rdo rje sems dpa' nam mkha'i mtha' dang mnyam pa'i rgyud chen po
Text
ff. 2b–140b · 277 folio sides
- 2b
ldan pa thams cad gcig gi ngo bor gyur pa/ gang dang yang tha mi dad pa chen po dus gsum gyi sangs rgyas tham cad 'dus pa'i dpal rdo rje sems dpa'o// 'og min gyi gnas chos kyi dbyings blo skur dang bral ba/ rig pa ye shes 'bar ba'i gzhal yas khang mtha' dang dbus med par nam mkha'i dbyings dang mnyam pa/ ye shes gsang pa'i yang gas pa/ kun tu 'a ga badzin po// chad dang rgyu dag tu med pa/ rab cing bra la dgas pa dka' ba'i rang bzhin/ thug pa med cing zad 'phel med pa nam mkha'i mtha' dang mnyam pa'i rgyan rab 'byams
- 3a
@##/ dpag tu med pas brgyan pa na/ rdzogs pa chen po bcom ldan 'das bzhugs te/ rang bzhin ngo bo'i 'khor dang rang bzhin la rjes su lta ba'i 'khor dang / rang bzhin mngon du thob pa'i 'khor la 'di lta ste/ sa dang / chu dang / me dang / rlung dang / nam mkha' dang / 'dod pa'i khams dang / gzugs kyi khams dang / gzugs med pa'i khams la sogs pa dang / yongs su rnal 'byor dang / rnal 'byor chen po dang / rjes su rnal 'byor dang / shin tu rnal 'byor la sogs pa thams cad dang / phyogs bcu'i 'das pa dang / ma byon pa dang / da ltar bzhugs pa'i sangs rgyas chos kyi sku dang / longs spyod rdzogs pa'i sku dang / sprul pa'i ska mtha' yas pa dang thabs cig tu bzhugs so// de nas lho'i dbang pos/ phyogs bcu'i rgyal ba
- 3b
thams cad la 'di skad ces gsol to// kye tang dus gsum gshegs pa'i rgyal ba yis// kun gyi 'dod pa bskang zhes pa// rtsol byas theg pa mthar ston nas// rtsol med 'dul ba'i rnal 'byor la// cig car theg pa gsung du gsol// zhes gsol pas// phyogs bcu'i sangs rgyas thams cad kyis/ sems dpa' chen po rdo rje la 'di skad ces gsungs so// kye ma rdo rje sems dpa' che// dus gsum sangs rgyas thams cad kyi// sku gsung thugs kyi rdo rje can// khyod ni rgyal ba kun gyi rje// rang bzhin ma bcos thugs rje yis// bya bral rdzogs lung bshad du gsol// zhes gsungs pa dang // de nas dpal rdo rje sems dpas/ chos kyi dbyings las ye shes sprul pa'i rdo rje sems dpa' gcig byung ste// rdo rje rtse lnga pas dbang bskur te 'di skad ces gsungs so// dus gsum sangs rgyas thams cad kyi// gsang ba'i 'khor lo ga tor 'dzin cing // sku gsung thugs kyi gsang ba 'chang // khyod ni smra ba'i seng ge ste// btsal med 'dul ba'i gang zag la// lhun grub theg pa gsung du gsol// zhes gsol pa dang // de nas sems dpa' rdo rjes 'di skad ces gsungs so// gsang sngags rdo rje nam
- 4a
mkha' cha// tshig gi spyod yul ma yin te// brjod pas rtog par mi nus te// 'di zhes bgro bar rab tu dka'// 'on kyang dam bcas bskang ba dang // sangs rgyas thugs rje'i byin rlabs kyis// brda don sprad la rtog bya'i phyir// tshig gi sgo nas bgro bar bya// zhes gsungs so// de nas rdo rje sems dpas/ shar phyogs kyi 'jig rten gyi khams mngon par dga' ba zhes bya ba na/ de bzhin gshegs pa mi bskyod pa zhes bya ba rang gi 'khor la btsal med sems kyi don rgya cher gsung ba la 'di skad ces zhus so// sems nyid rang byung rdo rje la// skya shi 'du 'bral ji ltar byung // de bzhin gshegs pa mi bskyod pas 'di skad ces gsungs so// sems nyid rang byung rdo rje la// ma skyes pas na 'jig pa med// 'du 'bra la mkha' ltar dag pa yi// byang chub tshul 'di bstan pa'o// zhes gsungs so// de nas sems dpa' rdo rjes dpal dang ldan pa zhes bya ba lho phyogs kyi 'jig rten na de bzhin gshegs pa rin po che mngon par mtho ba la 'di skad ces gsol to// rgyal ba rang byung dngos med kyis// dpag med bsam pa ji ltar bskang // zhes gsol pas/ de bzhin gshegs pa
- 4b
mngon par mtho bas 'di skad ces gsungs so// ji ltar nyi zer nor bu ltar// ma bsags gdod nas lhun gyis rdzogs// 'gro 'ong med pa kun khyab pas// byang chub tshul 'di bstan pa'o// zhes gsungs so// de nas yang sems dpa' rdo rje des/ nub phyogs kyi 'jig rten na pad+ma phung po zhes bya ba na/ sangs rgyas pad+ma chags pa med pa la 'di skad ces gsol to// rang byung dag pa'i snying po la// las dang bag chags gos mi gos// zhes gsol pas/ de bzhin gshegs pas 'di skad ces gsungs so// rang byung ye shes ka dag pas// pad+ma la ni 'dam bzhin du// mtshams med lnga yi bag chags dag/ byang chub tshul 'di bstan pa'o// zhes gsungs so// de nas sems dpa' rdo rjes/ byang phyogs thams cad grub pa zhes bya ba'i 'jig rten na/ de bzhin gshegs pa thams cad grub pa la 'di skad ces gsol to// bya btsal lhun grub 'phrin las la// 'gro don 'phrin las ji ltar mdzad// ces gsol to// de bzhin gshegs pas 'di skad ces gsungs so// btsal med lhun grub byin rlabs las// mdzad pa'i byin rlabs so sor brda la// phyogs ris mi mnga' yongs kyi gter// byang chub tshul 'di
- 5a
bstan pa'o// zhes gsungs so// de nas sems dpa'adu rjes// de bzhin du shAgs pa rnam par snang mdzang sa 'di skad ces klas pa to// sems nyid rin chen 'phrul gyi sgo// rtogs par 'dod pa ji ltar blta// zhes gsol pas/ de bzhin gshegs pa rnam par snang mdzad kyis 'di skad ces gsungs so// 'phrul gyi skyes bu'i tshul bzhin du// gcig rtogs kun kyang de 'dra ba// ma bcos byang chub snying po la// phyogs su bltas pas mthong mi 'gyur// zhes gasbyangs so// de nas 'dod khams pa ma ru// ming gsum ldan pa'i skyes bral// sgras gsum ldan phyir 'phrul pa'i mthus// blugs rje sems dpa'i byin rlabs kyis// 'od lnga ldan pa skur snyan te// chos kyi 'khor lo'i gdan stengs su// rin chen 'bar ba'i bsil bkab nas// rdo rje sems dpas ma brjod gsungs// de nas skyes bu rgyal sras des// rig pa gdang gi don rtogs nas// de tshe de yi dus nyid du// dus mtha'i skad cig nyid la ni// glong dgu bam po 'i khri nyid// skal ldan lha gnas grags par 'gyur// de nas thugs rje'i byin rlabs kyis// d+ha na kau sha gling gi phug/ lha mo sems dpa' 'od zer can// sprul pa'i
- 5b
'dab chags phra men lung // byin rlabs ye shes thugs mtshan las// ya mtshan sprul pa'i cha 'dzin cing // stong nyid btsal med sgrog 'gyur bas// yang sprul skal ldan sras bdun la// rgyal thabs spyi blugs dbang bskur nas// thob med byang chub sems dang sprad// gsang ba'i 'khor lo rig pa'i gter// brda sprad tshegs med don po che// ma btsal rang bzhin gzhag pas 'grub// dpag tu med pa'i rgyal po yis// phun sum tshogs pa kun 'dus nas// bstan pa bsam yas gsungs pa yang // glong dgu'i nang du ma 'dus med// skal ldan thugs rje sems dpa' yi// dus gcig nyid la rtogs pa'i lung // rdo rje nam mkha' dkyil po che// mtha' dbus spros pa rnam par bcad// sgro med ye shes 'khor lo can// skur med rang gsal brjod dang bral// dgongs pa nam mkha'i mtha' mnyam pa// mtshan ma'i spros pa gdod nas dag/ rig pa rang snang 'khor lo la// bsam brjod bcad pa'i mtha' las 'das// ma nyam nyid rig pa'i 'khor lo la// mtshan ma'i sgra yis gtan la phag/ ye shes rang byung 'khor lo las// cho 'phrul thugs rje'i rang bzhin 'char// rdo rje sems dpa' de bzhin gshegs// rang
- 6a
byung gsang ba'i 'khor lo las// glong dgu'i bstan pa 'char bzhin 'byung // rang byung rang gsal gtan la 'bebs// rang la 'chad cing rang gis ston// rang gis bsdus nas rang du bsdus// ma bcos thig le gcig tu gnas// rab klasal brjod 'das rig pa'i gsung / bya bral rdzogs pa'i rgyud du grags/ zhes gsungs so// nam mkha'i mtha' dang mnyam pa'i rgyud chen po las/ gleng gzhi'i le'u ste dang po'o// / de nas sems dpa' rdo rje dam pa des// bcom ldan 'das rdo rje sems dpa' la 'di skad ces gsol ba btab bo// rgyal ba rnams kyi gsang ba'i thugs// thugs kyi thugs te thugs kyi mchog rig pa'i bstan pa sgrogs pa'i bdag/ rdzogs chen gsung gi ngo bo la// brda don sprad pa'i gtan tshigs kyis// bshad pa gsum la nges dgongs nas// gzhi lam 'bras bu gsung du gso la// zhes gsungs so// de nas de bzhin gshegs pa rdo rje sems dpas 'di skad ces gsungs so// kye sems dpa' chen po legs par nyon cig/ nam mkha'i mtha' dang mnyam pa'i rgyud// rgyal ba kun gyi dngos don 'di// dpag med rgyal ba bskrun pa nyid// stong nyid smra ba ma yin kyang // tshig
- 6b
don sprad pa rab tu shes// rang bzhin thabs dang 'bras bu nyid// rdzogs chen ma bcos dgongs pa la// mi 'gal brjod pa'i sgra yis mtshon// dngos pa'i don nyid gtan la phab// 'gyur med snying po rtsol med las// ma bsgrubs rang byung 'bras bu gsum// ma 'dres gcig tu nges par mnyam// ba shad tshul gsum du shes par bya// gzhi dang lam dang 'bras bu ni// ye shes rang gnas bde mchog dang // bsgrub pa bde ba gsal byed dang // rtogs pa rab 'byam nyid du 'char// ngo bo rgyu rkyen nges pa'i dpe// mtshan nyid khyab tshad lung gi don// ye nas rang gsal kun gsal to// ma bcos ma bskyed ye nas byung // 'du 'a bral med pa rang la rdzogaso// gsal la mi g.yo rang byung dbyings// snang la mi rtog mnyam pa'i ngang // rang gsal ma sgribs rang rig dang // mkhyen pa'i ye shes nyid du 'char// rang gsal mi dmigs yul dang bral// rdzogs chen ye shes gsal ba'i ngang // tshig bral mnyam nyid don du rdzogs// rang la mi rtog gzhan mi rtog/ gnyis kar mi rtog mtha' dang bral// bskyed bya skyed byed rgyu med pas// ma skyes snying po byang chub pa// skye 'gag brtags pa'i tha snyad bral// ye shes rdzogs par gsal ba'i ngang /
- 7a
rgyu dang mi rgyu dbyings su gcig/ ma skyes 'bras bu ye nas byung // rang byung 'khor lo ye nas gsal// rgyu nyid 'bras bur ya nas byung // thams cahud yang shas snying por rdzogs// ma lus gcig ste tha dad med// ma bac+doMs byang chu ba snying po la// ma rtso la rang rig gas la bar rdzogs// sgron mas mun pa'i rdza sa tshos lta ra// brda don sprad pa'i 'phrul tshig gis// 'khor ba ye shes snying por gsal// bskyed pa med pas rgyu 'bras bral// rkyen nyid ma skyes byang chub ste// rdo rje snying por dus gcig rdzogs// bar mtshams sbyar med gcig tu gnas// gsal ba rang snang dkyil 'khor la// rkyen la ma rig gdod nas dag/ rgyu med ye shes mchog tu sa la// bdag med rang rig stong nyid lung // mtshungs med skad cig rgyun dang bral// yul med dmigs bral chos kyi dbyings// ma bcos rang byung rkyen dang bral/ gnas dang 'byung sdud de phyir ngang // kun dngos phyogs su ma lhung dang // shes dang bsgru ba dang shes bya'i phyir// ming du btags dang mtshon dang bral// dngos nyid btags pa'i mtha' dang bra la// nge sa dang ma des tshwa la mi 'jug// ba ta gas med ngos pa'i tshig dang bral// yi ge brda bra la ma nya ma nyid la// de wA ra rtog pa
- 7b
nor bu'i lam// dngos la nges dang ma nges kyang // gcig pas tha dad mi gnas kyang // don gyi phyogs la gtsor bzung nas// de rtogs bya phyir nges par bshad// nges pa mi slu'i sgra yi tshig/ rjes su 'gro ba don byed nus// ye nas rig pa'i 'khor lo sbyor// rig pa gsung gi don la sbyor// rang bzhin rin chen phung po la// 'phrul tshig rig pa'i sgron ma yis// gter khyim phung po de mthong nas// sprul pa med 'bras bur gsal// mtha' gsum gsal ba'i dpe nyid ni// zhen pa'i snang ba mi mthong pas// dmag gi mun rum lta bur bshad// rol pa chad pa gsal ba'i phyir// chu yi ga nyer ma lta bur bshad// gsal snyoms ma 'dres btang snyoms bral// ma shar ba lta bur bshad// sku gsum rol pa'i dpe nyid ni// khyab bdal ngo bo 'dzin bral bas// chos sku nam mkha'i glong du bshad// rdzogs sku mdzes gsal kun// khyab pas// nyi ma 'bum dal lta bur bshad// 'byung 'jug mi mnga' kun gnas pas// sprul sku nyi ma'i zer ltar bshad// ya nas lhun grub snying po la// rnam rte// blo yis bcad pas na// sprin dang khug rna lta bur bshad// kun kyang ye shes ro gcig pas// lan tshwa ldan pa'i rgya mtshor bshad// de ltar gnyis med rtogs bya/
- 8a
phyir/ rdzogs chen gzhung la nges thob pas// thos pa zla ba lta bur bshad// don la spyod pas nges ma nges// spong len bsam pa skar ma ltar/ nges par gsal snyoms 'du shes bral// snyoms pa nyi ma lta bur bshad// mtshan nyid gang yang ma spangs pas// rang gsal ye shes snying por rdzogs// gdod nas stong pa'i rang bzhin ni// 'du shes bral ba'i dbyings su rdzogs// ci yang yin no gang yang rung // ma bkag sems kyi khyad par las// bkag pa med de rang gas la dubyings// gcig kyang ma 'dres tha dad gsal// snang yang zhen pa rnam par gcad// dmigs kyang sprul ba'i yul dang bral// yang shes snying po nyi ma 'char/ rin chen nor bu'i khang pa bzhin// ci yang gsal ba ci yang min// phyogs su mi snang mnyam nyid pas// gang ltar bltas pa de ltar snang // nam mkha' mtha' dang ma nyam sbyor bas// tshad dang zla dang dpe las 'das// nyi ma'i snying po 'bar pa bzhin// mtha' yi sgrib pa bral ba'i tshad// ye shes gsal la ma 'gags pas/ phyogs kyi nges pa mi gnas par// cir yang nges par 'char ba'i phyir// 'phrul gyi me long gsal ba'i tshad// sems nyid rin chen ka dag la// zhen
- 8b
snang brtags pa kun bral bas// nyi ma 'bum gyi 'od zer bzhin// rang las byung ba rol pa'i tshad// nam mkha' mtha' dang mnyam sbyor bas// che chung tshad las 'das pa la// 'dzin pa nam mkha'i mtha' cho la 'dra// phra ba'i phra bas nyungs 'bru yi// 'bum gyis mi bskrun phra ba'i tshad// mkhyen ldan ye shes snying po yis// gang yang mi mkhyen rang gsal mkhyen// mtha' dang dbus su mi dmigs pas// nam mkha'i mtha' dang mnyam par mkhyen// ye shes rang gsal rdzogs tshul la// mtha' yi sgrib pa rang gsal bas// rang byung nyi ma'i dkyil 'khor gsal// bya bral rdzogs pa'i lung du bshad// rang rig ye shes mkhyen ldan pas// gnyis med snying por rtogs par rtogs// rang gsal ye shes rdzogs par ldan// rig pa rang snang nyams su shar// rang byung 'od kyi dkyil 'khor la// 'phrul yig rig pa'i brda sprad pas// skye med dbyings kyi brda don mjal// sbrul med tshegs chung don po che// rang byung ye shes rin chen gter// sgo mang 'jug thabs bas ma mi khyab// rtogs na gcig tu gnas pa'i don// rtogs pa thabs chen brgyud pa'i lung // rang gsal nyi ma'i 'od ltar 'char// mkha' khyab rig pa'i glong du son// rang byung rig pa
- 9a
rang gsal 'di// mkha' khyab byang chub sems kyi lung // rdo rje sems dpa' thugs dkyil nas// rig pa'i khu byug dgu sgrogs pa// sems nyid rang gsal mthong bya'i phyir// glong dgu bam po nyi khrir gsal// de nyid dgu ldan sems kyi gzhi// rin chen phung po 'phrul gyi sgro// rin chen phung po gtar khyim na/ nyi ma'i 'od ltar ye nas gnas// zhes gsungs so// nam mkha'i mtha' dang mnyam pa'i rgyud las/ ye shes rang 'char gyi le'u ste gnyis pa'o// / / de nas sems dpa' rdo rje dam pa des/ rdo rje sems dpa' chen po la 'di skad ces gsol ba btab po// rgyal ba'i rgyal ba kun gyi mes// gsang ba'i yang gsang byang chub sems// rin chen khang la sgo mangs dag/ rang gsal sgo nas rtogs bya'i phyir// bde chen btsal bral snying po la// bshad tha bas bshad bya 'bras bu'i don// rang gsal rig pa'i don du rdzogs// khyab bdag 'chang chen bshad du gsol// zhes gsungs so// de nas de bzhin gshegs pa rdo rje sems dpas 'di skad ces bka' stsal to// kye sems dpa' chen po/ yi ge med pa mchog gi rgyud// byas med kha dog
- 9b
dbyibs dang sbyar// nam mkha'i mtha' dang mnyam pa'i rgyud// gsang ba kun 'dus gter 'di nyid// bshad thabs gsum ste rdzogs chen gsum// gzhi lam 'bras bu'i tshul du gnas// dgongs pa kun gyi zhe phugs pas// dgongs pa glong brdal tshul du bshad// man ngag rtsu ba 'dir 'dus pas// man dag zhal chems sprugs ltar bshad// glong dgu rtsu ba sems nyid glong // sel med rgya mtsho'i glong du bshad// kun bzang sems nyid stong gsal las// rang byung rol pa mi 'gag pas// mkha' la gza' bkram ltar du bshad// mkha' khyab sems lung kun gyi mchog/ yin phyir spyi don lnga yis bshad// rgyud kun 'dus pa'i mchog yin pas// phun sum tshogs pa lnga yis bshad// tha ma shes bya'i ngo bo la// thun mong thun mong min pa ste// thun mong khyad par grags tshul nyid// grags pa gol zhing sgrib pa ste// lta sprod ting 'dzin dam tshig dang // bsgrub dang 'phrin las dbang mchod dang // dkyil 'khor sa lam 'bras bu bcu// ma shes bdag 'dzin gzung 'dzin dang // yang dag bden la ris 'byed dang // dag dang gnyis spyod gtsang sme dang // blang dor sgribs pas bcings pa
- 10a
kun// la gol la sgrib gol sgrib byung // ye nas rang gsal gsang rdzogs la// mthong dang ma mthong gnyis su phye// ya nas dmigs med rang gsal las// bdag dang gzhan du bzung bas bcings// skye 'jig bral ba'i rdo rje la// rgyu 'bras 'brel par bzung bas nor// dngos po gnyis med rdzogs chen la// tha dad rtags pa log pa'i lam// gnyis med rang rig gter 'di la// bde na gnyis phye bas gcig dang 'gal// rang gsal dmig med stong nyid la// yang dag grub pas dmigs med 'gal// 'chi bral lta ba gza' gtad med// gza' gtad bral 'dzin yang rtse 'khrul// ma bcos ye shes rang gsal la// dbyings dang ye shes 'khrul pa'i chos// ye nas rin chen dag pa la// dag pa gsum gyis rtsol byed nor// bskyed bral ya shes dkyil 'khor la// bskyed dang rim rtsol rnal 'byor che// btsal bas rang byung gter dang bral// ye shes ran chen phung po lo// byin rlabs snang 'dod re dogs can// rang snang 'khor lo'i don dang 'gal// rin chen 'khor lo kun bzang 'di// 'gro drug rang gsal thugs la gnas// gsal rig 'dzin bral
- 10b
dbyings la son// thim 'gyur gsal nas mi mngon pa'o// rang gsal nyi ma'i byin rlabs ni// btsal med 'od kyi phyogs bcur brda la// khyad par bcu ba zhis bshad pa dang // chos rnams sems kyi ngo bo la// mtha' dang log ltas mi 'gyur pas// rdzogs chen ma lus thams cad kun// gsal gtan ri bo lta bur bshad// rtag chad mtshan ma cir snang yang // sems la yangs dog chos med pas// nam mkha' glong dang 'dra bar bshad// chos kun gsal snyoms btsal med 'char// rang gsal rig pa'i rtsa la rdzogs pas// mkha' la nyi shar 'dra bar bshad// sems can sangs rgyas la sogs pa// bde sdug ma 'dres rdzogs chen pas// gser gyi ngo bo lta bur bshad// rang gsal mtha' bral rgya mtsho la// rtsol bas mi 'bogs brtag dka' bas// zab pa mtshogating lta pur bshad// lhun grub rin chen phung po yis// btsal med byin rlabs rang 'char bar// nor bu rin chen lta pur bshad// nyi ma mun snang gcig pa'am// nyon mongs ye shes gsal rdzogs pas// dug nyid sman du gnas ltar bshad// rang rig thams cad gsal rdzogs pas// lhun grub bde chen rol snang bas/ rgya
- 11a
mtsho chen po'i rlabs ltar bshad// mtshan ma'i bye brag cir yang snang // mi 'gyur chos skur gnas bslad med// kha dog nag po lta bur bshad// rang byung ma bsgrubs rang 'char la// cir snang rang las smin pa'i phyir// shing tog a mra lta bur bshad// rang byung thag pa'i rgyal po la// zil gnon ma bgrod kun son pas// mkha' la khyud 'phur lta bur bshad// mtha' bral rang byung rdzogs lung la// mtha' yi zhen pa zil non pas// seng ge sgra sgrogs gcig ltar bshad// kun bzang 'khor lo'i rim pa la// gnang bkag yod med kun bral bas// kun bzang spong len med ltar bshad// chos kun rang rig sems nyid la// sems nyid gdod nas ka dag pas// rin chen gser gling lta bur bshad// thun mong min pa rdzogs chen gsum// btsal med la med spyi gzhung nyid// gab pa mngon phyung man ngag go// lta ba rang gsal gza' gtad bral// mthong med rang gsal ye shes spyan// gsal la mkhyen bsgribs mtha' dang bral// rang gsal rig pa'i dbyings su rdzogs// spyad bral kun bzang rol pa 'di// rol pa 'gag med rang 'char rdzogs// ma bcos snying por spyod pas na//
- 11b
mtha' dbus med pa'i glong du rol// rgyal thabs spyi blugs dbang gi mchog/ ma bskur rang rdzogs kun la gsal// dus gcig ye shes rig pa 'char// dus tshod bla ma'i ngag las brtag/ thig le chen po'i dam tshig 'di// rin chen kun bzang sems la gnas// bsrung du med pa'i dam tshig la// mi bsrung phyogs dang bral par gnas// ye nas lhun grub rang byung gis// phyogs ris med par brda la zin pas// 'phrin las bya med mtha' bral la// bya med rdzogs pa'i ye shes gsal/ tak+Sha ka yi nor bu 'am// 'jig rten 'od kyi rgyal po ltar// byin rlabs thugs rje rang shar la// brtson pas bsgrub cing btsal du med// ye shes rang gsal ting 'dzin 'di// ma yengs rang gsal lhun grub la// btsal zhing yengs pa rnam par bcad// ye shes snying po rang gsal lung // mtha' dbus med pa'i dkyil 'khor la// sku gsung rang shar bsam mi khyab// mtha' bral nam mkha'i snying po ltar// thig le rang gsal rdzogs par gsal// rang byung rang shar rang la rdzogs// nyi ma'i 'od dang snying po ltar// 'khor ba ye shes rdzogs pa la// 'bras bu grangs 'das mkha' ltar smin// rang byung yo byad mchod pa yis// lhun grub rang gsal
- 12a
dbyings su thim// phyogs bral lhun grub mchod pa 'dis// kun mkhyen rang gsal nyid du mnyes// gab pa mngon byung don 'di la// slob tshul rim par ngos bzung nas// rgyal thabs spyi blugs dbang bskur nas// sems nyid rin chen rtogs bya'i phyir// de nyid lta bas thag bcad bshad// de nyid ma yengs goms bya'i phyir// brda don phral ba'i man ngag bshad// ci spyad stong 'gyur 'ching med pas// glang chen chur zhugs man ngag bshad// glong dgu 'dus pa'i tshig don spyi// rgyud kun gtan la dbab pa'i tshig/ 'dis ni spyad par bya ba yin// glong dgu lde mig phye ba yis// nyid la 'chad cing nyid kyis 'grel// btsal med theg tshon gang zag la// tshig bral rig pa'i 'khor lo bskor// zhes gsungs so// nam mkha'i mtha' dang mnyam pa'i rgyud chen po las/ bshad pa'i lde mig gis glong dgu dbye ba'i le'u ste gsum pa'o// // de nas sems dpa' rdo rjes/ rdo rje sems dpa' chen po la 'di skad ces gsol ba btab bo// dus gsum sangs rgyas thams cad kyi// sku gsung thugs kyi gter 'chang ba// ye shes mdzod ldan gnyis med rdzogs// rang gsal thams cad mkhyen nyid dang //
- 12b
mgon po khyod la gsol ba ni// ngo bo thabs kyi mtshan nyid de// rnam grol rig pa'i gter kha dag/ mgon pos bdag la bshad du gsol// zhes gsol to// de nas de bzhin gshegs pa rdo rje sems dpas 'di skad ces bka' stsal to// kye sems dpa' chen po/ mkha' mnyam byang chub sems kyi lung // nam mkha' mtha' dang mnyam pa'i rgyud// rin chen dbyig dang phrad pa'i thabs// ye shes gsang rdzogs chos dra byings nyid// ngo bo gcig la brtags pa gsum// dngos dang bsam pa phye ba'i tshul// ngo bo rkyen thabs ngo bo dpes// bcings grol tshul gyis phye ba yin// kun 'dus nam mkha'i mtha' mnyam la// kun 'dus rang gsal dbyings la rdzogs// mi gnas mi bsam cir mi dgongs// spros bral rig pa'i 'khor lo gter// sangs rgyas ma yin sems can min// gnyis kA ma yin rang gsal lung // sgro dang skur pa rnam par bcad// mtha' da bus bral ba'i snying po ni// phyogs bral ma nyam nyid rig pa'i gter// rin chen ga'u'i phung po bzhin// kun la phyogs ris med par gsal// nam mkha'i mtha' mnyam gter gyi dbyig/ dpag bsam 'khor lo rang 'char dang // kun snang gsal ba'i
- 13a
sgo mo la// gang phye rin chen dbyig dang phrad// kun gyi ngo bo ye shes lus// mtha' med dbus bral snying por gsal// gsang ba rang rig chos dbyings gsung // ma gsungs raba'i byam rig pa'i sgra// bsam med rang byung rang gsal la// gsal ba log rtog mdud pas bcing // de nyid dbyings su mi gsal na// bkrol yang thar par mi 'gyur ro// nam mkha' nyid la mi gnas ltar// rang gsal mi rtog la mi gnas// rang byung rang gsal dbyings su rdzogs// brjod med rig pa'i glong du brdal/ ngo bo 'di zhes brtag dka' ba// bsam gyis mi khyab chos kyi dbyings/ brda don sprod dang brel ba dang // yang dag nges dang rgyal tshab brgyud// thugs rje rkyen ldan zab pa dang // khye dang grags phyir ma yin cing // rgyal thabs spyi blugs dbang thob dang // theg pa'i bye brag 'byed la brtson// brjod mkhas tshig don 'brel bar ston// brda don sprod pa'i slob dpon yin// mtshan ma mi bsam dbyings gnas pas// dgongs pa glong ltar rnga lo ba dang // mtha' dbus bral ba'i don la mkhas/ tshig min dgongs pa'i lung ldan pas// phral ba yin par nges par gsungs// rang rig gsal bas rang la ston// rang gsal lung la rang gis mtshon//
- 13b
rang rig gzer chen dang la 'debs// slob dpon kun gyi mchog tu gsungs// nges pa'i seng ge'i rjes byung ba// btsal med seng ge'i sgra sgrogs pa// dpal ldan kun mkhyen rnam grol thugs// 'jig rten gsal ba'i nyi ma yin// rang byung shes rab 'od po che// rang gsal rig pa rang las 'char// thos bsam bsgom pa gsal byed lung // nges par rtogs pa'i rkyen du bshad// rin chen 'phrul gyi khang pa dag/ kun gyi zad med gter 'chang ba// theg sgo lde mig rim pa'i tshul// gang phye na'ang nam zhig thob par 'gyur// theg pa'i bye brag ci bstan pa// glong dgu'i don la nges par 'dus// nam mkha' mtha' mnyam glong dgu'i rgyud// brtags na rin chen dbyig dang phrad// rnam grol rig pa'i phung po la// rtswa la med lung gsum rig pa yis// rtog dpyod 'jug pa'i yul med kyang // de nyid tsam gyis rdzogs sangs rgyas// rgyal thabs spyi blugs dbang thob nas// ye shes rang gas la don dang sprad// shes pa rgyu ba bzhi cha'i dus// / gsum ni rnam par rtog pa ste// gcig po ye shes gsang ba yin// dus tshod bla ma'i thugs la brtag/ brgyud pa thabs kyi me long gyis// mngon du gsal ba ye
- 14a
bral rig pa'i dbyings su rdzogs// thams cad gsal snang rig par rdzogs// mkha' la gza' skar bkram pa ltar// ma 'dres rang gsal dbyings su rdzogs// rdo rje sems dpa' de bzhin gshegs// ma bcos de bzhin rig pa'i glong // shes par gyis la rang dgar zhog/ spros med rgyu rkyen rten bral ba// nam mkha' rang byung stobs po che// rang byung gzhan med rang gi dbyings// gang ltar bzhag pa de ltar yin// rang gsal nyi ma kun la snyoms// mtha' bral nam mkha'i snying po ltar// gsal la brtags na dmigs dang bral// mi g.yo 'dzin bral ma nyam nyid gter// rang byung bstan pa rang las 'char// rang gsal 'khor lo rang las bskor// rang gsal nyi ma kun gyi gter// kun la gnas so brtags bral dbyings// zhes gsungs so// nam mkha'i mtha' dang mnyam pa'i rgyud chen po las rin chen shes bya gter gyi le'u ste bzhi pa'o// // de nas sems dpa' rdo rjes/ rdo rje sems dpa' chen po la 'di skad ces gsol ba btab bo// rang gsal nyi ma 'od kyi mchog/ mdzod dgu rig pa'i gter dang ldan// lhun grub bya bral rdzogs lung las// 'dod dgus 'dod pa char pho ba la//
- 14b
nyon mongs ye shes gcig tu snang // gcig la dgur phye bshad du gsol// de nas rdo rje sems dpa' chen pos 'di skad ces bka' stsal to// kye sems dpa' chen po// thig le gcig pa gnyis su phye// bden pa gcig la sgro skur byung // 'khor drug gcig la so sor ltas// mdzod dgu rig pa'i gter la sgrib// thig le yongs kyi zlum po la// 'khor dang myang 'das yo nas med// 'khor ba byang chub snying po la// sdug bsngal kun bzang rol par shar// de nyid spros med thig ler gsal// gsal yang mi mngon dbyings su thim// chags sdang gti mug nga rgyal dang // gang phyir phrag dog chen po ni// btsal med ye shes lngar gsal bas// ye shes nyi ltar kun la brda la// 'dod lnga yul lnga kun gyi gsos// rang byung thugs rje yongs kyi gsos// rang gi rol pa rang la snang // rang gi longs spyod rang la mdzad// ma rig 'thibs pa'i 'gro ba la// snang gsal sgron ma rang bzhin 'char// 'khor ba nyid na ye sangs rgyas// sdug bsngal longs spyod bde ba'i rgya no// gdod nas ye shes rang gsal la// gnyis su btags pa 'khrul pa'i lam// sku dang gsung thugs 'phrin las kun// rig pa gsal ba'i dbyings la gsal// mkha' la bya lam 'dra ba yi// nam
- 15a
shes la// gang ltar 'tsham pa de dag min// rmongs pa bkri ba'i thabs su bstan// byas dang ma byas gnyis kyi bar// 'dzin bral dbu ma'i shes pa gnas// ye shes 'dzin pa'i man ngag ste// 'phrul gyi skyes bu'i glong dang mtshungs// gsal ba dang po ma skyes mtha'// skyes na ma skyes don dang bral// mtha' dbus bral ba'i snying po ni// rdzogs pa thug phrad yin par gsungs// ci la gang snang dus de na// ma btsal rig snang mi rtog lung // nyams brjod kun bral ye shes te/ bu mo dga' ba'i ro bzhin no// ye shes mnyam rdzogs cha gcig la// sku gsung thugs phrad man ngag gsal// kun kyang ye shes rang gsal te// dus tshod bla ma'i zhal las shes// thabs sbyor man ngag bcu gsum po// gang la 'dul ba'i thabs su bstan// so so rang rig ngos bstan pa// mkhyen ldan bla ma'i zhal las shas// thabs kyi rim pa gang dang gang // ji ltar yin pa de ltar 'jug/ 'dod 'byung rin chen 'phrul gyi dbyig/ btsal med gnas pas thob par 'gyur// ngo bo rang gas la dmigs med de// rang gsal chos dbyings brjod bral dang // yul med mtha' bral rang byung glong // gnyis med rig pa gcig la rdzogs// rig pa'i 'khor lo
- 15b
gsal ba'i gter// 'du shes bral bas dbyings su rdzogs// ting 'dzin ye shes med gcig rdzogs// gnyis dang gcig gis 'dzin mi 'jug/ ma bcos sgro bral mnyam nyid la// phyogs ris 'dzin rtog gdod nas stong // mtha' bral rang gsal snying po la// sgom dang mi sgom 'du shes bral// rang rig rang gsal rdzogs lung la// gnyis pa'i 'du shes rnam par bcad// brjod bral rang gsal rdig gsung la// brjod dang mi brjod rnam par spangs// phyogs med rang gsal yeng shes la// 'du shes mi mnga' gcig gi gter// rang gsal 'bras rdzogs snying po la// dngos grub nyi ma'i 'od ltar 'char// mkhyen bral gzigs med ye shes spyan// dgongs med snying po'i don la gzigs// ma 'dres mkhyen pa'i snying po las// 'dod dgu'i byin rlabs char du 'bebs// nam mkha'i glong yangs ji bzhin du// brjod med glong la thams cad rdzogs// gsal ba nyi ma'i snying po ltar// rang gsal byin rlabs dbyings su rdzogs// 'dod 'byung rin chen phung po ltar// phyogs ris mi mnga' yongs kyi gter// rtsal chen rdzogs pa'i seng go ltar// rtsol sgrub zi la gnon gcig tu rdzogs// 'phur skyes 'kha' la 'gro ba ltar// bgrod med sa rnams cig tur non// gza'
- 16a
mkha'i dbyings thim gsal mi 'gyur// zhing khams dbang stobs rdzu 'phrul yang // mnyam nyid rig pa'i gter la rdzogs// mdzad spyod dgongs pa mtha' yas kyang // rang gsal ye shes dang la gnas// rang bzhin gnyis med mkha' ltar brda la// mdzad pa'i byin brlabs skar ltar bkram// thugs rje byin rlabs 'od ltar brda la// rang gsal ngang la 'du bral med// rig pa'i ye shes nyag gcig la// byin rlabs yid bzhin nor bu ltar// 'gro drug nam rang snang 'khor tshogs la// 'bras bu nam mkha'i char bzhin 'bab// gnyis med gcig gi rang bzhin la// ji ltar brtags bsam 'byung ba na// rang gsal me long 'ong po che// yul med gsal ba'i dbyings su rdzogs// ye nas byang chub snying po la// yin min gnyis las sgro skur byung // de dag mi gnas mtha' bral bas// dngos la de dag kun dang bral// dper na mkha' las khab lhung bas// 'khrul pa'i ngo la snang ba las// rtogs la de dag gnyis ka med// sgro 'dogs blo bur 'dogs pa'i chos// skur 'debs stong gsal med pa'i mtha'// 'di kun log pa'i grong khyer pa// rdo la gser du zhen pa ltar// rang rang brtags snang la
- 16b
zhen pas// phyogs med rang snang 'bras 'dod pa// rang snang 'bras bu thob ri skan// de bas rang gsal mnyam pa la// rig pa med pa'i sems kyis 'jug sgro bral rig pa'i 'khor lo gsal// skur bral rig pa rang gsal lung // phyogs bral mnyam nyid rig pa'i gter// 'jug med slad med ji bzhin gnas// ma nyam nyid nam mkha'i mtha' mnyam rgyud// thig le gcig la gnas pa la// ma rtogs dbang gis drug tu snang // kun kyang thig le chos nyid gsal// zhe sdang ma bcos dbyangs gsal na// dmyal ba'i me lho 'od 'bar yang // sdug bsngal dngos la ma grub pas// ma bcos dbyings las gzhan ma yin// nga rgyal mngon mtho ltar gsal nas// longs spyod bde sdug so so yang // ma bcos ngang la gnyis med pas// gnyis med ngang la lhun gyis rdzogs// 'dod chags zhen 'jug brtags pa yis// gling bzhi/ mi yi longs spyod dang // bde sdug 'khor ba'i sdug bsngal yang // rang byung ngang la gnyis med pas// rang gsal ye shes snying por rdzogs// gti mug 'thibs shing // pa sgribs dbang gis// byol song gnas su lhung gyur yang // sdug bsngal dngos la mi gnas pas// de dag rig pa'i 'khor lor rdzogs// ser sna chags bcings
- 17a
'bras bu yis// zas dang longs spyod 'phongs pa dang // 'dod pa yid du mi 'ong ba// dngos la de ltar gnas ma yin// phrag dog gdug rtsu pa dbang gis na// 'thab rtsod 'khrug pa'i sdug bsngal do// rang byung dngos la mi gnas pas// rang gsal rig pa'i 'khor lor rdzogs// kun gzhi ma skyes chos dbyings la// rig pa rang gsal brjod dgur 'brel// rin chen glong dgu thugs la gsal// rang gnas rig pa gter la rdzogs// ma bcos spros bral chos kyi gter// kun 'byung rin chen phung po la// 'phel 'grib med pa nam mkha'i ngang // kun gzhi chos kyi mdzod du gsungs// 'byung lnga ngo bo ma skyes pa// de nyid dang las rang byung zhing // kun khyab kun 'byung kun gnas pas// nam mkha' 'byung lnga skye 'gro'i mdzod// chos sku mkha' ltar dag pa las// byin rlabs sna tshogs rgyun mi 'chad// rang gsal ngang du kun 'dus pas// chos sku byin gyis brlabs kyi mdzod// lha med rang gsal gza' gtad med// lte ba kun gzhi rtsa ba yin// ltar med kun bral nyag gcig po// lta ba glong yang sa mnyam pa'i mdzod// zin chags bral ba'i bdud rtsi la// glang chen chur zhugs
- 17b
lta bu yis// bab chod re dogs bral ba la// spong len bral ba spyod pa'i mdzod// skur med rang thob dbang gi sa mchog/ la ma dang sa la mi bgrod de// khyung phrug sgo nga skyes ji bzhin pa// rgyal thabs spyi blugs dbang gi mdzod// bya med gdod nas byas zin la// bya med rang gsal 'phrin las 'di// kun tu ma yengs rang gnas pa// 'phrin las lhun gyis grub pa'i mdzod// rang gsal ma bcos dkyil 'khor la// ma skyed gdod nas sku gsung thugs// rang gsal mi rtog ting 'dzin dang // skyed med dkyil 'khor chen po'i mdzod// mkhyen pa'i ye shes rang 'char la// shes rab gsum gyi tshul gyis 'jug/ ye shes gsang ba'i ga ter 'dzin pas// ma bcos rang gsal ye shes mdzod// dgur snang gcig rdzogs khyad par che// rin chen phung po mnyam pa'i dbyings// rin chen mdzod sgo kun phye bas// rin chen dbyig gi gter dang phrad// khyab brda la nam mkha'i byin rlabs las// nyi ma stong gi dkyil 'khor shar// rig pa rang byung nyag gcig las// 'dul dbang bsam pa'i khyad par gyis// me lce skar khung du ma bzhin// gcig la dgu yi tshul du snang // rig pa glong gi don la 'dus//
- 18a
dpag med dus gsum rgyal ba rnams// ma rtogs don la dgod pa'i gyur// rdzogs chen rdzogs pam tshul bzung ste// kang+yas byu na mdun nA gnas// ji ltar 'ongad dang hU~M nAn+ta stAr// thugs rje nam mkha' maN+Da' ltar brtu la// gnyis med ye shes gcig la rdzogs// de slong yi bzhin nor bu'i tshul// mdzod dgu rig pa'i gter chen la// rigs can dbang thob gang zag gis// brda don 'byed dkrol rim pa 'dis// dus gcig 'dod spyong dgos par gyur// ji srid gang dang gang snang ba// de srid sems kyi rnam grangs te// gcig gis kun grol thob pa ni// 'phrul gyi skyes bu'i dpe dang mtshungs/ 'dod 'byung rin chen phung po ltar// kun li phyogs ris med par gnas// rin chen khang pa sgo mangs bzhin// don gcig 'jug zhibs ma mi khyab// ces gsungs so// nam mkha'i mtha' dang mnyam pa'i rgyud chen po las/ mdzod dgu rin chen gter gyi le'u ste lnga pa'o// / de nas sems dpa' rdo rjes rdo rje sems dpa' chen po la 'di skad ces gsol to// dus gsum sangs rgyas thams cad kyi// 'dod 'byung nam mkha' mdzod kyi bdag/ sku gsung thugs kyi
- 18b
dbyings la rol// 'gyur med dang la rtag tu bzhugs// mgon po khyod la gsol ba ni// rin chen dbyig dang phrad bya'i phyir// rin chen phung po rang gsal don// gang gau gsal ba bshad du gsol// zhes gsol to// rdo rje sems dpa' chen pos 'di skad ces gsungs so// kyai sems dpa' chen po/ nam mkha'i mtha' dang mnyam sbyor ba'i// nam mkha' rgyas pa'i mtha' bzhin du// mtha' dbus med pa'i snying po la// ji ltar bsam pa de ltar 'byung // gsang ba'i rgya mtsho rin/ chen dbyig/ thabs sbyor rang gsal bsam mi khyab// rang gsal 'od la rtag tu bzhugs// rin chen 'phrul gyi dbyig la brtag/ rdo rje lung dang mi ldan par/ gsung gi nyid khu bral ba yis// rang gsal rig pa'i 'khor lo la// bskal par brtags kyang don mi rnyed// rna brgyud thugs kyi rin chen la// rig sbyor thugs kyi rnal 'byor pas// bla ma rdo rje srog tu 'dzin// yo byad snying pos mnyes byas te// sgo gsum bran du khas blangs na// rin chen dbyig dang phrad byas na// brda don dgrol ba'i rim pa yis// rgyal thabs rig pa tshangs dbang gis// skad cig sangs rgyas sa dang phrad// bde ba phrag pa'i don thob nas// dus mtha'i skad cig
- 19a
nyid la ni// phyogs bcu'i zhing khams khyab par gsul// rang gsal rig pa'i sgro skur bcad// 'du shes bral ba'i dbyings la rdzogs// spros bral mtshan ma'i 'du shes bshad// rnam dag gsal ba'i ye shes la// mtha' yi mun pa ma gsal dag/ brda don sprad pa ma rtogs pa/ mtshan ma sgra yis rjes mi 'jug/ rang gsal nyi ma'i snying po ltar// gsal yang 'du shes med par gnas// nam mkha' mi 'gyur rtag pa ltar// kun 'byung rtag chen 'gyur ming klong // rdo rje sems dpa'i lha bzhin du// skom dang bral ba'i dbyings su rdzogs// 'phrul dga'i longs spyod tshul de bzhin/ rang las 'phrul zhing 'dod dgur bsgyur// rgya mtsho gzings kyi bya rog ltar// bskor zhing rang gi dbyings la thug/ thub dbang nor bu de ji ltar// kang ltar baspyan pa de ltar ro// spyi gtsug nir bu ji bzhin du// ma btsal rang gsal dbyings la gnas// bcud 'dzin rin chen gter bzhin du// spro brdzu g.yo med bzhin gsal// da byings la gsal ba'i 'od bzhin du// ma 'dres rang gsal 'du shes bcad// rgyal ba'i gtsug tor ji bzhin du// bltas pas thugs
- 19b
med nam mkha'i dbyings// snang srid gsal ba'i me long ltar// tha dad gsal yang dbyings la rdzogs// ka la bIng ka'i lam gnas bzhin// gang ltar bgrod kyang bsam bral dbyings// bu mo dga' ba'i ro bzhin du// khyab par gsal yang nyams myong med// rin chen shel gyi sa gzhi ltar// cir gsal mi g.yo rdzas bral dbyings// rgya mtsho 'du ba'i snying po ltar// sna tshogs sgo ni gcig tu ma nyam// nyi zla 'bar ba'i 'od bzhin du// phyogs ris med de rang gsal dang // nam mkha ngo bo ji bzhin du// brtag cing gzung ba'i mtha' dang bral// rang gsal spros pa rnam par bcad// dmigs bral kun snang rnam kun bcas// rgya mtsho'i 'phro 'du byings rla bas ltar// rang las byung zhing rang la 'dus// phyogs ris mi mnga'i yongs kyi gte ra// gsal ba'i byini rlabs bsam mi khyab// mtha' gsum gsal bas dbyings la thug/ dper na rin chen gser gling ltar// kun tu snang yang gcig la rdzogs// rang gsal rig par cir mi dgongs// rin chen khang pa'i sgo mo la// kun nas kun tu ma nyam sbyor bas// gang ltar phyin kyang rin chen gcig/ de yis dbyig de thob par 'gyur// rgyal sras nus pa'i skal ldan gyis// rang gsal kun gyi
- 20a
'od la bzhugs// zhe sdang kun 'joms ting nge 'dzin// gti mug chen po de bzhin te// 'dod chags kun sbyor de nyid dang // nga rgyal dang gsum ldan pa dang // phrag dog mi chud don lnga yang // rang gsal 'od la 'dus te bzhugs// gcig gi don la lngar snang ba// dga' ba'i ro yis khyab dang 'dra// rtog khyod bral ba'i chos dbyings la// 'od gsal rig pa'i deng gis gnas// bsam bral nam mkha'i snying po la// btsal bral mnyam pa'i yid kyis 'jug/ mthong med rig pa'i kha lo sgyur// yi ge med pa'i don du mthong // mtshan ma sgra yi rjes 'brangs nas// spros bral rig pa'i don dang 'gal// ma btsal rang byung 'od gsal bas/ mtha' dbus med pa'i dbyings la thim// gsang dang gsang chen rab gsang ba// rang kasal spros bral gcig la 'dus// ye shes rang gsal rig pa'i 'od// phyogs ris mi mnga' yongs la snyoms// mnyam nyid rig pa'i ngo bo ni// gang yang yin no rnam kun bcas// rang gi 'pho 'gyur med pa la// ji ltar gsal yang 'di zhes med// kun gsal me long 'od po che// ye shes rdzogs pa'i ngo bo la// ye nas thig le chen po la// bdag gzhan ye shes dbyings
