Q3064MW1KG13126_3064rgyud 'grelAll versions of this work

gnyis su med par grub pa'i sgrub thabs zhes bya ba

Advayasiddhisādhananāma

Text

ff. 64a–65b · 4 folio sides

  1. 64a

    bas// yang dag ye shes 'byung ba'i don// yang dag byab dbang du 'gyung // de nyid med par 'char mi rgya// lam la bgrod pa de nyid min// de bas lam la gnas bdag nyid// bsgrubs nas ye shes thob par 'gyur // gang zhig la ma las nyams pa dang // snying rje dang bral sems ldan zhing // chags sogs don la spro bdag nyid// de rnams la ni 'brang mi 'gyung // ye shes grub pa las dbang po tha mi bstan pa'i le'u ste nyi shu 'o// rnal 'byor pa yi shes grub phyir// bdag gis yang dag shin tu bshad// nAd kun tu ni sbas gyur pa'i// gsang ba 'di ni bshad mi bya// gang la ye shes mchog gi ni// rnal 'byor mchog ni med gur pa// lha yi gzugs ni bsgom pa la// sems ni 'atsun pa dag tubya// klags pas tsal zhig bstan pa yang // sbyin ma bye ba shes bya ste// rdo rje la shes rab spangs pas// rmongs pa dmyal bar 'gro bar 'gyur// de yi dmyal ba'i rlur glang pas// mi de mnar med 'thol pa 'byung // de bas bdag gzhan gang ba ni// 'byung bas nges par bsrung bar bya// gzhan du ston par 'gyur na ni// dam tshig dag kyang nyams par 'gyung // rnal 'thod rgyud ni dam paM dra// brtse ldan sangs rgyas thams cadakyis// rtag sa'i dri ba ma ldas pa// rdo rjes shes 'di mchog yin// rdo rjemams pa'i sgrub pa yi// l+r-ing dang rig pa las shes thas// sgrub pa'i thabs ni zas pa la// bdag gis dge ba gang bsags pa// dzan sems can thams cad kyang // rdo rje sems dpa' mchog thob shog/ dpal dburgyan nas byung baM/ ye shes grub pa zhes bya ba'i sgrub thabs/ slazad pan in+d+raSh+Ta ti sa mdzad pa rdzogs so// / rin chen bzang pos bsgrub slad kyis nag tshas bcos so// @#// datis su me par byu ba'i chu mams pa dang la mas seM pa bzhugs sa/ @#// rgya gar srid du/ adra ya sid+d+hi sA d+hi ni nA ma/ bad skad du/ gnyis su med par grub pa'i sgra

  2. 64b

    thabs zhes bya ba// 'jam dpal gzhon nur grur pa la phyag 'tshal lo// mngon po'i rang bzhin gsal ba ni// khams gsum las byung thams cad mkhyen// rdo rje che la mgos phyag 'tshal// dgos pa'i don gyi 'bras bu 'byin/ yul dus chas dang gza' sar dang // dkyil 'khor brtag pa mi dgos par// rdo rje sems dpa'i sgrub thabs bshad// bsdus te sgrub pa sgrub pa'i mchog/ dam bcam dka' zub skrang ba dang // snying po bsgom pa smra ba la/ 'di nyid med par blang na ni// bskal pa 'bum phrag bcur mi 'gyur// tshe chungs zin la sogs tshogs// sna yi nang nas 'byung ba dang // sngags pa rtag tu mchod pa byed// bdag nyid de nyid bsgoms te mchod// ma dang sring ma bu mo dang // de bzhin cha mo nyi dang ni// shes rab thabs su b+ha ba ste// rnal 'byor pas ni rtag tu mchod// yan lag gcig med rigs ngan dang // gzo bo kyi sha can sogs kyi// bu mo rtag tu mchod par bya// ye shes rdo rje bsgom pa che// de len nyid kyi sngags kyi 'bras bu ni 'di yin no// oM mAHhUM/ ji ltar sems can 'ching ba ni// drag po'i las kyi sems can rnams// thabs kyi 'khong ba dag las grol// dmatshig nyin mtshan rtag tu naM/ rigs lnga las byung bzang po dang // gsal ba'i tshogs kyis mchod pa byed// 'o ma 'bab pas sna tshogs 'brang // sngags pa rab dga'i mig gis ni// rtag tu mig gi mdangs phyung ste/ yang dag sems ni brtan po yis// ye shes rgya mtsho sgom par byed// ji ltar g.yo dang mi g.yo ba// khams gsum thams cad ma lus pa// thams cad de nyid rnal 'byor ni// rdo rje 'dzin pa nyid du mthong // gzhan du kha cig smra ba dang // mtshan ma 'i bye brag 'dug pa la// de la brnyas par mi bya ste// rdo rje sems dpa'i rdzu 'phrul nyid// thams cad mnyam pa nyid gnas te// ma lus dngos po med pa ni// sngags brtag tu sgom par byed// phung po'i rang bzhin dag pa nyid//

