mi zad pa'i gter mdzod man ngag gi glu zhes bya ba
Dohakoṣaupadeśagītanāma
Text
ff. 34a–39b · 12 folio sides
- 34a
ma chags pa'i// gzugs nyid kyang ni stong pa nyid yin no// srid pa'i 'dam zhe na phag lta bu// dri med sems gyur skyon ci yod// gang yang gang gis ma gos pa// de yang de yis ci phyir 'ching // rnal 'byor gyi dbang phyug dpal sa ra ha'i zhal ldanas mdzad pa do ha mdzod ces bya ba spyod pa'i glu rdzogs so// // shami zad gter mdzod man ngag gi glu bzhugs pa/ rgya gar skad du/ do ha ko Sha u pa de sha gI ta nA ma/ bod skad du/ mi zad pa'i gter mdzod mni ngag gi gla zhes bya ba/ 'jam dpal gzhon nur gyur pa la phyag 'tshal lo// e ma mkha' 'gro gsang po'i skad// skye bo sred pa'i 'khri shing lta bus dkris pa rnams// bdag tu 'dzin pas mya ngan thang la rab tu skam pa// rgyal bu gzhon nu srid med pa dang bral ba bzhin// bde ba'i go skabs med pas sems la zug rngur gyur// dpyad pas ma 'ongs de bzhin nyid kyi ye shes ni// byas pa rnams dang bral zhing bsam pa'i las min zhes// rang nyid shes pa'i mda' bstan gyis ni de smras pa// mkhas pa snying la dug gis khyab par 'gyur// sems nyid rnal ma'i don ni kun gyis rtogs dka'o// mtha' yis ma gos dri ma med pa'i snying po ni// rang bzhin gdod nas dag pas kun gyi dpyad bya ma ni// gal te dpyad na dug sbrul bcos pa kho nar zad// blo yis gzhag pa'i chos 'di thams cad rang gis stong // rkyen dang bral phyir brtags pa thams cad yod ma yin// rang bzhin gnas su grol ba'i de bzhin nyid shes na// mthong thos la sogs med cing de yi rang bzhin bral// dngos por rtog pa phyugs
- 34b
dang 'dra bar brjod// dngos med rtog pa de bas shin tu blan 'gyur zhes// par me 'bar dang bsad pa'i dpe yis brjod pa dag/ gnyis med rang bzhin phyag rgya chen por gnas// dngos por skye ba dngos po med par rab zhi zhing // de yi phyogs dang bral ba mkhas pa de nyid kyis// blun po rnams kyi blo la rang gis dpyad bya na// skad cig grol ba de la chos kyi sku zhes bya// grol ba de las gzhan// pa bde chen sa med ces// byis pa rnams kyis smras kyang smig rgya'i chu dang mtshungs// sa dang lam dang sangs rgyas thams cad ro gcig pa'i// gnyug ma'i ye shes 'di nyid yin gyi yid la dris// de ltar rtog pa'i mi de la ni 'chang ba med// rdul ma spangs shing rdul gyis cung zad gos pa med// nyon mongs gnyen po gnyis su med pa ga la yod// de la rtsol ba'i skyes bu de ni 'khor bar 'ching // sa dang chu dang me dang rlung dang nam mkha' rnams// lhan cig skyes pa'i ro gcig las ni gzhan yod min// srid dang mya ngan 'das pa gnyis su mi rtog pa// 'di ni chos kyi dbyings kyi gnas lugs yin par bshad// e ma mkha' 'gro gsang ba'i skad// kye ma rang la rang gis de nyid mtshon te ltos// ma yengs pa yi sems kyis lha dang bral gyur na// yengs pa'i sems kyis de nyid rtogs mi 'gyur// dngos po'i tshang tshing gseb tu de nyid nor bu stor// 'dod pa'i dngos po la yang khyod kyis chags ma byed// 'di ni bde chen sems mchog gzir ba'i nad rab ste// gal te chags par bya ba'i yul la yid chags na// dri ma med pa'i sems la 'dod pa'i mtshon gyis btab// kye mchu dang 'bras bu gnyis su ma lta zhig/ dngos por skye ba'i rgyu dang 'bras