- 20b
su rdzogs// rgyal po kun gyi dbang po ltar// bla ma dam pa rdo rje 'dzin// rdo rje sems dpa' mngon phyung ba// 'phrul tshig rig pa sgron ma yis// gter khyim dpa' be'u sgo phye nas// skye ba med pa'i brda don sprad// bgrod pa med pa'i sa la bzhag/ 'chi ba med pa'i chos skur ston// rtogs po'i shes rab glong skar du// rab gsal nyi ma khyab par brda la// rin chen par bu'i sgo phye la// rdo rje sems dpa'i thugs bcud bsgos// thabs sbyor rig pa'i sgo bkrol te// ye shes gsang ba'i man ngag bstan// sgra tshig med pa'i rig pa yas// rang gsal rig pa'i 'od la bzhag/ rtso la sgrub bral ba'i 'bras bu sprad// 'di ltar ston pa'i slob dpon ni// lus sreg dbang po sha rus khrag/ bskal par btang yang mi 'phangs na// bu dang chung ma nor gyi dri byig/ bran pho bran mo smos ci dgos// dam pa rgyal bar mi 'dzin na// dpag med rgyud la mkhas gyur kyang // de nyid gshed sgyur snying bral nas// nges par rdo rje'i khab tu ltung // mgyogs 'gro sa mtshams 'das dang 'dra// 'khor ba'i gting du lhung 'gyur nas// dam pa de la ma brtan par// thar pa'i skabs ni mi srid do// rdzogs chen rna ba rgyud man ngag la// bla ma'i man ngag/
- 21a
mi ldan par// log rtog shes pas dpyad pa ni// nges par ltung 'gyur the tshom med// rang bzhin ngan pa'i mi rnams dang // thos chung sgra la goms med dang // theg pa dman pa'i skye bo dang // rdo rje slob dpon smod pa dang // rdo rje spun la 'khu ba dang // rang gsal don la skur ba dang // khye grags che ba'i rgyu sgrub dang // chos la dgag sgrub byed pa dang // don med sgra la gnyer ba dang // don med slob dpon dbang 'dod la// nam mkha'i mtha' dang mnyam pa'i rgyud// yang gsang thugs kyi man ngag 'di// bshad cing nges par bsten byas na// dam shod gling gi dur khrod du// Da ma ru la 'du ba ltar// mkha' 'gro rna nyan 'dus pa yis// 'chi ba'i dus min rjen rol du// sha khrag mngon du thos pa dang // maM bzad dag/ pa'i sdug bsngal gyis// 'ching nga nges par skrag bcad nasmra/ rdo rje'i lab tu nges par 'gro/ byang chu sems dang mi ldan na// thar par mi 'gyur skyabs dang bral// de phyir nges par dbang thob pa'i// rgyal sras nges pa gcig la gtad// ces gsungs so// nam mkha'i mtha' dang mnyam pa'i rgyud chen po los/ rig pa gsal byed dpe'i le'u ste drug pa'o// de nas sems dpa' rdo rjes
- 21b
sems dpa' chen po la 'di skad ces gsol ba btab bo// dus gsum sangs rgyas thams cad kyi// ye shas chen po rang gsal bdag/ 'phrul tshig sgra yis/ mtshon pa'i phyir// brjod bral rig pa'i ngo bo la// sngon byas gdams ngag rim pa yis// gsal bar nges pa gsung du gsol// zhes gsol to// de nas rdo rje sems dpa' chen pos 'di skad ces gsungs so// kye sems dpa' chen po// nam mkha'i mtha' dang mnyam pa'i rgyud// rdzogs chen thugs kyi glong gi mchog dmigs dang thabs gsal gnas pa ni// skyon yon rim par brtag pa gces// nam mkha'i dbyig gi gter 'tshong zhing // rang rig gsal la mi g.yo thugs ma bcos 'od gsal 'od la bzhugs// mi gnas rtog bral cir mi dgongs// bsam bral dpyad med don mnga' zhing // rig pa ma bcos dbyings la 'jug/ bsam med rig pa'i gdeng gis gnas/ bsam med dpyad med sa le ba// dmigs med don la rtag tu bzhugs// rgyal thabs tshangs pa'i man ngag gis// 'khor ba ma bcos gnas su spar// gtad 'dzin bral ba'i blo yis ni// rnam rtog ye shes snying por mkhyen// bsgribs med gsal ba'i ye shes la// bcos med rig
- 22a
pa'i blo yis 'jug/ snying rje thabs mkhas spyod pa yis// ma lus ma bcos rig par gsal// gang dang gang gis thabs nyid kyis// bsam pa de der rim sbyar nas// mos 'jug tha dad dbang gis ni// dus gcig 'gro lnga byang chub lam// spros bral rig pa'i dkyil 'khor la// bcos med rig pa'i sems kyis gnas/ bya med lhun grub 'phrin las la// bya btsal med par rang bzhin gnas// de bzhin nyid kyi dbyings nyid la// ma bgrod lam kun rdzogs par gsal// 'phrul tshig rig pa'i sgron ma yis// bsam pa'i bye brag ji bzhin rtsol// dbang dang byin ldan thabs mkhas pa// rdo rje mchog gi rnal 'byor ro// yon tan bcud 'dzin rdo rje la// dam par gnas pa'i gang zag gis// g.yo sgyu ma dang sems bral zhing // 'bab chu dge slong tshul 'dzin pas// sgo gsum dran pa'i sgo nyid nas// lus dang ngag sems yo byad dang // zhing dang bran pho bran mo dang // chung ma gser dngul rin chen lnga// bu dang bu mo rkang 'gros 'bru// 'phangs med bsam pas gtang bar bya// de nas spyod dang bsnun pa dang // ba spu lnga dang nyams bskyed dang // yun ring dam la 'chi gdags dang // grags bsal ba dang bsnyung bar bzhag/ gang zhig de la dbab pa
- 22b
dang / khas len bskrad dang zhu ba dang // bkru dang byug bdug ma tshang 'bru dang // da brog dang khyad gsod mna' dor dang // thams cad bka' mi gcog pa yi// dam bcas bco brgyad sbyang byas la// mgon po rang gsal thugs mnga' zhing // rang gsal 'od la mnyam par gnas// spros med blo yis gcig tu go/ rdzogs chen rang rig gsal la 'dud// khyod kyis ye shes snying po la// rig rig rang gis mtshon pa'i phyir// ma brjod rig pa'i gsung gis ni// bdag la rig pa'i don gsal mdzod// rang la rang gsal nges rtogs pa'i// ma bcos rig pa'i bu khyod la// btsal med rig pa ngo bstan gyis// blo yi gting du go bar byos// gal te dam tshig 'das pa la// gsad pa'i ye shes nges bshad dam// rdzogs chen rna brgyud nges bstan na// bul pa ra yi 'bru bzhin 'gyur// de ma thag tu brlag pa dang // mkha' 'gro dam can 'dus gyur na// dur khrod 'bar ba'i ro gling du// gcan gzan 'dus nas rtod bzhin 'gyur// rdo rje bla ma long ba nyid// nges par ya nga'i gnas su 'gro// de la brten cing lam ltos pa// smos ci dgos te rigs dang bral// nges ldan de yis sngon 'gros sbyangs// yon tan kun tshang bu mchog la// dbang bskur byin rlabs nyams byin na/
- 23a
nyi ma stong gi 'od ltar 'gyur// kun gyis dbang bskur gnang thob nas// ye shes rang gsal 'od la bzhugs// bde ba phrag rgya'i ro myong nas// de nyid tsam gyis rdzogs sangs rgyas// btsal med gnas pa'i rnal 'byor la// klungs su zhugs pa'i rig pa yis// bcos med 'od gsal nyid du gnas// nam mkha'i mtha' dang mnyam sbyor bas// yon tan grangs med snying por rdzogs// de ltar bla ma mnyes byas nas// rin chen dpal be'u sgo phye ste// gang ltar yin pa'i thabs nyid kyis// rin chen ngo bstan drod tshad bshad// brgyud pa thabs kyi me long gis// mngon gsal rin chen 'bar ba la// mtshon cing brtag pa ma yin yang // 'dul dbang ngo la de ltar gsal// thig le 'od gsal ting 'dzin gyis// tha dad dmigs gsal gcig la gnas// gnas med rang gsal ye shes pas// 'bab 'dra ba'i man ngag sbyin// mi gnas drag po'i blo nyid la// glang chen rtod pa'i man ngag sbyin// der yang mi gnas 'gro ba la// glang chen phyal pa sbyin par bya// 'dzin / med yal ba'i gang zag la// gzungs ldan rig pa'i man ngag sbyin// thabs dang shes rab rtags 'char bas// kha sbyor bar bu man ngag sbyin// skal med dbang po
- 23b
dman pa la// shin tu bsdams pa'i man ngag sbyin// phyi nang g.yeng ba'i gang zag la// bgrang dang bzung dang rtag pa dang // thun mong rlung gi man ngag sbyin// blo ldan rtog pa'i gang zag la// 'phrul gyi me long man ngag sbyin// chags zhen 'dod pa'i rigs can la// rin chen bde bskyil man ngag sbyin// rtag 'dzin de nyid rigs can la// ngo bo brtag pa'i man ngag sbyin// shes ldan dbang po dul ba la// brdal ldan rig pa'i man ngag sbyin// yul la zhen pa'i gang zag la// dbang po brtul ba'i thabs kyis bstan// tshig la dga' ba'i gang zag la// sgra la brtag pa'i man ngag bstan// rgyun du mnyam 'jog 'dris pa la// spyod lam rgyun gyi gdams ngag sbyin// blo ldan skul can yang rab la// chu sras lta bu man ngag sbyin// 'dzin rtsol bral ba'i rig pa la// 'jug med rig pas de ltar lta// 'od gsal ma bcos dang du bzhag/ rjes mi 'bral zhing yul mi 'tshol// rang gsal rkyen bral ces mi 'khrug/ rang la mi bsam dbyings mi tshol// 'du shes kun bral gsal ba'i 'od// phyogs// bral kun khyab dmigs su med// re dogs bsam spyad mtha' las grol// phyogs bral nyi 'od 'bar ba ltar// byin rlabs yongs su khyab par brdal// nor bu rin chen 'bar
- 24a
ba ltar/ kun la da lta nyid du ston// rtsa la bral rig pa rang gsal la// 'byung 'jug 'dzin pa kun dang bral// zhes gsungs so// nam mkha'i mtha' dang mnyam pa'i rgyud chen po las/ don nyid gtan la dbab pa'i le'u ste bdun pa'o// // de nas sems dpa' rdo rjes/ de bzhin gshegs pa rdo rje sems dpa' la 'di skad ces gsol to// dus gsum sangs rgyas thams cad kyi// sku gsung thugs kyi khyab pa'i sku// rnam par rtog pa mi mnga' bar// mtshan ma ye shes nyid sbyangs nas// ngo bo rang gsal rig pa yi// nyams rtags nus pa dam pa rnams// rang gsal nyid du rtogs bya'i phyir// mgon pos bdag la bshad du gsol// zhes gsol ba btab bo// de nas de bzhin gshegs pa dgos pa chen po rdo rje sems dpas 'di skad ces gsungs so// kye sems dpa' chen po/ ji ltar snang ba thams cad kun// rang rig ye shes dkyil 'khor la// brtags pa'i tha snyad kun dang bral// phyogs bral mnyam pa'i snying po la// gang ltar bltas pa de ltar gsal// 'dzin med kun bral nyag gcig pu// ye shes gsang ba'i ngo bo la// brjod dang snang ba'i chos so cog/ rang gsal ye shes rdzogs pa'i ngang // gnyis
- 24b
med gcig gi rang bzhin la// mtshan ma'i tha snyad kun dang bral// rang gsal thabs kyi me long la// 'gag med kun go gzugs brnyan 'char// de nyid ma bcos gzugs brnyan 'char// de nyid ma bcos rang gsal lung // sgro bral rig pa'i gdeng la gnas// ma bcos rang gsal mkha' ltar dag/ mi gnas nam mkha' lta bu'i tshul// gdod nas dag pa chos kyi dbyings// rang rig rang gsal dbyings la bzhugs// mtha' dang dbus bral gnyis med lam// ma chags dag pa rig pa'i gnas// 'od gsal kun gyi gzhal yas la// tshad dang dpag pa'i yul las 'das// mi bsam mi dpyad rang gsal mchog/ rig pa 'gyur med dag pa'i sku// brjod med rang gsal khyab gsal lung // yon tan 'phrin las rtsol du med// bya bral brjod med chos kyi dbyings// kun la gsal te 'du shes med// rig ba ma bcos 'dzin rtsol spangs// ji bzhin mnyam nyid rig pa'i glong // gsal ba rang rig dkyil 'khor la// 'jug med rig pas cig car gsal// gsal/ dang mi gsal 'dzin mi 'dzin// tha snyad bcad pa'i shes pa'o// rten dang bral ba'i rang bzhin gyis// cir yang gsal la dmigs su med// rang gsal rig
- 25a
ba'i bde ba ni// mtshan ma'i sgra yis mi mtshon te// nyam myong gsal ba gtan med lung // dga' ba'i ro dang mtshungs par gnas// rig pa'i gzhal yas rgya bral na// mtshan med 'od gsal rtag tu bzhugs// ji bzhin krung la ji bzhin 'jug/ nyams pa med pa'i sems kyis gnas// gang du'ang mi gsal gcig tu gsal// gcig pu ye shes rang gsal dang // rig pa spyi blugs rang 'char bas// yul dang yul can tshul mi gnas// rang la mi gas la gzhan la gsal// gnyis ka ma yin mtha' bral lung // sgro skur gnyis bral dag pa la// bslad med rang byung drang la 'jug/ rig pa rang gas la nyams ldan na// mtshan ma dag la dga' brod med// 'jigs dang me'i jigs chos med de// ni la'ang 'jug pa'i yid mi 'byung // gnyer med chu klung gsal pa la// g.yo med spyod lam rtag tu gnas// dmyal ba'i 'khor lo mi bzad pa// rang gsal ye shes ngang du mkhyen// rig pa spros bral chos dbyings la// sdug bsngal drag po mi bzad dang // bde ba'i longs sbyor cir byung ba// ye shes rol pa nyid yin pas// rang gsal gnyis med dang du gsal// rang byung ma
- 25b
bcos shes rab kyis// rig pa rang dbang rgyal po des// mnyam bsam med par phul du byung // gzhan gyi shes rgyud grol bar nus// gnyis med ye shes chen po la/ gnyis 'dzin rig pa rjes mi 'jug/ 'od gsal bde mchog ma yin pa// rnam rtog mtshan ma chos mi gnas// mya ngan 'das la mi phyogs shing // 'khor bar skyo ba'i sems mi gnas// bar mtshams med pa'i ting 'dzin la// 'dzin med blo yis gsal bar gnas// yongs med 'du bral mi gnas pas// bcos med snying por lhun gyis grub/ nus pa'i bye brag mtha' yas te// rdo rje rin chen 'bar ba ltar// ma lus zil gnon gcig pu rdzogs// nyi ma'i snying po'i 'od bzhin du// 'khor ba'i ye shes rang gsal dang // gser rdzas kha dog dbyibs bzhin du// dge sdig las kyis bcos med do// 'dab chags nam mkhar gnas pa ltar// 'khor ba'i tsong rong lam du bde// sgyu ma'i cho 'phral ji bzhin du// rang gi ngang las g.yos med gnas// 'gro kun 'dren pa'i mthu yas ni// nges par mi ltung byin gyis rlob// rang gsal nus mthu bsam mi khyab// ye shes rang gsal 'gro 'ong med// thugs rje rang gsal phyogs ris med//
- 26a
ting 'dzin rang gsal dmigs dang bral// rang gsal nyid la nyid mi 'jug/ 'ching gro la med pa'i rang gsal ba// rnam rtog bskyo pa'i rlung mi gnas// gsal la mar me'i tshul nyid las// 'du shes med pa'i sems nyid 'jug/ gang yang ma yin de ltar yin// mtha' bral nam mkha'i / rdo rje la// dmigs rtad 'jog pa nor ba'i lam// ye shes snying po nyi ma shar// rang snang rig pa gte ra la rdzogs// mtha' dang dbus dang phyogs bral la// dag mnyam pa'i sems mi 'jug/ 'jug tu med pa'i 'od gsal la// ji ltar chu la chu bzhag ltar// gnyis med gnas tshul de ltar bzhag/ 'khor ba ye shes snying por gsal// 'khor ba sil ba'i nyi ma la// mtha' yi mun pa gdod nas stong // ye shes gsal ba'i nyi ma ni// kun tu dal la dmigs dang bral// ci yang ma yin thams cad yin// phyogs ris med pa'i thugs rje ni// nam mkha'i mtha' ltar kun tu brdal// ye shes rgya mtsho mu mtha' med// grol ba'i dkyil 'khor yongs rdzogs ldan// rang bzhin bcos med snying po'i sku// ma 'phros nyi zla'i dkyil 'khor ni// btsal med na mkha'i ngang na gas la// ji bzhin
- 26b
rang gsal dkyil 'khor ni// bcos med dbyings nas rang bzhin gsal// mngon par mtho ba'i spyi gtsug la// mtha' yi lta bas reg tu med// bcos dang ma bcos de nyid mtha'// dbus mtha' med pa de bzhin nyid// gang la'ang ma gnas dbyings na gnas// dbyings de ma bcos zhi ba'i sa// gdod nas stong pa'i rang bzhin la// stong dang mi stong 'du shes bral// ma bsams pa nyid bsams pa'i mtha'// mtha' dbus bral ba'i ye shes la// mtha' dbus yod med skad mi btags// bskyod med ye shes 'od po che// 'khor ba rang gsal nyid du 'char// kun 'byung nam mkha' lta bu'i ngang // snang srid ye shes gsal bar gnas// gang dog nir gsal ye shes nyid// ye shes gsal ba'i 'khor lo la// ma rig sgrib pa ye nas med// kun bzung rig pa'i 'khor lo ni// ci yang yin no 'gag pa med// bsam dang bral ba'i chos nyid la// bsam zhing dpyad pas yul mi bskyod// rab bzhag lhug pa'i ting 'dzin la// sems kyi 'phro 'du'i las mi byed// rang gsal glong la ye gnas pa// bcos med byang chub mchog gi dang // gang ltar 'gyur ba'i rin chen ni// rdzas su med
- 27a
de ltar snang // rang snang sems kyi 'khor lo las// thar pa'i dkyil 'khor 'bum phrag yas// ma bgrod ye shes dbyings la gnas// mi bsgom rig pa rtsig car 'jug/ rang sems gsal ba ma yin pa// gnyis med bral ba'i chos mi gnas// rol pa 'gag med cir yang 'byung // rig pa spros bral dbyings la 'dus// brjod pa sgra yi 'khor lo can// sgra yis don nyid dbyings la 'bebs// kun 'dus sems kyi me long la// 'dzin bral rog pa cir mi dgongs// rang gsang thabs kyis chod pa la// ye shes gsang ba'i don mi snang // zhes gsungs so// nam mkha'i mtha' dang mnyam pa'i rgyud chen po las/ rig pa rang gsal gyi le'u ste brgyad pa'o// // de nas sems dpa' rdo rje dam pa des/ de bzhin gshegs pa rdo rje sems dpa' la 'di skad ces gsol to// kye ma'o sangs rgyas thams cad kyi// rig pa'i ye shes gsal ba la// gnyis med dag pa'i don mi snang // gang phyir sgrib pa bshad du gsol// zhes gsol pa las/ de nas de bzhin gshegs pa rdo rje sems dpas 'di skad ces gsungs so// ye shes gsang ba'i rang bzhin la// rnam rtog dra bas so sor bcings// de nyid rang gsal ma
- 27b
rtogs pas// log pa'i grong khyer nyid du lhung // zhes gsungs so// kye sems dpa' chen po/ sangs rgyas kun gyi ngo bo nyid// gnyis med ye shes gsang ba'i don// nam mkha'i mtha' dang mnyam sbyor ba// ye shes kun snang me long ni// 'khor min mya ngan 'das pa min// ye shes 'od gsal rig pa'i mkha'// sangs rgyas sems can thams cad la// rang gsal rig pa ye shes ni// kun la khyab par ya nas byung // gang yang ma yin de bzhin nyid// chos nyid spros bral 'gyur dang bral// rtog bral ye shes snying por gsal// dper na chu ru gcig pa la// rkyen dang phrad dang ma phrad kyis// nus pa so sor snang ba ltar// rgyal ba'i ye shes rang gsal la// rtogs dang ma rtogs khyad par te// dngos la de dag mi gnas kyang // bsam pas 'dul ba'i ngo la grags// rang gsal rig pa'i mthu med pas// 'jig rten 'das dang 'jig rten pa'i// lta ba'i khyad par bsam mi khyab// dngos la 'od gsal rig par 'dus// ji bzhin rig pa'i mthu med pas// bdag dang byed po dbang phyug dang // rang gzhan dus dang blo bur dang // yod med rtog pa log pa'i chos// don la de dag kun dang bral// dge dang sdig pa rnams phye nas// blang dor byas pas mngon mtho ba// gong 'og
- 28a
tshul gyi rim pa can// thob 'dod byas pa ngal ba'i rgyu// bden bzhi bcu drug lam brtan nas// nyon mongs rnam par spang byas te// rgyun zhugs la sogs rim thob pa// byis pa ngal pa don med yin// rten 'brel dag pa'i rgyur byas nas// gnyis med chos la gnyis bzung nas// srid pa'i 'khor lo dgag ces pa// dgag sgrub byed pa'i don dang 'gal// gnyis med don la gnyis bzung nas// bskal pa grangs med gsum nyid du// sa bcu lam lnga pha rol phyin// sbyong zhing gnyis rtog spong len can// rang sa thob kyang mthar ma phyin// gnyis med rang gsal don las nyams// chos dbyings ya nas gcig pa la// dag po nyid dang ma dag pa// spong lan ya shes gzung 'dzin gyis// rdo rje 'dzin thob 'bras mthar phyin// 'od gsal kun mkhyen don ma rig/ ye shes gsang ba'i don ma rtogs// rgyal thabs rig pa'i dbang ma thob// gnyis med rang gsal nyag gcig la// nges med gnyis kyi cha 'dzin cing // don la nges pa'i 'bras bur gcig/ 'dod pa 'khrul pa'i rigs can de// gnyis kyis gnyis med ji ltar rnyed// 'ching bus gser bu mi gcig dang // nges pa med pas khye be la 'dra//
- 28b
ye shes gsal ba'i don la sgrib// byin rlabs snang la cho ga dgu// dkyil 'khor bskyed dang bzlas pa dang // ting 'dzin gsal ba'i rim pa yis// sdug po bkod pa'i sa 'dod pa// rang gsal don la rtog pas bsgribs// rang byung nyid la dgu yis bskyed// ye shes skye 'gag tshul du brtags// ye shes rang snang don dang 'gal// bskyed pa rnal 'byor chen po yis// bskyed rdzogs bzhi yis mnyam sbyor nas// rig pa 'dzin pa'i lam la gnas// dbang sgyur ye shes dkyil 'khor gsal// sku gsung thugs dang gzhal yas dang // spyan drangs bzlas brjod mchod pa yis// rim pas rnam rtog kun sbyangs nas// 'bras bu 'dod pas don mi rnyed// rig pa'i ye shes gcig pu la// ting 'dzin gsum du mdud pas bcing // mtshan med rang gsal dkyil 'khor la// zhi dang khro ba// su yis phye// ye shes kun khyab brdal pA la// byon dang ma byon 'khrul pa'i chos// khams gsum ye shes rab gsal la// 'phro 'dus sgrib pa sbyang mi dgos/ ma skyes snying po byang chub la// skye ba bzhi yis lhar skye 'khrul// dus gcig ye shes rang gsal la// rim skye bde bas mtshon du med// rlung gsum dgag
- 29a
dang bgrang ba dang // thun mong nyid kyis sems sbyangs nas// rdzogs pa'i sems la mnyam sbyor bas// ye shes rang gsal don mi rnyed// ye shes 'dus pa'i ka ba gsum// me long bzhi brtsegs 'brel pa las// 'byed 'dzums drag tu bskul ba yis// nam mkha' dkyil 'khor 'ben la phog/ ye shes 'bar ba'i 'od nyid kyis// mthar thug med pa kun bkug nas// ye shes thig le gcig tu 'dus// rin chen 'phrul gyi lu gu rgyud// shel ltar dag pa'i ye shes can// khams gsum 'od kyis khyab brdul nas// slar yang ye shes snying por thim// bdud rtsis nam mkha'i khams bkang nas// bde ba phrag brgya'i khams bkang nas// nam mkha'i bdud cu 'byongs pa yis// ston chen 'od brdal nyid gsal yang // 'di yang bcos ma log pa'i lam// g.yo byed dbang dbyibs dkyil 'khor to// gru gsum a ya dbyibs ldan gnas// de steng rin chen 'khor lo ni// me long brtsegs pa'i tshul du gnas// sum cu gnyis gnyis ldan pa yi// dbus bsil ba yi sa bon can// zhi ba'i 'khor lo rnam par bskor// gnyis pa 'dab brgyad dngas mar ldan// chos nyid ye shes rang rgyud de// yon tan gsum gsum re re'o// 'od zer
- 29b
zum dang su tri au// za 'og gur phub tshul du'o// mthing kha shel sgong brgyas tshul la// sbrul mig lta bu a nI hUM// dmar nag zla gam gzhu yi dbyibs// pre du a ru shes par bya// ma rtogs 'gro drug sa bon la// rtogs pas sku gsung thugs nyid du// gnyis med bsres pas ye shes yin// rnam bzhi shes pa brgyad kyi rten// rgyu ba'i tshul gyis shes par bya// snying po sa bon 'od 'bar nas// mi shigs thig le snying por gnas// dbugs rtsol rang bral gyur pa yis// ye shes brdal khyab sa la gnas// bcu gsum gnyis kyi dkyil 'khor nas// ye shes gsal ba'i dkyil 'khor spro// bcu drug 'khor los mtshams sbyar nas// thur du 'phro zhing gyen du 'khyil// bcu dang gsum bzhi'i chos kun ni// lngar gsal ya shas rol nyid do// gzugs ldan chos kyi phyag rgya la// byin rlabs dbang bskur cha rdzogs la// mkhyud sbyor rig pa bde ba'i ro// 'byung dang 'jug pa gnyis kyi cha// brgyad gnyis bzhi gnyis bcu drug gnyis// rang gsal lhan cig skyes pa de// 'dod chags ting 'dzin bde ba des// ye shes rang gsal rkyen bral lung // rgyu rkyen bral ba'i don mi rnyed// rgyal dang cha yi tshul bzhin
- 30a
'phags// rjes su rnal 'byor tshul gyis ni// dbyings dang ye shes rang bzhin gyis// rgyu 'bras dag pa'i tshul du lta// 'od kyis ting 'dzin stobs kyis ni// rdo rje sems dpa'i sa la 'gro// rang sa 'bras bu mngon thob kyang // mthar thug 'bras bu de la med// 'di kun 'jig rten lam yin te// rnortso la bas rang gsal don mi rnyed// gnyis med ngang la gnyis par bzung // rang gsal dang las mun par 'khyams// rgyu rkyen bral las rgyu 'bras bltas// ma bcos ngang la 'dzin pas bcos// bgrod med ngang la lam la bgrod// gcig la bdag gzhan gnyis su bzung // 'di kun+da ye shes don la sgrib/ khams gsum 'khor bar de yis lhung // kun 'dus rang gsal nyag gcig las// cir bltas rang gsal dbyings la thug/ gza' gtad 'dzin bral chos kyi dbyings// rang la mi rtog de mi rtog/ 'jug med rig pa cig car skyes// kun gsal mtshan ma rig par rdzogs// gang du'ang mi gnas kun la son// zhen pa mi bcos dbyings gsal bas// 'khor ba ya sangs rgyas pa mkhyen// snying rje 'du shes yul med la// gdung med rang bzhin khyab par dal// yul dang shes pa 'byung 'jug med//
- 30b
rang gsal ye shes me long la// dmigs 'dzin bral ba'i ye shes kyis// dus gcig thugs phrad nyid du 'jug/ gang la'ang mi gnas rang la gnas// rang yang dmigs yul rnam bcad nas// rig pa sgra la rten mi 'cha'// dbang po yul gyi rjes mi 'brang // 'di ltar bsal ba ma rtogs na// gang ltar brtags pa de ltar min// zhes gsungs so// nam mkha'i mtha' dang mnyam pa'i rgyud chen po las// gang gis gang la bsgribs pa'i le'u ste dgu pa'o// / / de nas yang sems dpa' rdo rje dam pa des 'di skad ces gsol to// rtsa la bral ye shes snying po las// phun sum tshogs par gsal ba dang // khyad par ma 'dres gsal ba ru// mgon pos bdag la bshad du gsol// zhes zhus so// de nas de bzhin gshegs pa rdo rje sems dpas 'di skad ces gsungs so// kye sems dpa' chen po/ chos nyid rang byung byang chub sems// rang byung rang rig dkyil 'khor la// gnyis med ye shes chen po la// rnam dbye bsdu ba mi gnas na// rig par don la 'jug pa'i phyir// dngos dang bsam par phye ba yi// gang ltar 'tsham pa de ltar bstan// ngo bo mthong tshul gnyis kyis so// rang
- 31a
rig ye shes ma yin pa// rnam par bcad pa'i chos mi gnas// sku gsum rig pa'i grong du rdzogs// gnas ni spros bral rig pa ste/ bstan pa rang gsal me long yin// 'khor ni rig pa'i cho 'phrul te// dus ni bsam gyis mi khyab pa// sdud pa kun 'dus rig pa'i gter// rang gsal rang las ma yin pa// phun sum tshogs pa mi gnas te// rig pa 'pho 'gyur med pa'i gtar// bsam gyis mi khyab dus na shas// kye sems dpa' chen po// ston pa chos sku'i zhing khams ni// nam mkha' gar khyab chos nyid gtar// chos nyid sems nyid du byer med pa// chos sku'i zhing khams nyid du bshad// gnas ni rig po'i 'og min te// spros bral 'bar ba'i gzhal yas khang // mtha' dang dbus med ye shes gsal// sems can sangs rgyas gnas yin te// / ston pa rang byung 'od gsal ba// rdo rje sems dpa' chos kyi rje// brjod med rig pa'i ngo bo yi// 'gro 'ong med pa'i chos kyang ston// spros med byin rlabs phyogs bcur brda la// rig pa rang gsal ngo bor ni// ma gsungs byin gyis brlabs kyis bshad// rang gsal chen po'i ye shes su// rang rig rig pa shugs
- 31b
kyis go// 'khor ni sangs rgyas nyid yin pas// gzhan nam gnyis pa'i chos mi gnas// 'od gsal rig pa'i gdeng gis 'khor// bkod pa med par 'dus te gnas// thams cad ye shes snying po pas// nyid la 'chad cing nyid kyis 'grel// ye shes snying po kun 'dus pas// de nyid byang chub sems kyi 'khor// sdud pa rang gsal dbyings kyi glong // kun kyang rig pa'i 'od la 'dus// gnyis med gsal ba'i rang bzhin la// ma 'dus pa yi chos mi gnas// dus ni thams cad mnyam pa'i dus// rang gsal ngo bo thog mtha' med// rang byung byang chub sems nyid la// dus gsum khyad par gcig tu 'dus// bstan pa chos kun rang gsal la// ma bcos ma bslad 'gyur med lung // gnyis med rig pa'i ye shes nyid// rang snang tshul gyis gtan la 'bebs// ma bcos rang bzhin bzhag pas go/ nang pa gsum gyis bstan pa sgrogs// cig car 'jug pa'i tshul gyis rtogs// gang yang mi mkhyen gsal mkhyen pas// ye shes rang snang gsal bar mkhyen// ston pa longs spyod rdzogs pa ni// longs spyod nam mkha'i mtha' mnyam ste/ sku gsung thugs kyang mu mtha' med// zhing khams de ltar khyab pa'o// gnas ni 'og
- 32a
min chen po ste// spros bral rig pa'i byin rlabs las// ye shes spyan gyis gzhal yas khang // phyi dang nang med ye shes gsal// ston pa longs spyod rdzogs pa yis// rang byung mtshan dpe rang la chags// bde ba kun la mnga' mdzad cing // ye shes dmigs pa'i ngang tshul can// 'khor ni rang rig nyid 'jog po// sa bcu dbang phyug 'khor nyid la// kun kyang mtshan med mnyam pa'i tshul// rang gsal don la 'jog pa'o// sdud pa gsang bdag rdo rje 'chang // rgyal ba kun gyis dbang bskur ba// rig pa'i ye shes dkyil 'khor du// sgra bral bstan pa rgya mtsho sdud// dus ni mnyam gzhag rig pa'i dus// rang gsal rang las mi g.yo bar// mnyam rig rang gsal rig pa'i dus// 'di zhes nges par bstan du med// bstan pa phyi yi gsang sngags gsum// dgongs pa'i byin rlabs brgyud pas bshad// ting 'dzin gsal bas mnyan zhing go// rang gi ngo bos bstan par bshad// longs spyod rdzogs pa'i bstan par bshad// thub pa'i rang bzhin sprul par gsal// zhing khams sprul pa'i nam mkha'i khams// yang na stong gsum 'jig rten te// 'dul ba'i ngo la de ltar grags// gnas ni nges med mtha'
- 32b
yas te// rigs drug rang 'thad de nyid kyis// rdo rje ga dan sogs mtha' yas par// grangs med par gnas de nyid do// thub pa'i dbang po grangs las 'das// mdor bsdus drug snang ye shes drug/ 'dul dbang longs spyod spangs tshul gyis// 'gro ba 'dren mdzad sgron ma'o// 'khor ni lam gnyis 'thob pa dang // 'gro drug sems can de dag kyang // dge slong la sogs sna tshogs gzugs// sna tshogs 'dus pa'i 'khor tshogs so// sde snod gsum gyi tshul bzung nas// mos pa tha dad dbang gis na// theg pa chung ngu'i rim pa yis// gang ltar 'tsham pa de ltar bstan// kun kyang byang chub sems la 'dus// bcos med rang byung 'od la 'dus// ye shes gsang ba'i ngo bo la// de ltar gsal ba de ltar yin// gsang ba'i me long gsal ba'i mdzod// nyi ma'i snying po'i 'od bzhin du// gsal lo yul dang rnam par bral// thams cad dang las gzhan ma yin// rang nyid bsam spyod yul las 'das// mi rtog thugs rje mkha' ltar brda la// nam mkhar 'dzin pa'i 'du shes med// ston pa nga la bstan pa nga // nyan pa'i tshogs nga sdud pa nga // rang gsal nyid la rang nyid gnas// gang yang ma yin 'od gsal yin// ces
- 33a
gsungs so// nam mkha'i mtha' dang mnyam pa'i rgyud chen po las/ phun sum tshogs pa bstan pa'i le'u ste bcu pa'o// / / de nas sems dpa' rdo rje dam pa des 'di skad ces gsol to// bdag cag 'dus pa rig pa'i tshogs// ye shes gsal po ji ltar brtag/ rang byung rig pa'i 'khor lo las// rmad byung rig pa ji ltar 'char// ye shes nyi ma bcom ldan 'das// rang byung don la bshad du gsol// zhes zhus so// de nas bcom ldan 'das rdo rjod pas 'di skad ces gsungs so// kye sems dpa' chen po/ rang byung ya shes rgyu rkyen bra la// gdod nas rang snang 'od kyi mchog/ gang yang ma yin kun la gsal// phyogs med thugs rje kun 'jug la// phyogs 'dzin mi mnga' rtog mi mnga'// mkha' gsal nyi ma'i dkyil 'khor bzhin// tha dad bsam yas 'dul thabs kun// rang byung rig pa'i sems la bzhugs// chos dbyings bya bra la rdzogs pa'i lung // gsang mdzod rig pa thugs kyi gter// sku gsung thugs kyi bde ba'i mchog/ kun brda la rig pa'i glong du son// lha med ye shes rang gsal ni// yul med spros bral ji bzhin nyid// rang
- 33b
snang rig pa'i 'khor lo la// yul med rang gsal rig pas mthong // bsam bral rig pa cir mi dgrongs// mtha' bral dbu ma'i lam po che// ji ltar ma yin de bzhin nyid// de ltar rig pa nyid kyis gsal// cis kyang ma bcos de bzhin nyid// phra rags 'dzin pa'i rnam rtog la// mtshan ma'i rnam rtog ci skyes kyang // de nyid 'od gsal dag pa'i mkha'// gnyis med rang gsal gcig la son// mthong ba'i skabs na don mi mthong // mi mthong bas na don mthong ste// gaunyis ka ma bcos rang rig la// mthong dang mi mthong rjes mi 'jug/ thams cad byang chub sems nyid la// log rtog rtsol ba'i chos mi gnas// rang byung mtshan mar mi 'jug pas// gang ltar gsal la dmigs dang bral// 'byung 'jug med pa'i rnal 'byor gyis// ji bzhin nyid kyi don la rtog/ lta bral gzigs med ye shes spyan// chos rnams byang chub sems su bral// byang chub sems nyid 'od brda la bas// mtha' dbus med pa'i gcig tu gnas// 'dod lnga yul lnga chags sdang lnga// cir snang sems las gzhan med pas// de nyid ma yin gzhan ma yin// 'khor ba ye shes 'od du 'bar// rang gsal 'jug med rig pa yis// mthong 'jug
- 34a
med pa'i ngo bor rtag/ phyogs med gsal ba'i ye shes kyis// phyogs su lta ba zil gyis mnan// dang po sems la rgyu med pas// tha mar skyes 'jig mtha' las 'das// rang byung rdo rje skye 'gag med// dus gcig rdzogs pas rim skyed med// skad cig med de rgyun dang bral// rig pa rang gsal mngon sum la// rjes dpag rig pa brdzun gyis bslus// de kho na nyid rang gsal lung // rgyu rkyen byang chub sems rig pas// ye shes 'khyil ba'i 'khor lo can// cir yang 'phrul lo thams cad gsal// nam mkha' rang gsal dbyings la gnas// snang srid bde sdug 'khrul 'khor yang // rig pa ye shes 'khor lor zhugs// rang byung dang la gzhan pa med// 'du 'bral med pa rang la thug/ khyab brda la rig pa kun tu bzang // gang ltar gsal ba de ltar yin// glong yangs chu bo 'du 'phro bzhin// ma 'dres yongs rdzogs gcig tu gsal// nam mkha' gsal ba'i gzhal yas su// rig pa mchog gi 'od brdal nas// rig pa rang gsal mchog tu brtag/ brda don phrad nas gsal bar shes// mchog tu gsang ba'i chos 'di ni// snang med rig pa mchog gi ngang // rtog cing dpyod pa'i yul
- 34b
las 'das// spros bral mtshan ma cir mi rtog/ snang dang srid pa'i chos kun ni// dang po skye med dang yin la// bar du rtog cing sprad las 'das// tha ma rang gi mtshan ma med// gsum ka ma skyes chos skra'i ngang // yul dang dbang po spyod pa dang // myong tshor so sor ma 'dres gsal// rang byung rang la cir yang byung // rdzogs longs spyod pa rang bzhin gsol// kun la khyab cing don byed nus// dpag med rig pa sna tshogs 'char// rang las sprul cing rang las mdzod// rang byung rig pa sprul pa'i sku// skye 'gro phyi nang ma lus pa'i// gzugs snang phra rags gang yang snang // rmad byung sku yi rol par shar// ye shes 'od gsal mchog gi sku// sgra spyad rab 'bring ma lus pa// gsal stong rig pa nyid kyi gsung // gang brjod tshig 'das gang yang bral// brjod bral mi g.yo brjod pa nyid// dmigs bral mtshan me'i rtog mi 'jug/ chos sku snying po mchog gi gsung // brda mjal nyams myong gsal rig cing // nges skyes the tsom rnam par bcad// brda yis don go gnyis med pa// rdzogs longs spyod pa'i gsung du gsal// tha dad ma 'dres don byed nus// don dang 'brel zhes khyab par gsal// kun par mthun par rang brdal phrad//
- 35a
sprul pa'i gsung du rang bzhin brda la// brjod bral tshig gi rang bzhin gyis// rab byung kun la khyab par gas la// rmad byung rang gsal go ba'i sgra// ye shes rol pa'i gsung du shar// dran rtog rig pa cir mi lta// rnam grol rang gsal cir mi dgongs// mtshan ma rnam par rtog dang bral// gnyis / med rig pa mchog gi thugs// sna tshogs rang gsal brda gyur cing // ci yang ma yin gar yang gsal// 'od gsal bde ba'i don la bzhugs// bde chen thugs te khyab par dal// sna tshogs 'brel pa gang yang min// gcig tu mi gnas khyab par gsal// kun dang mthun pa'i dgongs pa can// rang las rang sprul sprul pa'i thugs// mi g.yo mi gnas gang du'ang min// rdo rje sems dpa' nam mkha' che// rmad byung rang gsal thugs kyi mchog/ rmad byung thugs kyi rol par shar// nyi ma'i 'od chen 'bar ba ltar// rtsal bral rang byung rig pa las// rtsa la med thugs rjes khyab par gsal// kun la gnas so dmigs dang bral// dpal ldan/ nam mkha' khyab pa'i 'od// 'gro ba kun la rang bzhin 'char// 'od gsal nam mkha' rgyas pa'i mtha'// 'jig rten gsal bar dus gcig shar// 'khor ba
- 35b
rang rig rang gsal yang // ye shes rig par mi gsal bas// ye shes nyi ma'i 'od kyang nub// rang gsal rig pa'i don de nub// rang byung sgra yi rjes 'brangs kyang // de yi ngo bor ma gyur na// gsal ba'i ye shes nyid dang bral// bcings pa'i mdud pa lcags dang 'dra// rang la rang gis gzer chen 'debs// mi rtog gsal ba'i gdeng du gyur// klung zhugs rang gsal mchog gi gter// rnam rtog mtshan mas bcos su med// 'gyur med rdo rje lung du son// brjod bral sems kyi dkyil 'khor la// pra khrid don gyi mi mtshon na// rig pa rang gsal don mi mthong // gter khyim gser dang gsal byed ltar// nges pa rnyed nas tshig mi dgos// rang byung gsang ba'i 'khor lo la// ye shes rig pas mnyam sbyar nas// rin chen 'bar ba'i gling bzhin du// ye shes dkyil 'khor nyid du 'bar// thams cad ye shes dkyil 'khor gsal// ma bsgribs rang byung sgo mo la// rtswa la bral rig pa'i thabs kyis 'jug/ mthong med mi dmigs dkyil 'khor la// yengs pa med pa'i sems kyis gnas// cir snang rig pa rang gsal bas// sgrib pa'i mun pa rnam par bcad// ye sangs rgyas pa'i thabs chen la// rgyu rkyen rtsol bas ci/
- 36a
zhig bya// ye shes snying po'i mtshan nyid ni/ khyab par gsal la rang bzhin med// snang srid gsal ba'i me long la// gsal yang rig pa'i mtshan ma med// mi 'jug mi lta cir mi rtsol// shes nas mi bcos rang dgar gnas// bsam bral dmigs pa'i byung tshor med// ces gsungs so// nam mkha'i mtha' dang mnyam pa'i rgyud chen po las/ ye shes rang gsal mthong ba'i le'u ste bcu gcig pa'o// // de nas sems dpa' rdo rje/ de nyid kyis 'di skad ces gsol to// dus gsum sangs rgyas thams cad kyi// sku gsung thugs kyi gsang ba 'chang // spros bral mnyam nyid rig pa'i gter// ga med rang gsal bcom ldan 'das// mgon po khyod la gsol ba ni// rnam grol bye bral rdzogs lung la// gnyis pa'i 'du shes med mod kyang // spyod pa'i khyad par gsung du gsol// zhes gsol to// de nas de bzhin gshegs pa rdo rje sems dpas 'di skad ces gsungs so// kye sems dpa' chen po/ gnyis med rang byung ye shes la// gnyis kyi 'du shes mi 'jug kyang // 'jug pa thabs kyi sgo mtshon phyir// spyod pa'i rnam par bshad par bya// nam mkha'i dbyings kyi rjes 'gro zhing //
- 36b
thabs ldan mi 'gag de nyid de// thugs rje mdzad pa'i byin rlabs brdal// yon tan nam mkha'i mtha' dang ma nyam// thams cad rang gsal ma bac+doMs la// rnam rtog 'dzin pa'i dri ma med// mi 'byung mi 'jug yul dang bral// gsung ba mi rtog 'dzin pa med// nam mkha' rdo rje'i spyod pa la// rnam rtog mi mnga' cir mi dgongs// ma rtswa la rang zhag dgongs pa la// 'dzin pa'i dri ma gdod nas dben// rnam dag gsal ba'i ye shes la// gang du'ang ma yin khyab par gsal// rang bzhin 'od gsal bde ba'i dbyings// 'dzin pa mi 'jug dbyings mi tshel// rang gsal rig pa rang la 'debs// mi rgul mi rtog cir mi gnas// ma bkag thabs kyi me long la// phyogs ris med pas cis bltas gsal// nam mkhar mi gzung bsam dang bral// dmigs med gtad med yid mi 'jug/ yul la mi gnas shes par min// gnyis ka ma yin spros dang bral// 'dzin pa mi 'jug gnyis 'dzin med// yeng shes gsang ba'i ngo bo la// mtshan ma med do rang gsal dbyings// snang la ye shes rang gsal la// dgag sgrub med la rang gi dbyings// rang gsal 'od la mi gnas na// mtshan ma'i spyod pa ci spyod kyang //
- 37a
rang sa ltos pa'i 'bras bu la// ma btsa lA rang gsal bde chen bral// bcings med yongs rdzogs rig pa'i lam// bgrod du med do yi sangs rgyas// phyogs ris med pa'i ye shes la// gnyis med gcig pa'i mtha' dang bral// zung 'jug 'od gsal bde chen la// gnyis dang gcig pa'i 'dzin pa med// mtha' bral nam mkha' rdo rje la// 'gyur med ye shes rang bzhin gsal// ji bzhin rig pa'i rnal 'byor la// rtsol dang bcas pa'i rnal 'byor med// rig pa rlung zhugs bde ba'i ngang // cir gsul mi rtsol rig pa'i mchog/ 'byung 'jug med de dbyings la gsal// brgyud pa thabs kyi me long gis// rang gsal don las mtshon byas nas// gnyis med ye shes zhes brjod pa// rang gsal ma yin gzhan gsal min// mngon sum rang gsal ye shes la// brnyan pa'i rtags la rten 'dod pa// glang po btang nas rjes tshol 'dra// gnyis med ngang la gnyis su 'dod// rang gsal rang la gzhan gyis bslad// rang rig gnyis kyi mtshan bral la// zhen pas de nyid ma rtogs pas// khams gsum rgyud drug gnas su 'gro// mngon sum rig pa
- 37b
nyams myong pa// lung dang rig pa rjes dpag gis// mi rtog rang gsal don la sgri ba// de yis de la rtog pa'i rgyun// ya shes gsal nyid ngang nyid lus// thugs rje nam mkha'i mthu ltar brda la// thugs rje chen po'i nyi 'od ltas// 'gro 'ong med par rang bzhin 'char// ji ltar gang 'dul de dag la// ston pa yid bzhin nor bu ltar// kun la mthun par mi snang na// skyob pa'i thugs rje ya la lam ci// gang phyir de ltar mi 'byung na// rnam pa kun mkhyen min pa dang // phan thogs nus pa med pa dang // thugs rje mdzad pa rgyun chad dang // zhi ba phyogs thim skyon du 'gyur// 'gag med thugs rje'i mdzad pa la// 'byung dang mi 'byung gang rtogs rin chen 'bar ba'i 'od dang nub// 'khor ba'i lcags las thar pa med// rnam rtog mtshan ma'i 'dam du zin// rdo rje'i khab nas thar pa med// gnyis med ye shes gsal ba la// mtshan ma'i 'dzin pa mi gnas na// gzhi dang kun brtags gnyis 'dod pa// log pa'i lam la 'khor bar lhung // dngos la gnyis pa mi gnas na// bsam pa'i 'du shes ci la 'jug/ de dag mtha' la rtsod pa yin// dngos la rtsod pa kun dang bral// rjes 'jug rig pa'i rnal 'byor
- 38a
