangs// rang bzhin med pas dngas la stong // byas pa med pas ye shes lam// dpa' bo 'bru lnga rang bzhin dang //
- 214b
dngos po med pas shes rab 'char// bris pa med pas sna tshogs 'char// rang bzhin med pas sna tshogs gsal// ye shes yin pas gos pa med// lta ba nam mkha' 'dra ste 'gyur ba med/ sgom pa nyi zla 'dra ste gsal 'grib med// spyod pa ser bu 'dra ste ngos gzung med// sems nyid bar snang 'dra ste phyogs ris med// 'od gsal nyi ma 'dra ste gsal la ga dang // / rtsa lnga nyi zer 'dra ste 'phel 'grib med// 'bru lnga chu gzugs 'dra ste dngos po med// rig pa smig rgyu 'dra ste rang bzhin med// sgo lnga 'khor 'das rgyab gyes pas// dug lnga gsad pa'i thabs chen yang // nam mkha'i mthong nas zhe sdang sbrul nag 'khrug/ shes rab ye shes gdang sa gsal mda' gzhu dgang // chos kyi dbyings su ye shes mde rtse bstad// ye shes mda' ni phyogs bcur 'phang par bya// bar snang mkha' la gti mug phag rgod 'gyur// stong sangs ye shes chen po mda' gzhu'i bdag/ skye med dbyings su ye shes ma de rtse bstad// gnyis med ye shes mda' ni 'gyur med brdeg/ yid bzhin sgrom bu'i nang na phrag dog spre'u rtse// dngos med rang byung chen po'i mda' gzhu dgang // rlung bsgoms nang du hUM gi mde rtse bstad// bde ba ye shes rang byung mda' 'phang ngo // rgya mtsho'i snying nas 'dod chags dang mo 'phur// chags med rang grol chen po'i mda' gzhu dgang // pad+ma dbyings kyi a gi mdo rtse bstan
- 215a
ye shes mde rtse mda' ni rang grol 'phang // ri rab rtse la nga rgyal glang chen 'khun// spros med ye shes chen po'i mda' gzhu dgang // sra brtan rgya gram lha ba mdo rtse bstod// stong pa chen po'i glong du mda' 'phang ngo // chos sku 'gyur med snang ba'i rgyan du shar// chos sku ye shes gting gsal 'gyur med cing // dus gsum sangs rgyas rnams kyis gtan la 'bebs pa med// las can rigs 'dzin rnams kyis don la mthong ba med// mkhas pa dge bshes rnams kyis nyams su myong ba med// khams gsum sems can rgyud la lhan ne lhag ge gnas// dper na na mkha' stong pa kho rang las// dngos po kha dog dbyibs su grub pa med// sems nyid 'gyur med ye shes chen po la/ rtogs shin mthong du kho rang rang las med// ye shes rin po che rang 'bar ba las// gdams pa'i le'u ste bdun pa'o// // de nas bde bar gshegs pa thams cad kyis// sbyang med rnam par dag pas 'di brjod do// dang po phyi bshags rgyas par bya// de nas rten gyi dri ma bca'// phyi ru maN+Da la drug byas la// a nri su tri pri tu bri// gtor ma drug la byini brlabs la// ting 'dzin rigs drug lam nas drang // lha mo bcu yis dri ma 'khrud pas dbyung // dkyil 'khor rtsa ru gzhag la khro bo buH
- 215b
yi bcos pa gtad// 'od gsal dkyil 'khor bri la mchod rdzas rgyas par dgra ma// steng nas 'od gas la dkyil 'khor dbub// bar du rtsa lnga 'dra 'bag bri// bum pa'i nang du rigs lnga bskyed// lha mo bcu rnams gyer la rigs drug lam nas drang // khyod ni zhe sdang las kyi dbang btsan gyis// dmyal ba'i nang du ma skyes sam// dmyal ba'i nang du skyes srid na// ye shes lha mo thugs rje dang // yi dam lha yi byin rlabs kyis// tsha grang sdug bsngal bral nas kyang // dmyal ba'i 'jig rten gnas stongs te// lha