MW21521_F6AA1Eམན་ངག་ཨ་ཏི་ཡོ་གའི་ཆོས་སྐོར།All versions of this work

rdo je sems dpa' nam mkha' che bram ze rgyas pa'i rgyud

Text

ff. 266a–279b · 28 folio sides

  1. 266a

    min// nges pa yin te 'di zhes bstan du med// ye nas sangs rgyas 'di zhes bcos su med// khyud chen mkhar lding bya lam rjes med 'dra// bya bral lung gi rgyal po 'di ni kun gyi rmad// slob mar mi gnas ye gnas 'bras bu'i mchog/ cir yang 'di la mi dgos ye sangs rgyas// spu gri pad+ma ral gri 'khor lo ste// kun 'byung snying po rgyud kyi rgyal po'o// rgyas pa chen po'i rgyud/ rgyud thams cad kyi rgyal po/ rgyud kyi khog pa'i le'u ste nyi shu rtsa drug pa'o// // rdzogs so// / / rgya gar gyi mkhan po shri sid+hi dang / bod kyi lo tsa ba bai ro tsa nas bsgyur ba'o// / rgya gar skad du/ badz+ra sa twa sa ma ya kha ma hA de ha puSh+TiM ga ra tan+t+ra/ bod skad du/ rdo rje sems dpa' nam mkha' chi bram ze rgyas pa'i rgyud/ bcom ldan 'das dpal kun tu bzang po la phyag 'tshal lo// 'di skad bshad pa'i dus na/ 'og min gyi gnas chos nyid kyi mkha'/ dbyings nyid kyi klong/ sems nyid kyi gnas/ ye shes bsgrib pa mi mnga' ba'i gzhal yas na/ nyid kyi rang bzhin dang / nyid kyi ngo bo dang // nyid kyi blugs rjes sprul pa'i 'khor 'di lta ste// rang bzhin gyi 'khor chos kyi sku zhes bya ba dang / ngo bo nyid kyi 'khor longs spyod rdzogs pa'i sku zhes bya ba dang /

  2. 266b

    thugs rje chen po'i 'khor sprul pa'i sku zhes bya ba dang / rdo rje sems dpa' la sogs pa 'byed pa med pa'i 'khor rnams dang thabs cig tu bzhugs so// de nas bcom ldan 'das kun tu bzang pos thams cad bsdus nas thig le chen po gcig tu bzhugs so// de nas rdo rje sems dpa' nyid kyi rang bzhin thig le chen po gcig tu bzhugs pa de las phyung nas/ bcom ldan 'das kun tu bzang po la dga' ba'i sems kyis dang ba'i mdangs phyung nas 'khod do// de nas bcom ldan 'das kun tu bzang pos/ rdo rje sems dpa' la smras pa/ rdo rje sems dpa' e ma'o// dga' ba'i sems skyes e ma'o// dad pa'i mdangs phyung e ma'o// da las phyung ba'i e ma'o// khyed 'dud dga' ba e ma'o// zhes gsungs pas/ rdo rje sems dpas zhus pa/ ston pa'i ston pa kun tu bzang po lags// ston pa nyid kyang thig le spros pa med// 'khor rnams kun kyang thig le spros pa med/ bstan pa kun kyang thig le spros pa med// dus dang gnas kyang thig le spros pa med// thams cad kun kyang thig le spros med na// ston pa'i ston pas ci zhig ston par mdzad// 'khor du 'khor ba'i 'khor ni ci la 'khor// 'khor la ston pas ci zhig ston par byed// dus dang gnas ni gcig pa ji lta bu// zhes pa dang / de nas kun tu bzang

  3. 267a

    pos 'di skad ces gsungs so// ngas don ma lus pa sgrar bshad kyis yid la byos shig/ sems nyid kun tu bzang po nga nyid ni// ston pa dang ni bstan pa 'khor dus gnas// nga las byung bas ye nas thig le ste// nga yi rang bzhin thig ler bstan pa yin// thig le ye nas spros pa med pa'i don// snying po ma spros ya nas thig le yin// zhes gsungs so// rdo rje sems dpa' nam mkha' tshe bram ze'i rgyas pa'i rgyud las/ gleng gzhi'i le'u ste dang po'o// // de nas yang rdo/ sems dpas zhus pa/ bcom ldan bde chen kun bzang po// nyid kyi rtsa ba bshad du gsol// zhes zhus pas/ kun tu bzang pos bka' stsal pa// nyon cig nga la 'dus pa'i 'khor// nga yi rang bzhin bstan pa ni// gnas ni chos nyid dbyings la gnas// gsal ni rig pa'i mkha' la gsal// khyab ni snod bcud kun la khyab// byung ni snang srid kun tu byung // yin ni byang chub sems yin te// bstan ni theg pa dgu ru bstan// 'dus ni rdzogs pa chen por 'dus// bstan du mtshan ma'i dngos po med// mthong du med pa'i yul dang bral// shes su tshig gis brjod du med// rgyu las ma byung snying po 'di// yod ni gcig las med pa ste// spros ni sna tshogs khyab par spros//