gyis// rang gsal rig pa'i don la bzhugs// thugs rje'i mdzad pa kun la brda la// 'dod don rin chen lta bur 'byin// mdzad pa'i byin rlabs bsam mi khyab// mkhyen pa ye shes nyid du 'char// 'gro la phan 'dregs kun la snyoms// kun kyang 'od gsal bde bar gzigs// g.yo med rig pa'i byin rlabs ni// 'byung 'jug med par yongs la brda la// rgya mtsho rkyen gyis bskul ba ltar// kun tu snang zhing nyid du 'dus// shes rigs kun ldan mkhyen pa'i ngang // thugs rje'i ngang las mi 'da' bas// ji ltar 'tsham pa de ltar gsal// me dang tsha ba ji bzhin no// thugs rje med pa'i rgyal ba dang // gsal rig med pa'i ye shes ni// bam po don med 'bras bu las// rnyed kyang ngal ba don med yin// thams cad rang gsal ye shes la// gnyis gnyis 'du shes mi mnga' yang // byin rlabs nyi ma'i 'od bzhin du// 'gro 'ong med par khyab par brdal// de nyid thugs rje ma yin pa// chos ni gnas pa mi srid do// nam mkha' sa chu me rlung sa// 'dod lnga bde dang 'dod yon kun// thugs rje'i byin rlabs bsam mi khyab// gang zhig phan 'dogs don byed nus// kun kyang thugs//
- 38b
rje chen po yin// dmyal ba'i sdug bsngal 'bar ba yang // rgyal ba'i mdzad pa'i thugs rje yin// gzhan dag bde sdug btang snyoms kun// smos ci dgos te de nyid yin// 'od gsal rig pa'i thabs ldan na// rang gsal min pa'i chos mi gnas// gang ltar spyod pa de dag kun// thabs chen 'od gsal spyad pa yin// thabs ldan rig pa'i skyes bu yis// dug chen sman du mdzad pa ltar// 'od gsal rig pa'i rnal 'byor gyis// 'khor ba ye shes snying por gsal// ma bcos thabs kyi rnal 'byor pas// gang ltar spyod pa de ltar bde// thabs ldan rig pa 'phral gyi sgo// kun 'byung rin chen phung po can// rang gsal rig pa'i lde mig gis// rmad byung rig pa'i sgo phye la// rin chen gser gyi sa gzhi la// rin chen rig pa bcud kyi sgo// 'gyur med rang gsal phur bus gdab// gsal byed rin chen 'bar ba bstan// phyir mi 'byung bar nan chags bya// tshig don sprad pa'i brda spra la// ye shes gasrel bas phyogs bcur brda la// 'byung ba'i/ dus su brda sprad la// 'jug pa'i dus su phral bar bya// dngos med rig pa'i khyad par la// sprad dang bral bar mi gnas kyang // zhen pas dngos po mthong
- 39a
bya'i phyir// brda don gnyis kyi man ngag bstan// tshig gi lam dang don gyi lam// don nyid rang gsal 'od bzhin gnas// 'jug pa tshig gi khyad par gyis// gnyis med don gcig bstan par zad// rang snang rig pa 'phral gyi dbyig/ phrad pa med pa rang bzhin 'char// bcos med de ltar rang gzhag na// rtogs pa rab 'byams nyid du 'char// rang rig ye shes thabs med par// zhen pa'i chags sdang kun spyad pas// rdo rje khab tu ltung gyur nas// byang chub sems kyi rigs dang bral// dngos po kun bral ye shes la// phyogs dang ris su mi gnas te// chags sdang spyod pa smos ci dgos// nges par ltung bar gyur nas ni// theg chen rigs dang brtan bral nas// thar pa'i rigs su 'gyur mi srid// ye shes gsal ba'i spyod pa yis// ci spyad byang chub sems su gsal// 'od gsal chos sku rig pa'i ngang // btsal med de dag thob par 'gyur// ye shes rang gsal don dang phrad// 'khor ba sangs rgyas lam du mkhyen// rang byung ye shes 'od du// 'bar// btsal med byin rlabs dang gis 'char// nam mkha' dbyings kyi gter 'dzin cing // rang gsal rig pa'i 'od la bzhugs// phyogs med rig pa'i
- 39b
thugs rje yis// mkha' ltar brdal zhing kun la 'char// bcos med rang zhag don thob nas// ye shes bla ma'i sa mnan te// che ba'i ye shes kun rdzogs pas// / ma bgrod sa rnams dus gtsug non// rnal 'byor rig pa'i khyad par las// sa dang lam zhes brjod pa las// dngos po ya shes rang snang la// sa dang la/ ma la// bgrod pa med// bsam pa'i khyad par ci tsam par// de dang de yi tshul bzung nas// 'gro ba 'dren pa'i thabs bstan te// dngos la 'od gsal rig pa'i mkha'// / rang rig 'dren pa mchog gi sku// kun 'dus gsang ba dbyings nyid lung // ma gsal bcos med snying po la// gdod nas dag pas snying po med// ces gsungs so// nam mkha'i mtha' dang mnyam pa'i rgyud chen po las// spyod pa rig pa'i khyad par bstan pa'i le'u ste bcu gnyis pa'o// // de nas sems dpa' rdo des 'di skad ces gsol to// dus gsum sangs rgyas thams cad kyi// rang gsal ye shes me long khyod// gdod nas byang chub snying por bzhugs// bcos med rig pa'i ngang la gnas// mgon po khyod la gsol pa ni// spros med rig pa'i rang bzhin la// dkyil 'khor du dbyer med kyang // de yi tshul 'di bshad du gsol// zhes
- 40a
zhus so// de nas de bzhin gshegs pa rdo rje sems dpas 'di skad ces gsungs so// kye sems dpa' chen po/ nam mkha'i mtha' dang mnyam pa'i rgyud// kun 'dus rig pa sems kyi lung // bcos med rig pa don gyi gter// 'pho 'gyur med pa'i dbyings nyid dang // rig pa mchog gi dkyil 'khor la// bskyod pa med pa'i rang bzhin gsal// gsal ba 'od 'bar dkyil 'khor ni// nam mkha'i mtha' bzhin khyab par gnas// 'od gsal rig pa'i bde ba la// tha dad rig pa mi gnas na// chos tshul mthong rtogs khyad par gyis// dkyil 'khor gsum gyi rang bzhin gsal// dbyings nyid gcig gi rang bzhin la// rang bzhin ting 'dzin gzugs brnyan te// byang chub sems su mngon par gsal// spros bral mnyam nyid rig pa'i gter// ye nas byang chub snying po la// cir bltas rang gsal bcos pa med// sku yi sku ste sku la rol// rang gsal rig pa mchog gi sku// nam mkha' khyab pa'i sku mnga' zhing / btsal med nyi ma'i 'od la bzhugs// kun la khyab po bsam dang bral// gzhi rtsa med pa sems kyi lung // kun gsal rang la bsam du med// rmad byung rol pa'i sku ru shar// rang gsal sgra bral rig pa'i gsung // brjod med rig pa'i 'khor lor sgrogs// gnyis med 'od gsal gcig tu go/ bsam spyod med pa'i ngang du gnas// thos med rig pa'i
- 40b
ngo bo la/ thos kyang rang gsal mchog gi ngang // 'di kun rang rig ye shes te// brjod med rig pa'i bstan pas bshad// rmad byung rol pa'i gsung du shar// rig pa mi gnas cir mi dgongs// rang la mi rtog gzhan mi rtog/ gsal la mi mngon dbyings su sbas// mkhyen rig ye shes dus gcig 'char// bsam tan rang byung rang gsal bdag/ ye nas rang gsal gcig la tshogs// 'dzin med nam mkha'i 'od ltar brdal// rmad byung rol pa'i thugs su shar// bcos med rang gsal dkyil 'khor gsum// ma bcos yal bzhag bde ba'i ngang // rig pa'i lus te gzugs dang bral// gsal la mi g.yo 'byung 'jug med// btang snyoms gang du'ang mi gnas te// nam mkha' khyab par mi rtog gsal// 'dzin pa med ba'i ye shes ni// phyogs med khyab pa'i rang gzhan gsal// mi g.yo ting 'dzin mchog gi sku// rang rig byang chub lung thob pas// 'byung 'jug med par klungs su zhugs// gsal ba nyi ma'i snying po ltar// brjod med don gyi gtan la phab// rang gi mtshon pas rang gis go/ brjod bral rig pa'i dong che'i sgra// rnabs mi thos sems kyi thos// tshul chu ltar rig pa'i don// ma rtsa la mnyam gzhag nyid kyis go/ rnam rtog mi bsam yul las 'das// dgu ru ma sbas pa'i don de nyid// rang byung rang gsal thabs nyid kyis// yul me da ye
- 41a
nal su / / phyu pa smras gas rgyas kyi masan pa su sA / na sa/ ga pa sa sa seM na du / rmu m+b+hi ba da smra/ smrakyi 'i / sa 'a na gyu sa sa
- 41b
gsal sgra yi rang bzhin gsal// skye 'gro sgra yi rang bzhin ni// ma bsgrags gsung du rnam par gsal// brjod bral rig pa'i dkyil 'khor ni// rig pa'i dkyil 'khor rgyan du cha// rang byung dag gsal mchog gi gsung // brjod med rang byung byin rlabs kyis// gsung gi ring bzhin phyogs bcur brdal// rig pa gsung gi gzugs brnyan yin// dran med mi g.yo mchog gi thugs// rang byung rig po'i mchog tu gsal// spros med nyi ma'i 'od brdal bas// ye shes snang bas phyogs bcur gsal// cir yang 'dzin pa mi mnga' bas// mthu' yi spros pa rnam par btsud// rnam rtog phra rags gang skyes pas// ma skyes sems kyi khyad par las// ji ltar gsal yang ngos gzung med// de ltar rang snang nyid kho na'o// 'du shes mi 'jug yul mi tshol// gang ltor gnas pa de ltar bde// rten mi bcu' zhing ro mi myang // 'od gsal bde ba'i ro la bzhugs// nam mkha' bdud rtsi mchog gi ro// gsal bar gnas pa'i 'od kyis mthus// gta 'dzin bral ba'i sems kyis 'jug/ ye shes rlung gi don ma rtogs// zhes gsungs so// nam mkha'i mtha' dang mnyam pa'i rgyud chen po las/ rang gsal dgod pa
- 42a
dang bral ba'i le'u ste bcu gsum pa'o// // de nas sems dpa' rdo rje snying po des 'di skad ces gsol to// kye ma dus gsum rgyal ba yi// rig pa 'gyur med thugs kyi gter// rang byung rig pa'i rtsa la rdzogs pas// ma skar rang gas la dbang la bzhugs// mgon // khyod la gsol ba ni// nam mkha'i ro yi chu 'thung zhing // rgyal thubs spyi blugs tshangs pa'i dbang // bdag cag rnams la bshad du gsol// zhes zhus so// de nas de bzhin gshegs pa rdo rje sems dpa' chen pos/ dbang gi rgyal po spyi blugs tshangs pa'i dbang 'di gsungs so// kye sems dpa' chen po/ nam mkha'i mtha' dang mnyam pa'i rgyud// rang gsal rig pa mchog gi rgyun// ye shes gsang ba mchog gi lus// rna brgyud thugs kyi me long gi/ dbang mchog thob med ngo sprad thabs// bskur sprob med par rdzogs par gsal// rang gsal ya shes sgron ma 'di// rgyal thabs spri blags rdzogs pa'i dbang // rang gsal rig pa rdzogs lung ni// rang bzhin khungs thabs dus snod dang // skyon yon rang gsal rig par rdzogs// rang byung rig pa'i rgyal po 'di// skye 'gro phyi nang kun la khyab//
- 42b
thams cad nam mkha'i ngang gnas bzhin// rgyal thabs rang byung mchog gi dang // rang gnas rig pa'i gter la rdzogs// ye shes gsal ba kun 'byung bsgyur// phyogs med ya shes rtsa la bral gter// til 'bru bzhin du khyab par bzhugs// rgyal thabs rig par mi ldan na// rtsol ba'i khyad par gang gang gis// ji ltar de ltar dbang bskur yang // 'khor ba'i lcags la thar pa med// dad dang dam tshig ldan pa dang // 'di rnams ldan pa'i slob ma ni// stong gsum na yang 'byung bar med// chags che dang thung dad pa med// spos med rang che dam tshig bral// ser sna snying rje med dang yod// man ngag spel zhing bsla ba la// rgyal thabs spri blugs dbang bskur na// snying rje thos ldan khengs sems bral// lus dang srog la mi lta zhing // 'jig rten grags pa rnams spangs nas// snying po byang chub mchog la brtson// mang yang gnyis las mi bstan te// the tsom bcad la nges brtags pas// mi nub legs par bzung ba'i phyir// rgyal tsha ba nges pa gcig la gtad// mthong ba'i chos la sdug bsngal zhing // dus min par ni tshe zad nas// bdag gzhan gnyis ka'i rgyud brlags nas// rdo rje'i khab tu nges par ltung // nges pa'i rgyal sras//
- 43a
gsang ba la// byang chub sems kyi dbang bskur na// btsal med 'bras bu rang gsal nas// de ma thag tu rig pa 'char// rdo rje rgyud las mkhas pa ni// rgyal thabs dbang gis rig pa 'char// rang gsal rig pa'i don la goms// thabs mkhas snying rje ldan pa yis// snod ldan rang gsal rig pa la/ skye med rig pa'i don bstan nas// rgyal thabs spyi blugs dbang bskur nas// nges par gsang ba'i nan tan bya// 'jig rten grags pa gtsor bzhag nas// lung dang man ngag mi ldan par// nga rgyal tshogs pa'i bla ma ni// rdo rje 'bar ba'i khab tu ltung // rna ba rgyud man ngag mi ldan par// gsang ba'i man ngag log bstan pa// myur du tshe yi dus byas nas// rdo rje dmyal ba smos ci dgos// legs par brtags pa'i bu nyid kyis// gsol btab nyes byas brtags pa la// gnang sbyin nyes dmigs baustan byas la// ye shes gsang ba'i don la bcug/ sems nyid rin chen gnyis med la// bskur pa'i cha gnyis mi rtog kyang // rgyal thobs spyi blugs dbang bskur nas// rig pa rang gsal don dang sprad// gsal byed rin chen 'bar ba bstan// sgra yi mtshan nyid
- 43b
bshad pa yis// ya shes ngos 'dzin man ngag sbyin// rang gsal rig pa'i ma long la// yangs pa med pa'i man ngag sbyin// ma lus 'gag med ngos bstan nas// rig pa khu chas gdams ngag dbog/ yul sems rang gsal don bshad na// mi 'bral gzugs kyi man ngag sbyin// rab byung rig pa g.yo med la// lteng rlu lta bu'i man ngag sbyin// ci spyad gang yin dron rtags la// 'dam skyes lta bu'i man ngag sbyin// rang gsal rig pa'i ye shes la// mtshan ma'i rtogs pas mi 'gyur bas// gnas skabs chu ltar gnas pa sbyin// dran rtog rjes 'bring rig pa la// yul shes bya ba'i man ngag sbyin// 'gro don lhun grub btsal med la// brda don sprad pa sbyin par bya// btsal med rig pa gnas pa la// brda don phral ba'i don la sbyar// rang byung sku gsum lhun grub la// thug phrad bla ma'i zhal las brtags// bskur tho ba med par rang gsal lung // ma 'phos rlu la chu bzhag ltar// rdo rje bra ma dgongs pa'i lung // brjod med rnal du bzhag pas go/ bum par bum pa'i bcud pa stim bzhin// dgongs don slob ma'i blo la gzhag/ dam med slob ma mi bsten cing // gsang bar nyes dmigs bstan par bya// snod med gsang ba'i dam
- 44a
sri la// nyes dmigs med pa'i bla ma yis// rgyal thabs spyi blugs dbang bskur zhing // byang chub ses kyi don bstan na// snod ngan/ btsal 'chang zho blugs nas// gnyis ka ma rungs byed pa ltar// de ma thag tu 'jog pa dang // 'jig rten dpyas kau chen por 'gyur// de phyir snod ngan slob ma ni// rmi lam du'ang mi bsam na// man ngag 'dzin pa'i slob ma yi// dam par brtan pa smos ni dgos// dus gsum sangs rgyaso thams cad dang // rdo rje/ sems dpa' chen po yis// ma brjod dgongs pas gro ba'i lung // rgyal thabs spyi blugs rig pa'i dbang // rtsol med byang chub sems kyis bskur// dus mtha' cha la mngon par gshegs// lung ldan rdo rje bla ma yis// snod ldan gus pa'i slob ma la// rgyal thabs spyi blugs dbang bskor nas// dus mtha' shes pa cha gcig/ la/ rang gsal chos sku rang gnas bstan// 'bab chu gnas pa'i ting 'dzin gyis// btsal med 'od gsol bde ba che// rang gzhag gnas pas grub par 'gyur// de ltar dbang thob gang zag ni// rtsol ba'i chu las rab tu thar// rang gsal rig pa'i 'od du 'bar// rig pa rang dbang rgyal por thob// rdo rje sems dang skal ba
- 44b
mnyam// las dang las kyi bag chags kyis// gos par mi 'gyur pad+ma ltar// nam mkha' dag pa'i glong bzhin du// 'dzin med ye shas chen por nges// rang gsal rig pa'i klung zhugs nas// 'od zer nyi bzhin bdag la 'char// zhes gsungs so// nam mkha'i mtha' dang mnyam pa'i rgyud chen po las/ rgyal thabs spyi blugs ye shes ngo bstan pa'i le'u ste bcu bzhi pa'o// // de nas sems dpa' rdo rje dam pa des 'di skad ces gsol to// dus gsum rgyal bo'i sku gsung thugs// ye shes rang gsal 'da' med la// bsrung med ye shes rig pa yis// mnyam du 'jog cing ye shes gsal// mgon po khyed la gsol ba ni// bsrung du med pa'i dam tshig la// gang ltar bsrung dang mi 'gal dron// mgon pos bdag la bshad du gsol// zhes zhus so// de nas bcom ldan 'das de bzhin gshegs pab rdo rje sems dpa' chen po des 'dri skad ces gsungs so// kye sems dpa' chen po/ bsrung bral rig pa'i dam tshig la// bsrungs shing btsal bas log ba'i lam// bsrung med rtogs pa'i dam chog bzhi// ye shes gsang ba mchog la rdzogs// gnyis med rig pa btsal bral lung // bcos med rig pa mchog/
- 45a
gi mkha'// 'du 'bral mi mnga' rig pa'i gter// rang gsal 'od las 'da' ba med// gcig ste 'od gsal khyab pa che// yongs la brdal bas phyogs ris med// gang yang ma yin khyab pa'i dbyings// ye nas rig pa mchog la sbyor// gnyis med rig pa'i dam tshig la// 'dod pa'i bsam pas bsrung du med// phyogs bral mnyam pa'i dam tshig lo// phyogs kyi bsam pa cir mi 'jug/ bsam bral gnyis med rig pa la// bsam zhing spyod pa'i yul mi gnas// rang dge' lhun rdzogs dam tshig la// btsal zhing bsgrub pa ming mi gnas// ci yang ma yin 'od gsal yin// rang gsal rdo rje thabs kyi lung // brjod bral rig pa'i ngo bor smin// rig pa rang gsal ye shes la// bsrung dang mi bsrung phyogs ris med// mnyam nyid rig pa'i gter la rdzogs// bcos med rig pa'i dbyings la gsal// phyogs bral mnyam pa'i sems kyis 'jug/ ye shes gsang ba'i dam tshig ni// mi bskyod rdo rje sems dpa' lung // brjod bral sgra yi dam tshig la// ma yang sa rig pa mchog gi go// yi ge med par gsal ba'i rgyud// mnyan bsam med pa rang bzhin gsal// dgongs pa ma bcos rnam
- 45b
phabs// ji bzhin rig pa bsam bral lung // gsang ba rkyen bral ci re mi gsal// rang gsal rig pa mchog la gnas// nam mkha' rang byung ba pa'i ngang / mtshan/ mar ma yin mtshan med min// rdo rje gsang ba'i thabs lung ni// gnyis med rang gsal mnyam rdzogs so// ma bcos gsang ba'i dam tshig la// bcos pas mkha' la mdud 'dra'i tshul// gnyis med rig pa'i mchog nyid la// / yul dang yul can bsrungs pas log/ grangs 'das tshad med rang gsal la// grangs tshad mkha' yi mtha' chol 'dra// bsrungs med ye nas thub zin la// da gdod bsrungs pas thug pa med// bsrung dang mi bsrung tshig gi mtha'// ye shes rig pa'i tshig mtha' bral// phyogs bral 'od gsal dam tshig la// phyogs kyis bsrung ba log pa'i lam// btsal bral lhan phyogs dam chog la// btsal bas mi rnyed nga la don med// bya bral rdzogs lung dam pa la// 'jug lho'i tshig gis gang rtsol ba// mtshan ma rtog pa'i rgyun gyis khrid// mtshan ma rtsol ba log pa'i chos// ya shes rang gsal nyi ma la/ mtha' yi zhan pa'i mun pas bsgribs// ma rig mun pa thibs kyis 'gags// snang gsal rig pa'i 'od dang bral// rang gsal ye shes me long la//
- 46a
rang byung rig pa'i rtsal 'gags na// ci yang mi mthong chad lta ba// mnur med rdo rje'i khab tu ltung // brtags bral gnyis med ye shes la/ phyogs ris med par kun gsal bas// ci yang yin no gang yang rung // kun brtags yod med mtha' dang bral// yod drang med pa kun brtags te// rang gsal lung la kun gnas pas// kun brtags ye shes gnyis kar gsal// phyogs med rig pa ci yang min// phyogs 'dzin log pa'i grong khyer ba// mtha' bral mnyam pa nyid la gnas// med dang phyal pa gcig pu dang // lhun rdzogs rang rig chen po la// ngo bo ma bcos chos gcig la// bsam pa'i 'du shes tshul nas phye// phyogs med ris med 'od gsal mkha'// rtog med rang gsal ye sangs rgyas// ci yang med pas cir yang gsal// rig pa rang gsal dbyings/ la bzhugs// ye shes rig pa mchog gi sku// ci yang med do khyab pa brda la// rkyen bral mi bsam cir mi gongs// gnyis med bde chen phyogs bcur brdal/ gzhan med rang gsal bde ba'i lung // bdag med rig pa'i chos nyid las// 'di zhes rig pa'i sems mi 'jug/ gnyen po med pas 'jig dang bral// rig pa'o/
- 46b
'od gsal mchog la bzhugs// rang las gzhan pa'i chos med pas// med pa'i dam tshig 'da' ba med// phyogs bral rig pa'i ye shes la// 'di dang 'di zhes bsrung du med// phyogs bral chen po'i skyes bu des// phyogs gcig bral bas phyogs kun bral// rang rig nam mkha'i mtha' ltar gsal// phyogs bral ye shes chen po'i klungs// rang rig 'od gsal nam mkha' che// phyogs su bltas pas de mi mthong // chos nyid phyogs med rang gsal la// phyogs med rig pa'i ye shes 'jug/ rtsa bral ye shes mnyam pa la// btsal med ji bzhin nyid kyi gnas// nam mkha'i mtha' bzhin kun khyab kyang // rig pa rang gsal gcig gi ngang // bsam bral ya shes gcig la rdzogs// phyal ba chen po bla med pa'o// cir snang cir srid ma lus kyis// ya shes rig pa gcig las gsal// gcig pu rtog spyod yul las 'das// gcig dang du mas yongs kyis med// rig pa'i ye shes nyag gcig las// mthar thug med pa'i chos su gsal// ye shes gcig gi 'od la bzhugs// ye shes rgya mtsho mu mtha' med// bdag gsal gzhan gsal thams cad gsal// kun gsal
- 47a
rig pa 'khor mtha' med// kun bzang mchog gi 'khor lo la// gcig dang gnyis zhes bgrang du med// ye shes rig pa ji bzhin gnas// tshig tshogs rgya mtsho bstan pa'i klungs// gang ltar phye yang gcig las med// thig le gcig la dam tshig grangs// 'dul ba'i thabs ldan rang rig lung // rig pa mchog gi 'khor lo skor// rang gsal brjod med don la nyan// yengs pa med pa'i don gyi go/ de nyid dgu ldan sems nyid gzhi// rin chen 'bar ba 'od kyi lung // btsal med bde bas nyams su blangs// rang gsal gcig pu'i dam tshig thob// rang byung lhun grub damra tshig la// bas ma yas 'bras bu'i gter rdzogs pas// btsal med lhun grub yi sangs rgyas// rin chen 'bar ba'i sa gzhi ltar// 'khor ba ye shes snying por gsal// brgya byin spyi gtsug nor bu ltar// bsags mad gdod nas lhun gyis rdzogs// nyi mu'i snying po'i 'od bzhin du// rim pa med par dus gcig gsal// lhan rdzogs bstan po'i me long la// mtshan ma'i rig pa cir snang yang // phyogs ris med pa'i ye shes kyis// lhun grub rang gas la ye shes nyid// cir snang ye shes lhun grub la// spang bar bya ba ga la
- 47b
yod// lhun grub rang gsal ye shes lnga// kun mkhyen rig pa mi 'char na// sems can sangs rgyas khyad par ci// khyad med thos bsam bsgom ci phan// gang yang mi mthong gang zer ba// ye shes ma yin mi shes yin// ye shes mun pa'i khams kyis bsgribs// sangs rgyas sems can khams su ltung // ye shes gsal ba'i snang ba la// blo bur mun pas bsgribs pa ni// sangs rgyas 'khor bar ltung gyur nas// grol thar med pa'i skyon du 'gyur// ye shes gsal ba'i snang ba la// ye nas mun par ldan gyur na// rtags deng sangs par mi 'gyur dang // rtags ni mun pa'i khams su 'gyur// de phyir phyogs kyi shes pa 'dis// phyogs bral don la mi brtag ste// mkhas pa don ldan ma yin pas// rin chen gter dang phrad mi 'gyur// zhes gsungs so// nam mkha'i mtha' dang mnyam pa'i rgyud chen po las// bsrung med rig pa bde bzhag gi le'u ste bco lnga pa'o// // de nas sems dpa' rdo rje dam pa des 'di skad ces gsol to// dus gsum sangs rgyas thams cad kyi// btsal med dngos grub 'phrul gyi dbyig/ rang gsal me long 'od po che// rdo rje gsang ba thugs kyi mdzod// mgon po khyod la gsol ba ni//
- 48a
nam mkha' mtha' mnyam rin chen dbyig/ rtsol sgrub bral ba'i thabs chen pos// gang ltar sgrub pa bshad du gsol// zhes gsol to// de nas rdo rje sems dpa' chen pos 'di skad ces gsungs so// kye sems dpa' chen po/ ye shes snying po sgrub pa'i gzhi// de rtogs byed pa'i lam dang ni// mngon byas 'brasabu/ khyad par gyis// sgrub pa'i dam pa gsal bar shes// sgrub byed btsal bral chos kyi gzhi// ye shes gsal ba thogs med lung // sems can sangs rgyas gnyis su med// ye shes snying po nyi ma la// sgrub byed btsal bral 'od 'bar ba// kun bral ye shes snying por gsal// rig pa'i ye shes 'od du 'bar// rang gsal 'dod/ 'byung phung po ni// gdod nas rang byung byin rlabs ni// 'gro'ang med par phyogs bcur brdal// rig pa'i snying po kun la snyoms// nam mkha' rgyas pa'i mtha' bzhin du// khyab par gsal la snying po med// kun bral mtha' yas ye shes la// gang yin rtog spyod yul las 'das// mtshan ma med pa'i mtshan nyid ni// ye shes nam mkha' lta bur brdal// rtog 'jug dmigs bral nam mkha' 'od// 'byung 'jug mtha' yi spros pa can// mkhyen ldan gsal bas rang gsal lung // cis kyang
- 48b
mtshon med tshad ma med// e ma'o gsang ba'i me long nyid// e ma'o tshig gi tha skad bral// ma bcos mi gnas rten dang bral// btsal med nyi ma'i 'od ltar gsal// sgrub med lam la gang mkhas pa// thams cad mkhyen pa'i lam la mkhas// 'khor lo rang gsal rig pa la// 'dod 'jug bral ba'i rig pas 'jug/ 'od gsal ma bcos gnyis med la// rtogs ldan gnyis med tshul gyis bsgrub// gang yang mi byed cir mi bsam// mtha' la mi 'dzin dbus dang bral// rig pa mtha' bral dkyil 'khor la// 'dzin med blo yi 'khor lo yis// mtshan 'dzin rtog pa rnam par bcad// gonyis med rig pa'i kha lo sgyur// yi ge med pa'i rgyal blta// rang gsal rig pa'i sgra la nyan// rang gsal kun la ji bzhin gnas// brjod med rig pa'i don yin yang // mtshon pa sgra yi 'khor lo yis// ye shes mnyam pa'i don la sbyor// btsal bral med pa'i byang chub sems// byams mgon nyi ma'i 'od bzhin gnas// rig pa'i 'og min chos kyi gzhi// rang byung rig pa'i thabs kyis gsal// ye gsal rdzogs pa'i 'khor lo la// 'byung 'jug smad pa'i 'od kyis 'jug/ rig pa rang gsal chos kyi dbyings// yangs dog med pas kun gyis gnas// btsal med gnas pa'i rnal 'byor pas// yangs
- 49a
med kyi nar bzhag pas 'grub// ji bzhin gsal ba'i rnal 'byor pas// chos kyi mtho ba'i gzhal yas su// rig pa 'phrul gyi sgo phye nas// 'od gsal mchog gi dkyil 'khor na// rin chen phung po bla med bzhugs// de ltar thabs kyi rim pa ni// gang dang gang gi rim pa yis// de nyid sgo la gang 'jug pas// sgrub med don la rdzogs par gsal// dper na brgya byin dbang po yi// gtsug na rin chen phung po yod// mnyes pa'i rim pa gang byas pas// yon tan cha ste thob par 'gyur// de nyid rang la dbang thob pas// ji ltar 'dod pa ji bzhin du// rtsol sgrub med par yon tan ni// ji ltar rig pa de ltar thob// thabs kyi rim pa gang gang gis// dngos po rang gsal mtshan byas nas// phyogs ris ldan pa'i shes pa yin// yon tan cha re de bzhin thob// btsal med bzhin bzhugs pa yis// rig pa rang dbang thob pa'i phyir// ma btsal nyi ma'i 'od zer ltar// bde mchog rig pa mchog la bzhugs// phyogs med rig pa rang byung la// 'jug pa'i mtshan nyid mnyam sbyor bas// nam mkha'i mtha' mnyam 'bras bu nyid// rig pa rang gsal nyid kyis thob// phyogs med rig pas khyab gang la yang //
- 49b
ye shes gsal byed rgyu med na// bskal pa grangs med bgrod btsal kyang // rin chen gsal ba'i 'od mi mthong // gter khyim phung po gsal byed ltar// rang gsal rig pa nang nas 'char// stobs chen nor bu gsal byed ltar// rang gi de nyid mthong bar zad// rgya mtsho rlabs su snang tshul du// rang gsal 'bras bu nyid du 'char// phyogs ris med pa'i thugs rje ni// mthar thug med pa'i 'gro ba la// gdung med nyi ma'i 'od bzhin du// 'gro ba kun gyi dpal du shar// 'gro don med pa'i rgyal ba ni// ma byung 'byung bar mi srid do// rgyun ldan ye shes skye 'gag can// rgyu dang rkyen ldan phyogs ris can// 'di la rang gsal 'bras bu med// rang sa thob kyang mthar ma phyin// rgyal thubs mthar phyin dbang me par// ting 'dzin rdzas kyi dbang bskur te// sangs rgyas sa la mngon gzhag kyang // rdo la gser du bsgyur dang mtshungs// rgyal thabs rig pa'i dbang thob na// rin chen 'bar ba gsal byas ltar// rig pa rang gsal dbang thob nas// brda don sprad nas gra bzhir gzhag/ mkhyen ba'i ye shes gcig tu 'khyil// rol pa'i phyag rgya ma 'dres gsal// btsal med rig pa'i khyad par las// don grub lhun grub rin chen 'od ltar 'byung // zhes gsung
- 50a
so// nam mkha'i mtha' dang mnyam pa'i rgyud chen po las/ btsal med bsgyur ba'i le'u ste bcu drug pa'o// // de nas sems dpa' rdo rje dam pa des/ de bzhin gshegs pa rdo rje sems dpa' la 'di skad ces gsol to// dus gsum sangs rgyas thams cad kyi// sku gsum rmad byung rol pa shar// rtswa bral lhun grub 'phrin las bdag/ tshegs med rang gsal kun gyis dngos// mgon po khyod la gsol ba ni// btsal bral rig pa'i 'phrin las la// 'jug pa'i mtshan nyid mnyam sbyor bas// de bzhin nyid du mdzad du gsol// zhes gsol to// de nas de bzhin gshegs pa rdo rje sems dpas 'dri ces gsungs so// kye sems dpa' chen po/ btsal bral rig pa lhun grub bdag/ phyogs med rang byung gnyis med la// gnyis kyi 'du shes 'byung 'jug med// lhun gyis grub pa'i 'phrin las so// rig pa'i byin rlabs mkha' ltar brda la// mdzad pa'i bye brag bsam mi khyab// gsang ba'i me long yid kyis 'jug/ bya bral lhun rdzogs 'phrin las so// bde ba'i thig le ye shes 'di// ji ltar gsal ba de ltar gsal// gang rung rig pa gcig la rdzogs// rin chen phung po'i 'od zer dog/
- 50b
dbyings su 'khyil zhing slar yang 'phro// gang yang mi mdzad thams cad kun// kun mdzad rig pa'i 'phrin las can// btsal bral ye shes gsal ba'i 'od// kun la snyoms shing yongs la brda la// bya bral rig pa'i 'phrin las ni// mdzad pa phyogs bral 'od ltar brdal// ye nas byas zin bya med pa// rdo rje nam mkha' mchog gi las// rig pa'i bde ba'i 'ben la phog/ ye shes me long thabs kyi sgo// rang snang rig pa'i tshul gyis phye// gnyis maud rang gsal gcig gi nyams myong ye shes mtha' dbus med// brjod bral rig pa'i me long gteru// ji ltar bltas pa de ltar gsal// gang zhig rig pa'i dong tshe'i sgo// 'phrul gyi lde mig nyid kyis phye// rin chen phung po 'bar ba bstan// nam mkha' mdzod kyi gter la spyod// theg sgo thabs kyi 'phrin las ni// gang 'dod theg pa so so'i sgo// mos pa'i 'du la tshad bsam mi khyab// de de rig pa bsam mi khyab// thabs kyi 'phrin las gang bstan kyang // rang byung rig pa'i sgo nas gsal// bya ba byas pa'i rjes 'jug ltar// gang zhugs rang gsal rig pa la// 'phrin las ma lus dus gcig rdzogs// rang gsal rig pa'i don la bzhugs// btsal ba rim pa gang sgo nas// de
- 51a
dang de yi rjes zhugs pas// rtog pa lam gyi rjes su zhugs// mtshan ma chags lam dbang gis khrid/ rnam rtog mtshan ma'i rjes 'brangs nas// rig pa rang gsal don dang bral// brda tshig sgra yi tshul nas zhugs// 'khor ba'i gnas rab dgu ru brgyud// gang dang gang gi rjes 'jug pa// 'khor ba mtshan ma'i lam du zhugs// chags pa g.yas g.yon kun gyisi khro di// bde mchog don las phyin ci log/ ye shes gsal ba'i 'od dang bral// gang 'thibs log pas shin tu bsgribs// long bas long ba'i lam mtshon ltar// bde ba bor nas sdug bsngal snyogs// rang gsal ye shes don bor nas// ye shes btsal bas grub par 'dod// gnyis med don la gnyis kyi chags// dmigs med don la dmigs pas bzung // phyogs med rig pa'i ye shes la// rang 'dod lta bas phyin ci log/ rtsa bral rig pa'i 'phrin las la// btsal bas mi 'grub don dang 'gal// 'jug bral mnyam nyid 'od gsal la// rjes 'jug rtog pa phyin ci log/ thob med gsal ba'i mar me la// bar chod sgribs pas gsal mi 'gyur// grangs med bsam yas 'phrin las la// grangs dang 'du shes log pa'i laso// ci yang yid la ma byas pas// yid la byed pa'i 'du shes 'khrul
- 51b
gan spyod rig pa'i 'dzin las la// mu mnyam ya nas rikA pa la/ klas myed 'ad kyis ma mtshan par// rlung gas pa 'phrin las don ma rtogs/ rangags la 'odas/ kun gonas pas// de nyid ma yangs rang gsal lung // de ltar de nyid dri bzhin gnas// bya ba med par lhun gyis grub// ma byas ma btsal rang bzhag lung // dmigs pa yul gyi rjes mi 'jug/ rang gsal mnyam pa'i thabs kyi lha// rdo rje rang gsal thabs kyi lung // byas pa med par dus gcig rdzogs// rang gsal rig pa phyogs med la// chu ltar gzhag pa'i man ngag gis// sbas pa'i thugs kyi glong brdal nas/ brda don sprad pa'i man ngag sbyin// bum chu lta bu'i man ngag gis// mi g.yo rnal 'byor mchog gi lung // bskrad med rig pa rang bzhin gnas// 'dzin bral rang bzhin dmigs yul med// rang gos la rin chen phung po de// chu rum sbas pa'i de yin yang // gsal byed sgron ma de yis mthong // cog gzhag rig pa rang gsal la// bcos med bag yangs blo yis 'jug/ 'byung 'jug med pa'i sems nyid kyis// rig pa'i pho brang chos kyi dbyings// sbas pa thugs kyi nges bstan nas// rdo rje bla ma'i dgongs lung bstan// 'dod sbyor blo yis 'jug tshul ni// bla ma'i
- 52a
zhal las shes par bya// rdo rje bla ma mnyes byas la// rig pa khu chas thabs chen bstan// spyod lam ma bcos man ngag ni// man ngag zhal du lta zhes bya// 'dod pa'i dngos po gar sgo nas// rig skyes mAn ngag ring 'char ba// rdo rje slob dpon zhal du ltos// rig pa rang 'char man ngag ni// 'du 'jo mtshan ma'i nang du skye// nges par dus tshod gang yin pa// rdo rje bla ma'i lung la shes// gtad phral rig pa phyogs gcig pa// nam mkha' sgom pa'i rnal 'byor te// nges par bsgom lung tshul bstan pa// slob dpon 'phrul tshig brda la shes// glang chen bskyod thabs rig pa'i gter// de yi spyod lam bslab pa des// ji bzhin rig pa nyams su myong // nges tshad bla ma'i zhal las shes// drod ldan rdo rje bla ma yis// rgyal thabs dbang bskur brjod med par// rgyal btab blo la g.yo med lung // byin rlabs/ rig pa'i man ngag yin// 'di ni rang gsal 'khor lo la// 'jug pa'i thabs kyi 'phrin las te// rna ba rgyud man ngag mi ldan na// rang brtags blo yis ci brtags kyang // lung 'di rtogs par mi 'gyur ro// nges lung gdams ngag med pa yi// rna ba rgyud med pa'i slob dpon gyis// rang la nges pa'i don med pas// gzhan bsgral
- 52b
gnyis ka lhung ba'i rgyu// rdo rje bla ma ma bskur zhing // man ngag gus pas mi lon na// gsang bdag rdo rje'ang brlag 'gyur na// dam med slob ma smos ci dgos// zhes gsung so// nam mkha'i mtha' dang mnyam pa'i rgyud chen po las/ bya bral 'phrin las bstan pa'i le'u ste bcu bdun pa'o// // de nas sems dpa'i rdo rje dam pa des 'di skad ces gsol ba bta ba po// dus gsum rgyal ba thams cad kyi// bgrod bral lam gyi rang bzhin la// bgrod pas phyin par ga la 'gyur// ya nas rig pa mchog gis// mgon po khyod la gsol ba ni// 'jug dang bgrod pa'i yul bral ba'i// sa dang lam gyi rang bzhin dag/ bdag la nges par bshad du gsol// zhes gsol to// de nas de bzhin gshegs pa rdo rje sems dpas 'di skad ces gsungs so// kye sems dpa' chen po/ nam mkha'i mtha' dang mnyam pa'i rgyud// bgrod bral lam gyi rang bzhin la// bgrod pas phyin par mi 'gyur te// rang gsal rig pa mngon 'char bas// phyin pa med par dus gcig mnan// phyin pa lam gyi yul bral la// bgrod pas phyin med lam mthor ring // rang byung rig pa gcig la son// rang gsal 'od la 'phro zhing 'du// rang byung gcig pu yi sangs rgyas//
- 53a
'khor ba lam gyi rgyu dang bral// mya ngan ma 'da' 'khor ba'i rgyun// gnyi sa ka rang gsal 'od la thim// dbyer med rig pa mchog gi sku// bgrod med rig pa rang gsal lung // bgrod cing phyin pas mtha' la thug/ rang gsal ma yin chos med pas// ye shes 'od gsal dbus mtha' med// 'dzin pa kun bral cir mi dmigs// 'od 'byung bde chen khyab gsal lung // gnyis med mtha' bral chos kyi dbyings// mya ngan 'das min 'khor ba'ang min// dbu ma 'am gnyis ka'ang ma yin te// ma bcos zhi ba'i snying po la// btsal zhing bgrod pa bcos ma'i lam// mtha' thug med pa'i sangs rgyas sras// phyogs bcu mtha' yas kun bgrod pas// rig pa rang gsal dbyings las med// de nyid nyams myong kun dang bral// 'od gsal ye shes bde ba'i glong // rdo rje sems dpa' dges chen mchog yungs med mtshan ma'i rgyud dang bral// 'di ni rang byung rmad grags lung // 'od gsal rig pa'i brda mjal na// shi len le 'dra yi tshul// lkugs pas dga' ba'i ro myong bas/ tshig gi mtshon pa'i thabs dang bral// bde chen ro yis khyab pa kun// mi mnyam tshad 'di mtha' dang bral// phyin med lam la bgrod du med// sa bcu lam lnga rnam rtog yin//
- 53b
mtha' yas chos dbyings rang gsal lung // gang ltar phyin pa de nyid dang // rang gsal nam mkha'i gzhal yas la// phyin pas zad pa ga la yod// rang gsal 'od la rtag tu gnas// de bzhin nyid de rig par gsal// gang ltar snang ba de bzhin nyid// ji ltar bltas pa'i chos kyi dbyings// ji bzhin rang gsal ngang la phyin// bgrod du med pa'i sangs rgyas so// btsal med rang gsal lam gyi phugs// ye shes rig pa'i 'khor lo can// rang la 'khor zhing nyid du 'dus// sgra bral brjod pa'i yu ba can// de kho na nyid sems kyi lung // khyab brdul rig pa phyogs ris med// mngon du mi snang khyab par gad la// gsal ba ye shes snying po can// rig pa rang gsal dbyings la rdzogs// rang ba zhag ye shes dbyings nyid la// gsal ba ye shes gsor zhing 'bigs// rig pa rang gsal ye shes nyid// med na mi 'byung / de phyir lam// rang byung rig pa'i 'khor tshogs la// sgra bral rig pa'i bstan la sgrogs// rig pa nam mkha' rgyas pa'i mtha'// spro bsdu med pa'i dbyings la gtugs// rang byung rig pa'i yu ba la// gnyis med rig pa mchog gis 'dzin// rang gsal mtha' bral rgyas btab nas// 'bad pa med pa'i tshul du gnas// zhen/
- 54a
pa'i rnam rtog khri phrag kyang // 'od gsal dbyings la spro zhing 'du// rnam rtog ye shes dbyings kyi lung // gcig tu gsal ba cir yang 'byung // de nyid rang blta cir mi la// rang la rang blta cir mi mthong // rdzas kyi khyad par ci bgrod kyang // gser la gnyed pa ye nas med// sa dang lam la ci bgrod kyang // rang gsal rig pa bgrod dang bral// rig pa'i 'og min chos kyi dbyings// rig pa rang gsal 'bar ba'i gnas// rgyal ba kun gyi gsang ba'i gnas// gzhan med ya nas rang gsal lung // 'khor ba rmad byung ya sangs rgyas// sgo nga'i khyung phrug nyid dang mtshungs// rgya mtsho chen po tshul bzhin du// spro zhing bsdus pas rang la thug snying po rang gsal ye shes la// mtha' yi sgrib pa kun dang bral// rang gsal rig pa'i dkyil 'khor ni// gdod nas nyi ma'i snying po 'dra// de ltar ma rtogs 'gro ba la// 'khrul gzhi ye shes snying pos byas// de nyid gsal la thabs ldan pas// de nyid shes pas sangs tshul la// glo bur tsam du rgyal bas gsungs// gzhi ldan glo bur gnyis ka yang // 'khrul pa'i lam yin log pa'i chos// 'khrul dang log pa'i tha snyad kyang // dngos dbang sems la mi gnas te// ma bcos byang chub snying po la//
- 54b
de dag kun gyi tha snyad bcad// mtha' med dbus la mtha' mi dmigs// dbus med mtha' yas de bzhin te// de dag gang la'ang mi dmigs pas// rang gsal rig pa nyid du mkhyen// dge dang sdig pa'i tshul phye nas// gcig dang gnyis kyi spong len pa// 'dod khams gong 'og gnas skyes pa// thar pa ma tho ba 'ching ba'i rgyu// spo/ zhing dang blangs spyad pa yis// bzhi thob rim par bgrod pa des// 'gro don med pa'i gzhir gnas te// shi dang mtshungs pa'i 'bras bu yin// bdag med phye dang gnyis rtogs te// rten 'brel 'byung bzlog tshul bsgoms pas// gzhan don 'ga' tsam yod mod kyang // byis pa'i 'bras bu med dang 'dra// bden gnyis sgyu ma'i tshul bzungs nas// bskal pa grangs med gsum gyi chas// lam lnga sra bcu mthar phyin pa// srid pa log pa'i spong len can// gcig la mtho dman tshul bzung nas/ dag pa gsum gyi tshul bltas nas// bcu gcig rtob pas rdo rje 'dzin// 'dod pa'i smig rgyu snyeg dang 'dra// gnyis zhugs nges med tshul bzung nas// rigs bzhi cho 'phrul sgo nas ni// rdo rje 'chang 'dod phra men gyis// nges pa'i 'bras bu ci ste mthong // ting 'dzin rig pa'i tshul bzung nas// cho ga'i yan lag lnga bzhi sgos// stag po/
- 55a
bkod pa'i sa bgrod pa// rang rtog zhen pas rtag tu bsgribs// snang stong thabs dang shes rab kyis// ting 'dzin gsum gyi dkyil 'khor bsgyur// bskyed rdzogs bzhi yis lam sbyang ste// bcu gnyis bcu bzhi bcu drug gis// mthong ba zag med nyid la sbyor// de nas brgya phrag bcu drug gis// yi ge 'khor lo tshogs che na sa// rang 'dod thob dang 'od gsal med// dbyings drang ye shes rgyu 'bras kyis// yi ge dag pa'i tshul la bltas// 'od kyi ting 'dzin rig pa'i mthus// grangs med lha yi ngang du gsal// de nyid gnyis med rig pa yis// rdo rje sems dpa' mchog gis// rang sa thob kyang mthar thug bral// rkyen bral rin pa'i don dang 'gal// 'di kun zhen pas rtag tu bcings// rang byung 'od gsal dbyings dang bral// rang gsal ye shes nyi ma nub// rang gsal ye shes 'od gsal la// 'jug pa'i thabs kyis mngon sbyar na// thos bsam bsgom pa rab sbyangs nas// rang gsal ye shes 'od du 'bar// rig pa rang gsal dbyings la gnas// 'od 'bar thig le gcig tu gnas// gang la chags dang thugs 'thad dang // rang la gang gces phun sum tshogs// ser sna spangs pa'i dad pa yis// rdo rje rgyal po
- 55b
ma nyes par bya// rang gsal rig pa'i byin rlabs dang // dad dang dag pa'i nus pa yis// mkha' dang chu la dngas pas ni// dag pa dag pa'i tshul gyis snang // gang gcig med pa'i tshul gyis ni// gsal ba'i stobs de mi snang ngo // rang gsal rig pa lde ldan kyang // ma rabs byis pa bkri ba'i phyir// lhag pa'i spyod pa rla bas chen po// rang gsal rig pa'i gdeng gis bya// mkhas shing rig pa'i rjes su byung // rgyal ba'i dgongs pa lung dang ldan// rna brgyud zhal gyi chu yis brlan// rig pa gsang ba'i gter sgo phye// dbang thob brda don sprod la mkhas// phral ba'i don la'ang de bzhin no// bcos ma ma yin rang bzhag blos// thugs rje 'khor ba dag par ston// 'jig rten grangs pa rnam spangs nas// brten ldan dad dang brtson 'grus dang // mgo lus longs spyod mi chags pa// ye shes gsang ba'i gter sgro phye// de nas tsit+ta'i sgo phye na// dbang po bye brag tha dad pa// 'phrul tshig sgra yi tshul nas brtag/ thabs sbyor bcos ma'i thabs goms nas// rang gsal rig pa'i don la bzhag/ mos dang thos pa chung ba dang // rang gas la rtogs pa'i mthu med la// de nas goms pa'i mthu rnyed nas// rang gsal