dang slob dpon spyan sngar khrag ser snas yi dgas su skyes srid na// 'og ma yang 'gre'o// lha mo bkres skom/ yi dwags/ byol song las/ glen lkugs/ 'dod chags/ mi yi/ lha mo/ 'gyur bami yi/ phrag dog dang / lha man/ lha mo/ 'thab rtsod/ lha min/ nga rgyal/ lha yi/ yi da ma/ ltung ba/ lha dang / slob dpon/ ma mo bcu rnams gye ral gshed po dgram// dkyil 'khor brgya rnams gye ra la sgrib pa bral// lha mo bcu rnams gyer la dkyil 'khor gzhug/ thub drug tshogs la rdzogs par bya// lha dbog sngags dang phyag rgya brtan// phyi nang mchod pa rgyas par bya// de nas bzlas pa'i dgongs pa ni// yi dam thugs kar 'od gsal bsgom// 'od 'phros tshe 'das lus la phog/ sgrib sbyangs ye shes a ru gyur// don ni
- 216a
stong gsal chen por blta// brtags pas 'gyur med chos kyi sku// de nas spar ba'i dgongs pa ni// dag pa spru la sku dam pa yang // snang ba thams cad 'od du lam// dngos po thams cad a ru grol// a ni ma skyes stong gsal grol// mdzad spyod lam du byer ba yang // chos nyid stong pa'i gzhu bdungs la// ye shes gsal ba'i mda' stongs te// dbyer med thabs dang shes rab dgang // tshe 'das bag chags tshogs la brdeg/ bde ba chen po'i ngang du gsal// ye shes snying po stong gsal te// snang srid stong par phyal la// tshe 'das dngos med a nu grol// thams cad rang shar chen por gas la// gdangs gas la longs skur spar ba ni// snang ba thams cad rang sems ye shes gdangs/ bar snang khams su ye shes gzha' lnga sha ra// gzha' lnga lam nas ye shes a thon nas// thams cad stong sangs chos nyid dang sa ma shar// chos kyi dbyings su gzhu bdungs pa// ye shes gsal ba'i mda' stongs la// a dkar ye shes mde rtse blang // ye shes gzha' lnga sbubs su 'bar// stong gas la chen por phya la la// ye snying po tshad du bskyal// snang srid ye shes 'od kyis gang // 'od zer thams cad a ru 'khrol// thams cad bde stong thig ler 'bar// 'gyur med chos skur spar ba yang // dngas
- 216b
po thams cad stong pa'i gdangs// snang ba thams cad ye shes bkrag/ gzung 'dzin thams cad ye shes zer// chags zhe na thams cad chos nyid rtsa la// nga bdag thams cad dbyer med dbyings// ting 'dzin 'phro tha du rig pa'i 'gros// thams cad ma bcos chos kyi sku// nam mkha'i dbyings su a 'od gsal 'phangs la// yaM dang karma rak+Sha phaT/ stong nyid ngang las ye shes thugs rje shar// me mar brgya rtsa gtang la me mar mchod pa bya// lha mo bcu rnams gyer la khrus nas dbyung // ma mo bcu rnams gyer la sbar gsum dgongs pa bya/ dpa' bo bcu rnams gyer la ye shes mda' 'phang ngo // sbyin sreg rgyas par byas la mtshan byang bsreg/ smon lam rgyas par btab la dkyil 'khor bsdu// ye shes rin po che rang 'bar ba las// gnas kyi rim pa bstan pa'i le'u ste brgyad pa'o// // de nas de bzhin gshegs pa thams cad kyis ye shes kyi mchod pa rang 'bar 'di brjod do// dngos med gdangs gsal dkyil 'khor du// rang byung ye shes mchod rdzas bkram// glong yangs chen por byin gyis brlabs// lhun gyis grub par pa zhes su gsol// rang byung 'bar ba'i dkyil 'khor du// thig le rang shar mchod rdzas bkram// sgrib med rang shar chen pos byin gyis brlabs// rang gsal chen por byin gyis
- 217a