- 35a
bu yod min te// re dang dogs pa'i sems kyis rnal 'byor sems myos na// lhan cig skyes pa'i ye shes gnas der 'ching bar 'gyur// kye ma rang bzhin bral ba'i de nyid bsgom du yod ma zer// gal te bsgom par bya dang sgom byed gnyis rtogs na// gnyis su 'dzin pa'i yid kyis byang chub sems spangs te// skyes bu de yis rang gis rang la sdig pa byas// bla mo'i zhal gyi bdud rtsi'i thigs pa ji snyed pa// nges shes sngon 'gro ba yis rab tu blang bar bya// thabs la mkhas pas dus sum bstan na// long bas rgyal po'i bangar mdzad brkus pa 'dra bar 'gyur// kye ma rin chen dbang dang bral ba'i skyes bu ni// gdol pa dman pa zhig gis rgyal por re ba bzhin// rig pa 'dzin pa'i rgyud rnams der bslus pas// mkha' 'gro'i chad pa dang bcas rdo rje'i dmyal bar ldang // kye ma dge ba'i bshes gnyen mchog gi don blangs nas// dam par mi 'dzin dman pa'i sems kyis yongs spong dang // skye bo rab rib gzeb kyis khengs par gyur pa na// bskal pa chen por rang la sdug bsngal byas par zad // kye ma bstan pa'i sa la phyin nas dam tshig mi ldan na// rgyal pos chad pa gcod pa'i mi ni bzung ba ltar// rnam smin lcags kyus srog gi rlung bzung nas// khro chu kho la mkhar blugs bzod par dka'// kye ma gnas lugs rtogs nas dman pa'i spyod pa nyid byed na// rgyal po khri las babs nas phyag dar byed pa bzhin// zad mi shes pa'i bde ba chen po nyid spangs nas// 'khor ba'i bde la reg pas reg pa nyid kyis 'ching // spros pa rnams dang bral ba'i rang gi sems mthong nas// spros pa rnams la ched du byed pa'i
- 35b
rnal 'byor ni// nor bu rin chen rnyed nas 'ching bu tshol ba bzhin// 'bad pa byas kyang snying po'i sa ni nam yang min// e ma mkha' 'gro gsang ba'i skad// byang chub sems zin pa dang byang chub sems rtogs pas// 'bad pa dang bcas 'bab pa bral ba'i ye shes ni// dam pa rnams kyi zhal gyi bdud rtsi las ni byung // nyi ma zla ba gnyis kyi dbus su gsal bar byed// tshad/ dang ldan pa'i skyes bu'i sna rtse las ni byung // mtshan dang ldan pa'i phyag rgya las ni de sems gcig/ gzugs sogs dngos po'i chos rnams de yis mdog sgyur ba'o// bzhi pa dang bcas man ngag gis ni shes par bya// 'od gsal ba yi chos nyid de ni rab mthong nas// bla ma'i dus thabs bstan pa de ni cher rtogs pa// shes rab pha rol phyin pa dang ni mdo gzhan las rnyed dang // kun la sbyar ba'i sems ni bsgom par bya// phyi dang nang du blta ba med pa'i sems// de ni gang gi mi bsam gang la yang ni sems ma yin// rang bzhin gnas pa rdo rje rtsed mor klu blangs pa/ bde chen gza' gtad bral ba chu bo lta bu bsgom// 'dus pa'i tshogs su spros pa kun gyis g.yengs pa'i sems// 'pho dang 'jug pa med par rang bzhin brtan pa nyid// sems kyi snying po rang dga' bar ni legs btang ste// smyon pa lta bu'i sems ni bya ba dang bral ba// mtha' yis mgos ye shes de ni bsgom par bya// sgom dang bsgom bya med pa'i sems ni rang bzhin bral/ re dogs med pa'i sems ni dmyal bar song srid na yang sdug bsngal med// srid dang 'bras bu mchog la gnas kyang lhag pa yod min pas// bde dang sdug bsngal gnyis kyis phan dang gnod//
- 36a