- 56a
legs pa'i don la gzhag/ sems kyi dkyil 'khor legs brtags la// mkha' 'gro dpang btsugs nan tan bya// gal te skyon ldan slob ma la// gsang ba'i nyes dmigs mi shes pas// rna ba rgyud man ngag bstan byas na// sdug bsngal drag pos srog bcad de// mgyogs 'gro de yi myur ba ltar/ bar mtshams med pa'i tshul gyi na// rdo rje'i gnas su ltud 'gyur nas// byang chub sems kyi rigs dang bral// goms blos rig pa cir mi 'jug/ dran rtog blo yi rdzus mi 'brang // ji bzhin rang gsal mi long la// bcos med rig pa'i tshul gyis lta// yengs med 'dzin bral chos dbyings la// gnyis med thug phrad tshul gyis gsal// mar me mun pa'i tshul bzhin du// gnyis med rig pa'i tshul du gcig/ 'du shes du'ang mi 'jug pa'o// drod tshad gar yang ma 'phros pa'o// dran med gang bzhag rang gsal ba'o// bcos med rang bzhag gyi nar gnas// dran da la chu bo lta bu'i dpe// nges pa rang gsal nyams blangs pas// ji bzhin rig pa'i klung du 'jug/ rgyal tshab nges pa'i slob ma la// lung ldan bla mas don bstan na// 'khor ba byang chub lam du gsal// cong rong ye shes gnas
- 56b
su spor// bgrod mad bla ma'i sa la 'jug/ sa gcig mnan pas kun mnan// rdo rje sems dpa' mchog gi sa// thams cad mkhyen pa'i yeng shes kyis// ma 'dres yongs su rdzogs par gsal// zhes gsungs so// nam mkha'i mtha' dang mnyam pa'i rgyud chen po las/ bgrod cing sbyang du med pa'i le'u ste bco brgyad pa'o// // de nas sems dpa' rdo rje dam pa des 'di skad ces gsol to// rang gsal rig pa mchog gi ngang // thams cad ye shes chen por mkhyen// dus gsum chos rnams thams cad kun// dus mtha' gcig la gsal bar rtogs// mgon po khyod kyi ye shes ni// bdag la gsal bar bshad du gsol// zhes gsol to// de nas de bzhin gshegs pa rdo rje sems dpas 'di skad ces gsungs so// kye sems dpa' chen po/ nam mkha'i mtha' dang mnyam pa'i rgyud// ye shes ngo bo rnam grangs ni// mtshan nyid snang tshul rim pa ni// ye shes ngo bo gsal ba'i sgo 'byed pa'o// rang snang grangs med ye shes ni// sems dang chos dbyings nam mkha'i mtha'// phyogs ris bgrang bar mi nus pas// rnam grangs de yi tshul sbyor nas// ji ltar mtsham pa'i tshul
- 57a
du snang // rang gsal ye shes dbus mtha' med// stong nyid rig pa cir mi gzigs// 'od gsal rig pa thams cad mkhyen// dus gcig kun mkhyen rig pa'i lung // bsgribs dang sgro skur rnam par bcad// thams cad mkhyen pa'i ye shes yin// ma bcos rig pa'i ma long la// thams cad rang gsal gzugs brnyan 'char// ci yang 'gag med rnam mi rtog/ gnyis med rig pa gcig la gsal// phyogs ris mi mnga' 'od gsal ba// yul shes med de gcig la 'dus// rdo rje nam mkha' 'od gsal bas// thams cad mi rtogs gsal bar mkhyen// rang rig ye shes mnyam pa'i tshul// che chung mtha' dbus med pa la// rang gsal snyoms pas nyi ma'i 'od// thams cad gsal zhing 'od du 'bar// nam mkha'i mtha' dang mnyam sbyor bas// dbye bsrings yang dog mi mnga' bas// mnyam nyid rig pa'i ngang du gsal// ma bcos ngang la gnyis med kyang // shes rab 'od gsal chen po yis// mkha' la gza' skar bkram pa 'am// me tog mdzes pa'i phung po ltar// so sor rang gsal gcig tu 'dus// ma 'dres yongs rdzogs gsal bar ni// phyogs med rang gsal ye shes su//
- 57b
dus mtha' tshad las gsal bar mkhyen// rang gsal rig pa gnyis med la// thams cad ma lus yongs rdzogs pa// ye shes rgya mtsho mu mtha' med// ya nas/ grub pas bya btsal bral// ma bsgribs gsal ba'i rig pa la// thams cad ma lus rdzogs par ldan// ma bcos rang byung gsal ba ni// rnam dag dbyings nyid dkyil 'khor la// gsal ba'i 'od kyis mngon par mthong // byas pa med par don grub pa'o// thams cad 'byung ba'i dkyil 'khor ni// nam mkha' kun 'byung rig pa'i sgo// 'byung 'jug rig pa'i thig la nan// bskyed po'i dkyil 'khor yongs kyi sgo// kun 'byung rig pa'i 'khor lo gyur// rnam dag padu ma lta bu yis// rang gsal rig pa dkyil 'khor de// mi sgribs gsol ba'i ye shes so// rang gsal bsgribs med rig pa'i nyams// 'dzin med rig pa'i blo yis brdal// gsal yang dmigs yul kun dang bral// cir yang mi dmigs cis mi bslad// rdo rje nam mkha' khyab pa'i 'od// rna bral rig pa ya nas gsal// ma skyes ye nas gdod nas byung // ring las byung bas gzhan byung min// lhun gyis grub pa phyogs ris med// rang gsal rig pa'i ye shes la//
- 58a
gzhan gyi rig pa gdod nas stong // lhun grub nyid la phyogs med pas// gsal dang mi gsal phyogs dang bral// rang byung nyid la rgyu med pas/ bskyed bya skyed byed gdod nas med// bya btsal ye shes chen po la// rtsol ba'i chu bo kun las 'das// bdag gzhan ma gsal nam mkha'i ngang // yul dang yul can dmigs yul bral// gang yang ma yin gdod nas stong // sgrib pa med pa'i ngo bo ni// ltas pa med par kun la gsal// nyams myong bde ba'i 'du shes yal// 'du shes med pa'i 'du shes can// 'byung 'jug spangs pa'i thabs kyis shes// kun la gsal ba'i ngo bo yang // 'di zhes tshig tu bstan pa med// ston pa rdo rje sems dpa' yis// rig pa'i 'og min chen po ru// rig pa'i ye shes 'khor tshogs la// ye shes ngo bo bstan pa yang // rang gsal rig pa'i ngo bo de// ma bcos rig pa'i klung zhugs nas// dgongs pas gtan la phab pa las// tshig dang yi ger bstan pa med// de phyir ye shes chen po ni// khyab par gsal la dngos po med// ye shes rig pa'i pho brang du// rang snang rig pa'i 'od brdal bas// ji ltar bltas pa de ltar gsal// mtha' bral ye shes rdo rjer rig/ ma bcos ya nas rang gsal lung //
- 58b
ya nas shes pas ye shes yin// ya nas rig pa chen po bas// rig pa'i ya shas chen po yin// ma bcos ji bzhin rig pa'i don// gtan la phab pas ye shes yin// dgongs lung rang gsal rig pa la// gnyis med ya nas rig pa'i phyir// ye shes rig pa chen po yin// dgongs pa rig pa mnyam du shes// ma bltas gsal ba ye shes yin// rang byung ye shes nyid yin pas// btsal ba'i bsam pa gdod nas dag/ yin ni ci yang ma yin la// gsal ni kun la mthun par gsal// 'byung 'jug med par rig pa'i mtha'// mtshan nyid nges par gzung dka' bas// gang yang ma yin phyogs bral yin// byams mgon phyogs ris med pa'i gter// rang gsal rig pa'i mtshan nyid can// mtshan gzhi brtag pa'i yul las 'das// rang byung rtog pa mchog gi sku// spros bral brjod med rig pa'i gsung // mtshan 'dzin dran rtog med pa'i thugs// 'phel 'grib med pa'i yon tan gter// bya btsal bral ba'i lam chen po// kun la khyab cing rang la brda la// dmigs su med cing bstan du med// rang gsal me long 'od chen po// ma bcos rig pa'i khyad par las// ji ltar bltas pa de ltar snang // thams cad rang gsal rig pa yang // 'khrul pa'i shas
- 59a
pa cir mi 'dod// spros bral rig pa'i 'khor lo las// mtho dman snang tshul cir ma brtags// thag pa'i rang bzhin sbrul min yang // 'khrul pas sgrub kyi ngo bor snang // dngos la sbrul du mi gnas kyang // 'khrul pa'i ngo bo la snang bzhi yod// rang gsal ma bcos ji bzhin la// rtog dang mi rtog mi gnas kyang // 'khrul bas gnyis su rtog pas bzung // dngos la de ltar mi gnas kyang // rang ring zhen pa'i dbang gis na// de ltar snang ba'i 'khrul gzhir gnas// dag pas zhing khams gzhal yas khang // mtshan dang dpe byad 'od 'bar ba// ye shes gsal ba'i ngo bor snang // dngos la de ltar gnas pa med// ces gsungs so// nam mkha' mtha' dang mnyam pa'i rgyud chen po las ye shes bstan pa'i le'u ste bcu dgu pa'o// de nas sems dpa' rdo rje dam pa des 'di skad ces gsol to// dus gsum sangs rgyas thams cad kyi// sku gsung rol pa rmad byung ba// rang gsal ye shes snyoms pa'i mgon// 'gro drug ye shes gsal bar rtogs/ mgon po khyod la gsol ba ni// gsang ba rmad byung theg pa 'di// ma 'ongs dus na ji ltar 'gyur// mgon pos bdag la bshad du gsol// zhes gsungs so// de nas de
- 59b
bzhin gshegs pa rdo rje sems dpas 'di skad ces gsungs so// kye sems dpa' chen po/ nam mkha'i mtha' dang mnyam sbyor ba'i// rdzogs chen byang chub sems kyi rgyud// nga yi dgongs pa gsang ba'i don// yang gsang thugs kyi rna brgyud 'di// dgongs pa rnams kyis nges brgyud nas// lha gnas gsum du grags par 'gyur// de nas thugs rje'i sprul pa yis// u rgyan gling gi dur khrod du// yang gsang phug tu gnas bcas nas// ya mtshan sprul pa'i cha 'dzin pas// yang sprul thugs kyi sras bdun la// rig pa'i dkyil 'khor sgo phye nas// rgyal thabs spyi blugs dbang bskur nas// gsang ba'i lung 'di ston par 'gyur// de nas yang sprul pa skal ldan gyis// 'dzam gling dbus su rgyas par 'gyur// nor bu rin chen dar grags pas// kun gyi 'dod pa bskang za ni nas// skal ldan rigs ldan rtogs pa can// sangs rgyas sa la gnas par 'gyur// gang zhig rang 'dod rtog pa dang // mtshan ma'i sgra la zhugs pa dang // skal ba med pa'i mi rnams ni// ngan 'gror 'khyam pa nyid 'gyur na// skal ldan sprul pa'i sras 'dus nas// mi mngon dbyings su bde bar 'gyur// de nas thugs rje byin rlabs dang // dad pa las 'phro ldan pa dang // gnyis su med par
- 60a
mthun pa yi// mtha' 'khob yul du snang gyur nas// skal ldan rigs brgyud 'dzin pa rnams// rang gsal rig pa'i don go nas// sangs rgyas sa la 'gro bar 'gyur// 'di rnams skal ldan rgyal sras te// rigs su nges pa nyid du 'gyur// rang gsal rig pa'i glegs bam 'di// ska la ldan rim par brgyud byas nas// gsad/ pa rig pa'i rgyas btab nas// 'phel dang nub par mi 'gyur ro// de nas gsang ba 'chel ba yis// skal bar ldan dang mi ldan pa'i// 'dus pa'i tshogs la bshad pa yis// mtha' 'kho ba yul du dar bar 'gyur// de tshe rigs can dam pa'i sras// rgyal ba'i sa la gnas par 'gyur// skal med sgra bzhin spyod pa dag/ ngan 'gro log pa'i gnas su 'gyur// rang gi rnam rtog mi mthun pas// rang gsal gnyis med ye shes la// yin dang ma yin cha 'dzin cing // rtsod pa 'phel ba nyid du 'gyur// de tshe dam pa'i rigs can yang // the tshom za bas mi 'grub cing // kun la rgyas par bsgrags pa'i mthus// thun mong theg pas skur ba dang // chos la byin rlabs chung ba dang // de tshe dur rkun sems 'dzin pas// dmigs pa rtse gcig med pa yis// grub mtha' ring pas skur ba dang // kun gyis skur ba'i gnas su 'gyur// bdag stod gzhan smod byas pa dang //
- 60b
nyon mongs rtsod pa 'phel 'gyur nas// phyogs ris zhen pa'i nus mthu yis// rang gsal 'od kyang gsal mi 'gyur// des na thugs rje skal med pas// gsal ba'i lung 'di nub par 'gyur// gzhan gyis sgrub par mi 'gyur te// seng ge khog pa rang 'jig ltar// nga yi sras su khas blangs pas// gsang ba'i lung 'di nub par byed// de yang ji ltar 'gyur zhe na// chos la phyogs ris bzung ba yis// rtsod pa'i las su 'gyur ba dang // rang gsal nyams dang mi ldan par// rnam par dkar ba'i las bor nas// nyon mongs zhen pa'i las byed dang // rna ba rgyud gdams ngag mi ldan par// rab brtags zhen pas 'chad pa dang // lhag pa'i che ba 'dod pa dang // khe dang grags pa gtsor bzhag nas// nges dang ma nges kun bsdus nas// 'dus pa'i tshogs la 'chad pa dang // lta ba yas babs btsan thabs dang // glang po'i ngag dang spyod pa dang // rnam par dkar ba'i las bor te// spang ba'i las dag spyad pa yis// 'jig rten bcas kar sgrogs pa dang // skye bo kun gyis smad pa dang // thun mong theg pa spangs pa'i mthus// gsang ba dam pa nub gyur nas// de tshe skye bo de dag kun// rdo rje'i khab tu ltung gyur nas// theg chen byang chub sems dang bral// de bas dgongs lung dam pa de// gang zag ngan pas sgrub par 'gyur//
- 61a
de nas yang gsang theg pa 'di// 'dzam bu'i gling dbus rgyas gyur nas// skal ldan btsal med theg pa yis// sangs rgyas sa la 'gro bar 'gyur// de nas lho phyogs rgyud du ni// gsang ba dam pa rgyas gyur nas// gang zag dam pa kun gyis ni// btsal med 'bras bu thob par 'gyur// de nas gsang ba 'phel ba'i mthus// rnam par rtsod pa'i gzhir gyur nas// the tshom mi mthun gzhung zangs pas// skal ldan 'bral bar 'byung bar 'gyur// de yi dus na gang zag ni// rgyud nges 'tsho ba mkhas pa dang // rang gsal don la bsgom pa dang // nges pa'i gzhung lugs 'dzin pa dang // rna ba rgyud gdams ngag 'dzin pa dang // gsang ba mi 'phel sdom pa dang // dgon par gnas shing don mkhas dang // mi smra sems la gzung du 'dzin// bdun gyis bstan pa 'phel bar 'gyur// de nas lnga brgya tha ma la// nyon mongs rang kar zhen pa dang // don la zhen pa'i mthu med cing // snod ldan gang zag med pa dang // ma nor nges pa'i bla ma rnams// gdung brgyud chad par gyur pa'i mthus// rna brgyud thugs kyi bcud bral nas// las dang skal bar mi ldan pa'i// gang zag mang du 'dus pa'i mthus// las dang thugs rje skal med pas// yang gsang rmad byung theg pa 'di// 'dzam gling dbus su nub par 'gyur// sprul pa'i bstan pa tha/
- 61b
ma'i tshe// ma 'ongs dus na 'jig rten 'dir// 'di ltar nges par 'byung bar 'gyur// zhes gsungs so// nam mkha'i mtha' dang mnyam pa'i rgyud chen po las/ lung bstan pa'i le'u ste nyi shu pa'o// // de nas sems dpa' rdo rje dam pa des 'di skad ces gsol to// dus gsum sangs rgyas thams cad kyi// yang gsang rmad byung rol pa'i mchog/ lung bstan skal ldan gang zag la// glong dgu'i bstan pa ji ltar 'char// zhes zhus so// de nas de bzhin gshegs pa rdo rje sems dpas 'di skad ces gsungs so// kye sems dpa' chen po/ de bzhin gshegs pa kun gyi gsang // sems can sangs rgyas gnyis su med// bcos med rnam grol rig pa'i thugs/ bya btsal kun bral ye sangs rgyas// de nyid dgu ldan sems kyi gzhi// rin chen lam gyi goms par blangs// rang byung rig pa'i ye shes ni// btsal med rang shar thob par 'gyur// rig pa mchog gi dkyil 'khor nas// ye shes rig pa'i 'od kyis brda la// brjod med rig pa'i bstan pa la// ye shes gsal ba'i gsung mchog gi/ ma brjod rig pas gtan la phab// 'od gsal ye shes rig pa las// glong dgu bstan pa dus gcig 'char// rin chen 'od gsal thig le ni// gsal
- 62a
bu'i mtshan mas mthong bya'i phyir// skyong dgu'i bam po nyi khri nyid// rin chen gsal bya'i ched du gsungs// rin chen 'od 'bar sems kyi mtha'// theg pa'i rtsa ba tsir bskyon po// rdzogs chen byang chub thag pa de// glong dgur ma 'dus bstan pa med// rang gsal rig pa mtha' dbus med// cir sna ji ltad ci mi dmigs// yul bral rig pa bsam yul 'das// a ba gzo' bral sems kyi grong // 'di gsal ye shes spyod ba la// nam mkha' mtshan 'dzin mi gnas bzhin/ blang dor spong 'dzin mi gnas par// spyod pa bag yangs bde ba'i blo// bskyed bral rigs pa'i dkyi 'khor la// mtha' yi zhen pa'i chos bral zhing // byang chub sems su rang gsal bas// bskyed zil rang gsal dkyil 'khor slong // khoms gsum rin tshun 'a dz+wal k+She// gnyis med rtogs pas dbang bkur zhing // rig pa kun khyab brdal ba yis// rgyal thabs spyi thugs dbang gi klong / baspyang med sems kyi bzhin ni// lhag pa'i dam tshig gzhi la gnas// thig le nyid la mi 'da' bas// bsrung bral dam tshig 'da' med gling / bya bral 'do gsal chos dbyings la// 'phrin la
- 62b
btsal med lhun grub pas// 'od gsal ye shes phyogs ris med// btsal med 'phrin las mchog gi glong // bsam med dmigs bral chos dbyings la// ya shes rang gsal rig pa'i glong // yangs med 'od gsal rig pas gzhag/ bcos med dgongs pa nyid kyi glong // 'khor ba ya nas sangs rgyas la// gzhan du bgrod pa'i yul bral nas// lam dang sa la bgrod med de// sems nyid mtha' phyis lam gyi glong // rin chen phung po gsal byed ltar// rig pa rang gsal lhun grub la// rgyu dang rkyen las ma skyes pa// rang byung 'bras bu ye shes glong // gling dgu rin chen 'khor lo ni// rangadwa gsal rig pa'i 'od las 'char// 'khor ba ma bcos 'od gsal la// gdod nas nyes pa'i dri ma med// spros bral ya shes gsal ba la// gnyis med rig pa'i stobs kyis 'jug/ man ngag gsang ba'i 'khor lo ni// kun la bskor zhing dbyings su 'dus// brjod bral chos kyi rang bzhin ni// brjod bya kun gyi snying por gsal// sgra bral rig pa'i bstan ni// ji ltar 'dod pa bzhin du gsal// glong dgu bstan pa kun gyi spyi// rang gsal me long rdzogs pa'i lung // thams cad ye shes rang gsal bas// sgrib
- 63a
pa'i chos dang gdod nas bral// spros bral nam mkha'i rang bzhin la// dran dang rtog pa gang yin med// ma bcos chos nyid 'od gsal la// bcos pa'i spyod pa phyin ci log/ rin chen glong gi don rtogs na// thams cad gsang ba'i lam du gsal// ye nas phyag rgya ngo bo las// lus kyis btsal ba'i las mi byed// btsal bral rig pa'i gsung go bas// bzlas dang 'phro 'du'i las mi byed// rang gsal rig pa'i glong zhugs pas// rdo rje bcos bral 'od gsal sems// don gcig de nyid gzhi dgu la// ji ltar 'dod pa'i don la sbyar// rang gsal rig pa'i don dang phrad// gdod nas zhi ba'i rang bzhin la// mtshan ma'i sgro skur chos mi 'jug/ sangs rgyas sems can ma lus la// rkyen bral rang gsal bsgribs med gcig/ dmigs bral rig pa'i tshul gyis ni// ye nas khyab cing brdal par gnas// ye nas ma btsal sangs rgyas la// bsgrib dang mi sgrub chos mi gnas// rin chen 'od 'bar gsal ba la// gol dang sgrib pa'i chos mi gnas// phyogs med rang gsal ye shes la// phyogs mtshams gzung 'dzin ya nas dben// btsal bral rin chen phung po la// ma rdzogs pa yi chos mi gnas//
- 63b
mtha' dbus med pa'i gzhal yas la// tshad dang dmigs pa ga la yod// rdo rje sems dpa' gsang ba'i lung // glong dgu bstan pa kun gyi bcud// rig pa rangadwa gsal me long ni// thams cad kun la ji bzhin gnas// zhes gsungs so// nam mkha'i mtha' dang mnyam pa'i rgyud chen po las/ glong dgur bya pa'i le'u ste nyer gcig pa'o// // de nas sems dpa' rdo rje dam pas 'di skad ces gsol to// rgyal ba kun gyi dgongs pa'i thugs// glong dgu rin chen gsal byed lung // bsdus pas nges pa ji ltar gsal// bcom ldan snying pos bshad du gsol// zhes gsungs so// de nas de bzhin gshegs pa rdo rje sems dpas 'di skad ces gsungs so// kye sems dpa' chen po// glong dgu'i rtsa ba gcig la 'dus// dpe ni gser dang mtshungs pa la// don ni rtsa ba byang chub sems// rtog tshul gnyis med ye shes te// snying po byang chub sems kyi lung // sems nyid bcos med rang gsal la// gnyis bral rig pa cir mi 'jug/ mtha' dang dbus bral 'od gsal la// gnyis kyi 'du shes smos ci dgos// bde sdug 'gro 'ong mtha' yas kyang // rang gsal gnyis med rang rig go/
- 64a
bdag med gzhan bral chos kyi dbyings// skyon bral rig pa cir mi dgongs// mtha' dbus bral ba'i de bzhin nyid// rdo rje nam mkha' mchog gi lung // bsam pa ma yin mi bsam min// 'du shes bral ba'i dbyings la rdzogs// rang gsal rig pa gnyis mad la// gnyis kyi 'du shas gang rtsol ba// khams gsum 'khor ba'i gnas su ltung // rdo rje gsang ba'i lung dang bral// gsal ba'i rig pa yid kyi lus// mkhyen pa'i ye shes gcig yin yang // du mar snang ba'i cha mi 'gag/ gnyis med rig pa gcig la 'dus// gnyis med ngang la gnyis ma bsam// nam mkha' bsam med brjod du med// blo dang rang gsal phrad pa ni// gcig las mi g.yo mnyam du gnas// rtsa ba mi 'byed rtsol dang bral// ye shes 'byung 'jug yongs kyis med// gsal ba rig pa'i 'og min la// gnyis med rig pas mnyam par sbyor// rig pa'i 'khor lo kun gyi gter// ye shes rgya mtsho mu mtha' med// ma bcos rig pa thabs kyi sgo// 'gro ba'i dkyil 'khor rgya dang bral// ye shes rdzogs pa'i mchog la gnas// 'od ni bsam brjod kun dang bral// rdo rdza gsang ba'i nges lung la// man ngag lung gis gtan
- 64b
la dab pa// nges pa'i shes pa ma skas par// rtog spod bsam pas gang bshad kyang // des pa'i man ngag blags kyi lung // nges par gtan la phabs pa med// ye shes gsal ba'i ngo bo la// ye nas rig pa mchog tu gsal// sangs rgyas kun gyi dgrongs pa'i lung // ye shes 'od gsal mchog gi lung // sangs rgyas kun kyang 'di la gnas// sgrib bral phyogs med ci yang gsal// chos kun rtsa ba sems kyi lung // 'di ni rang byung lha yi lha// kun 'dus me long thabs chen po// snying po'i 'di nyid yin par bshad// theg pa kun gyi rtsa ba ni// rdzogs chen brdal ba nyid yin la// de nyid glong dgur 'dus pa yang // rtsu ba byang chub sems su 'dus// kun gyi rtsa ba sems 'di na// rang gsal nges pa gcig gi dang // 'di med rgyal ba mi srid la// theg pa 'byung bar mi srid do// chos kun rang gsal 'dir 'dus la// su zhig man ngag nges pa yis// don 'di gtan la phabs pa yis// chos kun gtan la phebs pa yin// sangs rgyas kun gyi rtsa ba ni// rdo rje sems dpa' nyid yin no// sa dang lam gyi rtsa ba ni// 'od gsal rig pa mchog gis// don 'di rtogs pas bgrod mi dgos//
- 65a
sa 'di thob pas sbyang mi dgos// sangs rgyas kun dang de yi sras// kun kyang rtsa ba byang chub sems// bcos med rig pa'i don rtogs nas/ rang gsal ya shes 'od la bzhugs// 'gro lnga 'dod lnga khams gsum ris drug dang // nyon mongs lnga por snang ba yang // rtsu ba rang gsal byang chu ba sems// rig pa rang gsal don la gnas// mi g.yo mi rtog cir mi dgongs// 'jig rten 'od kyi rgyal po ltar// kun gsal snying po gcig la 'dus// 'od gsal bde ba rnam rtog lam// gsal dang mi gnas chos mi gnas// tha snyad bral ba'i rig par gsal// rin chen 'bar ba'i gser gling ltar// de ltar gzhan pa'i chos med/ la// ming dang dbyings dang che chung dang // las dang brtags pa tha dad de// ngo bo gcig las gnas pa med// gser la gser du mthong ba bzhin// rang gsal rig pa 'di ltar blta// gser la gnyis pa mi gnas ltar// rang gsal don la gnas pa med// gser gyi rang bzhin mi 'gyur ltar// rang gsal rkyen gyis 'gyur pa min// mi 'dzin rang gsal bsam bral lung // gdod nas ma bcos dag pa ltar// 'od gsal rang bzhin ya nas dag/ cir yang 'gyur bzhin snang ba ltar//
- 65b
'od gsal rig pa'i khyad par la// dbang po mos pa'i khyad par gyis// ji ltar bltas pa de ltar snang // ci yang ma yin snying po ni// rang byung rig pa'i 'khor lo can// sgro skur the tshom rnam par gcod// rig pa ye shes rkyen dang bral// rang la rang gis gsal bar sems// kun gyi dgongs pa'i don rnams kun// rtsu ba byang chub sems la 'dus// zhes gsungs so// nam mkha'i mtha' dang mnyam pa'i rgyud chen po las/ glong dgu rtsa ba gcig tu 'dus par bstan pa'i le'u ste nyi shu gnyis pa'o// // de nas sems dpa' rdo rje dam pas 'di skad ces gsol to// dus gsum rgyal ba thams cad kyi// nam mkha'i mtha' dang mnyam pa'i rgyud// rdo rje snying po'i don 'di gang // gtan la phabar bshad du gsol// zhes zhus so// de nas de bzhin gshegs pa rdo rje sems dpas 'di skad ces gsungs so// kye sems dpa' chen po/ dus gsum rgyal ba'i dgongs pa'i don// nam mkha'i mtha' dang mnyam pa'i rgyud// rdo rje snying po bla na med// ma nor nges par gtan la pha ba// rang bzhin dgongs pa chos sku dang // ma nor gtan la phab pa'o// rang bzhin phyi nang chos kyi dbyings//
- 66a
/ rnam dag 'od gas la dkyi la 'khor la// ma bcos rang gsal dgongs pa ru// rang gi ngang gis gtan la dbab// bya bral rdzogs lung bstan pa ni// gnyis med ye shes rdo rje lung // rang gsal rig pa'i snying po ni// rang gis rang la gtan la phab// chos dbyings rig pa'i 'ogra min to// rig pa mchog gi gzhu la yas su// ston pa rdo rje sems dpa' yis// rang gsal rig pa'i 'khor rnams la// rdo rje 'od gsal bde ba'i lung // snying po rang gsal bcud kyi don// sgra tshig bral ba'i dgongs pa yis// mnor nges par gtan la pheb// chos nyid rdo rje mchog gi sgra// ma brjod rang gsal rig pas thob// brjod bral gsang ba'i nges don 'di// brjod pas gtan la phebs mi 'gyur// nyi ma rang gsal ji bzhin du// rang la de bzhin nyid du ston// chos nyid rdo rje 'jig mtha' med// ma skyes gadrod nas dag phyir ro// snying po dgongs pa kun 'dus pa// rang gsal nyid du gra tan la pha ba// ma bac+doMs drag pa'i chos sku ni// rdo rje nam mkha'i spyod yul la// ma yongs rkyen grol snying po yis// gser lo gser bzhin gtan la bab// ci yang mi dgongs de bzhin nyid// gsal ba dmigs bral de kho na// chu la chu
- 66b
ltar de bzhin nyid// rig pa rang gnas mchog tu gnas// rna ba rgyud rig pa'i spu khrid kyis// rang gsal ye shes gtan la 'bebs// brjod med don la de nyid kyis/ na lung dang man drag mtshan pa'i sgos// ye shes gsang ba gtan la phab// ma nor nges pa'i dgongs par dag/ ji bzhin rig pa'i dkyil 'khor la// de bzhin gsal ba'i blo yis 'jug/ 'od gsal nyams kyi snying po ni// ba de la mi rtog gsal ba'i ngang // phyogs bral lta ba gza' gtad med// 'dzin bral ting 'dzin cir mi dgongs// bsam dang bral lo 'du shes spangs// gcig tu gnas kyang khyab par gsal// rnam par mi rtog sa le ba// sa le bar yang bsam du med// bdag gzhan mtshan ma sa mA gzung zhing // rnam rtog bral ba'i dbyings la rdzogs// ma bgrod sa la dus gcig gnas// nyi ma'i snying po bzhin du gnas// ma btsal ma bsgrubs ji bzhin nyid// rang sems rgyun phral rig pa'i mchog/ dus mtha'i shes rab gcig cha la// chos kun gsal bar rtogs pa'o// snying rje nyi ma'i 'od zer ltar// 'gro ba kun la snyoms pa'i bdag/ nam mkha'i mtha' la longs spyod pa// thams cad mkhyen pa'i ye shes mtsho// gsang
- 67a
ba'i rgya mtsho mchog gi gter// dman pa'i spyod ma yin pa'o// ye shes rgya mtsho blo mnga' zhing // rtog 'joms ye shes rdo rje dbyings// rgyu 'bras rang gsal snying po'i mchog/ shes rab mchog gi spyod yul gyis// ye shes rdzogs pa'i sgo phye nas// dus gcig ye shes 'od du 'bar// kun mkhyen ye shas snying po la// lta ba bsgribs pa rnam bsal zhing // 'od 'bar thig la mchog gi rgyan// gdul ba'i bsam pa ji bzhin du// thugs rje chen po'i byin rlabs kyis// tha bas mkhas spyod pa bsam mi khyab// dus gcig nyid la gsal bar 'char// bya bral rdzogs pa'i nyid dang // rang gsal rig pa mchog gi ma nyas// rna ba rgyud sems kyi man ngag gis// ma nor nges par gtan la phab// rang gsal ngang du gtan la pha ba// bdag gzhan med par gtan la pha ba// 'gyur med glong du gtan la phab// nges pa med pa'i theg pa bdun// 'gro ba drang ba'i don du gsungs// de yi bsam pa 'dren pa'i phyir// drang ba'i lung zhes bshad pa yin// bsam dang mos pa'i khyad par de// gang ltar mos pa de ltar bstan// 'gro ba'i 'dul tshad ma rtogs pa// nges par dgongs pa gcig
- 67b
las med// rang dbang sems la mi gnas na// spyod dang rtsol ba'i khyad par gyis// rang rig don la cir rtsa la yang // ye shes mchog gi don dang 'gal// nges pa'i shes pa ma skyes na// dran dang rtog pa cir bsgom pa// gang bsgoms de nyid rtogs 'gyur zhing // ma bsgoms pas kyang 'grub mi 'gyur// 'di kun long ba'i spyod yul to// 'jig rten pa ye shes pa yis// 'od gsal rig pa nyid bsgoms kyang // grub par mi 'gyur tshe chad 'gyur// rgyal ba'i dgongs pa ji bzhin pa// de nyid ma bcos chos dbyings don// nges pa rnal du gang ston pa// nges pa'i don du gsungs pa yin// sangs rgyas rnams la bac+doMs med de// gang zhig bcos ma drang ba'i lung // bcos med ye shes snying po ni// nges pa mchog gi lung du 'dod// gang zhig rtsol ba'i chos rnams ni// 'gro ba'i spyod pa drang ba'i lung // btsal med nges par ston pa ni// rgyal ba'i dgongs pa nges lung bas// ji bzhin ma bcos dgongs pa'i tshig/ nges pa zhes su bshad// ces gsungs so// nam mkha'i mtha' dang mnyam pa'i rgyud chen po las/ chos thams cad rdo rje snying po'i mchog tu gtan la phab pa'i le'u ste nyi shu gsum pa'o// // de nas
- 68a
yang sems dpa' rdo rje dam pa des 'di skad ces gsol to// dus gsum sangs rgyas kun gyi thugs// gsang ba yang gsang rmad du byung // nam mkha'i mtha' dang mnyam sbyor ba'i// mtshan gyi rnam grangs bshad du gsol// zhes zhus so// de nas de bzhin gshegs pa rdo rje sems dpas 'di skad ces gsungs so// kye sems dpa' chen po// sangs rgyas kun mnyam sbyor ba yi// gsang ba'i yang gsang byang chub sems// ji bzhin rig pa mchog gi gter// ma bcos byang chub sems kyi lung // spros bral rig pa mchog gi gsung // skye dang 'gag med ye shes grong // spros med byin rlabs phyogs bcur brda la// rang gsal chos nyid dag pa'i mkhas// gnyis med glong du ye sangs rgyas// chos sku ye shes 'od dpag med// thig le 'od 'bar rig pa'i grong // bstan pa'i rtsa ba sems kyi dang // bstan pa'i yang rtse don gyi mchog/ nam mkha'i mtha' dang mnyam pa'i rgyud// gsang ba kun 'dus rig pa'i gter// yi ge med pa mchog gi lung // kun bzang rig pa mchog gi rgyud// khu byug glong dgu bstan pa'i mchog/ ye shes gsang rdzogs mnyam pa'i gter// theg pa'i rnam grangs ji snyed pa// rdzogs chen theg pa
- 68b
'dir 'dus te// rtsa ba byang chub sems yin pas// chos kun rtsu ba zhes su brjod// zil gnon lhag par 'phags pa dang // 'dir 'dus kun go rtog yin pas// ma bcos byang chub sems nyid ni// bstan pa'i yang rtse yin par bshad// 'das dang ma byon dus gsum gyi// rgyal ba'i dkyil 'khor ma lus pa// dgongs pa ring gsal 'dri yin pas// don gyi mchog ces nges par bshad// 'di la mtha' dad dbus med cing // sgro skur brjod bas ma dag pa dang / bsam gyis mi khyab pa yi phyir// nam mkha'i mtha' dang mnyam pa'i rgyud// chos kun byang chub sems nyid pas// sangs rgyas sems can kun gyi gsang // rig pa sems la kun 'dus phyir// gsang ba kun 'dus rig pa'i gter// 'di la tshig dang yi ge dang // brda dang mtshan ma tha snyad kyis// rang gsal mtshon du med pa'i rgyud// yi ge med pa'i rgyud ces bya// thams cad ye nas chos dbyings la// che chung bzang ngan blang dor dag/ ya nas gnyis med gcig pas na// kun bzang rig pa mchog gi rgya da// chos kun rtsu ba glong dgur 'dus// glong dgu rtsa ba sems su gcig/ 'byung dang rtogs pa ra da kar ba'i
- 69a
phyir// khu byug kun bzang glong dgu'i rgyud// ya nas ye shes rang gsal yang // rnam rtog phra rags bsam yas pas// bsgribs pas gsal bar ma mthong bas// ye shes gsang ba mchog gi rgyudado// phyi nang sangs rgyas sems can dang // bdag gzhan bde sdug zad par ni// ye shes rang gsal la rdzogs pas// ye shes rdzogs pa'i rgyud ces bya// dus gsum rgyal ba'i dgongs pa ni// rdo rje snying po 'od gsal te// ma nor gtan la phab pas na// rdo rje snying po gsang ba'i rgyud// 'di ni gsang ba rab gsang ba// 'di ni gsang ba rma du byung ba'i// don dang 'bral ba'i mtshan du bshad// ces gsungs so// nam mkha'i mtha' dang mnyam pa'i rgyud chen po las/ mtshan gyi rnam grangs bstan pa'i le'u ste nyi shu bzhi pa'o// // de nas sems dpa' rdo rje dam pas 'di skad ces gsol to// ye shes rang gsal ngo bo la// gnyis pa'i chos dang rnam bral yang // rtogs dang ma rtogs khyad par gyis// 'jug tshul rim par bshad du gsol// zhes zhus so// de nas yang de bzhin gshegs pa rdo rje sems dpas 'di skad ces gsungs so// kye sems dpa' chen po/ rang snang
- 69b
ye shes gsal ba la// rnam rtog sgrib pa'i chos mi gnas// gdod nas dag pa'i ye shas ni// nam mkha' gsal ba'i 'od dang mtshungs// 'dod pa kun 'byung rin po che// chags med pad+ma lta bu'i ngang // rang byung rang gsal rang la rdzogs// rdo rje sems dpa' gsang ba'i mchog/ kun 'byung chags pa chen po'i mchog/ zab mo brtag dka' rgya che nyid// dmigs bral mkha' mnyam rgyas pa'i mchog/ 'od gsal bde mchog rang gsal lung // 'di ni nam mkha'i mtha' mnyam lung // rang gsal rig pa mngon rtogs pas// bcos bral rig pa gsal ba'i ngang // chos sku 'od 'bar dus gcig gsal// dade mchog ro la dus gcig bzhugs// 'od gsal rig pa'i gdong ldan na// rang gsal ma yin chos mi gnas// rang byung 'od la rtag tu 'bar// ye shes 'bar pa mchog gi gnas// dus gcig rig pa rang gsal na// rim skyes shes pa nor bu'i lam// gsal la mi mngon chos dbyings ni// thams cad kun la khyab par gnas// rtog pas ma bcos bla ma'i sa// 'khor ba nyid na yaM sangs rgyas// ma bcos sa la dus gcig phyin// 'od gsal lung la rtag bzhugs
- 70a
kyang // 'gro ba sa yi phyogs ris med// khams gsum 'khor ba'i btson ra yang // rig pa rang gsal chen por blta// dug lnga brtsegs pa'i ri bo yang // rang gsal ye shes lnga ru 'bar// thams cad ye shes gsal ba la// gnyis pa'i rtog pa gdod nas stong // gang zhig 'od gsal chen po la// rig pa sems dang mi ldan na// rtsal ba'i rnam grangs ci spyad kyang // byas na 'ching ba chen por 'gyur// dam tshig mi bsrung tha mal sems// 'jig rten grags pa gtsor len pa// rang byung rig pa'i sems drang bral// mun gyur bden pa'i don la nyams// ji ltar btsal ba de nyid 'khrul// gad ltar bltas pa de nyid nor// lha log spyod cing mu stegs pa// shi nas dmyal ba chen por 'gro// thar pa'i skabs dang bral nas kyang // theg chen gsang ba'i rigs dang bral// yang dag gsang ba'i don rtogs na// ci spyad ye shes 'od du 'bar// thams cad gsal ba'i me long bas// ye shes rang gsal 'od du 'bar// zhes gsungs so// nam mkha'i mtha' dang mnyam pa'i rgyud chen po las/ gdams ngag phog pa'i le'u ste nyi shu lnga pa'o// // de nas yang sems dpa' rdo rje dam
- 70b
bas 'di skad ces gsol to// sangs rgyas kun gyi gsang ba'i gter// dus gsum rgyal ba'i dgongs pa'i lung // gang zag dam pa gang ltar brtags// mgon po chen pos bshad du gsol// zhes gsol to// de nas de bzhin gshegs pa rdo rje sems dpas 'di skad ces gsungs so// kye sems dpa' chen po/ rdo rje theg pa bshad dang nyan// skyon dang yon tan rim pa ni// rdo rje bla ma man ngag can// rig pa gsal ba'i mdzod 'dzin cing // rang gsal lung gi don la goms// shes rig ye shes nyid du gsal// rna ba rgyud man ngag ldan pa dang // rig pa mdzod kyi nyams dang ldan// ye shes 'khor lo bskor zhing 'bebs// rgyal thabs man ngag man ngag ldan// spyod pa ma bcos klungs su zhugs// thugs rjes 'gro ba sgrol lnga brtson// chos la phyogs ris mi mnga' zhing // gsang ba'i man ngag 'tsho mkhas te// theg pa'i bye brag ma rmongs pas// lhag pa'i che ba rtogs par ldan// tshig gcig don kun rtogs pa'i blo// shas rab chen po 'od 'bar bas// bag chags phung po sreg byed pa'i// rdo rje bla ma yin par brtag/ dregs dang snying rje chung ba dang // rna ba rgyud gdams ngag mi ldan zhing // thos chung khe grags bcud
- 71a
'dzin cing // dbang lung man ngag mi ldan pa// 'phongs pas 'phongs par gyur nas ni// man ngag dam pas 'phongs par 'gyur// dad pas lus srog mi lta zhing // rdo rje bla ma gus pas khur// man ngag gsang ba gzhung ldan pas// gsad pa spal bar mi byed cing // rang gsal rig pa'i don la dga'// bskal par mi 'gyur yun la sems// snying rje dam tshig ldan pa dang // brtson 'grus shes rab ldan pa yis// rgyal tsha ba nges pa gcig la gtad// bla ma gzhung ldan mkhas pa yis// snod ldan rgyal sras de dag la// rang gsal ye shes don bshad na// skad cig nyid la rdzogs sangs rgyas// dad min chags pa che ba dang // sar sna ra cha phyogs lta zhing // 'jig rten grags pa gnyer ba dang // dam mad brtson 'grus chung ba dang // ye nas blo 'phangs dma' ba dang // 'jig rten bya ba'i rgyur sgrub dang // theg pa dman par zhugs pa dang // chos la phyogs ris ngoms rkyen dang // rdo rje bla mas slu ba dang // nges pa'i don la skur 'debs pa// 'di la gsong ba'i sgo phye nas// nor bu rin chen gang gtong ba// rdo rje dmyal bar skye bar nges// gal te mthar byin sems skyes na// gsang ba'i don dang phrad mi 'gyur// rdo rje bla ma
- 71b
dmod pa ni// dus gsum rgyal ba smad pa'i mthus// bdun brgyud tshun chad brlag gyur nas// rdo rje 'bar ba'i nang du skye// gal te dam par 'jug 'dod na'ang // skyabs kyi dam pa 'jug mi 'gyur// gang zhig gsang ba'i gsung mchog la// gang zhig spong zhing skur btab pas// rgyal ba'i gsung mchog yangs pa yis// thar pa'i sems dang ga tan du bral// zhes gsungs so// nam mkha'i mtha' dang ma nyam pa'i rgyud chen po las// gang zag brtag pa'i le'u ste nyi shu drug pa'o// / / de nas sems dpa' rdo rje dam pas/ bcom ldan 'das la 'di skad ces gsol to// dus gsum rgyal ba'i sku gsung thugs// gsang mdzod thug kyi me long 'di// bstan pa bshad dang bklags pa yi// yon tan rgya cher bshad du gsol// zhes zhus so// de nas de bzhin gshegs pa rdo rje sems dpas 'di skad ces gsungs so// kye sems dpa' chen po// dus gsum rgyal ba'i gter gyi dbya bas// nam mkha'i mtha' dang mnyam pa'i rgyud// gsang ba'i yang snying bstan pa'i bcud// sangs rgyas kun gyi dgongs pa'i lung // nges par gcig tu bstan pa'i rgyud// sku gsung nam mkha'i mtha' mnyam pa// spros bral
- 72a
bstan pa cir mi dgongs// theg pa'i yang rtse don dang 'brel// lung gsum man ngag kun gyi bcud// rin chen phung po zad mi shes// zad med ye shes bde chen glong // rtag pa ye shes 'khor lo can// rab tu gsang ba rtogs dka' zhing // dman pa'i spyod yul ma yin pa// rang gsal rang gi ye shes mdzod// rang byung rig pa'i 'od la bzhugs// bde chen khyab pa'i ngo bo ni// nam mkha' 'dzin pa'i sems dang bral// 'di la mos pa'i gang zag ni// sangs rgyas sa la skal ba mnyam// rdo rje sems dpa' bcom ldan 'das// rab gsal khyab pa'i 'od mnga' zhing // rig pa gsal ba'i dbyings la gnas// 'khor ba sangs rgyas dus gcig gsal// rig pa ye shes gsal bar snang // 'gro drug ye shes snying por gsal// dang po thams cad gsal bar rtog/ bstan pa'i snying po gang 'char ba// rgyal ba'i sku gsung thugs 'char ba// de bzhin ma nor rig pas 'dzin// ye shes nyi ma'i 'od ltar snyoms// thugs rje 'gro ba'i dpal du shar// bdud dang bgegs kyis mi tshugs shing // rig pa'i dkyil 'khor nyid du 'char// klog dang 'dri dang 'dzin pa la// kun kyang bu bzhin skyong bar byed// de phyir bstan
- 72b
pa'i yang snying 'di// rig nges rgyu la tshab cig la gtad// brag dang chu gter sba byas te// srog dang bral ba'i kha bzhin bsdams// zhes gsungs so// nam mkha'i mtha' dang mnyam pa'i rgyud chen po las// rgyud gzung ba'i le'u ste nyi shu bdun pa'o// // de nas de bzhin gshegs pa thams cad kyi rang bzhin gcig dang du ma las 'das pa'i bdag nyid/ snying po rang byung rig pa'i sku/ dpal rdo rje sems dpa' de kho na nyid la dgongs te ci yang mi gsung bar bzhugs so// de nas de'i tshe 'khor mang po de ltar gyur pa mthong zhing rig nas/ sems dpa' rdo rje la 'di skad ces gsol ba btab bo// dus gsum sangs rgyas thams cad kyi// gsang ba'i 'khor lo gter gyi bdag/ rang byung rig pa mchog gi sku// rmad byung rol pa'i bdag po khyod// rgyal ba'i thugs dang dbyar med phyir// gang du'ang rig par dka' ba yi// gsang ba'i don ni gsol ba 'debs// e ma'o shin tu rtogs par dka'// e ma'o rnyog pa bral ba'i don// e ma'o kun gyi yum yin pa// e ma'o dri med rgyud 'di gsungs// rdo rje zhes pa ji lta bu// sems dpa' zhes pa gang gi don// nam mkha' zhes pa ji ltar brjod// de yi mtha' ma nyam ji lta bu// rgyud ces
- 73a
ji ltar brjod par bya// bdag cag rnams la bshad du gsol// zhes zhus so// !/ de nas sems dpa' rdo rjes/ rol pa rang snang gi 'khor la 'di skad ces bka' stsal to// rdo rje zhes su bstan pa ni// rang bzhin rtog dang mthar phyin pa'i// thugs kyi rig pa bstan pa nyid// rang byung rig pa'i snying po nyid/ thams cad 'dus pa'i rdo rje ste// mi phyed rkyen dang bral ba'i phyir// rang byung rdo rje snying por gnas// 'di ni gnas pa gsum yin te/ rkyen dang bral bas mi snang po lhun grub rang byung mi phyed pa// bstan pa thugs kyi rdo rje ste// dgu ru ma sbas pa thugs kyi gte ra// ma lus rdo rje byin rlabs pas// ye shes snang ba phyogs ris med// mtha' bral nam mkha'i snying po ltar// gsal ba dri ma'i rnyog pa med// skyes bu'i thugs kyi dkyil 'khor nyid// rgyal ba kun gyi thugs nyid ni// thog ma tha ma med pa yi// rang byung 'du 'bral med pa nyid// phyogs bcu mtha' dbus bral ba yi// nam mkha' yangs pa'i dkyil 'khor ltar// gnang bkag med pa'i rang bzhin nyid// mthar phyin ye shes rdo rje nyid// ma bcos pa dang rtog pa dang // phyogs bral mnyam pa'i snying po ste// sangs rgyas dang ni sems can dang // phyi nang snod bcud ma