bzhes su gsol// spros med rang shar dkyil 'khor du// skye med rang byung mchod rdzas bkram// 'byung gsal chen por byin gyis brlabs// stong gsal chen por bzhes su gsol// thig le glong chen dkyil 'khor du// bde ba'i ye shes mchod rdzas bkram// dbyer med chen por byin gyis brlabs// bde ba chen por bzhes su gsol// ye shes 'bar ba'i dkyil 'khor du// dag pa 'phrul gyi mchod rdzas bkram// gdangs gsal chen por byin gyis brlabs// gnyis su/ med par bzhes su gsol// rang shar 'od kyi dkyil 'khor du// gdangs gsal ye shes mchod rdzas bkram// rang snang chen por byin gyis brlabs// rang grol chen por bzhes su gsol// phyogs med pa yi dkyil 'khor du// rang sangs chen por mchod rdzas bkram// gdangs gsal chen por byin gyis brlabs// rang grol chen por bzhes su gsol// rang byung lhun grub dkyil 'khor du// dngos med rig pa'i mchod rdzas bkram// snang gsal chen por byin gyis brlabs// lhun gyis grub par bzhes su gsol// phyogs med rnam dag dkyil 'khor du// gos med ye shes mchod rdzas bkram// bdud rtsi chen por byin gyis brlabs//
- 217b
bde ba chen por bzhes su gsol// khyab brdal ye shes dkyil 'khor du// kun 'byung rig pa'i mchod rdzas bkram// spros pa med par byin gyis brlabs// dbyer med chen por bzhes su gsol// ye shes 'bar ba glong yangs che// bde ba'i ye shes 'od du 'phros// ye shes brdal bas mchog gi 'od// ye shes dkyil 'khor gter chen 'beb sa// ye shes rin po che rang 'bar ba las// ye shes kyi dkyil 'khor rang 'bar ba'i le'u ste dgu pa'o// / de nas bde bar gshegs pa thams cad kyis gnyis su med par shar ba 'di brjod do// dang por phyi gshegs rgyas par bya// dkar gtor gnyis dang dmar gtor gcig/ sngags dang phyag rgyas byin gyis brlabs// dmar gtor chos skyong tshogs la'o// chos skyong rig pa 'du 'phrod tshogs// dkar gtor bgegs rigs stong phrag la// nyon mongs stong phrag brgya pa'o// gcig ni mgon po rtsa gnyis la// rigs lnga bka' rtags bsgo ba 'di ni// gsal ba sku lnga 'od dang yin// dus gsum sangs rgyas gshegs shul yin// khams gsum sems can 'byung ba yin// mi 'gyur snying po rtags kyang yin// ye shes lnga yi rtsa la kyang yin// rnam shes lnga yi 'od kyang yin// rig pa lnga yi lam yang yin// 'bru lnga
- 218a
'bar ba'i 'od kyang yin// ye shes rtsal lnga gdangs kyang yin// mchog gi 'od gsal bkrag kyang yin// mi shigs thig le'i 'od kyang yin// lha mo bcu rnams gyer la gtang // ye shes lha mo bcu rnams kyang // gdangs gsal ye shes lha mo ni// ye shes gar byed phya la la// rol pa'i stabs byed khro lo lo// ye shes chen por bzhes su gsol// rang gsal lha mo 'od 'bar ma// yid bzhin 'bar ba 'phreng ba can// ye shes rol pa kra la la// phyogs ris med par bzhes su gsol// spros med lha mo 'od zer ma// bde ba'i ye shes 'phrul gyi gzhi// sgrib med ye shes 'od du 'phro// ye shes chen po bzhes su gsol// bde glong lha mo thig le ma// ye she 'bar ba'i lcags kyu can// brdal ba ye shes glong yangs che// dngos med bdud rtsi rare ba zhes su gsol// chos kyi lha mo sgrol ma rgyal// phyag na me tog 'phreng ba bsnam rang gsal ye shes dag pa'i mgon// rang snang chen por ba zhes su gsol// rang gsal lha mo 'od 'phro ma// g.yu yi gzhong ba phyag na bsnams// gsal 'tsher me shes 'od du 'bar// rang gsal chen por bzhes su gsol// spros med lha mo rang sangs ma// phyag na gsar gyi gzhong pa thogs// gsal 'tsher lhun grub yid bzhin 'bar