spangs nas// bzang dang sman pa'i spyod pas 'phel 'grib med// rtogs pa'i ye shes gnyis bral 'di las ma gtogs pa// sangs rgyas che bar 'dod na rmongs par shes par bya// bya ba med pa'i yid kyis gang yang ma btsal na// yon tan btsal mi dgos shing de yi mi mthun bral// rgud dang bstan bcos kun las rnyed min pas// zhe 'dod med pa'i sems la rgyu dri ma bral// gang du'ang ma blta ye shes chen po nyid myong ba// 'khor ba'i dug rnams ni bar nus pa'i rnal 'byor pa// dge slong gzhu'adra rgyal srid kun la dbang bskur byed// mig ni mi 'dzums bsgom du med pa'i rnal 'byor pa// dben pa'i gnas dang gnas mal med pa'i gnas nyid du// chags dang sdang ba spangs pa'i dri ma med pa'i yid// don dam sems kyi ngo bo da ni bsgom par bya// e ma mkha' 'grogasang ba'i skad// dkyil 'khor ba dang sbyin bsregs las stong zhing // sngags dang phyag rgya rab gnas la sogs rnam bral ba// rgyud dang bstan bcos kun gyi de nyid bsgrub par mi nus pa'i// rdo rje ye shes 'di ni rang bzhin gnas na mdzes// gcig gis go bar nus par rin chen brda yi mchog/ sbrul gyi gzeb ltar gzhan la mdzes pa yid ma yin// snying pos snying po mtshon pa bla ma mchog dag la// rtogs pa gzhan la mtshon te de nyid rang la mtshon// dam mkha' nor bu nyi ma lta bu'i mthu mnga' ba// thig le gsum dang yid dran pa dang dran med dang // sbyor ba'i sgra sogs gang la'ang spyad par nus rung ba'i// gser 'gyur rtsi ltar chos rnams thams cad ro mnyam 'gyur// lam sbyang ba la gzhug ma'i ye shes gcig pu gcig/ lam nyid brda ston pa ni bla ma mchog dag gis// gzugs
- 36b
sgra dri ro reg dang chos la bstan par bya// chos rnams thams cad rkyen med par ni skye ma yin// ma skyes pa la mkhas pa'i skal ldan de dag gis// skyes pa thams cad la ni shugs kyis mkhas par 'gyur// tha mi dad pa'i ye shes kho na gcig pu nyid// rang bzhin gzhan pa'i sems kyis rang la bya bar 'gyur// bdag dang gzhan du snang ba'i rang bzhin gcig shes shing / de nyid kho na ma yengs pa yis yongs bzung ste// de nyid sems kyi zug rngu yin phyir btang nas kyang // gang la zhen pa med pas bde ba len par byed// sems la gnod pa'i las ni thams cad kyis stong zhing // rnyed dang len pa'i bya ba gang gis gos pa med// rtsol dang bral zhing gnas skabs glo bur rkyen med par// snang ba sna tshogs phyag rgya 'di ni gzigs mer che// thams cad thams cad thabs su nyer mthong nas// bla mar gyur pa'i chos ni yod ma yin// bar snang mdzub mos mtshon pas bar snang mthong ba med// bla mas mtshon pa'i bla ma de yang de bzhin no// brtul zhugs spyod pa'i rnal 'byor pa ni grong khyer sems// rgyal po'i pho brang spyod cing bu mo dang rtse yang // skur ba mngar zos pa yis sbyar ba mthong ba bzhin// yul rnams thams cad de bzhin nyid du rig/ tshogs kyi 'khor lo nye bar brgyan pa'i gnas nyid du// kun du ru yi skabs su bde ba che mthong nas// brda' dang dam tshig ldan pa'i rnal 'byor rnams kyis ni// srid dang zhi ba nyid legs phyag rgya chen por gnas// oM ma mkha' 'gro gsang ba'i skad// ye shes skyes pa'i rnal 'byor gang la dogs med pas// dbang phyugs rtags dang ldan par mthar skyes btsal bar bya// dman pa'i
- 37a