- 73b
lus pa// rang byung snying por gcig pa yi// rang byung ye shes ma bcos pa'i// 'gro ba'i rgyud la gnas pa ste// gnas pa don gyi gzhi zhes bstan// lhun grub gsum du gnas pa nyid// kun dang 'brel pa'i thabs chen po// rna brgyud dgongs pas byin rlabs nas// rtags kyi dkyil 'khor mngon bstan nas// shes bya'i chos rnams thams cad kun// ma bcos shes bya nyid du gsal// gang du phyogs ris med pa yi// rang byung reg pa'i snang pa nyid// rang bzhin mtshan nyid rol pa ste// phyogs med nam mkha'i rang bzhin ltar// kun 'dus me long gsal bar bstan// rig pa'i dong rtse gsal ba nyid// phyogs med nyi ma'i snying po ltar// rang byung rdzogs pa'i mi bcos pa// gnas nyid rtogs te mthar phyin pa'o// 'di nyid nam mkha' gsum nyid de// snang srid dang ni kun brtags dang // ma bcos pa zhes bstan pa nyid// snang ba dang ni srid pa dang // ji snyed ma lus thams cad ni// rang byung rig pa mkhar snang ste// rgyu rkyen 'das pa'i rang byung nyid// khyab cing mtshon pa'i yul las 'das// rang rang zhen pas gang brtags pa'i// blo dang rgyu rkyen las byung ba// bsam dang rgyu ba'i sbyor ba can// rang gi blo yis spyad brtags pa// 'di dag kun brtags nam mkhar
- 74a
bshad// rang bzhin khyab pa'i yul las 'das// rang byung rtogs pas tshad dang bral// gang dang gang gi ma bcos pa// rgyu ba'i yul dang bral ba ste// dran rig nam mkha' blta bya ste// ma bcos gsal ba'i dbang po la// rig pa'i dong tshe rtogs par gnas// mkha' ltar dri med ma bcos pa// rtogs pas mi gzung yid du khye/ dus gsum mo bcos gnyug ma'i don// shes nas ma bcos snying po'i don// rig pa tshad bral 'od du 'bar// ma bcos rig pa snying po'i sems// sgo gsum bcos pa'i khar ma lus// rang bzhin rtogs pa ye shes nyid// mtha' dbus phyogs ris med pa'i don// ma lus don gyi snying po 'di// sangs rgyas sems can gnyis med pa'i// gdod nas snying por 'khyil ba'i dbyings// bya bsam brtag pa'i yul las 'das// mtha' bral dbu ma chen po la// dgag dang bsgrub pa'i chos med pas// ma lus snying por gsal rtogs pas// don lam rin chen dpe bzhi ltar/ phyogs ris med cing rgya mnyam pas// nam mkha'i mtha' dang mnyam pa'o// gdod nas mtha' bral chen po la// dgongs pa'i lung gis mtshams sbyar nas// mtha' bral nam mkha'i dkyil 'khor ltar// mtha' dbus med pa'i de bzhin nyid//
- 74b
rang byung ye shes theg mtha' med// re dogs spangs pas rgyu ba zad// ma lus ma 'gags ye shes ni// phyogs ris med par shar ba'o// 'di la mtha' dbus med pa dang // phyogs ris med par bsam 'dras pas// nam mkha'i mtha' dang mnyam pa ste// bsam med nam mkha'i glong chen po// rgyud ces bya ba rgyun du grags// ma bral snying po bde ba'i klong // rang bzhin ye shes mnyam nyid la// bar chad med pa'i rnal 'byor de// sku gsung dgongs pa mtha' bral nyid// nam mkha' lta bur rtag tu gnas// 'di la thams cad lhun grub pas// snang srid rdzogs pa chen po'i rgyud// de la rgyud kyi snying po'o// zhes gsungs so// nam mkha'i mtha' dang mnyam pa'i rgyud chen po las/ rgyud kyi mtshan pa'i le'u ste nyi shu brgyad pa'o// // de nas yang rang snang rol pa'i 'khor tshogs kyis/ sems dpa' rdo rje la 'di skad ces gsol to// kye ma'o sems dpa' rdo rje khyod// sangs rgyas kun gyi rang bzhin te// sku gsung thugs ni bsam mi khyab// mgon po khyod la gsol ba ni// sgro skur med par ji ltar lags// bshad pa nyid kyang ji lta bu// dus ni ji ltar gcig pa lags// 'og min gnas
- 75a
kyang ji lta bu// rang bzhin dang ni lta ba dang // mngon du gyur pa ji lta bu// gleng gzhi zhes pa ji ltar lags// rgyal ba so sor snang ba de// tha dad pa ni ma yin nam// thun mong rgyud dang khyad par ci// rang byung snying po lhun grub la// sgo dang skur pa kun bral ba// ma bcos rin chen 'khor lo'i thugs// 'od gsal snying po 'gyur ba med// sgo 'dogs skur 'de bas mtshan ma'i lam// gsang ba'i thabs kyis bcad nas ni// gzhi gzhag rang lugs ma bcos par// snying po rig pa mngon du bstan// ji ltar chu la chu gzhag ltar// bde bar gnas pas pha rol phyin// snying po gcig tu kun rdzogs pas// sgro 'dogs skur 'debs gdod nas med// gang gis gang la gang dus su// gang bshad pa nyid de bzhin te// ma lus pa yi de bzhin nyid// snying po rang byang rdzogs pa'i bdag/ ma lus 'chang bdag snying po ste// lhun rdzogs rgyal ba kun gyi ngang // sna tshogs rang snang rig pa'i 'khor// rol pa 'bum phrag mtha' las 'das// rang byung rig pa kun 'char la// tha dad ston 'khor khyad par med// bsam gyis mi khyab pa yi dus// snga phyi med pa'i dus gcig ste// dus gcig rtogs pas dus kun
- 75b
rtogs// dus dang rtog pa gcig tu bstan// rang byung 'od gsal 'khor lo'i thugs// sgo skur dag pa'i bde chen po// mkha' ltar bsam pa'i yul las 'das// rgyu 'bras lhun rdzogs snying po la// bstan pa ma lus kun 'dus pas// dus gcig dgongs pa mkha' ltar bshad// ston pa gnas 'khor dus bstan pa// rang byung rol pa mchog nyid las// ro dang rnam pa ji bzhin pas// khyad par med de snying por rdzogs// ji snyed pa yi chos rnams kun// rin chen 'od la kun rdzogs pas// gdod nas skye 'gag gnas pa med// snying po rdzogs pa gcig ste gnas// gdod nas gcig pa'i rang bzhin la// dus gsum gcig par mngon bstan pas// phyogs bcu mtha' dbus chos thams cad// dus gcig phyogs ris med par rtogs// gang du zhen pas brtag pa yi// bgrangs dang bsgom dang brtag pa dag/ rang rang rtogs pas snang ba ste// de dag dus gcig sbyor zad de// re dogs chad pa'i snying po nyid// ma bgrod rtogs pas phyin pa'i gnas// rig pa'i gnas su rtogs pas phyin// ma lus rig pa'i 'og min gnas// sangs rgyas kun gyi pho brang nyid// thig le steng 'og phyogs cha med// 'og min gnas zhes brjod pa yin// rang byung snying po kun gyi
- 76a
rgyu// rgyu lnga 'bras bu gsum la sogs// phyogs bcu nam mkha'i mthar thug pa// 'di la 'dus pa'i 'khor du bshad// ma lus snying por dag pa la// dngos dang blo yi khyad par gyis// rang rang phyogs kyis gang bltas pa// 'di la 'das pas 'khor du bshad// ji ltar gnas pa'i don de nyid// rtogs nas 'bras bu lhun grub pa// ji snyed sangs rgyas thams cad kyang // 'di las 'byung bas ston pa'o// don dang tshig gi gleng gzhi ni// ji snyed sangs rgyas thams cad dang // bka' rgyud ma lus thams cad kyi// gleng brjod kun gyi gzhi yin pas// ma bcos don gyi gleng gzhi yin// bka' rgyud brjod bya thams cad kyi// 'byung ba'i rgyu dang gzhi nyid ni// phun sum tshogs pa'i bdag nyid de// gleng brjod 'byung phyir gleng gzhi nyid// rang byung snying po 'od gsal ba// rin chen bsam pa lhun chub rdzogs// rlung brjod ma lus kun 'char bas// gleng gzhi kun gyi ngo bor bshad// sangs rgyas kun gyi rang bzhin te// ma lus 'dus pa'i snying po bas// zhing khams mdzad pa ye shes dag/ gdul bya'i bsam pa'i tha dad pas// rin chen bzhi dang yon tan ltar// so so'i khyad par gang snang ba// tha dad snang ba yod ma yin// ma bcos snying po nyid la rdzogs
- 76b
rang byung rol pa rang snang la// rgyu 'bras zhen pa mi gnas pas// rang snang phun sum tshogs par bshad// snying po 'od ltar rdzogs pa yin// rgyu 'bras zhen pa'i tha dad dag rang bzhin bsam pa phyin ci log/ de dag gang ltar ci snang ba// khyad par rig pa rang snang yin// zhes gsungs so// nam mkha'i mtha' dang mnyam pa'i rgyud chen po las gleng gzhi bshad pa'i le'u ste nyi shu dgu pa'o// // de nas yang rang snang rol pa'i 'khor tshogs kyis// sems dpa' rdo rje la 'di skad ces gsol to// dus gsum rgyal ba thams cad kyi// sku gsung thugs kyi gter gyi dbyig/ rig pa'i bstan pa rdzogs pa'i bdag/ ma bcos rol par shar ba nyid// gzhi nyid ci phyir bshad pa ste// 'jug pa'i lam tshul ji lta bu// 'bras bu'i tshul ni ji ltar gnas// bdag cag rnams la legs par gsungs// zhes zhus so// de nas sems dpa' rdo rjes 'di skad ces bka' stsal to// 'dus pa'i tshogs chen de nyon cig/ gnas dang rtogs par bstan pa nyid// ma bcos sem kyi rang bzhin ni// rig pa 'od gsal stong pa nyid// sangs rgyas sems can gnyis med de// ma rig ye shes tha dad med// rang byung rig pa'i snying po nyid// 'od gsal
- 77a
lhun rdzogs rin chen la// rad snang rol pa'i 'od 'char ba// phyogs med 'dod pa kun gzhi ste// ma bcos gnyug ma'i rang bzhin ni// rig pa'i 'od gsal stong pa nyid// phyogs ris bral ba'i snying po ste// dbye zhing tha dad chos dang bral// mtha' bral nam mkha' rang bzhin ltar// rang byung rig pa mu mtha' med// nam mkha'i mtha' dang mnyam sbyor ba// sangs rgyas sems can kun gyi gnas// nam mkha' lta bur kun la khyab// ma lus kun gyi snying po ste// gsang ba'i rang bzhin mtha' dbus med// rang byung dri med snying po ltar// gzhi gzhag rang lugs gsal ba'i 'od// phyogs cha med par gsal bar 'phro// ma lus don gyi snying po la// brda dang thA snyad byin rlabs kyis// ma lus rig pa'i snying por bstim// de nyid stong pa'i snying po ste// rang byung bde ba'i byin rlabs can// bde ba chen po'i snying po 'di// spyi gtsug gsal ba'i yon tan ltar// ma btsal yon tan lhun rdzogs kyang // thabs dang rna brgyud gter chad pas// rang la rdzogs kyang mthong ba med// gnas pa don gyi gzhi rdzogs kyang // rig pa'i tshad ma ma skyes shing // rtogs pa don gyi gzhi med na// 'khor ba'i lam ltar thar mi 'gyur// rang byung gsal ba'i snying po 'di//
- 77b
ma lus khyab par gnas gyur pa// rna brgyad dgongs pas byin rlabs shing // rig pa'i tshad mas don mthong na// lung dang rig pa la sogs pa// brda dang tha snyad rnams mi dgos// rang gi mtshan nyid ma rtogs na// spyi yi mtshan nyid la zhen pa// nyams dang bral ba'i rna brgyud ltar// re dogs chad par ga la 'gyur// dri med snying po'i don rtogs nas// lhun grub phyogs ris med par gsal// ma bcos rang gzhag mthar phyin pa// rtogs pa don gyi gzhi zhes bshad// ma lus 'byung zhing 'du ba'i phyir// gzhi nyid legs par bshad pa yin// lam gyi rang bzhin bstan pa ni// don dang tshig gis phye ba ste// bstan bya don gyi snying po nyid// rang byung mi 'gyur tshad ma ste/ tshad ma kun gyi snying po nyid// ngo bo la sogs brgyad kyi don// ma bcos rang byung snying po ni// rang bzhin gcig tu gnas pa ste// rnam pa cis kyang ngos gzung med// mtshan nyid ye shes gsal ba ste// ngo bo mi 'gyur de bzhin nyid// skya dang bltos pa'i rgyu med pas// ma skyes 'jig pa ga la yod// rin chen yon tan ji bzhin du// yongs rdzogs gsal byed tshul gyis gnas// skyes pa'i rkyen dang bgrod pa dang // smin dang grub dang 'jig pa dang // rtags dang tha dad rkyen bral bas//
- 78a
rgyu rkyen rdo rje nyid la rdzogs// rgya mtsho 'du ba'i snying po ltar// bsdu dang gnas dang 'byung ba dang // rdzogs pa'i don nyid gang yin pa// de nyid nges pa'i tshig tu bshad// gzhi dang lam dang 'bras bu dang // gnas skabs so so gang yin pa// mtshon pa dpe yi tshul yin pas// gang ltar sbyar ba de dag nyid// rang byung snying po'i mtshan nyid ni// ci yang yin no rnam kun bcas// spong len dgag bsgrub la sogs pa'i// phyogs mtshams nges pa'i chos ma yin// rang byung snying po tshad bral yang // dag pa'i tshad dang gsal ba'i tshad// rol pa phra ba khyab pa'i tshad// tshad med pa nyid tshad yin no// thabs chen bya bral mkha' khyab sems// thabs dang gzhi dang 'bras bu ste// rig pa rtogs pa ye shes nyid// bya bral rdzogs pa'i lung yin no// don lam mtshon pa'i nyams myong ste// rnyog dang 'byed dang drangs pa ste// dus gsum nyid du bstan pa yin// tshogs dang nam mkha' rdo rje dang // 'gro 'dul thabs su bshad pa nyid// 'byed dang grol dang 'byin pa nyid// mos dang rtogs dang gdeng du gyur// brjod dang rtogs dang goms pa nyid// brjod dang rig pa chos nyid smra// brda dang grol dang gar gzhag pa/
- 78b
de nyid bde ba chen po'i sems// rang rig rtog pa bral ba'i sems// mtha' dbus re dogs zhen pa med// gang ltar gang yang 'gro 'ong med// ma bgrod rtogs pas dus gcig sa// phyogs ris med par rtogs pa'i sems// ma bcos don la 'jug pas lam// tshig lam rkyen gyis ma mtshon na// dgu rum sbas pa'i don mi gsal// brda dang dgongs pa'i gtan tshigs la// rna brgyud don dang 'brel pa'i tshig/ ma lus nges pa'i don du mtshon// de dag tshig lam don yin no// bgrod dang bskyed dang smin pa'i chos// btsal dang bsgrubs pa'i 'bras bu min// skye dang 'jig pa'i 'bras bu yin// thob bya gzhan ldan 'bras bu min// rang byung lhan rdzogs 'bras bu ni// rang nyid rol pa mtha' yas las// nyid las gzhan pa'i thob bya med// rin chen yongs rdzogs yon tan ltar// rang snang che ba rgyun mo 'chad// ces gsungs so// nam mkha'i mtha' dang mnyam pa'i rgyud chen po las/ rang byung ye shes rang shar bshad pa'i le'u ste sum cu pa'o// / / de nas yang rig pa rang snang rol pa'i 'khor tshogs kyis/ sems dpa' rdo rje la 'di skad ces gsol to// sangs rgyas kun gyi snying po che// 'khor lo
- 79a
sangs rgyas 'od 'bar sku// mi brjod rig pa snying po'i gsub// rang rig 'od gsal bde chen thugs// mgon po khyod la gsol ba ni// dgongs pa glong brdal ji ltar lags// man ngag zhal chems ji ltar sprugs// sel med glong dgu ji ltar lags// rang byung rol pa rang shar ba// mkha' la gza' skar ji ltar bkram// mkha' khyab sems lung spyi don lnga// de dag ji ltar brjod pa yin// phun sum tshogs pa ji ltar ba shad// bdag cag rnams la bshad du gsol// zhes gsol to// de nas bcom ldan 'das sems dpa' rdo rjes 'di skad ces bka' stsal to// 'dus pa'i tshogs chen de nyon cig/ ji ltar snang ba'i chos rnams dang // rig pa dran rtog sna tshogs dang // rgyal ba kun gyi dgongs pa nyid// tha dad med pa'i byang chub sems// ma lus chos rnams rang bzhin ni// ma bcos byang chub sems las shar// ma lus chos kun snying po ste// phyogs ris med pa nam mkha'i glong // rang bzhin grong brdal phyogs ris med// ma bcos don gyi snying po la// ji bzhin rig pa'i tshad ma yin// ma lus chu dang chu bur dang // rgya mtsho'i rba rlabs ri mo
- 79b
ltar// ji ltar snang yang rang la thug/ sna tshogs byung yang nyid du grol// phyogs su med par gang rtogs pa// rtogs pa glong brda la phyogs ris med// rtogs pa bar tshad med pa yis// phyogs med nam mkha'i rang bzhin la// phyogs kyi rten dang g.yogs med ltar// sna tshogs bye brag cha shas dang // dus gsum ltos pa bral ba'i yid// chu klung lta bur gcig tu gsal// ma lus 'dus pa'i snying po bas// gcig nyid kun gyi rang bzhin pas// dgongs pa glong brdal bshad pa'o// thabs chen ma bcos gsang ba'i don// gang zag blo yi khyad par nyid// 'phrul tshogs sgra yis gang brtags nas// bya ba sngon du bya ba kun// rim pa cho ga kun byas nas// mos dang blo yi rim pa bzhin// bcos ma'i rnal ma'i 'byor pa nyid// rna ba rgyud gsang ba'i gdams pa bzhin// gnas pa rtog nas bstan phyir sbyin// ma hA de ba'i gdams pa bzhin// rigs las rtogs bzhin du min// ji snyed brda don dgrol ba kun// 'khor ba rang sar grol ba'i phyir// gang du'ang bstan yang de nyid yin// man ngag zhal chems spyugs pa ste// klong dgu bstan pa spyi yi lung // bstan pa grong dgu'i ngo bo ni// lta ba phyogs ris med pa'i glong //
- 80a
spyod pa snang bkag med pa'i rgyan// ma bkod rol pa'i dkyil 'khor nyid// bkur thob med pa rdzogs pa'i glong // bsrung bral rig pa'i dam tshig nyid// bya btsal bral ba'i 'phrin las glong // sbyang bgrod med pa'i sa dang lam// sgrib pa med pa'i ye shes la// lhun grub 'bras bu rang bzhin gsal// rdzogs chen bstan pa ma lus pa'i// bka' rgyud spyi yi lde mig ste// de nyid byang chub sems su 'dus// ji snyed gang dang glang gsal ba// de dag 'di ru rdzogs par bstan// 'di ni rin chen glong dgus to// rdzogs chen bka' brgyud thams cad kyi// bsdus pa'i don du bstan pa yin// gzhan yang ma bcos snying po nyid// ma lus rdzogs pa'i rin po che// stong nyid snying por kun 'dus la// rnam pa'i rang bzhin bsam mi khyab// gzhi dang lam dang 'bras bu dang // sku dang gsung thugs rin po che// dkyil 'khor thig le che ba rnams// ji snyed rnam grangs spros pa rnams// brjod dang bstan pa'i rnam grangs kun// ma 'dres yongs rdzogs snying po ste// stong nyid ma bcos snying po las// rig pa sna tshogs rang shar ba// stong nyid nam mkha'i glong chen las// mkha' la gza' skar bkram pa
- 80b
bzhin// rdzogs chen bka' rgyud ma lus pa// bstan pa chad pa'i yan lag yin// bstan pa sems nyid rin po che// ma lus 'byung ba'i rgyu nyid ni// ma bcos sems nyid rang bzhin dang // rig pa sems kyi ngo bo dang // thugs rje brdal ba'i ngo bo nyid// ma bcos sems kyi rang bzhin ni// skye med chos sku'i mtshan nyid ni// ngo bo mtshan nyid lhun grub pa// gnyis med longs spyod rdzogs pa'i sku// thugs rje rnam pa lhun grub pa// sprul sku phyogs ris med par shar// de nyid rgyu dang 'brel pa dang 'bras bu rim pa ma yin par// de dag 'chad pa'i ston pa dang // rmad byung pho brang gnas nyid dang // rim par 'dus pa'i 'khor tshogs dang // bstan pa bshad pa'i dus dang ni// ma nor sdud par 'dzin pa dang // bstan pa'i khyad par 'tsham pa bzhin// rang byung phun sum tshogs pa ste// rnam pa bco brgyad bstan pa nyid// rig pa rang snang rol pa yin// de dag phun sum tshogs pas bshad// lung gi spyi nyid yin pa'i phyir// spyi don lnga yis bshad pa ni// lo rgyus don dang rtsa ba dang // yo ga'i don dang dgos ched dang // tshig gi don dang bstan pa'o// ston pa chos sku'i rang bzhin nyid// dus gsum rgyal ba'i dgongs pa'i rgyud// nyid la nyid snang don de nyid/ byin
- 81a
gyis brlabs kyis bshad pa yin// dgongs pas bshad pa'i don da la// ting 'dzin rig pa'i gdeng gI go/ rang bzhag ma bcos don gyi tshig/ rang gi ngo bos bshad pa'o// dman pa skal zhan gang zag la// rna brgyud gsang ba'i 'phrul tshig gis// 'grel brjod brda yi tshig gis bstan// brjod pa'i tshig gis bshad pa/ yin// ji snyed chos rnams thams cad kun// ma lus 'dus pa'i snying po nyid// gcig nyid kun gyi rang bzhin te// lhag ma med par yongs su rdzogs// rgya mtsho 'dus pa'i snying po ltar// theg pa'i khyad par thams cad kun// 'di las 'byung zhing 'dir 'dus pas// sems nyid rdzogs pa'i theg pa yin// ma bcos sems kyi rang bzhin la/ brda dang tha snyad kun 'das kyang // de nyid nges par rtogs bya'i phyir// rdzogs chen bstan pa bkod pa yin// de dag tshig gi lde mig gis// rin chen mdzod kyi sgo phye la// ma nor don de bstan pa'i phyir// tshig gi don ni bkod pa yin// ma nor don gyi snying po nyid// rna ba rgyud 'phrul gyi lde mig 'di// ma lus kun gyi gsang ba ste// dgu ru ma sbas pa'i gter yin pas// skal ngan las kyi bsgribs pa la// ma nor sems kyi gter bstan pas// sbrel ma g.yang du 'grel ba bzhin// lhung nas thar pa'i rigs dang bral/
- 81b
zhes gsungs so// nam mkha'i mtha' dang mnyam pa'i rgyud chen po las/ bshad pa lde mig gi le'u ste so gcig pa'o// // de nas yang sems dpa' rdo rje dam pa la/ 'dus pa'i tshogs kyis 'di skad ces gsol to// dus gsum rgyal ba thams cad kyis// gsang ba'i 'khor lo rig pa'i gter// ma lus rang snang 'khor lor sgrogs// mgon po khyod la gsol ba ni// ngo bo nyid ni ji ltar lags// de dag rkyen du ji ltar 'gyur// mtshon pa'i thabs su gang zhig 'gyur// lam gyi ngo bo ji lta bu// dpe yis mtshon par ji ltar rung // bdag cag rnams la bshad du gsol// zhes gsol to// 6de nas sems dpa' rdo rjes 'di skad ces bka' stsal to// 'dus pa'i tshogs ni da nyon cig/ byang chub sems dpa'i ngo bo ni// ma lus 'dus pa'i snying po ste// ro gcig rnam pa brjod las 'das// ma 'phros nyi zla'i dkyil 'khor ltar// sna tshogs rang gi don la rdzogs// sgro 'dogs skur 'debs gdod nas stong // ma lus rdo rje'i snying po ste// de nyid lhun grub gsum gyi ngang // ma bcos sku gsum lhun gyis grub// rin chen 'bar ba'i gling bzhin du// mthong dang ma mthong 'gyur med ltar// gsang ba'i rang bzhin 'gyur ba med/ blo dang rgyu rkyen byed pa po//
- 82a
gdod nas med pas lhun gyis grub// ma lus rig pa snying po'i gsung // thams cad sbal ba nyid kyi sgra// ma lus chos kun rang bzhin ni// rang bzhin gnas pa'i ngo bor rdzogs// gang du rkyen bshad pa nyid ni// phyi dang nang gi mthar phyir rkyen// yon tan kun ldan bla ma nyid// gsal bar byed pa'i rkyen yin te// de dag bral ba'i gang zag ni// rna ba rgyud bral ba'i gter bzhin no// rang gnas gnyug ma'i rkyen med na// gter khyim stong par zhugs pa ltar// nam mkha'i mtha' thug bar du ni// thar pa'i snying po don dang bral// gang la gang gi thabs bstan pas// snang srid ji ltar snang ba kun// gsal ba'i me long nyid 'gyur te// gang la bltas kyang de nyid mthong // thabs dang ldan pa'i rnal 'byor la// snang srid sgron mar rang 'char te// brda dang bral ba'i rnal 'byor la// ye shes 'char nub med par gnas// rang rkyen rang la grol ba ni// chu yi gnyer ma lta bu ste// ma lus snang yang ro gcig pas// dbang po'i khyad par ji bzhin du// gsal byed thabs dang mi ldan na// 'du ba 'khrugs pa'i skyes bu ltar// bdag nyid sdug bsngal thar mi 'gyur// brgyud dang mngon sum khyad par gyis// bcos ma'i
- 82b
rnal ma'i sgo nas bstan// 'phen pa dang po'i dus na rtogs// 'phen pa gsum yang shes par bya// bya ba btang ba'i dus nyid dang // rdzogs pa thug phrad pa nyid dang // dbang po thugs phrad 'bar ba dang // rmad byung sku gsum las rdzogs pa// mngon du gsal ba'i thabs tshon yin// theg pa'i khyad par las byung ba'i// bcos mas mtshon pa gang yang rung // ma rtogs bcos pa'i thabs bstan la// rtogs pas rol pa rang snang nyid// ji snyed bcos ma'ang gsum nyid de// rtogs pas rtog pa bcos pa dang // ye shes sgyu mas bcos pa dang // bde chen sgyu mas bcos pa'o// thabs sbyor bcos ma'i sgo dag ni// lnga gnyis gsum gyis tshul bstan pa// phyi nang gnas pa'i mar me ni// bstan nas khyab pa'i rnal 'byor to// yul sems bral ba'i de bzhin nyid// rang la nyams dang rjes mthun pa'i// dngos po gang la gsal skye ba// dmigs pa spong ba'i man ngag ste// rang byung stong pa'i glong du grol// spyod lam gang la gang rig pa// phyi nang 'dres pa'i rnal 'byor te// ma bcos so mar gang gzhag pa// mi g.yo brtan pa'i rnal 'byor gnas// rang byung snyan pa'i ma brjod sgra// rang la mnyan pas rang gis thos// dus gsum rig pa
- 83a
brtan gyur nas// tha ma snying po'i ngang du grol// dang po phyogs ris med pa la// dbang po bsgrims pas gang bltas pa// ma mthong rdo rje snying po nyid// 'du 'phro med pa'i dbyings la gnas// rnam par g.yang ba'i gang zag la// rig pa bsgrims pa'i man ngag bstan// rtse gcig goms par brtan gyur na// rang byung glod pas grol bar 'gyur// nyams kyi rig pa gar skyes pa// myong dang snang dang 'dres pa dang // rig pa rdzogs pa mi g.yo ba// mi 'da' phyag rgya'i man ngag yin// dang po skyes nas nyams su myong // goms pas de nyid rtogs zhe na log/ ma btsal lhug pa'i ngang du gnas// bde ba chen po bar chad med// rgyu ba nang du bcad pa yis// rtogs spyod med pa ye shes nyid// gom pas phyi nang med pa yi// rang byung bde ba gsal bar 'gyur// dbang po thog med man ngag ni// rten nam rten med btsal med pa'i// dbang po phyogs med gsal bar gnas// ma bsam gzhag pas grol bar 'gyur// btsal bral zin dang ma zin par// rang byung rig pa shes pa ni// dus tshod 'dzin pa'i man ngag ste// de nyid ma yangs gsal bar gnas// mi g.yo chu yi rang bzhin la// dbang po dal bar yan gzhag pas// lteng chu lta bu'i man ngag ste// ma btsal rig pa dbyings
- 83b
las grol// thig le shum las brten pa gnyis// phyi nang rten dang bral ba yis// ma lus shes shing brda phrad nas// 'bab chu'am mar me ji bzhin no// ma bcos rig pa don gyi lam// ma lus ro gcig snying po ltar// ma lus ting 'dzin 'bum phrag yas// dran rtog ma lus gcig tu 'khyil// ma lus bde chen snying po bas/ dbang po yan gzhag ye shes gsal// thig le chen por kun 'dus pas// mi bgrod mi sbyong rtogs pas phyin// rtogs pas ma bcos sangs rgyas sa// lam gyi dpe bdun yan lag gis// de ltar phyogs ris med pa dang // ting 'dzin ma bsgoms gsal ba dang // de dag yon tan lhun rdzogs dang // de dag brtan pa'i gdeng nyid dang // rtogs pas ma bgrod phyin pa dang // thams cad ma 'dres yongs rdzogs pas// mtha' bral gcig tu gnas pa ste// bdun gyi lam nyid dpe nyid bstan pa yin// zhes gsungs so// nam mkha'i mtha' dang mnyam pa'i rgyud chen po las/ rin chen gzung zhing brten pa'i le'u ste so gnyis pa'o// // de nas yang sems dpa' rdo rje la/ rang snang rol pa'i tshogs kyis 'di skad ces gsol to// rang byung nyi ma 'od kyi bdag/ rang
- 84a
byung lhun rdzogs rin po che// thabs mkhas thugs rje bsam mi khyab// mgon po khyod la gsol ba ni// thig le zlum po ji ltar lags// nyon mongs lam zhes ji ltar rigs// mdzod dgu zhes ni ji ltar bgyi// bdag la legs par bstan du gsol// zhes gsol to// 'dus pa'i tsho gas chen da nyon cig/ thig la ma 'phros zlum po'i don// de nyid gsum du bstan pa ste// ma bcos khyab pa'i thig le dang // mtshan ma brda yi thig le dang // rtog pa don gyi thig le nyid// snying po dang la khyad par med// gdod nas snying po rang bzhin gcig/ ma bcos thig le rdzogs pa nyid// rig pa khong stong nang na gnas// ji snyed chos rnams ma lus pa// de las byung zhing der 'dus pas// phyogs ris med par brdal ba nyid// bzlums dang cha shas med pa dang // khong stong pa dang kun brdal dang // 'phro zhing 'dus pas thig le ste// nam mkha' rgyas pa'i mtha' bzhin du// ma lus khyab pa chen por gnas// ma lus gnas pa'i snying po'i don// sgro skur 'das pa'i tshad ma ni// sangs rgyas kun gyi thugs nyid pas// dgu rum sbas pa'i don de nyid// mtshan ma rdo yi thig le yis// thams cad
- 84b
rang byung snying por mtshon// rat+na maN+Dal zlum po la// dang po khong chos nyid de// rtsa ba med pa'i snying por bstan// de las 'od du gang 'phros pa// dkyil 'khor 'dod pa lnga rnams dang // chags sdung sna tshogs gang ldan pa// tha ma med pa'i thog mar ldog/ rtsa ba dang bral rtse mo nyid// rang gi ngo bo de bzhin te// snying po'i don las dbye ba med// snang srid thig le der chud pas// thig le chen por rgyas btab pa'o// mtshon pa brda yi thig la ste// rig pa'i tshad ma'ang snying po 'di// bskal pa'i srid pa 'khrugs gyur kyang // dman par rigs min gang zag la// rna brgyud gsang ba bstan byas na// bar mtshams med pa'i mgyogs 'gro ltar// na rag rdo rje gnas su lhung // skal ldan las kyis 'phrad pa la// thabs dang gsang ba'i don shugs kyis// gsal ba'i 'od dang rin chen ltar// snang srid bde ba chen por sbar// re dogs gnyis kyi yul las 'das// bgrod rtsol rgyu 'bras lam dang bral// rtogs pazhi thig le kun chub pas// snying po don la gra zur dang // phyogs mtshams rigs bcad yul las 'das// ji snyed dran rig myong tshor chos// rang byung rang grol rang zhi ba// rgya mtsho chen po chu bur ltar// ma btsal rang
- 85a
byung pha rol phyin// sangs rgyas sems can gnyis med pas// 'dod sems bgrod rtsol med par gnas// 'di na snying po'i lam yin pas// btsal pa med par don kun rdzogs// kun gyis spangs pa'i chags sdang lnga// bcings shing sdug bsngal ngan 'gro'i lam// reg pas sdug bsngal skye ba'i dgu// thun mong kun la grags pa nyid// rna ba rgyud par chad med pa yi// rin chen thugs kyi bdud rtsi yis// skal ldan gang la des phog na// rin chen 'bar ba'i gling mthong ltar// phyin chad nyon mongs gang byung ba// ma bcos snying po'i ngang du mthong // ma lus snying po stong nyid la// dang po de las byung ba dang // de ltar de la gnas pa dang // tha ma de nyid rang grol ba// nyon mongs snying po lam du gsungs// gang du ma bcos snying po'i don// 'dod pa 'byung dang don rdzogs shing // zad pa med pas gter mdzod de// gdul bya grangs la dga' ba la// che ba'i yon tan dgur bstan te// glong dgus rtogs pa'i yul du bstan// che ba'i yon tan bsam yas pas// mdzod kyi grangs la mthar thug med// rig pa'i snying po gcig tu 'khyil// zhes gsungs so// nam mkha'i mtha' dang mnyam pa'i rgyud chen po las//
- 85b
mdzod dgu rin chen gter bshad pa'i le'u ste so gsum pa'o// // de nas yang sems dpa' rdo rje dam pa la/ rang snang rig pa'i 'khor tshogs kyis 'di skad ces gsol to// rol pa'i 'khor lo gsum gyi bdag/ 'dod pa'i don 'byung phyogs ris med// rmad byung sku gsung thugs kyi mchog/ mgon po khyod la gsol ba ni// rin chen dbyig ni ji ltar lags// gdod nas snying por gcig pa la// bla ma man ngag ci zhig la// de yi brtag pa dgos ched ci// snying po rang bzhin dpe bral la// dpe yis mtshon du ji ltar lags// re dogs med pa'i rang bzhin la// skal med ltung ba ji ltar lags// bdag cag rnams la bshad du gsol// zhes gsol to// de nas sems dpa' rdo rjes 'di skad ces gsungs so// 'dus pa chen po de nyon cig/ rang byung sems nyid rin po che// rgyu rkyen 'das pa'i snying po la// ma lus yon tan lhun grub pas// rang sems rin chen dbyig cig brjod// rin chen gzi 'phrog khong seng ltar// skal dang mos pa'i khyad par gyis// sna tshogs par med shugs kyis 'grub// rig pa rang snang yon tan no// rigs drug ma lus thams cad la// ro yi tshul du khyab
- 86a
gnas kyang // ma rtogs rnam pa'i rjes 'brangs ltar// gnas pa gsum gyi rang bzhin la// skal med 'phrul tshig mi ldan pas// sdug bsngal 'khor ba'i ngo bor smin// de nyid snying por bstan pa'i phyir// rna brgyud yon tan kun ldan pa'i// bla ma slob dpon dam pa brten// dam pa'i rang bzhin mi ldan zhing // bskal ba 'khrugs par don byas kyang // long bas rigs ngan grol ba'i phyir// rgyal sar gzhag bzhin mi 'grub pas// bla ma dman dang dam pa nyid// me nor brtag pa shin tu gces// dam pa ma yin gang brten pas// ljongs pas lam sna drangs pa ltar// ltung zhing thar pa'i rigs dang bral// rang byung snying po thams cad don// phyogs dang ris kyi mi mtshon yang // dman pa'i tshig gis drangs pa'i phyir// mtshon pa dpe yi tshul gyis bstan// byang chub sems kyi rang bzhin ni// phyogs ris med par rang snang bas// ma bcos rtogs pa'i rnal 'byor la// re dogs 'jigs pa mi gnas kyang // ma rtogs 'khrul pa'i gang zag la// zhen pa'i bsgribs g.yogs rags pa yis// chu dang nor bu 'phrad pa'am// 'bras dang thag pas 'khrul pa ltar// ma grub don la zhen pa yis//
- 86b
log par spyod pa ltung bar 'gyur// zhes gsungs so// nam mkha'i mtha' dang mnyam pa'i rgyud chen po las/ rig pa mtshon pa'i dpe don bshad pa'i le'u ste sum cu bzhi pa'o// // de nas sems dpa' rdo rje la/ rang snang rol pa'i 'kho tshogs kyis 'di skad ces gsol to// rgyal ba kun gyi gter 'dzin pas// gsang ba'i 'khor lo 'bar ba'i sku// byams mgon lhun grub bya btsal med// mgon po khyod la gsol ba ni// bla ma nyid la dmigs pa ci// thab de gang gis rtogs par 'gyur// gsol gdab gnang ba'i dus tshod ci// mi ljon skyon yon gang las 'byung // mgon pos bdag la bshad du gsol// zhes gsol to// de nas de bzhin gshegs pa thams cad kyi rang bzhin gyi byin gyis brlabs kyis/ sems dpa' rdo rjes 'di skad ces bka' stsal to// 'dus pa'i tshogs chen da nyon cig/ dus gsum rgyal ba thams cad kyi// dgongs pa'i gter 'chang rdo rje 'dzin// ma lus don du gnyer gzigs pa// 'dod pa'i don kun rdzogs pa'i bdag/ yon tan kun ldan bla ma la// rtag tu yid kyis dmigs pa dag/ las dang nyon mongs lta ba dang // shes bya'i
- 87a
sgrib pa ji snyed pa// bla ma rin chen gnang ba des// gzigs pas mun pa sel ba dang // mgyogs pas snang bas rgyas par khebs// bskal pa'i mtha' ma rab sbyangs shing // pha ma bu dang bran dang spun// nor bu sa gzhi gru yi sems// 'bab chu dge slong rgya che'i don// sngon du bya ba kun byas shing // lus dang srog dang chung ma dang // rin chen bdun gyis mnyes byas la// snying po man ngag 'jug pa'i tshe// sbyang ba'i cho ga rgya cher bya// dang por sgo brgyad ldan pa'i khri// mdzes shing 'jam pa'i sbyar bzhugs la// maN+Dal rin chen bdun las byas// rin chen sil ma'i me tog can// dgu 'am bdun nam lnga phul nas// tshogs kyi rdo rje mkha' 'gro'i tshogs// mnyes nas rin chen sbubs bcas te// lus sems gus pas me tog dag phul te gsol ba gdab par bya// bla ma sangs rgyas de yis kyang // zhen chags tha ma la sems spangs nas// snying rje'i bsam pas gnang ba sbyin// dam tshig dbang bskur cho ga spyad// de nas tha mal zhen pa bzlog/ rang rang zhen pa bsal ba'i phyir// rna ba rgyud sbubs kyi byin gyis brlabs// dang por chu
- 87b
gzar thig pa yis// 'jig rten rtag pa'i zhen pa bzlog/ nyams myong gnad dang mi gtsang bas// zhen chags can gyi 'du shes bzlog/ snying po med pa'i man ngag gis// snang ba bzlog pa'i cho ga bya// de ltar lta ba'i shes rab dag/ stong pa'i glong du dbugs phyung ste// bdag gzhan 'du shes kun bral ba'i// spros pa kun bral bsam gtan bya// tha mal zhen pa bcad pa yi// rang snang phyag rgyas gang ba yin// rang sems chu yi lbu ba ltar// ye shes phyag rgyas gdab par bya// rin chen sbyangs pa'i cho ga ltar// gdod nas rang snang phyag rgya nyid// gling bzhi rgyal po dmigs sprad ltar// gzhan las ma yin rang snang nyid// rin chen 'bar ba'i khong seng du// pad+ma'i snying po kha sbyor bzhi// thig le k+ShuM dang baM gyis brgyan// thabs kyis lam gsum rkyen bcas pas// nyi mas bcud la phog pa ltar// thig le bcud kyis gang byas pas// thig le'i rtags ni 'byung bar 'gyur// rang brgyud ye shes snang bar bsgrubs// de nyid bde ba chen por smin// de nyid mtha' bral chen por bstan// phyi dang nang dang sems nyid kyis// 'phan pa dang ni sdud pa dang // gnas dang bstan dang sbyang ba dang // brtag dang bgrang dang nam mkhar 'phang // rgyu ba rlung
- 88a
gi man ngag gis// mchog dang dman pa la sogs pa'i// nus pa bstan pas des 'grub ste// 'brel dang bar chad bsal ba dang // mthar phyin mchog ga rgyas par bya// gang la gang gis 'dul ba yi// gang de de nyid bstan pa'i phyir// gang du shes rab 'di 'ong ba// sangs rgyas kun gyi gzhal yas khang // thabs kyis dga' mgur blo bsgyur te// bsnyen pa nus ldan tshad rdzogs nas// a nyid rgyas par zla rgyas bzhin// de nas pa nyid rgyas pa ni// de nyid ra yi rkyen yin pas// tha mal zhen pas yis gsal// dza hUM baM ho'i sbyor ba yis// 'phen dang sdud pa'i rtags 'byung ste// snang ba rim nas rim bsdus te// 'phen pa zad pa'i skabs nyid dam// sdud pa hUM gis mngon par shes// khyab pa'i a yis gang ba dang // ma lus snang ba bsgyur snang na// kha dog 'gyur dang mi bstan nas// rten med a la gnas par bya// ma lus bde chen mi rtog pa// mi gnas stong pa'i mya ngan 'das// de nas ma bcos stobs kyis 'jug/ phyogs ris med pa'i mngon shes brten// rgyu ba dngas pa'i cho ga bya// shes pa nam mkha'i dbyings su bsre// rnyog pa bral ba'i rgyun gyis 'jug thams cad mi bcos snying po la//
- 88b
'khor dang mya ngan 'das med do// thig le chen po'i rang bzhin yang // thabs dang bral ba'i rgyal po ltar// rna brgyud man ngag bral ba'i mthus// ma rtogs zhen pas ltung ba dang // de nyid rtogs pas pha rol phyin// co rong ye shes snying por mthong // sdug bsngal bde ba chen por gnas// zhes gsungs so// nam mkha'i mtha' dang mnyam pa'i rgyud chen po las shes bya thabs kyis gtan la phab pas nam mkhar thim pa'i le'u stesum cu lnga pa'o// // de nas yang sems dpa' rdo rje la/ rang snang rig pa'i 'khor gyis 'di skad ces gsol to// rgyal ba kun gyis gsang ba'i bdag/ byang chub snying po ji bzhin gsal// tshig la dbang sgyur gsang ba'i mdzod// mgon po khyod la gsol ba ni// gnyis med gcig ni ji ltar lta// mtshan ma'i tha snyad ji ltar bral// rig pa'i gdeng zhes gang la bgyi// legs par bdag la bshad du gsol// zhes gsol to// de nas sems dpa' rdo rje dam pa des 'di skad ces bka' stsal to// 'dus pa'i tshogs chen de nyon cig/ byang chub snying po'i rang bzhin du// mi mthun gnyen po'i chos med de// rang la rang snang de khyad med// rang snang rig pa'i 'khor lo la// ma
- 89a
lus rdzogs pa'i ngo bo bas// rnam pa'i khyad par ci yang snang // gnyis med rig pa gcig tu gnas// rang bzhin gnyis med nyid du bshad/ thams cad rang byung snying po nyid// rol pa ma 'dres lhun grub pa// ji bzhin don du dbyer med kyang // thabs dang brgyud pa'i man ngag gis// snod dang ldan pa'i skyes bu la/ mngon sum rig pa'i tshad mas bstan// phyogs ris med pa'i ngo bor gsal// snying po rig pa'i glong du gsal// rtogs pa gnyis su med pa yin// ji snyed chos rnams thams cad kun// re dogs chad par rang gsal bas// dran rtogs snang grags ma lus pa// ting 'dzin yan lag rgya mtshor gsal// mkha' la rol pa rgyan snang ltar// re dogs phyogs ris yongs kyi med// goms pa gnyis su med pa yin// ma lus rdzogs pa'i snying po nyid// chos kun ngo bor rang shar bas// ma lus ye shes glong brdal bas// thams cad mthar phyin ye shes nyid// dngos po thig ler gsal ba la// 'phro 'du phyogs ris med pas te// ye shes rgya mtsho mthar thug med// gdod nas thig le'i ngo bo la// ji snyed thams cad kun 'dus pas// phyi nang rgyu 'bras gzung 'dzin dang // zin chags rtsol smra ba la sogs pa'i//
- 89b
sna grangs pa yi chos rnams kun// ngo bo rtogs dang goms pa dang // mthar phyin gnyis med rang bzhin no// ji snyed rang rang tha mal pa'i// phyi nang ji snyed gnas pa ni// skye mched drug ste lha mor brtag/ dngos po gcig la gang rdzogs pa// tha mal zhen pa bzlog phyir te// dkyil 'khor drug po'i rang bzhin gyis// rang sems ma skyes ngang du bstan// de nyid bde ba chen po ste// rang rgyud rgyu 'bras bltos pa dang // phyi nang mtshan ma'i yul las 'das// mnyam pa'i don gyi snying po lo// re dogs mtshan ma'i yul las 'das// dus ngan las kyi skyigs ma la// tshig gau gdeng la zhen pa dang // mtshan ma'i don la rtog pa dang // 'dod pa lnga la mtshan ma yis// bsgyur te bde bar zhen pa yis// ma bcos snying ma'i don bor nas// mtshan ma'i dga' bde gtsor gzung nas// rdo la gsar du zhen pa ltar// rang rtags log pa'i rnal 'byor gyis// bskal pa nam mkha'i mtha' gtugs par// bsgoms kyang 'bras bu mi 'byung ste// bde ba chen po'i don dang bral// thog ma med pa'i zhen pa dag/ thun mong thun mong ma yin pa'i// ji nang ji snyed gnas pa rnams// gnas skabs yul la gcig tu rdzogs// rtags pas
- 90a
yul shes kun bral ba'i// stong nyid 'od gsal mngon du mthong // de las byung ba'i rol pa ni// rgya mtsho chu yi ri mo ltar// skad cig tsam gyis gsal gyur te// thams cad re dogs med par shes// ma bcos don gyi gdeng yin te// skal ldan rnams kyis shes par bya// ji snyed sangs rgyas thams cad kyis// sku gsung thugs kyi bdud rtsi'i rgyun// rgyal ba rgya mtsho rtogs pa'i don// thugs rje byin rlabs dgongs pa yis// rgyal sras gsang ba'i rnal 'byor la// thabs dang rig pa'i mngon sum mam// rna brgyud 'brel pas mngon ston pa// rgyud pa thabs kyi gdeng du bshad// ma bcos don gyi gdeng med par// rang rang zhen pa'i rtogs spyod kyis// rang lta ya rabs mthor ston nas// 'dod snga'i chos la bab chol spyod// kun kyang log pa'i don bltas nas/ rdo rje khab tu ltung bar 'gyur// zhes gsungs so// nam mkha'i mtha' dang mnyam pa'i rgyud chen po las/ rig pa rang gsal don gyis bshad pa'i le'u ste sum cu drug pa'o// // de nas yang sems dpa' rdo rje la/ rang snang rig pa'i 'khor gyis 'di skad ces gsol to// kye ma'o sangs rgyas thams