  4. 267b

    brtags pas ma mthong cir yang mthong // gang ltar bsgom yang 'gyur ba med// tha dad spros kyang thig le gcig/ kun bral nyag gcig ci ma yang // mthong byed sna tshogs kun / gyi gzhi/ dmigs su med par mtshon te bstan// de don nges par rtogs 'dod na// des ni nam mkha' lta bur brtag/ don ni chos nyid skye ba med// rtogs ni sems nyid 'gag pa med// nam mkha' lta bu'i chos nyid la// nam mkha' lta bu'i dpe yis mtshon// dmigs su med pa'i chos nyid la// dmigs pa med par mtshon te bstan// tshig tu brjod pa med pa la// brjod du med pa'i tshig brjod de// dmigs med don gyi ngo bo bstan// don chen 'di yis rtogs par byed// 'di yis don chen ma rtogs na// don gyi sgra tshig ci bstan kyang // snying po'i don dang 'phrad mi 'gyur// zhes gsungs so// rdo rje sems dpa' nam mkha' che bram ze rgyas pa'i rgyud las/ snying po rtsa ba bstan pa'i le'u ste gnyis pa'o// // de nas yang rdo rje sems dpas zhus pa/ bcom ldan bde chen kun bzang po// ston pa dang ni bstan pa dang // de bzhin 'khor tshogs bshad du gsol// zhes nus pas// kun tu bzang pos bka' stsal pa// nyon cig nga la 'dus pa'i 'khor//

  5. 268a

    ston pa yang ni rnam gsum ste// bstan pa yang ni rnam pa gsum// de 'dzin 'khor yang gsum du bstan// ston pa gsum ni 'di lta ste// chos kyi rang bzhin ston pa dang // chos kyi ngo bo ston pa dang // don gyi sgra tshig ston pa'o// rang bzhin ston pa'i ston pas ni// skye ba med pa'i byin rlabs las// ji ltar snang ba'i chos rnams kun// de bzhin nyid du ston par byed// ngo bo ston pa'i ston pas ni// ci ltar snang ba'i chos rnams kun// stong pa nyid kyi skur byung nas// ngo bo de las med par ston// sgra tshig ston pa'i ston pas ni// chos rnams don ni sgrar bsdus nas// ma rig mi shes sems can la// de don sgra/ tshig sde bas nas ston// bstan pa rnam pa gsum ni 'di lta ste// chos sku'i bstan pa de bzhin nyid du bstan// de bzhin nyid la rnam par dbye ru med// ji ltar snang ba'i chos rnams thams cad kun// sems kyi ngo bo yin pas de bzhin nyid// de la gang zhig 'chos shing sgom byed pa// de yis chos sku'i bstan pa rtogs pa med// snang ba med pa'i chos nyid byang chub sems// ma nor de bzhin nyid du ma rtogs te// de la gang du 'chos shing sgom byed pa// de yis rang sems bcos med de ma rig/ snang

  6. 268b

    srid chos dang snang srid byang chub sems// sems kyi de bzhin nyid phyung de bzhin nyid// de bzhin nyid du ma brtags so sor mthong // de bzhin nyid ni dbyings nas tshe la byed pa// dus gsum rgyal bas btsal yang mi rnyed do// longs spyod rdzogs pa'i bstan pa longs spyod de// longs spyod lnga ni chos nyid longs spyod cig/ sangs rgyas sems can kun gyi longs spyod du// longs spyod rdzogs pa'i sa las spyad du med// gzugs la sogs pa'i longs spyod lnga la ni// gcig la lnga lnga nyi shu rtsa lngar spyod// rtswa lnga'i longs spyod de ni sku lnga'i tshul// chos nyid don gyi ngo bo nyid du ba shad// sprul sku'i bston pa thugs rjes don mdzad de// khams gsum sems can bsam pa tha dad la// sku dang gsung dang thugs ni rnam gsum gyis/ bsam pa thams cad sku gsung thugs rjes bzlog/ de 'dzin 'khor ni rnam pa gsum bstan te// shin tu rnal 'byor rtsol bsgrub 'das pa'i 'khor// sgor zhugs yid ches sangs rgyas so la gnas// rig 'dzin sa dang dang po bcu par 'khor// ma thob nya reg sgom pa'i sa la gnas// sems bskyed mos pa spyod pa'i 'khor rnams ni// rgya dge 'bras bu dag 'joms sa la gnas// de

  7. 269a

    ni ston pa gsum gyi 'khor du bstan// rdo rje sems dpa' nam mkha' che bram ze'i rgyas pa'i rgyud las/ ston pa dang ni bstan pa dang 'khor bstan pa'i le'u ste gsum pa'o// // rdo rje sems dpas yang zhus pa// bcom ldan bde chen kun bzang po// nyid kyi bya med bshad du gsol// zhes zhus pas/ kun tu bzang pos bka' stsal pa// nyon cig nga la 'dus pa'i 'khor// bya ba med pa'i don 'di ni// kun bzang nga yi rang bzhin te// nga yi rang bzhin / 'gyur med la// bsgoms shing 'chos na bsgyur ba yin// ye nas lhun gyis grub pa la// sgrub na nga la 'chos pa yi// da ni ye nas byas zin pas// bya ba med pa'i chos nyid yin// chos nyid nga yi rang bzhin pas// rang bzhin de la bya ru med// bcos su med pa'i rang bzhin la// rdo rje sems dpa' khyod ma 'chos// rdo rje sems dpa' khyod 'chos na// kun tu bzang po 'chos pa yin// ji ltar snang ba'i chos rnams kun// kun kyang nga yi rang bzhin yin// mi gnas dmigs pa'i yul dang bral// spros med/ bsam med yul las 'das// de la spong gegs su byed pa// bskal par btsal yang rnyed par dka'// nga la btsal bas grub pa med// nga la sbyangs pas byang ba med// nga