grong khyer zhugs nas gang dang 'thun pa la// chung ngu chung ngus brid cing chen po de la sbyin// de yis bsnyen bkur byas pa'i rdzas ni ji snyed pa// bdag gir med pa'i sems kyis de la gtad par bya// kun du 'khyam zhing mtshan ma rab tu brtag bya ste// rigs dang kha dog mtshan ldan la sogs rim shes bya// rang gi bu mo sring mo ma dang tsha mo dang // g.yung me tshos ma smad 'tshong gso ras kyis 'tsho ba// sde bsangs dkar sham dmar ser smug nag ma// rme ba can la rgyud sbyangs bslab pa'i phyag rgya ni// bcu drug lo lon rab tu mdzes shing skra ser li// ut+pa la yi dris khyab num sa mkhregs rked pa pra// smad kyi nang rgyas b+ha ga rub cing chags pa'i mdangs// rgyang ma dang bcas gsang thub gus pas rab tu gzhol// dad pa rab tu brtan zhing rtog pa chung gyur pa// rtags gsum ldan pa'i phyag rgya dbang gis smin par bya// yon tan bzung nas rang gis rig pa'i ye shes sbyin// skabs su ro sgoms gnyug ma'i phyag rgya bzung // btsun mo'i shu kra gug pa'i phyag rgya chen po ni// dus kyis bsdu ba byas nas rtog med mkha' la bstim// res 'ga' tshang dus dbus nas ji ltar 'dug/ don gyis don la bltas nas don nyid gar dgar gtang // res 'ga' dur khrod zhugs nas sngon ma dag la spyod// nyam med pa'i sems kyis yi dwags gnas su nyal// rdol pa rnams dang 'grogs te ro yi 'khor lo drang // 'di bya med pa'i spyong pamang du gzung mi bya// glu gar gling bu rtsed 'dzi rol mo'i tshogs su 'jug/ he ru ka yi gar dang drug las skyes sogs glus// sems la gzeng bstod cung zad skyo bar mi bya'o// n+ya thaM
- 37b
tu la ba bgo zhing yan lag zang mas smras// 'khor lo ldan pa'i thor tshugs spyi gtsug dag tu bzung // rus pa'i dum bus yan lag kun la brgyan byas na// glang chen stag gi lpags pas stod dang smad dkris te// kha T+wAM dri li bur ldan pa lag tu thogs par bya// gsang chen smyon pa'i spyod pa lkug par byas nas ni// bya med mi bya med pa'i spyod pa rang shugs kyis// glang chen mtsho ru zhugs 'dra rtag tu smon sems kyis// dman pa'i chos rnams spyad na grol bar mda' bsngon 'dra// e maM mkha' 'gro gsang ba'i skad// sna tshogs chos rnams thams cad don gcig par// rtogs par byed pa bla ma nyid yin te// ngang pa'i mchu dang mtshungs pa'i rje btsun mchog de ni// gus pa'i sems kyis gtsang ma'i spyi bor blang bar bya// gcig tu sems ni mtshon byed bla ma ste// mtshon par byed pa'i gzhi ni slob ma'i snying nyid do// de rtogs pa yi gdug pa thams cad skad cig la// 'joms par byed pa'i dpa' bo de ni drin can pas// don la bltas nas byas pa dran du gzo bya'i phyir// sman pa'i rgyal po de ni rtag tu gzung ba'i phyir// 'khor ba'i rgya mtsho zab cing rgya che las// sgrol ba'i gru mchog de ni gzhan med de// dam pa'i gru la brten nas bde chen rnyed gyur pa'i// stobs chen mnyam pa de ni g.yo med kun gyis bkur// ye shes nyi ma lta bu'i 'od zer dag pa yis// ma rig rig par byed pa'i ye shes mchog de ni// gser 'gyur rtsi ltar chos rnams thams cad bde bar bsgyur mdzad pa// thabs la mkhas pa'i 'khor los skur rgyal rtag du bsten// chu bo lta bu'i sems kyis gnyis lha zil gnon cing // gang ma spangs
- 38a