- 90b
cad kyi// rang snang byin rlabs ya mtshan che// sna tshogs gnyis med gnas pa la// 'khrul rtog sna tshogs rkyen gyis bslad// gang phyir bsgribs dang 'khrul pa ste// de dag thabs dang rnal 'byor gang // khyad par ji ltar rtogs pa yis// ma bcos don la ji ltar 'jug/ 'di dag legs par bshad du gsol// zhes gsol to// de nas sems dpa' rdo rje dam pa des 'di skad ces bka' stsal to// 'dus pa'i tshogs chen de nyon cig/ chos rnams kun gyi rang bzhin nyid// ma lus kun 'dus snying po ste// gcig nyid kun gyi rang bzhin pas// lhag ma med par yongs su rdzogs// de yang rang rkyen bzlogs dang // rna ba rgyud bdud rtsi don bral bas// phyogs 'dzin log pa'i 'du shes kyis// ma bcos snying po bsgrubs shing 'khrul// lha spyod log pa'i nga rgyal gyis// bskal pa bye ba brgya phrag tu// long bas lam du zhugs pa ltar// 'dod pa'i don dang 'phrad mi 'gyur// ma bcos rtogs pa'i don med na// thun mong rtog spyod bsam gtan dang // lha dang bde ba'i ting 'dzin gyis// ma bcos rtogs par mi 'gyur te// 'khor bar nyid du ltung bar 'gyur// ji ltar chu rlabs 'khrig pa dag
- 91a
rkyen gyis gang ltar shar ba nyid// sna tshogs chu yi rang bzhin ltar// bcos ma'i don kyang de bzhin no// 'jig rten log pa la sogs pa'i// theg pa sna tshogs bsam gtan dag/ rang rang tshul gyis goms byas te// rig pa phyogs ris med par bstan// 'dis ni nam mkha'i mtha' thug pa// rdo rje 'od gsal nyid du 'gyur// mi rtag phyi nang thams cad dang // sdug bsngal na ba'i rgyun la sogs// phyi nang bdag med stong pa'i sems// so so'i cha shas dmigs bral bras// 'jig rten zhen pa dus gcig zlog/ dman pas mi gtsang rna la 'byor dang // srog dang rlung gis brtag pa dang // bdag nyid dmigs pa bsgoms pa yis// rim pas 'gog pa'i dka' thub kyis// 'phags pa'i lam la sbyor ba byed// yid brtan 'dzin pa bzlog pa dang // zhen pa spang phyir bstan pa nyid// srid pa'i 'khor lo thog mtha' med// de nyid rten cing 'brel 'byung ste// 'khor lo rim gsum snying po med// 'byung dang rtog dang ma rig 'gog/ 'gog pa'i stong pa mngon/ du byed// rkyen gyis phyi nang rtogs goms nas// zag pa zad pas cho 'phrul 'grub// phyi nang ma lus thams cad kun// kun rdzogs nus pa'i khyad par nyid//
- 91b
cha shas bral ba'i nam mkha' ste// phyi nang bar du mngon brtags pas// nam mkha'i rnal 'byor grub pa yis// lta spyod goms pa'i lam gyis tshe la// kha cig rig pa'i rang bzhin nyid// rang snang mi snang 'du shes med// blo yi sbyor ba zad pa yi// dag pa'i nyams myong snying por 'dod// kha cig sgyu ma brag cha ltar// sgo gsum goms pa'i rang bzhin gyis// ma lus kun kyang de bzhin te// 'bras bu ye shes sgyu mar gsal// bden dang brdzun pa'i mtha' chod nas// rig pa spros bral mi gnas pa// gang yang mi gnas pa yi don// ma skyes stong pa'i rang bzhin no// tha mo la sgo gsum bsgyur ba'i phyir// rigs gsum dkyil 'khor sku gsung thugs// tha mal 'joms byed rdo rje ste// bdag dang gzhan phan de bzhin gshegs// dpal ldan skyon bral pad+ma'i mchog/ ma lus rigs gsum goms pa yis// rang 'dod 'bras bu mthar phyin thob// gang du gnyis ka'i mthar 'dzin pa// de kho na nyid gzhi dag gis// snang srid goms pa'i dbang blo ba ste// sku dang gsung thugs bzlas brjod kyis// gtsang ma'i rigs 'dzin gral thob nas// rdo rje 'dzin pa'i ltung ba dang // rtsol ba'i chu bos g.yengs pa yi// re dogs 'dzin pa dag mi 'gyur//
- 92a
zhes gsungs so// nam mkha'i mtha' dang mnyam pa'i rgyud chen po las/ bcos ma'i dbang bshad pa'i le'u ste sum cu bdun pa'o// / / de nas yang sems dpa' rdo rje dam pa la/ rang snang rig pa'i 'khor tshogs kyis 'di skad ces gsol to// dus gsum rgyal ba thams cad kyi// rang byung phun sum tshogs pa'i bdag/ rang gsal rol pa kun la gsal// bstan pa ma lus 'byung ba'i gzhi// mgon po khyod la gsol ba ni// phun sum tshogs pa gang las byung // ngo bo dgos pa ci las gyur// de nyid rtogs pa ji lta bu// skyes bu chen pos bshad du gsol// de nas sems dpa' rdo rjes 'di skad ces bka' stsal to// rang byung ye shes byang chub sems// ji snyed phun sum tshogs pa dang // rgyu dang gsung thugs zhing khams dang // che ba'i mdzad pa ma lus pa// kun rdzogs yid bzhin nor bu ste// 'phel 'grib med pa'i rin chen dbyig/ bstan pa'i theg pa ma lus pa// ma lus 'char gzhi snying po nyid// rang byung snying po stong pa'i lung // rtsa ba bral ba'i yan lag ltar// ma lus kun gyi ngo bo yin// lung dang rig pa'i tshed ma yis//
- 92b
kun gyi snying po 'di rtogs na// phun sum tshogs pa ma lus pa// rig pa gcig tu gtan la phebs// gzhi rtsa med pa'i snying po nyid// ma bcos rol pa bde ba nyid// rang byung thugs rje ngo bo nyid// sku gsum phun sum tshogs pa ste// ngo bo rang byung ye shes nyid// 'dod pa'i don snang dngos po med// gnas dang ston pa 'khor dang dus// sdud dang bstan pa rang bzhin nyid// sku gsum so sor dbye ba ste// de dag che chung khyad par gyis// rang rang so sor phye ba yis// theg pa'i rim par snang ba ni// der yang phun sum tshogs pa ste// nam mkha'i dbyings kyi mtha' klas par// phun sum tshogs pa gang ba ste// rang byung snying po thog mtha' med// sangs rgyas kun gyi rang bzhin nyid// thog ma tha ma'i dus med par// gdul bya spro ba bskyed pa'i phyir// phun sum tshogs pa nyid du gnas// gdul bya las kyi khyad par gyis// rim pa dag tu gang snang yang // nam mkha'i rgyan ltar gnas pa yin// 'di dag dbang po'i khyad par ltar// rang byung byin gyis brlabs shugs dang // dbang po rab 'bring khyad par dang // gdul bya'i nus pa stobs thabs dang // rang byung rol pa'i rang snang ba// phye ba'i khyad par bstan phyir yin/ khyogs/
- 93a
bcu nam mkha'i mtha' klas pa'i// gdul bya'i bsam pa bskang ba dang // rang byung che ba bstan pa'i phyir// rgyal ba'i zhing khams thams cad du// ma 'dres mdzes pa'i me tog ltar// rang byung che ba'i yon tan snang // rang byung rig pa'i rgyal po nyid// gang la gang snang de dag nyid// gdul bya'i thabs ni mtha' yas par// 'gro ba dman pa'i ched du bstan// de dag ma lus snying po nyid// nam mkha'i mtha' dang mnyam pa yi// rol pa snying por bstan pa'i mchog/ sangs rgyas kun gyi sku gsung thugs// bstan pa 'di nyid zhugs pa yi// 'di dag rdo rje 'dzin pa yis// phyogs bcu nam mkha'i 'jig rten khams// rdul snyed grangs la 'das pa nyid// sangs rgyas nyid du mngon snang nas// skal ldan snying la 'jug par mdzad// de tshe 'khor ni ji snyed pa// kun kyang rang gi yid la 'jug/ 'das dang da ltar ma byon pa'i// snying po bsam mi khyab pa'i dus// mngon du bstan pa tshad mas rtogs// re dogs spyod pa chad pa'i dus// thog ma tha ma med pa'i gnas// dngos dang dngos med kun spangs pa'i// rang byung snying po gsang ba'i don// rig pa phyogs bral rtogs pa'i gnas// don
- 93b
gyi dbus chen mtha' dbus med// ma bcos gnas su rtogs pas phyin// skal ldan rnal 'byor rtogs pa yis// theg pa'i khyad par ji snyed pa// shes rab chen po skad cig la// chos rnams ro gcig bsdus pa'i bdag/ dbang po nus stobs ldan pa la// ji snyed dran rtogs rgyu ba kun// zag med snying po'i bstan pa ste// nam mkha'i mtha' dang mnyam pa'i rgyud// rang byung rtogs pa'i snying po nyid// sangs rgyas kun gyi gsang ba'i lung // 'phrul tshig rdo rje lu gu brgyud// gsang ba'i rig pa'i kha sbyor te// phyi lta nang lta sems su sbyor// rtsa ba'i phun sum tshogs par bshad// ces gsungs so// nam mkha'i mtha' dang mnyam pa'i rgyud chen po las phun sum tshogs pa rtsa ba gcig tu bshad pa'i le'u ste sum cu brgyad pa'o// / de nas yang sems dpa' rdo rje dam pa la/ rang snang rol pa'i 'khor tshogs kyis 'di skad ces gsol to// sku gsung thugs kyi bdag nyid khyod// rang byung snying po'i don la 'dus// rang snang 'od kyi snang ba'i/ mchog/ mgon po khyod la gsol ba ni// rang gsal sku gsung thugs gang zhig/ de nyid gang gis gsal bar bgyi// khyad par rim par ji ltar 'gyur//
- 94a
zhes gsol to// de nas sems dpa' rdo rjes 'di skad ces bka' stsal to// ma lus rang snang 'khor lo bas// rang snang snying po 'pho 'gyur med// gnas pa'i sgro skur ma lus pa// rig pa gcig gi don du gnas// ma lus kun rdzogs snying po 'di// gnas dang rtogs dang mthar phyin pa'i// sku gsung thugs kyi rtsa ba yin// ji snyed snang grangs thams cad kyi// dbyibs dang kha dog che chung dang // ma lus ji ltar gnas pa dang // 'jig rten 'das dang ma 'das pa// phyogs dang ris la sogs pa ni// byang chub snying po'i sku ru shar// byang chub sems kyi sku nyid ni// rig pa phyogs ris med pa'i sku// thams cad 'dus pa'i 'khor lo ste// rig pa'i dkyil 'khor mtha' dbus med// rang bzhin sku yi mtshan nyid do// byang chub sems kyi gsung nyid ni/ snying po 'od kyi rang bzhin ltar// ma lus gsung gi rang bzhin du// phyi nang mya lus thams cad shar// zin dang ma zin la sogs pa'i// brjod cing grags pa'i chos rnams ni// rang shar gsung gi mtshan nyid do// ji snyed myong tshor shes pa dang // dran rtogs rgyu ba ma lus pa// ma skyes rdo rje a yi ngang // ma lus
- 94b
rig pa 'khor lo'i thugs// gnyis bral rig pa bsam yas la// rang bzhin bsam pa cir mi rtog/ rang byung zhen pa yul las 'das// gang du ston pa mtha' yas pas// mthar thug med pa'i gdul bya la// thag pa ji snyed bstan pa yis// rang byung 'khor lo ma rtogs pas// sku gsung thugs kyi snying po nyid// sgro skur med par mthong ba med// skal ldan 'jig rten chos bral zhing // dman pa'i blo yang 'dzin sems log/ 'gro ba'i rig pa gang dag la// sngon du tshe go ji bzhin du// sangs rgyas ma lus kun 'dus pa'i// rdo rje 'dzin pa chen po yis// ma lus rig pa'i sku gsung thugs// de yi byin rlabs thabs kyis bstan// 'di dag ji ltar rtogs pa ltar// bstan pa'i yan lag kun dang 'brel// phyi rdol ltas pas rtogs pa'i tshe// rig pa rang snang / 'khor lor grol// gcong rong ye shes chen por brda la// sgo gsum sku gsung thugs su s+phar// re dang dogs pa kun chad de// ma lus nam mkha'i dkyil 'khor ltar// phyogs 'dzin rgyu ba'i yid las 'das// ma lus sko gsung rdo rje nyid// gar yang ma phyin rtogs pas smin// 'bras bu rang 'bar bde
- 95a
chen 'grub// skal ldan rdo rje lus 'di la// snying po rang byung 'od kyi mchog/ phyogs las 'das pa'i rin po che// tshig gcig don kun rdzogs pa'i bdag/ rdo rje tshig gi sgron ma yas// dgu ru ma sbas pas don gsal nas// mA bgrod sa rnams dus gcig mnan// mtha' dbus med pa'i nam mkha' la// phyogs 'dzin bral ba'i blo yis lha// blang dor bral ba'i sgo gsum nyid// 'dzin pa log pa'i tshul gyis 'jug/ snang srid ma bcos bde ba'i sa// rtogs pa nyid kyi pha rol phyin// dka' bas spyad pa'i mngon gyur pa'i// sku gsung thugs kyi rdul snyed dang // dka' thub sdom par rab bsdums shing // bsnyen bsgrub rtsol ba las byung ba'i// sku gsung thugs kyi rdul snyed kun// nam mkha'i dbyings kyi mtha' gtugs pa// grangs las 'das pa'i dkyil 'khor nyid/ ma lus 'dus pa'i snying po ste// 'di dag rtogs pas mthar phyin// yan lag nyi ma'i 'od ltar 'bar// thugs rje rgya mtsho'i rlabs ltar gsal// zhes gsungs so// nam mkha'i mtha' dang mnyam pa'i rgyud chen po las rang gsal sku gsung thugs mngon du bshad pa'i le'u ste sum cu dgu pa'o// /
- 95b
/ de nas yang sems dpa' rdo rje dam pa la/ rang snang rig pa'i 'khor tshogs kyis 'di skad ces gsol to// dus gsum rgyal ba thams cad kyi// sku gsung thugs kyi 'khor lo'i bdag/ rang byung snying po gcig tu 'khyil// rang byung 'od gsal chen po la// spyod pa gnang ba kag mi gnas kyang / bdag cag rogi pa'i 'khor tshogs la// spyad bya'i don nyid ji lta bu// spyod bya'i khyad par ji lta bu// skyon dang yon tan bdag la gsungs// zhes gsol to// de nas yang sems dpa' chen pos 'di skad ces bka' stsal to// kye 'dus pa'i tshogs chen po/ snang srid snod bcud ma lus pa// rang byung rig pa'i rgyal por shar// cis kyang mtshon 'das byang chub sems// ma lus snying po'i longs spyod de// 'dod pa'i yon tan lnga ru shar// ma lus 'dus pa'i byang chub sems// rang bzhin mdzad pas kun khyab pas// rgyal ba'i spyod par ma gyur med// nam mkha'i mtha' klas mtha' yas pa// nges dang ma nges bde sdug dang // bya dang mi bya bcas pa yi// so so rang spyod bsam mi khyab// ma lus kun 'dus byang chub sems// zab mo rang byung bsam mi khyab// 'khor
- 96a
lo rang byung snying po can// kun gyi spyad bya don du bshad// nam mkha'i mtha' dang ma nyam sbyor ba'i// chos kyi dbyings la gnas 'dod pas// bla ma rdo rje 'dzin pa la// sgo gsum skyon nyid gang mthong yang // tha mal 'du shes mi bskyed cing // sangs rgyas 'du shes bskyed par bya// thabs dang sgo gsum brtsol ba yis// de dag ma nyes par bsten pa ni// tshogs kyi spyod par shes par bya// de nas snang srid snod bcud kun// ma lus rig pa'i thig ler bsdus// de nyid stong pa'i glong chen de// phyogs med ris par dbugs phyung nas// bde ba chen por rol par sha ra// ma lus rtogs pa de bzhin gnas// phyi nang sgo gsum bya ba kun// ji snyed chu yi chu bu ra ltar// rang las byung zhing rang grol yin// dper na nam mkha'i rang bzhin ltar// ji snyed spyod pa'i ngo bo nyid/ bag yangs rdo rje ma bcos pa// mi skye mi 'gag de bzhin nyid// rig pa ma bcos rang gzhag pa// 'byung 'jug bral ba'i rig pa ste// phyogs 'dzin sgom pa las 'das pa// ma bcos so mar gzhag pas bstan// rig pa ma bcos don rtogs nas// 'jigs pa med pa'i don rtogs nas// 'jigs
- 96b
pa med pa'i skyes bu ltar// 'dod dang rtsol ba mi bskyod kyi// rang gtang gzhag pas grol bar 'gyur// ma bsams rig pa phyogs med la// bsams pa'i 'du shes phyin ci log/ ma lus rig par mngon rtogs nas// lhug pas bya med grol ba yin// 'di ni rgyal ba ma lus pa'i// bya btsal 'das pa'i snying po nyid// phyogs ris 'das pa'i spyod pa ste// nam mkha' rdo rje'i spyod par bshad// rnam dag thugs las ma g.yos kyang // 'gro 'dul thabs kyi spyod pa dang // nam mkha'i dbyings dang mnyam pa yi// b+h+rUM bo mtha' yas 'dul ba'i phyir// dri sgyur 'tshams pa'i spyod pa mdzad// sgo gsum nyid bu'i rang bzhin las// spyod pa'i byin dum bsam mi khyab// gdul bya mos pa'i bsam pa bzhin// yid bzhin nor bu bzhin du ston// re dogs chad pa'i rang bzhin gyi// pad+ma la ni 'dam bzhin du/ bdag phyir nye bar gnas gyur pa// gzhan gyi zhen pa zlog mi bya// rdo rje snying por nus ldan na// nyes par mi 'gyur gzhan don rdzogs// dus kyi snyigs ma'i skye bo rnams// rang byung snying po ma rtogs shing // rna ba rgyud gdams pa bral ba dang // rig pa'i tshad ma ma skyes par// bdag gzhan gnod pa las byed cing // nga rgyal/
- 97a
lha spyod log pas bcings// de yis rjes 'brangs bcas pa rnams// dmyal bar lhung zhing rigs dang bral// skal ldan dbang phyug rgyal po yis// rigs su nges pa'i rgyal sras la// ma bcos rig pa'i don ston cing // rna brgyud gsang ba'i gter mthong na// de ma thag tu grol ba dang // sangs rgyas sa la grol bar 'gyur// zhes gsungs so// nam mkha'i mtha' dang mnyam pa'i rgyud chen po las// spyod pa'i khyad par bshad pa'i le'u ste bzhi bcu pa'o// / / de nas yang sems dpa' rdo rje la/ rang snang rig pa'i 'khor tshogs kyis 'di skad ces gsol to// dus gsum sangs rgyas thams cad kyi// gsang ba'i dkyil 'khor kun gyi bdag/ snying po rang byung thig le'i ngang // nyid las 'byung bas 'du 'phro med// mgon po khyod la gsol ba ni// dkyil dpa'akhor gyi nges tshig gang // 'jug pa'i dkyil 'khor ji lta bu// mthong zhing rtogs pa'i tshul 'di gang // smin dang 'gro ba 'dul ba yi// snang tshul dkyil 'khor ji lta bu// bdag cag rnams pa legs par gsungs// zhes gsol to// de nas sems dpa' rdo rjes 'di skad ces bka' stsal to// byang chub sems kyi thig le ni// spro bsdu mtha'
- 97b
dbus ma yin pas// rang byung phyogs ris med pa yi// bde ba chen po'i glong du 'khyil// ma lus snying po rang bzhin nyid// rnam pa'i khyad par cir yang snang // rtsa bar 'dus pas dkyil nyid de// sna tshogs de yi 'khor du bshad// ma bcos thugs kyi dkyil 'khor ni// 'byed pa med pa'i snying po ste// re dogs bsams pa'i yul las 'das// rol pa rang snang 'khor du 'dus// ji snyed chos rnams ma lus pa'i// sgro skur med pa'i dkyil nyid de// 'phro zhing 'dus pa'i snying po la// 'khor du ma 'dus med par bshad// dpal ldan nam mkha'i mtha' mnyam pa'i// sangs rgyas sems can dbyer med ni// mthong bas bsgribs pa kun sel ba'i// skal ldan dkyil 'khor 'jug pa ni// snang srid nam mkha'i mthar thug pa// sgro btags dman pa'i gang zag la// spyod yul mngon shes 'dod yon dang // lha mo'i thig le'i bde ba drug/ 'dzin chags dbang gi snang ba ste// dngos 'dzin bral ba'i snying po nyid// dkyil 'khor drug gi rig par shar// sna tshogs kha dog dbyibs la sogs// mig gis spyad bya ma lus pa// bkrags la gzugs kyi dkyil 'khor te// ma bcos rig pa'i thig ler 'jug/ zin dang ma zin la sogs pa'i// ma lus tha snyad
- 98a
grags pa kun// brjod bral sgra yi dkyil 'khor te// ma bcos pa yi thig ler 'jug/ nam mkha'i mthar thug sna tshogs pa'i// dri yi longadra spyod gang yang rung // 'di ni dri yi dkyil 'khor te// gsang ba rig pa'i thig ler son// ji snyed lce yi yul gyur pa// phyogs bcu mthar thug med pa'i chos// mu kha ro yi dkyil 'khor de// rig pa'i thig ler 'jug pa yin// gang du lus kyi reg pa yi// myong zhing brtags pa'i chos rnams ni// gsang ba reg bya'i dkyil 'khor de// nyams myong rig pa'i thig ler rdzogs// 'od gsal rig pa'i dkyi la 'khor lnga// 'gro ba kun gyi longs spyod de// kun 'dus rig pa'i chos nyid de// 'od gsal sems kyi dkyil 'khor drug/ snying po rdzogs pa'i dkyil 'khor la// mtshon cing 'jug la rim yod kyang // mthong dang rtogs la rim pa med// 'di ni skal ldan 'jug pa yi// dkyil 'khor snying po nyid du bshad// dam pa'i thabs la gang brten pas// ma bcos gsang ba'i dkyil 'khor mthong // kun gyi gsang ba'i don yin yang // don dang 'brel pas de ma thag/ btsal ba med par mngon du gsal// sems kyi lung la yi ge med// snang srid yi ge brda yi lung //
- 98b
thabs dang ldan pa'i skyes bu yis// gang la bltas kyang rtogs pa 'char// ma lus don gyi snying po ni// re dogs sgro skur kun 'das pas// ma skyes nam mkha'i rdzogs lung la// de dag tha snyad kun las 'das// ma bcos rtogs pa'i rang bzhin la// rang byung bde chen glong du gsal// rang byung thig la chen po nyid// sku gsung thugs kyi dkyil 'khor shar// bskyed dang bsgyur dang bsgrub pa dang // bsags pa'i 'dus byas las 'das pas// ma bcos rol pa'i dkyil 'khor gsum// ma bcos snang srid ma lus pa// rang bzhin sku yi dkyil 'khor te// gsal ba ting 'dzin nyid yin la// rol pa rang snang gzugs brnyan nyid// ji srid bsgrags dang brjod pa'i sgra// rang bzhin rtogs pa ting 'dzin te// sgra brnyan de bzhin shes bya ba// gsung gi dkyil 'khor nyid du bshad// ma lus dran rig myong tshor rnams// gdod nas rang byung dkyil 'khor te// mthong zhing goms pa'i ting 'dzin nyid// rang rgyud med pa gzugs brnyan te// mthong dang myong dang gdul bya la// snang tshul sku gsung thugs su bshad// ces gsungs so// nam mkha'i mtha' dang mnyam pa'i rgyud chen
- 99a
po las/ dkyil 'khor bshad pa'i le'u ste bzhi bcu gcig pa'o// / de nas yang sems dpa' rdo rje dam pa la/ rang snang rig pa'i 'khor tshogs kyis 'di skad ces gsol to// dus gsum rgyal ba thams cad kyi// gsang ba'i 'khor lo gter gyi bdag/ nam mkha'i rang byung las byung ba// ma lus dbang du thugs la gsal// mgon po khyod la gsol ba ni// ma lus dbang du gnas pa la// rim par gnas pa'i dgos pa ci// ri dogs rtsol ba mi 'gyur ram// thob pa'i mtshan nyid ji lta bu// legs par mgon pos gsung du gsol// zhes gsol to// de nas yang sems dpa' rdo rjes 'di skad ces bka' stsal to// 'dus pa chen po'i tshogs nyon cig/ ji snyed ma lus thams cad kun// rig pa phyogs ris bral ba'i dbang // snying po kun la khyab 'gyur ba// dbul po sgra yis bcings bzhin no// gnas kyang log pa'i dbang 'gyur ba'i// zhen pa log pa'i dbang 'gyur bas// de nyid dus gcig gsal ba'i phyir// 'di dag rim par gsungs pa yin// brgyud pa'i don gsum ma thob cing // rig pa'i nyams dang
- 99b
mi ldan na// rdzogs pa'i rang bzhin ye gnas kyang // bdag gzhan smin par mi gnas te// log par zhen pas bdud yin pas// bla ma brtag pa rab tu gces// rig pa brda yis dgrol ba'i thabs// ma bgrod dus gcig rdzogs pa'i dbang // kun kyang smin par byed pa'i lam// rna brgyud spyi blags tshangs pa'i dbang // rnal ma bcos ma gang sgo nas// da ltar rtogs pa'i thabs med pa'i// dman pa'i dbang dang mtshon thabs kyi// bskal pa gang+gA'i bye snyed du// lhun grub 'bras bu mi 'char bas// ma bcos rtogs pa'i thabs chen gces// thog ma tha ma'i dus med par// dbyer med mnyam par gnas pa'i dus// ma lus kun gyis ma mthong bas// skal ldan cig car rig pa'i dus// rtogs pa bsam gyis mi khyab pa// mtshon pa dbang gi dus su bstan// bde chen gsang ba'i man ngag 'di// ma lus snying pos khya ba gyur kyang // skal med las kyis bsgribs pa las// ji ltar bstan kyang mi rtogs te// tha bas la dpe ni me long ltar// bltas kyang gzugs brnyan mi gnang bas// skal ldan rigs brgyud 'dzin pa bstan// log par zhen pa'i gang zag la// bstan pa'i snying po bcud
- 100a
bstims pas// bdud rtsi dug tu gyur pa ltar// bdag gzhan sdug bsngal myong ba dang // sdug bsngal ltung ba'i rkyen yin pas// phyal par smras pa'i skyon nyid bstan// dam par ma nges gang zag rnams// che bas don la dgod pa dang // snying po'i don la gzud pa'i phyir// rdzogs chen yon tan bstan pa yin// ma rtogs blo la tha dad kyang // dngos dang rtogs pa'i khyad par la// rgya mtsho chu bo'i 'du 'phro ltar// skad cig da lta mngon sum la// rtso la dang mi rtso la re dogs chad// ma lus rtogs pa rang snang la// dgag bsgrub blang dror 'jigs pa med// byang chub snying por kun 'dus pas// chu la rkyen gyis bsgyur ba ltar// rang bzhin 'od gsal dag pa'i sems// thams cad phyogs ris med par brdal// ngo bo nyid kyi mthur ldan pas// gang gis ma bcos thugs kyi lam// bstan pas dbang gi tshad thob ste// nam mkha'i mthar thug par du yin// khams gsum rang byung snying po nyid// mtshan ma mtshon pa'i brda thabs la// dbang phyug rgyal po mnyes pa yis// skal ldan sems la dbang bskur bas// snga phyi zhen pa'i chos thams cad//
- 100b
da ltar dag pas 'od gas la sems// mngon du snang ba thob tshad yin// brda dang don la mi gnas pa'i// re dogs bsam spyod 'das pa'i thugs// ri bo bral ba'i nam mkha' ltar// phyogs dang bral bas spyod pa chad// dran rtogs bral bas rgyu ba dang sa// rang 'bar bde chen lus smin pas// rdo rje lta bur 'gyur 'jig med// 'di dag dbang goms tshad yid de// rig pa dus gsum phyogs med la// bde ba chen po phyogs me dang shar// lo zla bskal pa dpag med par// nam mkha'i mtha' ltar rtag tu gnas// thugs rje byin rlabs rang shugs kyis// mdzad pa yid bzhin nor bu ltar// 'gro 'ong med par phyogs bcur brdal// longs spyod sprul pa'i mdzad pa nyid// nam mkha'i mtha' dang mnyam par shar// longs spyod thugs rje nub pa med// ces gsungs so// nam mkha'i mtha' dang mnyam pa'i rgyud chen po las/ spyi blugs tshangs pa'i dbang bshad pa'i le'u ste bzhi bcu gnyis pa'o// / / de nas yang sems dpa' rdo rje la/ rang snang rig pa'i 'khor tshogs kyis 'di skad ces gsol to// phyogs bcu dus gsum ma lus kyi/
- 101a
gsang ba'i dam tshig bdag po khyod// sku gsung thugs kyi dam pa la// 'da' dang mi 'da' mi mnga' ste// mgon po khyod la gsol ba ni// rang bzhin dam tshig ji ltar lags// rtogs dang goms pa'i dam tshig ci// ci phyir dam tshig ces brjod cing // de yid pe ni ji lta bu// skal ldan 'dus pa'i tshogs la gsungs// zhes gsol to// de nas sems dpa' rdo rje dam pa des 'di skad ces bka' stsal to// kye 'dus pa'i tshogs chen po// rang byung snying po'i dam tshig ni// ma lus khyab pa'i rang bzhin pas// nam mkha' rgyas pa'i mtha' bzhin du// phyogs mtshams nges pa'i chos ma yin// ma bcos gsang ba'i dam tshig ni// sangs rgyas sems can dbyer med pa'i// 'du 'bral med par dang bstan pas// brtags shing spyad pas rnyed mi 'gyur// dpal ldan nam mkha' rgyas pa'i mtha'// phyogs bral rig pa'i dam tshig 'di// ma lus snying por gsal gyur kyang // thabs bral rnams kyis mi rtogs so// skal ldan rnal 'byor dam pa la// rna ba rgyud man ga bstan pa'i tshe// dus mtha' skad cig nyid la ni// dam
- 101b
tshig rnam bzhi gsal bar dbog/ skal ldan rigs brgyud 'tshob pa la// rna brgyad lung gi dbang bskur te// phyogs mtshams 'dzin pa'i dam tshig bral// phyi nang sgo gsum bya ba kun+da// nyams pa med pa'i ngang du bstims// mtshan ma'i dam tshig mtha' yas pa// ji bzhin rig pa'i gdeng du bstan// thogs med rig pa'i dam tshig 'di// ma bsrungs gzhag kyang bde bar grol// snying po rtogs pa'i dam tshig la// bsrung dang mi bsrung phyogs mtshams med// rig pa btsal bral dam tshig la// sgo gsum col la rag ma lus// rtogs pas sangs rgyas dam tshig ste// mu rtogs yal bas sems can no// snying po rtogs pa'i dam tshig la// sangs rgyas sems can gnyis mi gnas// snying po rig pa'i dam tshig gis// sgro 'dogs skur 'debs chod pa'i tshe// phyogs mtshams rgyas pa'i nam mkha' la// dbang po yin par bltas pa ltar// dngos po gcig las mthong ba med// nam mkha' lta bu'i dam tshig 'di// phyogs risi blo yis mi phye ba// snang srid dbang po spyod yul nyid// phyogs med goms pas pha rol phyin//
- 102a
rdo rje nyams kyi dam tshig la// snang srid dran rtogs thams cad kun// rang byung phyogs rigs med par myong // gsal la g.yo ba med par gnas// 'khrul pa dag pa'i 'khrul gzhi ltar// yal bar gzhag kyang re dogs chad// chu bo rkyen dang bral ba ltar// rang dgar gzhag kyang brlan dang 'grogs// 'di ni goms pa'i dam tshig go// bde chen phyogs 'das snying po 'di// sangs rgyas dang ni sems can dang // mkha' 'gro ma dang rigs 'dzin dang // rnal 'byor pa dang rnal 'byor ma// lha rnams dang ni mi rnams dang // ji snyed rnam pa thams cad kyi// dam par gnas dang dam par rtogs// kun gyi dam pa phyir yin la// ma dad pa dang ma rtogs dang // phyin ci log dang gol ba dang // sgra bzhin spyod pa'i nga rgyal can// rang blos btags pa'i gang zag rnams// nges par tshig pas dam tshig yin// sangs rgyas kun gyi thugs dam 'di// rtogs pas dam pa nyid 'gyur la// de las 'das shing 'gal ba rnams// tshig pas dam tshig chen por bshad// sa ma yani dam tshig ste// phyogs bral rtogs pa'i 'od
- 102b
dpung gis// phyogs 'dzin zhen pa kun tshig pas// dam tshig ces ni bya bar bshad// dam tshig yid bzhin nor bu ste// dam tshig nam mkha' lta bu nyid// dam tshig rgya mtsho lta bu ste// dam tshig sa gzhi me dpung 'dra// dam tshig ral gri chu lta bu// dam tshig rgyal po'i khrims lta bu// de bzhin mtshon dpe dpag med de// thams cad ma lus dam pa 'di// rang gi snying la gnas pa ste// rtogs pas byin rlabs bskur ba nyid// dang por dam pa blangs thob nas// phyin chud 'da' ba ma yin zhing // gang du log pas krugs kyang // 'da' bar nus pa ma yin no// zhes gsungs so// nam mkha'i mtha' dang mnyam pa'i rgyud chen po las// dam tshig bsrung bral rig pa bshad pa'i le'u ste bzhi bcu gsum pa'o// // de nas yang sems dpa' rdo rje dam pa la/ rang snang rig pa'i 'khor tshogs kyis 'di skad ces gsol to// dus gsum sangs rgyas thams cad kyi// btsal med lhun grub gter gyi bdag/ rang gsal phyogs ris med pa'i don// mgon po khyod la gsol ba ni// ma bcos lhun gyis grub pa'i don// gang
- 103a
gis gang las brten de bsgrub// gang gis bsgrubs pas ji ltar 'grub// 'dus pa'i tshogs la legs par gsungs// zhes gsol to// de nas sems dpa' rdo rjes 'di skad ces bka' stsal to// byang chub sems kyi rang bzhin ni// lhun gyis grub pa'i snying po ste// 'dod 'byung rin chen 'phrul gyi bdag/ phyogs ris med pa nam mkha'i mdzod// rin chen nyi 'od 'bar ba ltar// ma btsal lhun gyis grub pa'i gnas// bskal pa grangs med sngon rol nas// lus sems dpag med sbyangs gyur cig/ bcos ma'i sbyor ba sna tshogs kyis// rim par smin par byas pa yang // dbang po tshig chod rnal 'byor pas// gus pas sgo gsum rig pa yis// sangs rgyas kun gyi thugs gyur pa// dpal ldan bla ma mnyes pa yis// mngon du bya dang sbyang ba dang // dam tshig dbog dang gsol gdab dang // dbang dang gdams pa'i rim pa dag/ rna brgyud lung dang gang ldan pas// ji ltar bsgrubs kyang btsal med par// skad cig tsam las grol bar 'gyur// rang byung chos la spong ba
- 103b
dang // rol pa rang snang 'gegs pa dang // snying po'i don la bgrod pa da // dngos po gcig la bzung ngan dang // blang dor phyogs su 'dzin pa dang // lhun grub dang la grub pa dang // gnyis med rgyu 'bras 'dzin pa nyid// phyogs 'dzin zhen pas gang bsgrubs kyang // nam mkha'i mtha' btsal rmongs pa ste// rang byung lhun grub don dang bral// rig pa'i tshad ma'i don min na// sgra dang rtog spyod 'du shes kyis// bsgrubs pas snying po'i don mi rnyed// lung dang rig pa'i rjes zhugs nas// snang srid rig pa'i snying po la// gnyis 'dzin zhen pa'i 'du shes kyis// rang snang rol par ma mthong bas// de nyid spong dang dgag pa dang // skyong dang bsgyur dang zhen pa yis// brtags pa'i don la brten pa yis// rnam grol snying po'i 'bras bu med// brda nyid don du ston pa yis// snang srid rang byung sems kyi lam// rtogs nas mthong ba'i don thob pas// yid rten 'du shes phyogs las grol// rang byung gsang ba'i me long la// 'du shes bral
- 104a
bas gang bltas pas// mtha' dbus med pa'i snying po ltar// re dogs med par gas la bar gnas// phyogs med rig pa'i bsgrub pa po// rnal ma'i lam la rab zhugs nas// rang byung 'od 'bar dkyil 'khor drug/ rang snang rig pa'i 'khor lor gas la// bcos med thabs chen gsang ba yis// rab dang 'bring dang tha ma yis// bar chad med pas rab bsgrubs pas// rang las byung ba'i 'bras bu nyid// thogs pa med par 'grub par 'gyur// phyogs med rang byung snying po nyid// rtogs nas dang la granas pa nyid// ma lus rang 'bar ye shes su// ma lus thams cad snang ba yin// 'dod gsal rig pa'i thig l-I las// nyi 'od rin chen dpag bsam ltar// phyogs bcu nam mkha'i mtha' klas par// theg pa kun gyis 'bras bu 'char// rin chen lhun grub snying po ni// lhun gyis grub pa'i rang bzhin pas// dper na mi dang tsha ba dang // rgya mtsho rlabs dang sher ba dang // ra
- 104b
las byung bas gzhan 'byung min// lhun gyis grub pas btsal du med// rang bzhin rtogs pas bcos mi dgos// rgyu dang rkyen las 'das pa yi// byang chub sems kyi 'bras bu ni// rgyu lnga rkyen la rag mi lus// sku gsung thugs la brtan mi 'cha'o// ma bcos byang chub snying po la// mtshan ma brda yis brtags pa dang // zhen pa brtags pa'i bsnyen bsgrub dang // 'brel pa lam gyi rang bzhin dang // sgo gsum rtsol ba'i re dogs bcad// ji snyed chos su rang snang yang // bdag gzhan dbye ba med pa'i sems// zhen pa ma bsgrubs rtogs pas 'grub// bdud rtsi kar na snying po ltar// reg pa nad 'tsho ba de bar gnas// ma bsgrubs lhan grub snying po las// 'dod pa'i yon tan rang 'char bya// snying po 'di dang rin chen ltar// ma bsags pad+mod nas lhun gyis grub// ces gsungs so// nam mkha'i mtha' dang mnyam pa'i rgyud chen po las/ bsgrubs pa gsal bar bshad pa'i le'u ste bzhi bcu bzhi pa'o// /
- 105a
/ de nas yang sems dpa' rdo rje dam pa de la/ rang snang rig pa'i 'khor gyis 'di skad ces gsol te// dus gsum sangs rgyas thams cad kyis// ma bcos thugs kyi 'phrin las can// rig pa'i 'phrin las rdzogs pa'i bdag/ mgon po khyod la gsol ba ni// 'phrin las grangs ni rnam pa du// gang gi don du snang ba yin// ma bcos rang snang 'phrin las gang // rtogs pa don gyi 'phrin las gang // mthun 'jug thabs kyi 'phrin las gang // rig pa'i 'phrin las// rdzogs pa'i bdag/ 'di dag legs par bshad du gsol/ 6/ de nas sems dpa' rdo rjes 'di skad ces bka' stsal to// dus gsum rgyal ba thams cad kyi// sku gsung thugs kyi byin rlabs nyid// rang byung snying po byang chub ste// mdzad pa'i 'phrin las rang bzhin no// ji snyed bsams pa bsam yas pa// de dag 'dul ba'i thabs chen gyis// dpag med 'phrin las sna tshogs 'char// nges par grangs las 'das pa nyid// ma bcos thugs kyi ngo bor 'dus// bzhi dang lnga dang bcu dang brgya// grangs med mtha' yas de bzhin no/ 6/ rang byung snying po rdzogs chen gyi// shes bya'i khyad par mtha' yas kyang // gang dag de la mos pa rnams// ma lus mdzad par bstan pa'i phyir//
- 105b
ma lus thugs rje'i mdzad par shar// ma lus rig pa'i 'phrin las nyid// nyi ma'i snying po 'od bzhin du// 'khor pa ma bcos dbyings su mkhyen// skal ldan rnal 'byor don ched du// ma lus rig pa'i 'phrin las kyis// dus gcig sangs rgyas sa la sbyor// bya bral rig pa'i 'phrin las kyis// ma lus dran rtogs theg ler gsol// nam mkha' lta bu mi g.yo ba// phyogs ris 'das pa'i ye shes nyid// mtha' dbus re dogs kun bral ba// skal ldan rtogs pa'i 'phrin las yin// rang byung byang chub snying po nyid// ji snyed phyogs ris 'du shes kyis// phyogs ris rdul dang bral ba yi// gdod nas ma bcos zhi bar gnas// rang byung rdzogs pa chen po ni// / dpag med che ba'i yon tan gyis// byin rlabs mdzad par rang snang bas// ma lus rgyas pa'i snying por gnas// ji snyed chos rnams thams cad kun// rgya mtsho chu bo'i 'du 'phro/ ltar/ 'byung zhing rdzogs pa'i rang bzhin pas// ma lus 'dir ni 'dus pa yin// dran rtog ji snyed rgyu ba rnams// 'ching grol re dogs bcas pa rnams// stong nyid snying por ye bsgral bas// slar skye ba lta ga la yod// skal ldan gang zag dam pa la// rdo rje rig pa'i rna brgyud kyis// ma bcos zhi ba'i ngo bo bstan// phyogs med snying por byin
- 106a
gyis brlabs// dngos po gcig la gang mthong bas// snang srid rig pa ro gcig pas// ma lus ye shes snang bar shar// khams gsum bsam/ yas ye shes glong // ma lus rtogs pa'i byin rlabs kyis// dran rtog bsam pa ye shes glong // rgya mtsho chu yi chu bur ltar// rang byung ro gcig ngo bos sdud// 'khor ba'i chags sdang zhen rtog rnams// rtogs pa'i shes rab nyams kyi bsgral// ma bcos rdo rjer bsgral ba la// grol dang bcings pa'i yul las 'das/ 6/ rang byung rtogs pa mthur phyin nas// mthun 'jug 'phrin las bsam mi khyab// rang rang theg pa so so yi// 'phrin las bzhi la sogs pa yi// gang la dag pa'i don ched du// gdul thabs bya brag sna tshogs bstan// rang brtags zhen pa'i'i phran las dang // ma bcos rol pa'i 'phrin las dang // rtogs pa rang snang 'phrin las dag/ khyad par so so bsam mi khyab// rang byung rtogs pa'i ye shes ni// rdo rje snying po'i rang bzhin ltar// rgyu rkyen bral ba'i mtshan nyid ni// me dang tsha ba ji bzhin du// ma lus chos kun ngo bor snang // chos rnams kun gyi lung chen po// ma lus 'dus pa'i snying po can// rang byung thugs rje byin rlabs nyid// mdzad pa sna tshogs ngo bor shar// kun dang mthun pa'i snang tshul ni// ma bcos
- 106b
rig pa'i don la 'jug/ phyogs bcu nam mkha' rgya mtsho ltar// ma 'dras yongs rdzogs snying po las// ji ltar 'dod pa so sor gas la// sna tshogs bsam pa'i dbang gis ni// rgyal ba'i thugs rje byin rlabs kyis// yid bzhin nor bu'i yon tan ltar// phyogs med nyi ma'i 'od ltar 'char// zhes gsungs so// nam mkha'i mtha' dang mnyam pa'i rgyud chen po las/ 'phrin las nam mkha' ltar bshad pa'i le'u ste bzhi bcwa lnga pa'o// // de nas yang sems dpa' rdo rje dam pa la/ 'dus pa chen po'i tshogs kyis 'di skad ces gsol pa gdab po// dus gsum rgyal ba thams cad kyi// bgrod bral lam gyi rang bzhin khyod// dus gsum snying po'i lam du shar// mgon po khyod la gsol pa ni/ lam zhes dngos po gang la bstan// ci phyir lam zhes bstan pa yin// lam gyi 'jug tshul ji ltar 'jug/ rim pa'i khyad par yod dam med// mgon po khyod kyis bdag la gsungs// zhes gsol to// de nas sems dpa' rdo rje dam pa des 'di skad ces bka' stsal to// phyogs bcu'i chos rnams ma lus kun// rang byung byang chub sems su gnas// sgro 'dogs skur 'debs zhi ba'i don// phyogs ris med pa'i snying po nyid// thabs chan bstan pa'i snying po yis// rig pa'i tshad mas gang rtogs
- 107a
pa/ re dogs bcad pa'i bgrod yul med// ma bcod snying po zhi ba'i lam// sgra dang tshad ma gtan tshigs kyis// dngos po bde ba kun bkag/ ste/ dngos med dran pa'i dngos por gzung // rol pa rnam 'gags stong par zhe na// phyogs med nam mkha'i snying po la// tha snyad yid spyod tshad ma yis// zhe na pas phyogs 'dzin don du bltas// 'khor ba'i gnas rab dgu ru lhung // ma rabs tshig gi lta ba yis// rang lta ya rabs mthor ba ton cing // mtshan ma tshig gdad nga rgyal byed// zhen pas log pa'i 'bras bu mthong // 'dod pa'i don bral rten bsrung ltar// 'dod pa'i don dang phrad mi 'gyur// ma bzhin ma bcos gsang ba'i don// brlan pa rkyen gyis bskul ba ltar// dngos po gcig la so sor snang // dngos po don la phyogs ris med// dngos po thugs kyi ma nyam stobs kyis// gang la thabs chen mtshon pa ni// ba ri tsi tra'i longs spyod ltar// rkyen gyis 'bras bu so sor snang // des na ma nor dam pa'i lam// brtags snang zhen pa 'khor ba'i lam// de nyid rnam dag la mtshan te// ma bcos lam gyi dngos po yin/ 6/ gsang ba'i gsang chen kun gyi dngos// ma lus pa yi rtsa ba ste// sangs rgyas sems can kun gyi lus// ma nor
- 107b
'di las byung ba dang // ma lus 'di ru 'dus pa'i phyir// lam ste ming du rnam par bstan// 'das dang da ltar ma byon pa'i// bde gshegs rgyal ba ma lus pa// lam 'dir 'jug dang gshegs pa dang // phyin cing 'jug pas lam nyid do// sangs rgyas kun gyi gsang ba'i lam// kun gyi mchogs gsang ba'i phyir// ji snyed lam gyi chos bstan pa// kun 'dus bcud de snying po'i lam// ma lus don du ro gcig pas// bdag gzhan bgrod du med pa'i lam// ma bcos rtogs pa btsal med pas// bya ba tsa la med pa'i lam zhes bya// ji snyed che ba'i yon ta na kun// rang byung snying por lhun rdzogs pas// snang ba rig pa'i snying por bstims// thig le stong pa'i rang bzhin te// phyogs ris rgyu 'bras yul las 'das// dran pa kun bral thob spangs med// gnas pa don gyi gzhi rtogs shing // re dogs pas ma spyod yul las 'das// rig pa'i snying po tshad ma'i lam// rdzogs pa kun 'dus snying po nyid// ma bcos kun kyang bde chen te// rgyal ba kun gyi thugs kyi lam// rgyu rkyen bral bas 'dus ma byas// phyogs ras 'das pas snying por 'khyil// ra dogs med pas bde chen sa// rtog spod 'das pas rgyu ba bral// sgri ba phyogs med pas nam mkha' nyid// yan par gsal
- 108a
bas btang bzung bral// yangs pa med par dgongs par gtugs/ 6/ ma bcos gsang ba'i don gcig la// rang rang zhen pa'i bsam pa yis// mthong rtog zhen pa tshad ma yis// khyad par rim par gsal ba yis// dngos don snying por ro gcig cing // phyogs med mkha' lhur gsal rtogs na// ji snyed sangs rgyas sams can dang // lam dang sa yi khyad par dag/ rgya mtsho chu bo lan tshwa wAr// ro gtsug khyad par cung zad med// bde chen rol pa rang snang ba// ma bcos rig pa'i 'khor lor 'khyil// mtha' dbus med pa'i nam mkha' la// phyogs med blo yis bltas pa'i tshe// dbyer med gsal brtan mi g.yo ba// rmad byung nor bu'i spyan la nyid// gang snang der 'dus dngos rigs med// ma lus ma bgrod pha rol phyin// bde chen lam la re dogs bral// zhes gsungs so// nam mkha'i mtha' dang mnyam pa'i rgyud chen po las// bgrod du med par bshad pa'i le'u ste zhe drug pa'o// // de nas yang sems dpa' rdo rje dam pa la/ 'dus pa rang snang rol pa'i tshogs kyis 'di skad ces gsol to// khyab bdag 'khor lo kun gyi gdugs// ma rig mun pa sel mdzad pa// rang byung ye shes gsal ba'i bdag