  8. 269b

    lam sta yus med kyis// nga lam bgrod lam med kyis// ngal ma skyong sgrib med kyi// nga la bzod pas byin pa med// bde chen chos klu sems su gcig pa'i phyir/ phyi dus gsum med de khyad par med// rang byung ye shes yul la mi rtog pas// rig pa'i ye shes yul gyis btsal mi dgos// ma btsal ye nas lhun gyis grub pa'i phyir// rtsol ba'i 'phrin las ye nas bya mi dgos// ye nas byang chub sa la kun gnas pas// rig 'dzin sa dang sa bcu sbyang mi dgos// ye nas byas zin lta ba sgom mi dgos// ye nas rnam dag dam tshig bsrung mi dgos// mi gnas mi rtog cir yang dgongs med pas// mi rtog mnyam pa'i yul la rang bzhin gnas// rdo rje sems dpa' nam mkha' che bram ze rgyas pa'i rgyud las/ bya ba med pa'i le'u ste bzhi pa'o// // rdo rje sems dpas yang zhus pa// bcom ldan bde chen kun bzang bos/ thams cad byang chub sems kho nar// sangs rgyas pa'i don bshad du gsol// kun tu bzang pos bka' stsal pa// nyon cig nga la 'dus pa'i 'khor// chos kyi sku ni byang chub sems// byang chub sems las chos kyi sku// rdul tsam sus kyang bcos pa med// de na sems la sangs rgyas med// longs spyod rdzogs sku byang chub

  9. 270a

    sems/ byang chub sems la longs spyod sku// sems las byung ba'i gzugs rnams la// longs spyod rdzogs pas sku gzhan med// sprul pa'i sku ni byang chub sems// byang chub sems ni sprul pa'i las// 'gro ba'i don mdzad gzhan na med// dus gsum sangs rgyas thams cad kyi// byang chub sems las gzhan med de// snga rab 'das pa'i sangs rgyas rnams// rang sems ma bcos sngar mthong rtogs// da ltar bzhugs pa'i sangs rgyas rnams// ma bcos pa yi rang bzhin / te/ ma bcos ji bzhin rtogs gyur nas// da ltar 'gro ba'i don yang mdzad// slad nas 'byon pa'i sangs rgyas rnams// rang byung sems nyid 'di la ni// snga bas 'chos pas lung ma bstan// da ltar ting 'dzin sems mi 'chos// ma bcos lam du zhugs nas byon// ji ltar snang ba'i chos rnams la// byang chub sems su ma rtogs te// bcos shing bsgrubs pas 'grub mi 'gyur// ma rtogs bcos pas 'grub pa med// bskal pa du ma'i grangs bgrangs kyang // mi btsal bde ba dang mi phrad// sku gsum sems las ma bcos phyir// sku gsum ston pa'i sku bzang las// de bzhin 'chos par byed pa yi// ston pas bden tshul ci bstan yang // nyid kyi rang bzhin ston pa yin// rdo rje sems/

  10. 270b

    dpa' nam mkha' che bram ze rgyas pa'i rgyud las/ byang sems bcos med kyi le'u ste lnga pa'o// // rdo rje sems dpas yang zhus pa/ bcom ldan bde chen kun bzang pos// nyid kyi lha sgom bshad du gsol// kun tu bzang pos bka' stsal pa// nyon cig nga la 'dus pa'i 'khor// rdzogs chen lta ba sgom du med pa ni/ kun tu bzang po'i sems kyi yon tan te// byang chub sems kyi che ba'i yon tan gyis// btsal zhing sgrub pa'i dka' ba spyod mi dgos// rgyu rkyen med pas btsal ba'i las mi dgos// 'bras bu'i rang bzhin gzhag nas sgrub mi dgos// chos nyid rang bzhin sgoms pas bya mi dgos// ma byas pas ni 'jig pa'i gnyen po med// gzhan la mi ltos sgoms nas 'tsho la mi dgos// dam tshig bsrung ba'i bsgom pa byA mi dgos// 'phrin las btsal ba'i sgom pa bya mi dgos// lam la mi bgrod sa la mi sbyong ste/ rang las chos ni gzhan du tshol mi byed// nga ni spyod yul kun las 'das pa'i phyir// tshig gis mi phe bas dbang po'i spyod yul 'das// rang gi rang bzhin bsdus te thig ler gnas// ma spros gnyis med ye nas gcig tu bstan// rang byung ye shes mi rtogs g.yos pa med// rgyu 'bras 'das pas rtsol dang sgrub mi byed// ma byung bas na dngos po sgom mi byed//