pa'i gos pa med pa'i ye shes ldan// blo ma bcos pa blo yi rnam pa gnas gyur pa// bla ma dam pa'i zhal gyi bdud rtsi las ni byung // sems dang sems las byung zhes tha snyad pa rnams kyis// brtag pa 'di ni rnal 'byor pa yi grogs rnams su// 'gyur bar byed pa bla ma'i zhabs kyi pad+mo ste// thams cad dge ba'i bshes su gyur pa de las byung // rgyud rnams kun du sbas shing tha snyad kyis dben pa// sangs rgyas rnams kyi gsang ba sus kyang shes mi 'gyur// man ngag mig gis mthong zhing dbang po'i ros khyab pa// rgya dang 'bras bur btags kyang ngo bo de dbyer med// smon lam snying rje'i stobs kyis gzugs sku rnam gnyis 'byung // bum pa bzang dang dpag bsam shing dang nor bu ltar// gang gis bzung ba med pa'i sku ni rab tu mdzes// gdul bya sna tshogs pa la sna tshogs gzugs shar bas// de dag thams cad bsam mi khyab kyi sprul pa ste// bsam du med pa'i ye shes rang byung de ni gang bsgom pa// de ni 'bras bu ma lus bsgoms par gyur pa yis// theg pa chen po bla med snying po'i lam de ni// 'bras bu lam du khyer nas gdod nas 'bras bur gnas// gzhan don phun tshegs pa ni 'bras bu'i mchog yin te// sbyangs// pa'i gtso bor gyur pa tshogs pa las ni byung // grol ba chen po las sbyangs re ba med pa'i sems// rgyun mi 'chad pa'i mthu las nges par rnyed par 'gyur// skyes bu rin chen gang la lha rdzas 'di skyes pa// gdug pa thams cad skad cig gcig la nyer zhi thi ma// seng ge glang chen stag dang dred dang dom// gcan zan khro bo dug sbrul me dang gaM yang sa dang // rgyal po'i chad pa dug
- 38b
dang thog dang lce 'bab pa// thams cad ngo bo de nyid yin phyir gnod pa med// rnam rtog dgra chen choms pas dgra rnams thams cad choms// bdag lha'i gdug pa thul bas gdug pa thams cad thul// de phyir sems kyi nor bu 'di ni dam par byas// e ma mkha' 'gro gsang ba'i skad// sku dang gsung dang thugs kyi gsang ba gang rig pa// skyes bu de la gdug pa'i lkug pa yod ma yin// las rnams gang la dge dang sdig pa gnyis rtog pa// gang zhig rtsom pa 'di ni gdug pa'i sbyor bar bshad// gang zag gang gis spyad pa de ni rang gis rang bcings pa'o// mos pa rgyun chags pa yind kyis 'khor bar lhung // rtog ges dgos pa med cing snga mas chog par zad// gang la dmigs kyang dmigs pa de yis thar pa sgrib// bzang bar brtags kyang de yi nad kyis dman par lhung // dman pa'i las la brtags pas rnam smin rgyun mi 'chad// brtags pa med pa'i sems ni nam mkha' lta bur gnas// nam mkha' gnas pa med pa de nyid tha snyad bral// bral ba'i sems la brtags dang dpyad pa mi dgos kyis// rang bzhin bzhag pa ji lta bu nyid de lta nyid// 'bras bu thogs pa med pa gdod nas rang la gnas// de phyir re dang dogs pa'i gnyen pos 'ching mi dgos// brda dang tha snyad brtags pa kun dang de bzhin te// yang dag ma yin yin pa mkhas pa kun gyi yul// rgyu dang 'bras bu dbyer med 'di ni snying po'i sems// de myong ba yi 'bad pa kun la btsal mi dgos// dam pa bsten nas nyan thos pa lhur len dang // yon tan dbang las 'byung zhes byin brlabs nod pa dang // ting 'dzin blor gzhag nas ni sbyor dang bsgom pa dang /
- 39a
