S635MW22083_0635rgyudAll versions of this work

snang ba mtha' yas rjes su dran pa

Text

ff. 205a–206a · 3 folio sides

  1. 205a

    pas bskor ro/ / dad pa'i rigs kyi bu 'am/ rigs kyi bu mo gang la la mos pa dang / drad pa dang / gus pa mang ba de der skye bar 'gyur te/ gser gyi sa gzhi chen po la rin po che sna bdun gyi pad+ma chen po dag la rdzus te skye bar 'gyur ro/ / dge slong dag dge slong pha 'am/ dge slong ma 'am/ dge bsnyen pha'am/ dge bsnyen ma gang la la bcom ldan 'das de bzhin gshegs pa tshe dpag med de'i mtshan yang dag par 'dzin pa de la me'i 'jigs pa mi 'byung / chu'i 'jigs pa mi 'byung / dug gi 'jigs pa mi 'byung / mtshon cha'i 'jigs pa mi 'byung // gnod sbyin gyi 'jigs pa mi 'byung/ srin po'i 'jigs pa mi 'byung ngo // sngon gyi rnam par smin pa ni gang la'ang ma gtogs so// bcom ldan 'das kyis de skad ces bka' stsal nas/ dge slong de dag dang / thams cad dang ldan pa'i 'khor de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa tshe dang ye shes dpag tu med pa'i snying po zhes bya ba'i gzungs rdzogs so/ / / rgya gar gyi mkhan po puN+ya saM b+ha wa dang / zhu chen gyi lo tsa ba pa tsha ba nyi ma grags kyis bsgyur ba'o// rgya gar skad du/ b+ha ga ban a mi tA b+ha d+hA ra Ni man+ta/ bod skad du/ bcom ldan 'das snang ba mtha' yas kyi gzungs sngags bcom ldan 'das de bzhin gshes

  2. 205b

    pa dgra btsem pa yang dag par rdzogs pa'i sangs rgyas snang ba mtha' yas la phyag 'tshal lo/ / tad+ya thA/ a mi te/ a mi tod b+ha be/ a mi ta saM b+ha be/ a mi ta bi krAn taM ka re/ a mi ta ga ga na kIrti ka / re sarba kle sha kA yaM ka ri swA hA/ gzungs 'di'i yon tan ni bskal pa brgya stong du bsags pa'i las kyi sgrib pa'ang 'di lan gsum bzlas brjod byas na sgrib pa de rnams zad par 'gyur ro// lan nyi shu rtsa gcig bzlas na rtsa ba bzhi'i ltung ba'ang sdig pa yongs su 'byang bar 'gyur te/ sangs rgyas stong la dge ba'i rtsa ba bskrun par 'gyur ro// bcom ldan 'das snang ba mtha' yas rjes su dran pa la phyag 'tshal lo// na mo rat+na tra yA ya/ ma hI du hi ke swA hA/ lus la nad byung ba dang / nad khong bskams su gyur kyang rung ste/ lan nyi shu rtsa gcig bsngags te/ bsil yab kyis de la g.yabs na nad med par 'gyur ro// gzungs sngags de gsungs ma thag tu 'khor thams cad yi rangs te/ bcom ldan 'das kyis gsungs pa la mngon par bstod do// bcom ldan 'das snang ba mtha' yas kyi gzungs rdzogs so// / bcom ldan 'das snang ba mtha' yas de bzhin gshegs pa dgra bcom pa yang dag par rdzogs pa'i sangs rgyas la phyag 'tshal lo// tad+ya thA/ a mi te/ a mi tod b+ha be/ a mi ta saM b+ha be/ a mi ta bi krAn+ta gA mi ni/ ga ga na kIrti ka re/ sarba kle sha kA yaM ka ri swA hA/ gzungs 'di'i yon tan ni bskal pa brgya stong du bsags pa'i las kyi sgrib pa'ang lan gsum bzlas pa byas na de rnams zad par rig

  3. 206a

    par bya'o/ / nyi shu rtsa gcig tu bzlas pa byas na rtsa ba bzhi'i ltung ba'ang sdig pa yongs su 'byang bar 'gyur te/ sangs rgyas stong la dge ba'i rtsa ba bskrun par yang 'gyur ro// snang ba mtha' yas rjes su dran pa rdzogs so/ / / rgya gar skad du/ Ar+ya ba lo ki te shwa ra pad+ma dz+wa la mU la tan+tan+t+ra rA dza nA ma/ bod skad du/ 'phags pa spyan ras gzigs dbang phyug gi rtsa ba'i rgyud kyi rgyal po pad+ma dra ba zhes bya ba/ byang chub sems dpa' 'phags pa spyan ras gzigs dbang phyug thugs rje chen po dang ldan pa le gus par phyag 'tshal lo// 'di skad bdag gis thos pa dus gcig na/ bcom ldan 'das hi ma la ya'i tshal chen po tsan dan sdong po dang myu gu rgyas pa'i dkyil 'khor gyi tshogs chen po dang thabs cig tu bzhugs te/ 'di lta ste/ tshe dang ldan pa 'od srungs chen po dang / tshe dang ldan pa g.ya 'od srungs dang / tshe dang ldan pa rlangs pa dang / tshe dang ldan pa kun 'ged gzhon nu dang / tshe dang ldan pa ma 'gags pa dang / tshe dang ldan pa shA ri'i bu dang / tshe dang ldan pa mo'u 'gal gyi bu chen po dang / tshe dang ldan pa rab 'byor la sogs pa dge slong gi dge 'dun chen po stong nyis brgya lnga bcu dang / byang chub sems dpa' chen po 'di lta ste/ pad+ma dkar po dang / nyi 'od dang / gzungs kyi dbang phyug rgyal po dang / pad+ma'i spyan dang / ye shes dbang phyug dang / pad+ma'i dbang phyug dang / rdo rje'i snying po dang / rin chen snying po dang / kun tu bzang po dang / sgrib pa rnam par sel ba dang

Colophon

snang ba mtha' yas rjes su dran pa rdzogs so/