  11. 271a

    ma skyes pas na 'jig pa'i dgos pa med// bde chen brdal ba chen po'i klong dkyil na// mi snang bas na dmigs pa'i yul dang bral// chos nyid snang ba med pa'i rang bzhin la// mi rtog mnyam pa chen por ngang gis gnas// chos nyid spros pa med pa'i rang bzhin la// rig pas mi rtogs te 'dzin ma byed cig/ gang zhig dang la sgom pa byed pa des// sgom pa nyid kyis dang dang phrad mi 'gyur// chos nyid mngon du phyung ba nga yin pas// sdug bsngal mi skye rnam par spang mi dgos// rang byung yin pas skye 'jig med pa'i phyir// ma rig rten 'brel dbang po dgag mi dgos// rang rgyud rnam dag chos nyid sbyang mi dgos// ye nas dag pas gtsang sbra bya mi dgos// ye nas lhun grub rtsol sgrub bya mi dgos// nga yi ngo bo kun gyis mthong bya phyir// nga yis mngon du phyung ba'i chos rnams ni// sna tshogs dbang po'i ngo la bstan pa yin// de la nga yi rang bzhin kuni rtogs shig/ de la nga yi rang bzhin ma mthong ni// kun bzang nga yi rang bzhin bstan mi bya// rdzogs pa chen po'i don dang skal med pas// rgyu 'bras theg pa drang ba'i lung la zung // rdo rje sems dpa' nam mkha' che bram ze rgyas pa'i rgyud las/ lta bsgom

  12. 271b

    med kyi le'u ste drug pa'o// // rdo rje sems dpas yang zhus pa// bcom ldan pad chen kun bzang po// nyid kyi dam tshig bshad du gsol/ kun tu bzang pos bka' stsal pa// nyon cig nga la 'dus pa'i 'khor// ma skyes spros dang bral ba'i rang bzhin gyis// skye ba'i cho 'phrul sna tshogs yul byung nas// yul med rang gi rang bzhin yin zhes bya// de la mi rtog rtog pa'i yul las 'das// yul la mi 'dzin spong dang len med pas// med pa byal pa gcig tu lhun grub ste/ bsrung bar bya ba'i tshul khrims kun dang bral// kun bzang nga la bsrung ba'i dam tshig med// rgyu rkyen med pas rtsol zhing bsgrub mi dgos// lhun gyis grub pas spyad pa'i las mi dgos// ye nas yin pas shes par bya mi dgos// rang byung yin pas rgyu dang rkyen mi dgos// bzad ngan med pas blang dor bya mi dgos// dngos bo medo pas med pa zhes su bshad// dngos su mi long ye shos ma 'gags pas// de la phyal po zhes su btags pa yin// sems su kun gcig gcig pur btags pa yin// ji ltar snang ba'i chos rnams thams cad kun// yid ches byang chub sems su rdzogs pa'i phyir// lhun gyis rdzogs pa zhes su nga yis bshad// chos nyid rang bzhin/

  13. 272a

    cir yang 'gyur med pas// btsal bar grub par nga yis lung ma bstan// bkres skom tsha grang blun lkugs chos nyid la// sku gsum 'khor dang ngas 'bros pa'i ga drug/ rang byung yin pas btsal zhing sgrub mi dgos// rgyu nyid rang byung ye shes yin pa'i phyir// las kyi rkyen gyi dbang du de mi 'gro// rang byung ye shes kun dang mtshungs med pas// rgyu rkyen las kyi rang byung de mi 'grub// nges pa gcig la bden pa rnam pa gnyis// bden pa gnyis kyis gtan la dbab tu med// mangs the tshom can gyi lung de la// nges po gcig tu bstan pa ga la yod// ston gsum rgyu 'bras lung la brten byas nas// rnal 'byor gang zag chos la rlom byed pa// de la bden gnyis tshad ma bzhi yang dgos// dbyas chos la bden pa gnyis mi dgos// ngas byas chos la bden pa gnyis dgos su// ngas byas thams cad byang chub sems su byas// byang chub sems la don dam kun rdzob med// ces gsungs so// rdo rje sems dpa' nam mkha' che bram ze rgyas pa'i rgyud las/ dam tshig bsrung du med pa'i le'u ste bdun pa'o// / rdo rje sems dpas yang zhus pa// bcom ldan bde chen kun bzang po// nyid kyi 'phrin las bshad du gsol// kun tu bzang pos bka' stsal pa// nyon cig nga la 'dus pa'i 'a'o//

  14. 272b

    rdzogs chen rgyu 'bras ye nas 'das pa'i phyir// btsal zhing bsgrubs pas bya med grub pa med// don de rtogs pas las rnams mi byed de// las ma byas pas de bzhin nyid du gnas/ de bzhin nyid la gang zhig su gnas pa// de yis ma nor ma btsos grub par 'gyur// de ni ma nor bzhin ni ma bcos yin// bzhin ni ma nor ngo bo nyid la bya// de bzhin nyid las sangs rgyas bcos med do// byang chub sems la skye ba med pa'i phyir// sems la ye nas rgyu med 'bras bu med// 'jig rten skye ba'i chos la dpe blangs nas// skye la 'jig pa 'byung ba sgo mi gdags// rang byung rgyu 'bras 'das pa ma brtags par// 'jig rten mtshan ma'i chos la tshod btsugs nas// rgyu la btsal nas 'bras bu 'byung zer ba// de ni rgyu 'bras theg pa drang yung yin// ye shes ye shes zhes su bstan pa ni// rang byung ye shes ma 'gags kun dang mtshungs// rgyu las ma byung mtshungs med ye shes te// thams cad bskyed pas gzhan nas chos 'byung med// 'jig rten rgyu 'bras chos la tshod btsugs nas// btsal bas med par 'bras bu 'byung mi 'gyur// byang chub sems la rgyu rkyen med mi skye// 'jig rten skye 'gag chos la tshod mi 'dzugs// byang chub sems ni rkyen gyis ma skyed pas// 'jig rten rkyen bskyed chos la dpe mi len// sems kyi ting 'dzin bsgom par ma byed cig/ ye shes yu la la rtog par ma byed cig