phan des sngon du song nas brtul zhugs gang spyod pa// de dag log spyod gang bcos ma tsam la spyod pa yin// snying po'i sems ni skyon dang yon tan rnams dang bral// don de nyid la bya ba gang yang mi dgos kyis// bya ba btang ba'i sems ni bde ba che mchog nyid// lnga rig pa la sogs pa zhe 'did gdon gyis zin// dngos por 'dzin pa'i dug gis rang gi sems la khyab// zhabs kyi rdul la reg na ye shes rig par 'gyur// sna tshogs dngos po'i tshes la stong pa'i mda' 'phen dang // stong pa'i thabs kyis myong bar 'gyur byed dang // shes rab shes pas snang ba gzhal byar mthong ba de// shes rab de ni bla med slob dpon dag las byung // nyon mongs thams cad thabs kyi mchog tu sgyur byed dang // rtog pa'i zug rngu gang gis sgyur byed mi nus pa// 'di ni man ngag snying po las ni nges 'byung ste// de yang rje btsun mthu las nges par rnyed pa 'byung // de phyir brgyud par ldan pa'i byin brlabs gang ldan pa// dus thabs bstan pas mkhas pas rtag tu brten par bya// e ma mkha' 'gro gsang ba'i skad// thabs dang shes rab rang bzhin nyid rtogs na// 'od gsal las ni lhan cig skyes pa rnyed par 'gyur// zla ba rgyas 'dra ba ni goms pa las 'byung ste// gsal bar byed pa sA lu nyi zla'i 'od ltar spyod// dngos grub kun gyi rtsa ba rdo rje slob dpon te// legs par sbyangs pa'i rgyu nyid 'bras bu kun gyi lus// bde bar gshegs pa'i bka' dang 'thun par bya ba'i phyir// byang chub sems dpa' bde ba'i mgon pos legs gsungs pa// chos dang longs spyod rdzogs dang sprul pa'i sku// ngo bo nyid kyi sku ni nu 'bras rab shes bya/
- 39b
sgro skur gnyis kyis stong pa gnyis med chos yin te// ngo bo nyid kyi bde ba de nyid longs spyod che// sna tshogs pa yi 'gro ba thams cad sprul pa yang // dbyer med ye shes ngo bo nyid ni kun gyi bdag/ skye bar byed dang bya ba'i rang bzhin mi dmigs kyang // goms pa'i mthu yis dogs pa thams cad zil mnan nas// 'bras bu nyid ni rang dang gzhan gyi phun tshogs yin// phyi// rol spangs pa'i sems ni nang du 'dzeg pa can// snying po'i las spyod rnams kyis 'di nyid bsam pa'i rigs// spos dang spun pa phyir bsal nas// gnyug ma'i dbang po las skyes shing / don gyi snying po bla na med// rtogs pa bcu yi sa la gnas// rnal 'byor ye shes gang 'dod la// rim dang cig car gyis 'jug pa'i// ye shes mchog gi go 'phangs rnams// rtog pas phyag rgya che thob shog/ rnal 'byor gyi dbang phyug chen po sa ra ha chen po'i zhal lda nas mdzad pa'i gter mdzod man ngag gi glu zhes bya ba/ de kho na nyid rnal du mtshon pa don dam pa'i yi ge rdzogs so// gad ta mdzad cas bya ba spyod pa'i klu'i 'brel pa don gyi ston pa zhes bya ba bzhugs so// @#// rgya gar skad du/ do ha ko Sha nA ma tsAr+ya gI tA~M ar+tha pra dI pa nA ma nI kA/ bod skad du/ do ha mdzod ces bya ba spyod pa'i glu'i 'grel pa don gyi sgron ma zhes bya ba 'phags pa 'jam dpal gzhon nur pa la phyag 'tshal lo// rtog med spros bral bde ba chen po'i dbyings// yid la mi byed phyag rgya chen po'i ngang // rkyen bral rje gsum sku gsum lhun grub pa'i// don ston bla mgong ma rnams la 'dud// don dam spos bral sra bzhis bdud bzhi 'joms// thig le gsum gyis sku gsum ngo sprad pa'i// dran med/
Colophon
rnal 'byor gyi dbang phyag chen po sa ra ha chen po'i zhal snga nas mdzad pa'i gter mdzod man ngag gi glu zhes bya ba/_de kho na nyid rnal du mtshon pa don dam pa'i yi ge rdzogs so/