- 218b
rang grol chen por bzhes su gsol// yid bzhin lha mo sna tshogs mdog/ phyag na rin chen gzhong pa thogs// ye shes mdog gsal kra la la// rang byung chen por bzhes su gsol/ rnam dag lha mo 'od 'phro ma// phyag na ye shes bum pa bsnams// gos pa med par sal la// phyogs med chen por ba zhes su gsol// kun gsal lha mo 'od zer ma/ phyag na dung gi gzhong pa bsnams// bde ba 'phul byed ye shes 'bar// khyab brdal chen por ba zhes su gsol// ye shes lha mo 'bar ba che// thams cad rdzogs pas glong chen yangs// gnyis su med par sna tshogs 'byung // mched pa med par bzhes su gsol// ye shes rin po che rang 'bar ba las// ye shes mchod pa'i le'u ste ba ba'o// // de nas de bzhin gshegs pa thams cad kyis ye shes kyi gdangs 'bar ba 'di brjod do// ye shes snying po 'gyur med sems kyi ngadang / rang rig rang byung dngos med snang ba'i rgyan// rtsa dang thig le rang shar 'od// dbang po sgo lnga rang sangs chos nyid bklag/ ye shes khro bo gdangs gsal 'bar// skul ye shes glong yangs gsol// g.yas pa shes rab rdo rje 'phyar// 'du 'bral rtsad nas gcod mdzad pa// g.yon pa ye shes mda' gzhu 'gengs// ma rig
- 219a
ba gcod mdzad pa// ye shes khro chung phyogs bcur 'phro// dgra bgegs rtsa ba gcod mdzad pa// stong rig ye shes kra la la// ye shes khro ba 'bar brgyal/ sku la ye shes kyi shar ba gsol// g.yas pa ye shes ral gri 'phyar// rnam rtog rtsa nas gcod mdzad pa// g.yon pa ye shes mda' gzhu 'gengs// skye shi rtswa ba gcod mdzad pa// chos nyid kyi khro chung phyogs bcur 'phro// dgra bgegs dbang du sdud mdzad pa// rang gsal chen mor me re re// ye shes khro bo 'bar ba 'phro// sku la ye shes ske tshe gsol// g.yas pa ye shes nyi ma 'phyar// dug gsum rtsa ba gcod mdzad ma// g.yon pa ye shes mda' gzhu 'gengs// 'pho 'gyur rtsa ba gcod mdzad pa// bde rgyas khro chung phyogs bcur 'phro// dgra bgegs srog la mA ra ya// rang shar chen por me re re// ye shes khro bo thag le 'bar// sku la chos nyid 'bar ba gsol// g.yas pa rang gas la zla ba 'phyar// spros pa'i rtsa ba gcod mdzad pa// g.yon pa ye shes mda' gzhu 'gengs// nyon mongs rtsa ba gcod mdzad ma// ye shes khro chung phyogs bcur 'phro// nyams pa dbang du sdud mdzad pa// snang gsal chen por kra la la// ye shes khro bo dpa' bo rgyal// sku la ye shes 'bar ba gsol// g.yas
- 219b
pa gcod pa'i spu gri 'phyar// dug lnga rtsa ba gcod mdzad pa// g.yon pa 'phrul gyi mda' gzhu 'gengs// bdag 'dzin rtsa ba gcod mdzad pa// 'od zer khro chung phyogs btur 'phro// dgra bgegs tshogs la dug mda' brdeg/ bde ba chen por kra la la// ye shes khro bo 'bar ba'i 'od// sku la ye shes g.yu khrab gsol// g.yas pa ye shes rdo rje gsor// phyogs ris med par khra la la// g.yon pa yid bzhin mda' gzhu 'gengs// rang bzhin med par kra la la// rang snang khro chung phyogs bcur 'phro// dam nyams dgra la mA ra ya// gnyen po med par gsal la la// ye shes khro bo rang sangs rgyas// sku la ye shes 'khor lo gsol// g.yas pa shel