  15. 273a

    ngag gis 'dzab dang snying po bzla mi dgos// lag gi 'du byed phyag rgya bca' mi dgos// sems kyi 'du 'phro ting 'dzin las mi byed// nga las gnas pas g.yo med lhun gyis grub// rang bzhin gnas pas sus kyang bcos su med// ma btsal ji bzhin ngang du ma bcos yin// bya ba med pa las kyi mchog tu bstan/ che ba 'dod nas rtsol sgru brtsol byed pa// bsgom bsgrub btsal bas che ba de mi grug/ che ba rang byung ye shes ye nas che// sgoms na sangs rgyas dgongs pa 'chos pa yin// sangs rgyas dgongs pa gang zhig 'chos byed pa// de yis sangs rgyas thams cad spangs pa yin// de yas rang gi byang chub sems spangs pas// rang gi rang bzhin bskal par phrad mi 'gyur// zhes gsungs so// rdo rje sems dpa' nam mkha' che bram ze rgyas pa'i rgyud las 'phrin las btsal du med pa'i le'u ste brgyad pa'o// // rdo rje sems dpas yang zhus pa// bcom ldan bde chen kun bzang po// sa yi rang bzhin bstan du gsol// kun tu bzang pos bka' stsal pa// nyon cig nga la 'dus pa'i 'khor// kun tu bzang po nga yis// kun gyi byang chub snying por gnas// byang chub sems kyi rang bzhin ni//

  16. 273b

    chos kyi dbyings kyi pho brang ste// dus gsum sangs rgyas thams cad dang // khams gsum sems can thams cad kun// klong chen sems kyi gnas de na// mi gnas pa ni gang yang med// kun gyis gnas dang sa yin te// 'du 'bral med par de na bzhugs// de la sbyang zhing bgrod mi dgos// de la sbyang zhing bgrod 'gyur na// rang sem de la 'chos pa ste// bcos pas rang sems 'byongs mi 'gyur// de ni spyis kun gyi gnas// nga las byung ba'i sku gsum gyis// rgyu 'bras 'das pa'i 'khor rnams la/ sa mdo rnam pa gsum bstan te// bskyod pa'i sa dang spyod pa'i sa// bsgrub pa'i sa dang gsum bstan te// bskyed pa'i sa ru byang chub sems bskyed na// chos dbyings nam mkha' byang chub sems med cing // dge sdig las la drang ba dbang bskur bas// phyi yul chos nyid spangs pas ma spongs te// rang byung ye shes mi legs bzhin du 'gegs// rang byung ye shes yul la mi rtog bzhin// gzung dang 'dzin pa yod ces 'joms par byed// de na byang chub sems la skyes pa med// spyod pa'i sa ru byang chub bcu spyad pas// ji ltar snang ba'i tshos rnams thams cad kun// byang chub sems las g.yos pa med pa ni// nam mkha' lta bu'i chos nyid snang bar zad//

  17. 274a

    nam mkha' la ni g.yos pa rdul tsam med// de bzhin byang chub sems la g.yos pa med// bsgrub pa'i sa ru byang chub sgrub 'dod pa// kun tu 'od dang ma chags pad+ma can gyis// rdo rje 'dzin dang stug po bkod pa dang // 'khor lo tshogs chen rdo rje 'chang ba dang // rgyu 'bras kun bzang dbye ba med pa drug/ byang chub bsgrub pa'i sa ru ming yang btags// sems kyi rang bzhin rgyu rkyen bral ba'i phyir// sgrub pas grub pa'i 'bras bu ngas ma bstan// sems kyi rang bzhin drug snod bstan po yin// sems kyi rang bzhin drug ni 'di lta ste// rang byung ye shes ma 'gags pa yi rtags// dbang po sgo lnga kun tu gsal ba la// kun tu 'od kyi sa zhes btags pa yin// yul la mi rtag chags pa med pa la// ma chags pad+ma spyan du btags pa yin// skye 'jig med pa'i byang chub sems de la// rdo rje 'dzin pa zhes su nga yis btags// rang gi rang bzhin chos nyid dpag med la// rang byung ye shes mi rtog mnyam pa bkod// stug po bkod pa zhes su btags pa yin// byang chub sems kyi rang bzhin dkyil 'khor de// rang la gnas pa'i byang chub chos rnams la// yi ge 'khor lo tshogs chen sa ru btags// sku gsung thugs la

