F136MW1KG13607_0136mdo sdeAll versions of this work

tshul khrims yang dag par ldan pa zhes bya ba'i mdo

Śīlasanyuktanamasūtra

Text

ff. 329a–330b · 4 folio sides

  1. 329a

    gnyen 'tshams mang ba'i bar snga ma bzhin no// de'i longs spyod gang dag brtson 'grus brtsams pas thob pa lag mthus bsgrubs pa/ rdul cing dri ma chags chagasu bsgrubs pa/ chos dang ldan pa/ chos kyis thob pa de dag la yang rgyal po 'am/ rkun po 'am/ me 'am chu 'am/ mi 'dza' ba bgo skal la spyod pa 'am/ gang las kyang bar chad mi 'byung ba yin te/ gzhan la mi gnod par sbyin pa byin pa'i 'bras bu rnam par smin pa de lta bu 'dod par bya'o// bcom ldan 'das kyis de skad ces bka' stsal te/ bde bar gshegs pas de skad gsungs nas/ 'di ltar spen pas gzhan yang 'di skad ces bka' stsal to// dad cigs par byas te rang gi lag pa nas/ dus su gnod pa med par mkhas pas sbyin pa byed/ sbyin pa rgya che ba dang chen po 'dir byin nas/ kun bgod byed pa de ni/ bzang 'gror 'gro ba yin/ bcom ldan 'das kyis de skad ces bka' stsal nas/ dge slong de dag yid rangs te/ bcom ldan 'das kyis gsungs pa la mngon par bstod do// 'phags pa skyes bu dam pa'i mdo rdzogs so// / rgya gar gyi mkhan po dar ma ka ra dang / lo tsA ba ban de bzang skyong gis bsgyur cing ban de dpal brtsegs kyis zhu chen bgyis// @rgya gar skad du/ shI la san yuk+Shan ma sU tra/ bod skad du/ tshul khrims yang dag par ldan pa zhes bya ba'i mdo/ thams cad mkhyen pa la phyag 'tshal lo// 'di skad bdag gis thos

  2. 329b

    pa dus cig na/ bcom ldan 'das mnyan du yod pa dang / rgyal bu rgyal byed kyi chal mgon med zas sbyin gyi kun dga' ra ba na/ dge slong gi dge 'dun chen po brgya phrag byed dang ba gsum dang thabs gcig tu bzhugs te/ de na bcom ldan 'das kyis dge slong rnams la bka' sku pa/ dge slong dag shes pa ni 'grib/ srog ni 'chad/ tshe'i 'du byed ni 'dor/ ston pa'i bstan pa yang nges par 'jig par 'gyur na/ ci'i phyir na brtson 'grus dang brtul bas brtan por bsgrub par mi byed/ mi lus thob pa ni shin du rnyed pa'i rgyal ba'i bstan pa la rab tu 'byung ba'ang rnyed na/ thar pa'i don dang mi mthun pa dag bslus shing / sdug bsngal bar gyur ta re/ srog dang bral zhing shi ba ni sla'o// tshul khrims ral cing zhig pa ni de lta ma yin no// de ci'i phyir zhe na/ srog dang bral ba de nyid kyi skye bor zhig par zad kyi/ tshul khrims nyams pa ni skye ba 'bum phrag brgya'i bar du rigs dang bral zhing bde ba spangs te/ rnam par lhung zhing nyams par 'gyur ro// de'i phyir ston pas tshul khrims rab sngags bshad/ tshul khrims bsrungs pas sangs rgyas 'byung dang phrad/ tshul khrims ldan pa rnams kun gyi mchog/ tshul khrims 'byor pa dri dang byug pa yin// tshul khrims ldan pa dga' ba kun gyis gnas// tshul khrims gdung ba sel ba bse ba'i chu// tshul khrims ldan pa 'jig rten kun gyis bstod// tshul khrims dag gi 'gro ba dam pa'i mnos// ji ltar sbrul gdug klu chen nag po yang // tshul khrims

  3. 330a

    ldan la gnod med gzhan ci smos// tshul khrims can gyi dge slong 'od dang ldan// tshul khrims ldan pa grags 'gyur bde ba thob// tshul khrims ldan pa mtho ris 'gro ba'i rgyu// ji ltar mig med gzugs lta mi rung ltar// de bzhin tshul khrims chos kun bskyed pa'i gzhi// ji ltar rkang med lam 'jug pa/ la nus// de bzhin tshul khrims med na thar mi 'gyur// ji ltar bum pa bzang po rin chen snod// de bzhin tshul khrims chos kun bskyed pa'i gzhi// ji ltar bum chag rin chen snod mi rung // de bzhin tshul khrims ral na chos kun gtugs// dang po tshul khrims ma thob gyur pa des// phyis nas mya ngan 'das pa thob snyam 'am/ sna med rna rdum la sogs gang yin pa// de la me long dag ni dgos mi 'gyur// rna bas mang thos mig sngar ma mthong yang // bstan bsrung mi des mtho ris 'gro bar 'gyur// thos min thos ldan thos bsrul mtho ris nyid// bud med yid brtan ga la rung // rgyal po'i pho brang ga la dga'// dbu ba'i snying po ga la yod// longs spyod rtag pa ga la yin// bud med dag la rung ba med// rgyal srid dag la dge ba med// dbu ba dag la snying po med// longs spyod dag la rtag med// longs spyod dag ni 'bab chu bzhin// gru ci 'dra ba khyim de bzhin// me tog ci 'dra gzugs de bzhin// srog ni chu bur 'dra ba yin// bcom ldan 'das kyis de skad ces bka'

  4. 330b

    stsal nas/ bcom ldan 'das kyis gsungs pa la mngon par bstod do// tshul khrims yang dag par ldan pa zhes bya ba'i mdo/ rdzogs so// / rgya gar gyi dge slong d+ham pa la dang / lotsA ba gnas brtan chen po ye shes brtson 'grus kyis bsgyur/ bkra shis/ zhu dag go/ rgya gar skad du/ Ar+ya ar tha bi sta ro na ma d+harma par+ya ya/ bod skad du/ 'phags pa don rgyas pa zhes bya ba'i chos kyi rnam grangs/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa'i dus cig na/ bcom ldan 'das mnyan yod na/ rgyal bu rgyal byed kyi tshal mgon med zas byin gyi kun dga' ra ba na/ bzhugs so// de nas tshe dang ldan pa shi'i'i bus dge slong rnams la smras pa/ tshe dang ldan pa dag khyed la/ chos thog mar dge ba/ bar du dge gza mar dge ba don bzang po// tshig bzang po// ma dres pa/ yongs su rdzogs pa/ yongs su byang ba/ tshangs par spyod pa bstan par bya ste/ 'di lta ste/ don rgyas pa zhes bya ba'i chos kyi rnam grangs rab tu bshad kyi/ de legs par rab tu nyon la/ yid la zung shig dang bshad do// don rgyas pa'i chos kyi rnam grangs gang zhe na/ tshe dang ldan pa dag/ dal ba tshogs pa bcu gnyis po 'di dag ni/ 'phags pa'i chos 'thob par 'gyur ba ste/ 'di lta ste/ bdag gis 'byor pa dang / gzhan gyi 'byor pa dang / mi nyid dang yul

Colophon

tshul khrims yang dag par ldan pa zhes bya ba'i mdo// rdzogs so// rgya gar gyi dge slong d+harma pa la dang/ lots+tsha ba gnas brtan chen po ye shes brtson 'grus kyis bsgyur/