  3. 65a

    dri dang gos dang me tog sogs// spos dang lha bshos de bzhin du// glu dang rol mogar sogs kyi// thabs kyi bdag po dga' bar 'gro// dka' thub ngan pas gzir mi bya// smyung ba yis ni las mi bya/ khrus dang gtsang sbra mi bya ba ste// blo gros chung ngu'i spyod mi bya// lugs ma la sogs phyag mi bya// sa shing rdo sogs de bzhin no// bdag gi lus la rgyun tu mchod// rtag tu sems gcig kho nas mchod// sbrang bu bsre ba'i skyugs pa yis// che chung tshogs kyi sbyang bar bya// gsal ba lnga dang ldan par byed// rdo rje 'dzin pa mchod par byed// bud med rang byung me tog ni// byang chub sems dang ldan par bya// rtag tu lha mo mchod par bya// phung po'i de nyid bsgom par byed// gzhan gyi nor dag dbrog par bya// gzhan gyi bud med rgya bar bya// rdzun gyi tshig kyang smra bar bya// sangs rgyas thams cad gsad par bya// rdo sogs mchod rten mi bya ste// glegs pam dag kyang bklag mi bya// rmi lam tsam du dkyil 'khor ni// lus kyi bya bar mi bya'o// thams cad dag ni kun la yang // rtog pa dag ni mi bya ste// rdo rje sems dpa'i bdag nyid du// dngos po ma lus gyur par bsam/ sngags pa 'gro dpa 'dug pa dang // de bzhin za dang mi za dang // 'thung dang mi 'thung ba dag la// sems ni rtog par mi bya'o// rnam par snang mdzad byung ba la// sems can thams cad yan lag tu// mkhas pas sems can kun blangs te// dngos grub rgyur ni bza' bar bya// thams cad rigs nas byung ba yi// bud med dag la brtag mi bya// de nyid bcom ldan pha rol phyin// kun rdzob tsam gyis gzugs nyid do// tshes grangs skar ba mi dgos te// smyung bar yang ni gnas mi bya// gnyis med ye shes ldan pa yi// bde bar gshegs pa'i dngos grub 'gyur// mang po smras te ci zhig bya// ji lta ji ltar mthong ba dag/ de dag thams cad rnal 'byor gyis//

  4. 65b

    mthong zhing rig pas shes par bya// ba lang rta bong rnga mo dang // ba dang khyi las byung ba las// gsal bar che ba bsres byas te// rnal 'byor mkhyen pas rtag tu bza'// gcig la chags par mi bya ste// gang yang blang dor mi bya'o// rnal 'byor mnyam pa'i sems kyis ni// 'khor ba'i rgya mtsho rgal bar byed// 'byung dang 'dug dang 'gro ba dang // kun gyis mang po spros pa dang // de dag med na 'khor ba med// skye ba dang ni 'byung ba med// bcom ldan rdo rje nyi mas ni// shes rab mtshan mos bshad pa ste// de 'dra'i rnal 'byor bsgom byed na// myur du dngos grub thob par byed// thams cad sems kyi chos nyid ni// dngos por ma grub brtag dka' ba// de nyid slob dpon zhal nas ni// thob par 'gyur bar the tshom med// mi gnas mya ngan 'das pa yin// mtshan ma med pa gnas ni med// de shes byang chub mchog tu 'gro// de ltar shes pa'i rnal 'byor ni// blo can rtag tu brlab par bya// de nyid 'grub par the tsom med// bsod nams med pa'ang 'grub par 'gyur// khams gsum na ni slob dpon las// che bar gyur pa gzhan med na// de nyid kyis ni bka' drin gyis// dngos grub mang po thob par 'gyur// de nyid rdo rje sems dpa' nyid// sangs rgyas thams cad phyag kyang 'tshal// slob dpon mchod pa bla na med// ci tsam nus pas mchod par bya// de ni de bzhin gshegs pa nyid// sems can rnams kyi don gyi phyir// gzugs su snang ba kun rdzob ste// rnal 'byor bdag nyid gdan la bzhugs// 'chi bdag de ni rtag pa che// thams cad ma lus stong pa nyid// rang gi rtog pas mi snang la// gzhan dag de la dga' bar byed// gnyis su med par grub pa'i sgrub thabs zhes bya ba 'di ni u rgyan gyi che ba rnal 'byor gdan gyi sgrub pa'i lha'i gnas nas byung ba bcom ldan 'das ma lak+Sh+mI'i zhal snga nas byung ba rdzogs so// bkra shis/

Colophon

gnyis su med par grub pa'i sgrub thabs zhes bya ba 'di ni u rgyan gyi che ba rnal 'byor gdan gyi sgrub pa'i lha'i gnas nas byung ba bcom ldan 'das ma lak+Sh+mI'i zhal snga nas byung ba rdzogs so/