  18. 274b

    skye dang 'jig med pas// rdo rje 'chang gis zhes bshad pa yin// byang chub sems la rgyu 'bras gnyis med de// sems las byung ba'i chos rnams thams cad la// bzang ngan blang dor ye nas med pa'i phyir// 'byed pa med pa'i sa zhes ngo yis bshad// des na byang chub sems kyi chos dbyings ni// dus gsum sangs rgyas khams gsum sems can kun// de nas byung zhing de ru gnas pa'i phyir// chos dbyings byang chub sems ni kun spyan sa// sangs rgyas bsgrub pa'i sa zhes btags pa ste// byang chub sems kyi rang bzhin de las med// ces gsungs so// rdo rje sems dpa' nam mkha' che bram ze rgyas pa'i rgyud las/ sa sgyung du med pa bstan pa'i le'u ste dgu pa'o// // rdo rje sems dpas yang zhus pa// bcom ldan bde chen kun bzang po// nyid kyi lam chen bshad du gsol/ kun tu bzang pos bka' stsal pa// nyon cig nga la 'dus pa'i 'khor// byang chub sems ni kun gyi lam chen te// gzhan na med de 'di na rang bzhin gnas// gnas dang yul dang sangs rgyas sa dang gsum// chos kyi dbyings dang chos nyid 'di ni gnas// nam mkha'i khams dang gzhal yas 'di ni gnas// sangs rgyas

  19. 275a

    dngos dang yul ni byang chub sems// gzhan du bgrod pa'i lam dang gnas med de// bgrod pas nam mkha'i lam la byin pa med// rang sems spros bral chos kyi dbyings yin pas// spros bral de na sangs rgyas thams cad bzhugs// de bas lam la bgrod par ma byed cig/ rang sems ma bsgrib nam mkha'i rang bzhin gsal// de na dus gsum sangs rgyas thams cad bzhugs// de bas lam la bgrod par ma byed cig/ rang sems ma bcos chos nyid ji bzhin pa// de la dus gsum sangs rgyas lhun gyis grub// de bas lam la bgrod par ma byed cig/ sangs rgyas rang sems rtog dang bral ba yin// bgrod pas rang sems rtog bral der mi phyin// gal te ma rig lam la bgrod gyur na// phyin pa'i dus med rtogs pa'i sa med pas// bgrod pas sangs rgyas sa ru phyin pa med// sangs rgyas rang sems rtog dang bral ba yin// lta ba bsgoms pas ting 'dzin yul dang bral// ting 'dzin de yis rtog brul mnyam dang bral// dam tshig bsrungs pas ma nyams 'dzin dang gnas// ma nyams 'dzin pas rtog med mnyam dang bral// 'phrin las btsal bas grub pa'i ting 'dzin byed// grub pa'i ting 'dzin mi rtog mnyam dang bral//

  20. 275b

    sa la sbyangs pas gnas pa'i ting 'dzin byed// 'byongs pa'i ting 'dzin rtog med mnyam dang bral// chos nyid brtags pas gsal ba'i ting 'dzin byed// ting 'dzin gsal bas rtog med mnyam dang bral// ye shes gsal bas rtogs pa'i ting 'dzin byed// gsal bar rtogs pa'i ting 'dzin mnyam dang bral// 'dod pa'i ting 'dzin ji ltar gsal ba des// 'dod pa med pa'i bde ba grub pa med// ting 'dzin mi byed bag chags mi sogs pas// rang byung ye shes las kyi dbang mi 'gyur// rang byung ye shes chos sku snying po de// btsal bas mi 'grub rang bzhin gnas pas 'grub// grub pas bya ba'i don rnams kun dang bral// don zhes bya ba ming tsam btags pa yin// sangs rgyas ming du 'dogs par byed pa ni// nges pa'i lung min drang ba'i lung du bstan// zhes gsungs so// rdo rje sems dpa' nam mkha' che bram ze rgyas pa'i rgyud las/ lam la bgrod du med pa'i le'u ste bcu pa'o// // rdo rje sems dpas yang zhus pa// bcom ldan bde chen kun bzang po// rang byung ye shes bshad du gsol// kun tu bzang pos bka' stsal pa// nyon cig ngal 'dus pa'i 'khor// 'khor gyi ston pa'i ye shes ni// yul la brtags

  21. 276a

    pa'i ye shes te// gang su yul la rtog byed pa// de ni rig byed ye shes yin// rig par bya ba'i yul de ni// byang chub sems las byung ba'i phyir// de ni yul med byang chub sems// yul la rtog pa'i ye shes te// yul las byung bas rang byung min// yul mod tsam na gsal mi byed// rang byung ye shes zhes bya ba// ye shes ya nas shes pa yin// rang byung ye shes ye nas shes// des na rang byung ye shes te// ye nas shes pas ye shes yin// ye shes zhes ni de la btags// ye shes rang las byung ba'i phyir// de la ting 'dzin sgom mi byed// ting 'dzin sgom pa mi byed pas// ting 'dzin bag chags sogs mi 'gyur// bag chags med pa'i chos nyid de// dus gsum sangs rgyas dgongs par bshad// dus gsum sangs rgyas thams cad kyi// dgongs pa'i yul la mi rtog ste// mnyam pa nyid du ye nas gnas// dus gsum sangs rgyas thams cad kyi// rang byung ye shes thugs de la// ye nas rtog pa med pa'i phyir// sangs rgyas dgongs pa mi mdzad de// rtog pa'i yul ni kun dang bral// rang / byung ye shes sangs rgyas dgongs pa mdzad// rang byung ye shes yul la mi rtog pa// rnam rtog rtog pa'i bag chags gos mi 'gyur// las ni ting 'dzin brtags pa'i