- 108b
mgon po khyod la gsol ba ni// gang phyir ye shes zhes bshad cing // ye shes rnam grangs dus gcig brjod// ngo bo nyid ni ji lta bu// 'char ba'i dus ni gang ci zhig/ mgon po khyod kyis bdag la gsungs// zhes gsol to// de nas sems dpa' rdo rje dam pas 'di skad ces bka' stsal to// rang byung ye shes nyi ma dag/ phyogs dang bral bar shar bas na// thog ma med pa nas bzung ba'i// ma rig mun pa dngas par byed// ye nas rig pa'i 'khor lo ste// rig pa'i 'khor lo rgya dpag med// dpal ldan nam mkha' rgyas pa'i mkha'// sangs rgyas kun 'byung snying po can// ye nas rang byung ye shes pas// ye shes zhes ni brjod pa yin// rang byung kun gyi snying po can// sangs rgyas kun gyi sku gsung thugs// ma lus kun gyi snying po nyid// kun la khyab pa'i tshu la gnas pa// gsal byed mtshon pa'i thabs chen gyis// don de shes pas ye shes yin// thams cad 'dus pa'i rang bzhin nyid// ma lus gsal ba'i ye shes te// khyab pa nam mkha'i mtshan nyid kyis// phyogs mtshams kun tu rgyas btab pa'o// ye shes rgya mtsho mu mtha' med// gdul bya'i bsam pa ji snyed pa// mos pa'i khyad par dpag med pas// de dag grangs kyang de snyed pas// tshad med ye shes pasam mi khyab// gcig dang lnga
- 109a
dang drug la sogs// rang byung ye shes grangs las 'das// mthar thug med pa'i nam mkha' ltar// shes bya'i dkyil 'khor ma lus pa/ thams cad ma 'dres lhun gyis grub// snang srid dran rtog rgyu ba kun// de dag ma lus ye shes pas/ phyogs dang grangs las 'das pa nyid// 'dul ba'i grang su sna tshogs shar// de dag rang snang ye shes te// rang rang 'tshams pa nyid du snang // ma lus 'dus pa'i rang bzhin te// bcos med don gyi snying po ste// rig pa skye med mu mtha' yas// me long dngas pa'i ri mo la// skyes bus phyin te bltas pa ltar// phyogs ris med par kun snang ba// bsgribs g.yogs med par kun tu snang // sems dang chos dang nam mkha' nying // dbyer meng ma bcos ji bzhin nyid// rgyal ba kun gyi dgongs pa ste// snying po byang chub rdzogs pa'i grong / bcos so ma'i rang bzhin nyid// dpag med ye shes ngo bor shar// de nyid phyag rgya sna tshogs te// brtan g.yo dran rtog rig pa'i thugs// 'byung 'jug zhen pa las 'das pa// de nyid ye shes chen po yin// gdod nas ma bcos ye shes nyid// thog ma tha ma med pa yi// dbye ba med pa'i ngo bo nyid// rang byung snying po nyid kyi dus// gang
- 109b
du btsal spyod brtson 'grus kyis// bskal pa brgya phrag la sogs par// dka' thub spyong dang ting 'dzin gyis// bsgrubs pas rang sa'i 'bras bu nyid// goms pas grub pa'i stobs las gyur// rtogs dang goms dang mthar phyin pa'i// dus ni rang sa'i dus nyid de// bcos ma zhen rtog 'byung ba'i dus// bskal ba zhing gi rdul skad du// bcos ma'i rnal 'byor sbyang byas shing // dam pa'i bsnyen bkur 'bad pa'i mthus// thabs kyis bstan yang mngon du gsal// rang byung nyid la gang goms pas// thabs chen gsang ba'i rim pa yis// gang gis bskal par mi rnyed pa// ma lus don gcig rdzogs par snang // de nyid da ltar bshad pas go// 'di ni tshegs med don po che// 'khrul pa bshad pa'i shes pa ltar// ma lus rang byung ye shes te// de phyin chad ni ma lus rtogs// skabs kyi mthong/ tshul sngar snang ba/ rang byung ye shes nyid du gcig/ dang po mthong nas mthar thug par// thog ma tha ma med pa'i dus// de nyid snying por tshul gcig pas// da lta ngo bor ma nyam par gzigs// kha dog gcig pa'i rnam pa'am/ mkha' la gza' skar bkram pa yi// ma tog skyes pa sa khams lha rnga// ma 'dres gsal ba'i ye shas
- 110a
nyid/ nam mkha'i mtha' ltar dpag med pa'o// zhes gsungs so// nam mkha'i mtha' dang mnyam pa'i rgyud chen po las ye shes ma lus pa'i le'u ste zhe bdun pa'o// // de nas yang sems dpa' rdo rje dam pa la/ 'dus pa'i tshogs kyis 'di skad ces gsol to// dus gsum rgyal ba thams cad kyi// mkhyen pa'i ye shes gsal ba'i thugs// zhing khams dus gsum thams cad gzigs// mgon po khyod la gsol ba ni// ma 'ongs dus na lung bstan pa// bcos ma gnas pa'i dus ni gang // snyigs ma'i dus zhes ji ltar lags// rmad byung gsang ba'i theg pa 'di// dar dang nub par ji ltar 'gyur// ma bcos rtogs pa'i rnal 'byor pas// dus la bzang ngan rtog mi rtog/ 'dus pa'i tshogs la gsal bar gsungs// zhes zhus so/ 6/ de nas rgyal ba kun gyi gsang ba'i bdag po des 'di skad ces gsungs so// dus gsum rgyal ba'i dgongs pa dang // ma bcos rang byung snying po dang // rnal 'byor rtogs pa'i rig pa la// dus gsu/ khyad par mi dmigs kyang // zhen rtogs dbang gis gsum du snang // ma 'ongs dus na lung bstan pa// dus ni rnam pa lnga ru bstan// dpag med bstan pa'i snying po nyid//
- 110b
brgyud pa'i sgo nas bstan pa'i phyir// lha dang mi yi sgron ma yis// dpag tu med pa ston par 'gyur// tshad ma mngon du snang ba'i dus// de nas 'dul thabs sna tshogs kyang // ma lus mi rtag bstan pa'i phyir// rdo rje lta bu'i sku bshigs nas// mya ngan 'das par gang bstan nas// bstan pa rig par gang gnas pa// mngon rtogs dus ni 'byung bar 'gyur// des na dman pas mi rtogs shing // shes bya'i thabs kyis 'gags pa la// tshig dang yi ger kun snang ste// sgron ma 'di yis byed par 'gyur// 'di la brtan te gang gnas pa// tshig dang yi ger gnas pa'i dus// de dag don la grar brtags pas// rang rang dbang po khyad par gyis phyi nang chos dang rig pa las// spangs dang sbyangs dang dgag byas nas// rtogs nas zhen pa'i lam la gnas// zhi gnas lhag mthong gsal ba'i sems// goms pa zad pa zil gnon grub// sper ba'i stobs dang rkyen gyis snang // dgra bcom rkyen rtogs pha rol phyin// rang sa'i 'bras bu nges thob pa// 'di ltar nges par 'byung ba dang // log pa'i rgol bas bsgrub pa dang // byang chub sems dpa'i sprul pa yis// slar yang snang bar byed par 'gyur// de nas dka' thub ting 'dzin gyis// myur du grub pa 'dod pa'i phyir/
- 111a
bya ba dang ni gnyis ka dang // rnal 'byor rgyud du rnam 'phrul nas// de dag sgo nas gang spyad pas// sngags dang phyag rgya ting 'dzin gyis// rnam grong sa la 'gro bar 'gyur// de nas zhen pa'i gang zag dag/ mthun par 'dus par gyur dbang gis// dka' thub sdom pa mi spyod cing // 'dod pa lnga la gang zhen pa// brtu la zhugs don la spyod pa'i phyir// gsang chen yang gsang theg pa nyid// 'jam gling dbus su dar gyur nas// rig 'dzin sa la 'gro bar 'gyur// rdo rje 'dzin pa'i theg pa yis// lha mi rig 'dzin sa la bkod// dang po lha gnas gsum nyid du// de nas 'dzam gling dbus su ste// dgongs pa rim par brgyud nas ni/ skal ldan rnams la snang bar 'gyur// yid bzhin lha yi khang pa dang // snying po byang chub rdo rje gdan// kha che'i yul dang o D+yan du// rim par brgyud cing grags par 'gyur// de dag bsgrubs pa'i sgo nas ni// 'bras bu mngon du thob par 'gyur// de nas kun tu grags pa yis// mkhas pa mang po 'byung ba dang // grub pa'i mtha' la rtsod par 'gyur// rgyal khams rnam pa bco brgyad kyi// snang ba'i sgron ma byed par 'gyur// de nas mtha' 'khob yul du rgyas// skal ldan sa la 'gro bar 'gyur// skal med gsang ba'i dam sri dag/ ngan 'gro gnas su 'khyams par 'gyur// mkhas pas byin rlabs
- 111b
bstan pa'i chos// mi nub brtan cing byin rlabs ldan// kun tu grags shing snang bar 'gyur// de nas gsang ba'i theg pa ni// gsang zhing 'ga' la snang ba dang // snying rje med par gsod pa dang // bya ba ma yin spyod par 'byung // de nas mos pa tha dad pas// rang rang bzhin pa'i grub mtha' yis// dam pa'i don la skur pa dang // chos la byin rlabs chung ba ni// bslad pas log chos rgyas par 'gyur// thun mong theg pa kun 'dus pas// gsang ba'i don la skur par 'gyur// de nas de yi rnam smin gyis// dus min 'chi dang bar chad mang // nad dang mu ge 'khrug pa dang // sdug bsngal rnam pa mang po dag/ rgyal khams yongs su 'byung 'gyur te// 'di ni bsgrub pa'i dus su bstan// skal ldan ma btsal grol ba dang // 'dod lnga ma spangs rol pa dang // dus kyi snyigs ma'i 'gro ba rnams// nyon mongs zhen pa'i dbang gyur dang // mos chung rtsol bzhan mod kyang // grub mtha' ma lus shes 'dod la// ma bcos rdzogs pa chen po nyid// snyigs ma'i dus dang 'brel dus su// dam pa'i theg pa snang bar 'gyur/ de yang thugs rje'i byin rlabs kyis// lha gnas dag pa'i pho brang gnas// ma spangs rol pa'i theg pa 'di// lha gnas gsum du grags par 'gyur// de nas thugs rje'i
- 112a
byin rlabs kyis// dpal ldan o D+yan gling phran de// sems brgyud rig pa'i thor cog can// 'da' shod ko sha gling phug tu// sprul pa'i dbang phyug rdo rje'i lus// dam pa'i rgyal po gsang bdag gis// yang sprul thugs kyi rgyal sras la// rang byung rig pa'i sgo phye nas// spyi blugs tshangs pa'i dbang bskur nas// rna brgyud lung 'dri ston par 'gyur// de nas yang sbrul thugs sras kyis// skal ldan 'dus pa'i 'khor tshogs la// 'dzam gling dbus su ston par 'gyur// kun tu 'phel zhing rgyas pa yis// skal ldan dam par nges pa rnams// sangs rgyas sa la 'gro bar 'gyur// skal med rgyun ni rnam gsum gyis// 'dzam gling dbus su sbed par 'gyur// de nas thugs rje'i byin rlabs dang // smon lam dad pas 'phangs nas ni// mtha' 'kho ba yul du snang bar 'gyur// skal ldan rigs brgyud 'dzin pa rnams// ma bcos rig pa'i don rtogs nas// skad cig tsam gyis grol bar 'gyur// rna brgyud gsang ba'i 'phrul tshig 'di// gsang ba'i rigs can 'ga' zhig la// phyin ci log dang dman pa la// mngon du snang bar mi 'gyur ro// de dag gsang ba'i theg pa 'di// rna brgyud gdams pa nub pa dang // lha spyod log pa'i
- 112b
gdeng ldan dang // mtshan ma sgra la zhen pa dang // skal bar ldan dang mi ldan pa'i// 'dus pa mang po bstan pa dang // bla ma rang rtog zhan pa yis// nga nyams zhen pas bshad pa dang // rnam par dkar ba'i lam bor nas// nyon mongs zhen pa'i las byed dang // thun mong theg pa la smad pas// nyon mongs zhen pas rtsod pa'i mthus// bstan pa'i snying po nub par 'gyur// de nas 'dzam gling dbus su dang // skal ldan 'brel pa'ang 'byung bar 'gyur// de nas lho phyogs rgyud du rgyas// nub kyi phyogs su'ang rgyas par 'gyur// byang gi phyogs dang shar phyogs su// ma bcos rdzogs pa'i theg pa 'dis// snang ba'i sgron ma byed par 'gyur// der yang skal ldan dam pa rnams// rnam grol sa la 'gro bar 'gyur// rna brgyud gter lam chad pa dang // lha spyod log pa'i nga rgyal can// mtshan ma tshig la zhen pa rnams// rdo rje'i khab tu ltung bar 'gyur// rang byung byang chub snying po 'di// ma lus snying la gnas pa ste// dus gsum 'gyur ba med pa'i sems// ma bcos sems la 'gyur ba med// de bzhin lung bstan ldan pa yis/ skal ldan rgyal sras slob ma la// thabs kyis ma bcos don bstan nas// 'khor ba rang grol don rtogs na// dus la 'gyur ba yod ma yin// snga phyi med pa'i da lta nyid//
- 113a
ma bcos rtogs pas pha rol phyin// tha ma'i dus na 'byung bar 'gyur// zhes gsungs so// nam mkha'i mtha' dang mnyam pa'i rgyud chen po las/ lung bshad pa'i le'u ste zhe brgyad pa'o// // de nas yang sems dpa' rdo rje dam pa de la/ 'dus pa chen po'i tshogs kyis 'di skad ces gsol to// dus gsum rgyal ba thams cad kyi// bstan pa kun gyi rang bzhin khyod// ma lus kun gyi 'byung gnas gter// mgon po khyod la gsol ba ni// rang byung thugs su gcig ce na/ glong dgur dbye ba ji ltar lags// glong zhes ci phyir bya ba lags// gang gi skabs su ji ltar 'char// de dag dgos pa ji lta bu// mgon po khyed kyis bdag la gsungs/ zhes gsol to// de nas sems dpa' rdo rjes/ 'dus pa'i tshogs la 'di skad ces bka' stsal to// ji snyed chos rnams thams cad kun// ci ste tha dad yongs kyis med// rang byung rdzogs pa'i theg pa la// ma 'dus pa yi chos mi gnas// rang bzhin snang ba'i chos rnams dang // phyi nang dran rig thams cad dang // bstan pa'i bye brag ma lus pa// ji snyed khyad par bstan pa kun// rgya mtsho dang ni rlabs bzhin te// rig pa rang snang ma yin pa// gzhan pa nyid ni yod ma yin// rang byung theg pa'i snying po
- 113b
'di// bstan pa kun gyi bdag nyid pas// rang byung bstan pa kun gyi bdag/ theg pa kun gyi rtsa ba yin// ma bcos snying po rdzogs pa la// tha dad rnam pa mi snang bas// rnam par dbye ba'i chos med kyang // rol pa'i snying po dgu ru shar// lta ba phyogs ris med pa'i glong // spyod pa blang dor med par spyod// mtha' dbus med pa'i snying po len// rang byung thabs kyis rtogs pa'i dbang // rang byung don la 'das pa med// bya btsal kun bral 'phrin las rdzogs// ma lus dran pasam ting 'dzin/ glong // ye shes ma bsgribs phyogs ris med// 'bras bu lhun rdzogs bya ba tsal med// rol pa'i bye brag dgur shar yang // byang chub sems la dbye ba med// ji ltar snang ba'i chos rnams kun// rang byung rdzogs pa'i ngo bo ste// phyi nang spyod yul dran rtog dang // bde sdug mtho dman ma lus kun// rgyu rkyen ngo bo tha dad med// chu yis 'khor lo bskor ba ltar// chu rlabs ri mo cir yang snang // ngo bo gcig tu gnas pa ltar// ji ltar snang grags dran rtog kun// rang byung stong pa'i klong du brda la// ma lus byang chub lung du bsdus// rang bzhin gnas dang rtogs pa dang // mthar phyin spyod yul thams cad la// phyogs ris med dang sel med pas// de phyir 'di la glong zhes brjod//
- 114a
gzhan du lta bas mi gnas te// tha dad pa dang dgag sgrub dang // gnyis 'dzin rgyu 'bras la sogs pa// phyogs ris sel dang ldan phyir ro// gang phyir theg pa'i snying po nyid// thabs chen gsang ba'i rig pa yis// dgu rum sbas pa'i don gsal na// phyogs ris med pa'i glong du brda la// rang byung theg pa'i snying po nyid// dngos dbang gcig las mi gnas kyang // gang zag blo yi bye brag gis// gzhi lam 'bras bur rnam par snang // rang bzhin gnas po'i glong dgu dang // ma bcos rtogs pa'i glong dgu dang // thugs rje rol pa'i glong dgu nyid// skabs kyis khyad par so sor snang // ma bcos rol pa rang snang dang // zhen rtags rtog ba rang snang gnyis// bye brag ma phyed gti mug blo// dngos nyid gtan la ma phebs par// nga rgyal dregs pa'i gdeng tshig gis// 'dod lnga bab cho la spyad pa log/ de yi dus kyi gang zag rnams// sbrel ma g.yang du 'brel ba bzhin// bla ma ngan pa'i rjes 'brangs nas// rdo rje'i khab tu ltung gyur nas/ byang chub sems kyi rigs dang bral// ma bcos rdzogs pa'i ngo bo nyid// brda tshig zhen brjod kun bral yang // mtshan ma brda tshig zhen pa rnams/ brjod pas don la dgod pa dang // theg pa kun gyi don rnams ni// 'di la
- 114b
rdzogs par bstan pa dang // ma 'dres khyab par bstan pa'i phyir// glong dgu'i khyad par bstan pa yin// de dag gang ltar snang gyur kyang // rang byung snying po de shar phyir// rgya mtsho chu bo 'du 'phro ltar// ma lus sems su 'dus pa yin// don gcig ma lus kun rdzogs pas/ grong dgu thugs kyi yang snying 'di// rdo rje 'phrul gyi tshig gi/ bstan// ma bcos rig pa nyams kyis go// bstan pa'i bye brag ji snyed pa// snying po don du kun 'dus pas// dngos don rtogs pa'i skad cig la// bstan pa ma lus dus gcig rtogs// snying po ro dang rnam pa ltar// gang ltar snang yang gcig tu myong // tha dad med de ngo bo gcig/ rang bzhin nam mkha'i mtha' ltar khyab// thugs rje bstan pa skar ltar bkram/ ting 'dzin rgya mtsho rlung ltar zab// spyod pa phyogs bral kun tu spyod// gang yang glong dgur ma 'dus med// ces gsungs so// nam mkha'i mtha' dang mnyam pa'i rgyud chen po las/ glong dgu'i dbye ba bshad pa'i le'u ste zhe dgu pa'o// // de nas yang sems dpa' rdo rje dam pa la// 'dus pa chen po'i tshogs kyis 'di skad ces gsol to// sangs rgyas kun gyi rang bzhin khyod// ma lus sku gsung thugs la rdzogs// mi phyed rdo rje'i ngo bo
- 115a
gcig/ mgon po khyod la gsol ba ni// klong dgu'i bstan pa ji snyed pa// gnas pa'i ngo bo ji ltar gcig/ rtogs pa'i thabs ni ji ltar gcig rig pa'i nyams ni ji lta bu// 'bras bu khyad par ji ltar gcig/ gcig tu bstan pa'i dgos pa gang // bdag cag rnams la bshad du gsol// zhes gsol to/ 4/ de nas sems dpa' chen po gsang ba'i bdag pos 'di skad ces bka' stsal to// kye 'dus pa'i tshogs 'di lta ste/ ma lus sems kyi rang bzhin las// rgyu 'bras lam dang 'bras bu dang // gzhi dang lam dang 'bras bu dang // sangs rgyas sems can la sogs pa// ma lus 'dus pa'i ngo bo nyid// phyi nang snod bcud ma lus pa// nam mkha'i ngang du 'dus pa ltar// snang stong rig pa'i chos rnams kun// rang byang rgyal por gdod nas gcig/ thog mtha' med pa'i rang bzhin ni// chos rnams kun gyi rang bzhin te// nam mkha'i mtha' dang ma nyam sbyor bas// rdo rje snying po'i ngo bor gnas// nam mkha' rang bzhin dngas pa la// ji snyed pa yi chos snang ba// rim pa ma 'dras gnas gyur kyang // de yi ngo bor gcig pa ltar// ma lus chos rnams mtha' yas pa// sems nyid ma skyes ngo bor gcig/ ma bcos gnas pa'i rang bzhin la// gang zhig rjes su spyad pa'i
- 115b
chos// sgra dang tshad ma gtan tshigs dang // bcos ma'i sbyor ba mtha' yas pa// brgyud pa'i sgo nas bstan pa kun// bskal pa gang+gA'i bye snyed du// bsgrubs shing btsal bas mi rnyed pa'i// rtog pa'i rnal 'byor la sogs pa'o// thabs la mi gnas bltos mi byed// gang gis bshad pa de dag kun// sangs rgyas mngon sum byin rlabs kyis// gzhan la ma bstan ma brgyud par// spyi blugs tshangs pa'i dbang gis bstan// ma lus thabs chen gcig tu bstan// skal ldan las kyis phrad pa la// dgod// pa byin rlabs tshul gyis bstan/ 6/ rig pa'i nyams la chags pa na// sems dang nyams kyis gsal bar shes// mos ldan phrad par dka' ba la// rna ba rgyud 'phrul tshig sgo nas bstan// skal med las kyis bsgribs pa la// thabs kyi khyad par gang bstan yang // thams cad la ni me long ltar// bltas kyang gzugs brnyan mi snang ngo // thabs kyi khyad par ci bstan pa// go zhing rtogs pa gcig las med// rgya mtsho chu bo ji bzhin no// dngos don thabs kyis gang rtogs nas// rig pa dang po'i gdeng ldan pa// phyi nang spyod yul ma lus la// rig dang dran pas gang gsal ba// rin chen gling la phyin pa'am// 'brub bcud nyams su myong ba 'am// 'khrul pa gsal ba'i shes pa ltar//
- 116a
rig pa gcig tu nyams myong ba// re dogs rnam par bcad pa'i sems// phyogs bral ye shes chen por rgyas// ma bcos so mar nyams gcig pas// dus gsum 'byed pa'i chos med de// snga phyi med pa'i ngo bor gcig9/ rtogs pa'i ye shes yengs pa med// chu bo'i rlabs sam kha dog gam// chu bo chu bur ji bzhin du// zhag dang zla ba nas bzung nas// bskal pa bye ba mtha' klas par// rgya mtsho rlan gyi ngo bo ltar// ma sgoms ngo bo nyid du gnas// lta spyod ting 'dzin ro gcig pas// nam mkha' lta bur dpag med cing // stong chen rnam pa kun ldan pa/ byin rlabs nus mthu'i gzhir gyur pa// dus gsum sangs rgyas kun gyi dngos// chos sku 'bras bu kun gyi gnas// rang byung snying po ma yin pa'i// dngos po gang yang med pas na// de nyid mngon du bstan pa dang // rgyu 'bras gnyis 'dzin la zhen pa'i// dngos 'dzin/ de nyid dgrol ba dang // skal ldan rigs can gang zag rnams// ma bcos sa la gzhag pa'i phyir// glong dgu'i rtsa ba gcig tu bstan// de nyid nam mkha'i rang bzhin ltar// dngos dang dngos med rnam par spangs// thig le chen po kun rdzogs pas// 'dus 'phro thig le glong du gsol// zhes gsungs so// nam mkha'i mtha' dang mnyam pa'i rgyud chen po
- 116b
las/ glong dgu'i rtsa ba gcig tu bshad pa'i le'u ste lnga bcu pa'o// // de nas sems dpa' rdo rje dam pa la// 'dus pa chen po'i 'khor rang snang sprul ba'i tshogs kyis 'di skad ces gsol to// dus gsum rgyal ba'i rang bzhin khyod// sangs rgyas kun gyi bstan pa'i gter// rin chen glong dgu sems kyi bdag/ mgon po khyod la gsol ba ni// ma bcos rdo rje snying po'i rgyud// brjod pa tshig gi sde mig gis// ma bcos snying por ji ltar rtogs// bshad pa'i tshul ni bdag la gsungs// zhes gsol to/ de nas sems dpa' rdo rje dam pa des 'di skad ces bka' stsal to// dus gsum rgyal ba thams cad kyi// sku gsung thugs ni gsang ba'i gte ra// nam mkha' mtha' dang mnyam pa'i rgyud// rdo rje snying po gsang ba'i lung // rang byung snying po dbyer med na// ma lus ston pa shes bya'i phyir// ma bcos gzhi dang dam pa'i lam// lhun gyis grub pa'i lam du bstan// / ma bcos rdo rje snying po'i rgyud// nam mkha'i mtha' dang mnyam sbyor ba'i// sangs rgyas sems can dbyer med pa// lhan cig gnas pa'i nus pa dang // gdod nas lhun gyis rdzogs par gnas// rin chen lam gyi goms bya ba// srog chags phyogs med bgrod pa ltar// log pa'i lta spyod cir snang yang // nyam nga log
- 117a
pa'i 'du shes med/ brjod pa tshig la ma la brtan nas// don dam rtogs pa 'byung bar 'gyur// dang por brda don sprad pa dang // gnyis pa don la phrad pa yin// gsum pa don dang bral ba yin// bzhi pa ma bcos lung du 'jug/ dang po gtan la 'bebs pa'i dus// gnyis pa gtan la phe bas pa'i dus// gsum pa nges pa rnyed pa'i dus// bzhi pa gdang du gyur pa'o// pra khrid sgra yi man ngag dang // nges pa gdeng gi man ngag dang // rig pa tha la phyung man ngag dang // ye shes glong gi rim par bstan// ye shes rgya mtsho bsam bral ba// yengs dang ma yangs 'du shes med// re dogs spangs pa'i bsam pa nyid// nam mkha'i mtha' dang mnyam par 'jug/ dang por mos pa tshogs spyod de// gnyis pa nam mkha' rdo rje nyid// gsum pa 'gro 'du la thabs su 'dod// sdug bsngal rtsol sgrub bcas pa yi// bsam gyis mi khyab dus su bstan// bde ba chen pos nyams su blang // dang por mos pas 'jug pa ste// gnyis pa rtog pa'i tshul gyis 'jug/ gsum pa gdeng du gyur pa'o// dang por rig can gang zag de// gnyis pa rtogs pa'i gang zag yin// gsum pa mthar phyin gang zag go// dang po rang rgyud 'du shes
- 117b
can// gnyis pa dran snang glo bur ba// gsum pa ma bcos nyid du gsal// dang por mi mkhas shes pa ste// gnyis pa mkhas pa'i 'du shes yin// gsum pa ma bcos nyid du bstan// dang por dge ba dang du thang // gnyis pa gnyis ka mi len te// gsum pa dge sdig gnyis ka spyod// dang por rtse gcig dgongs pa ste// gnyis pa rdzogs pa'i dngon pa yin// gsum pa phyogs ris med pa bstan// ma lus dran rtogs ting 'dzin mchog/ snang ba ma lus rig pa'i nyams// ma bgrod rig pa glong gi sa// dus gcig sangs rgyas sa la bkod// ma btsal lhun gyis grub pa nyid// rgyu rkyen bcol pa las 'das pa// rang byang 'od dang rin chen ltar// gzhan las byung dang bsgrubs pa dang // btsal dang bgrod pa'i 'bras bu min// rgya mtsho chu dang rba rlabs ltar// sna tshogs snang yang gzhan byung min// rang byung lhun rdzogs 'bras bu la// bdag gzhan don kun rdzogs par gnas// ngo bo gcig las ma g.yos kyang // rol pa gzhan don 'bum phrag yas// gang ltar mthun pa'i bsam pa ltar// mdzad pa'i byin rlapas 'od ltar 'phro// ma bcos rdzogs chen bstan pa 'di// rna brgyud tshad ma'i don bral zhing // ma bcos don gyi gdeng med na// lung dang sgra dang yid spyod kyis// rgya mtsho 'dzings kyi pha bong ltar// rang snang rtogs pa'i nyams
- 118a
med par// gzhan don mdzad pa'i skyes bu des// pha rol ji ltar thar par 'gyur// gnyis ka sbrel ma ga yang 'gril ltar// 'khor ba'i mtha' mar lhung gyur nas// re dogs gnas las thar pa med// ces gsungs so// nam mkha'i mtha' dang mnyam pa'i rgyud chen po las/ don rnam grangs kyis gtan la phab pa'i le'u steng gcig pa'o// // de nas sems dpa' rdo rje dam pa la/ 'dus pa chen po rig pa rang snang gi 'khor tshogs kyis 'di skad ces gsol to// dus gsum rgyal ba thams cad kyi// sku gsung thugs kyi dgongs pa che// nam mkha'i mtha' dang mnyam pa'i rgyud// rtsa ba'i snying po las gsungs pa// man ngag dgu rum sbas pa'i gte thabs chen gang gis gsal bar bgyi// legs par bdag la bshad du gsol// zhes gsol to// 6/ de nas yang de bzhin gshegs pa thams cad kyi gsang ba'i bdag po lag na rdo rjes 'di skad ces gsungs so// sangs rgyas kun gyi gsang ba'i gter// rig pa'i 'khor lo yu ba can// rtogs pa ye shes 'khor lo'i mdzod// don gyi snying po gsung gi bcud// kun brjod ye shes 'khor lo can// rang bzhin brtags dang bltos pa yi// ma rig mun pas bsgribs pa rnams// gsang ba'i rgyud 'di la brtan nas// da lha nyid du
- 118b
dngas par byed// bskal pa stong phrag grangs med par// thabs kyi rtsol ba'i rnam grangs kyis// ji ltar btsal yang mi rnyed de// rang byung snying po rtogs par dka'// e ma'o/ rab tu rtogs par dka'// a ma'o rang bzhin rnyog pa med// e ma'o ma bcos bde chen po// e ma'o thig le rang byung sems// rdo rje snying po rmad byung ba// nam mkha'i mtha' dang mnyam pa'i rgyud// man ngag mngon du phyung ba ni// gang du rtsa ba snying po'i phyir// dang po dag ni bstan pa yin// de nyid rgyas par ston pa'i phyir// bcu pa gsal par bkod pa yin// de dag tshogs pa'i dgos pa yang // byin rlabs ting 'dzin rig pa yis// rig pa rang 'char bstan mdzad pas// gnyis pa nyid ni bshad pa yin// brgyud ba'i gsang nyid bstan pa'i phyir// bzhi pa de ltar bkod pa yin// de dag skal ldan la bstan phyir// nyi shu drug pa bkod pa yin// 'di dag gzhi nyid bstan pa yin// skal ldan rigs can rnal 'byor pa// gsang ba'i don la gang gnas pa// legs nyes 'bras bu lung bstan phyir// nyi shu pa nyid bstan pa yin// de nyid dkyil 'khor 'jug pa'i phyir// bcu gsum pa nyid bstan pa yin// dam tshig chen po dbog pa'i phyir// bco lnga pa nyid bstan pa yin// de dag nyid la dbang bskur zhing // bcu bzhi pa nyid/
- 119a
bstan pa yin// skal ldan dbang tho ba gang zag gis// rna brgyud gdams pa thob dgos pas// bdun pa legs par bkod pa ste// lam gyi ngo bo bstan pa yin// bdag don rtogs pa mthar phyin kyang // rdzogs pa tshig gi yan lag gis// bshad bya mdzod dgu'i bstan pa dag/ gang zag de la bstan pa'i phyir// lnga pa dag ni bshad pa yin// sems nyid mdzod dgu gter gyi bdag/ glong dgur phye ste bstan pa'i phyir// nyi shu gcig pa bkod pa yin// glong dgu'i bam po nyi khri yi// brjod/ pa'i lde mig bstan pa'i phyir// gsum pa nyid ni bkod pa yin// de dag nges pa'i gas la rtogs pas// drug pa nyid ni bkod pa yin// gdams ngag med pa'i gang zag la// gang gis gang la bsgribs pa'i phyir// dgu pa lags par bkod pa yin// de nyid ma bcos bstan rtogs pas// brgyad pa legs par bstan pa yin// de nyid dbang po'i khyad par/ gyis// ji ltar 'tsham par bstan pa'i phyir/ nyi shu lnga pa bstan pa yin// de yis yid ches nges pa'i phyir// nyi shu gsum pa bstan pa yin// nges pa rnyed pas glong dgu pa'o// rig pa gcig tu rtogs pa'i phyir// nyi shu gnyis pa bstan pa yin// rig pa skye med nyams myong bas// bcu gcig pa nyid bstan pa yin// de nyid bar chad med bsgom pa// bcu
- 119b
drug pa nyid gsal bar bstan// gdang du gyur pa'i rnal 'byor pas// sgo gsum spod pa bstan pa'i phyir// bcu gnyis pa nyid bstan pa yin// lha sprod ting 'dzin 'bral goms pas/ bya med 'phrin las lhun grub pas// bcu bdun pa nyid bstan pa yin// de ltar rtogs goms rnal 'byor la// sa dang lam la rim med pas// bco brgyad pa nyid bstan pa yin// 'di dag yan lag bshad pa yin// da ltar sa lam mthar phyin pas// ya shes lnga rdzogs lhun rdzogs pas// bcu dgu pa nyid bstan pa yin// de nyid lhun grub 'bras bu brjod// de ltar rdzogs pa chen po nyid// mtshan gyi don nyid shes bya'i phyir// nyi shu bzhi pa gsal bar bstan// de dag mi nub bstan bya'i phyir// nyi shu bdun pa bstan pa yin// rang byung rdzogs pa'i bdud rtsi 'di// rna brgyud 'phrul tshig mi ldan par// rang brtags log pa'i 'du shes kyis// yid spyod rdzogs su gang 'jug pa// bla ma slob mar bcas pa rnams// bdud rtsi dug tu gyur pa ltar// lha spyod log pa'i nga rgyal gyis// rdo rje'i khab tu ltung gyur nas// byang chub sems kyi rigs dang bral// zhes gsungs so// nam mkha'i mtha' dang mnyam pa'i rgyud chen po las/ rdo rje snying po'i rgyud man ngag gis gtan la phab pa'i le'u steng gnyis
- 120a
pa'o// // de nas yang sems dpa' rdo rje dam pa la/ 'dus pa chen po'i tshogs rnams kyis mgrin gcig tu 'di skad ces gsol to// dus gsum rgyal ba thams cad kyi// snying po rang byung rgyal po la// skye shi ri dogs mi gnas kyang // thugs rje'i mnga' bdag khyod kyis ni// 'chi bdag ya shes la bzlas te// 'gro bar re dogs gcod par mdzod// ces zhus so// de nas de bzhin gshegs pa thams cad kyi gsang ba'i bdag po des 'di skad ces bka' stsal to// rang byung rig pa'i rgyal po nyid// ma lus kun gyi rang bzhin yang // de nyid kun bzang rig pa ste// thog ma tha ma dngos med pas// de nyid bde ba chen po la// dran rtog pade sdug tsor snang yang // ma bcos bdud rtsi'i thig ler brtag/ rang byung bdud rtsi'i pho brang nas// gsang ba'i thig le 'du zhing 'phro// rtsa ba ma skyes a las byung // rtse mo phyogs med nam mkha'i glong // ngo bo thig le mi g.yo ba// brtags pas stong pa'i ngang du thim// gnas pa dang ni rgyu ba dang // thim par rang byung bde chen gsal// ma lus bdud rtsi thig le yis// 'chi ba'i re dogs gcad pa yin// bdud rtsi rgyu ba'i rig pa nyid// gang la brten pa'i ye shes te// phyi nang phyogs ris kha dog dbyibs// bar ma'i rig pa
- 120b
brtags pa las// nam mkha'i dkyil 'khor mngon du snang // dang po'i dkyil 'khor phyogs med la// gsang ba'i dbang pos bltas pa ltar// dang por mig dang phrad par bya// de nas mthong ba'i don la brtag/ rig pa gdeng gi don thob nas// ma lus kun kyang de bzhin te// phyogs med nam mkha'i rang bzhin la// skyes bus ral gri ba tab pa'am// dad pa'i rang bzhin 'bigs pa ltar// blan po rtog pas bcings 'gyur gyi// de nyid mthong ba'i rna la 'byor la// 'pho ba'i re dogs gcad pa yin// gang du de dag brtan gyur na// rig pa rgyu ba gnyis med pa// smig rgyu rlung dang 'dres pa ltar// de nyid rig pa'i stobs kyis bsgom// de ltar gsal brtan 'jigs bral na// snga phyi skye gnas 'jigs pa med// nam mkha' bsgribs med dngas pa la// gsal ba 'char nub med pa ltar// rang bzhin ma skyes phyogs med la// rig pa 'char nub med par brda la// nam zhig slu bar 'dod pa na/ rgyu ba rig pa'i thig le nyid// gnas pa a yi dang la bstim// rlung sems nam mkha'i nyams myong gis// bsdus te nam mkha'i glong la tha mi// dang po rgyu ba'i thig le ste// gnyis pa rig pa'i thig le ste// gsum pa gnyis med thig le nyid// ma 'phos bar du nges par bya// gang du dman pa'i rnal 'byor la// 'chi bdag dbang po bzlog
- 121a
ba'i phyir// bsam gtan gsum gyi rnal 'byor gyi// 'chi ba'i re dogs rnam par gcad// thig le bsdu ba'i ngo bo ni// ji snyed bya ba'i spyod pa ni// bdag nyid spyi yi tshul du sdud// de nyid gnas pa 'byung bzhi rlung // 'di dag dus ni gsum yin la// mngon du nges shes mi skye la// bla mas byin gyis ma brlabs na// thug phrad lam la rmongs pa dang // 'chi med bdud rtsi don mi rtogs// dus gsum rig pas nges mthong la// rkyen dang ldan pa'i rnal 'byor pas// bar chud ma lus bsal byas te// snyan pa'i rol mor bcas pa yis// don dang ldan pa'i sgra gsum gyis// thun tshad nyams dang mnyam sbyar nas// dran dal gsum gyi sgra yis bstan// tha ma nyin zhag bdun gyis te// re dogs chad pa nyams myong gis// par mi srid pa'i chos med par// skye ba len pa'i sdug bsngal bral// 'khor ba'i re dogs rnam par chad// sdug bsngal zad nas bde glong 'khyil// zhes gsungs so// nam mkha'i mtha' dang mnyam pa'i rgyud chen po las/ srog ye shes kyi bdud rtsi nam mkhar thim pa'i le'u steng gsum pa'o// // de nas yang sems dpa' rdo rje dam pa la/ 'dus pa chen po'i tshogs kyis 'di skad ces gsol to// dus gsum
- 121b
rgyal ba thams cad kyi// rig pa gsung gi 'khor lo bdag/ brgyud pa gsum gyi gsang ba 'chang // mgon po khyod la gsol ba ni// ma lus sems su rang gnas kyang / rang rkyen log pa'i stobs kyis dkrugs// ma bcos rdzogs pa'i don ma mthong // ma lus sems nyid skye med du// khyed kyis byin gyis brlab par mdzod// ces gsol to// / de nas gsang ba'i bdag po phyag na rdo rjes 'di skad ces bka' stsal to// rang byung ye shes kun gyi bdag/ sangs rgyas kun gyi snying po ste// ma lus 'gro ba thams cad la// gnas pa gsum gyis gnas gyur kyang // rgyal po'i phra dgu 'khyams pa ltar// rang gi mtshan nyid ma rtogs so// ma lus sems kyi rang bzhin te// rgyu ba bral ba mngon sum nyid// zag pa med pa'i dang sa ma ste// ma lus snying por gcig pa yin// gang du log stobs drag po yis// med las dngos por rags par snang // gang du mthong ba'i stobs log pas// rang byung snying po'i 'od la bsgribs// thabs dang bral ba'i rnal 'byor pas// ji ltar bltas kyang don mi mthong // 'phrul tshig brda yis gtan la dbab// gsang ba'i don gyi rtogs pas lta// ma bcos yin par bzhag pas bsgom// re dogs med pa'i tshul gyis spyad// stong nyid nam mkha'i rdo rje la// rig pas ma bcos bltas
- 122a
pa'i tshe// ma lus nam mkha' chen po nyid// de nyid dngos por snang ba mthong // ma bcos snang ba'i rang bzhin la// rtse gcig dran pas bltas pa'i tshe// gang bltas stong nyid rang bzhin te// de dag ji bzhin yin par mthong // snang srid ji snyed ma lus pa// sems nyid thig le'i rang bzhin la// rtogs par 'dod pa'i rnal 'byor pas// dngos po rang snang ma rtogs par// sgra dang tshad ma gtan tshigs dang // bcos ma'i thabs ni sna tshogs pas// btsal bas dngos po'i don mi rnyed// dngos 'dzin phyogs kyi 'du shes kyi// phyogs bral nam mkha'i rang bzhin la// mtha' dbus med par btsal bsgrubs kyang // snang srid nam mkha'i mtha' tshol 'dra// gang zhig ma bcos rtogs 'dod pas// ma lus ji snyed snang ba kun// rnal 'byor gcig gis rig pa ste// 'dres pa phye la ngo bor bstan// snang 'gyur ba yi gnas skabs kyis// snang ba sems su the tshoms med// tha mal snang ba bstan reg can// spyod pa dang ni re dogs dang // shes pa 'dul bas nyams myong yin// gang du rdo rje bla ma yis// / rna ba rgyud tshig gsum man ngag gis// tshig dang bral ba mngon du bstan// srog gi thig le rgyu ba yis// rgyu ba med pa'i don du bstan// snang srid mtshan ma'i dngos po yis//
- 122b
mtshan med rig pa mngon du bstan// de ltar rig pa'i nyams myong yang // dus gsum nyid kyis shes pa yin// rna brgyud lung gi bdud rtsi yis// ma lus sems su mngon rtogs te// / de nyid dngos po yod min pa// rgyu ba chad pa'i dus kyis gas la// rna bas ma nyan pas rig pa thos// de dang de der bcas pa nyid// ma skyes stong pa'i klung du mthong // dus gsum gcig la kun rdzogs pas// snga phyi med pa'i ngo bo ste// rig pa mngon sum nyams kyis gsal// de nyid dus gsum ngo bor gnas// re dogs bcad pa'i rnal 'byor la// ma bsgoms sems la yengs pa med// 'phra med rtogs pa'i rnal 'byor la// dus gsum gcig tu brtag pa'am// 'phen pa dang pos mtshams sbyar te// chu bo lta bur ma yengs bsgom// mi brtan yal ba'i gang zag gis// mthong nas rig pa'i nyams myong la// ri ga zar drag po'i 'bab chu ltar// rtse gcig gnas pa'i man ngag gis// ji snyed nyams myong ngo bor sdud// rigs ngan log pa'i slob dpon ni// rgyal ba'i bka' brgyud mi shes shing // rna brgyud bdud rtsi bral ba dang // spyi blugs dbang don ma thob par// nga rgyal dregs pa'i 'du shes kyis// rdzogs chen don la gang spyod pa// dmus long lam sna 'dren pa ltar// bskal pa nam mkha' zad pa'i bar//
- 123a
bdag nyid bder yang mi nus na// gzhan dag grol bar ji ltar 'gyur// de bas log pa'i bla ma ni// phrad pas log pa'i lam ston cing // 'grogs pas 'khor ba'i mtshan ma 'phel// dbang dang man ngag byin pa'i mthus// sdug bsngal brkam chags drag po skye// dran pas yid skyo'i 'du shes 'byung // 'di lta bu yi slob dpon ni// rmi lam du yang mi bas ma na// longs spyod dbul zhing bkur ba dang // mngon du phrad pa smos ci dgos// zhes gsungs so// nam mkha'i mtha' dang mnyam pa'i rgyud chen po las/ rna ba rgyud tshig gsum gyi le'u steng bzhi pa'o// / de nas yang sems dpa' rdo rje dam pa la 'dus pa chen pa'i tshogs kyis 'di skad ces gsol to// dus gsum rgyal ba thams cad kyi/ rdo rje rig pa nyid ma'i dang // bsgrub cing 'bang tshul bral ba nyid// sangs rgyas snying po che// ma lus kun 'dus rig pa'i gter// mgon po khyod la gsol ba ni// rdo rje'i don ni ji ltar lags// snying po zhes pa'i don ci zhig/ gtan la dbab tshul ji lta bu// phebs na gnas tshul don ci zhig/ ma 'ongs skal ldan don gyi phyir// bdag cag rnams la legs par gsungs// zhes gsol to/ 6/ de nas gsang ba'i bdag
- 123b
po phyag na rdo rjes 'di skad ces bka' stsal to// dus gsum sangs rgyas thams cad kyi// dgongs pa'i rig pa skye ba med// gdod nas rang byung snying po ste// mi phyed rdo rje zhes su bshad/ ma bcos rang byung ye shes ni// mtshon pa rdo rje gsum las byung // chos nyid ma bcos rdo rje ni// grub nas 'jig pa'i dus med do// skye med rigs ldan rdo rje ni// rdo rjes rgyas thebs bla ma yis// snang srid rig pa rdo rje ru// mtshon pa rdo rjes gtan la phab// rang byung rig pa'i rdo rje ni// rgyu rkyen bral bas skyo ba med// gnyen po bral bas 'jig pa med/ bsam bral rig pa cir mi dgongs// gnyis med ye shes rdo rje ni// stong nyid nam mkha'i don rtogs pas// snang srid bde chen rdo rje nyid// ma bcos ro gcig/ khyad par med// rdo rje rang byung snying po can// ma lus kun 'dus gnyis su med// bde chen glong gi 'od brda la bas// phyogs ris med par khyab par gnas// rang byung rdzogs pa'i snying po ni// ma lus 'dus pa'i snying po ste// thig le phyogs med nam mkha'i glong // phyogs med bde ba chen por gnas// mi phyed pa dang 'joms pa dang // gnyen po med dang mi 'jig dang // rtag pa chen po nyid kyi phyir// rdo rje zhes ni brjod pa yin// ma lus chos rnams thams cad kun// 'du zhing 'byung ba'i snying po ste// dngos
- 124a
rnams kun gyi de nyid don// ma lus 'byung ba'i snying po yin// ma lus 'dus pa'i ngo bo ni// rig pa skye med snying po ste// re dogs gsal ba'i yul 'das pa// sangs rgyas sems can mnyam du gnas// ma bcos rig pa ye shes ni// sgro skur 'das pa'i snying po ste// ma lus kun 'dus snying po can// tha dad gzhan pa'i rnam pa med// ma lus rang byung snying po nyid// dman pa rnams kyi yul min pas// dus gsum sangs rgyas ma lus la// re dogs bcad pa'i bstan pa nyid// dgongs pas phyogs ris med par bstan// skad cig tsam gyis rdzogs sangs rgyas// re dogs bcad pas lhun gyis grub// rig pa longs spyod rdzogs pa des// sa bcu'i dbang phyug rnal 'byor la// dgongs pa chos nyid bde chen bshad// ting 'dzin rig pa'i gdeng gis go/ ma bgrod sangs rgyas sa la gnas// dus gcig sangs rgyas sa la bzhag/ ston pa sprul pa'i sku yis ni// mngon du bstan pa'i skal med la// brjod pa'i tshig gi lde mig gis// ma bcos don la brgyud de bstan// / rang byung byang chub snying po'i lus// phyogs med nyi ma'i snying po ltar// gsal nas bar chad med pa'i lam// mngon du sku gsum bstan pa ltar// ma 'ongs skal ldan rnal
- 124b