gyi spu gri 'phyar// nga rgyal rtsa ba gcod mdzad pa/ g.yon pa 'phrul gyi mda' gzhu 'gengs// rang sangs chen por kral la// spros med khro chung phyogs bcur 'phro// dam nyams dgral mA ra ya// rang grol chen po dkral la// ye khro bo rang byung rgyal// sku la yid bzhin sha ba gsol// gsal ba dril chen rgyal mtshan 'phyar// nyon mongs gdungs pa se la mdzad pa// g.yon pa 'phrul gyi mda' gzhu 'ged// zhe sdang rtsa ba gcod mdzad pa// yid bzhin khro chung phyogs bcur 'phro// dam nyams dgra la mA ra ya// 'dod pa'i yid bzhin char du 'bes// ye shes khro bo bdud rtsi 'khyil//
- 220a
sku la rnam dag ske tshe gsol// g.yas pa ye shes pad+ma 'phyar// 'dod chags rtsa ba gcod mdzad pa// g.yon pa 'phrul gyi mda' gzhu 'gengs// zhe sdang rtsa ba gcod mdzad pa// rnam dag khro chung phyogs bcur 'phro// dam nyams dgra la mA ra yau// ye shes bdud rtsi si li li// ye shes khro bo snang ba'i dpal// sku la spros med ske tshe gsol// g.yas pa rdo rje rgya gram 'phyar// sdug bsngal rtsa ba gcod mdzad pa// g.yon pa 'phrul gyi mda' gzhu 'gengs// phyogs ris med par rtsa ba gcod mdzad pa// snang gsal khro chung phyogs bcur 'phro// dam nyams dgral mA ra ya// khyab brdal chen por me re re// ye shes rin po che rang 'bar ba las// ye shes gdangs kyi le'u ste bcu gcig pa'o// / / de nas de bzhin gshegs pa thams cad kyi nyams bskyed byin rlabs bde ba 'di brjod do// yul gyi ming ni rgya gar yul// bsam yas rin chen 'bar ba'i dgon pa ru// yid bzhin 'bar brgya yis gdab// 'bru ga zha' snang gsal 'bar ba'i dgon pa ru// dag pa ye shes 'bar ba'i rgya yis gdab// snod brtag sbyin pa'i thabs chen yang // blo chen yangs lam sbyin cig/ phyogs med 'khyams pa'i skyon du 'gyur// rgya che zab la ma sbyin cig/ chos dbyings chen po'i skyon du 'gyur// rnol myur la ma sbyin cig/ the tshom za ba'i skyon du 'gyur/
- 220b
ti ri sogs la ma sbyin cig/ sgro skur can gyi skyon du 'gyur// mgyogs spyod can la ma sbyin cig/ khyad du gsad pa'i skyon du 'gyur// rtog pa can la ma sbyin cig/ ngo mi shes pa'i skyon du 'gyur/ rgyu dang na rnams la ma sbyin cig/ rang rgyud sreg pa'i skyon du 'gyur// thos chung rnams la ma sbyin cig/ ye 'phangs za ba'i skyon du 'gyur// dad can rnams la ma sbyin cig/ dge sbyor gcog pa'i skyon du 'gyur// btsa' can rnams la ma sbyin cig/ chos la rmongs pa'i skyon du 'gyur// phyag rgya spros la gdangs gsal thugs la shar// nyi ma'i snying po sgrib med sems la shar// nam mkha'i snying po phyogs med thugs la shar// rgya mtsho'i chu gzugs thos med lus la shar// ye shes rin po che rang 'bar ba las/ 'bras bu chos kyi 'khor la'o// rdzogs so// / rgya gar skad du/ a ti tr-i kA ya bany+tsa dz+nyA na tri ka karma tan+t+ra nA ma ma hA san+ni tri kA ya pany+tsa dz+nyA na s+yAr+tha su b+ha Shi ta sUR+YA tsan+ta saM pu tha nA da si ha san+ni gI ti tan+ta nA ma/ bod skad du/ rdzogs pa chen po sku gsum ye shes lnga'i don ba shad pa nyi ma kha sbyor seng ge sgra yi dgongs pa bshad pa'i rgyud ces bya ba/ bcom ldan 'das dpal rdo rje sems dpa' la phyag 'tshal lo// 'di skad rnam par bshad pa'i dus gcig na// dus gsum gyi sangs rgyas thams cad 'dus pa'i dpal