  22. 276b

    bag chags yin// mi rtog pa la bag chags yongs ma gsungs// mi rtog pa ni rang byung ye shes lnga// sems kyi rang bzhin dbang po sgo sngar bshad// rang byung ye shes de la 'gag pa med// byang chub sems kyi ngo bo kun snang la// rang byung ye shes mi 'gag so sor gsal// rang gi rkyen gyis snang ba dor mi spongs// ting 'dzin mi rtog bag chags sogs mi 'gyur// 'di ni dus gsum sangs rgyas dgongs pa ste// gang du mi rtog 'di la su gnas pa// sa la mi gnas 'gro ba'i don mi gnas// chos sku byang chub sems la 'di gnas te// dus gsum sangs rgyas kun gyi dgongs pa 'dus// rig pa'i nyams su mngon sum rtogs par gyis// rang byung ye shes yul la mnga' gsal ba// ye shes lnga yis yul lnga 'dod ma yin// yul 'dod lnga ni ye shes lnga la snang // yul de ye nas ye shes yin pa'i phyir// yul dang ye shes gnyis su ngas ma bstan// des na yul yang rang byung ye shes yin par bshad// rang byung ye shes ni yang med pa la// nga las byung ba'i 'khor gyi ston pa yis// yul la brten nas ye shes ming btags pa// rnam pa grangs kyi ye shes byung ba ni// rnam par brtags pa'i ye shes gcig gis ni// yul gcig rang bzhin so sor snang ba la//

  23. 277a

    yul can la ni yul gyi ming btags pa// des ni nges pa ma yin 'khrul pas btags// zhes gsungs so// rdo rje sems dpa' nam mkha' che bram ze rgyas pa'i rgyud las/ rang byung ye shes bstan pa'i le'u ste bcu gcig pa'o// // rdo rje sems dpas yang zhus pa// bcom ldan bde chen kun bzang po// bya med rdzogs pa 'dod med gang // kun tu bzang pos bka' sprul pa// nyon cig nga la 'dus pa'i 'khor// chos rnams thams cad grub 'dod na/ 'dod pa'i sa ni ma sgrib cig/ 'dod par byed pa'i sems de ni// mi len thams cad spong ba yin// 'di ni rgyu 'bras 'das pa'i phyir// 'bras bu 'dod pa rgyu mi bsgrub// mi rtog rang bzhin gnas pas 'grub// 'dod pa'i ting 'dzin thams cad spongs// 'dod med thams cad len par byed// ting nge 'dzin las 'dod pa 'dzin// 'dod pa de ni yang dag min// yang dag gzung du yod ma yin// byas pa'i las ni thams cad kun// ma btsal lhun gyis grub pas bsgrub// ma btsal lhun gyis grub pa de// byas pas grub pa ma yin te// ma byas ye nas lhun gyis grub// 'dod pa thams cad kun spangs pas// grub par byed pa'i gegs su che// 'dod pa'i ting 'dzin

  24. 277b

    bag chags des// bag chags de ni sems 'dzin yin// 'dzin pas bde ba de spongs byed// mi 'dzin bde ba kun len pa// ji bzhin pa yi rang bzhin no// mi gnas pa la dmigs pa de// mi rtog pa la ting 'dzin med// med pa don gyi snying po de// 'dod pa med par thob par 'gyur// ji bzhin bcos pa med pa ste// sangs rgyas kun gyi dgongs pa gcig/ bde ba che las ma gtogs pa// 'dod dang 'dzin pa ga la yod// gang la 'dzin chags med pa des// ting nge 'dzin de 'dzin pa'i mchog kun 'dzin ye nas grub zin pas// btang gzhag mi rtog grub pa'i rgyal// zhes gsungs so// rdo rje sems dpa' nam mkha' tshe bram ze rgyas pa'i rgyud las bya med lhun rdzogs kyi le'u ste bcu gnyis pa'o// // rdo rje sems dpas yang zhus pa// bcom ldan bde chen kun bzang po// 'dod med ma g.yos rtsol med gang // kun tu bzang pos bka' stsal pa// nyon cig nga la 'dus pa'i 'khor// chos nyid 'gyur ba ye nas med// bsgyur bas g.yos pa rdul tsam med// bde dang sdug bsngal byang chub gcig/ sangs rgyas sems can sems su gcig/ snang srid snod bcud chos nyid gcig/ bden brdzun gnyis