'byor la// brgyud pa gsum gyis shes par bya// skal ldan dbang po'i khyad par gyis// dgongs pas byin gyis brlabs pa dang // ma rig ma nyam nyid sems la snang // rna ba rgyud gsang ba'i 'phrul tshig gis// rna la ma ma bcos don la sbyar// ma nor dam pa'i rigs can la// ma bcos dgongs pa gtan la phab// gsang don thabs kyis nges rtogs nas// rig pa nyams kyi goms tshad kyis// ma lus dran rig nyams su 'bar// ma bcos btang bzung med pa'i sems// rin chen gling la bgrod pa'am// rgya mtsho'i snying por gnas pa ltar// sna tshogs zhen pa rang log nas// rig pa'i nyams ni gcig tu gsal// zhes gsungs so// nam mkha'i mtha' dang mnyam pa'i rgyud chen po las/ rdo rje snying po gtan la phab pa'i le'u ste lnga bcu nga lnga pa'o// // de nas yang sems dpa' rdo rje dam pa la/ 'dus pa'i tshogs kyis 'di skad ces gsol to// dus gsum rgyal ba thams cad kyis// ye shes rang bzhin khyod yin pas// sangs rgyas kun gyis mdzad par shar// rgyud kun 'dus pa'i rtsa ba zhes// rgyal pa rnams kyis gsungs pa'i don// mgon pos bdag cag rnams la gsungs// zhes gsol to// de nas sems dpa' rdo rje dam pas
- 125a
'di skad ces bka' stsal to// e ma'o sangs rgyas thams cad kyis// rang byung thig le mtshon pa'i thabs// bka' rgyud ma lus thams cad kyi/ dam pa'i snying po dri ma med// e ma'o ya shes mchog gi don// e ma'o shin tu rtogs par dka'// e ma'o rgyal ba kun gyi lam// e ma'o mchog tu mya ngan 'das// 'di ni sangs rgyas thams cad kyi// ye shes snying po dri ma med// rdo rje nam mkha'i dkyil lta bu// dam pa rnams kyis dgongs pa nyid// rdo rje sems dpa' nam mkha' che// dus gsum 'gyur med rang gi dbyings// rang byung phyogs ris yul med pas// mi skye mi 'gag cir mi dgongs// phyi nang spyod yul thams cad kun// rang thig le'i ngang du bsdu// de nyid phyogs med rang snang bas// sangs rgyas sems can re dogs med// sna tshogs sku gsung thugs su bsdus// de nyid rig pa skye med de// rang byung snying po glong thob pas// phyogs 'dzin rnam rtog zil gyis mnan// ji snyed phung po lnga bdag nyid// de nyid gzung 'dzin bdag nyid do// dag dang ma dag gcig tu 'dres// bsgom du med pa'i thig ler gsal// mi dmigs yul med thig le nyid// blo rgur 'das pa'i don rtogs nas// yod med
- 125b
re dogs chad pa'i lam// phyogs med rang byung kun la 'jug/ ma rtogs 'khor ba'i ru ba ni// rang sems tsa t+ta'i dkyi la 'khor lnga// pad+ma skyon pra la yon ta na wA ra// ma lus rmad byung sangs rgyas sa// 'khor 'das ma lus kun gyi rtsa// rang sems ma bcos snying po ste// brtags pas nam mkha' las 'das pa// mtshon cing brtag pa'i yul las 'das// rtsu ba med pa'i rig pa nyid// chos rnams kun gyi rtse mo ste// thabs kyis rtogs na byung rgyal nyid// ma lus re dogs bcad pa yin// ma lus bdag nyid yin rtogs nas// bdag nyid rtogs pas pha rol phyin// bde bas bde rtogs bde chen rtogs// dam tshig bde rtogs bde ba'i mchog/ srog ni nam mkha'i rdo rje ste// 'khor lo bskor ba ma lus gcod// phyi nang snod bcud thams cad kun// mnyam pa chen po'i ngang du bskor// ma lus chos rnams thams cad kyi// ngo bo sems su gcig pas na// gsang ba'i thabs chen gcig bstan pas// ma lus kun rtogs rgyal po'o// ma bcos rig pa'i thig le la// bde ba chen po'i thig le brtag/ bcos pa med pa'i thig le bde// ji snyed snga phyi chos rnams ni// yul dang shes pa gnyis 'dus te// de nyid ma bcos thig ler 'dus// de nyid rtogs pas
- 126a
ro gcig go// ma lus bdag nyid kun rdzogs pas// dag dang ma ngag tshig mtha' 'das// bdag nyid chu ltar gzhan med pas// ma bcos rnal du gnas pa nyid// ji snyed tha snyad ma lus pa'i// rig pa kun kya tha snyad spyad// re dog sa 'jigs pa kun bral ba// ma lus kun gyi rtogs bya nyid// ma bcos rig pa'i don nyid ni// rna ba rgyud 'phrul gyis rim par bstan// rdo rje gser gyi zhen bkrol nas// tha ma ma bcos ngo bor bstan// khams gsum yid bzhin nor bu ste/ stong la yon tan kun 'byung ba// nam mkha'i nor bus dbang bskur nas// rgyal ba kun gyi dbang po yin// ma lus rdzogs pa'i thig le ste// snying po'i dam las ma 'das na// dmangs kyi chad pas mi 'jigs ltar// mtshan ma'i skyon gyis mi 'jigs so// ma lus kun byed byang chub sems// rgya mtsho nyi ltar 'jigs med pas// re dogs spangs pa'i spyod pa nyid// 'chi med bdud rtsi rgyal po ste// 'di ni rgyal ba thams cad kyi// rgyud do cog gi rtsa ba ste// rdo rje 'dus pa'i snying po yin// zhes gsungs so// nam mkha'i mtha' dang mnyam pa'i rgyud chen po las/ rgyal ba kun gyi dgongs pa'i rtsa ba 'dus pa'i lung gi le'u steng drug pa'o//
- 126b
/ de nas de bzhin gshegs pa gsang ba'i bdag po chen po de dgongs pa rnal du bzhag pa'i don 'di gsungs so// skal ldan rig pa'i rgyal sras kyis// ma lus bya ba kun byas nas// dam pa'i bla ma brten byas te// rna brgyud bdud rtsi 'thungs pa yis// 'khor ba'i re dogs kun bcad nas// phyi nang 'jug pa'i yul med pas// ma bcos byang chub sems kyi glong // snying po shar med nub pa med// thog ma tha ma med pa'i sems// ma lus thig le'i glong brda la bas// bcos pa med kyi ci bder zhog/ phyogs bcu'i rgyal ba thams cad kyi// snying po rang byung don rtogs nas// dgongs pa rnal du bzhag pa yis// rgyal ba kun gyi ngo bor gyur// 'das pa'i sangs rgyas de bzhin gshegs// rdul gyi zhing dang rab mnyam pa// rang byung rdzogs pa'i don thob nas// dgongs pa rnal du bzhag las byung // ma byon dpal ldan de bzhin gshegs// nam mkha'i mtha' dang rab mnyam pa// rdzogs chen lhan grub don rtogs nas// dgongs pa rna la du bzhag pas 'gra ba// sangs rgyas kun gyi dgongs pa ni// ji skad chos rnams ma lus pa// snying po gcig tu kun 'dres pas// de nyid ma bcos dgongs pa ste// rtogs nas yan par bzhag las byung // ma skyes skye ba rang log pa// rmi lam sad pa'i spyod
- 127a
/ yul ltar// rtogs nas don 'dzin rnal 'byor pas// ma bcos bzhag pas bde bar grol// rdo rje sems dpar rang grub pa// dpag med ye shes las byung ba'i// sangs rgyas sna tshogs skur byung nas// mngon sum rang gi snying la thim// dpag med ye shes chu bo'i rgyun// spyod yul ma lus rgyun mi 'chad// rnal 'byor skal ldan grol 'dod pas// 'thungs pa tsam gyis rnam par grol// de bas srid pa'i rgya mtsho nyid// rnal 'byor thabs ldan skyes bu yis// rgyal ba'i bka' gsang snying po la// rtogs pas mi bskyod bder gnas so// ji srid nam mkha'i mthar thug pa'i// ji snyed snang grags ma lus pa// ma lus snying po gcig tu gnas// de nyid rdo rje sems dpa' ste// ma lus dngos 'di thams cad kun// ma bcos rdzogs pa'i rnal 'byor la// ma lus rdo rje sems dpar ni// mngon sum gzugs kyi gnas par 'gyur// nam mkha'i mtha' dang ma nyam sbyor ba'i// rdzogs chen don la gang gnas pas// dngos po gang dang gang snang yang // dgongs pa rnal du gzhag par bya'o// dpag med ye shes 'khor lo can// sangs rgyas kun gyi snying po nyid// nam mkha' lta bu dpag med pa// rang nyid de ltar gnas
- 127b
par bya// mtha' dbus phyogs rigs dang bral ba// ye shes rang byung bsam mi khyab// dgag bsgrub re dogs chad pa yi// bsgom du med pa'i tshul gyis gnas// rang bzhin 'bab chu ji bzhin du// ma bsgoms rang gzhag dgongs pa'i lung // ma bcos rnal du bzhag pa ni// rang dgar gnas pa'i stobs las 'grub// dbang po gang dang gang snang ba// ye shes nam mkha'i 'od du gsal// nyi 'od nam mkha'i chu rlabs ltar// ma bcos rang grol nyid la thim// dpag med nam mkha'i rang bzhin la// shar med nyi ma'i 'od kyis gang // shar ba med cing nub pa med// nam mkha'i mthar thug par du gnas// sangs rgyas kun gyi bde chen 'di// dgongs pas ma bcos rnal gzhag pa// rim par brgyud pa'i gsang ba'i gta ra// bskal par sbyangs pa'i rnal 'byor ram// dbang po tshig chod gang rung la// glong dgu rgya mtsho bcud bsdus pa'i// dbang po yan bzhag gsang ba'i thabs// dgongs pa rnal bzhag grol ba'i lam// rnal 'byor thabs kyi gsang chen 'di// skal ldan gcig gi spyod yul te// dman pa rnams kyi spyod yul min// dgongs pa rnal gzhag ye shes yin// zhes gsungs so// nam mkha'i mtha' dang mnyam pa'i rgyud chen po las/ dgongs pa rnal du gzhag pa'i le'u ste
- 128a
lnga bcu bdun pa'o// // de nas yang sems dpa' rdo rje dam pa de la/ 'dus pa chen po'i tshogs rnams kyis 'di skad ces gsol to// skyob pa sangs rgyas thams cad kyi// skra dang gsung dang thugs kyi rgyud// gsang ba kun gyi bdag nyid de// rgyud kyi don ni ji lta bu// rtsu ba zhes ni ji ltar lags// phyi ma zhes ni ji ltar lags// gsang ba zhes ni gang la bgyi// de yi brda ni ji ltar lags// de yi don ni bshad du gsol// zhes zhus so/ 6/ de nas bcom ldan 'das gsang ba'i bdag po phyag na rdo rjes/ 'khor gyi tshogs la 'di skad ces bka' stsal to// 'das dang da ltar ma byon pa'i// de bzhin gshegs pa thams cad kyi/ sku dang gsung thugs rdo rje yi// ma bcos snying por ro gcig pa'i// ye shes rang byung skye med glong // rtag tu gnas pa gang yin rgyud// de yi ngo bo bstan pa'i phyir/ byin rlabs ye shes rgya mtsho nyid// rgyal ba rgya mtsho rnams la brgyud// de dag gsang ba'i don nyid ni// skal ldan rgyal sras dpag med la// ting 'dzin rig pa mchog gi rgyud// de nas thugs rje byin rlabs kyis// dus gsum rgyal ba'i sku gsung thugs// tshig dang yi ger mngon sprul nas// rang rgyud dag pa'i skye bo la// 'khor ba snying por dgrol ba'i phyir//
- 128b
rna ba rgyud 'phrul tshig dag gi rgyud// gang gi gang la gang brgyud pas// 'di ni rgyud ces bya bar brjod// chos rnams ma lus thams cad dang // bka' rgyud theg pa ma lus kyi// brjod bya don gyi snying po ni// ma bcos rdzogs pa chen po nyid// ji snyed theg pa ma lus pa'i// thabs kyis bsgrubs pa'i 'bras bu ni// ji snyed sku gsung thugs snang ba// ma bcos chos sku'i ngo bor 'dus// ji snyed sangs rgyas sems can dang / bstan pa'i phung mo ma lus dang // phyi nang snod bcud ma lus pa// rtsa ba rang sems rdo rje nyid// de nyid rdzogs chen thig le'i rgyud// glong dgu'i bstan pa rgya mtsho'i rgyud// ma lus 'phros pas rtsa ba ste// yan lag rtogs pa kun dang 'brel// gcig don rtogs pas kun don rtogs// dper na lus dang yan lag bzhin// 'dis ni rtsa ba'i rgyud ces bya/ 6/ gang du ston pas gsungs pa'i don// 'khor/ la thog mar grags pa nyid// rtogs par dka' ba'i gsang ba la// rgyal tsha ba skyes bus phyis gsungs pa// de ni rgyud kyi phyi mar 'dod// snga ma rtogs par dka' ba'i don// phyis rtogs pas kyang phyi ma yin// 'khor gyi dngos po rgyal tsha ba la// 'dus pa'i 'khor tshogs phal pa yis/ phyis nas zhus pas phyi ma yin// snga ma mya ngan 'das pa
- 129a
ste/ phyi ma 'khor ba nyid du gsungs so// snga ma sbas pa'i rang bzhin la// phyi ma gsal bar byed pa'o// 'di ni phyi ma zhes su bshad/ 6/ sangs rgyas kun gyi gsang chen ni// chos so cog gi snying po ste// kun gyi rtogs par dka' ba nas// gsang ba nyid du de gsungs so// dus gsum rgyal ba thams cad kyi// sku gsung thugs kyi rgyud chen ni// rdzogs chen bstan pa'i snying po ste// dman pa'i yul du ma gyur pas// dgu rum sbas pa'i don gsang ba'i// yang dag sangs rgyas rdo rje/ 'chang // sku gsung thugs kyi bde chen po// dpag med sangs rgyas byang chub sems// ma lus rdul snyed kun gyis kyang // dgongs spyod rtogs par ma gyur pas// gsang ba nyid du de brjod do/ 7/ gang du ma bcos rdzogs chen po// thog ma tha ma dbus med pa// rdo rje nam mkha'i dkyil lta bu// brtag cing spyad pa las 'das pa// de mtshon brda don thams cad de// sangs rgyas byang chub sems dpa' dang // bstan pa'i theg pa thams cad dang // snang sresrid phyi nang snod bcud kun// rang byung rdzogs pa chen pa'o// mtshon dpe brdar gyur ma yin med// bla ma dang ni bdag nyid dang // dran rtog rgyu ba kun kyang brda// brda la chags par gang gyur pa// de nyid rang gis gang
- 129b
bcings pa// brda nyid don du shes byas la// don nyid bya btsal med par grol// 'du shes med pa'i rang bzhin ni// ma yengs yin par gzhag pa yin// phyi brda snang ba sna tshogs te// nang brda rig pa gang skyes nyid// brda nyid ma bcos dbyings la thim// phyi nang ma btsal rang bzhin gzhag/ ces gsungs so// nam mkha'i mtha' dang mnyam pa'i rgyud chen po las// rgyud rdza ma dang phyi ma bshad pa'i le'u ste sna btsung brgyad pa'o// de nas yang sems dpa' rdo rje dam pa la/ 'dus pa'i 'khor tshogs kyis 'di skad ces gsol to// dus gsum rgyal ba thams cad kyi// sku gsung thugs kyi gsang ba'i gter// bde ba chen po mtha' dbus med// nam mkha'i mtha' dang mnyam pa'i rgyud// bde ba chen po gang gi don// thabs kyi khyad par ji lta bu// ji snyed rtag pa ji ltar rtag/ don la snga phyi yod mi yod// ma lus mgon po gtso bo ches// 'dus pa'i tshogs la nges par gsungs// zhes gsol to/ 6/ de nas de bzhin gshegs pa gsang ba'i bdag bas zhus pa'i don mkhyen nas 'di skad ces bka' stsal to// gang gis g.yo ba'i don brtan nas// 'bar dang 'dzag pa'i rnam pa can// bde ba chen po thob par 'dod//
- 130a
bde ba zag bcas thob par 'gyur// gnas dang langs dang gcig tu sdud// 'dzin dang sprod dang spor ba dang // khyab dang yun rings gnas pa dang // 'dren dang pha rol 'jug pa nyid// g.yo ba rlung gi las su bshad// gang gis rgyu ba bcad pa las// brtags pa'i snang ba kun 'grub ste// bde ba'i ro yis lus gang nas// 'dar dang rgyal ba la sogs 'byung // dngos po gang rung snang ba la// rig pa rtse gcig brtags pa'i tshe// dbang po rgyu ba rang log nas// bde ba chen po lus su smin// rnam smin yid dang ting 'dzin dang // ye shes lha mo ma nyam sbyar nas// rang lus bde ba chen por smin// rim snang bde bas tshim par byed// ji ltar thabs la bstan pa yin// sbyor ba'i yan lag ma lus pa// dang po gzud cing sems sbyang phyir// cho ga'i rim pa bstan pa yin// bde ba chen po rgyu rkyen med// zag pa med pa 'dus ma byas// nam mkha' lta bur dpag med pa// 'di ni bde ba chen po nyid// rang byung ma bcos bde chen 'di// theg pa'i khyad par ji snyed pas// bskal pa brgyar ni mchod gyur kyang // rang byung rdzogs pa mthong mi 'gyur// de bas tshad ldan slob dpon la// gzhung ldan ma nyams slob bu yis// sangs rgyas 'du shes nyer gzhag ste// ma rabs 'du shes kun spangs
- 130b
nasata/ talus dang longs sprod rin chen gyis// sangs rgyas thams cad ma nyes phyir dbu la// de nas a yi rang bzhin gyis// yi ge med pa'i shes pa nyid// kun la khyab pa'i rang bzhin can// btsal ba med par pha rol phyin// ma lus rtsad nas gcod pa'i phyir// spu gri lta bus rtogs par bya// rtogs pa'i rgyal po chen po las// dngos po ji snyed bstan pa yang // snga phyi med pa'i shes pa ste// rang byung thog babs nyid du gnas// thog ma tham med pa yi// dran rtog sgrib pa rgyu ba'i tshogs// thabs la brten pa'i ye shes kyis// ma lus dri med snang bar 'gyur// ma lus rang bzhin bde chen po// mkha' ltar dri med gsang ba'i thugs// rang snang snying po ma rtogs na// dpag med bstan pa ngal ba'i rgyu// so so bstan pa'i rgya mtsho'i rgyud// lung dang rig pa mngon rtogs dang // sna tshogs cho ga la brten pas// rang rang mthun snang 'bras bu 'grub// / ma lus kun 'byung dri med kyi// rang snang 'bras bu thob mi 'gyur/ 6/ snga phyi dus gsum dbyer med pa'i// rig pa nyid la kun rdzogs pas// sangs rgyas sems can dus mnyam ste/ snga phyi khyad par bstan pa med// rgyal ba'i sku dang gsung thugs la// snga phyi khyad par mi gnas na// des gsungs bstan pa rgya mtsho'i don// snga phyi med pa'i dus mnyam
- 131a
yin// ma lus kun 'dus rig pa'i gter// gsang ba rgya mtsho bsam mi khyab// phyogs las 'das pas yul mi 'jug/ rtogs nas ci bder yan du khyer// ma bcos rig pa'i 'og min te// phyi nang ston pa bla ma nyid// bsam gyis mi khyab rtogs pa'i dus// dran rtog skal ldan rgyal sras 'khor// rtogs pa'i rig par thams cad bsdus// bstan pas rtogs pa rtsu ba ste// ma yengs rlung 'jug phyi ma yin// zhes gsungs so// nam mkha'i mtha' dang mnyam pa'i rgyud chen po las// phyi rol gyi rgyud mi gnas te gcig tu bstan pa'i le'u ste lnga bcu nga dgu pa'o// // de nas yang sems dpa' rdo rje dam pa de la/ 'dus pa chen po'i tshogs kyis 'di skad ces gsol to// dus gsum rgyal ba thams cad kyi// gsang ba'i 'khor lo rig pa'i thugs// blo 'dogs skur 'debs rnam par gcod// namakha'i mtha' dang mnyam sbyor ba'i// mtshan gyi rnam grangs ji lta bu// mgon po dpa' bos bdag la gsungs// zhes gsol to// de bzhin gshegs pa gsang ba'i bdag po phyag na rdo rjes 'di skad ces bka' stsal to// 'dus pa'i tshogs chen po legs par nyon// ji snyed theg pa thams cad dang // bstan par grags pa thams cad kun// rang byung sems las
- 131b
snang bas na// rgyud 'di mtshan mar ma 'gyur med// ma lus kun 'dus byang chub sems// bstan pa'i yang rtsa snying por bcud// nam mkha'i mtha' dang mnyam pa'i rgyud/ ma bcos rig par gter gyi mdzod// yi ge med pa don gyi lung // kun bzang rig pa mchog gi rgyud// ma lus gnas pa'i gsang ba ni// ma bcos lhun rdzogs snying po'i rgyud// khu byug glong dgu bstan pa'i gter// ji snyed 'khor 'das ma lus dang // theg pa'i khyad par 'dir 'dus shing // glong dgu bam po nyi khri'i don// 'phro zhing 'dus pa'i rtsa ba'i rgyud// ma lus 'dus pa'i snying po ni// yan lag gang gis mi mtshon te// rtsa ba'i thabs 'dis mtshon pa'i phyir// 'di don rtogs pas kun rtogs pa'o// tha mal dbang po rim sgo nas// bcos ma'i theg pa'i dbang bskur nas// rim pas zil mnan nyams myong bskyed// ma lus ro gcig kun rgyas btab// theg pa kun gyi yang rtse ste// kun gyi yul du ma gyur phyir// 'das dang ma byon da ltar gyi// dgongs pa rtse gcig 'dir 'dus pas// don gyi snying po bcud ces bya// rang byung ye shes mtha' dbus med// kun 'byung dkyil 'khor rgya dang bral// thabs 'dis mtha' dbus med pa ste// rang snang lhun rdzogs snying por ston// rang byung rtogs pa'i byang chub sems
- 132a
'di la mtha' dang dbus med pas// nam mkha'i mtha' dang mnyam pa'i rgyud// snang srid bde chen snying po'i rgyan// ma lus kun 'dus rig pa'i gter// rang byung 'od gsal snying po la// dgag bsgrub re dogs 'jigs pa med// ma lus 'dus pa'i snying po 'di// mi mkhas brtags pa rang bzhin nyid// mkhas pas rang rgyud med par rtogs// ma bcos shes pa bsam mi khyab// gang rtogs dus ni thams cad du// gsang ba'i gter sgo phye ba yin// spyod lam ma chags pha rol phyin// che ba rang byung rgyun mi 'chad// rang byung sems nyid snying po 'di// stong nyid nam mkha'i glong du gnas// 'di la brda dang tha snyad dang // tshig dang yi ge las 'das pa// yi ge med pa'i rang bzhin te// yi ge brda la gang brten pas// snang srid yi ge med pa'i rgyud// stong nyid nam mkha'i dbyings lta bu// da lta nyid du snang bar byed// ma bcos thugs kyi me long 'di// ji ltar bltas kyang kun tu bzang // kun bzang rtogs pa'i dgongs spyod 'di/ dman pa'i rigs can spyod yul min// rang byung 'gyur med kun bzang 'di// thabs chen gsal bas kun tu bzang // ma bcos rig pas kun la khyab// dus gsum rgyal ba kun gyi mchog/ rang byung byang chub sems
- 132b
nyid ni// nam mkha'i mtha' bzhin kun khyab kyang // thabs dang lhan cig mi gnas pas// rang gsang thabs kyis bcad pa yin// gang de thabs dang bral ba yis// ji ltar btsal kyang mi rnyed pa// gsang ba thabs kyi rim pa yis// mngon du bstan pa'i rgyud chen yin// rang byung lhun rdzogs snying po la// thabs kyis re dogs bcad nas ni// dgag bsgrub zhen rtsol kun bral yang // nyi 'od rgya mtsho rin chen ltar// ma btsal lhun gyis rdzogs pa'i don// nam mkha' lta bur bar chad med// rkyen dang sbyor la rag ma lus// rig pa nyams kyis rgyud ces bya// rgyal ba rnams kyi ngo bo nyid// bstan pa rgya mtsho sems kyi glong // brtags pa'i zhen pa gcod byed cing // gdul bya spro ba skyed par byed// ma bcos brtags pa'i sems nyid ni// phyogs ris blang dor mi mnga' ste// mtha' dbus med par 'di ston pas// lta ba mtha' dbus med pa'i rgyud// ma bcos 'od gsal don rtogs pas// mtha' bral nam mkha'i dkyil 'khor la// mtshon cha'i 'khor lo bskor ba ltar// re dogs bral ba'i pa nyid// blang dor med pa spyod pa'i rgyud// snang srid ma bcos gzhal yas su// ma bcos sku gsung thugs kyi rgyan// sku gsum rtogs pa'i don ldan pas// ma lus
- 133a
dkyil 'khor chen po nyid// ma lus 'di yis ston pas na// dgod med dkyil 'khor rgyan gyi rgyud// skal ldan thugs kyi rgyal sras la// snang srid dbang gi ngo bo ru// skal ldan dbang phyag rgyal pos bstan// dbang thob rgyal sras phyir mi ldog/ dbang bskur thabs kyi ru ba'i phyir// spyi blugs dbang gi rgyud ces bya// skal ldan skyes bu rnal 'byor pa// dngos don snying po la 'jug tshe// ma bcos lhag pa'i dam tshig bzhi// phog pas ma bcos dam tshig rtogs// ma lus dam tshig 'dir 'dus shing // 'byung zhing spro ba'i snying po bas// 'da' med dam tshig rgyal po'i rgyud// ma bcos thugs kyi 'phrin las la// thabs kyi gsal te bar chad med// bya btsal zhen pa'i 'phrin las min// ma btsal rig pa'i 'phrin las nyid// rtogs shing ston par byed pas na// bya bral 'phrin las rgyud ces bya// rang byung rdzogs pa chen po la// ma bcos rdzogs pa'i rnal 'byor ni// sa dang lam la rim med de// rtogs pas sa rnams dus gcig mnan// mtha' med nam mkho' lta bu la// bgrod med lam mchog ston pa'i rgyud// rang byung phyogs med nam mkha' la// ma bcos ye shes shar ba'i tshe// rkyen dang sgrib pa dran rtog rnams// rgya mtsho chu dang chu bur ltar// ma lus
- 133b
ye shes nyid du gas la// ma lus rang byang snying po la// sgrib med gsal bar ston pas na// rang byung yang shas gas la ba'i rgyud// ta ga sha ga yi rgyan bzhin du// ji snyed che ba'i yon tan rnams// phyogs med byin rlabs rang snang bas// lhun grub 'bras bu'i rgyud ces bya// bka' brgyud kun gyi rtsa ba ni// rang byung rdzogs chen sems kyi rgyud// de dag ji snyed bstan pa kun// thams cad 'di las 'phro zhing 'dus// zhes gsungs so// nam mkha'i mtha' dang mnyam pa'i rgyud chen po las/ mtshan gyi rnam grangs bstan pa'i le'u ste drug cu pa'o// // de nas yang sems dpa' rdo rje la/ 'dus pa'i tshogs kyis 'di skad ces gsol to// ma bcos rang byung ye shes nyid// ma lus kun gyi rang bzhin la// rim pa'i khyad par mi gnas kyang // dbang po rtsal gyi khyad par snang // dngos don rtogs dang ma rtogs pa'i// rim pa'i khyad par bdag la gsungs// zhes gsol to// de nas de bzhin gshegs pa gsang ba'i bdag pos 'di skad ces bka' stsal to// rang byung 'od gsal mtha' dbus med// thams cad ma bcos byang chub sems// dri med nam mkha'i glong brdal bas// rnam par dbye ba'i chos mi gnas// ma lus rang snang bstan pa ste// rig pa
- 134a
'khor lor brda yis bsgrags// rang byung bstan pa thugs kyi bcud// rang bzhin khyad par 'od du 'bar// dper na nyi 'od rin chen bzhin// dbang po med pa'i yul min te// skal med rigs chad rnal 'byor pas// ji ltar btsal bar mi rnyed kyang // gang ltar bltas kyang mi mthong ngo // dmigs bral nam mkha'i yul las 'das// rang byung snying por cir mi gnas// rtogs dang ma rtogs mtha' yas kyang // snying po'i ngang la de dag med// ma lus thugs kyi bstan pa 'di// rang bzhin 'od gsal chen po nyid// ma bcis bde ba chen po'i glong // rang sems bde ba chen po'i glong // rang sems phyogs med nam mkha'i dbyings// mthar thug med pa'i ngo bor gnas// rgyal ba kun gyi don chen dbyings// mthar thug med pa'i ngo bor gnas// rgyal ba kun gyi don chen dbyings// ma bcos rin chen gter gyi gling // rin chen lhun grub snying po 'di// rin chen 'phrul gyi lde mig gis// tha mal zhen pa rnam par bzlog/ brtags pa'i 'du shes rnam par bkrol// rang snang rig pa'i 'khor lor bcug/ sgra bral bstan pa rgya mtsho gsungs// 'byed dang 'grol dang nges par 'byin// gsang ba'i lam la mngon du zhugs// re dogs gnyis 'dzin rnam par bcad// rgyu dang 'bras bu ka nas bzlog/ bcing grol
- 134b
med pa thar pa'i lam// phyogs med rgyas pa'i 'od snang ba// rang sems dkyil 'khor glong nas shar// rang byung thig le sems kyi ro// brda bral mnyam pa'i sems kyi myong // rig pa'i 'khor lor kun bskor bas// sgro dang skur pa rang bzhin chad// thams cad bde ba chen po'i dbyings// 'od gsal rgyu 'das rim 'jug med// dang por rtogs pa'i rang bzhin ni// rgya mtsho chu 'dzin lta bur gnas// rang gi mtshan nyid gsal rtogs pa// 'bru bcud nyams su myong ltar gnas// tha ma rin chen sbyangs pa ltar// rang byung // yon tan lhun gyis grub// rang byung rtogs shing don thob na// 'khor ba ma btsal sangs rgyas sa// bde ba chen po'i don stor ba// mtshan ma sna tshogs lam du zhugs// bya bral lhun grub snying po la// rang rang zhen pa'i mdud pas bcings// rang las 'bras bu gzhan du btsal// ri dgas smig rgyu bsnyegs pa yis// 'dod pa'i don dang gi la phrad// gang zhig nam mkha'i mtha' 'tshol ba// mi rnyed blun po'i rang bzhin ltar// sangs rgyas btsal bsgrub thob 'dod pa// mi mkhas rang bzhin de bzhin no// gang zhig skal pas dman pa la// bdud rtsi sdug bsngal rang bzhin ltar// snod min rang bzhin rigs chad la// bslab cing sdug bsngal rgyu 'gyur ba// dam pa rnams kyis/
- 135a
shes pa las// dman pa rnams kyis ga la shes// bcos pa'i thabs la rten nas ni// rnal ma'i lam la gzung par bya// nor bu rin chen 'od 'ang/ ba// kun gyi yul du mi 'gyur bas// dam pa gsang ba'i snying po 'di// su yi snying la 'od 'bar ba// skal ldan rnal 'khyor dbang phyug ste// sku gsung thugs ni dbyings la skyong // skal med dman pa'i rnal 'byor la// brgyud pa'i thabs ni bsngags pa yin// zhes gsungs so// nam mkha'i mtha' dang mnyam pa'i rgyud chen po las/ gdam pa phog pa'i tshul bstan pa'i le'u ste drug cu gcig pa'o// de nas yang sems dpa' rdo rje dam pa de la/ 'dus po chen po'i tshogs kyis 'di skad ces gsol to// dus gsum rgyal ba thams cad kyi// rang byung dgos pa'i bdag po khyod// gang zag blo yi khyad par ltar// bstan pa 'tsham par bstan dgos pas// slob dpon slob/ ma'i khyad par dag/ ma 'dres rim par bshad du gsol// zhes gsol to// de nas yang sems dpa' rdo rje dam pa des 'di skad ces bka' stsal to// dang po phyi yi bla ma yang // rim pa bzhin du brtag par bya// rang bzhin bzang dang g.yo sgyu med// drang zhing gsong por gnas pa dang / thabs chen rigs bzang 'dul ba dang // ser sna chung zhing brtse sems
- 135b
che// 'di ni rang bzhin brtags pa yin// gzi brjid byin rlabs che ba dang // 'gro ba 'dul dang dam chos 'du// mang po 'du zhing bsgo ba nyan// 'di ni bsod nams brtags pa yin// gang du dam pa'i rigs gyur cing // dam par gyur pa'i tshad ldan pas// 'di dag dam pa'i rang bzhin te// dam pa'i rigs kyi dam par bya// 'di ni phyi yi bla ma yin// rang bzhin de dag mi ldan cing // dam pa'i thabs la mi mkhas pas// log pa'i lha spyod dbang gyur cing // lta spyod dman pa'i lcags kyis bsdams// bdag 'dzin log pa'i ngo bor zhe na// cod 'ong lam sna sgo 'byed cing // log pa'i tshig dang thur ma yis// shes rab mig dang bral byed pas// bdag kyang bde bar nus min na// pha rol thar par ji ltar 'gyur// 'di dag rang bzhin brtag byas la// dam par 'dod pa'i gang zag gis// rmi lam du yang mi phrad na// dam par brten pa smos ci dgos// dam pa gsum gyi rim brgyud pa'i// thugs kyi gter chen rin po che// rang byung thugs kyi snang ba yis// bde chen snying po nyid 'bar ba// gsang ba'i thugs su tshud pa la// yul dang 'byung ba ma lus dang // sgo gsum dran rtog ma lus pa// ji snyed snang grags ma lus kun// bde chen rang byung mngon ston pa'i// bla ma'i zhal du snang ba yin// ma lus rang byung byang chub sems// phyogs ris med pa'i glong brdal bas//
- 136a
chos nyid rang bzhag rkyen gyur las// gol sgrib ga yang sa chod pa yin// snang ba sems su mthar phyin nas// sems nyid phyogs 'das bstan gyur pa/ rang sems lhun grub rin po che// mchog gi bla ma bral ba med// ji srid rol pa rang snang ba// sku gsung thugs kyi phyag rgya ste// re dogs bcad pa'i yon tan phyir// che ba'i yon tan chen por gnas// bla ma gnyis dang bral gyur na// phyi yi bla ma rnam pa ste// mtshan ma brda yi rjes 'brangs nas// bde chen mchog gi lam bral lo// rdo rje slob ma'i rang bzhin yang // gus dang 'dul dang snying rje che// ser sna chags pa nga rgyal chung // 'di dag rang bzhin dam pa'i rtags// dad pas dus gsum mi 'bral zhing // dam pas dam par rang mthong na// rigs dang yo byad spyod lam dag/ dman par gyur kyang dam pa yin// dam pa ma yin slob ma la// dam par bzung zhing bstan pa dang // rna ba rgyud bdud rtsi gang ston pa// gnyis ka rdo rje'i khab tu ltung // dang por dad dang gang rtogs pa'i// sgo gsum bsam pa rtse gcig pa'i// snga ma'i dran rtog rgyun bcad pa'i// rig pa 'phen pa dang po nyid// gsal bar myong phyir slob ma ste// dngos po phyi nang ma lus pa// rdo rje 'dzin pa'i cha bzung nas// rang byung ye shes chu rgyun dag/ sems nyid de la 'jug par
- 136b
bstan// gang zhig brda don la chags pa'i// rig pa'i gang yin slob ma ste// rang sems brda don gang bral ba// de nyid de yi gang rtogs pa// bla mas byin gyis brlabs pa mchog de ltar brda don grol gyur te// re dogs 'du shes zad gyur te// bla mar slob ma nyid grub pas// ma lus slob dpon slob ma dang // gong 'og khyad par rim med de// rdo rje 'dzin pa nyid du 'grub// ces gsungs so// nam mkha'i mtha' dang mnyam pa'i rgyud chen po las/ gang zag khyad par bshad pa'i le'u ste drug cu gnyis pa'o// / de nas yang sems dpa' rdo rje dam pa la/ 'dus pa chen po'i tshogs rig pa rang snang gi 'khor tshogs kyis 'di skad ces gsol to// dus gsum sangs rgyas thams cad kyi// sku gsung thugs kyi rang bzhin nyid// nam mkha'i mtha' dang mnyam pa'i rgyud// bstan dang bris dang bklag pa dang // gzung dang rtogs dang bsgom pa yis// yon tan nyid dam ma mos pa'i// yon tan skyon rnams bshad du gsol// zhes gsol to// de nas yang sems dpa' rdo rje dam pa des 'di skad ces bka' stsal to// sangs rgyas kun gyi rin chen gter// sku gsung thugs ni mngon phyung ba// nam mkha'i mtha' dang mnyam pa'i rgyud// 'das dang ma byon da ltar gyi// sku gsung thugs ni ro gcig pa'i// ma lus gcig tu bsdus pa'i rgyud// rna
- 137a
brgyud rin chen 'chang ba'i mis// skal ldan rgyal chen dam pa dang // ma nor nges par bshad bstan pa// sangs rgyas dgongs pa nyid la sbyor// sangs rgyas bstan pa bshad pa yin// bstan cing bshad pas grol bar 'gyur// rin chen sna bdun la sogs la// rgyal ba kun gyi rang bzhin gyis// ma lus bsdus pa'i ngo bo nyid// sku gsung thugs nyid bris pa yin// de bas rgyal ba kun bris pa'i// che ba'i yon tan bsam mi khyab// nam mkha'i mtha' dang mnyam pa'i rgyud// rgyal ba kun gyi sku gsung thugs// rdul snyed rgyal ba ma lus pa'i// nges don ma bcos gsungs pa'i tshig/ brjod pa rgya mtsho kun gyi sgra// thos pas sgrib pa rnam 'joms shing // bklags pa nyid kyis mngon sangs rgyas// rgyal ba kun gyi gsang yin pas// bklags pa tsam gyis 'grub par 'gyur// sangs rgyas kun gyi rang bzhin 'di// bshad dang glegs bam ngon nyid ni// ma nor rig pa'i dkyil 'khor du// dran pas bzung ba'i don nyid ni// nam mkha'i mthar thug ji tsam par// de bas de ni lhag par 'gyur// rin chen rgyu dang dar ras dang // gro ga shing shun la sogs te// gsang ba'i rgyud 'di rab bris te// rin chen khri la legs bzhag ste// gus pas mchod cing rab bzung nas// ji srid gnas par bsam pa yi// dga' ba'i bsam pas 'dzin byed na//
- 137b
sangs rgyas thams cad bzung ba yin// rnam grol bla na med pa'i lam// sangs rgyas kun gyi dgongs brgyud pa// ma bcos gsang ba'i don bcud 'di// gang gis rtogs pas sgro skur chad// nges pa rnyed pas dbugs 'byin phyir// 'khor ba rmi lam lta bur sangs// snying por nam mkha'i 'od ltar rgyas// dgongs pa rgya mtsho'i glong ltar brdal// 'bras bu/ rin chen 'od ltar 'grub// ma bcos snying po'i don rtogs nas// rang nyams tshad dang mthun sbyar te// bar chad med par gang bsgoms pas// bsgom zhing bsgrub pa yod ma yin// ma yangs gnas pas bsgom pa ni// kun bzang rdo rje sems dpa' ste// sangs rgyas kun gyi rang bzhin yin// ma bsgoms yengs pa med pa'i sems// ma gzhag rgyal ba'i dgongs pa'i glong // ma bcos 'od gsal brda bral sems// mtha' dbus 'dzin med dbu ma'i lam// sangs rgyas kun gyi ngo bo yin// rgyal ba kun gyi gsang ba'i gter// ma bcos snying po don gyi rgyud// rdo rje rig pa 'phrul gyi tshig/ rna brgyud thugs kyi rin chen 'di// rna ba rgyud 'phrul tshig mi ldan par// rang rtags log par zhe na dbang gis// bstan cing bshad par gyur pa dang // spel ba'ang nges par lhung 'gyur na// log pa'i don la zhen dbang gis// phyogs kyi ri bos zil mnan nas// ma bcos gsang mdzod chen po//
- 138a
la// skur 'debs gsang ba'i dam sri ste// ston cing smra ba'i gang zag dang // skur 'debs ma mos gang zag la// bar ma'i srid pa mi 'byung ste// rdo rje'i khab du lhung gyur te// dran pa tsam gyis skye bar 'gyur// de nas de yi tshe tsha ni// gang gis brjod par mi nus te// gal te thar par gyur pa na// gsang ba'i rna brgyud man ngag dang // bskal pa chen po brgyad khri'i bar// phrad cing mthong bar mi 'gyur te// gsang ba'i theg pas 'phongs par 'gyur// de phyir gsang ba'i bdud rtsi 'di// skal ldan rgyal sras rnal 'byor la// gsang ba'i thabs kyis gang brgyud pa// reg pas nad rnams 'tsho bar 'gyur// skal med rnams la gang bstan yang // dgra bzhin spyod dang skur pa dang // skrag cing dngang par gyur pa'i phyir// skal med dman pa'i rnal 'byor la// ming tsam bstan par mi bya zhing // glegs bam nyid ni bstan pa min// gsang chen gsang ba'i bstan pa 'di// gu lang lung gi gser gzo ru// 'jigs bral 'o ma bzhes pa ltar// skal ldan 'ga' yi spyod yul la// rigs chad las kyis dman pa yi// skal med rnams kyi spyod yul min// rin chen 'bar ba'i khong seng du// rgya ni rim pa bdun gyis btab// rigs nges skal ldan
- 138b
gcig la gtad// srog dang bral ba'i kha bzhin bsdams// gnas ni brag dang chu la gzhag/ ces gsungs so// nam mkha'i mtha' dang mnyam pa'i rgyud chen po las rgyud gzung ba'i le'u ste drug cu gsum pa'o// // de nas 'khor 'dus pa mang po'i tshogs kyis/ bcom ldan 'das de bzhin gshegs pa rdo rje sems dpa' dang // bcom ldan 'das gsang ba'i bdag po phyag na rdo rje dang / gsang ba'i mdzod chen po la 'di skad ces mgrin gcig tu bstod do// e ma'o sangs rgyas thams cad kyi// rgya chen gdod nas skye ba med// nam mkha'i bdag po sna tshogs ston// sangs rgyas sku la phyag 'tshal 'dud// e ma'o sangs rgyas thams cad kyi// ma brjod snying po don gyi gsung // gsang ba rgya mtsho ston mdzad pa// rdo rje'i gsung la bdag cag 'dud// e ma'i'o sangs rgyas thams cad kyi// rang byung ye shes gsal ba'i thugs// ma bcos bde chen mkha' ltar gnas// bde chen thugs la phyag 'tshal 'dud// e ma'o sangs rgyas thams cad kyi// gsang ba'i gter 'dzin mchog gi bdag/ ma lus gdul dka'// gsang ba'i sa la phyag 'tshal 'dud// e ma'o sangs rgyas thams da kyi// brda dang dgongs pa gsung mchog gis// ma bcos gsang ba'i don snyan pa
- 139a
gsang ba'i gsung la phyag 'tshal lo// e ma'o sangs rgyas thams cad kyi// rtog bral bde chen nam mkha'i thugs// phyogs med nam mkha' rgyas pa 'dra// sangs mchog thugs la phyag 'tshal 'dud// e ma'o sangs rgyas thams cad kyi// gsang mdzod bdud rtsi chen po'i glong // ma lus kun 'dus rig pa'i gter// ye shes rgya mtsho bsam mi khyab/ sangs rgyas kun gyi gsang ba'i mdzod// chos rnams ma lus thams cad kyi// snang gsal rin chen 'od kyi rgyud// nam mkha'i mtha' dang mnyam sbyor ba'i// gsang ba'i mdzod la phyag 'tshal 'dud// ces bstod do// de nas phyogs bcu'i 'jig rten gyi khams rab 'byams nam mkha'i dbyings dang mnyam pa/ 'jig rten gyi khams gang+gA'i klung gi bye ma snyed na bzhugs pa/ rdul phra mo dang mnyam pa'i sangs rgyas kun kyang gsung gcig tu legs so legs so zhes legs par 'byin par mdzad do// sangs rgyas dang 'khor rdul snyed du bcas pa dang sa'i de bzhin nyid du grol te dgyes par gyur to// nam mkha'i mtha' dang mnyam pa'i rgyud chen po las/ bstod cing yi rang ba'i le'u ste drug cu bzhi pa'o// 'das pa dang / ma byon pa dang / da ltar phyogs bcu dus bzhi'i de bzhin gshegs pa'i dgongs pa chos thams cad nam mkha'i ngo bo/ nam mkha'i mtha' dang mnyam
- 139b
par sbyor ba zhes bya ba'i rgyud chen po rdzogs so// // rgya gar gyi mkhan po shri sing ha dang / dge slong bai ro tsa nas bsgyur cing gtan la phab pa'o// zhung tshad bam po bcu gcig pa'o// rgya gar skad du/ badz+ra satwa kha sa mAn+ta ma hA tan+t+ra/ bod skad du/ rdo rje sems dpa' nam mkha'i mtha' dang mnyam pa'i rgyud chen po/ dpal rdo rje sems dpa' ye shes gsang ba la phyag 'tshal lo// 'di skad bshad pa'i dus gcig na/ de bzhin gshegs pa yang dag par rdzogs pa'i sangs rgyas longs spyod chen po nam mkha' ltar rtag par bzhugs shing / sku dang / gsung dang / thugs rdo rje lta bur gyur pa/ rdo rje sems dpa' kun dang dbyer med pa lhun gyis grub pa'i dbang phyug/ nyi ma stong ltar brdal cing lhag pa'i che ba dang ldan pa/ thams cad gcig gi ngo bor gyur pa/ gang dang yang tha mi dad pa chen po dus gsum gyi sangs rgyas thams cad 'dus pa'i dpal rdo rje sems dpa' dang / 'og min gyi gnas chos kyi dbyings sgro skur dang bral ba/ rig pa ye shes 'bar ba'i gzhal yas khang mtha' dang dbus med pa nam mkha'i dbyings dang mnyam pa/ ye shes gsang ba'i yang gsang ba/ kun tu khyab bdal chen po'i tshad dang ldan pa/ rgya dpag tu med pa/ zab cing phra la rtogs par dka' ba'i
- 140a
rang bzhin thug pa med cing zad 'phel med pa nam mkha'i mtha' dang mnyam pa'i rgyan rab 'byams dpag tu med pas brgyan pa na/ rdzogs pa chen po bcom ldan 'das bzhugs te/ rang bzhin ngo bo'i 'khor dang / rang bzhin la rjes su lta ba'i 'khor/ rang bzhin mngon du thob pa'i 'khor la 'di lta ste/ sa dang / chu dang / me dang / rlung dang / nam mkha' dang / 'dod pa'i khams dang / gzugs kyi khams dang / gzugs med pa'i khams la sogs pa dang / yongs su rnal 'byor dang / rnal 'byor chen po dang / rjes su rnal 'byor dang / shin tu rnal 'byor la sogs pa thams cad dang / phyogs bcu'i 'das pa dang / ma byon pa dang / da ltar bzhugs pa'i sangs rgyas chos kyi sku dang longs spyod rdzogs pa dang / sprul pa'i sku mtha' yas pa dang thabs cig tu bzhugs so// de nas lha'i dbang pos/ phyogs bcu'i rgyal ba thams cad la 'di skad ces gsol to// kye dus gsum gshegs pa rgyal ba yis// kun gyi 'dod pa bskang zhes pa// rtsol bcas theg pa mthar ston pa// rtsol med 'dul ba'i rnal 'byor la// cig char theg pa gsung du gsol// zhes gsol pas/ phyogs bcu'i sangs rgyas thams cad kyis/ rdo rje sems dpa' chen po rdo rje la 'di skad ces gsungs so// kye ma rdo rje sems dpa'
- 140b
che// dus gsum sangs rgyas thams cad kyi// sku gsung thugs kyi rdo rje can// khyod ni rgyal ba kun gyi rje// rang bzhin ma bcos thugs rje yis// bya bral rdzogs lung bshad du gsol// zhes gsungs pa dang / de nas dpal rdo rje sems dpa'i chos kyi dbyings las ye shes 'phrul pa rdo rje sems dpa' zhig phyung ste/ rdo rje rtse lnga pa'i dpa bskur te 'di skad ces gsungs so// dus gsum sangs rgyas thams cad kyi// gsang ba'i 'khor lo gter 'dzin cing // sku gsung thugs kyi gsang ba 'chang // khyod ni smra ba'i seng ge ste// btsal med 'dul ba'i gang zag la// lhun grub theg pa gsung du gsol// zhes gsol pa dang / de nas sems dpa' rdo rjes 'di skad ces gsung so// gsang sngags rdo rje nam mkha' che// tshig gi spyod yul ma yin te// brjod pas rtogs par mi 'gyur te// 'di zhes bgro bar rab tu dka'// 'on kyang dam bcas bkang ba dang // sangs rgyas thugs rje byin rlabs kyis// brda don sprad la rtogs bya'i phyir// tshig gi sgo nas spro bar bya// zhes gsungs so// de nas rdo rje sems dpa' shar phyogs kyi 'jig rten gyi khams mngon par dga' ba zhes bya ba na/ de bzhin gshegs pa mi bskyod pa zhes bya ba rang gi 'khor la btsal med sems nyid don rgya cher gsung