  25. 278a

    kyang chos nyid ma nyam// bde la chags na sdug bsngal yin// rang bzhin gnas pas kun kyang 'grub// kun gsal de la rtog med pas// de ni rang byung ye shes yin// ye shes bag chags mi sogs pas// las kyis gos par ga la 'gyur// sna tshogs bsgoms pas gcig mi gsal// gsal ba'i ting 'dzin gang byed pa// de la ting 'dzin yod ma yin// de bzhin nyid du gcig pa la// sangs rgyas sems can gnyis su phye// bde ba sdug bsngal gnyis phye nas// dge ba dang du blang bar bstan// sdig pa rgyab tu bor bar bstan// de ni nges pa'i don las 'gal// rang bzhin chos la g.yos pa med// sangs rgyas rang bzhin g.yos med par// dus gsum rgyal ba'i chos nyid yin// de la sangs rgyas gud na med// byang chub sems las ma gtogs pa'i// sangs rgyas sems can gnyis ka med// sems nyid mi rtog sangs rgyas yin// sangs rgyas kun la sems nyid bsngags// sems nyid ma g.yos rtsol dang bral// rtsol bral de la bcos su med// ces gsungs so// rdo rje sems dpa' nam mkha' che bram ze rgyas pa'i rgyu de las/ ma g.yos rtsol bral gyi le'u ste bcu

  26. 278b

    gsum pa'o// // rdo rje sems dpas yang zhus pa// bcom ldan bde chen kun bzang po// nyid kyi rig pa ji ltar gsal// kun tu bzang pos bka' stsal pa// nyon cig nga la 'dus pa'i 'khor// rig pa spyi blugs chen por gsal// rig pa bsam spyod med par gsal// mi rtog pasam med ngang du gas la// rig pa rtog 'dzin med par gsal// bsam pa ma zhugs drang por gsal// rig pa dmigs gtad med par gsal// mi rtog mnyam pa'i nga du gsal// rig pa bya btsal med par gsal// mkha' dbyings bde chen klong du gsal// rig pa dran bag med par gsal// shes rig bsam spyod 'das par gsal// rig pa 'dzin rtog med par gsal// mi g.yo mnyam pa'i ngang du gsal// rig pa gang du'ang gzhag med gsal// spyod pa'i mtha' dang bral bar gas la// rig pa rang yugs chen por gas la// bya btsal nyid las 'das par gsal// rig pa ma bkag drang por gsal// mi rtog mnyam pa'i ngang la gsal// rig pa 'dzin bag med par gsal// mi rtog spros dang bral bar gsal// rig pa bsam spyod med par gsal// shes pa cir yang ma g.yos gsal//

  27. 279a

    rig pa blo gtad med par gas la// bsam pa gang du'ang ma zhugs la// rig pa ngos gzung med par gas la// rig pa rgya ma chad par gsag rig pa phyogs su ma lhung gsal// rig pa yongs la 'brel par gsal// thams cad kun gyi gzhi mar gsal// zhes gsungs so// rdo rje sems dpa' nam mkha' che bram ze rgyas pa'i rgyud las/ rig pa rang gsal gyi le'u ste bcu bzhi pa'o// // rdo rje sems dpas yang zhus pa// bcom ldan bde chen kun bzang po// mnyam par gzhag na ji ltar gzhag/ kun tu bzang pos bka' stsal pa// nyon cig nga la 'dus pa'i 'khor// kun bzad ma ris nam mkha' 'dra// mi rtog gsal ba'i ngang la gzhag/ sgo lnga ma bkag rang sar gzhag/ ma btsal rang lugs chen por gzhag/ mi g.yo mnyam pa'i ngang la gzhag/ mi rtog spros dang bral bar gzhag/ gang du'ang ngos mi gzung bar gzhag/ snang ba mi dgag gang dgar gzhag/ rtog med gsal ba'i ngang la gzhag/ gnyis med mnyam pa'i ngang la gzhag/ lus ngag yid gsum glod de gzhag/ de bzhin ma bcos rang sar gzhag/ ma chags zhen dang bral bar gzhag/ shes pa ngos gzung med par gzhag

  28. 279b

    bsam pa gang du'ang ma zhugs gzhag/ shes pa bsam spyod med par gzhag/ ces gsungs so// rdo rje sems dpa' nam mkha' che bram ze rgyas pa'i rgyud las/ mi rtog mnyam gzhag gi le'u ste bco lnga pa'o// // de nas kun tu bzang pos rdo rje sems dpa' la sogs pa'i 'khor rnams bsdu ba mdzad nas rgyud kyi don bshad pa'o// phyogs bcu dus gsum gyi de bzhin gshegs pa thams cad dang / khams gsum gyi sems can thams cad kyi rtsa ba ni kun tu bzang po'i thugs rang byung gi ye shes so// thugs rang byung gi ye shes ni bram ze rgyas pa nyid do// rgyud 'di ni kun tu bzang po nyid do// rang gi byang chub kyi sems so// sangs rgyas thams cad kyi sku gsung thugs so// rgyud 'di 'dzin pa ni sangs rgyas nyid do// thams cad sangs rgyas pa'i phyir 'khor ba ka dag go// 'di 'dzin pa ni kun tu bzang po'o// thams cang rang byung ye shes yin pa'i phyir ro// rin po che gser gling na rdo dang sa mi snang ba ltar 'khor ba ka dag ste rang byung ye shes nyid do// bram ze rgyas pa'i rgyud las/ rgyud yongs su gtad pa'i le'u ste bcu drug pa'o// // bram ze rgyas pa rdzogs so// // rdo rje sems dpa' nam